Banorja e Big Brother VIP Kosova 4, Elijona Binakaj, ka bërë një rrëfim shumë prekës në dhomën e rrëfimit, duke prekur zemrat e publikut me historinë e saj personale.

Teksa po festonte ditëlindjen e saj të 19-të brenda shtëpisë më të madhe në vend, Elijona u shfaq e vetmuar dhe e emocionuar, duke shpërthyer në lot gjatë rrëfimit të saj.

“Zakonisht për çdo ditëlindje mërzitem, por kur mërzitem e kam të paktën babin ose familjen që ma heqin pak mërzinë. Tani jam krejt vet dhe mosha që do ta mbush po më mundon, sepse motra ime kur i ka pasur 19 vjet ka ndërruar jetë dhe tani unë arrita në moshën e saj. Nuk po më duket fer të jetoj në të… nuk e di”, u shpreh ajo mes lotësh.

- YouTube youtu.be

Në vazhdim, Elijona shtoi se kjo ditëlindje shënon një tjetër moment të vështirë në jetën e saj pa njerëzit më të dashur.

“Janë bërë katër ditëlindje, tani po bëhet e pesta që e festoj pa nënën dhe motrën”, tha ajo duke qarë.

Historia e Elijona Binakajt konsiderohet si një nga më të dhimbshmet. Nëna dhe motra e saj kishin humbur jetën në një aksident tragjik me autobus në Kroaci, teksa po udhëtonin nga Gjermania drejt Kosovës për vizitë.

Rrëfimi i saj i sinqertë dhe i ndjerë ka ngjallur reagime të shumta nga publiku, i cili ka shprehur mbështetje dhe empati për Elijonën, duke e vlerësuar guximin e saj për të ndarë një histori kaq të dhimbshme në një moment kaq të ndjeshëm. /Telegrafi/

Ish-banori i Big Brother VIP Kosova 1, Fisnik Juniku, ka paralajmëruar një projekt të ri televiziv, i cili pritet të sjellë një frymë ndryshe në skenën mediatike dhe artistike në Kosovë.

Përmes një videoje të publikuar në rrjete sociale, Juniku ka bërë të ditur se së shpejti do të nisë një emision i ri në bashkëpunim me RTV Dukagjini, i titulluar “R Studio”.

Bëhet fjalë për një format të veçantë, i cili do të xhirohet në mes të kryeqytetit, në shesh, duke e sjellë emisionin më afër publikut dhe duke krijuar një hapësirë të hapur për shprehje artistike.

Një nga elementet kryesore të këtij projekti do të jetë Open Mic, ku të gjithë talentet e rinj do të kenë mundësinë të dalin përpara mikrofonit dhe të provojnë aftësitë e tyre artistike, pa barriera dhe pa filtra.

“R Studio – shumë shpejt në Radio Dukagjini. Por… Të hënën në ora 13:00 Open Mic n’Shesh (1 shot / 1 minut / 1 beat). Ndalu e kallxo veten!”, ka shkruar Juniku në mbishkrimin e videos paralajmëruese, duke ftuar të rinjtë të bëhen pjesë e këtij formati unik.

Ky projekt synon të promovojë talentet e reja dhe të krijojë një platformë të drejtpërdrejtë për zërat e rinj, duke e shndërruar sheshin e qytetit në një skenë të hapur për art, kreativitet dhe autenticitet.

Mbetet të shihet se çfarë risish të tjera do të sjellë “R Studio”, por interesimi dhe reagimet e para tregojnë se ky format pritet të zgjojë vëmendje të madhe. /Telegrafi/

Nicki Minaj po jep mbështetje për një tjetër projekt të madh të lidhur me lëvizjen MAGA.

Reperja foli të mërkurën, më 28 janar, në Trump Accounts Summit në Uashington D.C., ku vlerësoi nismën e presidentit Donald Trump për krijimin e llogarive të investimit për foshnjat e lindura në Shtetet e Bashkuara, shkruan People.

Sipas CNBC, Minaj planifikon të kontribuojë mes 138 mijë dhe 276 mijë euro për këto llogari të ashtuquajtura “Trump Accounts”.

“Unë jam ndoshta fansja numër një e presidentit dhe kjo nuk do të ndryshojë,” u shpreh Minaj, 43 vjeçe, para të pranishmëve, pasi Trump e ftoi atë dhe biznesmenin Kevin O’Leary në skenë. “Urrejtja apo çfarëdo që thonë njerëzit nuk më ndikon aspak. Përkundrazi, më motivon edhe më shumë ta mbështes. Dhe do të na motivojë të gjithëve që ta mbështesim edhe më fort.”

“Ne nuk do t’i lejojmë t’ia dalin mbanë duke e bullizuar,” shtoi ajo. “Ai ka shumë forcë pas vetes dhe Zoti po e mbron. Amen?”

Minaj e kishte paralajmëruar pjesëmarrjen e saj në samitin e organizuar nga Departamenti i Thesarit dhe zotimin për të dhuruar fonde për këtë projekt përmes një postimi në platformën X më 24 janar, ku i cilësoi këto llogari si “kuptimin e vërtetë të të paguarit përpara”.

Foto: Win McNamee/Getty

“Edukimi i hershëm financiar dhe mbështetja financiare për fëmijët tanë do t’u japë atyre një avantazh të madh në jetë,” shkroi ajo. “Në disa raste, ata do të përfundojnë duke u mësuar prindërve të tyre se si dhe ku të investojnë. Kjo më bën shumë të lumtur.”

Trump Accounts janë prezantuar si pjesë e ligjit të quajtur “One Big Beautiful Bill Act”. Sipas Shtëpisë së Bardhë, këto llogari do të jenë të disponueshme për çdo qytetar amerikan të lindur ndërmjet 1 janarit 2025 dhe 31 dhjetorit 2028, dhe secila do të hapet me një kontribut fillestar prej rreth 920 eurosh nga qeveria.

Kontributet vjetore në këto llogari mund të arrijnë deri në rreth 4,600 euro, ndërsa fondet do të investohen në një indeks të gjerë të tregut të aksioneve.

