Në Prime-in e kaluar të “Big Brother VIP”, banori Keijsi Hyseni i shpëtoi një nominimi të drejtpërdrejtë, në të cilin u përfshi përmes zarfit të zi që mbërriti në shtëpi, për shkak të gjuhës denigruese dhe ofenduese të përdorur prej tij, Ina dhe Eriku.

Ndërkohë, këtë javë Keijsi ndodhet sërish në nominim dhe duket se ka zgjedhur të luajë “në limite”, duke mos kontrolluar veten dhe fjalorin ndaj banorëve të tjerë, veçanërisht ndaj ish-partneres së tij, Stelinës. Gjatë një bisede me Inën, ai është parë i revoltuar për një diskutim që kjo e fundit kishte pasur me Stelinën, duke përdorur fjalë të rënda në adresë të saj.

“Bravo Stelina, të q**sha robt, nuk më plas tr*pi që ka kamera”, dëgjohet të thotë Keijsi, ndërsa Ina përpiqet ta qetësojë.

Reagimi nuk ka vonuar të vijë nga familjarët e Stelinës. Në llogarinë e saj në Instagram, krahas videos së publikuar, ata shkruajnë:

“E kuptojmë qe eshte nje loje dhe ka dinamikat e veta, por për ne, me ketë, eshte kaluar çdo kufi i pranueshem. PRESIM QE RREGULLAT E FORMATIT TË ZBATOHEN!”

Ngjarja ka ngjallur reagime të shumta në rrjet, ku ndjekësit po kërkojnë që produksioni të marrë masa për gjuhën e përdorur dhe të respektohen rregullat e formatit.

The post “Të q***a robt”/ Keijsi e ofendoi rëndë, reagojnë familjarët e Stelinës appeared first on iconstyle.al.

Aktorja e njohur Emma Stone ka hyrë në histori të Çmimeve Oscar, duke thyer një rekord që prej dekadash mbahej nga Meryl Streep. Pas shpalljes së nominimeve për Oscar 2026, Stone, 37 vjeçe, u bë gruaja më e re në historinë e Akademisë që arrin shtatë nominime në total.

Këtë vit, ajo është nominuar për Aktoren më të Mirë për rolin e saj në filmin “Bugonia” të regjisorit Yorgos Lanthimos. Po ashtu, ajo ka marrë edhe një nominim si producente, pasi filmi konkurron edhe në kategorinë “Filmi më i Mirë”.

Me këto dy nominime, Stone ka kaluar rekordin e Meryl Streep, e cila kishte arritur nominimin e saj të shtatë në moshën 38-vjeçare në vitin 1988. Megjithatë, Streep mbetet aktorja më e nominuar në historinë e Oscars, me plot 21 nominime dhe tre fitore.

Emma Stone ka fituar deri tani dy herë çmimin Oscar për Aktoren më të Mirë: në vitin 2017 për “La La Land” dhe në vitin 2024 për “Poor Things”. Nominimet e saj të mëparshme përfshijnë edhe role në filma si “Birdman” dhe “The Favourite”, si dhe një nominim si producente për “Poor Things”.

Pas lajmit për nominimet, Stone u shpreh falënderuese ndaj Akademisë dhe ekipit të filmit “Bugonia”, duke veçuar regjisorin Yorgos Lanthimos për bashkëpunimin dhe miqësinë e tyre krijuese.

The post Askush si Emma Stone! Rekordi që po bën histori në Oscar appeared first on iconstyle.al.

Një ftesë profesionale, në dukje rutinë, u shndërrua papritur në një përvojë të pazakontë reflektimi per mjekun Gramos Hodaj. Ajo që pasoi per mjekun ishte një ditë pune e zakonshme në thelb, por me një jehonë krejt të pazakontë, per ate qe tashme quhet ‘VIP’ ne vendin tonë.

Postimi:

Mbresat e një dite mes “VIP-ash”
Javën që lamë pas, kur stafi drejtues i Poliklinikës Universitare Barleti më njoftoi se isha përzgjedhur, së bashku me dy asistente, për të kryer një kontroll shëndetësor për banorët e “Shtëpisë më të famshme në Shqipëri” Big Brother VIP, ndjeva një hezitim të natyrshëm.
U gjenda përballë një dyzimi të heshtur, si ai çasti kur arsyeja dhe intuita kërkojnë secila fjalën e fundit.
“Nuk besoj se jam zgjedhja e duhur,” reagova instinktivisht.
“Pse jo?” ma kthyen njëzëri.
Na duhet një mjek me përvojë dhe me ndjeshmëri për etikën e spektaklit.
Druaja se nuk do mund të vizitoja kaq shumë “VIP-a” brenda një dite, një shqetësim që nuk i lëkundi bindjet e drejtuesve.
Edhe dy asistentet që do të më shoqëronin e ndienin peshën e padukshme të kësaj përvoje, nga kamerat që s’të lënë vetëm, dritat që s’të falin hijet, publiku që te sheh pa pyetur.
Gjithçka dukej më e zhurmshme se heshtja profesionale ku jemi mësuar të punojmë.
Të premten ishim brenda shtëpisë. i vizituam të gjithë banorët.. Në thelb, një ditë pune e zakonshme, por me një jehonë të pazakontë.
Kamerat ndiqnin lëvizjet tona, por ne ndiqnim pulsin. Dritat ndriçonin fytyra, ndërsa ne kërkonim shenja lodhjeje, tensioni, ankthi, gjëra të vogla që nuk duken në ekran.
Aty ku fama peshon më shumë se heshtja, mjekësia mbetet një akt i thjeshtë njerëzor.
Pas përfundimit të vizitave, mesazhet e përgëzimit më erdhën pa fund, sikur të kishte ndodhur diçka jashtë normales.
Nuk do ta kisha menduar kurrë se një ditë kaq e zakonshme për mua do të më vendoste simbolikisht në të njëjtin emërtim, “VIP” përkrah banorëve, opinionistëve, moderatorëve e skenaristëve.
Edhe sot, teksa shkruaj këto rreshta, mbetem i paqartë për kriteret që e përkufizojnë këtë titull.
Shumica e banorëve ishin të panjohur për mua, dhe nuk gjeja në kujtesë ndonjë vepër, gjurmë a kontribut, që ta lidhja emrin me fytyrën.
Por ndoshta kjo është shenja e kohës ku jetojmë, famë pa histori, zë pa thellësi dhe dritë pa nxehtësi.
Nuk i kam ndjekur kurrë këto eksperimente sociale televizive.
Ndaj e gjej të vështirë të shpreh nëse shërbejnë për edukimin e shoqërisë apo thjesht për argëtimin e saj.
Kur dola nga shtëpia, kuptova se “VIP” është një fjalë elastike e përkoshme, që zgjatet e tkurret sipas kohës.
Diku kam lexuar se nëse njerëzit e vegjël bëjnë hije të madhe, atëherë dielli me siguri është duke perënduar.
Ashtu si hijet që zgjaten në muzg, edhe glorifikimi i njerëzve pa merita është shenjë se drita e mençurisë së shoqërisë po zbehet, duke u fshehur bashkë me diellin pas horizontit.
Megjithatë, për ekipin tonë mjekësor, kjo mbetet një përvojë e veçantë. Brenda atyre mureve, përtej famës dhe spektaklit, ne gjetëm thjesht njerëz dhe i trajtuam si të tillë.
Gjej rastin të falënderoj të gjithë banorët për përqasjen e ngrohtë dhe respektin e treguar, ndaj nesh, dhe t’u uroj suksese në rrugëtimin e tyre jetësor. aty ku drita e vërtetë matet jo nga reflektorët, por nga gjurmët që lë pas.
PS. Edhe këto foto bashkë me mesazzhet janë postuar nga ndjeksit e mi.

