Izraeli është duke u përgatitur për një hakmarrje të mundshme ndaj Iranit pas sulmit me raketa balistike të martën, disa prej të cilave kaluan mbrojtjen izraelite.

Kryeministri Benjamin Netanyahu ka kërcënuar se Irani do të paguajë një çmim të rëndë dhe se Izraeli është i gatshëm të hakmerret.

Irani ka argumentuar se sulmi ishte një përgjigje ndaj dy atentateve të dyshuara nga Izraeli, që synuan liderin e Hezbollahut, Hassan Nasrallah, në Bejrut, dhe liderin e Hamasit, Ismail Haniyeh, në Teheran.

Megjithatë, aleatët e Izraelit kanë mbajtur një qëndrim më të heshtur këtë herë, ndërsa Izraeli ka shfaqur vendosmëri për të vepruar kundër çdo armiku të mundshëm, duke përfshirë ato në Liban, Gaza, Jemen dhe Siri. Qeveria e Netanyahu duket se është e gatshme të përballet me kërcënimet dhe të shkojë deri në fund, pa pasur frikë për ndihmën e ndërkombëtarëve.

Aktualisht, planifikuesit ushtarakë izraelitë po shqyrtojnë mundësinë e një sulmi ndaj Iranit, duke pasur parasysh të dhënat e inteligjencës amerikane dhe Mossad-it. Objektivat janë të shumta dhe mund të përfshijnë sulme ushtarake, goditje ekonomike dhe operacione kundër infrastrukturës bërthamore të Iranit.

Izraeli është duke shqyrtuar se si të reagojë në mënyrë sa më të fuqishme, ndërsa tensionet në rajon rriten dhe mund të shkaktojnë një përshkallëzim të mundshëm të konflikteve në Lindjen e Mesme.

The post Sulmi me raketa balistike në Izrael, Netanyahu kërcënon Iranin: Do të paguani një çmim të rëndë appeared first on Sot News | Lajme.

Prokurori i Përgjithshëm i Izraelit ka urdhëruar policinë të hapë një hetim ndaj gruas së kryeministrit Benjamin Netanyahu me dyshimin se ka ndikuar te kundërshtarët politikë dhe tek një dëshmitar në gjyqin e hapur për korrupsion ndaj liderit izraelit.

Prokurori i Përgjithshëm bëri njoftimin të enjten, duke thënë se hetimi do të përqendrohet në gjetjet e një raporti të fundit nga hetimi për Sara Netanyahun.

Hetimi zbuloi një varg mesazhesh në aplikacionin WhatsApp, në të cilat zonja Netanyahu duket se udhëzon një ish-ndihmëse për të organizuar protesta kundër kundërshtarëve politikë dhe për të frikësuar një dëshmitar kyç në gjyq. Në njoftim nuk përmendet emri i zonjës Netanyahu dhe Ministria e Drejtësisë nuk pranoi të bënte ndonjë koment të mëtejshëm.

Raporti i prokurorisë mori korrespondencën midis Sara Netanyahu dhe një ish ndihmësi të kryeministrit që vdiq nga kanceri vitin e kaluar.

Mesazhet tregonin se Sara Netanyahu, nëpërmjet ndihmësit, inkurajoi policinë të godiste me dhunë protestuesit antiqeveritare dhe urdhëroi njeriun e saj të organizonte protesta kundër kritikëve të bashkëshortit të saj.

Ajo gjithashtu i tha aleates që të detyronte aktivistët në partinë Likud të Netanyahut të publikonin sulmet ndaj Klein. Klein është ndihmëse e manjatit miliarder të Hollivudit Arnon Milchan dhe ka dëshmuar në rastin e korrupsionit për rolin e saj në dërgimin e dhjetëra mijëra dollarëve shampanjë, puro dhe dhurata për Netanyahun.

Sara Netanyahu është akuzuar edhe më parë për sjellje abuzive ndaj stafit të saj personal. Ky rast së bashku me akuzat për shpenzime të tepërta dhe përdorimin e parave publike për shijet e saj personale ekstravagante, i ka krijuar asaj një imazh jo të mirë në popull.

Në vitin 2019, ajo u gjobit për keqpërdorim të fondeve shtetërore.

Benjamin Netanyahu akuzohet për mashtrim, shkelje të besimit dhe marrje ryshfeti në një sërë rastesh që pretendojnë se ai ka shkëmbyer favore me manjatë të fuqishëm mediatik dhe bashkëpunëtorë të pasur. Netanyahu mohon akuzat dhe thotë se është viktimë e një “gjueti shtrigash” nga prokurorët, policia dhe mediat.

