Dashi

Dashuria dhe romanca janë në qendër të vëmendjes sot. Je i njohur për gjestet e tua romantike shumë të përshtatshme dhe në kohën e duhur, dhe kështu mund të punosh për diçka të veçantë për partnerin tënd. Meqenëse shpesh je shumë i rrjedhshëm në mënyrën tënde të shprehjes, duke qenë në gjendje të shkruash, vizatosh, pikturosh ose krijosh gjëra, ke një mijë e një mënyra për të shprehur ndjenjat e tua.

Demi

Ji i vendosur me qëndrimin tënd. Tregoju njerëzve se vullneti yt është i fortë dhe se mund t’ua komunikosh me sukses idetë e tua të tjerëve. Do të kesh më shumë ndikim sot sesa mendon. Bëj gjërat me bindje në vend të pasivitetit.

Binjakët

Do të jetë e vështirë të ruash përqendrimin. Thjesht mos u përpiq të kryesh asnjë detyrë që kërkon shumë vëmendje. Mbajtja e vëmendjes vetëm në një gjë për një periudhë të gjatë do të jetë pothuajse e pamundur. Mos u mundo fare ta provosh.

Gaforrja

Do të jetë e vështirë për ty të merresh me njerëzit përreth teje. Gjendja shpirtërore që dominon do t’i shqetësojë ata. Puno në mënyrë të pavarur nëse mundesh. Përndryshe, mund të çmendesh duke u përpjekur të bashkëpunosh me ta.

Luani

Aftësia juaj për të kryer shumë detyra njëkohësisht do të jetë një aset kyç për ju. Të kesh gatishmëri mendore për të kaluar nga një gjë në tjetrën me lehtësi është diçka për të cilën duhet të krenohesh. Ndërsa të gjithë të tjerët po shohin punën e tyre, ju do të jeni ai që lidh pikat.

Virgjëresha

Një rritje e kohëve të fundit e vetëbesimit do të tronditet nga një burim i papritur. Mundohu të mos humbasësh formën për shkak të kësaj. Kupto se ky ndryshim sporadik është vetëm një fazë kalimtare. Mos lejo që të të ngadalësojë në asnjë mënyrë.

Peshorja

Një mosmarrëveshje e vazhdueshme me dikë me të cilin punoni do të intensifikohet. Të tjerë po i bashkohen palës kundërshtare dhe ju po filloni të pyesni veten se kush janë në të vërtetë miqtë tuaj. Merrni parasysh motivet e tyre dhe jini mendjehapur. Ndoshta edhe ju duhet të ndërroni anë.

Akrepi

Idetë tuaja janë shumë të kohës, prandaj mos hezitoni t’ua thoni të tjerëve sa më shpejt të jetë e mundur. Mjetet elektronike janë çelësi për përhapjen e informacionit. Dërgoni email-e dhe mesazhe të menjëhershme. Do të merrni përgjigje shumë shpejt.

Shigjetari

Ndodhesh në një pozicion që të pëlqen, por mund të jesh i lodhur nga drejtimi i përgjithshëm drejt të cilit po punon punëdhënësi yt. Ndihu i lirë të shprehësh mendimin tënd për këtë çështje. Pikëpamja jote do të marrë shumë respekt dhe konsideratë.

Bricjapi

Duket se ka tension kudo që kthehesh. Idetë e ngurta të të tjerëve po pengojnë përparimin tënd. Kjo nuk është koha më e mirë për të ushtruar presion mbi njerëzit ose për t’i bindur ata për diçka në të cilën nuk besojnë. Qëndro i qetë.

Ujori

Nëse doni të bëni përshtypje tek dikush i veçantë, atëherë ka një numër të madh mënyrash për ta bërë këtë. Mund ta bëni veten të dukeni diçka që nuk jeni. Ose mund të jeni pikërisht ashtu siç jeni, gjë që është e vështirë, por në fund të fundit u bëni shumë më tepër përshtypje njerëzve pasi ata ndihen rehat me mënyrën tuaj natyrale të të shprehurit.

Peshqit

Mendoni për disa mënyra më të bukura për të kaluar kohë me partnerin tuaj sesa ato që përdorni zakonisht. Në vend që të shqetësoheni nëse ai/ajo do të mendojë se jeni i çuditshëm, thjesht jini të hapur dhe të sinqertë dhe thuajini se do të donit të bënit këtë e atë, ose të shkonit në këtë vend të caktuar. Në vend që të kritikoheni, do të lavdëroheni.

Shqipëria, e cila do përfaqësohet në Lojërat Olimpike Dimërore të ‘Milano Cortinës 2026’ me katër skiatorë, ka bërë parakalimin e saj në këtë event. Ndërkohë që ceremonia kryesore hapëse po zhvillohet në ‘San Siro’, dy të tjera po ndodhin në pozicione të ndryshme ku janë shpërndarë sportistët sipas garave.

Në Cortina d’Ampezzo, me flamurin e Shqipërisë në dorë, italo-shqiptarja Lara Colturi ka udhëhequr delegacionin kuqezi, ndërsa në Livigno, Denni Xhepa ka mbajtur flamurin.

Shqipëria përfaqësohet në Olimpiadën Dimërore me 4 skiatorët, Lara Colturi, Lisa Brunga, Denni Xhepa dhe Semire Dauti.

Datat e garimit:

Më 11 shkurt: Denni Xhepa do të jetë në garën e Slalomit Gjigand që starton nga ora 11:30 në Bormio.

Më 14 shkurt: Denni Xhepa merr pjesë në disiplinën e Slalom që starton në orën 11:30 në Bormio.

Më 15 shkurt: Lara Colturi dhe Semire Dauti do të marrin pjesë në disiplinën e Slalomit Gjigand në orën 10:00 dhe lëshimi i dytë në 13:30 (nëse kualifikohen) në Cortina D’Ampezzo.

Më 16 shkurt: Denni Xhepa merr pjesë në disiplinën e Slalomit në orën 10:00 në Bormio.

Më 18 shkurt: Lara Colturi, Lisa Brunga dhe Semire Dauti do të marrin pjesë në disiplinën Slalomit në orën 10 dhe 13:30 lëshimi i dytë (nëse kualifikohen) në Cortina D’Ampezzo.

Përmes një postimi në rrjetet sociale, Begaj teksa ka uruar 4 sportistët tanë, Lara Colturi, Lisa Brunga, Semire Dauti dhe Denni Xhepa, ka falënderuar edhe Presidentin e Italisë, Sergio Mattarella për mikpritjen.

