Në shtëpinë e Big Brother VIP Kosova 4, një bisedë e drejtpërdrejtë mes Labinot Rexhës dhe Limit ka tërhequr vëmendje, pasi u prek tema e hyrjes së tij në BBVK dhe njohja me Bia Khalifën.

Gjatë diskutimit, Labinoti e pyeti Limin për rrethanat e këtij takimi, ndërsa banori vendosi të rrëfejë publikisht një histori nga e kaluara, duke insistuar se nuk po bën “lojë” me askënd. “Çdo gjë është real, s’kam kohë me bë lojë me askënd. A di si e kam njohur Bian, ishim te puna, dhe ishim me shokë, dhe pimë u bëmë tap. Ka 4 e 5 vjet. Dhe ikën krejt në shpia”, u shpreh ai.

Më tej, Limi tregoi se pas largimit nga puna, rruga e tij kishte marrë një kthesë të papritur. “Dhe u nisa për te shpia, por u ndala në strip klub. Edhe hy në Instagram, t’u pa këtu shoh Bia Khalifa që më ka bërë follow. Kur shoh direkt po më shkruan. Dhe erdhi në klub, dhe vazhdova party”.

Në këtë moment, në bisedë ndërhyri edhe Benita, e cila e komentoi situatën me një vërejtje të prerë: “Mos e ngatërroni të dashur, me një natë. S’është i dashur kur je një natë”.

Ndërkohë, sipas asaj që u la të kuptohet në shtëpi, Limi tani po e orienton vëmendjen drejt një tjetër banoreje, Dolces, duke lënë pas diskutimin për Bian.

The post Limi rrëfen si e njohu Bia Khalifën në BBVK 4: U ndala në strip klub dhe… appeared first on iconstyle.al.

Moderatorja shumë e dashur për publikun shqiptar, Argjira Spanca, dhe balerini Graciano Tagani do të bëhen prindër për herë të parë. Burime të Ilirianews.al konfirmojnë se moderatorja është në pritje të ëmbël, një lajm që ka gëzuar jo vetëm familjarët, por edhe fansat e çiftit.

Argjira dhe Graciano janë prej rreth pesë vitesh një nga çiftet më të komentuar në mediat rozë shqiptare, që nga momenti kur bënë publike lidhjen e tyre të dashurisë. Shtatzënia e tyre nuk duket se ka ardhur si surprizë e plotë, pasi në disa intervista dhe dalje publike, të dy janë shprehur se po mendonin për zgjerimin e familjes.

“Jam në një fazë që thjesht e kam lënë në dorë të Zotit. Mendoj realisht që kur të vijë, do vijë,” ka deklaruar së fundmi Argjira, duke treguar qetësi dhe optimizëm për kapitullin e ri në jetën e tyre.

Çifti ka ruajtur gjithmonë një ekuilibër mes jetës private dhe asaj publike, duke ndarë me ndjekësit vetëm pjesë të momenteve të veçanta. Lajmi për shtatzëninë e Argjira Spancës pritet të tërheqë shumë vëmendje dhe të gëzojë fansat e tyre, të cilët prej kohësh i ndjekin me interes çdo hap të çiftit.

Ky do të jetë një nga momentet më të rëndësishme të jetës së tyre dhe nis një kapitull të ri për Argjira Spancën dhe Graciano Taganin, ndërsa përgatiten të mirëpresin fëmijën e tyre të parë.

The post Argjira Spanca dhe Graciano Tagani do të bëhen prindër për herë të parë appeared first on iconstyle.al.

Sot, me Merkurin në Bricjap që krijon kontrast me Jupiterin në Gaforre, dita parashikohet të jetë e relaksuar dhe e lehtë, me një energji të fuqishme sociale. Do të ndiejmë një dëshirë për biseda, shaka dhe shëtitje, ndërsa lajmet e mira dhe kontaktet e reja do të jenë pjesë e përditshmërisë. Megjithatë, nuk është dita më e mirë për të diskutuar çështje biznesi, pasi shumë nga ato që do të thuhet mund të jenë të ekzagjeruara, premtime të paripërtërira ose thjesht fjalë boshe. Është e këshillueshme të mbani një qasje të matur dhe të kontrolloni ato që thoni, për të shmangur keqkuptimet apo pendimet më vonë.

Disa shenja duhet të tregojnë kujdes më të madh. Bricjapët, Gaforret, Dashët dhe Peshoret e lindur në fund të dekadës së dytë duhet të shmangin premtimet bujare dhe entuziazmin e tepruar, sepse ka rrezik që ato të mos përmbushen dhe të krijojnë ndjenja të papërgjegjësisë tek të tjerët.

Ndërsa Binjakët, Virgjëresha, Shigjetari dhe Peshqit e lindur në fund të dekadës së dytë duhet të ruajnë kontrollin në financa dhe marrëdhënie dashurore. Vetëpërmbajtja do të jetë çelësi për të shmangur zhgënjimet dhe ekspozimin e tepërt për shkak të pritjeve të larta që mund të mos plotësohen.

Sot është një ditë për të shijuar bisedat, për të krijuar lidhje dhe për të marrë energji pozitive nga njerëzit përreth, por gjithmonë me maturi dhe kujdes.

The post Shenjat e zodiakut sot: Mos flisni shumë! appeared first on iconstyle.al.

Rihanna duket se po mendon të zgjerojë sërish familjen e saj. Këngëtarja e njohur, e cila tashmë është nënë e tre fëmijëve me partnerin e saj A$AP Rocky – RZA (3 vjeç), Riot (2 vjeç) dhe Rocki (3 muajsh), ka lënë të kuptohet se mund të jetë e hapur për një shtatzëni të re në vitin 2026.

Sinjalet për këtë vijnë pas një videoje të publikuar në Instagram, ku shkruhej: “Duke vendosur nëse duhet të bëhem seksi apo të mbetem shtatzënë në vitin 2026”. Rihanna nuk ka ngurruar të komentojë poshtë videos, duke shkruar: “Prit! Pra, nuk qenkam e çmendur? Dakord!”, gjë që shkaktoi reagime të shumta nga fansat, të cilët e interpretuan si një paralajmërim për mundësinë e një shtatzënie të re.

