Nga Gazeta Si – Kërkimi për pasardhësin afatgjatë të Sir Alex Ferguson vazhdon…

Komentet e Amorim pas barazimit me Leeds United zbuluan tensione të shtuara dhe më pak se 24 orë më vonë, sollën fundin e shpejtë të 14 muajve të portugezit në “Old Trafford”.

Ai u bë trajneri i rradhës që nuk arriti ta rikthente Man Utd te vitet dominuese të Epokës së Sir Alex, i cili u largua në vitin 2013.

Mandati i Amorim ishte i dyti më i shkurtri mes trajnerëve të përhershëm, pas vetëm David Moyes – trajnerit të parë pas Fergusonit, i cili zgjati 8 muaj.

Gjatë kohës së Amorim në krye, ai regjistroi përqindjen më të keqe të fitoreve – 32% – pësoi më shumë gola për ndeshje – 1.53 – dhe pati përqindjen më të ulët të ndeshjeve pa pësuar gol – 15% – nga çdo trajner i Man Utd në Premier League.

Sezonin e kaluar, skuadra përfundoi në vendin e 15-të dhe humbi finalen e “UEFA Europa League”.

Ai largohet duke e lënë klubin në vendin e 6 – larg kreut, por ende vetëm 3 pikë pas Liverpool-it të vendit të 4, me çdo mundësi që trajneri i ri të sigurojë kualifikimin në “UEFA Champions League”.

Drejtuesit ekzekutivë të Man Utd përballen me një vendim monumental që duhet ta marrin saktë – dhe do të marrin kohën e tyre.

Ish-mesfushori i Man Utd, Darren Fletcher, ka lënë drejtimin e ekipit U-18 për të marrë përkohësisht drejtimin e ekipit të parë për disa ndeshje, duke u bërë trajneri i 6 i përkohshëm që nga pensionimi i Ferguson-it.

Klubi po kërkon një trajner të përkohshëm deri në fund të sezonit, kur do të zyrtarizohet traineri i ri. Megjithatë, sipas “BBC Sport”, ky rol i përkohshëm nuk pritet t’i besohet Fletcher-it.

• Cilët trajnerë janë aktualisht të lirë në futbollin botëror?

– Enzo Maresca është shfaqur si një nga kandidatët më interesantë. Italiani u largua nga Chelsea në Ditën e Vitit të Ri dhe është aktualisht i lirë, megjithëse mbetet për t’u parë nëse do të pranonte një rol të përkohshëm.

– Sir Gareth Southgate ka qenë i lidhur më parë me këtë post dhe nuk ka marrë asnjë detyrë që kur u largua nga drejtimi i Anglisë në vitin 2024, pasi i udhëhoqi “Tre Luanët” në 2 finale të Kampionatit Evropian dhe një ½ finale të Kupës së Botës. Një rol i përkohshëm mund ta tundonte, por ndoshta vetëm me garanci për një kontratë të përhershme nëse gjërat shkojnë mirë.

– Xavi, i cili fitoi La Liga-n me Barcelonën në vitin 2023, është pa punë që nga largimi nga klubi katalanas në vitin 2024 dhe mund të jetë një tjetër emër i gatshëm për një emërim afatshkurtër me mundësi vazhdimi.

– Zinedine Zidane, fitues i shumë trofeve te Real Madrid, është një emër i madh aktualisht i lirë, por nuk ka drejtuar një klub prej 4 vitesh dhe në këtë fazë shihet si një zgjedhje më pak e mundshme.

– Ruud van Nistelrooy la përshtypje të mira gjatë një periudhe të shkurtër me 4 ndeshje si trajner i përkohshëm i Man Utd përpara emërimit të Amorim dhe mbetet pa ekip pas largimit nga Leicester City gjatë verës – një tjetër alternativë për të drejtuar skuadrën deri në verë.

• Kush i përshtatet stilit dhe modelit të Man Utd?

Ka katër trajnerë që përshtaten veçanërisht mirë me stilin e dëshiruar nga Man Utd – kontroll të topit, presion të lartë dhe futboll sulmues me intensitet.

– Thomas Tuchel përmbush të gjitha kriteret dhe do të përshtatej lehtësisht. Kontrata e tij me Anglinë skadon pas Kupës së Botës – në përputhje me afatin kohor të Man Utd për emërimin. Gjermani ka deklaruar se i pëlqen drejtimi i Anglisë, por një rikthim në futbollin e klubeve mund ta tundonte.

– Mauricio Pochettino do ta udhëheqë SHBA-në në Kupën e Botës në shtëpi dhe më pas do të jetë i lirë. Ai luan futbollin që i pëlqen drejtuesve të Man Utd, megjithëse pati vështirësi të përshtatej me strukturën e trajnerit te Chelsea, gjë që mund të ndikojë në bisedime.

– Roberto De Zerbi është një tjetër emër për t’u marrë në konsideratë . Italiani e ka forcuar edhe më shumë reputacionin e tij te Marseille, që është në rrugë të mbarë për t’u kualifikuar në “Champions League” rradhazi, duke luajtur futboll sulmues dhe tërheqës.

– Julian Nagelsmann gjithashtu nuk duhet përjashtuar. 38-vjeçari është trajner i Gjermanisë që nga viti 2023 dhe, ndonëse kontrata e tij zgjat deri në Euro 2028, ai ka ndërtuar më herët reputacionin e një prej trajnerëve më premtues të brezit të ri.

The post Amorim u shkarkua, po tani…? appeared first on Gazeta Si.

Nga Gazeta Si – Botërori i vitit 2025 padyshim që na ka ofruar shumë momente të paharrueshme.
Pritshmëritë ishin të larta– dhe sezoni që pasoi përmbushi më shumë se sa pritej.

Një garë për titull që u vendos vetëm në fund, podiume surprizë dhe duele dramatike na mbajtën të mbërthyer në pistë, ndërsa jashtë saj u zhvilluan histori të mëdha, nga ndryshime tronditëse në staf deri te zhvillime intriguese në tregun e pilotëve.

Më poshtë sjellim momentet kyçe të një viti të paharrueshëm…

• F1 75 Live hap sezonin
• Norris fiton para se Piastri të marrë momentumin
• Ferrari bie nga fitorja në Sprint te dy skualifikime
• Lawson dhe Tsunoda ndryshojnë skuadrat
• Doohan zëvendësohet, Colapinto rikthehet dhe Oakes largohet nga Alpine
• McLaren në kaos në Kanada ndërsa Russell fiton dhe Antonelli arrin në podium
• Shfaqet filmi “F1 The Movie”
• Norris fiton në shtëpi ndërsa Hulkenberg merr podiumin e pare
• Horner largohet nga Red Bull
• Verstappen përflitet për një transferim te Mercedes
• Piastri kryeson ndërsa Red Bull ka vështirësi në mes të sezonit
• Cadillac zyrtarizon pilotët për sezonin e debutues
• Norris tërhiqet në Zandvoort ndërsa Hadjar merr podiumin e parë
• Fillon rikthimi i Verstappen
• Piastri ka një makth ndërsa Sainz rikthehet në podium
• Antonelli rekuperon pas komenteve të Wolff
• McLaren siguron të dytin titull rradhazi për konstruktorë
• Norris rikthehet në kreun e renditjes
• McLaren pëson dy skualifikime
• Newey përgatitet për rolin e “Team Principal”
• Ferrari humb terren në Kampionatin e konstruktorëve
• Red Bull konfirmon pilotin e dytë për vitin 2026
• Tre kandidatë për titull në Abu Dhabi

The post Momentet kyçe të një sezoni të paharrueshëm appeared first on Gazeta Si.

Nga Gazeta Si – Liam Rosenior është trajneri i ri i bluve të Londrës. 41-vjeçari anglez i bashkohet klubit me një kontratë 66 mujore, me opsion për një sezon shtesë, duke zëvendësuar Enzo Maresca-n, i cili u largua në Ditën e Vitit të Ri.

