Kujtimi i poetit të mirënjohur shqiptar, Lasgush Poradeci do të nderohet me një pllakë përkujtimore në shtëpinë ku poeti ka banuar në Vjenë, me iniciativë të Ambasadës së Shqipërisë në Vjenë.

Lajmin e ka dhënë ambasadori në Austri Fate Velaj, i cili njofton se ceremonia do të zhvillohet më 5 shkurt.

Edhe pse ceremonia për nderimin e figurës së poetit do të jetë zyrtare, vetë familjarët e Lasgush Poradecit nuk janë ftuar. Ka qenë vetë Marie Lasgush Poradeci, e bija, e cila ka thënë se nuk ka marrë një ftesë zyrtare, madje as dhe një njoftim nga kryebashkiaku u Pogradecit, i cili gjithashtu do të jetë i pranishëm në Vjenë.\

“Sapo me ardhi nje informacion nga Ambasadori yne ne Austri Fate Velaj. Une nuk kam asnje ftese dhe asnje njoftim nga Kryetari Bashkise Pogradec i cili do marre pjese ne kete ceremoni me nje delegacion zyrtar. NJOFTIM: Ambasada e Shqipërisë në Vjenë, pas një pune intensive dhe këmbëngulëse, ka arritur që në shtëpinë ku ka banuar poeti ynë i madh Lasgush Poradeci të vendoset një pllakë përkujtimore. Ceremonia do të zhvillohet më 5 shkurt, në orën 14:30, në adresën: Klosterëiesgasse 74, Graz. Në këtë aktivitet do të marrin pjesë: Elke Kahr – Kryetarja e Bashkisë së Graz-it, Ilir Xhakolli – Kryetari i Bashkisë së Pogradec, me një delegacion zyrtar, Fate Velaj – Ambasador i Shqipërisë në Vjenë”, shkruan Marie në postimin e saj.

gijotina.com/

Departamenti Amerikan i Drejtësisë ka njoftuar publikimin e dokumenteve të reja mbi Jeffrey Epstein. Zëvendës Prokurori i Përgjithshëm Todd Blanche tha se ato përmbajnë “mbi tre milionë faqe”, duke përfshirë afërsisht 2,000 video dhe 180,000 foto (përfshirë pornografi me fëmijë). Dokumentet janë të disponueshme në faqen e Dosjeve Epstein në faqen e internetit të Departamentit të Drejtësisë, me një veçori të re: këtë herë, kërkohet akses sepse përmbajtja nuk është e përshtatshme për të miturit.

Midis miliona faqeve të paktën 3,200 prej tyre përmendin Presidentin e SHBA-së Donald Trump, raporton New York Times. Blanche përjashtoi mundësinë që departamenti i tij po mbronte Presidentin e SHBA-së Donald Trump, emri i të cilit përmendet disa herë në dosjet e Jeffrey Epstein, pedofilit që vdiq në burg në vitin 2019.

Por ai gjithashtu e bëri të qartë se faqet e reja të publikuara sot nuk do të zbulojnë asgjë rreth presidentit. “Ne nuk e kemi mbrojtur presidentin, nuk kemi mbrojtur askënd. Mendoj se ka një etje për informacion që nuk mendoj se do të shuhet nga këto dokumente”, tha ai për gazetarët.

Bill Gates dhe sëmundja pas marrëdhënieve intime me vajzat ruse

Ndër zbulimet e para që dalin nga dokumentet e reja janë ato që bashkëthemeluesi i Microsoft, Bill Gates, dyshohet se ka pasur marrëdhënie seksuale me gra ruse, është prekur nga një sëmundje seksualisht e transmetueshme dhe ka kërkuar që ish-gruas së tij, Melindës, t’i jepen fshehurazi antibiotikë.

Epstein i bëri këto pretendime në lidhje me miliarderin në një email që i dërgoi vetes më 18 korrik 2013. Mesazhi i gjatë sulmonte Gates për ndërprerjen e miqësisë së tyre. “Për t’i shtuar fyerje lëndimit,” shkroi Epstein, “më luteni të fshij emailet në lidhje me sëmundjen tuaj seksualisht të transmetueshme, kërkesën tuaj që t’ju jap antibiotikë për t’ia dhënë fshehurazi Melindës.”

Musk: “Kur mund të vij në ishullin tuaj?”

“Do të jem në zonën e Ishujve të Virgjër Britanikë-Shën Barthélemy gjatë festave. A ka ndonjë kohë të mirë për të ardhur?” shkroi Musk. Epstein u përgjigj dy ditë më vonë, duke thënë se fillimi i vitit të ri do të ishte një kohë e mirë, duke shtuar: “Gjithmonë ka vend për ty”. Ditën e Krishtlindjeve, Epstein shkroi në një email tjetër: “Data 2 ose 3 do të ishte perfekte. Do të vij të të marr.”

Musk u përgjigj se kishte planifikuar të kthehej në Los Angeles natën e 2 janarit, përpara se të thoshte se mund ta shtynte nisjen e tij me një ditë. Nga emailet nuk është e qartë nëse Musk udhëtoi vërtet në ishull, por ato zbulojnë një nivel komunikimi midis të dyve që nuk ishte zbuluar më parë.

Musk gjithmonë ka mohuar çdo lidhje me financuesin. Ishulli i përmendur në email ka të ngjarë të jetë Little Saint James, në Ishujt Virgjër, ku disa viktima kanë raportuar se janë abuzuar dhe përdorur si prostituta.

“Shoku i tij i qelisë iu lut të mos varte veten.”

Shoku i qelisë së Jeffrey Epstein në Nju Jork iu lut atij të mos të kyrente vetëvrasje në hapësirën që ndanin. Kjo është sipas dokumenteve të publikuara nga Departamenti i Drejtësisë, të cilat përfshijnë gjithashtu një intervistë me Efrain Reyes disa ditë pas vdekjes së ish-financierit. Reyes ishte transferuar në një burg tjetër një ditë para vdekjes së Epstein. Transferimi i tij ishte rënë dakord më parë. Reyes i tha Epstein të mos varte veten në qelinë e tyre: “Nuk dua të zgjohem dhe të të gjej të vdekur”, tha ai, sipas CNN . “Mos u shqetëso, nuk do të të shkaktoj kurrë probleme”, u përgjigj Epstein.