The post E vënë hetim, zbardhen akuzat që rëndojnë mbi bashkëshorten e kryeministrit izraelit appeared first on Sot News | Lajme.

Kryeministri izraelit Benjamin Netanyahu po dëshmon të martën para një gjykate në Tel Aviv, në procesin gjyqësor ndaj tij nën dyshimet për korrupsion.

Zoti Netanyahu është udhëheqësi i parë izraelit në detyrë që del para një gjykate si i pandehur nën akuza penale.

Ai akuzohet se ka pranuar cigare puro dhe shampanjë në vlerën e dhjetëra mijëra dollarëve dhe ka shkëmbyer favore me bashkëpunëtorë të pasur.

Zoti Netanyahu mohon të ketë shkelur ligjin dhe i ka cilësuar akuzat gjueti shtrigash.

Seancat e dëshmive do të zgjasin disa javë çka pritet t’i zënë një pjesë të konsiderueshme të kohës zotit Netanyahu ndërsa ai përballet me luftën në Gazë, si dhe me zhvillimet në Siri dhe Liban./VOA

The post Netanyahu në gjykatën e Tel Avivit për të dëshmuar mbi akuzat për korrupsion appeared first on Sot News | Lajme.

Kryeministri izraelit Benjamin Netanyahu tha të martën se forcat e shtetit të tij do të qëndrojnë në një zonë neutrale në anën siriane të kufirit, më konkretisht në majën e malit Hermon, “derisa të krijohet një situatë që nuk përbën rrezik për sigurinë e Izraelit”.

Kryeministri Netanyahu njoftoi për këtë të martën nga maja e malit e mbuluar nga bora, më e larta në rajon, e cila ndodhet në anën siriane të kufirit. Kjo me gjasë është hera e parë që një udhëheqës izraelit hyn në territorin sirian.

Kryeministri Netanyahu tha se qëndroi në majën e malit Hermon para 53 vjetësh si ushtar, por rëndësia e kësaj zone për sigurinë e Izraelit është rritur duke marrë parasysh zhvillimet e fundit.

Izraeli mori nën kontroll një pjesë të Sirisë jugore përgjatë kufirit me Lartësitë Golan, të aneksuar më parë nga shteti hebre, duke e quajtur atë një zonë neutrale, pak ditë pasi rebelët rrëzuan nga pushteti Presidentin sirian Bashar Assad. Marrja nën kontroll e zonës është dënuar me kritikët që akuzojnë Izraelin për shkelje të armëpushimit të vitit 1974 dhe për shfrytëzimin e kaosit në Siri për rrëmbim të territorit.

Kryeministri Netanyau vizitoi zonën neutrale me Ministrin e Mbrojtjes, Israel Katz, i cili tha se udhëzoi ushtrinë izraelite që të vendosej aty duke krijuar fortifikime, që tregon për një qëndrim afatgjatë në zonë.

“Maja e Hermonit është sytë e shtetit të Izraelit për të identifikuar armiqtë tanë që janë afër dhe larg”, tha ministri Katz.

Forcat izraelite kanë marrë nën kontroll një zonë të çmilitarizuar afërsisht 400 kilometra katrorë, brenda Sirisë. Zona neutrale midis Sirisë dhe Lartësive Golan u krijua nga OKB-ja pas luftës së Lindjes së Mesme të vitit 1973. Një forcë paqeruajtëse e OKB-së prej rreth 1,100 trupash ishte e pranishme në atë zonë që atëherë.

Izraeli mori nën kontroll Lartësitë Golan nga Siria gjatë luftës në Lindjen e Mesme të vitit 1967 dhe më vonë i aneksoi, veprim që nuk njihet nga shumica e komunitetit ndërkombëtar. Maja e malit Hermon ndahet midis Lartësive Golan të aneksuar nga Izraeli, Libanit dhe Sirisë. Vetëm Shtetet e Bashkuara e njohin kontrollin e Izraelit mbi Lartësitë Golan.

The post Netanyahu: Trupat izraelite do të kontrollojnë një zonë neutrale brenda Sirisë appeared first on Sot News | Lajme.

Kryeministri izraelit Benjamin Netanyahu po udhëton për në Kajro, kryeqytetin e Egjiptit, për bisedimet e armëpushimit në Gaza, sipas burimeve të njohura me misionin e cituar nga Reuters.

Sipas mediave të huaja, Hamasi pretendon se negociatat e nisura në Doha për një armëpushim në Gaza janë “serioze dhe pozitive”.

Po ashtu, Hamasi ka deklaruar se marrëveshja e armëpushimit është e mundur nëse Izraeli nuk vendos kushte të tjera.