Përfituesit nuk do të kenë pronësi mbi fondet deri në moshën 18-vjeçare. Pas kësaj moshe, tërheqja e mjeteve do të bëhet sipas rregullave standarde të IRA-s. Shtëpia e Bardhë ka deklaruar se, nëse llogaria financohet plotësisht dhe fondet nuk preken, ajo mund të arrijë një vlerë deri në rreth 1.75 milionë euro në moshën 28-vjeçare.

Fondet për këtë nismë vijnë nga donatorë të afërt me Trumpin, përfshirë Nicki Minaj, si dhe themeluesin e Dell Technologies, Michael Dell, dhe bashkëshorten e tij Susan Dell, të cilët në dhjetor të vitit 2025 u zotuan të dhurojnë mbi 5.52 miliardë euro për Trump Accounts.

Në atë kohë, Trump e cilësoi këtë donacion si “një nga aktet më bujare në historinë e vendit”.

Ai shtoi se njeh edhe kompani e miq të tjerë që do të kontribuojnë në këtë nismë, duke theksuar: “Edhe unë do ta bëj këtë.”

Paraqitja e së mërkurës në Uashington nuk është hera e parë që Minaj ka shprehur mbështetje për lëvizjen MAGA në muajt e fundit.

Në nëntor, ajo foli në Kombet e Bashkuara për dhunën fetare jashtë SHBA-së, si e ftuar e administratës Trump.

Minaj gjithashtu lavdëroi Trumpin dhe administratën e tij gjatë një paraqitjeje në skenë së bashku me Erika Kirk, në mbyllje të eventit vjetor AmericaFest të organizuar nga Turning Point USA më 21 dhjetor.

“Kam respektin dhe admirimin më të madh për presidentin tonë,” u shpreh ajo. “Nuk e di nëse ai e di këtë, por u ka dhënë shumë njerëzve shpresë”. /Telegrafi/

Kim Kardashian ka shpjeguar publikisht për herë të parë pse fotot e Meghan Markle dhe Princit Harry, të cilat ajo dhe nëna e saj Kris Jenner i postuan në Instagram me rastin e 70-vjetorit të Kris, u hoqën më vonë.

Fotot u zhdukën nga rrjetet sociale menjëherë pas festës, duke shkaktuar spekulime të menjëhershme. Duke u shfaqur në podkastin "Khloe in Wonderland" të motrës së saj Khloe Kardashian, Kim foli në detaje rreth situatës, të cilën motrat e kanë quajtur "Photogate".

"Në fakt, gjithçka ishte krejtësisht e pafajshme dhe kjo është gjëja më e çmendur në lidhje me të gjithë këtë ngjarje. Mamaja ime dhe Meghan kanë qenë shoqe prej vitesh dhe ato kanë një marrëdhënie vërtet të mrekullueshme", tha Kim.

Kim shpjegoi se pas festës, i shqyrtuan fotot së bashku dhe zgjodhën se cilat do të postonin.

"Ata na thanë se ishte plotësisht në rregull t'i publikonim ato", shtoi ajo.

Sipas saj, problemi lindi për shkak të kohës së publikimit të fotove.

"Pasi u publikuan fotot, mendoj se e kuptuan se përkonte me Ditën e Përkujtimit Britanik dhe nuk donin të shiheshin në festën e ditëlindjes atë ditë. Edhe pse fotot ishin publikuar tashmë, më vonë i hoqën. Pastaj ndoshta menduan, 'Oh, kjo ishte budallallëk'", shpjegoi Kim.

Ajo shtoi se Meghan dhe Harry u panë gjithashtu në galën bamirëse Baby2Baby po atë mbrëmje, por kjo ishte qartësisht më e pranueshme.

"Kjo ishte në rregull, por ndoshta jo vallëzimi. Kjo është arsyeja pse i hoqëm fotot nga respekti për Ditën e Përkujtimit", tha ajo.

Dita e Përkujtimit në Britaninë e Madhe festohet në nder të anëtarëve të rënë të forcave të armatosura dhe anëtarët e familjes mbretërore tradicionalisht marrin pjesë në përkujtime. Festa për Kris Jenner u mbajt të shtunën në mbrëmje, përpara festimeve të së dielës, përfshirë një shërbim përkujtimor.

Pas një feste me temë James Bond në rezidencën e Jeff Bezos dhe Lauren Sanchez në Beverly Hills, Kris dhe Kim postuan foto në Instagram me Dukën dhe Dukeshën e Sussex. Kris ndau një foto të saj duke pozuar me Meghan dhe Harry-n, ndërsa Kim postoi një foto të saj duke pozuar vetëm me Meghan. Të dyja fotot u hoqën më vonë.

Shpejt, u shfaq një version tjetër i historisë. Një burim pranë Meghan dhe Harry-t i tha People se çifti thuhet se nuk dha leje që fotot e bëra në festë të publikoheshin. Sipas këtij versioni, ata refuzuan mundësinë e ndarjes së fotove, prandaj ato u hoqën më pas. /Telegrafi/

Këngëtarja me origjinë shqiptare, Donna Dafi, vazhdon të shkëlqejë në arenën ndërkombëtare, duke u përzgjedhur për të dytin vit radhazi si imazhi zyrtar i një prej brendeve më prestigjioze botërore të parfumeve – ESCADA.

Pas suksesit të jashtëzakonshëm të parfumit “Bali Paradise”, i cili u shpërnda dhe u mirëprit në mbarë botën, ESCADA vijon bashkëpunimin me artisten shqiptare, duke e zgjedhur atë si fytyrën e parfumit më të ri të brendit, “Turn Me Sunny” – një aromë që mishëron diellin, luksin dhe freskinë verore.

Lajmi është konfirmuar nga Instagrami zyrtar i Escada, ku thuhet: “Kemi mbërritur në destinacionin tonë. Mirë se vini në botën e parfumit të ri Escada Turn Me Sunny. Po kërkon diellin? Njihu me Eau de Parfum-in e ri me Donna Dafi – qiell blu i mbyllur në një shishe, një ëmbëlsirë e vogël për lëkurën tënde”.