“I nderuar që së bashku me miq te mirë u mikpritëm nga Presidenti i Republikës Italiane, Sergio Mattarella në ceremonitë zyrtare të hapjes së Lojërave Olimpike Dimërore Milano- Cortina 2026.

Ky është një moment krenarie dhe përfaqësimi dinjitoz për vendin tonë. Uroj që sportistët tanë – Lara Colturi, Lisa Brunga, Semire Dauti dhe Denni Xhepa – të na bëjnë krenarë me paraqitjen dhe shpirtin e tyre garues. Forca Shqipëri!”, ka shkruar Begaj në rrjetet sociale.

gijotina.com/

Gjyqtarët që votuan kundër kërkesës së Ramës për heqjen e masës së pezullimit nga detyra të zv/kryeministres Belinda Balluku janë:

NJOFTIM VENDIMMARRJEJE

Gjykata Kushtetuese e mbledhur sot në datën 06.02.2026 mori në shqyrtim çështjen me kërkesë të Kryeministrit të Republikës së Shqipërisë me objekt: zgjidhja e mosmarrëveshjes së kompetencës së krijuar ndërmjet Kryeministrit dhe Këshillit të Ministrave nga njëra anë, dhe Gjykatës së Posaçme të Shkallës së Parë për Korrupsionin dhe Krimin e Organizuar, nga ana tjetër; shfuqizimi i vendimeve gjyqësore të Gjykatës së Posaçme të Shkallës së Parë për Korrupsionin dhe Krimin e Organizuar për pjesën që ka disponuar vendosjen dhe vazhdimin e masës ndaluese të pezullimit të ushtrimit të detyrës së zëvendëskryeministres dhe ministres së Infrastrukturës dhe Energjisë, si dhe interpretimin e pikës 3, të nenit 103, të Kushtetutës.

Paraprakisht Gjykata vlerëson njëzëri se imuniteti i ministrit rregullohet nga neni 103, pika 3 i Kushtetutës në lidhje me nenet 73, pika 1 dhe 2. Në regjimin kushtetues të imunitetit të ministrit, ashtu sikurse të deputetit, nuk përfshihet garancia e parashikuar në nenin 242, paragrafi 2 i Kodit të Procedurës Penale, sipas të cilit masa e pezullimit të ushtrimit të një detyre a shërbimi publik nuk zbatohet ndaj personave të zgjedhur sipas ligjit elektoral.

Në lidhje me objektin e kërkesës, në përfundim të diskutimeve, vlerësimet e gjyqtarëve u ndanë në dy qëndrime dhe Gjykata nuk arriti numrin e kërkuar të votave për vendimmarrje, sipas parashikimeve të nenit 133, pika 2, të Kushtetutës dhe nenit 72, pika 2, të Ligjit Organik të saj.

Sipas njërit qëndrim, Gjykata në jurisprudencën e saj në lidhje me nenin 73, pika 3 të Kushtetutës është shprehur se imuniteti i deputetëve nuk është privilegj personal i tyre, por qëllimi kryesor i tij është mbrojtja e vetë Kuvendit dhe në veçanti funksionimi i duhur i tij.

Në këtë kuptim, marrja e autorizimit nga Kuvendi për zbatimin e masave që kufizojnë paraprakisht lirinë e deputetit synon të mbrojë veprimtarinë e vetë Kuvendit (shih vendimin nr. 81, datë 21.11.2024 të Gjykatës Kushtetuese). Kjo do të thotë se edhe neni 103, pika 3 i Kushtetutës, duke parashikuar se anëtarët e Këshillit të Ministrave gëzojnë imunitetin e deputetit, synon mbrojtjen dhe funksionimin e organit ekzekutiv, pjesë e të cilit është edhe ministri. Duke iu referuar masës së pezullimit të ushtrimit të detyrës apo shërbimit publik, vlerësohet se për nga shkalla dhe intensiteti i saj ajo prek funksionin kushtetues politik të ministrit. Prandaj në balancimin e parimit kushtetues të efektivitetit të ndjekjes penale dhe atij të funksionimit të pushtetit ekzekutiv në kuptim të parimit të ndarjes dhe balancimit të pushteteve sipas nenit 7 të Kushtetutës edhe për këtë masë kërkohet dhënia e autorizimit paraprak nga Kuvendi.

Sipas qëndrimit tjetër, ngjashëm me standardin e interpretimit të pranuar nga Gjykata në rastin e regjimit të imuniteteve, i cili duhet të jetë i ngushtë/i kufizuar, bazuar në vullnetin e kushtetutëbërësit në reformën e vitit 2012 për zvogëlimin e imunitetit, Kushtetuta në formën e saj aktuale ka parashikuar autorizimin paraprak të Kuvendit për masat procedurale penale të parashikuara shprehimisht në nenin 73, pika 2 të saj.

Në këtë dispozitë nuk parashikohet masa ndaluese e pezullimit të ushtrimit nga detyra sipas nenit 242 të Kodit të Procedurës Penale, ndonëse zbatimi i kësaj mase pamundëson ushtrimin e funksioneve të ministrit dhe për pasojë ndërhyn edhe në veprimtarinë e Këshillit të Ministrave. Në këndvështrimin e parimit të ndarjes dhe balancimit të pushteteve, çështja e shtimit ose ndryshimit të mekanizmave balancues, ku përfshihen edhe garanci të tilla, i përket vlerësimit të ligjvënësit kushtetues.

Për sa më lart, Gjykata Kushtetuese vendosi:

Rrëzimin e kërkesës.

Heqjen e masës së pezullimit të caktuar me vendimin e Mbledhjes së Gjyqtarëve të datës 12.12.2025.

Ky vendim është përfundimtar dhe hyn në fuqi me botimin e vendimit në Fletoren Zyrtare.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese.

gijotina.com/

Pas 10 orësh mbledhje Gjykata Kushtetuese nuk mori një vendim për çështjen e zv.kryeministres Balluku duke përfunduar në votim 4 me 4, votim i cili rrëzon automatikisht ankimin e Edi Ramës, pasi nuk është arritur shumica e nevojshme.

Gjyqtarët u ndanë në dy grupe: njëra palë që mendon se masa e pezullimit nuk mund të merret pa lejen e Kuvendit dhe pala tjetër që mendon se është e panevojshme.

