Një aksident rrugor ka ndodhur në mesnatë në Unazën e Madhe, në segmentin pranë Kopshtit Zoologjik dhe Kompleksit “Fari”. Ende nuk ka informacion zyrtar nëse ka apo jo për persona të lënduar. Në vendngjarje shkuan forcat e policisë, të cilat punuan për normalizimin e trafikut dhe sqarimin e rrethanave të aksidentit. Sakaq, pritet njoftim zyrtar nga policia. Për më shumë klikoni në STORY👆 #voxnews #media #news @voxnews.al
Një ditë do të zgjohesh dhe nuk do të kesh më kohë për të bërë gjërat që ke dashur gjithmonë. Beje tani. Për më shumë klikoni në STORY👆 #voxnews #media #news @voxnews.al
Arktiku, dikur simbol i distancës dhe akullit, po bëhet me shpejtësi një nga pikat kryesore gjeopolitike në botë. Gadishulli rus Kola, i vendosur brenda Rrethit Arktik dhe afër kufirit me Norvegjinë, tani është shtëpia e një prej arsenaleve më të mëdha bërthamore në planet. Arktiku është rruga më e shkurtër për raketat ndërkontinentale, të cilat, në rast të një konflikti, mund të arrijnë qytetet kryesore amerikane nga Rusia në më pak se 20 minuta. Për shkak të vendndodhjes së saj strategjike, hapësirat e gjera të Arktikut po përmenden gjithnjë e më shumë si vija e frontit të ardhshëm të rivalitetit midis aleatëve perëndimorë dhe boshtit ruso-kinez. Shtetet e Bashkuara mbajnë një sistem të avancuar paralajmërimi të hershëm për sulme të mundshme me raketa nga Rusia në bazën Pituffik në Groenlandë, ndërsa baza shërben gjithashtu si një qendër e rëndësishme logjistike për forcat amerikane dhe të NATO-s. Vija e parë e mbrojtjes Në të njëjtën kohë, Kina po forcon me shpejtësi praninë e saj ushtarake në veriun e largët. Anijet luftarake kineze kanë patrulluar ujërat pranë Alaskës për vite me radhë, dhe në vitin 2022, SHBA-të regjistruan praninë e një flote të përbashkët ruso-kineze vetëm 160 kilometra larg territorit amerikan. Pse NATO po përgatitet për luftë në Arktik Midis tyre ishte edhe shkatërruesi kinez Nanchang, i pajisur me dhjetëra raketa lundrimi dhe hipersonike. Zyrtarët norvegjezë po paralajmërojnë hapur se Arktiku nuk është më periferi, por qendra e mbrojtjes kolektive. “Kjo është linja e parë e mbrojtjes së atdheut (e NATO-s), jo vetëm për SHBA-në, por edhe për Londrën, Parisin, Berlinin dhe të gjithë Aleancën”, tha së fundmi ministri norvegjez Tore Sandvik sipas Financial Times. Fjalët e tij vijnë në një kohë kur NATO është gjithnjë e më serioze në lidhje me nevojën për një angazhim më të fortë në veri. Edhe pse pas Luftës së Ftohtë, pothuajse të gjitha shtetet e Arktikut ulën praninë e tyre ushtarake në rajon, me ardhjen e Vladimir Putin, Rusia e ka përqendruar përsëri vëmendjen fuqishëm në Arktik. Sot, ajo kontrollon rreth gjysmën e masës tokësore dhe ujore të Arktikut dhe ka më shumë se 40 objekte ushtarake përgjatë bregdetit. Rolin kryesor e luan Flota Veriore e Rusisë, e bazuar në Gadishullin Kola, e cila operon shumicën e nëndetëseve bërthamore të Rusisë. E ardhmja varet nga veriu i epërm Për NATO-n, të ashtuquajturat kalime strategjike – hendeku GIUK midis Groenlandës, Islandës dhe Mbretërisë së Bashkuar, dhe Hendeku i Ariut midis arkipelagut norvegjez të Svalbardit dhe Rusisë kontinentale – janë me rëndësi të veçantë. Norvegjia pretendon se monitoron zonën me një kombinim satelitësh, avionësh zbulimi, nëndetësesh dhe dronësh, me qëllim pengimin, jo përshkallëzimin, e konfliktit. Pse NATO po përgatitet për luftë në Arktik Zyrtarët më të lartë ushtarakë të NATO-s thonë se Arktiku nuk është më vetëm një çështje sigurie, por edhe e ekonomisë, mjedisit dhe ligjit ndërkombëtar. “Misioni ynë është të ruajmë stabilitetin, lirinë e lundrimit dhe të parandalojmë që ligji i të fortit të zëvendësojë rregullat ndërkombëtare”, paralajmëroi Admirali Giuseppe Cavo Dragone, duke theksuar se e ardhmja e Aleancës është e lidhur pazgjidhshmërisht me atë që ndodh në veriun e epërm. #voxnews #media #news
Ish-ministri i Jashtëm gjerman, Joschka Fischer, ka propozuar krijimin e një kapaciteti bërthamor të përbashkët europian, duke argumentuar se Europa nuk mund të mbështetet më në sistemin e sigurisë ekzistues. Në një intervistë për gazetën Tagesspiegel, Fischer tha: “Garancitë e sigurisë amerikane nuk janë më të besueshme nga ky moment. Gjermania pa dyshim ka përgjegjësi për udhëheqjen në Europë, por gjithmonë vetëm së bashku me të tjerët”. Ai sqaroi se nuk bëhet fjalë për një bombë bërthamore gjermane, por për një armë bërthamore të përbashkët të vendeve të Bashkimit Europian, si një masë për të siguruar mbrojtjen e kontinentit në një klimë globale gjithnjë e më të paqëndrueshme. Fischer tha gjithashtu se nëse do të ishte i ri sot, do t’i bashkohej ushtrisë: "Kohët kanë ndryshuar. Jemi të kërcënuar. Duhet të mbrohemi”. Ai thekson gjithashtu se çarmatimi nuk është më një opsion. Armatimi ushtarak është i domosdoshëm për mbrojtjen e Europës. Vetëm përmes forcës dhe parandalimit mund të pengohet një sulm: vetëm kështu mund të ndalohet një “fqinj i gatshëm për agresion” nga një sulm i mundshëm. “Nuk e kisha imagjinuar kurrë se do ta thoja ndonjëherë këtë. E gjithë karriera ime politike tregonte të kundërtën.” Propozimi i Fischer vjen në një kohë debati të intensifikuar mbi autonominë strategjike europiane dhe të ardhmen e NATO-s, ndërsa tensionet ndërkombëtare po rriten. #voxnews #media #news
