Foltorja e 6-të e opozitës ka nisur ditën e sotme. Protestës së PD-së i është bashkuar edhe lideri i opozitës, Sali Berisha. Qëllimi i protestave është largimin i Edi Ramës nga pushteti. Nga pamjet me dron duket pjesëmarrje e ulët.

Deputeti i Partisë Demokratike, Luçiano Boçi ka deklaruar ditën e sotme se Rama ka ndërtuar një narkoshtet dhe se meriton fatin e Maduros. Gjatë fjalës së tij në foltoren e opozitës të vendosur para Kryeministrisë, Boçi tha se Rama ka ndërtuar mbretërinë e së keqes, si parajsën e vet dhe ferrin e qytetarëve. Ai tha se SHBA-ja në vend të urimit i kujtuan kryeministrit se ka ndërtuar në mes të Evropës një narkoshtet.

“Të dashur qytetar, nuk jemi këtu për spektakël politik, as numrash e as fjalimesh. Jemi këtu për të kërkuar llogaridhënie, për të transmetuar dhe mbrojtur të vërtetat tona se janë të vërtetat e atyre qytetarëve që ndjejnë thikën e mjerimit t’i ngulet çdo ditë e më thellë nga kjo qeverisje dhe për këtë shkak 46% janë në rrezik varfërie apo përjashtimi social dhe të atyre që mbajnë mbi supe peshën e korrupsionit, grabitjeve dhe vjedhjeve nga Llogara deri te porti i Durrësit, nga inceneratorët e laboratorët, nga pjesa e unazës deri te Qafë Plloça.

Është e vërteta e atyre qytetarëve që shohin para syve të tyre me grushta të mbledhur talljen që i bën Rama me shpurën e tij, që bën me pensione qesharake, me tigra, me satelitë orbitalë dhe parlament banal. E vërteta e atyre që deri tani degdisën të afërmit ndërsa sot kërkojnë të shkatërrojnë familjet. Ky Rama ka ndërtuar këtu atje mbretërinë e së keqes, si parajsën e vet dhe ferrin e qytetarëve. Ai dhe shpura e tij, Ballukët e Agasët hedhin vallen e vdekjes mbi fatet e shqiptarëve, ndërsa vet notojnë në luks të shfrenuar. Të vërtetat tona janë të Berishës, e vilët i mbrojti dhe i përballoi me durim, vullnet e qëndresë. Shba në vend të urimit i kujtuan kryeministrit se ka ndërtuar në mes të evropës një narkoshtet”, tha ai.

gijotina.com/

Maduro nuk ka pranuar fajësinë para gjykatës ditën e sotme.

Udhëheqësi i Venezuelës, Nicolás Maduro, është deklaruar i pafajshëm në paraqitjen e tij të parë në gjykatë në Nju Jork, pasi u kap në një operacion ushtarak amerikan . Ai përballet me akuza për drogë dhe armë .

Maduro argumenton çështjen e tij: Udhëheqësi i tha gjykatësit se ai është “ende president i Venezuelës” dhe “nuk është fajtor për asgjë që përmendet këtu”.

Presidenti venezuelian Nicolas Maduro, i marrë i pandehur nga SHBA nën akuzën për narko-terrorizëm do të përfaqësohet në seancën e parë gjyqësore nga një emër i njohur i avokatisë amerikane.

Bëhet fjalë për juristin amerikan Barry Pollack, i njohur për përfaqësimin afatgjatë të themeluesit të WikiLeaks, Julian Assange.

Barry Pollack, një avokat penalist me reputacion të lartë në Shtetet e Bashkuara, ka depozituar zyrtarisht njoftimin e përfaqësimit ligjor në dosjen e çështjes për trafik droge në Distriktin Jugor të Nju Jorkut, përpara seancës gjyqësore të parashikuar për orën 18:00.

Ndërkohë gruaja e Maduros, Celia Flores, do të mbrohet nga Mark Donnelly, një avokat nga Hjustoni i specializuar në krimet e jakave të bardha dhe ish-prokuror i Departamentit të Drejtësisë.