The post Vizitoi “VIP-at” e Big-ut në shtëpi, mjeku tregon përshtypjet: Të panjohur për mua, glorifikim i njerëzve pa meritë… appeared first on iconstyle.al.

Ylli botëror Paris Hilton ka folur me superlativa për dy këngëtaret me prejardhje shqiptare, Rita Ora dhe Bebe Rexha, në një intervistë të fundit për Telegrafin. Hilton ka treguar se me të dyja artistet ka një marrëdhënie shumë të afërt dhe miqësore, duke theksuar admirimin e saj për punën, karrierën dhe personalitetin e tyre.

“I dua Ritën dhe Beben shumë. Janë vajza fantastike, shumë të talentuara dhe shumë argëtuese“, është shprehur ajo.

Ajo ka vazhduar duke zbuluar edhe më shumë detaje nga raporti i tyre shoqëror, duke i cilësuar si persona të sinqertë dhe me zemër të madhe.

“Sa herë që jemi bashkë, kalojmë për mrekulli. Janë të vërteta, shumë të mira me zemër të madhe, të bukura brenda dhe jashtë. I dua si motra dhe jemi shumë të afërta dhe vërtet i dua dhe jam shumë krenare për të dyjat, mendoj se janë të dyja artiste të jashtëzakonshme, kanë zemër shumë të madhe, gjithmonë shkëlqejnë”.

Në fund, Paris Hilton ka bërë të ditur se shumë shpejt do të ribashkohet me to, duke shprehur entuziazmin për takimin e radhës.

“Unë thjesht i dua aq shumë dhe do t’i shohë të dyja pas disa ditësh në festën e mikut tim, kështu që mezi pres të rri me to“, ka theksuar ajo për Telegrafin.

The post Paris Hilton flet për Ritën Ora dhe Bebe Rexhën: I dua si motra appeared first on iconstyle.al.

Autoritetet amerikane të emigracionit (ICE) kanë ndaluar një fëmijë 5-vjeçar në Minnesota, teksa po kthehej në shtëpi nga shkolla, duke e transportuar atë bashkë me të atin në një qendër ndalimi në Teksas. Lajmi është bërë i ditur nga drejtuesit e distriktit shkollor të Columbia Heights, në periferi të Minneapolis.

Sipas autoriteteve shkollore, fëmija, i identifikuar si Liam Ramos, nxënës i kopshtit, dhe babai i tij u ndaluan të martën, në momentin kur kishin mbërritur në oborrin e banesës së tyre. Drejtoresha e shkollës, Zena Stenvik, deklaroi se u informua për ngjarjen dhe shkoi menjëherë në vendngjarje.

Kur ajo mbërriti, makina e babait ishte ende ndezur dhe të dy ishin tashmë nën kontrollin e agjentëve. Sipas saj, një agjent e nxori Liamin nga makina, e çoi deri te dera e shtëpisë dhe i kërkoi të trokiste për të parë nëse kishte persona të tjerë brenda, veprim që Stenvik e cilësoi si “përdorim i një fëmije 5-vjeçar si karrem”.

Një i rritur tjetër që ndodhej pranë banesës i kishte kërkuar agjentëve të merrte në kujdes Liamin për të shmangur ndalimin e tij, por kërkesa u refuzua. Rreth 20 minuta më vonë, vëllai më i madh i Liamit, nxënës në shkollë të mesme, u kthye në shtëpi dhe gjeti banesën bosh, pa babain dhe vëllain e tij.

Avokati i familjes, Marc Prokosch, deklaroi se familja ka një çështje aktive për azil dhe se babai dhe djali kishin hyrë në SHBA përmes një pike zyrtare kufitare.

“Ata kanë ndjekur të gjitha procedurat ligjore. Nuk kanë hyrë ilegalisht dhe nuk janë kriminelë”, tha ai, duke shtuar se nuk ekziston asnjë urdhër dëbimi ndaj tyre.

Nga ana tjetër, Departamenti i Sigurisë Kombëtare reagoi duke deklaruar se operacioni ishte i synuar për arrestimin e babait, të cilin e cilësoi si emigrant të paligjshëm. Sipas DHS, fëmija nuk ka qenë objektiv i operacionit dhe agjentët kanë qëndruar me të për arsye sigurie, ndërsa babai dyshohet se tentoi të largohej.

Ngjarja ka shkaktuar reagime të forta në komunitet dhe në shkolla. Mësuesja e Liamit e përshkroi atë si një fëmijë të dashur dhe energjik, mungesa e të cilit ndihet nga shokët e klasës. Sipas drejtuesve shkollorë, ndalimi i fëmijëve po krijon frikë dhe traumë te nxënësit dhe familjet e tyre.

Autoritetet shkollore raportuan edhe raste të tjera të ngjashme gjatë javëve të fundit, ku fëmijë dhe adoleshentë janë ndaluar nga ICE, disa prej tyre gjatë rrugës për në shkollë. Sipas tyre, prania e vazhdueshme e agjentëve pranë shkollave ka tronditur ndjenjën e sigurisë në komunitet.

The post Rasti ‘Liam Conejo Ramos’: Ku është djali 5-vjeçar nga Minneapolis, i ndaluar nga ICE? appeared first on iconstyle.al.

