Një aksident me pasojë vdekjen ka ndodhur në fshatin Rrenas të Belshit.

Një 20 vjeçar dyshohet se ka aksidentuar me automjetin që drejtonte një 73 vjeçare, këmbësore, e cila si pasojë ka humbur jetën në spital.

“Në fshatin Rrenas, shtetasi K. I., 20 vjeç, dyshohet se ka aksidentuar me automjetin që drejtonte, shtetasen Rr. T., 73 vjeçe, këmbësore, e cila si pasojë ka humbur jetën në spital.

Me drejtuesin e automjetit po kryhen veprimet procedurale.”- njofton policia.

Grupi hetimor po punon për dokumentimin e rrethanave të aksidentit.

Këshilli i Ministrave ka miratuar aderimin e Shqipërisë në Bordin e Paqes, pas ftesës së presidentit amerikan Donald Trump.

Nesër do të zhvillohet seanca në Parlament për të ratifikuar “Bordin e Paqes”. Mësohet se seanca do të nisë në orën 10:00.

Kujtojmë se Edi Rama u shfaq i ekzaltuar nga kjo ftesë teksa tentoi të krijoi idenë se vendi ynë tashmë ka një peshë të rëndësishme në politikën globale, falë edhe lidershipit të kryeministrit socialist. Duke u servilosur, ai vlerësoi “udhëheqjen vizionare” të Trump-it, njeriun që, disa vite më, parë e konsideronte si “rrezik për botën mbarë dhe Shtetet e Bashkuara të Amerikës nëse zgjidhej president”.

Por në fakt, organizata Bordi i Paqes ka ftuar udhëheqësit e rreth 60 vendeve, duke përfshirë edhe Shqipërinë, ç’ka provon faktin që nuk ka asnjë konsideratë shtesë për zotin Rama jashtë konsideratës normale për marrëdhëniet bilaterale.

Agjencia mediatike “Bloomberg” ka listuar, deri më tani, më së paku 50 vendeve të botës që janë ftuar nga Trump për të marrë pjesë në “Bordin e Paqes”. Kjo listë, me shumë mundësi, është shumë më e gjatë dhe ajo pritet që të publikohet përfundimisht në Forumin Ekonomik të Davosit, që do të zhvillohet në mesin e shkurtit 2026.

Në listën e publikuar nga “Bloomberg”, rezulton se ftesa u është dërguar shteteve me peshë specifike në politikën ndërkombëtare, por edhe vendeve si Rusia, Kazakistani, Uzbekistani apo Vietnami, të cilat nuk konsiderohen si vende që shquhen për respektimin e të drejtave të njeriut apo paqes në botës.

Në vijim është lista e vendeve që e kanë konfirmuar, deri më tani, ftesën e Presidentit Donald Trump, për të marrë pjesë në “Bordin e Paqes”

1. Shqipëria
2. Argjentina
3. Australia
4. Austria
5. Bahrain
6. Bjellorusi
7. Brazil
8. Kanada
9. Kina
10. Qipro
11. Egjipt
12. Komisioni Europian
13. Finland
14. France
15. Gjermani
16. Greqi
17. Hungari
18. Indi
19. Indonezi
20. Irland
21. Izrael
22. Itali
23. Japoni
24. Jordani
25. Kazakistan
26. Marok
27. Hollandë
28. Zelanda e Re
29. Norvegji
30. Oman
31. Pakistan
32. Paraguaj
33. Poloni
34. Portugali
35. Katar
36. Rumani
37. Rusia
38. Arabia Saudite
39. Singapor
40. Slloveni
41. Korea e Jugut
42. Spanja
43. Suedi
44. Zvicër
45. Tailand
46. Turqi
47. Emiratet e Bashkuara Arabe
48. Mbretëria e Bashkuar
49. Ukraina
50. Uzbekistan
51. Vietnam

Policia ka arrestuar një vietnameze 51-vjeçare me iniciale Th. H., e cila akuzohet për ushtrim prostitucioni në një apartament të marrë me qira në rrugën “Mine Peza” në Tiranë.

Ndërkohë, u proceduan penalisht dy shtetas të tjerë, të cilët dyshohet se kanë përfituar nga këtë veprimtari të paligjshme.

“Shërbimet e Komisariatit të Policisë Nr. 3, në bashkëpunim me Prokurorinë e Tiranës, finalizuan operacionin pas hetimeve të kryera për dokumentimin e aktiviteteve të paligjshme në ambiente të tilla.

Në kuadër të operacionit, u arrestua 51-vjeçarja me inicialet Th. H., shtetase e Vietnamit, e cila dyshohet se ka ushtruar prostitucion në një apartament të marrë me qira në rrugën “Mine Peza”. Gjatë kontrollit, u sekuestruan shuma parash dhe një celular, si prova materiale.

