Qeveria gjermane do të vazhdojë ta quajë Liqeni Ontario dhe nuk do të përdorë emrin “Liqeni Amerika”, me të cilin presidenti i SHBA-së, Donald Trump, ka vendosur ta quajë këtë liqen që ndodhet në kufirin SHBA-Kanada. “Ky është një vendim amerikan për ta quajtur këtë liqen me një emër tjetër. Për momentin, ky vendim nuk ka pasoja për vendet e tjera”, tha sot një zëdhënës i Ministrisë së Jashtme gjermane. “Për ne, ai mbetet Liqeni Ontario, që është emri i përdorur tradicionalisht”, shtoi ai. Zëdhënësi përdori një shembull për të shpjeguar qëndrimin e Gjermanisë: “Në SHBA, futbolli quhet ‘soccer’, por kjo nuk do të thotë se në vendet e tjera duhet të quhet gjithashtu ‘soccer’.” I pyetur nëse qeveria gjermane ka frikë se Trump mund të mbajë mëri ndaj Gjermanisë për këtë çështje, zëdhënësi tha se emërtimi i ujërave nuk duhet të jetë arsye për të krijuar pakënaqësi politike ndaj askujt. Liqeni Ontario është një nga pesë Liqenet e Mëdha të Amerikës së Veriut. Kufiri mes SHBA-së dhe Kanadasë kalon përmes katër prej tyre. Marrëdhëniet mes Uashingtonit dhe Otavës janë tensionuar sërish ditët e fundit, pasi kryeministri kanadez Mark Carney ka refuzuar të tërhiqet në përplasjen tregtare dhe tarifore mes dy vendeve. Vitin e kaluar, Trump vendosi gjithashtu të ndryshojë emrin e Gjirit të Meksikës, duke e quajtur atë “Gjiri i Amerikës”. #voxnews #media #news @voxnews.al

5418 views

Mbreti Haakon VIII ka marrë fronin e Norvegjisë pas vdekjes së babait të tij, Harald V, duke nisur një kapitull të ri për monarkinë norvegjeze. Ai është mbreti i katërt që drejton monarkinë moderne norvegjeze, e rikthyer në vitin 1905 pas pavarësisë të vendit nga Suedia. Në detyrat e tij të para si monark, Haakon drejtoi një mbledhje të jashtëzakonshme të kabinetit, ku shpalli titullin e tij mbretëror dhe vendosi të vazhdojë me moton e babait të tij: “Gjithçka për Norvegjinë”. Haakon trashëgon një kurorë që gëzon ende mbështetje të gjerë në shoqërinë norvegjeze, por edhe një familje mbretërore që vitet e fundit është përballur me polemika dhe skandale. Mbreti Harald V ishte jashtëzakonisht i dashur nga norvegjezët dhe popullariteti i tij u dëshmua edhe nga reagimet e forta emocionale të qytetarëve para dhe pas vdekjes së tij. Për Haakonin, sfida kryesore do të jetë ruajtja e këtij besimi. Si princ i kurorës, Haakon kishte punuar për vite me të atin dhe në periudhën e fundit kishte marrë gjithnjë e më shumë përgjegjësi, duke shërbyer shpesh si regjent kur Harald ishte i sëmurë ose nuk mund të ushtronte detyrat mbretërore. Vetë Harald V e kishte vlerësuar djalin si personin e duhur për të vazhduar punën e tij. Historiani norvegjez Trond Noren Isaksen e përshkruan Haakonin si një figurë më të rezervuar se babai i tij. Harald njihej për karizmën dhe sensin e humorit, ndërsa Haakon është më i qetë dhe më analitik. Megjithatë, vitet e fundit ai është shfaqur më i çlirët dhe ka treguar më shumë nga personaliteti i tij. Haakon lindi në vitin 1973 dhe është fëmija më i vogël i mbretit Harald V dhe mbretëreshës Sonja. Ai u bë princ i kurorës në moshën vetëm 17-vjeçare, pas vdekjes së gjyshit të tij, mbretit Olav V, në vitin 1991. Ndryshe nga shumë anëtarë të familjeve mbretërore evropiane, Haakon u arsimua fillimisht në shkolla publike në Norvegji. Më pas shërbeu për katër vjet në marinën norvegjeze dhe në vitin 1995 u diplomua në Akademinë Detare Norvegjeze. Në vend që të ndiqte gjurmët e babait dhe gjyshit të tij dhe të studionte në Oksford, ai shkoi në Kaliforni, ku studioi shkenca politike në Universitetin e Berkeley-t. Jeta e tij personale u bë veçanërisht e rëndësishme për imazhin modern të monarkisë norvegjeze. Në vitin 1999, Haakon takoi Mette-Marit Tjessem Hoiby në një festival muzikor në Kristiansand. Marrëdhënia e tyre shkaktoi debat të madh në Norvegji, pasi Mette-Marit ishte një nënë beqare dhe kishte një të kaluar që u konsiderua e pazakontë për bashkëshorten e ardhshme të mbretit. Çifti u përball me kritika të forta edhe për faktin se bashkëjetuan para martesës. Disa kritikë madje paralajmëruan se lidhja mund të dëmtonte rëndë monarkinë. Por Mette-Marit fitoi gradualisht simpatinë e publikut dhe martesa e tyre në vitin 2001 u shndërrua në një simbol të ndryshimit të monarkisë norvegjeze dhe përshtatjes së saj me shoqërinë moderne. Haakon dhe Mette-Marit kanë dy fëmijë së bashku, princeshën Ingrid Alexandra dhe princin Sverre Magnus. Ingrid Alexandra, 22 vjeçe, bëhet tashmë princeshë e kurorës dhe trashëgimtare e fronit. Megjithatë, fillimi i mbretërimit të Haakon VIII vjen në një moment të vështirë për familjen mbretërore. Bashkëshortja e tij, Mette-Marit, është përballur me kritika për lidhjet e saj të së kaluarës me Jeffrey Epstein, ndërsa djali i saj nga një marrëdhënie e mëparshme, Marius Borg Hoiby, është dënuar për përdhunim në një proces të ndjekur publikisht. Høiby e ka apeluar vendimin. Çështja është bërë edhe më e ndjeshme sepse një prej grave në çështjen gjyqësore u përdhunua në pronën e Haakonit në Skaugum, pranë Oslos. Familja mbretërore ka theksuar vazhdimisht se Hoiby nuk është anëtar i familjes mbretërore dhe nuk ka status mbretëror. #voxnews #media #news

