Një ngjarje e rëndë ka tronditur lagjen “15 Tetori” në Fier, ku një burrë rreth 55-vjeç, mësues i gjuhës angleze, ka rrezikuar jetën në banesën e tij.

Sipas informacionit paraprak, 55-vjeçari ndodhej në apartamentin e tij së bashku me bashkëshorten, kur për shkaqe ende të paqarta, ka rënë nga kati i gjashtë i pallatit, duke mbetur i varur në pjesën e jashtme të ndërtesës. Ngjarja shkaktoi panik te banorët e zonës, të cilët dëgjuan thirrjet dhe panikun e momentit.

Në vendngjarje mbërritën menjëherë dy automjete zjarrfikëse, të cilat ndërhynë për të shpëtuar mësuesin. Po ashtu, forca të shumta policore siguruan perimetrin dhe ndihmuan në menaxhimin e situatës. Falë ndërhyrjes së shpejtë, ai u shpëtua dhe u transportua me urgjencë nga ambulanca 127 drejt Urgjencës Kirurgjikale të Spitalit të Përgjithshëm të Fierit, ku po merr ndihmën mjekësore të nevojshme.

Burime spitalore bëjnë me dije se gjendja e tij po monitorohet nga mjekët, ndërsa policia ka nisur hetimet dhe ndodhet edhe në ambientet e spitalit për të marrë të dhëna shtesë.

55-vjeçari është baba i dy djemve që jetojnë në Tiranë. Shkaqet dhe rrethanat e rënies mbeten ende të paqarta dhe nën hetim nga autoritetet përkatëse, ndërkohë që banorët e lagjes qëndrojnë të tronditur nga incidenti i ndodhur.

Ngjarja vjen si një paralajmërim për sigurinë në ndërtesa dhe rëndësinë e ndërhyrjes së shpejtë të forcave zjarrfikëse dhe policore.

The post Fier/Ngjarje e rëndë: Mësuesi bie nga kati i gjashtë i pallatit, mbeti varur në ndërtesë! appeared first on iconstyle.al.

Na pëlqen të fillojmë çdo vit me një “pastrim garderobeje”. Lëmë pas copëza që nuk na përfaqësojnë më ose që nuk hyjnë në stilin tonë të përditshëm dhe i zëvendësojmë me ato që do të veshim realisht. Si adhurues të xhinseve, vendosëm të fillojmë me tendencat e fundit dhe të shohim nga pasarelat e shtëpive të modës cilat stile ikin dhe cilat vijnë në 2026.

Sipas shtëpive si Balenciaga, Dior dhe Valentino, xhinset me linjë të drejtë (cigarette) rikthehen fuqishëm, duke konfirmuar obsesionin e vazhdueshëm të modës me minimalizmin e viteve ’90. Disa marka, si Ulla Johnson dhe Veronica Beard, investojnë në xhinse bootcut, me një flare më të moderuar se bell-bottom klasikët. Dhe sigurisht nuk mund të lëmë mënjanë xhinset me këmbë të gjera (wide-leg), që vazhdojnë të jenë trend.

Trend-et që lëmë pas dhe ato që vijnë:

• Jo më: Xhinse skinny → Tani: Xhinse cigarette
  

• Jo më: Bell-bottom → Tani: Xhinse bootcut
  

• Jo më: Xhinse të gjera dhe të shtrira (baggy) → Tani: Xhinse wide-leg
  

• Jo më: Xhinse shumë të çelura (light-wash) → Tani: Xhinse të errëta (dark-wash)
  

• Jo më: Xhinse të grisura → Tani: Xhinse me siluetë skulpturale
  

Nëse doni të bëni një pamje më moderne dhe elegante, zgjidhni xhinse me nuanca të thella, linja të pastërta dhe modele që formojnë siluetën. Barrel jeans, funde denim asimetrike dhe jaketa të theksuara në mes janë mënyra perfekte për të dalë nga e zakonshmja dhe për të eksperimentuar me stilin.

The post Pesë trendet e xhinseve që do të veshim në 2026! appeared first on iconstyle.al.

Përplasja publike mes Brooklyn Beckham dhe prindërve të tij nuk duket më thjesht si dramë familjare. Në prapaskenë del një element që e bën gjithçka më të ftohtë, më të ashpër dhe shumë më të rrezikshme për imazhin e tyre: mbiemri “Beckham” nuk është vetëm identitet, është markë tregtare.

Sipas dokumenteve të regjistruara në Mbretërinë e Bashkuar, Victoria Beckham ka marrë në dhjetor 2016 markën tregtare “Brooklyn Beckham”. Kjo markë mbulon kategori të shumta, nga kozmetika dhe produktet pas rrojës, te veshjet, këpucët, veshjet sportive, kapelet, lodrat, madje edhe përmbajtje si programe televizive dhe muzikë. Pra, jo një formalitet i vogël, por një kornizë që prek direkt përdorimin komercial të emrit.

Pika që i vuri flakën konfliktit është mënyra si Brooklyn e përjetoi këtë çështje. Në deklaratën e tij, ai pretendon se prindërit tentuan ta shtynin të firmoste një marrëveshje që do ta bënte të hiqte dorë nga të drejta mbi emrin e tij, me ndikim edhe për bashkëshorten Nicola Peltz dhe fëmijët e tyre në të ardhmen. Ai thotë se presioni u rrit para dasmës dhe se refuzimi i tij e ndryshoi përgjithmonë mënyrën si u trajtua nga familja.

