Gjatë dekadës së fundit, numri i konflikteve të armatosura aktive është rritur ndjeshëm. Shumë prej tyre kanë qenë jashtëzakonisht vdekjeprurëse. Por disa konflikte të tjera kanë mbetur ende nën pragun e dhunës — megjithatë, nëse do të shpërthenin hapur, do të përmbysnin rajonet përkatëse dhe rendin botëror. Kina kundër Tajvanit A do të përpiqet Xi Jinping të lërë gjurmë në histori? Udhëheqësit kinezë kanë ndjekur luftën e Rusisë në Ukrainë dhe ndoshta kanë nxjerrë mësime të zymta mbi vështirësitë e pushtimit ushtarak. Por pabarazia e madhe në kapacitetet ushtarake mes Kinës dhe Tajvanit do të thotë se Pekini mund të tundohet të veprojë nëse mbështetja amerikane për ishullin duket se dobësohet, ose nëse kostoja ekonomike e një sulmi bie. Për momentin, një bllokadë duket më e mundshme sesa një pushtim, edhe pse edhe ajo mbart rreziqe të mëdha, përfshirë ndërhyrjen ushtarake dhe hakmarrjen ekonomike nga SHBA-ja dhe aleatët e saj. #voxnews #media #news @voxnews.al
Situata në aksin kombëtar Prrenjas–Elbasan vijon të jetë kritike dhe alarmante edhe në orët e vona të kësaj të premteje, duke u kthyer në një nga episodet më të rënda të bllokimit rrugor jo vetëm të viteve të fundit, por të të gjitha kohëve. Mijëra automjete kanë mbetur të paralizuara për dhjetëra kilometra, ndërsa dhjetëra mijëra qytetarë janë izoluar në kushte tejet të vështira, përballë temperaturave nën zero dhe mungesës totale të lëvizjes. Sipas informacioneve të konfirmuara nga terreni, bllokimi masiv edhe pas orës 20.00 shtrihet nga Ura e Bushtricës në Qukës, në territorin e Bashkisë Prrenjas, deri në zonën e Fushë Labinotit në Elbasan. Ky segment jetik i rrugës kombëtare është shndërruar në një “korridor të ngrirë”, me radhë të gjata automjetesh, kaos të plotë dhe drejtues mjetesh që presin prej orësh pa asnjë orientim apo zgjidhje. Drejtuesit e automjeteve dhe pasagjerët raportojnë vështirësi ekstreme, mungesë ndihme dhe pasiguri të vazhdueshme, ndërsa qëndrimi për një kohë të gjatë në automjete, pa ngrohje të mjaftueshme dhe pa akses në shërbime bazë, po e përkeqëson edhe më tej situatën. Qarkullimi është i paralizuar që prej orëve të para të mëngjesit, pa asnjë sinjal real për përmirësim. Sipas të dhënave paraprake, situata u rëndua ndjeshëm nga mbizotërimi i motit të keq, i shoqëruar me ngrica dhe reshje, por edhe nga mungesa e gadishmërisë dhe e papërgjegjshmërisë së firmave të kontraktuara për mirëmbajtjen e rrugëve. Në segmentet problematike, akulli në rrugë ka krijuar kushte tepër të rrezikshme për qarkullimin, duke sjellë bllokim total dhe rrezik serioz për sigurinë e qytetarëve. Ajo që e bën situatën edhe më shqetësuese është mungesa e reagimit zyrtar. Deri në këto momente, nuk ka asnjë njoftim publik mbi shkaqet konkrete të bllokimit, as mbi masat që po merren për normalizimin e trafikut. Çuditërisht, edhe pse situata përshkruhet nga qytetarët si katastrofike dhe e paprecedentë, autoritetet kompetente nuk kanë ndërhyrë në kohë, as nuk kanë informuar drejtuesit e mjeteve dhe qytetarët për gjendjen reale të aksit. Qytetarët e bllokuar shprehen të revoltuar dhe të