Qeveria suedeze po përgatit një projektligj që parashikon uljen e moshës së përgjegjësisë penale nga 15 në 13 vjeç për krime shumë të rënda, si vrasja, tentativa për vrasje, përdhunimi dhe veprat ku përdoren armë. Nisma vjen në një kohë kur autoritetet flasin për një “situatë emergjente”, duke theksuar se bandat kriminale po rekrutojnë gjithnjë e më shumë fëmijë për të kryer akte dhune.

Ministri i Drejtësisë, Gunnar Strömmer, deklaroi se rrjetet kriminale po shfrytëzojnë faktin që të miturit nën 15 vjeç nuk mbajnë përgjegjësi penale, duke i përdorur ata si ekzekutorë të veprave të rënda. Sipas të dhënave zyrtare, gjatë dekadës së fundit është dyfishuar numri i rasteve penale ku të dyshuarit janë nën moshën 15 vjeç.

Projektligji parashikon që ulja e moshës të aplikohet vetëm në rrethana të jashtëzakonshme dhe jo si rregull i përgjithshëm. Në disa raste, fëmijët e përfshirë në krime të rënda mund të përballen edhe me dënime me burg. Qeveria e sheh këtë masë si një mënyrë për të mbrojtur si të miturit nga shfrytëzimi i bandave, ashtu edhe shoqërinë nga rritja e dhunës.

Megjithatë, propozimi ka ngjallur reagime të forta nga policia, prokuroria dhe administrata e burgjeve, të cilët paralajmërojnë se sistemi penal nuk është i përgatitur për trajtimin e fëmijëve kaq të vegjël. Kritikët argumentojnë se theksi duhet të vihet te rehabilitimi dhe programet sociale, jo te ndëshkimi penal, duke e konsideruar nismën edhe si të motivuar politikisht në prag të zgjedhjeve.

Projektligji pritet t’i dërgohet Këshillit Suedez për Legjislacion për shqyrtim dhe më pas parlamentit për votim. Nëse miratohet, ai mund të hyjë në fuqi që këtë verë.

The post Nga 15 në 13 vjeç: Suedia shqyrton uljen e moshës penale testuese për krime të rënda appeared first on iconstyle.al.

Ish-banorja e “Big Brother VIP”, Alexandra, ka bërë një rrëfime në një intervistë të fundit, ku ka folur hapur për jetën personale, martesën dhe raportin e vështirë me prindërit e saj. Ajo ka treguar se marrëdhënia me ta është e ftohtë dhe se prej kohësh mungon komunikimi, për shkak të ndërhyrjeve që ata kanë pasur në problemet e saj martesore.

Alexandra u shpreh se këto ndërhyrje kanë sjellë tensione të mëdha dhe distancë emocionale, duke bërë që sot të mos flasin me njëri-tjetrin. Sipas saj, pavarësisht se i do dhe i respekton, ajo ka nevojë për kohë dhe qetësi për veten, përpara se të rikthejë dialogun.

Ajo zbuloi gjithashtu se pas daljes nga BBV, prindërit kanë tentuar ta kontaktojnë përmes mesazheve, por ajo ka zgjedhur të mos përgjigjet menjëherë. “Jam një person që fal, por i jap kohë vetes”, u shpreh ajo, duke theksuar se mbetet e fortë, edhe pse e lënduar, dhe se lidhja e saj më e afërt sot është me fëmijët, të cilët i konsideron mbështetjen më të madhe emocionale.

Marrëdhënia ime me prindërit më prek, nuk kemi fare komunikim. Kanë ndërhyrë në mosmarrëveshje që kam pasur me burrin. Nuk i kam qejf njerëzit kur ndërhyjnë në jetën time. Jemi zënë shumë keq, nuk flasim me njëri-tjetrin. Jam edhe pak kokëfortë, kur nuk kam gabime, nuk jam person që ulem shpejt. Mbase me kalimin e kohës do flasim. E vuaj shumë, ku ka si nëna. Kur kam dalë pas “BBV” kanë tentuar të më kontaktojnë. Më nisën mesazh, iu përgjigja. Unë jam person që fal shumë, po i jap kohë vetes time. Nuk është se nuk i dua, më mungojnë jashtëmase, por tani dua qetësinë time. Takohen me fëmijët, jemi shumë afër njëri-tjetrit.

The post Ish banorja e “BBVA” flet për herë të parë për konfliktin me prindërit: Më kanë ndërhyrë në martesë appeared first on iconstyle.al.

Familja e Rogertit ka reaguar publikisht pas vendimit të Vëllait të Madh për të anuluar televotimin dhe për të futur në shtëpinë e “Big Brother VIP Albania” dy zarfa të zinj, si pasojë e situatës së rëndë të krijuar mes tij dhe Malit si dhe situatave të tjera që shtëpi, qe do ti mësojmë mbrëmjen e sotme.

Në deklaratën e publikuar, familjarët pranojnë se debati mes Rogertit dhe Malit ka kaluar në tone të ashpra dhe jo të denja për t’u parë e dëgjuar, duke u shoqëruar me ofendime nga të dyja palët. Ata theksojnë se tensioni i krijuar është rezultat i presionit dhe stresit të lojës, e cila shpesh i çon banorët në reagime ekstreme.

Kujtojmë se Rogerti ka bullizuar rëndë Malin, duke përmendur edhe familjen e tij, çka ka sjellë reagimin e menjëhershëm të produksionit dhe ndërhyrjen disiplinore përmes dy zarfave të zinj dhe pezullimit të përkohshëm të televotimit.

Familja e Rogertit shprehet se, ndonëse respekton vendimet e Vëllait të Madh dhe rregullat e formatit, kërkon që situata të vlerësohet në mënyrë objektive, pa ndikim emocional dhe duke u parë nga të gjitha këndvështrimet. Ata theksojnë se Rogerti, ashtu si çdo banor tjetër, ka hyrë në lojë duke vënë në rrezik imazhin dhe jetën personale përballë publikut, në një format ku presioni psikologjik është i jashtëzakonshëm.