Rosenior do të jetë në tribunën e “Craven Cottage” kur Chelsea të përballet me Fulham-in në “Premier League” të mërkurën, ndërsa do të drejtojë seancën e parë stërvitore të enjten, përpara ndeshjes së raundit të tretë të “FA Cup” kundër Charlton Athletic të shtunën.

“Jam jashtëzakonisht i nderuar që jam emëruar trajner i Chelsea Football Club” – tha Rosenior.

“Të më besohet ky rol do të thotë gjithçka për mua dhe dua t’i falënderoj të gjithë ata që u përfshinë për mundësinë dhe besimin që më kanë dhënë. Do të jap gjithçka për të sjellë suksesin që ky klub e meriton.”

Në konferencën e tij të fundit për shtyp si trajner i Strasbourg, të martën, Rosenior konfirmoi se kishte “rënë dakord verbalisht” për të marrë drejtimin e Chelsea-t.

“Nuk mund ta refuzoj këtë mundësi për t’iu bashkuar një klubi të jashtëzakonshëm, me një skuadër të jashtëzakonshme që është kampione në fuqi në Botërorin për Klube,” shtoi ai.

Strasbourg është pjesë e grupit “BlueCo”, në pronësi të Todd Boehly dhe “Clearlake Capital që kontrollon edhe Chelsea-n.

Rosenior tha se trajneri i ekipit të parë të Strasbourg, Kalifa Cisse, ndihmëstrajneri Justin Walker dhe shefi i analizës, Ben Warner do t’i bashkohen atij në Stamford Bridge.

Liam Rosenior u emërua te Strasbourg në Korrik 2024 dhe e udhëhoqi klubin francez drejt vendit të 7-të në “Ligue 1” sezonin e kaluar, duke siguruar pjesëmarrjen në futbollin evropian për herë të parë pas 8 vitesh.

Ndeshja e fundit ishte barazimi 1-1 në fushën e Nice-s të shtunën, ndeshja e pestë rradhazi në kampionat pa fitore.

Strasbourg aktualisht ndodhet në vendin e 7-të në “Ligue 1” dhe kryeson “Conference League”.

“Do ta dua këtë klub për gjithë jetën time, por nuk mund ta refuzoj Chelsea-n” – e mbylli Rosenior

Ish-mbrojtësi i Fulham-it dhe Hull City-t, Rosenior, nuk ka drejtuar kurrë më parë në “Premier League”.

Trajneri i përkohshëm Calum McFarlane e drejtoi Chelsea-n në barazimin 1-1 kundër Manchester City-t të dielën.

The post Chelsea bastis Strasbourg-un për pasuesin e Maresca-s appeared first on Gazeta Si.

Nga Gazeta Si – Edgar Canet fitoi specialen e tij të parë që në debutim në “RallyGP”. Sipas të dhënave të disponueshme, kjo e bën 20-vjeçarin spanjoll fituesin më të ri të një etape me motorr në historinë e Dakar-it.

Piloti i “KTM” përfundoi 3 sekonda përpara shokut të skuadrës, Daniel Sanders dhe 5 sekonda para rivalit të “Honda-s”, Ricky Brabec. Luciano Benavides zuri vendin e katërt, 11 sekonda më pas.

Kampionët në fuqi të “KTM”, nuk mund të kishin kërkuar një fillim më të mirë.

Prologu i “Rally2” pa Michael Docherty të përsëriste paraqitjen e tij të vitit 2023 në “Sea Camp” në Yanbu.

Afrikanojugori, i gjashti në renditjen e përgjithshme me 19 sekonda, fitoi cilindratën e tij me 26 sekonda avantazh ndaj Tobias Ebster dhe Konrad Dąbrowski.

Debutantët Preston Campbell (+32”) dhe Ruy Barbosa (+33”), të dy me Honda, plotësuan pesëshen e parë.

• Tre fitore rradhazi për Ekstrom

Ashtu si Edgar Canet, suedezi Mattias Ekström fitoi prologun në debutim. Kjo ndodhi në vitin 2023, gjithashtu në Yanbu.

Tre vjet më vonë, ai e ka nisur Dakar-in me një tjetër triumf, të gjashtin e karrierës së tij, këtë herë duke drejtuar një Ford Raptor.

Ishte një nisje solide për kosntruktorin amerikan që çoi Mitch Guthrie në vendin e dytë pas 22 km në veri të Yanbu-t, 8 sekonda pas shokut të skuadrës.

Guillaume de Mévius e vendosi Mini-n e tij në shkallën e tretë të podiumit, me kohë të barabartë me Guthrie.

Nasser Al Attiyah mbërriti i katërti me 8 sekonda vonesë. Kampioni në fuqi, Yazeed Al Rajhi, ishte 14 sekonda pas.

Carlos Sainz +15” dhe Nani Roma +18”, por kohët e tyre nuk do të llogariten në renditje, ndryshe nga kategoria e motorëve.

The post ‘Dakar 2026’ – Nxënësi i shndërruar në Mësues appeared first on Gazeta Si.

Nga Gazeta Si – Klubi konfirmon se trajneri është shkarkuar pas 14 muajve në detyrë.

40-vjeçari u emërua në stolin e Man Utd, 14 muaj më parë, si pasues i Erik ten Hag.

Në një deklaratë të publikuar të hënën në mëngjes, klubi shpjegoi:

“Pas vendit të gjashtë në Premier League, drejtuesit e klubit, me keqardhje vendosën se tani është koha e duhur për të bërë një ndryshim. Kjo do t’i japë skuadrës mundësinë më të mirë për të arritur pozicionin më të lartë të mundshëm në kampionat. Klubi dëshiron ta falënderojë Rubenin për kontributin dhe i uron suksese në të ardhmen. Darren Fletcher do të marrë drejtimin e ekipit kundër Burnley-t të mërkurën.”

Vendimi vjen më pak se 24 orë pas barazimit 1-1 të së dielës kundër Leeds United, pas të cilit u shfaqën tensione gjatë konferencës për shtyp të Amorim, me disa shkëmbime të ashpra, përfshirë referencën e portugezit se ai priste të ishte “menaxheri, jo trajneri”.

Manchester United ka fituar 8 ndeshje dhe ka barazuar 7 nga 20 takimet e para në Premier League këtë sezon. “Djajtë e kuq” u eliminuan nga Grimsby Town (League Two), në raundin e dytë të Kupës së Ligës.

Në total, Amorim grumbulloi 58 pikë nga 47 ndeshje në kampionat, me një diferencë golash -6. Ky bilanc e rendit Manchester United në vendin e 14-të në një tabelë të Premier League që nga dita e parë në klub.

45 pikë më pak se Arsenali kryesues me 103. 31.9% fitore është shifra më e ulët për çdo trajner të Man Utd në Premier League.

“Djajtë e Kuq” u renditën në vendin e 15-të në fund të sezonit të parë të Amorim dhe humbën finalen e “UEFA Europa League” kundër Tottenham Hotspur, humbje që i la jashtë kompeticionece evropiane këtë sezon.

Manchester United afroi tre lojtarë offensive në merkaton e verës: Matheus Cunha nga Wolverhampton Wanderers, Bryan Mbeumo nga Brentford dhe Benjamin Šeško nga RB Leipzig.

Gjithashtu u transferua mbrojtësi i majtë nga Paraguai, Diego Leon, si dhe portieri Senne Lammens (Royal Antwerp).

• Amorim në Premier League
  Ndeshje – 47
  Fitore – 15
  Barazime – 13
  Humbje – 19

Kush është Darren Fletcher?
Trajneri i përkohshëm Fletcher, ish-mesfushor i Manchester United dhe Skocisë, ka qenë në krye të ekipit U-18 këtë sezon.

Djemtë e tij binjakë, Jack dhe Tyler, janë të dy pjesë e skuadrës së parë dhe ishin në stol ndaj Leeds të dielën.