Një kriter për punë të ngjashme gjatë 3 viteve të fundit, sa 40 % e fondit limit prej 2.6 milionë euro, ka përjashtuar të gjitha firmat shqiptare nga tenderi i fotografimit ajror. Skema e Dritan Agollit, kreut të Fondit Shqiptar të Zhvillimit, ka qenë perfekte, duke larguar nga gara të gjitha kompanitë vendase. Kriteret i janë përshtatur totalisht firmës turke, e cila në fund u shpall fituese, por vetëm pas përjashtimit të të gjitha kompanive në garë. Duket se, sa herë që turqit futen në garë në ndonjë tender në Shqipëri, fituesi dihet. Njëjtë siç ka ndodhur me tenderin e majmë të Tunelit të Llogarasë apo edhe me Aeroportin e Vlorës, dy vepra të rëndësisë së veçantë, të cilat janë nën hetim nga Prokuroria e Posaçme, për abuzime të rënda. Për Tunelin ka akuzë konkrete, madje edhe ndaj ministres së Infrastrukturës dhe Energjisë, ndërkohë që vijojnë hetimet për Aeroportin. Ndërkohë, VoxNews ka hulumtuar dokumentet e tenderit të fotografimit ajror, pas dështimit për ngritjen e dy satelitëve, teksa të dhënat flasin se e gjithë procedura ka qenë e paracaktuar. Agolli i FSHZH-së ka krijuar një skemë të mirëfilltë, duke ia përshtatur dokumentet vetëm turqve, ndërsa të gjitha kompanitë e tjera u skualifikuan. Një tjetër dosje e denjë për Prokurorinë e Posaçme, pasi e gjithë procedura ka qenë e paracaktuar, me dokumente standarde që iu përshtatën vetëm një kompanie, asaj fituese! Ditët e fundit është finalizuar tenderi për ndërhyrje pë përditësimin e sistemit kombëtar të të dhënave gjeohapësinore. Bëhet fjalë për fotografimin ajror, dixhital të territorit të Republikës së Shqipërisë, si dhe prodhimi i imazheve ajrore. Fondi limit ka qenë 260 milionë lekë, ose rreth 2.6 milionë euro, me një kohëzgjatje prej 24 muajsh. Ofertë ka dhënë kompania “Mescio?lu Mühendislik ve Mü?avirlik A.?”, një kompani turke, me një vlerë prej 221 milionë lekë. Kompania Sintegra me verë 233 milionë, HP-Surveying me vlerë 209 milionë dhe Top Geo nga Beogradi me vlerë 220 milionë. Ndërkohë, në garë kanë qenë edhe dy kompani shqiptare, Gjeokonsult & Co me vlerë 231 milionë lekë dhe “Alb-Matrix Group” me vlerë 228 milionë lekë. Në garë ka pasur kompani që ofruan më pak ose më shumë sesa firma fituese turke. Por, pavarësisht ofertave apo vlerave, ajo që vjen erë në gjithë këtë histori është arsyeja e skualifikimit të kompanive në garë. Firma “HP-Surveying” u skualifikua për shkak të përvojës së suksesshme në realizimin e shërbimeve të ngjashme. Nuk ka “...dëshmi për shërbimet e mëparshme të ngjashme të kryera gjatë 3 (tre) viteve të fundit nga data e shpalljes së njoftimit të kontratës, në vlerën jo më të vogël se 40% e vlerës së përllogaritur të kontratës”. E njëjta arsye skualifikimi edhe për kompaninë serbe “Top Geo”. Në garë kanë qenë dy kompani shqiptare, “Gjeokonsult & Co” dhe “Alb Matrix Group”. Të dyja u skualifikuan për shkak të “përvojës së suksesshme në realizimin e shërbimeve të ngjashme”. Të dyja nuk paraqitën dëshmi për shërbimet e mëparshme të ngjashme të kryera gjatë 3 (tre) viteve të fundit nga data e shpalljes së njoftimit të kontratës, në vlerën jo më të vogël se 40% e vlerës së përllogaritur të kontratës”. Një skemë e mirëfilltë e Tan Agollit, apo të atyre që e urdhëruan FSHZH-në të hap tenderin, duke qenë se gjatë 3 viteve të fundit, në Shqipëri s’është hapur asnjë tender i ngjashëm. Ku t’a gjenin përvojën e ngjashme këto kompani? VoxNews ka mësuar se procedura e ngjashme ka qenë pothuajse 8 viteve më parë, ajo e fotografimit të qyteteve Tiranë dhe Durrës. Më pas, 0 lekë të akorduara për fotografimin ajror. Agolli ka pasur dijeni të plotë se asnjë kompani shqiptare, megjithëse i plotësojnë të gjitha kriteret e tjera me pajisje, personel e aparate të mirëfillta, nuk do t’a plotësonte këtë kriter. #voxnews #media #news
