Një ngjarje e rëndë ka ndodhur në fshatin Spiten të Lezhës, ku një person është gjetur i vdekur.

Sipas informacioneve paraprake, viktima rreth 65-vjeç kishte plagë të shkaktuara nga arma e zjarrit. Paraprakisht dyshohet se ai ka qëlluar veten,.

Trupi i pajetë është dërguar në morgun e spitalit të Lezhës për kryerjen e ekspertizës mjeko-ligjore.

Policia e Lezhës ka nisur hetimet për të zbardhur rrethanat e ngjarjes, ndërsa deri më tani nuk ka të dhëna të plota mbi motivet apo shkaqet që çuan në këtë akt tragjik.

Prokuroria e Shkodrës ka sekuestruar automjete, mjete motorike dhe llogari bankare të shtetasit Brigeno Binoshaj dhe familjarëve të tij, pasi nuk justifikonin burimin e pasurive të deklaruara.

Hetimet kanë zbuluar se Binoshaj është dënuar më parë nga autoritetet franceze për veprën penale të “Trafikimit të lëndëve narkotike”.

Pas verifikimeve, u konstatuan dyshime se pasuritë e tij dhe të familjarëve nuk përputhen me të ardhurat e ligjshme të deklaruara.

Bazuar në ligjin nr.10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, Prokuroria kërkoi sekuestrimin e pasurive të mëposhtme:

Automjeti Mercedes Benz S600L në emër të Brigeno Binoshajt

Motori Piaggio Gilera në emër të Brigeno Binoshajt

Motori Yamaha MT09 në emër të Brigeno Binoshajt

Automjeti Volkswagen Golf 2.0 TDI në emër të G.B.

Motori Yamaha YP250R në emër të G.B.

Automjeti Lancia Y në emër të E.B.

Njoftimi i Departamentit të Thesarit të SHBA-së për sanksione kundër familjes Hysa me shetetësi meksikane, por me origjinë shqiptare, për akuzën për pastrim parash në favor të fraksionit Mayiza të Kartelit Sinaloa, i shtohet një liste të gjatë lajmesh që lidhin kartelet meksikane me klanet kriminale me origjinë shqiptare dhe na bën të pyesim veten: Pse është bërë kaq e zakonshme lidhja midis organizatave të krimit të organizuar në Meksikë dhe Shqipëri?

Pak dihet për mafian shqiptare në Meksikë, por ajo është shumë e rëndësishme ndërkombëtarisht. Së bashku me ‘Ndranghetën italiane, është një nga dy mafiet që kontrollojnë trafikun e drogës në Evropë dhe për këtë arsye është një aleat kyç i Kartelit Sinaloa dhe Kartelit të Gjeneratës së Re Jalisco në nivel ndërkombëtar. Përtej Evropës, ajo ka gjithashtu një prani në Shtetet e Bashkuara, Kanada dhe Australi përmes emigrantëve shqiptarë të vendosur në ato vende.

Në fund të viteve 1980, si Mafia Shqiptare ashtu edhe ‘Ndrangheta ishin të vogla në krahasim me organizatat e tjera kriminale, por që nga vitet 1990 e tutje, ato filluan të rriteshin falë dy faktorëve kryesorë. I pari ishte dobësimi i mafieve me ndikim të lartë për shkak të persekutimit nga qeveritë evropiane, si Mafia Siçiliane (Cosa Nostra), Camorra Napolitane, Mafia Ruse, Mafia Galiciane dhe Unioni Korsikan. Në të gjitha këto raste, qeveria gjeti anëtarë të gatshëm të tradhtonin të tjerët, gjë që lejoi ndjekjen penale të shumë prej udhëheqësve të tyre, duke i bërë ata partnerë më pak të besueshëm për kartelet meksikane ose kolumbiane.

Ndërsa informatorët i dobësuan këto mafia, kartelet meksikane dhe kolumbiane gjetën aleatë të përshtatshëm te mafia shqiptare dhe Ndrangheta, pasi në të dyja rastet këto janë grupe kriminale të përbëra vetëm nga njerëz që ndajnë lidhje të drejtpërdrejta familjare, domethënë prindër, fëmijë, vëllezër, xhaxhallarë dhe nipër, gjë që zvogëlon rrezikun e tradhtisë, sepse ata ndajnë gjak.

Faktori i dytë është se, në një kohë të shkurtër, falë diasporës së emigrantëve nga Shqipëria dhe Kalabria (një rajon në Italinë jugore ku lindi ‘Ndrangheta, i karakterizuar nga të ardhura shumë më të ulëta se pjesa tjetër e vendit), ata arritën të krijojnë një prani në shumicën e vendeve evropiane, veçanërisht në porte, qendra të mëdha financiare, kryeqytete me popullsi të dendur dhe zona me rritje të lartë ekonomike.

Për shembull, mafia shqiptare ka një prani në qytete të mëdha si Londra, Berlini, Parisi, Stokholmi, Stambolli, Nju Jorku, Sidnei, Toronto, Madridi dhe Roma, si dhe në portet më të ngarkuara tregtare në Evropë, si Hamburgu në Gjermani, Algeciras dhe Valencia në Spanjë, Antverpi në Belgjikë dhe Roterdami në Holandë.

Prandaj, duke qenë se portet janë pika kryesore e hyrjes për drogëra të tilla si kokaina dhe fentanili në Evropë, dhe mafia shqiptare është ajo që infiltrohet më mirë në to, ajo është një aleat kyç për organizata të tilla si Karteli Sinaloa ose Karteli i Gjeneratës së Re Jalisco.

Por përveç dy arsyeve të listuara tashmë, ekziston edhe një e tretë që e dallon mafian shqiptare, e cila, përveçse është kyçe në trafikun e drogës, u ofron gjithashtu organizatave meksikane qasje në një rrjet të gjerë pastrimi parash në Evropë dhe pjesë të tjera të botës, siç është Kina.

Shqiptarët investojnë në zhvillime të pasurive të patundshme luksoze të nivelit të lartë në të gjithë Evropën; ata zotërojnë kazino, hotele, resorte, por kanë krijuar gjithashtu aleanca me investitorë kinezë dhe turq për të pasur interesa në biznese të vogla që shesin produkte të lira dhe mallra pirate në qytete të ndryshme.

