Situata nga zjarret në vend vijon të mbetet problematike edhe sot në 12 gusht, me 25 vatra të raportuara gjatë 24 orëve të fundit, 9 prej të cilave janë ende aktive. Ministria e Mbrojtjes bën me dije se në operacionet për shuarjen e flakëve janë angazhuar qindra efektivë dhe mjete tokësore e ajrore. Forcat e Armatosura kanë në terren 167 efektivë, tre helikopterë dhe dy avionë “Air Tractor”. Një nga vatrat më të mëdha vijon të jetë në Gurë-Lurë të Dibrës, ku zjarri është afruar pranë disa banesave. Për mbrojtjen e komunitetit në këtë zonë janë angazhuar 50 efektivë të Forcave të Armatosura, dy helikopterë dhe dy avionë “Air Tractor”. Operacione për shuarjen e zjarreve po zhvillohen edhe në Dajt, Priskë të Madhe, Drenie, Krujë, Nëmërçkë dhe malin Dhëmbel. Aktiviteti i flakëve vijon edhe në malin e Moravës në Devoll, në një zonë të mbrojtur me pyje pishe. Sipas Ministrisë së Mbrojtjes, në shumicën e zonave aktive aktualisht nuk raportohet rrezik i drejtpërdrejtë për banesat. Forcat në terren po përqendrohen në izolimin e vatrave dhe parandalimin e përhapjes së zjarreve. Operacionet tokësore dhe ajrore do të vijojnë deri në neutralizimin e plotë të vatrave aktive. Postimi i Ministrisë së Mbrojtjes Ministria e Mbrojtjes – informim mbi situatë e zjarreve gjatë 24 orëve të fundit Ministria e Mbrojtjes informon se gjatë 24 orëve të fundit janë raportuar 25 vatra zjarri, nga të cilat 9 mbeten aktive. Në operacionet për shuarjen e tyre janë angazhuar 41 automjete zjarrfikëse dhe 395 forca operacionale. Nga Forcat e Armatosura, aktualisht po operojnë në terren 167 efektivë, 3 helikopterë dhe 2 avionë “Air Tractor” të Forcës Ajrore. Në Dajt vijon puna me forcat e MZSH-së dhe ADZM-së, të mbështetura edhe nga helikopteri i Forcës Ajrore, ndërsa në Priskë e Madhe po operojnë 4 automjete zjarrfikëse me 15 efektivë. Në të dyja zonat nuk ka rrezik për banesat. Në Drenie, bashkia Patos, pas riaktivizimit të vatrës, gjatë ditës së djeshme u angazhuan 7 automjete zjarrfikëse, 30 efektivë të MZSH-së, forca policore, pyjore dhe vullnetarë, të mbështetur nga 2 avionë “Air Tractor”. Sot operacioni vijon edhe me 30 efektivë të FA-së. Në Krujë vijojnë operacionet në lagjen Abaze dhe në zonën Krastë–Halil. Në Abaze pritet mbështetja e 58 efektivëve të FA-së dhe 2 helikopterëve, ndërsa në Krastë–Halil kanë operuar 58 efektivë ushtarakë me 6 mjete, krahas forcave të ADZM-së dhe strukturave vendore. Aktualisht nuk raportohet rrezik për zonat e banuara. Në Nëmerçkë vijon puna me forcat e MZSH-së, bashkisë dhe 25 efektivë të FA-së, ndërsa në malin Dhëmbel operojnë forcat zjarrfikëse të Përmetit dhe në mbështetje po angazhohen 30 efektivë ushtarakë. Në të dyja zonat nuk ka rrezik për banesat. Në Gurë-Lurë, bashkia Dibër, po zhvillohet një nga operacionet më të rëndësishme, me angazhimin e forcave zjarrfikëse, bashkiake, pyjore, ADZM-së, vullnetarëve, 50 efektivëve të FA-së, 2 helikopterëve dhe 2 avionëve “Air Tractor”. Për shkak të afërsisë së zjarrit me disa banesa, forcat zjarrfikëse janë pozicionuar pranë tyre për mbrojtjen e komunitetit. Aktive mbetet edhe vatra në malin e Moravës, bashkia Devoll, në një zonë të mbrojtur me pyll pishe. Në terren po punojnë forcat e MZSH-së Devoll dhe Korçë, së bashku me shërbimin pyjor, ndërsa nuk ka rrezik për zonat e banuara. Operacionet vijojnë me kapacitete të shtuara tokësore dhe ajrore, me fokus mbrojtjen e zonave të banuara, kufizimin e përhapjes dhe neutralizimin e plotë të vatrave aktive. #voxnews #media #news