4134 views

Gazetari Sigfrido Ranucci nuk do të prezantojë më emisionin Report. Rai ua ka besuar programin historik investigativ gazetarëve Giulia Presutti dhe Daniele Piervincenzi. “Rai njofton se, duke filluar nga sezoni i ardhshëm, prezantuesi i Report do t’u besohet Giulia Presutti-t dhe Daniele Piervincenzi-t, të dy fitues të procesit të përzgjedhjes së Rai-t për gazetarët profesionistë. Kjo zgjedhje shënon një fazë të re për një nga programet më të rëndësishme në ofertën e thelluar të shërbimit publik, me dy gazetarë të përzgjedhur si fitues të konkursit Rai për të drejtuar emisionin, duke reflektuar profesionalizmin dhe përvojën e tyre në këtë fushë”, shkruan Rai në një deklaratë. Emri i Sigfrido Ranuccit është i njohur në Shqipëri pas një atentati me eksploziv pranë banesës së tij, për të cilën fillimisht u tha se ishte vendosur nga mafia shqiptare. Por hetimet e mëvonshme nxorën në dritë një skenar krejt tjetër, pasi u zbulua se autori i bombës ishte miku i tij, sipërmarrësi Valter Lavitola. Mes gjërave të zbuluara nga hetuesit italianë është edhe fakti se, për të larguar nga vetja çdo dyshim të mundshëm, Lavitola u kishte thënë katër autorëve materialë të atentatit (të gjithë të arrestuar përpara tij) që të akuzonin shqiptarët. “Nëse ju ndalon policia, thoni se një shqiptar ju ka paguar 3.000 euro për t’i vendosur bombën Ranuccit”, u kishte thënë ai. Lavitola e organizoi atentatin që Ranucci të bëhej simbol dhe të merrte drejtimin e të majtës italiane. Ranucci detyrohet të largohet nga drejtimi i “Report” nëntë vjet pasi mori stafetën nga Milena Gabanelli. #voxnews #media #news @voxnews.al

2966 views

Aeroporti i Rinasit ka reaguar lidhur me problemin e shfaqur në sistemet e trafikut ajror në vendin tonë. TIA ka bërë të ditur se është në kontakt të vazhdueshëm me autoritetet përkatëse dhe kompanitë ajrore, ndërsa po menaxhon situatën e krijuar për pasagjerët e prekur nga vonesat dhe ndryshimet në oraret e fluturimeve. Gjithashtu bëhet me dije është angazhuar numri maksimal i stafit në dispozicion për të mbështetur operacionet në terminal dhe për të garantuar menaxhimin sa më efikas të situatës. Pasagjerëve u këshillohet të kontrollojnë rregullisht njoftimet dhe komunikimet e kompanive ajrore përkatëse për informacionet më të fundit mbi statusin e fluturimeve të tyre. #voxnews #media #news @voxnews.al

