Zërat për një ndarje të mundshme mes Brikenës dhe Mateos vazhdojnë të jenë në qendër të vëmendjes në rrjetet sociale, ku prej ditësh qarkullojnë aludime dhe komente të shumta mbi raportin e çiftit të njohur. Mungesa e reagimeve publike nga ana e tyre vetëm sa ka shtuar kuriozitetin e ndjekësve, të cilët po përpiqen të kuptojnë nëse bëhet fjalë për një krizë reale apo thjesht për spekulime.

Tema u diskutua edhe gjatë transmetimit të sotëm në “Top Albania Radio”, ku moderatori Ronaldo Sharka vendosi të kërkonte më shumë detaje nga gazetari dhe moderatori Edi Manushi. Ky i fundit tregoi se kishte pasur një komunikim telefonik me Mateon vetëm një ditë më parë dhe nuk hezitoi të ndante me publikun përgjigjen që kishte marrë.

Sipas Manushit, Mateo ka zgjedhur të mos komentojë aspak thashethemet që po qarkullojnë. “Po të them ty atë që më tha Mateo dje në telefon: ‘Flasim për punë, jo për gjëra si këto’”, u shpreh ai, duke lënë të kuptohet se Mateo preferon ta mbajë jetën e tij private larg vëmendjes mediatike dhe të mos ushqejë më tej spekulimet.

Megjithatë, deklarata e tij nuk i ka ndalur diskutimet. Përkundrazi, rrjetet sociale vijojnë të jenë të mbushura me komente dhe teori të ndryshme lidhur me marrëdhënien e çiftit. Shumë ndjekës kanë vënë re detaje që sipas tyre mund të tregojnë se mes tyre diçka ka ndryshuar, ndërsa të tjerë besojnë se gjithçka është ekzagjeruar dhe se nuk ka asnjë problem mes Brikenës dhe Mateos.

Gjatë bisedës, Ronaldo Sharka ngriti edhe një tjetër pistë që po diskutohet gjerësisht online. Ai përmendi dyshimet e një pjese të publikut, sipas të cilëve e gjithë kjo situatë mund të jetë një lëvizje e menduar për të tërhequr vëmendje dhe për të gjeneruar interes mediatik.

I pyetur nëse kjo teori mund të ketë bazë, Edi Manushi u tregua i kujdesshëm në përgjigjen e tij. “Edhe mundet”, tha ai, duke mos e përjashtuar plotësisht mundësinë. Megjithatë, menjëherë më pas shtoi me humor se preferon të mos komentojë jetën personale të kolegëve dhe të respektojë etikën profesionale. “Por ne nuk flasim për kolegët për gjëra të tilla”, u shpreh ai.

Për momentin, as Brikena dhe as Mateo nuk kanë reaguar publikisht për të konfirmuar apo mohuar thashethemet që po qarkullojnë. Kjo ka bërë që misteri të mbetet ende i pazgjidhur, ndërsa ndjekësit vazhdojnë të presin një reagim nga vetë protagonistët për të kuptuar nëse bëhet fjalë për një krizë të vërtetë apo thjesht për një tjetër histori që ka marrë jetë në rrjetet sociale.

The post Zërat për ndarje nga Brikena, Ed Manushi zbulon bisedën me Mateon appeared first on iconstyle.al.

Një studim i gjerë i realizuar Në Kinë mbi jetëgjatësinë ka nxjerrë në pah një lidhje interesante mes konsumit të mishit dhe mundësisë për të arritur moshën 100 vjeç, veçanërisht tek gratë shumë të moshuara. Sipas rezultateve, gratë nën peshë që konsumonin mish në mënyrë të rregullt kishin deri në 44% më shumë gjasa për të arritur shekullin e jetës, krahasuar me ato që nuk konsumonin produkte shtazore.

Hulumtimi u bazua në të dhënat e mbi 5,000 personave mbi moshën 80 vjeç, duke krahasuar njëqindvjeçarët me ata që nuk e kishin arritur këtë moshë. Studiuesit theksojnë se lidhja e vërejtur nuk nënkupton shkakësi të drejtpërdrejtë, por vetëm një korrelacion statistikor.

Sipas autorëve të studimit, faktori i masës trupore (BMI) duket të ketë rol të rëndësishëm në këtë rezultat. Tek personat nën peshë, marrja e mjaftueshme e kalorive dhe proteinave mund të ndikojë pozitivisht në shëndetin e përgjithshëm dhe rezistencën ndaj sëmundjeve në moshë të thyer.

Nga ana tjetër, nuk u gjetën dallime domethënëse në jetëgjatësi mes vegjetarianëve që konsumonin vezë, bulmet ose peshk dhe atyre që konsumonin mish. Gjithashtu, ekspertët paralajmërojnë se studimi nuk merr parasysh faktorë të tjerë të rëndësishëm si aktiviteti fizik, kushtet sociale apo ndryshimet e dietës gjatë gjithë jetës.