Ky bashkëpunim i radhës është dëshmi e impaktit të fuqishëm ndërkombëtar të Donna Dafi, e cila po e pozicionon me krenari majat e industrisë së modës, muzikës dhe bukurisë.

Për kujtesë, në vitin 2019, fytyra e brendit Escada ishte një tjetër yll me famë botërore, Rita Ora. Por surprizat nuk mbarojnë këtu! Këtë të premte, Donna Dafi pritet të publikojë këngën dhe videoklipin e ri, “Primadonna”, një projekt që tashmë është prezantuar në disa shtete të Evropës dhe ka ngjallur interes të madh.

Fansat tashmë po numërojnë orët deri në publikim, duke e kthyer “Primadonna” në një nga projektet më të shumëpritura të momentit. Shihemi të premten — Donna Dafi vjen më e fortë se kurrë! /Telegrafi/

Aktorja amerikane Claire Danes foli së fundmi hapur për shtatzëninë e saj të papritur me fëmijën e saj të tretë, kur ishte 44 vjeç.

Aktorja 46-vjeçare kujtoi se si e telefonoi gjinekologun e saj me lot në sy dhe i përshkroi emocionet e saj si një krizë të plotë sepse shtatzënia ishte e paplanifikuar.

"Ishte një goditje e vërtetë. Asgjë nuk ishte planifikuar. As nuk e dija që ishte fizikisht e mundur. Isha 44 vjeç", tha Danes ndërsa u shfaq në podkastin Good Hang with Amy Poehler.

Ylli i "Homeland" lindi një vajzë në vitin 2023. Danes dhe bashkëshorti i saj, aktori Hugh Dancy, kanë tashmë djemtë Cyrus, 13 vjeç, dhe Rowan, 7 vjeç. Aktorja vuri në dukje se ka një diferencë moshe prej pesë vitesh midis të gjithë fëmijëve.

"Rruga drejt Rowan ishte e vështirë. Më është dashur të kaloj nëpër dy cikle IVF," zbuloi ajo.

Danes foli më parë për shtatzëninë e saj të tretë në dhjetor 2025 në podkastin SmartLess, duke pranuar se në fillim ishte “e tmerruar”.

"Isha shumë e moshuar kur ndodhi," tha ajo, duke shtuar se gjithçka përfundoi mirë në fund.

Megjithatë, ajo pranoi se ndihej e turpëruar: "Sikur isha e keqe. E kapur në flagrancë pas moshës në të cilën duhet të kisha ndaluar. Ishte e çuditshme", shpjegoi aktorja.

Claire Danes dhe Hugh Dancy janë të martuar që nga shtatori i vitit 2009. Përpara martesës së saj, Danes ishte në një lidhje me bashkë-yllin Billy Crudup, me të cilin mbetet miqësore edhe sot, më shumë se 20 vjet pas ngjarjes kontroverse të vitit 2003, kur Crudup u nda nga Mary-Louise Parker shtatzënë për Danes. /Telegrafi/

Pas një periudhe të gjatë heshtjeje dhe dhimbjeje, artisti i njohur Gjesti është gati të rikthehet në skenën muzikore me një projekt të ri, i cili pritet të jetë ndër më personalët e karrierës së tij.

Përmes një postimi të fundit në llogarinë e tij në Instagram, këngëtari ka njoftuar fansat se nesër, në ora 18:00, do të lansojë këngën e tij më të re, duke ngjallur menjëherë reagime të shumta nga ndjekësit.

Burime pranë artistit bëjnë të ditur se ky projekt nuk do të jetë një këngë e zakonshme. Përkundrazi, ai pritet të jetë një dedikim i ndjerë që reflekton zhvillimet e fundit në jetën private të Gjesti, me fokus të veçantë në ngjarjen tragjike të humbjes së vëllait të tij, e cila tronditi opinionin publik pak kohë më parë.

Foto: Gjesti/InstaStory

Ky projekt shënon jo vetëm rikthimin e Gjesti në muzikë, por edhe një mënyrë për të shprehur përmes artit emocionet, dhimbjen dhe sfidat e muajve të fundit. Muzika, si gjithmonë, duket se mbetet forma e tij më e sinqertë e komunikimit.

Foto: Gjesti/InstaStory

Mbetet të shihet nëse kënga do të vijë në formën e një balade, por ajo që dihet me siguri është se ky projekt pritet të jetë një nga më të ndjerët dhe më personalët në rrugëtimin artistik të tij. /Telegrafi/

Këngëtari amerikan dhe ylli i reality show-t Ray J ka ngjallur shqetësim publik për shëndetin e tij, duke zbuluar se, sipas mjekëve, i kanë mbetur vetëm edhe pak vite jetë.

Konkretisht, në një video të publikuar të martën në mbrëmje, 45-vjeçari Ray J deklaroi: "Viti 2027 është padyshim fundi për mua. Kjo është ajo që thonë mjekët."

I tronditur dukshëm, ai vuri kokën në duar ndërsa miku i tij u përpoq ta inkurajonte dhe i tha të mos i pranonte prognoza të tilla.

Këngëtari pranoi se kishte jetuar shumë intensivisht për vite me radhë, duke theksuar se kishte bërë gjithçka që mundte për familjen e tij. Ai theksoi se ish-gruaja e tij Princesha Love dhe dy fëmijët e tyre do të kujdeseshin financiarisht, duke shtuar se ata mund t'i shpenzonin lirisht paratë që ai la pas. Ai gjithashtu shprehu dëshirën e tij që të digjej, jo të varrosej, pas vdekjes së tij.

Ray J falënderoi prindërit dhe motrën e tij Brandy, të cilat, sipas tij, e ndihmuan me trajtimin dhe mbuluan kostot e kujdesit mjekësor për pjesën tjetër të vitit.

Disa ditë më parë, këngëtarja zbuloi në një video tjetër se zemra aktualisht funksionon vetëm me 25 përqind.