Princi William nxitoi në ndihmë të Kate Middleton gjatë paraqitjes së tyre të fundit publike së bashku, në një gjest delikat që pakkush e vu re.

Incidenti ndodhi më 20 janar, kur Princi dhe Princesha e Uellsit vizituan punishten dhe organizatën bamirëse të endjes me dorë Radical Weavers në Stirling të Skocisë. Çifti mbretëror ishte atje për të nxjerrë në pah se si zanatet tradicionale të vendit vazhdojnë të bashkojnë komunitetet lokale dhe të frymëzojnë brezat e rinj.

Në një video që u bë virale në rrjetet sociale, Princesha Kate ulet në një tezgjahu për të parë se si endet tartani skocez, ndërsa Princi William qëndron menjëherë pas saj. Kur Princesha e Uellsit hoqi xhaketën e saj blu dhe e vendosi në shpinë të karriges, burri i saj e kapi shpejt dhe e palosi me kujdes, duke buzëqeshur diskret.

Ata që e vunë re këtë veprim të veçantë e lavdëruan princin për diskrecionin dhe reagimin e tij të menjëhershëm.

Zgjedhja e kësaj palltoje të veçantë, megjithatë, nuk ishte e rastësishme. Kate Middleton ka shprehur vazhdimisht mbështetjen e saj për industrinë britanike të tekstilit dhe rolin e saj në formësimin e identitetit kulturor kombëtar. Palltoja e saj e qepur ishte krijim i Chris Kerr, një stilist me bazë në Londër, dhe ishte bërë nga leshi Johnstons i Elgin, një shtëpi historike skoceze.

 

View this post on Instagram

 

A post shared by The Prince and Princess of Wales (@princeandprincessofwales)

The post Gjesti diskret i Princit William ndaj Kate Middleton që pakkush e vuri re, gjatë paraqitjes së tyre të fundit në Skoci appeared first on iconstyle.al.

Historia shpesh shkruhet me luftëra, perandori dhe zbulime të mëdha. Por ka raste kur ajo ndryshon rrjedhë pa paralajmërim. Më 23 janar 1556 , provinca Shanxi në Kinë përjetoi ngjarjen më vdekjeprurëse sizmike të regjistruar ndonjëherë. Vlerësimet flasin për më shumë se 830,000 vdekje. Një numër që edhe sot duket i paimagjinueshëm.

Tërmeti bie gjatë Dinastisë Ming. Nuk është vetëm një katastrofë natyrore, por një ngjarje që zbulon se sa të cenueshme ishin shoqëri të tëra ndaj forcave të natyrës.

Tërmeti që nuk la asgjë në këmbë

Vlerësohet se dridhja i kaloi 8 ballë të shkallës Rihter , megjithëse në atë kohë nuk kishte instrumente shkencore regjistrimi. Shkatërrimi shtrihet në dhjetëra qytete dhe fshatra në Kinën qendrore . Komunitete të tëra zhduken brenda pak sekondash.

Toka po çahet, lumenjtë po ndryshojnë rrjedhë dhe rrëshqitjet e mëdha të dheut po rrëmbejnë gjithçka. Në shumë zona, peizazhi pas tërmetit nuk ka asnjë ngjashmëri me atë që ishte më parë. Natyra duket se është rivendosur…

Pse vdiqën kaq shumë?

Numri i madh i viktimave nuk ishte vetëm për shkak të intensitetit të tërmetit. Vendi dhe mënyra se si jetonin njerëzit luajti një rol vendimtar. Shumë banorë të zonës jetonin në banesa nëntokësore ose gjysmë-nëntokësore të gërmuara në tokën e butë të zonës, të njohur si yaodong.

Këto shtëpi u shembën në masë , duke zënë në kurth familje të tëra. I kombinuar me dendësinë e lartë të popullsisë dhe mungesën e plotë të njohurive për mbrojtjen nga tërmetet, tërmeti u shndërrua në një masakër.

Vdekjet që nuk u numëruan kurrë

830,000 vdekjet nuk erdhën vetëm nga tërmeti i parë. Në muajt dhe vitet që pasuan, mijëra njerëz vdiqën nga uria, sëmundjet dhe kolapsi i organizimit shoqëror. Të korrat u humbën, uji u kontaminua dhe rajone të tëra u braktisën.

Kjo është arsyeja pse shumë historianë flasin për një katastrofë që nuk mbaroi kurrë. Ishte një ngjarje që ndryshoi demografinë dhe ekonominë e rajonit për breza me radhë.

Gjurmët në Histori

Tërmeti i vitit 1556 konsiderohet si një pikë kthese në kujtesën kolektive të Kinës. Ai u dokumentua gjerësisht në kronikat perandorake dhe tregimet popullore, si një kujtesë se asnjë forcë, madje as një perandori, nuk është më e fortë se natyra.

Sot, kjo mbetet ngjarja sizmike më vdekjeprurëse e regjistruar ndonjëherë. Jo sepse Toka nuk është tronditur kurrë kaq fort më parë, por sepse rrallëherë kaq shumë njerëz kanë qenë kaq të pambrojtur në të njëjtën kohë.

The post Tërmeti më vdekjeprurës në histori: La pas 830,000 të vdekur dhe “gëlltiti” një Perandori appeared first on iconstyle.al.

Koreografi i njohur Kledi Kadiu ka folur me shumë ndjenjë dhe dhimbje për një nga periudhat më të vështira të jetës së tij, duke rrëfyer se si një ngjarje që zakonisht shoqërohet me festë dhe gëzim për çdo familje, për ta u kthye në një plagë të thellë shpirtërore.

“U ndryshua gjithçka. Festa që çdo familje bën kur lind një fëmijë, për ne u shndërrua në një dhimbje të madhe. Fakti që ai ishte kaq i vogël… mospranimi i një prindi, pyetja e vazhdueshme ‘pse atij dhe jo mua’ ishte diçka që të shkatërron”, u shpreh Kadiu teksa ishte i ftuar ne ‘Mirembrema Yje’.

Ai tregoi se ishte një periudhë e mbushur me ankth, lot dhe pafuqinë për të ndalur një realitet të hidhur, por edhe me forcën për të ecur përpara.

“Ishte diçka që nuk e ndalon dot. Ajo kohë kaloi, dhe fatmirësisht gjithçka shkoi mirë për Gabrielin”, tha ai, duke theksuar se sot familja jeton me shpresë dhe besim.