Kështu, rikthehet në fuqi masa e GJKKO-së dhe Balluku pezullohet nga detyra. Vendimi i Gjykatës Kushtetuese për rastin Balluku është i paankimueshëm diku tjetër dhe futet në fuqi pas botimit në fletoren zyrtare.

NJOFTIMI I PLOTË I VENDIMMARRJES:

Gjykata Kushtetuese e mbledhur sot në datën 06.02.2026 mori në shqyrtim çështjen me kërkues Kryeministri i Republikës së Shqipërisë me objekt: zgjidhja e mosmarrëveshjes së kompetencës së krijuar ndërmjet Kryeministrit dhe Këshillit të Ministrave nga njëra anë, dhe Gjykatës së Posaçme të Shkallës së Parë për Korrupsionin dhe Krimin e Organizuar, nga ana tjetër; shfuqizimi i vendimeve gjyqësore të Gjykatës së Posaçme të Shkallës së Parë për Korrupsionin dhe Krimin e Organizuar për pjesën që ka disponuar vendosjen dhe vazhdimin e masës ndaluese të pezullimit të ushtrimit të detyrës së zëvendëskryeministres dhe ministres së Infrastrukturës dhe Energjisë, si dhe interpretimin e pikës 3, të nenit 103, të Kushtetutës.

Paraprakisht Gjykata vlerësoi njëzëri se imuniteti i ministrit rregullohet nga neni 103, pika 3 i Kushtetutës në lidhje me nenet 73, pikat 1 dhe 2. Në regjimin kushtetues të imunitetit të ministrit, ashtu sikurse të deputetit, nuk përfshihet garancia e parashikuar në nenin 242, paragrafi 2 i Kodit të Procedurës Penale, sipas të cilit masa e pezullimit të ushtrimit të një detyre a shërbimi publik nuk zbatohet ndaj personave të zgjedhur sipas ligjit elektoral. Gjykata thekson se sipas Kushtetutës sistemi qeverisës bazohet në parimin e shtetit të së drejtës sipas të cilit edhe ministrat i nënshtrohen ligjit dhe mund të mbahen ligjërisht përgjegjës nëse e shkelin atë. Ndër parimet e tjera themelore janë edhe ato të epërsisë së Kushtetutës si ligji më i lartë dhe zbatimi i drejtpërdrejtë i dispozitave të saj, detyrimi i shtetit për të vepruar brenda bazës dhe kufijve të së drejtës dhe ndarja dhe balancimi ndërmjet pushteteve ligjvënës, ekzekutiv dhe gjyqësor.

Në lidhje me objektin e kërkesës, në përfundim të diskutimeve, vlerësimet e gjyqtarëve u ndanë në dy qëndrime dhe Gjykata nuk arriti numrin e kërkuar të votave për vendimmarrje, sipas parashikimeve të nenit 133, pika 2, të Kushtetutës dhe nenit 72, pika 2, të Ligjit Organik të saj.

Sipas njërit qëndrim, Gjykata në jurisprudencën e saj në lidhje me nenin 73, pika 3 të Kushtetutës është shprehur se imuniteti i deputetëve nuk është privilegj personal i tyre por qëllimi kryesor i tij është mbrojtja e vetë Kuvendit dhe në veçanti funksionimi i duhur i tij. Në këtë kuptim, marrja e autorizimit nga Kuvendi për zbatimin e masave që kufizojnë paraprakisht lirinë e deputetit synon ntë mbrojë veprimtarinë e vetë Kuvendit (shih vendimin nr. 81, datë 21.11.2024 të Gjykatës Kushtetuese). Kjo do të thotë se edhe neni 103, pika 3 i Kushtetutës, duke parashikuar se anëtarët e Këshillit të Ministrave gëzojnë imunitetin e deputetit synon mbrojtjen dhe funksionimin e organit ekzekutiv, pjesë e të cilit është edhe ministri. Duke iu referuar masës së pezullimit të ushtrimit të  detyrës apo shërbimit publik vlerësohet se për nga shkalla dhe intensiteti i saj ajo prek funksionin kushtetues politik të ministrit. Prandaj në balancimin e parimit kushtetues të efektivitetit të ndjekjes penale dhe atij të funksionimit të pushtetit ekzekutiv në kuptim të parimit të ndarjes dhe balancimit të pushteteve sipas nenit 7 të Kushtetutës edhe për këtë masë kërkohet dhënia e autorizimit paraprak nga Kuvendi.

Sipas qëndrimit tjetër, ngjashëm me standardin e interpretimit të pranuar nga Gjykata në rastin e regjimit të imuniteteve, i cili duhet të jetë i ngushtë/i kufizuar, bazuar në vullnetin e kushtetutëbërësit në reformën e vitit 2012 për zvogëlimin e imunitetit, Kushtetuta në formën e saj aktuale ka parashikuar autorizimin paraprak të Kuvendit për masat procedurale penale të parashikuara shprehimisht në nenin 73, pika 2 të saj. Në këtë dispozitë nuk parashikohet masa ndaluese e pezullimit të ushtrimit nga detyra sipas nenit 242 të Kodit të Procedurës Penale, ndonëse zbatimi i kësaj mase pamundëson ushtrimin e funksioneve të ministrit dhe për pasojë ndërhyn edhe në veprimtarinë e Këshillit të Ministrave. Në këndvështrim të parimit të ndarjes dhe balancimit të pushteteve, çështja e shtimit ose ndryshimit të mekanizmave balancues, ku përfshihen edhe garanci të tilla, i përket vlerësimit të ligjvënësit kushtetues.

Për sa më lart, Gjykata Kushtetuese vendosi:

Rrëzimin e kërkesës.

Heqjen e masës së pezullimit të caktuar me vendimin e Mbledhjes së Gjyqtarëve të datës

12.12.2025.

Ky vendim është përfundimtar dhe hyn në fuqi me botimin e vendimit në Fletoren Zyrtare.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës.

Ndërkohë, Kuvendi pritet të shprehet edhe për kërkesën e SPAK për arrestimin e saj.

GJKKO, me kërkesë të SPAK pezulloi nga detyra zv/kryeministren Balluku e pandehur për abuzime me tenderin e Llogarasë, por Kryeministri Rama e cilësoi këtë si një shkelje të kompetencave të tij.

Rama e çoi në Gjykatën Kushtetuese çështjen Balluku, me argumentin se GJKKO ka shkelur kufirin e një tjetër pushteti, atij ekzekutiv duke marrë kompetencat e tij si kryeministër për pezullimin ose shkarkimin e një anëtari qeverie.