Çështja penale ndaj Nicolas Maduro-s në Shtetet e Bashkuara përbën një nga përplasjet më të forta ligjore dhe diplomatike mes Washingtonit dhe Karakasit, ndërsa autoritetet amerikane e akuzojnë presidentin venezuelian për përfshirje në rrjete ndërkombëtare të trafikut të drogës.

Turma njerëzish janë mbledhur pranë gjykatës së Nju Jorkut ku po shfaqet aktualisht presidenti i rrëzuar i Venezuelës, Nicolás Maduro.

Dy grupe të ndara në grupe të kundërta ishin në vendngjarje për të demonstruar, disa duke brohoritur për kapjen e tij dhe të tjerë duke protestuar kundër tij.

Njerëz që valëvitnin flamuj venezuelianë u panë duke bërtitur slogane, përfshirë: “Kush jemi ne? Venezuela! Çfarë duam? Liri!”

gijotina.com/

Këshilli i Sigurimit të OKB-së, është mbledhur pasditen e kësaj të hëne për të diskutuar zhvillimet më të fundit në Venezuelë, ku u arrestua nga forcat amerikane, presidenti Nicolas Maduro dhe gruaja e tij.

Mbledhja e Këshillit të Sigurimit pritet të vijojë me diskutime mes anëtarëve të cilët e kanë cilësuar arrestimin e Maduros si precedent të rrezikshëm.

Sipas OKB-së, zhvillimet e fundit rrezikojnë të përshkallëzojnë tensionet në Amerikën Latine dhe të minojnë parimet e sovranitetit shtetëror dhe të së drejtës ndërkombëtare, ndërsa pritet të diskutohet për fatin e popullit venezuelian i cili ka mbetur pa president.

Kujtojmë se Nicolas Maduro dhe gruaja e tij, u arrestuan dy ditë më parë nga forcat amerikane “Delta” me urdhër të Donald Trump, nën akuzat për terrorizëm, organizatë kriminale konspiracion, trafik narkotikësh dhe armësh.

Një ngjarje e rëndë e dhunës në familje është regjistruar në Lushnjë, ku një konflikt brenda familjes ka përfunduar me ndërhyrjen e policisë.

Sipas njoftimit zyrtar, nusja ka ushtruar dhunë ndaj vjehrrës, ndërsa më pas bashkëshorti i saj ka dhunuar gruan, duke përshkallëzuar situatën.

Ende nuk dihen shkaqet që çuan në nisjen e konfliktit, ndërsa Policia e Lushnjës ka nisur procedim penal ndaj të dy bashkëshortëve.

“Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasit E. S., 42 vjeç dhe M. S., 38 vjeçe (bashkëshortë), pasi 38-vjeçarja ka ushtruar dhunë ndaj vjehrrës së saj, ndërsa shtetasi E. S. ka ushtruar dhunë ndaj bashkëshortes”, njofton policia.

Ngjarja po hetohet për zbardhjen e plotë të rrethanave.

Reshjet e dendura të shiut dhe prurjet e paparashikueshme nga lumenjtë anësorë kanë rritur nivelin e ujit në hidrocentralet e kaskadës së Drinit pranë kuotave maksimale, duke detyruar KESH të nisë shkarkimet e ujit nga hidrocentralet e Komanit dhe të Vaut të Dejës. Në këtë të fundit, është hapur vetëm një turbinë e cila po shkarkon 500 metër kub ujë për sekondë.

Ndërkohë, niveli i ujit është i lartë edhe në hidrocentralin e Komanit, ku kanë nisur shkarkimet nga dy porta, për të menaxhuar rritjen e prurjeve dhe për të shmangur tejkalimin e kuotave të sigurisë.

Sipas burimeve, shkarkimet janë diktuar kryesisht nga prurjet anësore, ndërsa lumi Valbona po sjell sasi të konsiderueshme uji në sistem.

Hidrocentrali i Fierzës ndodhet aktualisht në kuotën 280 metra, nga 296 metra që është kapaciteti maksimal i lejuar, duke vijuar operimin në parametra të kontrolluar.