“Lutnick e ftoi Epsteinin në një aktivitet për Hillary Clinton”

Sekretari i Tregtisë i SHBA-së, Howard Lutnick, e ftoi Jeffrey Epstein në një mbledhje fondesh që po organizonte për demokraten Hillary Clinton. Kjo është ajo që del nga dokumentet e publikuara nga Departamenti i Drejtësisë. Lutnick ishte fqinj i Epstein në New York dhe më parë ka thënë se në vitin 2005, ai dhe gruaja e tij vizituan shtëpinë e ish-financierit dhe u neveritën nga salla e masazhit që iu tregua.

Dokumentet e errëta

“Ne i kemi hequr të gjitha gratë e paraqitura në çdo imazh ose video, me përjashtim të Ghislaine Maxwell. Ne nuk i kemi redaktuar imazhet e asnjë burri, përveç nëse ka qenë e pamundur të redaktohet gruaja pa redaktuar edhe burrin”, sqaroi ai. “Megjithatë, për këtë qëllim dhe për të siguruar transparencë, nëse një Anëtar i Kongresit dëshiron të shqyrtojë ndonjë pjesë të prodhimit në një formë të paredaktuar, ai ose ajo inkurajohet të bëjë marrëveshje me Departamentin për ta bërë këtë.”

Blanche përsëristi edhe njëherë angazhimin e Departamentit të Drejtësisë për mbrojtjen e viktimave.

“Prokurori i Përgjithshëm, Drejtori i FBI-së dhe partnerët tanë në të gjithë administratën punojnë shumë çdo ditë për të mbrojtur më të dobëtit”, shpjegoi ai, duke pranuar megjithatë se “gabimet janë të pashmangshme.

Sigurisht, ne duam të korrigjojmë menjëherë çdo gabim censure që mund të ketë bërë ekipi ynë”. Ai njoftoi se Departamenti i Drejtësisë ka krijuar një adresë email-i dhe një kuti postare për viktimat “për çdo shqetësim”./La Repubblica

Duke qenë se kjo shërben si zanafilla e rihapjes së çështjes kërkohet burimi. Personat e përfshirë në vrasjet janë elita politike e vendit. Prokurorët kanë këmbëngulur në maksimum sa i lejon ligji por unë emrin nuk e jap sepse nuk kam besim. Fati i keq ma la mua në kurriz ta mbaj këtë barrë. Nëse unë nuk e them burimin, i jep mundësi SPAK që t’i drejtohet gjykatës.

Në një seancë sekrete, mes një gjyqtari, prokurori dhe meje, më detyron mua të tregoj burimin. Prokuroria thotë që ngjarja është shumë e rëndë, unë jam para një situate që është vërtetë jo e lehtë. Unë i kam marrë parasysh pasojat që kur kam denoncuar.

Çështja vërtetë është e një rëndësie të veçantë, por është shumë e rëndësishme ruajtja e burimit. Betejë për herë të parë me legjislacionin në këtë aspekt. Nëse unë nuk e tregon burimit, legjislacioni parashikon deri në 1 vit burg.

Ndaj them që në vend të autorëve në burg të përfundojë gazetari. Duke parë ç’ka ndodhur në të kaluarën, është shumë e rrezikshme të japësh burimin. Tani jemi para faktit a mund ta marrë gjykata vendimin për dënimin tim? Po, por unë nuk e jap burimin, mund të krijojë precedent. Nëse ne detyrohemi të japim burimet na cënohet besueshmëria”, tha ai.

Ai ka ngritur shqetësim edhe në lidhje me afatet dhe kohën e gjatë që kjo çështje po mbetet pa u zbardhur, pasi sipas tij disa prej veprave penale mund të parashkruhen dhe fajtorët të mbeten pa ndëshkuar.

“Duket sikur 3 nga 4 të vrarë janë përjashtuar. Ka ngelur vetëm Aleks Nika, ku është problem që predha është e dëmtuar. Tek Hekuran Deda predha është tejshpuese dhe nuk është gjetur.
Dëshminë e parë e kam dhënë në tetor 2024. Jemi në 2026. Të hënën ishte paraqitja ime e radhës në vijim të dëshmisë së parë. Kasetën e dorëzova sepse fakti që nuk ishte dorëzuar origjinalja po përdorej si justifikim. Deri në këtë moment nuk kemi persona të regjistruar, pra ka afat pa fund. Nëse ka person të regjistruar nga SPAK duhet të veprohet brenda afateve. Ka kaluar shumë kohë dhe koha nuk pret.
Por flitej edhe në media që meqë nuk kemi të bëjmë me kasetën origjinale, kjo e dorëzuara nuk ka peshën e origjinales. Më thanë nuk kemi laborator të ekpertojmë këtë lloj kasete. Duke pasur këtë frikë që po përdorej si justifikim për ta de faktorizuar këtë element të rëndësishëm e dorëzova. Kaseta vërteton që vrasjet janë me urdhër dhe dashje.
Kaseta origjinale tregon se aty nuk ka ndërhyrje. Precedenti Meta-Prifti krijoi një precedent ku u mbyll hetimi për shkak se u thanë që është ndërhyrë.
E dorëzova origjinalin për t’i hequr këtë arsye nga duart, që të mos kishin më mundësi të thonin nuk e kemi origjinalin. Kaseta origjinale ofron edhe diçka tjetër, është e pa ndërprerë dhe e plotë. Ajo kasetë me sa di do të ekspertohet jashtë vendit që do të kërkojë kohën e vet”, tha ai.

Në një intervistë në News 24, Edi Paloka mashtron publikisht duke deklaruar se ka bërë burg për protestat. Gjithashtu, duke bërë insinuata për Ervin Salianjin, Paloka tha se nuk ka bërë burg për shpifje.

“Nuk jam i pakënaqur me PD. Nuk jam pasiv por nuk jam në grupin organizator direkt për protestat”, tha Paloka duke shtuar se dikur ka drejtuar vetë protestat dhe për këtë ka bërë dhe burg.

Duke atakuar indirekt, ish-deputetin e PD Ervin Salianji, Paloka tha se ndryshe nga të tjerë, ai “nuk e tund si Flamur” burgun sa herë t’i jepet rasti si ndonjë tjetër.

