Banorët e zonës historike të Durrësit dolën sërish në protestë përpara Bashkisë së qytetit, duke kundërshtuar vlerën e shpronësimeve që parashikohen në kuadër të projektit “TID Durrës”. Duke i kërkuar kryebashkiakes Sako të japë dorëheqjen, banorët kërkuan ndërprerjen e menjëhershme të procedurave që prekin 74 familje, duke e cilësuar projektin si të padrejtë dhe me elementë korrupsioni. Gjatë tubimit në sheshin qendror, protestuesit akuzuan deputetët socialistë që kanë mbështetur projektin, duke theksuar se asnjë prej tyre nuk ka zhvilluar takime me familjet që rrezikojnë të humbasin banesat dhe bizneset. Banorët shprehën indinjatën për mungesën e dialogut dhe transparencës nga institucionet. Në të njëjtën kohë, qytetarë të tjerë durrsakë firmosën një peticion në mbështetje të familjeve të prekura, duke kundërshtuar shpronësimet me vlera që i konsiderojnë shumë të ulëta. Protestat, që vijojnë prej më shumë se një muaji, synojnë pezullimin e projektit “TID Durrës” dhe rishikimin e vendimeve që prekin zonën historike të qytetit. Projekti TID synon të ndryshojë qendrën historike të qytetit.

4994 views

Një incident është raportuar gjatë protestës së banorëve në Rrjoll të Velipojës kundër ndërtimit të një resorti “Blue-Borgo” të Bashkim Ulajt që po ndërtohet në tokën e banorëve të zonës. Sipas pamjeve dhe dëshmive të shpërndara në rrjetet sociale, një person me veshje civile është parë duke bërtitur dhe duke ushtruar dhunë fizike ndaj protestuesve. Qytetarët pretendojnë se personi në fjalë është identifikuar si Armand Muça. Armand Muça ka shërbyer më herët si pjesë e stafit të sigurisë së kryeministrit Edi Rama, çka ilustrohet edhe nga fotografi të publikuara online. Pamjet e shpërndara kanë nxitur reagime të shumta, ndërsa protestuesit kërkojnë sqarime për praninë dhe veprimet e tij gjatë protestës, duke theksuar se ai nuk mbante asnjë shenjë identifikuese zyrtare. Muça është përmendur edhe më parë në situata tensioni me qytetarë, veçanërisht pas emërimit të tij si shef i Rendit në Elbasan. Banorë të zonave të ndryshme, përfshirë Labinot-Fushën dhe Bradasheshin, kanë deklaruar se ai ka qenë i përfshirë në përplasje fizike gjatë protestave, duke e përshkruar si agresiv. Deri më tani, nuk ka një reagim zyrtar nga institucionet për këto pretendime.

778 views

Personat në foto janë Arti Kola, 48 vjeç, (kryefamiljar) bashkëshortja e tij Jonida Kola, 42 vjeçe, dhe dy fëmijët e tyre, Hajdar Kola, 23 vjeç, dhe Xhesika Kola, 15 vjeçe. Katër anëtarët e familjes shqiptare humbën jetën mbrëmjen e kaluar në qytetin e Lucca-s, në Itali, si pasojë e asfiksimit nga gazi brenda banesës së tyre, në një ngjarje që ka tronditur komunitetin shqiptar dhe opinionin publik. Sipas mediave italiane, familja sapo kishte shtruar darkën kur dyshohet se një sasi gazi ka rrjedhur nga kaldaja e ngrohjes, duke shkaktuar helmimin fatal. Alarmin e ka dhënë vëllai i Arti Kolës, i cili pasi nuk mori përgjigje pas disa trokitjesh në derë, njoftoi karabinierët. Ata hynë me forcë në banesën trekatëshe dhe u përballën me skenën dramatike, ku katër trupat e pajetë ndodheshin përtokë. Si pasojë e ekspozimit ndaj gazit, edhe xhaxhai i fëmijëve humbi ndjenjat dhe u transportua me urgjencë në spital. Mësohet se Arti Kola punonte në një fabrikë, bashkëshortja e tij ishte shtëpiake, ndërsa djali i madh ishte elektricist dhe vajza studente. Banesa ishte blerë rreth tre vite më parë dhe ishte restauruar pjesërisht nga vetë kryefamiljari. Prokuroria italiane ka urdhëruar sekuestrimin e shtëpisë, ndërsa autoritetet, në bashkëpunim me zjarrfikësit, po hetojnë nëse kaldaja ishte e regjistruar, e instaluar sipas rregullave dhe e kontrolluar në mënyrë periodike.