Në mënyrë të ngjashme, operacionet e tyre janë zbuluar në qendrat kryesore financiare evropiane si Cyrihu, Gjeneva, Frankfurti dhe Londra, si dhe blerja e kriptomonedhave, përdorimi i platformave të lojërave video dhe mashtrimet në shkallë të gjerë përmes mjeteve dixhitale.

Shkurt, mafia shqiptare është bërë një partnere kaq e mirë e karteleve meksikane sepse është një nga blerësit më të mëdhenj të drogës, ka një rrjet të madh shpërndarjeje në Evropë dhe vende të tjera, u ofron atyre një shërbim shtesë shumë të dobishëm siç është pastrimi i parave dhe madje mund t’u sigurojë atyre armë të kalibrit të lartë.

Kjo e bën të mundur që i njëjti klan shqiptar të ketë marrëveshje biznesi me kartele rivale si Karteli Sinaloa dhe CJNG, sepse kostoja e shpërbërjes është më e lartë se kostoja e tolerimit të mos-ekskluzivitetit.

Për më tepër, është e rëndësishme të theksohet se ndryshe nga Karteli Sinaloa ose CJNG, mafia shqiptare nuk është një organizatë e vetme, por shumë të pavarura; domethënë, çdo klan familjar është një bandë, me portofolin e vet të bizneseve. Por, ndryshe nga organizatat kriminale meksikane, të cilat shpesh përplasen dhe konkurrojnë, shqiptarët rrallë përdorin mosmarrëveshje të dhunshme dhe shumicën e kohës bashkëpunojnë me njëri-tjetrin dhe ndajnë fitimet.

Prandaj nuk është për tu habitur që familja Hysa, me seli në Meksikë dhe e lidhur nga qeveria e Shteteve të Bashkuara me klanin Mayiza, shërben si urë lidhëse me klanet e mëdha evropiane dhe, përveç pastrimit të parave përmes kazinove, ofron qasje në një portofol të gjerë investimesh në Evropë, gjë që është jashtëzakonisht e vështirë për tu zbuluar nga autoritetet meksikane. Për këtë arsye, marrëdhënia midis organizatave shqiptare dhe meksikane është intensifikuar me kalimin e viteve. NORO ESTE

Policia e Shtetit ka dalë me një paralajmërim për një fushatë phishing në platformën “WhatsApp”, ku synohet që përmes hakerimit të merren llogaritë e qytetarëve.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Policia e Shtetit iu bën thirrje qytetarëve:

• Të mos klikojnë në lidhje të dyshimta, edhe kur mesazhi iu shkon nga kontakte të njohura;

• Të mos japin kode verifikimi, fjalëkalime apo të dhëna personale;

• Të aktivizojnë verifikimin me dy hapa (Two step verification) në aplikacionin “WhatsApp”;

• Të raportojnë çdo rast të dyshimtë pranë strukturave të Policisë së Shtetit.

Policia e Shtetit po monitoron situatën dhe fton qytetarët të tregojnë kujdes maksimal ndaj mesazheve që ofrojnë votime, çmime apo përfitime të menjëhershme.

Gjykata e Tiranës, ka vendosur të mos sekuestrojë rreth 20 pasuri me vlerë gati 50 milion euro, për të cilat policia dhe prokuroria e kryeqytetit, ka pasur indicie të forta se vijnë nga aktiviteti kriminal i personave që i posedojnë ato.

Informacionet e siguruara nga gazetari Elton Qyno, tregojnë se miku i Erjon Veliaj, Elman Abule, që sot në Tiranë konsiderohet biznesmen i sukseshëm, në vitin 2004-2005, ka qënë në Belgjikë një hajdut i dhunshëm, duke përdorur çelësa të kopjuar dhe metodën e thyerjes.

Drejtoria e Interpolit në 12 shtator 2023 është informuar se Elman Abule rezulton i dënuar më datë 17 janar 2007, nga Gjykata e Antvvep, me 30 muaj burg për veprën penale të “Vjedhje me thyerje ose duke përdorur çelësa të kopjuar dhe krijim bande”, duke u dënuar ky shtetas me 2 vjet burg me kusht dhe 1 vit vit në burg për “krijim bande”.

Gjithashtu, rezulton se miku i Abules dhe ish-ortak me subjektin “Rametal” dhe shoqërinë tjetër “Ferro Chrome Holding”, ka qënë Kristian Boçi, i përfshirë në veprimtari të paligjshme dhe i arrestuar në vitin 2011 në Itali, i cili njihet për lidhjet e tij dhe me persona të tjerë të përfshirë në trafikun ndërkombëtar të narkotikëve si Eldi Dizdari.

Mësohet se vendimi i mospranimit të kërkesës së prokurorisë, është dhënë pak ditë më parë nga gjyqtari i Tiranës, Altin Abdiu, i cili në fillim të muajit qershor 2025 u rikthye në funksionin e gjyqtarit nga Komisioni i Posaçëm i Apelimit.

Abdiu, refuzoi të sekuestrojë 20 shoqëri tregtare, dyqane, apartamente e vila me vlerë rreth 50 milionë euro, të cilat zotërohen nga Kristian Boçi, Elman Abule, mik i afërt i Erjon Veliaj, Vladimir Avramit si dhe 4 personave të tjerë të lidhur me këta persona.

Ndërkohë pritet që me zbardhjen e vendimit të gjykatës, prokuroria e Tiranës të ushtrojë Apelim në gjykatën e Apelit, duke kërkuar sekuestrimin e këtyre pasurive.

Kujtojmë se në muajin Qershor 2024, e njëjta gjykatë por me gjyqtare tjetër, ka vendosur pranimin e kërkesës duke urdhëruar sekuestrimin e pasurive të personave të implikuar në veprimtari kriminale.

Në vendimin e parë gjykata argumenton se:

“…në kuadër të veprimtarisë së tij të paligjshme, Elman Abule, ka themeluar një sërë shoqërish tregtare, me qëllimin të maskojë kryerjen e aktiviteteve të paligjshme nga ana e tij, me veprimtari të konsideruara si të ligjshme. Ky shtetas, nëpërmjet krijimit të një sërë kompanive, disa prej tyre nën administrimin edhe të Kristian Boçi apo Vladimir Avrami, kanë krijuar një skemë të mirëfilltë të pastrimit të produkteve të veprës penale…”.