Pas kërkesës së kryeministrit Rama, gjykata riktheu përkohësisht në detyrë Ballukun deri sa çështja e saj të shqyrtohej në themel nga “Kushtetuesja”. E pandehur për shkeljet në tenderin 190 mln euro të Tunelit të Llogarasë dhe nën hetim për 7 procedura të tjera prokurorimi lidhur me ndërtimin e lotëve të Unazës së Madhe, SPAK ka dyshime se Balluku duke qenë në detyrë, rrezikon të prishë provat hetimore dhe të intimidojë dëshmitarët.

gijotina.com/

Dy shtetas anglezë nga qyteti i Jork-ut janë dënuar me burgim të përjetshëm dhe do të kalojnë të paktën 29 vjet pas hekurave për një grabitje grabitjeje të dhunshme që përfundoi me vrasjen e shqiptarit Indrit Mustafaj, 26 vjeç.

Michael Mulvana, 32 vjeç, dhe Jobie Tyers, 28 vjeç, nga Jorku, plagosën rëndë një grua në apartamentin e saj dhe shqiptarin që ndodhej me të.

Ai tentoi që të fshihej në një cep të dhomës, por autorët e goditën me hanxhar duke e lënë të vdekur.

gijotina.com/

Gjykata Kushtetuese ka marrë sot vendimin në lidhje me kërkesën e kryeministrit Edi Rama për masën e sigurisë të vendosur ndaj zëvendës kryeministres dhe ministres së Infrastrukturës Belinda Balluku,

Gjyqtarët e GJK  janë “ngujuar” që në orë 11:00 në Dhomën e Këshillimit, ndërsa janë larguar që aty vetëm pak minuta sa të konsumonin drekën.

Kjo ishte mbledhja e tretë e GJK për këtë çështje, kur dy mbledhjet e mëparshme kanë dështuar pasi disa anëtarë kanë kërkuar më tepër kohë.
Çështja “Balluku” është çështja me interes më të lartë publik, nga çështjet që Kushtetuesja po shqyrton aktualisht, duke pasur parasysh rikthimin në detyrë të zëvendës kryeministres Belinda Balluku.

Gjykata Kushtetuese ka zhvilluar sot një seancë maratonë deri në daljen me një vendim në lidhje me kërkesën e kryeministrit Edi Rama për shpalljen anti-Kushtetuese të masë së sigurisë për pezullimin nga detyra të Belinda Ballukut.

Nëse Gjykata Kushtetuese vendoste që të linte në fuqi masën e sigurisë të pezullimit nga detyra, kjo afekton kërkesën e dorëzuar nga SPAK për heqjen e imunitetit të Ballukut.

Kjo pasi sipas ligjit nuk mundet që ndaj një personi të vendosen tre masa sigurie. Kjo do të detyronte Prokurorinë e Posaçme që të hiqte dorë nga një nga masat e vendosura ndaj ministres, pra “Pezullim nga detyra” ose “Pengim për daljen jashtë vendit”.

Nëse GJK e konsideron anti kushtetuese pezullimit, dhe Balluku ka vetëm masën e pengimit për daljen jashtë vendit, kërkesa për arrestimin e Ballukut është legjitim.
Kujtojmë se SPAK, ka kërkuar edhe heqjen e imunitetit për Ballukun dhe arrestimin e saj për shkak të dyshimeve për keqpërdorime në tenderë të mëdhenj publikë.

Gjykata Kushtetuese ka marrë sot vendimin në lidhje me kërkesën e kryeministrit Edi Rama për masën e sigurisë të vendosur ndaj zëvendës kryeministres dhe ministres së Infrastrukturës Belinda Balluku,

Gjyqtarët e GJK  janë “ngujuar” që në orë 11:00 në Dhomën e Këshillimit, ndërsa janë larguar që aty vetëm pak minuta sa të konsumonin drekën.

Kjo ishte mbledhja e tretë e GJK për këtë çështje, kur dy mbledhjet e mëparshme kanë dështuar pasi disa anëtarë kanë kërkuar më tepër kohë.
Çështja “Balluku” është çështja me interes më të lartë publik, nga çështjet që Kushtetuesja po shqyrton aktualisht, duke pasur parasysh rikthimin në detyrë të zëvendës kryeministres Belinda Balluku.

Gazetarja Klodiana Lala ka deklaruar se Gjykata Kushtetuese do të zhvillojë sot një seancë maratonë deri në daljen me një vendim në lidhje me kërkesën e kryeministrit Edi Rama për shpalljen anti-Kushtetuese të masë së sigurisë për pezullimin nga detyra të Belinda Ballukut.

Sipas Klodiana Lalës, nëse Gjykata Kushtetuese vendoste që të linte në fuqi masën e sigurisë të pezullimit nga detyra, kjo afekton kërkesën e dorëzuar nga SPAK për heqjen e imunitetit të Ballukut.

Kjo pasi sipas ligjit nuk mundet që ndaj një personi të vendosë tre masa sigurie. Kjo do të detyronte Prokurorinë e Posaçme që të hiqte dorë nga një nga masat e vendosura ndaj ministres, pra “Pezullim nga detyra” ose “Pengim për daljen jashtë vendit”.

“Nëse GJK e konsideron anti kushtetuese pezullimit, dhe Balluku ka vetëm masën e pengimit për daljen jashtë vendit, kërkesa për arrestimin e Ballukut është legjitim”, raporton Lala.
Kujtojmë se SPAK, ka kërkuar edhe heqjen e imunitetit për Ballukun dhe arrestimin e saj për shkak të dyshimeve për keqpërdorime në tenderë të mëdhenj publikë.

Këshilli i Lartë Gjyqësor ka reaguar për trysninë ndaj gjyqtarëve dhe gjyqësorit, e cila ka ardhur në rritje.

“Por kohët e fundit, me shqetësim konstatohet një “trysni” ndaj gjyqtarëve dhe gjyqësorit, e cila ka një tendencë rritëse, si dhe shfaqja e disa qëndrimeve apo deklaratave me ndikim të dukshëm në informimin e opinionit publik, të cilat, përveçse shkelin të drejtat njerëzore të gjyqtarëve për shkak të ushtrimit të detyrës, rrezikojnë seriozisht edhe kryerjen e funksioneve të tyre ligjore.

