Linku i GoFundMe: https://www.gofundme.com/f/solidarizim-per-familjen-e-altin-hiles? Një apel për ndihmë i është drejtuar qytetarëve shqiptarë pas arrestimit të Altin Hilës, i cili u ndalua nga policia gjatë protestës së zhvilluar para Kuvendit dhe vijon të mbahet në ambientet e Komisariatit nr. 3 në Tiranë. Altin Hila u bë i njohur gjatë javëve të fundit pasi mori pjesë për 32 ditë radhazi në protestat qytetare, shpeshherë i shoqëruar edhe nga djali i tij i paralizuar, për të cilin familjarët thonë se ka status invalidi. Pamjet e tij në protestë prekën shumë qytetarë, ndërsa arrestimi i tij ka sjellë reagime dhe solidaritet në rrjetet sociale. Për t'i ardhur në ndihmë familjes, të afërmit kanë hapur një fushatë GoFundMe, duke u bërë thirrje qytetarëve që të kontribuojnë sipas mundësive. Në apelin e publikuar thuhet: "Në shenjë solidarizimi për atdhedashësin tonë z. Altin Hila, që protestoi për 32 ditë me fëmijën e tij të paralizuar, po bëjmë këtë mbledhje fondesh për të lehtësuar sadopak situatën e tyre familjare." Sipas familjarëve, kush dëshiron të ndihmojë ose të marrë më shumë informacion mund të kontaktojë drejtpërdrejt bashkëshorten e Altin Hilës, Linditën, në numrin e telefonit të publikuar në faqen e fushatës. Ndërkohë, jashtë Komisariatit nr. 3 vijojnë të qëndrojnë prej orësh dhjetëra protestues, të cilët kërkojnë lirimin e të gjithë qytetarëve të ndaluar gjatë protestës së fundit para Kuvendit. JOQ Albania publikon këtë apel me shpresën që çdo qytetar që ka mundësi të japë kontributin e tij për të mbështetur këtë familje në një moment të vështirë.

2416 views

Pas përfundimit të protestës së 33-të përpara godinës së Kryeministrisë, mijëra protestues janë grumbulluar përpara Komisariatit nr. 3 në Tiranë, ku ndodhen disa prej personave të arrestuar gjatë përplasjeve me policinë të regjistruara më herët gjatë ditës. Në videon e mbërritur në redaksinë e JOQ Albania, protestuesit shihen të mbledhur jashtë ambienteve të komisariatit, ndërsa brohorasin "Lironi çunat!" dhe kërkojnë lirimin e menjëhershëm të të arrestuarve. Më herët, nga podiumi i protestës, organizatorët u bënë thirrje qytetarëve që të zhvendoseshin në mënyrë paqësore drejt Komisariatit nr. 3, duke deklaruar se nuk do t'i linin vetëm protestuesit e ndaluar. "Do të rrimë me çunat derisa ata të dalin. Lironi çunat!", ishte mesazhi i përcjellë nga organizatorët. Grumbullimi para komisariatit vjen pas tensioneve të regjistruara gjatë protestës së zhvilluar në qendër të Tiranës, ku pati përplasje mes protestuesve dhe forcave të policisë, përdorim të gazit lotsjellës, autobotëve me ujë dhe disa arrestime. Edhe pse protesta para Kryeministrisë ka përfunduar, qytetarët kanë vijuar qëndrimin e tyre përpara Komisariatit nr. 3, duke kërkuar lirimin e të arrestuarve dhe duke deklaruar se nuk do të largohen derisa bashkëprotestuesit e tyre të dalin të lirë. Protesta qytetare ka hyrë tashmë në ditën e 33-të radhazi, ndërsa organizatorët kanë bërë të ditur se tubimet do të vijojnë edhe në ditët në vijim.