Por 1 muaj më pas, në muajin Korrik 2024, ky vendim sekuestroje është prishur nga Gjykata e Apelit në Tiranë, duke e kthyer çështjen për rishqyrtim në shkallën e parë me trup tjetër gjykues.

Shkak i prishjes së vendimit në Apel, të sekuestrimit të rreth 20 pasurive, është bërë një qëndrim absurd që ka mbajtur në seancën gjyqësore prokurorja Arta Marku.

Pas dhënies së vendimit Gjykata e Apelit njoftoi se vendimin për rigjykimin e çështjes në shkallën e parë, e ndërmori pasi prokurorja Arta Marku, mbajti qëndrimin në seancë se: “…vendimi i gjykatës së Tiranës është i paarsyetuar dhe konfondohet midis Ligjit Antimafia dhe Kodit të Procedurës Penale…”.

Por palët, prokuroria dhe personat e vënë në hetim për pastrim parash, kontrabandë të mallrave dhe evazion fiscal, shkuan me rekurs në Gjykatën e Lartë duke mbajtur pretendimet e tyre.

Pas shqyrtimit të çështjes Gjykata e Lartë, vendosi të lerë në fuqi vendimin e Aelit, që urdhëronte rishqyrtimin nga e para të kërkesës së prokurorisë së Tiranës, për sekuestrimin e 20 pasurive të disa personave të proceduar.

Çështja është shortuar dhe kërkesa i ka rënë për shqyrtim gjyqtarit Altin Abdiu, i cili pak ditë më parë ka vendosur të mospranojë kërkesën e prokurorisë dhe lirojë të gjitha pronat e personave.

Pavarësisht këtij vendimi, pritet që çështja të Apelohet nga prokuroria e Tiranës. Ndërsa ky vendim nuk e pengon hetimin penal, pasi tashmë mësohet se prokuroria është në fazën e kryerjes së aktit të ekspertimit financiar me qëllim nxjerjen e një bilanci mbi justifikimin e ligjshëm ose jo të pasurive të krijuara nga personat e proceduar.

Një shtetas shqiptar i shpallur në kërkim ndërkombëtar është vënë në pranga nga autoritetet gjermane.

Bëhet fjalë për Hito Musajn, 60 vjeç, ndaj të cilit Gjykata e Vlorës ka caktuar masën e sigurisë “Arrest në burg”.

Ai akuzohet për veprat penale “Falsifikimi i dokumenteve”, “Shkatërrimi i pronës” dhe “Pastrimi i produkteve të veprës penale apo veprimtarisë kriminale”.

Sipas hetimeve, Musaj ka falsifikuar lejen e ndërtimit për të përvetësuar një apartament në Vlorë, të cilin më pas e ka shembur dhe ka ngritur një objekt të ri me përmasa të mëdha.

Interpol Tirana, në bashkëpunim me autoritetet gjermane, po ndjek procedurat për ekstradimin e tij në Shqipëri, ku do të përballet me drejtësinë.

Njoftimi i policise

Vijon operacioni i koduar “The Wanted”, për kapjen dhe ekstradimin e shtetasve të shpallur në kërkim ndërkombëtar. Finalizohet faza e radhës, kapet në Gjermani dhe arrestohet me qëllim ekstradimin në Shqipëri, 1 shtetas në kërkim ndërkombëtar. Ai akuzohet se ka përvetësuar një apartament në Vlorë, nëpërmjet falsifikimit të dokumenteve, më pas e ka prishur dhe ka ndërtuar një objekt tjetër. Si rezultat i bashkëpunimit të Interpol Tiranës me homologët në Gjermani, në kuadër të operacionit “The Wanted”, u lokalizua në Gjermani, u kap dhe u arrestua me qëllim ekstradimin në Shqipëri, shtetasi në kërkim ndërkombëtar:

Hito Musaj, 60 vjeç.Gjykata e Shkallës së Parë e Juridiksionit të Përgjithshëm Vlorë, me vendimin e datës 19.06.2022, i ka caktuar këtij shtetasi, masën e sigurisë “Arrest në burg”, për veprat penale “Falsifikimi i dokumenteve”, “Shkatërrimi i pronës” dhe “Pastrimi i produkteve të veprës penale apo veprimtarise kriminale”.
Shtetasi Hito Musaj akuzohet se nëpërmjet falsifikimit të lejes së ndërtimit, ka përvetësuar apartamentin e shtetasit J. M. Më pas, e ka prishur atë dhe ka ndërtuar një objekt tjetër me përmasa të mëdha. Interpol Tirana, në bashkëpunim me autoritetet gjermane, do të kryejë procedurat për ekstradimin e shtetasit Musaj, në Shqipëri.

Policia e Tiranës, ka ndërmarrë një seri masash për mbarëvajtjen e situatave në terren me rastin e festave të fundvitit. Në një njoftim zyrtar, sqarohen të gjitha masat nga Drejtoria Vendore e Tiranës.

Sipas tyre, masat konsistojnë në, shtimin e prezencës së patrullave, vendosja e pikave fikse të kontrollit në hyrje dhe dalje të kryeqytetit, kontrolle të vazhdueshme ndaj sukjektve që shesin apo posedojnë lëndë piroteknike etj.. Gjithashtu, uniformat blu theksojnë se, do të jenë në gatishmëri për të ndërhyrë menjëherë, në çdo rast nevoje të qytetarëve.

Njoftimi i plotë

Me objektiv garantimin e mbarëvajtjes së festimeve me rastin e ndërrimit të viteve, Drejtoria Vendore e Policisë Tiranë në bazë dhe për zbatim të planit të posaçëm të masave, të hartuar me të njëjtin objektiv, nga Drejtoria e Përgjithshme e Policisë së Shtetit, ka ndërmarrë një sërë masash konkrete në të gjithë territorin e kryeqytetit.