“Respektojmë çdo vendim të produksionit, por kërkojmë drejtësi dhe balancë në gjykim”, përfundon reagimi i familjes, duke i qëndruar pranë Rogertit në këtë moment të vështirë brenda shtëpisë së BBVIP.

The post Pas anulimit të televotimit dhe dy zarfeve të zinj, familja e Rogertit thyen heshtjen appeared first on iconstyle.al.

Aktorja e njohur hollywoodiane, Sydney Sweeney, mund të përballet me probleme ligjore pas një veprimi të fundit që ka shkaktuar polemika në rrjet.

Sweeney publikoi në rrjetet sociale një video ku shihet duke u ngjitur në tabelën ikonike të Hollywood-it, ndërsa mban veshur reçipeta nga linja e saj e re e të brendshmeve, e cila ende nuk ka dalë zyrtarisht në treg. Veprimi u interpretua si një formë marketingu, por autoritetet lokale pretendojnë se ai është kryer pa lejen e nevojshme.

Sipas organizatës jofitimprurëse FilmLA, e cila menaxhon lejet për xhirime në zonën e Los Anxhelosit, aktores i ishte dhënë leje vetëm për të filmuar pranë tabelës së famshme, por jo për ta prekur apo për t’u ngjitur fizikisht mbi të.

Edhe Dhoma e Tregtisë së Hollivudit ka reaguar, duke sqaruar se Sweeney nuk ishte e autorizuar të hipte në monumentin simbol të qytetit. Drejtori ekzekutiv, Steve Nissen, ka deklaruar se aktualisht po shqyrtohet se kush i dha akses aktores dhe ekipit të saj në këtë zonë të mbrojtur.

Sipas burimeve, ky gjest mund të çojë në akuza për shkelje prone ose vandalizëm, nëse konstatohet se janë thyer rregullat e sigurisë dhe të ruajtjes së monumentit. Deri tani, përfaqësuesit e aktores nuk kanë reaguar zyrtarisht, ndërsa videoja vazhdon të bëjë xhiron e rrjeteve sociale, duke ndezur debate mbi kufijtë mes reklamës dhe shkeljes së ligjit.

@dailymail

Sydney Sweeney could face criminal charges after hanging bras on the Hollywood sign as part of a promotional stunt for her new lingerie line. A new video shared by Sweeney shows the actress and her team loading up a van with duffle bags full of lingerie and driving up into the Hollywood Hills. While the Hollywood star reportedly obtained a filming permit, officials have reportedly said it may not have authorised the activity seen in the video. Trespassing on the site can result in a misdemeanor charge, meaning a fine of up to $1,000 or up to six months of jail time. #sydneysweeney #hollywood #usa

♬ original sound – Daily Mail

The post Reklamë apo shkelje? Sydney Sweeney në qendër të polemikave appeared first on iconstyle.al.

Tiroidja është një gjëndër në formë fluture, e vendosur në pjesën e përparme të qafës, e cila luan një rol kyç në funksionimin e organizmit. Ajo prodhon hormonet tiroide T3 dhe T4, të cilat rregullojnë metabolizmin, energjinë, temperaturën e trupit dhe funksionin e shumë organeve. Kur kjo gjëndër nuk funksionon siç duhet dhe prodhon më pak hormone se normalja, shfaqet hipotiroidizmi.

Hipotiroidizmi shoqërohet me një sërë simptomash, si lodhja e vazhdueshme, shtimi në peshë, kapsllëku, depresioni dhe përgjumja. Megjithatë, mjekët theksojnë se disa shenja të kësaj gjendjeje mund të vërehen lehtësisht edhe përmes duarve.

Një nga shenjat më të shpeshta janë duart vazhdimisht të ftohta, që lidhen me qarkullimin e dobët të gjakut. Aktiviteti i ulët i tiroides ndikon në rritjen e homocisteinës, një aminoacid që lidhet me probleme kardiovaskulare dhe rrjedhje të dobët të gjakut.

Po ashtu, lëkura e duarve mund të bëhet e thatë dhe e rrudhur. Rrudhat dhe vijat e holla në lëkurë janë më të dukshme te personat me hipotiroidizëm, për shkak të mungesës së hidratimit dhe ngadalësimit të proceseve metabolike.

Një tjetër shenjë dalluese është ngjyra e verdhë e lëkurës, veçanërisht në pëllëmbët e duarve, e cila vjen si pasojë e uljes së hormoneve tiroide. Ndryshime vërehen edhe në thonj, të cilët bëhen të brishtë, humbasin shkëlqimin dhe thyhen lehtësisht.

Në disa raste, hipotiroidizmi favorizon shfaqjen e onikomikozës, një infeksion mykotik i thonjve, i lidhur me qarkullimin e dobët të gjakut në gjymtyrë. Specialistët këshillojnë që çdo ndryshim i pazakontë të mos neglizhohet dhe të kërkohet konsultë mjekësore për diagnozë të saktë dhe trajtim në kohë.

The post Çfarë tregojnë duart për shëndetin e tiroides? Shenjat paralajmëruese appeared first on iconstyle.al.

Produksioni i “Vëllait të Madh” ka marrë masa të menjëhershme, duke anuluar televotimin e planifikuar për ditën e sotme, ku ishin në nominim 10 banorë. Vendimi është bërë i ditur përmes një njoftimi zyrtar të publikuar në faqen e programit në Instagram.

Sipas postimit të shpërndarë, thuhet se janë marrë masa të posaçme, të cilat do të bëhen të ditura mbrëmjen e sotme gjatë spektaklit.