Në përfundim, studiuesit sugjerojnë se një dietë e balancuar, e cila përfshin si ushqime bimore ashtu edhe sasi të moderuara të ushqimeve shtazore, mund të jetë më e favorshme për plakje të shëndetshme. Studimi është publikuar në American Journal of Clinical Nutrition.

The post E dije? Konsumuesit e mishit kanë më shumë gjasa të jetojnë deri në 100 vjeç appeared first on iconstyle.al.

Java në vendin tonë do të nisë me mot kryesisht të qëndrueshëm dhe temperatura të këndshme, duke sjellë një fillim të qetë të kësaj të hëne për pjesën më të madhe të territorit.

Sipas parashikimeve meteorologjike, gjatë ditës do të dominojnë kthjellimet dhe orët me diell, ndërsa herë pas here do të ketë edhe kalime vranësirash në zona të ndryshme të vendit. Megjithatë, reshjet e shiut pritet të jenë të pakta dhe të përqendruara kryesisht në zonat malore, ku moti do të jetë më i paqëndrueshëm.

Temperaturat do të mbeten në vlera tipike për këtë periudhë, duke krijuar kushte të favorshme për aktivitetet në natyrë dhe lëvizjet gjatë ditës. Në zonat bregdetare dhe ato të ulëta pritet mot më i ngrohtë, ndërsa në zonat malore temperaturat do të jenë disi më të freskëta, sidomos gjatë mëngjesit dhe mbrëmjes.

Ndërkohë, era do të fryjë me shpejtësi deri në 10 metra për sekondë, kryesisht nga drejtimi veriperëndimor. Në brigjet detare kjo do të sjellë një dallgëzim të lehtë deri mesatar, me forcë deri në 2 ballë.

Meteorologët bëjnë me dije se, pavarësisht pranisë së vranësirave në disa momente të ditës, nuk priten probleme apo situata të rënduara nga kushtet atmosferike.

Edhe ditët në vijim parashikohet të vijojnë me temperatura të qëndrueshme dhe mot relativisht të kthjellët në pjesën më të madhe të vendit.

The post Parashikimi i motit, si do të jenë temperaturat sot? appeared first on iconstyle.al.

Pas largimit të saj nga “Ferma VIP”, Vanesa ishte e ftuar sot në “Ferma VIP Club”, ku u përball me komente dhe pyetje pikante lidhur me raportin e saj me Indrin.

Një nga momentet që mori më shumë vëmendje ishte deklarata e opinionistit Albano Bogdo, i cili nuk nguroi ta thumbonte drejtpërdrejt Vanesën për afrimitetin e menjëhershëm të Indrit me banoren e re, Klevisën.

“Sa dole ti, Indri nuk ka ndaluar së qeshuri me Klevisën”, u shpreh Albano, duke shtuar më tej se hyrja e Klevisës në fermë duket se ia ndryshoi menjëherë gjendjen Indrit.

Dashuria e jetës së kësaj, hoqi dhe patericën direkt sa doli kjo. Po e shifja Fermën sot nga ora 7 e mëngjesit e deri kur kam ardhur këtu, ai nuk ka ndaluar së foluri, së qeshuri me atë vajzën e re. Unë, pavarsisht se të njoh që 2 muajshe, mendoja që ishte ti që bëje kot. Sepse më është dukur e pamundur të biesh në dashuri aq shpejt me dikë, të lësh të dashurin live e të dashurohesh me tjetrin për 4 ditë

Kujtojmë që largimi i Vanesës nga reality show u shoqërua me emocione të forta, ndërsa Indri u pa i përlotur gjatë natës së eliminimit. Por situata mori një kthesë të papritur me hyrjen e konkurrentëve të rinj në shtëpi.

Klevisa tërhoqi menjëherë vëmendjen pasi, kur u pyet se cilin banor dëshironte të shoqëronte brenda fermës, ajo zgjodhi pa hezitim Indrin. Më pas, dyshja u panë pranë njëri-tjetrit duke biseduar dhe shkëmbyer të qeshura, detaj që nuk kaloi pa u komentuar as nga publiku dhe as nga banorët.

Deklarata e Albanos ka ndezur menjëherë reagime në rrjet, ku shumë ndjekës po aludojnë për një afrim të mundshëm mes Indrit dhe Klevisës, ndërsa mbetet për t’u parë se si do të evoluojë marrëdhënia mes tyre pas largimit të Vanesës nga gara.

The post Albano ironizon Vanesën pas afrimitetit të Indrit me Klevisën: Dashuria e jetës së kësaj… appeared first on iconstyle.al.

Pas ngjarjes tragjike në lagjen 15 të qytetit të Durrësit, ku dy fëmijë humbën jetën dhe një tjetër mbeti i plagosur rëndë, reagimet nga opinioni publik dhe figura të njohura kanë qenë të shumta.