Ylli 37-vjeçar ka treguar më parë se periudha e pandemisë e ka përforcuar lidhjen e saj me reperin A$AP Rocky, duke i bërë të kuptojnë se ishin gati për t’u bërë prindër. Në një intervistë të mëparshme, ajo ka thënë se nuk ka një numër të caktuar fëmijësh që dëshiron të ketë në të ardhmen. “Aq sa Zoti dëshiron që unë të kem,” ka deklaruar Rihanna, duke treguar hapësirën e saj për t’u zgjeruar familja.

Aktualisht, Rihanna dhe A$AP Rocky janë prindër të tre fëmijëve dhe duket se nuk kanë ndërmend të ndalojnë së rrituri familjen e tyre. Fansat e yllit të muzikës po e ndjekin me kujdes çdo sinjal që mund të tregojë për një shtatzëni të re, duke komentuar me entuziazëm çdo postim të saj në rrjetet sociale.

The post Po vjen fëmija i katërt? Rihanna lë fansat pa fjalë appeared first on iconstyle.al.

Atmosfera në shtëpinë e “Big Brother VIP Kosova” ka marrë një drejtim të ri gjatë mbrëmjes së fundit, duke u shoqëruar me zhvillime të forta emocionale dhe romantike mes disa prej banorëve. Limi dhe Dolce janë parë duke kaluar momente të afërta së bashku, duke u shtrirë në të njëjtin shtrat dhe duke treguar një afrimitet që nuk ka kaluar pa u vënë re nga publiku dhe banorët e tjerë.

Mes dyshes nuk kanë munguar puthjet dhe përqafimet, duke konfirmuar se mes tyre ka lindur një kimi e menjëhershme. Afrimiteti i shpejtë vjen vetëm pak ditë pas hyrjes së Limit në shtëpinë më të famshme në Kosovë, çka e bën situatën edhe më të komentuar në rrjetet sociale. Ndjekësit e formatit po e shohin këtë raport si një nga historitë më të reja romantike që po zhvillohet brenda shtëpisë.

Ndërkohë, ky zhvillim po reflektohet ndjeshëm edhe tek Alba, e cila duket se po e përjeton me vështirësi afrimin e Limit me Dolcen. Alba është parë e tërhequr dhe emocionalisht e rënduar, duke shprehur hapur dhimbjen dhe zhgënjimin e saj. Në disa momente, ajo është shfaqur duke u lutur që ta harrojë Limin, duke treguar se ndjenjat e saj ndaj tij vazhdojnë të jenë të forta.

Kjo situatë ka sjellë emocione të forta brenda shtëpisë, duke ndikuar jo vetëm tek banorët, por edhe tek ndjekësit e programit. Ndërsa Limi dhe Dolce shijojnë afrimin e tyre të sapolindur, te disa banorë dhe shikues ndjehet një ndjesi përzierjeje, kënaqësi për romancën e tyre, por edhe dhembje dhe empati për Albën, e cila po përjeton ndjenja të vështira.

The post Një natë e zjarrtë për Limin dhe Dolcen, ja reagimi i Albës appeared first on iconstyle.al.

Viti 2025 ka qenë më vdekjeprurësi për civilët në Ukrainë që nga nisja e pushtimit të plotë rus në vitin 2022, sipas të dhënave të Kombeve të Bashkuara (OKB).

Misioni i OKB-së për Monitorimin e të Drejtave të Njeriut në Ukrainë njoftoi se të paktën 2 mijë e 514 civilë u vranë nga dhuna e lidhur me konfliktin gjatë vitit të kaluar. Ky numër është dukshëm më i lartë krahasuar me vitin 2024, kur u regjistruan 2 mijë e 88 viktima civile, dhe me vitin 2023, kur u raportuan 1 mijë e 974 të vrarë. Edhe numri i civilëve të plagosur ka shënuar rritje të ndjeshme nga viti në vit.

Sulmi më vdekjeprurës i vitit ndodhi në nëntor në qytetin perëndimor të Ternopilit, ku humbën jetën të paktën 38 civilë, përfshirë tetë fëmijë.

Të martën, 13 janar, presidenti ukrainas Volodymyr Zelensky deklaroi se sulmet ruse gjatë natës kishin vrarë katër persona në Kharkiv dhe kishin lënë “qindra mijëra familje” pa energji elektrike në Kiev dhe zonat përreth, në kushte temperaturash të ulëta. Sipas misionit të OKB-së, numri total i civilëve të vrarë dhe të plagosur në vitin 2025 përfaqëson një rritje prej 31% krahasuar me vitin 2024 dhe 70% krahasuar me vitin 2023.

Më herët, OKB kishte raportuar se të paktën 8 mijë e 6 civilë u vranë dhe 13 mijë e 287 u plagosën gjatë 12 muajve të parë pas nisjes së pushtimit rus në shkurt të vitit 2022. Në nëntor, numri total i civilëve të vrarë që nga fillimi i luftës kishte kaluar shifrën 14 mijë e 534.

Shefja e misionit të OKB-së, Danielle Bell, tha se shifrat e vitit 2025 përfaqësojnë “një përkeqësim të dukshëm të mbrojtjes së civilëve”. Sipas saj, rritja e viktimave nuk lidhet vetëm me intensifikimin e luftimeve përgjatë vijës së frontit, por edhe me përdorimin e zgjeruar të armëve me rreze të gjatë veprimi, të cilat kanë ekspozuar civilët në të gjithë vendin ndaj rrezikut të shtuar.

Ndërkohë, presidenti Zelensky njoftoi se pothuajse 300 dronë, 18 raketa balistike dhe shtatë raketa lundruese kishin goditur qytete të ndryshme në Ukrainë gjatë natës, duke shkaktuar ndërprerje të mëdha të energjisë elektrike në rajonin e Kievit.

