Turizmi ka vijuar të ketë një ecuri pozitive edhe gjatë muajit nëntor edhe pse me ritëm më të ngadaltë si efekt i kohës.

Kosova mbetet vendi kryesor nga erdhën vizitorët gjatë këtij muaji. Të dhënat zyrtare të Lëvizjes së Shtetasve treguan se 39 për qind e totalit të hyrjeve ishin shqiptarë të Kosovës.

Në muajin e 11 të vitit hynë në vend 245 mijë shtetas nga Kosova teksa një vit më parë 6.4 për qind më pak. Pas Kosovës, Italia mbajti peshën e dytë më të madhe me mbi 79 mijë vizitorë me një rritje me 7.7 për qind në raport me një vit më parë.

Hyrjet nga Greqia ishin mbi 52 mijë gjatë nëntorit me një rritje prej 5.7 për qind në raport me nëntorin 2024, ndërkohë që grekët zënë një peshë prej 8.3 për qind ndaj totalit. Këtë peshë mbajnë edhe hyrjet nga Maqedonia e Veriut që në nëntor ishin 52 mijë.

Grupe të tjera me rritje janë gjermanët me 9.5 për qind, spanjollët me 38 për qind, Izraeli me gati 5 herë më shumë se një vit më shumë së nëntori i një viti më parë.

Turoperatorët konfirmojë se ka një tendencë në rritje të të huajve për turet kulturore diçka që është nxitur nga linjat me kosto të ulët të fluturimeve por edhe fluturime direkte të dedikuara siç ishte rasti me Izraelin që ishte menduar si një linjë sezonale por u shty përtej verës.

Ecuria e 11 mujorit

Në fund të nëntorit numri i të huajve që hynë në Shqipëri shënoi shifrën 11.7 milionë me një rritje 6.6 për qind në raport me 11 mujorin 2024. Tuoperatorët kishin pritshmërinë për një rritje të moderuar këtë vit ashtu sikurse rezultoi duke nënvizuar se e njëjta tendencë pritet të jetë dhe vitin e ardhshëm.

Ndër grupet që kanë mbajtur peshën kryesore të vizitorëve dominon turizmi patriotik ku hyrjet nga Kosova shënuan 4.4 milionë me një rritje5.2 për qind në raport me 11 mujorin e një viti më parë. Kosova mbajti 37.4 për qind të peshës në totalin e vizitorëve dhe pas saj Italia me 10.1 për qind të këtij totali.

Italianët vijojnë të frekuentojnë Shqipërinë edhe pse më shumë të shpërndarë përgjatë gjithë vitit dhe më pak në sezonin veror ndryshe nga tendenca e dy viteve më parë. Rritja e çmimeve në bregdet i ka bërë që fqinjët të mos ta shohin më si ekonomik pushimin e verës në Shqipëri por të preferojnë kryeqytetin për jetën dinamike të natës dhe qytetet e tjerë për kulinarinë dhe koston e ulët të akomodimit.

Në rritje këtë vit kanë qenë edhe hyrjet nga Maqedonia e Veriut dhe Mali i Zi por edhe ato nga Greqia.

Gjermanët shënuan një rritje me 21 për qind në raport me 11 mujorin 2024 ndërkohë që Franca një rritje me 35 për qind. Të dy këto grupe tashmë po vendosen me kontrata garancie ku të fundit ishin francezët në Golem për vitin e ardhshëm.

Polonia shënoi rënie këtë vit me 8.6 për qind në raport me 11 mujorin 2024 ku sipas turoperatorëve kjo lidhet me shumë me një ulje të vizitorëve që vijnë individualisht teksa kontratat me garanci janë respektuar dhe kanë qenë në nivele më të larta. Në rënie ishin edhe spanjollët me 2.7 për qind.

Çekia e cila gjithashtu vjen me kontrata garancie në një pjesë të mirë të saj shënoi rritje 6 për qind këtë 11 mujor në raport me të njëjtën periudhë të 2024./ Monitor

Autoriteti i Konkurrencës ka bërë të ditur se ka nisur një hetim ndaj kompanisë SHPRESA – AL SHPK, pas rritjes së çmimit të biletës në transportin publik për linjat “Kamëz – Tiranë – Kamëz” dhe “Paskuqan – Babrru – Tiranë”. Sipas një vendimi të Këshillit Bashkiak Kamëz, çmimi i biletës për pasagjerët që udhëtojnë me autobusët e SHPRESA – AL SHPK, e cila është operatori i vetëm i licencuar në këto linja, ka arritur në 50 lekë, duke shënuar një rritje prej 10 lekësh krahasuar me dy muaj më parë.

Po ashtu, Bashkia Kamëz ka rritur edhe çmimin e abonesë mujore, në 1400 lekë, ndërsa çmimi i abonesë së përgjithshme është caktuar 1600 lekë.

Vlen të theksohet se tarifa e transportit publik qytetas në Bashkinë Kamëz është aktualisht më e larta në rang kombëtar. Autoriteti i Konkurrencës sqaron se arsyeja e nisjes së hetimit lidhet me faktin se, nga vlerësimi paraprak, rezulton mungesa e analizave ekonomike dhe financiare që do të justifikonin rritjen e tarifave.

Njoftimi:

Autoriteti i Konkurrencës hap hetim paraprak në transportin urban në Kamëz

Pas ankesave dhe shqetësimeve publike për rritjen e çmimeve të biletave dhe aboneve, Autoriteti i Konkurrencës ka vendosur hapjen e hetimit paraprak ndaj SHPRESA – AL SHPK.

Linjat e përfshira

• Kamëz – Tiranë – Kamëz
• Paskuqan – Babrru – Tiranë

SHPRESA – AL SHPK rezulton operatori i vetëm i licencuar, duke zotëruar pozitë dominuese në treg.

Nga vlerësimi paraprak, mungojnë analiza ekonomike dhe financiare që të justifikojnë rritjen e tarifave.

Periudha e hetimit: 1 janar 2025 – 12 dhjetor 2025

Në tregun e këmbimit valutor shqiptar, një dollar amerikan do të blihet sot me 81.2 lekë dhe do shitet me 82.5 lekë.

Ndërkohë monedha evropiane euro do blihet me 96 lekë dhe do shitet me 96.8 lekë.

Franga zvicerane sot në tregun shqiptar do blihet me 103 lekë dhe do shitet me 104 lekë.

Ndërsa paundi britanik do blihet me 109.5 lekë dhe do shitet me 110.6 lekë.

 

DASHI

Pas një periudhe në të cilën ju është dashur të përmbaheni ose të ndërmjetësoni më shumë se zakonisht, tani ndjeni nevojën për të qenë përsëri në qendër të vëmendjes. Energjia juaj rritet dita-ditës dhe ju shtyn të zgjidhni çdo çështje të pazgjidhur, veçanërisht në punë. Në dashuri, do t’ju duhet më shumë durim: ata përreth jush kanë nevojë për vlerësim, jo ​​vetëm entuziazëm. Projektet e reja janë një gjë e mirë, por shmangni vendimet impulsive.

DEMI

Sipas horoskopit të Paolo Fox (e mërkurë, 24 dhjetor 2025), nuk është një kohë stanjacioni, por riorganizimi. Në punë, po kuptoni se çfarë ia vlen vërtet të ndiqet dhe çfarë duhet të lihet pas. Në dashuri, ekziston një dëshirë për stabilitet: ata që janë në një lidhje kërkojnë siguri, ndërsa ata që janë vetëm mund të shikojnë prapa përpara se të hapen ndaj diçkaje të re. Kujdesuni për trupin tuaj dhe pushoni.

BINJAKËT

Idetë janë të shumta dhe mendja juaj po vërshon me shpejtësi – ndoshta shumë shpejt. Kini kujdes të mos e shpërndani energjinë tuaj në shumë drejtime. Marrëdhëniet janë thelbësore: sqarime të rëndësishme, telefonata që ndryshojnë humorin, takime që ringjallin kuriozitetin. Në punë, mund të jeni më të guximshëm, por zgjidhni bashkëpunëtorët tuaj me kujdes.

GAFORRJA

Një ndjeshmëri e thellë po ju shoqëron këto ditë. Emocionet janë intensive dhe ju shtyjnë të bëni një bilanc, veçanërisht në çështjet familjare dhe romantike. Kjo është koha e duhur për të folur nga zemra, pa frikën se do të jeni të prekshëm. Kujdesi është i nevojshëm në punë: jo të gjithë e meritojnë besimin tuaj. Projektet krijuese janë një gjë e mirë.

LUANI

Sipas horoskopit të Paolo Fox (e mërkurë, 24 dhjetor 2025), pas një faze disi të zbehtë, ndjeni një dëshirë në rritje për shpengim. Puna ofron sfida dhe mundësi të reja për të vërtetuar vlerën tuaj. Në dashuri, ka pasion, por edhe nevojë për t’u dëgjuar: shmangni gjithmonë dëshirën për të pasur fjalën e fundit. Kjo është një javë e favorshme për ata që duan të rikthehen në lojë ose të bëjnë një zgjedhje të guximshme.