Mes tyre ka reaguar edhe moderatorja Kiara Tito, e cila ka ndarë një mesazh të gjatë në rrjetet sociale, duke shprehur dhimbje të thellë për ngjarjen dhe duke bërë thirrje për më shumë kujdes në rrugë. Ajo thekson se momente të tilla duhet të shërbejnë si një kujtesë e fortë për të gjithë drejtuesit e mjeteve dhe qytetarët në përgjithësi, për të treguar përgjegjësi dhe vigjilencë të shtuar gjatë qarkullimit.

Në reagimin e saj, Tito i shprehu ngushëllimet më të sinqerta familjeve të viktimave, duke e cilësuar humbjen si një dhimbje që nuk mund të lehtësohet me fjalë. Ajo u shpreh se mendimet dhe zemrat e saj janë me familjarët në këtë periudhë të vështirë.

Moderatorja apeloi gjithashtu për reflektim shoqëror mbi sjelljen në rrugë, duke kujtuar rreziqet që sjellin shpërqendrimet, shpejtësia e lartë dhe mungesa e kujdesit edhe për një moment të vetëm. Sipas saj, një pakujdesi e vogël mund të sjellë pasoja të parikuperueshme.

Në fund të mesazhit të saj, ajo kërkoi gjithashtu që të tregohet respekt ndaj dhimbjes së familjeve, duke shmangur shpërndarjen e pamjeve të rënda që qarkullojnë në rrjete sociale, pasi ato mund të rëndojnë edhe më shumë gjendjen emocionale të publikut.

The post Ngjarja e rëndë në Durrës, reagon Kiara Tito: Zemrat tona janë me ju appeared first on iconstyle.al.

Pas fitores 2-0 të Al Nasr ndaj Al-Ahly, ku emri i Cristiano Ronaldos u përfshi përsëri në listën e golashënuesve, ylli portugez foli për Canal GOAT BR dhe foli në detaje rreth fundit të karrierës së tij që po afron.

Kur u pyet nga gazetari se kur do të… varë këpucët e futbollit, Cristiano u përgjigj me një ndershmëri të tepruar: “Fundi i karrierës sime po afron… le të shijojmë çdo ndeshje.”

Karriera ime ka qenë e shkëlqyer dhe dua që të vazhdojë të jetë kështu. Ende e shijoj dhe ende shënoj gola. Vazhdoj të luaj jo vetëm për këtë brez, por edhe për atë të mëparshëm dhe tjetrin. E shijoj ditë pas dite, ndeshje pas ndeshjeje, vit pas viti, edhe tani që po i afrohem fundit të karrierës sime. Ky është një fakt.”

Përtej rekordeve individuale, portugezi u përqendrua edhe te qëllimi kolektiv, si dhe te mundësia për ta fituar më në fund Kampionatin në Arabinë Saudite , me fanellën e Al Nasr: “Është diçka që të gjithë e duam shumë. Jemi të gjithë shumë… të etur për ta fituar kampionatin”.

Në moshën 41 vjeç, Cristiano Ronaldo vazhdon të garojë me të njëjtin obsesion të palëkundur… për të shënuar, për të fituar dhe për të lënë gjurmën e tij. Fundi është afër, por për sa kohë që është në fushë, ambicia e tij duket se nuk ka datë skadimi.

 

View this post on Instagram

 

A post shared by Fabrizio Romano (@fabriziorom)

The post Cristiano Ronaldo: Fundi i karrierës sime po afron… le të shijojmë çdo ndeshje appeared first on iconstyle.al.

The post Indri dhe Vanesa shkëmbejnë puthjen e dytë në buzë! appeared first on iconstyle.al.

Warner Bros. ka publikuar trailerin e parë të shumëpritur për “Practical Magic 2”, vazhdimin e filmit kult të vitit 1998 “Practical Magic”. Projekti i ri rikthen në ekran dyshen ikonike Nicole Kidman dhe Sandra Bullock, duke premtuar një histori të re të mbushur me magji, dramë dhe emocione familjare. Filmi pritet të mbërrijë në kinema më 11 shtator.

Traileri u shfaq fillimisht gjatë CinemaCon në Las Vegas, përpara se të publikohej për publikun e gjerë. Reagimet e para e përshkruajnë si një rikthim nostalgjik, por edhe si një kapitull më të errët dhe më intensiv për historinë e motrave Owens.

Filmi drejtohet nga Susanne Bier dhe ndjek Sally dhe Gilly Owens, të cilat përballen me një mallkim të ri që rrezikon familjen e tyre. Ngjarjet zhvillohen vite pas filmit të parë: Sally tashmë ka rritur vajzat e saj, ndërsa Gilly jeton një jetë më të qetë. Paqja prishet kur një figurë misterioze i detyron ato të largohen nga qyteti i tyre dhe të përfshihen në një mision të rrezikshëm.