Këshilli i Lartë Gjyqësor rithekson se qëndrime të tilla cenojnë figurën dhe dinjitetin e gjyqtarëve, si dhe minojnë pavarësinë e pushtetit gjyqësor. Këshilli i Lartë, në respekt të detyrës së tij kushtetuese, është në mbrojtje të integritetit të gjyqtarëve dhe të sistemit gjyqësor dhe u bën thirrje që të shmangen deklarata të tilla, të cilat tentojnë të ndikojnë mbi sistemin gjyqësor”, thuhet në deklaratë.

Deklarata e plotë

Këshilli i Lartë Gjyqësor mirëkupton qëndrimet dhe opinionet kritike të shprehura nga funksionarë publikë apo subjekte private, e në veçanti nga media e shkruar dhe ajo audiovizive, të cilat kontribuojnë në rritjen e transparencës dhe efektivitetit të sistemit gjyqësor.

Por kohët e fundit, me shqetësim konstatohet një “trysni” ndaj gjyqtarëve dhe gjyqësorit, e cila ka një tendencë rritëse, si dhe shfaqja e disa qëndrimeve apo deklaratave me ndikim të dukshëm në informimin e opinionit publik, të cilat, përveçse shkelin të drejtat njerëzore të gjyqtarëve për shkak të ushtrimit të detyrës, rrezikojnë seriozisht edhe kryerjen e funksioneve të tyre ligjore.

Këshilli i Lartë Gjyqësor rithekson se qëndrime të tilla cenojnë figurën dhe dinjitetin e gjyqtarëve, si dhe minojnë pavarësinë e pushtetit gjyqësor. Këshilli i Lartë, në respekt të detyrës së tij kushtetuese, është në mbrojtje të integritetit të gjyqtarëve dhe të sistemit gjyqësor dhe u bën thirrje që të shmangen deklarata të tilla, të cilat tentojnë të ndikojnë mbi sistemin gjyqësor.

Sikundër ndodh në çdo shoqëri demokratike, gjyqtarët janë garantues të barazisë së palëve përpara ligjit. Për rrjedhojë, ushtrimi i funksionit të tyre duhet të jetë i pavarur dhe i çliruar nga çdo formë ndikimi, duke iu nënshtruar vetëm Kushtetutës dhe ligjeve.

Këshilli i Lartë Gjyqësor sjell në vëmendjen e opinionit publik se respekton misionin e pazëvendësueshëm të medias për informimin e publikut në lidhje me veprimtarinë e sistemit gjyqësor, por nga ana tjetër pret që edhe media të respektojë dinjitetin e gjykatës dhe të gjyqtarit, duke mos përcjellë informacion që përmban gjuhë apo imazhe fyese, të cilat cenojnë figurën e gjyqtarit.

Këshilli u bën thirrje të gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës. E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.

gijotina.com/

GJKKO ka vendosur të rrëzojë kërkesën e kryetarit të Bashkisë së Tiranës, Erion Veliaj, për përjashtimin nga procedure e gjyqit të gjyqtares Etleva Deda. Kjo kërkesë ishte depozituar nga Veliaj si pjesë e procesit penal ku ai është i përfshirë, por është konsideruar e pabazuar ligjërisht dhe pa argumente të mjaftueshme për të justifikuar përjashtimin e gjyqtares.

Sipas vendimit të Bib Ndrecës, Etleva Deda do të vazhdojë të marrë pjesë në procedurat gjyqësore, duke vijuar shqyrtimin e çështjes penale që ka të bëjë me hetimet ndaj Veliajt.

Kërkesa për përjashtim u paraqit pas një përplasjeje gjatë një seance paraprake të dosjes, ku ana e mbrojtjes argumentoi se gjyqtarja kishte sjellje të paligjshme, por Gjyqtari Ndreca vendosi se pretendimet nuk plotësojnë kriteret e nevojshme ligjore për të shkëputur gjyqtares kompetencën në shqyrtim.

gijotina.com/

Elbasani i përgjigjet Vllaznisë dhe rigjen suksesin në Kategorinë Superiore. Skuadra e drejtuar nga Gvozdenovic iu mponua Teutës në sfidën e javës së 23 duke e mundur me përmbysje në rezultat 2-1 në një përballje ku senegalezi Boye bëri debutimin e tij në mënyrën më perfekte.

Verdheblutë kanë mundur me shifrat 2-1 Teutën në “Elbasan Arena”, në një ndeshje e cila u ndez në momente të veçanta. Në startin e saj ishte Teuta që iu afrua golit, duke goditur edhe shtyllën e portës së Totoshit i cili u detyrua të bënte disa pritje. Më pas kontrollin e mori Elbasani, por pa krijuar shumë raste para Selmanit.

Në fraksionin e dytë, loja ishte e ekuilibruar, por me zëvendësimet që rezultuan vendimtare për fatin e saj. Nga një anë, Gonçalves debutues, sapo u fut në lojë i dha avantazhin ekipit durrsak.

Por brenda pak minutash, debutuesi Boje i Elbasanit, shënoi dy herë në portën e Selmanit, duke ndryshuar plotësisht rrjedhën e ndeshjes dhe duke i dhënë suksesin 2-1 ekipit të tij.

Kështu pas këtij suksesi Elbasani ngjitet në kuotën e 42 pikëve, duke i bërë presion Vllaznisë që ka 45 pikë, ndërsa Teuta mbetet me 27 pikë.

ELBASANI-TEUTA 2-1
73′, 75′ Boje / 68′ Gonçalves

75’ GOOOL ELBASANI! Depërtim i jashtëzakonshëm në qendër i Boje i cili i shmanget pozicionit jashtë loje dhe me një goditje të shkëlqyer mposht Selmanin përsëri. (VIDEO)

73’ GOOOL ELBASANI! Lajthia gjuan nga e majta, Selmani grushton por lë sferën aty në qendër ku Boje me shpejtësi shtyn sferën në rrjetë. (VIDEO)

68’ GOOOL TEUTA! Gonçalves përfiton nga një pasim i paguar i Mustës dhe me një gjuajtje të fortë nga distanca mposht Totoshin. (VIDEO)

gijotina.com/

Vendimi për pezullimin e zv/kryeministres nga funksionet publike, pritet të merret nga Gjykata Kushtetuese gjatë mbrëmjes së sotme.

kanë kaluar më shumë se 8 orë dhe burimet brenda Kushtetueses kanë konfirmuar se vendimi do të shpallet këtë mbrëmje.