"Zemra ime rreh vetëm me 25 përqind, por për sa kohë që qëndroj i përqendruar dhe në rrugën e duhur, gjithçka do të shkojë mirë, kështu që faleminderit për të gjitha lutjet", tha ai.

Sipas TMZ, Ray J u shtrua në spital në fillim të janarit për pneumoni të rëndë pasi përjetoi dhimbje të forta në zemër. Ai pati një problem të ngjashëm shëndetësor në vitin 2021, kur u shtrua gjithashtu në spital në Miami.

Përveç problemeve shëndetësore, këngëtari është përballur edhe me sfida të shumta personale dhe ligjore. Në shtator, ai pretendoi se po përgatiste një padi kundër Kim Kardashian dhe Kris Jenner, duke i akuzuar ato për manipulim të publikimit të videos së tij seksuale të vitit 2007. Ata u përgjigjën me një padi për shpifje, ndërsa Ray J më pas ngriti një kundërpadi.

Në dhjetor të vitit të kaluar, ai u bë gjithashtu në qendër të vëmendjes së publikut pasi u arrestua për kërcënime të dyshuara me armë gjatë një grindjeje me gruan e tij të larguar, Princess Love, e cila paraqiti kërkesë për divorc për herë të katërt në shkurt 2024. /Telegrafi/

Rita Ora ka tërhequr vëmendjen në rrjetet sociale të hënën, teksa është shfaqur vetëm me të brendshme në disa fotografi provokuese të publikuara në Instagram, duke vënë në pah linjat e saj të tonifikuara.

Këngëtarja 35-vjeçare ka pozuar përpara pasqyrës e veshur me një sytjena të zezë dhe pantallona të shkurtra në të njëjtën ngjyrë, duke treguar formën e saj fizike në super formë.

Përveç këtyre imazheve, Rita ka ndarë edhe disa fotografi nga prapaskenat, teksa po përgatitej për koncertin e saj të së dielës mbrëma në Austri.

Foto: Rita Ora/Instagram

Gjatë performancës në qytetin alpin të Kitzbühel, këngëtarja e hitit “How We Do” dhuroi një shfaqje mjaft të guximshme, që la pak vend për imagjinatë.

Ajo u shfaq në skenë e veshur me një catsuit ngjyrëjeshile me stil edgy, mbi të cilin kishte kombinuar një korse të zezë PVC, duke i dhënë paraqitjes një pamje edhe më provokuese.

Foto: Rita Ora/Instagram

Flokët e gjatë biondë i kishte stiluar me kaçurrela të rregullta dhe gërsheta të vogla që i binin pas shpine, ndërsa në mbishkrimin e fotografive shkroi: “Faleminderit që më pritet… ps, mbrojini gërshetat me çdo kusht.”

Ky publikim vjen pak kohë pasi Rita Ora foli hapur për fuqizimin e grave dhe ambiciet e saj përtej muzikës, gjatë Festivalit Ndërkombëtar të Filmit të Detit të Kuq, muajin e kaluar.

Foto: Rita Ora/Instagram

Në eventin “Women in Cinema” në Xheda të Arabisë Saudite, ajo deklaroi për DailyMail se vazhdon të jetë “vazhdimisht duke mësuar” dhe duke “thyer kufijtë”.

Duke shpjeguar pse nuk dëshiron ta kufizojë veten vetëm si muzikante, Rita u shpreh se shumë njerëz priren ta shohin veten vetëm në një kategori, gjë që sipas saj nuk është e nevojshme.

“E shoh veten si një fillestare çdo ditë, sepse jam gjithmonë duke mësuar. Nuk duhet të hysh kurrë në një dhomë duke menduar se nuk ke fuqi, sepse e ke”, tha ajo.

Këngëtarja shtoi se personi që e frymëzon më së shumti është nëna e saj, por përmendi edhe figura të tjera ikonike si Madonna, Blondie dhe Cher, gra që kanë bërë më shumë se një gjë në karrierën e tyre. Sipas Ritës, pikërisht thyerja e këtyre kufijve është ajo që e frymëzon më shumë.

Foto: Rita Ora/Instagram

Rita Ora tashmë e ka zgjeruar ndjeshëm karrierën e saj përtej muzikës, duke qenë e angazhuar në televizion si gjyqtare dhe trajnere në programe të njohura si “The Voice UK”, “The X Factor” dhe “The Masked Singer” në Mbretërinë e Bashkuar dhe SHBA.

Po ashtu, ajo ka luajtur role edhe në filma si “Kung Fu Panda: Dragon Knight” dhe në serinë “Fifty Shades”.

Foto: Rita Ora/Instagram

Në anën tjetër, ajo ka një portofol të gjerë bashkëpunimesh reklamuese, që përfshin modën, bukurinë, pijet dhe industrinë e argëtimit, me marka të njohura si Adidas, Primark, Escada, Rimmel, Próspero Tequila dhe Coca-Cola Zero Sugar.

Sipas të dhënave më të fundit financiare, Rita Ora po gjeneron miliona nga kontratat televizive, muzika dhe fushatat fitimprurëse reklamuese.

Foto: Rita Ora/Instagram

Dokumentet e depozituara së fundmi nga kompanitë e saj, Ora Live dhe Ora Multi Services, tregojnë se ajo ka realizuar rreth 5.5 milionë euro fitim brenda një viti, që përkthehet në afërsisht 15 mijë euro në ditë, deri në muajin prill. Kjo shumë është më shumë se dyfish krahasuar me fitimin prej rreth 2.6 milionë eurosh të vitit paraprak.

Kompanitë menaxhojnë muzikën, turnetë, angazhimet televizive dhe aktivitetet e tjera të Ritës, duke reflektuar rritjen e vazhdueshme të të ardhurave dhe suksesin e saj në disa fusha njëkohësisht. /Telegrafi/

Foto: Rita Ora/Instagram

Foto: Rita Ora/Instagram

Foto: Rita Ora/Instagram

Foto: Rita Ora/Instagram

Foto: Rita Ora/Instagram

Nicola Peltz, gruaja e Brooklyn Beckham, merr një pagesë mujore prej 1 milion dollarësh nga babai i saj miliarder Nelson Peltz, tha një burim.