Autoritetet po monitorojnë në mënyrë të vazhdueshme situatën në të gjithë kaskadën e Drinit, për të garantuar sigurinë e veprave energjetike dhe zonave përreth.

gijotina.com/

Një 40-vjeçar shqiptar është arrestuar në flagrancë nga policia italiane në Xhenova, teksa ushtronte trafik kokaine me “delivery”, duke ua dorëzuar lëndën narkotike klientëve drejtpërdrejt në banesat e tyre.

Sipas mediave italiane, hetimet e kryera nga Squadra Mobile zbuluan se shqiptari kishte ngritur një aktivitet të mirëorganizuar shpërndarjeje droge, duke lëvizur kryesisht me transport publik për të shmangur dyshimet.

Gjatë një kontrolli pranë banesës së tij, oficerët e panë 40-vjeçarin të hipte në një autobus me një pako në dorë dhe e ndoqën deri në një pallat në lagjen San Fruttuoso. Sapo ai i ra ziles së një apartamenti ku dyshohej se do të kryente shitjen, policia ndërhyri.

Në përpjekje për t’i shpëtuar arrestimit, shqiptari tentoi ta hidhte paketën brenda apartamentit, por veprimi u vu re nga efektivët. Gjatë sekuestrimit u gjetën mbi 40 gramë kokainë, si edhe një shumë parash që dyshohet se përfitoheshin nga aktiviteti kriminal.

40-vjeçari, i njohur më herët për forcat e rendit për precedentë penalë të ngjashëm, u shoqërua fillimisht në komisariat dhe më pas u transferua në Burgu Marassi, ku do të qëndrojë në pritje të vendimit gjyqësor.

Kontrolli i Lartë i Shtetit (KLSH) ka zbarkuar sot në Vlorë, në Pyllin e Sodës, ku prej javësh janë ngritur shqetësime lidhur me prerjen e pemëve. KLSH ka zbarkuar menjëherë pas denoncimit të qytetarëve mbi problematikën e krijuar.

Sipas informacioneve, KLSH ka kryer disa inspektime në terren, duke verifikuar situatën në Pylli i Sodës, si dhe dokumentacionin shoqërues të ndërhyrjeve të realizuara. Inspektorët po shqyrtojnë nëse ndërhyrjet janë kufizuar vetëm në rehabilitim dhe pastrim, apo nëse ka pasur prerje të pemëve të reja, çka do të përbënte një shkelje të rëndë ligjore dhe mjedisore.

Kontrolli do të vijojë në të gjithë sipërfaqen e pyllit, me qëllim dokumentimin e plotë të situatës. Në përfundim të inspektimit, pritet që KLSH të publikojë një raport të detajuar, ku do të pasqyrohen gjetjet dhe dëmet e shkaktuara.  Ky nuk është rasti i parë që KLSH ushtron kontrolle në Pyllin e Sodës, çka tregon se zona ka qenë edhe më herët nën vëzhgim për shkak të ndërhyrjeve të diskutueshme.

gijotina.com/

Pak ditë pas skandalit me krizën 5-ditore të ujit në Vlorë, teksa të gjithë prisnin shkarkimin e tij nga detyra, Flauers Shoshi shpërblehet nga qeveria Rama dhe emërohet drejtor i ri i Ujësjellës Kanalizime Tiranë (UKT).

Deri para marrjes së kësaj detyre, Shoshi ka shërbyer si kreu i Agjencisë Kombëtare të Ujësjellës-Kanalizimeve.

Shoshi zëvendëson në këtë detyrë ish-drejtorin Skerdi Drenova. Ky i fundit u largua nga ky post në ditët e fundit të vitit 2025.

Vendi do të përfshihert nga reshje me intensitet të lartë në veri dhe jug, këtë pasdite dhe ditën e nesërme. Sipas Institutit të Gjeoshkencave, në qarqet Shkodër, Kukës, Lezhë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave.