VIRGJËRESHA

Një qiell që kërkon rregull dhe qartësi, pikërisht ashtu siç ju pëlqen. Po kërkoni zgjidhje praktike për çështjet që ju kanë grabitur qetësinë. Në punë, mund të zgjidhni një situatë komplekse, por mos e ngarkoni veten me përgjegjësi që nuk i meritoni. Në dashuri, nevojitet më pak kontroll dhe më shumë spontanitet: lëreni veten të befasoheni.

PESHORJA

Yjet flasin për gjetjen e ekuilibrit. U ke dhënë kaq shumë të tjerëve dhe tani ndjen nevojën të mendosh pak më shumë për veten. Marrëdhëniet janë nën shqyrtim: disa kanë nevojë për forcim, të tjera ndoshta për t’u zvogëluar. Një ofertë interesante pune mbërrin, por duhet të vlerësohet me kujdes. Kjo është një kohë e mirë për të sqaruar një keqkuptim.

AKREPI

Sipas horoskopit të Paolo Fox (e mërkurë, 24 dhjetor 2025), është një periudhë intensive, pikërisht ashtu siç ju pëlqen. Emocionet janë të forta dhe ju shtyjnë të shikoni thellë, pa kompromis. Në dashuri, nevojitet e vërteta: s’ka më gjysmëfjalë. Në punë, mund të bëni një lëvizje të madhe strategjike, por mbajini sytë hapur. Energjia po rritet, por kini kujdes nga stresi.

SHIGJETARI

Dëshira për liri është më e fortë se kurrë. Ju dëshironi një ndryshim peizazhi, idesh dhe perspektivash. Kjo është një kohë e shkëlqyer për të planifikuar një udhëtim ose një kurs të ri studimi ose karriere. Në dashuri, ju dëshironi qetësi, por ata që ju duan kërkojnë prani. Gjeni ekuilibrin e duhur.

BRICJAPI

Qielli ju mbështet në projektet tuaja afatgjata. Edhe nëse rezultatet nuk janë të menjëhershme, ju po ndërtoni diçka të fortë. Në punë, po merrni konfirmim ose përgjegjësi shtesë. Në dashuri, jeni më të menduar se zakonisht: mos u mbyllni shumë në vetvete, ndani mendimet tuaja. Gjendja juaj fizike do të jetë e mirë nëse e menaxhoni më mirë axhendën tuaj.

UJORI

Sipas horoskopit të Paolo Fox (e mërkurë, 24 dhjetor 2025), kreativiteti dhe dëshira për të thyer modelin janë thelbësore. Ndihesh ndryshe, dhe kjo është në rregull. Kjo është një kohë e favorshme për ide origjinale dhe zgjedhje jokonvencionale. Në dashuri, mund të surprizohesh ose të habitesh: gjithçka varet nga sa je i gatshëm të tregosh veten. Ki kujdes me shpenzimet impulsive.

PESHQIT

Një qiell i thellë dhe emocional. Intuita juaj është e fortë dhe mund t’ju udhëheqë drejt zgjedhjeve të duhura. Në dashuri, ka ëmbëlsi, por edhe nostalgji: mos qëndroni të bllokuar në të kaluarën. Në punë, ndiqni instinktet tuaja, por pa humbur kontaktin me realitetin. Lejojini vetes momente heshtjeje dhe kreativiteti.

 

Ditën e sotme vendi ynë do të ndikohet nga kushte atmosferike të kryesisht të paqëndrueshme. Sipas Shërbimit Meteorologjik Ushtarak moti parashikohet me vranësira mesatare deri të dendura. Reshje shiu të herëpashershme me intensitet të ulët e lokalisht mesatar në pjesën më të madhe të territorit që në orët e para të 24-orëshit deri në mëngjes, hera-herës shtrëngata afatshkurtra.

Gjatë ditës reshje shiu të herëpashershme me intensitet të ulët të karakterit lokal. Në Alpe dhe në lartësitë 700-800 metra në verilindje dhe 900 metra në juglindje reshje dëbore me intensitet të ulët, lokalisht mesatar.

Mjegull e dendur/mjegullinë përgjatë zonave luginore në orët e mëngjesit si dhe në momentin e reshjeve të shiut dhe dëborës.Era do të fryjë me drejtim nga verilindja-juglindja me shpejtësi mesatare 7 m/sek, përgjatë vijës bregdetare e zonave luginore era fiton shpejtësi deri në 15m/s. Valëzimi në det do të jetë i forcës 2-4ballë.

Ish-deputeti i Partisë Demokratike, Dashnor Sula, i ftuar në emisionin “Studio24” në News24, ka komentuar zhvillimet e fundit politike në vend dhe situatën brenda opozitës, duke u ndalur veçanërisht te largimi i Ervin Salianjit nga lidershipi i PD.

Ai ngriti gjithashtu shqetësimin për izolimin ndërkombëtar të PD-së gjatë viteve të fundit. Sipas tij, që nga prilli i vitit 2022 e deri më sot, nuk ka pasur asnjë delegacion të Bashkimit Evropian apo përfaqësues ndërkombëtar që të vizitojë selinë e Partisë Demokratike. “Më gjeni një delegacion ndërkombëtar që ka shkuar në selinë e PD-së. Mirë apo keq, Basha ka qenë imazhi i marrëdhënies me ndërkombëtarët,” u shpreh ai.

Sula theksoi se partnerët ndërkombëtarë kanë dhënë sinjale të qarta për nevojën e rinovimit të opozitës. “Gjëja e parë që u thuhet është se, nëse nuk rinovoheni, do vazhdoni kështu. Ky është problemi,” tha ai.

gijotina.com/

Ish-deputeti i Partisë Demokratike, Dashnor Sula, i ftuar në emisionin “Studio24” nëNews24, komentoi zhvillimet e fundit politike në vend dhe protestën kombëtare të PD-së, të cilën e cilësoi si një “sfilatë”.

“Protesta dje ishte sfilatë për mendimin tim. Edhe një sfilatë ka pjesëmarrje. E quaj sfilatë sepse pritshmëritë u ngritën shumë lart; ka militantë të PD që besonin se do rrëzohej qeveria, dhe shkuan, dhe mirë bënë. Më shumë duhet të ishin, sepse protestat janë të rëndësishme. Por problemi është pse u organizua protestë. Për deklarata?” tha Sula.

Ai shtoi se ideja e një qeverie teknike është e vjetër dhe nuk ka siguri se kush do ta udhëheqte atë. “Të besosh se pas 35 vitesh do e sjellë Sali Berisha ndryshimin, nuk e sjell dot më. Nuk kam asgjë personale me Berishën, por dëgjoj çfarë thonë njerëzit: 10 njerëz, 7 thonë do votoj Ramën sepse edhe pse është e korruptuar, qeveria e Berishës ka vrarë njerëz. Unë si qytetar dua që në Shqipëri të funksionojë demokracia, të ndërrohen elitat dhe të vetëpastrohen,” tha Sula.

Ish-deputeti kritikoi gjithashtu strategjinë e PD-së dhe lidershipin e Berishës, duke theksuar mungesën e bashkimit të opozitës. “Opozita e vërtetë fatkeqësisht është SPAK dhe GJKKO. PD dhe Berisha nuk mendojnë të bashkojnë gjithë vagonat e opozitës, mbajnë vetëm lokomotivën e vetë. Sa kohë PD vijon me këtë lidership, shanset janë zero,” theksoi ai.

Sula theksoi gjithashtu se opozita duhet të ofrojë një alternativë reale për qeverinë, por aktualisht nuk ka një figurë të besueshme që mund të sfidojë fuqinë dhe llogaritë e mazhorancës. “Edhe dje, mund të thuash se ka rënë qeveria, por ka rënë opozita,” përfundoi ish-deputeti.

Sekretari i Përgjithshëm i Partisë Demokratike, Flamur Noka, i ftuar në emisionin “Studio24” në News24 ka folur në lidhje me zhvillimet që sollën zgjedhjen e Endrit Shabanit si Avokat të Popullit, duke u ndalur edhe të firmat e dhëna nga deptuetë të PD.

Ai u shpreh se personalisht ka kritikuar, madje edhe sulmuar kolegët që kanë firmosur për emrin e Shabanit, pasi sipas tij PD e ka cilësuar atë gjithnjë si “ushtar të Soros dhe Ramës”.

Noka: Ne kemi kërkuar ndjesë për gabimin që u bë nga kolegët tanë. E kam thënë, ka qenë rrethana që i kemi sqaruar dhe përsëri mbetet gabim. Unë futem te ata që kam kritikuar, madje kam sulmuar kolegët që e kanë firmosur atë sepse PD e ka konsideruar ushtar të Soros dhe Ramës Endri Shabanin gjithmonë, dhe i tillë ka qenë. Për mua ka qenë e pafalshme ajo firmë, i kam kritikuar kolegët e mi… Kemi kërkuar ndjesë, nuk di çfarë mund të bëjmë më shumë. Kemi kërkuar ndjesë te qytetarët, nuk dua t’i hyjmë asaj çështjeje se ka kaluar në aspektin politik.