Nelson Peltz krenohet me një pasuri neto prej 1.6 miliardë dollarësh. Gazetarja Marina Hyde tha gjatë paraqitjes së saj në podkastin The Rest Is Entertainment:

"Nga ajo që dëgjoj, mendoj se familja Beckham i jep Brooklyn shumë para, por jo shumë, dhe se ata ëndërrojnë disi që ai të qëndrojë në këmbët e veta dhe të bëhet i pavarur. Ndoshta Nelson Peltz do ta mohonte këtë, por e dëgjova të thoshte: 'Unë i jap vajzës sime një milion dollarë në muaj në pagesë.'"

Ajo shtoi se Victoria dhe David Beckham nuk mendonin se djali i tyre do të nënshkruante një marrëveshje paramartesore, por ai e bëri këtë për shkak të faktit se Nelson Peltz ka shumë më tepër para se familja Beckham, pasuria e së cilës vlerësohet në 680 milionë dollarë.

Ai shpenzoi më shumë se 3.5 milionë dollarë për dasmën e vajzës së tij me Brooklyn Beckham në vitin 2022. Udhëtimi i Nelson Peltz drejt pasurisë së madhe filloi kur ai dhe vëllai i tij Robert morën përsipër kompaninë e shpërndarjes së ushqimeve të ngrira të babait të tyre, të cilën e rritën shpejt gjatë viteve në vijim.

Ai e rriti më tej pasurinë e tij gjatë viteve 1980 duke blerë Triangle Industries dhe duke e shitur atë për herë të parë në vitin 1988. /Telegrafi/

Ariana Grande zbuloi sfondin e papritur pas publikimeve të saj karakteristike të modës, i cili është një kombinim i një bluze me kapuç të madhe dhe çizmeve të larta.

Ajo kujtoi një periudhë të çuditshme në jetën e saj kur, siç pretendon vetë, donte vetëm të fshihej nga publiku. Grande u bë e njohur në vitin 2018 për tutat e saj të gjera, bishtat e lartë karakteristikë dhe çizmet deri në gju. Stili u bë shenja dalluese e saj dhe fansat shpesh e kopjonin dhe e vishnin në koncerte.

Grande shpjegoi në episodin e ri të serialit “Life in Looks” të Vogue se kishte një arsye personale pas gjithçkaje.

"Kur mendoj për vitin 2018, e di që atëherë dola nga apartamenti im i vjetër në Nju Jork. Ishte një kohë e çuditshme në jetën time. Po kaloja shumë gjëra dhe gjithmonë doja të fshihesha në diçka vërtet të rehatshme. Mbaj mend që çizmet me këtë veshje më bënin të ndihesha e fuqishme", tha ajo.

Ajo pranoi gjithashtu se në atë kohë nuk kishte forcën t’i përkushtohej modës.

"Sinqerisht, nuk kisha energji të mendoja për rrobat në atë kohë. Gjëja më e lehtë për mua ishte të vishja një bluzë me kapuç dhe çizme, dhe kështu ndodhi. Më vjen keq ta them, por është e vërteta e sinqertë", tha ajo. /Telegrafi/

Në spektaklin e së martës mbrëma në “Big Brother VIP Albania”, surprizat për modelen Greta Kazazi nuk përfunduan me vizitën e parë të Onos në shtëpi.

Pasi qëndroi për një kohë në ambientet e BBVA-së dhe krijoi një situatë të pazakontë mes saj dhe Selinës, Ono u rishfaq sërish më vonë gjatë mbrëmjes, këtë herë ekskluzivisht për të takuar vetëm Gretën.

Takimi i dytë mori menjëherë një ngarkesë të fortë emocionale. Teksa iu afrua Gretës, Ono i tha me zë të ngrohtë: “E si mund të mos të të takoja ty”, fjalë që u shoqëruan me reagime entuziaste nga publiku dhe banorët.

Atmosfera u bë edhe më e veçantë kur ai vendosi të bëjë një gjest të papritur, duke u ulur në gjunjë përpara saj dhe duke nxjerrë një unazë.

Megjithatë, Ono sqaroi se gjesti i tij nuk ishte një propozim klasik martese.

“Kjo unazë nuk është një propozim për martesë, por është një propozim për premtim të dashurisë tonë”, u shpreh ai, duke e kthyer momentin në një deklaratë të fortë ndjenjash dhe përkushtimi ndaj Gretës.

Në atë çast, arena u mbush me ovacione, ndërsa fishekzjarret shpërthyen, duke e bërë skenën edhe më spektakolare. Greta, dukshëm e emocionuar, u përball me një nga momentet më romantike të këtij edicioni, ndërsa publiku reagoi me duartrokitje dhe brohoritje, duke e kthyer propozimin simbolik të Onos në një nga momentet më të komentuara të mbrëmjes. /Telegrafi/

Një situatë e tensionuar dhe e pazakontë është zhvilluar mbrëmjen e së martës në shtëpinë e “Big Brother VIP Albania”, ku dy kunatat e shtëpisë, Greta dhe Selin, janë përfshirë në një diskutim që ka tërhequr vëmendjen e publikut.

Shkak për këtë përballje u bë një surprizë e organizuar nga produksioni, e cila në vend që të sillte emocione pozitive, përfundoi duke krijuar konfuzion dhe pakënaqësi.

Vëllai i Selinës, njëherësh edhe partneri sentimental i Gretës, Ono, kishte hyrë për një vizitë të shkurtër në shtëpinë e BBVA-së. Sipas rregullave të vendosura nga produksioni, ai kishte të drejtë të zgjidhte vetëm një nga të dyja për ta takuar, dhe zgjedhja e tij ra mbi motrën, Selin. Ky vendim duket se nuk u prit mirë nga Greta, e cila e përjetoi situatën me emocion dhe zhgënjim.

Në një veprim që theu rregullat e shtëpisë, Greta vendosi të shkojë drejt arenës ku ndodhej Ono dhe e takoi edhe ajo, pavarësisht kufizimeve të qarta.