“Në fakt unë e kam bërë për protestat, për organizim të paligjshëm të protestave. Më akuzuan për dhunë ndaj policisë. Nuk e kam bërë për shpifje”, tha Paloka.

“Dikur kam drejtuar vetë protestat, madje kam bërë dhe burg por nuk e tund si flamur burgun sa herë të më jepet rasti si ndonjë tjetër. Por nuk jam ndarë, jam aty sa herë të kenë nevojë”.

Nisida Tufa: Ai burgu që përmendet nuk është njëlloj si ky që përmendni ju?

Edi Paloka; Në fakt unë e kam bërë për protestat, për organizim të paligjshëm të protestave. Më akuzuan për dhunë ndaj policisë. Nuk e kam bërë për shpifje.

Si qëndron e vërteta?

Deputeti i Partisë Demokratike Edi Paloka, është thirrur në SPAK më 10 dhjetor 2021, ku ka qëndruar për gati 30 minuta.

Paloka është thirrur në prokurori, për të dhënë shpjegime në lidhje me hetimin e nisur në, pas një kallëzimi për ‘kundërshtim të forcave të policisë’, në Prokurorinë e Tiranës, gjatë kohës së protestave të dhunshme të opozitës jashtë parlamentare.

Përplasje me policinë në një periudhë kur kanë qenë gjyqet për banorët e Astirit.

Hetimi në fjalë ka nisur nga Prokuroria e Tiranës, e cila shpalli moskompetencë dhe e kaloi në SPAK.

Një ditë më parë për të njëjtin kallëzim në prokurori është paraqitur edhe deputeti i PD-së Ervin Salianji.

Pas më shumë se 1 viti proces gjyqësor, më 24 maj 2017 Gjykata e Lartë dënon me 50 mijë lekë gjobë kreun e grupit parlamentar të PD, Edi Paloka.

Paloka u padit në gjykatë nga ish ministri i Brendshëm Saimir Tahiri, pasi sipas padisë, Paloka kishte shpifur ndaj tij duke e quajtur një mbrojtës të krimit dhe si person që ndihmonte bandat kriminale të Tiranës.

Fillimisht gjykimi i kësaj padi u pezullua dhe u dërgua për kompetencë në gjykatën Kushtetuese e cila vendosi të vazhdonte procesi në gjykatë të Lartë.

Paloka humbi dhe gjyqin me Ramën

Ky është dënimi i dytë ndaj Palokës i cili më parë është dënuar po nga gjykata e Lartë me gjobë pasi u gjet fajtor për shpifje ndaj kryeministrit Edi Rama.

Më 24 shkurt 2014, Edi Paloka, paditet në gjykatën e Tiranës, nga shefi i antidrogës në policinë e Vlorës Adrian Liçaj, ku i kërkohej 35 mijë euro dëmshpërblim.

gijotina.com/

Rreth 10 mijë banorë të fshatit Shushicë në Elbasan, vijojnë të jenë pa energji elektrike si pasojë e motit të keq. Energjia është ndërprerë që ditën e djeshme duke lënë fshatrat e zonës në errësirë totale. Sipas informacioneve paraprake, shkak i ndërprerjes është bërë moti i përkeqësuar, ndërsa grupet e OSHEE-së ndodhen në terren për identifikimin e defekteve dhe rikthimin sa më të shpejtë të energjisë elektrike.

Banorët e fshatit Shushicë shprehen se po përballen me vështirësi të mëdha, sidomos të moshuarit apo personat me nevoja të veçanta. Banorët i bëjnë thirrje institucioneve përgjegjëse për një zgjidhje të menjëhershme, si dhe për marrjen e masave afatgjata për të mbilizuar problemin

gijotina.com/

Kristjan Asllani është zyrtarisht lojtar i Beşiktaşit. Mesfushori kuqezi është prezantuar sot nga klubi turk, ku do të luajë në formë huazimi deri më 30 qershor, pas një eksperience jo shumë të suksesshme te Torino.

Drejtoresha e Tatim Taksave të Durrësit, Ina Bella është larguar nga detyra ditën e sotme.

Burime bëjnë të ditur se largimi i Ina Bellos nga detyra e kryetatimores së Durrësit është bërë me motivacionin e përformancës së dobët në ushtrimin e këtij funksioni.

Vendin e Ina Bellos në krye të Tatimeve të qytetit bregdetar e ka marrë Agron Nuredinaj.

Ndërkohë që Bello nga drejtoreshë është transferuar në Tiranë në funksionin e inspektores së Tatimeve.

gijotina.com/

Roko Vata ka mbyllur sezonin me Uatford. Dëmtimi para një jave ndaj Blekburn është i rëndë, pasi duhet t’i nënshtrohet operacionit dhe kështu mbyll dhe sezonin. I gjithë problemi është në kofshën e djathtë ku Vata ishte dëmtuar për herë të parë në nëntorin e kaluar.

Vata është një ndër talentet më premtues shqiptar, dhe në moshën 20-vjeçare duhet të përballet me këtë moment të vështirë. Vetë stafi i klubit të Championship foli për këtë moment tronditës, ndërsa Vata po ashtu tha fjalën e tij.

“Jam i shkatërruar pasi ndihesha kaq mirë. Po luaja futbollin tim më të mirë dhe më të qëndrueshëm nën drejtimin e Javit para se të lëndohesha për herë të parë.

U përpoqa ta mbroja topin nga lojtari, ta shtyja dhe të shpërtheja. Stafi mjekësor ka qenë i shkëlqyer me mua. Ata më mbajtën larg pasi ndjeva se isha gati të kthehesha më shpejt sesa bëra.

Javi më mbështeti gjatë periudhës sime të parë jashtë loje dhe më bëri të ndihesha pjesë e saj edhe pse nuk mund ta ndihmoja ekipin. Ai më foli gjatë gjithë kohës dhe më mbështeti shumë kur dola dhe në dhomën e zhveshjes më pas.

E kam të qartë faktin se do të humbas pjesën tjetër të sezonit. Do t’i mbështes djemtë dhe do ta përdor kohën për të punuar në të gjitha pjesët e trupit tim dhe në lojën time. Dua ta përdor kohën pozitivisht dhe të kthehem për të luajtur një rol të madh në këtë klub”, u shpreh Vata.

gijotina.com/

Një aksident i rëndë rrugor i ndodhur në Itali i ka marrë jetën dy të rinjve shqiptarë, ndërsa një person tjetër ka mbetur i plagosur. Viktimat janë identifikuar si Blendi Syla, 20 vjeç, dhe Robert Daçi.

