Kuvendi do të shqyrtojë në seancën plenare të së enjtes marrëveshjen e ratifikimit të pranimit të Republikës së Shqipërisë, të përfaqësuar nga Kryeministri Edi Rama, në Kartën e Bordit të Paqes.

Karta garanton ruajtjen e sovranitetit të shteteve anëtare, duke parashikuar se asnjë dispozitë e saj nuk i jep Bordit juridiksion brenda territorit të një shteti anëtar dhe as nuk e detyron një shtet anëtar të marrë pjesë në një mision specific ndërtimi paqeje pa pëlqimin e shprehur të shtetit.

Në kreun e parë të projektligjit, parashikohet krijimi i Bordit të Paqes si një organizatë ndërkombëtare, me misionin për të ushtruar funksione të ndërtimit të paqes, stabilitetit dhe rindërtimit në territore të prekura nga konflikti, në përputhje me të drejtën ndërkombëtare dhe dispozitat e Kartës së tij themeluese.

Kreu II parashikon anëtarësimin në Bord nga shtetet anëtare, në bazë të ftesës nga kryetari dhe njoftimit formal të pëlqimit për të qenë të lidhur nga kjo Kartë,

“Shtetet mund të përfaqësohen në Bord nga Kreu i shtetit ose Kreu i qeverisë. Karta garanton ruajtjen e sovranitetit të shteteve anëtare, duke parashikuar se asnjë dispozitë e saj nuk i jep Bordit juridiksion brenda territorit të një shteti anëtar dhe as nuk e detyron një shtet anëtar të marrë pjesë në një mision specific ndërtimi paqeje pa pëlqimin e shprehur të shtetit”, thuhet në projektligj.

Në draftin e qeverisë, thuhet se  karta përbëhet nga 13 krerë që rregullojnë krijimin dhe funksionimin e tij.

Ndërsa çdo shtet anëtar ka një mandat trevjeçar nga data e hyrjes në fuqi të Kartës, subjekt i rinovimit nga Kryetari i Bordit të Paqes.

“Ky afat trevjeçar nuk zbatohet për shtetet anëtare, të cilat kontribuojnë më shumë se një miliard dollar amerikanë (1 000 000 000 USD) në fonde monetare (“cash”) brenda vitit të parë nga hyrja në fuqi e Kartës”, thuhet në draftin ligjor të qeverisë.

gijotina.com/

Grupi parlamentar i PD-së njofton se ditën e nesërmen në orën 9:00 do të mblidhet në selinë blu, para nisjes së seancës plenare.

Rikujtojmë se mazhoranca bëri kërkesë për një seancë parlamentare ‘surpizë’ për të diskutuar aderimin e Shqipërisë për ratifikimin e marrëveshjes së pranimit të Shqipërisë, e përfaqësuar nga Edi Rama në Bordin e Paqes.

PD këtë kërkesë, tashmë të miratuar, e ka cilësuar si të paligjshme pasi pretendojnë se njoftimi për seancë duhet të ishte bërë dy ditë para zhvillimit të punimeve në Kuvend.

Sakaq, deputetët demokrat kanë rënë dakord të marrin pjesë nesër në Kuvend, me argumentin se pjesëmarrja e tyre do të jetë në mbështetje të përpjekjeve të presidentit të SHBA-ve, Donald Trump për paqen.

gijotina.com/

Kreu i qeverisë Edi Rama dhe vajza e presidentit të SHBA, Ivanka Trump janë larguar me një makinë drejt Orikumit.

Rama dhe Ivanka, kanë qëndruar prej më shumë se 40 minuta duke konsumuar kafe në një prej restoranteve në Vlorë.

Vizita u zhvillua nën masa të shtuara sigurie, ndërsa më herët në Vlorë mbërriti një tjetër delegacion, ku mendohet se ka qenë një përfaqësues i lartë i SHBA-së.

gijotina.com/

Reshjet e dendura të shiut kanë goditur Greqinë. Situata paraqitet katastrofike. Mediat greke raportojnë se një grua ka humbur jetën pasi një makinë është rrëmbyer nga rrjedha e ujit dhe është përplasur.

Gjithashtu moti i keq ka shkaktuar probleme të mëdha në të gjithë Atikën, me rrebeshët e rrëmbyeshëm që kanë shkaktuar imazhe të shkatërrimit biblik në shumë zona.

Gjithashtu zona të ndryshme janë përballur me ndërprerje të energjisë elektrike. Autoritetet kanë njoftuar bllokimin e Metrosë.

Ndërsa rruga Kypseli është e bllokuar totalisht pasi është kthyer në një rrezik për qytetarët. Shirat e rrëmbyeshëm kanë marrë para edhe automjetet duke shkaktuar një situatë kaotike.

gijotina.com/

Kryetari i Partisë demokratike Sali Berisha mbajti sot një bashkëbisedim me qytetarët në njësinë nr.2 Tiranë.

Gjatë bashkëbisedimit një qytetar i tha Berishës se ka ardhur koha të ndalojnë denoncimet lart e poshtë sepse sipas tij tashmë dihet mirë se kush janë hajdutërit dhe kërkoi ndryshim konkret nga PD për të fituar elektoratin që nuk e voton.

“Që PD të fitojë mbështetjen e popullit ka vetëm një ka vetëm disa rrugë të qarta. Kam dëgjuar disa foltore doktor dhe nuk më kanë pëlqyer sepse nuk duhet të vendosim gishtin te Rama apo Balluku, por të tregojmë se çfarë do bëjmë ndryshe sepse kështu i mbushet mendja asaj pjesës tjetër që nuk na voton. Janë hajdutër mjafton një herë t’ua themi një herë. Na mungon uji, energjia, ilaçet etj., por kemi 30 vite që i dëgjojmë, kur kemi dalë në 90’ kishim shumë shpresa, dhe këto shpresa i përdhosi si PD, PS dhe i gjithë rangu politik. Asnjë nuk punon për interes kombëtar, por për të pasuaruar veten dhe të gjitha ithtarët që i rrinë pas. Më falni për kritikën, por dua të jem i sinqertë sot”, tha qytetari.

Më tej ai i tha kryedemokratit se nëse vjen në pushtet duhet të kontrollojë pasurinë e të gjithë politikanëve shqiptar dhe t’iu ngrihen asete që kanë vjedhur nga populli.

“Unë kërkoj që pas ardhjes së saj në pushtet nëse ndodh, PD të kërkojë shqyrtimin e pasurisë së politikanëve nga cila anë të jetë sepse vetëm kështu krijojmë besim te populli, ku prospetriteti të jetë mes nesh. Sot nuk mund të tregoni sot nga PS, është e saktë kjo që bëni, por nuk keni aftësi juridike të denonconi sepse i gjithë sistemi gjyqësor është i kapur, është e kotë, ju denonconi lart e poshtë gjëra që dihen qartë, nëse prokuroria nuk punon ndaj atyre që shkelin ligjin, por merret se i kujt partie është, s’ka vlerë. Për të gjitha këta që denonconi ju është shume e thjeshtë, kur të vini në pushtet, bëhet një ligj për të analizuar nga kanë ardhur këto para, të ngrihen dhe t’iu kthehen atyre që iu janë marrë, premtojani popullit këtë. Ka nevojë populli për qaje serioze ndoshta s’do keni sukses”, u shpreh demokrati.