Kryetari i bashkisë së Kievit, Vitali Klitschko, tha se sistemet e mbrojtjes ajrore ishin aktivizuar gjatë asaj që ushtria e përshkroi si një sulm raketor. Drejtori ekzekutiv i kompanisë energjetike Yasno deklaroi se i gjithë qyteti ishte futur në “ndërprerje emergjente” të energjisë, ndërsa ekipet e emergjencës po përpiqeshin të shuanin zjarret dhe të rikthenin furnizimin me energji në temperatura nën zero.

Ministri i Jashtëm i Ukrainës akuzoi Rusinë se po shënjestron qëllimisht infrastrukturën energjetike për t’i “privuar qytetarët nga energjia elektrike, uji dhe ngrohja”, ndërsa temperaturat në mëngjes zbritën nën -15 gradë Celsius. Disa zona të kryeqytetit kishin mbetur tashmë për ditë të tëra pa ngrohje dhe energji elektrike për shkak të sulmeve të javës së kaluar.

Zelensky deklaroi gjithashtu se katër persona u vranë nga një sulm raketor “pa asnjë qëllim ushtarak” mbi një terminal postar në Korotych, në rajonin e Kharkivit. Guvernatori i rajonit verilindor tha se 10 persona u plagosën, ndërsa Ministria e Jashtme e Ukrainës njoftoi se 30 persona u evakuuan.

Në rajone të tjera, guvernatori i Donetskut, Vadym Filashkin, raportoi se dy persona u vranë nga sulmet në lindje të vendit. Ndërkohë, autoritetet në Odesa, në jug të Ukrainës, thanë se gjashtë persona u plagosën dhe se sulmet dëmtuan banesa, objekte energjetike, një spital dhe një kopsht fëmijësh.

Kievi njoftoi se kishte kryer gjithashtu një sulm gjatë natës ndaj një uzine për prodhimin e dronëve në rajonin perëndimor rus të Rostovit. Shtabi i Përgjithshëm i ushtrisë ukrainase tha se në zonë u regjistruan shpërthime dhe një zjarr.

Sulmet e fundit ndodhën dy ditë pasi pushtimi i plotë rus hyri në ditën e tij të 1 mijë e 418-të, po aq sa zgjati përfshirja e Ushtrisë Sovjetike në Luftën e Dytë Botërore.

Ambasadorja e Bashkimit Evropian në Ukrainë, Katarina Matheronva, shkroi në rrjetet sociale se, ndryshe nga e kaluara, “këtë herë Putini e zgjodhi këtë luftë, e planifikoi, e nisi dhe mban përgjegjësinë për të”.

/Nacionale

The post 2025-a shënon vitin më të përgjakshëm për civilët ukrainas, thotë OKB appeared first on iconstyle.al.

Muzikanti amerikan i nominuar për çmimin prestigjioz “Grammy”, John Forte, i njohur për bashkëpunimin e tij me grupin legjendar “Fugees” dhe kolektivin “Refugee Camp All-Stars”, ka ndërruar jetë në moshën 50-vjeçare. Lajmi i trishtë u bë i ditur pasi Forte u gjet i pajetë pasditen e së hënës, më 11 janar, në banesën e tij në Chilmark, Massachusetts.

Sipas një deklarate zyrtare të Shefit të Policisë së Chilmarkut, Sean Slavin, në vendngjarje nuk janë konstatuar shenja dhune apo elementë të dyshimtë, ndërsa shkaku i vdekjes nuk ishte i dukshëm në momentin e parë. Autoritetet lokale kanë dërguar rastin për hetim në zyrën e mjekut ligjor të shtetit, ku pritet të kryhen ekzaminime të mëtejshme për të përcaktuar shkaqet e sakta të vdekjes.

I lindur në New York, John Forte u shqua që herët për talentin e tij të jashtëzakonshëm muzikor. Ai fitoi vëmendjen e publikut dhe kritikës në fund të viteve ’90 si bashkëpunëtor në albumin ikonik të Fugees, “The Score”, fitues i çmimit “Grammy”, si dhe në albumin “The Carnival” të Wyclef Jean, i cili u nominua për të njëjtin çmim.

Si multi-instrumentist, reper dhe producent, Forte ndërtoi edhe një karrierë solo, duke publikuar albume si “Poly Sci” dhe “I, John”, ku bashkëpunoi me artistë të njohur, përfshirë këngëtaren Carly Simon.

Jeta e tij u shënua edhe nga probleme ligjore, pasi në vitin 2000 u arrestua në Aeroportin Ndërkombëtar të Newark-ut nën akuza për posedim dhe trafikim droge.

John Forte lë pas bashkëshorten e tij, fotografen Lara Fuller, si dhe dy fëmijë, ndërsa figura e tij mbetet e rëndësishme në historinë e hip-hopit dhe muzikës bashkëkohore amerikane.

The post Ndërron jetë muzikanti amerikan John Forte në moshën 50-vjeçare! appeared first on iconstyle.al.

Është zbuluar shkaku i vdekjes së Ethan Browne, djalit të madh të këngëtarit dhe kantautorit të njohur amerikan Jackson Browne, i cili u nda nga jeta më 25 nëntor në moshën 52-vjeçare. Sipas Mjekut Ligjor të Qarkut të Los Angeles, vdekja e tij u shkaktua nga efektet e kombinuara të fentanilit, metamfetaminës dhe lidokainës, ndërsa mënyra e vdekjes është cilësuar si aksidentale. Autoritetet e bënë publike këtë informacion të martën, më 13 janar.

Jackson Browne, 77 vjeç, anëtar i Rock & Roll Hall of Fame dhe aktivist politik, e konfirmoi humbjen e të birit përmes një deklarate në Facebook më 26 nëntor. Në reagimin e tij, artisti kërkoi privatësi dhe respekt për familjen gjatë kësaj periudhe të dhimbshme, duke theksuar se Ethan u gjet pa ndjenja në shtëpinë e tij dhe ndërroi jetë atë mëngjes.