“Nuk dihet një orar konkret, por ajo çfarë dihet është fakti se ka pasur diskutime në mesin e 8 gjyqtarëve, ku pyetja ku është diskutuar është se a mund të pezullojë një gjyqtar i GJKKO  një anëtar të qeverisë.

Janë mbledhur në dhomën e këshillimit pa praninë e asnjë pale tjetër dhe po ashtu nuk kanë përdorur telefonat e tyre celularë”, tha Lala.

Klodiana Lala:  Gjykata Kushtetuese e mbledhur që prej orës 11:00. Prej 8 orësh e 30 minuta gjyqtarët janë mbledhur kokë më kokë për shqyrtimin e kërkesës së kryeministrit Edi Rama, për pezullimin nga GJKKO të zv/kryeministres Belinda Balluku.

Ajo çfarë mund të themi zyrtarisht se nga burimet brenda Kushtetueses, vendimi do të shpallet këtë mbrëmje, nuk dihet një orar konkret, por ajo çfarë dihet është fakti se ka pasur diskutime në mesin e 8 gjyqtarëve, ku pyetja ku është diskutuar është se a mund të pezullojë një gjyqtar i GJKKO  një anëtar të qeverisë.

Janë mbledhur në dhomën e këshillimit pa praninë e asnjë pale tjetër dhe po ashtu nuk kanë përdorur telefonat e tyre celularë.

Sa kohë janë mbledhur në dhomën e këshillimit janë duke shqyrtuar pikë pas pike të gjithë pretendimet e palëve, së pari kërkesën e zotit Rama që një anëtar i kabinetit gëzon mandatin e deputetit.

Një tentativë grabitjeje është regjistruar mbrëmjen e së premtes pranë një sporteli të Postës Shqiptare në lagjen Vasil Shanto në qytetin e Shkodrës.

Sipas të dhënave paraprake, një person i paidentifikuar është futur brenda ambienteve të filialit të Postës Shqiptare dhe ka tentuar të marrë me forcë një shumë monetare.

Përpjekja ka qenw e pasuksesshme dhe gjatë largimit autori ka thyer xhamin e sportelit.

Në vendin e ngjarjes janë konstatuar xhama të thyer, ndërsa policia ka mbërritur menjëherë pas njoftimit.

Forcat policore kanë rrethuar zonën dhe kanë nisur hetimet për identifikimin dhe kapjen e autorit.

Njoftimi i plotë i Policisë së Shtetit

“Rreth orës 19:00, në lagjen “Vasil Shanto”, një shtetas ende i paidentifikuar është futur brenda ambienteve të filialit të Postës Shqiptare dhe ka tentuar të marrë me forcë një shumë monetare, por nuk ka mundur ta marrë dhe gjatë largimit ka thyer xhamin e sportelit. Shërbimet e Policisë kanë shkuar menjëherë në vendin e ngjarjes dhe vijojnë kontrollet në zonë për kapjen e tij. Grupi hetimor, nën drejtimin e Prokurorisë, po punon për identifikimin e autorit dhe dokumentimin ligjor të rastit”

gijotina.com/

Posti i Kryeinspektorit të Inspektorati Kombëtar i Mbrojtjes së Territorit, sipas burimeve, pritet t’i jepet Afrim Qendros. Rokada do të ndodhë pas disa ditëve me lirimin nga detyra e Prefektit të Tiranës, ndërsa në vend të tij pritet të emërohet Shkëlqim Hajdari.

Largimi i papritur i Dallëndyshe Bici, vjen në një kohë kur në gjithë vendin vijon aksioni për lirimin e hapësirave publike. Dallëndyshe Bici u riemërua në këtë detyrë në korrik të 2024-ës, pas një periudhe të shkurtër në krye të Kadastrës Shtetërore.

Në krye të IKMT, u përfol fillimisht se do emërohej Adriatik Kupi. Ai ka qenë administrator i Njësisë së Petrelës në Tiranë dhe më vonë drejtor i Operatorit të Sistemit të Shpërndarjes. Kupi po ashtu është një njëri i afërt edhe me zv ministrin e Brendshëm aktual, Xhemal Qefalia.

Megjithatë në faqen zyrtare të IKMT nuk ka asnjë konfirmim për Kupin, duke e bërë më të besueshme lëvizjen e Afrim Qendros. Ky i fundit është i kukull e telekomanduar nga Rama dhe bën gjithçka për kryeministrin, pasi e ka shpëtuar disa herë nga burgu.

Ai ka ushtruar detyrën e Nën/Kryetarit të Bashkisë së Vlorës (2020-2021) ndërsa më herët ka mbajtur funksione të larta drejtuese në Autoritetin Rrugor Shqiptar, si Zv/Drejtor i Përgjithshëm dhe Drejtor i Drejtorisë së Projekteve të Brendshme dhe të Huaja Teknike (2013-2017) si dhe Drejtor i Përgjithshëm.

Skandali “Dh Albania”

Më 16 janar 2019, ish-drejtori i ARRSH-së, Afrim Qendro është thirrur për të dëshmuar në prokurorinë e kryeqytetit në lidhje me skandalin e firmës ‘DH Albania’, e cila fitoi dy tendera me vlerë 30 milionë euro, 18 milionë për ndërtimin e lotit të parë te Unaza e Re dhe 12 mln euro të linjës së tensionit 220 kë Burrel-Peshkopi. Afrim Qendro dha dëshminë e tij përballë oficerit të policisë gjyqësore Ludovik Ndokaj për rreth dy orë.

Pas zbulimit të skandalit, rezultoi se ‘DH Albania’ tenderin e Unazës së Re e kishte fituar me dokumente të falsifikuara, gjoja ishte kompani amerikane. Administratori i kompanisë “DH-Albania” Avdjol Dobi kishte falsifikuar dhe përdorur më pas një vërtetim të lëshuar nga Departamenti i Shtetit të Delaëare, ku tregohej se kompania “Dunëell Haberman”, e cila pretendohet se është mëma e firmës shqiptare “DH-Albania”, nuk kishte detyrime financiare në SHBA.

Për ta mbuluar skandalin, Rama do ta largonte nga drejtimi i ARRSH. Në 22 janar 2019, në vend të Qendros do të vinte ish-ministrja e Shtetit për Mbrojtjen e Sipërmarrjes, Sonila Qato.

Më 18 nëntor 2021, Kryeministri Rama do ta shpërblente Qendron me postin e Prefektit të Tiranës.

Si i fitoi 100 tendera kompania e bashkëshortes së Qendros?