Një prej tyre i tha Berishës se PD nuk përfaqësohet nga figura të cilët kanë marrë vota, si Ilir Alimehmeti, i cili edhe pse ishte ndër më të votuarit, nuk u fut në Parlament.

“Politika së pari është përfaqësimi i interesave të grupeve të ndryshme shoqërore dhe kjo bëhet duke kandiduar njerëzit që i përfaqësuar këto interesa. Shoh  me kënaqësi, në panel është zonja Tabaku, që u bë deputete falë votave personale në listën e hapur. Në PD ka edhe shumë njerëz të tjerë të aftë, që për mendimin tim, nuk janë vlerësuar mjaftueshëm. Keni zotin Alimehmeti, kni zotin Bardh Spahia, që vjen nga një familje e nderuar. E vetmja mënyrë që të rrimë të bashkuar, është duke vlerësuar këto figura që kanë arritur të fitojnë falë forcave të tyre.”, theksoi ai.

Ndërkaq, një tjetër demokrat i vuri në dukje Berishës se me fjalimet që ai mban, kryeministri Edi Rama tallet. Demokrati i kërkoi Berishës të bëjnë greva.

Për grevat që do bëjmë në datën 24 dhe të ardhmen, duhet një qëndresë. T’i vëmë kokën muhabetit, sa do rrimë, të ndërrohemi. Jo të ikim, të mbajmë fjalim dhe të ikim. Ai ashtu tallen me. Deputetët të shpërndahen, çfarë duhet këtu. Këtu kemi të nevojshëm vetëm Sali Berishën. E vumë një Lul Basha atje, liderin ta vëmë vetë, jo ta caktojmë me gisht. “, u shpreh ai.

Berisha tha se Rama nuk meriton të jetë në qeveri pasi fitoi nga një farse zgjedhore e faktuar, ndaj sipas tij, më 24 janar të gjthë opozitarët duhet të jenë në shesh.

Një qeveri e cila bazohet në rryshfetin më të tmerrshëm publik, që jep vetëm dy ditë para zgjedhjeve 2 miliardë euro gjoba dhe kamata për 200 mijë familje, ajo as dy minuta nuk meriton të qëndrojë në pushtet dhe është e paligjshme”, tha Berisha.

Kreu i PD, tha se demokratët kanë fituar çdo betejë në rrugën që besojnë. Në kryengritje paqësore. Në qëndresë paqësore.

“Dhe kësaj here kjo kërkohet nga ne. Kësaj here kërkohet, kërkohet që ne të betuar, të mos lëshojmë sheshin gjer në realizimin e qëllimit tonë”, tha Berisha.

Pjesë nga fjala e Berishës

Sali Berisha: Gjithçka sot varet vetëm nga ne. Do të pranojmë ne këto veprime? Do të pranojmë ne që Edi Rama të jetë edhe kryeministër hajdut, edhe gjykatës, edhe prokuror? Do pranojmë ne që Edi Rama të tmerrojë, të shtrojë zgjedhjet në farsë?
Do pranojmë ne që të shkojmë përsëri në zgjedhje me Edi Ramën në zgjedhje? Jo. Prandaj dhe kjo është prova e fundit. Kilometri i fundit. Është misioni më i madh që kemi patur ndonjëherë që kur jemi krijuar gjer sot. Ja u them unë ju. Ne, ne kemi dy alternativa. Ose të rrëmbejmë armët dhe t’i përzëmë, por ne nuk jemi kjo parti. Jo. Ne
jemi parti e parimeve demokratike. Dhe kemi qenë, jemi themeluar të tillë. Dhe kjo ka qenë mrekullia jonë. Ja u them unë, në qoftë se kjo parti ka bërë, ka patur, ka bërë një mrekulli në ekzistencën e saj është se ajo edhe kur u përdor dhuna kundër saj, se kur u përdor dhuna kundër saj, ajo nuk përdori kurrë dhunën.
Nuk jemi ne. Por ne kemi fituar çdo betejë në rrugën që besojmë. Në kryengritje paqësore. Në qëndresë paqësore. Dhe kësaj here kjo kërkohet nga ne. Kësaj here kërkohet, kërkohet që ne të betuar, të mos lëshojmë sheshin gjer në realizimin e qëllimit tonë.
Vetëm njerëzit, të cilët i besojnë të vërtetës, e kanë të qartë të vërtetën, janë të vendosur për të sakrifikojnë për të, fitojnë, s’humbasin kurrë. Edhe ne tani të vërtetën e kemi përpara, e kemi të qartë, dimë gjithçka për të, jemi më të motivuar se kurrë ta mbrojmë atë.
Ndaj dhe me 24 janar të gjithë qytetarët e Tiranës dhe të Shqipërisë në Tiranë.
Të betuar që ne betejën tonë s’do e ndërpresim gjer ditën e largimit të Edi Ramës dhe ju garantoj se nuk ka forcë, nuk ka forcë në botë që atë ta mbajë në pushtet para guximit tuaj, energjisë suaj. Rrofshi ju, rroftë Tirana, rroftë Shqipëria.

gijotina.com/

Një aksident i frikshem rrugor ka ndodhur mbrëmjen e sotme në aksin Lezhë–Ishull Lezhë, pranë lagjes SMT. Një automjet tip Benz ka humbur kontrollin dhe është përplasur me një shtyllë ndriçimi, për t’u përmbysur më pas në mes të rrugës.

Fatmirësisht, drejtuesi i mjetit ka shpëtuar pa pësuar lëndime dhe ndodhet jashtë rrezikut për jetën. Në vendngjarje ka mbërritur policia, e cila ka nisur hetimet për të sqaruar shkaqet dhe rrethanat e aksidentit.

gijotina.com/

Ka mbërritur pasditen e sotme në Këshillin e Lartë Gjyqësor shkresa e Prokurorisë për gjyqtaren Irena Gjoka, e dënuar në Greqi për falsifikim vize.

Prokuroria e Përgjithshme përfundoi hetimin e thelluar për figurën e Gjokës dhe ia ka përcjellë Këshillit të Lartë Gjyqësor.

Shkresa do të shqyrtohet nga komisioni i zhvillimit të karrierës pranë KLGJ që më pas t’i përcilet mbledhjes së anëtarëve të KLGJ.

Prokuroria e Përgjithshme konfirmoi ditën e djeshme se vendimi i Gjykatës së Janinës për të dënuar gjyqtaren e GJKKO, Irena Gjoka, për falsifikim të vizës, i marrë në korrik 2005, është i vërtetë dhe autentik.

Pas një verifikimi dyvjeçar, rasti i gjyqtares iu dërgua Këshillit të Lartë Gjyqësor, i cili do të vendosë për fatin e saj.

Kreu i Partisë Demokratike, Sali Berisha komentoi verifikimin e bërë nga Prokuroria e Përgjithshme për dënimin e gjyqtares Irena Gjoka për falsifikim visazh në Greqi, që rezultoi se ajo e kishte fshehur në formularin e vetdeklarimit.