Sipas informacioneve paraprake, automjeti me të cilin udhëtonin të rinjtë është përplasur me një kamion. Përplasja ka qenë fatale për dy pasagjerët shqiptarë, të cilët janë nxjerrë pa shenja jete nga mjeti. Ndërkohë, në kamion ndodheshin një burrë dhe një grua, të cilët kanë pësuar lëndime dhe janë dërguar për trajtim mjekësor.

Autoritetet italiane kanë nisur hetimet për të sqaruar rrethanat e aksidentit dhe për të përcaktuar shkaqet që çuan në përplasjen tragjike.

Pas ngjarjes, familjarë dhe të afërm të viktimave kanë shprehur dhimbjen e tyre përmes rrjeteve sociale. Një reagim publik ka ardhur nga familjarë të Blendi Sylës, të cilët kanë njoftuar se ceremonia mortore ende nuk është planifikuar, pasi pritet kthimi i trupit në Shqipëri.

Familja ka falënderuar miqtë dhe të njohurit për ngushëllimet dhe mbështetjen, duke theksuar se informacionet për varrimin do të bëhen publike në vijim.

Ngjarja ka tronditur komunitetin shqiptar në Itali, duke rikthyer vëmendjen te aksidentet rrugore dhe pasojat tragjike që ato vazhdojnë të sjellin.

gijotina.com/

Pikërisht ditën kur Klodian Braho mori detyrën e kryeprokurorit në mënyrën më aktive të mundshme duke behur në Këshillin e Mandateve në Kuvend, komisioni i Përhershëm Parlamentar Xhafaj kërkonte të futej në axhendën e SPAK.

Kërkesa lidhej me një vizitë monitoruese mbi rezultatet e SPAK për pastrimin e parave. Në këtë shkresë politika e mbështet kërkesën tek një shkresë e Agjencisë së Inteligjencës Financiare  drejtuar  kuvendit dhe disa institucioneve për disponimin e të dhënave rreth pastrimit të parave.

Por SPAK i thotë ‘jo” takimit me komisionin Xhafaj, që ishte sugjeruar të mbahej në 6 shkurt 2026. SPAK në këtë dokument, të bërë publik fillimisht nga lapsi.al, e cilëson takimin monitorues në kapërcim të ligjit dhe pavarësisë së Prokurorisë së Posaçme.

“Çdo praktikë për të kryer vizita të tilla monitoruese do të binte ndesh me pavarësinë kushtetuese të Prokurorisë së Posaçme. Kjo pavarësi nuk është vetëm një kërkesë formale ligjore, por edhe një kusht themelor për të siguruar hetime të pavarura, të paanshme dhe efikase, në mbrojtje të interesit publik dhe të sundimit të ligjit.”

Megjithatë SPAK lë një dritë jeshile për bashkëpunim me komisionin, kur i kujton se mund ta informojë sipas ligjit, por jo ta monitorojë.

“Në vijim të dialogut dhe bashkëpunimit ndër institucional me komisionin, Prokuroria e Posaçme mbetet e angazhuar për të kontribuar në përcjelljen e çdo informacioni të nevojshëm në funksion të përmbushjes së detyrimeve të saj kushtetuese.”

Megjithatë siç rendit edhe në shkresë, SPAK e ka kryer më herët raportimin mbi përmbushjen e rekomandimeve të Task forcës. Ky informim kryhet në kuadër të procesit të Shqipërisë nga Moneyval, Organizata Ndërkombëtare e Monitoritimit kundër pastrimit të parave.

gijotina.com/

Në një shtet ku kryeministri lufton me SPAK-un për të mbrojtur nga arrestimi zëvendësen e tij, është e shpjegueshme situata ku zyrtarët e tenderave të mos kenë respekt për drejtësinë. Një autoritet prej tyre është edhe “Beu” Belshit, Arif Tafani. Me firmën e tij ia jep tenderin 1.1 miliard lekë një kompanie ndërtimi që është nën hetim nga SPAK në dosjen e Belinda Ballukut për korrupsion.

Dhe shqetësimi ynë nuk është vetëm për mungesën e etikës dhe të shkujdesjes në zbatimin e rregullave dhe ligjeve antikorrupsion! Ky tender ka fakte që ulërijnë se fituesi është i paracaktuar.

Tenderi me “flamur” korrupsioni

“Skualifikim i të gjithë operatorëve konkurrues perveç fituesit/ Skualifikim i ofertës me vlerë më të ulët”, kështu e përshkruan tenderin Open Data Albania. Për të treguar riskun e korrupsionit, procedura është shënuar me “Flamur të kuq”.

Më konkretisht, bëhet fjalë për tenderin e Bashkisë Belsh me objekt “Rikonstruksion, i disa rrugëve të brendshme të Bashkisë Belsh, Faza III”. Prokurimi i financuar nga buxheti i bashkisë është çelur më 2 dhjetor 2025 dhe është mbajtur më 5 janar 2026.

Fondi Limit caktuar për këtë projekt është 113 802 153,00 lekë pa TVSH dhe siç do ta shohim nga ofertat është shumë lart mesatares së tregut për këto punime dhe çmimet e materialeve.

Nuk po flasim për autostradë, por për një rrugë fshati me gjatësia totale 5.6 km me gjerësi që nuk i kalon 2.5 metra. Pa ndriçim, trotuare apo gjelbërim.

Për t’i hapur rrugën kompanisë “EUROTEOREMA PEQIN ”, me pronar italianin Giovanni Pascale,  “Beu” i Belshit skualifikoi 22 kompani mes të cilave të gjitha ofertat që ishin më të ulëta dhe ekonomike.

Kompania e Giovanni Pascale e kishte ofertën 73 365 325.67 leke pa TVSH. Po kjo nuk ishte vlera më e ulët e ofruar, sepse kishte kompani të tjera që kishin propozime më ekonomike.

Për shembull: Operatori ekonomik “SHKELQIMI 07” prezantoi ofertën 70,700,741.17 lekë pa TVSH.