22.2K views

Një kërkesë e veçantë ka mbërritur në redaksinë e JOQ Albania nga një i ri nga Laçi, i cili shpreson që me ndihmën e qytetarëve të gjejë një vajzë që e takoi rastësisht në furgonin e linjës Laç–Tiranë. Ai tregon se gjithçka nisi krejt rastësisht, kur u ulën pranë njëri-tjetrit gjatë udhëtimit dhe nisën të bisedonin. Edhe pse nuk njiheshin më parë, ai thotë se pati ndjesinë sikur e njihte prej kohësh. Në atë periudhë, ai po ndiqte një kurs privat për shef kuzhine, ndërsa vajza po përfundonte studimet bachelor për Administrim Biznesi. Të dy u prezantuan dhe zbuluan se emrat e tyre fillonin me të njëjtën shkronjë, "E". Pas rreth një jave, fati i bëri të takoheshin sërish në të njëjtin furgon. Biseduan më gjatë, u njohën më mirë dhe, sipas djalit, ajo i la përshtypje për thjeshtësinë dhe çiltërsinë e saj, cilësi që, siç shprehet ai, janë të rralla në ditët e sotme. Ata u ndanë me premtimin se do të takoheshin përsëri, por që prej 20 prillit ai nuk e ka parë më. Pavarësisht përpjekjeve për ta gjetur, nuk ka mundur të bjerë më në gjurmët e saj. Përmes JOQ Albania, ai dëshiron t'i përcjellë këtë mesazh: "Nëse e lexon këtë, dua të të them se më ke mbetur në mendje dhe do të doja të të njihja më tepër. Ndjej sikur historia jonë mbeti përgjysmë. Besoj te rastësitë dhe mendoj se nuk ishte pa arsye që u takuam dy herë. Nuk dua ta humbas këtë mundësi pa të parë edhe një herë, qoftë edhe për herë të fundit." Nëse vajza e njeh veten në këtë histori, ose nëse dikush ka informacion që mund t'i ndihmojë të lidhen sërish, mund të kontaktojë redaksinë e JOQ Albania. Ndoshta kjo histori nuk e ka thënë ende fjalën e fundit. Shënim: Imazhi i përdorur në artikull është ilustrues dhe i gjeneruar me AI.

22.5K views

Një ndërhyrje e forcave "Shqiponja" është regjistruar mbrëmjen e sotme në ambientet e një lokali të njohur në qendër të Tiranës. Pamjet e mbërritura në redaksinë e JOQ Albania tregojnë efektivët e policisë duke hyrë në lokal dhe duke shoqëruar një person, identiteti dhe statusi i të cilit nuk dihen ende. Sipas qytetarëve që kanë dërguar videon, në momentin e ndërhyrjes në lokal ndodheshin familje me fëmijë dhe klientë të tjerë, të cilët u befasuan nga prania e forcave të policisë. "Ne ishim me fëmijët duke pirë kafe. Nuk e dinim çfarë po ndodhte. Pamë vetëm që policia hyri në lokal dhe shoqëroi një person", tregon një nga dëshmitarët. Deri në momentin e publikimit të këtij lajmi, nuk dihen arsyet e shoqërimit të personit, identiteti i tij apo nëse ndërhyrja lidhet me ndonjë operacion të veçantë. Po ashtu, Policia e Shtetit nuk ka publikuar ende një njoftim zyrtar mbi ngjarjen. JOQ Albania do ta përditësojë lajmin sapo të ketë një reagim zyrtar ose informacione të reja nga autoritetet.

49.9K views

Një incident shqetësues është regjistruar mbrëmjen e sotme në pedonalen e Korçës, ku një automjet ka hyrë në zonën e rezervuar për këmbësorët dhe është përplasur me një shtyllë. Pamjet e mbërritura në redaksinë e JOQ Albania tregojnë momentin kur mjeti futet në pedonale dhe përfundon duke goditur shtyllën. Sipas dëshmitarëve, pranë ndodheshin edhe fëmijë që po luanin, ndërsa ata shprehen se situata mund të kishte përfunduar në tragjedi nëse automjeti nuk do të ndalej nga përplasja. Qytetarët pretendojnë se drejtuesi i mjetit ishte në gjendje të dehur, ndërsa shtojnë se më pas në vendngjarje ka ndërhyrë një punonjës policie, i cili ka neutralizuar situatën dhe i ka marrë çelësat e automjetit. Deri në këto momente nuk ka një reagim zyrtar nga policia lidhur me rrethanat e incidentit. Banorët ngrenë gjithashtu shqetësimin për mungesën e pengesave fizike në hyrje të pedonales, duke theksuar se aty hyjnë shpesh automjete furnizimi dhe mjete të tjera, ndonëse zona është e destinuar vetëm për këmbësorë. Sipas tyre, rikthimi i barrierave do të shmangte incidente të tilla dhe do të rriste sigurinë, veçanërisht për fëmijët që frekuentojnë çdo ditë pedonalen.