Kastit i bashkohen emra si Joey King, Lee Pace, Maisie Williams, Xolo Maridueña dhe Solly McLeod. Ndërkohë rikthehen edhe Stockard Channing dhe Dianne Wiest në rolet e tezeve ikonike.

Skenari është shkruar nga Akiva Goldsman dhe Georgia Pritchett, bazuar në romanin “The Book of Magic” të autores Alice Hoffman. Me kombinimin e nostalgjisë dhe elementeve të reja, “Practical Magic 2” pritet të jetë një nga premierat më të rëndësishme të kësaj vjeshte.

The post Publikohet traileri për vazhdimin e “Pratical Magic”, me këto dy aktore në rolet kryesore appeared first on iconstyle.al.

Sot, vendi ynë do të ndikohet nga kushte atmosferike të qëndrueshme, duke sjellë një ditë përgjithësisht të qetë në territor. Sipas parashikimeve meteorologjike, moti do të karakterizohet nga kthjellime në pjesën më të madhe të vendit, ndërsa vranësira të pakta deri mesatare priten kryesisht në zonat malore gjatë orëve të mesditës dhe pasdites.

Këto vranësira nuk parashikohet të shoqërohen me reshje, duke bërë që dita të jetë e favorshme për aktivitete në natyrë dhe lëvizje. Temperaturat pritet të jenë në vlera tipike për këtë periudhë, pa luhatje të ndjeshme.

Sa i përket erës, ajo do të fryjë me drejtim juglindje në jugperëndim, me një shpejtësi mesatare rreth 5 m/s. Megjithatë, në zonat bregdetare, veçanërisht përgjatë vijës jugperëndimore, si dhe në zonat luginore, era pritet të forcohet herë pas here, duke arritur shpejtësi deri në 10 m/s.

Edhe kushtet detare paraqiten të qeta. Valëzimi në detin Adriatik dhe Jon parashikohet të jetë i ulët, me forcë 1 deri në 2 ballë, çka krijon kushte të favorshme për lundrim dhe aktivitete detare.

Në përgjithësi, dita e sotme pritet të jetë e qëndrueshme dhe pa zhvillime të papritura meteorologjike, duke ofruar një situatë të qetë si në zonat urbane, ashtu edhe në ato bregdetare e malore.

The post Parashikimi i motit, si do të jenë temperaturat sot? appeared first on iconstyle.al.

Për sezonin Pranverë/Verë 2026, Lacoste rishkruan trashëgiminë e saj ikonike sportive përmes një koleksioni që eksploron hapësirën delikate mes performancës dhe emocioneve. I frymëzuar nga rrënjët e markës dhe vitet formuese të René Lacoste, koleksioni sjell një qasje moderne ndaj siluetës atletike, duke kombinuar lehtësinë me elegancën dhe funksionalitetin me sensualitetin.

Drejtoresha kreative Pelagia Kolotouros rikthehet te origjina e markës me një ndjeshmëri bashkëkohore. Koleksioni pasqyron momentin pas aktivitetit fizik, kur trupi relaksohet dhe veshjet bien natyrshëm mbi trup, duke krijuar një ndjesi lirshmërie dhe elegance të butë. Polo-t shfaqen pak të hapura, kostumet sportive janë më fluide dhe çdo pjesë duket e natyrshme dhe e lehtë.

Në thelb të koleksionit qëndrojnë kontrastet: transparenca përballet me strukturën, fluiditeti me saktësinë, ndërsa sporti ndërthuret me sensualitetin. Materialet teknike rikrijohen në forma të reja, si organza e tejdukshme që sjell lehtësi, terry cloth me shkëlqim dhe lëkura reflektuese që i jep koleksionit një pamje moderne dhe dinamike.

Ikonat e markës rikthehen të riinterpretuara: polo-t bëhen më të gjera dhe gjysmë transparente, ndërsa siluetat e relaksuara kombinohen me materiale si leshi tropikal dhe mohair i butë. Çantat dhe detajet ruajnë trashëgiminë sportive, ndërsa logoja e krokodilit ridizajnohet në mënyrë më të rafinuar.

Ngjyrat variojnë nga tonet klasike si portokallia dhe bluja e thellë, deri te nuancat më të buta si okër, ulliri dhe bezhë. Koleksioni u prezantua në Lycée Carnot në Paris, duke reflektuar idenë e një garderobe të jetueshme, në lëvizje dhe gjithmonë pranë trupit.

Ky koleksion sjell një formë të re elegance, ku ndjesia ka po aq rëndësi sa pamja.

The post Sport dhe sensualitet në një koleksion të vetëm: Lacoste SS26 appeared first on iconstyle.al.

Dasma mes Mateos dhe Brikenës mbrëmjen e djeshme është kthyer në një nga temat më të diskutuara gjatë prime-it të sotëm në shtëpinë e Big Brother VIP. Ajo që për çiftin ishte një moment kulmor i marrëdhënies së tyre, për disa prej banorëve është parë si një strategji e qartë loje drejt finales.