5637 views

Pasi protestuan për 3 ditë në Rrjoll të Velipojës, banorët janë paraqitur sërish në dyert e SPAK, duke kërkuar ndalimin e punimeve për ndërtimin e resortit luksoz “Blue-Borgo”. Ata pretendojnë se ky investim po realizohet në tokat e tyre të trashëguara dhe se dokumentet e pronësisë janë falsifikuar, ndaj kërkojnë hetim të menjëhershëm dhe ndërprerje të punimeve. Banorët kundërshtojnë projektin e biznesmenit Bashkim Ulaj, botues pranë familjes Berisha dhe vëllezërve të tij, Astrit dhe Ahmet Ulaj, duke e akuzuar se po ndërton në tokat e tyre të trashëguara. Kjo është hera e dytë që ata shkojnë në SPAK, pasi më 25 mars të vitit të kaluar depozituan një kallzim penal për firmën ndërtuese dhe për personat që dyshohet se kanë falsifikuar dokumentat e pronave në Baks-Rrjoll. Protestat e banorëve kanë sjellë tensione me policinë, ku një i moshuar protestues humbi ndjenjat gjatë përplasjes, ndërsa efektivët nuk ndërhynë menjëherë për t’i dhënë ndihmën e parë. Resorti “Blue-Borgo” ka marrë statusin special si “investitor në strukturë akomoduese me 5 yje” më 31 dhjetor 2024 dhe parashikon ndërtimin e vilave dhe hoteleve luksoze në një sipërfaqe prej rreth 146 hektarësh në kufi mes Ranës së Hedhun dhe Baks-Rrjoll. Leja e ndërtimit u firmos më 15 janar 2025 nga Ministrja e Infrastrukturës dhe Energjisë, Belinda Balluku, por banorët akuzojnë se institucioni dhe privatët po përdorin dhunë për të shtypur kundërshtimin e tyre.

22K views

Arti Kola, 48 vjeç, Jonida Kola, 43 vjeçe, Hajdar Kola, 22 vjeç, dhe Xhesika Kola, 15 vjeçe, janë identifikuar si katër anëtarët e familjes shqiptare që humbën jetën në Itali si pasojë e rrjedhjes së monoksidit të karbonit në banesën e tyre. Emrat u bënë publikë nga Kryetari i komunës së Porcarit, Leonardo Fornaciari, i cili shprehu trishtimin e komunitetit dhe i bëri thirrje bashkësisë të qëndrojë pranë të afërmve në këtë moment zie. Ngjarja dyshohet të ketë ndodhur në orët e mbrëmjes, rreth kohës së darkës, ndërsa familja kishte bërë gati tryezën për të ngrënë pa e ditur se po përballej me një rrezik fatal. Alarmin e dha vëllai i kryefamiljarit, i cili, pasi nuk arriti të kontaktonte me ta, njoftoi karabinierët. Në mbërritje, policia u detyrua të hapë derën me forcë dhe gjeti katër anëtarët e familjes të pajetë në dysheme. Gjatë ndërhyrjes, një familjar tjetër humbi ndjenjat për shkak të ekspozimit ndaj monoksidit, por u shpëtua falë reagimit të shpejtë të karabinierëve dhe u dërgua me urgjencë në spitalin e Cisanellos, ku ndodhet nën kujdesin e mjekëve. Një ngjarje e rëndë që rikthen në vëmendje rrezikun e gazit të padukshëm dhe nevojën për masa parandaluese më të forta në banesa, veçanërisht për familjet që jetojnë larg vendit të origjinës dhe përballen me kushte të vështira.