105.1K views

Një denoncim ka mbërritur në redaksinë e JOQ Albania nga pronari i një biznesi në Ksamil, i cili pretendon se një turist i ka vjedhur një palë syze nga dyqani. Sipas qytetarit, momenti është regjistruar nga kamerat e sigurisë, ku, sipas tij, shihet turisti duke marrë sendin pa kryer pagesën dhe më pas largohet nga ambienti. Pronari i biznesit thotë se ka vendosur ta bëjë publik videon me qëllim që bizneset e tjera në zonë të tregojnë kujdes. "Na vodhi një palë syze. Dua që ta publikoni që të ruhen të gjithë, sepse me këto taktika vjedh edhe në vende të tjera," shprehet qytetari në mesazhin dërguar redaksisë. JOQ Albania publikon këtë denoncim në interes të informimit të publikut. Nëse personi i shfaqur në video ose autoritetet kanë një reagim apo version tjetër të ngjarjes, redaksia është e gatshme ta pasqyrojë atë.

30.1K views

Një i ri indonezian, pronar i një shtëpie, kishte rënë pre e vjedhjeve të shumta dhe kishte shkuar në polici për të bërë denoncim: por pa asnjë rezultat. Burri vendosi t'u ngrinte vetë një pritë dhe ta kapte përgjegjësin, kështu që kërkoi ndihmën e disa fqinjëve dhe u përgatiti një kurth. Kur erdhi nata e vonë, ai kapi katër persona që kishin hyrë në oborrin e shtëpisë së tij. Pastaj i lidhi me shirit ngjitës dhe i bëri të ngjanin si personazhet "Tinky Winky" të Teletubbies për t'u tallur me ta, duke publikuar videon e cila mori një reagim të madh dhe ngjalli debate mes atyre që e miratojnë gjestin e tij dhe atyre që e kritikojnë. Më pas, burri njoftoi policinë lokale dhe i dorëzoi.

30.8K views

Gjykata e Apelit ka lënë në fuqi vendimin e dhënë më herët nga Shkalla e Parë për Erjon Llapushin, i cili akuzohet për vrasjen e kamerierit Gazmend Kurmaku. Përmes këtij vendimi, Gjykata e Apelit ka rrëzuar përfundimisht ankimimin e bërë nga pala mbrojtëse e të pandehurit, duke konfirmuar masën e dënimit me 17 vite burgim dhe duke e bërë atë të formës së prerë për këtë shkallë gjykimi. Ngjarja e rëndë për të cilën u dënua 33-vjeçari Llapushi ka ndodhur më 2 tetor të vitit 2021, brenda ambienteve të një restoranti në qytetin e Elbasanit. Sipas dosjes hetimore të autoriteteve, pas një konflikti të çastit, Gazmend Kurmaku, i cili punonte si kamerier në atë biznes, mori plagë të rënda të cilat rezultuan fatale për jetën e tij. Me vendimin e fundit të trupës gjykuese të Apelit, Erjon Llapushi do të vuajë tashmë dënimin e plotë prej 17 vitesh heqje lirie për këtin krim.

20K views

Një baba, që kërkonte një të ardhme më të mirë për fëmijën e tij, e mbylli protestën i shtrirë në asfalt, i vendosur në tokë nga disa efektivë policie. Në fund të ditës, kush doli fitues nga kjo skenë?