“Njoftim zyrtar! Anulohet televotimi. Televotimi aktual anulohet, Vëllai i Madh ka marrë masa të cilat do të zbulohen mbrëmjen e sotme”- shkruhet në postim.

View this post on Instagram

A post shared by Big Brother Alb VIP Edition (@bigbrotheralb_vip)

Televotimi i anuluar përfshinte 10 banorë të shtëpisë së “Big Brother VIP Albania”. Në nominim për këtë javë ishin: Angelo, Artan, Kelsi, Juela, Greta, Krusita, Rogert, Mal, Miri dhe Mateo. Me vendimin e “Vëllait të Madh” për anulimin e televotimit, mbetet e paqartë se si do të procedohet më tej me fatin e tyre në lojë, ndërsa sqarimet zyrtare pritet të jepen gjatë spektaklit të mbrëmjes.

Banorët ende nuk janë informuar për pasojat konkrete të këtij vendimi, ndërsa publiku pret me interes të mësojë nëse do të ketë rikonfigurim të nominimeve, penalizime apo ndryshime të tjera në rregullat e lojës.

The post Çfarë ndodhi? Anulohet televotimi, masa të rrepta për banorët! appeared first on iconstyle.al.

Numri i personave që kanë humbur jetën si pasojë e stuhisë së fuqishme dimërore “Fern” në Shtetet e Bashkuara është rritur në 34, ndërsa autoritetet paralajmërojnë se situata mbetet tepër e rrezikshme për shkak të temperaturave ekstreme që pritet të vazhdojnë gjatë gjithë javës.

Stuhia ka përfshirë një territor të gjerë të vendit, nga Teksasi deri në Massachusetts, duke sjellë reshje të dendura bore, erëra të forta dhe të ftohtë ekstrem. Viktima janë raportuar në disa shtete, ndërsa shkaqet e vdekjeve lidhen kryesisht me hipoterminë, aksidentet rrugore, rrëzimin e pemëve, përdorimin e pasigurt të gjeneratorëve dhe incidente ajrore.

Një nga rastet më tronditëse është shënuar në New Jersey, ku një burrë 67-vjeçar u gjet i pajetë jashtë shtëpisë së tij, me lopatën e borës në dorë. Autoritetet dyshojnë se ai ka ndërruar jetë gjatë pastrimit të borës, si pasojë e kushteve ekstreme të motit.

Sipas Shërbimit Kombëtar të Motit, temperaturat e ndjera për shkak të erërave të ftohta kanë zbritur deri në -50 gradë Fahrenheit, duke e bërë qëndrimin jashtë jashtëzakonisht të rrezikshëm edhe për disa minuta. Paralajmërimet për ngrirje dhe hipotermi janë në fuqi për miliona qytetarë.

Situata është përkeqësuar edhe nga ndërprerjet masive të energjisë elektrike. Mbi 525 mijë familje kanë mbetur pa drita, kryesisht në Tenesi, Misisipi dhe Luiziana. Në disa zona është shpallur gjendje e jashtëzakonshme, ndërsa transporti ajror është paralizuar me mijëra fluturime të anuluara ose të vonuara.

Meteorologët paralajmërojnë se një tjetër stuhi dimërore pritet të godasë bregun lindor gjatë fundjavës, duke u bërë thirrje qytetarëve të shmangin daljet e panevojshme dhe të tregojnë kujdes maksimal.

The post Rritet bilanci i viktimave, 34 të vdekur nga stuhia vdekjeprurëse “Fern” në SHBA appeared first on iconstyle.al.

Ishte mjeku pediatër Edi Tushe, i cili përmes një reagimi zyrtar u shpreh se emri i tij po përdoret pa autorizimin e tij. Ai tha se nuk e ka autorizuar Pitarkën apo asnjë person tjetër të përdorë emrin e tij për të promovuar dieta për fëmijë, këshilla ushqimore apo përfitime personale të çfarëdo forme.

Menjëherë ka ardhur edhe reagimi nga vetë Pitarka, e cila u shpreh se postimet e saj ishin vetëm informacione të përgjithshme për të ndihmuar prindërit që nuk përballojnë dot klinikat private.

Tushe, i ftuar në podkastin “Shëndet me Almën” nga Alma Demiraj, ka thyer heshtjen duke dhënë detaje lidhur me këtë debat që mori përmasa të mëdha. Ai u shpreh se nuk ka bërë asnjëherë kompromise me profesionin e tij, teksa u bëri thirrje prindërve të mos u referohen rrjeteve sociale.

“Ato janë shpesh herë çorientuese, sepse informacioni që japin është i ndryshëm. Çdo individ është i ndryshëm nga tjetri. Unë mendoj që rrallë një nënë dëmton fëmijën e vet. Nuk mendoj se të gjithë prindërit i referohen rrjeteve sociale; ata gjithmonë kanë një këshillues dhe i drejtohen mjekut. Informacionet e marra nga rrjetet sociale shpesh janë të gabuara dhe nuk duhet të përdoren si element orientues për fëmijën.

Unë, gjatë gjithë jetës sime, nuk kam bërë kompromise me profesionin tim, veçanërisht me ata që janë tregtarë. Kur jap një informacion, e jap për këdo. Natyrisht, kontakti me pacientin dhe rasti janë shumë individualë dhe nuk mund të përdoren apo, aq më tepër, të deformohen. Nuk mund t’i japësh informacion të njëjtë çdo personi. Unë dua ta neglizhoj këtë debat për diçka të kësaj natyre. Çdo njeri flet për ndërgjegjen e vet dhe kjo më shqetëson. Të përdorësh një informacion dhe më pas të vendosësh reklama të caktuara është gabim në këtë rast.