Nga ana tjetër, burime pranë familjes Beckham e kanë quajtur këtë praktikë “standarde” dhe të lidhur me mbrojtjen e emrit të familjes, sidomos kur ka partnerë komercialë dhe marrëveshje biznesi ku “Beckham” si mbiemër ka peshë globale. Sipas kësaj logjike, marka dhe kontratat nuk janë për ta kufizuar Brooklyn-in, por për ta mbrojtur nga palë të treta dhe për të “siguruar” të ardhmen e fëmijëve.

Por ja ku bëhet vërtet bombë: Victoria nuk e ka bërë këtë vetëm për Brooklyn-in. Ajo ka regjistruar marka tregtare edhe për fëmijët e tjerë. Me fjalë të thjeshta, familja Beckham ka vepruar si një korporatë që mbron asetet e saj më të çmuara, emrat. Dhe kur emri bëhet aset, çdo ndjesi familjare rrezikon të kthehet në konflikt interesash.

Sot kjo histori po lexohet në dy mënyra: për disa, Victoria po mbron familjen nga shfrytëzimi dhe nga “grabitja” e emrit; për të tjerë, duket si një përpjekje për kontroll mbi identitetin komercial të fëmijëve, deri në pikën ku mbiemri shndërrohet në pronë.

Si mendoni ju?

The post Skandali Beckham nuk është vetëm familjar: Mbiemri është markë dhe e ka në dorë Victoria appeared first on iconstyle.al.

Marrëdhëniet familjare të Beckham-it janë rikthyer në qendër të vëmendjes pas një reagimi të pazakontë nga Cruz Beckham. Djali i vogël i çiftit të famshëm, David dhe Victoria Beckham, pëlqeu një postim në Instagram që tallte vallëzimin e “papërshtatshëm” të nënës së tij në dasmën e Brooklyn Beckham dhe Nicola Peltz Beckham.

View this post on Instagram

A post shared by Olly (@olly_101)

Videoja, e krijuar nga komediani Olly Hume, tregon një DJ që shpall këngën “e kërkuar nga nëna e dhëndrit për vallëzimin e tij të parë”, përpara se të luante hitin “Pony” të Ginuwine. Shumë ndjekës vunë re se Cruz ishte ndër ata që e pëlqyen postimin, duke nxitur spekulime për marrëdhëniet e tij me tensionet familjare.

Brooklyn Beckham ka folur më parë për këtë moment, duke thënë se vallëzimi i tij i parë me Nicola ishte planifikuar, por Victoria e “mori përsipër” atë moment, gjë që e bëri të ndihej i poshtëruar para rreth 500 të ftuarve. Ai e përshkroi sjelljen e saj si “shumë të papërshtatshme” dhe ka treguar se kjo përvojë e shtyri çiftin të rinovonte betimet e martesës në gusht 2025 për të krijuar kujtime të reja.

Reagimi i Cruz duket të jetë një mesazh i qartë se edhe i vogli i familjes Beckham ndjek nga afër çfarë ndodh në jetën e të afërmve të tij dhe nuk i shpëton asnjë moment të komentuar publikisht.

The post Cruz Beckham ‘like’ talljen e vallëzimit të nënës së tij në dasmën e Brooklyn appeared first on iconstyle.al.

Brooklyn Beckham ka ndryshuar së fundmi foton e profilit në Instagram, një veprim që ka shkaktuar reagime të shumta brenda familjes dhe te fansat e tij. Ky ndryshim ndodhi pas një deklarate të gjatë ku Brooklyn akuzoi prindërit e tij, David dhe Victoria Beckham, për kontroll dhe ndikim negativ në marrëdhënien me bashkëshorten Nicola Peltz.

Foton e re ai e postoi duke u fokusuar nga pas, ku duken qafa dhe pjesa e pasme e kokës, ndërsa në qendër është tatuazhi me sytë e Nicolës. Sipas The Sun, familja e ka interpretuar këtë si një mesazh simbolik, që nënkupton se Brooklyn “e sheh botën nga perspektiva e Nicolës”. Tatuazhi përfshin edhe një letër që Nicola i kishte shkruar para martesës, ku shprehet dashuria e saj e përjetshme dhe mbështetja për Brooklyn-un.

Një mik i Brooklyn-it e ka quajtur veprimin “të tepruar dhe pothuajse alarmues”, duke shtuar se shfaqja publike e këtij përkushtimi ngre pyetje mbi arsye të tij. Tensionet brenda familjes u shtuan edhe më shumë pasi vëllai i tij, Cruz, pëlqeu një video të Victoria-s duke kërcyer në dasmë, duke e bërë situatën më të ndërlikuar.

Kujtojmë se Brooklyn, 26 vjeç, në deklaratën e tij publikoi akuza të shumta ndaj prindërve, duke u ndalur veçanërisht te momenti i vallëzimit të parë në dasmë, që e përjetoi si të turpshëm dhe të poshtëruar. Mungesa e postimeve të çiftit në rrjetet sociale të pjesës tjetër të familjes kishte lënë dyshime për marrëdhënie të tensionuara.

The post Veprimi i fundit i Brooklyn Beckham ndez tensionet brenda Beckhamëve, tani gjithçka shikohet përmes syve të Nicolës appeared first on iconstyle.al.