Ndërsa në zonat urbane këtë qarqe mund të shfaqen probleme me përmbytje të lokalizuara, në varësi të gjëndjes së kanalizimeve. Si rezultat i reshjeve me intensitet të lartë do të ketë rritje të rrezikshme të prurjeve dhe niveleve në lumenjtë Drin-Buna, Liqeni Shkodrës, lumi Mat, Shkumbin dhe Vjosë.

Specifikisht, liqeni i Shkodrës do të kenë rrezik të shtuar për përmbytje me prurje dhe nivele të larta në vazhdim të ditës së sotme dhe të nesërme.

NJOFTIMI

Sot pasdite (e hënë, dt. 05) dhe nesër (e martë, dt. 06) priten reshje me intensitet të lartë kryesisht në veri dhe jug të vendit. Në qarqet Shkodër, Kukës, Lezhë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve. Sipas llogaritjeve hidrologjike të IGJEO-s, si rezultat i reshjeve me intensitet të lartë të rëna gjatë ditëve të kaluara, të cilat do të vazhdojnë deri ditën e Enjte dt.08 Janar, do të ketë rritje të rrezikshme të prurjeve dhe niveleve në lumenjtë Drin-Buna, Liqeni Shkodrës, lumi Mat, Shkumbin dhe Vjosë. Lumi Drin-Buna dhe Liqeni i Shkodrës do të kenë rrezik të shtuar për përmbytje me prurje dhe nivele të larta në vazhdim të ditës së sotme dhe të nesërme.

RESHJET

Sot pasdite (e hënë, dt. 05) dhe nesër (e martë, dt. 06) në qarqet Shkodër, Kukës, Vlorë dhe Gjirokastër priten reshje intensive deri lokalisht shume intensive. Në qarqet Lezhë, Berat dhe Korçë priten reshje mesatare deri lokalisht intensive. Në qarqet e tjera priten reshje të dobëta deri mesatare. Reshjet priten të shoqërohen me shtrëngata (siç tregohet në tabelë, respektivisht për secilin qark).

TEMPERATURA

Nesër (e martë, dt. 06) temperaturat minimale dhe maksimale të ajrit pritet të arrijnë: në bregdet: 13/ 17 °C në vendet e ulëta: 12 / 17 °C në vendet malore: 5 / 11 °C

ERA

Sot pasdite (e hënë, dt. 05) dhe nesër (e martë, dt. 06) era pritet të fryjë mesatare deri e fortë në bregdet dhe në veri.

gijotina.com/

Policia e Fierit ka arrestuar një 26-vjeçar, pasi shpërndante lëndë narkotike kokainë në Fier.

Gjatë kontrollit fizik dhe të automjetit që i riu drejtonte, shërbimet e policisë gjetën dhe sekuestruan 81 gramë  kokainë.

I arrestuari është shtetasi Y. E., 26 vjeç, banues në Fier. Gjatë ndërhyrjes, ai ka tentuar të largohet, por është ndaluar nga policia.

Në cilësinë e provës materiale janë sekuestruar gjithashtu një automjet dhe tre aparate celularë.

Pas festimeve të Krishtlindjeve dhe Vitit të Ri, janari nis me rritje të sëmundshmërisë nga gripi. Ditët e para të 2026 kanë rritur infektimet në popullatë, kryesisht nga gripi i stinës por dhe virozat e tjera në qarkullim. Për mjekët është një situatë e pritshme që ndodh çdo fillimvit, për shkak të  grumbullimeve të ndryshme, udhëtimeve brenda dhe jashtë vendit por dhe nga ftohja e motit.

Sipas raportimeve nga Urgjenca Kombëtare, fëmijët 4 deri 14 vjeç rezultojnë moshat më të prekura në këtë periudhë kryesisht nga AH3N2.

Mjeku Skëndër Brataj, ka treguar për A2 CNN, se gripi i këtij sezoni ka karakteristikë temperaturën e lartë dhe shumë rezistente. Kreu i Urgjencës Kombëtare këshillon prindërit të mos alarmohen dhe mos nxitojnë drejt spitalit nëse nuk kanë shenja shqetësuese dhe serioze.