Po ashtu, u proceduan penalisht dy shtetas të tjerë, të cilët dyshohet se kanë përfituar nga këtë veprimtari të paligjshme.“– njofton policia.

Materialet për këtë çështje iu referuan Prokurorisë për veprime të mëtejshme.

Kreydemokrati Sali Berisha ka denoncuar kryeministrin Edi Rama, duke thënë se ai ka përgjuar dhe kontrolluar edhe të huajt në Shqipëri. Në konferencën me gazetarët, kryedemokrati tha se në kancelaritë evropiane nuk flitet për gjë tjetër veçse për AKSHI-n.

Sipas Berishës, nga AKSHI janë eksportuar të gjithë të dhënat sekrete të Shqipërisë dhe ato të aleancës së Atlantikut të Veriut, tek organizatat kriminale dhe armiqtë e NATO-s

“Situata është edhe më dramatike dhe po kundërmon në mbarë Europën. Në kancelaritë evropiane nuk flitet për gjë tjetër veçse për AKSHI-n. Dy arsye.

Edi Rama ka përdorur AKSHI-n për të përgjuar dhe kontrolluar jo vetëm çdo qytetar shqiptar, por edhe çdo të huaj në Shqipëri.

Nga AKSHI janë eksportuar të gjithë të dhënat sekrete të Shqipërisë dhe ato të aleancës së Atlantikut të Veriut, tek organizatat kriminale dhe armiqtë e NATO-s dhe kjo përbën një dhunim të madh të sigurisë, jo vetëm për Shqipërinë, por edhe për rajonin dhe Europën.

Por AKSHI është një monedhë me dy faqe. Në njërën anë është Linda e AKSHI-t, në anën tjetër është Linda e Surrelit. Dhe kjo e trondit Edi Ramën. Kjo e shkatërron Edi Ramën”, tha Berisha.

Gjykata e Lartë ka rrëzuar këtë të mërkurë (21 janar), rekursin e Gjon Shkëmbit (i përfshirë në vrasjen e gjyqtarit Astrit Kalaja) për masë më të butë sigurie.

Gjon Shkëmbi është xhaxhai i Elvis Shkëmbit, i cili vrau gjyqtarin e Apelit dhe insiston se nuk e ka shtyrë nipin për të kryer krim, ashtu siç edhe akuzohet.

Ai i është drejtuar dy herë Gjykatës së Apelit, me ankim ndaj arrestit në burg caktuar nga Shkalla e Parë, por kërkesat e tij janë rrëzuar dhe ai e kishte ankimuar vendimin në Gjykatën e Lartë. Edhe kjo e fundit ka rrëzuar sot ankimimin e Shkambit dhe ai do vijojë të mbetet në qeli.

Gjon Shkambi pretendon se nuk ka pasur dijeni për veprimet e nipit të tij Elvis Shkambi, i cili zbrazi armën ndaj gjyqtarit Kalaja sapo ky i fundit lexoi vendimin kundër kërkesës së tij lidhur me një konflikt pronësie.

Ndërkohë vetë nipi i tij, 30-vjeçar, Elvis Shkambi, që ndodhet gjithashtu në paraburgim, nuk e ka apeluar vendimin për të kërkuar ndryshim të masës së sigurisë.

Kujtojmë se gjyqtari, Astrit Kalaja, u vra më 6 Tetor të këtij viti, pas përfundimit të një seance gjyqësore për një çështje pronësie në Shkodër, e cila ishte në shqyrtim në Apelin e Tiranës. Gjyqtari, Kalaja kishte dhënë vendimin kundër palës së përfaqësuar nga Elvis dhe Gjon Shkambi dhe menjëherë pas shpalljes së vendimit, Elvis Shkambi ka nxjerrë armën dhe ka qëlluar tre herë në drejtim të gjyqtarit, duke e goditur në gjoks dhe lënë të vdekur në vend. Gjatë të njëjtës ngjarje, janë plagosur edhe babë e bir, Rakip dhe Ervis Kurtaj, pala tjetër në proces.

Një 35-vjeçar ka rënë në prangat e policisë së Vlorës, pasi akuzohet për shpërndarje droge. Pas hekurave ra shtetasi me inicialet F. C.

“Në kuadër të kontrolleve të intensifikuara për goditjen e veprimtarive kriminale në fushën e narkotikëve dhe bazuar në informacionet e siguruara, shërbimet e Forcës së Posaçme “Shqiponja” arrestuan në flagrancë shtetasin F. C., 35 vjeç, banues në Vlorë.

Arrestimi u bë pasi, gjatë kontrollit të ushtruar ndaj automjetit tip Smart që drejtohej prej tij, si dhe gjatë kontrollit në banesë, iu gjet një sasi lënde narkotike e dyshuar kanabis sativa.”– njofton policia.