Deklaratat e fundit të presidentit serb, Aleksandar Vuçiç, dëshmojnë për një tension në rritje në rajonin e Ballkanit Perëndimor. Duke pretenduar ekzistencën e një “aleance ushtarake” mes Tiranës, Zagrebit dhe Prishtinës, Vuçiç po e përdor këtë narrativë si një katalizator për të justifikuar një proces intensiv dhe të paprecedentë të militarizimit të Serbisë. Gjatë raportimit mbi gjendjen e ushtrisë për vitin 2025, Vuçiç shprehu një shqetësim “të thellë” për formimin e këtyre aleancave në fqinjësi, duke vënë në dukje se “aftësitë mbrojtëse të Serbisë janë rritur në mënyrë dramatike për t’iu përgjigjur këtij realiteti të ri”. Si një përgjigje e drejtpërdrejtë ndaj kësaj situate, ai njoftoi se “shërbimi i detyrueshëm ushtarak prej 75 ditësh pritet të fillojë në dhjetor të këtij viti ose në mars të vitit të ardhshëm, me procesin e regjistrimit që nis që në vjeshtë”. Ky hap shënon një kthesë radikale në politikat e mbrojtjes, duke synuar forcimin e kapaciteteve njerëzore dhe nxitjen e një fryme patriotizmi që konsiderohet jetike për shoqërinë serbe. Shifrat e bëra publike janë tregues i një gare të hapur armatimi, ku Serbia po shpenzon rreth 2.65 për qind të PBB-së për sistemin e sigurisë, me mbi 54 për qind të kësaj shume që shkon direkt për investime në teknologji dhe pajisje moderne. Fokusimi kryesor ka qenë në mbrojtjen kundërajrore dhe aviacionin, duke blerë sisteme që rrisin ndjeshëm fuqinë e zjarrit. Ky militarizim nuk mund të shihet jashtë kornizës së riafrimit me Rusinë dhe reformave të viteve të fundit. Me gjithë presionin ndërkombëtar, Beogradi ka ruajtur kanalet e furnizimit me pajisje ushtarake ruse, duke u pozicionuar si një forcë e armatosur rëndë në mes të vendeve të NATO-s. Përmes blerjeve strategjike të dronëve, raketave dhe mjeteve të blinduara, Serbia po kërkon të projektojë forcë në rajon. Ndërsa Beogradi pretendon se këto veprime janë thjesht mbrojtëse për të parandaluar ndonjë agresion të mundshëm, retorika për “paktet” fqinje dhe rritja e ethshme e arsenalit ushtarak po rrisin pasigurinë në Ballkan, duke e kthyer rajonin sërish në një skenë të llogarive të rrezikshme gjeopolitike. #voxnews #media #news
Teksa ushtria amerikane pret vetëm urdhrin, presidenti Donald Trump ende beson tek negociatat me Iranin. Kreu i Shtëpisë së Bardhë bëri me dije se për të, do të ishte fantastike nëse SHBA-ve nuk do i duhej që të kryenin një sulm kundër qeverisë së Teheranit. “Kemi shumë anije tepër të mëdha dhe shumë të fuqishme që lundrojnë drejt Iranit tani. Dhe do të ishte shumë mirë nëse nuk do të na duhej t’i përdornim. Iranianëve u thashë dy gjëra. Së pari, jo armë bërthamore. Dhe së dyti, ndaloni së vrari protestuesit, por ata po i vrasin me mijëra. Unë ndalova 837 varje dy javë më pare. Askush nuk ka bërë diçka të tillë”, tha Trump. Zyrtarët amerikanë thonë se Trump po shqyrton opsionet e tij, por nuk ka vendosur nëse do ta sulmojë Iranin. Sekretari i Luftës i SHBA-së, Pete Hegseth, ka bërë me dije se ushtria është në gatishmëri të plotë për të zbatuar çdo urdhër. “Kur thatë ju, zoti President, ‘ne po sigurojmë kufirin’, ushtria ishte krenare të bënte pjesën e saj përkrah Departamentit të Sigurisë së Brendshme. E njëjta gjë edhe me Iranin tani, duke u siguruar që ata t’i kenë të gjitha opsionet për të bërë një marrëveshje. Ata nuk duhet të kenë aftësi bërthamore. Ne do të jemi të përgatitur të ofrojmë gjithçka që ky president pret nga Departamenti i Luftës”, u shpreh ai. Trump ka kërcënuar vazhdimisht të ndërhyjë nëse Irani vazhdon të vrasë protestuesit, por demonstratat në të gjithë vendin për shkak të privimeve ekonomike dhe shtypjes politike janë zbehur që atëherë. Presidenti ka thënë se Shtetet e Bashkuara do të veprojnë nëse Teherani rifillon programin e tij bërthamor pas sulmeve ajrore të qershorit nga forcat izraelite dhe amerikane në sajtet kryesore bërthamore. #voxnews #media #news
Gjermania ka rezervat e dyta më të mëdha të arit në botë. Pjesa më e madhe e tyre ruhet në SHBA. A mund të bëhet problem për shkak të Donald Trump? Në kohë krize, shumë investojnë në ar. Si bankat qendrore ashtu edhe qeveritë mbajnë ar si rezerva. Gjermania, për shembull, ka rezervat e dyta më të mëdha të arit në botë, me një total prej rreth 3,550 tonësh. Këto janë të dhënat e Bankës Qendrore Gjermane (Deutsche Bundesbank) për fundin e vitit 2024. Nga kjo, 1,710 tonë ruhen në Frankfurt. Pjesa tjetër ndodhet jashtë vendit. Konkretisht: 405 tonë në Bankën e Anglisë në Londër dhe 1,236 tonë në Bankën e Rezervës Federale (Fed) në Nju Jork. Kjo do të thotë se më shumë se një e treta e rezervave të arit të Gjermanisë, 37 përqind për të qenë të saktë, ndodhen në SHBA. Trump ushtron presion mbi Bankën Qendrore Ari është konsideruar i sigurt atje për vite me radhë, ndër të tjera, sepse bankat qendrore janë përgjithësisht të pavarura dhe ka besim të madh të ndërsjellë midis tyre. Por Presidenti i SHBA-së Donald Trump po përpiqet ta ndryshojë këtë. Në muajt e fundit, ai ka ndërmarrë gjithnjë e më shumë sulme që synojnë minimin e pavarësisë së Fed, pra të bankave qendrore të SHBA-së. Kohët e fundit ai kërcënoi të shkarkonte kryetarin e Rezervës Federale, Jerome Powell, për shkak të rinovimit të ndërtesave të Rezervës Federale. Vetë Powell e sheh këtë vetëm si një justifikim për të ushtruar presion. Trump është përpjekur tashmë të