1386 views

Gjykata e Korçës ka caktuar masën e sigurisë “arrest me burg” për Kristjan Sterjon, i dyshuar për vrasjen e 20-vjeçarit Joan Zyko, ngjarje e rëndë që tronditi qytetin e Korçës më 8 gusht. Seanca për caktimin e masës së sigurisë u zhvillua këtë të mërkurë në kushte të rrepta sigurie. Prokurorja Artenida Toska kërkoi masën “arrest me burg” për Sterjon, kërkesë që u pranua nga Gjykata e Korçës. Në ambientet përreth gjykatës u vendosën forca të shumta policie, ndërsa institucioni u rrethua për shkak të ndjeshmërisë së lartë të çështjes. Në seancë nuk është paraqitur asnjë familjar, as nga familja e viktimës Joan Zyko dhe as nga familja e autorit të dyshuar. Joan Zyko, 20 vjeç, u qëllua me armë zjarri pasditen e 8 gushtit në lagjen nr. 14 të Korçës. Sipas të dhënave të bëra publike nga hetimet, mes Zykos dhe Kristjan Sterjos kishte pasur një konflikt të mëparshëm. Në dëshminë e tij para hetuesve, Sterjo ka dhënë versionin e tij për ngjarjen, duke deklaruar se konflikti kishte nisur rreth dy javë më parë. Sipas tij, ditën e ngjarjes pati fillimisht një përplasje fizike mes dy të rinjve, pas së cilës ai u largua dhe shkoi në banesë. Sterjo ka deklaruar se më pas ka marrë një armë zjarri që e kishte fshehur dhe është rikthyer në zonën ku ndodhej Zyko. Sipas dëshmisë së tij, ai e ka ndjekur 20-vjeçarin dhe ka qëlluar me armë në drejtim të tij. Pas ngjarjes, Sterjo u largua nga vendi i krimit dhe për disa orë qëndroi në arrati. Policia e Korçës arriti ta lokalizojë dhe ta arrestojë rreth mesnatës së 9 gushtit, pranë zonës së Mitropolisë. Gjatë veprimeve hetimore janë administruar prova materiale dhe janë sekuestruar sende që dyshohet se kanë lidhje me ngjarjen. Sterjo po hetohet për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”. Me vendimin e sotëm të Gjykatës së Korçës, Kristjan Sterjo do të qëndrojë në paraburgim gjatë vijimit të hetimeve. Ndërkohë, hetimet për zbardhjen e plotë të rrethanave dhe motivit të vrasjes vijojnë. #voxnews #media #news

1238 views

Diana Marcela Troncos u nxor e gjallë nga rrënojat në Cali, Kolumbi, pasi qëndroi e bllokuar për 29 orë pas tërmetit. Ekipet e shpëtimit punuan për rreth tre orë për ta nxjerrë të sigurt, në një operacion emocionues mes rrënojave. #voxnews #media #news

1615 views

Bimët e duhura të shtëpisë mund të bëjnë më shumë sesa thjesht ta zbukurojnë dhomën e gjumit. Disa prej tyre mund të krijojnë një ambient më të qetë dhe relaksues, duke e bërë më të lehtë çlodhjen para gjumit. Bimë si livandoja dhe jasemini njihen për aromat e tyre relaksuese, ndërsa sansevieria dhe aloe vera përdorin një lloj fotosinteze që u lejon të marrin dioksid karboni edhe gjatë natës. #plants #nature #voxnews #media #news @voxnews.al