Fletcher është trajneri i pestë i përkohshëm që ka luajtur për Manchester United nën drejtimin e Sir Alex Ferguson, pas Ryan Giggs, Ole Gunnar Solskjaer, Michael Carrick dhe Ruud van Nistelrooy.

• Përqindjet e fitoreve në stolin e Man Utd
  Sir Alex Ferguson – 810 dneshje – 65.2% fitore
  Jose Mourinho – 93 ndeshje – 53.8% fitore
  Erik ten Hag – ndeshje 85 – 51.8% fitore
  Ole Gunnar Solskjaer – 109 ndeshje – 51.4% fitore
  Louis van Gaal – 76 ndeshje – 51.3% fitore
  David Moyes – 34 ndeshje – 50% fitore
  Ralf Rangnick – 24 ndeshje – 41.7% fitore
  Ruben Amorim – 47 ndeshje – 31.9% fitore

The post Manchester United shkarkon Ruben Amorim appeared first on Gazeta Si.

Nga Gazeta Si – Kryeqyteti francez më në fund ka një shans për të pasur klubin e dytë të madh në futboll.

Franca është një paradoks në biznesin e sportit. Është një fabrikë globale talentesh futbolli, por liga vendase gjeneron më pak të ardhura se fqinjët dhe vështirë se tërheq po aq shikues televizivë sa ata.

Parisi gumëzhin nga kultura, por ka vetëm një klub futbolli me emër të madh: Paris Saint-Germain, në pronësi të Katarit.

Vetëm në “Premier League” ka 7-të skuadra nga Londra. Pikërisht për këtë arsye, përpjekja e miliarderit të luksit Bernard Arnault për ta kthyer Paris FC-në e lënë pas dore në “klubin e dytë” të qytetit mund të jetë një ndryshues loje.

Holding-u familjar i Arnault bleu një paketë kontrolluese të klubit në vitin 2024, së bashku me Red Bull.

Që atëherë, klubi është rikthyer në elitën e “Ligue 1” pas një mungese 46-vjeçare dhe tani po përgatitet të përballet me PSG-në.

– Pas ligave kryesore
Të ardhurat e klubeve në pesë ligat më të mëdha të Evropës tregojnë se Franca mbetet prapa të tjerëve.

“Le Derby”, siç po quhet kjo përballje, është një duel ku Arnault mund të konsiderohet realisht si i vogli përballë gjigantit.

PSG është Goliath-i i padiskutueshëm i futbollit francez, me një buxhet prej rreth 850 milionë eurosh — më shumë se trefishi i atij të skuadrës së dytë, Marsejës.

Paris FC përshkruhet si David-i guximtar, madje edhe pronarët e rinj të pasur tregohen të kujdesshëm të mos e ekzagjerojnë suksesin sportiv të klubit.

Është dashur mjaft kohë, por derbi i parë i kryeqytetit në futbollin e meshkujve në Francë që nga viti 1990 do të zhvillohet sot, kur Paris Saint-Germain të presë Paris FC.

Një derbi jashtëzakonisht lokal, madje edhe gjeografikisht, pasi stadiumi “Parc des Princes” i PSG-së ndodhet fjalë për fjalë përballë shtëpisë së re të Paris FC, vetëm 44 metra larg, sipas faqes zyrtare të Bashkisë së Parisit.

Pas ngjitjes në elitë sezonin e kaluar, Paris FC ndryshoi stadium dhe tani luan në “Stade Jean-Bouin”, i cili tradicionalisht ka pritur ndeshje regbi-je.

Përballja e mbrëmjes së të dielës vë përballë kampionët në fuqi të Francës dhe Evropës me një skuadër që po lufton për mbijetesë në elitë.

Paris FC ka humbur gjysmën e ndeshjeve dhe renditet i 14-ti në kampionatin me 18 skuadra përpara javës së 17-të të këtij fundjave.

Golashënuesi më i mirë i PFC-së këtë sezon është mesfushori Ilan Kebbal me 6 gola — më shumë se çdo lojtar i PSG-së — por ai ndodhet me Algjerinë në Kupën e Kombeve të Afrikës.

PSG është përballur këtë sezon me dëmtime të sulmuesve yje Ousmane Dembélé dhe Désiré Doué.

Kjo mund të ketë ndikuar në rezultate, pasi për herë të parë pas një kohe të gjatë PSG nuk kryeson kampionatin, por renditet i dyti pas surprizës Lens.

Përpara derbit të së dielës, PSG kishte humbur tashmë dy ndeshje në kampionat — po aq humbje sa gjatë gjithë sezonit të kaluar.

Ndërsa PSG ka fituar 13 tituj kampion në Francë dhe 16 Kupa të Francës, vitrina e trofeve të Paris FC-së është bosh.

– Përplasje e sponsorëve të mëdhenj
PSG financohet nga investitori katariot “QSI” që prej marrjes së kontrollit në Qershor 2011.

Sezonin e kaluar, klubi gjeneroi të ardhura rekord prej 837 milionë eurosh (976 milionë dollarë).

Marrja e Paris FC në fund të vitit të kaluar nga familja më e pasur e Francës, Arnault, pronare e perandorisë së luksit “LVMH”, premtoi ta bëjë Ligue 1 më interesante.

Pronari i Paris FC, Antoine Arnault, është djali i miliarderit Bernard Arnault, dhe investimi financiar i familjes do të jetë vendimtar për shanset e PFC-së që të kthehet në një rival serioz të PSG-së.

Antoine ka qenë më herët i abonuar me biletë sezonal të PSG-së dhe ka marrëdhënie të mira me presidentin, Nasser Al-Khelaïfi.

The post Paris FC i Arnault përballet me PSG-në e Katarit në “Le Derby” appeared first on Gazeta Si.

Nga Gazeta Si – Përpara sfidës së sotme në “Etihad”, kemi përzgjedhur disa momente historike nga përballjet e mëparshme mes dy klubeve.

Manchester City pret Chelsea-n të dielën në kapitullin e rradhës të një prej përballjeve më emocionuese të “Premier League”.

Ndeshje, gola dhe incidente që spikasin janë zhvilluar në ndeshjet mes tyre.

– Triller me tetë gola, Palmer në qendër të vëmendjes – Nëntor 2023
Një Klasike e përjetshme e “Premier League” u servir kur Manchester City udhëtoi drejt “Stamford Bridge” në sezonin 2023/24.

– Palmer ndërron Mançesterin me Londrën – Shtator 2023
Transferimi i Palmer te Chelsea nga Man City – një nga transferimet më tërheqëse mes dy klubeve, lidhej më shumë me rrethanat sesa me ndonjë dyshim të Guardiola-s për aftësitë e sulmuesit të tij.

– Chelsea triumfon në Finalen e “Champions League” – Maj 2021
Ndeshja më e madhe mes dy klubeve ishte Finalja e “UEFA Champions League “, ku historia u përsërit për të dyja palët. Chelsea triumfoi në Finalen e 3-të angleze në historinë e kompeticionit, duke rrëmbyer trofeun më prestigjioz të futbollit për klube në Evropë, sërish pas një ndërrimi trajneri në mes të sezonit.

– Chelsea i shuan shpresat e titullit Man City’t – Qershor 2020
Destinacioni i titullit 2019/20 kishte qenë i qartë prej kohësh në sezonin e shtyrë nga pandemia – Liverpool ishte i gatshëm të shpallej kampion i Anglisë për herë të parë pas 30 vitesh. Konfirmimi përfundimtar erdhi pasi Man City u mposht 2-1 nga Chelsea, duke e bërë të pamundur ndjekjen e kryesuesve.
– Agüero frymëzon spektaklin me gjashtë yje të Man City’t – Shkurt 2019
Sergio Agüero kishte një kënaqësi të veçantë të shënonte kundër Chelsea-t gjatë karrierës së tij. Ai realizoi 15 gola ndaj londinezëve në të gjitha kompeticionet. Sulmuesi argjentinas shënoi të njëjtin numër golash edhe kundër Newcastle United.