Materialet procedurale iu referuan Prokurorisë për veprime të mëtejshme.

Kreu i Partisë Demokratike, Sali Berisha, ka dalë sot në një konferencë për mediat ku ka hedhur akuza të forta ndaj zv/kryeministres Belinda Balluku dhe kryeministrit Edi Rama, duke e cilësuar këtë të fundit tërësisht të varur politikisht prej saj.

Sipas tij, Rama kërkon me çdo kusht të mbrojë Ballukun, pasi ajo, sipas Berishës, i garanton mbështetje edhe për të nëse ndodhet në vështirësi. Ai përmendi edhe atë që e quajti aktin e fundit të Ballukut, kërkesën për largimin e Elisa Spiropalit nga posti i ministres së Jashtme, duke pretenduar se mes tyre ka përplasje dhe intriga të brendshme.

Gjykata e Posaçme ka dhënë vendimin e saj duke e dënuar Leonard Dukën me 30 vite burg për vrasjen e Santiago Malkos.Ky vendim vjen pas një procesi të gjatë gjyqësor dhe konfirmon përfshirjen e Dukës në këtë ngjarje të rëndë kriminale.

Ndërkohë, për Erlis Dukën, vëllai i Leonard Dukës, është hequr masa e arrestit në burg, pasi ai u shpall i pafajshëm për të gjitha akuzat që rëndonin mbi të.

Po për këtë ngjarje është dënuar Fatmir Hyseni (Doqja) me 25 vite burg, Aleksandër Maxhaku me 25 vite burg, po ashtu me 25 vite është dënuar edhe Oltian Logaj.

Kujtojmë që Prokuroria e Posaçme kërkoi javën e kaluar dënimin e Leonard Dukës me 32 vite burg për veprat penale “vrasje me paramendim”, “grup i strukturuar kriminal” dhe “mbajtje pa leje të armëve dhe municioneve”. Sipas SPAK, Duka ka pasur rol kyç në organizimin e atentatit ndaj ish-policit.

Gjatë seancës, Leonard Duka ka deklaruar se është i pafajshëm, duke pretenduar se ndaj tij nuk ka asnjë provë konkrete dhe se procesi është i montuar nga policia për t’i dëmtuar imazhin. “Jam i pafajshëm dhe Prokuroria nuk ka asnjë fakt kundër meje. Kjo është e montuar nga policia. Kam besim te drejtësia”, u shpreh ai para trupit gjykues.

Ish-polici Santiago Malko u ekzekutua mbrëmjen e 27 gushtit 2019 në zonën e “Xhamllikut” në Tiranë. Ai u qëllua me breshëri kallashnikovi teksa udhëtonte me automjetin e tij BMW X5. Pas përplasjes së makinës me një mur lavazhi, autorët iu afruan dhe e qëlluan në kokë, duke i shkaktuar vdekjen e menjëhershme.

Në seancën e fundit, Leonard Duka, i njohur si rivali kryesor i bosit të lojërave të fatit Ervis Martinaj, pranoi se kishte pasur takime me Martinajn, por mohoi komunikime të vazhdueshme dhe përdorimin e aplikacionit të koduar SKY ECC, ndonëse prokuroria solli prova që sugjerojnë të kundërtën.

Malko, ish-efektiv policie për vetëm 3 muaj në strukturën e Patrullës së Përgjithshme në Tiranë, kishte një të kaluar të lidhur me botën e krimit. Ai ishte i përfshirë në ngjarjen e 4 tetorit 2018 në ish-Bllok, ku mbeti i vrarë Fabian Gaxha pas një përplasjeje të armatosur ku u përfshinë edhe figura të njohura të botës së krimit.

Leonard Duka u arrestua më 14 shkurt 2023 në Bruksel nga autoritetet belge, pasi në banesën e tij u gjetën armë zjarri dhe një sasi e konsiderueshme parash. Ai u ekstradua në Shqipëri në gusht 2024 dhe po përballet me drejtësinë për një nga ngjarjet më të rënda kriminale të viteve të fundit.

Një prej tre të arrestuarve në Tufinë, pjesë e një grupi që shiste armë zjarri, është edhe Ilir Zyberi, i njohur edhe si “i forti” i Yzberishtit. Ai rezulton të jetë i dënuar më parë par vrasje, si dhe është vëllai i Xubit të Yzberishtit, i cili humbi jetën në vitin 2021 pasi u aksidentua me motor.

Zyberi u arrestua bashkë me dy të tjerë, Artur Brahimaj dhe Artur Rushiti. 2 prej tyre u kapën në flagrancë, nga shërbimet e Policisë, në Tufinë, në tentativë për të shitur 2 armë zjarri kallashnikov.