1253 views

Mbërrin në gjykatë Kristian Sterjo, 20-vjeçari, i cili akuzohet për vrasjen e Johan Zukos, ngjarje e ndodhur disa ditë më parë në lagjen nr.14 në Korçë. Sterjo, ndaj të cilit do të zhvillohet në gjykatën e Korçës seanca për caktimin e masës së sigurisë, është sjellë nën masa të shtuara sigurie. I riu akuzohet për veprën penale vrasje me paramendim si dhe mbajtja pa leje dhe prodhimi i armëve, armëve shpërthyese dhe municionit. Si ndodhi ngjarja Ngjarja e rëndë ndodhi pasditen e 8 gushtit në Korçë, ku 20-vjeçari Joan Zuko u qëllua me armë zjarri pranë banesës së tij. Sipas raportimeve, Zuko dhe Sterjo njiheshin prej vitesh dhe ishin shokë fëmijërie. Pas krimit, Sterjo u largua nga vendngjarja dhe u shpall në kërkim. Policia e arrestoi disa orë më vonë, ndërsa arma e dyshuar e krimit u gjet e fshehur në zonën e njohur si “Fusha e Druve”. Sipas dëshmisë së dhënë nga Sterjo gjatë hetimeve, konflikti mes dy të rinjve kishte nisur për shkak të një vajze. Ai ka pretenduar se i kishte kërkuar Zukos të mos e ngacmonte shoqen e tij dhe se ditën e ngjarjes, pas një përplasjeje mes tyre, kishte shkuar në banesë, kishte marrë armën dhe ishte drejtuar për në lagjen ku banonte Zuko. Këto janë pretendime të përfshira në dëshminë e të dyshuarit dhe mbeten objekt i hetimit. Në dëshminë e tij, Sterjo ka deklaruar gjithashtu se pas të shtënës është larguar drejt “Fushës së Druve”, ku ka fshehur armën, dhe më pas është larguar nga zona. Joan Zuko kishte qenë më herët pjesë e akademisë së futbollit të Skënderbeut, ndërsa më pas ishte bërë tifoz i klubit korçar. Ndërkohë, mediat kanë raportuar se Sterjo ishte arrestuar edhe më parë për plagosje me thikë. #voxnews #media #news

1994 views

Eklipsi total i Diellit këtë të mërkurë po konsiderohet si një nga ngjarjet astronomike më spektakolare të vitit. Mijëra njerëz kanë planifikuar udhëtime drejt Spanjës, Islandës dhe Grenlandës për të ndjekur nga afër momentin kur Hëna do të mbulojë plotësisht Diellin, duke krijuar një pamje që zgjat vetëm pak minuta. #voxnews #media #news @voxnews.al

9544 views

Cristiano Ronaldo dhe Georgina Rodríguez kurorëzojnë dashurinë: Çifti martohet në Portugali! #cristianoronaldo #georginarodriguez #voxnews #media #news @voxnews.al

1093 views

Pas një nate kritike për banorët e fshatit Drenie të Patosit, ku flakët dolën jashtë kontrollit dhe iu afruan banesave, situata këtë mëngjes paraqitet nën kontroll. Vatra e zjarrit vijon të jetë aktive, por aktualisht nuk paraqet rrezik për banesat. Rreth 30 forca zjarrfikëse po punojnë për shuarjen e plotë të flakëve. Ndërkohë, vijon prej pesë ditësh beteja me zjarrin në zonën mbi lagjen Abaze në Krujë, pranë vendit të quajtur Kroi i Madh. Vatra mbetet aktive dhe për shuarjen e saj po ndërhyjnë dy helikopterë, forcat zjarrfikëse dhe banorë të zonës. Pavarësisht ndërhyrjeve të vazhdueshme nga toka dhe ajri, zjarri në Krujë është riaktivizuar disa herë pasi është menduar se ishte shuar plotësisht. Trashësia e madhe e humusit në këtë zonë ka favorizuar ruajtjen e prushit në brendësi të tokës, duke bërë që flakët të rishfaqen. #voxnews #media #news @voxnews.al