shkarkojë Kryetaren e Rezervës Federale, Lisa Cook. Çështja është aktualisht në Gjykatën Supreme. Për muaj të tërë, Trump ka ushtruar presion mbi Kryetarin e Rezervës Federale, Powell, që të ulë normat kryesore të interesit më shpejt dhe më gjerësisht. E gjithë kjo shpesh shoqërohet me postime ofenduese në platformën e tij Truth Social. “Sa më shumë presion politik të ekspozohen bankat qendrore – dhe kjo është ajo që po shohim tani në SHBA – aq më e vështirë është të ruhet ky themel besimi”, thotë eksperti i arit Wolfgang Wrzesniok-Roßbach i Fragold në Frankfurt. “Ne duhet të vëzhgojmë nga afër se si Trump do të vazhdojë ta trajtojë Rezervën Federale dhe sa e pavarur do të jetë ajo në të ardhmen”, shton ai. “Amerika nuk është më e parashikueshme” Ruajtja e arit në SHBA mund të bëhet kështu një problem potencial për Gjermaninë. Pra, a duhet të kemi frikë për sigurinë e këtyre rezervave të arit? “Rezervat e arit janë aktualisht të sigurta në SHBA. Por nesër Qeveria amerikane mund të thotë papritur: ‘Ne po mbajmë rezervat e arit si kolateral'”, thotë Wrzesniok-Roßbach. Faktori i rrezikut me Donald Trumpin është i lartë. “SHBA-të nuk janë një partner i besueshëm për BE-në për momentin”, tha për Reuters Achim Wambach, President i Qendrës për Kërkime Ekonomike Evropiane (ZEW). Nën administratën Trump, ari gjerman nuk është më i sigurt në SHBA, sipas Stefan Riße, strateg i tregjeve të kapitalit në ACATIS Investment. “Nën Donald Trump, Amerika nuk është më e parashikueshme. Ne thjesht shohim se ai e ka Evropën, dhe veçanërisht Gjermaninë, në mëshirën e tij.” Nuk ka besueshmëri, thotë Riße: “Nëse shohim se çfarë po ndodh në Groenlandë, duhet të pyesim veten nëse rregullat e vjetra vlejnë ende për administratën Trump.” A duhet të kthehet ari në Gjermani? Gjithnjë e më shumë ekspertë po mbështesin kthimin e arit nga Nju Jorku në Gjermani. Kjo do ta bënte atë më të pavarur dhe fleksibël. “Mundësitë dhe rreziqet sigurisht që favorizojnë zhvendosjen e rezervave të arit në Gjermani”, thotë Riße. Nëse ari do të ishte në Gjermani, në fakt nuk do të kishte asnjë rrezik. Për sa kohë që është në SHBA, ekziston një rrezik. Deri më tani, ky rrezik konsiderohej aq i vogël sa përpjekja për ta sjellë arin përsëri në Gjermani dukej shumë e madhe. #voxnews #media #news
Agjencia Kombëtare e Shoqërisë së Informacionit nuk po gjen qetësi dhe sikur të mos mungonte problem me sistemin e SelfCare të Tatimeve, në Komisionin e Prokurimit Publik u ankimua tenderi 4.8 milionë euro për internetin e këtij institucioni dhe atyre të tjera publike. Ankesa është bërë nga një prej operatorëve pjesëmarrës në procedurë dhe ka të bëjë me vlerësimin e bërë nga Komisioni i Vlerësimit të Ofertave. Për më shumë klikoni në STORY 👆🏻 #voxnews #media #news @voxnews.al
Banorja e “Big Brother VIP 5”, Brikena, është shprehur se ka dëshirë që të martohet me një burrë shqiptar. Teksa po bisedonte me Gretën dhe Artanin për martesat, ajo tha se vajzat e huaja ndahen me partnerin e tyre direkt, pa menduar gjatë. Brikena shtoi se ajo nuk do ta prishte martesën e saj për një shpullë duke shtuar se nuk po flet për dhunë pasi ‘nuk e ka lindur babai për t’a rrahur dikush’. Banorja vijoi duke thënë se do të mendonte për traumat e fëmijës dhe do preferonte të vuante ajo se nuk ka faj fëmija. Për më shumë klikoni në STORY 👆🏻 #voxnews #media #news @voxnews.al
Donald Trump ka paralajmëruar Mbretërinë e Bashkuar që të mos bëjë marrëveshje me Kinën, vetëm disa orë pasi Keir Starmer vlerësoi marrëdhënien ekonomike gjatë një vizite historike në Pekin, raporton The Guardian. Presidenti amerikan tha se është “shumë e rrezikshme” për Mbretërinë e Bashkuar që të krijojë lidhje më të ngushta me superfuqinë rivale, ndërsa bisedimet triorëshe të kryeministrit me udhëheqësin Xi Jinping theksuan një zbutje të marrëdhënieve që më parë kishin qenë të tensionuara. Për më shumë klikoni në STORY 👆🏻 #voxnews #media #news @voxnews.al
Dy krerët e shtetit, kryeministri Edi Rama dhe zv.kryeministrja Belinda Balluku, njëherësh ministre e Infrastrukturës dhe Energjisë, kanë firmosur një tjetër leje ndërtimi, në një nga zonat më elitare të Tiranës. Një kullë e lartë 15 kate mbi tokë dhe 5 kate nëntokë, në formën e kërpudhave, do të shtohet në afërsi të stadiumit Air Albania, e ndërtuar nga dy vëllezërit që dikur kanë pasur në pronësi kazinonë APEX. Dokumentet e hulumtuara nga VoxNews tregojnë se kulla do të jetë në rrugën “Dervish Hima”, shumë afër stadiumit, teksa zhvillues i pronës është kompania TDT & PARTNERS, me pronar Dajlan Avdia dhe Glendi Abdi. Dy të fundit e kanë zgjeruar aktivitetin në fushën e ndërtimit, kryesisht në Tiranë, Sarandë apo edhe në Kepin e Rodonit. Interesante është se, sa herë që ka konflikte për një pronë, dalin në “dritë” dy vëllezërit me mbiemra të ndryshëm, njëri