Në rrëfimin e tij, Kledi ndau edhe detaje mbi gjendjen shëndetësore të djalit:

“Ai sot shkon në kopsht, normalisht ka mungesat që ka çdo fëmijë me vështirësi, por shpresa është e lartë. Ishte një virus që mori një drejtim të rëndë… merret në momentin që dëmton pjesë të caktuara të trurit. I ka dëmtuar të folurit dhe lëvizjen, nuk ecën dot”, u shpreh ai.

The post “Nuk ecën dot, por ne nuk dorëzohemi”/ Dëshmia e fortë e Kledi Kadiut për sëmundjen e djalit appeared first on iconstyle.al.

Jeff Bezos ka zbuluar planet ambicioze për ndërtimin e një rrjeti gjigant satelitor, duke hyrë drejtpërdrejt në garë me Elon Musk dhe duke sfiduar dominimin e tij në internetin hapësinor.

Projekti i ri, i quajtur TeraWave, parashikon vendosjen e 5,408 satelitëve në orbitën e ulët të Tokës, të cilët do të shërbejnë kryesisht për qendrat e të dhënave, institucionet qeveritare dhe bizneset në mbarë globin. Sipas një deklarate zyrtare të Blue Origin, kompania hapësinore e Bezos, lëshimet e para të këtyre satelitëve pritet të nisin në tremujorin e katërt të vitit 2027.

TeraWave synon të ofrojë shpejtësi jashtëzakonisht të larta të transmetimit të të dhënave, deri në 6 terabit për sekondë, kudo në Tokë. Kjo do të realizohet falë përdorimit të teknologjisë së avancuar të komunikimit optik mes satelitëve, e cila mundëson shkëmbim informacioni me vonesë minimale dhe kapacitet shumë të lartë.

Sipas kompanisë, rrjeti është projektuar posaçërisht për nevojat e ndërmarrjeve të mëdha, qendrave të të dhënave dhe klientëve qeveritarë, duke synuar të mbulojë deri në 100,000 përdorues në të gjithë botën. Fokusi nuk do të jetë tek përdoruesit individualë, por tek infrastruktura kritike digjitale dhe shërbimet strategjike.

Ky njoftim vjen vetëm pak muaj pasi Amazon, gjiganti i teknologjisë në pronësi të Bezos, riemërtoi rrjetin e saj satelitor në orbitë të ulët në nëntor. Projekti fillestar, i njohur si Kuiper, parashikon mbi 3,000 satelitë që do të ofrojnë shërbime interneti me brez të gjerë për konsumatorët.

Me TeraWave, Bezos po rrit ndjeshëm peshën e tij në garën globale për dominimin e infrastrukturës së internetit nga hapësira. Aktualisht, kjo fushë dominohet nga Starlink, kompania e Elon Musk, e cila ka vendosur rreth 10,000 satelitë në orbitë dhe u shërben më shumë se 6 milionë përdoruesve në mbarë botën, përfshirë individë, biznese dhe qeveri.

Ekspertët e shohin këtë përballje si një kapitull të ri në rivalitetin mes dy miliarderëve, ku hapësira po kthehet në një fushë strategjike për komunikimin global, sigurinë kibernetike dhe ekonominë digjitale të së ardhmes.

The post Çfarë fshihet pas luftës së ashpër midis Bezos dhe Musk për internetin satelitor? appeared first on iconstyle.al.

Dashi
Një projekt krijues mund të kërkojë një shpenzim më të madh parash, kohe ose burimesh të tjera nga sa mendonit fillimisht, dhe kjo mund t’ju bëjë të mendoni nëse do të jeni në gjendje ta vazhdoni atë. Mund të kërkojhet një hap i vogël nga ana juaj, por duhet të jeni në gjendje ta përfundoni atë sipas planit.
Demi
Mund të kesh vizitorë ose edhe një takim të nxehtë të planifikuar për sonte, por deri në mes të pasdites mund të ndihesh shumë i lodhur për ta çuar deri në fund dhe të mendosh nëse duhet ta anulosh. Mbrëmja jote ka të ngjarë të jetë plot me biseda emocionuese dhe stimuluese.
Binjakët
Dërgesat që mund të prisni mund të vonohen. Sot mund të mësoni diçka tronditëse për një fqinj ose të afërm dhe thashethemet mund të përhapen shumë shpejt në komunitetin tuaj. Kjo mund t’ju shqetësojë edhe pse mund të jetë e ekzagjeruar.
Gaforrja
Disa lajme të mira, por surprizuese, rreth një grupi me të cilin mund të jeni i lidhur, mund të vijnë sot. Ndoshta aktivitetet e mbledhjes së fondeve kanë qenë më të suksesshme nga sa mendonit. Megjithatë, shumë dokumente mund të duhet të plotësohen përpara se kjo të funksionojë për ju.
Luani
Disa lajme shqetësuese në lidhje me paratë mund t’ju fusin në një gjendje të pasigurt sot. Ndoshta një shumë që prisnit nuk ka mbërritur në kohë ose ndoshta banka ka bërë një gabim kompjuterik në lidhje me llogarinë tuaj. Kjo është vetëm një pengesë e përkohshme.
Virgjëresha
Një pengesë e përkohshme në lidhje me karrierën tuaj mund t’ju bëjë të ndiheni pak të çorientuar tani. Kjo është vetëm e përkohshme dhe do të rregullohet. Vendosmëria, efikasiteti dhe aftësitë tuaja praktike duhet të rregullohen shumë shpejt.
Peshorja
Sot mund të fillojë dita në mënyrë shumë frustruese. Jini të përgatitur! Disa pajisje me të cilat punoni mund të dalin papritmas jashtë funksionit dhe mund të duhet pak kohë për t’i rregulluar. Një ndarje e përkohshme nga një partner romantik mund të jetë gjithashtu zhgënjyese.
Akrepi
Niveli juaj i frymëzimit artistik është shumë i lartë sot. Mundohuni t’i shkruani ato edhe nëse mbani mend vetëm pjesë të shkurtra. Kjo në fakt mund të nxjerrë në sipërfaqe përsëri aftësitë tuaja, çfarë do t’ju bëjë të ndiheni krenar.
Shigjetari
Një dërgesë e ndonjë lloji që prisnit të vinte nga larg mund të vonohet, duke ju bërë të mendoni se mund të ketë humbur. Nuk ka humbur, Shigjetar; thjesht është vonuar. Fatkeqësisht, nuk ju mbetet gjë tjetër veçse të prisni.
Bricjapi
Sot ka të ngjarë të ndiheni veçanërisht pasionantë, seksi dhe me dëshirë për një takim romantik. Madje mund të keni planifikuar një takim të nxehtë. Megjithatë, mos u habitni nëse duhet të shtyhet për arsye të partnerit tuaj.
Ujori
Një vizitore femër që mund të ketë disa probleme mund të vijë në derën tuaj duke kërkuar këshilla dhe dhembshuri. Ajo mund të ketë disa lajme të tjera që mund t’ju vijnë si tronditëse. Një krizë në punë mund ta bëjë të domosdoshme që ju ose partneri juaj të kaloni pjesën më të madhe të kohës sot larg shtëpisë dhe familjes.
Peshqit
Puna e tepërt dhe tendosja nervore mund t’ju bëjnë të mos ndiheni mirë sot dhe mund të jetë një ide e mirë për ju të merrni pak kohë vetëm për të pushuar. Nëse nuk mund ta bëni këtë, të paktën përpiquni t’i merrni gjërat me qetësi.