Miri dhe Juela kanë shprehur hapur dyshimet e tyre për vërtetësinë e raportit, duke theksuar se gjithçka mund të jetë përdorur për të fituar terren në garë. Ndërkohë, Brikena ka reaguar duke u shprehur krenare për lidhjen që ka ndërtuar me Mateon, duke e konsideruar një ndjenjë të sinqertë që erdhi natyrshëm.

Pjesë nga debati: 

Mateo: Të shihja këtë klip ishte kënaqësi. Çdo moment, debate, përqafime dhe përfundimi më i bukur s’ka ku shkon.

Brikena: Çdo gjë ka ardhur papritur. Unë jam shumë krenare që jam bashkë me Mateon.

Juela: Dasma pati një energji shumë pozitive. Unë personalisht nga çifti nuk pashë shumë emocione. Mateos ia mori nurin bukuria e Brikenës. Brikena e përdori kartën e dasmës për finalen.

Edisa: I kam thënë, nëse e keni të vërtetë, Zoti jua sjelltë mbarë.

Miri: Te dasma, mua më duket guri i fundit për në finale. Do t’i bëjë më shumë punë Brikenës. Një herë u puthën, një herë jo. Jo, u ndanë, u bashkuan, u larguan. Tani erdhi momenti të bëhej dasmë për 24 orë.

Brikena: Ndodh shumë herë edhe në jetë që në fillim nuk duhen dhe pastaj bëjnë fëmijë bashkë.

Miri: Po flas për Big Brother, o Brikena.

Mateo: Kjo është lufta jote imagjinare.

Miri: Nëse fati ishte BB, lum si ju.

Selin: Dasma nuk kishte fare koment, çifti ka qenë në më të mirën e tyre. Më vjen shumë mirë. Mateon e kam besuar gjithmonë dhe në këtë pikë e besoj edhe Brikenën.

Rogerti: Brikena është e etur për finalen.

The post Dasma e Briteos, Juela: E përdore kartën e dasmës për finale appeared first on iconstyle.al.

Shumë prej nesh e mendojnë gjumin si një rutinë të qëndrueshme gjatë gjithë vitit, por në realitet mënyra se si flenë trupat tanë ndryshon ndjeshëm sipas stinëve. Ekspertët shpjegojnë se kjo lidhet ngushtë me ritmin cirkadian, një “orë biologjike” që kontrollon ciklin e zgjuarjes dhe të gjumit, e cila ndikohet kryesisht nga drita dhe temperatura e ambientit.

Në pranverë, ditët fillojnë të zgjaten dhe ndryshimet e orës mund të prishin përkohësisht ritmin e gjumit. Për më tepër, alergjitë nga poleni mund të ndikojnë në cilësinë e gjumit, duke e bërë më të vështirë të pushoni gjatë natës.

Gjatë verës, drita e gjatë dhe temperaturat e larta bëjnë që trupi të qëndrojë zgjuar më gjatë. Drita e tepërt vonon prodhimin e melatoninës, hormoni që nxit gjumin, ndërsa nxehtësia e bën më të vështirë të flesh rehat.

Në vjeshtë, ditët shkurtohen dhe errësira vjen më herët. Kjo e bën trupin të ndihet më i përgjumur gjatë ditës dhe ora ndryshon përsëri, duke e sfiduar përsëri ritmin e brendshëm.

Dimri sjell më shumë errësirë dhe më pak dritë, çka rrit prodhimin e melatoninës. Disa njerëz përjetojnë një nevojë për më shumë gjumë, megjithatë, kjo nuk do të thotë gjithmonë se gjumi i tyre është më i mirë.

Ekspertët këshillojnë të mbani një rutinë të qëndrueshme të gjumit, të krijoni një ambient të freskët dhe të errët për natën, dhe të kufizoni ekspozimin ndaj dritës së fortë përpara gjumit, për të ndihmuar trupin të përshtatet më lehtë me ndryshimet sezonale.

Ky ritëm natyral i trupit tregon se gjumi nuk është një proces i njëjtë gjatë gjithë vitit, por një pasqyrë e lidhjes sonë të drejtpërdrejtë me natyrën dhe stinët.

The post Si ndryshon gjumi sipas stinëve: Ritmi natyral i trupit gjatë gjithë vitit appeared first on iconstyle.al.

King Charles III, në rolin e tij si kreu i monarkisë britanike, renditet ndër personat më të pasur në Mbretërinë e Bashkuar, me një pasuri të vlerësuar rreth 860 milionë dollarë sipas listës së The Sunday Times për vitin 2025.

Ndryshe nga shumica, ai nuk merr një pagë tradicionale, por financohet përmes disa burimeve kryesore. Gjatë kohës si Princi i Uellsit, të ardhurat e tij vinin nga Duchy of Cornwall, ndërsa pas kurorëzimit në vitin 2022, financimi i tij ndahet në tre burime: Crown Estate, Duchy of Lancaster dhe investimet personale.