1405 views

Shqipëria ka bërë një kapërcim të dukshëm në renditjen e vendeve të Ballkanit Perëndimor për të ardhurat për frymë, por ky përmirësim zbehet ndjeshëm sapo në llogari futet kostoja e jetesës. Dy mënyrat e matjes së Prodhimit të Brendshëm Bruto për frymë japin sot dy pamje të ndryshme të pozicionit ekonomik të Shqipërisë. Në treguesin nominal, të shprehur në dollarë amerikanë, Shqipëria është ngjitur në vendin e tretë në rajon, pas Serbisë dhe Malit të Zi, duke lënë pas Maqedoninë e Veriut, Bosnjë-Hercegovinën dhe Kosovën. Në vitin 2025, sipas të dhënave të publikuara nga Fondi Monetar Ndërkombëtare (FMN), Serbia kishte të ardhurat për frymë më të lartat në rajon, me 15.3 mijë dollarë, duke ia kaluar Malit të Zi, që u rendit i dyti, me 14.7 mijë dollarë. Në vend të tretë është ngjitur Shqipëria, që dikur ishte e parafundit në Europë dhe rajon, dhe linte pas vetëm Kosovën. Shqipëria në 2025-n arrit në nivelin e 11.2 mijë dollarë të ardhura për frymë, duke ia kaluar Maqedonisë së Veriut (10.5 mijë dollarë) dhe Bosnjë Hercegovinës (9.6 mijë dollarë). Në fund vijon të mbetet Kosova, me 7.9 mijë dollarë. (shiko grafikun: Të ardhurat për frymë -USD). Por renditja ndryshon kur të ardhurat korrigjohen sipas fuqisë blerëse, pra kur matet se sa mallra dhe shërbime mund të blihen realisht me këto të ardhura në secilin vend. PPP (barazia e fuqisë blerëse) mat sa mallra dhe shërbime mund të blihen realisht me të ardhurat në një vend, duke korrigjuar diferencat e çmimeve mes shteteve dhe llogaritet me dollarë ndërkombëtare. Në këtë rast, Shqipëria zbret në vendin e katërt në Ballkanin Perëndimor, pas Malit të Zi, Serbisë dhe Maqedonisë së Veriut, madje me diferencë të lartë me këtë të fundit. Sipas të dhënave të FMN-së, në vend të parë për të ardhurat për frymë e ruan vendin e parë Mali i Zi (34.4 mijë dollarë ndërkombëtare), e ndjekur nga Serbia (32.7 mijë). Në vend të tretë është Maqedonia e Veriut, që ndonëse ka zbritur një pozicion poshtë Shqipëria ka fuqi blerëse shumë më të lartë (29.7 mijë dollarë ndërkombëtarë), përkundrejt Shqipërisë që e ka këtë tregues shumë më të ulët (23.4 mijë), e ndjekur nga Bosnja (22.9 mijë) dhe Kosova (20.4 mijë). Të tre vendet e fundit, Shqipëria, Bosnjë Hercegovina dhe Kosova kanë fuqi blerëse në nivele të ngjashme, me shumë diferencë nga Mali i ZI, Serbia dhe Maqedonia e Veriut, siç tregohet qartë nga grafiku: Të ardhurat për frymë sipas fuqisë blerëse (USD ndërkombëtarë). Diferenca midis dy grafikëve është në fakt një nga treguesit më të qartë të problemit që ekonomia shqiptare ka krijuar gjatë viteve të fundit: të ardhurat në vlerë monetare janë rritur, por një pjesë e madhe e përfitimit është gërryer nga rritja e fortë e çmimeve. Ky është dhe një tregues indirekt i pabarazisë në të ardhura që ka shkaktuar modeli ekonomik vendas, ku rritja e orientuar kryesisht nga ndërtimi, ka krijuar iluzion se ekonomia është rritur, teksa ka pasuruar vetëm një pjesë të vogël të popullsisë. Modeli i viteve të fundit, i mbështetur ndjeshëm te ndërtimi dhe pasuritë e paluajtshme, ka rritur vlerën nominale të ekonomisë dhe ka krijuar perceptimin e një përmirësimi të shpejtë të mirëqenies. Por përfitimet nuk janë shpërndarë njëtrajtshëm, ndërsa për një pjesë të madhe të familjeve, shtrenjtimi i ushqimeve, banesave dhe shërbimeve ka kufizuar rritjen reale të fuqisë blerëse dhe mirwqenies. Për rrjedhojë, Shqipëria mund të jetë ngjitur në renditjen e të ardhurave për frymë, pa pasur të njëjtin përmirësim në standardin real të jetesës. #voxnews #media #news