Shumë persona me flokë të hollë ose që po hollohen kanë kaluar faza ku i kanë lënë të rriten shumë gjatë, i kanë prerë drejt ose kanë shmangur stilimin. Por kjo nuk sjell gjithmonë rezultatin e dëshiruar. Gabimi më i madh është të kërkojmë flokë “të plotë” dhe “të rëndë”, pa marrë parasysh dendësinë natyrale të flokëve. E vërteta është se forma e duhur është më e rëndësishme se gjatësi apo volum i shtuar me produktet e stilimit.

Flokët e hollë kanë tendencë të humbasin formën lehtësisht. Shtresat (prerjet) e buta, fijet që përqafojnë fytyrën dhe majat e lehta krijojnë lëvizje pa hequr vëllimin. Edhe flokët e shkurtër me shtresa të lehta janë një zgjedhje e mirë, pasi ruajnë peshën në fund, por duken më të lehta, më të freskëta dhe më të gjalla.

Vijat e drejta janë gjithashtu të sigurta për ata që nuk preferojnë shtresat, ndërsa balluket e gjata dhe të buta rreth fytyrës mund të shtojnë lëvizje dhe ndjesinë e trashësisë pa e tepruar.

Përfundimi është i qartë: flokët e hollë nuk kanë nevojë për “magji” ose rregullime ekstreme. Ata kanë nevojë për zgjedhje të zgjuara në prerje, gjatësi dhe stilim. Me formën e duhur, flokët mund të duken më të plotë, më të freskët dhe shumë më të kuruar, pa përdorur produkte të tepërta.

The post Flokë të hollë? Këto gabime po ulin dukshëm volumin appeared first on iconstyle.al.

Marsi në Ujor nuk shfaqet me bujë, por me energji të thellë që sfidon zakonet dhe mendësitë e vjetra. Nuk është luftëtar tradicional, por rebel i mendjes, duke nxit veprime që ndryshojnë rregullat e lojës. Ai kërkon liri dhe hapësirë, duke vënë në dyshim sigurinë dhe rutinën e zakonshme.

Nga 28 janari, bashkimi Mars-Pluton sjell tension mbi pushtetin. Dhuna ose kontrolli nuk shfaqen si shpërthime personale, por si transformime institucionale dhe kolektive. Këto ndikime shpesh shoqërohen me deklarata ideologjike, njoftime politike dhe lëvizje që kërkojnë përgjegjësi të plotë ose përplasje radikale.

Më 19 shkurt, sekstili Mars-Demeter i jep energji veprimit të qartë dhe publikut. Zemërimi dhe idetë marrin formë të dukshme, duke u shndërruar në mesazhe dhe mobilizime që prekin njerëz dhe audienca të gjera. Në plan personal, kjo periudhë sjell ndryshime në pamje, sjellje dhe rolet e përditshme.

Më 22 shkurt, sekstili Mars-Kiron nxjerr në pah lidhjet me të kaluarën dhe kujtesën kolektive, duke kërkuar balancim mes rrënjëve historike dhe vullnetit të lirë.

Ndërsa më 27 shkurt, katrori Mars-Uran çliron tensionin papritur dhe shpesh me pasoja të forta, duke trazuar sigurinë dhe duke krijuar nevojën për rikrijim të plotë. Ky është momenti kur veprimi shpesh i paraprin mendimit dhe lëvizjet bëhen të paparashikueshme.

Kjo është periudha kur idetë nuk mjaftojnë më, ato kërkojnë veprim, edhe nëse sjellin çrregullim dhe sfidë për të gjithë.

The post Marsi në Ujor ndryshon rregullat: Koha e ideve dhe veprimeve që trondisin appeared first on iconstyle.al.

Dy persona kanë humbur jetën dhe disa të tjerë dyshohet se janë bllokuar nën rrënoja pas rrëshqitjeve të dheut në Ishullin e Veriut të Zelandës së Re. Viktimat u raportuan në zonën Welcome Bay, ndërsa ekipet e shpëtimit vijojnë kërkimet në një kamping shumë të frekuentuar në Mount Maunganui. Autoritetet bëjnë me dije se aktualisht nuk ka shenja jete në zonën e kampingut dhe mes personave të zhdukur ndodhet të paktën një vajzë e mitur.

Rrëshqitjet e dheut u shkaktuan nga reshjet e dendura të shiut ditët e fundit, të cilat shkaktuan përmbytje në disa rajone dhe ndërprerje të energjisë elektrike. Banorët e zonës janë evakuuar nga shtëpitë e tyre, ndërsa rrugët dhe infrastrukturat e dëmtuara po vështirësojnë operacionet e shpëtimit.

Kryeministri Christopher Luxon deklaroi se vendi është “i mbushur me dhimbje” pas kësaj tragjedie dhe bëri thirrje për unitet dhe solidaritet në ndihmë të viktimave. Ai njoftoi gjithashtu se është shpallur gjendje emergjence në disa zona të Ishullit të Veriut.

Operacionet e kërkim-shpëtimit po vijojnë edhe gjatë natës, ndërsa autoritetet kombëtare dhe ekipet lokale janë angazhuar për të shpëtuar çdo person të bllokuar nën rrënoja. Publiku dhe mediat ndjekin me shqetësim zhvillimet, ndërsa komuniteti lokal mobilizohet për të ofruar ndihmë për të prekurit nga kjo tragjedi.

The post Tragjedi në Zelandën e Re: Dy të vdekur dhe persona të bllokuar pas rrëshqitjeve të dheut appeared first on iconstyle.al.