prej të cilëve edhe me pasaportë gjermane. Ndërtimet në Kalanë e Lëkursit dhe në Kepin e Rodonit në Durrës janë dëshmi që pas tyre mund të jenë interesa të palëve të treta. Por, faktimi i këtyre dyshimeve apo akuzave, i takon vetë institucioneve ligjzbatuese. VoxNews ka siguruar dokumentet e kësaj leje, e cila bën fjalë për miratimin e një leje ndërtimi për objektin “godinë shërbimi dhe banimi 15 kate me 5 kate parkimi nëntokë, në rrugën ‘Dervish Hima’, me vendndodhje në bashkinë Tiranë, me subjekt zhvillues ‘Tdt & Partners’ shpk”. “Prona është përgjatë rrugës Dervish Hima, në Veri-Lindje të Stadiumit Arena, pra relativisht afër me Qendrën e qytetit si dhe me Liqenin Artificial te Tiranës. Zona ka diversitet ne llojin dhe lartësinë e objekteve. Në afërsi gjenden vila individuale 1-3 kate, pallate banimi që variojnë në lartësi nga 5-20 kate, objekte të ndryshme shërbimi, si dhe siç u përmend më parë Arena Kombëtare”, thuhet në dokumente. Mësohet se aktualisht, prona në fjalë, ka një objekt ekzistues të ndërtuar brenda saj, të tipit vilë individuale 2 katëshe. “Trualli që kërkohet të zhvillohet ka një sipërfaqe totale prej 1607 m2, ku përfshihen pesë prona”, vijon dokumenti. Në lejen e ndërtimit shkruhet se, nga 15 kate mbi tokë, 3 kate do të jenë të dedikuara për shërbime të ndryshme dhe pjesa tjetër do të përdoret për banim. “Kati përdhe do të jetë i dedikuar për shërbime të cilat mund të ketë nevojë zona dhe do të ketë një lartësi prej 5m. Kati i parë do të përdoret si ambient zyrash dhe do të ketë një lartësi 4.2 m. Kati i fundit i objektit, pra kati 14 do të jetë gjithashtu i përdorur për shërbime, specifikisht si një restorant me një lartësi prej 5 m”, vijon dokumenti. Mësohet se në katet e banimit do të kemi 3 kate tip të përsëritura përgjatë objektit. Ndryshimi i vetëm nga kati në kat janë ballkonet, të cilat ndryshojnë formë çdo kat. “Apartamentet janë të menduara me ballkone të mëdha duke pasur parasysh dhe formën e objektit me ballkonet e valëzuara që i vijnë përreth trupit të objektit. Për të krijuar privatësi nga apartamenti në apartament janë përdorur ‘kolona’ dekorative të cilat mbyllin valëzimet e ballkoneve dhe ndajnë ballkonet nga njëri apartament në tjetrin”, vijon dokumenti. Në letra shkruhet se për këtë objekt, frymëzimi për pamjen dhe trajtimin e saj lindi nga format organike të kërpudhave. “Forma e tyre u racionalizua dhe u tipizua duke arritur në një formë kryesisht gjeometrike. Për t'a theksuar më shumë konceptin, disa elementë skulptural në formë kërpudhash realistike përsëriten në disa pika të ndryshme të objektit”, thuhet në letra. Sipas saj, vetë volumi përbëhet nga trupi kryesor i cili vishet me fasadë xhami dhe më pas me valëzime të formave të ndryshme krijohen ballkone të cilat ndryshojnë në çdo kat. Këto ballkone përfaqësojnë kurorat e kërpudhave dhe mbështeten mbi kolona dekorative në formë kërcellësh të cilat variojnë në lartësi 1 ose 2 kate. #voxnews #media #news
Autoriteti Kombëtar i Ushqimit (AKU) ka lëshuar një paralajmërim urgjent për të gjithë prindërit në Shqipëri. Qumështi ‘Aptamil 1 Pronutra’ për foshnja po tërhiqet menjëherë nga tregu për shkak të pranisë së një substance të rrezikshme. Gjatë kontrolleve në Gjermani, në produktin Aptamil 1 Pronutra (800g) është gjetur prani e një toksine (cereulide) që vjen nga bakteri Bacillus cereus. Ky bakter mund të shkaktojë probleme shëndetësore, ndaj është dhënë alarmi në të gjithë rrjetin europian të sigurisë ushqimore (RASFF). AKU njoftoi qytetarët se nëse e kanë blerë këtë produkt ta kthejnë në pikat e shitjes. Sipas autoritetit inspektorët janë tashmë në terren për të bllokuar çdo kuti të mbetur nëpër rafte. #voxnews #media #news @voxnews.al
Detaje të reja janë zbardhur lidhur me plagosjen e shqiptarit në burgun e Malandrinos në Greqi. Mësohet se i plagosur ka mbetur 46-vjeçari nga Labova, Dhimitër Meci. Ai është qëlluar me një thikë të improvizuar, nga i burgosuri grek E. Nousi. Autori punonte në mensën e burgut. Ngjarja ka ndodhur sot, kur Meci u transferua nga burgu i Koridhalos në Malandrino. Që prej arrestimit të tij në fillim të dhjetorit 2025, Meci mbahej në repartin psikiatrik të burgut të Koridhalos. Dhimitër Meci alias Dhimo Meci, u arrestua nga policia greke së bashku me Andrea Brokerin nga Himara, Fatjon Prendin dhe disa grekë, në një operacion ku u shpall në kërkim edhe Vasil Theohari nga Finiqi. Ata akuzohen për tëntativën e vrasjes së mafiozit grek Jani Lala në maj 2025. Lala u ekzekutua disa muaj më vonë nga një grup tjetër kriminal. Pas arrestimit të tij, gjatë kontrolleve në banesat e Mecit në Greqi dhe në banesën e tij në Shqipëri, u gjet arsenal armësh. Meci rezulton i proceduar dhe dënuar disa herë në Greqi për vepra të ndryshme penale si vjedhje, grabitje, tentativë vrasje, vrasje e organizatë