Në konferencën e sotme për mediat, kryedemokrati theksoi se u verifikua ajo që ai ka denoncuar vetë që në mars të vitit 2024. Berisha nuk kurseu sulmet ndaj saj duke e cilësuar si “falsifikatore” me vendim gjyqësor, pavarësisht se dënimi iu konvertua në gjobë.

“Irena Gjoka ka vendim penal në Greqi, si falsifikatore si dhe dy dëbime nga shteti fqinj dhe zona Shengen. Ajo është një falsifikatore e certifikuar, me vendim gjyqësor, vepër për të cilën është dënuar me burg si falsifikatore, më pas të konvertuar në gjobë. Ky vendim penal ka marrë formë të prerë. Po kështu është dëbuar dy herë nga shteti grek më 24.12.2002 dhe dy muaj më pas, 12.02.2003. Ishte në dijeni të plotë të këtyre dëbimeve dhe autorizoi avoketërit për kundërshtimin e tyre.

Avoketërit i kundërshtuan masat, ndër të tjera edhe në Gjykatë Administrative. Kjo gjykatë e rrëzoi ankimimin për shkak të parregullisë së prokurorës së lëshuar nga Irena me 5 mbiemra. Edhe këto dëbime morën formë të prerë. Vesi i falsifikimit del me shpirtin. Gjoka vazhdoi falsifikimet e saj në drejtësinë shqipare si gjyqtare në Gjykatën e Krimeve të Rënda dhe më pas në GJKKO. Ajo nuk ka raportuar dënimet e veta pranë KLGJ siç kërkohej në ligjin e ‘96 për statusin e gjyqtarëve dhe prokurorëve.”, tha Berisha.

gijotina.com/

Një incident ka ndodhur mbasditen e sotme në Fier, ku një person rreth 50 vjeç ka rënë nga kati i tretë i një pallati në lagjen Apolonia.

Burri, A.D., 50 vjeç, banor i Fierit, me profesion arsimtar, në rrethana të paqarta ka rënë nga lartësia e katit të tretë të pallatit dhe si pasojë ka përfunduar në tarracën e një verande të katit të dytë.

Burri ka mbetur i varur në pjesën e jashtme të ndërtesës. Situata ka qenë disi e rrezikshme dhe ka zgjatur disa minuta, duke shkaktuar ankth te banorët e zonës.

Ndërkohë në vendin e ngjarjes kanë mbërritur ambulanca, policia dhe shërbimi zjarrfikës, të cilët kanë bërë të mundur zbritjen e të dëmtuarit dhe transportimin e tij drejt Spitalit Rajonal Fier.

gijotina.com/

Një incident ka ndodhur mbasditen e sotme në Fier, ku një person rreth 50 vjeç ka rënë nga kati i tretë i një pallati në lagjen Apolonia.

Burri, A.D., 50 vjeç, banor i Fierit, me profesion arsimtar, në rrethana të paqarta ka rënë nga lartësia e katit të tretë të pallatit dhe si pasojë ka përfunduar në tarracën e një verande të katit të dytë.

Burri ka mbetur i varur në pjesën e jashtme të ndërtesës. Situata ka qenë disi e rrezikshme dhe ka zgjatur disa minuta, duke shkaktuar ankth te banorët e zonës.

Ndërkohë në vendin e ngjarjes kanë mbërritur ambulanca, policia dhe shërbimi zjarrfikës, të cilët kanë bërë të mundur zbritjen e të dëmtuarit dhe transportimin e tij drejt Spitalit Rajonal Fier.

gijotina.com/

Erlind Sulo është emëruar gjatë ditës së sotme zv.ministër i Infrastrukturës dhe Energjisë. Erlind Sulo dka qene me pare në krye të Agjencisë Kombëtare të Burimeve Natyrore (AKBN).

Ai ka mbajtur kreun e Koorporatës Elektro-Energjetike Shqiptare. Më parë ai ka qenë drejtor i FRESH në Sarandë dhe më vonë është emëruar edhe drejtor i Parkut të Butrintit.

Njoftimi i qeverisë:

Njëherësh u miratuan dhe emërime dhe lirime nga detyra të disa funksionarëve në institucione shtetërore:

– Z. Erlind Sulo emërohet zëvendësministër i Infrastrukturës dhe Energjisë.

– Z. Piro Misha, drejtor i Bibliotekës Kombëtare, lirohet nga kjo detyrë.

– Z. Emiljan Jani, prefekt i Qarkut të Durrësit, lirohet nga kjo detyrë.

– Z. Adrian Gurra emërohet prefekt i Qarkut të Durrësit.

– Z. Nertil Jole, prefekt i Qarkut të Korçës, lirohet nga kjo detyrë.

– Znj. Florinda Zegullaj emërohet prefekt i Qarkut të Korçës.

– Z. Shkëlqim Hajdari, inspektor i Përgjithshëm i Inspektoratit të Përgjithshëm, lirohet nga kjo detyrë.

gijotina.com/

Gjykata e posaçme e Apelit ka ndryshuar masën e sigurimit për Taulant Tushen, i arrestuar në kuadër të çështjes së 5D.

Taulant Tusha, ish-drejtor i Planifikimit të Punëve Publike dhe komisionit të prokurimeve publike në bashkinë e Tiranës, akuzohet për shkelje të barazisë në tendera, e kryer dy herë dhe e kryer në bashkëpunim.

Kryeministri Edi Rama ka mbërritur në Vlorë, ku pritet të zhvillojë një takim me vajzën e Presidentit amerikan, Ivanka Trump. Bëhet me dije se vizita po zhvillohet nën masa të shtuara sigurie, ndërsa nuk janë bërë ende publike detaje mbi axhendën dhe temat që do të diskutohen gjatë takimit.

Ndërkohë, Ivanka Trump dhe bashkëshorti i saj, Jared Kushner mbërritën së bashku paraditen e kësaj të mërkure.

Ivanka Trump dhe bashkëshorti i saj Jared Kushner, i shoqëruar kanë vizituar disa zona të qytetit bregdetar, mes tyre Zvërnecin dhe zonën e Portonovës në Vlorë. Siç shikohet edhe nga videoja, ata kanë zgjedhur të shkrepin edhe foto në këto zona.

Çifti, Trump-Kushner, mbërritën në Vlorë paraditen e kësaj të mërkure, ndërsa mësohet se kanë mbajtur takime private me arkitektë të njohur. Vizita e tyre konsiston në vlerësimin e infrastrukturës ekzistuese dhe mundësive që kjo zonë ofron për projekte të ardhshme.

gijotina.com/

 

Arbër Kola, aktivist i PD, së fundmi i pozicionuar në lëvizjen e Ervin Salianjit, ka zhvilluar disa takime te rendesishme në Forumin e Davos-it.

Disa nga personazhet e njohur që ka takuar ishin ish-Kryeprokurori Federal amerikan Michael Sherwin,
Cherie Blair, Robert Cahaly i njohur për sondazhet e tij pro Trump, ish Agjendin e FBI Chris Voss por dhe protagonist të Hollywood si Kelsey Grammer, autoren e revistes Time Jessica Sibley dhe organizatorin e HITDavos Dustin Plantholt.