Prindërit nuk duhet të ndjekin gjëra të tilla; mjeku është ai që përcakton se çfarë duhet bërë. Australia i ka mbyllur rrjetet sociale, sepse ato shkaktojnë dëme në jetën e njeriut, ndërsa ligje të ngjashme po përpilohen edhe në Europë”, u shpreh Tushe./TCH

The post “Emri im po përdoret pa leje” – Edi Tushe çon në gjykatë Eliona Pitarkën appeared first on iconstyle.al.

Shumë kompani parfumesh po shfrytëzojnë fuqinë e aromave për të krijuar produkte që ndikojnë në mirëqenien e njerëzve. Por, cilësia e aromave dhe lidhja e tyre me emocionet janë më shumë se thjesht një përzgjedhje e aromave të këndshme. Ato kanë një ndikim të thellë në emocionet dhe shëndetin mendor të individëve.

Sipas Sandeep Robert Datta, profesor i neurobiologjisë në Universitetin e Harvardit, kur nuhasim një aromë të veçantë, ajo ndërvepron me epitelin e nuhatjes, një fletë neuronesh që ndodhet në hundë. Këto neurone, përmes receptorëve, zbulojnë kimikatet që lëshohen nga objektet që nuhasim, si parfumi, dhe dërgojnë sinjale elektrike në qendrën e përpunimit të aromave në tru. Ky proces aktivizon përgjigje emocionale dhe kujtesa të lidhura me ato aroma.

Rachel Herz, neuroshkencëtare dhe ekspertë e psikologjisë së nuhatjes, thotë se lidhja midis aromës dhe emocioneve është e theksuar për shkak të rrugëve nervore që përpunojnë këto stimuli. Ajo shpjegon se amigdala është përgjegjëse për përpunimin e emocioneve dhe kujtesës emocionale, ndërsa aromat mund të ngjallin ndjenja specifike dhe të krijojnë lidhje të forta me kujtimet.

Nëse parfumi mund të përmirësojë shëndetin mendor, mbetet një pyetje e hapur. Sidoqoftë, është e qartë se aromat luajnë një rol të rëndësishëm në mirëqenien tonë psikologjike dhe janë një pjesë e pandashme e jetës sonë.

The post A mund të përmirësojnë parfumet shëndetin tuaj mendor? appeared first on iconstyle.al.

Cristiano Ronaldo ka shprehur dashurinë e tij për bashkëshorten Georgina Rodriguez, duke e uruar për ditëlindje në mënyrën më të ngrohtë dhe romantike. Ylli i futbollit ka publikuar në Instagram një foto të bukur të çiftit, ku shkruan: “Gëzuar ditëlindjen gruas së jetës sime! ”. Ky mesazh ka emocionuar ndjekësit e tij, të cilët kanë shpërthyer me pëlqime dhe komente pozitive, duke i uruar Georginës gjithashtu një ditëlindje të mrekullueshme.

Çifti, i njohur për dashurinë e tyre të fortë dhe momente të bukura familjare, ka ndarë shumë momente me fansat e tyre, përfshirë fotot me fëmijët e tyre. Ky urim për ditëlindjen e Georginës vjen në një periudhë të rëndësishme për çiftin, pasi ata pritet të bëhen edhe më të lidhur në vitin 2026, pasi është konfirmuar se do të martohen gjatë këtij viti.

Megjithatë, një pyetje e madhe që mbetet është se kur do të ndodhë kjo martesë. Deri tani, nuk ka një datë të caktuar për ngjarjen e madhe, por me siguri kjo është një prej momenteve më të pritura nga fansat e çiftit. Pasuria e dashurisë dhe e suksesit të Ronaldos dhe Georginës është një frymëzim për shumë të tjerë, dhe ata janë një nga çiftet më të pëlqyera në botë.

The post Cristiano Ronaldo uron Georginën për ditëlindje: Gruaja e jetës sime appeared first on iconstyle.al.

Familja e Mal Retkocerit ka shprehur shqetësimin e thellë për gjuhën fyese dhe denigruese të përdorur nga Rogert Sterkaj gjatë qëndrimit të tij në shtëpinë e “Big Brother VIP Albania 5”. Ata kanë dërguar një letër publike zyrtare në produksionin e emisionit, ku e cilësojnë sjelljen e Sterkajt si një formë dhune psikologjike, që ka prekur jo vetëm familjen, por edhe identitetin dhe traumat personale të Malit.

Në letrën e dërguar, familja thekson se këto sulme verbale nuk janë pjesë e lojës apo debatit televiziv, por kanë kaluar kufijtë e respektit dhe kanë shkaktuar dëme emocionale të konsiderueshme. Ata kërkojnë që produksioni të marrë përgjegjësitë dhe të krijojë një ambient pa dhunë, duke kërkuar përjashtimin e Rogert Sterkajt nga shtëpia.

Letra e plotë e familjes së Mal Retkocerit drejtuar produksionit të Big Brother VIP Albania 5:

“Të nderuar Reagojmë me shqetësim të thellë ndaj gjuhës fyese, denigruese dhe bullizimit ndaj Mal Retkoceri nga Rogert Sterkaj në BBV.

Sulmi ndaj familjes, traumave personale dhe identitetit nuk janë debat, as lojë, por janë dhunë psikologjike dhe bullizim i pastër.

Ne si familje e Mal Retkocerit kërkojmë që të respekohet dinjiteti njerëzor dhe i bëjmë thirrje produksionit që të marrë me përgjegjësi të plotë detyrimet për të siguruar një ambient pa dhunë fizike, psikike dhe bullizuese dhe të veprojë me përjashtimin e Rogertit për veprimet e tij që shkaktojnë dhunë psikologjike dhe bullizim dhe që këto veprime prekin integritetin familjar dhe personal dhe janë të patolerueshme.

Veprimet e Rogertit të cilat i ka ndërmarrë me datë 25.01.2026 janë dhunë, nuk janë lojë, nuk janë debate, prandaj heshtja përballë dhunës e normalizon atë që padyshim është në kundërshtim të plotë me normat shoqërore.