Ndërkaq, kompania “2 N” shpk kishte ofertë akoma më të ulët, 65,692,648 lekë pa TVSH. Në këtë nivel është edhe oferta e kompanisë “ERGI” shpk me vlerë 67,889,602.05 lekë pa TVSH. Edhe propozimi i bashkimit të firmave “FLED” Shpk & “S.M.O Union” shpk me vlerë 69 796 924,53 lekë pa TVSH është më i leverdishëm se sa kompania italiane.

Ndërsa “L.T.E CONSTRUCTION” shpk e kishte ofertën 65,982,791 lekë pa TVSH. Një propozim ekonomik vjen edhe nga “SALILLARI” shpk me vlerën 70 500 000 lekë pa TVSH.

Por “Shendelli” shpk befason me propozimin që ta bëjë këtë punë me çmimin 60,440,307 leke pa TVSH.

Të gjitha këto oferta u hodhën në kosh nga “Beu” i Belshit, i cili më 26 janar 2026 shpalli fituese kompaninë e Giovanni Pascale-t.

Firma e Giovanni Pascale në dosjen e SPAK për Ballukun

Hetimet e SPAK kanë gjetur të dhëna se edhe tender i Unazës së Madhe Loti IV është diktuar nga Belinda Balluku dhe është i paracaktuar. Ndaj saj është ngritur pikërisht akuza e re gjithashtu për shkelje të barazisë në tendera për rastin e Unazës së Madhe.

Kriteret për tenderin e lotit 4 të Unazës së Madhe dyshohet sipas SPAK të jenë vendosur specifikisht për të favorizuar kompanitë e ndërtimit “Euroteorema Peqin”, “Pevlaku” dhe “NOVA Construction”.

Për këtë tender, dhe 6 lotet e tjera po të Unazës së Madhe në Tiranë, zëvendëskryeministrja dhe ministrja e Infrastrukturës, Belinda Balluku është person nën hetim.  Loti 4, u përmend për herë të parë nga SPAK-u kur ndaj Ballukut u vendos masa e pezullimit nga detyra.

Sipas Prokurorisë së Posaçme, ajo dyshohet të ketë “ndjekur dhe orientuar në vijimësi procedurën e këtij prokurimi publik të zhvilluar nga institucioni në varësi të kësaj ministrie, Autoriteti Rrugor Shqiptar, në fazën përgatitore, zhvillimit të procedurës, dorëzimit dhe vlerësimit të ofertave” dhe se së bashku me drejtorin e ARRSH dhe anëtarët e Njësisë së Prokurimit “kanë paracaktuar fituesin”.

Kompania “Euroteorema”, një nga 3 operatorët që fituan garën te Unaza e Madhe, rezulton se ka marrë shumë tenderë edhe në kohën e qeverisjes së Berishës, kur merrte konsulenca juridike nga Argita Berisha. Ndërsa “Nova Construction – 2012” sh.p.k është në pronësi të Ilir Shtufit, i cili është ortak i një kuote në masën e 91% të vlerës së kapitalit të kësaj kompanie dhe i lidhur ngushtë me familjen Berisha. Po ashtu, pronari i “PE-VLA-KU” shpk ka pronar Vladimir Pjetërgjokajn, njeri i afërt me Berishën.

Dosja që SPAK ka dërguar së bashku me kërkesën për arrestimin e Ballukut, ofron elementë të rinj, se si Ilir Shtufi u bë një ndër fituesit e garës.

“Prite pak Ilir Shtufin e Nova dhe bëja të qartë që shkon me EUT-në dhe mos ta shoh në vend tjetër. Punët i ke me Gimin thuaj jo me mua”. Ky është një mesazh që Balluku i dërgon në telefon vartësit të saj, kreut të ARRSH-së në atë kohë, Evis Berberi. Me këtë komunikim të datës 10 shtator 2021, vetëm pak javë para se të shpallej fituesi, ministrja e Infrastrukturës dhe Energjisë, Belinda Balluku jo vetëm që sipas SPAK e paracaktonte fituesin e tenderit të lotit 4 të Unazës së Madhe, por i impononte edhe ortakun biznesmenit Ilir Shtufi.

Vetëm pak minuta pas urdhrit të ministres, kreu i ARRSH atëherë komunikon me biznesmenin Shtufi dhe menjëherë ia konfirmon eprores se porosia u çua në vend, duke i çuar këtë mesazh: “E takova, ok”.

Tenderi për Lotin IV të Unazës së Madhe u hap më 16 gusht të vitit 2021, fituesi u shpall më 6 tetor dhe kontrata u lidh më 21 nëntor 2021.

Biznesmeni Ilir Shtufi, është marrë në pyetje për rastin në fillim të muajit dhjetor të këtij viti. Sipas dosjes së SPAK-ut, ai ka deklaruar ndër të tjera se “stafi i tij kishte hyrë në diskutime dhe me inxhnierët e shoqërisë ‘Euroteorema Peqin’, por përfaqësuesit e kësaj shoqërie kishin kërkuar maxhorancën e punimeve dhe ai nuk ishte entuziast për këtë bashkëpunim. Gjatë kësaj kohe, kur ende nuk ishte vendosur bashkëpunimi me shoqërinë ‘Euroteorema Peqin’, është njoftuar nga inxhinieri i shoqërisë së tij ‘Nova construction’, që të takonte Evis Berberin, i cili e kishte kërkuar disa herë për ta takuar. Ai deklaron se duke qenë se Evis Berberi ishte titullari i autoritetit kontraktor në tenderin që shoqëria e tij donte të konkurronte, e ka takuar atë. Pas këtij takimi me Evis Berberin, ka vendosur për të bashkëpunuar me shoqërinë ‘Euroteorema Peqin”.

Në vitin 2021, ish-drejtori Evis Berberi firmosi fituesin e tenderit të lotit 4 të Unazës së Madhe të Tiranës. Sipas dokumenteve, fituesi i lotit 4 ishte një bashkim operatorësh “EUROTEOREMA PEQIN” & “PE-VLA-KU” dhe “NOVA Construction 2012”.

Fondi Limit ishte 2 miliardë lekë të reja (20 milionë euro). Fituesi ofruan 1.991.017.847 lekë (20 milionë euro), ose shumë afër fondit limit, teksa në garë në atë kohë ka pasur oferta deri në 4 milionë euro më pak.