Partia Demokratike i ka shtrirë dorën të gjitha partive politike opozitare të bashkohen në protestat që sapo kanë nisur për rrëzimin e qeverisë.

Flamur Noka: Pse s’i pyetni këto parti pse nuk bashkohen me ne? sikur PD të mos i shtrinte dorën e bashkimit në një front, kjo pyetje do të qëndronte pr ne. por ne e kemi shtrirë dorën vazhdimisht dhe e mbajmë dorën e shtrirë ndaj cdo force opozitare që të bëhemi bashkë kundër narkoregjimit.

Avokati Maks Haxhia: Ergys Agasi nuk është arratisur, ja ku ndodhet dhe pse

Avokati Maks Haxhia, përfaqësuesi ligjor i Ergys Agasit, është paraqitur këtë të martë në ambientet e Prokurorisë së Posaçme (SPAK), ku ka kërkuar të tërheqë dokumentacionin zyrtar që lidhet me çështjen e klientit të tij.

Haxhia deklaroi se dosja hetimore është shpërndarë tashmë në media, ndërkohë që ai dhe vetë Agasi ende nuk e kanë marrë zyrtarisht. Sipas tij, kjo situatë përbën komprometim të procesit hetimor.

Avokati theksoi se në dosjen e SPAK, sipas tij, nuk ekziston asnjë provë që vërteton se Ergys Agasi ka lidhje me fushën e tenderave apo përfshirje në ndonjë rast rrëmbimi.

Duke sqaruar edhe vendndodhjen e klientit të tij, Haxhia tha se Agasi ndodhet jashtë Shqipërisë, ku po zhvillon një marrëveshje biznesi, dhe se ai nuk është në arrati. Sipas tij, sapo të kthehet në vend, Agasi do të përballet me drejtësinë.

“Është jashtë shtetit duke lidhur një marrëveshje biznesi. Patjetër që do të vetëdorëzohet. Kur të kthehet, do të mbajë qëndrimin e tij dhe do të përballet me drejtësinë,” u shpreh Haxhia.

Ai kritikoi gjithashtu SPAK-un për mënyrën se si, sipas tij, po trajtohet çështja, duke deklaruar se publikimi i të dhënave të dosjes e komprometon hetimin dhe se konkluzionet po nxirren nga politika dhe opozita.

“Kur nuk është politikan, ç’lidhje ka ai me emërime? SPAK thotë ato që do SPAK, por jo ato që janë në realitet dhe prova. Nuk ka asnjë provë që Agasi të jetë marrë me fushën e tenderave dhe as nuk njihet me personin për të cilin flitet,” tha Haxhia, duke iu referuar rastit të Gerond Meçes, i cili është marrë peng dhe është kërcënuar për të hequr dorë nga ankimimet për tenderë.

Çështja mbetet ende në fazë hetimi, ndërsa priten reagime të mëtejshme nga SPAK.

Përfshirja e drejtoreshës së AKSHI-t: si zhvilloheshin takimet sekrete në zyrën e Ergys Agasit – “Projekti bën 2 milionë, ne do ta bëjmë 4”

Dosja e Prokurorisë së Posaçme zbardh detaje të reja nga hetimi për një aferë të dyshuar të rëndë që përfshin Agjencinë Kombëtare të Shoqërisë së Informacionit (AKSHI), ku drejtues të institucionit, biznesmenë dhe zyrtarë të lartë dyshohen se kanë vepruar si grup i strukturuar kriminal për manipulimin e procedurave të prokurimit publik.

Sipas SPAK, në qendër të hetimit ndodhen drejtoresha e Përgjithshme e AKSHI-t, Mirlinda Karçanaj, zv.drejtoresha Hava Delibashi, biznesmenët Ergys Agasi dhe Ermal Beqiri, si edhe zv.drejtori i Policisë së Tiranës, Erjon Ismaili.

Takime të fshehta dhe përgjime në zyrë

Në argumentimin e SPAK theksohet se Mirlinda Karçanaj ka pasur njohje dhe kontakte të drejtpërdrejta me Ermal Beqirin, ortak në shoqëri tregtare pjesëmarrëse në tenderët e AKSHI-t. Këto marrëdhënie, sipas hetuesve, janë provuar jo vetëm përmes deklarimeve, por edhe nga pamje filmike të siguruara nga kamera të fshehta, të instaluara në zyrën e Ergys Agasit.

Pamjet e sekuestruara nga pajisja “4-Smart Battery Camera” tregojnë takime të përsëritura mes Karçanajt, Agasit dhe Beqirit, gjatë të cilave diskutoheshin projekte konkrete dhe procedura prokurimi. Në një prej bisedave të përgjuara, sipas dosjes, dëgjohet shprehja:

“Projekti bën 2 milionë, ne do ta bëjmë 4”, si edhe komente të tjera që, sipas SPAK, nënkuptojnë përcaktimin e kritereve të tenderëve dhe rritjen e fondeve limit të kontratave publike.

Lidhje personale dhe konflikt interesi

Hetimi ka zbuluar se Ermal Beqiri ka lidhje të drejtpërdrejtë me Ergys Agasin, i cili rezulton ortak i shoqërisë “EA Solutions” sh.p.k. Të dy njihen prej vitesh edhe me Mirlinda Karçanajn. Dosja vlerëson se këto lidhje personale krijojnë dyshime serioze për konflikt interesi dhe ndërhyrje të paligjshme në procedurat e prokurimit të AKSHI-t.

Një tjetër element i rëndësishëm është fakti se Viola Agasi, e punësuar pranë AKSHI-t dhe pjesë e grupeve të punës për procedurat e tenderëve, rezulton të jetë motra e Ergys Agasit, çka sipas SPAK forcon dyshimet për një skemë të organizuar manipulimi.

Deklarimet e drejtoreshës së AKSHI-t

Në dëshminë e saj, Mirlinda Karçanaj nuk i ka mohuar njohjet me Ergys Agasin dhe Ermal Beqirin. Ajo ka deklaruar se me Agasin ka marrëdhënie miqësore dhe njohje të hershme, duke pranuar se është takuar disa herë me të në zyrën e tij për çështje private.

Sa i përket Beqirit, Karçanaj ka pohuar se e ka takuar rastësisht në zyrën e Agasit, në kuadër të diskutimeve për zgjidhje teknike dhe partneritete të mundshme. Megjithatë, sipas SPAK, takimet e përbashkëta dhe përmbajtja e bisedave të përgjuara tregojnë se palët kanë qenë të lidhura ngushtë dhe se drejtuesja e AKSHI-t ka pasur dijeni të plotë për marrëdhëniet mes Agasit dhe Beqirit.

Hetimet vijojnë, ndërsa dosja e SPAK pritet të hedhë më shumë dritë mbi mekanizmin e dyshuar të manipulimit të tenderëve publikë në një nga institucionet kyçe të teknologjisë dhe informacionit në vend.

gijotina.com/

Avokati Maks Haxhia: Ergys Agasi nuk është arratisur, ja ku ndodhet dhe pse

Avokati Maks Haxhia, përfaqësuesi ligjor i Ergys Agasit, është paraqitur këtë të martë në ambientet e Prokurorisë së Posaçme (SPAK), ku ka kërkuar të tërheqë dokumentacionin zyrtar që lidhet me çështjen e klientit të tij.

Haxhia deklaroi se dosja hetimore është shpërndarë tashmë në media, ndërkohë që ai dhe vetë Agasi ende nuk e kanë marrë zyrtarisht. Sipas tij, kjo situatë përbën komprometim të procesit hetimor.

Avokati theksoi se në dosjen e SPAK, sipas tij, nuk ekziston asnjë provë që vërteton se Ergys Agasi ka lidhje me fushën e tenderave apo përfshirje në ndonjë rast rrëmbimi.

Duke sqaruar edhe vendndodhjen e klientit të tij, Haxhia tha se Agasi ndodhet jashtë Shqipërisë, ku po zhvillon një marrëveshje biznesi, dhe se ai nuk është në arrati. Sipas tij, sapo të kthehet në vend, Agasi do të përballet me drejtësinë.

“Është jashtë shtetit duke lidhur një marrëveshje biznesi. Patjetër që do të vetëdorëzohet. Kur të kthehet, do të mbajë qëndrimin e tij dhe do të përballet me drejtësinë,” u shpreh Haxhia.

Ai kritikoi gjithashtu SPAK-un për mënyrën se si, sipas tij, po trajtohet çështja, duke deklaruar se publikimi i të dhënave të dosjes e komprometon hetimin dhe se konkluzionet po nxirren nga politika dhe opozita.

“Kur nuk është politikan, ç’lidhje ka ai me emërime? SPAK thotë ato që do SPAK, por jo ato që janë në realitet dhe prova. Nuk ka asnjë provë që Agasi të jetë marrë me fushën e tenderave dhe as nuk njihet me personin për të cilin flitet,” tha Haxhia, duke iu referuar rastit të Gerond Meçes, i cili është marrë peng dhe është kërcënuar për të hequr dorë nga ankimimet për tenderë.