4410 views

Kryeministri Edi Rama ka zbuluar detaje nga takimi i mbajtur sot me ministrat dhe drejtuesit politikë të qarqeve te “Vila e Kuqe” në Tiranë. Përmes një postimi në rrjetet sociale, Rama ka shkruar se në fokus të mbledhjes ishte detajimi i programit të sezonit të ri, duke nisur nga kalendarizimi i Pranisë Besnike në çdo territor, te hartimi i ndryshimeve ligjore për PasqyrAlbania. Po ashtu sipas kryeministrit u diskutua mbi mekanizmat e rinj të ndërveprimit qeveri - deputetë në funksion të përmirësimit të mëtejshëm të shërbimeve publike qendrore e vendore. #voxnews #media #news @voxnews.al

2130 views

Shqyrtimi i një kërkese të depozituar në Këshillin e Lartë të Prokurorisë nga kandidati për Prokuror të Përgjithshëm, Ylli Pjetërnikaj, i cili kërkon përjashtimin e anëtarit Vatë Staka nga procedurat e përzgjedhjes shkaktoi debate të ashpra dhe kërkesa të tjera për përjashtime nga vetë anëtarët e KLP-së. Në mbledhjen plenare të së premtes u lexua pika e rendit të ditës që lidhej me kërkesën e Pjetërnikës për përjashtimin e Stakës, por ky i fundit kërkoi që anëtari Zeqir Hodo të përjashtohej nga procedura e shqyrtimit dhe vendimmarrjes të kësaj kërkese. Nga sa u dëgjua prej diskutimeve gjatë mbledhjes, Staka parashtroi se Hodo kishte pasur komunikime me Pjetërnikën edhe pasi ai ishte larguar nga pozicioni i këshilltarit pranë KLP-së. Sipas Stakës, një draft i një rregulloreje të këshillit i ishte dërguar Hodos nga Pjetërnika përmes një email-i privat, kur ky i fundit nuk ishte më pjesë e komisionit për hartimin e rregullores. Bazuar në këto rrethana, Staka kërkoi përjashtimin e Hodos nga procedura e shqyrtimit dhe vendimmarrjes lidhur me kërkesën e depozituar nga Pjetërnika. Anëtarja Ledina Riza soli në vëmendje se për një rast të ngjashëm në mbledhjen e sotme ishte kërkuar përjashtimi i dy anëtarëve të tjerë, si për atë për të cilin kërkohej përjashtimi, edhe për atë që e kërkonte. Duke sjellë në vëmendje rëndësinë e procesit për përzgjedhjen e Prokurorit të Përgjithshëm të ri, ajo kërkoi ndër të tjera, që të vijohej sa më shpejt me dërgimin e kërkesave drejtuar ILDKPKI-së për verifikimin e kandidatëve. Ajo kërkoi që në këtë proces të jenë të pranishëm të gjithë anëtarët e KLP-së. Anëtari Zeqir Hodo deklaroi se nuk ishte i imperesionuar nga një kërkim i tillë dhe se i vinte mirë që një procedurë e rëndësishme po merrte këtë vëmendje nga vetë këshilli. Ai kërkoi kohë për të dhënë një qëndrim lidhur me kërkesën e Stakës. Në vijim, Hodo kërkoi që të lexohej kërkesa e Pjetërnikës për përjashtimin e Stakës, duke e cilësuar të rëndësishme që të dihej nga publiku. “Duhet të lexohet fjalë për fjalë. Kërkoj ta dëgjoj të lexuar fjalë për fjalë, në mënyrë të plotë kërkimin e z.Pjetërnikaj, që të jemi të barabartë në këtë procedurë. Të lexosh se ke një mikrofon, e mos të lexosh objektin, kjo është dhe diskriminuese”, tha Hodo duke vërejtur se ishte garantuar pjesëmarrja e Stakës në një procedurë në të cilën po shqyrtohej kërkesa që ai të mos merrte pjesë në përzgjedhjen e Prokurorit të Përgjithshëm. “Ndërkohë që objekti nuk u bë i ditur”, tha Hodo. Anëtari Sokol Stojani deklaroi në seancën e së premtes se duhej të diskutohej fillimisht nëse Hodo duhej të ishte ose jo pjesë e procedurëa për shqyrtimin e kërkesës së Pjetërnikajt, duke konstatuar se Staka e kishte bërë kërkesën në mënyrë sintetike e të argumentuar. Sipas tij, duhej trajtuar fillimisht kërkesa e Stakës për përjashtimin e Hodos dhe pastaj kërkesa e Pjetërnikës. Hodo e cilësoi qëndrimin e anëtarit Sokol Stojani të ngjashëm me argumentin për përjashtimin e tij, duke kërkuar kështu përjashtimin e kolegut Stojani. Hodo vërejti se, nisur nga sa kërkonin kolegët, mbetej që të shqyrtohej fillimisht kërkesa e tij për përjashtimin Stojanit, pastaj ajo e Stakës për përjashtimin e tij dhe në fund çështja e rendit të ditës, lidhur me kërkesën e Pjetërnikës për përjashtimin e anëtarit Vatë Staka nga procedura e përzgjedhjes së Prokurorit të Përgjithshëm. Stojani e cilësoi të pabazuar kërkesën e Hodos duke u shprehur se kishte dhënë mendimin e tij lidhur me kërkesën e Stakës. Në përfundim, seanca u shty për t’u dhënë kohë anëtarëve të hartojnë dhe paraqesin qëndrimin e tyre, ndërkohë që objekti i kërkesës së kandidatit Pjetërnikaj për përjashtimin e anëtarit Vatë Staka, mbeti e panjohur për publikun. #voxnews #media #news