Ashtu si çdo sezon gripi, intensiteti i qarkullimit të tij rritet në muajt e ftohtë dhe kulmi i infektimeve shënohet në fund të janarit, fillim të shkurtit. Krahas nënvarinteve AH3N2 dhe AH1N1, në qarkullim janë dhe virusi Sinsincial, i cili prek kryesisht fëmijët e mitur, Covid-19 dhe viroza të tjera.

Analisti dhe gazetari Basir Çollaku deklaroi se shumë shpejt kryeministri Edi Rama do të thirret nga SPAK për të dëshmuar për çështjen McGonigal, ish-zyrtari i FBI-së që akuzohet për korrupsion. I ftuar në programin e drekës në News24, Çollaku tha se Rama do të jetë më shumë në SPAK se sa në zyrën e tij.

Ai tha se disa dosje janë në SPAK që presin të hetohen.

“Pres zhvillime të tjera brenda këtij muaj. Janë çështje që prekin dhe mazhorancën. Janë disa çështje, si ajo e McGonigal. Brenda këtij muaj do të shkojë në SPAK për këtë çështje disa zyrtarë, mes tyre dhe kryeministri i vendit. Kryeministri do të jetë më shumë në SPAK sesa në zyrën e tij.”, pohoi ai.

Po ashtu Çollaku u ndal dhe te situata brenda PD-së, si dhe lëvizja e Salianjit. “Duhet të ketë një hapje të brendshme të PD. Duhet të shkojnë te vota të gjitha ndryshimet, por jo që të jenë të sforcuara. Duhet të shkojë partia te emrat, dhe jo emrat te partia. Nuk duhen poste të dhuruara. E gjithë shoqëria është opozitare, nëse ke qasje ndaj saj dhe merr kontratën e besimit, vota do të zgjerohet.

Nuk shoh parti tjetër më demokratike se partitë e tjera. Partitë e tjera janë të ngjashme me ato të të shkuarës. Ato që thotë zoti Salianji i kanë thënë dhe emra të tjerë brenda PD. Ky debat është i shëndetshëm, nuk e konsideroj debat. Ka diçka në këtë. Duke qenë anëtar i Kryesisë së PD-së, unë vlerësoj votën si element deçiziv. Shumicë nuk bëhesh duke sulmuar dhe linçuar.”, tha ai.

Nga Tony Chalot, DH NET

Këtë të hënë, një çështje aspak e zakonshme do të nisë para Gjykatës së Krimeve të Rënda të Brukselit, e cila do të zhvillohet në kompleksin ‘Justitia’ gjatë ditëve në vijim. Ambienti ultra i siguruar nuk do të jetë i tepërt për të gjykuar nëntë persona, të akuzuar për një nga narko-vrasjet e para që tronditën kryeqytetin belg.

Figurat kryesore të dosjes, Franc Gergely dhe Mikael Qosja, dyshohet se janë anëtarë të një klani mafioz në Shqipëri, i përmendur shpesh në çështje të importit të kokainës në shkallë të gjerë në Europë.

Ngjarja

Më 27 nëntor 2020, Ardit Spahiu, një shqiptar 38-vjeçar, ra në një pritë në rrugën Condor, në Molenbeek-Saint-Jean. Rreth orës 17:45, një burrë i armatosur dhe i maskuar, i pajisur me një armw automatike me silenciator sipas një dëshmitari, hapi zjarr intensiv ndaj tij.

Në vendngjarje u gjetën 17 gëzhoja, ndërsa nëntë plumba e goditën viktimën.

Sipas konstatimeve të para të mjekut ligjor të dërguar në vend në atë kohë, ka shumë gjasa që Ardit Spahiu të jetë ekzekutuar përfundimisht në trotuarin ku u rrëzua.

Luftë klanesh

Ardit Spahiu dyshohet se ishte gjithashtu i përfshirë në trafik droge, përmes një klani tjetër, klani Alibej, rival i atij të Franc Gergelyt. Kjo luftë dyshohet se zgjat prej vitesh dhe ka çuar në disa kontrata vrasjeje në Shqipëri, sipas familjarëve të viktimës që janë marrë në pyetje nga hetuesit e dërguar atje.