“Një marrëveshje armëpushimi në Gaza për lirimin e pengjeve është e mundur nëse Izraeli ndalon vendosjen e kushteve të reja”, ka thënë Hamasi sipas raporteve në shtypin izraelit.

Ndërkohë bëhet e ditur se Egjipti ka thirrur “urgjentisht” Presidentin e Autoritetit Kombëtar Palestinez, Abu Mazen, në Kajro.

Sipas Hezbollah TV, Al Mayadeen, presidenti i PNA po udhëton nga Vatikani në kryeqytetin egjiptian dhe kryeministri izraelit Benjamin Netanyahu është tashmë në prag të një pike kthese në marrëveshjen me Hamasin për pengjet.

Kujtojmë se lufta në Gaza ka sjellë mijëra viktima gjatë këtyre muajve luftime, shumica prej të cilëve civilë, mes tyre edhe shumë gra e fëmijë, shkruan

The post Drejt armëpushimit Izrael-Hamas në Gaza? Kryeministri Netanyahu udhëton drejt Kajros appeared first on Sot News | Lajme.

Kryeministri izraelit Benjamin Netanyahu foli mbrëmë me presidentin e sapo zgjedhur amerikan Donald Trump, raportojnë mediat në gjuhën hebraike.

Sipas raportimeve, të dy liderët diskutuan një marrëveshje të mundshme pengjesh, luftën kundër Hamasit në Gaza dhe situatën në Siri.

Më herët, këshilltari i Sigurisë Kombëtare i SHBA-së, Sullivan është takuar me kryeministrin izraelit Benjamin Netanjahu me qëllim që të avancohen negociatat për armëpushim në Gaza dhe sigurimin e një marrëveshjeje vendimtare për lirimin e pengjeve.

Këshilltari i Sigurisë Kombëtare i SHBA-së, Jake Sullivan, vizitoi Izraelin në një mision diplomatik për t’u takuar me kryeministrin Benjamin Netanjahu dhe për të çuar përpara negociatat për armëpushim në Gazë. Bisedimet janë përqendruar tek një marrëveshje e mundshme kritike për pengjet.

Gatishmëria e Netanyahut për të negociuar ka rritur shpresat për të liruar pengjet, që mbahen akoma nga Hamasi. Sullivan madje ka dhënë shpresa se marrëveshja mund të mbyllet tepër shpejt.

The post Trump bisedë telefonike me Netanyahun, diskutojnë për luftën në Siri dhe Gaza appeared first on Sot News | Lajme.

Lideri suprem i Iranit, që mbështet dy grupet që po luftojnë kundër Izraelit në Gazë dhe Liban, tha se duhet që udhëheqësve izraelitë t’iu shqiptohen dënime me vdekje, e jo t’iu lëshohen fletarrestime.
Ajatollah Ali Khamenei i bëri këto deklarata teksa po komentonte fletarrestimet e lëshuara nga Gjykata Ndërkombëtare Penale më 21 nëntor për kryeministrin Izraelit, Benjamin Netanyahu, ish-ministrin e tij të Mbrojtjes dhe një udhëheqës ushtarak të Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

“Ata lëshuan fletarrestime. Ato nuk mjaftojnë… Duhet të shqiptohen dënime me vdekje për këta udhëheqës kriminalë”, tha Khamenei, duke iu referuar udhëheqësve izraelitë.
Në vendimin e tyre, gjyqtarët thanë se ka prova të bazuara për të besuar se Netanyahu dhe Yoav Gallant kanë përgjegjësi penale për aktet që përfshijnë vrasje, përndjekje dhe përdorimin e urisë si armë të luftës, si pjesë e “sulmit të gjerë dhe sistematik kundër popullatës civile në Gazë”.

Vendimi i GJNP-së shkaktoi zemërim në Izrael, shtet që e quajti këtë vendim absurd. Banorët e Gazës u shprehën se fletarrestimet mund të ndihmojnë në ndaljen e dhunës dhe të sjellin para drejtësisë përgjegjësit për krimet.
Izraeli ka thënë se GJNP-ja, me seli në Hagë, nuk ka juridiksion dhe ka mohuar se kryen krime të luftës në Gazë.

Fletarrestimi për udhëheqësin e Hamasit, Ibrahim Al-Mastri, thotë se ai akuzohet për vrasje masive gjatë sulmit të 7 tetorit 2023 kundër Izraelit, që nxiti luftën në Gazë. Ai po ashtu akuzohet për përdhunim dhe marrje të pengjeve.
Masri, i njohur edhe si Mohammed Deif, në korrik u raportua se u vra gjatë një sulmi izraelit. Por, Hamasi nuk e ka konfirmuar e as mohuar këtë gjë./ REL

The post Haga kërkon Netanyahun, Khamenei për fletarrestimet e GJNP-së: Këto nuk mjaftojnë për të ndalur krimet në Gazë appeared first on Sot News | Lajme.