The post Horoskopi për ditën e sotme, 23 janar 2026 appeared first on iconstyle.al.

Teyana Taylor është një nga emrat që këtë vit do të garojë për një statujë të artë në ceremoninë e 98-të të Çmimeve të Akademisë. Aktorja ka marrë nominimin në kategorinë “Aktorja më e Mirë në Rol Dytësor” për interpretimin e saj në filmin One Battle After Another.

Në një intervistë për “Variety”, Taylor ka treguar se lajmi e ka tronditur emocionalisht dhe se ende nuk arrin ta besojë plotësisht atë që po i ndodh. Ajo u shpreh se ankthi dhe emocionet e forta nuk e lanë të flinte gjatë natës para shpalljes së nominimeve.

“Tingëllon çmenduri, në kuptimin më të bukur të fjalës. Jam pa fjalë. Zëri pothuajse më është zhdukur. Unë dhe familja ime po bërtisnim nga gëzimi. U rrotullohesha në shtrat gjithë natën, duke ditur që nominimet do të shpalleshin në orën 8:30 të mëngjesit. Trupi im më thoshte: ‘Zgjohu, nuk e përballon dot këtë emocion’. Nuk e marr asgjë si të mirëqenë. Jam thellësisht e prekur”- u shpreh ajo.

Aktorja tregoi gjithashtu se mbrëmjen para shpalljes së nominimeve e kaloi duke parë filmin “Pretty Woman”, duke përmendur Julia Roberts si një nga figurat që e kanë frymëzuar. Duke folur për kalimin nga muzika në aktrim, Taylor tha se që nga tërheqja nga skena muzikore në vitin 2020, kishte ndier nevojën për të hapur një kapitull të ri në jetën e saj artistike.

“‘Pretty Woman’ është një nga filmat e mi të preferuar dhe replika ‘Dua përrallën’ më përfaqëson plotësisht sot. Kështu ndihem tani. Pas largimit nga muzika, ndihesha sikur isha mbyllur në një kuti dhe doja të hapja krahët. Tani e di që mund të ushqej gjithë kopshtin tim, jo vetëm një lule”, – përfundoi Taylor.

The post Nominimi për Oscar ‘trondit’ Teyana Taylor: Nuk marr asgjë si të mirëqenë appeared first on iconstyle.al.

I ftuar mbrëmjen në emisionin “Big Brother Radio” në Top Albania Radio ka qenë ish-banori i “Big Brother VIP”, Erik Lloshi, i cili u largua nga shtëpia të martën pas një nominimi të ardhur përmes Zarfit të Zi, si pasojë e një shkeljeje rregullash nga “Vëllai i Madh”.

Në studion e radios, këngëtari ndau reflektimet e tij për eksperiencën në shtëpinë më të famshme në Shqipëri, duke treguar se hyrja në BBV nuk ishte një vendim i marrë lehtë. Sipas tij, ai ishte i vetëdijshëm që qëndrimi, por edhe dalja nga formati, do të shoqëroheshin me komente dhe kritika, disa prej të cilave nuk do t’i pëlqenin.

“Ne jemi njerëz që jo vetëm punojmë, por edhe jetojmë,” u shpreh ai, duke theksuar se publiku shpesh harron anën njerëzore të personazheve publikë.

Duke folur për sjelljen e tij brenda shtëpisë, Eriku sqaroi se disa momente janë interpretuar gabim. Ai pranoi se ka pasur ditë impulsive, por mohoi kategorikisht të ketë qenë agresiv.

“Nuk jam njeri agresiv. Unë bëj muzikë, bëj art dhe një artist nuk mund të jetë agresiv,” tha ai, duke shtuar se energjia dhe “kimia” me njerëzit janë pjesë e natyrës së tij dhe e lidhjes që ai krijon me publikun.

The post Erik Lloshi flet pas daljes nga BBV: Nuk jam agresiv, kam qenë vetëm impulsiv appeared first on iconstyle.al.

Gjashtë persona u plagosën me thikë gjatë një demonstrate kurde në qytetin belg të Antverpit të enjten në mbrëmje, me dy prej viktimave në gjendje kritike, raportoi media lokale DeMorgen. Sulmet me thikë ndodhën pranë Sheshit të Operas, ku anëtarë të komunitetit kurd ishin mbledhur për një protestë që policia tha se fillimisht ishte paqësore.

Policia tha se rreth 50 demonstrues ishin të pranishëm në tubim, i cili filloi rreth orës 6 pasdite (ora lokale) dhe po i afrohej fundit kur situata u përshkallëzua pak pas orës 7:20 të mbrëmjes. Katër nga të plagosurit u gjetën pranë Sheshit të Operas, ndërsa një viktimë e pestë dhe e gjashtë u gjetën afër në Rooseveltplaats dhe Sint-Elisabethstraat. Të gjashtë pësuan plagë me thikë.

Pamjet që qarkullojnë në mediat sociale tregojnë oficerët që merren me një të dyshuar, ndërsa në vendngjarje shiheshin flamuj kurdë dhe të PKK-së.

“Policia arriti të arrestojë dy të dyshuar të cilët, sipas gjetjeve fillestare, ishin përzier me protestuesit“, tha për DeMorgen Wouter Bruyns, zëdhënës i Zonës së Policisë së Antwerpit .

Oficerët e policisë ishin tashmë të pranishëm në demonstratë për të monitoruar ngjarjen dhe ishin në gjendje të ofronin ndihmë të menjëhershme deri në mbërritjen e ambulancave. Ata nuk kanë dhënë informacion mbi identitetin apo motivet e mundshme të të dyshuarve.