Gjithashtu policia shpalli në kërkim një tjetër anëtar të dyshuar të grupit, ndërsa sekuestroi 5 armë zjarri dhe municion luftarak, që dyshohet se do të shiteshin në Tufinë dhe në Fresk.

Sipas burimeve armët shiteshin rreth 700-800 euro për llogari të grupeve të tjera kriminale dhe dyshohet se do përdoreshin në ngjarje kriminale.

Kush është Ilir Zyberi

Ilir Zyberi 55  vjeç, i njohur edhe me mbiemrin Avdillari është i dënuar më herët për vrasje, si dhe i skeduar në vitin 2017 për drogë.

I njohur si një ndër anëtarët e bandës së Yzberishtit në vitet ’97­’98, ka qenë i dyshuar për të paktën 20 vepra të rënda penale.

Dënimin më të rëndë prej 22 vitesh burgim, ai e mori për vrasje, duke e përfunduar disa muaj para se të arrestohej në vitin 2017.

Ai ishte dënuar për vrasjen e biznesmenit italian Stefano Rossi.

Vrasja u krye më 27 janar të vitit 1998, në momentin kur Rossi kishte tërhequr 30 milionë lireta nga banka dhe u ekzekutua vetëm 100 metra larg fabrikës së tij.

Debat i ashpër u zhvillua në Komisionin e Ligjeve gjatë shqyrtimit të projektligjit “Për kontrollin e lëndëve narkotike”, ku deputeti i Partisë së Lirisë, Tedi Blushi u përplas me zv/ministren e Shëndetësisë, Eugena Tomini.

Blushi akuzoi qeverinë se po tenton të legalizojë importin e drogës përmes ligjit, duke e cilësuar nismën si përpjekje për të ligjëruar trafikun. Sipas tij, “narkoshteti ka vendosur të legalizojë me ligj importin e drogës”, ndërsa shtoi se “kreu i narkoshtetit ka sjellë për miratim një ligj për kontrollin e lëndëve narkotike, kur ai vetë akuzohet si përdorues”.

Deputeti vijoi akuzat duke deklaruar se “kreu i organizatës paska vendosur me ligj të kontrollojë trafikun e drogës”, ndërsa kërkoi transparencë të plotë mbi zbatimin e ligjit. Blushi pyeti konkretisht se cilat janë kompanitë që do të operojnë në këtë fushë dhe cilat kompani janë licencuar për eksportin dhe importin e lëndëve narkotike.

“Shqipëria është damkosur si narkoshtet, ju talleni duke sjellë ligje të tilla pa transparencë. Na thoni emrat e kompanive”, tha ai, duke kërkuar gjithashtu përgjegjësi politike për, sipas tij, “kanabizimin e Shqipërisë” përpara se ligje të tilla të vijnë për miratim në Kuvend.

Në vijim të debatit, Blushi theksoi se autoritetet nuk mund të luftojnë drogën, sipas tij, “kur i gjithë shteti është vënë në funksion të trafikut të drogës duke e kthyer vendin në narkoshtet”. Ai përmendi edhe kërkesat e SHBA-së për luftë kundër karteleve të drogës, duke akuzuar qeverinë se, në të kundërt, “e ka përmbytur Shqipërinë me drogë”.

Sektori i transportit në Shqipëri vijon të përballet me një sërë sfidash strukturore që kufizojnë ndjeshëm zhvillimin ekonomik, tregtinë dhe potencialin turistik të vendit.

Raporti i Bankës Botërore thekson se edhe pse shpenzimet publike për infrastrukturën e transportit janë ndër më të lartat në rajon si peshë ndaj buxhetit:  rreth 7.5 për qind të totalit të shpenzimeve, ku afro 80 për qind u dedikohet rrugëve, problematikat e akumuluara ndër vite tregojnë se investimet nuk janë shoqëruar me efikasitet të qëndrueshëm dhe cilësi të mjaftueshme të shërbimit.

Rrjeti rrugor prej 15 mijë kilometrash mbart 98 për qind të trafikut të brendshëm të pasagjerëve, por pjesë të mëdha të tij mbeten të amortizuara, sidomos rrugët rurale dhe lidhjet rajonale, të cilat vuajnë nga standardet e dobëta të mirëmbajtjes, mungesa e parametrave bashkëkohorë të sigurisë dhe lidhshmëria e pamjaftueshme mes zonave ekonomike. Kjo situatë penalizon jo vetëm lëvizjen e njerëzve dhe mallrave, por edhe konkurrueshmërinë tregtare dhe flukset e turizmit, që varen nga një infrastrukturë funksionale dhe e qëndrueshme.

Sipas raportit, rritja e fortë e numrit të automjeteve, mbi 114 për qind në dekadën 2013–2023, ka ushtruar trysni të madhe mbi rrugët ekzistuese dhe ka përkeqësuar ndjeshëm ndotjen urbane, për shkak të flotës së vjetëruar, ku rreth 90 për qind e mjeteve janë më të vjetra se 10 vjet.