Zëvendëskryeministri italian Matteo Salvini, duke reaguar ndaj vendimit të Gjykatës Penale Ndërkombëtare (ICC) për lëshimin e një urdhër-arresti për Benjamin Netanyahu, tha se kryeministri i Izraelit është i mirëpritur nëse viziton Italinë, duke shtuar se është mosrespektim ta etiketosh si kriminel lufte. “Kam në plan të takohem së shpejti me anëtarët e qeverisë izraelite dhe nëse Netanyahu do të vinte në Itali, ai do të ishte i mirëpritur. Kriminelët e luftës janë tjetër gjë”, tha Salvini, shkruan Ansa.

Sipas tij, është shprehje e mosrespektimit të cilësosh si kriminel lufte kryeministrin e një prej vendeve të pakta demokratike në Lindjen e Mesme.

“Unë nuk hyj në sferën e dinamikës ndërkombëtare. Izraeli ka qenë objektiv i sulmeve për dekada të tëra dhe qytetarët e tij jetojnë me frikën e raketave, ndërsa nën shtëpitë e tyre ka bunkerë.

Të thuash tani që kryeministri i një prej vendeve të pakta demokratike në Lindjen e Mesme është një kriminel lufte që duhet arrestuar më duket mungesë respekti, gjë që është e rrezikshme sepse Izraeli nuk po mbron vetëm veten, por edhe lirinë, demokracinë dhe vlerat perëndimore”, përfundoi Salvini.

Sipas tij, është një zgjedhje politike e diktuar nga disa vende islame që janë shumicë në institucione të caktuara ndërkombëtare.

Gjykata Ndërkombëtare Penale në Hagë lëshoi ​​të enjten urdhër-arreste për kryeministrin izraelit Benjamin Netanyahu, ish-ministrin e tij të Mbrojtjes Yoav Galant dhe zyrtarë të lëvizjes palestineze Hamas.

Ata akuzohen për krime lufte dhe krime kundër njerëzimit të kryera gjatë luftës në Gaza dhe sulmet e tetorit 2023 që shkaktuan ofensivën izraelite në territoret palestineze.

The post Arresti me burg ndaj Netanyahut nga GJNP, Salvini: I mirëpritur në Itali, mungesë respekti ta quash kriminel lufte appeared first on Sot News | Lajme.

Kryeministri izraelit Benjamin Netanyahu ka pranuar për herë të parë ai autorizoi sulmin me bombë të Hezbollahut që shpërtheu në Liban në shtator, shkruajnë mediat ndërkombëtare.

Izraeli pranon përfshirjen e tij në sulm.n”Netanyahu konfirmoi të dielën se ai dha dritën jeshile për operacionin bombardues në Liban,” i tha AFP zëdhënësi i tij, Omer Dostri.

Grupi i Hezbollah kishte fajësuar më parë Izraelin për shpërthimet që i dhanë një goditje të madhe organizatës, e cila kishte thënë gjithashtu se do të hakmerrej.

Kujtojmë se më 17 shtator, qindra bomba që i përkisnin anëtarëve të Hezbollahut shpërthyen në të gjithë Libanin.

Pajisjet portative të përdorura nga anëtarët e Hezbollahut shpërthyen për dy ditë radhazi në supermarkete, rrugë dhe shumë vende të tjera publike, duke vrarë 40 njerëz dhe duke plagosur rreth 3,000.

The post Netanyahu pranon për herë të parë dritën jeshile për sulmin në Liban që vrau 40 persona appeared first on Sot News | Lajme.

Kryeministri izraelit Benjamin Netanyahu udhëtoi të dielën drejt kufirit me Libanin, nga ku ushtria izraelite nisi një ofensivë kundër Hezbollahut në fund të shtatorit.
Hera e fundit që Netanyahu ishte në zonë ishte më 6 tetor. Gjatë vizitës së tij, siç theksojnë mediat izraelite, ai është takuar me oficerë të lartë me të cilët ka vlerësuar situatën në lidhje me operacionet kundër Hezbollahut.

Ai tha se “me ose pa marrëveshje” me Libanin, rivendosja e sigurisë në veri dhe kthimi i izraelitëve në shtëpitë e tyre kërkon shtyrjen e Hezbollahut në veri të lumit Litani, duke parandaluar riarmatimin e grupit terrorist dhe reagimin ndaj çdo aktiviteti kundër Izraelit.