Masat konsistojnë në:
-shtimin e prezencës së shërbimeve policore me uniformë dhe atyre të Policisë Kriminale, në të gjitha zonat urbane, me fokus të veçantë në zonat me fluks qytetarësh, me qëllim garantimin e rendit dhe sigurisë publike;
-vendosjen e pikave fikse të kontrollit në hyrje dhe dalje të qytetit, si dhe shtimin e patrullimeve të lëvizshme, me qëllim parandalimin e veprimtarive të paligjshme dhe rritjen e sigurisë;
-intensifikimin e masave për monitorimin e qarkullimit rrugor, nëpërmjet kontrolleve të shtuara, përdorimit të mjeteve inteligjente dhe patrullimeve në akset kryesore urbane dhe interurbane, me synim parandalimin e aksidenteve rrugore;
-kryerjen e kontrolleve të vazhdueshme ndaj subjekteve dhe individëve që posedojnë/shesin lëndë piroteknike (fishekzjarre dhe/ose kapsolla), për parandalimin e rreziqeve dhe ngjarjeve aksidentale;
-rritjen e prezencës së shërbimeve të Policisë, në sheshe publike, shëtitore, pedonale, objekte kulti, në ambiente argëtimi (bare, restorante, lokale nate) dhe në qendra tregtare, me objektiv garantimin e mbarëvajtjes së festimeve;
-bashkëpunimin dhe shkëmbimin e informacionit në kohë reale, për parandalimin e ngjarjeve kriminale dhe kapjen e shtetasve të shpallur në kërkim.

Theksojmë se punonjësit e Policisë do të jenë në gatishmëri për të ndërhyrë menjëherë, në çdo rast nevoje. Kërkoni ndihmë dhe denonconi paligjshmëritë që hasni, pranë çdo patrulle fizike, njesie policie ose në numrat pa pagesë 129 dhe 112! Drejtoria Vendore e Policisë Tiranë është e angazhuar maksimalisht për të garantuar një ambient të sigurt për qytetarët, gjatë gjithë ditëve të festimeve me rastin e ndërrimit të viteve.

Qeveria e Shqipërisë ka marrë rreth 589 milionë euro kredi të huaja për të financuar sektorin e ujësjellës-kanalizimeve, nga të cilat rreth 300 milionë euro janë kredi të marra pas vitit 2015, sipas të dhënave zyrtare nga Ministria e Financave.

Duke përfshirë edhe financimet nga buxheti i shtetit dhe tarifat që paguajnë qytetarët për financimin e shërbimit, vendi duhet t’i kishte të zgjidhura tashmë çështjet e furnizimit me ujë të pijshëm, por ka ndodhur krejt e kundërta.

Megjithë këto financime, humbjet e ujit në rrjet janë të njëjta në dekadën e fundit. Të dhënat e Entit Rregullator të Ujit tregojnë se humbjet teknike në rrjet ishin 67 për qind në vitin 2024, ndërsa 64% në vitin 2023 dhe në një nivel të ngjashëm edhe më herët.

Nga rreth qindra projekte të financuara me kredi të huaja deri në vitin 2025, sektori i ujësjellës-kanalizimeve ka përthithur rreth 599 milionë euro në periudhën 1990–2025.

Në një vend me popullsi si Shqipëria, kjo shumë do të mjaftonte për të ndryshuar rrënjësisht furnizimin me ujë. Nëse këto investime do të ishin përqendruar në uljen e humbjeve në rrjet, Shqipëria sot do të ishte shumë pranë furnizimit të pandërprerë me ujë në zonat urbane dhe turistike.

Humbjet aktuale në rrjet janë mbi 60% dhe tregojnë se problemi nuk është te prodhimi i ujit, por te keqmenaxhimi, pasi uji nuk faturohet.

Ekspertët pohojnë se vetëm përgjysmimi i humbjeve do të sillte një rritje reale të furnizimit me 30–40%, pa ndërtuar burime të reja. Shumica e qyteteve të mëdha do të kishin 24 orë në ditë furnizim me ujë.

Investimet janë shpërndarë në një numër të madh projektesh të vogla, shpesh të fokusuara në ndërtimin e infrastrukturës së re, pa ndërhyrë në mënyrën se si operon sistemi.

Sipas të dhënave zyrtare, kapaciteti mesatar vjetor i të gjitha burimeve të ujit të përdorura për prodhimin e ujit të pijshëm nga shoqëritë ujësjellës-kanalizime të monitoruara për vitin 2021 ishte 495 milionë metra kub. Po në këtë vit, vëllimi i përgjithshëm i ujit të prodhuar ishte 311,2 milionë metra kub, ndërsa kërkesa totale ishte 100 milionë metra kub.

Të dhënat tregojnë se uji total i disponueshëm për të gjitha shoqëritë UK tejkalon kërkesën kombëtare nga konsumatorët që ato shërbejnë me rreth 80%, por ndërkohë qytetet dhe zonat rurale të vendit, në shumë raste, vuajnë nga mungesa e ujit. Uji prodhohet, por nuk shndërrohet në shërbim të qëndrueshëm për konsumatorin./Monitor

Një zjarr i përmasave të konsiderueshme ka përfshirë në orët e para të mëngjesit një njësi shërbimi në fshatin Xhyrë, në krah të aksit nacional Librazhd–Përrenjas. Sipas njoftimit të MZSH (Mbrojtja nga zjarri dhe shpetimi) Librazhd, shërbimet zjarrfikëse u njoftuan rreth orës 03:29 dhe ndërhynë menjëherë në vendngjarje.

Në operacion morën pjesë dy automjete zjarrfikëse dhe 10 efektivë, të cilët bënë të mundur shuarjen e flakëve dhe parandalimin e përhapjes së zjarrit.

Si pasojë, u dogj plotësisht një kioskë në pronësi të shtetasit Skënder Gega nga fshati Xhyrë i Njësisë Administrative Hotolisht i bashkisë Librazhd si dhe dy automjete të parkuara pranë saj.

Ndërkohë, u shpëtuan nga flakët dy kioska të tjera në afërsi dhe një automjet tjetër i parkuar pranë vatrës së zjarrit. Burime nga MZSH bëjnë me dije se shkaku i zjarrit mbetet për t’u përcaktuar, por ka dyshime të forta edhe për një zjarrvënie të qëllimshëm.

Në tregun e këmbimit valutor shqiptar, një dollar amerikan do të blihet sot me 81 lekë dhe do shitet me 82.5 lekë.