Ai thekson se fokusi i bisedave të tij ka qenë Ballkani Perëndimor dhe Sidomos keqqeverisja e Ramës dhe se vendi kërkon alternativë!

gijotina.com/

 

Faik Curri ka marrë shumicën e parave që shpërndan kryeministri Rama nëpërmjet Fondit Shqiptar të Zhvillimit për projektet e infrastrukturës turistike. Në këtë kuadër drejtori i FSHZH, Dritan Agolli për Currin e anon peshoren edhe sikur përballë të jenë 20 kompani. Për oligarkun shkelet barazia në tendera, sepse ligjet janë për më të dobëtit.

“Skualifikim i të gjithë operatorëve konkurrues përvec fituesit. Kusht: fituesi nuk është operatori me ofertën më të ulët”, kështu e klasifikon Open Data Albania tenderin e fundit të Agollit.

Bëhet fjalë për tenderin me objekt të gjerë “Investime për infrastrukturën e tregjeve, hapësirave tregtare, multifunksionale, rrugë tregtare në zona model zhvillimi, etj. Faza III Rajonet 1&2: Ndërhyrje për rritjen e ofertës turistike dhe për përmirësimin funksional dhe estetik të bregdetit, Bashkia Durrës”.

Fondi limit i cakuar për këtë projekt është 540,893,816 lekë pa TVSH. Dhe burimi i financimit është parashikuar në programet buxhetore të qeverisë për periudhën 2025-2027.

Data e Njoftimit të Tenderit, sipas dokumenteve ishte më 4 dhjetor 2025, ndërsa procedura është mbajtur më 22 dhjetor 2025, ku janë paraqitur 20 operatorë ekonomikë dhe bashkime kompanish.

Pas disa ditësh, operatorët janë njoftuar se 18 prej tyre janë skualifikuar, duke lënë mbi tryezën e Agollit vetëm zarfet e dy kompanive, ku njëra është “Curri” shpk, me pranar oligarkun e ndërtimit Faik Curri.

Më 14 janar 2026, Curri është shpallur fitues me ofertën 452,597,010 lekë pa TVSH. Por sic del nga dokumentet e prokurimit, kjo nuk ishte oferta më e ulët dhe më ekonomike.

Konkretisht “SHKELQIMI 07” shpk ka bërë ofertën më të ulët me vlerë 400,000,007 lekë pa tvsh.

Po ashtu, kompania “ALBA KONSTRUKSION” shpk ka bërë ofertën me vlerë 426,631,098 lekë pa tvsh.

Ndërsa “AGI KONS” sh.p.k,  ka propozuar ta bëjë këtë punë me 419,164,402 lekë pa tvsh. Gjithashtu bashkimi i operatorëve ekonomik “T & XH” shpk & “2 T” shpk ka bërë ofertën me vlerë 449,147,650 lekë pa tvsh.

Edhe bashkimi i operatorëve “SENKA” shpk & “G.P.G COMPANY” shpk ka prezantuar ofertë më të ulët 448,921,105.50 lekë pa tvsh. Ndërsa “LIQENI VII” shpk & “ULZA” sh.p.k propozuan vlerën 431,745,088 lekë pa tvsh.

Në këtë linjë kompania e oligarkut tjetër, Pëllumb Salillari, “SALILLARI ” sh.p.k ka bërë ofertë më të ulët, 480,000,000.00 lekë pa tvsh

Kurse bashkimi i operatorëve “EURONDERTIMI 2000” sh.p.k & “MANE/S” sh.p.k ka bërë ofertën me vlerë 442,189,223.00 lekë pa tvsh. Edhe oferta e kompanisë  “VELLEZERIT HYSA” sh.p.k është me vlerë më të ulët 445,005,762 lekë pa tvsh.

Akoma më poshtë është vlera e propozuar nga “RAFIN COMPANY” sh.p.k & “NDREGJONI” sh.p.k, 434,811,923.00 lekë pa tvsh. Në këtë nivel është edhe oferta e “ВАМІ HOLDING” sh.p.k me vlerë 445,005,762.32 lekë pa tvsh.

Po ashtu, “LIS KONSTRUKSION” shpk ka prezantuar ofertën me vlerë 450,046,687 lekë pa tvsh.

Ndër ofertat më të ulëta është edhe e bashkimit të operatorëve ekonomikë “PE – VLA – KU” sh.p.k, & “BIBA-X” sh.p.k. me vlerë 339,894,810.63 lekë pa tvsh. Në të nëjtin nivel është edhe “JUNIK” sh.p.k me vlerë 427,379,422.66 lekë pa tvsh.

Pavarësisht këtyre ofertave, Agolli nuk u tundua, por vazhdoi aty ku e kishte lënë me Faik Currin.

Projekti i shtrenjtë nuk është gjë tjetër vecse kozmetikë mbi investimet e viteve të kaluara, që i del boja pa u përuruar akoma. Beton, kangjella, ndonjë palma ose pishë sa për foto dhe avullojnë miliarda lekë. Projekti përfshin pjesën nga Kovalishenca deri tek Porti i Durrësit, me gjatesi 2.8 km. Qëllimi me sa duket është t’i jepet pak pamje investimit në pallate që po bën Alabbar nga Dubai.

Rama i bën video 3D shëtitores së Currit

Pa mbaruar akoma punimet, më 14 qershor 2023 kryeministri Rama e shiste këtë rrugicën në foton më poshtë për shetitore në Plazhin e Durrësit.

Kjo rrugicë që është vetëm 3 km e gjatë kishte marrë më parë paratë e bashkisë Durrës për kanalizime, asfaltim, ndricim dhe gjelbërim. Ndërsa më 15 korrik 2022 erdhi Faik Curri dhe arkëtoi paratë e tenderit të Dritan Agollit 416,606,400 lekë të reja pa TVSH. Pikërisht këtë xhevair e promovonte Edi Rama.

Ky tender përfshinte ndërtimin e shëtitores nga Ura e Dajlanit deri te Kavalishenca. Më konkretisht bëhet fjalë për kontratën me numër reference REF-34703-06-28-2022 dhe me objekt “Transformimi urban në hapësira publike kryesore (rajoni 1 dhe 2), ndërtimi i shëtitores së plazhit nga ura e dajlanit deri në godinën e kavalishencës”.

Dhe tani, i njëti projekt paketohet ndryshe, i vihet një emër më i gjatë, i shtohet fondi limit dhe sërish i jepet oligarkut të besuar Faik Curri. Ndryshon vetëm segmenti.

Curri në të njëjtën kohë merr shumë projekte, sepse kjo është metoda e FSHZH, për shpërndarjen e fondeve në pak duar tek bizesmenë të porositur nga lart, duke funksionuar si hinkë. Në këtë periudhë Currit i është dhënë edhe tenderi me objekt “Investime për transformimin e aseteve publike me potencial zhvillimi në modele të standardit më të lartë të zhvillimit, Loti 2 “Kompleksi i Dijes, Korçë”.