Filmat horror historikisht kanë qenë të nënvlerësuar nga Akademia e Arteve dhe Shkencave të Filmit, por kjo mund të ndryshojë këtë vit. Kur të enjten të shpallen nominimet për edicionin e 98-të të çmimeve Oscar, filmi me vampirë i regjisorit Ryan Coogler, “Sinners”, pritet të bëjë histori.

Nominimet do të lexohen në orën 14:30 CET, ndërsa prezantues do të jenë aktorët Danielle Brooks dhe Lewis Pullman. Transmetimi do të ndiqet drejtpërdrejt në Oscar.com, Oscars.org, platformat dixhitale të Akademisë dhe në emisionin “Good Morning America” në ABC.

Deri më sot, asnjë film nuk ka kaluar shifrën e 14 nominimeve, rekord i mbajtur nga “All About Eve”, “Titanic” dhe “La La Land”. Megjithatë, “Sinners” shihet si një kandidat serioz për ta thyer këtë rekord, falë vlerësimeve për regjinë dhe skenarin e Coogler, arritjet teknike dhe interpretimin e Michael B. Jordan, i cili mund të marrë nominimin e tij të parë për Oscar.

Në garë të fortë pritet të jetë edhe filmi i Paul Thomas Anderson, “One Battle After Another”, i cili ka dominuar sezonin e çmimeve. Komedia dramatike për marrëdhënien mes një babai dhe vajzës së tij revolucionare mund të sigurojë deri në 14 nominime, përfshirë disa në kategoritë e aktrimit.

Suksesi i këtyre dy filmave mund t’i sjellë Warner Bros. performancën më të mirë në historinë 102-vjeçare të studios, në një kohë kur kompania po përgatitet për një shitje të mundshme ndaj Netflix-it. Këtë javë, Netflix përmirësoi ofertën e saj prej 72 miliardë dollarësh për blerjen e Warner Bros. Discovery.

Oscarët e këtij viti prezantojnë gjithashtu një kategori të re për përzgjedhjen e aktorëve, e cila pritet të rrisë edhe më shumë shanset e filmave favoritë.

Dhjetë filma do të nominohen për Filmin më të Mirë, mes tyre priten edhe “Sentimental Value”, “Hamnet” dhe “Marty Supreme”.

Ceremonia e 98-të e çmimeve Oscar do të mbahet më 15 mars në Teatrin Dolby në Los Angeles dhe do të transmetohet drejtpërdrejt në ABC dhe Hulu, me Conan O’Brien që rikthehet si prezantues.

The post A do të bëjë histori horror-i në Oscar? “Sinners” drejt thyerjes së rekordit appeared first on iconstyle.al.

View this post on Instagram

A post shared by Big Brother VIP Kosova (@bigbrothervipkosova)

View this post on Instagram

A post shared by Big Brother VIP Kosova (@bigbrothervipkosova)

The post “Mos më prek me dorë”/ Çfarë ndodhi mes Albës, Limit dhe Dolces? appeared first on iconstyle.al.

YouTuberi amerikan IShowSpeed ka vizituar Lagosin, kryeqendrën kulturore dhe ekonomike të Nigerisë, në kuadër të turneut të tij afrikan, ku të mërkurën festoi edhe ditëlindjen e 21-të duke arritur shifrën e 50 milionë abonentëve në YouTube.

Turneu i yllit të YouTube dhe Twitch nisi më 29 dhjetor dhe përfshin rreth 15 shtete afrikane, duke tërhequr turma të mëdha në çdo ndalesë. Revista Rolling Stone e ka shpallur atë Krijuesin më Ndikues të Vitit 2025, ndërsa Forbes vlerëson pasurinë e tij neto në rreth 20 milionë dollarë.

Vizita e tij në Lagos nisi në tregun e ngarkuar Balogun, në zonën e Lagos Island, ku u përball me turma që e tallnin dhe i kërkonin para. “Çfarë po thonë? Është si anglisht, por një lloj tjetër anglishteje,” u shpreh ai, i rrethuar nga truproja, përpara se të largohej shpejt.

Në Freedom Park, i ndërtuar në vendin e një ish-burgu, IShowSpeed provoi për herë të parë orizin jollof dhe reagoi ndaj djegësisë së tij, përpara se të vizitonte Nike Art Gallery, një destinacion i famshëm për personalitete dhe figura politike.

“IShowSpeed po shfaq kulturën, marrëdhëniet, dallimet kulturore dhe ushqimin,” tha Stephen Oluwafisayomi, një YouTuber 24-vjeçar. “Ai dëshiron që amerikanët ta shohin Afrikën si një vend që mund ta vizitojnë.”

Rreth orës 18:00, ai ndaloi autokolonën e sigurisë për të festuar arritjen e 50 milionë abonentëve, duke zhytur fytyrën në tortë. Disa fansa vlerësuan se, edhe pse ka treguar aspekte negative, kjo mund të motivojë të tjerët të ndihmojnë dhe të investojnë në përmirësim.

Një ditë më parë, IShowSpeed kishte festuar fitoren e Senegalit në Kupën e Kombeve Afrikane në Dakar. I lindur në Cincinnati si Darren Jason Watkins Jr., ai u bë i famshëm fillimisht me video lojërash dhe më pas me udhëtime nëpër botë. Turneu afrikan ka përfshirë gara me një gepard në Afrikën e Jugut, ndeshje futbolli me 100 fëmijë në Angola, vizitë tek Maasai në Kenia dhe finalen e AFCON-it në Marok.