2135 views

Ministria për Evropën dhe Punët e Jashtme ka reaguar pas tërmetit të fuqishëm që goditi dy ditë më parë Kolumbinë. Në një deklaratë për shtyp Ministria shprehet se është në kontakt me autoritetet dhe po verifikon në vijimësi situatën e shtetasve shqiptarë që ndodhen në Kolumbi. Deri më tani Ministria shprehet se nuk ka shqiptarë të plagosur apo të vdekur. #voxnews #media #news @voxnews.al

509 views

Sot, më 12 gusht 2026, qielli do të dhurojë një nga fenomenet astronomike më të veçanta të vitit. Eklipsi do të jetë total në disa zona të Evropës, përfshirë pjesë të Spanjës dhe Islandës, ndërsa në Shqipëri do të shihet si eklips i pjesshëm. Fenomeni pritet të jetë i dukshëm në vendin tonë në minutat para perëndimit të Diellit, afërsisht nga ora 19:29 deri rreth 19:47, në varësi të zonës. Sipas të dhënave të publikuara në rrjet, pamjen më të fortë pritet ta ketë Shkodra, ku mbulimi maksimal llogaritet rreth 15.65% në orën 19:43. Në Kukës pritet rreth 12.2% në 19:41, në Lezhë rreth 12.1% në 19:41, ndërsa në Durrës 11.8% rreth orës 19:42. Në Tiranë kulmi pritet rreth orës 19:41, me mbulim rreth 9.83%. Më në jug fenomeni do të jetë më i dobët: Fier rreth 8.2%, Elbasan 7.45%, Vlorë 7.42%, Gjirokastër 3.02% dhe Korçë 2.49%. Edhe të dhënat astronomike të Timeanddate vendosin maksimumin në Tiranë rreth orës 19:41 dhe në Durrës rreth 19:42. Qytetarët që duan ta ndjekin eklipsin duhet të tregohen të kujdesshëm dhe të mos e shikojnë Diellin drejtpërdrejt me sy të lirë. NASA rekomandon përdorimin e syzeve të posaçme për eklips, që plotësojnë standardin ISO 12312-2, pasi syzet e zakonshme të diellit nuk ofrojnë mbrojtje të mjaftueshme. Po ashtu, kamerat, dylbitë apo teleskopët duhet të kenë filtra të posaçëm diellorë.

491 views

Një video nga një dasmë po qarkullon në rrjetet sociale, duke tërhequr vëmendjen e përdoruesve për momentin e veçantë të një nëne. Në pamje, ajo shihet duke kërcyer dhe festuar mes të ftuarve, teksa shpreh gëzimin për fëmijët dhe nipërit e mbesat e saj. Në një moment, nëna vendos të shpërndajë pensionin e saj për orkestrën që po luan në dasmë. “S’kam më lekë…”, dëgjohet teksa thotë, ndërsa vijon të kërcejë dhe të shijojë atmosferën festive. Videoja është shpërndarë gjerësisht në rrjet, duke sjellë reagime të shumta nga përdoruesit. Momenti është komentuar si një dëshmi e dashurisë dhe gëzimit të një nëne për familjen e saj, e cila duket se ka vendosur ta shijojë pa kursyer emocionet këtë ditë të veçantë.