Duke parë vlerën e lartë të tenderit, 474,325,344 lekë (pa TVSH) janë paraqitur menjëherë 17 oferta të ndryshme. Dhe gjatë këtij muaji supozohej që komisioni i vlerësimit të ofertave të shqyrtonte me kujdes secilën prej tyre, por ka ndodhur e kundërta.

Më datë 13 dhjetor 2023, FSHZH ka shpallur fituesin, pasi i kishte skualifikuar të gjitha kompanitë e tjera. Open Data Albania evidenton se procesi nuk është zhvilluar sipas ligjit. Shihet se Dritan Agolli ka përjashtuar nga gara 16 ofertat dhe ja lënë mbi tavolinën e tij vetëm koktejlin e operatorëve  “XHENGO SHPK” – “CURRI” sh.p.k, me propozimin 3.5 miliardë lekë.

Dhe pa mbaruar këto punë, Curri është thirrur për një tender tjetër të Fondit Shqiptar të Zhvillimit me objekt “Ndërhyrje në infrastrukturën turistike të aventurës, Zip line, ura të varura, Via ferrata, parqe aventure, etj.”.

Vlera e kontratës, sipas dokumenteve, është 173,403,831 lekë me TVSH. Qëllimi i këtij investimi është hartimi i projektit sipas fazave, nxjerrja e lejeve përkatëse, realizimi i punimeve të ndërtimit dhe dorëzimi i objektit të përfunduar me “çelësa në dorë”. Deri tani asnjë celës nuk është dorëzuar!

Agolli e publikoi hapjen e tenderit më 12 shkurt 2025 ndërsa data e dorëzimit të ofertave ishte më 28 shkurt 2025.

“Curri” shpk nuk e meritonte ta fitonte këtë tender sepse kishte oferta më të ulëta. Në këtë procedurë ishin 5 pjesëmarrës, por e gjitha duket se është formale, pasi fituesi është vendosur jashtë komisionit.

Projekti përbëhet nga 8 Zip Line dhe 2 Via Ferrata të shpërndara në disa bashki. Më konkretisht, do të ndërtohen kavo për të rrëshqitur nga një lartësi dhe kavo për alpinizëm në shtigje malore.

Në listën e objekteve të dëshirave të Agollit janë: Ndërtim i Zip Line në kullën 360° në parkun kombëtar të Divjakës; në liqenin e Roshnikut, Berat; në kullën panoramike mbi liqenin e qytetit të Belshit, në liqenin e Grekanit, në Belsh; në liqenin e Funarit, Elbasan; në liqenin e Gjelbër, në fshatin Lalëz, Durrës; në Margegaj, Bajram Curri; në Voskopojë. Po ashtu do të shtrihet Via Ferrata në Buronjat e Kuçit, Nj. Administrative Horë – Vranisht dhe në kanionin e Gjipes, Bashkia Himarë.

Hetimi i SPAK

Kujtojmë se drejtori i FSHZH, Dritan Agolli, është pronar i një kompanie e quajtur ‘Magnum Opus’ group me objekt studime në nivel strategjik, menaxherial, operacional, analiza, vrojtime, sondazhe, konsulencë, shërbime administrative etj.

Kompania rezulton që ka marrë para publike. Agolli ka siguruar para publike përmes nënkontraktimeve dhe kompaninë që u ka dhënë tendera publik.

Ka një marrëdhënie që kreu i FSHZH ka kryer me kompani private, me të cilët i ka lidhur interesi.

Një vit pasi Agolli është emëruar në krye të FSHZH, i biri i tij deklaron se gjyshi i ka dhuruar një shtëpi me sipërfaqe gati 1550 metra/katror, ndërsa Agolli ka deklaruar në institucionin kundër pastrimit të parave se ka shitur një apartament 360 mijë euro, ndërkohë që vlera e tij ka qenë gjysmë për gjysmë në kohën e blerjes.

Me këtë lëvizje ka justifikuar blerjet e apartamenteve dhe garazheve ku ai jeton dhe i ka pronë të tij. Bëhet fjalë edhe për një shumë që do t’ia kalonte biznesit të djalit të tij, 400 mijë euro.

©️Copyright Gijotina.com

Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi Parlamentar i Partisë Demokratike ka bërë të ditur se deri në orën 16:40 të ditës së sotme nuk ka marrë asnjë njoftim nga Kryetari i Kuvendit për zhvillimin e një seance plenare gjatë kësaj jave.

Sipas njoftimit, me vendim të mazhorancës në seancën plenare të datës 19 janar 2026, në Kalendarin e Punimeve të Kuvendit është përcaktuar se këtë javë nuk do të zhvillohet seancë plenare. Seanca e rradhës është planifikuar për të mbajtur më 27 janar.

Partia Demokratike thekson se sipas pikës 3 të nenit 27/1 të Rregullores së Kuvendit, mbledhja e seancës plenare dhe rendi i ditës duhet të njoftohen për deputetët dhe publikun si rregull 7 ditë përpara, por jo më vonë se 2 ditë përpara datës së caktuar.

“Në respekt të transparencës dhe llogaridhënies ndaj qytetarëve, Kuvendi duhet të respektojë rregullat e parashikuara nga Kushtetuta dhe Rregullorja, duke garantuar përgjegjshmërinë e secilit deputet gjatë ushtrimit të funksionit të tij kushtetues,” thekson Grupi Parlamentar i PD-së në njoftim.

Ditën e nesërme, më 22 janar, në orën 10:00 do të zhvillohet seanca plenare e Kuvendit të Shqipërisë për ratifikimin e aderimit të vendit në Bordin e Paqes për Gazën.

Sipas urdhrit të kryetarit të Kuvendit, Niko Peleshi, seanca do të mblidhet me kërkesën e një të pesta të deputetëve të Grupit Parlamentar të Partisë Socialiste.

Rendi i ditës së seancës plenare përfshin njoftime dhe shqyrtimin e projektligjit titulluar.

“Për miratimin, në parim, të marrëveshjes së pranimit të Republikës së Shqipërisë, paraqitur nga Kryeministri Edi Rama, në Kartën e Bordit të Paqes”.

Ky hap përbën një moment të rëndësishëm në politikën e jashtme të Shqipërisë, duke shënuar përfshirjen e vendit në një mekanizëm ndërkombëtar për paqen dhe stabilitetin në rajonin e Gazës.

GJKKO  ka shpallur këtë të martë vendimin për vrasjen e ish-policit Santiago Malko, ngjarje e ndodhur më 27 gusht 2019 në Tiranë.

Sipas njoftimit zyrtar të GJKKO-së, trupa gjykuese vendosi dënimin me 30 vite burg për të pandehurin Leonard Duka, i cili u gjet fajtor për përfshirje në vrasjen e Malkos.

Ndërkohë, Erlis Duka u shpall i pafajshëm për akuzën e vrasjes, si edhe për të gjitha episodet e tjera që lidhen me armëmbajtjen pa leje.

Për të, gjykata vendosi heqjen e masës së sigurisë, duke e liruar plotësisht nga të gjitha akuzat.

GJKKO dënoi me 25 vite burg Fatmir Hysenin, i njohur me nofkën “Doça”, si edhe Aleksandër Manxhakun. Po ashtu, me 25 vite burg u dënua edhe Oltian Loga.