The post IShowSpeed feston ditëlindjen në Nigeri dhe thyen rekordin e 50 milionë abonentëve appeared first on iconstyle.al.

Në shtëpinë e “Big Brother VIP 5” ka shpërthyer debati i parë mes Selin dhe Gretës, vetëm pak orë pasi kjo e fundit u zgjodh lidere e shtëpisë. Vendimet e Gretës si lidere duket se kanë krijuar pakënaqësi, duke çuar situatën drejt përplasjes së drejtpërdrejtë mes dy banoreve.

Gjatë ndarjes së detyrave, Greta vendosi që Selin dhe Mateo të merreshin me lavanderinë. Ky vendim nuk u prit mirë nga Selin, sidomos pas klipit të transmetuar gjatë spektaklit të madh. Tensioni u rrit edhe më shumë kur Greta nuk e shpëtoi Selin gjatë zinxhirit, por përmendi emrin e Kristit.

Teksa Greta po bisedonte me Mirin, ajo përmendi edhe Selin, e cila ishte pranë dhe reagoi menjëherë.

Pjesë nga biseda:

Greta-Mirit: Pse nuk të tha Selin për shembull mos e nomino Gretën

Selin: Ja kam thënë

Greta: Po ja që e ka bërë

Selin: Unë personalisht, edhe mbrëmë kur po flisnim për zinxhirin, i thashë se nëse do niste zinxhiri tek unë, para Gretës nuk do të të shpëtoja ty. Nëse do të flasësh për lojën time, hajde fol me mua. Nëse do të flasësh me Mirin, fol me Mirin për Mirin

Greta: Unë e kam personale

Selin: Atëherë mos e përmend emrin tim

Greta: Selin nuk të kam ulur kurrë

Selin: Ai po thotë ‘pse e le në nominim?’

Greta: Se bëra zgjedhjet e mia

Selin: Ok, nëse dal unë thua ‘është loja ime’

Greta: Më fal, kam ardhur me ju bërë fresk Mirit dhe ty?

Selin: Për Mirin bëj ça të duash, për freskun tim nuk kam nevojë, biles dua të ngrohtë se për fresk kam vetë

Greta: Kur më vjen keq si femër, normalisht do të mbroj

Selin: Prandaj të erdhi keq si femër dhe më le me Mateon. Se si femra femrës me atë klip që pe mbrëmë, më le me Mateon në një dhomë dy me dy

Greta: Ke qëndruar në krevat me Mirin moj. Ishe në lavanderi. Oj motër, nuk po bën gjë të keqe

Selin: Oj motër, është puna jote

Greta: Është lavanderi, fut çarçafët, merr çarçafët

Selin: Është puna jote, është loja jote

Greta: Nuk është gjë e keqe, ti ke kaluar limite të tjera

Selin: Po të them është puna jote, loja jote, bëj çtë duash. Po të them faleminderit që më le pas atij klipi me Mateon

Greta: Pse të djeg për Mirin?

Selin: Mateo

The post Ndodh sherri i parë mes kunatave, Greta-Selin: Pse të djeg për Mirin, ke qëndruar në krevat me të appeared first on iconstyle.al.

Në shtëpinë e Big Brother VIP Albania është shënuar momenti i parë romantik i këtij sezoni, duke ndezur menjëherë reagimet e publikut dhe rrjeteve sociale. Banorët Ina dhe Keijsi kanë shkëmbyer puthje pasionante, një veprim që ka konfirmuar se mes tyre tashmë ka diçka më shumë se miqësi.

Ngjarja ndodhi në një moment intim mes dyshes, ku fillimisht u panë të afërt dhe të përqafuar, për të kaluar më pas në puthje, duke thyer kufijtë e raportit shoqëror që kishin ruajtur deri tani brenda shtëpisë më të famshme në Shqipëri. Ky moment u konsiderua nga ndjekësit si puthja e parë zyrtare e sezonit.

Ina dhe Keijsi janë fytyra të njohura për publikun shqiptar, pasi më herët kanë qenë pjesë e programit “Për’Puthen” në Top Channel. Pikërisht aty, historia e tyre kishte krijuar diskutime, pasi Keijsi kishte qenë në një lidhje me Stelinën, marrëdhënie që përfundoi dhe për të cilën Keijsi kishte deklaruar se një nga arsyet ishte afrimiteti i Inës.

Kur hynë në Big Brother VIP, të dy u shfaqën si shokë të mirë, duke mohuar çdo ndjenjë romantike mes tyre. Megjithatë, zhvillimet e fundit tregojnë se raporti ka marrë një kthesë të papritur, duke shtuar kuriozitetin e publikut për vijimin e historisë së tyre.

Situata bëhet edhe më e ndërlikuar nga fakti se Ina dhe Keijsi ndodhen aktualisht në televotim, së bashku me Mirin, Selin dhe Lornën, çka e bën këtë moment edhe më vendimtar për fatin e tyre në lojë. Mbetet për t’u parë nëse romanca e re do t’i shpëtojë nga eliminimi apo do të sjellë tensione të reja brenda shtëpisë.

The post Ndodh puthja e parë zyrtare e këtij sezoni të “BBVA” appeared first on iconstyle.al.