– De Bruyne e ndëshkon Chelsean – Shtator 2017
De Bruyne u kthye në një “talent të humbur” për Chelsea-n, pasi u shndërrua në një nga mesfushorët më të mirë në Botë pas largimit nga “Stamford Bridge” në vitin 2014. Goli i tij i parë në Premier League në sezonin 2017/18 ishte gjithashtu i pari nga 5 kundër Chelsea-t. Vetëm ndaj Arsenal-it shënoi më shumë – 8 gola.

– Lampard përndjek Chelsea’n – Shtator 2014
Pasi nënshkroi atë që rezultoi të ishte kontrata e tij e fundit me blutë, në Maj 2013, Lampard kishte thënë se kishte “disa mundësi” për të qëndruar në Angli, por nuk mund ta imagjinonte veten duke luajtur për një klub tjetër të “Premier League”. Kjo krijoi skenarin që ai shpresonte ta shmangte – përballjen me Chelsea-n e tij të dashur. Kur ajo ditë erdhi, Lampard hyri nga stoli për Man City-n (i huazuar nga New York City FC) dhe shënoi golin e barazimit në një ndeshje që përfundoi 1-1, me një goditje nga distanca, tipike për stilin e tij që e bëri golashënuesin më të mirë në historinë e Chelsea-t.

– City ia nxin jetën Chelsea-t – Shkurt 2010
Pas një fillimi të ngadaltë, kjo ndeshje përfundoi si një nga më dramatiket e sezonit 2009/10. Një ditë katastrofike për Chelsea-n u vulos me dy kartonë të kuq në pjesën e 2-të për Juliano Belletti-n dhe Michael Ballack.

– “Blutë” e pandalshëm shënojnë 6’të – Tetor 2007
José Mourinho u largua nga Chelsea për herë të parë në Shtator 2007 dhe kur Man City vizitoi “Stamford Bridge” gati 6-të javë më vonë, vendasit dukeshin se e kishin lënë pas largimin e tij. “Harruam si të mbroheshim,” tha Sven-Göran Eriksson, trajneri i atëhershëm i Man City-t.

– Man City e ndaloi Chelsea-n të bëhej “i pathyeshëm” – Tetor 2004
Duke pasur parasysh figurën historike të Mourinho-s në “Premier League” – dhe atë që Chelsea arriti në sezonin 2004/05 – kjo fitore e Man City-t doli të ishte edhe më domethënëse sesa dukej në atë kohë. Manchester City shkaktoi humbjen që i mohoi Chelsea-t statusin e “Invincibles”, duke fituar gjithashtu nderin e të qenit skuadra e parë që mposhti Mourinho-n në futbollin anglez.

The post Man City-Chelsea, beteja e pabarabartë në stol appeared first on Gazeta Si.

Nga Gazeta Si – Slalom-i gjigand në Kranjska Gora ishte gara e parë e këtij viti kalendarik në Kupën e Botës në ski për femra.

Gara e Sllovenisë konfirmoi formën e mirë të Lara Colturi-t që e mbylli vitin 2025 në podium.

Skiatorja kuqezi u rendit e treta në zbritjen e parë, pas Camille Rast (1’01”38) dhe Paula Moltzan (+33”).

Colturi mbërriti 37” pas vendit të parë dhe 4” pas të dytit duke u pozicionuar për një podium të mundshëm pas zbritjes së dytë.

Në përfundim të garës ajo e mbylli në vendin e 6-të me një diferencë prej 1’08” nga fituesja e Slalom-it gjigand, Camille Rast (2’00”09).

Colturi u parapri me vetëm 3” më pak nga Mikaela Shifrin që zuri vendin e 5-të.

E diela rezevervon garën e Slalom-it në të njëjtën pistë dhe Lara Colturi është pretendente për një vend në podium.

Në klasifikimin e përgjithshëm, Colturi është në vendin e 6-të (402 pikë) pas Shiffrin (743), Rast (603), Robinson (484), Scheib (460) dhe Goggia (428).

The post Colturi e nis vitin me vendin e 6 në Slloveni appeared first on Gazeta Si.

Nga Gazeta Si – Barcelona e nis vitin 2026 me një udhëtim në stadiumin “RCDE” ku do të përballet me rivalët lokalë të Espanyol në derbin katalanas.

Të dyja skuadrat vijnë në këtë ndeshje në formë të shkëlqyer, megjithëse Barcelona ka një bilanc më të mirë në këtë përballje.

Kryesuesit e La Liga-s, të drejtuar nga Hansi Flick, synojnë të zgjasin dominimin ndaj fqinjëve të tyre.

Kampionët e Spanjës nuk kanë humbur ndaj Espanyol-it në 13 ndeshjet e fundit.

– Të rejat e fundit nga Espanyol
Espanyol do të jetë pa Charles Pickel, i cili aktualisht ndodhet me përfaqësuesen e RD Kongos në Kupën e Kombeve të Afrikës.

Roman Terrats gjithashtu do të mungojë për shkak të një dëmtimi në kofshë.

Javi Puado, i cili ka munguar për shkak të një dëmtimi në gju, mund të rikthehet në skuadër, por ka pak gjasa ta nisë nga minuta e parë për shkak të mungesës së stërvitjes.

Pjesa tjetër e skuadrës është e gatshme dhe Manolo González pritet të hedhë në fushë një formacion të plotë në skemën 4-3-3, me Roberto Fernández si referenca e sulmit.

– Të rejat e fundit nga Barcelona
Barcelona merr një shtysë të madhe përpara derbit, pasi trajneri Hansi Flick konfirmoi se Dani Olmo ashtu edhe Lamine Yamal janë të gatshëm për sfidën.

Olmo, i cili zhvendosi shpatullën gjatë sfidës me Atlético Madrid në Dhjetor, tani është rekuperuar plotësisht. Yamal, që mungoi në seancën stërvitore të së enjtes, është ribashkuar gjithashtu me skuadrën.

Mesfushori Pedri pritet të luajë pas mungesës në ndeshjen e fundit kundër Villarreal-it për shkak të një problemi në pulpë.

Megjithatë, Barcelona do të jetë pa Andreas Christensen, i cili pësoi një dëmtim të ligamentit kruciat (ACL) gjatë një seance stërvitore në fillim të këtij muaji.

Mesfushori Gavi përballet me një periudhë të gjatë jashtë fushave pas një ndërhyrjeje kirurgjikale në gju. Ronald Araújo, i cili së fundmi mori një pushim për t’i dhënë përparësi shëndetit të tij mendor, është rikthyer në stërvitje me skuadrën dhe mund të përfshihet në derbi.

– Forma e Espanyol
Espanyol ka impresionuar ndjeshëm, duke regjistruar 10 fitore, 3 barazime dhe 4 humbje në 17 ndeshje, çka i rendit në vendin e 5-të me 33 pikë.

Skuadra e Manolo González ka fituar 5ndeshje rradhazi në “La Liga” dhe vjen pas një fitoreje 2-1 në transfertë ndaj Athletic Club.

Pavarësisht fuqisë sulmuese të ekipeve kryesuese, Espanyol ka një nga mbrojtjet më të forta në kampionat, duke pësuar vetëm 17 gola në 17 ndeshje.

– Forma e Barcelona-s
Skuadra e Hansi Flick ka qenë e jashtëzakonshme këtë sezon, duke e çuar serinë e fitoreve në 8 rradhazi në “La Liga”.

Barcelona aktualisht kryeson kampionatin me 46 pikë pas 18 ndeshjeve, me një bilanc mbresëlënës prej 15 fitoresh, 1 barazimi dhe 2 humbjesh.