Vendosja e Qendros në krye të IKMT është në përputhje me profilin e tij si zyrtar i korruptuar. Meqenëse është akoma nën hetim nga SPAK, kryeministri e ka afruar që t’i shërbejë më shumë në këmbim të mbrojtjes nga prokurorët.

Kujtojmë se në fillim të vitit, Drejtori i Fondit Shqiptar të Zhvillimit, Dritan Agolli, i ka dhënë firmës “Start CO” shpk një tender me vlerë 1,773,500 EUR euro për zhvillimin e disa siteve turistike. Numërohen 98 kontrata publike të marra nëpërmjet kësaj kompanie nga Afrim Qendro, pjesa dërrmuese e të cilave janë përfituar prej ndikimit politik dhe favorizimit nga zyrtarët e korruptuar. Afrim Qendro ka qenë nënkryetar i bashkisë Vlorë, drejtor i ARRSH dhe më pas prefekt i Tiranës.

KLSH: Firma e Qendros fiton pa e merituar

Ka pasur sinjale edhe nga organet shtetërore për abuzimet me tenderat nga Qendrot, por nuk ua kanë vënë veshin organet ligjzbatuese dhe prokuroria.

Një prej këtyre procedurave të përfituara nga ‘Start & Co” është edhe tenderin rreth 150 mijë euro i Skerdi Drenoves kur drejtonte OST, për aplikacionet EMS.

Sipas Kontrollit të Lartë të Shtetit, institucioni i drejtuar nga Skerdi Drenova ka kryer shkelje të rënda, duke shpallur fitues kompaninë e familjes së Afrim Qendros.

Audituesit shtetërore konstatojnë se “…. pavarësisht se është oferta e vetme ekonomike, rezulton se Operatori Ekonomik “Start & Co” nuk ka plotësuar të gjitha kriteret e DST, duke u kualifikuar dhe shpallur fitues me pa të drejtë nga ana e Komisionit të Vlerësimit të Ofertave”.

Sipas Kontrollit të Lartë të Shtetit, “kompania fituese, për të plotësuar kriterin e punëve të ngjashme, ka paraqitur tre fatura të njëjta, duke trefishua artificialisht vlerën totale të shërbimit. Pra në këto kushte KVO nuk duhej ta kualifikonte OE “S.C.”

Pas këtyre konstatimeve, KLSH deklaron se Operatori i Sistemit të Transmetimit duhet të anulonte procedurën, për shkak se operatori i vetëm në garë nuk plotësonte kriteret e parashikuara.

Por, ndryshe nga sa ka shprehur Kontrolli i Lartë i Shtetit, institucioni i Skerdi Drenovës ka nënshkruar kontratën me kompaninë “Start & Co”, duke fuqizuar portofolin e familjes së prefektit të Tiranës, Afrim Qendro.

gijotina.com/

Shkolla është laike dhe nuk duhet të promovojë fe të caktuara, as të mësojë doktrina fetare, por një gjë e tillë ka ndodhur në shkollën 9-vjeçare Gustav Majer.

Mësuesi i anglishtes Dritan Zaimi ka predikuar fenë e Jehovait me nxënësit e arsimit bazë, dhe pas shqetësimit të prindërve, profesori është përjashtuar.

Me video për dashurinë hyjnore për Zotin dhe detyra në fletore për nxënësit e fillores, që lidhen me urdhërimet e Perëndisë, si këto foto të siguruara ekskluzivisht nga gazetarja e Top Channel, Kristi Gongo, prindërit e klasës së katërt ngritën alarmin në drejtorinë e shkollës në fillim të javës. Pas verifikimit nga komisioni i disiplinës, u vendos masa e largimit të mësuesit.

Mësuesi i anglishtes shfrytëzonte orën e mësimit për të diskutuar tema fetare. Ndonëse shquhej si mësues i përgatitur në njohuritë e lëndës, kishte prindër pa dijeni mbi rastin ose të kënaqur me rezultatet e notave.

Një nga prindërit thotë: “Unë 5 vite e kam vajzën që bën anglisht dhe s’kam pasur shqetësim”.

Por, institucioni arsimor dhe drejtuesit rajonalë vendosën pushimin nga puna të mësuesit, si rast në shkelje të rregullores dhe ligjit që dikton arsimin laik.

DRAP bën me dije se prej datës 3 shkurt, mësuesi Dritan Zaimi është larguar nga puna dhe nuk ka dhënë më mësim në shkollën “Gustav Majer”.

Njoftim mbi rastin e mësuesit të gjuhës angleze në shkollën “Gustav Mayer”:

Në vijim të ankesës së paraqitur nga dy prindër më datë 02.02.2026, Drejtoria e shkollës 9-vjeçare “Gustav Mayer” ka kryer menjëherë verifikimet përkatëse, në bashkëpunim me shërbimin psikosocial të institucionit. Në kuadër të këtij procesi, drejtoria dhe shërbimi psikosocial kanë hyrë në orën e mësimit të zhvilluar nga mësuesi dhe kanë administruar materialet përkatëse të përdorura gjatë procesit mësimor.

Bazuar në gjetjet e verifikimit, ndaj mësuesit z. Dritan Zaimi janë ndjekur procedurat ligjore dhe institucionale në fuqi. Konkretisht:

• Më datë 02.02.2026, Drejtoria e shkollës i ka përcjellë rastin Komisionit të Etikës (shkresa nr. 29 prot.), i cili u mblodh në të njëjtën datë.

• Me shkresën nr. 30 prot., Komisioni i Etikës ka referuar çështjen për shqyrtim në Komisionin e Disiplinës.

• Më datë 03.02.2026, Komisioni i Disiplinës u mblodh dhe, me votim të fshehtë, vendosi me 7 vota pro masën disiplinore “largim nga puna”.

Në zbatim të legjislacionit në fuqi, përfshirë Kodin e Punës të Republikës së Shqipërisë, ligjin nr. 69/2012 “Për sistemin arsimor parauniversitar në Republikën e Shqipërisë”, rregulloren për funksionimin e institucioneve arsimore parauniversitare dhe Kodin e Etikës së Mësuesit, Drejtoria e shkollës ka nisur procedurën për zgjidhjen e njëanshme të kontratës së punës.

Në respektim të afateve dhe të drejtës për t’u dëgjuar, mësuesi është njoftuar për t’u paraqitur më datë 09.02.2026, me qëllim parashtrimin e qëndrimit të tij lidhur me vendimin e marrë.