kriminale. Ai u arrestua për herë të parë në vitin 2004 për vrasjen e një emigranti sirian jashtë një qendre prostitutash në qendër të Athinës. I burgosur në burgun rural të Kasandrës, atij iu dha një leje 9 ditore gjatë së cilës u përfshi në grabitjen e një agjencie Pro-Po në Glifadha, duke vjedhur 65.000 euro. Sipas tij, kjo ndodhi sepse ish-shefi i agjencisë, i cili u vra disa muaj më parë, i kishte borxh para. Ai u lirua me kusht disa muaj më vonë përpara se të arrestohej përsëri për shkelje të lirimit me kusht. Ai u arrestua për disa krime gjatë karrierës së tij, duke përfshirë vjedhje, grabitje, shkaktim lëndimesh trupore, përdorim dhe posedim armësh dhe për shkelje të rregullave të trafikut rrugor. Pas lirimit të tij në vitin 2011, ai punoi si ndihmës në një bandë të përfshirë në krime në Glifadha, Haidari, Kaminia dhe Koridhalos. Dyqanet nën mbrojtjen e bandës duhej të paguanin kërcënime me vdekje kundër tyre dhe të afërmve të tyre, 100 deri në 150 euro çdo dy javë. Meçi dyshohet gjithashtu se është vrasësi i Panagiotis Stivas në shtator 2006, Ali Saeed dhe Giorgos Shabbat në mars 2008 si dhe “Pitsilas”, i cili besohet të jetë një ish-bashkëpunëtor i Meçit, në maj 2014. Pas vrasjeve, ai iku në Shqipëri për t’u fshehur për një kohë, ndërsa dyshohet se është paguar 200,000 euro për vrasje. Ai u arrestua në Sepolia në dhjetor 2014 në shoqërinë e Klodian Lekocajt alias Klod Cara, kreu i një bande kriminale të përfshirë në disa vrasje me pagesë. Mecit iu gjetën dy pistoleta ndërkohë rezultonte i përfshirë edhe në një tentativë vrasje në Halkidiki në korrik 2014. Në vitin 2018, teksa ndodhej i burgosur në Koridhalo, u identifikua se i autor i një vrasjeje të ndodhur në vitin 2012. Bëhet fjalë për vrasjen e 29-vjecarit shqiptar Artin Kato në 2012 në Peristeri të Athinës. Viktima jetonte në Holandë dhe u thirr në takimin kurth nga Meci, i cili komunikonte me të në Facebook me emër fals femre “Anastasia”. Dyshohet se mes tyre kishte konflikte personale. Por një vit më pas, vrasjen e mori përsipër Klodian Lekocaj dhe Meci u dënua me vetëm 10 vjet burg si bashkëpunëtor. Meci është dyshuar nga policia greke edhe si personi që kishte marrë përsipër vrasjen e një drejtuesi të lartë të policisë greke dhe të mafiozit grek Manolis Karagianis, i njohur si “Karaflas”, ngjarje këto të pakryera nga Meci. Karaflas u vra më pas në vitin 2018 në një tjetër atentat.
Presidenti i SHBA-ve, Donald Trump, deklaroi të enjten se presidenti rus, Vladimir Putin ka pranuar të mos kryejë sulme ndaj Kievit dhe qyteteve të tjera për një javë, për shkak të temperaturave jashtëzakonisht të ulëta në Ukrainë. Deklarata vjen në një kohë kur Rusia ka përdorur prej vitesh si taktikë goditjen e infrastrukturës energjetike të Ukrainës, veçanërisht gjatë dimrit, në luftën që po shkon drejt vitit të katërt. “Personalisht i kërkova presidentit Putin të mos qëllojë Kievin dhe qytete të tjera për një javë dhe ai ra dakord”, tha Trump gjatë një mbledhjeje të kabinetit, duke përmendur “të ftohtin e jashtëzakonshëm” në rajon. “Ishte shumë mirë. Shumë njerëz më thanë: ‘Mos e humb thirrjen, nuk do ta marrësh këtë’. Por ai e bëri”, shtoi Trump. Rusia nuk ka komentuar deri tani për ndonjë armëpushim apo pauzë të sulmeve. Po ashtu, deklaratat e Trump nuk sqarojnë se cilat “qytete dhe qyteza” të tjera mund të përfshihen në këtë ndalim të përkohshëm të sulmeve. Ndërkohë, temperaturat tashmë të ulëta në zonën e Kievit pritet të bien ndjeshëm duke nisur nga e premtja. Parashikimet flasin për temperatura nate nën -20 gradë Celsius për katër ditë radhazi, duke filluar nga e shtuna. #voxnews #media #news
Një sinjal alarmi i ri është ndezur për një virus të njohur më parë. Bëhet fjalë për virusin Nipah, i cili po trondit Azinë Juglindore. Autoritetet indiane kanë konfirmuar dy raste të reja infektimi, duke shkaktuar një reagim të menjëhershëm në vendet fqinje. Tajlanda, Singapori, Hong Kongu dhe Malajzia kanë forcuar tashmë kontrollet në kufij dhe kanë aktivizuar protokollet e mbikëqyrjes për atë që Organizata Botërore e Shëndetësisë (OBSh) e konsideron një patogjen me “potencial të lartë epidemik dhe pandemik”. Pacientët e infektuar në Indi janë punonjës shëndetësorë dhe ndodhen në terapi intensive. Qeveria ka bërë të ditur se 196 personat që kishin pasur kontakt me ta rezultuan negativë ndaj virusit. Ministria e Shëndetësisë thekson se të dhënat aktuale nuk tregojnë ndonjë rrezik për sigurinë e qytetarëve dhe familjeve të tyre. Nipah nuk është një virus i zakonshëm. Identifikuar për herë të parë në fund të viteve ’90, ai ka një shkallë shumë të lartë vdekshmërie. Megjithatë, ndryshe nga disa patogjenë të tjerë të njohur kohët e fundit, nuk transmetohet me të njëjtën lehtësi. “Është një virus me origjinë nga kafshët, veçanërisht nga lakuriqët e