shqetësuar për sigurinë, shëndetin dhe mungesën e informacionit, duke kërkuar ndërhyrje urgjente për pastrimin e rrugës, shpërndarjen e mjeteve ndihmëse dhe orientimin e trafikut. Sipas tyre, kjo situatë përfaqëson një dështim serioz të menaxhimit të emergjencave dimërore, në një nga akset më të rëndësishme që lidh lindjen me qendrën e vendit. Ndërkohë, bllokimi në aksin Prrenjas–Elbasan vijon, ndërsa mijëra qytetarë mbeten të izoluar në rrugë, në pritje të një reagimi që ende mungon. #voxnews #media #news @voxnews.al
Ministrja e Infrastrukturës dhe Energjisë, Belinda Balluku, e vënë nën akuzë zyrtare nga Prokuroria e Posaçme për pabarazi në tendera, e hetuar fillimisht me dy masa sigurie, njëra prej të cilave pezullimi iu rrëzua nga Gjykata Kushtetuese, duket se vijon pa asnjë ndroje punën, me vendime tepër të rëndësishme. Dy ish-vartësit e saj, të akuzuar me të njëjtën dosje, Gentian Gjyli dhe Erald Elezi, të hetuar edhe ata me masë sigurie arrest shtëpie, janë liruar nga detyra në fund të muajit dhjetor 2025, për t’u zëvendësuar po nga dy vartës të tjerë besnik të Ballukut. Në postin e drejtorit të ARRSH-së u emeërua Ami Kozeli, i cili mbante detyrën e zv.ministrit të Infrastrukturës. Disa ditë pas kësaj vendimarrje, Kozeli tashmë në postin e drejtorit të Autoritetit Rrugor, me bekimin dhe urdhrin e drejtpërdrejtë të Ballukut, ka hapur me shpejtësi plot 4 tendera, kryesisht për kantiere që janë në punim e sipër, ndërkohë që do të duan po të tjera miliona për t’u përfunduar. Më shumë sesa vijimi i punës sikur mos të kishte ndodhur asnjë gjë, hapja e tenderëve duket një “sfidë” e hapur për vetë Prokurorinë e Posaçme, e cila deri më tani duket e pafuqishme për ta ndaluar Ballukun që të futet në zyrë, megjithëse një dosje voluminoze shkoi në Kuvend, me qëllim që t’i heqej imuniteti, për t’i hapur rrugën masave shtrënguese. #voxnews #media #news @voxnews.al
Një qytetar raporton për Vox News se, kompleksi i banimit “Kika 2”, i ndodhur në zonën e Komunës së Parisit në Tiranë, prej rreth një ore është pa energji elektrike. Sipas OSHEE, ndërprerja e energjisë ka ardhur si pasojë e një defekti në disa kabina të kompleksit, (ka rënë fideri) ndërsa ekipet ndodhen në terren dhe po punojnë për rikthimin e furnizimit me energji elektrike. Ndërprerja në një ditë feste dhe gjithashtu me temperatura të ulëta, e bën energjinë elektrike të domosdoshme për ngrohje dhe kryerjen e nevojave bazë të familjeve që banojnë në këtë kompleks. OSHEE bën me dije se situata po ndiqet dhe energjia pritet të rikthehet sapo të përfundojnë ndërhyrjet teknike. #voxnews #media #news #lajme @voxnews.al
Një situatë e vështirë ka përfshirë disa akse rrugore në Qarkun e Shkodrës gjatë orëve të fundit, ku reshjet e breshërit dhe dëborës kanë krijuar vështirësi të konsiderueshme në qarkullimin e automjeteve. Sipas një njoftimi zyrtar nga Prefekti i Qarkut Shkodër, disa familje, përfshirë edhe fëmijë, kanë mbetur të bllokuara në segmente të ndryshme rrugore. Problemet janë evidentuar në aksin nga zona e Bunit të Bajraktarit deri në zbritje drejt qytetit të Koplikut. Aktualisht, mbi 