Ditën e enjte, kushtet atmosferike në vend do të karakterizohen nga një mot i paqëndrueshëm, me ndryshime të shpeshta gjatë ditës. Vranësirat do të jenë të pranishme që në orët e para të mëngjesit, duke u shfaqur herë pas here të dendura, por nuk do të mungojnë intervale të shkurtra me kthjellime dhe rreze dielli.

Reshjet e shiut do të prekin kryesisht ultësirën perëndimore dhe zonat bregdetare, ku parashikohen episode të herëpashershme me intensitet të ulët. Në disa momente, reshjet mund të shfaqen në formën e shtrëngatave afatshkurtra, pa përjashtuar rritje të përkohshme të intensitetit. Në zonat e brendshme, reshjet do të jenë më të izoluara dhe sporadike.

Në orët e mëngjesit, si dhe gjatë periudhave me reshje shiu, pritet prani e mjegullës së dendur apo mjegullinës, veçanërisht në zonat luginore, duke ulur ndjeshëm dukshmërinë dhe kërkuar kujdes të shtuar nga drejtuesit e mjeteve.

Ndërkohë, në zonën e Alpeve, temperaturat do të mbeten të ulëta, duke favorizuar reshje dëbore me intensitet të dobët, kryesisht gjatë orëve të mëngjesit dhe në mbrëmje vonë.

Era do të fryjë nga verilindja në juglindje, me shpejtësi mesatare rreth 7 m/s, ndërsa përgjatë vijës bregdetare dhe në zonat luginore ajo mund të arrijë deri në 16 m/s. Në det, valëzimi parashikohet i moderuar, nga 2 deri në 4 ballë.

The post Parashikimi i motit, si do të jenë temperaturat sot? appeared first on iconstyle.al.

Dashi

Me vullnet dhe dëshirë mund te arrini ta përmirësoni situatën ne jetën tuaj sentimentale. Nëse nga ana tjetër i lini gjerat te rregullohen vete, nuk keni për te arritur askund. Beqaret do afrohen me tepër me disa persona te cilët kane kohe qe i joshin. Ne planin financiar duhet te ruani gjakftohtësinë ne mënyrë qe t’i zgjidhni sa me shpejt problemet.

Demi

Duhet t’ua vini veshin mire sot këshillave qe do iu japë partneri sepse vetëm ne këtë mënyrë mund ta përmirësoni gjendjen ndërmjet jush. Beqaret do kenë disa takime, por asnjeri nga personat nuk do i përmbushë te gjitha kërkesat. Mos kërkoni perfeksionin. Financiarisht do njihni momente te vështirë, te cilat vetëm me maturi dhe kujdes do i kaloni.

Binjaket

Do filloni te bëni projekte afatgjata gjate kësaj dite me partnerin tuaj sepse tashme ndiheni te sigurte qe ai është personi me te cilin doni te kaloni gjithë jetën. Beqaret do jene pasionante dhe gati te fillojnë edhe aventura kalimtare dhe te çmendura. Ne planin financiar do i kaloni vështirësitë dhe do ndiheni me te qete. Nuk do e keni te vështirë te kryeni shpenzimet me te nevojshme.

Gaforrja

Do ndiheni te lire te bëni atë qe dëshironi gjate kësaj dite dhe gjerat do shkojnë me se miri. Do dashuroheni plot pasion me partnerin. Nëse zemra juaj është e lire mos i refuzoni disa ftesa qe do ju bëhen. Mundësi te tilla rralle vijnë ne jete. Financat do jene përgjithësisht te mira. Nëse tregoheni te matur me shpenzimet gjendja do mbetet e qëndrueshme.

Luani

Te dashuruarit do bashkëpunojnë me njeri-tjetrin dhe do mundohen te zgjidhin problemet e hershme. Me dëshirë dhe optimizëm gjithçka mund te rregullohet. Beqaret do kenë shume sukses ne dashuri dhe e gjithë jeta do ju ndryshoje ne një moment te vetëm. Financat do jene mjaft delikate kështu qe shmangni çdo lloj çmendurie nëse nuk doni te mbeteni pa para.

Virgjeresha

Tregohuni sa me spontane ne jetën tuaj ne çift gjate kësaj dite dhe bëni atë qe ndjeni. Do e shihni qe do përjetoni me tepër kënaqësi. Beqaret do kenë mundësi pa fund për aventura, por nuk do ndihen gati dhe do preferojnë te qëndrojnë vetëm. Financat do jene mjaft delikate dhe gabimi me i vogël mund te sjelle probleme te paimagjinueshme.

Peshorja

Duhet te ndryshoni rrënjësisht sjelljen tuaj përkundrejt partnerit gjate kësaj dite ne mënyrë qe edhe gjerat t’iu ecin mire. Kokëfortësia dhe mungesa e tolerancës nuk ju çon askund. Beqaret ka mundësi te njihen me persona interesante gjate mbrëmjes. Financat do jene goxha me te mira se disa dite me pare, prandaj mund te kryeni investime dhe transaksione.

Akrepi

Dite shume normale dhe pa ndonjë emocion te veçante kjo e sotmja për ata qe janë ne një lidhje. Merrini gjerat ashtu si t’iu vijnë. Beqaret do takohen me disa persona te urte dhe tolerante me te cilët mund te krijojnë një lidhje afatgjate. Ne planin financiar do keni fat me shumice kështu qe nuk duhet te shqetësoheni aspak. Gjendja do jete mjaft e mire.