111.2K views

Kryeministri Edi Rama ka zgjedhur Vatikanin si skenë për të kërkuar udhëzim në rrugën e së mirës, në një moment kur politikat e ndjekura prej vitesh në vend kanë lënë mjaft qytetarë duke u përpjekur të gjejnë vetë se ku ndodhet kjo rrugë. Lutjet marrin një peshë tjetër kur artikulohen nga një drejtues politik, politikat e të cilit prej vitesh janë në qendër të debateve për drejtësinë sociale, emigracionin masiv dhe mënyrën e qeverisjes. Në praktikë, “rruga e së mirës” është shoqëruar me koncesione pa garë, partneritete publike private të dyshimta dhe reforma që qytetarët i kanë ndjerë më shumë në xhep sesa në rritje të mirëqenies, socialistë që vjedhin taksat e popullit, rrugë të lëna rrugëve, familje me ekonomi të dobët. Ndërsa në fjalimet e tij Shqipëria paraqitet si prioritet absolut sa lutet dhe për të, Rama lutet dhe për ata që i largoi vetë nga Shqipëria. Dashuria për Shqipërinë shprehet bukur me fjalë, por matet realisht me vendime dhe për to, qytetarët vazhdojnë të presin që “rruga e së mirës” të mos mbetet vetëm një slogan. Kryeministër, politika matet me vendime konkrete dhe për to, as lutja më e sinqertë nuk mund të zëvendësojë përgjegjësinë përpara qytetarëve.

28.6K views

Një ngjarje tragjike ka ndodhur në Itali, ku katër anëtarë të një familjeje, që dyshohet se është me origjinë shqiptare, kanë humbur jetën si pasojë e helmimit me monoksid karboni. Tragjedia u shënua mbrëmjen e së mërkurës në Rughi, një qytet në provincën e Luccës, ku familja u gjet e pajetë brenda banesës së saj. Viktimat janë babai 48 vjeç, nëna 43 vjeçe dhe dy fëmijët e tyre, 22 dhe 15 vjeç. Sipas medias italiane Corriere della Sera, vëllai i 48-vjeçarit, i cili shkoi në shtëpi pasi nuk po merrte përgjigje nga familjarët, u transportua në gjendje kritike në spitalin Cisanello në Piza. Gjithashtu, dy efektivë policie që ndërhynë në vendngjarje u helmuan lehtë, por ndodhen jashtë rrezikut për jetën. Shërbimet e emergjencës, ambulancat dhe zjarrfikësit mbërritën menjëherë në vendngjarje, duke hyrë në banesë për të shpëtuar persona të mundshëm të mbijetuar. Autoritetet italiane kanë nisur hetimet për të zbardhur shkaqet e sakta të shpërthimit të monoksidit të karbonit, ndërsa ngjarja ka tronditur thellë komunitetin lokal.

18.8K views

Mirëmëngjes!

1747 views

Një fenomen i çuditshëm në inbox: një djalë që bën “bujari” me lekët e të fejuarës, duke i bërë dhurata një vajze tjetër. Vajza në foto, sapo e mori vesh, mori arushin dhe e hodhi në plehra. Karma apo minimumi që meritonte?