200 mjete po përpiqen të lëvizin drejt Koplikut, ndërsa reshjet e breshërit dhe dëborës të alternuara me ngrica e kanë bërë qarkullimin të vështirë dhe të rrezikshëm. Ndërhyrja në terren nga shërbimet e Policisë Rrugore dhe mjetet borëpastruese ka rivendosur lëvizjen, duke garantuar koordinimin e vazhdueshëm për menaxhimin e situatës dhe sigurinë e qytetarëve. Prefektura e Qarkut Shkodër ka kërkuar koordinim të menjëhershëm mes strukturave përgjegjëse për normalizimin e qarkullimit. Në këtë kuadër, qytetarëve u është kërkuar që të shmangin lëvizjet e panevojshme në akset problematike, të respektojnë rregullat e qarkullimit rrugor dhe të ndjekin udhëzimet e Policisë. Për çdo emergjencë, banorët mund të kontaktojnë menjëherë Policinë e Shtetit ose shërbimet e emergjencave. #voxnews #media #news #lajme @voxnews.al
Vendi ynë është përfshirë prej ditës së sotme nga reshjet e shiut, të cilat pritet të vijojnë edhe gjatë ditëve në vazhdim. Sipas Institutit të Gjeoshkencave (IGJEO) pranë Qendrës Kombëtare Operacionale të Emergjencave Civile, përveç shiut, në zonat malore do të ketë edhe reshje dëbore. IGJEO paralajmëron gjithashtu për përmbytje në qarqet e Vlorës dhe Kukësit. #voxnews #media #news @voxnews.al
Një ngjarje e rëndë dhune është raportuar të ketë ndodhur mbrëmjen e djeshme në Prishtinë, ku dy emra të njohur të muzikës janë përfshirë në një konflikt fizik, me pasoja serioze për njërin prej tyre. Sipas burimeve të Veriu.info, reperi Finem së bashku me një grup shokësh, dyshohet se kanë ushtruar dhunë fizike ndaj këngëtarit Butrint Imeri. Si pasojë e dhunes, Imeri raportohet se ka pësuar lëndime të konsiderueshme. Ngjarja mësohet të ketë ndodhur pranë një hoteli në Prishtinë, në rrethana që ende mbeten të paqarta. Burimet bëjnë me dije se për shkak të gjendjes shëndetësore, Imeri ka kërkuar ndihmë mjekësore dhe është paraqitur për trajtim në QKUK, ku ka marrë asistencën e nevojshme. Deri më tani, nuk ka një reagim zyrtar nga vetë këngëtarët e përfshirë në këtë incident, ndërsa as motivet e konfliktit nuk janë bërë ende publike. Ngjarja ka ngjallur reagime dhe komente të shumta në rrjetet sociale, ku fansat shprehin shqetësim për gjendjen shëndetësore të Butrintit dhe kërkojnë sqarime të plota për atë që ka ndodhur. Në përpjekje për të konfirmuar zyrtarisht rastin, Veriu.info ka kontaktuar me zëdhënësin e Policisë për Prishtinë, Agron Borovci. Ky i fundit ka deklaruar se aktualisht nuk ka informacion të detajuar mbi ngjarjen, pasi ndodhet në pushim, por ka premtuar se do të përpiqet të sigurojë të dhëna shtesë. #voxnews #media #news #finem #butrintimeri @voxnews.al
Ministri i Drejtësisë, Besfort Lamallari, ka dhënë detaje të plota mbi amnistinë penale të fundvitit, duke sqaruar kategoritë përfituese dhe kriteret mbi të cilat është ndërtuar kjo nismë. Ministri Lamallari theksoi për Euronews Albania se përzgjedhja e kategorive është bërë me kujdes, me qëllim që të mos cenohet siguria publike, por njëkohësisht të ndiqet një qasje humane dhe e drejtë ndaj personave me rrezikshmëri të ulët shoqërore. “Kriteri që ka udhëhequr këtë amnisti