2682 views

Një prej aktivistëve të protestës qytetare që sot ka regjistruar ditën 90-të radhazi, nga Kryeministria ironizoi zhvendosjen e mbledhjes së Partisë Socialiste, e cila fillimisht ishte njoftuar se do të zhvillohej në selinë e PS-së, por më pas u transferua në rezidencën qeveritare pranë fshatit Sos. Aktivisti e ka interpretuar këtë lëvizje si një përpjekje për të shmangur protestuesit, duke pretenduar se socialistët janë larguar nga selia për shkak të frikës nga reagimi i qytetarëve. Më tej, aktivisti vlerësoi qëndrueshmërinë e protestuesve, duke theksuar se protesta ka vijuar për 90 ditë. Sipas tij, qëndrueshmëria e qytetarëve duhet të ishte një arsye që qeveria të largohej, ndërsa paralajmëroi se protestuesit do të vijojnë të kërkojnë largimin e saj. #voxnews #media #news

2446 views

Ka përfunduar takimi i zhvilluar te Vila e Kuqe, ku kryeministri Edi Rama u ka dhënë detyra drejtuesve dhe deputetëve socialistë për tw zbritur në terren. Rama u ka kërkuar socialistëve që të dalin sa më shumë në terren dhe të jenë pranë qytetarëve, duke mbledhur problematikat dhe shqetësimet e tyre. Drejtuesit politikë, së bashku me strukturat e PS-së në qarqe, deputetët dhe kryetarët e bashkive, do të përgatisin një plan për takimet me qytetarët dhe mbledhjen e problematikave. Më pas, shqetësimet do të ndahen sipas fushave dhe do t’u përcillen ministrave përkatës. Për ndjekjen e zgjidhjes së tyre, do të delegohet edhe një zëvendësministër. Rama u ka kërkuar gjithashtu socialistëve që takimet me qytetarët të mos bëhen domosdoshmërisht me kamera, duke i lënë fokusin komunikimit të drejtpërdrejtë me ta. Ndërkohë, ende nuk ka një datë të përcaktuar për mbledhjen e Asamblesë së Partisë Socialiste. Ditën e nesërme, kryeministri Rama pritet të zhvillojë një takim me drejtuesit politikë dhe deputetët e Tiranës, në periferi të kryeqytetit. #voxnews #media #news @voxnews.al

5673 views

Familja e Gentian Manatit, që humbi 3 fëmijët gjatë një zjarri që shkrumboi banesën e tyre në Florida të SHBA është nga qyteti i Lushnjës. Ata jetonin në lagjen “18 Tetori” dhe kishin mbërritur përtej Atlantikut përmes llotarisë amerikane. Fillimisht ishin larguar bashkëshortët, dhe më pas atyre iu ishin bashkuar edhe prindërit e Gentianit, Njazi dhe Alia. Në Lushnjë jetojnë dy motrat e Gentian Manatit, të cilat kanë arritur të sigurojnë vizat dhe të udhëtojnë drejt SHBA mëngjesin e sotëm, për t’iu gjendur pranë familjes së vëllait në këto momente të vështira. Lajmi për humbjen e jetës së tre të miturve ka lënë të shokuar edhe fqinjët. Ata shprehen për Report TV se janë të tronditur. “Nuk ka fatkeqësi më të madhe në jetë, të rritësh tre fëmijë me sakrificë”, thotë një fqinje. “U tronditëm kur e morëm vesh”, tha një tjetër. Tre fëmijët e familjes Manati, humbën jetën në një zjarr që përfshiu banesën e tyre dy katëshe në Jacksonville të Floridës në SHBA, mëngjesin e 26 gushtit. Kur ekipet e emergjencës mbërritën në banesë në orët e para të mëngjesit të së mërkurës, gjetën tre fëmijët pa shenja jete, ndërsa dy të rritur dhe dy fëmijë kishin arritur të dilnin nga ndërtesa. Autoritetet ende nuk kanë bërë të ditur shkakun e zjarrit dhe hetimet vijojnë. Për të lehtësuar kushtet financiare të familjes Manati, një kushërirë e tyre ka nisur një fushatë GoFundMe që ka për qëllim mbulimin e shpenzimeve të funeralit për 3 të vegjlit dhe trajtimin mjekësor të të lënduarve që ndodhen në spital. #voxnews #media #news