Ethan Browne ishte djali i Jackson Browne dhe Phyllis Major, e cila vdiq nga vetëvrasja kur ai ishte ende fëmijë i vogël. I rritur mes vështirësive personale dhe famës së të atit, Ethan arriti të ndërtonte një karrierë të suksesshme si model dhe aktor. Ai u shfaq në fushata mode për stilistë të njohur si Isaac Mizrahi dhe luajti në filmin “Raising Helen” përkrah Kate Hudson në vitin 2004. Gjithashtu, ai themeloi Spinside Records, një degë e labelit të pavarur të familjes Browne.

Në intervista të ndryshme ndër vite, Jackson Browne e ka përshkruar Ethanin si një njeri të ndjeshëm, krijues dhe një baba të përkushtuar, duke shprehur krenarinë e tij për jetën dhe rrugën që kishte ndjekur i biri. Jackson Browne ka edhe një djalë tjetër, Ryan, 43 vjeç, nga martesa e tij e mëparshme.

The post Zbulohet shkaku i vdekjes së Ethan Browne, djalit të Jackson Browne appeared first on iconstyle.al.

Vendi ynë do të ndikohet gjatë ditës së sotme nga kushte të qëndrueshme atmosferike, duke sjellë mot kryesisht të kthjellët në pjesën më të madhe të territorit. Sipas parashikimeve meteorologjike, qielli do të jetë i pastër në shumicën e zonave, ndërsa vranësirat do të shfaqen të pakta deri mesatare dhe do të jenë kalimtare, kryesisht në veri dhe pjesërisht në qendër të vendit.

Në orët e para të mëngjesit dhe gjatë mbrëmjes, pritet prezenca e mjegullës së dendur përgjatë zonave luginore, e cila mund të reduktojë ndjeshëm dukshmërinë. Si pasojë e temperaturave të ulëta, që në disa zona zbresin në vlera negative, parashikohen edhe ngrica të forta, veçanërisht në akset rrugore të brendshme dhe ato malore. Autoritetet u bëjnë thirrje drejtuesve të mjeteve që të tregojnë kujdes të shtuar gjatë qarkullimit, sidomos në orët e para të ditës dhe gjatë natës.

Era do të fryjë nga drejtimi verilindje–juglindje me një shpejtësi mesatare rreth 4 metra në sekondë. Në zonat bregdetare dhe në lugina, era pritet të forcohet, duke arritur shpejtësi deri në 7 metra në sekondë. Si pasojë, deti do të paraqitet me dallgëzim të lehtë, me forcë 1 deri në 2 ballë, pa krijuar probleme për lundrimin.

Në përgjithësi, dita do të karakterizohet nga kushte të favorshme atmosferike, por me temperatura të ulëta dhe dukuri tipike dimërore, që kërkojnë vëmendje të shtuar nga qytetarët.

The post Parashikimi i motit për ditën e sotme, 14 janar 2026! appeared first on iconstyle.al.

Surprizat nuk kanë fund në “Big Brother VIP”. Në orët e para të mëngjesit të sotëm, shtëpisë më të famshme në Shqipëri i janë bashkuar dy banorë të rinj, të cilët janë vendosur fillimisht në zonën e Akuariumit, duke shtuar menjëherë kuriozitetin dhe tensionin mes konkurrentëve.

Hyrja e parë është një emër mjaft i njohur dhe i dashur për publikun shqiptar. Bëhet fjalë për Artan Kolën, këngëtarin e njohur të muzikës shqiptare, i cili pritet të sjellë jo vetëm emocione, por edhe momente artistike brenda shtëpisë. Prania e tij është pritur me interes të madh nga publiku, ndërsa banorët e tjerë po presin të shohin se si do të pozicionohet ai në lojë.

Hyrja e dytë është Aleksandra, një banore e re që duket se do të sjellë energji të lartë dhe debate të forta. Ajo nuk humbi kohë për të treguar karakterin e saj që në prezantimin e parë. “Besnike, por edhe vullkan”, ishin fjalët me të cilat Aleksandra e përshkroi veten, duke paralajmëruar banorët se nuk do të jetë një konkurrente e lehtë dhe se nuk heziton të shprehë mendimin e saj.

Ndërkohë, mbrëmja u shoqërua edhe me një eliminim të papritur. Lore u detyrua të lërë shtëpinë e “Big Brother VIP”, duke i dhënë fund rrugëtimit të saj në këtë format. Largimi i saj u shoqërua me emocione dhe reagime të ndryshme nga banorët, të cilët e përshëndetën për lojën dhe kontributin e dhënë.

Me hyrjet e reja dhe eliminimin e Lore-s, dinamika e shtëpisë pritet të ndryshojë ndjeshëm, ndërsa gara për finalen bëhet gjithnjë e më e fortë.

The post Për ju që e humbët, këta janë dy banorët më të rinj të “BBVA” appeared first on iconstyle.al.

Për herë të parë, temperaturat mesatare të sipërfaqes në Tokë në tre vitet e fundit tejkaluan nivelin e epokës para-industriale (1850-1900) me më shumë se 1.5° Celsius, që ishte qëllimi më ambicioz i Marrëveshjes së Parisit, të miratuar një dekadë më parë, për të kufizuar rritjen e temperaturave globale.

Shkencëtarët e klimës tani e shohin si të pashmangshme që ky prag të shkelet me kalimin e kohës, me çmimin e valëve të nxehtësisë gjithnjë e më të shpeshta dhe afatgjata dhe ngjarjeve ekstreme më intensive, shkatërruese dhe vdekjeprurëse.

“Arsyeja kryesore për këto temperatura rekord është akumulimi i gazrave serrë në atmosferë, kryesisht për shkak të djegies së lëndëve djegëse fosile”, tha ajo në një konferencë për shtyp.