Më herët, për këtë çështje janë dënuar edhe Blendi Teta dhe Ilir Selmani.

Santiago Malko u ekzekutua në gusht të vitit 2019, pasi grupi kriminal, sipas hetimeve, kishte dështuar në një atentat të planifikuar ndaj Ervis Martinajt, të cilin e konsideronte si kundërshtar të përbetuar.

Sipas dosjes hetimore, përplasja mes Leonard Dukës dhe Ervis Martinajt lidhej me konfliktet për kontrollin e lojërave të fatit.

Njoftimi i GJKKO:

1. Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Gjykimin e çështjes penale në ngarkim të të pandehurve Leonard Duka, Erlis Duka, Fatmir Hyseni (alias Musai), Aleksandër Maxhaku, Oltian Loga dhe Dritan Agaj”.

2. Gjykimi i kësaj ҫështje u zhvillua me rregullat e gjykimit të zakonshëm. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Rudina Palloj, Elsa Ulliri dhe Gerd Hoxha, me vendimin nr. 5, datë 21.01.2026 vendosi:

1. Deklarimin fajtor të të pandehurit Leonard Duka, për kryerjen e veprës penale “Vrasja me paramendim”, e kryer në bashkëpunim, në kuadër të grupit të strukturuar kriminal, në dëm të viktimës S.M (ngjarja e datës 27.08.2019), parashikuar nga nenet 78, pg 2 në lidhje me nenet 28/4 dhe 334, pika 2 të Kodit Penal, dhe në bazë të këtyre dispozitave dënimin e tij me 28 (njëzet e tetë) vite burgim.

2. Deklarimin e pafajshëm të të pandehurit Leonard Duka, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e kryer në bashkëpunim, në formën e grupit të strukturuar kriminal, parashikuar nga neni 278, pg 1 në lidhje me nenet 28/4 dhe 334, pika 1 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet.

3. Deklarimin fajtor të të pandehurit Leonard Duka, për kryerjen e veprës penale “Grupi i strukturuar kriminal”, parashikuar nga neni 333/a pg 1 i Kodit Penal, dhe në bazë të kësaj dispozite dënimin e tij me 5 (pesë) vite burgim.

4. Deklarimin fajtor të të pandehurit Leonard Duka, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit, parashikuar nga neni 278 paragrafi 3 të Kodit Penal, (municionit) (ngjarja e datës 08.04.2019), parashikuar nga neni 278 pg 3 i Kodit Penal, dhe në bazë të kësaj dispozite dënimin e tij me 4 (katër) muaj burgim.

5. Deklarimin fajtor të të pandehurit Leonard Duka, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”(armët e zjarrit) (ngjarja e datës 08.04.2019), parashikuar nga neni 278 pg 4 i Kodit Penal, dhe në bazë të kësaj dispozite dënimin e tij me 1 (një) vit burgim.

6. Pushimin e çështjes në ngarkim të të pandehurit Leonard Duka, akuzuar për kryerjen e veprës penale “Prodhimi dhe shitja e narkotikeve (ngjarja e datës 08.04.2019), parashikuar nga neni 283 pg 1 i Kodit Penal, në referim të nenit 387, pika 1 dhe 328 pika 1, të K.Pr.Penale, pasi fakti nuk përbën vepër penale.

7. Bazuar në nenin 55 të Kodit Penal, në bashkim të dënimeve i pandehuri Leonard Duka dënohet me një dënim të vetëm prej 30 (tridhjetë) vite burgim.

8. Llogaritja e dënimit fillon nga dita e arrestimit dhe dënimi me burgim nga i pandehuri Leonard Duka do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.

9. Deklarimin e pafajshëm të të pandehurit Erlis Duka, për kryerjen e veprës penale “Vrasja me paramendim”, e kryer në bashkëpunim, në kuadër të grupit të strukturuar kriminal, në dëm të viktimës S.M,(ngjarja e datës 27.08.2019) parashikuar nga nenet 78 pg 2 në lidhje me nenet 28/4 dhe 334, pika 2 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet.