Që prej datës 03.02.2026, z. Zaimi nuk ka zhvilluar më orë mësimore në shkollën 9-vjeçare “Gustav Mayer”.

Institucionet arsimore mbeten të angazhuara për respektimin e standardeve profesionale, etikës dhe sigurisë së nxënësve, duke vepruar në përputhje të plotë me ligjin dhe procedurat përkatëse.

Reshjet e shiut të ditës së sotme shkaktuan përmbytje në Himarë pas vërshimit të përroit. Banesat që ndodhen afër shtratit të përroit, kanë prani uji dhe bante në katet e para duke i shkaktuar dëme në orenditë shtëpiake.

“Reshjet kanë qenë shumë të forta dhe përroi u mbush menjëherë. Uji doli në rrugë dhe hyri edhe në shtëpitë tona. Dëmet janë kryesisht në katet e para”, tha një banore.

Gjithashtu presencë të baltës dhe uji ka dhe përpara komisariatit të policisë.

Reshjet e dendura të shiut gjatë ditës së sotme kanë shkaktuar një situatë problematike edhe në fshatin Qeparo të Bashkisë Himarë.

Përmes një njoftimi, kryebashkiaku i Himarës, Vangjel Tavo, ka shkruar se vërshimi i ujit në Qeparo ka shkaktuar përmbytje në rrugë, toka dhe banesa.

Sipas Tavos, intensiteti i lartë i reshjeve, në një kohë shumë të shkurtër, e bëri të pamenaxhueshme gjendjen dhe përballimin e ujit nga infrastruktura kulluese.

Po ashtu, përmes një tjetër postimi në rrjetet sociale, Tavo ka bërë të ditur se në qytetin e Himarës, por edhe në zona të tjera, po punohet për kthimin e situatës në normalitet.

Tavo ka shkruar po ashtu se dalja nga shtrati e përroit në zonë ka sjellë depozitime balte dhe materialesh inerte, të cilat kanë krijuar problematika në rrugë dhe në mjedise të tjera publike.

Ai u ka bërë thirrje banorëve të Himarës, por edhe të zonave përreth që të shmangin lëvizjet e panevojshme, deri në përmirësimin e situatës.

“Po punohet për rikthimin e situatës në normalitet! Strukturat e Bashkisë janë në terren dhe në krye të detyrës për të eliminuar pasojat e vërshimit të ujërave në qytetin e Himarës dhe në zona të tjera.

Ndërprerja e reshjeve ka ulur intensitetin e prurjeve, por dalja nga shtrati e përroit ka sjellë depozitime balte dhe materialesh inerte, të cilat kanë krijuar problematika në rrugë dhe në mjedise të tjera publike. Po vijon puna për normalizimin e plotë të situatës.

Bashkia Himarë apelon që qytetarët të shmangin lëvizjet e panevojshme, veçanërisht me automjete, dhe aty ku është e mundur, të bashkëpunojnë për largimin e degëve dhe mbetjeve të pemëve të transportuara nga ujërat”, ka shkruar në një tjetër postim Tavo.

gijotina.com/

Një aksident rrugor ka ndodhur ditën e sotme në autostradën Tiranë-Elbasan, ku 4 automjete janë përplasur me njëri-tjetrin.

Nga aksidenti nuk ka pasur persona të lënduar, por vetëm dëme materiale.

Ndërkohë Policia dhe grupi hetimor ndodhen në vendngjarje, për të bërë të mundur zbardhjen e plotë të rrethanave të këtij aksidenti.

gijotina.com/

Këshilli i Ministrave ka miratuar një paketë vendimesh për indeksimin me 2.5% të pagave dhe elementeve përbërëse të tyre në disa kategori të administratës publike për vitin 2026.

Krahas indeksimit, në disa sektorë parashikohen edhe rregullime specifike të shtesave dhe kompensimeve.

Një operacion i Policisë së Shtetit italian kundër 4 shqiptarëve të dyshuar për vjedhje anesash u shoqërua me përleshje fizike në zonën e Kasertës në vendin fqinj, pavarësisht numrit të lartë të oficerëve të angazhuar në terren.

Rreth 100 efektivë policie rrethuan banesat e katër shqiptarëve në komunat San Marcellino dhe Cesak ku ata jetonin me familjet.

Por aksioni nuk shkoi sipas planit. Sipas mediave italiane, njëri nga shqiptarët tentoi të arratisej duke kaluar nga çatia në çati, duke vënë në alarm forcat speciale, ndërsa një tjetër reagoi dhunshëm dhe sulmoi policët gjatë arrestimit.

Momenti më dramatik ndodhi në San Marcellino, kur një i afërm i njërit prej të dyshuarve, gjithashtu shqiptar dhe me trup të fuqishëm, u hodh nga kati i parë drejt efektivëve të policisë, në përpjekje për të krijuar kaos dhe për të mundësuar arratisjen e njërit prej anëtarëve të bandës. Përplasja përfundoi me pesë policë të plagosur, fatmirësisht pa pasoja serioze.

Pavarësisht rezistencës dhe tentativave për arratisje, të katër shqiptarët u arrestuan, ndërsa personi që sulmoi policinë u neutralizua. Sipas autoriteteve italiane, grupi dyshohet se ishte i përfshirë në dhjetëra vjedhje banesash, duke përvetësuar nëpërmjet grabitjes shuma të konsiderueshme parash dhe sende me vlerë .

Hetimet vijojnë për të zbuluar rrjetin e plotë të bashkëpunëtorëve shqiptarë dhe për të verifikuar nëse banda kishte lidhje me grupe të tjera kriminale që veprojnë në Itali.

gijotina.com/

Drejtoria Teknike e FSHF-së ka përzgjedhur trajnerin e Vllaznisë, Edi Martini, si trajnerin më të mirë të muajit janar në kampionatin “Abissnet Superiore”.

Tekniku kuqeblu ka regjistruar katër fitore të rëndësishme gjatë këtij muaji në kampionat, ndaj kundërshtarëve si Egnatia, Dinamo City, Partizani dhe Teuta, duke u ngjitur gjithashtu në krye të renditjes.

Vllaznia kryeson kampionatin “Abissnet Superiore” me 42 pikë dhe meritën kryesore për këtë e ka stafi teknik, në krye me trajnerin Edi Martini.

Trofeu si trajneri më i mirë i muajit janar iu dorëzua Edi Martinit nga trajneri i Kombëtares U-21, Alban Bushi, përpara ndeshjes Vllaznia – Vora.