Arsyet e konfliktit ndryshojnë nga një dëshmi në tjetrën:

– rivalitet për kontrollin e tregut,

– vjedhja e një ngarkese prej 50 kg kokaine,

– borxhe financiare,

– apo edhe thjesht çështje egoje.

Zhbllokimi i hetimit: SKY ECC

Hetimi ngeci për një kohë të gjatë, deri sa autoritetet arritën të deshifrojnë rrjetin SKY ECC, aplikacionin e mesazheve të përdorur nga bota kriminale ndërkombëtare.

“Ishte sikur po uleshe në tryezën e mbledhjeve të kriminelëve”, komentonte në atë kohë një zyrtar i lartë i policisë federale.

Ky deshifrim çoi në shkatërrimin e shumë organizatave kriminale në mbarë botën, dhe në këto komunikime u gjetën edhe elementë që lidhen me organizimin e vrasjes së Ardit Spahiut.

Veçanërisht në faqet e shkëmbimit të mesazheve mes Franc Gergelyt (i njohur edhe si Franc Çopja) dhe protagonistëve të tjerë të çështjes – tre prej të cilëve janë ende në arrati.

Tani u takon anëtarëve të jurisë, të përzgjedhur këtë të hënë, të përcaktojnë arsyet e kësaj vrasjeje, nëse do të shpallin të akuzuarit fajtorë.

Franc Gergely u arrestua në shtator 2023 në Emiratet e Bashkuara Arabe, prej nga u ekstradua në dhjetor të po atij viti – një precedent i parë gjyqësor mes Belgjikës dhe këtij shteti të Lindjes së Mesme.

Një 32-vjeçar është ekstraduar nga Greqia pasi kërkohej nga autoritetet shqiptare për plagosje.

Bëhet fjalë për shtetasin Ardit Miha, i shpallur në kërkim ndërkombëtar, pasi gjykata e Durrësit i kishte caktuar masën e sigurisë arrest në burg për veprën penale të plagosjes së rëndë me dashje.

Ai akuzohet për një ngjarje të ndodhur më 6 tetor të vitit 2022, ku gjatë një konflikti për motive të dobëta, ka plagosur një tjetër me thikë disa herë në Durrës.

Ekstradimi i tij pritet të hapë rrugën për vijimin e procedurave ligjore në Shqipëri, ku do të përballet me drejtësinë për akuzat e ngritura ndaj tij.

Një ngjarje e rëndë tronditi fshatin Piskupat të Pogradecit më 30 dhjetor, pasi u zbulua abuzimi me një vajzë 12 vjeçare. Autori i dyshuar i abuzimit seksual është 67-vjeçari Rushan Selko, i cili është pas hekurave.

E mitura pas kontrollit në spital, ku prindërit e kishin dërguar pas ndryshimeve fizike të saj, rezultoi se ishte 22 javëshe shtatzënë.

Në një intervistë për “Shqipëria Live”, gjyshi i të miturës kërkoi që drejtësia të vihet ne vend.

Kjo që më ndodhi mua, mos i ndodhtë kujt. Nuk na shkonte ne mendje kurrë. Jo kriminel, po s’ke çi thua. Duam që shtetit të marrë masat dhe të zbatojë ligjin me të. Ndryshe do na lërë në sherr tërë jetën me të. O Shteti o unë, sa të jem gjallë… Duam nga shteti të zbatojë ligjin, kemi punë vetëm me të”-u shpreh ai në “Shqipëria Live”.

Një autokolonë që transporton udhëheqësin e rrëzuar të Venezuelës, Nicolás Maduro, është parë duke u larguar nga Metropolitan Detention Center në Brooklyn, New York, ku ai është mbajtur i ndaluar gjatë dy ditëve të fundit nën akuza për trafik droge dhe armësh.

Maduro, i cili pritet të paraqitet në një gjykatë të Nju Jorkut, doli nga një automjet i blinduar që ishte pjesë e autokolonës, i veshur me uniformë kafe paraburgimi, dhe më pas u drejtua drejt një helikopteri.