35 views

Dita 90/ Nis marshimi i qytetarëve nga sheshi “Skënderbej” drejt Kryeministrisë #voxnews #media #news #edirama #saliberisha

22 views

Një skemë e dyshuar mashtrimi ndaj familjeve të prekura nga tërmeti i vitit 2019 në Fushë-Krujë është zbuluar nga Sektori për Hetimin e Krimit Ekonomik dhe Financiar në Policinë e Tiranës, ndërsa një 45-vjeçare ka përfunduar në pranga. Bëhet fjalë për Ina Cakajn, e cila dyshohet se kishte ngritur një skemë për përfitim parash, duke u prezantuar si punonjëse e administratës shtetërore. Sipas hetimeve, ajo u premtonte familjeve të dëmtuara nga tërmeti se do të ndërhynte për t’u siguruar dëmshpërblime apo banesa të reja, kundrejt pagesave që shkonin nga 1 mijë deri në 10 mijë euro. Deri në këtë fazë të hetimit dyshohet se janë mashtruar rreth 30 persona, ndërsa dëmi financiar llogaritet në afro 60 milionë lekë të vjetra. Dyshohet se viktimat i besonin 45-vjeçares për shkak të pretendimit se kishte lidhje dhe ndikim në institucionet shtetërore dhe mund të ndërhynte për përfitimin e kompensimeve pas tërmetit. Gjatë kontrolleve dhe veprimeve hetimore, policia ka sekuestruar edhe dokumente dhe certifikata familjare në emër të personave të dyshuar të dëmtuar, të cilat po verifikohen për mënyrën se si janë përdorur. Ndaj Ina Cakajt rëndojnë akuzat për “Mashtrimi”, “Falsifikimi i dokumenteve” dhe “Përvetësimi i titullit apo detyrës shtetërore”. Por hetimi nuk është mbyllur me arrestimin e 45-vjeçares. Autoritetet po verifikojnë rastet e tjera të denoncuara dhe nëse në këtë skemë kanë qenë të përfshirë edhe persona të tjerë. #voxnews #media #news @voxnews.al