ka qenë rrezikshmëria e ulët shoqërore”, u shpreh Lamallari. Sipas tij, për burrat përfitojnë ata që janë të dënuar me vendim të formës së prerë deri në tre vite burg, ose ata me dënime mbi tre vite, por që kanë tre vite ose më pak të mbetura për të shlyer, për sa kohë nuk janë dënuar për vepra të përjashtuara nga amnistia, me rrezikshmëri të lartë shoqërore. Sa i përket grave, përfitojnë ato të dënuara deri në katër vite burg, si dhe ato me dënime më të gjata, por që kanë deri në katër vite të mbetura pa vuajtur. Po ashtu, përfituese janë edhe gratë e dënuara mbi moshën 50 vjeç në momentin e hyrjes në fuqi të amnistisë, si dhe burrat e dënuar mbi moshën 60 vjeç. Një kategori e veçantë, sipas ministrit, janë edhe të miturit. “Kemi treguar një akt humanizmi për një kategori shumë vulnerabël. Të gjithë personat nën moshën 18 vjeç do të lirohen, duke përjashtuar veprat me rrezikshmëri të lartë shoqërore”, tha Lamallari. Ndërkohë, sipas Euronews, i cili ka siguruar pjesë nga drafti paraprak i amnistisë penale, sipas të cilit pritet që rreth 380 të dënuar të lirohen menjëherë, ndërsa afro 1.300 persona të tjerë të përfitojnë ulje të dënimit. Drafti parashikon përfitime për: burra të dënuar deri në 3 vite burg ose me deri në 3 vite dënim të mbetur; gra të dënuara deri në 4 vite burg ose me deri në 4 vite dënim të mbetur; gra të dënuara mbi 50 vjeç; burra të dënuar mbi 60 vjeç. Sipas parashikimeve, efektet e kësaj amnistie pritet të hyjnë në fuqi në fund të muajit janar ose në fillim të shkurtit, pas përfundimit të diskutimeve dhe votimit në Kuvend. #voxnews #media #news @voxnews.al
Forcat e sigurisë në Iran kanë nisur të qëllojnë me mitraloz ndaj protestuesve, ndërsa trazirat po përshkallëzohen në qytete të ndryshme. Në Marvdasht, raportohet se të shtënat po vinin nga çatitë e një shkolle dhe një banke, ndërsa mediat iraniane flasin për viktima. Në rrjetet sociale janë shpërndarë video ku dëgjohen breshëri mitralozësh, ndërsa helikopterë patrullojnë mbi qytet dhe interneti është ndërprerë pjesërisht, duke vështirësuar komunikimin dhe raportimin e ngjarjeve. Protestat në mbarë vendin po radikalizohen me shpejtësi. Deri më 3 janar, demonstratat dhe trazirat janë përhapur në të paktën 18 provinca, ndërsa përplasjet e armatosura raportohen gjithnjë e më shpesh në Fars, Lorestan, Chaharmahal dhe Bakhtiari. Në qytetin Azna, protestuesit sulmuan një stacion policie, ku tre persona humbën jetën dhe 17 të tjerë u plagosën. Aktualisht, qendrat e rezistencës ndodhen kryesisht në qytete më të vogla, por tensionet vazhdojnë të rriten. Protestat nisën më 28 dhjetor në Teheran, pas rënies së rialit dhe rritjes së inflacionit në 52%, duke përkeqësuar gjendjen ekonomike të qytetarëve. Sipas agjencisë Reuters, këto janë protestat më të mëdha në Iran në tre vitet e fundit, që nga demonstratat e vitit 2022, të shkaktuara nga vrasja e 22-vjeçares Mahsa Amini nga policia e moralit. Nga ana tjetër, Presidenti amerikan, Donald Trump, ka shprehur mbështetje për protestuesit që po përballen me shtypje brutale nga forcat e sigurisë në Iran. Në një postim të shkurtër në