natës”, shpjegon Federico Gobbi, drejtori i departamentit të sëmundjeve infektive dhe tropikale në Spitalin Sacro Cuore Don Calabria në Negrar (Verona) dhe profesor i asociuar i sëmundjeve infektive në Universitetin e Brescias. “Në krahasim me viruset e tjera me potencial epidemik, mundësia e infektimit është relativisht e ulët. Nuk ka një insekt transmetues dhe përhapja nuk është menjëherë.” Infektimi ndodh kryesisht në dy mënyra: përmes konsumimit të ushqimeve të kontaminuara, si fruta ose lëng palme të prekur nga lakuriqët e infektuar, dhe përmes kontaktit të ngushtë nga njeriu tek njeriu, një rrezik që zakonisht prek vetëm personelin shëndetësor ose ata që kujdesen për të sëmurët pa mbrojtje adekuate. Pacientët e infektuar me Nipah shfaqin fillimisht simptoma të ngjashme me gripin, si ethe, nauze, dhimbje fyti, dhimbje muskujsh dhe kokëdhembje. Më pas mund të zhvillojnë komplikacione më serioze, si pneumoni jo tipike me vështirësi në frymëmarrje dhe kollë, ose më shpesh, encefalit akut me përparim të shpejtë dhe shkallë të lartë vdekshmërie. OBSh e ka renditur virusin Nipah mes dhjetë sëmundjeve prioritare, së bashku me patogjenë si Covid-19 dhe Zika, për shkak të potencialit të tij epidemik. Disa epidemira janë regjistruar në Bangladesh që nga viti 2001, ndërsa shpërthime sporadike janë raportuar në Indi. Në Itali, po ashtu si në pjesë të tjera të botës, ekziston shqetësimi që Nipah të përhapet deri këtu. “Aktualisht nuk ka rrezik për Itali”, qetëson Gobbi. “Shanset që epidemia të arrijë tek ne janë shumë, shumë të vogla.” Edhe për ata që planifikojnë të udhëtojnë në zonat e prekura, rreziku mbetet “jashtëzakonisht i ulët”. Fjala kyçe është kujdesi dhe vetëdija. Ata që shkojnë në këto zona duhet të jenë të vetëdijshëm për shpërthimin dhe të ndjekin masat bazë të parandalimit, si shmangia e ushqimeve që mund të jenë prekur nga kafshët e egra. “Është shumë e rëndësishme të vazhdojmë monitorimin”, paralajmëron Gobbi. “Autoritetet lokale po bëjnë gjithçka për të kontrolluar epideminë, por viruset mutojnë, duhet të qëndrojmë gjithmonë vigjilent.” Situata bëhet më delikate pasi, aktualisht, nuk ekzistojnë as vaksina dhe as trajtime specifike për Nipah. Parandalimi dhe reagimi i shpejtë mbeten armët e vetme. Ndërsa Azia forcon kufijtë dhe monitoron situatën, Europa e ndjek nga larg me kujdes, por pa panik. Nipah mbetet një “monitor i veçantë”: një armik i rrezikshëm për ata që infektohen, por fatmirësisht ende i kufizuar në përhapje globale. /La Stampa #voxnews #media #news
Avokati Idajet Beqiri ka ndarë detaje të reja për zhdukjen e Bleona Matës 15 vite më parë, kur ishte vetëm 6 vjeçe. I ftuar në emisionin ‘Ftesë në 5’ me Bieta Sulo, avokati u shpreh se një grup i strukturuar kriminal ka dorë në zhdukjen e Bleonës, duke bërë që të zhduken gjurmët e krimit dhe të mos arrihej tek autorët e ngjarjes. Avokati u shpreh se autorët e krimit kanë pasur edhe precedent të mëparshëm kriminal, të akuzuar edhe për rrëmbime të tjera. “Kemi të bëjmë me një krim të rëndë, janë ngritur pista të gabuara në fillim nga policia sepse ka rënë preh e thashethemeve dhe provokimeve, orientimit të gabuar që i ka bërë bota e krimit ngjarjes. Pastaj e morën lehtë këtë çështje, gjithmonë me idenë që vajza është gjallë, po ndryshon banesë, nuk do të rrijë në fshat. Kjo bëri që të zhduken edhe gjurmët e krimit dhe të mos vihej tek autorët e ngjarjes që të mos jepnin llogari. Është një krim shumë i dukshëm, dhe ka prova të dukshme. Dihet kush e mori nga shtëpia, kush e çoi në mal, kujt ja dorëzoi dhe kush kanë qenë bashkëpunëtorët e tjerë, edhe çfarë kanë përfaqësuar këta bashkëpunëtorë që kanë rrëmbyer edhe persona të tjerë dhe janë dënuar edhe më herët. Këto janë gjurmët e para, dihet edhe mënyra se si është transportuar, cili mjet e ka marrë. Policia nuk ka punuar me përkushtim, nuk e ka zbatuar ligjin siç duhet. Ende vazhdon e njëjta situatë, e njëjta papërgjegjshmëri”, tha avokati. Avokati ka treguar se çështjen e kanë çuar në SPAK, ku sipas tij ka më shumë seriozitet. “Çështjen e pezulluan nga krimet e rënda në Tiranë, e çuan në prokurorinë e Kukësit. Atje e kam gjetur unë dosjen, konstatova që atje nuk kishin bërë asnjë lloj veprimi. Minimumi duhet të viheshin në përgjim të gjithë personat e dënuar. Jemi detyruar, pasi konstatova që ne këtu kemi të bëjmë me një grup të strukturuar kriminal. E kemi çuar dosjen në SPAK, aty ka një lloj serioziteti, është një çështje që pati kujdesin e drejtpërdrejtë të Altin Dumanit. Ky 80-vjeçari që dëshmoi nuk është se nuk ka dashur të flasim më parë, por ka qenë i afërt me disa bashkëpunëtorë të krimit, i kanë thënë fëmijët mos fol dhe mos na hap telashe. Tani ai e tha troç që nuk dua ta marr këtë plagë me vete në varr dhe ka dhënë mjaft material të mirë, pas kësaj prisim që policia e