1661 views

13% e personave që synojnë të blejnë një banesë planifikojnë të zhvendosen në zona me më pak se 10 mijë banorë. Mes tyre mbizotërojnë të rinjtë rreth 35 vjeç, me të ardhura mesatare, të cilët po i shohin zonat rurale të Spanjës si një rrugëdalje nga një treg banesash që është bërë i papërballueshëm. Spanja po përballet prej vitesh me një krizë strehimi që sa vjen e thellohet dhe që tashmë po ndryshon mënyrën se si të rinjtë mendojnë për të ardhmen e tyre. Për shumicën e personave nën 40 vjeç, blerja e një apartamenti në Madrid, Barcelonë apo Malaga është bërë thuajse e pamundur. As qiraja nuk ofron më një alternativë të përballueshme. Të rinjtë që largohen nga shtëpia e prindërve për të jetuar më vete shpenzojnë mesatarisht 98.7% të pagës për strehimin. Pasojat janë të dukshme. Vetëm 14.5% e të rinjve të moshës 16-29 vjeç kanë arritur të jetojnë të pavarur nga familja, ndërsa mosha mesatare e largimit nga shtëpia e prindërve është rritur në 30 vjeç, kundrejt 26 vjeç në Bashkimin Europian. Sipas Institutit Kombëtar të Statistikave të Spanjës (INE), në vitin 2025, 44.3% e personave të moshës 26-34 vjeç vazhdonin të jetonin në shtëpinë e familjes. Brezi i mëparshëm mund të blinte një apartament, një makinë dhe në disa raste edhe një shtëpi të dytë me një pagë mesatare. Për shumë të rinj sot, kjo është kthyer në një perspektivë pothuajse të paarritshme. Mungesa e banesave dhe kërkesa e lartë kanë shtyrë më tej çmimet. Sipas Bankinter, çmimet e shitjes janë rritur me 14.7% gjatë vitit të fundit, ndërsa qiratë me 10.9%. Në të njëjtën kohë, pagat e personave nën 35 vjeç kanë shënuar shumë pak rritje në terma realë. Presionit financiar i shtohet edhe cilësia e jetës në qytetet e mëdha, ku dendësia e lartë e popullsisë, ndotja dhe ritmi i jetesës po i shtyjnë disa të rinj të kërkojnë alternativa më të qeta dhe më të përballueshme. Për këtë arsye, gjithnjë e më shumë prej tyre po shohin drejt fshatrave dhe qytezave që kanë humbur banorë gjatë dekadave të fundit, ku blerja e një shtëpie nuk është kthyer ende në një luks të paarritshëm. Fshati po kthehet në alternativë Në Spanjë ka qenë prej kohësh traditë që familjet të kthehen në fshat gjatë verës. Shumë fëmijë kishin një fshat ku shkonin për pushime dhe ata që nuk e kishin, shpesh udhëtonin me miqtë drejt vendlindjeve të gjyshërve të tyre. Për ta, fshati lidhej me ditët larg rrëmujës së qytetit, me notin në lumë, lojërat dhe kohën e kaluar me kushërinjtë. Ata fëmijë janë sot të rritur dhe po përballen me një realitet ku blerja e një banese në një qytet të madh kërkon një përpjekje financiare gjithnjë e më të madhe. Si rrjedhojë, po shfaqet një lëvizje në drejtim të kundërt me atë të prindërve dhe gjyshërve të tyre: të rinjtë po kthejnë sytë nga bashkitë e vogla, ku një shtëpi mund të blihet ende me një çmim të përballueshëm. Një pjesë e brezit që normalisht do të ishte në fazën e blerjes së apartamentit të parë në qytet po kërkon tashmë mundësi të tjera. Sipas një studimi të Fotocasa Research, të zhvilluar në gjysmën e parë të vitit 2026, 13% e personave që kërkojnë një banesë në Spanjë planifikojnë të zhvendosen gjatë muajve të ardhshëm në një bashki me më pak se 10 mijë banorë. Nuk bëhet fjalë kryesisht për pensionistë në kërkim të qetësisë, por për njerëz të rinj dhe në moshë aktive pune. Profili që del nga studimi është i qartë: personat që po përballen me kostot gjithnjë e më të larta të strehimit janë mesatarisht 35 vjeç, kanë të ardhura mujore nga 1,000 deri në 3,000 euro dhe, në shumë raste, vazhdojnë të jetojnë me prindërit. Pjesa më e madhe vjen nga Katalonja (22%), Andaluzia (19%) dhe Madridi (18%). Por një element tjetër është edhe më domethënës: shumica nuk jeton aktualisht në kryeqytetet më të mëdha. Rreth 44% banojnë në bashki me më shumë se 50 mijë banorë që nuk janë kryeqendra provincash. Pra, shumë prej tyre tashmë janë larg qyteteve më të mëdha dhe tani janë të gatshëm të bëjnë një hap tjetër drejt zonave më të vogla. #voxnews #media #news