Por nuk ka fund korrupsioni! Kontrata e Lotit IV është modifikuar dhe i janë shtuar edhe 1.5 milionë euro.

Kështu, pas më shumë se 10 vitesh dhe mbi 400 milionë eurove të investuara, u dhanë të tjera para shtesë, pavarësisht se Balluku dhe Rama bën një ceremoni të hapjes së këtij aksi.

“Beu” i Belshit ha gjithë paratë e bashkisë

Tafani është mësuar që të shpërdorojë buxhetin e bashkisë Belsh në favor të biznesmenëve që u jep tendera pa garë. Dëmet e shkaktuara janë bërë pjesë e disa raporteve të auditimeve të KLSH. Gjithsesi, Tafani është në krye të bashkisë prej disa mandatesh. Ai është zgjedhur kryetar i Bashkisë Belsh në vitin 2000, 2003 dhe 2007. Kryetari u rrëzua nga votuesit në vitin 2011, kur ata zgjodhën një kryebashkiak demokrat, Asqeri Kuqjan. Në vitin 2015, Tafani u rikthye si kandidat dhe fitoi sërish. Ai u emërua kryebashkiak në 2019, pasi opozita nuk mori pjesë në zgjedhje dhe në maj të vitit 2023 fitoi mandatin e gjashtë. Kështu vazhdon të abuzojë me detyrën dhe të pasurohet.\

Bashkëshortja e Tafanit, Eli është drejtoreshë pranë kopshtit nr. 1 në Elbasan, ndërsa e bija Alessia Tafani punon pranë Fondit Shqiptar të Zhvillimit me në krye Dritan Agollin, një nga drejtorët më të lakuar për afera korruptive.

Alessia është punësuar pranë FSHZH si arkitekte, falë lidhjeve të babait, qysh kur ishte vetëm 20 vjeçe. E gjithë familja i shijon tashmë të mirat e punës në administratë!

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Kremlini njofton se presidenti rus, Vladimir Putin, ka pranuar të ndalojë sulmet ndaj qyteteve ukrainase deri më 1 shkurt.

Dmitry Peskov, zëdhënës i Kremlinit, tha se “mund të them se presidenti Trump i kërkoi personalisht presidentit Putin të ndalojë sulmet ndaj Kievit për një javë, për të krijuar kushte të favorshme për negociata. Kjo është çfarë mund të them për këtë çështje”.

Zelensky: S’ka marrëveshje zyrtare për armëpushim në energji

Kur u pyet nëse Putin kishte pranuar këtë propozim, Peskov shtoi se “Po, sigurisht. Ishte një kërkesë personale nga presidenti Trump”, raporton skynews.

Sipas Trump, gjatë një takimi të kabinetit, ai i kishte kërkuar Putinit të ndalojë sulmet që ndërpresin energjinë elektrike dhe ngrohjen në Ukrainë, ku temperaturat mund të bien deri në -30°C.

Trump thotë se Putini pranoi të mos e sulmojë Kievin dhe qytete të tjera ukrainase ‘për një javë’

Presidenti amerikan tha se Putin “kishte pranuar të bëjë këtë”.

Megjithatë, presidenti ukrainas, Volodymyr Zelensky, ka deklaruar se nuk ka asgjë të miratuar zyrtarisht.

Një situatë e pazakontë dhe mjaft tensionuese është regjistruar në shtëpinë e Big Brother VIP Kosova, ku banorja Suanita ka shprehur hapur dëshirën për t’u larguar nga gara.

Sipas pamjeve momenti kritik ka ndodhur gjatë qëndrimit të saj në dhomën e rrëfimit.

Aty, Suanita është dëgjuar duke bërtitur me zë të lartë fjalët “më lini të dal”, çka ka ngritur dyshime për një përplasje të mundshme mes saj dhe produksionit.

Tensioni nuk ka kaluar pa u vënë re nga banorët e tjerë.

Zërat dhe të bërtiturat janë dëgjuar edhe në ambientet e përbashkëta, duke shkaktuar shqetësim dhe konfuzion.

Në oborrin e shtëpisë, Londrimi, Dolçe dhe Benita kanë nisur ta komentojnë situatën, duke shprehur habi dhe pasiguri për atë që po ndodhte pas dyerve të mbyllura të dhomës së rrëfimit.

Për disa çaste, bisedat e tyre janë transmetuar drejtpërdrejt, por situata është ndërprerë papritur.

Menjëherë pas ndërprerjes së transmetimit të bisedave, produksioni ka vendosur muzikë në sfond, duke mbuluar çdo koment apo reagim të mëtejshëm të banorëve lidhur me këtë moment delikat.

Ky veprim ka nxitur reagime të shumta nga publiku, i cili në rrjetet sociale ka ngritur pikëpyetje mbi transparencën dhe natyrën e incidentit.

Deri në këto momente, produksioni i Big Brother VIP Kosova nuk ka dhënë asnjë deklaratë zyrtare lidhur me situatën, arsyet e kërkesës së Suanitës për t’u larguar, apo nëse ajo do të vazhdojë të jetë pjesë e garës.

Qarkullimi i kamionëve dhe mjeteve transportuese nga Kosova drejt kufirit me Serbinë ka filluar të premten pasdite, pasi transportuesit serbë i dhanë fund bllokadës disaditore, njoftoi Qendra Kombëtare për Menaxhim Kufitar i Kosovës.

Shoferët e kamionëve nga Serbia thanë në një deklaratë se po i heqin bllokadat pas pesë ditësh sepse Komisioni Evropian “ka njoftuar qartë për herë të parë se shoferët profesionistë janë një kategori e veçantë punëtorësh që kërkojnë një qëndrim më të gjatë në territorin e Bashkimit Evropian se 90 ditë”.

Tani për tani bllokadën janë duke e mbajtur vetëm transportuesit nga Bosnja.

Më herët, kolegët e tyre nga Mali i Zi dhe Maqedonia e Veriut hoqën dorë prej këtyre masave të enjten, pasi Komisioni Evropian bëri të ditur se po punon në një strategji të re për viza që parasheh zgjidhjen e problemit të ditëve të kufizuara për punëtorët e vendeve të treta që duhet të hyjnë në Zonën Schengen.