rrjetet sociale, ai shkroi: “Jemi të armatosur, të pajisur me armë dhe gati për të filluar”, por nuk dha detaje të mëtejshme. Një këshilltar i lartë i udhëheqësit suprem të Iranit, Ajatollah Ali Khamenei, u përgjigj duke thënë se Trump duhet të jetë “i kujdesshëm” nëse ai ndërhyn, duke paralajmëruar për kaos të mundshëm në të gjithë Lindjen e Mesme. Të paktën tetë persona raportohet se janë vrarë në Iran. Në postimin e së premtes në Truth Social, Trump shkroi: “Nëse Irani qëllon dhe vret me dhunë protestuesit paqësorë, gjë që është zakon i tyre, Shtetet e Bashkuara të Amerikës do t’i ndihmojnë.” Në postimin e tij, presidenti amerikan nuk specifikoi se çfarë masash mund të ndërmarrë Uashingtoni kundër autoriteteve iraniane. Në qershor, SHBA-të kryen sulme kundër centraleve bërthamore të Iranit me urdhër të Trump. Zyrtarët amerikanë më vonë argumentuan se sulmet kishin penguar ndjeshëm perspektivën e Teheranit për të ndërtuar një armë bërthamore - një pretendim i kundërshtuar nga Irani. Në shenjë hakmarrjeje, Irani nisi një sulm me raketa ndaj një baze të madhe ushtarake amerikane në Katar . Protestat kanë qenë më të përhapurat që nga një kryengritje në vitin 2022 e shkaktuar nga vdekja gjatë paraburgimit e Mahsa Amini, një grua e re e akuzuar nga policia e moralit se nuk e mbante siç duhet vellon, por ato nuk kanë qenë në të njëjtën shkallë. Presidenti Masoud Pezeshkian ka thënë se do t'i dëgjojë "kërkesat legjitime" të protestuesve. Por Prokurori i Përgjithshëm i vendit, Mohammad Movahedi-Azad, paralajmëroi se çdo përpjekje për të krijuar paqëndrueshmëri do të përballet me një "përgjigje vendimtare". #voxnews #media #news @voxnews.al
Dhjetori ishte një “arenë” përplasjesh mes opozitës dhe mazhorancës në sallën plenare të Kuvendit të Shqipërisë, madje pati bllokime të foltores, hedhje fllakadanësh, përplasje deri në fizike mes deputetëve, ministrave apo me punonjës të Gardës së Repiblikës. Miratimi i buxhetit dhe betimi i Avokatit të Popullit solli gjithë këtë rrëmujë, e cila duket se nuk i ka bërë fare përshtypje kryetarit të Kuvendit të Shqipërisë, Niko Peleshi, i cili si një korçar i vërtetë e ka pasur mendjen te festat, drekat, darkat apo koktejlet. Nikon e kemi parë me kitarë në dorë duke luajtur muzikë, kryesisht serenata korçare, të shoqëruara nga ushqim dhe pije të mira, duhan dhe atmosferë festash, të cilat më së shumti ndihen në Korçë. Dhe, duke tentuar që t’a bëjë edhe Kuvendin një “Korçë të vogël”, ai ka futur frymën e ahengut, ushqimit dhe pijeve, për punonjësit apo edhe ata që i takon. Salla e Kuvendit duket se do të kthehet në një “buzuk”, ku s’do të mungojnë gjithë të mirat e renditura më sipër. Sipas dokumenteve që disponon VoxNews, Kuvendi i Shqipërisë ka hapur në ditët e fundit të vitit 2025 një tender në kuadrin e atmosferës së festave të Vitit të Ri. Objekti i procedurës ka qenë “shërbime për dreka, darka, pritje e koktejle”. Fondi limit i akorduar ka qenë plot 10.000.000 lekë, ose nëse do e konvertojmë në euro, mbi 100 mijë euro. Një shumë e konsiderushme, duke qenë se në atë muaj, Kuvendi ziente nga sherret e tymnajat, aq sa pati edhe përplasje fizike. Por, asnjë s’i ka bërë përshtypje Nikos, i cili vendos të bëjë tenderin e radhës për “shërbime pritjeje”. Duket se fjala e popullit “qentë le të lehin, karvani ecën para” ka gjetur vend për kryetarin e Kuvendit, Niko Peleshi, i cili as nuk e ka vënë ujin në zjarr për çka po ndodh me opozitën. #voxnews #media #news @voxnews.al