“Një hetim i plotë është duke u zhvilluar në vendngjarje, duke përfshirë analizën mjeko-ligjore. Policia po u bën thirrje fuqimisht kalimtarëve të largohen nga zona”, tha Bruyns, duke shtuar se nuk mund të ndahen detaje të mëtejshme në këtë fazë.

The post Sulm me thikë gjatë demonstratës pro-kurde në Belgjikë, 6 të plagosur, arrestohen 2 të dyshuar appeared first on iconstyle.al.

Vetëm pas një dite, procesi i vënies në punë të njërit prej shtatë reaktorëve në centralin bërthamor japonez Kashiwazaki Kariwa, në veriperëndim të Tokios, i cili u mbyll pas katastrofës së Fukushimës në vitin 2011, u pezullua. Pas gati 15 vitesh mosaktiviteti, reaktori numër gjashtë u rifillua, por procesi u ndalua menjëherë pas kësaj për shkak të problemeve teknike.

Kompania e Energjisë Elektrike të Tokios (Tepco), e cila operon edhe centralin bërthamor të Fukushimës, ka vendosur të pezullojë operacionet pasi u dha një alarm gjatë heqjes së një grupi shufrash kontrolli, përgjegjëse për ndarjen dhe për rrjedhojë rregullimin e energjisë së prodhuar. Kompania shpjegoi se kishte zëvendësuar një komponent, por problemi vazhdonte, duke ndaluar kështu operacionet. Kompania njoftoi se hetimet janë duke u zhvilluar për të sqaruar incidentin.

Aktualisht është e paqartë nëse dhe kur do të rifillojë rinisja. Autoriteti Rregullator Bërthamor (NRA) e shpalli reaktorin të qëndrueshëm, duke shtuar se nuk ka shqetësime për sigurinë, ndërsa qeveria e Prefekturës Niigata tha se nuk u zbuluan nivele jonormale të radioaktivitetit rreth kompleksit.

Historia e operatorit, e shënuar nga skandale dhe shqetësime për sigurinë, ka qenë prej kohësh një burim shqetësimi publik, me disa protesta të organizuara nga banorët vendas në muajt e fundit. Drita jeshile për rihapjen erdhi nga Prefektura pasi Tepco korrigjoi disa gabime në parametrat e aktivizimit të alarmit për 88 nga 205 shufrat e kontrollit të reaktorit të inkriminuar. Megjithatë, opinioni publik ishte tashmë i ndarë midis atyre që mbështesin rihapjen dhe atyre që e kundërshtojnë atë: sipas një ankete shtatorin e kaluar, deri në 60 përqind e banorëve vendas e kundërshtuan vendimin.

The post Japonia ndalon rifillimin e centralit bërthamor më të madh në botë pas paralajmërimit për emergjencë appeared first on iconstyle.al.

Një pushim i shkurtër për kafe konsiderohet nga shumë punëtorë si një pjesë rutinë e padëmshme e një dite pune. Megjithatë, një vendim i kohëve të fundit gjyqësor në Gjermani dërgon një mesazh të qartë: kur koha e punës regjistrohet elektronikisht, edhe disa minuta mungesë mund të shndërrohen në sjellje të keqe serioze në vendin e punës.

Gjykata e Punës në Hamm mbështeti pushimin e menjëhershëm të një punonjësi, duke vendosur se ndërprerja e paregjistruar e punës përbën mashtrim në orarin e punës, duke çuar në humbjen e besimit.

Rasti ka të bëjë me një pastruese që kishte punuar në të njëjtën kompani që nga viti 2013. Më 8 tetor 2021, ajo mbërriti në punë si zakonisht dhe “shpoi kartën e saj” për të filluar turnin e saj. Rreth gjysmë ore më vonë, ajo u largua nga vendi i saj i punës për të paktën dhjetë minuta për të shkuar për një kafe, por nuk e regjistroi ndërprerjen në sistemin e ndjekjes së kohës.

Disa ditë më vonë, më 27 tetor, punëdhënësi e pushoi nga puna pa paralajmërim. Punonjësja apeloi në Gjykatë, duke argumentuar se pushimi ishte i shkurtër dhe nuk justifikonte një masë kaq të rëndë. Megjithatë, gjykata nuk e ndau qëndrimin e saj.

Besimi mbi të gjitha

Në arsyetimin e vendimit, gjykata sqaroi se elementi vendimtar nuk ishte kohëzgjatja e mungesës, por fakti i regjistrimit të gabuar të kohës së punës së paguar. Siç u theksua, kur një punonjës është i detyruar të deklarojë vetë kohën e tij të punës, ai mban përgjegjësi të shtuar, pasi punëdhënësi duhet të jetë në gjendje të mbështetet absolutisht në saktësinë e të dhënave.

Shkelja e këtij detyrimi u konsiderua shkelje e besimit. Në fakt, situata u përkeqësua më tej kur punonjësja pranoi vizitën e saj në mensë vetëm pasi iu paraqitën prova fotografike. Gjykata e karakterizoi këtë qëndrim si një tregues të mashtrimit të qëllimshëm dhe foli për një “humbje të pariparueshme të besimit”.

Sipas vendimit, incidente të tilla nuk konsiderohen të parëndësishme, pasi ato përfshijnë deklarim të rremë të kohës së lirë të paguar. Për këtë arsye, u vlerësua se ndërprerja e menjëhershme e marrëdhënies së punës pa paralajmërim ishte e ligjshme.

Rasti tani shërben si një paralajmërim për punonjësit dhe punëdhënësit: në epokën e sistemeve të regjistrimit dixhital, edhe pushimi më i shkurtër mund të ketë pasoja të paparashikueshme dhe të pakëndshme nëse nuk deklarohet saktë.

The post Një pushim 10-minutësh për kafe mund të çojë në pushim nga puna: Vendim tronditës nga një gjykatë gjermane appeared first on iconstyle.al.

Hollywoodi ka zbuluar nominimet për çmimet Oscar të këtij viti, të cilat do të nderojnë yjet dhe filmat më të mirë të industrisë së filmit nga 12 muajt e fundit.

“Minners” kryeson me një rekord prej 16 nominimesh, duke thyer rekordin për më shumë nominime për çmimin Oscar, i cili më parë mbahej nga “All About Eve” (1950), “Titanic” (1997) dhe “La La Land” (2016).