Shigjetari

Jeta juaj ne çift do jete e mrekullueshme gjate kësaj dite. Do merreni vesh për çdo gjë me atë qe keni ne krah dhe nuk do hidhni asnjë hap pa rene te dy dakord. Beqaret me mire te qëndrojnë edhe sot vetëm sepse ne te kundërt mund te përballen me zhgënjime. Për financat do përkujdeseni tej mase dhe gjendja do vije duke u përmirësuar.

Bricjapi

Dite e mrekullueshme për çiftet. Do e përforconi edhe me shume lidhjen qe keni krijuar dhe do e shihni me optimizëm edhe te ardhmen. Beqaret do jene te parrezistueshem prandaj do marrin plot ftesa e propozime. Ka mundësi qe shume shpejt statusi te ndryshoje. Financat nuk do jene ne gjendjen me te mire te mundshme kështu qe kryejini me kujdes shpenzimet.

Ujori

Problemet e se shkuarës mund te rishfaqen serish ne jetën tuaj ne çift sot dhe do ua prishin qetësinë qe ekzistonte. Tregohuni shume te kujdesshëm me gjithçka qe do thoni. Beqaret nuk do e kërkojnë dashurinë sepse edhe ashtu si janë ndihen mire. Ne planin financiar do e ruani gjithë kohës ekuilibrin. Nuk do keni vështirësi për te kryer shpenzimet e domosdoshme.

Peshqit

Dite shume delikate dhe e mbushur me probleme te mëdha kjo e sotmja për te dashuruarit. Asgjë nuk ka për te shkuar si e kishit menduar dhe kjo për shkak te pamaturisë dhe këmbënguljes suaj boshe. Beqaret do kenë një dite normale dhe pa takime vendimtare. Ne planin financiar mundohuni te mos kryeni çmenduri edhe sikur gjendja te jete e mire.

The post Horoskopi ditor, e Enjte 22 janar 2026 appeared first on iconstyle.al.

Siçilia, Sardenja dhe Kalabria u vunë në alarm të kuq pas stuhisë së fuqishme “Hari”, e cila goditi Italinë jugore dhe Mesdheun qendror, duke shkaktuar mot ekstrem, përmbytje dhe dëme të mëdha materiale. Autoritetet evakuuan zonat bregdetare, mbyllën shkollat dhe ndaluan hyrjen në plazhe, ndërsa qindra operacione shpëtimi u kryen brenda pak orësh.

Në Siçili, reshjet e rrëmbyeshme përmbytën rrugë dhe sheshe, ndërsa erërat e forta dhe dallgët krijuan efekte të ngjashme me tsunami. Rreth 190 persona u evakuuan si masë paraprake. Pamjet dramatike u regjistruan në Mazara del Vallo, ku dallgët arritën deri në 8 metra, dhe në Catania, ku ato shkuan 5 metra. Në Mesinë, një pjesë e rrugës bregdetare në Santa Teresa di Riva u shemb, duke rritur rrezikun e rrëshqitjeve të dheut.

Situatë e rëndë u shënua edhe në Kalabri, ku dy lagje në Crotone u evakuuan dhe një pjesë e varrezave të vjetra u shemb, duke përfshirë rreth 20 arkivole. Në Sardenjë, deti hyri në vendbanimet bregdetare pranë Kaljarit, me rrugë të bllokuara për shkak të përmbytjeve. Departamenti i Zjarrfikësve raportoi 65 ndërhyrje shpëtimi vetëm në 12 orët e fundit.

Moti ekstrem goditi edhe Maltën, ku erërat arritën 104 km/orë dhe dallgët e forta përfshinë zonat bregdetare. Fluturimet dhe lundrimet u anuluan, ndërsa dhjetëra pemë u shkulën dhe u raportuan dëme në shtëpi, biznese dhe infrastrukturë.

The post Stuhi shkatërruese ‘Hari’ godet Italinë dhe Maltën: Përmbytje, rrëshqitje dhe evakuime masive appeared first on iconstyle.al.

Shumë njerëz përballen me një problem të zakonshëm, por shpesh të nënvlerësuar: buzët e thata dhe të plasaritura. Dermatologët tregojnë se arsyet për këtë gjendje mund të jenë të ndryshme, por disa janë shumë të zakonshme.

Në shumë raste, buzët e thata janë rezultat i një tendence kronike, veçanërisht tek njerëzit që kanë lëkurë të thatë. Ekspertët rekomandojnë përdorimin e vajrave të posaçëm për fytyrën, të cilët ndihmojnë në rigjenerimin e lagështisë së humbur. Një tjetër shkak i rëndësishëm është dehidrimi. Dermatologët shpjegojnë se lëkura e buzëve është shumë e hollë dhe nuk ka gjëndra djersore, prandaj humbja e ujit është shumë më e madhe se në pjesë të tjera të trupit.

Ajri i thatë dhe mungesa e lagështisë në mjedis gjithashtu ndihmojnë në tharjen e buzëve. Pavarësisht se nuk mund të kontrolloni kushtet klimatike, ka mënyra për t’i mbrojtur ato. Përdorimi i balsameve mbrojtës, konsumimi i mjaftueshëm i ujit dhe shmangia e thithjes së buzëve me gjuhë janë hapa të thjeshtë, por efektivë.