Denoncimi i qytetarit: Shikoni ai abuzon me çmimet rrjeti "Rossmann Lala" në Shqipëri, shumë herë më të larta se në Gjermani #voxnews #media #news @voxnews.al
“Deri në fund të kësaj dekade, Shqipëria të jetë “cashless”, pra që i gjithë ndërveprimi dhe të gjitha transaksionet financiare të jenë digjitale. Kjo është plotësisht e realizueshme dhe do të çlirojë vendin nga një barrë e madhe pluhuri dhe ferrash në të gjithë jetën e përditshme”, është shprehur më herët Kryeministri Edi Rama. Me kartë apo me para në dorë? Shumica e shqiptarëve blejnë ose marrin shërbime duke përdorur para fizike dhe jo përmes mënyrave elektronike të pagesave. Pavarësisht se vitet e fundit ka pasur një rritje të pagesave elektronike, qoftë të atyre të realizuara nga telefoni ose përmes terminaleve POS, ne vijojmë të jemi ndër ekonomitë më të varura dhe populli më i lidhur pas cash-it. Megjithatë, qeveria synon që deri në vitin 2030 “të zhdukë” paranë fizike. Kur them zhdukje, nuk flas për eleminim total, por zvogëlim të përdorimit të lekut letër. Por si do të dukej një Shqipëri pa para fizike? Thuajse çdo pagesë në dyqane, bar-restorante, hotele apo taksi dhe jo vetëm, do të realizohej me kartë përmes terminaleve POS në dyqane dhe lokale, përmes sistemit të pagesave të shpejta me QR Code ose nga telefoni. #voxnews #media #news @voxnews.al
Një aksidentin i rëndë me tre të vdekur ka ndodhur mëngjesin e sotëm në aksin rrugor Gjirokastër-Tepelenë. Raportohet se ngjarja ka ndodhur në vendin e quajtur Bypass, ku dy mjete, një tip “Volkswagen” dhe një “Mercedes” u përplasën kokë më kokë. Te mjeti i parë udhëtonin Klejdi Myftari 24 vjeç dhe Anxhelo Ruçi 28 vjeç, të cilët kanë humbur jetën të dy. Nga ana tjetër, në mjetin “Mercedes” udhëtonin Martin Dulaj 26 vjeç i cili ka ndërruar jetë në vendngjarje dhe Arsida Demiri 20 vjeç, e cila është transportuar në drejtim të Spitalit të Traumës në Tiranë për ndihmë më të specializuar. Lidhur me ngjarjen e rëndë ka reaguar aktori i njohur i “Portokallisë”, Deivis Myslymi. Ai ka publikuar në “Instagram” një fotografi me dy nga viktimat e aksidentit të rëndë. #voxnews #media #news @voxnews.al
Policia ka arrestuar një 29-vjeçar në Laç. Ai u arrestua nga policia, pasi iu gjet një armë zjarri automatik me krehër dhe fishekë, e cila posedohej pa leje, si dhe një palë doreza. Mbi 29-vjeçarin rëndon akuza për veprën penale “Mbajtja pa leje dhe prodhimi i armëve, armëve shpërthyese dhe i municionit”. Policia ka sekuestruar sendet e kundërligjshme, në cilësinë e provës materiale. #voxnews #media #news @voxnews.al