One Battle After Another është i radhës me 13 nominime, ndërsa Marty Supreme, Frankenstein dhe Sentimental Value janë të radhës me nëntë, dhe Hamnet ka tetë.

Çmimet do të ndahen më 15 mars, ndërsa prezantues do të jetë komediani amerikan Conan O’Brien.

Best picture

Bugonia
Frankenstein
F1
Hamnet
Marty Supreme
One Battle After Another
The Secret Agent
Sentimental Value
Sinners
Train Dreams

Best actor

Timothée Chalamet – Marty Supreme
Leonardo DiCaprio – One Battle After Another
Ethan Hawke – Blue Moon
Michael B Jordan – Sinners
Wagner Moura – The Secret Agent

Best actress

Jessie Buckley – Hamnet
Rose Byrne – If I Had Legs I’d Kick You
Kate Hudson – Song Sung Blue
Renate Reinsve – Sentimental Value
Emma Stone – Bugonia

Best supporting actress

Elle Fanning – Sentimental Value
Inga Ibsdotter Lilleaas – Sentimental Value
Amy Madigan – Weapons
Wunmi Mosaku – Sinners
Teyana Taylor – One Battle After Another

Best supporting actor

Benicio del Toro – One Battle After Another
Jacob Elordi – Frankenstein
Delroy Lindo – Sinners
Sean Penn – One Battle After Another
Stellan Skarsgård – Sentimental Value

Best director

Paul Thomas Anderson – One Battle After Another
Ryan Coogler – Sinners
Josh Safdie – Marty Supreme
Joachim Trier – Sentimental Value
Chloé Zhao – Hamnet

Best adapted screenplay

Bugonia
Frankenstein
Hamnet
One Battle After Another
Train Dreams

Best original screenplay

Blue Moon
It Was Just an Accident
Marty Supreme
Sentimental Value
Sinners

Best original song

Dear Me – Diane Warren: Relentless
Golden – KPop Demon Hunters
I Lied to You – Sinners
Sweet Dreams of Joy – Viva Verdi!
Train Dreams – Train Dreams

Best original score

Bugonia
Frankenstein
Hamnet
One Battle After Another
Sinners

Best international feature

It Was Just an Accident
Sentimental Value
Sirât
The Secret Agent
The Voice of Hind Rajab

Best animated feature

Arco
Elio
KPop Demon Hunters
Little Amélie or the Character of Rain
Zootopia 2

Best documentary feature

Come See Me in the Good Light
Cutting Through the Rocks
Mr. Nobody Against Putin
The Alabama Solution
The Perfect Neighbor

Best costume design

Avatar: Fire and Ash
Frankenstein
Hamnet
Marty Supreme
Sinners

Best make-up and hairstyling

Frankenstein
Kokuho
Sinners
The Smashing Machine
The Ugly Stepsister

Best production design

Frankenstein
Hamnet
Marty Supreme
One Battle After Another
Sinners

Best sound

Frankenstein
F1
One Battle After Another
Sinners
Sirât

Best film editing

F1
Marty Supreme
One Battle After Another
Sentimental Value
Sinners

Best cinematography

Frankenstein
Marty Supreme
One Battle After Another
Sinners
Train Dreams

Best visual effects

Avatar: Fire and Ash
F1
Jurassic World Rebirth
Sinners
The Lost Bus

Best live action short

A Friend of Dorothy
Butcher’s Stain
Jane Austen’s Period Drama
The Singers
Two People Exchanging Saliva

Best animated short

Butterfly
Forevergreen
Retirement Plan
The Girl Who Cried Pearls
The Three Sisters

Best documentary short

All the Empty Rooms
Armed Only with a Camera: The Life and Death of Brent Renaud
Children No More: Were and Are Gone
The Devil Is Busy
Perfectly a Strangeness

Best casting

Hamnet
Marty Supreme
One Battle After Another
Sinners
The Secret Agent

The post Oscars 2026: Lista e plotë e kandidatëve appeared first on iconstyle.al.

Përplasja mes Wanda Nara-s dhe Mauro Icardi-t po hyn në një fazë edhe më të tensionuar, duke u shoqëruar me deklarata të forta nga të dyja palët.

Ditët e fundit, showgirl-i argjentinas kishte lënë të nënkuptohej se mund të kishte ende hapësirë për një afrimitet me ish-bashkëshortin. Ajo publikoi foto të vjetra nga viti 2016 dhe u shpreh publikisht se “do të jemi gjithmonë një familje”. Në një dalje televizive, Wanda theksoi se komunikimi mes tyre vazhdon herë pas here dhe se, sipas saj, me kalimin e kohës situata mund të qetësohet, ashtu siç ka ndodhur edhe më parë.

Por kjo deklaratë u hodh poshtë menjëherë nga Mauro Icardi. Sulmuesi i Galatasaray-t reagoi ashpër në rrjetet sociale, duke mohuar çdo mundësi ribashkimi apo afrimiteti dhe duke i quajtur fjalët e Wandas të pavërteta. “Është e pabesueshme që ende i jepet besim një personi që gënjen vazhdimisht”, shkroi ai, duke e etiketuar ish-bashkëshorten si “mitomane”.

Në një reagim të gjatë dhe emocional, Icardi foli për akuza të rreme për dhunë, për përjashtime nga pronat e tij dhe për faktin se, sipas tij, ishte penguar të shihte vajzat për muaj të tërë. Ai pretendoi se ndaj tij ishin ngritur kërkesa gjyqësore me qëllim që të izolohej nga fëmijët, duke akuzuar Wanda-n për shkelje të vendimeve të drejtësisë, manipulim psikologjik dhe dëme të rënda financiare, që sipas tij arrijnë në rreth 7 milionë euro.

Në përfundim, futbollisti ishte i prerë: për të, Wanda mbetet vetëm nëna e vajzave të tij dhe, siç u shpreh, “nuk do të jetë kurrë më pjesë e familjes sime”.

The post Icardi shpërthen ndaj Wanda Narës: Ajo është vetëm nëna fëmijëve të mi, pjesa tjetër është një mitomane e sëmurë! appeared first on iconstyle.al.

Bes Kallaku duket se po jeton një kapitull të ri në jetën e tij sentimentale dhe këtë herë ka zgjedhur ta ndajë hapur me publikun. Aktori i humorit, i cili prej kohësh ka qenë në fokus për jetën private, ka dhënë së fundmi një sinjal të fortë se është i dashuruar dhe më i lumtur se kurrë.