Pjesa më e madhe e të ardhurave vjen nga Crown Estate, një portofol i gjerë pronash dhe biznesesh. Fitimet e këtij institucioni administrohen nga Thesari britanik dhe një përqindje u jepet familjes mbretërore përmes të ashtuquajturit Sovereign Grant. Për vitin 2025-2026, kjo shumë arriti mbi 176 milionë dollarë, duke mbuluar shpenzimet zyrtare si rezidencat, stafi dhe angazhimet publike.

Një tjetër burim është Duchy of Lancaster, të ardhurat neto të së cilës kalojnë në Privy Purse – fondi privat i mbretit. Në vitin 2024-2025, ky fond kapërceu 38 milionë dollarë dhe përdoret për shpenzime personale dhe mirëmbajtjen e pronave si Sandringham dhe Balmoral.

Përveç këtyre, King Charles III zotëron edhe një portofol personal investimesh, detajet e të cilit nuk bëhen publike.

Pavarësisht sfidave shëndetësore gjatë vitit 2024, ai mbetet një nga anëtarët më aktivë të familjes mbretërore, me qindra angazhime zyrtare dhe plane për një axhendë edhe më të ngarkuar gjatë vitit 2026.

The post King Charles III, mes më të pasurve në Britani: ja si i siguron milionat appeared first on iconstyle.al.

Pas vetëm një dite uljeje, çmimet e karburanteve në vend kanë pësuar sërish rritje. Në mbledhjen e zhvilluar mëngjesin e sotëm, Bordi i Transparencës së Hidrokarbureve vendosi të rrisë çmimin e naftës dhe benzinës për tregun e pakicës.

Sipas vendimit të fundit, nafta është shtrenjtuar me 15 lekë për litër, duke kaluar nga 203 lekë në 218 lekë. Ndërkohë, benzina është rritur me 6 lekë, nga 175 lekë në 181 lekë për litër.

Vendimi vjen vetëm një ditë pas uljes së mëparshme të çmimeve, ku nafta kishte zbritur nga 214 lekë në 203 lekë për litër, nivel në të cilin qëndroi për disa ditë. Edhe benzina kishte pësuar një rënie të ndjeshme, duke kaluar nga 199 lekë në 175 lekë për litër.

Sipas tabelës së publikuar nga Bordi i Transparencës, çmimet e reja paraqiten si më poshtë:

Me shumicë:

• Nafta: 206 lekë/litër
• Benzina: 169 lekë/litër

Me pakicë:

• Nafta: 218 lekë/litër
• Benzina: 181 lekë/litër

Ndërkohë, çmimi i gazit nuk ka pësuar ndryshime dhe mbetet në të njëjtat nivele.

Këto luhatje të shpeshta të çmimeve vijojnë të ndikojnë drejtpërdrejt në treg dhe në buxhetin e qytetarëve, duke reflektuar situatën e paqëndrueshme në tregun e hidrokarbureve.

Pritet të shihet nëse këto ndryshime do të vijojnë edhe në ditët në vijim.

The post Bordi i Transparencës rrit sërish çmimin e naftës! appeared first on iconstyle.al.

Një tjetër mbrëmje plot emocione në Big Brother VIP Albania solli një përballje të fortë mes dy banorëve, Stenaldos dhe Mateos, ku vendimi final ishte në duart e publikut. Pas një jave të mbushur me tension dhe diskutime, votat përcaktuan largimin e Stenaldos nga shtëpia më e famshme në Shqipëri.

Eliminimi këtë herë erdhi me një skenar të pazakontë. Në dhomën e rrëfimit nuk u thirrën vetë banorët, por dy nga njerëzit e tyre më të afërt brenda shtëpisë: Mali për Stenaldon dhe Brikena për Mateon. Ishin pikërisht ata që morën përsipër t’u komunikonin lajmin sy banorëve të nominimit. Për Mateon, rezultati ishte pozitiv, duke siguruar vazhdimin e rrugëtimit, ndërsa për Stenaldon ky ishte fundi i garës.

Fati nuk ishte në anën e tij, pasi bileta që mbante ishte vetëm vajtje, duke i dhënë fund përfundimisht aventurës së tij në këtë format. Në momentet e fundit brenda shtëpisë, Stenaldo zgjodhi të takohej vetëm me disa prej banorëve që i konsideronte më të afërt: Selinin, Malin dhe Nikol.

Ky nominim u hap të shtunën, pas një vendimi të liderit të shtëpisë, Rogertit, i cili vendosi të çonte kokë më kokë në televotim Stenaldon dhe Mateon. Eliminimi i fundit ndryshon sërish dinamikat e lojës, ndërsa gara drejt finales bëhet çdo ditë edhe më e fortë.

The post Për ju që e humbët, ky banor u largua mbrëmë nga “BBVA” appeared first on iconstyle.al.