Ndërkohë monedha evropiane euro do blihet me 95.6 lekë dhe do shitet me 97 lekë.

Franga zvicerane sot në tregun shqiptar do blihet me 102.6 lekë dhe do shitet me 104 lekë.

Ndërsa paundi britanik do blihet me 109.2 lekë dhe do shitet me 110.7 lekë.

Rikthehet uji në Vlorë! Pas pesë ditësh ndërprerje, defekti në tubacionin kryesor të ujësjellësit u riparua pas mesnate. Aktualisht, një pjesë e qytetit të Vlorës, konkretisht zona e Lungomares, ka nisur të furnizohet me ujë.

Ndërhyrja për rregullimin e tubit përfundoi rreth orës 04:00 të mëngjesit, moment në të cilin filloi edhe mbushja e depove. Furnizimi me ujë ka nisur në disa zona të qytetit, ndërsa pjesa tjetër pritet të përfshihet gradualisht gjatë orëve në vijim.

Furnizimi nuk po realizohet me kapacitet të plotë, pasi pajisja e re e montuar po i nënshtrohet fazës së testimit për të garantuar funksionimin e sigurt dhe të qëndrueshëm të sistemit.

Autoritetet bëjnë me dije se furnizimi po kryhet ende me kapacitet të reduktuar, pasi po testohen pajisjet e reja të instaluara.

Dashi

Gjate gjithë kësaj dite do jeni me humor te mire dhe do ruani komunikimin e ngrohte me partnerin. Do ndiheni te qete ne çdo moment. Beqaret do kenë shume komplekse prandaj nuk do mundin dot te fillojnë një histori dashurie. Ne planin financiar do keni goxha probleme për t’i zgjidhur. Përqendrohuni dhe mos ju besoni shume atyre qe ju rrethojnë.

Demi

Perspektivat janë goxha te mira gjate kësaj dite për jetën tuaj ne çift. Nuk do ndodhe asgjë qe nuk e keni dëshiruar kështu qe do dashuroheni si ta ndjeni. Beqaret do fillojnë histori dashure te cilat kane për te qene afatgjata. Me financat gjerat nuk do shkojnë si duhet. Nuk do dini si t’i menaxhoni ato te ardhura qe keni ne mënyrë qe situata te mbetet e stabilizuar.

Binjakët

Do flisni shume hapur me parterin tuaj gjate kësaj dite dhe do mund t’i sqaroni te gjitha problemet e vogla qe keni pasur. Si ju ashtu edhe ai qe keni ne krah do toleroni. Beqaret nuk do e kenë te vështirë ta gjejnë princin e tyre te kaltër. Gjendja e financave do jete goxha e mire. Do keni mundësi te kryeni shpenzimet e dëshiruara dhe te hiqni para mënjanë.

Gaforrja

Ndjenjat pe rate qe keni ne krah do jene te thella sot. Çdo moment do jete shume me i veçante për ju dhe do ndiheni here pas here si ne një ëndërr te bukur. Beqaret duhet te shohin me kujdes çdo ftese qe do ju behet sepse përndryshe mund t’iu ikin mundësi te mira nga duart. Ne planin financiar problemet do zhduken si me magji.

Luani

Mos e provokoni partnerin tuaj gjate kësaj dite sepse mund te keni probleme te mëdha me atë qe keni ne krah. Nga ana tjetër tregohuni sa me realiste qe te mundeni. Beqaret do kenë mundësi te shumta për te gjetur personin me te përshtatshëm. Financat nuk do jene te këqija, megjithatë investime te tejskajshme nuk duhen kryer. Tregohuni te matur.

Virgjeresha

Jeta juaj ne çift do jete shume afër perfeksionit gjate kësaj dite. Me partnerin do ndani çdo ide, çdo mendim dhe çdo ndjenje. Beqaret nuk do kënaqen nga takimet qe do realizojnë, por te paktën nuk do kalojnë një dite rutine. Pritet qe shume shpejt gjerat te ndryshojnë. Ne planin financiar duhet te reflektoni disa here para se te merrni vendime te rëndësishme.

Dita e sotme nuk do jete aspak rutine për ata qe janë ne një lidhje. Përkundrazi personat qe kenë ne krah do i ojne neper vende te panjohura dhe do i surprizojne ne çdo moment. Beqaret do fillojnë një histori dashurie plot pasion dhe qe do ju sjelle kënaqësi te mëdha. Gjendje e te ardhurave nuk do jete e keqe. Do jeni me te qete për këtë arsye.

Akrepi

Do i qaheni partnerit sot për sjelljen jo te mire qe ka pasur kundrejt jush kohet e fundit. Ne disa momente mund te ketë edhe debate te vogla. Beqaret do dashurohen koke e këmbë me një person te cilin e kane pasur shok fëmijërie. Gjerat ndryshojnë me kalimin e kohëve. Financat do jene delikate. Nuk është absolutisht koha për te shpenzuar shuma te konsiderueshme.

Shigjetari

Dëgjojini me kujdes ato qe do ju thotë partneri juaj gjate kësaj dite dhe mos i shkoni kundër për asgjë. Ruani sa te mundni klimën e ngrohte. Beqaret nuk do kenë asgjë me shume sesa disa aventura kalimtare. Për dashuritë e mëdha duhet ende te prisni. Për financat nuk do keni perse te shqetësoheni sepse gjendja do jete goxha e qëndrueshme.

Bricjapi

Do lindin probleme te mëdha ne çift gjate kësaj dite lidhur me një trashëgimi. Tregohuni realiste dhe mos thoni gjera te pamenduara. Beqareve do iu jepen mundësi pa fund për njohje te reja kështu qe nëse do duan vërtet mund te ndryshojnë edhe statusin. Financat do jene shume delikate. Lëvizjet e gabuar mund t’iu shkatërrojnë tërësisht.

Ujori

Te dashuruarit do kenë një dite normale dhe pa asgjë te jashtëzakonshme. Fatmirësisht nuk do ketë as debate apo konflikte te renda. Priten dashuri me shikim te pare gjate kësaj dite për ata qe janë vetëm, prandaj shume gjera kane për te ndryshuar për ta. Financat nuk do jene te këqija, por jo ne gjendjen e duhur për te kryer investime te tejskajshme.