Ekspertët theksojnë se kujdesi i përditshëm dhe përdorimi i produkteve të duhura mund të shmangë që buzët të qëndrojnë të plasaritura për një kohë të gjatë.Ky problem i zakonshëm ka tërhequr vëmendjen e shumë përdoruesve, të cilët kërkojnë mënyra për ta parandaluar dhe trajtuar.

The post Pse buzët tuaja janë gjithmonë të thata dhe të plasaritura? appeared first on iconstyle.al.

Marrëdhënia mes Albës dhe Limit po vazhdon të tërheqë vëmendjen e publikut në Big Brother VIP Kosova. Së fundmi, Alba ka folur hapur për ndjenjat e saj ndaj Limit, duke bërë të qartë se lidhja e tyre ka pasur një rëndësi të veçantë për të, pavarësisht situatës aktuale brenda shtëpisë.

Teksa Limi i qëndronte pranë, Alba u shpreh se ai nuk ka qenë i dashuri i saj i parë, por sipas saj, “do të jetë i fundit deri në përjetësi”.

Dyshja përjetuan një përballje të fortë gjatë javës, kur Alba nuk e pranoi ndarjen nga Limi. Ky moment emocional shndërroi shpejt në një debat të ashpër, i cili u zhvillua jo vetëm mes tyre, por edhe në sy të publikut, duke shkaktuar reagime të shumta brenda dhe jashtë shtëpisë. Tensioni duket se është rritur më tej nga prezenca e Dolces, e cila aktualisht është e dashura e Limit brenda shtëpisë. Futja e saj ka sjellë ndarje dhe rivalitet, duke e komplikuar edhe më shumë dinamikën mes banorëve.

Shikuesit po ndjekin me interes çdo zhvillim, ndërsa marrëdhënia mes Albës, Limit dhe Dolces vazhdon të jetë një nga temat më të diskutuara të këtij edicioni. Se si do të shkojnë gjërat, mbetet për t’u parë!

The post Alba për Limin: S’ka qenë i pari por do të jetë i fundit deri në përjetësi! appeared first on iconstyle.al.

Disa njerëz janë jashtëzakonisht të ndjeshëm ndaj mungesës së inteligjencës, humorit dhe zgjuarsisë tek të tjerët. Për ta, nëse nuk mund t’i provosh mendërisht ose të luash me ta me shaka të mençura, bashkëjetesa bëhet e vështirë dhe e lodhshme. Disa shenja të horoskopit që kërkojnë partnerë të cilët i sfidojnë intelektualisht janë Binjakët, Virgjëresha, Peshorja dhe Ujori.

Binjakët kanë nevojë për stimuj të vazhdueshëm për të mbajtur mendjen aktive. Bisedat e mërzitshme ose pa kuptim i lodhin dhe i irritojnë. Për t’i tërhequr, duhet humor, fleksibilitet dhe aftësi për të provokuar mendjen e tyre — ndryshe, ata largohen nga monotonia.

Virgjëresha vlerëson logjikën dhe zgjuarsinë. Gjërat pa kuptim e lodhin dhe e bëjnë të ndjehet se humb kohë. Për të tërhequr vëmendjen e saj, duhet qartësi, organizim dhe mendje e mprehtë. Pa këto, je thjesht një zhurmë e bezdisshme.

Peshorja do inteligjencë dhe diskutime interesante. Nëse të tjerët nuk e intrigojnë me ide ose humor, ndihet se humb kohë dhe irritohet. Bashkëbisedimi me njerëz pa zgjuarsi ose pa humor është për të i pa durueshëm.

Ujori jeton për idetë origjinale dhe perceptimet e pazakonta. Nëse bashkëbiseduesit nuk mund ta provokojnë mendërisht ose ta mbajnë të angazhuar, ndjen humbje kohe. Pa humor ose lojë mendjeje, ata të shohin si zhurmë të padurueshme.

The post Shenjat e horoskopit që nuk durojnë biseda të mërzitshme! appeared first on iconstyle.al.

Viktima e parë është një roje bregdetare i cili u mbyt në tentativë për të lidhur dhe siguruar motoskafin e shërbimit në zonën Astros të Peloponezit.

Viktima e dytë është një grua e cila u gjet e vdekur në zonën Glifadha të Athinës. Dëshmitarë okularë thanë se viktima u godit nga një makinë që ishte rrëmbyer prej ujit të shirave të shumta që ranë gjatë mbrëmjes të së mërkurës.

Më herët stuhia goditi gjithë vendin ndërsa dëme janë shënuar në ishullin e Gavdos në jug të Kretës si dhe në shumë zona të Peloponezit, Atikës dhe Evias.

Meteorologët paralajmëruan shtrëngata shiu dhe reshje dëbore në zonat malore, ndërsa reshjet e dendura të shiut do të vazhdojnë deri paraditen e së enjtes, më pas pritet pakësimi i tyre.

Mbrojtja civile u kërkoi banorëve të zonave në rrezik të mos dalin nga banesat e tyre nëse nuk kanë një shkak serioz ndërsa gjithë mekanizmi shtetëror është vënë në alarm.

Pamjet janë marrë nga qendra e Athinës ku reshjet e dendura kanë përmbytur rrugë dhe kryqëzime si dhe nga zona e Patrës ku era e fortë ka pezulluar kalimin lundrimin nga dhe drejt porteve të Jonit dhe drejt Italisë./TCH

The post Moti i keq në Greqi, shënohen dy viktima appeared first on iconstyle.al.