Andaj bazuar në sjelljet dhe veprimet e Rogert Sterkaj kërkojmë që i njëjti të përjashtohet për shkak të sjelljeve denigruese, fyese dhe bullizuese të tij ndaj Mal Retkocerit.

Me respekt, familja e Mal Retkocerit”.

The post Familja e Malit kërkon përjashtimin e Rogertit nga “BBV”: Sulmet verbale janë dhunë psikologjike appeared first on iconstyle.al.

Pas spektaklit të mbrëmshëm, Elijona dhe Klodi kanë pasur një debat të fortë, ku duket se tensionet mes tyre kanë arritur kulmin. Klodi, i cili duket se ka humbur durimin, ka reaguar me fjalë të ashpra ndaj Elijonës, duke i bërë të qartë se nuk e ka më të lehtë të vazhdojë këtë marrëdhënie.

Elijona: “Unë thjesht nuk dua të jem më pjesë e kësaj loje. Është në rregull nëse ti do të vazhdosh kështu, unë të respektoj si shok. Në momentin që dikush vjen e më sulmon, ai është gabimi im, e kuptoj.”

Klodi: “Në gabim tendin unë po e ha, Elijona.”

Elijona: “Edhe ti boll fole, mor Klod.”

Klodi: “Jam lodhur, Elijona, jam lodhur.”

Elijona: “Prej kujt?”

Klodi: “Unë e kam dikë jashtë, e po dal këtu sikur po të bëj ty të biesh në dashuri me mua. Është shumë pa lidhje, edhe në dhomën e gjumit të kam thënë: ‘Elijona, pse je duke e pasur këtë bisedë?’”

Elijona: “Unë dashuri, në radhë të parë për askënd këtu s’kam, edhe e kam thënë shumë shpesh.”

Klodi: “Por reagimet që je duke i pasur nuk përputhen me një pëlqim, Elijona.”

Elijona: “Nëse mendon kështu, realisht ke nevojë të mendosh dhe të reflektosh pak.”

Ky debat ka nxjerrë në pah disa tensione të thella mes tyre, duke lënë të kuptohet se ndonëse ndodhen në një situatë të ngarkuar, ndjenjat mes tyre janë të pasqaruara. Diskutimi ka lënë hapësirë për dyshime dhe pyetje rreth marrëdhënies së tyre, që mund të bëhet një nga temat e nxehta në ditët në vazhdim.

The post Debat i ashpër mes Klodit dhe Elijonës: Unë kam dikë jashtë! appeared first on iconstyle.al.

Ka ditë kur zgjohesh i lodhur, edhe pse ke fjetur mjaftueshëm dhe nuk ke pasur asnjë aktivitet të rëndë. E megjithatë, ndihesh pa energji dhe pyetja vjen vetvetiu: nga po vjen kjo lodhje? Në shumicën e rasteve, lodhja që ndiejmë nuk është fizike, por mendore. Jemi në një kohë kur truri nuk ndalon kurrë, i mbushur me mesazhe, njoftime, krahasime dhe pritshmëri, edhe kur trupi është në pushim.

Lodhja mendore është shpesh më e theksuar se ajo fizike. Jetojmë në një shoqëri që na kërkon të jemi gjithmonë më shumë: më të suksesshëm, më të fortë, më produktivë. Ky presion ndikon dhe na lë pa energji, duke e bërë edhe pushimin një moment të mbushur me faj. Edhe kur nuk bëjmë asgjë, mendja vazhdon të funksionojë, duke krijuar një ndjenjë lodhjeje të vazhdueshme.

Rrjetet sociale luajnë një rol të madh në këtë. Shumë herë shohim njerëz që duket se po ecin përpara, duke krijuar një krahasim të vazhdueshëm me jetën tonë. Ky fenomen përforcon ndjenjën e lodhjes dhe shqetësimit për atë që kemi arritur ose jo.

Në vend që të kërkojmë më shumë energji, ndoshta kemi nevojë për më shumë qetësi dhe për momente pa telefon, pa krahasime, pa presion. Lodhja mund të jetë thjesht një sinjal që na tregon se duhet të ndalojmë për pak, të marrë një frymë dhe t’i japim vetes pak më shumë mirëkuptim. Sepse pushimi i vërtetë është kur ndalojmë të kërkojmë gjithçka nga vetja për një moment.

The post Kur lodhja vjen pa arsye: Pse ndiheni të lodhur, edhe kur pushoni? appeared first on iconstyle.al.

Princesha Charlotte, e cila është vetëm 10 vjeç, ka shumë mundësi që të bëhet një ditë pjesë e trashëgimisë mbretërore të familjes, duke pasur mundësinë të veshë një nga tiarët e famshme të monarkisë britanike.

Sidoqoftë, shumë ekspertë mendojnë se ajo mund të jetë ende disa vjet larg debutimit të saj me një tiarë, pasi zakonisht ato janë veshur nga gratë mbretërore që kanë mbushur moshën e të rriturve.

Për të krahasuar, Princesha Kate bëri debutimin e saj me një tiarë në moshën 29 vjeçare, kur u martua me Princi William në prill të vitit 2011, dhe e kishte një tiarë të huazuar nga Mbretëresha Elizabeth, Cartier Halo Tiara. Edhe Mbretëresha Elizabeth dhe Princesha Diana veshën për herë të parë tiarën në ditët e dasmës së tyre, duke qenë një traditë e rëndësishme për gratë mbretërore.

Megjithatë, disa gra të tjera nga familja mbretërore kanë veshur tiarë për herë të parë para martese, duke mundësuar që Princesha Charlotte të mund ta bëjë këtë më herët se sa në moshën e të rriturve. Një shembull është Princesha Margaret, motra e Mbretëreshës, e cila vesh një tiarë në moshën 18 vjeçare për një ngjarje të madhe shtetërore në vitin 1948. Po ashtu, Princesha Anne, e bija e Mbretëreshës Elizabeth, debutoi me tiarë në moshën 17 vjeçare në hapjen solemne të Parlamentit në vitin 1967.