3 views

Shteti shqiptar vijon të shpenzojë miliona euro pa asnjë garë dhe në mënyrë tepër të paracaktuar për operimin e dy karakatinave të vendosura në zonën e Triportit në Vlorë, të emërtuara Tec Lundrues, të cilat erdhën disa vite më parë dhe që kanë kushtuar një mal me para’. Brenda një kohe të shkurtër, Korporata Elektroenergjitike Shqiptare ka hapur disa tendera me vlerë dhjetëra miliona euro për mirëmbajtje dhe për transportin e lëndës djegëse, teksa mënyra e bërjes së letrave është shumë e dyshimtë. Vox News paralajmëroi disa javë më parë se drejtoresha e re e KESH-it, Viola Haxhiademi, do t’i jepte pa asnjë garë kompanisë Petrolofera një shumë mbi 5 milionë euro, me të famshëm procedurë “negocim”. Nuk bëhet fjalë për një tender të mirëfilltë, por për aftësitë e Violës për të negociuar me firmat që operojnë në treg, duke u çuar ftesë për ofertë dhe më pas të tentonte që të ulte vlerën e tenderit. Shifrat e kanë tradhtuar rëndshëm Violën, aq sa ulja e vlerës ka qenë tepër minimale, shumë e papërfillshme. Fondi limit i procedurës ka qenë 493.960.000 lekë. Vlera e ofruar nga kompania fituese ishte 493.699.040 lekë, ose 99.95 % e fondit limit. Në këtë procedurë Viola ka mundur që të ulë shifrën për vetëm 260.960 lekë të rinj. Kaq aftësi të ketë, sa të bëjë negocim duke i dhënë të gjithë shumën e akorduar? Procedura duket kryekëput në favor të Petroliferës, e cila brenda një kohe të shkurtër, që nga momenti që karakatinat e ndryshkura u vendosën në atë vend, ka marrë dhjetëra miliona euro. Tenderi ka një objekt të kontratës “depozitim dhe ngarkim shkarkim i lëndës djegëse për TEC Lundrues, Vlorë” me një kohëzgjatje 19 muaj, teksa çuditërisht kriter ishte “oferta ekonomikisht më e favorshme bazuar në çmim”. “LA PETROLIFERA ITALO ALBANESE” ofroi 5,297,200 euro. Disa javë më parë, redaksia e Vox News, publikoi një investigim me titull “Viola Haxhiademi e KESH i jep pa garë 5.4 milionë euro Petroliferës për lëndën djegëse për “Tigrat” në Vlorë”. “Viola Haxhiademi vetëm me një të rënë të lapsit mund t’i japë kompanisë Petrolifera një shumë prej 5.4 milionë euro. Nuk bëhet fjalë për një tender të ri, por një negocim mes Violës dhe drejtuesve të kompanisë private”, denonconte redaksia jonë. Në të njëjtin dokument shkruhej se tipi i procedurës ishte “me negocim, pa njoftim”, çka do të thotë se Viola Haxhiademi do të negocinte me firma private për këtë punë, pa bërë një garë qoftë formale, por të jetë e shkruar në letra. “Në dokumente nuk specifikohet se me cilën firmë ka negociuar Viola, ndërkohë që të gjitha indiciet të çojnë te Petrolifera, e cila ka fituar në vitin 2023 tenderin me të njëjtin objekt, me vlerë 7.2 mln euro. Edhe në atë kohë, procedura u bë me negocim të drejtpërdrejtë”, vijonte investigimi, ku disa javë më pas Viola firmosi njoftimin e fituesit. #voxnews #media #news

10 views

Ndërmarrja e Ujësjellës-Kanalizimeve të Tiranës ka njoftuar se për shkak të një defekti të rëndë në linjën e transmetimit DN 1100mm çelik, që furnizon depot perëndimore të qytetit të Tiranës, do të ketë ndërprerje të përkohshme të furnizimit me ujë. Zonat që preken janë: Selitë; Kodra e Diellit; Astir; Yzberisht; Pallatet Çabej; Kodër Kamëz; Fusha Misto Mame; “Ekipet e UKT janë në terren dhe po punojnë për riparimin e defektit”, tha UKT. #voxnews #media #news @voxnews.al

1717 views

Një përplasje e ashpër ka ndodhur në ditën e 89-të të protestës në Tiranë. Në videot e siguruara nga Top Channel, i pranishëm në konflikt ishte anëtari i PD, Sali Lushaj, babai i këngëtarit Arkimed Lushaj, i njohur si Stresi. Sali Lushaj që ka qenë edhe truprojë i Sali Berishës, së bashku disa anëtarë të tjerë të Partisë Demokratike po bënin foto gjatë protestës me simbolin e PD, dy gishtat, duke tërhequr vëmendjen e protestuesve të tjerë. Këta të fundit shkuan për t’i larguar nga aty, gjë që solli përplasje. Në pamje shihet dhe momenti kur Lushaj përplaset fizikisht me Dritan Goxhajn, një nga nismëtarët e protestës, duke sjellë akoma dhe më shumë tension. #voxnews #media #news #stresi