Katalanasit kanë shënuar 51 gola këtë sezon – më shumë se çdo skuadër tjetër në “La Liga” – por kanë pësuar edhe 20 gola, shifra më e lartë mes 7-të skuadrave të para të renditjes.

Formacionet e mundshme
– Espanyol: Dmitrovic; El Hilali, Calero, Cabrera, Romero; Gonzalez, Edu, Lozano; Dolan, Fernandez, Milla.
– Barcelona: J. Garcia; Kounde, Cubarsi, E. Garcia, Balde; Pedri, De Jong; Yamal, Fermin, Raphinha; F. Torres.

The post ‘Derbi Barceloni’ në rifillimin e ‘La Liga-s’ appeared first on Gazeta Si.

Nga Gazeta Si – Atalanta dhe Roma do të përballen këtë të shtunë në “Gewiss Stadium” në raundin e parë të Serie A për vitin 2026.

Atalanta ka grumbulluar 22 pikë këtë sezon dhe renditet në vendin e 10-të.

Në ndeshjen e fundit, skuadra e drejtuar nga Raffaele Palladino u mposht 0-1 nga Inter.

Roma aktualisht ka 33 pikë dhe ndodhet në vendin e 4-t. Në ndeshjen e fundit, skuadra e Gian Piero Gasperini-t fitoi 3-1 ndaj Genoa-s.

Takimi i fundit mes dy skuadrave përfundoi 2-1 për Atalanta-n.

A e dini se…
– Raffaele Palladino është përballur pesë herë me Gian Piero Gasperini-n, duke rregjistruar 1 fitore dhe 4 humbje
– Gian Piero Gasperini është përballur 16 herë me Atalanta-n, me bilanc prej 6 fitoresh, 5 barazimesh dhe 5 humbjesh.
– Raffaele Palladino është përballur 5 herë me Roma-n, duke rregjistruar 1 fitore, 1 barazim dhe 3 humbje.

Skuadrat
– Roma ka shënuar në 4 ndeshje rradhazi.
– Në shtëpi, Atalanta ka pësuar vetëm 2 humbje në 13 ndeshjet e fundit.
– Në shtëpi, Atalanta ka pësuar në 3 ndeshje rradhazi.
– Atalanta ka vetëm 1 barazim në 13 ndeshjet e fundit.

Përballjet direkte
– Atalanta dhe Roma janë përballur gjithsej 135 herë. Verdhekuqtë kanë 58 fitore ndaj 34 të Atalanta-s.
– Në stadiumin “Gewiss”, Atalanta është avantazh ndaj Roma-s: 25 fitore në 66 ndeshje, ndërsa Roma, vetëm 20.
– Në kampionatin italian janë zhvilluar 128 përballje mes dy skuadrave.
– Atalanta ka fituar 33 herë, 39 barazime dhe 56 fitore për Roma-n.

Formacionet e mundshme
– Atalanta: Carnesecchi; Djimsiti, Hien, Kolasinac; Zalewski, De Roon, Ederson, Bernasconi; De Ketelaere, Pasalic; Scamacca

– Roma: Svilar; Mancini, Ziolkowski, Hermoso; Celik, Kone, Cristante, Wesley; Soule, Dybala; Ferguson

The post Gasperini, një kundërshtar në shtëpi appeared first on Gazeta Si.

Nga Gazeta Si – Faza e grupeve në “Kupën e Kombeve të Afrikës” në Marok ishte një spektakël elektriizues ku talenti dhe lojtarë kyç si Mohamed El Shenawy, Riyad Mahrez, Sadio Mané dhe Amad Diallo u dalluan për skuadrat e tyre.

Nga prezenca autoritare e El Shenawy-t në portë te lidershipi i Mahrez në sulm, këta lojtarë kanë dëshmuan vlerat e tyre në skenën kontinentale.

Formacioni më i Mirë zgjodhi performuesit më të qëndrueshëm, ndikues dhe influentë të fazës së grupeve – individë, paraqitjet e të cilëve vendosën tonin për fazën me eliminim direkt.

– Portier:
Mohamed El Shenawy (Egjipt)

– Mbrojtës:
Noussair Mazraoui (Marok), Axel Tuanzebe (RD Kongo), Edmond Tapsoba (Burkina Faso), Yahia Attiat-Allah El Abdi (Marok)

– Mesfushorë:
Brahim Diaz (Marok), Carlos Baleba (Kamerun), Ademola Lookman (Nigeri)

– Sulmues:
Riyad Mahrez (Algjeri), Amad Diallo (Bregu i Fildishtë), Sadio Mané (Senegal)

– Trainer:
Eric Chelle (Nigeri)

The post Formacioni i grupeve në Kupën e Kombeve të Afrikës appeared first on Gazeta Si.

Nga Gazeta Si – Ndeshjet e fazës së 1/8 së finales në “Kupën e Kombeve të Afrikës TotalEnergies CAF Marok 2025” u përcaktuan pas një faze grupesh emocionuese, që vuri në pah cilësinë dhe nivelin botëror të futbollit në kontinentin afrikan.

Faza e parë me eliminim direkt do të zhvillohet nga e shtuna, 3 Janar, deri të martën, 6 Janar, me dy ndeshje çdo ditë në orën 17:00 dhe 20:00, ndërsa skuadrat e mbetura luftojnë për një vend në ¼ finale.

Vendasit e Marokut do të përballen me Tanzaninë në “Stade Prince Moulay Abdellah” në Rabat të dielën (ora 17:00) ku pritet një publik entuziast në mbështetje për të fituar titullin e parë kontinental pas 50 vitesh.

Maroku e mbylli Grupin A në vendin e parë, ndërsa Tanzania u kualifikua si një nga 4 skuadrat më të mira të renditura në vendin e 3-të, nga Grupi C.

Afrika e Jugut dhe Kameruni do të përballen në stadiumin “Al Medina” në Rabat (ora 20:00), në një duel që vendos përballë trajnerin Hugo Broos me skuadrën që e udhëhoqi drejt titullit në vitin 2017.

Para këtyre ndeshjeve, fituesi i vitit 2021, Senegali, do të luajë kundër Sudanit të shtunën (ora 17:00) në “Grand Stade de Tanger”, në ndeshjen e parë të fazës së 1/8.

Në të njëjtën mbrëmje, Mali do të përballet me Tunizinë (ora 20:00) në “Stade Mohammed V” në Kazablanka.

Mali synon titullin e parë kontinental ndërsa Tunizia kërkon të përsërisë triumfin e vitit 2004.

Egjipti mban rekordin me 7 tituj në “TotalEnergies CAF AFCON”, por nuk e ka ngritur trofeun që nga viti 2010.

Faraonët do të përballen me Beninin të hënën (ora 17:00) në “Grand Stade de Agadir”.

Një nga skuadrat më mbresëlënëse të fazës së grupeve, Nigeria, do të luajë kundër Mozambikut (ora 20:00) në “Complexe Sportif de Fès”, me synimin një hap më shumë pas medaljes së argjendtë në edicionin 2023.

Algjeria dhe Republika Demokratike e Kongos do të takohen të martën (ora 17:00) në “Stade Prince Héritier Moulay El Hassan” në Rabat, përpara se kjo fazë të mbyllet me përballjen mes kampionëve në fuqi, Bregut të Fildishtë, dhe Burkina Faso-s (ora 20:00) në “Grand Stade de Marrakech”.

¼ finalet do të zhvillohen më 9–10 Janar, ndërsa Finalja është planifikuar më 18 Janar në “Stade Prince Moulay Abdellah”.

The post Udhëhequr nga njerëzit, nxitur nga suksesi – Kupa e Kombeve të Afrikës hyn në fazën KO appeared first on Gazeta Si.

Nga Gazeta Si – Nga ekspozimet e gjata në garat automobilistike te kamerat e komanduara nga distanca në ndeshjet e futbollit, ja se si u realizuan imazhet sportive më të bukura.