Çështja mbetet ende në fazë hetimi, ndërsa priten reagime të mëtejshme nga SPAK.

Përfshirja e drejtoreshës së AKSHI-t: si zhvilloheshin takimet sekrete në zyrën e Ergys Agasit – “Projekti bën 2 milionë, ne do ta bëjmë 4”

Dosja e Prokurorisë së Posaçme zbardh detaje të reja nga hetimi për një aferë të dyshuar të rëndë që përfshin Agjencinë Kombëtare të Shoqërisë së Informacionit (AKSHI), ku drejtues të institucionit, biznesmenë dhe zyrtarë të lartë dyshohen se kanë vepruar si grup i strukturuar kriminal për manipulimin e procedurave të prokurimit publik.

Sipas SPAK, në qendër të hetimit ndodhen drejtoresha e Përgjithshme e AKSHI-t, Mirlinda Karçanaj, zv.drejtoresha Hava Delibashi, biznesmenët Ergys Agasi dhe Ermal Beqiri, si edhe zv.drejtori i Policisë së Tiranës, Erjon Ismaili.

Takime të fshehta dhe përgjime në zyrë

Në argumentimin e SPAK theksohet se Mirlinda Karçanaj ka pasur njohje dhe kontakte të drejtpërdrejta me Ermal Beqirin, ortak në shoqëri tregtare pjesëmarrëse në tenderët e AKSHI-t. Këto marrëdhënie, sipas hetuesve, janë provuar jo vetëm përmes deklarimeve, por edhe nga pamje filmike të siguruara nga kamera të fshehta, të instaluara në zyrën e Ergys Agasit.

Pamjet e sekuestruara nga pajisja “4-Smart Battery Camera” tregojnë takime të përsëritura mes Karçanajt, Agasit dhe Beqirit, gjatë të cilave diskutoheshin projekte konkrete dhe procedura prokurimi. Në një prej bisedave të përgjuara, sipas dosjes, dëgjohet shprehja:

“Projekti bën 2 milionë, ne do ta bëjmë 4”, si edhe komente të tjera që, sipas SPAK, nënkuptojnë përcaktimin e kritereve të tenderëve dhe rritjen e fondeve limit të kontratave publike.

Lidhje personale dhe konflikt interesi

Hetimi ka zbuluar se Ermal Beqiri ka lidhje të drejtpërdrejtë me Ergys Agasin, i cili rezulton ortak i shoqërisë “EA Solutions” sh.p.k. Të dy njihen prej vitesh edhe me Mirlinda Karçanajn. Dosja vlerëson se këto lidhje personale krijojnë dyshime serioze për konflikt interesi dhe ndërhyrje të paligjshme në procedurat e prokurimit të AKSHI-t.

Një tjetër element i rëndësishëm është fakti se Viola Agasi, e punësuar pranë AKSHI-t dhe pjesë e grupeve të punës për procedurat e tenderëve, rezulton të jetë motra e Ergys Agasit, çka sipas SPAK forcon dyshimet për një skemë të organizuar manipulimi.

Deklarimet e drejtoreshës së AKSHI-t

Në dëshminë e saj, Mirlinda Karçanaj nuk i ka mohuar njohjet me Ergys Agasin dhe Ermal Beqirin. Ajo ka deklaruar se me Agasin ka marrëdhënie miqësore dhe njohje të hershme, duke pranuar se është takuar disa herë me të në zyrën e tij për çështje private.

Sa i përket Beqirit, Karçanaj ka pohuar se e ka takuar rastësisht në zyrën e Agasit, në kuadër të diskutimeve për zgjidhje teknike dhe partneritete të mundshme. Megjithatë, sipas SPAK, takimet e përbashkëta dhe përmbajtja e bisedave të përgjuara tregojnë se palët kanë qenë të lidhura ngushtë dhe se drejtuesja e AKSHI-t ka pasur dijeni të plotë për marrëdhëniet mes Agasit dhe Beqirit.

Hetimet vijojnë, ndërsa dosja e SPAK pritet të hedhë më shumë dritë mbi mekanizmin e dyshuar të manipulimit të tenderëve publikë në një nga institucionet kyçe të teknologjisë dhe informacionit në vend.

gijotina.com/

Në dosjen hetimore për skandalin me tenderat e AKSHI-t, në dëshminë e tij, Gerond Meçe refuzoi të kallëzonte në polici, rrëmbimin e tij, çfarë e pengoi atë t’i drejtohej këtij institucioni.

Meçe dyshonte mbi lidhjet e zv/ drejtorit të Policisë së Tiranë, Erion Ismaili, që sot është një nga personat e ndaluar, me grupin e strukturuar kriminal që lidhet me tenderat në AKSHI.

“Gjatë kohës së rrëmbimit, unë dëgjova nga pengmarrësit e mi që nuk është bërë denoncim në polici.

Arsyeja përse nuk bëmë denoncim në polici është se nëndrejtori i Policisë së Tiranës, Erion Ismaili, disa kohë më parë, më ka çuar lajm nëpërmjet një personi që të rrija sa më shumë larg tenderave të AKSHI-t.

Por rastësisht rreth muajve prill-maj 2025, mua më vjen një zarf i hapur, ku brenda kishte një letër, ku brenda saj Prokuroria e Tiranës kërkonte informacion bankar dhe informacion  nga sigurimet për të dhe familjen e tij.

Fill pas kësaj unë u interesova dhe mora vesh që kjo praktikë hetimore ishte iniciuar nga Erion Ismaili, që ishte nëndrejtor i Policisë së Tiranës”, thuhet në dëshminë e Gerond Meçes.

Të gjitha këto dëshmi të ofruara nga biznesmeni Gerond Meçe, u provuan edhe nga pamjet filmike që ai kishte mundur të siguronte nga rrëmbimi.

Siç e shikoni edhe në këto foto që tregojnë momentin e shoqërimit të tij nga persona të veshur me bluza me stampën e policisë apo të Byrosë Kombëtare të Hetimit.

Por cila është lidhja e Mirlinda Karçanaj me Ergys Agasin dhe biznesmenin Ermal Beqirin.

Cilat janë takimet që të tre kanë zhvilluar me njëri-tjetrin në njërin prej bizneseve të Agasit; takime të cilat Ergys Agasi jo vetëm i ka filmuar por i ka ruajtur me kujdes.

Sipas dosjes hetimore të siguruar nga emisioni ‘Në Shënjestër’ pikërisht nga kqyrja e këtyre pamjeve filmike, grupi hetues ka mundur të sigurojë të dhëna interesante në lidhje me mënyrën se si kjo treshe paracaktonte tenderat brenda AKSHI-t.

Ku po kaq interesante janë edhe komunikimet midis tyre.

Takime që janë dokumentuar që nga viti 2023 dhe në vazhdim.

Ergys Agasi: Merret me kokainë Gysi, ça po bo me kokainë…

Ermal Beqiri: Informacioni është gjë shumë më e madhe se numrat.

Ergys Agasi: Nuk e diskutoj fare o burrë, tani jemi goxha, shumë, shumë më lart.

Takime në të cilat shfaqet edhe Erioni Ismaili, nëndrejtori i Policisë së Tiranës.

Zyrtari i Policisë që biznesmeni Gerond Meçe, e akuzonte në dëshminë e tij si të lidhur me kundërshtarin e tij në biznes, Ermal Beqirin.

Lidhje midis të dyve që faktohet edhe nga pamjet filmike të ruajtuara nga Ergys Agasi në biznesin e tij.

Ergys Agasi: Ky po na e dekonspiron…

Erion Ismaili: O vëlla si je…

Ermal Beqiri: Deklaratë Noteriale

Ergys Agasi: I ka thënë ky i gjykatës?

Ergys Agasi: Tja bojmë yzmetin njëherë

Erion Ismaili: Është edhe profesionist, dhe i0 zoti

Ergys Agasi që në një moment të bisedave del se merr informacione të sakta për operacionet policore.

Dhe pasi merr këtë informacion, njofton miqtë e tij që të kenë kujdes dhe të ruhen.

Siç është edhe kjo bisedë e datës 5 Dhjetor 2023.

Që ka lidhje me një operacion ku në qëndër të goditjes janë fallsifikimet.

Ergys Agasi: Hë mo vëlla, ça bën ti, mirë. Shiko do vi E***** se do bëhet një aksion për disa fallsifikime

Dhe që të mos dali fjala, se dun me i plas mrena. Kupto ti, me kujdes…

Kështu vjen edhe takimi midis Mirlinda Karçanaj dhe Ergys Agasit në ambientin e biznesit të tij.

Takim që mban datën 17 Janar 2024.

Ku nga konteksti i bisedës lihet të kuptohet se flasin për një tender dhe paracaktimin e tij.

Mirlinda Karçanaj: Ja ta tregoj pse

Ke procedura SPA, që na çoj kjo A****

Ergys Agasi: Po tja fillosh ti e tja them unë, do digjem unë…

Mirlinda Karçanaj e cila shfaqet edhe në vazhdim në ambientet e shoqërisë ‘EA Tabaço’

Siç është edhe ky takim që mban datën 16 Mars 2024.