“Arsyeja kryesore për këto temperatura rekord është grumbullimi i gazrave serrë në atmosferë, kryesisht për shkak të djegies së lëndëve djegëse fosile”, tha Burgess. “Ndërsa gazrat serrë vazhdojnë të grumbullohen në ajër, temperaturat vazhdojnë të rriten, përfshirë edhe në oqean. Nivelet e detit vazhdojnë të rriten dhe akullnajat, akulli i detit dhe shtresat e akullit vazhdojnë të shkrihen.”

Kufiri prej 1.5 gradësh tani konsiderohet i humbur

Udhëheqësit botërorë u zotuan të kufizojnë ngrohjen globale në 1.5 gradë Celsius në Marrëveshjen e Parisit të vitit 2015. Megjithatë, tejkalimi ose afrimi i vazhdueshëm i këtij limiti gjatë tre viteve të fundit tani e bën objektivin pothuajse të paarritshëm.

“Tejkalimi i një mesatareje trevjeçare prej 1.5 gradësh mbi nivelet para-industriale është një moment historik që askush prej nesh nuk donte ta shihte”, tha Mauro Facchini, kreu i vëzhgimit të Tokës në Drejtorinë e Përgjithshme për Industrinë e Mbrojtjes dhe Hapësirën e Komisionit Evropian. “Lajmet nuk janë inkurajuese dhe nevoja për veprime urgjente klimatike nuk ka qenë kurrë më urgjente.”/tch

The post 2025, viti i tretë më i ngrohtë në histori: planeti tejkalon pragun kritik prej 1.5°C appeared first on iconstyle.al.

Presidenti i Shteteve të Bashkuara, Donald Trump, ka paralajmëruar se Uashingtoni është i gatshëm të ndërmarrë “masa shumë të forta” nëse autoritetet iraniane vazhdojnë me ekzekutimin e protestuesve që kanë dalë në rrugë kundër qeverisë në Teheran.

Gjatë një fjalimi të mbajtur në shtetin e Michigan-it, Trump u bëri thirrje qytetarëve iranianë të mos ndalen me protestat dhe të “marrin kontrollin e institucioneve”, duke theksuar se përgjegjësit për dhunën dhe represionin ndaj protestuesve do të përballen me pasoja serioze. “Për të gjithë patriotët iranianë, vazhdoni të protestoni. Ne jemi me ju”, deklaroi ai, duke shtuar se Shtetet e Bashkuara do të qëndrojnë në krah të civilëve që kundërshtojnë regjimin aktual.

Në një intervistë për CBS News, Trump sqaroi deklaratën e tij se “ndihma është duke ardhur”, duke theksuar se bëhet fjalë për mbështetje në forma të ndryshme, përfshirë ndihmën ekonomike dhe presionin diplomatik. Ai nënvizoi se kjo mbështetje nuk do të përfshijë qeverinë iraniane, por do të synojë popullin iranian dhe aspiratat e tij për liri dhe demokraci.

Presidenti amerikan foli gjithashtu për viktimat gjatë protestave, duke i cilësuar vdekjet si “një numër mjaft i konsiderueshëm” dhe shqetësues. I pyetur për raportet se disa protestues mund të ekzekutohen të mërkurën, Trump u shpreh i prerë: “Nëse ata e bëjnë një gjë të tillë, Shtetet e Bashkuara do të reagojnë me masa shumë të forta”.

Deklaratat e Trump vijnë në një kohë tensionesh të shtuara mes Uashingtonit dhe Teheranit, ndërsa komuniteti ndërkombëtar po ndjek nga afër zhvillimet në Iran.

The post Trump paralajmëron “masa shumë të forta” ndaj Iranit nëse ekzekutohen protestuesit appeared first on iconstyle.al.

Dashi

Nuk do jeni aspak ne humorin e duhur gjate kësaj dite dhe do përballeni me debate te forta me atë qe keni ne krah. Asgjë nuk do shkoje si e kishit menduar. Beqaret do hezitojnë paksa te takohen me dike, por ne fund do ju mbushet mendja plotësisht. Sektori i financave do iu nënshtrohet ndryshimeve rrënjësore. Gjendja do jete shume e mire se disa dite me pare.

Demi

Dite romantike kjo e sotmja për te gjithë ata qe janë ne një lidhje. Do dashuroheni ashtu si ta ndjeni me partnerin tuaj. Për beqaret nuk do ketë asnjë surprize, kështu qe serish do mbeten vetëm. Duhet te persin akoma edhe pak për te ndryshuar statusin. Financat do jene shume te çekuilibruara. Ndalni menjëherë çdo lloj shpenzimi sepse nuk e merrni dot me mend çfarë problemesh mund t’iu dalin.

Binjaket

Ëndrrat me te bukura te dashurisë do ju realizohen gjate kësaj dite. partneri do jete gati madje t’iu beje edhe disa premtime për te ardhmen. Beqaret do ndihen keq nga vetmia dhe mund te bëjnë ndonjë marrëzi. Kujdes! Ne planin financiar do kaloni sfida goxha te vështira, megjithatë me pak mund dhe përkujdes do mund t’ia dilni mbanë.

Gaforrja

Do jeni shume te kthjellet sot pe rate qe doni te bëni ne jetën sentimentale. Do flisni hapur me partnerin dhe ai do jete i gatshëm t’ua plotësojë dëshirat. Beqaret do jene me fat dhe do njihen me persona shume te veçante. Mos i lini këto mundësi t’iu shpëtojnë nga duart. Ne planin financiar do jeni te detyruar te merrni para hua ne mënyrë qe t’ia dilni.

Luani

Dite plot diell dhe ngjyra ko e sotmja për te dashuruarit. Do ja kaloni shume mire me atë qe keni ne krah dhe nuk do doni te ndaheni për asnjë çast. Beqaret do kenë shume ndryshime ne jetën sentimentale kështu qe duhet te bëhen gati. Financat nuk do jene ne gjendje te mire dhe kjo për shkak te shume shpenzimeve qe do ju duhet patjetër te kryeni.