9830 views

Qindra mijëra turistë po udhëtojnë drejt Evropës për të përjetuar eklipsin e parë total diellor të dukshëm nga kontinenti në këtë shekull. Fluksi i madh i vizitorëve ka ndikuar ndjeshëm edhe në çmimet e akomodimit, veçanërisht në qytetet dhe zonat që ndodhen përgjatë trajektores së eklipsit. Një ndër destinacionet ku rritja e çmimeve ka qenë më e theksuar është Reykjaviku. Kryeqyteti islandez është një nga vendet e pakta ku eklipsi total mund të vëzhgohet para perëndimit të diellit të mërkurën. Të dhënat e grupit të udhëtimeve dhe mikpritjes Lighthouse Intelligence tregojnë se një dhomë hoteli në Reykjavik është rezervuar mesatarisht për 793 dollarë, ose rreth 587 paund, për natën e eklipsit. Kjo shifër është 98% më e lartë se çmimi mesatar për të njëjtën ditë një vit më parë. Spanja pret qindra mijëra vizitorë Spanja pritet të jetë një nga vendet që do të përfitojë më shumë nga fluksi i turistëve, pasi disa prej zonave të saj ofrojnë kushte të favorshme për të parë eklipsin total. Ministria spanjolle e Financave ka vlerësuar se rreth 460 mijë turistë të huaj mund të mbërrijnë në vend posaçërisht për këtë fenomen astronomik. Në A Coruña, në veriperëndim të vendit, çmimi mesatar i një dhome hoteli është rritur me 135% në krahasim me vitin e kaluar, duke arritur në rreth 451 dollarë. Edhe Majorka ka regjistruar një rritje të ndjeshme. Aty çmimet janë rritur me 24%, duke shkuar në rreth 448 dollarë për një dhomë, ndërsa eklipsi pritet të jetë i dukshëm pranë horizontit në momentin e perëndimit të diellit. Rritje të çmimeve janë shënuar gjithashtu në Santiago de Compostela dhe Bilbao, përkatësisht me 34% dhe 67%. Ndërkohë, hotelet dhe akomodimet në qytetet e vogla dhe fshatrat përgjatë rrugës së eklipsit janë rezervuar prej muajsh. Interesi i madh ka bërë që edhe hapësirat e improvizuara të vëzhgimit të ngritura nga banorët vendas të tërheqin vizitorë të shumtë. Disa turistë amerikanë raportohet se kanë përdorur edhe platformat e shkëmbimit të shtëpive për të siguruar një vendqëndrim në Castilla y León, një prej rajoneve më të favorshme të Spanjës për ndjekjen e eklipsit. 1.5 milionë udhëtime shtesë dhe rreziku i zjarreve Numri i madh i vizitorëve ka ngritur shqetësime të tjera për autoritetet spanjolle, veçanërisht për rrezikun e zjarreve në pyje. Policia parashikon rreth 1.5 milionë udhëtime shtesë me automjete gjatë ditës së mërkurë. Kushtet e thata rrisin rrezikun që edhe një shkëndijë e vogël të shkaktojë zjarre, ndërsa trafiku i rënduar mund të vështirësojë ndërhyrjen e shërbimeve të emergjencës, sidomos në zonat rurale. Për menaxhimin e fluksit të jashtëzakonshëm të turistëve dhe garantimin e sigurisë, autoritetet spanjolle kanë përgatitur një operacion të gjerë, në të cilin pritet të angazhohen rreth 35 mijë efektivë policie.

14.3K views

Ka humbur jetën Agim Vocka, 65-vjeçari që u aksidentua rëndë paraditen e së martës në aksin nacional Delvinë–Sarandë. Sipas informacioneve, ai u përplas nga një autobus pranë kthesës së fshatit Bajkaj dhe u transportua me urgjencë në Spitalin e Sarandës, ku mjekët konstatuan se kishte pësuar traumë të rëndë në kokë. Për shkak të gjendjes së rënduar shëndetësore, Vocka u transportua me helikopter drejt Spitalit të Traumës në Tiranë, ku iu dha trajtim i specializuar. Pavarësisht përpjekjeve të mjekëve, 65-vjeçari nuk mundi t’u mbijetonte plagëve të marra dhe ndërroi jetë. Ndërkohë, Policia vijon hetimet për të zbardhur rrethanat e plota të aksidentit. Autoritetet po punojnë për të përcaktuar shkaqet e përplasjes dhe përgjegjësitë e mundshme lidhur me ngjarjen.

7334 views

Mbrëmjen e kaluar një skenë e pazakontë ndodhi në Lushnje. Në një koncert në qytet, dhunuesi i kafshëve Tan Gjyla u pa duke dhënë shfaqje hot. Lushnjari teksa po kërcente nisi të zhvishej në sy të qytetarëve të cilët ishin të grupmoshave të ndryshme. Menjëherë pas këtij veprimi, në skenë u ngjit policia dhe një qytetar i veshur si praktikues i fesë islame, i cili pak para koncertit kishte shkrepur një foto me kryebashkiaken e Lushnjes, Eriselda Sefa. Tan Gjyla u arrestua në vitin 2023 pasi JOQ denoncoi një video të publikuar nga ai, ku shihej se si qëllonte me çekan një kalë.