2821 views

Një zhvillim që la pa fjalë disa aktivistë LGBT: Jeffrey Epstein diskutoi me biologë amerikanë në vitin 2018 për shtyrjen e ideologjisë transgjinore te të miturit për “kastrimin”, vite përpara se transgjinorizmi të glorifikohej gjerësisht në media. —————— Është shumë e thjeshtë do të bëj dallimin mashkull-në-femër me femër-në-mashkull. Me kontroll më të madh molekular mbi zhvillimin, ne po bëhemi gjithnjë e më të aftë të prodhojmë fenotipe të reja burra më femërorë, duke bllokuar receptorët e testosteronit (ose kastrimin) dhe, në të njëjtën kohë, duke rritur prodhimin e estrogjenit e para bllokon tiparet mashkullore, e dyta inkurajon tiparet femërore. Gra më mashkullore dozë e rëndë testosteroni efekte të jashtme të pabesueshme, burra shumë me mjekër, nuk do ta merrje kurrë me mend se kishin një kockë femërore në trupin e tyre. Lloji i parë — mashkull → femër është 4 herë më i shpeshtë sesa femër → mashkull. I pari është tërheqës ai është një grua me një [censuruar], kështu që nëse fantazia jote është të [censuruar] një [censuruar] të një burri, përndryshe je plotësisht heteroseksual, do të ishte shumë më mirë nëse pjesa tjetër e organizmit është femër, atëherë merr më të mirën e të dy botëve. Shumë gra transseksuale janë shumë tërheqëse dhe fitojnë lehtësisht para, gjë që nga ana tjetër, sipas tyre, promovon prostitucionin e tyre pasi duhet të paguajnë tarifa të larta për injeksione çdo javë, por ato janë seksualisht të lumtura pasi të kesh arritur burrërinë, edhe kastrimi nuk e pengon ndjesinë e orgazmës. Në kontrast me versionet e varfra femër në mashkull, ato janë të palumtura dhe të vetmuara janë burra me [censuruar], më e keqja e të dy botëve. Nëse të pëlqejnë burrat mashkullorë me erë, ti do atë [censuruar] të fortë që vjen me shfaqjen nuk do një nga strukturat më komplekse dhe të ndryshueshme të natyrës, [censuruar] që është një shije e fituar dhe jo me nje burrë. Ka qindra video dhe faqe interneti të Trans femër; nuk kam parë kurrë një mashkull. Meqë ra fjala, tani po e shtyjmë ndërhyrjen më herët kështu që vëren se djali yt 3-vjeçar ka prirje trans, kështu që tani ndërhyn me hormone do të isha i frikësuar ta bëja këtë por kush e di?

4114 views

Sipas të dhënave të Eurostat, në janar 2025 Shqipëria kishte 405,832 të rinj të grup-moshës 15-29 vjeç, duke shënuar një tkurrje prej 18,300 brenda një viti ose -4.32%. Shpejtësia e zbrazjes së rinisë shqiptare është katër herë më e lartë se ajo e Serbisë, e cila regjistron një rënie prej -1.03%, ndërsa vende si Sllovakia, Austria dhe Turqia kanë tkurrje minimale nën 1%. Në krahasim, Spanja ka rritje +2.76%, Bullgaria +1.98% dhe Rumania +1.97% të grup-moshës 15-29 vjeç. Gjermania dhe Italia, destinacionet kryesore të emigracionit shqiptar, shënojnë rritje përkatësisht +0.50% dhe +0.72% në popullsinë e re, duke përfituar nga humbja e rinisë shqiptare. Ndërkohë, vende si Zvicra, Islanda dhe shtetet e Bashkimit Europian po stabilizojnë ose rrisin numrin e të rinjve të tyre, ndërsa Shqipëria po përjeton një tkurrje të thellë demografike. Rënia e 18,333 të rinjve brenda një viti tregon se Shqipëria humbet pothuajse një qytet të tërë të përbërë nga studentë dhe profesionistë të rinj çdo vit. Ky trend thekson nevojën urgjente për politika që mbajnë të rinjtë në vend dhe tregon pasojat e mundshme për sistemin e pensioneve dhe bizneset vendase, duke e bërë Shqipërinë vendin me plakjen më të shpejtë në Europë.