Ayty ku i pranishëm është edhe biznesmeni Ermal Beqiri.

Ku edhe këtu janë të shqetësuar lidhur mbi një tender, ku në fund Ergys Agasi thotë se nga 2 do e bëjnë 4 milionë euro.

Ku thotë se ka marrë garanci, por pa e përcaktuar se nga kush.

Ergys Agasi: Hej ça bën ti …

Do ta them unë copë, trembëdhjetë i kishe bo

Mirlinda Karçanaj: Me izraelitët testin, ok Ermal

Ergys Agasi: Projekti bën 2 milion, ne do ta bëjmë katër milion

Shife çdo bëj unë tashi, kë do tja japim projektin.

Mirlinda Karçanaj: Kaq garanci

Komunikimet midis Ergys Agasit dhe Mirlinda Karçanaj që kanë qenë të vazhdueshme, edhe nëpërmjet bisedave të zhvilluara nëpërmjet telefonit apo ëhats app. Gjë që është provuar edhe nga zbardhja e tabulateve telefonike si edhe nga qelizat telefonike që kanë provuar vendndodhjen e tyre të njëjtë në zonën ku ndodhen ambientet e biznesit të Ergys Agasit.

Prova e lidhjes së Ergys Agasit me biznesmenin Ermal Beqiri, dhe mënyrën se si ai përfitonte paratë nga AKSHI i drejtuar nga Mirlinda Karçanaj, ishte kompania ‘EA Solution’. Një kompani fiktive e cila fshihej pas ‘Soft Solution’ me administrator Ermal Beqirin.

E cila nga hetimi del se ka fituar miliona euro pa bërë asnjë punë.

Gjë që doli edhe nga kërkimet e SPAK, të cilat pasi shkuan në zyrat e EA Solution, panë që në këtë zyrë nuk kishte as drita.

Dhe se EA Solution ishte krijuar fiktivisht me qëllim kalimin e pagesave të përftuara nga shoqëria Soft Solution në drejtim të shtetasit Ergys Agasi./ Në Shënjestër, BW

Gerond Meçe, në dëshminë e tij dhënë prokurorëve ka zbardhur me detaje se çfarë ndodhi në 5 orët e pengmarrjes. Në emisionin “Në Shënjestër”, u publikuan detaje nga dosja e AKSHI-t, ku në dëshminë e tij, Meçe thotë se here pas here personat që e kishin marrë peng komunikonin nga telefoni i tij me administratorin e kompanisë së tij, nëpërmjet aplikacionit ëhats app.

Po kështu duke ia dhënë telefonit edhe vetë Gerondit, me qëllim tërheqjen e kompanisë nga procedurat. Kjo për shkak se nuk po realizohej qëllimi i tyre për tërheqje. Për të qetësuar situatën ai tha po kështu se ata e lejuan të fliste edhe me gruan, të cilën e garantoi se gjithçka ishte mirë.

“Gjatë kësaj kohe ata më lejuan të flas edhe me gruan të cilës i thashë që:

Jam mirë, kam ca punë, do të të marr më vonë. Ndërkohë që gjatë kësaj kohe telefoni im binte pa pushim ku pashë që ishte vëllai im.

Unë fola me të dhe i thashë: ‘Nuk ke pse të shqetësohesh por fol me administratorin, Mimin’.

Por ndërkohë që po qëndronte i prangosur te makina dhe në kujdesin e dy rojeve të tij, ai mëson që këta të fundit ishin nga Elbasani.

Të paktën nga dialekti, duke qenë se ai vetë është nga kjo zonë.

Ndërsa po kështu mëson se njëri prej tyre sapo ishte bërë baba.

Ndërsa dy personat po prisnin me mua në makinë, ata më pyetën: ‘Edhe sa zgjat kjo procedurë?’

Gjithashtu në këtë moment ata pyetën edhe personin e parë se: ‘Çfarë po presim?’

Teksa ai u tha që: ‘S’kemi konfirmim’.

Ndërkohë që ora përballë në makinë shënonte në këtë moment 15:10.

Ka dyshime se grupi që mori peng biznesmenin Gerond Meçe, e liroi atë rreth orës 16:20 të datës 12 Gusht 2025, vetëm pasi mori konfirmim për tërheqjet e depozituara nga kompania në sistem të KPP.

Vetë biznesmeni Gerond Meçe e lidhi këtë dyshim me faktin që nga eksperienca, personat të cilët organizuan rrëmbimin dhe kërcënimin ndaj tij duhet të kenë një autoritet apo lidhje brenda KPP, që ka aftësinë dhe kompetencën për ta verifikuar.

Në këtë dyshim ai përmendi edhe emrin e një anëtari të KPP, që sipas tij është i lidhur me biznesmenin Ermal Beqiri.

Me të cilin Gerond Meçe tregoi se kishte konflikte të vazhdueshme, në fushën e tij të operimit.

Por edhe pse orët po kalonin, grupi i pengmarrësve nuk kishte ndërmend të lironte biznesmenin.

Mesa duket kjo pasi ata prisnin një garanci, që familjarët e tij të mos bënin kallëzim në polici.

Gjë që pasi sigurohen që nuk ka ndodhur, vendosin më në fund ta lënë të lirë.

Por fillimisht para se ta lirojnë, ata i përmendin gruan dhe fëmijët.

“Pasi personi i tretë shkoi te bagazhi i makinës, aty u afrua personi i parë i cili i tha që: ‘Në polici nuk ka denoncim.’

Në orën 16.20 të gjithë u futëm në makinë, siç ishim në fillim dhe morën rrugën për t’u nisur drejt Elbasanit, nga rruga e vjetër.

Këtu ku pas urdhërit të shoferit, personat që kisha në krah, më hoqën prangat.

Shoferi i cili më tha ndërkohë: ‘Hap sytë, po shikon ku je’.

Të cilit unë iu përgjigja se: ‘E di shumë mirë se ku jam, pasi jam vetë nga Elbasani dhe këtu jemi në Gracen’.

Por sipas rrëfimit më tej të dhënë nga biznesmeni përpara SPAK, gjatë rrugës diçka ndryshoi.

Një person mori në telefon grupin e rrëmbyesve çka ndryshoi edhe destinacionin se ku ata do e zbrisnin atë që ishte pengu i tyre.

“Gjatë kthimit, grupi i rrëmbyesve përdori sirenën e policisë për të hapur rrugën.

Ku makina u fut në drejtim të fshatit Shijon, ndërkohë që në këtë moment një nga personat në makinë foli në telefon me dikë, i cili i tha të ndryshojë itinerar dhe ta kthenin makinën në rrugën nacionale.

Dhe kështu ndodhi. Makina u kthye dhe mua më lanë 200 metra afër rrethrrotullimit që futesh për në autostradën Elbasan-Tiranë.

Ku në momentin që po më linin, shoferi më tha se: ‘Nuk dua probleme nga ty, nuk dua denoncime nga ty, në të kundërt do të vrasim ty, gruan, motrën, nënën, se babë nuk ke ti’.

Por edhe pse i premtuan që do i kthenin  laptopin dhe sendet e tjera personale që ata ia mbajtën, kjo gjë nuk duket se ndodhi.

Ndërkohë që biznesmeni u la në mes të rrugës pa telefon dhe pa para në xhep.

Ku vetëm rastësia, bëri që ai të kthehej në banesë.

Dhe të fillonte të mendonte të gjithë atë që kishte ndodhur.

Si dhe kush mund të ishin personat që kishin urdhëruar dhe organizuar rrëmbimin dhe kërcënimin e tij.

“Pasi më zbritën në rrugë, ata më dhanë me vete vetëm mbajtësen e kartave të kreditit si dhe syzet e diellit.

Ndërsa sendet e tjera, çantën e shpinës me laptopin brenda, atë të dorës dhe telefonin, premtuan se do i sjellin te recepsioni i qendrës së biznesit ku unë kam zyrën, por këto sende nuk ia kanë sjellë ende dhe sot.

Pasi zbrita nga makina unë dola në rrugën nacionale, drejt rrethrrotullimit tjetër të Bradasheshit, ku ndodhet karburanti. Rastësisht, duke pritur për makina të rastit apo autobus, aty kalon një makinë e zyrës time, që kishte qenë për punë në Berat.

Gjatë rrugës nuk i tregova asgjë shoferit tonë për atë që kishte ndodhur. Ndërkohë me të mbërritur në Tiranë, u ktheva direkt në zyrën time të punës”, ka dëshmuar Gerond Meçe.

I pyetur mbi dyshimet që ai kishte lidhur mbi personat e mundshëm që mund të kishin gisht në rrëmbimin dhe më pas atë që ndodhi, qëllimin për tërheqjen nga tenderat në AKSHI, apo edhe ankimimet, biznesmeni Gerond Meçe, u ndal te një emër që sipas tij mund të ishte strumbullari i gjithë këtij skenari.