5415 views

“Dallohej qartazi që ishte dhunuar”. Dy vite më parë, kjo ishte dëshmia e fortë e Jonida Progës, motrës së 42-vjeçarit Egli Proga, e cila në orët pas vdekjes së të vëllait kërkoi zbardhjen e plotë të ngjarjes dhe ngriti pikëpyetje mbi mënyrën se si Policia e trajtoi fillimisht rastin. Në  gusht 2024, vdekja e Eglit në Pogradec u raportua fillimisht si një rrëzim aksidental, ndërsa familjarët këmbëngulën se ai ishte dhunuar. Raportimet e JOQ Albania, denoncimet e familjarëve dhe reagimi publik vunë në pikëpyetje versionin fillestar të ngjarjes. Ndërsa institucionet flisnin për një person që ishte rrëzuar në rrugë, dëshmitë dhe informacionet e publikuara në media sollën në vëmendje pretendimin se Proga ishte dhunuar nga Denis Meçe, nipi i ish-drejtorit të Postës Shqiptare, Valter Gorës. Presioni publik bëri që hetimi të merrte një tjetër drejtim dhe çështja të trajtohej si një ngjarje e rëndë penale, duke u fokusuar te dhuna ndaj 42-vjeçarit. Sot, më 12 gusht 2026, janë bërë dy vite nga vdekja tragjike e Eglit, babait të dy fëmijëve, ndërsa dëshmia e motrës së tij mbetet një nga momentet e forta të atyre ditëve. Jonida Proga kërkoi që të hetohej çdo detaj, çdo dëshmitar dhe çdo përgjegjësi, duke akuzuar institucionet për vonesa në reagimin e tyre. Ajo që në orët e para u paraqit si një “aksident”, u shndërrua në një çështje të rëndë penale që tronditi opinionin publik.

12.8K views

Presidenti serb Aleksandar Vuçiç kritikoi Komisionin Evropian pas reagimit të tij ndaj deklaratës për një ndryshim të mundshëm të rrjedhës së lumit Ibër, duke pretenduar se BE-ja reagon menjëherë për çështje që lidhen me Kosovën, ndërsa hesht ndaj mosformimit të Bashkësisë së Komunave Serbe dhe trajtimit të serbëve në Kosovë. Sipas Vuçiç, normalizimi i marrëdhënieve mund të arrihet vetëm përmes respektimit të marrëveshjeve të nënshkruara. Vuçiç tha se ndryshimi i rrjedhës së Ibrit është ende në fazë fillestare dhe se për këtë nevojiten ekspertë dhe një grup pune. Ai bëri të ditur gjithashtu se shefi i Shtabit të Përgjithshëm të Ushtrisë Serbe, Milan Mojsilović, ka komunikuar me komandantin e KFOR-it, Özkan Ulutaş, për këtë çështje. Sipas presidentit serb, biseda ishte ndër më të vështirat mes dy zyrtarëve deri më tani. Ndërkohë, zëdhënësja e Komisionit Evropian, Anita Hipper, deklaroi se deklaratat për ndryshimin e mundshëm të rrjedhës së lumit Ibër nuk kontribuojnë në synimin për vendosjen e marrëdhënieve normale mes Kosovës dhe Serbisë. Ajo theksoi se normalizimi mund të arrihet vetëm përmes dialogut, qëndrimin të cilin Vuçiç e kundërshtoi duke akuzuar Prishtinën se nuk ka përmbushur detyrimet e saj sipas Marrëveshjes së Brukselit.

9561 views

Një tjetër situatë e rrezikshme është regjistruar në aksin Hotolisht–Librazhd, ku gurë dhe masive shkëmbore janë shkëputur nga mali dhe kanë përfunduar në rrugë, duke bllokuar qarkullimin e automjeteve. Pamjet e mbërritura në redaksinë e JOQ Albania tregojnë situatën në aks, ku drejtuesit kanë dalë jashtë mjeteve të tyre. Shqetësimi është veçanërisht i madh për shkak se rënia e gurëve në këtë segment nuk është një fenomen i ri. Më 4 korrik, një gur i shkëputur nga mali në fshatin Hotolisht goditi një automjet, duke i marrë jetën drejtuesit 42-vjeçar. Edhe më 23 qershor, një tjetër rrëshqitje gurësh në aksin Hotolisht–Librazhd bllokoi qarkullimin për rreth një orë, deri në pastrimin e rrugës. Rëniet e përsëritura të gurëve e kthejnë këtë segment në një burim të vazhdueshëm rreziku për drejtuesit dhe pasagjerët, veçanërisht në kushtet e motit të paqëndrueshëm. Pamjet publikohen nga JOQ Albania për të sensibilizuar autoritetet dhe për të kërkuar ndërhyrje konkrete për garantimin e sigurisë në këtë aks, përpara se një tjetër rënie shkëmbinjsh të përfundojë me pasoja tragjike.