Presidenti Donald Trump zbuloi rezolutën e tij për Vitin e Ri të mërkurën pasi u pyet nëse kishte një të tillë. “Paqe. Paqe në Tokë”, tha ai së bashku me zonjën e parë Melania Trump në pronën e tij në Mar-a-Lago në Florida. Llogaria zyrtare e reagimit të shpejtë të Shtëpisë së Bardhë në X ndau një postim të Fox News në X që shfaqte videoklipin e komenteve të presidentit, duke shkruar: “Presidenti i Paqes – dhe Zonja e Parë më mahnitëse në histori”. Një vjetori i fillimit të mandatit të dytë të Trump është më pak se një muaj larg – ai u betua më 20 janar 2025. Që nga marrja e detyrës, presidenti ka kërkuar të promovojë paqen në mbarë globin dhe ka kryesuar një mori veprimesh ushtarake. #voxnews #media #news @voxnews.al
Sipas zyrtarëve amerikanë, Agjencia Qendrore e Inteligjencës ka dalë në përfundimin se Ukraina nuk ka sulmuar një rezidencë të përdorur nga presidenti rus Vladimir Putin gjatë një sulmi me dron në veriperëndim të Rusisë, duke sfiduar deklaratën që Kremlini i kishte bërë presidentit Donald Trump gjatë një bisede telefonike të hënën. Drejtori i CIA-s, John Ratcliffe, e ka informuar Trumpin për këtë vlerësim të mërkurën, thanë zyrtarët, raporton “New York Post”. Rusia kishte ngritur publikisht pretendime se Ukraina kishte tentuar të godiste shtëpinë e Putinit, dhe Trump kishte thënë për gazetarët se Putini ia kishte treguar këtë gjatë telefonatës. Në atë kohë, Trump kishte shprehur shqetësim, duke deklaruar se ishte “shumë i zemëruar” nga ky pretendim, edhe pse Ukraina e kishte mohuar fuqishëm. Ai gjithashtu pranoi se ishte “e mundur” që pretendimi të mos ishte i vërtetë, por shtoi se: “Presidenti Putin më tha këtë.” Sipas burimeve të “New York Post”, Ratcliffe më pas e informoi Trumpin se CIA nuk besonte se kjo ishte e vërtetë. Të mërkurën, Trump ka mbajtur një qëndrim më dyshues, duke shpërndarë një editorial të New York Post në platformën e tij Truth Social, me titullin: “Shfaqja e Putinit për ‘sulmin’ tregon se Rusia është pengesa e paqes”. Editoriali vë në dukje se ishte “ironike që Putini, i cili ka zhvilluar një luftë brutale për gati katër vjet, beson se çdo dhunë në afërsi të tij meriton zemërim të veçantë” dhe shton se “Çdo sulm ndaj Putinit është më se i justifikuar”. Por editoriali thekson gjithashtu: “Problemi është se sulmi me dron ndoshta nuk ka ndodhur. Presidenti ukrainas Volodymyr Zelensky e ka mohuar fuqishëm, dhe zëdhënësi i Kremlinit Dmitri Peskov nuk ka mundur të ofrojë prova, duke kërkuar nga mediat të ‘besojnë fjalën e Kremlinit’. #voxnews #media #news #putin @voxnews.al
Qiratë ishin grupi me rritjen më të lartë të çmimeve në muajin nëntor 2025, me 6.7 për qind duke forcuar më tej tendencën që nisi nga vera e këtij viti. Ato ishin përbërësi kryesor i inflacionit në nëntor, duke zhvendosur ushqimet. Të dhënat zyrtare të INSTAT tregojnë për një trend rritës të fortë gjatë vjeshtës 2025 që po vazhdon. Ekspertët e lidhin ecurinë ë e shtrenjtimit të qirave me një seri faktorësh që lidhen me kërkesën dhe ofertën. Kryesorja lidhet me faktin se rritja e çmimeve të banesave ka bërë të papërballueshëm blerjen e një apartamenti të ri për shumicën e të punësuarve. Kur blerja e një shtëpie bëhet më e shtrenjtë, njerëzit detyrohen të qëndrojnë më gjatë me qira ose të kërkojnë shtëpi