10 views

Vladimir Putin "nuk do të sulmojë vendet e NATO-s". Presidenti amerikan Donald Trump e tha këtë ndërsa fliste në Zyrën Ovale. "Pata një bisedë të mirë me të", u tha presidenti amerikan gazetarëve. Edhe në një intervistë telefonike për Axios, Trump tha se nuk është i shqetësuar se Rusia do të sulmojë vendet e NATO-s. Udhëheqësit europianë janë shqetësuar jashtëzakonisht shumë dhe kanë paralajmëruar publikisht se Moska mund të vërë në provë vendosmërinë e NATO-s – dhe angazhimin e Trump ndaj Nenit 5, klauzolës së mbrojtjes kolektive të aleancës – përmes një sulmi të kufizuar ose provokimeve të tjera ushtarake. Drejtori i CIA-s, John Ratcliffe, bëri një udhëtim të fshehtë në Moskë të martën dhe u takua me homologun e tij rus, Sergey Naryshkin. Disa media raportuan se vizita ishte një përpjekje për të paralajmëruar Moskën që të mos sulmonte një vend të NATO-s. Por Trump i kundërshtoi këto raportime, duke i thënë Axios se Ratcliffe nuk dha asnjë paralajmërim të tillë. “Nuk jam i shqetësuar… fare. Nuk ka problem”, tha Trump kur u pyet për një provokim të mundshëm rus kundër vendeve të NATO-s. Presidenti e quajti udhëtimin e Ratcliffe “biznes standard” dhe shprehu habi për raportimet e medias për të. “Ratcliffe takon homologun e tij rus një herë në gjashtë muaj ose një herë në vit. Ata kanë një marrëdhënie shumë të mirë. Nuk kishte asnjë mesazh dhe nuk kishte asgjë të pazakontë”, tha Trump. Duke folur me gazetarët dy orë më vonë, Trump u pyet përsëri nëse SHBA-të i dhanë një paralajmërim Presidentit rus Vladimir Putin në lidhje me sulmet e mundshme ndaj vendeve të NATO-s. Trump tha se nuk donte të komentonte, por shtoi: “Ata nuk do të sulmojnë territorin e NATO-s”. Naryshkin, drejtori i shërbimit të inteligjencës së jashtme ruse, konfirmoi të enjten se u takua me Ratcliffe gjatë vizitës së tij në Moskë. Ai tha se bisedimet ishin “një pjesë e rregullt e punës së tyre” dhe se “nuk kishte asgjë të jashtëzakonshme”. Naryshkin tha se diskutoi “çështje të inteligjencës” me Ratcliffe. Në javët e fundit, dronët rusë që hynë në hapësirën ajrore të disa anëtarëve të NATO-s, përfshirë Rumaninë dhe Poloninë, u rrëzuan. Të enjten, Ministria e Jashtme Ruse tha se Mbretëria e Bashkuar dhe Franca “po luajnë me zjarrin” duke furnizuar teknologji që i mundëson Ukrainës të kryejë sulme me rreze të gjatë veprimi thellë brenda Rusisë. Një zëdhënës i Ministrisë së Jashtme ruse kërcënoi të sulmojë objektiva ushtarake britanike brenda dhe jashtë Ukrainës në shenjë hakmarrjeje për ndihmën ushtarake të Mbretërisë së Bashkuar për Ukrainën. #voxnews #media #news

11 views

Qytetarët nisin marshimin pas fjalimeve nga Bulevardi “Dëshmorët e Kombit” në rrugët e Tiranës #voxnews #media #news #edirama

3 views

Një 12-vjeçar ka humbur jetën mbrëmjen e sotme në një aksident të rëndë të ndodhur në aksin rrugor që lidh Fishtën me superstradën Lezhë–Shkodër. I mituri po lëvizte me një monopatinë kur është përplasur nga një automjet tip “Audi”. Pas përplasjes, automjeti “Audi” ka dalë nga rruga dhe ka përfunduar në kanal. 12-vjeçari është transportuar me urgjencë drejt spitalit, por nuk ka mundur t’u mbijetojë plagëve dhe ka ndërruar jetë gjatë rrugës. Në vendngjarje kanë mbërritur shërbimet e Policisë, të cilat kanë nisur hetimet për zbardhjen e plotë të rrethanave dhe dinamikës së aksidentit. Drejtuesi i automjetit është shoqëruar nga policia, ndërsa hetimet vijojnë për të përcaktuar shkaqet e aksidentit. #voxnews #media #news @voxnews.al

6876 views

Dita e 89-të e protestës qytetare kundër qeverisë dhe kryeministrit Edi Rama #voxnews #media #news #edirama

9 views

Kryetari i Partisë Demokratike, Sali Berisha, i bëri thirrje anëtarëve të Këshillit Kombëtar që të gjithë demokratët të mbështesin protestat qytetare kundër Edi Ramës dhe qeverisë së tij. “Vera që po lëmë pas do hyjë në histori si vera që dogji Edi Ramën. Jemi në fund të muajit gusht. Po mbyllim verën më të nxehtë të viteve të fundit, një verë aq përvëluese që muaj pas muaji, javë pas jave, ditë pas dite ka shkrirë dhe po shkrin narko-shtetin, kreun e saj padrinon Edi Rama”, tha Berisha. #voxnews #media #news #edirama #saliberisha

5 views