10. Deklarimin e pafajshëm të të pandehurit Erlis Duka, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e kryer në bashkëpunim, në formën e grupit të strukturuar kriminal, parashikuar nga neni 278, pg 1 në lidhje me nenet 28/4 dhe 334, pika 1 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 11. Deklarimin e pafajshëm të të pandehurit Erlis Duka, për kryerjen e veprës penale “Grupi i strukturuar kriminal”, parashikuar nga neni 333/a pg 1 i Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 12. Bazuar në nenet 261 dhe 389 të Kodit të Procedurës Penale, heqjen e masës së sigurimit personal “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Erlis Duka me vendimin nr. 145 datë 10.10.2019 të ish/Gjykatës së Shkallës së Parë për Krime të Rënda Tiranë. 13. Deklarimin fajtor të të pandehurit Fatmir Hyseni (alias Musai), për kryerjen e veprës penale “Vrasja me paramendim”, e kryer në bashkëpunim, në kuadër të grupit të strukturuar kriminal, në dëm të viktimës S.M,(ngjarja e datës 27.08.2019) parashikuar nga nenet 78 pg 2 në lidhje me nenet 28/4 dhe 334, pika 2 të Kodit Penal, dhe në bazë të këtyre dispozitave dënimin e tij me 25 (njëzet e pesë) vite burgim. 14. Deklarimin e pafajshëm të të pandehurit Fatmir Hyseni (alias Musai), për kryerjen e veprës penale“Mbajtja pa leje dhe prodhimi i armëve, armëve shpërthyese dhe i municionit”, e kryer në bashkëpunim, në formën e grupit të strukturuar kriminal, parashikuar nga neni 278, pg 1 në lidhje me nenet 28/4 dhe 334, pika 1 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 15. Deklarimin fajtor të të pandehurit Fatmir Hyseni (alias Musai), për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim. 16. Bazuar në nenin 55 të Kodit Penal, në bashkim të dënimeve i pandehuri Fatmir Hyseni (alias Musai) dënohet me një dënim të vetëm prej 25 (njëzet e pesë) vite burgim. 17. Llogaritja e dënimit fillon nga dita e ekzekutimit dhe dënimi me burgim nga i pandehuri Fatmir Hyseni (alias Musai) do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”. 18. Deklarimin fajtor të të pandehurit Aleksandër Maxhaku, për kryerjen e veprës penale “Vrasja me paramendim”, e kryer në bashkëpunim, në kuadër të grupit të strukturuar kriminal, në dëm të viktimës S.M,(ngjarja e datës 27.08.2019) parashikuar nga nenet 78 pg 2 në lidhje me nenet 28/4 dhe 334, pika 2 të Kodit Penal, dhe në bazë të këtyre dispozitave dënimin e tij me 25 (njëzet e pesë) vite burgim. 19. Deklarimin e pafajshëm të të pandehurit Aleksandër Maxhaku, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e kryer në bashkëpunim, në formën e grupit të strukturuar kriminal, parashikuar nga neni 278, pg 1 në lidhje me nenet 28/4 dhe 334, pika 1 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 20. Deklarimin fajtor të të pandehurit Aleksandër Maxhaku, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim. 21. Bazuar në nenin 55 të Kodit Penal, në bashkim të dënimeve i pandehuri Aleksandër Maxhaku dënohet me një dënim të vetëm prej 25 (njëzet e pesë) vite burgim. 22. Llogaritja e dënimit fillon nga dita e ekzekutimit dhe dënimi me burgim nga i pandehuri Aleksandër Maxhaku do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”. 23. Deklarimin fajtor të të pandehurit Oltian Loga, për kryerjen e veprës penale “Vrasja me paramendim”, e kryer në bashkëpunim, në kuadër të grupit të strukturuar kriminal, në dëm të viktimës S.M,(ngjarja e datës 27.08.2019) parashikuar nga nenet 78 pg 2 në lidhje me nenet 28/4 dhe 334, pika 2 të Kodit Penal, dhe në bazë të këtyre dispozitave dënimin e tij me 25 (njëzet e pesë) vite burgim. 24. Deklarimin e pafajshëm të të pandehurit Oltian Loga, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e kryer në bashkëpunim, në formën e grupit të strukturuar kriminal, parashikuar nga neni 278, pg 1 në lidhje me nenet 28/4 dhe 334, pika 1 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 25. Deklarimin fajtor të të pandehurit Oltian Loga, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim. 26. Deklarimin e pafajshëm të të pandehurit Oltian Loga, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit, parashikuar nga neni 278 paragrafi 3 të Kodit Penal, (municionit) (ngjarja e datës 08.04.2019), parashikuar nga neni 278 pg 3 i Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 27. Deklarimin e pafajshëm të të pandehurit Oltian Loga, për kryerjen e veprës penale “Mbajtja pa leje dhe prodhimi i ameve, armeve shpërthyese dhe i municionit”(armët e zjarrit) (ngjarja e datës 08.04.2019), parashikuar nga neni 278 pg 4 i Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 28. Pushimin e çështjes në ngarkim të të pandehurit Oltian Loga, akuzuar për kryerjen e veprës penale “Prodhimi dhe shitja e narkotikeve (ngjarja e datës 08.04.2019), parashikuar nga neni 283 pg 1 i Kodit Penal, në referim të nenit 387, pika 1 dhe 328 pika 1, të K.Pr.Penale, pasi fakti nuk përbën vepër penale. 29. Deklarimin fajtor të të pandehurit Oltian Loga, për kryerjen e veprës penale “Largimi i të burgosurit nga vendi i qëndrimit”, parashikuar nga neni 323 pg 1 i Kodit Penal, dhe në bazë të kësaj dispozite dënimin e tij me 6 (gjashtë) muaj burgim. 30. Bazuar në nenin 55 të Kodit Penal, në bashkim të dënimeve i pandehuri Oltian Loga dënohet me një dënim të vetëm prej 25 (njëzet e pesë) vite burgim. 31. Llogaritja e dënimit fillon nga dita e ekzekutimit dhe dënimi me burgim nga i pandehuri Oltian Loga do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”. 32. Deklarimin fajtor të të pandehurit Dritan Agaj, për kryerjen e veprës penale “Vrasja me paramendim”, e kryer në bashkëpunim, në kuadër të grupit të strukturuar kriminal, në dëm të viktimës S.M,(ngjarja e datës 27.08.2019) parashikuar nga nenet 78 pg 2 në lidhje me nenet 28/4 dhe 334, pika 2 të Kodit Penal, dhe në bazë të këtyre dispozitave dënimin e tij me 25 (njëzet e pesë) vite burgim. 33. Deklarimin e pafajshëm të të pandehurit Dritan Agaj, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, e kryer në bashkëpunim, në formën e grupit të strukturuar kriminal, parashikuar nga neni 278, pg 1 në lidhje me nenet 28/4 dhe 334, pika 1 të Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 34. Deklarimin fajtor të të pandehurit Dritan Agaj, për kryerjen e veprës penale “Grupi i strukturuar kriminal”, parashikuar nga neni 333/a pg 2 i Kodit Penal, dhe në bazë të kësaj dispozite dënimin e tij me 3 (tre) vite burgim. 35. Deklarimin e pafajshëm të të pandehurit Dritan Agaj, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit, parashikuar nga neni 278 paragrafi 3 të Kodit Penal, (municionit) (ngjarja e datës 08.04.2019), parashikuar nga neni 278 pg 3 i Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 36. Deklarimin e pafajshëm të të pandehurit Dritan Agaj, për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”(armët e zjarrit) (ngjarja e datës 08.04.2019), parashikuar nga neni 278 pg 4 i Kodit Penal, në referim të nenit 388, pika 1, shkronja d) të K.Pr.Penale, pasi nuk provohet që e ka kryer veprën penale për të cilën akuzohet. 37. Pushimin e çështjes në ngarkim të të pandehurit Dritan Agaj, akuzuar për kryerjen e veprës penale “Prodhimi dhe shitja e narkotikeve (ngjarja e datës 08.04.2019), parashikuar nga neni 283 pg 1 i Kodit Penal, në referim të nenit 387, pika 1 dhe 328 pika 1, të K.Pr.Penale, pasi fakti nuk përbën vepër penale. 38. Bazuar në nenin 55 të Kodit Penal, në bashkim të dënimeve i pandehuri Dritan Agaj dënohet me një dënim të vetëm prej 25 (njëzet e pesë) vite burgim. 39. Llogaritja e dënimit fillon nga dita e ekzekutimit dhe dënimi me burgim nga i pandehuri Dritan Agaj do të vuhet në një burg të sigurisë së lartë, në referim të parashikimeve të nenit 16, pika 1, shkronja a) të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”. 40. Në bazë të nenit 190, pika 1 të K.Pr.Penale e sekuestruara, disponohen si më poshtë: – Automjeti tip “Skoda Roomster’’ me targa **** – të konfiskohet duke kaluar në favor të shtetit; – Automjeti Volkzvagen Golf 5 me targë **** – të konfiskohet duke kaluar në favor të shtetit; – Aparat celular i shtetasit R.M, i markës Huawei seria P30, me nr.IMEI: **** dhe IMEI 2: ****, me kartë SIM me nr.telefoni ****, nr. telefoni **** – t’i kthehet personit që i përket. – Portofol Luis Vuiton ngjyrë e zezë (gjetur në automjetin Audi8) i cili në brendësi të tij ka katër kartëmonedha 50 euro, 1 kartëmonedhë 20 euro,1 kartëmonedhë 10 euro, një kartë Credins Bank, dhe një copë letër e verdhë – t’i kthehet personit që i përket. – Automjeti mercedez benz CLS me targa **** – të qëndrojë në ruajtje në funksion të proçedimit të ndarë. – Dy telefonat e viktimës S.M: Celular i markës IPHONE X me nr. IMEI **** me kartë SIM me nr. **** dhe Blackberry me kartë Sim Telekom me nr. **** – të qëndrojë në ruajtje në funksion të proçedimit të ndarë. – Dy aparate celulare të të pandehurit Leonard Duka: Një aparat celular i markës Samsung me nr. IMEI: **** dhe IMEI 2: **** dhe një aparat celular me mbishkrimin **** me nr. të stampuar në pjesën e pasme të tij **** me nr. IMEI: **** dhe IMEI 2: **** – të qëndrojë në ruajtje në funksion të proçedimit të ndarë. – Aparat celular i markës Samsung i të pandehurit Dritan Agaj me nr. IMEI : **** dhe IMEI2: **** – të qëndrojë në ruajtje në funksion të proçedimit të ndarë. – Aparate celulare të markës: Samsung model SM-G965F me nr.IMEI **** dhe IMEI2: ****; Samsung model SMJ320FN me nr.IMEI: ****; IPHONE model A1586 me nr. IMEI: **** ku brenda tij ka kartën SIM me nr.serial **** – të qëndrojë në ruajtje në funksion të proçedimit të ndarë. – Një USB me mbishkrimin ****, sekuestruar në automjetin Skoda me targë ****; Një fletore me vija të gjera ku në kapakun e saj ka mbishkrimin “****” në faqen e parë fillon me muajin Qershor, e shkruar me shkrim dore dhe vijon me targën e automjetit **** etj; Një DVR me nr.serial ****, IP adrese **** (e sende te tjera të lëna në ruajtje në Drejtorinë Vendore të Policisë Tiranë) – të qëndrojë në ruajtje në funksion të proçedimit të ndarë. 41. Shpenzimet procedurale në fazën e hetimeve paraprake si dhe shpenzimet gjyqësore (sipas formularit përkatës bashkëlidhur) i ngarkohen të pandehurve te deklaruar fajtorë, në mënyrë solidare. 42. Kundër vendimit mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 (pesëmbëdhjetë) ditëve, duke filluar ky afat nga e nesërmja e komunikimit të vendimit të arsyetuar. Tiranë, më datë 21.01.2026 Gjykata e Posaçme e Shkallës së Parë për Korrupsionin dhe Krimin e Organizuar