“E thënë thjesht: zbatim, përmbarim, zbatim”, tha ai për zbatimin e synimeve që Izraeli ka vendosur. Netanyahu shtoi se është e rëndësishme të ndërpritet “oksigjeni” i Hezbollahut nga Irani përmes Sirisë, që do të thotë qarkullimi i rregullt i armëve dhe mjeteve të tjera.

The post Lufta në Lindjen e Mesme, Netanyahu viziton kufirin me Libanin: T’i ndalojmë “oksigjenin” Hezbollahut! appeared first on Sot News | Lajme.

Kryeministri izraelit Benjamin Netanyahu dëshiron që djali i tij Avner të shtyjë dasmën e tij për arsye sigurie, për shkak të luftës në disa fronte dhe kërcënimeve nga dronët, njoftoi shërbimi publik izraelit Khan.

Dasma e Avner Netanyahu është planifikuar për 26 nëntor në rajonin Sharon, në veri të Tel Avivit. Khan citon fjalët e kryeministrit të Izraelit, i cili u tha bashkëpunëtorëve se ngjarja mund të përbëjë rrezik për festën e dasmës.

Zyra e Kryeministrit izraelit nuk iu përgjigj raportit. Një dron që i përkiste militantit Hezbollah goditi një dhomë gjumi në shtëpinë e Netanyahut në Cezare në fillim të këtij muaji dhe shkaktoi dëme, ndërsa familja e tij nuk ishte aty në atë kohë.

The post Dasëm në familjen e kryeministrit izraelit, Netanyahu bën kërkesën e papritur appeared first on Sot News | Lajme.

Mediat izraelite njoftuan se kryeministri Benjamin Netanyahu ka hedhur poshtë një armëpushim afatshkurtër në Gaza të propozuar nga presidenti egjiptian Abdel Fattah al-Sisi, pavarësisht mbështetjes së shumicës së ministrave në qeveri.
Televizioni shtetëror izraelite KAN dhe “Channel 12” raportuan se qeveria e Tel Avivit nuk e ka pranuar propozimin e Egjiptit.

Në lajmin e “Channel 12”, thuhet se megjithëse shumica e ministrave në qeverinë izraelite e mbështetën propozimin e Egjiptit, Netanyahu e kundërshtoi atë.
Më tej thuhet se Netanyahu argumentoi se “bisedimet për shkëmbimin e të burgosurve do të vazhdojnë vetëm derisa të vazhdojnë sulmet në Gaza”, dhe se oferta e Egjiptit është refuzuar.

Lajmi thekson se njësitë izraelite të sigurisë mbështetën gjithashtu ofertën e Egjiptit. Presidenti egjiptian Al-Sisi tha se ata propozuan një iniciativë dyditore të armëpushimit për të shkëmbyer 4 të burgosur izraelitë dhe disa palestinezë të ndaluar në Rripin e Gazës, ku Izraeli vazhdon sulmet e tij.
“Në 10 ditët e ardhshme do të zhvillohen negociata për ta kthyer armëpushimin e përkohshëm në një armëpushim të përhershëm”, tha Al-Sisi.

The post Netanyahu i pa mëshirëshëm, refuzon propozimin e Egjiptit (Detaje) appeared first on Sot News | Lajme.

Në një ceremoni përkujtimore të organizuar sot në Jerusalem, të afërmit e të vrarëve në sulmet e Hamasit të 7 tetorit të vitit të kaluar ndërprenë kryeministrin izraelit Benjamin Netanyahu teksa fliste gjatë një transmetimi të drejtpërdrejtë.

Një video e shpërndarë në rrjet, tregon Netanyahun duke qëndruar në heshtje në një podium ndërsa anëtarët e audiencës, të cilët nuk mund të shihen në video, bërtasin “Turp për ju”, raporton “Times of Israel”.

Një person tjetër bërtet “babai im u vra”, sipas agjencisë së lajmeve AFP.

Sot shënohet data hebraike e një vjetorit të sulmeve të Hamasit ndaj Izraelit. Rreth 1200 njerëz u vranë dhe 251 të tjerë u morën peng më 7 tetor 2023, kur persona të armatosur të Hamasit kaluan kufirin nga Gaza.

The post “Babai im u vra”/ Një vit pas sulmit të Hamasit, izraelitët “shpërthejnë” kundër Netanyahu: Turp për ju appeared first on Sot News | Lajme.

Pothuajse gjysmë dite pas sulmeve ndaj Iranit, kryeministri izraelit Benjamin Netanyahu zgjodhi sonte të informojë botën se Izraeli i zgjodhi objektivat që sulmoi në Iran vetëm në bazë të interesave të tij kombëtare dhe jo në bindje ndaj urdhrave të SHBA-së.