Ky emër ishte biznesmeni Ermal Beqiri i cili kishte lidhje të forta brenda AKSHI-t.

Por edhe mik i Ergys Agasit, ku siç do të shikohet në vazhdim, ata shikohen shpesh në shoqërinë e njëri-tjetrit.

Kjo bazuar edhe në filmimet që vetë Agasi ka ruajtuar.

Ndërkohë që ngjarja kishte alarmuar edhe vetë familjen, e cila kishte kuptuar se ai ishte marrë peng.

“Kur u ktheva në shtëpi, aty mora vesh që familja e kishte kuptuar që unë mund të isha rrëmbyer. Dhe ata po prisnin orën 18:00 për të bërë denoncim, kjo pasi kishim shkëputur kontaktet që nga ora 15:00.

Konkretisht, babai im kishte shkuar në shtëpi dhe i kishte thënë gruas dhe nënës: ‘Më duket që Gerin e ka marrë policia’.

Në këtë kohë gruaja ime ka tentuar që të më marrë në telefon.

 Më pas babai ka njoftuar vëllain, i cili ka shkuar dhe ka parë pamjet filmike të ngjarjes, të cilat i ka marrë në USB dhe ka identifikuar targën e makinës.

Më tej vëllai ka shkuar në të gjitha komisariatet e policisë për të pyetur nëse isha aty por nuk ka marrë asnjë informacion. Ndaj ka dyshuar për rrëmbimin tim, duke i rënë telefonit tim vazhdimisht.

Duke qenë se personat që kishin shoqëruar Gerond Meçen mbanin të veshur bluzë logon e stampuar të BKH, vëllai i tij ishte paraqitur po atë ditë edhe në SPAK.

Por nga aty ishte kthyer me përgjigje negative. Çka rriti edhe më shumë dyshimin te ai se i vëllai ishte rrëmbyer.

Por me t’u kthyer në zyrë, pasi u la i lirë, biznesmeni Gerond Meçe vuri re se ishin bërë tërheqje për më shumë procedura, nga sa i kishin treguar pengmarrësit në tabelën exel.

Ku ka mësuar se administratori i kompanisë së tij Sh. K, pasi ka hartuar dokumentet e tërheqjes ka shkuar t’i çojë dorazi në KPP (Komisioni i Prokurorimeve Publike) dhe në AKSHI.

Por kjo mënyrë dorëzimi dorazi nuk ishte pranuar nga KPP, pasi sipas tyre nuk lejohej si procedure. Për këtë arsye SH. K është detyruar në vijim që të bëjë tërheqje nga sistemi, gjë e cila ka përfunduar rreth orës 15:00 të datës 12 Gusht 2025./Në Shënjestër, BW

Në dosjen hetimore të AKSHI-t, Ergys Agasi dhe biznesmeni Ermal Beqiri, në kërkim nga SPAK, akuzohen për pengmarrje ndaj biznesmenit Gerond Meçe.

Emisioni “Në Shënjestër”, përmes dëshmisë së biznesmenit, ka sjellë me detaje se si pengmarrësit kërkuan nga Gerond Meçe të tërhiqej nga procedurat e ankimimit në Komisionin e Prokurimeve Publike.

“Gjatë kohës që arritën të marrin passwordin e telefonit, personi që ndodhej në vendin e parë të pasagjerit më tha që: ‘Po të kërkojmë të bashkëpunosh, jo si me passëord-in, se në të kundërt ke plumbin në kokë’.

Ky është edhe momenti ku të tre, përveç shoferit, demonstrojnë armët e shkurtra që kishin në brez. Ndërsa personi i dytë nxorri pistoletën nga brezi, dhe e mbante në dorë, duke nxjerrë dhe futur karikatorin, ndërkohë që personi i parë e mbante pistoletën në dorë duke më kërcënuar: ‘Do bashkëpunosh apo si e ke?’

Edhe pse deri në këtë moment pengmarrësit kishin qenë të paqartë në kërkesat e tyre të para drejtuar biznesmenit Gerond Meçe, shpejt edhe vetë ky i fundit fillon të kthjellohet se çfarë ata duan në këmbim, për t’i dhënë fund kësaj shëtitje me njerëz të padëshiruar në ajër të pastër.

Momenti kur ata dalin direkt në temë dhe i japin një letër ku ishin tenderat që kompania e biznesmenit kishte ankimuar kundrejt AKSHI-t që i kishte skualifikuar.

“Unë quhem Gerond Meçe dhe profesioni im është inxhinier elektronik. Aktualisht punoj në një biznes privat.

Ajo që dua të theksoj është se që nga viti 2002, mamaja ime ka hapur një kompani private të cilës i jam bashkuar në korrik të vitit 2003.  Ku nga viti 2006 e në vazhdim unë jam ortak i vetëm dhe administrator i kompanisë që quhet ‘Advanced Business Solutions ABS’.

Në vitin 2020, për arsye shëndetësore unë u tërhoqa nga administrimi i kompanisë dhe caktova dy administratorë të tjerë, respektivisht, E. Sh dhe Sh. K, të cilët vijojnë të jenë edhe aktualisht.

Ajo që dua të shpjegoj më tej është se duke filluar nga muaji shkurt i vitit 2025, aksionet e kompanisë ‘ABS’ unë i kalova te mamaja ime, kjo me qëllim që të mos kisha probleme apo pengesa në prokurime të ndryshme. Kompani e cila ka si aktivitet kryesor ofrimin e shërbimeve në fushën e teknologjisë së informacionit,

dhe punon si me sektorin privat ashtu dhe me atë shtetëror.

Dhe që nga vitit 2016, me pak përjashtime, ne jemi pjesëmarrës në pothuajse çdo tender në fushën e teknologjisë dhe informacionit që zhvillohet nga AKSHI (Agjencia Kombëtare e Shoqërisë së Informacionit).

Por ndërsa bëri një rezyme të shkurtër të punës dhe aktivitetit të kompanisë ku ai dhe familja e tij kishin kapitale, Gerond Meçe rrëfeu në vazhdim përpara oficerëve të policisë gjyqësore se jo çdo gjë ishte kaq rozë në bashkëpunimin me Agjencinë Kombëtare të Shoqërisë së Komunikimit.

Pasi edhe pse ishte pjesëmarrës i rregullt në tenderat që zhvillohen nga ky institucion, kompania e tij skualifikohej vazhdimisht.

Gjë që kishte lindur dyshimin te ai se diçka nuk shkonte brenda këtij institucioni, ose kompani të tjera po shpërbleheshin në kundërshtim me ligjin nga AKSHI.

Për këtë arsye ai ishte drejtuar me ankimime të shumta kohë pas kohe.

Gjë që mesa duket nuk u ka pëlqyer aspak kundërshtarëve të tij në biznes.

Të cilët të informuar pse jo nga brenda AKSHI-it, në pamundësi për ta bindur me të mirë biznesmenin Gerond Meçe, të heqë dorë nga këto ankimime, por edhe nga pjesëmarrja në këto tendera, vendosin në jetë një plan djallëzor. Ta bindin atë nëpërmjet dhunës, duke e marrë peng.

Siç ndodhi edhe mëngjesin e datës 12 Gusht 2025.

Kur persona që u hoqën si punonjës policie dhe të BKH, e morën në makinën e tyre me fenelinë dhe e mbajtën peng disa orë në një nga zonat malore të Elbasanit.

Në lidhje me këto tenderime apo procedura, së fundmi dhe konkretisht nga janari i vitit 2025 deri në korrik të këtij viti, kompania ‘ABS’ ka ankimuar gati 20 procedura prokurimi në të cilat ka marrë pjesë, kryesisht në AKSHI por edhe në institucione të tjera si KLGJ, UKT etj.

Konkretisht më datë 12 gusht 2025 unë kam qenë në shtëpi deri rreth orës 10:30 paradite.

Më pas për shkak të një bisede telefonike kam dalë nga banesa, dhe me vete kam patur çantën e punës me laptop brenda, si dhe një çantë dore, në të cilën kisha brenda dy palë çelësa makine, njërën të automjetit ‘Range’ dhe tjetrën të automjetit ‘Hyundai’, çelësat e zyrës dhe të shtëpisë, një mbajtëse kartash krediti, si dhe aparatin celular personal.

Por ndërsa po bëhej gati për një ditë pune normale me të dalë nga banesa e tij, Gerond Meçe thotë se përditshmëria e tij nga ky moment dhe në vazhdim mori një rrjedhë krejtësisht tjetër.

Një rrjedhë e cila do ta trondiste jo pak atë dhe familjen e tij.

Aq sa të mendonte pas kësaj ndodhie të shëmtuar të linte edhe Shqipërinë, për të siguruar jetën e tij dhe të familjes.

Teksa tregoi për grupin hetues se më të dalë nga banesa, atë e ndalën disa persona të veshur uniforma që mbanin distiktivin e Policisë së Shtetit dhe të Byrosë Kombëtare të Hetimit.