641 views

Hetimi për kullën “Mali i Tiranës” nuk po fokusohet vetëm te origjina e miliona eurove të drogës që janë investuar në projekt, por edhe te marrëdhënia mes biznesmenëve Ilir Shtufi dhe Agim Zeqo, i njohur si Gim Red Bulli. Po rindërtohen hap pas hapi lidhjet financiare mes tyre, duke ngritur dyshime se ato mund të jenë pjesë e një skeme më të gjerë të pastrimit të parave. Në qendër të dosjes ndodhet kompania “Nova Construction 2012”, zhvilluesja zyrtare e kullës “Mali i Tiranës”. Sipas dokumenteve të cituara, Ilir Shtufi zotëron 91% të aksioneve, ndërsa Kujtim Shtufi 9%, duke e bërë Ilir Shtufin kontrolluesin kryesor të projektit. Emri i këtij të gundit lidhet me hetimin ndaj një grupi të strukturuar të trafikut ndërkombëtar të drogës, ku dyshohet se fondet kriminale janë investuar në sektorin e ndërtimit. Por ajo që ka tërhequr vëmendjen e hetuesve është mënyra se si Agim Zeqo shfaqet pranë projektit, edhe pse fillimisht nuk kishte asnjë rol zyrtar. Sipas investigimit, më 1 tetor 2022, ditën kur u prezantua projekti fitues i kullës, Zeqo ishte i pranishëm përkrah drejtuesve të Nova Construction, megjithëse nuk figuronte si ortak apo aksioner. Vetëm tre ditë më vonë, më 4 tetor 2022, ai firmosi një kontratë noteriale për blerjen e 20% të aksioneve të “Nova Solar System”, një kompani e lidhur me Nova Construction 2012, për 9 milionë lekë. Ky afrim në kohë mes shpalljes së projektit dhe hyrjes së Zeqos në strukturën e kompanive është një nga elementët që po verifikohet. Një tjetër pikë kyçe e hetimit është pagesa e taksës së ndikimit në infrastrukturë. Sipas dokumenteve të publikuara, rreth 2.3 milionë euro nuk janë paguar nga kompania që zotëronte lejen e ndërtimit, por nga vetë Agim Zeqo. Pse një biznesmen që nuk ishte zhvilluesi zyrtar i projektit pagoi një shumë kaq të madhe? Cili ishte burimi i këtyre 2.3 milionë eurove? A ishte kjo një marrëdhënie normale biznesi apo pjesë e një skeme financiare për qarkullimin e kapitalit? Dyshimet nuk ndalen vetëm te kjo pagesë.

11.8K views

Një pushues i cili ndodhet në një resort në Palasë ka hasur mbrëmjen e sotme në një kafshë të egër që thotë se është dhelpër. Ai ka treguar dhelpra e vogël i ka mbërritur te vila dhe ai ka nisur ta ushqejë me çfarë kishte në frigorifer. Pas kësaj kafsha me bishtin e hollë është larguar nga shkallët duke u futur në oborret e vilave të tjera. Nuk dihet saktësisht nëse kafsha është dhelpër apo qen por pushuesi ka mbetur i mahnitur nga ky moment dhe fakti se si ajo ka arritur të hyjë në resort.

32K views

Flisni pa doreza. Mos e mbani votën të fshehtë.

15.6K views

Një rast i rrezikshëm është regjistruar në rrugën Tiranë–Lezhë, ku një i ri që drejton një automjet tip Porsche kryen manovra të shumta të rrezikshme, duke vënë në rrezik jetën e tij dhe të drejtuesve të tjerë. Në pamjet e publikuara në rrjetin social TikTok mund të shihni se si drejtuesi i automjetit parakalon me shpejtësi disa mjete njëra pas tjetrës në korsinë e tij, duke shkelur rregullat e qarkullimit dhe duke krijuar situata potencialisht aksidentale. Këto manovra ai i kryen duke u futur në korsinë e kundërt për një segment të konsiderueshëm rruge. E sikur të mos mjaftonte kjo manovrat e tij i shoqëron me shpejtësi të lartë dhe lëvizje mes automjeteve të tjera, duke rritur ndjeshëm rrezikun për përfshirje në aksident. Sjellja e tillë në rrugë konsiderohet shkelje e rëndë e rregullave të qarkullimit rrugor dhe rrezik serioz për sigurinë publike prandaj autoritetet përkatëse duhet të marrin masa të menjëhershme ndaj rasteve të tilla që sa vijnë e shtohen.

11.4K views

Një qytetar ka ngritur shqetësimin për një rast që ka rrezikuar sigurinë e pasagjerëve në autobusin e linjës Llixhë–Elbasan. Sipas denoncimit të dërguar në redaksi, autobusi mund të shihet duke qarkulluar në një pjesë të rrugës me derën e hapur, ndërsa shoferi, sipas qytetarit, drejtonte mjetin duke pirë cigare. Qytetari kërkon ndërhyrjen e autoriteteve për verifikimin e rastit dhe marrjen e masave, me qëllim garantimin e sigurisë së udhëtarëve.

44K views

Populli nuk i harron traditat!