Zyra e Netanyahut e lëshoi njoftimin në përgjigje të asaj që e quajti një raport “plotësisht të rremë” të televizionit lokal se Izraeli u përmbajt nga goditja e objekteve të gazit dhe naftës iraniane për shkak të presionit nga SHBA.

“Izraeli para-zgjedh objektivat e sulmeve bazuar në interesat kombëtare dhe jo sipas urdhrave amerikanë. Kështu ka qenë dhe kështu do të jetë”, tha zyra e kryeministrit izraelit.
Megjithatë, pak më herët, presidenti izraelit Isaac Herzog përshëndeti SHBA-në, aleatin historik të Izraelit, për bashkëpunimin “publik dhe të fshehtë” mes dy vendeve, pas sulmeve izraelite në Iran.

“Dua të falënderoj veçanërisht mikun tonë të madh, SHBA-në, i cili është një aleat i vërtetë, dhe bashkëpunimin tonë publik dhe sekret”, tha ai në një postim në platformën X.

The post Sulmet ndaj Iranit, Netanyahu merr vendimin e prerë: Izraeli nuk u bindet urdhrave të SHBA, zgjedh objektivat e tij appeared first on Sot News | Lajme.

Mediat izraelite, duke cituar informacione nga Shërbimi i Sigurisë së Brendshme të vendit, Shin Bet, raportuan se avioni pa pilot i Hezbollahut arriti të godiste shtëpinë e kryeministrit izraelit, Benjamin Netanyahu. Nga ky sulm janë shkaktuar vetëm dëme materiale.

Fillimisht është publikuar një foto dhe më pas një video nga shtëpia e kryeministrit, pasi më parë ishte ndaluar të publikohej ndonjë gjë nga ushtria izraelite. Shpërthimi theu xhamin në dritaren e dhomës së gjumit dhe nuk pati të lënduar sepse Netanyahu dhe gruaja e tij nuk ishin në atë shtëpi në momentin e sulmit.

Të shtunën menjëherë pas sulmit, Netanyahu tha se Hezbollahu, një aleat i Iranit, i cili u përpoq të vriste atë dhe gruan time ndërsa theksoi se kanë bërë një gabim të rëndë.

“Unë u them iranianëve dhe aleatëve të tyre në boshtin e së keqes: kushdo që përpiqet të dëmtojë qytetarët e Izraelit do të paguajë një çmim të lartë”, shtoi ai. Zëdhënësi i Hezbollahut, Mohammad Afif, njoftoi se organizata shiite libaneze merr përgjegjësinë e plotë për sulmin që nisi në shtëpinë e kryeministrit izraelit në Cezare.

Benjamin Netanyahu’s bedroom window hit by Hezbollah drone

Read more here https://t.co/JwT1LcQXVO pic.twitter.com/9S5f6rpGXl

— The Telegraph (@Telegraph) October 22, 2024

The post Sulmi me dron në banesën e Netanyahut, publikohen pamjet nga dëmet e shkaktuara (Video) appeared first on Sot News | Lajme.

Kryeministri izraelit Benjamin Netanyahu ka deklaruar se nuk është frenuar nga qëllimet e tij të luftës pas një sulmi të raportuar me dron në rezidencën e tij private.

“Përpjekja e përfaqësuesit të Iranit Hezbollah për të vrarë mua dhe gruan time sot ishte një gabim i rëndë”, shkroi ai në një postim në X.

Zyra e tij më herët tha se një dron ishte nisur drejt rezidencës së Netanyahut në qytetin bregdetar verior të Cezaresë të shtunën në mëngjes. Kryeministri izraelit dhe gruaja e tij nuk ishin në shtëpi në atë moment dhe askush nuk u lëndua.

Misioni i Iranit në OKB thotë se Hezbollahu qëndron pas sulmit të raportuar. Ndërkohë vetë Hezbollahu, i cili financohet dhe pajiset nga Irani, ende nuk ka komentuar mbi ngjarjen, shkruan BBC. Ushtria izraelite tha se tre drone u lëshuan nga Libani, ndërsa njëri prej tyre goditi një ndërtesë në Cezare. Ata nuk konfirmuan nëse godina ishte pjesë e rezidencës së kryeministrit dhe as përmasat e ndonjë dëmtimi.

Në orën 08:19 me orën lokale (06:19 BST), Forcat e Mbrojtjes të Izraelit (IDF) thanë: “Në orën e fundit, tre mjete ajrore pa pilot kaluan në vend nga Libani. Dy nga dronët u kapën. Një tjetër goditi një ndërtesë në Cezare, pa të lënduar.”