Përmes një InstaStory që ka marrë vëmendje të madhe, Besi publikoi një foto ku shihen dy duar të shtrënguara, një imazh i thjeshtë në pamje të parë, por me një simbolikë të fortë.

Ajo që bie menjëherë në sy është tatuazhi në parakrahun e tij, ku lexohet emri “Ejona”, i shoqëruar nga data “25.12.2025”, një ditë që duket se ka një domethënie të veçantë për çiftin. Në sfond dëgjohej kënga “I’ll Love You Forever”, duke e përforcuar edhe më shumë mesazhin romantik.

Nën emër dhe datë, aktori ka shtuar edhe një frazë poetike: “Trëndafil në kohë lufte”, një dedikim që lë të kuptohet se kjo dashuri ka lindur dhe është forcuar mes periudhash të vështira apo ndryshimesh të mëdha në jetën e tij.

Sipas burimeve për “Prive by Liberta Spahiu”, kjo romancë nuk është e re. Bes Kallaku dhe partnerja e tij kanë disa muaj që janë në një lidhje të qëndrueshme, por kanë preferuar ta mbajnë larg vëmendjes së publikut deri tani.

The post Bes Kallaku rigjen dashurinë, zbulon emrin e partneres appeared first on iconstyle.al.

Elle Fanning ka ndarë emocionet e saj pas nominimit të parë për çmimin Oscar, duke e përshkruar këtë moment si diçka që “do të thotë gjithçka” për të dhe që ende nuk arrin ta besojë plotësisht. Aktorja është nominuar në kategorinë “Aktorja më e Mirë në Rol Dytësor” për interpretimin e saj në filmin Sentimental Value.

Pas shpalljes së nominimeve për edicionin e 98-të të Çmimeve të Akademisë, të enjten më 22 janar, Fanning publikoi në rrjetet sociale një foto nga një telefonatë në FaceTime, ku shihet duke qarë nga emocionet teksa flet me regjisorin e filmit, Joachim Trier, dhe bashkëshorten e tij, Helle Bendixen Trier.

“A është e vërtetë kjo? A po ëndërroj? Nuk mund të marr frymë. Jam krejtësisht e shokuar”, shkroi aktorja 27-vjeçare. “Çfarë nderi të nominohem për Oscar-in tim të parë për një film që flet për fuqinë e kinemasë dhe të familjes. Mamaja, gjyshja, motra dhe tezja ime ishin me mua këtë mëngjes për të bërtitur, për t’u përqafuar dhe për të qarë. Faleminderit, faleminderit, faleminderit. Të jem në këtë kategori përkrah kaq shumë grave të jashtëzakonshme është vërtet e jashtëzakonshme. U emocionova po aq edhe për të gjithë ekipin e ‘Sentimental Value’ që u vlerësua”, shtoi ajo.

Filmi Sentimental Value, ku luajnë gjithashtu Renate Rainsvé, Stellan Skarsgård dhe Inga Ibsdotter Lilleaas, rrëfen historinë e një gruaje që detyrohet të rilidhet me babanë e saj të larguar, një regjisor i famshëm, pasi ai rikthehet papritur në jetën e saj pas vdekjes së nënës. Produksioni ka marrë gjithsej shtatë nominime për Oscar, përfshirë edhe atë për Filmin më të Mirë.

The post Elle Fanning për nominimin e saj të parë për Oscar: Nuk mund të marr frymë appeared first on iconstyle.al.

Brooklyn Beckham i kishte idolizuar publikisht prindërit e tij disa vite para përçarjes në familjen e tij. 26-vjeçari mund t’i ketë “sulmuar” David dhe Victoria Beckham disa ditë më parë në një postim në llogarinë e tij personale në Instagram , duke pretenduar se ata po përpiqeshin të shkatërronin marrëdhënien e tij me gruan e tij, Nicola Peltz, por në vitin 2017, në librin që kishte publikuar, ai foli me fjalët më të mira për ta dhe ishte mirënjohës që ishin në jetën e tij.

Brooklyn Beckham publikoi një libër fotografish të titulluar “Çfarë shoh” nëntë vjet më parë, i cili ishte i mbushur me foto të prindërve dhe vëllezërve e motrave të tij, shumë prej të cilave shoqëroheshin me mbishkrime që shprehnin admirimin e tij për ta.

Në një foto ku ai pozoi duke mbajtur syze dielli nga kompania e nënës së tij, ai shkroi: “Jam shumë krenar për mamin tim”, ndërsa në një foto të Victoria Beckham shkroi: “E dua mamin tim. Ajo duket kaq e bukur këtu. Kjo është një foto që i bëra kur ishim bashkë në një udhëtim bamirësie në Kenia”.

Sa i përket babait të tij, Davidit, Brooklyn shkroi për të: “Babai im: heroi im absolut (dhe është gjithashtu shumë fotozhenik). E bëra këtë foto ndërsa isha me pushime në Kaliforni, në një vend të mrekullueshëm për mëngjes. Sigurisht, hëngrëm një mëngjes tradicional anglez.” Pranë një fotoje tjetër me ish-futbollistin, 26-vjeçari shkroi: “Babi është një nga njerëzit e mi të preferuar për të kaluar kohë. Ai gjithmonë më bën të qesh.”

Problemet e Brooklyn Beckham me familjen e tij filluan në vitin 2022 kur ai vendosi të martohej me Nicola Peltz, me thashetheme që fillimisht thoshin se Victoria Beckham do të bënte fustanin e nusërisë së gruas së 26-vjeçarit, gjë që në fund nuk ndodhi dhe e bëri atë të pakënaqur. Nga ana tjetër, raportohet se lindi një problem sepse Nicola nuk donte të vishte fustanin e nusërisë së Victorias dhe zgjodhi Valentino-n, duke shkaktuar pakënaqësinë e Victorias.

Pak më vonë, situata u qetësua midis dy palëve, megjithëse shumë pretenduan se atmosfera ishte ende e tensionuar. Thashethemet për një ndarje u rikthyen në vitin 2025, kur Brooklyn nuk u shfaq për ditëlindjen e babait të tij, ndërsa disa muaj më parë, i riu vendosi të bllokonte të gjithë anëtarët e familjes së tij në rrjetet sociale, duke shkuar deri aty sa të postonte rreth asaj që e çoi në këtë vendim, duke konfirmuar se tani janë larguar.

The post “E dua mamin tim të bukur, babi im është heroi im absolut”/ Kur Brooklyn Beckham idolizoi publikisht prindërit e tij appeared first on iconstyle.al.