Historia mes Romeo Veshajt dhe Heidi Bacit është rikthyer në qendër të vëmendjes. Romeo deklaroi se marrëdhënia jashtë shtëpisë zgjati tre muaj dhe përfundoi paqësisht, duke theksuar se ndryshimet në karaktere ishin pengesa kryesore: “Lidhja ime me Heidin përfundoi me respekt. U njohëm brenda, qëndruam tre muaj jashtë dhe nuk funksionoi.”

Nga ana tjetër, Heidi ka thyerë heshtjen mëngjesin e sotëm në “Wake Up” dhe ka shprehur indinjatën për mënyrën si po trajtohet historia e tyre. Ajo theksoi se kjo nuk ka qenë një “aventurë tre mujore”, por një lidhje e ndërtuar mbi ndjenja të vërteta, sakrifica dhe përkushtim.

Ndoshta është e nevojshme që ndonjëherë të japim sqarim.

Kam frikë se heshtja ndonjëherë merret si pohim. Jam mërzitur dhe jam lënduar se si është folur për ish-marrëdhënien time. Dhe jam lënduar në fakt se si është kaluar ajo marrëdhënie. Nuk më pëlqen kur të tjerët flasin për këndvështrimin tim. Nga këndvështrimi im nuk ka qenë një gjë 3-mujore, por ka patur sakrificë, përkushtim, ka patur ndjenja…

Për mua ka qenë shumë e rëndësishme, çdo gjë ka qenë shumë reale dhe nuk përkufizohet respekti në këto fjalët.

Unë s’kam dashur të flas sepse ka qenë shumë e rëndësishme për mua dhe nuk duhet të ishte një ushqim mediash. Dhe jo ndarja nuk ka qenë me aq respekt sa është paraqitur.

Unë jam gjendur në një situatë të komplikuar, të papritur, të vështirë, dhe për respekt të asaj që kam kaluar unë, që kam heshtur, s’do të thotë që nuk peshon. Ky është këndvështrimi im, këndvështrimi nga pala tjetër nuk ka asnjë problem të jetë kështu, të jetë një eksperiencë, sepse unë nuk jam këtu për të baltosur dikë.

Unë distancohem, mendimet nuk janë të përbashkëta!

 

The post Romeo Veshaj dhe Heidi Baci: versionet kontradiktore të ndarjes: Ndarja s’ka përfunduar me respekt! appeared first on iconstyle.al.

Legjenda e arteve marciale, Chuck Norris, u dërgua me urgjencë në spital gjatë qëndrimit të tij në ishullin Kauai të Hawaii për një emergjencë shëndetësore, raportojnë mediat e huaja. Ende nuk janë bërë publike detajet e incidentit, por burime pranë aktorit konfirmojnë se ai është në gjendje stabile, duke qetësuar fansat në mbarë botën.

Pavarësisht situatës, Norris vazhdon të ruajë një stil jete të shëndetshëm dhe aktiv edhe në moshën 86-vjeçare. Më 10 mars, ai festoi ditëlindjen e tij duke ndarë një video nga një seancë private boksi në natyrë, ku shkroi me humor: “Nuk plakem. Vetëm ngrihem në nivel tjetër”. Ai gjithashtu shprehu mirënjohje për shëndetin dhe mundësinë për të vazhduar të bëjë atë që e ka pasion.

I njohur për aktivitetin e tij fizik të jashtëzakonshëm, Norris shpesh ndan momente nga stërvitjet në palestër, ngritje peshe, ecje në natyrë dhe kalërim. Ai u jep fansave një mesazh frymëzues: mos u ndalni, pavarësisht moshës, dhe zgjidhni disiplinën mbi komoditetin.

Edhe pas 86 viteve, ylli i filmave si “Way of the Dragon” dhe “Invasion U.S.A.” tregon se është ende në formë dhe i përkushtuar ndaj një jete aktive, duke ruajtur energjinë dhe shpirtin e fortë që e kanë bërë të paharrueshëm për breza të tërë. Fansat e tij vazhdojnë të ndjekin me admirim dhe kujdes çdo hap të legjendës së arteve marciale.

The post Çfarë ndodhi? Chuck Norris dërgohet me urgjencë në spital appeared first on iconstyle.al.

Një postim i fundit në rrjetet sociale nga Lori Hoxha ka hequr menjëherë dyshimet dhe komentet e ndjekësve, duke zbuluar se eshte në pritje të ëmbël.

Në pamje të parë, gjithçka dukej si një moment i zakonshëm nga palestra, ku Lori shfaqet në formë të mirë fizike, e veshur sportive dhe në shoqërinë e motres dhe instruktores. Mirëpo, pas një “manovrimi” të vogël vizual nga redaksia jone, disa detaje nuk i shpëtuan syrit tone.