Peshqit

Nuk do merreni vesh shume mire sot me atë qe keni ne krah dhe për çdo gjë do e kundërshtoni njeri-tjetrin. Beqaret nuk duhet t’iu besojnë verbërisht te gjitha atyre qe do ju thonë te tjerët sepse do lëndojnë veten e tyre. Nuk duhet nisur asnjë lidhje pa qene te sigurte. Gjendja e te ardhurave nuk do ketë asnjë tronditje sado te vogël.

Peshorja

Ditën e sotme vendi ynë do të ndikohet nga masa ajrore të thata dhe relativisht të ftohta. Sipas Shërbimit Meteorologjik Ushtarak moti parashikohet i kthjellët dhe alternime vranësirash mesatare deri të dendura përqendruar në relievet malore kryesisht lindje të territorit, pas orëve të mesditës.

Reshje të dobëta e lokale shiu në lindje dhe përgjatë vijës bregdetare pas orëve të mesditës. Në relievet malore verilindje – lindje e juglindje reshje bore me intensitet kryesisht të ulët, në formën e flokëve të borës. Prezencë e ngricave në akset rrugore kryesisht në zonat malore.

Era do të fryjë me drejtim nga kuadrati i veriut me shpejtësi mesatare 4 m/s, përgjatë vijës bregdetare dhe në zonat luginore era me shpejtësi deri në 10 m/s. Valëzimi në det do të jetë i forcës 1 ballë.

Roma fitoi 3-1 ndaj Genoas, duke mbyllur kështu vitin në mënyrën më të mirë të mundshme. Ekipi i Gasperinit mbylli llogaritë që në pjesën e parë, me golat e Soule, Kone dhe Ferguson.

Situata te Shkupi duket e paprecedentë, pasi vetë faqja zyrtare sapo ka publikuar një ultimatum të tifozëve për pronarin Jasin Konjali.

Në njoftimin e shpërndarë, Konjalit i kërkohet dorëzimi i klubit dhe “Shvercerat” shfaqen në fund të mesazhit. Shkupi konfirmon se lojtarët janë të papaguar, që prej nisjes së sezonit.

Njoftimi i Shkupit:

ULTIMATUM PËRFUNDIMTAR DREJTUAR PRONARIT TË KLUBIT, JASIN KONJALI

Në këtë moment kritik për të ardhmen e klubit, jemi të detyruar t’i drejtohemi publikisht dhe drejtpërdrejt pronarit të klubit, Jasin Konjali, me një qëndrim të qartë, të prerë dhe përfundimtar.

Situata aktuale është e papranueshme dhe e paqëndrueshme. Klubi nuk mund të vazhdojë më në këtë gjendje pasigurie, mungese përgjegjësie dhe heshtjeje. Ky institucion sportiv nuk është pronë personale, por një vlerë e përbashkët që përfaqëson lojtarët, stafin, tifozët dhe gjithë komunitetin që qëndron pas tij.

Kërkesa jonë është e thjeshtë dhe e qartë:

Klubi duhet të vijë dhe të dorëzohet zyrtarisht tek ne, përmes të gjitha procedurave ligjore dhe administrative, pa asnjë vonesë tjetër. Çdo shmangie apo zvarritje e mëtejshme është e papranueshme dhe dëmton drejtpërdrejt klubin dhe të ardhmen e tij.

Një mirënjohje e thellë dhe respekt i pakushtëzuar u takon drejtorit, stafit teknik dhe lojtarëve vendas, të cilët me dinjitet, sakrificë dhe dashuri të pastër për klubin kanë qëndruar pranë tij në momentet më të vështira. Për më shumë se gjashtë muaj, ata kanë punuar pa paga, pa siguri dhe pa asnjë garanci, por nuk e kanë braktisur klubin asnjëherë. Ata kanë mbajtur gjallë frymën e klubit, kanë punuar në heshtje dhe kanë dhënë gjithçka nga vetja, jo për interesa personale, por për nderin, dinjitetin dhe vazhdimësinë e këtij emri.

Ultimatumi i SHVERCERAVE për pronarin është përfundimtar:

• Të paraqitet personalisht
• Të kryejë transferimin e plotë dhe të pakthyeshëm të klubit
• Ta regjistrojë klubin në emër të Shvercerave
• Dhe më pas të largohet përfundimisht nga çdo rol, ndikim apo përgjegjësi lidhur me klubin

Ky hap është i domosdoshëm për të rikthyer stabilitetin, besimin dhe shpresën. Klubi ka nevojë për qartësi, udhëheqje dhe përgjegjësi reale — jo për premtime boshe apo mungesë prezence.

Ky nuk është një apel emocional i momentit, por një qëndrim i menduar, i bashkuar dhe përfundimtar. E ardhmja e klubit nuk mund të mbahet peng më.

Ky është ultimatum. Dhe ky është fundi i pritjes.

gijotina.com/

Avokati Genc Gjokutaj foli mbrëmjen e sotme në Studio24, mbi hetimet e SPAK dhe rolin e kryeministrit Edi Rama.

Gjokutaj sheh një paralele me atë që ndodhi në Maqedoni me kryeministrin Gruevski që u arratis nga vendi, pasi dolën kabllogramet kompromentuese.

Më pas Gjokutaj sheh hetime intensive të SPAK që mund të arrijnë deri te kryeministri.

Sa i përket zv.kryeministres dhe hetimit të saj, avokati sheh si pengesë të momentit Gjykatën Kushtetuese.

Gjokutaj: Janë dekonspiruar materiale nga çështje. 2 vjet përpara i ka thënë Arben Ahmetaj. Thotë se e dinë që janë zhdukur por gjenden se janë në një kuti që është gjendur. Janë burime të tjera. Cenim i sigurisë kombëtare të Amerikës do të ndodhë si në Maqedoni me kabllogramet e Gruevskit, vodhi votat. Janë disa hotspote. Të gjithë e dimë dhe themi jo SPAK. SPAK ka ndërruar trajnerin dhe skemën e lojës.