 

Ministri i Drejtësisë, Besfort Lamallari prezantoi sot në Komisionin e Ligjeve në Kuvend një paketë të gjerë ndryshimesh në Kodin Penal, të cilën e cilësoi si një reformë strategjike për forcimin e shtetit të së drejtës, rritjen e sigurisë publike dhe përmbushjen e detyrimeve të Shqipërisë në procesin e integrimit evropian.

Gjatë fjalës së tij, ministri theksoi se projektligji nuk është një ndërhyrje thjesht teknike, por rezultat i një analize të thelluar të problematikave reale në terren dhe i harmonizimit të plotë me standardet e Bashkimit Evropian, në kuadër të Kapitullit 24 të negociatave “Drejtësia, Liria dhe Siguria”.

Sipas ministrit, ndryshimet përafrojnë legjislacionin penal shqiptar me shtatë instrumente kyçe të BE-së, duke forcuar luftën kundër pastrimit të parave, trafikimit të drogës dhe qenieve njerëzore, terrorizmit, shfrytëzimit seksual të fëmijëve, si dhe mbrojtjen e interesave financiare të Bashkimit Evropian. Paketa zgjeron juridiksionin penal të Shqipërisë edhe për vepra të kryera jashtë territorit të vendit dhe rrit efektivitetin e ndjekjes penale për krime të rënda dhe ndërkufitare.

Një vëmendje e veçantë i është kushtuar mbrojtjes së fëmijëve dhe grupeve vulnerabël, përmes ashpërsimit të veprave penale me natyrë seksuale, rritjes së dënimeve, zgjatjes së afateve të parashkrimit dhe ndalimit të ushtrimit të profesioneve që përfshijnë kontakt me fëmijë. Po ashtu, garantohet trajtimi i viktimave të mitura sipas standardeve më të larta të mbrojtjes.

Në luftën kundër trafikimit të qenieve njerëzore, projektligji parashikon zero tolerancë ndaj shfrytëzimit, duke përjashtuar pëlqimin e viktimës si element justifikues dhe duke kriminalizuar përdorimin e shërbimeve të ofruara nga viktimat e trafikimit.

Ndryshimet prekin edhe mbrojtjen e territorit dhe interesit publik, duke ashpërsuar ndëshkimet për zënien e paligjshme të tokës, ndërtimet pa leje dhe shfrytëzimin e paligjshëm, veçanërisht në zona të mbrojtura, pasuri kulturore dhe infrastrukturë kritike, sidomos kur këto vepra kryhen nga funksionarë publikë. Forcohet gjithashtu kuadri penal për zjarrvënien në pyje dhe mjedise natyrore.

Një risi tjetër lidhet me sigurinë publike, ku parkimi në rresht të dytë trajtohet si vepër penale në rastet kur pengon seriozisht qarkullimin dhe mjetet e emergjencës. Paralelisht, projektligji forcon mbrojtjen e gazetarëve dhe lirinë e medias, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërsa ashpërson ndëshkimet për dhunën dhe kërcënimet ndaj tyre.

Në përfundim, ministri e cilësoi paketën si një reformë të guximshme dhe të domosdoshme, që synon jo vetëm ndëshkimin e krimit, por edhe parandalimin dhe garantimin e sigurisë për qytetarët, duke ndërtuar një sistem penal modern dhe plotësisht të përputhshëm me standardet evropiane.

Platin Velaj, 41 vjeç, i shpallur në kërkim ndërkombëtar nga drejtësia shqiptare, është arrestuar në Itali gjatë një operacioni policor të zhvilluar në qytetin e Fasano.

Arrestimi u krye nga Njësia e Policisë Ekonomike dhe Financiare e Leçes (GICO), e cila i komunikoi Velajt një urdhër arresti të përkohshëm me qëllim ekstradimin drejt Shqipërisë.

Sipas autoriteteve, 41-vjeçari ishte i dënuar nga Gjykata Penale e Lushnjë me dy vite burg për mbajtje pa leje të armëve dhe eksplozivëve, vepër e kryer në dhjetor të vitit 2015 brenda një lokali. Vendimi i arrestimit ishte lëshuar më 10 mars 2022.

Gjatë kontrollit në banesën ku fshihej, policia italiane gjeti një pistoletë kalibri 7.65 me numër serial të fshirë, një karikator me katër fishekë, si edhe dokumente identifikimi të falsifikuara, të cilat dyshohet se i kishte përdorur për të shmangur kapjen.

Presidenti amerikan, Donald Trump deklaroi gjatë Forumit Ekonomik të Davosit se sot do të takohet me homologun ukrainas, Volodymyr Zelensky.

Por këshilltari i lartë i Zelensky, tha se presidenti ukrainas ndodhet në Kiev, pasi Rusia ka zhvilluar sulme të reja në kryeqytetin ukrainas.

“Që nga mëngjesi i sotëm, rreth 4,000 ndërtesa në Kiev janë ende pa ngrohje dhe gati 60% e kryeqytetit është pa energji elektrike”.

Kështu u shpreh presidenti ukrainas, Volodymyr Zelensky në një postim në rrjetin social X, duke treguar për pasojat e sulmeve ruse në infrastrukturën energjetike.

Zelensky deklaroi se edhe rajonet Kharkiv, Sumy, Chernihiv dhe Dnipro janë të prekura.