me qira në vend që të blejnë. Kjo rrit numrin e qiraxhinjve dhe për pasojë çmimet ngrihen. Edhe pronarët që kanë kredi të shtrenjta shpesh rrisin qiranë për të mbuluar pagesat e tyre mujore. Gjithashtu kërkesa për qira po përballet me një presion në rritje për vizitorët e huaj. Shqipëria është atraktive për turistët edhe për shkak se çmimet e qirave ditore janë të lira, me vetëm 50 euro nata në zonën e qendrës. Dhënia me qira ditore e shumë apartamenteve për turistët ka çuar në rritjen e çmimeve për qiratë afatgjata jashtë trendëve normale. Ekspertët e tregut pohojnë se një pjesë e apartamenteve të shituara janë bosh dhe përdoren vetëm pak ditë në vit nga emigrantët dhe huajt, duke bërë që të mos hidhen në tregun e qirave. Familjet me buxhete të kufizuara po e shtyjnë blerjen e shtëpisë dhe detyrohen të paguajnë qira gjithnjë e më të larta, ndërsa agjentët imobiliarë pohojnë se edhe në zonat periferike janë të pakta apartamentet me çmime të lira. Agjentët e tregut të qirasë nënvizojnë se shumë pak prona listohen me çmime 300–350 euro, kryesisht në periferitë “Astir” ose “Fresku”, të cilat merren menjëherë nga qiramarrësit. #voxnews #media #news @voxnews.al
Presidenti i Partisë së Lirisë, Ilir Meta, përmes një mesazhi u ka uruar shqiptarëve Vitin e Ri 2026. Meta shkruan se 2026 le të jetë viti i përkushtimit të madh për një Shqipëri më të drejtë, ku ligji zbatohet njësoj për të gjithë. #voxnews #media #news @voxnews.al
Paul Dallison dhe Giulia Poloni - Politico Faleminderit për asgjë, 2025. Ishte një vit në të cilin shumica prej nesh do të donte të ishte ose Suni Williams, ose Butch Wilmore. Williams dhe Wilmore ishin astronautë që duhej të qëndronin në hapësirë rreth 10 ditë, por përfunduan duke ndenjur gati 10 muaj, duke mos u kthyer në Tokë deri në mars të këtij viti dhe duke humbur pothuajse tre muaj nga ky mjerim. “Mirë se u kthyet, djema. Ka lajme të mira dhe lajme të këqija: lajmi i mirë është se jeni kthyer shëndoshë e mirë; lajmi i keq është se Kamala Harris nuk i fitoi zgjedhjet.” Fituesi i zgjedhjeve, Donald Trump, sigurisht që dominoi axhendën e lajmeve në të njëjtën mënyrë siç do ta dominonte një ari sektorin e mjaltit po ta lije të lirë në një supermarket. Ai vendosi tarifa të menduara me nxitim mbi gjithçka dhe këdo, përfshirë ishuj të pabanuar pranë Antarktidës. Dhe u grind në mënyrë spektakolare me Elon Musk-un, i cili, si Lazari, fluturoi shumë afër diellit të ndritshëm. Në Europë, ka qenë një vit i çuditshëm. #voxnews #media #news @voxnews.al
Viti 2025 u mbyll pa sjellë lehtësimin që shumëkush shpresonte pas një 2024 të lodhshëm në skenën ndërkombëtare. Përkundrazi, këto dymbëdhjetë muaj shënuan përkeqësim të bashkëpunimit global, rritje të konflikteve dhe një zbehje më të dukshme të rendit botëror të udhëhequr nga Shtetet e Bashkuara. Ndryshe nga viti i kaluar, kur Lojërat Olimpike në Paris shërbyen si simbol i bashkëpunimit ndërkombëtar, 2025 ofroi pak arsye për optimizëm. Shumë nga këto zhvillime pritet të vazhdojnë të ndikojnë politikën globale edhe në vitin 2026. #voxnews #media #news #lajme ajme @voxnews.al
Login