Ky SPAK që merrej me arkat e peshkut. Jepte masë sigurie. Kjo praktikë ka qenë. Po të mos ishte i kapur, qeveria nuk do ishte në pushtet. Vepronte symbyllur duke marrë zyrtarë periferikë. Duke u marrë jo me thelbin e çështjes. E çonte korrupsionin në shpërdorim detyre. Korrupsioni ka mbërritur në këto përmasa saqë ka bllokuar rrugën. Nuk mund të mos e shikosh. Se si do të shkojë? Sot mendoj se marzhi i kapjes së SPAK, si duket edhe në përzgjedhjen e drejtuesve të rinj është bërë kujdes që Rama të mos jetë më prezent në urdhër dhënien e tij.

Siç duket është herët për të folur ka një intensitet të lartë, kryesorja duhet të fokusohemi atje ku është problemi. Kur futen duart ndodhin këto probleme. Integriteti moral është shtylla morale. Gjykatësit shprehen me vendim jo me përgënjeshtrim. Gjatë vendimmarrjes janë bërë të tjera biseda. Ju e dini që Rama kur bëri kërkesën për Ballukun e kishte të sigurt që do merrte këtë vendim. Ka qenë 100% i sigurt. GJK bën sikur. Është nga vagonët e fundit që ky po e shfrytëzon. Me këtë gjykatë, të korruptuar moralisht së pari. Kjo gjykatë ka bllokuar zinxhirin procedurial të ankimimit në GJKKO. Ka kthyer në detyrë zv.kryeministren.

Anëtari i Këshillit Kombëtar të Partisë Demokratike, Ilir Alimehmeti, ka komentuar zhvillimet politike në vend gjatë një interviste në emisionin “Studio24”, duke theksuar se situata aktuale kërkon reagim të fortë nga qytetarët dhe opozita.

“Rruga e duhur është rotacioni absolut, largimi i kësaj qeverie të mpleksur me krimin, në mënyrë që shqiptarët të vendosin vetë për shtetin e tyre dhe të krijohen kushtet që ata të rikthehen në vend,” deklaroi Alimehmeti.

Presidenti i SHBA Donald Trump ka zhvilluar një bisedë telefonike ditën e sotme me presidentin e Rusisë Vladimir Putin në lidhje me Ukrainën.

Trump e ka cilësuar telefonatën me Putin si një bisedë të mirë dhe pozitive.

‘Pata një telefonatë të mirë me Putinin. Kemi disa çështje të vështira, siç mund ta imagjinoni. Kemi disa gjëra për të zgjidhur’, tha Donald Trump .

Trump foli edhe për sulmin ndaj vilës së presidentit rus Vladimir Putin.

‘Kjo është një kohë shumë e ndjeshme. Kini kujdes të mos e teproni me fyerjet dhe të mos kaloni vijën. Nuk duhet të drejtohemi në sulme fizike”, shtoi Trump. Ndoshta nuk ka pasur një sulm, por Putini më tregoi për këtë’, tha ai.

Këshilltari presidencial rus Yuri Ushakov tha në një konferencë për mediat, se Vladimir Putin i tha Donald Trump se sulmi terrorist i Kievit në rezidencën shtetërore të Putinit nuk do të mbetej pa përgjigje.

Këshilltari i Kremlinit vuri në dukje se presidenti amerikan ishte i tronditur dhe i indinjuar nga sulmi i Kievit në rezidencën e udhëheqësit rus.

Sulmi me dron në rezidencën e Putinit ndodhi “praktikisht menjëherë pas” bisedimeve SHBA-Ukrainë në Mar-a-Lago, tha gjithashtu Ushakov.

Një sulm me gati 100 dronë kundër rezidencës së Putinit në rajonin e Novgorod-it është bërë nga forcat ukrainase sipas akuzave të Kremlinit.

Por kjo gjë menjëherë u mohua nga presidenca ukrainase. “Janë vetëm gënjeshtra,” tha Zelensky vetëm pas disa minutash, i vetëdijshëm se një sulm i tillë mund të tronditë negociatat në vazhdim mbi konfliktin.

Ministri i Jashtëm rus, Lavrov, deklaroi se pozita negociuese e Moskës do të rishikohet për të marrë parasysh atë që ai e quajti “kalimi përfundimtar i regjimit të Kievit drejt një politike të terrorizmit shtetëror”.

Kreu i diplomacisë ruse shtoi se “objektivat dhe afatet kohore” të një përgjigjeje ruse janë tashmë përcaktuar, duke sqaruar megjithatë se Rusia nuk ka ndërmend të tërhiqet nga procesi negociator lidhur me planin e paqes.

Shtëpia e Putinit, kundër së cilës Ukraina thuhet se ka shkaktuar sulmin, është një rezidencë luksoze mbi liqenin Valdai, afër fshatit Dolgiye Borody, në një park kombëtar.

Ai ka vila të ndryshme nëpër Rusi, duke filluar nga ajo në Novo-Ogaryovo, në periferi të Moskës, e cila ishte objekt sulmi ukrainas në vitin 2023. Por ajo ishte në një fazë tjetër të luftës./La Repubblica 

“Provojmë për tu loguar dhe akoma nuk ka ardhur një kod. Kemi rreth 10-15 minuta që tentojmë dhe e pamundur”, është shprehur Etleva Treska.

Nga regjistrim i shoqërive të reja në QKB, funksionimi i pjesshëm ose mosfunksionimi fare i sistemit selfcare si dhe një sër sistemesh ndërlidhëse përmes Agjencisë Kombëtare të Shoqërisë së Informacionit janë këto problemet më të hasura për bizneset të cilat prej ditësh në këto ditë fundviti kanë mbetur me punët pezull. Edhe qytetarët hasin vështirësi në dokumentacione teksa çdo gjë duhet të kryhet online.

“Duhet ta shikojmë në dy këndvështrime ajo përdoret kryesisht dhe nga individët. Dhe aplikimi i emigrantëve për rinovim dokumentesh është i pamundur. Me bizneset ka shumë probleme. Sapo e kisha një klient nuk u loguam dot. Siç e shikojmë faqja s’po reagon fare. Dhe nisur nga kjo më duhet të bëj mbylljen e vitit deri në 31. Bizneset në momentin që hyn janari duhet të paguajë taks bashkie, të bëj deklarimet në tatime për vitin dhe e ngarkon bizneset pa të drejtë. Jemi gjithë ditën duke punuar dhe s’kemi asnjë rezultat për punën tonë”, tha Treska.