Nëse Princesha Charlotte do të ketë një rol aktiv si mbretëreshë në të ardhmen, ka mundësi që ajo të bëjë debutimin e saj me një tiarë më herët se sa pritet.

The post Kur do ta vendosë Princesha Charlotte tiarën e saj të parë? appeared first on iconstyle.al.

Sot, dy shenja të horoskopit do të përballen me sfida të mëdha, duke u ndjerë të tensionuara dhe të pasigurta. Disa do të ndihen të përfshirë në situata të paqartë, të cilat do t’i kërkojnë të bëjnë zgjedhje të vështira. Ja dy shenjat që duhet të jenë të kujdesshme sot:

Dashi: Dashi mund të përballet me disa pengesa të papritura në jetën profesionale dhe personale. Disa mund të ndihen të papërkrahur nga kolegët ose miqtë dhe kjo mund t’i shkaktojë stres. Ndonëse do të ketë mundësi për të zgjidhur disa çështje, Dashi duhet të shmangë reagimet impulsive dhe të përqendrohet në menaxhimin e emocioneve. Kjo ditë kërkon durim dhe reflektim për të marrë vendimet më të mira.

Peshorja: Peshorja mund të përballet me një ditë të vështirë, ku marrëdhëniet me të tjerët mund të përjetojnë tensione. Disa mund të ndihen të paqëndrueshëm emocionalisht, duke pasur vështirësi në komunikim. Kjo mund të ndikojë negativisht në punë ose në marrëdhëniet personale. Peshorja duhet të tregojë kujdes dhe të shmangë debatet e kota, duke u munduar të mbajë qetësinë për të kaluar këtë ditë të vështirë.

Të dyja këto shenja duhet të kenë kujdes gjatë ditës, të kontrollojnë emocionet dhe të përpiqen të menaxhojnë situatat me maturi.

The post Dy shenjat e horoskopit që do të përballen me një ditë mjaft të vështirë sot! appeared first on iconstyle.al.

Mbrëmë pas “Prime”-it, Benita ka pasur një bisedë interesante me Klodin, ku ka shprehur pëlqimin për të, duke lënë të kuptohet se ka një interes për të. Ajo ka folur edhe për ish-të dashurin e saj, Endrin, dhe ka thënë se “sa për Endrin, e shkuar e harruar”. Kjo ka qenë një deklaratë që ka tronditur paksa, pasi Benita ka theksuar se është përqendruar te momenti aktual dhe ka lënë pas të kaluarën e saj.

Por, duket se këto fjalë nuk kanë kaluar pa reagime nga ana e Endrit. I prekur nga deklaratat e Benites, ai ka shpërndarë një postim në Instastory, ku shkruante: “Ku janë premtimet”. Ky mesazh duket se është një reagim ndaj asaj që Benita kishte thënë më parë, ku ai kishte premtuar se do ta mbështeste gjatë lojës dhe kishte bërë plane për të lansuar një këngë dedikuar asaj.

Megjithatë, Benita nuk ka treguar asnjë shenjë pendimi ose pasigurie dhe ka vazhduar përpara me planin e saj në shtëpinë e “Big Brother”, duke mos i dhënë shumë rëndësi reagimit të Endrit. Ajo është përqendruar në marrëdhënien e saj me Klodin, duke e konsideruar të kaluarën e saj me Endrin si një periudhë që tashmë nuk ka ndikim në jetën e saj.

The post Benita s’ka më ndjenja për Endrin, reagon këngëtari: Ku janë premtimet?! appeared first on iconstyle.al.

Për ditën e martë, vendi ynë do të ndikohet nga kushte atmosferike relativisht të qëndrueshme. Pas një periudhe me mot të paqëndrueshëm, parashikohet që gjatë ditës, i gjithë territori të mbetet nën ndikimin e kthjellimeve, por vranësira të përkohshme do të shfaqen më shumë përgjatë relieveve malore. Vranësirat do të sjellin reshje lokale shiu, por ato do të jenë të kufizuara kryesisht në jugperëndim të vendit dhe me intensitet të ulët. Këto reshje do të jenë të izoluara dhe nuk do të shkaktojnë probleme të mëdha për aktivitetet e përditshme.

Temperaturat pritet të mbeten të qëndrueshme gjatë ditës, me një periudhë më të ngrohtë pas mesditës, përveç zonave ku reshjet do të jenë më të shpeshta. Në pjesën më të madhe të vendit, do të ketë kushte për mot të qetë dhe të bukur, që mund të shfrytëzohen për aktivitete të jashtme. Edhe pse reshjet janë të pakta dhe të izoluara, ato mund të krijojnë kushte më të luhatshme për lëvizjet në zonat malore.

Era do të fryjë me drejtim verior-veriperëndimor, me shpejtësi mesatare prej 7 m/s. Era më e fortë pritet të shfaqet përgjatë vijës bregdetare dhe në zonat luginore, ku shpejtësia mund të arrijë deri në 15 m/s. Kjo mund të krijojë kushte më të vështira për transportin dhe aktivitetet në këto zona, por nuk priten probleme të mëdha.

Për lundruesit, vala në det do të jetë e forcës 2-3 ballë, duke bërë që lundrimi të jetë i mundur, por në kushte të moderuara. Kjo është një mundësi për ata që dëshirojnë të shijojnë detin, por duhet të kenë kujdes për era dhe valët që mund të krijojnë kushte më të vështira për navigacion.

Në përgjithësi, dita do të ofrojë kushte të qëndrueshme për shumicën e vendit, përveç reshjeve të izoluara që mund të ndikojnë më shumë në jugperëndim.