Gjatë vitit realizohen më shumë se 500.000 fotografi sportive, mes të cilave ka vërtet të jashtëzakonshme.

Disa nga momentet e shkurtra, festimet e çmendura dhe kompozimet krijuese i gjeni në galerinë tonë:

The post Shkrepjet ideale nga Bota e Sportit për vitin 2025 appeared first on Gazeta Si.

Nga Gazeta Si – Nga “Lojërat Olimpike Dimërore” te kupat e Botës dhe “Grand Slam”-et e tenisit.

Viti 2026 pritet të jetë jashtëzakonisht i ngarkuar në Botën e sportit, me shumë evente dhe turne spektakolare në kalendarin gjithnjë në rritje.

Nga “Lojërat Olimpike Dimërore Milano–Cortina” te “Kupa e Botës” në Shtetet e Bashkuara, Kanada dhe Meksikë, viti premton dramë pa ndërprerje dhe gara të klasit Botëror.

Krishtlindjet kanë kaluar dhe viti i ri sapo ka filluar. Me ardhjen e 2026-s, vjen edhe një kalendarit epic sportiv.

Në 12 muajt e ardhshëm, Bota do të ndalet për të ndjekur disa nga ngjarjet më të mëdha sportive në Planet, përfshirë “Kupën e Botës” në futboll, “Lojërat Olimpike Dimërore” dhe “Lojërat e Commonwealth”-it.

• Janar
  “Africa Cup of Nations”, Futboll, 21 Dhjetor-18 Janar në Marok
  “Ashes, Test 5”, Kriket, 3-7 Janar,           Sidnej, Australi
  “Masters”, Snooker, 11-18 Janar, Londër, Angli
  “Australian Open”, Tenis, 18 Janar-1 Shkurt, Melburn, Australi
  “Angli v Sri Lanka, Kriket, 22 Janar-3 Shkurt, Sri Lanka

Shkurt
“Winter Olympic Games”, Sporte dimërore, 6-22 Shkurt, Milano & Kortina, Itali
“ICC Men’s T20 World Cup”, Kriket, 7 Shkurt-8 Mars, Indi & Sri Lanka
“Welsh Open”, Snooker, 23 Shkurt-1 Mars, Llandudno, Uells

• Mars
  “Six Nations”, Regbi, 5-14 Mars, Francë, Itali, Angli
  “Winter Paralympics”, Sporte dimërore, 6-15 Mars, Milano & Kortina, Itali
  “World Athletics Indoor Championships”, Atletikë, 20-22 Mars, Torun, Poloni
  “League Cup Final’, Futboll, 22 Mars, Londër, Angli

Prill
“The Masters”, Golf, 9-12 Prill, Augusta, SHBA
“World Snooker Championship”, Snooker, 18 Prill-4 Maj, Shefild, Angli

• Maj
  “Giro d’Italia”, Çiklizëm, 9-31 Maj, Itali
  “Women’s FA Cup” ½ finalet, Futboll, 10 Maj, Angli
  “PGA Championship”, Golf, 14-17 Maj, Pensilvani, SHBA
  “Men’s FA Cup” Finale, Futboll, 16 Maj, Londër, Angli
  “Europa League” Finale, Futboll, 20 Maj, Stamboll, Turqi
  “Women’s Champions League” Finale, Futboll, 22 Maj, Oslo, Norvegji
  “Challenge Cup” Finale, Regbi, 22 Maj, Bilbao, Spanjë
  “Champions Cup” Finale, Regbi, 23 Maj, Bilbao, Spanjë
  “French Open”, Tenis, 24 Maj-7 Qershor, Paris, Francë
  “Conference League” Finale, Futboll, 27 Maj, Leipzig, Gjermani
  “Men’s Champions League” Finale, Futboll, 30 Maj, Budapest, Hungari
  “Women’s FA Cup” Finale, Futboll, 31 Maj, Londër, Angli

Qershor
“Angli v Zelandë e Re”, Kriket, 4-29 Qershor, Angli
“Men’s FIFA World Cup”, Futboll, 11 Qershor-19 Korrik, SHBA, Kanada & Meksikë
“ICC Women’s T20 World Cup”, Kriket, 12 Qershor-12 Korri, Angli & Uells
“US Open”, Golf, 18-21 Qershor, Nju York, SHBA
“Gallagher PREM” Finale, Regbi, 20 Qershor, Londër, Angli
“Wimbledon Championships”, Tenis, 29 Qershor-12 Korrik, Londër, Angli

• Korrik
  “Angli v Indi”, Kriket, 1-19 Korrik, Angli
  “Tour de France”, Çiklizëm, 4–26 Korrik, Francë
  “The Open Championship”, Golf, 16-19 Korrik, Southport, Angli
  “Commonwealth Games”, Atletikë, 23 Korrik-2 Gusht, Gllazgou, Skoci

Gusht
“European Athletics Championships”, Atletikë, 10-16 Gusht, Birmingam, Mbretëria e Bashkuar
“Angli v Pakistan”, Kriket, 19 Gusht-13 Shtator, Angli
“Vuelta a Espana”, Çiklizëm, 22 Gusht-13 Shtator, Spanjë
“US Open”, Tenis, 24 Gusht-7 Shtator, Nju Jork, SHBA

• Shtator
  “The Ocean Race Atlantic”, Lundrim, Starton më 2 Shtator, Nju Jork-Barcelonë
  “English Open”, Snooker, 7-13 Shtator, Brentud, Angli
  “Angli v Sri Lanka”, Kriket, 15-27 Shtator, Angli

Tetor
“Northern Ireland Open”, Snooker, 18-25 Tetor, Belfast, Irlandë e Veriut

• Nëntor
  “WTA Finals”, Tenis, 7-14 Nëntor, Rijad, Arabia Saudite
  “ATP Finals”, Tenis, 15-22 Nëntor, Torino, Itali
  “Davis Cup-Final 8”, Tenis, 24-29 Nëntor, Itali
  “UK Championship”, Snooker, 29 Nëntor-7 Dhjetor, Jork, Angli

Dhjetor
Dhjetori është një festë e sporteve tradicionale festive për futbollin, regbinë, snooker-in dhe darts-in, ndërsa sezoni i sporteve dimërore do të jetë në kulmin e tij.

The post Datat e ngjarjeve më të mëdha sportive të vitit 2026 appeared first on Gazeta Si.

Nga Gazeta Si – “Futja e euros është gurthemeli i fundit në integrimin e Bullgarisë në Bashkimin Evropian,” tha presidenti, por opinioni publik nuk është aq i bindur.

Bullgaria iu bashkua eurozonës më 1 Janar, duke u bërë anëtarja e 21-të e unionit monetar.

Euro zëvendësoi levin bullgar, me kursin përfundimtar të këmbimit të caktuar në 1 euro = 1,96 leva, që nga 31 Dhjetori.

Presidenti Rumen Radev tha në mesazhin e tij të Vitit të Ri: “Futja e euros është gurthemeli i fundit në integrimin e Bullgarisë në Bashkimin Evropian — një vend që e meritojmë me arritjet e kulturës sonë mijëvjeçare dhe kontributin qytetërues të vendit tonë.”

“Guvernatori i Bankës Qendrore të Bullgarisë”, Dimitar Radev, ka zënë një vend në tryezën e “Këshillit Drejtues të Bankës Qendrore Evropiane”.

“E mirëpres ngrohtësisht Bullgarinë në familjen e euros dhe guvernatorin Radev në tryezën e Këshillit Drejtues të BQE-së në Frankfurt,” tha presidentja e BQE-së, Christine Lagarde, në një deklaratë të enjten.

Qytetarët do të mund të paguajnë ende me leva për rreth 1muaj, por do të fillojnë të marrin kusurin në euro.

Deri më 30 Qershor, paratë e vjetra mund të këmbehen pa tarifë në banka dhe zyra postare, ndërsa në Bankën Qendrore të Bullgarisë kjo do të jetë e mundur pa afat kohor.