Ky moment krijoi një situatë të çuditshme dhe të tensionuar, jo vetëm mes dy kunatave, por edhe në shtëpi, ku banorët mbetën të habitur nga zhvillimi i papritur.

Pas kësaj, mes Gretës dhe Selinit shpërtheu një diskutim, ku u ndjenë emocione të forta, keqkuptime dhe ndjesi padrejtësie. Debati nxori në pah edhe raportet delikate familjare brenda lojës, duke treguar se lidhjet jashtë shtëpisë shpesh mund të komplikojnë më tej dinamikat brenda saj. /Telegrafi/

Ina është vënë në qendër të kritikave gjatë spektaklit “Prime”, menjëherë pas përjashtimit të Kejsit nga shtëpia, teksa reagimi i saj ka shkaktuar debat të fortë si brenda ashtu edhe jashtë shtëpisë më të famshme në Shqipëri.

E prekur emocionalisht nga vendimi, Ina tentoi ta arsyetojë situatën duke deklaruar se edhe banorë të tjerë gjatë qëndrimit të tyre kanë kryer veprime apo kanë përdorur gjuhë të ngjashme me atë të Kejsit, duke lënë të nënkuptohet se ndëshkimi ishte selektiv.

Megjithatë, ky qëndrim i saj u pasua menjëherë nga një moment i papritur në studio. Produksioni transmetoi një klip të regjistruar gjatë javës, ku Ina shihej duke përdorur gjuhë tejet ofenduese dhe denigruese ndaj Stenaldos, banorit të verbër të shtëpisë.

Në pamjet e publikuara, ajo dëgjohej duke i thënë: “Ti je maniak që shikon çdo femër, i neveritshëm, i ndyrë”, deklarata që shkaktuan reagime të forta në publik dhe në rrjetet sociale.

Pas transmetimit të klipit, moderatori Ledion Liço reagoi ashpër, duke ironizuar deklaratat e Inës dhe duke vënë në pah kontradiktën në qëndrimin e saj. “Mesa duket për Inën, Stenaldo – një i verbër – është një maniak që shikon çdo femër në shtëpi”, u shpreh ai, duke e lënë sallën në heshtje dhe duke theksuar rëndësinë e përgjegjësisë për gjuhën e përdorur.

Ky moment e vendosi Inën në një pozitë të vështirë, duke nxjerrë në pah standardet e dyfishta dhe duke hapur një diskutim më të gjerë mbi bullizmin, gjuhën e urrejtjes dhe ndjeshmërinë ndaj personave me aftësi të kufizuara, tema që këtë sezon kanë qenë shpesh në fokus të spektaklit. /Telegrafi/

Në spektaklin më të fundit të Big Brother VIP Kosova 4, zarfi i zi i dytë rezultoi të ishte shumë më i ashpër se ai i pari, duke shkaktuar tension dhe reagime të forta brenda shtëpisë.

Në këtë moment u transmetua një klip ku Kejsi shfaqej duke përdorur një gjuhë jashtëzakonisht ofenduese, bullizuese dhe paragjykuese për orientimin seksual të banorit tjetër, Kristin. Sjellja ofenduese e tij nxiti indinjatë të menjëhershme nga pjesa tjetër e banorëve dhe nga publiku që ndiqte spektaklin.

Si rrjedhojë e këtyre veprimeve, produksioni i Big Brother vendosi të marrë masa të rrepta: Kejsi u përjashtua nga shtëpia më e famshme në Shqipëri, duke shërbyer si një mesazh të qartë ndaj të gjithë pjesëmarrësve për rëndësinë e respektit dhe sjelljes etike brenda programit.

Vendimi i produksionit përforcon rregullat e shtëpisë dhe synon të mbrojë dinjitetin dhe sigurinë e banorëve, duke treguar se sjelljet diskriminuese nuk do të tolerohen në asnjë rrethanë. /Telegrafi/

- YouTube youtu.be

Gjatë spektaklit të fundit “Prime” të së martës, banorët e Big Brother VIP Kosova u përballën me një debat të fortë mes Rogertit dhe Malit, i cili ka ndezur tensione brenda shtëpisë.

Mali u ndje i lënduar nga fjalët e rënda të Rogertit që lidhnin familjen e tij, dhe iu përgjigj me vendosmëri: “Unë në fund jam shumë i kënaqur kush jam, jam krenar që jam djali i nënës time, Violetë Kukaj”.

Reagimi i Malit duket se e acaroi edhe më shumë Rogertin, i cili iu kthye me ironi dhe kritikë: “Turp për ty që nuk përmend babanë”.

- YouTube youtu.be

Deklarata e tij vjen vetëm pak javë pas një ngjarjeje tjetër të tensionuar brenda shtëpisë, kur Mali refuzoi një takim me babain e tij, Faik Retkoceri, duke u bazuar në raportet shumë të acaruara që ata kanë në familje.

Ky debat ka tërhequr vëmendjen e publikut dhe ka ngritur pyetje mbi marrëdhëniet familjare të banorëve dhe mënyrën se si këto ndikojnë në lojën brenda Big Brother VIP Kosova. /Telegrafi/

Janë shpallur zyrtarisht të gjithë të nominuarit për çmimet BAFTA për filmin 2026, në prag të ceremonisë së ndarjes së çmimeve që do të mbahet më 22 shkurt në 'Royal Festival Hall' në Londër, shkruan The Guardian.

Filmi triller me protagonist Leonardo DiCaprio, "One Battle After Another", kryeson listën e të nominuarve me gjithsej 14 nominime.

Pas tij vijnë nga afër filmi horror me vampirët "Sinners", i cili ka 13, drama shekspiriane "Hamnet" dhe filmi biografik "Marty Supreme", të cilët kanë secili nga 11.