Sipas burimeve, Maduro pritet të dalë sot para një gjykate në Nju Jork, ku do të përballet me procedurat fillestare gjyqësore.

Autoritetet amerikane nuk kanë dhënë ende detaje të mëtejshme mbi seancën apo masat që mund të merren ndaj tij.

Seanca e radhës në GJKKO për kryebashkiakun Erion Veliaj, për kalimin ose për gjykim të çështjes, është shtyrë për në datën 19 janar dhe shkak sipas Veliajt është bërë mos shoqërimi i tij nga qendra e paraburgimit në Durrës.

Nisur nga ky pretendim, Drejtoria e Burgjeve ka reaguar teksa rrëzon pretendimet e të paraburgosurit për korrupsion, fshehje dhe mosdeklarim pasurie, pastrim parashë, e një sërë akuzash të rënda penale.

DEKLARATA E DREJTORISË SË BURGJEVE

Në lidhje me reagimin e bërë në media nga Këshilli Bashkiak i Tiranës, Drejtoria e Përgjithshme e Burgjeve sqaron se janë të pavërteta pretendimet lidhur me orarin e transferimit të shtetasit Erion Veliaj nga IEVP Durrës drejt Gjykatës së Posaçme kundër Korrupsionit dhe Krimit të Organizuar.

Forcat e Policisë së Burgjeve, në varësi të Drejtorisë së Përgjithshme të Burgjeve, kanë njoftuar në kohë shtetasin E.V. për përgatitjen dhe nisjen drejt seancës gjyqësore.

Mjetet e Policisë së Burgjeve kanë qenë të pranishme në ambientet e IEVP-së në kohën e parashikuar. Në momentin e njoftimit, shtetasi E.V. ka refuzuar të dalë, duke pretenduar se mjeti i Policisë së Burgjeve ishte vonuar.

Drejtoria e Përgjithshme e Burgjeve thekson se për çdo vonesë apo ndryshim orari, Kancelaria e Gjykatës njoftohet zyrtarisht dhe se nga ana jonë nuk ka pasur asnjë pengesë për zhvillimin normal të procesit gjyqësor.

GJKKO ka refuzuar këtë të hënë kërkesën e kreu të Partisë së Lirisë, Ilir Meta, për zëvendësimin e masës së sigurisë arrest me burg.

Ish-presidenti Meta do vazhdojë të qëndrojë në qeli, ndërsa e ka konsideruar arrestimin e tij një proces me sfond politik.

Meta u arrestua më 21 tetor 2024. Prokuroria e Posaçme përfundoi hetimet ndaj tij dhe Monika Kryemadhit për akuzat e korrupsionit, pastrimit të parave dhe fshehjes së pasurisë dhe e dërgoi dosjen në gjykatë për t’iu nënshtruar vlerësimit në seancë paraprake.

Po ashtu, janë dërguar për gjykim si të bashkëpandehur dhe Fatime Kryemadhi, nëna e Monika Kryemadhit, ish-kreu i AKEP, Pirro Xhixho dhe Ema Çoku, një finacuese e LSI-së. Dosja ka të bëjë me çështjen CEZ-DIA dhe lobimin e LSI-së në SHBA.

Sipas SPAK, Meta akuzohet për korrupsion pasiv në tre raste, dy prej të cilave në bashkëpunim. Ish-bashkëshortja e tij, Monika Kryemadhi është marrë e pandehur për korrupsion pasiv në dy raste të kryera në bashkëpunim.

Ndaj ish-bashkëshortëve rëndojnë dhe akuzat për kryere të veprave penale “Pastrimi i produkteve të veprës penale ose veprimtarisë kriminale” e kryer në bashkëpunim, “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”.

Nëna e Kryemadhit dhe e pandehura Ema Çoku akuzohen për pastrim parash, ndërsa Xhixho për korrupsion pasiv të kryer në bashkëpunim.