Megjithatë, opinioni publik mbetet i ndarë. Sipas një sondazhi të Eurobarometrit nga muaji Mars, 53% e 1.017 bullgarëve të anketuar ishin kundër anëtarësimit në Eurozonë, ndërsa 45% ishin pro.

Shumica gjithashtu mendonte se Bullgaria nuk ishte gati për të futur euro-n. Frika kryesore lidhej me “vendosjen abuzive të çmimeve gjatë periudhës së kalimit”.

Bullgaria iu bashkua Bashkimit Evropian më 1 Janar 2007. Në një sondazh zyrtar të BE-së nga muaji Maj, 58% e bullgarëve thanë se vendi ka përfituar nga anëtarësimi në BE.

The post Bullgaria adopton euron appeared first on Gazeta Si.

Nga Gazeta Si – Ish-zëvendëspresidenti i Komisionit Evropian, Joaquin Almunia, ka deklaruar se Shtetet e Bashkuara nuk janë më një aleat i Evropës, por janë shndërruar në një kundërshtar të hapur, duke fajësuar drejtpërdrejt presidentin amerikan Donald Trump për këtë ndryshim strategjik.

Në një intervistë për radion spanjolle “Cadena Ser”, Almunia tha se SHBA-ja ka kaluar nga një qëndrim pro-evropian në një politikë armiqësore ndaj Bashkimit Evropian.

“Kjo duhet të shqetësojë jo vetëm evropianët, por edhe vetë amerikanët,” theksoi ai.

Sipas Almunias, kërcënimi nuk vjen nga populli amerikan, por nga administrata e Trump-it, e cila – sipas tij – e konsideron BE-në si kundërshtarin kryesor strategjik, ndërsa presidentin rus, Vladimir Putin si një aleat.

Ai shprehu shqetësim të veçantë për dokumentin e fundit të Strategjisë së Sigurisë Kombëtare të SHBA-së, i cili mbështet partitë populiste të ekstremit të djathtë në Evropë, të cilat Trump i quan “parti patriotike”.

Almunia përgëzoi kryeministrin portugez, Antonio Costa për reagimin e tij kritik ndaj këtij dokumenti, i cili pretendon se Evropa po përballet me “zhdukje civilizimi” për shkak të migracionit dhe rregulloreve të shumta.

“Aleatët nuk kërcënojnë të ndërhyjnë në zgjedhjet demokratike të njëri-tjetrit,” deklaroi Costa.

Në të njëjtën kohë, Almunia shprehu shqetësim të thellë për heshtjen e liderëve të tjerë evropianë, përfshirë presidenten e Komisionit Evropian, Ursula von der Leyen, përballë këtij ndryshimi të politikës amerikane.

Ai kritikoi reagimin e Bashkimit Evropian ndaj genocidit në Gaza, duke e cilësuar atë si të paqartë dhe të p vendosur.

“Kur shohim shkelje të rënda të të drejtave themelore të njeriut, duhet të reagojmë me vendosmëri. Si evropianë, nuk mund të mbyllim sytë apo të gjejmë justifikime,” përfundoi Almunia.

The post ‘Fatkeqësisht, SHBA-ja është armiku ynë’ appeared first on Gazeta Si.

Nga Gazeta Si – Zohran Mamdani është betuar si kryetari i ri i Bashkisë së Nju Jorkut, duke hyrë në histori si kryebashkiaku i parë mysliman i qytetit.

Ceremonia publike e inaugurimit do të transmetohet drejtpërdrejt dhe do të shikohet edhe në zona të organizuara përgjatë Broadway-t.

Kryebashkiaku i ri i Nju Jorkut u inaugurua zyrtarisht në një stacion metroje jashtë përdorimit, një ngjarje simbolike që e veçon këtë fillim mandati.

Socialisti demokrat u betua zyrtarisht në mesnatë në stacionin e vjetër të metrosë “Old City Hall”, i cili është i aksesueshëm vetëm disa herë në vit përmes tureve të organizuara.

Ai është gjithashtu personi i parë me origjinë nga Azia Jugore dhe i pari i lindur në Afrikë që bëhet kryetar i bashkisë së Nju Jorkut, pasi ka lindur në Ugandë.

Pas betimit tradicional dhe të thjeshtë, Mamdani do të mbajë një ceremoni festive gjatë pasdites.

Sipas ekipit të tij, zgjedhja e stacionit të metrosë simbolizon “angazhimin e tij ndaj punëtorëve që e mbajnë qytetin në funksion çdo ditë.”

Ai u betua përpara Prokurores së përgjithshme të Nju Jorkut, Letitia James.

Të pranishëm ishin bashkëshortja e tij, Rama Duwaji, anëtarë të familjes së ngushtë, përfshirë nënën, regjisoren e njohur Mira Nair, si dhe babain e tij, profesorin e Universitetit “Columbia”, Mahmood Mamdani.

34 vjeçari Mamdani, ish-anëtar i asamblesë shtetërore, fitoi zgjedhjet me një platformë të fortë kundër kostos së lartë të jetesës, duke premtuar ngrirje të qerave dhe transport publik falas me autobusë.

Ai nxiti një pjesëmarrje rekord prej më shumë se 2 milionë votuesish, duke marrë 50% të votave, gati 10 pikë përpara ish-guvernatorit demokrat të Nju Jorkut, Andrew Cuomo, i cili kandidoi si i pavarur, dhe shumë përpara republikanit, Curtis Sliwa.

Si qyteti më i populluar i SHBA-së, Nju Jorku ka rreth 8 milionë banorë.

Planet për inaugurimin publik gjatë ditës së Vitit të Ri përfshijnë një ceremoni në shkallët e “City Hall”, si dhe festën e parë ndonjëherë të inaugurimit të një kryetari bashkie, me muzikë dhe fjalime përpara rreth 4000 të ftuarve në “City Hall Plaza”.

Publiku do të ketë mundësinë të ndjekë transmetimin direkt të asaj që ekipi i Mamdanit e quan “Inaugurimi i një Epoke të Re”, në zona falas të vendosura përgjatë Broadway-t.

Komiteti i inaugurimit përfshin emra të njohur si shkrimtari Colson Whitehead, “youtube-rja” për fëmijë Ms Rachel, muzikanti Sonny Rollins, si dhe aktorët Luis Guzmán dhe Cynthia Nixon, kjo e fundit ish-kandidate për guvernatore të shtetit të Nju Jorkut.

Mamdani do të zhvendoset nga apartamenti i tij me një dhomë gjumi në Astoria në “Gracie Mansion”, rezidenca zyrtare e kryetarëve të bashkisë së Nju Jorkut në lagjen luksoze “Upper East Side”.

Ai nuk është kryebashkiaku i parë i qytetit i lidhur me socializmin demokratik, megjithëse David Dinkins nuk e theksoi shumë lidhjen e tij me Socialistët Demokratë të Amerikës (DSA) gjatë mandatit të tij nga 1990 deri më 1993.

The post Betohet kryetari i ri i Bashkisë së Nju Jorkut appeared first on Gazeta Si.

Nga Gazeta Si – Enzo Maresca nuk është më trainer i Chelsea-t edhe pse klubi aktualisht ndodhet në vendin e 5-të në “Premier League”.

45-vjeçari italian largohet më pak se 6-të muaj pasi fitoi Kupën e Botës për Klube në fund të sezonit të parë në “Stamford Bridge”.

Blutë kanë fituar vetëm 1 nga 7-të ndeshjet e fundit në kampionat dhe morën vetëm 6-të pikë nga 6-të ndeshje në Dhjetor, duke mbetur 15 pikë pas kryesuesve të Arsenal.

Megjithatë, rezultatet janë vetëm një pjesë e historisë.