Ose që iu prezantuan të tillë, të cilët pasi e hipën në makinën e tyre, i vendosën prangat dhe nuk i dhanë asnjë mundësi të komunikonte qoftë edhe me familjen e tij.

Pasi makina mori drejtimin për nga Elbasani, itinerari vazhdoi për në rrugën e vjetër, në fshatin Krrabë.

Kur ndaluam, ora në makinë ishte rreth 11:20, dhe sheshi i madh ku kishim ndaluar ishte si një ‘ballkon’ afër fshatit Gracen, me pamje nga fshati Papër, kjo pasi nga ky pozicion unë shikoja gjurmën e rrugës së re që po hapej, atë ‘Elbasan-Durrës’.

Ku në krah të vendit ku ndaluam ishte një godinë me tulla të bardha e braktisur, një katëshe, pa dritare. Kohë gjatë të cilës personat në makinë më kërkuan të dalë jashtë dhe të jepja passëord-in e telefonit, të cilën fillimisht refuzova t’ua jap, por në këtë moment vjen shoferi dhe më godet me shpullë.

Gjatë kësaj kohe ata marrin telefonin dhe e vendosin te gishti im pasi duart i kisha të lidhura mbrapa. Ndërkohë që personi i tretë mi hoqi prangat nga mbrapa dhe mi vendosi përpara.

Aty ku arritën të hapin telefonin me gjurmën e gishtit tim, dhe unë mendova që në atë moment ata e kaluan direkt në airplane mode”, tha Meçe në hetuesi.

Gerond Meçe shpjegoi se arsyeja përse nuk pranoi fillimisht të jepte passwordin e telefonit të tij është se kishte shpresë se ende mund të shpëtonte.

Kjo pasi gjatë gjithë rrugës telefoni nuk kishte pushuar së rëni.

Por ndërkohë që ndodhej në duart e pengmarrësve të tij, ai thotë se ata filluan ta kërcënonin me jetë.

Duke nxjerrë fillimisht armët si shenjë presioni.

Duke i kërkuar që të bashkëpunonte.

Ndërkohë që në të vërtetë ai ende nuk e dinte se për çfarë bashkëpunimi e kishin fjalën personat që e kishin sjellë deri këtu.

“Gjatë kohës që arritën të marrin passwordin e telefonit, personi që ndodhej në vendin e parë të pasagjerit më tha që: ‘Po të kërkojmë të bashkëpunosh, jo si me passëord-in, se në të kundërt ke plumbin në kokë’.

Ky është edhe momenti ku të tre, përveç shoferit, demonstrojnë armët e shkurtra që kishin në brez.

Ndërsa personi i dytë nxorri pistoletën nga brezi, dhe e mbante në dorë, duke nxjerrë dhe futur karikatorin, ndërkohë që personi i parë e mbante pistoletën në dorë duke më kërcënuar: ‘Do bashkëpunosh apo si e ke?’

Edhe pse deri në këtë moment pengmarrësit kishin qenë të paqartë në kërkesat e tyre të para drejtuar biznesmenit Gerond Meçe, shpejt edhe vetë ky i fundit fillon të kthjellohet se çfarë ata duan në këmbim, për t’i dhënë fund kësaj shëtitje me njerëz të padëshiruar në ajër të pastër.

Momenti kur ata dalin direkt në temë dhe i japin një letër ku ishin tenderat që kompania e biznesmenit kishte ankimuar kundrejt AKSHI-t që i kishte skualifikuar.

“Kur unë i thashë personit të parë se për çfarë të bashkëpunoj, personi që mbante veshur jelekun me mbishkrimin BKH, të cilin tashmë e kishte hequr, shkoi te makina dhe doli nga aty me një zarf të bardhë në dorë.

Ku pasi e hapi këtë zarf nxorri nga një tabelë Excel duke m’u drejtuar: ‘E njeh këtë letër’?

Aty ku nga emërtimi kuptova që në këtë tabelë janë të shkruar tenderat të cilët kompania ime i ka ankimuar dhe në një kolonë ndodhet edhe gjendja, si dhe situata e tenderit në KPP (Komisioni i Prokurimit Publik).

Gjithashtu në këtë moment evidentova ndër të tjera edhe një procedurë e cila ishte e shkruar Gjykata Administrative”, tha Meçe.

Tashmë për biznesmenin Gerond Meçe ishte e qartë se personat që e kishin marrë peng dhe e kishin sjellë deri këtu që nuk kishin aspak pamjet e ekskursionistëve,ishin të urdhëruar dhe dirigjuar në veprimet e tyre, nga kundërshtarët e tij në biznes.

Të cilët u kishin dhënë instruksione të qarta se çfarë do i kërkonin pengut të tyre të hiqte dorë.

“Ata më pyetën: ‘A e kuptova?’

Në momentin e parë i thashë ‘Jo’, por perceptova që dikush e ka organizuar këtë ngjarje për shkak të ankimimeve të mia.

Që ishin shtatë deri në nëntë procedura.

Ndërkohë që personi i parë më thotë: ‘Janë tendera që ke ankimuar ti dhe duhet të tërhiqesh. Nuk kemi punë me lekët e tua, ne e dimë që ke lekë, i gëzofsh ato, por s’ke punë te këto procedura dhe do tërhiqesh nga këto procedura’.

U thashë: ‘Çuna, muk bëhet kështu kjo punë, sepse edhe po u bë, u prish punë më shumë juve sesa mua’.

Ndërkohë që unë u përpoqa t’u mbushë mendjen që tërheqja nuk bëhet në këtë moment duke u treguar se nuk jam më administrator, gjë të cilën ata më thanë që e dinin.

Por u thashë që nëse do të më lironin do e bëja në ditët në vijim”, mësohet të ketë thënë biznesmeni i njohur në polici.

Por teksa mendonte me të tijën se po arrinte ti bindte djemtë të bëheshin të mirë dhe ta lironin, Gerond Meçe, beson që në vendin ku kishin ndaluar dhe po e mbanin lidhur me pranga në sedilje,ndodhej edhe një person tjetër i padukshëm për të.

Kjo në bazë të bisedave të zhvilluara aty, ndërkohë që dy nga personat në makinë, ata të veshur me logon e policisë, vazhdonin të bënin roje te ai.

Ndërsa personi i tretë që ishte me maskë e hoqi atë.

Por duke e kërcënuar se nëse do fliste, një ditë do ta kishte punën keq.

Pasi ata do ishin hija e tij kudo që të shkelte.

Ndërsa m’u duk se situata po shkonte në favorin tim, personi i pare, ai që më herët mbante bluzën e BKH-së, më tha që të tërhiqesha edhe nga giyqi në Gjykatën Administrative. Në Shënjestër, BW

Struktura e Posaçme kundër Korrupsionit dhe Krimit të Organizuar (SPAK) ka marrë zyrtarisht të pandehur dy ish-prokurorë të Prokurorisë së Sarandës, Kledian Llaho dhe Çlirim Shahini, në kuadër të një hetimi për dyshime korrupsioni që lidhen me lehtësimin e masave të sigurisë ndaj biznesmenit Pando Papuçi, i hetuar më herët për ndërtim pa leje.

Sipas SPAK, Llaho akuzohet për veprën penale të korrupsionit, ndërsa Shahini, i cili aktualisht ushtron profesionin e avokatit, për ushtrim të ndikimit të paligjshëm. Organi i akuzës dyshon se dy ish-prokurorët i kanë kërkuar Papuçit shumën totale prej 55 mijë eurosh, në këmbim të ndërhyrjes në procedurat gjyqësore, me synim zbutjen e masave të sigurisë.

Hetimet kanë evidentuar se Papuçi ishte shmangur nga drejtësia për rreth dy vite dhe u arrestua më pas, ndërsa masa e sigurisë ndaj tij u ndryshua brenda një ore nga gjyqtarja Edona Vajushi, pas kërkesës së prokurorisë. SPAK dyshon se kjo lëvizje ka qenë pjesë e një skeme të paracaktuar, ku pagesat e paligjshme do të shërbenin për të ndikuar vendimmarrjen gjyqësore.

gijotina.com/

Disa persona u arrestuan mbrëmjen e kaluar gjatë protestës së opozitës, ku mes të arrestuarve rezulton edhe një shtetas nga Kosova. Në dëshminë e tij në komisariat, qytetari nga Kosova ka deklaruar se ndodhej rastësisht në shesh. Ai thotë se në shqipëri ka ardhur si turistë për disa ditë dhe rastësisht ndodhej në shesh.

Gjatë dëshmisë së tij, ai shprehet se babai i tij ka qenë ish-ushtarak i UÇK dhe ka pasur raporte të mira dhe respek për Kryedemokratin Sali Berisha dhe është futur mes turmës për të bërë disa foto, që t’ia niste babait të tij. Ai thekson se nuk ka ushtruar vepra dhune, nuk kam goditur njeri apo të ketë dëmtuar ndonjë person që ka qenë në protestë dhe aq më pak punonjësit e policisë.