Terminalet për mallra u bllokuan për katër ditë në 22 pika dalëse dhe 19 pika hyrëse vetëm në Serbi.

Transportuesit e mallrave kanë protestuar kundër atyre që i konsiderojnë procedura të ashpra për të hyrë në Zonën Schengen, të cilat, sipas tyre, ua kanë shkurtuar kohën e qëndrimit në shtetet e Bashkimit Evropian.

Ata kërkojnë që periudha e qëndrimit të zgjatet nga tre në katër muaj brenda një periudhe gjashtëmujore.

Paralajmërimet fillestare ishin që bllokadat të zgjasnin për të paktën shtatë ditë, në rast se nuk arrihet ndonjë marrëveshje.

Presidenti i Dhomës së Tregtisë në Serbi, Marko Çadezh, ka thënë në ditën e parë të bllokadave se dëmi direkt ditor që u shkaktohet ekonomive të Ballkanit Perëndimor shkon në rreth 100 milionë euro.

Strategjia e re e vizave, që është miratuar nga Komisioni Evropian më 29 janar parasheh që institucioni të punojë nga afër me vendet anëtare për të gjetur “zgjidhje pragmatike” dhe të miratojë zgjatje të qëndrimit për disa kategori të shtetasve që vijnë nga shtetet e treta.

Dhoma e Tregtisë dhe Industrisë në Kosovë ka thënë të premten se mirëpret heqjen e bllokadave nga kompanitë transportuese të rajonit, referencë për Malin e Zi dhe Maqedoninë e Veriut.

“Ky është një hap pozitiv drejt normalizimit të qarkullimit të mallrave dhe funksionimit të zinxhirëve të furnizimit për bizneset kosovare, pasi këto bllokada shkaktuan vonesa të konsiderueshme në import dhe eksport, rritje të kostove operative për kompanitë dhe pasiguri për sektorë të tërë ekonomikë në vend”, ka thënë mes tjerash Dhoma e Tregtisë e Kosovës përmes një komunikate për media.

Kosova nuk ka marrë pjesë në protestë, mirëpo i ka vërejtur pasojat e saj, pasi pjesën më të madhe të importit dhe eksportit e realizon përmes transiteve nëpër këto vende.

Disa biznese kosovare me të cilat ka biseduar Radio Evropa e Lirë kanë thënë se ditëve të fundit janë përballur me vonesa, rrezikim kontratash dhe dëme financiare./REL

Presidenti amerikan Donald Trump ka paralajmëruar Mbretërinë e Bashkuar se do të ishte “shumë e rrezikshme” të forconte marrëdhëniet ekonomike me Kinën, në një kohë kur Londra dhe Pekini kanë ndërmarrë hapa konkretë për përmirësimin e lidhjeve dypalëshe.

Paralajmërimi i Trump vjen pas takimit të nivelit të lartë mes presidentit kinez Xi Jinping dhe kryeministrit britanik Keir Starmer, ku palët sinjalizuan synimin për të ndërtuar një partneritet strategjik afatgjatë.

Mediat ndërkombëtare raportojnë se Starmer ndodhet në një vizitë katërditore në Kinë, e para nga një kryeministër britanik pas tetë vitesh, duke shënuar një përpjekje të re për rivendosjen e marrëdhënieve diplomatike dhe ekonomike mes dy vendeve.

Gjatë kësaj vizite, Kina ka rënë dakord të përgjysmojë tarifat e importit për uiskin britanik nga 10% në 5% dhe të lejojë udhëtimet pa viza për shtetasit britanikë që qëndrojnë në Kinë deri në 30 ditë.

Ndërkohë, kompania farmaceutike britanike AstraZeneca ka njoftuar se do të investojë 15 miliardë dollarë në Kinë deri në vitin 2030 për zgjerimin e prodhimit dhe zhvillimin e kërkimit shkencor.

Starmer është shoqëruar në këtë udhëtim nga një delegacion prej rreth 60 drejtuesish biznesi dhe përfaqësues organizatash britanike.

Trump e krahasoi këtë lëvizje diplomatike të Mbretërisë së Bashkuar me marrëveshjen tregtare që Kanadaja nënshkroi me Kinën në fillim të këtij muaji, duke shprehur shqetësime të forta edhe për Otavën.

Kryebashkiaku i Tiranës, Erion Veliaj  ka depozituar në  GJKKO kërkesë për zëvëndësim të masës së sigurisë “arrest në burg”.

Gjyqtarja që do shqyrtojë kërkesën e Veliajt është Etleva Deda.

Prokuroria e Posaçme kundër Korrupsionit dhe Krimit të Organizuar ka përfunduar hetimet më 10 shtator 2025 dhe ka dërguar për gjykim kryetarin e Bashkisë së Tiranës, Erion Veliaj, i arrestuar që në 8 shkurt 2025.

Po kështu, për gjykim është dërguar edhe bashkëshortja e tij Ajola Xoxa, si dhe 28 persona e shoqëri të tjera, pjesë e dosjes “Veliaj”.

SPAK ka renditur ndaj Veliajt 13 akuza, të tilla si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg.

Shumica e akuzave është ajo e korrupsionit pasiv e kryer në 9 raste, në raport me disa kompani për të cilat SPAK thotë se ka marrë përfitime të parregullta në formën e shumave monetare dhe pasurive të paluajtshme, të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.

Edhe bashkëshortja e tij, Ajola Xoxa, akuzohet nga SPAK për korrupsion pasiv në 9 raste në lidhje me subjekte tregtare dhe organizata jofitiprurëse, njëjtë si Erion Veliaj.

Gjithashtu, Xoxa akuzohet edhe për pastrim parash, mosdeklarim pasurie dhe fshehje e të ardhurave.

Biznesmenët akuzohen për korrupsion aktiv të funksionarëve të lartë shtetëror ose të zgjedhurve vendorë, fshehje të ardhurash dhe pastrim parash.

Ish-deputetja Klotilda Bushka akuzohet për veprime që pengojnë zbulimin e së vërtetës, kurse Fatjon Baci është gardiani i burgut të Durrësit, i cili i dha telefonin Erjon Veliaj gjatë transferimit të tij nga qelia në gjykatë, në dy raste.