Virgjeresha

Asnjë planet nuk do ndikoje drejtpërdrejt tek jeta juaj ne çift sot, prandaj gjerat do ecin me se miri. Do bëni çfarë te mundeni qe zjarri i pasionit te mos shuhet asnjë çast. Beqaret nuk do kenë asnjë takim mbresëlënës, por as nuk do mërziten qe do mbeten vetëm. Financat do jene te qëndrueshme. Mundohuni ta mbani për një kohe sa me te gjate këtë situate.

Peshorja

Marrëdhënia ne çift nuk do jete e keqe, përkundrazi do kaloni me tepër kohe pranë tij dhe do dashuroheni pa dorashka. Beqaret nuk duhet te joshin çdo person qe do ju dale para syve sepse mund te përballen me te papritura aspak te këndshme. Ne planin financiar tregohuni te arsyeshëm dhe largpamës. Po shpenzuat vetëm për t’ia plotësuar qejfin vetes, do vuani me vone.

Akrepi

Për çdo gjë do diskutoni gjere e gjate me partnerin tuaj sot. Lidhja juaj do jete aq e forte saqë askush nuk do munde dot ta prishe harmoninë. Beqaret do dashurohen pas një personi shume ndryshe nga ata, por qe kur te jete pranë do ndryshoje tërësisht. Situata financiare do jete goxha delikate dhe me vështirësi mund t’iu gjeni zgjidhje problemeve.

Shigjetari

Gjykojini mire gjerat sot para se te merrni vendime për jetën tuaj sentimentale. Po bëtë ndonjë gabim sado te vogël do i vuani pasojat me vone. Beqaret me ne fund do fillojnë një histori dashurie te qëndrueshme. Ne planin financiar duhet te tregoheni vigjilente. Po e kaluat me sukses ketë dite nuk do keni aspak probleme ne te ardhmen.

Bricjapi

Deri ne fund te ditës nuk duhet ta humbni shpresën se gjerat do përmirësohen mes jush dhe atij qe keni ne krah. Duhet vetëm pak durim dhe tolerance. Beqaret do kenë mundësi për te filluar një lidhje shume te bukur me një person qe do e njohin rishtazi. Situata financiare do vije duke u konsoliduar. Kjo do ju lejoje te kryeni edhe ndonjë shpenzim me tepër.

Ujori

Planetët do jene te pozicionuar mire sot ne jetën tuaj sentimentale. Do merrni vesh me partnerin dhe se bashku do mendoni te krijoni një te ardhme te lumtur. Beqaret do i mendojnë gjerat ne detaje prandaj nuk do kenë as guxim te fillojnë një lidhje. Financiarisht Merkuri do ju mbështesë. Gjendja do jete shume me e qëndrueshme sesa me pare.

Peshqit

Monotonia do mbizotërojë sot gjate gjithë ditës dhe ju nuk do përjetoni aspak emocionet qe aq shume keni pritur. Mundohuni me çdo mjet qe ta ndryshoni sa me pare gjendjen. Beqaret do kenë dashuri me shikim te pare ne orët e mesditës. Dite e ekuilibruar për financat. Do e dini mire sa te shpenzoni ne mënyrë qe t’iu mbeten para edhe për t’i hequr mënjanë.

The post Horoskopi ditor, e Mërkurë 14 Janar 2026 appeared first on iconstyle.al.

Me stinën e dimrit, gripi kthehet në një “armik” të padukshëm për shumë prej nesh. Megjithatë, shpesh e nënvlerësojmë këtë sëmundje dhe bëjmë disa gabime që mund të rrisin rrezikun për shëndetin.

Shumë njerëz nuk e kuptojnë se gripi nuk është thjesht një ftohje e zakonshme. Në një përqindje të vogël, simptomat mund të zgjasin javë të tëra, duke përfshirë lodhje të tepruar, vështirësi për t’u përqendruar dhe dhimbje muskujsh. Përveç kësaj, pas gripit rritet rreziku i atakut në zemër dhe i goditjes në tru. Prandaj, vaksina vjetore kundër gripit, veçanërisht nëntorin-dhjetorin, është një mënyrë e thjeshtë dhe efektive për të zvogëluar ashpërsinë e simptomave dhe komplikimet.

Një tjetër gabim i zakonshëm është mbivlerësimi i forcës tonë. Shumë prej nesh vazhdojnë aktivitetet normale edhe me simptomat e para. Por qendresa në shtëpi jo vetëm që i jep trupit kohë të rikuperohet, por mbron edhe të tjerët nga përhapja e virusit.

Gjithashtu, përdorimi i tepruar i vitaminës C ose trajtimeve shtëpiake mund të jetë i dëmshëm. Suplementet nuk duhet të kalojnë 2,000 mg në ditë për të rriturit, dhe çajrat bimorë si xhenxhefili mund të ndërveprojnë me disa ilaçe kronike.

Edhe pse nuk jeni pjesë e grupit vulnerabël, këshilla mjekësore është e rëndësishme. Ilaçet antivirale, të përdorura brenda 48 orëve të para, mund të kufizojnë simptomat dhe të parandalojnë komplikimet. Kujdesi i hershëm dhe masat e thjeshta mbrojtëse janë çelësi për të kaluar dimrin pa probleme.

The post Simptoma të zakonshme, rreziqe të nënvlerësuara: Çfarë duhet të dini për gripin appeared first on iconstyle.al.

Fakti që Selina dhe Greta nuk e treguan menjëherë marrëdhënien e tyre nga jashtë solli debate në spektaklin e sotëm.

Sipas Selinës ajo po priste një sinjal nga Greta sepse mendonte që ajo kishte pakt me produksionin për të mos treguar njohjen e tyre nga jashtë. Nderkohë Greta kur u pyet se pse kishte zgjedhur të mos e tregonte marrëdhënien e tyre u shpreh se ashtu i është dukur e arsyeshme për lojën e saj.