Maresca, kontrata e të cilit ishte e vlefshme deri në vitin 2029, kishte impresionuar figurat kyçe në “Stamford Bridge” – përfshirë drejtorët sportivë Paul Winstanley dhe Laurence Stewart, si dhe bashkëpronarin Behdad Eghbali – kur e udhëhoqi Chelsea-n drejt një vendi në “Big4” në kampionat, fitoi “UEFA Conference League” dhe Kupën e Botës për Klube sezonin e kaluar.

Megjithatë, suksesi u kthye shpejt në përplasje me drejtuesit. Maresca habiti edhe anëtarë të stafit të tij kur – pas fitores 2-0 ndaj Everton-it, e vetmja fitore e Chelsea-t në “Premier League” në Dhjetor – deklaroi se “shumë njerëz” ia kishin bërë ato “48 orët më të këqija” që nga ardhja e tij në klub.

Këto komente erdhën pa paralajmërim për stafin apo drejtuesit e lartë, të cilët do të kishin preferuar që diskutimet të mbeteshin private. Por tensionet kishin nisur prej muajsh.

Maresca kishte shpresuar të rrite profilin e tij pas sukseseve me Chelsea-n përmes angazhimeve jashtë klubit.

Ai planifikonte të botonte një libër, por iu bllokua kjo mundësi, dhe foli në “Il Festival dello Sport” – event në Itali i organizuar nga gazeta “La Gazzetta dello Sport” – pa lejen e klubit.

Ai gjithashtu bëri publik mospajtimin e tij me vendimin e klubit për të mos transferuar një qendër mbrojtës pas dëmtimit të Levi Colwill në ligamentin kruciat përpara fillimit të sezonit.

Drejtuesit argumentuan se një transferim i tillë mund të shtynte talentin e akademisë Josh Acheampong të kërkonte largimin, gjë që e detyroi Marescan të tërhiqej.

Ish-trajneri i Leicester-it ka ndërruar përfaqësuesin e tij – nga agjencia “Wasserman” te Jorge Mendes – dhe u përfol si pasardhës i mundshëm i Pep Guardiolës te Manchester City, diçka që Maresca e mohoi.

Për më tepër, ai shmangu gjithnjë e më shumë veshjen e kostumeve sportive të klubit, duke zgjedhur rroba personale.

Pas ndeshjes së tij të fundit me Chelsea-n (barazimi 2-2 me Bournemouth më 30 Dhjetor) – ndihmëstrajneri Willy Caballero tha se Maresca ishte i sëmurë për të kryer detyrimet mediatike, por kuptohet se mungesa e tij lidhej më shumë me reflektimin mbi hapat e ardhshëm.

U vu re gjithashtu se në një video 52-sekondëshe të publikuar nga Chelsea në rrjetet sociale në prag të Vitit të Ri, që përmblidhte vitin e klubit, nuk kishte asnjë gjurmë të Maresca-s.

Nga ana e tij, italiani besonte se presioni ndaj tij ishte i padrejtë duke pasur parasysh kushtet e vështira të punës dhe se ishte kaluar kufiri në përpjekjet për të ndikuar në përzgjedhjen e formacionit.

Edhe pse nuk ishte i zemëruar që po drejtonte një skuadër të re në moshë, ai mendonte se pritshmëritë e tifozëve duhej të menaxhoheshin më mirë, veçanërisht duke pasur parasysh dëmtimet e Colwill dhe sulmuesit Cole Palmer.

Chelsea fillimisht kishte planifikuar të vlerësonte situatën e tij në fund të sezonit nëse rezultatet përmirësoheshin, por pakënaqësia e Maresca-s ndikoi që ndarja të ndodhte më herët.

Çfarë e pret Chelsea-n?

Aktualisht, Blutë do të përballen me Manchester City-n të dielën pa trajner dhe nuk dihet kush do ti drejtojë stërvitjet deri atëherë.

Caballero, i cili u transferua nga Leicester së bashku me Maresca-n në vitin 2024, ka zëvendësuar italianin kur ky i fundit ka qenë i pezulluar dhe, pa një njoftim për të ardhmen e tij, ai mund të jetë një opsion i përkohshëm.

Chelsea ka qenë admirues i madhe i ish-trajnerit të Brighton, Roberto De Zerbi, i cili aktualisht është nën kontratë me Marsejën.

Klubi intervistoi trajnerin e Ipswich, Kieran McKenna dhe atë të Tottenham, Thomas Frank përpara se të firmoste me Maresca-n.

Gjithashtu, trajneri i Crystal Palace, Oliver Glasner dhe homologu i tij te Bournemouth, Andoni Iraola pritet të jenë në listën e kandidatëve.

The post Chelsea shkarkon Enzo Maresca-n appeared first on Gazeta Si.

Nga Gazeta Si – Ka pasur shumë sportistë të jashtëzakonshëm, madje edhe në këtë shekull, për të mos folur për të gjithë historinë, por të jesh kapiten ekipi kërkon një personalitet të veçantë.

Në sport, kapiteni i ekipit përfaqëson shumë cilësi të ndryshme, por faktori kryesor që i bashkon të gjitha është udhëheqja.

Gjatë historisë kanë ekzistuar shumë kapitenë frymëzues. Që nga kapiteni i Afrikës së Jugut në regbi, Siya Kolisi, që fitoi dy Kupa Bote rradhazi, deri te liderë të futbollit si Diego Maradona dhe Franz Beckenbauer.

Më poshtë janë 10 udhëheqësit më të mëdhenj në historinë e sportit.

Kriteret e renditjes
– Trashëgimia: Sa të qëndrueshme janë (ose pritet të jenë) arritjet e tyre si kapitenë me kalimin e kohës
– Jetëgjatësia: Kohëzgjatja dhe ndikimi i rolit të tyre si kapiten
– Trofe dhe tituj: Çfarë kanë fituar dhe mënyra se si i kanë fituar

Tony Jacklin – Kapiten i “Europe Ryder Cup” 1983-1989

Bobby Moore – Kapiten i Anglisë në Botërorin e vitit 1966

Roy Keane – Kapiten i Manchester United: 1996-2003

Steve Waugh – Kapiten i Australisë në kriket: 1997-2004

Cafu – Kapiten i Brazilit në Botërorin e vitit 2002

Wayne Gretzky – Lojtari më i madh i të gjitha kohërave në hokejin në akull

Richie McCaw – Kapiten i Zelandës së Re në regbi: 2006-2015

Franz Beckenbauer – Kapiten i Gjermanisë Perëndimore në Botërorin e vitit 1974

Diego Maradona – Kapiten i Argjentinës dhe Napolit

Siya Kolisi – Prej vitit 2018 Kapiten i Afrikës së jugut në regbi

The post 10 Kapitenët më të Mëdhenj në Historinë e Sportit appeared first on Gazeta Si.

Nga Gazeta Si – Ashtu sit e meshkujt edhe te femrat, ishin dy teniste që dalluan nga të tjerat.

Aryna Sabalenka dhe Coco Gauff fituan 2 turne “Grand Slam” (1 për secilën).

Ato ndanë 6 turne mes tyre (amerikania 2 më pak se rivalja e saj në krye të klasifikimit).

111 fitore të arritura nga Sabalenka dhe Gauff (e para 15 më shumë se rivalja përej Oqeanit).

Ndërsa fitoret mes kundërshtareve nga 10 vëndet e para ishin 25 (Sabalenka 5 më shumë se Gauff).

Turnetë “Master 1000” që u fituan nga Sabalenka ishin në Miami dhe Madrid, ndërsa Gauff triumfoi vetëm në Wuhan.

Por tenistja amerikane është vetëm e 4-ta në Botë gjatë vitit 2025 për numrin e turneve të fituar.

Përpara saj qëndrojnë Swiatek, Rybakina dhe Pegula që fituan 1 më pak se Sabalenka dhe 1 më shumë se Gauff.

The post Sabalenka – Gauff vendosën standartet në tenisin e femrave appeared first on Gazeta Si.