Kryeministri në detyrë i Kosovës, Albin Kurti, ka thënë të premten para mediave se Kosova dëshiron të kontribuojë për paqe në botë kudo ku ka nevojë, teksa e ka komentuar pjesëmarrjen e Kosovës në Bordin e Paqes, nismë e presidentit amerikan, Donald Trump në kuadër të planit për të rindërtuar Gazën e shkatërruar nga lufta.

Përmes këtij bordi, Shtetet e Bashkuara synojnë zgjidhjen e konflikteve globale.

Duke folur për herë të parë për Bordin e Paqes, Kurti ka thënë se pjesëmarrja e Kosovës në të është vazhdimësi e kontributit të Kosovës për Gazën, duke nisur me pjesëmarrjen në Forcën Ndërkombëtare Stabilizuese, përmes Forcës së Sigurisë së Kosovës (FSK).

Kurti i është referuar pjesëmarrjes së FSK-së në një konferencë të organizuar në dhjetor të vitit 2025 në Doha të Katarit nga Komanda Qendrore e Shteteve të Bashkuara për të diskutuar për Forcën Ndërkombëtare Stabilizuese.

“Prandaj kemi qenë të interesuar të marrim pjesë edhe në organet vendimmarrëse politike”, ka thënë mes tjerash Kurti.

Sipas tij, njëra prej arsyeve pse Kosova merr pjesë në iniciativa të tilla është për shkak se edhe ajo vetë ka qenë përfituese e paqes përmes ndërhyrjes së forcave ndërkombëtare.

“Sa i përket Gazës, ju e dini që ne i kemi ndarë gjysmë milioni euro si Qeveri dhe ky është proces i cili do të vazhdojë edhe në vijim”.

Bordi i Paqes është themeluar më 22 janar në Davos të Zvicës, në prezencë të presidentit Trump. Kosova është përfaqësuar nga presidentja Vjosa Osmani.

Ky mekanizëm do të mbikëqyrë udhëheqjen e Rripit të Gazës, pasi Shtetet e Bashkuara ndërmjetësuan një marrëveshje armëpushimi mes Izraelit dhe Hamasit – grupit palestinez të shpallur organizatë terroriste nga Uashingtoni dhe Bashkimi Evropian.

Në këtë video shpjegojmë më shumë për Bordin.

Profesori i studimeve për paqe dhe konflikt në Universitetin e Dublinit në Irlandë, Gëzim Visoka, i ka thënë ditë më parë Radios Evropa e Lirë se pjesëmarrja e Kosovës në këtë bord, mund t’i sjellë vendit përfitime të rëndësishme në politikën e jashtme, pavarësisht kostove të mundshme.

Sipas tij për sa kohë Kosova mbetet jashtë organizatave të mëdha ndërkombëtare si NATO-ja, Bashkimi Evropian dhe Organizata e Kombeve të Bashkuara, nisma të tilla mund t’i shërbejnë forcimit të pozicionit të saj diplomatik.

“Kjo platformë mund t’i ofrojë Kosovës një hapësirë për lobim dhe për të kërkuar njohje të reja nga shtete si Maroku apo vende të tjera që ende nuk e kanë njohur Kosovën…Deri më tani, sistemi i OKB-së nuk i ka ofruar Kosovës barazi, qasje të duhur, nuk ka qenë në shërbim të së drejtës së Kosovës për vetëvendosje, për anëtarësim në sistemin ndërkombëtar dhe për njohje ndërkombëtare. Në një farë mënyre, kjo është edhe një protestë ndaj rendit të OKB-së, i cili ka përfunduar duke u bërë vegël e fuqive të mëdha”, ka thënë mes tjerash ai.

Lufta mes Izraelit dhe Hamasit nisi në tetor të vitit 2023, pasi Hamasi vrau mbi 1.200 njerëz në Izrael dhe mori qindra pengje.

Sulmet hakmarrëse izraelite në Gazë shkaktuan mijëra të vrarë, krizë urie dhe dëme të mëdha infrastrukturore.

Rrugët e zëvendës kryeministres Belinda Balluku dhe ish zëvendës kryeministrit Arben Ahmetaj janë bashkuar në SPAK.

Siç mëson TCH rekursin e depozituar në gjykatën e lartë avokatët e funksionares së lartë kanë përdorur si armë mbrojtëse një vendim të gjykatës kushtetuese në të cilin gjykata tha se nuk mund të sekuestrohet telefoni pa një vendim gjykate.

Telefoni në fakt i përkiste Onejda Ymerit, e cila ditën që u thirr në kuadër të hetimeve ndaj ish-zëvendëskryeministrit Arben Ahmetaj iu bllokua dhe telefoni.

Ky precedent është marrë si shembull nga mbrojtja e zv.kryeministres dhe ministres Belinda Balluku, të dhënat për të cilën u përftuan nga telefoni i Ervis Berberit, që është bërë shkak për hapjen e disa fraksioneve hetimore një ndër to edhe tenderat ku Balluku ka marrë statusin e të pandehurës dhe mbahet në masën ndalim për të dalë jashtë vendit.

Me shpjegimin e tyre avokatët thonë se në respekt të gjykatës kushtetuese dhe precedentit Ymeraj, duhen cilësuar si  të papërdorshme provat.

Në verën e 2025 gjykata i vendosi kufi SPAK për mënyrën si sekuestrohen telefonat, me arsyetimin se ju prek komunikimi i postës dhe komunikimeve elektronike.

Momenti i dytë që ndalen avokatët e Ballukut është arsyetimi se nuk ka asnjë rrezik që Belinda Balluku të arratiset nga Shqipëria dhe ndaj duhet hequr masa e ndalimit për të dalë jashtë vendit.

Si provë sillen tre udhëtimet mbas muajit tetor 2025 kur Belinda ishte thirrur për tu pyetur nga SPAK dhe ku ju komunikua akuzë . Një ndër këto udhëtime është edhe udhëtimi në Zvicër.

Por në pritje për një vendim nga gjykata kushtetuese dhe nga këshilli i mandateve, SPAK ka kryer sekuestro dhe këqyrje të shumta mes tyre edhe biznesmenësh të përmendur në tendera.

Derisa gjykata kushtetuese të japë vendim në themel për çështjen masa tjetër e gjykatës së posaçme, është pezulluar prej gjyqtarëve kushtetues që e kanë rikthyer në detyrë./ Top Channel/