Trafiku i rënduar, zhurma, konsumi i lartë i karburanteve dhe emetimet e dëmshme e vendosin Shqipërinë ndër vendet me sfida serioze mjedisore në sektorin e transportit. Përveç rrugëve, infrastruktura hekurudhore paraqet një tjetër pikë të dobët. Mbi 70 për qind e linjave janë në gjendje të degraduar, duke kufizuar shpejtësinë, cilësinë e shërbimit dhe integrimin rajonal të vendit. Ndërkohë, transporti detar, që përpunon gati 55 për qind të volumit të mallrave, ka nevojë për modernizim të vazhdueshëm për t’u përshtatur me flukset tregtare në rritje dhe kërkesat e ekonomisë moderne.

Këtyre sfidave infrastrukturore u shtohet edhe cenueshmëria e lartë klimatike. Përmbytjet e shpeshta përgjatë korridoreve kryesore, si Tiranë–Durrës dhe Durrës–Vlorë, shkaktojnë humbje vjetore rreth 15 milionë dollarë, ndërsa dëmtimet në ura dhe prita rrjedhin në më shumë se 20 milionë dollarë të tjera në vit.

Transporti është gjithashtu sektori i dytë më i madh emetues në vend, duke kontribuar me rreth 22 për qind të totalit të emetimeve, çka e vendos në qendër të sfidave të tranzicionit të gjelbër të Shqipërisë. Në vlerësimet ndërkombëtare të cilësisë së infrastrukturës, vendi renditet ulët, si në cilësinë e rrugëve dhe energjisë, ashtu edhe në treguesit e logjistikës, duke reflektuar boshllëqet e akumuluara ndër vite.

Raporti thekson se Shqipëria mund të arrijë rezultate dukshëm më të larta nga niveli aktual i shpenzimeve, nëse investimet orientohen dhe menaxhohen më me efikasitet. Banka Botërore vlerëson se optimizimi i investimeve ekzistuese mund të përmirësonte rezultatin e Infrastrukturës me 18.6 për qind, duke afruar vendin me nivelet e CEE8 dhe cilësia e rrugëve me rreth 29 pikë përqindje. Rritja e efikasitetit të kapitalit publik do të sillte një kontribut prej 0.1 pikë përqindjeje në rritjen e PBB-së për frymë në periudhën 2026–2050, duke përmirësuar ndjeshëm zhvillimin afatgjatë ekonomik.

Në këtë kuadër, raporti i Bankës Botërore nënvizon disa rekomandime kyçe. Në afatshkurtër sugjerohet krijimi i një buxheti të dedikuar për mirëmbajtjen e urave dhe strukturave rrugore, forcimi i institucioneve dhe standardeve të sigurisë, rritja e transparencës dhe kontrollit në importet e automjeteve të përdorura dhe ruajtja e taksave të larta ndaj karburanteve fosile.

Në një perspektivë më të gjatë kërkohet mobilizimi i investimeve private për hekurudhat, nxitja e mobilitetit të gjelbër urban dhe ndërtimi i një kuadri të qartë për infrastrukturën e karikimit dhe reduktimin e varësisë nga automjetet.

Sipas raportit, vetëm një kombinim i tillë politikash të qëndrueshme, investimesh efikase dhe reformash institucionale mund të transformojë sektorin e transportit në një motor real zhvillimi për ekonominë shqiptare./Ekofin

Ish-kandidati për deputet i Partisë Dermokratike, Aulon Kalaja, ka denoncuar këtë të mërkurë gjendjen skandaloze të rrugës kryesore, në Luz të Fushë-Krujës.

Në një reagim në rrjete sociale, Kalaja shkruan se rruga kryesore në këtë zonë, ndodhet në gjendje të amortizuar, ku reshjet e shiut kanë mbushur gropat duke u kthyer në burim rreziku për shumë shoferë mjetesh.

Sipas tij, gjendja është përkeqësuar edhe për shkak të çarjes së tubacioneve të ujit, ku ky i fundit bashkë me reshjet kanë vërshuar në rrugë duke vështirësuar qarkullimin.

Kalaja ka ngritur më tej akuza se kjo rrugë është lënë në mëshirë të fatit dhe pa asnjë investim prej vitesh.

“Asnjë investim për Luzin. Është një rrugë shumë e rëndësishme e Fushë-Krujës dhe ndodhet në gjendje të amortizuar prej shumë kohësh. Janë hedhur vetëm disa makina me çakull por kur bije shi rruga bëhet në këtë lloj gjëndje. Rruga është e amortizuar. Rrugën e ka amortizuar edhe më shumë çarja e tubacioneve të ujit. Luzi është totalisht i harruar, i lënë në mëshirë të fatit, pa asnjë lloj investimi. Skandal”, shprehet Kalaja ndër të tjera.