The post Parashikimi i motit për ditën e sotme, si do të jenë temperaturat? appeared first on iconstyle.al.

Një skiator spanjoll ka humbur jetën në një ortek të ndodhur të hënën në rajonin e Tignes në Alpet franceze, ndërsa po bënte ski jashtë pistës. Helikopterët e shpëtimit u dërguan menjëherë në vendngjarje, ku gjetën burrin pa ndjenja. Pasi u nxor nga rrënojat e ortekut, ai u shpall i vdekur në vend. Ky është një rast tragjik që i shtohet valës së aksidenteve fatale që kanë ndodhur në Alpe këtë muaj.

Shërbimi meteorologjik i Francës kishte lëshuar paralajmërime të rrezikshme për orteqe në rajonin e Alpeve, duke cilësuar rrezikun në nivel “të konsiderueshëm” (kategoria 3) për Alpet veriore dhe “të lartë” (kategoria 4) për pjesën jugore të vargmalit dhe Pirenejtë. Rreth 20 skiatorë janë vrarë nga orteqet që nga fillimi i muajit, në Alpet e Francës, Zvicrës dhe Austrisë. Këto aksidente fatale janë një kujtesë për rrezikun e madh që përbëjnë orteqet për ata që praktikojnë sporte dimërore jashtë pistave të sigurta.

Kushtet e motit të pafavorshëm dhe terreni i pasigurt kanë shkaktuar një numër të madh aksidentesh, duke e bërë këtë sezon një nga më të rrezikshmit për skiatorët që vendosin të praktikojnë ski jashtë kufijve të zonave të shenjëzuara. Autoritetet kërkojnë kujdes të shtuar dhe ndihmojnë skiatorët të qëndrojnë brenda territoreve të siguruara për të shmangur rreziqet e mundshme.

The post Një tjetër skiator humb jetën në një ortek në Alpe, gati 20 të vrarë në një muaj appeared first on iconstyle.al.

Në Prime-in e 21-të të “Big Brother VIP Kosova 4”, Limit dhe Alba kanë shënuar një moment të papritur dhe të ngrohtë për publikun, duke shkëmbyer një puthje pas disa ditësh tensioni. Gjatë qëndrimit në “Dhomën e Rrëfimit”, dyshja, e cila ka kaluar periudha të vështira në raportin e tyre, ka treguar se janë gati për të lënë pas të kaluarën dhe për t’u përqendruar në të tashmen. Puthja mes tyre ka qenë një shenjë e pajtimit dhe një moment që ka tronditur audiencën.

Alba, e cila gjatë ditëve të fundit ka shprehur hidhërim dhe pakënaqësi ndaj Limit, është shfaqur më e qetë pas këtij gjesti.

Ajo, e shoqëruar nga një buzëqeshje e lehtë, duket se ka vendosur të kalojë përtej tensioneve të kaluara dhe të hapë një kapitull të ri me Limit. Ky moment ka tërhequr vëmendjen e të gjithë fansave, që kanë ndjekur me kureshtje çdo hap të marrëdhënies së tyre dhe tani janë të etur të shohin se si do të zhvillohet historia mes këtyre dy personazheve në ditët në vijim.

Për më shumë, është e qartë se kjo histori do të zhvillohet më tej në episodet e ardhshme, ku fansat do të ndjekin me kuriozitet çdo detaj të marrëdhënies së Limit dhe Albës.

The post Rikthehet çifti Alba-Limi, shkëmbejnë puthje në dhomën e rrëfimit! appeared first on iconstyle.al.

Dashi

Energjia juaj marsiane më në fund po kanalizohet në drejtimin e duhur. Është një ditë pozitive për ata që duhet të përballen me një intervistë apo një diskutim të rëndësishëm. Horoskopi tregon se në dashuri ka rikuperim: çiftet që kanë kaluar një periudhë tensioni do të gjejnë një pikë takimi konstruktive. Në punë, shmangni impulsivitetin dhe përdorni vendosmërinë tuaj me strategji. Yjet ju ftojnë të mos i shtyni vendimet që lidhen me shtëpinë ose familjen. Një zhvillim i mirë pritet në financa, ndaj tregohuni të vëmendshëm. Karizma juaj është e lartë.

Demi

Nevoja për stabilitet vihet në provë, por në mënyrë pozitive. Ky horoskop ju fton të mos keni frikë nga ndryshimet, sidomos në fushën profesionale, ku një projekt ose detyrë e re mund të hapë rrugë të papritura. Horoskopi për sot sugjeron kujdes në shpenzime, por pa hequr dorë nga një kënaqësi e vogël që ju ndihmon të rifitoni energjinë. Në dashuri, durimi shpërblehet: shmangni polemikat e panevojshme dhe fokusohuni te mirëqenia e përbashkët. Marsi është në aspekt sfidues, ndaj mos e teproni me lodhjen. Kujdesuni për trupin dhe mendjen.

Binjakët

Merkuri, planeti juaj sundues, ju bën veçanërisht të mprehtë dhe të shpejtë në mendim. Shfrytëzojeni këtë qartësi për të zgjidhur një problem që ju shqetëson prej kohësh. Marrëdhëniet shoqërore janë të favorizuara: një takim i rastësishëm mund të rezultojë i rëndësishëm për të ardhmen profesionale ose sentimentale. Kujdes vetëm të mos premtoni më shumë sesa mund të realizoni. Në dashuri, beqarët kanë mundësi të mira për njohje interesante, ndërsa çiftet rikthejnë dialogun e humbur. Dita nxit hapje dhe komunikim. Një ditë stimuluese dhe plot mundësi.