Kjo është lista e plotë e nominimeve për çmimet BAFTA 2026:

Filmi më i mirë

• Hamnet
• Marty Supreme
• One Battle After Another
• Sentimental Value
• Sinners

Filmi më i mirë britanik

• 28 Years Later
• The Ballad of Wallis Island
• Bridget Jones: Mad About the Boy
• Die My Love
• H Is for Hawk
• Hamnet
• I Swear
• Mr Burton
• Pillion
• Steve

Debutimi më i mirë i një skenaristi, regjisori ose producenti britanik

• The Ceremony – Jack King (regji, skenar), Hollie Bryan dhe Lucy Meer (producente)
• My Father’s Shadow – Akinola Davies Jr (regji), Wale Davies (skenar)
• Pillion – Harry Lighton (regji, skenar)
• A Want in Her – Myrid Carten (regji)
• Wasteman – Cal McMau (regji), Hunter Andrews dhe Eoin Doran (skenar)

Filmi më i mirë jo në gjuhën angleze

• It Was Just an Accident
• The Secret Agent
• Sentimental Value
• Sirāt
• The Voice of Hind Rajab

Dokumentari më i mirë

• 2000 Meters to Andriivka
• Apocalypse in the Tropics
• Cover-Up
• Mr Nobody Against Putin
• The Perfect Neighbor

Filmi më i mirë i animuar

• Elio
• Little Amélie
• Zootropolis 2

Filmi më i mirë për fëmijë dhe familje

• Arco
• Boong
• Lilo & Stitch
• Zootropolis 2

Regjisori më i mirë

• Yorgos Lanthimos – Bugonia
• Chloé Zhao – Hamnet
• Josh Safdie – Marty Supreme
• Paul Thomas Anderson – One Battle After Another
• Joachim Trier – Sentimental Value
• Ryan Coogler – Sinners

Skenari më i mirë origjinal

• I Swear – Kirk Jones
• Marty Supreme – Ronald Bronstein, Josh Safdie
• The Secret Agent – Kleber Mendonça Filho
• Sentimental Value – Eskil Vogt, Joachim Trier
• Sinners – Ryan Coogler

Skenari më i mirë i përshtatur

• The Ballad of Wallis Island – Tom Basden, Tim Key
• Bugonia – Will Tracy
• Hamnet – Chloé Zhao, Maggie O’Farrell
• One Battle After Another – Paul Thomas Anderson
• Pillion – Harry Lighton

Aktorja më e mirë në rol kryesor

• Jessie Buckley – Hamnet
• Rose Byrne – If I Had Legs I’d Kick You
• Kate Hudson – Song Sung Blue
• Chase Infiniti – One Battle After Another
• Renate Reinsve – Sentimental Value
• Emma Stone – Bugonia

Aktori më i mirë në rol kryesor

• Robert Aramayo – I Swear
• Timothée Chalamet – Marty Supreme
• Leonardo DiCaprio – One Battle After Another
• Ethan Hawke – Blue Moon
• Michael B. Jordan – Sinners
• Jesse Plemons – Bugonia

Aktorja më e mirë në rol dytësor

• Odessa A’zion – Marty Supreme
• Inga Ibsdotter Lilleaas – Sentimental Value
• Wunmi Mosaku – Sinners
• Carey Mulligan – The Ballad of Wallis Island
• Teyana Taylor – One Battle After Another
• Emily Watson – Hamnet

Aktori më i mirë në rol dytësor

• Benicio del Toro – One Battle After Another
• Jacob Elordi – Frankenstein
• Paul Mescal – Hamnet
• Peter Mullan – I Swear
• Sean Penn – One Battle After Another
• Stellan Skarsgård – Sentimental Value

Kasti më i mirë

• I Swear
• Marty Supreme
• One Battle After Another
• Sentimental Value
• Sinners

Kinematografia më e mirë

• Frankenstein
• Marty Supreme
• One Battle After Another
• Sinners
• Train Dreams

Montazhi më i mirë

• F1
• A House of Dynamite
• Marty Supreme
• One Battle After Another
• Sinners

Dizajni më i mirë i kostumeve

• Frankenstein
• Hamnet
• Marty Supreme
• Sinners
• Wicked: For Good

Flokët dhe makijazhi më i mirë

• Frankenstein
• Hamnet
• Marty Supreme
• Sinners
• Wicked: For Good

Muzika origjinale më e mirë

• Bugonia
• Frankenstein
• Hamnet
• One Battle After Another
• Sinners

Skenografia më e mirë

• Frankenstein
• Hamnet
• Marty Supreme
• One Battle After Another
• Sinners

Zërimi më i mirë

• F1
• Frankenstein
• One Battle After Another
• Sinners
• Warfare

Efektet speciale vizuale më të mira

• Avatar: Fire and Ash
• F1
• Frankenstein
• How to Train Your Dragon
• The Lost Bus

Filmi i shkurtër britanik i animuar

• Cardboard
• Solstice
• Two Black Boys in Paradise

Filmi i shkurtër britanik

• Magid / Zafar
• Nostalgie
• Terence
• This Is Endometriosis
• Welcome Home Freckles

Çmimi EE Rising Star (i votuar nga publiku)

• Robert Aramayo
• Miles Caton
• Chase Infiniti
• Archie Madekwe
• Posy Sterling. /Telegrafi/

Nëna beqare e tre fëmijëve u bë sensacion në internet brenda natës për shkak të ngjashmërisë së saj të jashtëzakonshme me Georgina Rodriguez, të fejuarën e yllit të futbollit Cristiano Ronaldo.

Victoria, e cila jeton në Spanjë, hapi profile publike në rrjetet sociale vitin e kaluar pasi njerëzit i thoshin për vite me radhë se ngjante me Georginën.

Flokët e saj të errëta, buzët e theksuara dhe stili elegant tërhoqën shpejt vëmendjen e përdoruesve të TikTok. Vetëm në një muaj, ajo grumbulloi afërsisht 80,000 ndjekës në TikTok dhe disa mijëra në Instagram.

Për shkak të ngjashmërisë së madhe, Victoria shpesh akuzohej se përdorte filtra ose inteligjencë artificiale për t'u dukur më shumë si partnerja e Ronaldos.