Kryeministri izraelit përdor dy shtëpi private, në Cezare dhe Jerusalem, si dhe ka kaluar kohë edhe në Beit Aghion, rezidenca e tij zyrtare në Jerusalem, e cila aktualisht është duke u rinovuar. Sulmi i raportuar vjen ndërsa Izraeli përgatitet t’i përgjigjet sulmit me raketa balistike të Iranit në shkallë të gjerë më 1 tetor, me ministrin e mbrojtjes të Izraelit që tha se përgjigja e tij do të ishte “vdekjeprurëse, e saktë dhe befasuese

The post Një prej tyre goditi rezidencën e Netanyahut, kush qëndron pas dronëve të nisur nga Libani appeared first on Sot News | Lajme.

Presidenti izraelit, Benjamin Netanyahu konfirmoi bisedën telefonike që pati me Donald Trump pas deklaratave të republikanit dje gjatë fjalimit të tij në një fushatë në Pelnsilvani. Në reagimin zyrtar bëhet me dije se Netanyahu është shprehur se Izraeli i merr parasysh çështjet e ngritura nga administrata amerikane, por në fund merr vendimet bazuar në interesat e tyre kombëtare.

Kjo përgjigje nga Izraeli vjen pas deklaratave të Trump se Netanyahu injoron atë që thotë Biden dhe se falë injorimit të këshillave të presidentit amerikan Izraeli është në këtë pozicion të fortë pasi në të kundërt vendi do të ishte në gjendje të keqe.

“Kryeministri Netanyahu përsëriti atë që tha publikisht: Izraeli merr parasysh çështjet e ngritura nga administrata amerikane, por në fund do të marrë vendimet e tij bazuar në interesat e tij kombëtare ”, thuhet në deklaratë.

Të shtunën mbrëma, ish-presidenti amerikan dhe kandidati për zgjedhjet presidenciale, Donald Trump tha gjatë një mitingu në Pensilvani se nëse kryeministri izraelit Benjamin Netanyahu do të kishte dëgjuar Presidentin Biden, situata e Izraelit do të ishte më e keqe.

“Biden “i thotë Netanyahut ‘mos e bëj këtë, mos vepro kështu’. Bibi nuk e dëgjon, dhe si rrjedhojë Izraeli është tani në një pozicion shumë më të fortë se tre muaj më parë. Bibi më telefonoi dhe më tha ‘kjo është e pabesueshme’ dhe gjithçka sepse nuk e dëgjoi Biden. Nëse do ta bënte, nuk do të ishte në këtë pozicion”, tha republikani, duke iu referuar Lindjes së Mesme dhe serisë së vrasjeve të liderëve të Hamasit dhe Hezbollahut dhe duke konfirmuar bisedën që kishte me presidentin izraelit.

The post Deklaratat e Trump, përgjigjet Netanyahu: Izraeli e merr parasysh atë që thotë SHBA, por në fund vendosim vetë! appeared first on Sot News | Lajme.

Sulmet ajrore izraelite mbrëmjen e së shtunës vranë të paktën 73 njerëz në Rripin e Gazës, tha mbrojtja civile e enklavës së vogël palestineze. Sulmet ndodhën në të njëjtën ditë kur një dron goditi rezidencën private të kryeministrit Benjamin Netanyahu në Izraelin qendror.

Ushtria izraelite ka bombarduar një zonë të banuar në Beit Lahia, në pjesën veriore të Rripit të Gazës, ku ka nisur një sulm të ri kundër elementëve të lëvizjes islamike palestineze Hamas.

“Ekipet e mbrojtjes civile gjetën 73 të vdekur dhe një numër të madh të plagosurish” në Beit Lahia dhe “ka ende të vdekur nën rrënoja”, tha për AFP zëdhënësi i mbrojtjes civile Mahmoud Basal.

Ushtria izraelite tha se numrat e lëshuar nga autoritetet në Rripin e Gazës nuk korrespondojnë me informacionin që zotëronte, duke siguruar se municione precize janë përdorur kundër një shënjestre që i përkiste Hamasit.

Edhe para këtij bombardimi, mbrojtja civile fliste për më shumë se 400 të vdekur në Rripin verior të Gazës që nga 6 tetori, kur nisën operacionet e reja izraelite me qëllimin e deklaruar për të parandaluar rigrupimin e njësive të krahut ushtarak të Hamasit.

“Lajme të tmerrshme nga Gaza veriore, ku palestinezët vazhdojnë të vuajnë tmerre të papërshkrueshme nën rrethimin e forcave (të armatosura) izraelite,” tha përmes X-it Joyce Mizuya , kreu i përkohshëm i Zyrës së Kombeve të Bashkuara për Koordinimin e Çështjeve Humanitare (OCHA) .