72.9K views

Një qytetar i është drejtuar redaksisë së JOQ Albania për të denoncuar një tabakino në Kamëz, ku sipas tij mbahen dhe shiten produkte të skaduara. Denoncuesi pretendon se gjatë një blerjeje në këtë biznes, rreth orës 13:00–14:00, ka konstatuar disa produkte me data skadence të kaluar, të cilat vijonin të qëndronin në raftet e dyqanit. “Jo një, po të gjitha. Shikoni datat, që kur kanë skaduar këto dhe ata akoma i mbajnë aty”, shprehet qytetari, duke kërkuar publikimin e pamjeve si provë. Ai ankohet gjithashtu për sjelljen e punonjëses, të cilën e përshkruan si të pasjellshme, dhe pretendon se nuk i është dhënë kupon tatimor për blerjen. JOQ Albania publikon pamjet dhe shqetësimin e qytetarit, ndërsa mbetet në pritje të një reagimi nga biznesi dhe institucioneve përgjegjëse për kontrollin e produkteve ushqimore dhe respektimin e detyrimeve fiskale.

71.6K views

Një denoncim shqetësues ka mbërritur në redaksinë e JOQ Albania nga një qytetare e zonës së Xhamllikut në Tiranë, e cila pretendon se prej kohësh përballet me ngacmime verbale nga një burrë që qëndron në trotuar pranë banesës së saj. Sipas qytetares, sa herë që ajo kalon në trotuar për të shkuar drejt pallatit, burri në fjalë ulet në një karrige dhe nis t'i drejtohet me shprehje me nënkuptime dhe fjalor banal. “Sa herë kaloj te trotuari për të hyrë te pallati del ky dhe flet me kunja. Është hera e tretë që më foli sot”, shprehet ajo në komunikimin me redaksinë. Qytetarja thotë se situata është përsëritur në mënyrë të vazhdueshme dhe se ka ruajtur në telefon foto e video nga rastet e ndryshme. “Nuk është normale që ai të më flasë në atë mënyrë dhe me atë fjalor në mes të trotuarit”, shprehet ajo. Denoncuesja ka dërguar edhe një video ku shihet një debat verbal mes saj dhe burrit, ndërsa gjatë përplasjes verbale ai bën një gjest të pahijshëm duke prekur me duar pjesën intime të trupit. Pamjet janë pjesë e materialeve të dërguara nga qytetarja në redaksi. Pas episodit, qytetarja ka vendosur t'i drejtohet edhe bashkëshortes së burrit, duke i treguar shqetësimin që, sipas saj, i shkaktohet sa herë kalon në atë zonë. Në bisedën mes tyre, bashkëshortja e burrit pranon se ka dijeni për situatën dhe thotë se ka folur me të. “Kam qenë vetëm unë duke kaluar në trotuar dhe ai ka folur... Nuk është normale që ai të më flasë në atë mënyrë dhe me atë fjalor në mes të trotuarit.” “Unë i kam folur atij, kam bërë llafe me të për ty”, shprehet gruaja e personit në fjalë. Denoncuesja pretendon gjithashtu se sjellja është përsëritur disa herë dhe se ndihet e bezdisur dhe e shqetësuar sa herë kalon pranë tij. Ajo kërkon që rasti të bëhet publik, pasi, sipas saj, pavarësisht përpjekjeve për të biseduar me familjarët e personit, sjellja ka vijuar. Pamjet dhe dëshmia e qytetares ngrejnë pikëpyetje mbi situatën e krijuar në hapësirën publike dhe mbi shqetësimin që mund t'u shkaktohet qytetarëve nga sjellje të tilla. JOQ Albania publikon denoncimin bazuar në dëshminë dhe materialet e dërguara nga qytetarja. Pretendimet e saj lidhur me përsëritjen e sjelljes i takojnë palës denoncuese.

21.8K views