Një vit nga marrja e detyrës së Donald Trump si president i SHBA-ve, ambasada amerikane në vendin tonë ka publikuar mesazhin e sekretarit Marco Rubio, i cili ka deklaruar se “Trump ka rikthyer sovranitetin amerikan duke ndjekur me guxim paqen përmes forcës”.

Në mesazhin e Rubios, të shpërndarë nga ambasada amerikane thuhet se falë udhëheqjes së Trump, ‘aleatët tanë na respektojnë, kundërshtarët tanë na frikësohen, dhe populli amerikan vihet në radhë të parë’.

“Në vetëm një vit, Presidenti Trump ka rikthyer sovranitetin amerikan duke ndjekur me guxim paqen përmes forcës. Falë udhëheqjes së tij vendimtare, aleatët tanë na respektojnë, kundërshtarët tanë na frikësohen, dhe populli amerikan vihet në radhë të parë. Premtime të bëra, premtime të mbajtura.” ka thene Sekretari i Shtetit Marco Rubio.

Prokuroria e Vlorës ka sekuestruar pasuritë e shtetasit Arjan Rrokaj dhe familjarëve të tij, të cilat nuk justifikohen nga të ardhura të ligjshme.

Sipas njoftimit, vendimi u mor nga Gjykata e Shkallës së Parë të Juridiksionit të Përgjithshëm Vlorë, pas kërkesës së organit të akuzës, në kuadër të hetimeve për veprën penale “Pastrimi i produkteve të veprës penale ose veprimtarisë kriminale”.

Sipas organit të akuzës nga hetimet ka rezultuar se Arjan Rrokaj i dënuar më parë për “Trafik të lëndëve narkotike” dhe “Organizatë kriminale”, nuk mund të justifikonte pasuritë e krijuara.

Në bazë të vendimit të gjykatës, u sekuestruan:

Sipas njoftimit, vlera totale e pasurive të sekuestruara të larpërmendura arrin në 400,000 euro.

Ish-deputetja e PS-së Blerina Gjylameti është emëruar në krye të Autoritetit Kombëtar të Ushqimit. Gjylametit i është besuar institucioni, që shpesh herë ka qenë në qendër të skandaleve, sa i takon rasteve të abuzuara të produkteve bujqësore me përmbajtje pesticidesh të ndaluara.

Më herët në krye të AKU-së ishte Manush Kullolli.

Gjylameti në zgjedhjet e 11 majit nuk arriti që të merrte mandatin e saj, pasi Olta Xhaçka siguroi më shumë vota, duke bërë që të dalë jashtë Parlamentit.

Dhëndri i Donald Trump, Jareed Kushner dhe bashkëshortja e tij Ivanka Trump, kanë mbërritur mëngjesin e kësaj të mërkure në qytetin e Vlorës.

Sipas raportimeve, Kushner dhe Trump janë parë të shoqëruar me delegacion, nën masa të rrepta sigurie, në zonën e Ujit të Ftohtë.

Burime për mediat bëjnë me dije se aty do të zhvillohet një takim për të diskutuar më tepër rreth investimit në ishullin e Sazanit.

Sipas informacioneve do të zhvillohet një takim nëpërmjet Jared Kushner me një studio arkitekturore ku do të diskutohet për mënyrën e realizimit të projektit, investimit në ishullin e Sazanit.

Kompanisë së Kushner, i është dhene statusi “Investim/Investitor strategjik procedurë e veçantë” duke e konsideruar projektin të “një rëndësie strategjike për vendin”.

Sipas vendimit, ky status, që jepet për një periudhë 10 vjeçare është “i kushtëzuar me realizimin e detyrave, planit të veprimit të parashikuar në këtë vendim, si dhe me finalizimin e marrëveshjes së bashkëpunimit midis palëve, të vlefshme miratuar me ligj të veçantë në Kuvend sipas parashikimeve ligjore të zbatueshme”.

Dhëndri i Donald Trump, Jareed Kushner dhe bashkëshortja e tij Ivanka Trump, kanë mbërritur mëngjesin e kësaj të mërkure në qytetin e Vlorës.

Sipas raportimeve, Kushner dhe Trump janë parë të shoqëruar me delegacion, nën masa të rrepta sigurie, në zonën e Ujit të Ftohtë.

Burime për mediat bëjnë me dije se aty do të zhvillohet një takim për të diskutuar më tepër rreth investimit në ishullin e Sazanit.

Sipas informacioneve do të zhvillohet një takim nëpërmjet Jared Kushner me një studio arkitekturore ku do të diskutohet për mënyrën e realizimit të projektit, investimit në ishullin e Sazanit.