Deputeti socialist Erion Braçe ka reaguar ashpër ndaj administratës shtetërore për ditët e shumta të pushimit gjatë fundvitit, duke e cilësuar këtë situatë si neglizhencë ndaj fermerëve, të cilët, sipas tij, punojnë pa ndërprerje 24 orë në ditë.

Braçe shprehet në një video në rrjete sociale se gjatë dy javëve të fundit të dhjetorit janë punuar vetëm pesë ditë, ndërkohë që qytetarët dhe veçanërisht fermerët kanë nevojë për shërbime dhe përfitime që u takojnë me ligj.

“Gjatë këtyre ditëve “pushim”, nga njerëz që punojnë, populli i fshatit është në punë pa pushim, kam marrë shumë mesazhe për “lekët e mbështetjes për nafte, bagëti etj”, shkruan Braçe.

Ai thekson se viti është mbyllur me 13 milionë euro mbështetje për bujqit të papaguara, ndërsa me akt normativ janë shtuar edhe 19 milionë euro të tjera, duke e çuar totalin në 32 milionë euro që ende nuk janë disbursuar për fermerët.

“Sot mësoj se e kemi mbyllur vitin me 13 milionë euro mbështetje për bujqit në punë pa paguar, ndërkohë që kemi shtuar edhe 19 milionë euro me aktin normativ. Gjithsej, 32 milionë eurove për t’u paguar bujqve”, shkruan ai, ndërsa thekson se Agjencia për Zhvillim Bujqësor dhe Rural (AZHBR ka dështuar në kryerjen e pagesave brenda afatit dhe se duhet zhbërë.

Braçe theksoi më tej se AZHBR duhet zhbërë nga themeli.

“Ne kemi patur problem pamjaftueshmërinë e parave për bujqit, tani që kemi para nuk paguajmë. Natyrisht AZHBR dështoi të paguante paratë brenda vitit dhe po e përsëris, duhet zhbërë nga themelet” thekson Braçe.

Kreu i PD, Sali Berisha ka njoftuar se këtë të premte do të mbahet një tryezë e gjerë e frontit opozitar, ku do të bashkërendohen veprimet kundër asaj që ai e quan “narko-regjim” i Edi Ramës.

Sipas Berishës, opozita do të mobilizohet për protesta dhe lëvizje të koordinuara, duke u fokusuar tek çështje si mbrojtja e politikanëve të akuzuar për abuzime dhe bllokimi i veprimeve ligjore nga kryeministri, në një përpjekje për të larguar qeverinë aktuale.

“Opozita pa asnjë diskutim do të ketë protesta ndër më të fuqishmet. Opozita thërret ditën e premte tryezën e të gjitha forcave politike dhe faktorëve influentë në shoqërinë shqiptare për të krijuar një bashkërendim, një front të gjerë kundër narko-regjimit të Edi Ramës dhe për të ndërmarrë të gjitha lëvizjet, protestat, demonstratat, revoltat e domosdoshme për largimin e tij një minutë e më parë.

Për opozitën, bllokimi nga Edi Rama i heqjes së imunitetit të Lubi Ballukut, marrja në mbrojtje e delinkuentes Mirlinda Karçanaj, e njohur tashmë për abuzimet e tmerrshme me Ergys Agasin në favor të familjes Rama, janë një thirrje e madhe për shqiptarët për t’u ngritur në revoltë për t’i dhënë narko-diktatorit të tyre atë fund të turpshëm që pati narko-diktatori i Venezuelës,” tha Berisha.

Ai deklaroi se PD nuk do të diskutojë asnjë emër për kryeministër teknik pa u arritur më parë marrëveshja për krijimin e një qeverie teknike.

“Partia Demokratike insiston dhe do të insistojë për një qeveri teknike për përgatitjen e një procesi të drejtë zgjedhor.

Partia Demokratike, nuk avancon as edhe një emër, pa u arritur marrëveshja për qeverinë teknike.

Pasi të arrihet marrëveshja për qeverinë teknike, pa diskutim PD do të avancojë, ose do të paraqesë propozimet e veta krahas forcave të tjera politike”, u shpreh Berisha.