Pjesë nga debati:

Selin: Kam thënë që Greta pavarësisht që është banore, un nuk bëj lojë me familjen time

Greta: A mund t’i pyes banorët për çfarë janë prekur kaq shumë

Lorna: Keni mashtruar një Shqipëri të tërë kaq

Juela: Për sa i përket situatës tënde Greta, është vetëm një lojë e juaja. Objektivi yt ka qenë për të dhënë info nga jashtë

Greta: Unë kam ardhur këtu për veten time, për asnjë tjetër

Miri: E kam thënë te klipi dhe i rri deri tani, Greta ka ardhur me qëllime të qarta, duhet ta jepte informacionin se kush është sapo u fut nga jashtë

Selin: Kur e kam pyetur në dhomën e grimit nëse e di produksioni, më ka thënë po dhe un kam menduar se është marrëveshje me produksionin në mënyrë që të mos preket loja e saj për atë që ka jashtë. Un kam mbajtur qëndrimin tim dhe kam pritur sinjal nga ana e Gretës.

Ledioni: Greta pse nuk i dhe një sinjal Selinës?

Greta: Nuk kam dashur sepse kështu e kam menduar për lojën time

Selin: Unë herë pas here e kam pyetur ‘Greta ke motër, Greta je e lidhur?’ dhe në asnjë moment nuk më ka dhënë sinjal. Un mbajta qëndrim sepse edhe Ina kur u fut më tha është bërë nami në Tik-tok me ty dhe u distancova disi sepse mendova që Greta nuk do të më rrijë afër sepse i bën keq për lojën e saj.

Ledioni: A ka patur diskutim jashtë se çfarë qëndrimi?

Selin: Unë në fillim kur po bëja proceset e Bigut dhe Greta më tha ‘kam marrë një gjysmë-ftesë’ dhe më erdhi shumë mirë. Kur më konfirmoi pastaj që do futet i thashë që të lutem tregoi produksionit për marrëdhënien tonë. Dhe më tha në muhabet e sipër që mund të bëjmë edhe sikur nuk njihemi dhe i thashë, jo unë nuk e bëj dot./Bbva

The post Fshehja e marrëdhënies trazon shtëpinë, përplasje e fortë Selina–Greta appeared first on iconstyle.al.

Familja Veshaj ka ndarë sot një nga lajmet më të bukura, duke shënuar një kapitull të ri plot emocione dhe gëzim. Një anëtar i ri i është shtuar familjes së njohur, duke sjellë lumturi të madhe jo vetëm për ta, por edhe për publikun që i ndjek prej vitesh.

Edhe pse vëmendja mediatike është zakonisht e përqendruar te binjakët e famshëm Donald dhe Romeo Veshaj, këtë herë fokusi zhvendoset te vëllai i tyre, Mario Veshaj. Ai dhe partnerja e tij, Kristina Mere, janë bërë prindër për herë të parë, duke sjellë në jetë një vajzë. Lajmi është pritur me shumë entuziazëm dhe ka marrë reagime të shumta pozitive në rrjetet sociale.

Momente nga materniteti janë ndarë me publikun, duke reflektuar emocionet e forta të familjarëve. Donaldi dhe Romeo shfaqen të veshur me rroba sterile, me buzëqeshje të sinqerta dhe të dukshëm të emocionuar për rolin e tyre të ri si xhaxhallarë. Prania e tyre pranë vëllait dhe mbesës së porsalindur ka tërhequr vëmendjen e ndjekësve dhe mediave.

Një nga pamjet më prekëse është ajo ku Mario shihet duke soditur me dashuri të bijën e sapolindur, ndërsa ajo mbahet në krahë nga xhaxhai i saj. Ky moment intim familjar ka përcjellë ndjeshmëri dhe ka prekur zemrat e publikut.

Urime të shumta kanë mbërritur për çiftin, ndërsa vajza e vogël tashmë konsiderohet bekimi më i madh për familjen Veshaj, duke sjellë një fillim të ri të mbushur me dashuri dhe shpresë.

The post Lajm i ëmbël nga familja Veshaj, një vajzë i shtohet familjes appeared first on iconstyle.al.

Hajdari nuk ishte i pranishëm sot në studio, ndërsa vendin e tij e zëvendësoi moderatorja Alketa Vejsiu. E ftuar në studion e “Big Brother Albania VIP 5”, Alketa ndau momente nga fillimet e saj në televizion, duke kujtuar se dyert e Top Channel iu hapën që në moshën 14-vjeçare.

Me humor dhe nostalgji, ajo u shpreh se nëse do ta kishte vijuar rrugëtimin e saj në Top Channel, sot mund të ishte në rolin e Ledion Liços, duke prezantuar formatin e njohur të “Big Brother”. Deklarata e saj u prit si një kunjë ndaj Arbana Osmanit, prej vitesh moderatore e formatit.

“Bukur shumë. Për mua është kënaqësi e madhe të kem një partner kaq elegant. Unë jam e kënaqur për ty që kur more Big-un ia more zemrat shqiptarëve. Thash që ti po krijon një kulturë të re komunikimi dhe e bën mirë. Jam shumë e lumtur që kthehem sot, nuk e harrojë Alketën 14-vjeçe, dhe ishte një burrë, i them sot faleminderit Tani. Ai e kishte shumë të rëndësishme projektin e Big Brother.

Unë nuk e pata mundësinë ta prezantoja, e sigurt që do e kisha prezantuar po të kisha qenë këtu. Duke mos harruar ata që na japin dorën të parët, mua këtu me vjen Alketa e vogël, për atë vajzën që vinte me biçikletë dhe ndiqte pasionin. Të gjithë këta banorë po vazhdojnë një rrugë të rëndësishëm, këtë vitrinë duhet ta përdorin mirë, kartën e talentit. Do doja shumë që të ndiqnim anën e tyre njerëzore. Unë jam Motra e Madhe sot, jam Big Sister”, tha Alketa.

The post Upss! Alketa Vejsiu sapo thumboi Arbana Osmanin në “BBVA”? appeared first on iconstyle.al.