Pas analizimit më të kujdesshëm të fotos, është vënë re një ndryshim i lehtë në zonën e barkut, që tregon se Lori eshte shtatzënë dhe se ka zgjedhur ta mbajë këtë lajm larg vëmendjes publike deri tani.

Ajo që e bën edhe më interesante situatën është fakti se Lori nuk ka bërë asnjë reagim apo deklaratë lidhur me këto dyshime, duke shtuar më shumë mister rreth jetës së saj personale. Mesa duket ajo ka preferuar ta mbajë këtë kapitull të rëndësishëm të jetës së saj në privatësi të plotë.

E pra, një foto e thjeshtë nga palestra ka mjaftuar për të ndezur rrjetin!

Kujtojmë se motra e vogël e Lorit, para pak kohësh u bë nene për herë te parë, c’ka e ben më të vecante për to këtë periudhë.

The post Lori Hoxha shtatzënë! Detaji që “tradhtoi” gjithçka nga një foto në palestër appeared first on iconstyle.al.

Pas televotimit të hapur ditën e shtunë, këtë të martë mes Gimbos dhe Brikenës, njëri do të lërë shtëpinë e Big Brother VIP Albania 5.

Në një bisedë të zhvilluar me Selinën, me të cilën ka nisur një raport dashurie, Gimbo i dha disa këshilla.
Ai tha se Selin duhet të vazhdojë lojën e saj, ndërsa ai do e presë jashtë, nëse eleminohet sot nga gara. Gimbo kërkoi nga Selin që raporti mes tyre të mos ndryshojë, edhe nëse publiku ka vendosur që ai të lërë sot shtëpinë.

Pjesë nga diskutimi:

Gimbo: Kam një kërkesë për ty, vetëm mos më dëshpëro, mos më bëj të ndihem keq se këtu e përballoj, por jashtë… mos bjer pre e provokimeve.
Selin: Edhe unë kam një për ty, edhe nëse… për çdo gjë më prit
Gimbo: Të pret DJ-Gimbo, edhe ti ruaje veten. Nëse dal sot unë do rri në Shqipëri.
Selin: Rri te Greta.
Gimbo: Jo shkoj në hotel.
Selin: Vetëm mos të rrish vetëm
Gimbo: Unë nuk jam kurrë vetëm, edhe mbaje veten siç ke qenë me mua deri tani, se është dëshpërim shumë i madh për mua nëse gjërat ndryshojnë kur unë dal jashtë, bëj se çfarë të thotë zemra, mos u ndiko për asgjë, për fjalët e këtyre

The post “Nëse dal sot…”/ Gimbo në televotim, këshillon Selinën: Ndiq zemrën! appeared first on iconstyle.al.

Vendimi i Gjykatës për të caktuar masën e paraburgimit prej një muaji ndaj këngëtarit Besart Kelmendi, i njohur si Gjesti, ka nxitur reagime të shumta në rrjet dhe në mesin e artistëve shqiptarë. Një nga zërat që ka reaguar së fundmi është edhe reperi G-Bani, i cili ka shprehur publikisht shqetësimin e tij për situatën në të cilën ndodhet artisti i ri.

Përmes një reagimi publik, G-Bani ka bërë thirrje që rasti i Gjestit të trajtohet me më shumë mirëkuptim dhe ndjeshmëri nga institucionet e drejtësisë në Kosovë. Ai theksoi se përtej aspektit ligjor, duhet marrë në konsideratë edhe dimensioni njerëzor i situatës dhe fakti që artisti po përballet me një moment të vështirë në jetën e tij.

“Pas informacionit që kam marrë për atë që ka ndodhur, më vjen shumë keq. I bëj thirrje drejtësisë së Republikës së Kosovës të mendojë si një prind për Gjestin, jo si xhelat. Të ketë parasysh që po kalon momente të vështira dhe ka kaluar,” është shprehur ai.

Në reagimin e tij, reperi nënvizoi gjithashtu se, sipas tij, Gjesti tashmë ka reflektuar për situatën dhe ka kërkuar falje për veprimet e tij. Për këtë arsye, ai beson se drejtësia duhet të tregojë një qasje më të balancuar, duke marrë parasysh edhe rrethanat në të cilat ka ndodhur ngjarja.

“Gjesti është një artist që akuzohet për një krim, por ai nuk ka vrarë njeri dhe nuk ka dëmtuar jetën e askujt. Nuk është një kriminel,” theksoi G-Bani në reagimin e tij.

Në fund të mesazhit, ai u bëri thirrje institucioneve që ligji të zbatohet me ndjeshmëri dhe me vëmendje ndaj faktorëve njerëzorë, duke i dhënë mundësinë artistit të përballet me këtë periudhë të vështirë pa u dëmtuar përfundimisht nga sistemi i drejtësisë.

View this post on Instagram

A post shared by G-BANI (@gbanik1ng)

The post “Ai nuk ka vrarë njeri” – G-Bani del në mbrojtje të Gjestit appeared first on iconstyle.al.