Dëshmia e qytetarit:

Pyetjen e kuptova dhe dua të sqaroj se, unë kam ardhur në Shqipëri si turist për të qëndruar disa ditë, dhe sot me datë 22.12.2025 rreth orës 20.00 kam qenë duke dalë xhiro nëpër Tiranë dhe rastësisht ndodhem pranë protestës të organizuar nga Partia Demokratike.

Sqaroj se babai im ka qenë ish-ushtarak i UÇK dhe i cili ka pasur raporte të mira dhe respekti për Kryetarin e Partisë demokratike z. Sali Berisha, edhe unë gjithashtu e simpatizoj shumë këtë figurë politike të Shqipërisë dhe jam futur në mes të turmës për të shkuar dhe për të bërë disa foto me Z. Sali Berisha dhe të filmoja fjalimin e zotit Berisha për t’ja nisur babës me Wetsap, pasi baba im e simpatizon shumë Z. Berisha.

Dua të sqaroj gjithashtu se unë nuk kam ushtruar vepra dhune, nuk kam goditur njeri apo të kem dëmtuar ndonjë person që ka qenë aty në protestë dhe aq më pak punonjësit e policisë. Në lidhje me sqarime të mëtejshme do t’i jap në një moment të dytë proceduriale. Dua të vë në dijeni se vuaj nga probleme në shtyllën kurrizore, para disa kohësh kam bërë aksidente dhe aktualisht jam duke përdorur ilaçe.

gijotina.com/

Sali Berisha iu ka shpërndarë një mesazh deputetëve dhe anëtarëve të Kryesisë, me anë të së cilës iu bën me dije se nuk mund të dalin me emisione televizive dhe përballë analistëve pa lejen e tij

“Mesazh drejtuar anëtarëve të Kryesisë së PDSH, deputetëve të Grupit Parlamentar të PDSH, anëtarëve të Këshillit Kombëtar të PDSH, drejtuesve dhe anëtarëve të departamenteve qendrore të PDSH, drejtuesve të degëve të PDSH.

Përshëndetje të nderuar zonja dhe zotërinj,

Me këtë mesazh ju rikujtoj se Kryesia e PDSH dhe Grupi Parlamentar i PD kanë vendosur si më poshtë:

1-Përfaqësues të PD do të dalin në debate/emisione televizive vetëm me counterparts të tyre (pra me të ngjashmit politik) që përfaqësojnë qeverinë, Partinë Socialiste dhe institucionet e tyre të varësisë.

Përfaqësues të PD, qofshin anëtarë të KK, departamenteve, sekretariateve, Kryesisë, Grupit Parlamentar, pushtetit lokal etj., nuk dalin në debate me analistë ‘të pavarur’ të cilët shërbejnë si zëvendësues (proxy) të qeverisë dhe njerëzve të saj ne studiot televizive dhe si mercenar te paguar nuk mbajne asnje pergjegjesi per mashtrimet, manipulimet,fallsifikimet e tyre per te mbrojtur qeverine.

Perveç kesaj qeveria, me ndihmën edhe të disa moderatorëve, e ka gjetur këtë si mënyrë për ta mbajtur debatin te opozita, duke vënë përballë vazhdimisht ‘analistë të pavarur’, një pjesë e mirë e të cilëve janë në role këshilltarësh apo drejtorësh në zyrat e shtetit, apo autor veprash penale eme përfaqësues të opozitës dhe për të mbuluar me heshtje aferat e qeverisë.

Opozita nuk duhet dhe nuk do ta lejojë qeverinë që ta përdorë atë si maskë në mediat që kontrollon, për të fshehur vjedhjet, keqbërjet dhe aferat e saj si organizatë kriminale.

Ndërkohë, çdo intervistë, lidhje direkte apo prononcim që lidhet me aferat e qeverisë, korrupsionin, skandalet etj., duhet shfrytëzuar maksimalisht.

Së fundmi, për të gjitha ftesat nga studiot televizive duhet të njoftoni Drejtorinë e Shtypit, kjo, së pari, për të marrë prej zyrës së shtypit mesazhin e ditës së PD dhe, së dyti, për të mos lejuar “peshkimin” e mediave të kontrolluara nga qeveria, të cilat, sapo refuzohen për motivet e mësipërme nga i ftuari i parë, ftojnë të tjerë për të zbatuar porositë e zyrës së propagandës së kryeministrit.

Ky vendim do t’ju përcillet edhe partive aleate, në mënyrë që qëndrimi të jetë i përbashkët.

Pershendetje te perzemerta,

Me respekt Sali Berisha”, thuhet në mesazh.

gijotina.com/

Prokuroria Speciale ka njoftuar se ka ngritur aktakuzë ndaj ish-kryetarit të Komunës së Prishtinës, Shpend Ahmetit, për mosraportim and apo raportim të rreme të pasurisë.

Sipas aktakuzës, Ahmeti – i cili shërbeu si kryetar i Prishtinës për dy mandatë, nga viti 2013 deri më 2021 – kishte paraqitur “me dashje” deklarata të pasakta të pasurisë, pasi thuhet se nuk kishte deklaruar deponimet në para të gatshmë nga 2018 deri në vitin 2022.

“Sipas aktakuzës, shuma e përgjithshme e mjeteve të padeklaruara arrin vlerën prej 172,600.00 euro”, thuhet në njoftimin e Prokurorisë Speciale, që bëri të ditur se rasti tashmë është dërguar për shqyrtim Gjykatës Themelore në Prishtinë.

Radio Evropa e Lirë ka kontaktuar Ahmetin me disa pyetje për këtë aktakuzë, por nuk ka marrë ende përgjigje.

Deklarimi i pasurisë nga personat publikë në Kosovë ka filluar qysh në vitin 2007.

Pas përfundimit të procesit të deklarimit të pasurisë, APK-ja, përmes shortit, zgjedh një numër të caktuar të zyrtarëve publikë, të cilëve ua verifikon pasurinë e deklaruar.

Ligji për deklarimin e pasurisë i obligon zyrtarët e lartë publikë që ta deklarojnë pasurinë e tyre 30 ditë nga marrja e postit të ri, dhe pastaj në baza vjetore.

Mosdeklarimi i pasurisë, sipas Kodit Penal të Republikës së Kosovës, dënohet me gjobë ose me burgim deri në tre vjet, ndërsa deklarimi i rremë i pasurisë është i dënueshëm me gjobë dhe me burgim prej gjashtë muajsh deri në pesë vjet.

Deri më tash, asnjë nga zyrtarët që nuk e ka deklaruar pasurinë, nuk është dënuar me burgim.

Ministrja e Industrisë, Ndërmarrësisë dhe Tregtisë, Rozeta Hajdari, u dënua në fund të vitit 2022 me gjobë prej 700 eurosh nga Gjykata Themelore në Prishtinë, për shkak të mosdeklarimit të pasurisë për vitin 2020 brenda afatit ligjor./REL

Prokuroria Speciale ka njoftuar se ka ngritur aktakuzë ndaj ish-kryetarit të Komunës së Prishtinës, Shpend Ahmetit, për mosraportim and apo raportim të rreme të pasurisë.

Sipas aktakuzës, Ahmeti – i cili shërbeu si kryetar i Prishtinës për dy mandatë, nga viti 2013 deri më 2021 – kishte paraqitur “me dashje” deklarata të pasakta të pasurisë, pasi thuhet se nuk kishte deklaruar deponimet në para të gatshmë nga 2018 deri në vitin 2022.

“Sipas aktakuzës, shuma e përgjithshme e mjeteve të padeklaruara arrin vlerën prej 172,600.00 euro”, thuhet në njoftimin e Prokurorisë Speciale, që bëri të ditur se rasti tashmë është dërguar për shqyrtim Gjykatës Themelore në Prishtinë.

Radio Evropa e Lirë ka kontaktuar Ahmetin me disa pyetje për këtë aktakuzë, por nuk ka marrë ende përgjigje.

Deklarimi i pasurisë nga personat publikë në Kosovë ka filluar qysh në vitin 2007.

Pas përfundimit të procesit të deklarimit të pasurisë, APK-ja, përmes shortit, zgjedh një numër të caktuar të zyrtarëve publikë, të cilëve ua verifikon pasurinë e deklaruar.

Ligji për deklarimin e pasurisë i obligon zyrtarët e lartë publikë që ta deklarojnë pasurinë e tyre 30 ditë nga marrja e postit të ri, dhe pastaj në baza vjetore.

Mosdeklarimi i pasurisë, sipas Kodit Penal të Republikës së Kosovës, dënohet me gjobë ose me burgim deri në tre vjet, ndërsa deklarimi i rremë i pasurisë është i dënueshëm me gjobë dhe me burgim prej gjashtë muajsh deri në pesë vjet.

Deri më tash, asnjë nga zyrtarët që nuk e ka deklaruar pasurinë, nuk është dënuar me burgim.

Ministrja e Industrisë, Ndërmarrësisë dhe Tregtisë, Rozeta Hajdari, u dënua në fund të vitit 2022 me gjobë prej 700 eurosh nga Gjykata Themelore në Prishtinë, për shkak të mosdeklarimit të pasurisë për vitin 2020 brenda afatit ligjor./REL