Një debat i ashpër ka shpërthyer mes Mirit, Stelinës dhe Keijsit, pas një deklarate të fortë të bërë nga ky i fundit. Keijsi akuzoi Mirin duke thënë se ai “ka blerë lule për dashnoret e tij te dyqani i Stelinës”.

Kjo deklaratë shkaktoi reagime të menjëhershme dhe nuk u prit aspak mirë nga Miri dhe Stelina, të cilët e konsideruan pretendimin provokues dhe të pavërtetë. Situata u tensionua shpejt, duke u shoqëruar me debate të forta mes palëve, që e përshkallëzuan më tej konfliktin.

Keijsi: Kam qenë aty kur ka porositur lule për dashnoret e tija, kam qenë me motrën e Stelinës

Stelina: Së pari e kam thënë që unë dhe Miri takohemi shumë shpesh në “Myslym Shyr”. Vjen në dyqan shumë shpesh. E kam sqaruar, kam zgjedhur ta mbaj të fshehtë për disa persona. Këtu paska thënë që paska dëgjuar një bisedë timen.

Keijsi: Kemi qenë bashkë. Miri mori Stelinën dhe tha nuk mund të përdorë konfidencialitetin e klientit

Stelina: Po e përdor këtë situatën për të prishur marrëdhënia time dhe të mirit. Do patjetër që ndërhyn dhe e prish këtë marrëdhënie. Është turp që më fut në kështu situatash

Keijsi: Është turp që thua nuk njihemi.

Stelina: Mos e përdor dyqanin e familjes sime se me atë hamë bukë. Po përpiqet të ulë imazhin tim. Ke ardhur këtu dhe po gënjen pa fund. Nuk e konfirmoj dhe nuk më intereson.

The post Deklarata e fortë Keisit: Miri porosiste lule për dashnoret e tij te dyqani i Stelinës, kjo e fundit e mohon appeared first on iconstyle.al.

Pothuajse të gjitha 90 mijë biletat për edicionin e këtij viti të Konkursit Evropian të Këngës, Eurovision, janë shitur brenda pak minutash, duke konfirmuar interesin e jashtëzakonshëm për eventin që do të mbahet në Vjenë. Organizatorët njoftuan se biletat për finalen e madhe u shitën për vetëm 14 minuta, ndërsa të gjitha ngjarjet e tjera u mbyllën brenda një ore.

Sipas Bashkimit Evropian të Transmetuesve (EBU), gjatë javës së Eurovision-it janë planifikuar gjithsej nëntë ngjarje, përfshirë dy prova gjenerale për çdo transmetim live. EBU sqaroi se çdo biletë e papërdorur nga delegacionet kombëtare mund të dalë sërish në shitje në një fazë të dytë. “Reagimi ka qenë fenomenal”, deklaroi drejtori i konkursit, Martin Green, duke e cilësuar interesin e publikut si dëshmi të fuqisë bashkuese të Eurovision-it.

Megjithatë, edicioni i 70-të i garës zhvillohet nën hijen e polemikave, kryesisht për shkak të pjesëmarrjes së Izraelit, në kontekstin e konfliktit të vazhdueshëm në Rripin e Gazës. Spanja, Irlanda, Islanda, Holanda dhe Sllovenia kanë njoftuar bojkotin e tyre si shenjë proteste.

Në total, këtë vit marrin pjesë 35 vende. Dy gjysmëfinalet do të mbahen më 12 dhe 14 maj, ndërsa finalja e madhe zhvillohet më 16 maj. Gjermania, Franca, Italia, Mbretëria e Bashkuar dhe Austria, si vend nikoqir, janë të kualifikuara automatikisht për finalen.

Pavarësisht debateve politike, Eurovision mbetet një nga ngjarjet më të ndjekura muzikore në botë, duke tërhequr miliona shikues dhe fansa nga e gjithë Evropa dhe më gjerë.

The post Biletat për ‘Eurovision 2026’ shitet në kohë rekord appeared first on iconstyle.al.

Këngëtari spanjoll Julio Iglesias, 82 vjeç, po përballet me akuza të rënda për sulm seksual dhe trafikim njerëzor nga dy ish-punonjëse femra, të cilat punonin në rezidencat e tij luksoze në Karaibe, Republikën Domenikane dhe Bahamas.

Sipas raportimeve të përbashkëta të elDiario.es dhe Univision Noticias, sulmet pretendohet të kenë ndodhur në vitin 2021. Gratë, e njohura me pseudonimet Rebecca dhe Laura, thonë se Iglesias i prekte në mënyrë seksuale pa pëlqimin e tyre, shpesh në prani të punonjësve të tjerë dhe në një atmosferë të tensionuar dhe kontrolluese. Rebecca tha se ndihej si “objekt” dhe “skllave”, ndërsa Laura përshkroi incidente pranë plazhit dhe pishinës, ku këngëtari e kishte prekur kundër vullnetit të saj.

Hetimi trevjeçar i mediave mbështetet në dëshmi nga 15 ish-punonjës dhe prova dokumentare, përfshirë fotografi, mesazhe WhatsApp dhe raporte mjekësore. Të dyja gratë kanë depozituar kallëzim zyrtar pranë prokurorëve në Spanjë.

Ndërsa disa ish-punonjëse e mohojnë akuzën dhe e përshkruajnë Iglesiasin si bujar dhe respektues, artisti dhe avokati i tij nuk kanë dhënë asnjë koment. Ai gjithashtu u mbrojt nga Isabel Díaz Ayuso, presidentja e Madridit, e cila e cilësoi lajmin si përpjekje për të diskredituar këngëtarin.

Hetimet vazhdojnë dhe rasti po ndjek rrugën ligjore në Audiencia Nacional të Spanjës, duke sjellë në fokus akuzat për ngacmim seksual dhe keqpërdorim të punonjësve në mjedise private të njohura për luksin dhe izolimin e tyre.

The post Julio Iglesias akuzohet për sulm seksual nga dy ish-punonjëse appeared first on iconstyle.al.