7058 views

Kryeministri Edi Rama ka sulmuar sërish kërkesat e Shoqatës së Gjyqtarëve për rritjen e pagave, duke i cilësuar si një “tymnajë populiste” dhe duke sulmuar publikisht gjyqtarët. Ai i ka quajtur të papranueshme përpjekjet e tyre për të imponuar kërkesa ndaj Kuvendit dhe qeverisë, duke sugjeruar ironikisht që shoqata të regjistrohet si parti politike dhe të shpalosë platformën e saj. Ky ton përbën një goditje të hapur ndaj pavarësisë së gjyqësorit dhe duket se synon të frikësojë institucionin përmes presionit publik. Rama ka treguar një qasje autoritare dhe qendrim të ngurtë ndaj dialogut institucional, duke injoruar shqetësimet e gjyqtarëve për pavarësinë dhe integritetin e sistemit gjyqësor. Ky qëndrim rrezikon të minojë besimin në drejtësi dhe tregon një tendencë për të centralizuar vendimmarrjen tek ekzekutivi. Reagimi i shoqatës së gjyqtarëve, e cila kërkon mbrojtje nga presioni dhe linçimi publik, tregon nevojën për respektim të pavarësisë së pushtetit gjyqësor. Qasja e Ramës ka ngritur kritika nga ekspertët dhe vëzhguesit e sistemit të drejtësisë, të cilët paralajmërojnë se intimidimi i gjyqtarëve mund të çojë në politizim të drejtësisë dhe dobësim të kontrollit mbi ekzekutivin.

6738 views

Dy shtetas shqiptarë, Denis Puka, 28 vjeç, dhe Erisjan Laska, 29 vjeç, janë dënuar secili me nga 56 muaj burg nga Gjykata e Kurorës në Chester, pasi u shpallën fajtorë për shtatë akuza të komplotit për vjedhje me thyerje. Ata vepruan së bashku me një person të tretë ende të paidentifikuar dhe kryen grabitje gjatë tre netëve radhazi në qershor të vitit të kaluar. Mes pronave të shënjestruara ishte edhe shtëpia e ish-futbollistit të Aston Villa dhe Birmingham City, Scott Hogan, aktualisht sulmues i Milton Keynes Dons. Gjyqtari Steven Everett, Honorary Recorder of Chester, e cilësoi aktivitetin e tyre si “të sofistikuar dhe të planifikuar mirë”, duke theksuar se të pandehurit kishin rezervuar një dhomë Airbnb në Warrington, të cilën e përdornin si bazë operative, ndërsa udhëtonin nga zona të tjera për të kryer grabitjet. Ata përdorën një automjet Seat Leon të sjellë nga Sheffield, të pajisur me tre targa të falsifikuara, si dhe maska, mjete pune dhe radio komunikimi. Grabitjet u kryen kryesisht në Cheshire, duke përfshirë zona si Blackpool, Grappenhall, Knutsford, Northwich dhe Warrington. Në një nga rastet, ata arritën të vidhnin një orë Breitling dhe një Rolex me vlerë totale rreth 9 mijë paund, ndërsa në disa grabitje të tjera u larguan pa marrë asgjë pasi u diktuan. Shtëpia e Scott Hogan në Northwich u sulmua më 7 qershor rreth orës 23:30, ndërsa futbollisti ndodhej brenda me bashkëshorten e tij, atëkohë shtatzënë, dhe vajzën e vogël. Hogan u zgjua nga drita e elektrikëve që ndriçonte në dritaren e dhomës së gjumit dhe pa tre persona në oborr, duke u përpjekur t’i ndiqte, por ata u larguan. Në deklaratën e tij personale, Hogan tha se ngjarja i kishte shkaktuar shumë net pa gjumë, stres dhe ankth familjes së tij. Të pandehurit u arrestuan më shumë se një javë më vonë, pasi policia gjeti makinën Seat Leon në një kompleks banimi në Warrington, me telefona celularë, veshje, mjete pune dhe targat e rreme brenda. Laska, i cili ka një aplikim në pritje pranë Home Office dhe është i martuar me një shtetase britanike, si dhe Puka, i cili gëzon leje qëndrimi të përhershme në Britani, e pranuan fajësinë në një seancë të mëparshme dëgjimore.