Kompanisë së Kushner, i është dhene statusi “Investim/Investitor strategjik procedurë e veçantë” duke e konsideruar projektin të “një rëndësie strategjike për vendin”.

Sipas vendimit, ky status, që jepet për një periudhë 10 vjeçare është “i kushtëzuar me realizimin e detyrave, planit të veprimit të parashikuar në këtë vendim, si dhe me finalizimin e marrëveshjes së bashkëpunimit midis palëve, të vlefshme miratuar me ligj të veçantë në Kuvend sipas parashikimeve ligjore të zbatueshme”.

Një tjetër investim konkret në shërbim të futbollit shqiptar u inaugurua në Durrës, me hapjen e fushës së re pranë shkollës së Mjeshtërisë Sportive “Benardina Qerraxhia”, duke i shtuar qytetit një aset të rëndësishëm sportiv, që do t’i shërbejë jo vetëm nxënësve të kësaj shkolle, por edhe fëmijëve të akademisë së FSHF-së “Elite Youth”.

Ky investim realizohet në kuadër të projektit madhor “100 fushat”, një nga nismat më ambicioze të Federatës së Futbollit për zhvillimin e infrastrukturës sportive në të gjithë vendin. Fusha me bar artificial vjen falë bashkëpunimit mes FSHF-së dhe Bashkisë së Durrësit, duke krijuar kushte bashkëkohore për stërvitje dhe zhvillimin e talenteve të reja.

Në ceremoninë e inaugurimit, Presidenti i Federatës së Futbollit, Armand Duka, i shoqëruar nga Drejtoresha e shkollës “Benardina Qerraxhia”, drejtues dhe staf i akademisë “Elite Youth” si edhe futbollistët e kësaj akademie, theksoi rëndësinë e këtij investimi si pjesë e një vizioni afatgjatë për të ardhmen e fëmijëve dhe të futbollit shqiptar.

“Ju falënderoj për pjesëmarrjen. Sot jemi këtu për të inaguruar fushën e shkollës, që do t’i shërbejë jo vetëm nxënësve, por edhe akademisë Elite Youth të FSHF për të rritur talentin e tyre në këtë fushë moderne. Ky projekt është vazhdim i projekteve të FSHF për përmirësimin e infrastrukturës, për të vënë sa më shumë hapësira moderne për fëmijët tanë, për edukimin e fëmijëve në Shqipëri. Një detyrë realisht e vështirë për të gjitha kushtet që ka vendi dhe kjo është një nga ato fusha që ne kemi investuar. Projekte të tilla vazhdojnë dhe janë projekte që do t’i shëbejnë akoma edhe më shumë të ardhmes së fëmijëve.

Kreu i qeverisë së futbollit shqiptar vlerësoi bashkëpunimin institucional dhe falënderoi të gjithë partnerët e përfshirë në realizimin e këtij projekti.

“Dua të falënderoj Drejtoreshën dhe stafin e shkollës “Benardina Qerraxhia”, Bashkinë e Durrësit për bashkëpunimin dhe uroj të kemi edhe bashkëpunime jo vetëm për infrastrukturë, fusha, terrene sportive, por për të gjithë komponentët që na ndihmojnë për edukimin e fëmijëve nëpërmjet futbollit”.

Më tej, në një mesazh për fëmijët dhe të rinjtë, Presidenti nënvizoi rolin edukues dhe social të futbbollit, duke i ftuar ata të mos heqin dorë nga pasioni dhe ëndrrat e tyre.

“Ju ftoj juve që jeni në fushë, megjithëse në një moshë të maturuar, të vazhdoni këtë pasion, futbollin. Do të keni mbështetjen jo vetëm të Federatës së Futbollit, por edhe të institucioneve shqiptare për t’ju krijuar kushte sa më të mira, për të vazhduar këtë pasion dhe për të ndjekur ëndrrën tuaj. Uroj që të bëheni futbollistë profesionistë, të bëheni shumë të mirë. Edhe nëse nuk bëheni profesionistë, futbolli do t’ju shërbejë shumë në jetë, pasi në këtë botë të sotme, të egër, ku fëmijët tërhiqen edhe nga veset, futbolli shërben për t’i larguar, për t’i edukuar ndjenjën e sakrificës, frymën e skuadrës që do të jetë shumë e rëndësishme në të gjithë jetën tuaj edhe pas futbollit profesionist. Asnjëherë mos u dorëzoni, asnjëherë mos u tërhqni duke menduar se nuk u bëra titullar në një skuadër por vazhdojeni atë.

Ju falënderoj dhe ju uroj që ta gëzoni këtë fushë dhe t’ju shërbejë sa më shumë” – përfundoi fjalën e tij Presidenti Duka.