Gaforrja

Ky horoskop këtë të martë vë në plan të parë ndjenjat dhe familjen. Mund të ndjeni një dëshirë të fortë për të rregulluar shtëpinë ose për të zgjidhur një çështje të mbetur pezull me një familjar. Emocionet janë të forta; përdorini për t’u lidhur më thellë me partnerin, por shmangni reagimet e nxituara nga humorët e përkohshëm. Në punë, ritmi është i qëndrueshëm: nuk është koha për rreziqe, por për konsolidimin e arritjeve. Intuita është udhërrëfyesi juaj kryesor. Qetësi e brendshme në horizont.

Luani

Karizma juaj shkëlqen në këtë horoskop ditor. Jeni në qendër të vëmendjes dhe iniciativat tuaja vërehen e vlerësohen. Është momenti i duhur për të paraqitur kërkesa ose për të treguar vlerën tuaj, veçanërisht në aspektin profesional. Në dashuri, Venusi është në anën tuaj dhe ndez pasionin: lidhjet forcohen dhe njohjet e reja janë premtuese. Kujdes të mos tregoheni tepër autoritarë me të tjerët; përdorni ndikimin tuaj pozitiv. Horoskopi ju nxit të guxoni me elegancë. Suksesi është afër.

Virgjëresha

Ky horoskop ju fton drejt reflektimit dhe kujdesit ndaj detajeve, tipar karakteristik i shenjës suaj. Puna kërkon saktësi dhe organizim: mos lini asgjë rastësisë, pasi përpikmëria do të shpërblehet. Horoskopi sugjeron t’i kushtoni kohë kujdesit personal dhe mirëqenies fizike; stresi i akumuluar duhet menaxhuar. Në dashuri, mund të ndiheni më kritikë ndaj partnerit: përpiquni të tregoheni më tolerantë dhe më pak kërkues. Hëna ju shtyn të vendosni rregull në financa dhe dokumente të rëndësishme. Një pushim i shkurtër rigjenerues është i këshillueshëm.

Peshorja

Ekuilibri është fjala kyçe e kësaj dite. Yjet favorizojnë bashkëpunimet dhe marrëveshjet, duke e bërë këtë një moment shumë të mirë për nënshkrimin e kontratave ose për punën në ekip me persona të besuar. Në jetën sentimentale rikthehet qetësia: keqkuptimet zbehen dhe bashkëpunimi me partnerin forcohet. Beqarët kanë mundësi për njohje të këndshme dhe stimuluese. Në fushën profesionale, shprehja e ideve me diplomaci sjell rezultate pozitive. Dita fton drejt harmonisë në çdo aspekt të jetës dhe vlerësimit të bukurisë dhe ekuilibrit.

Akrepi

Qielli astrologjik tregon një fazë ndryshimesh të rëndësishme. Kjo ditë kërkon pranimin e transformimeve me guxim dhe qasje pozitive. Në punë mund të shfaqet një kthesë e papritur që kërkon riorganizim të planeve, por me përfitime afatgjata. Në jetën personale është e nevojshme çlirimi i emocioneve të mbajtura brenda, veçanërisht përmes komunikimit të qartë me partnerin, për të shmangur keqkuptime. Çështjet financiare kërkojnë kujdes dhe maturi. Këmbëngulja dhe vendosmëria ndihmojnë në kapërcimin e çdo pengese. Kjo është një periudhë rinovimi personal dhe profesional.

Shigjetari

Optimizmi dhe dëshira për veprim janë të theksuara. Energjia e ditës nxit iniciativa të reja dhe hapje ndaj eksperiencave, edhe në nivel idesh dhe planesh. Në punë, guximi shpërblehet dhe angazhimet e reja mund të sjellin përparim. Këshillohet një udhëtim i shkurtër ose një shkëputje nga rutina për të rifituar energjinë. Në dashuri mbizotëron një klimë e lehtë dhe pozitive, me shumë mundësi për njohje dhe argëtim. Kujdes vetëm që entuziazmi të mos kalojë në teprim. Qëndrimi realist mbetet i rëndësishëm.

Bricjapi

Pragmatizmi dhe qasja konkrete janë pikat më të forta të ditës. Përpjekjet e ditëve të fundit fillojnë të japin rezultate të prekshme, sidomos në fushën profesionale dhe financiare. Është një moment i përshtatshëm për planifikim afatgjatë dhe vendime të qëndrueshme. Në marrëdhëniet sentimentale ekziston rreziku i përqendrimit të tepruar te detyrimet; është e rëndësishme të gjendet kohë edhe për jetën personale dhe partnerin. Vetëkritika e tepërt nuk është e nevojshme. Një arritje ose vlerësim është pranë.

Ujori

Kjo është një fazë e pasur me kreativitet dhe ide origjinale. Dita favorizon shprehjen e mendimeve të reja, edhe nëse ato dalin jashtë kornizave tradicionale. Bashkëpunimet me miq ose grupe sjellin rezultate të papritura dhe pozitive. Është e rëndësishme të zgjidhet një çështje e mbetur pezull me një koleg ose mik, për të rikthyer qetësinë. Në dashuri, nevoja për liri duhet balancuar me kërkesën për afërsi emocionale. Një ide e papritur mund të sjellë avantazh të rëndësishëm.

Peshqit

Empatia është forca kryesore e ditës. Aftësia për të kuptuar të tjerët ndihmon si në marrëdhëniet personale ashtu edhe në ambientin profesional. Megjithatë, është e rëndësishme të ruhet një distancë emocionale e shëndetshme për të mos u ngarkuar me problemet e të tjerëve. Në aspektin financiar kërkohet kujdes dhe shmangie e rreziqeve të panevojshme. Në dashuri, lind nevoja për stabilitet, siguri dhe romancë. Shoqëria e personave që ofrojnë mbështetje emocionale është thelbësore. Ndjeshmëria është një vlerë e madhe, nëse përdoret me maturi.

The post Horoskopi ditor, e Martë 27 janar 2026 appeared first on iconstyle.al.