26.8K views

Një qytetare i është drejtuar redaksisë së JOQ Albania për të denoncuar një rast vjedhjeje të ndodhur në një dyqan lulesh në Tiranë. Sipas denoncueses, një grua që shihet në pamjet e kamerave të sigurisë dyshohet se ka marrë para nga sirtari i arkës, duke u shtirur sikur po shikonte lulet. Në video, gruaja shfaqet duke bërë sikur po nuhat lulet me dorën e djathtë, ndërsa me dorën e majtë, sipas denoncueses, e fut në sirtar dhe merr paratë. Denoncuesja thotë se shuma e marrë është rreth 100 mijë lekë të vjetra (ose 100 euro), dhe i bën thirrje gruas që t’i kthejë menjëherë mbrapsht, në të kundërt rasti do të ndiqet në polici. Ngjarja, sipas qytetares, ka ndodhur pranë stacionit të fundit të Tiranës së Re, në kryqëzimin në Selitë, te “dyqani i dytë i luleve”, zonë ku ka edhe biznese të tjera, ndaj ajo shprehet e shqetësuar se mund t’u ndodhë edhe të tjerëve. Mesazhi i qytetares për JOQ: “Dua të bëj një denoncim nga një biznes lulesh. Gruaja në video ka vjedhur 100 mijë lekë ose 100 euro. Duke gënjyer e shfaqur interes për lulet, shihet se ka ulur dorën dhe ka kapur lekët. Ju lutem postojeni, pasi kalon shpesh afër zonës së dyqanit. Mund t’i ndodhë edhe ndonjë biznesi tjetër.”

36.1K views

Mediat ndërkombëtare kanë raportuar se Saif al-Islam Gaddafi, i biri i ish-udhëheqësit të Libisë, është ekzekutuar në një atentat pranë qytetit Zintan, në perëndim të vendit. Sipas raportimeve, ai dyshohet se është sulmuar nga katër persona të armatosur, të cilët e kanë vrarë në banesën e tij. Deri tani nuk ka detaje të plota dhe as identiteti i autorëve nuk është bërë i ditur. Vdekja e tij u konfirmua publikisht edhe nga Abdullah Othman, këshilltari i tij politik, i cili bëri një postim të shkurtër në Facebook, pa dhënë rrethana të mëtejshme. Ndërkohë, avokati i tij francez Marcel Ceccaldi i tha AFP se ende nuk dihet kush fshihet pas vrasjes, por shtoi se kishte marrë sinjale se “kishte probleme me sigurinë” e Saif al-Islamit rreth 10 ditë më parë. Ekipi i tij politik ka publikuar gjithashtu një deklaratë zie, duke njoftuar se po bëhen përgatitje për marrjen e trupit. Saif al-Islam, 53-vjeç, dikur shihej si pasues i mundshëm i të atit, Muammar Gaddafi, i cili sundoi Libinë për 42 vite dhe u rrëzua e u vra gjatë kryengritjes së vitit 2011.