Jo vetëm kontabilistët, ky problem prek edhe profesione të tjera, si ekonomistët, noterët, juristët, avokatet etj.

“Edhe ne si avokat ngremë shqetësimin në lidhje me e-Albania. Konkretisht unë kam pasur kontakte me biznese të huaja dhe një rast të fundit kam pamundur ta regjistroj. 4-5 ditët e fundit e pamundur të logohemi apo kryejmë procedura”, është shprehur avokati Franc Nuri.

Përballë një situate të tillë kolapsi bizneset kërkojnë të merren masa. Por zgjidhja e vetme që arrijnë të marrin është kjo në e-Albania.

“Drejtoria e Përgjithshme e Gjendjes Civile do të realizojë operacione mirëmbajtjeje dhe përmirësimi të sistemit elektronik të saj.

Ju informojmë se gjatë këtyre proceseve mund të ketë ndërprerje të përkohshme apo ngadalësime në marrjen e të dhënave përmes ndërveprimit me Regjistrin Kombëtar të Gjendjes Civile. Kërkojmë mirëkuptimin tuaj për çdo vështirësi të mundshme që mund të haset në përdorimin e shërbimeve publike online” thuhet në deklaratën e e-Albania.

Profesionistët e lirë paralajmërojë protesta nëse portali qeveritar e-Albania nuk bëhet funksional para vitit 2026.

“Nuk kam gjetur zgjidhje dhe që kam shkuar në zyrat fizike të QKB. Ajo që duhet bërë duhet të ketë alternativë”, tregon Treska. TCH

Grupi parlamentar i Partisë Demokratike bëri sërish thirrjen e mbledhjes së Këshillit për Rregulloren, Mandatet dhe Imunitetin, për zv.kryeministren Belinda Balluku, situatë që solli edhe një përgjigje nga Kuvendi.

Në përgjigje Kuvendi ka refuzuar kërkesën e demokratëve, duke arsyetuar përse kanë marrë këtë vendim.

“Në përgjigje të kërkesës suaj për thirrjen e mbledhjes së Këshillit për Rregulloren, Mandatet dhe Imunitetin, ju bëj me dije sa vijon: Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme për dhënien e autorizimit nga Kuvendi për arrestimin/heqjen e lirisë së deputetit/zëvendëskryeministrit është thirrur dhe është zhvilluar në datën 19 dhjetor 2025, në përputhje me nenin 13 të Rregullores së Kuvendit.

Me thirrjen dhe zhvillimin e kësaj mbledhjeje, kompetenca proceduriale për thirrjen e Këshillit lidhur me këtë çështje është ezauruar, pasi çështja është vendosur në rend dite dhe është hapur për shqyrtim që nga data 19.12.2025. Sipas nenit 13, pika 6, të Rregullores së Kuvendit, caktimi i rendit të ditës, së mbledhjes, përbën kompetencë të Kryetarit të Kuvendit dhe ushtrohet në funksion të ecurisë proceduriale të çështjes së hapur.

Për sa kohë mbledhja e datës 19 dhjetor 2025 është shtyrë për arsye proceduriale dhe shqyrtimi i çështjes vijon të jetë i hapur, nuk ekziston bazë proceduriale për thirrjen e një mbledhjeje tjetër me rend dite të paracaktuar, sipas kërkesës së paraqitur. Në mbledhjen e Këshillit të datës 19 dhjetor 2025, gjatë shqyrtimit të çështjes në fjalë, u konstatua
mungesa e një dakordësie ndërmjet anëtarëve të Këshillit lidhur me afatin kohor që duhej t’i lihej palës mbrojtëse për ushtrimin efektiv të së drejtës për njohje me aktet dhe provat e paraqitura nga Prokuroria e Posaçme.

Përfaqësuesi ligjor i znj. Belinda Balluku, duke iu referuar ligjit, kërkoi 3 javë kohë për t’u përgatitur për mbrojtjen ligjore në kuadrin e garantimit të një procesi të rregullt ligjor, diskutimet u përqendruan në përcaktimin e një date për zhvillimin e mbledhjes pasuese të Këshillit, me qëllim dëgjimin e palëve.

Deputetët e opozitës kërkuan një afat prej 3 ditësh, ndërsa deputetët e mazhorancës e lidhën kërkesën e tyre me

– shqyrtimin e çështjes nga Gjykata Kushtetuese dhe

– të drejtën e deputetes znj. Belinda Balluku për të marrë kohën e kërkuar nëpërmjet përfaqësuesit
ligjor z. Ardian Kalia.

Në këto kushte, dhe në respekt të nenit 42 të Kushtetutës së Republikës së Shqipërisë, si dhe të parimit të procesit të rregullt ligjor, Kryetari i Kuvendit njoftoi shtyrjen e mbledhjes, pa përcaktuar një datë të menjëhershme tjetër.

Po ashtu, sipas nenit 118 të Rregullores së Kuvendit, shqyrtimi i kërkesave të Prokurorisë për dhënien e autorizimit nga Kuvendi për arrestimin ose heqjen e lirisë së një deputeti zhvillohet mbi bazën e një procedure që garanton të drejtën e mbrojtjes dhe një shqyrtim të plotë të dokumentacionit përkatës. Për sa kohë ky proces nuk është përmbyllur dhe palët nuk janë pajisur realisht me kohën e nevojshme për ushtrimin e kësaj të drejte, nuk plotësohen kushtet procedurale
për caktimin e një date të re mbledhjeje.

Gjithashtu Kuvendi i Republikës së Shqipërisë, si përfaqësues i sovranitetit të popullit, ka detyrimin kushtetues të garantojë zbatimin e Kushtetutës dhe të ligjit, veçanërisht në rastet kur Gjykatës Kushtetuese i është kërkuar shprehimisht të japë një vendim mbi një çështje që lidhet drejtpërdrejt me shqyrtimin parlamentar, si në rastin konkret.

Në këto rrethana, kërkesa për thirrjen e mbledhjes së Këshillit, nuk pranohet. Mbledhja e radhës e Këshillit për Rregulloren, Mandatet dhe Imunitetin do të thirret në momentin kur të jenë përmbushur plotësisht kushtet procedurale të parashikuara në Rregulloren e Kuvendit”, thuhet në njoftimin e plotë.

gijotina.com/