Drejtoresha e shkollës “Benardina Qerraxhia”, Erida Zorba, falënderoi Presidentin dhe FSHF-në për këtë projekt, duke e cilësuar fushën e re si një hap të madh për përmirësimin e kushteve sportive dhe formimin e brezave të ardhshëm.

“Një falënderim shumë i veçantë për ju President, një falënderim i veçantë për të gjithë FSHF. Kjo fushë mbyll ciklin e të gjithë bazës materiale dhe terreneve sportive që ofron shkolla. Shumë faleminderit dhe shpresoj shumë që jo vetëm ju, por edhe brezat që do të vijnë do të kenë një mundësi shumë të mirë që të jenë lider në fushën e sportit” – tha në fjalën e saj Erida Zorba.

Gjykata e Posaçme ka shpallur të pafajshëm deputetin dhe kryetarin e Partisë Mundësia, Agron Shehaj, për veprën penale të shpifjes, në çështjen e ngritur pas deklaratave të tij ndaj kreut të “Shqipëria Bëhet”, Adriatik Lapaj.

Sipas vendimit të GJKKO-së, Shehaj nuk është gjetur fajtor për shpifje, për deklaratat publike ku kishte akuzuar Lapajn se kishte marrë para nga krimi i organizuar.

Gjykata vendosi ta shpallë fajtor Shehajn vetëm për veprën penale të fyerjes, duke e dënuar me gjobë në vlerën e 300 mijë lekëve.

Në vendim theksohet se akuzat nuk plotësojnë elementët e veprës penale të shpifjes, ndërsa janë konsideruar si fyerje ndaj figurës së Adriatik Lapajt.

Kujtojmë se Adriatik Lapaj e kishte paditur Agron Shehajn për shpifje, në lidhje me deklarata publike të këtij të fundit, ku ka pretenduar për lidhje të Lapajt me eksponentë të botës së krimit. Shehaj e akuzoi Lapajn se kishte marrë 4.5 milionë lekë nga një kompani e sekuestruar nga SPAK pasi përdorej për të pastruar paratë e një grupi kriminal. Ai mohoi akuzat duke thënë se paratë nuk i kishte marrë dhe ishin thjesht detyrime ndaj shërbimeve si avokat ndaj kompanisë në fjalë.

Edi Rama ka gjetur edhe sot rastin për të sulmuar sistemin e drejtësisë dhe gjyqtarët.

Gjatë fjalës së tij në homazhet për ngjarjen e 21 janarit, Rama kritikoi vonesat e sistemit gjyqësor dhe mungesën e veprimeve konkrete ndaj tragjedisë, duke deklaruar se edhe pas 15 vjetësh, shumë viktima të paraburgosurve mbeten sipas tij të pambrojtur dhe drejtësia shtetërore shpesh duket e vonuar.

Sipas Ramës, SPAK ngre akuza me letra anonime, ndërsa gjyqtarët sipas tij paguhen me rroga më të larta se vetë qeveritarët.

“Sot, burgjet e Shqipërisë mbajnë me taksat e qytetarëve më shumë të paraburgosur të plasur nëpër qeli pa gjyq. Edhe një pjesë e të paraburgosurve janë viktima të shkeljeve të të drejtave të njeriut. Është një panoramë e trishtueshme e një drejtësie të dhunuar, dhe 21 Janari tregon drejtësinë e vonuar.

Përgjegjësit kryesorë të tragjedisë mezi u thirrën për t’u pyetur për herë të parë pas thuajse 15 vjetësh, që mbushen sot. E kam ditur dhe e kam thënë, kjo është e dokumentuar në shumë kronika dhe intervista. 21 Janari, si krim shtetëror, hyn tek ajo pjesë e historisë që tregon se drejtësia vonon shumë, por nuk harron kurrë.

Është shumë interesante për krimet shtetërore, sepse nuk rezulton asnjë krim shtetëror i padënueshëm; gjithçka varet vetëm nga sa vonon ndëshkimi për një krim të tillë. Por, me përpjekjen për të gjetur ngushëllim në histori, nuk kam menduar që Reforma në Drejtësi – për të cilën 21 Janari ka qenë një burim energjie për ta çuar përpara dhe strukturat e reja speciale, krejtësisht të pavarura, nuk do të ngrinin asnjë akuzë edhe pas 15 vjetësh nga vrasja mizore në bulevard.

Fatkeqësisht, për 15 vite me radhë edhe vetë SPAK-u bëri sikur kjo çështje nuk ekziston. Pavarësisht se bëhet fjalë për kryeçështjen e drejtësisë, kur ka dashur ka ngritur akuza brenda një viti me letra anonime. Apo ka konsumuar energji me vite duke mbajtur peng punën me interes shtetëror, me çështje të sforcuara aq shumë sa mund të shkruhen romane satirike dhe jo vendime të formës së prerë.”-tha Rama.