42.5K views

Ka nisur si çdo ditë protesta e 32-të në kryeqytet, ku qytetarët dhe organizatorët vijojnë të mbajnë si kërkesë kryesore dorëheqjen e Kryeministrit Edi Rama. Protestuesit janë grumbulluar fillimisht në Sheshin “Skënderbej”, nga ku janë nisur në marshim për t’iu drejtuar godinës së Kryeministrisë, vend ku mbahen edhe fjalimet kryesore të lëvizjes. Kjo revoltë qytetare e ka zanafillën ekzaktesisht një muaj më parë, kur një incident në Zvërnec u kthye në shkëndijën që ndezi atë që organizatorët e quajtën asokohe “Revolucioni Flamingo”. Prej asaj dite, tubimet kanë qenë të pandërprera në rrugët e Tiranës. Kujtojmë se një ditë më parë, në ditën e 31-të të protestës, lëvizja mbylli muajin e saj të parë me tensione të larta. Gjatë tubimit pati një përplasje të fortë përpara Kuvendit, ku tensionet me Policinë e Shtetit degraduan deri në shoqërimin në komisariat të gjashtë protestuesve. Edhe pse me të shoqëruar dhe pas një muaji qëndrese, pjesëmarrësit janë rikthyer sërish në shesh, duke treguar se nuk kanë ndërmend të tërhiqen nga kërkesat e tyre fillestare.

15.6K views

Ndërsa jemi mësuar që çdo fund qershori rrjetet sociale të mbushen me video "tangerllëku" ku maturantët garojnë se kush ka marrë makinën më të shtrenjtë luksoze, me veshje mijëra eurosh e zhurmë të madhe rrugëve të qyteteve, ky imazh që po shihni tregon një realitet krejt tjetër nga Borizana. Mbrëmjen e 30 qershorit, këta të rinj kanë thyer çdo klishe të "shfaqjes" moderne, duke dhënë leksionin më të bukur të jetës. Sikurse shihet në foton e mposhtme, në vend të xhirove të gomave dhe garave boshe, këta djem të veshur shik kanë zgjedhur të dalin krenarë krah për krah me personat më të rëndësishëm të jetës së tyre: me nënat dhe gjyshet e tyre. Në sfond dallohen makinat, por vëmendja e djemve nuk ka qenë fare te luksi apo fasada. Shtrëngimi i duarve të grave që i rritën me sakrifica, me gjak e me djersë, vlen më shumë se çdo gjë tjetër. "Nuk ka luks, as 'Bentley' e as 'Ferrari' që blen dot sakrificën e një nëne apo rrudhat e duart e mbledhura të një gjysheje," – do të ishte komenti më i gjetur për këtë imazh që të ngroh zemrën. Në një kohë ku suksesi shpesh matet me dukjen dhe paranë, maturantët e Borizanës dëshmuan se maturia e vërtetë fillon atëherë kur vlerëson familjen. Pa komplekse dhe me ballin lart, ata treguan se kush janë VIP-at e vërtetë në jetën e tyre. Një mbyllje cikli fantastike dhe një nisje me këmbë të mbarë për këta të rinj. Një bravo e madhe shkon për ta dhe për prindërit e mrekullueshëm që i kanë edukuar me këto vlera kaq të larta!

91K views

Kur i leverdis, jeta private bëhet serial me episode të përditshme. Kur publiku jep mendim, fillon revolta. Një qytetare i ka dërguar JOQ Albania një denoncim ndaj tiktokerit Arnold Damazeti, duke pretenduar se pas një komenti ku e quajti “të papërgjegjshëm”, ai e kontaktoi me mesazhe fyese, kërcënime verbale dhe telefonata të njëpasnjëshme. Sipas saj, kritika lidhej me faktin se, në vend që të ishte pranë nënës së fëmijës së tij, ai ka zgjedhur ta trajtojë situatën në intervista dhe rrjete sociale. Ironia është se askush nuk ia hapi derën e shtëpisë për t’i parë hallet. Ishte vetë ai që vendosi t’i shndërrojë në përmbajtje publike. Një ditë deklaroi se do të bëhej baba, më pas se nuk e ndjente fëmijën si të tijin, më pas se nuk do të bënte test ADN-je dhe më pas vijoi me deklarata të tjera. Të gjitha këto janë bërë publike me zgjedhjen e tij. Ekspozimi i jetës private sjell në mënyrë të pashmangshme edhe reagimin e publikut. Nuk mund të kërkosh vëmendje vetëm kur të intereson dhe të refuzosh kritikat kur nuk të pëlqejnë. Nëse zgjedh ta bësh jetën tënde publike, duhet të pranosh edhe komentet dhe opinionet e të tjerëve. Nëse nuk dëshiron të komentohesh, mos e kthe jetën private në përmbajtje për rrjetet sociale.