Ajo i tha portalit What's The Jam se dikur iu desh të postonte një video pa grim për të vërtetuar se ishte e vërtetë.

Nëna 34-vjeçare theksoi se jeta e saj e përditshme nuk është aq joshëse sa ajo e sozisë së saj të famshme.

"Jam më e vjetër dhe më e varfër, por po aq e lumtur", tha ajo.

Victoria ka dy djem dhe një vajzë, 16, nëntë dhe tetë vjeç. Ajo punon si asistente administrative dhe teknike sigurie në punë, por rritja e papritur e popullaritetit të saj në mediat sociale i ka hapur mundësinë që ajo të bëhet një influencuese, si sozia e saj 31-vjeçare. Kohët e fundit ajo foli për vendimin e saj për t'i bërë publike profilet e saj.

"Gjithmonë i kam mbajtur profilet e mia në rrjetet sociale private, por i bëra publike më 5 dhjetor 2025, duke mos e ditur se do të kishte gjithë këtë bujë rreth ngjashmërisë sime me Georginën. Njerëzit gjithmonë më kanë folur për ngjashmërinë dhe unë gjithmonë kam thënë: 'Po, dukem pak si ajo', por kurrë nuk e mendova se ishte kaq e dukshme", zbuloi ajo.

Victoria pranoi gjithashtu se nuk është një fanse e madhe e Cristiano Ronaldos, por se e gjen atë të mrekullueshëm për shkak të vlerave që ai zotëron.

"Nuk jam fanse e Cristiano Ronaldos, por jo për ndonjë arsye të veçantë. Thjesht nuk jam fanse e madhe e futbollit. Më pëlqen, por nuk jam shumë e informuar për ndeshjet, vetëm kur luan djali im. Megjithatë, kam parë disa intervista për jetën dhe karrierën e tij dhe mendoj se është një njeri shumë i disiplinuar, i vendosur dhe i përgjegjshëm dhe një lojtar i jashtëzakonshëm falë të gjitha atyre vlerave që zotëron", tha ajo. /Telegrafi/

Regjisorja dhe aktorja Kristen Stewart ka thënë se nuk ka gjasa të qëndrojë në Shtetet e Bashkuara ndërsa Donald Trump udhëheq vendin, duke përmendur klimën politike si arsyen e vendimit të saj.

Në një intervistë me gazetën londineze The Times, Stewart tha se "realiteti po shembet plotësisht nën drejtimin e Trump".

"Realiteti po shkatërrohet plotësisht nën Trumpin, por ne duhet të mësojmë nga qasja e tij dhe të formësojmë realitetin në të cilin duam të jetojmë", tha ajo.

Kur u pyet nëse planifikon të qëndrojë në SHBA ndërsa Trump vazhdon, ajo u përgjigj se po mendon të largohet nga atdheu i saj.

"Ndoshta jo. Nuk mund të punoj lirisht atje. Megjithatë, nuk dua të dorëzohem plotësisht. Do të doja të bëja filma në Evropë dhe pastaj t'ua imponoja amerikanëve", tha ajo.

Kështu, Stewart i bashkohet një numri të personazheve të famshëm që u larguan nga SHBA-të gjatë mandatit të dytë presidencial të Trump, përfshirë Ellen DeGeneres dhe Rosie O'Donnell.

Regjisori fitues i çmimit Oscar, James Cameron, gjithashtu bëri bujë në media pasi tha se me shumë gjasa nuk do të kthehej në SHBA, pasi ishte zhvendosur në Zelandën e Re për të punuar në ekskluzivitetin e filmave "Avatar".

Kristen Stewart ka gjithashtu mosmarrëveshje personale me Trump, i cili në vitin 2012 komentoi mbi jetën e saj private nëpërmjet Twitter-it dhe e inkurajoi partnerin e saj të atëhershëm Robert Pattinson ta linte. Stewart reflektoi mbi këto mesazhe disa vite më vonë në një intervistë me Variety.

"Ai ishte i zemëruar me mua dhe vërtet i fiksuar pas meje disa vite më parë, gjë që është çmenduri. As nuk mund ta imagjinoj. Në kuptimin e plotë të fjalës, as nuk mund ta imagjinoj. Është një ide aq e çmendur sa nuk dua ta besoj se po ndodh vërtet. Është çmenduri", tha Kristen Stewart në atë kohë. /Telegrafi/

Pas 38 ditësh qëndrimi në shtëpinë e “Big Brother VIP”, loja po hyn në një fazë vendimtare, ku emocionet dhe surprizat pritet të kulmojnë.

Spektakli i sontëm paralajmërohet të sjellë zhvillime të forta, ndërsa një moment i veçantë pritet të ndryshojë rrjedhën e lojës: një propozim dashurie, pas të cilit asgjë nuk do të jetë më njësoj.

Në një klimë të tensionuar, ku dy zarfe të zinj pritet të hyjnë në shtëpi dhe të tronditin banorët, duke çuar deri në anulimin e televotimit, Vëllai i Madh do të marrë vendime të rëndësishme.

Por përtej këtyre lëvizjeve drastike të lojës, vëmendja kryesore do të përqendrohet te një hap emocional që pritet të surprizojë jo vetëm banorët, por edhe publikun.

Propozimi i dashurisë pritet të ndezë reagime të forta brenda shtëpisë, duke ngritur pikëpyetje mbi sinqeritetin e ndjenjave dhe ndikimin që ky veprim do të ketë në strategjitë e lojës.

A bëhet fjalë për një ndjenjë të vërtetë që del në pah mes presionit të madh, apo për një lëvizje që do të përdoret si avantazh në lojë? Këto dilema pritet të marrin përgjigje gjatë spektaklit.

Të gjitha këto zhvillime, përfshirë vendimin e Vëllait të Madh dhe momentin e shumëpritur të propozimit, do të zbulohen sonte në spektaklin e madh, që transmetohet në Top Channel, në DigitAlb përmes dy kanaleve të dedikuara “Big Brother VIP 1” dhe “Big Brother VIP 2”, si dhe në kanalin zyrtar të Top Channel në YouTube. /Telegrafi/