Vlorës të shkonte atje. Ata nuk kanë shkuar akoma dhe na është dashur ne të bëjmë rolin e policisë dhe SPAK, dhe të vemi tek burimi dhe më tej burimit edhe brenda atje ku ka ndodhur ngjarja ku dëgjoheshin ulërimat e vajzës. Ne jemi në rrugën e mbarë të zbulimit të së vërtetës”, u shpreh avokati Idajet Beqiri. Avokati Idajet Beqiri u shpreh shpreh se nuk ka asnjë provë që Bleona Mata mund të ketë ndërruar jetë dhe gjithashtu është shprehur se mendohet që ajo ka jetuar në Greqi dhe më pas ka shkuar në Gjermani. “Për mua është gjallë. Por çdo gjë ndodh në këtë vend. Ne kemi parë edhe filma. Dikush thotë që pse nuk del vajza të flasë diku. Tani është 21 vjeçe. Si nuk i dërgon fjalë nënës së vetë. Në atë moshë që ka qenë, trysnia që është shtuar mbi të, frika që ka përjetuar, kanë bërë që një pjesë e kujtesës t’i eliminohet. Nga ana tjetër, mos të harrojmë që përdorin dhe medikamente të ndryshme që ta heqin kujtesën. Kjo është një enigmë në kuptimin e parë të fjalës. Nuk ka shpjegim të mos reagonte. Duhet të reagonte patjetër. Mendoj se është aspekti i harresës ekstreme, që ajo nuk di që Bukuria është nëna e saj. Nuk flas për probleme që mund të lidhen me frustrimin e saj. Në Greqi, ku mendohet se ka jetuar, thuajse 1/3 e asaj popullsie janë shqiptarë. Edhe Gjermani e njëjta gjë. Mendohet se ka shkuar nga Greqia në Gjermani. SPAK-u do i shkojë deri në fund. Çdo version është hedhur. Janë edhe ato mendjet e prishura që e kanë ngrënë arinjtë ose ndonjë kafshë e egër, por do ishte gjetur diçka. Të gjitha janë përralla. Këto më bëjnë të besoj që vajza jeton”, u shpreh avokati. #voxnews #media #news
Franca do ta përfshijë në ligj fundin e të ashtuquajturave “të drejta bashkëshortore”, ose idenë se martesa nënkupton një detyrim për të kryer marrëdhënie seksuale. Një projektligj i miratuar të mërkurën në Asamblenë Kombëtare shton një klauzolë në kodin civil të vendit për të bërë të qartë se martesa nuk krijon një “detyrim për marrëdhënie seksuale”. Ligji i propozuar gjithashtu e bën të pamundur përdorimin e mungesës së marrëdhënieve seksuale si argument në një divorc të bazuar mbi fajin. Edhe pse ka gjasa të mos ketë ndikim të madh në gjykata, mbështetësit shpresojnë që ligji të ndihmojë në parandalimin e përdhunimit brenda martesës. “Duke lejuar që një e drejtë apo detyrim i tillë të vazhdojë, ne kolektivisht po japim miratimin tonë për një sistem dominimi dhe grabitjeje nga burri ndaj gruas,” tha sponsorizuesja e projektligjit, deputetja e të Gjelbërve Marie-Charlotte Garin, citon BBC. “Martesa nuk mund të jetë një flluskë ku pëlqimi për seks konsiderohet përfundimtar dhe i përjetshëm.” Ligji do të fshijë një paqartësi që ka vazhduar pavarësisht se nuk ka pasur asnjë përmendje të qartë të “detyrimit bashkëshortor” në tekstet ligjore. Aktualisht, kodi civil francez i përkufizon detyrimet e martesës si “respekt, besnikëri, mbështetje dhe ndihmë,” dhe thotë se çiftet angazhohen për një “bashkësi jetese”. Askund në tekstet ligjore nuk përmendet “e drejta bashkëshortore”, pra e drejta seksuale. Origjina e këtij nocioni gjendet në ligjin kishtar mesjetar. Megjithatë, gjyqtarët në çështje moderne divorci, herë pas here, i kanë dhënë një interpretim të gjerë konceptit të “bashkësisë së jetesës” duke përfshirë edhe marrëdhëniet seksuale. Në një rast të famshëm në vitin 2019, një grua u gjet se kishte refuzuar marrëdhënie seksuale me bashkëshortin e saj për disa vite, dhe ai më pas u lejua të merrte një divorc të bazuar mbi fajin, duke nënkuptuar fajin e saj. Por gruaja e çoi çështjen në Gjykatën Evropiane për të Drejtat e Njeriut (ECHR), e cila vitin e kaluar dënoi Francën që lejoi refuzimin seksit të merrej si bazë për një divorc. Kjo u përshëndet si një përparim i rëndësishëm nga aktivistet feministe. Vendimi i ECHR-së e ka bërë praktikisht të pamundur që ndonjë gjykatës francez divorci të japë një vendim të ngjashëm, prandaj ligji i ri synon kryesisht të qartësojë situatën, me ndryshimin që ka gjasa të mos ketë ndikim të madh në gjykata. Për aktivistët, nocioni se gratë kanë një “detyrim” të pranojnë seksin me burrat e tyre është diçka që ende ekziston në disa pjesë të shoqërisë dhe duhet të sfidohet. Në Francë, si në shumicën e vendeve të tjera, përdhunimi brenda martesës tani është i sanksionuar me ligj, ndërsa para vitit 1990 burrat mund të argumentonin se martesa nënkuptonte pëlqim. Që nga nëntori i vitit të kaluar, përkufizimi ligjor i përdhunimit në Francë është zgjeruar gjithashtu për të përfshirë nocionin e mos-pëlqimit. Më parë, përdhunimi përkufizohej si një akt seksual i kryer me “dhunë, detyrim, kërcënim ose befasi”. Tani është çdo akt ku nuk ka “pëlqim të informuar, specifik, paraprak dhe të revokueshëm”. Heshtja ose mungesa e reagimit nuk nënkuptojnë pëlqim, thotë ligji. #voxnews #media #news
Login