40.4K views

Një tjetër denoncim i fortë ka mbërritur në redaksinë e JOQ Albania, ku një qytetar ngre alarmin për sjelljen, sipas tij, skandaloze dhe agresive të një kontrollori të autobusëve urbanë në Tiranë, konkretisht linja Stacioni i Trenit. Sipas dëshmisë së tij, punonjësi jo vetëm që ka fyer dhe ofenduar disa gra pasagjere, por më pas është hedhur edhe në sulm ndaj një të riu që guxoi t'i kërkonte të ruante etikën. Sipas denoncuesit, kontrollori u drejtohej grave me tone fyese dhe arrogante, duke u thënë "shkoni në Bashki gjeni zgjidhje", ndërsa situata u tensionua edhe më shumë kur një djalë rreth 25 vjeç ndërhyri për t'i kërkuar thjesht të mos u fliste në atë mënyrë. Por në vend të kërkonte qetësi apo të sillej si një punonjës shërbimi publik, kontrollori, sipas qytetarit, iu vërsul të riut në mënyrë agresive, duke shkaktuar frikë dhe panik mes pasagjerëve. Një skenë që, sipas denoncuesit, nuk është aspak e pazakontë për këtë person. Qytetari pretendon se i njëjti kontrollor "ka lënë nam" me sjelljen e tij dhe se shumë pasagjerë e njohin për mënyrën arrogante dhe konfliktuale me të cilën sillet gjatë kontrolleve. Qytetarët kërkojnë reagim të menjëhershëm nga institucionet përgjegjëse dhe verifikimin e këtij rasti. Sipas tyre, është e papranueshme që persona të ngarkuar me një shërbim publik të sillen me kërcënime, fyerje dhe agresivitet ndaj pasagjerëve, ndërsa presin që Autoriteti i Transportit Urban dhe Bashkia e Tiranës të marrin masa nëse pretendimet rezultojnë të vërteta.

33.5K views

Ndërsa qeveria vazhdon të promovojë “investimet strategjike” si motor zhvillimi për vendin, vendimet e fundit po ngrenë pikëpyetje të forta mbi mënyrën se si administrohet pasuria publike dhe kush janë përfituesit realë të saj. Në mbledhjen e 30 qershorit, Këshilli i Ministrave vendosi të transferojë 88.5 hektarë tokë shtetërore në Vlorë në Fondin e Pasurive të Paluajtshme për Mbështetjen e Investimeve Strategjike, për t’ia vënë më pas në dispozicion subjektit investues RAMS Albania sh.p.k., në kuadër të projektit strategjik “Vlora TEDA/RAMS Free Zone”. Vendimi bazohet në vendimin e Komitetit të Investimeve Strategjike të 11 shkurtit 2026, ndërsa për zbatimin e tij janë ngarkuar Ministria e Ekonomisë dhe Inovacionit, AIDA dhe Agjencia Shtetërore e Kadastrës. Por kjo nuk është e vetmja hallkë e historisë. Dokumentet dhe njoftimet publike tregojnë se prej 14 marsit 2025, aktori turk Burak Özçivit, i njohur nga publiku shqiptar si “Osmani”, është bërë zyrtarisht partner dhe ambasador i RAMS Global. Vetë kompania e ka prezantuar si pjesë të familjes së saj, duke e lidhur emrin e aktorit me projekte si Pavilion by RAMS në Erbil dhe RAMS Beyond Almaty në Kazakistan. Pak muaj më vonë, Burak Özçivit vizitoi Vlorën dhe u prit nga autoritetet lokale. Sot, pas vendimit për transferimin e 88.5 hektarëve tokë shtetërore kompanisë me të cilën bashkëpunon, lind natyrshëm pyetja: ishte kjo vetëm një vizitë promovuese apo pjesë e një strategjie më të gjerë biznesi? Ndërkohë, qeveria vazhdon ta justifikojë çdo transferim të pronave publike me termin “investim strategjik”. Por për shumë qytetarë, panorama duket gjithnjë e më e njohur: prona shtetërore kalon në dispozicion të korporatave, ndërsa publiku informohet vetëm pasi vendimet janë marrë. Kur bëhet fjalë për dhjetëra hektarë tokë publike, transparenca nuk duhet të jetë luks. Shqiptarët kanë të drejtë të dinë jo vetëm kush investon, por edhe çfarë jep shteti, çfarë përfiton realisht vendi dhe pse prona publike po kalon gjithnjë e më shpesh në duart e kompanive private nën etiketën “investim strategjik”.

38K views