Ditën e djeshme një dron u lëshua kundër rezidencës private të Benjamin Netanyahu në Cezare (qendër), megjithatë, as kryeministri izraelit dhe as gruaja e tij nuk ishin aty, siç siguroi zyra e tij. Ushtria izraelite njoftoi nga ana e saj në mbrëmje se Hezbollahu kishte lëshuar të paktën 200 raketa dhe/ose drone nga Libani kundër territorit izraelit.

The post Sulmit në rezidencën e Netanyahut, Izraeli hakmerret ndaj Gazas duke vrarë të paktën 73 persona appeared first on Sot News | Lajme.

Kryeministri Izraelit, Benjamin Netanyahu, bëri deklaratën e tij të parë pas tentativës për sulm në shtëpinë e tij në Cezare, mesditën e së shtunës. Në videon e postuar në rrjetin social “X” kryeministri izraelit teksa shëtit në një park thotë: “Asgjë nuk na ndal, do të vazhdojmë deri në fitore”. Më tej kryeministri përgëzon forcat Izraelite për punën që po bëjnë ndaj ushtrisë së Hamasit, duke iu referuar eliminimit të liderit të Hamasit nga trupa izraelitë.

“E dini, dy ditë më parë ne eliminuam vrasësin masiv, liderin e Hamasit, Yahya Sinwar. Siç e thashë, jemi në një luftë ekzistenciale dhe do të vazhdojmë deri në fund. Dhe dua të them diçka tjetër, unë jam krenar për ushtarët tanë, jam krenar për komandantët tanë dhe jam krenar për ju, qytetarët e Izraelit ”, shton ai.

Netanyahu's response to the drone attack that hit his private residence earlier today: pic.twitter.com/dCm2uJuFMT

— Barak Ravid (@BarakRavid) October 19, 2024

Netanyahu e cilësoi Sinwar “organizator terrorist”. Mediat ndërkombëtare raportuan këtë të shtunë se banesa e Netanyahut u shenjëstrua nga një dron. Sakaq në momentin e sulmit as kryeministri izraelit, e as bashkëshortja e tij nuk ndodheshin në banesë. Zyra e kryeministrit në Izrael konfirmoi më herët se rezidenca private e Benjamin Netanyahu në Cezare ishte objektivi i një sulmi me dron nga Libani.Në një deklaratë të shkurtër, zyra tha se kryeministri Netanyahu dhe gruaja e tij Sara nuk ishin në shtëpi në momentin e sulmit dhe se nuk kishte të lënduar nga incidenti.

Deri tani, përgjegjësinë për sulmin me dron nuk e ka marrë grupi libanez i mbështetur nga Irani, Hezbollah, i cili ka një vit që shkëmben zjarr me Izraelin, por as ndonjë grup tjetër militant. Hezbollahu, i cili e kontrollon Libanin jugor, është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike.

The post “Asgjë nuk na ndal”/ Netanyahu flet për herët të parë pas tentativës për sulm në banesën e tij: Vazhdojmë deri në… appeared first on Sot News | Lajme.

Në luftën kundër Hamasit në Gaza, vrasja e Yahya Sinwar është padyshim fitorja më e madhe e Izraelit deri më tani.

“Eleminimi i Sinwar-it krijon mundësi për lirimin e menjëhershëm të pengjeve dhe një ndryshim të mundshëm që mund të sjellë një realitet të ri në Gaza pa Hamasin dhe pa kontrollin iranian”, tha ministri i Jashtëm izraelit Katz.

Nga ana tjetër, kryeministri i izraelit Benjamin Netanyahu komplimentoi ushtarët dhe e bëri të qartë se sado e madhe mund të jetë fitorja e tyre me vrasjen e liderit të Hamasit, nuk është fundi i luftës. Ai tha se pengjet e mbetur nuk janë të lirë dhe se Hamasi po lufton dhe po përpiqet të vrasë trupat izraelite.

Aksioni për vrasjen e Sinwarit nuk ishte i parapërgatitur. Sipas një deklarate të ushtrisë, ai u vra në Rafah të Gazës Jugore gjatë kohës kur një tank i ushtrisë izraelite hapi zjarr pasi tre terroristë të dyshuar po vraponin nga një ndërtesë në tjetrën.

Sinwar ishte një nga arkitektët kryesorë të sulmit të Hamasit ndaj Izraelit më 7 Tetor 2023 dhe Izraeli është zotuar ta vrasë që nga fillimi i luftës në Gaza. Ndërkohë, 1 vit lufte ka vrarë të paktën 42,000 palestinezë dhe ka lënë pjesën më të madhe të Gazës në gërmadha.

The post “Vdekja e liderit të Hamasit nuk i jep fund luftës në Gaza”/ Netanyahu shuan shpresat appeared first on Sot News | Lajme.