11.8K views

Një operacion hetimor i Prokurorisë së Durrësit ka zbardhur mekanizmin e frikshëm se si dy kompani të njohura tentuan të eksportonin jashtë Shqipërisë një sasi prej 2800 ton mbetjesh të rrezikshme duke i maskuar ato si mallra të ligjshme industriale. Sipas dosjes hetimore, shoqëritë Kurum International dhe Sokolaj sh.p.k kanë bashkëpunuar për të fshehur natyrën helmuese të ngarkesës që ishte nisur drejt Azisë përmes anijes Moliva. Skandali u zbulua pasi analizat laboratorike të kryera në Itali nga laboratorit i specializuar Advanced Analytical Services konfirmuan se në 102 kontejnerët e bllokuar nuk gjendej oksid hekuri ashtu siç ishte deklaruar në dokumente por mbetje me rrezikshmëri të lartë mjedisore. Rezultatet e laboratorit italian ishin dërrmuese pasi mostrat e marra direkt nga kontejnerët dhe nga mjediset e kompanisë Kurum treguan prani tejet të lartë të metaleve të rënda si zinku, hekuri, plumbi, bakri dhe squfuri. Ekspertët kimikë-mjedisorë arritën në përfundimin se ky material përfaqëson atë që njihet teknikisht si pluhuri i furrës elektrike të çelikut i cili mban kodin specifik 10 02 07* që e klasifikon ligjërisht si mbetje të rrezikshme sipas direktivave të Bashkimit Evropian. Ky pluhur është produkt i proceseve teknologjike të shkrirjes së çelikut dhe kërkon protokolle strikte trajtimi të cilat subjektet në fjalë tentuan t'i anashkalonin tërësisht. Hetimi ka dokumentuar një skemë të mirëfilltë falsifikimi të faturave tatimore për të manipuluar llojin e mallit. Dokumentet tregojnë se kompania Kurum kishte lëshuar fillimisht fatura me përshkrimin oksid zinku por më pas këto fatura janë korrigjuar me qëllim që malli të paraqitej si oksid hekuri për t'iu përshtatur kontratës së lidhur me shoqërinë Sokolaj. Prokuroria thekson se të dyja palët ishin në dijeni të plotë të rrezikshmërisë së mbetjeve dhe kanë kryer veprime konkrete për të fshehur ekzistencën e faturave origjinale duke paraqitur fatura korigjuese me qëllim eksportimin e tyre jashtë vendit duke shkelur çdo detyrim ligjor shqiptar dhe ndërkombëtar. Në qendër të kësaj marrëveshjeje rezulton edhe kompania ndërmjetëse GS Mineral D.o.o me bazë në Kroaci e cila drejtohet nga Gjoni Sokolaj djali i Gjovana Sokolajt që administron subjektin shqiptar. Megjithëse provat shkencore dhe dokumentare vërtetojnë mashtrimin administratorët e përfshirë kanë mohuar akuzat gjatë marrjes në pyetje duke pretenduar se nuk kanë pasur kurrë qëllim eksportin e mbetjeve toksike. Ky skandal mbetet një nga rastet më të rënda të krimit mjedisor në vend pasi ekspozimi i këtyre mbetjeve ndaj mjedisit mund të kishte pasoja të pariparueshme për shëndetin publik dhe ekosistemin.

13.8K views

Ndërsa qeveria shqiptare e reklamon si një arritje teknologjike, ndërtimi i qendrës së parë të të dhënave (Datacenter) nga grupi izraelit ADC në zonën e Kasharit ngre pikëpyetje të forta mbi favorizimin e një subjekti privat dhe sigurinë e të dhënave shtetërore. Ky investim, që kap vlerën e 100 milionë eurove, duket se ka gjetur një "rrugë të hapur" në zyrat e administratës shqiptare, duke siguruar leje ndërtimi në një kohë rekord prej vetëm 60 ditësh. Investimi nuk po realizohet në një truall të blerë në tregun e lirë, por në 1.8 hektarë tokë shtetërore brenda zonës TEDA, me opsionin për t'u zgjeruar edhe më tej. Për më tepër, shteti shqiptar ka marrë përsipër barrën kryesore të infrastrukturës: OSHEE po ndërton një nënstacion të dedikuar dhe KESH do të furnizojë projektin me energji të gjelbër hidroelektrike. Ky angazhim masiv i burimeve publike për të lehtësuar një biznes privat ngre pyetje nëse kushte të tilla do t'u ofroheshin edhe investitorëve të tjerë, apo nëse bëhet fjalë për një trajtim preferencial të lidhur me marrëdhëniet diplomatike. Ndonëse flitet për një shifër prej 100 milionë eurosh, të dhënat tregojnë se kompania izraelite ADC ka siguruar 75% të kësaj shume përmes një kredie nga Banka Evropiane për Rindërtim dhe Zhvillim (BERZH). Kjo do të thotë se ekspozimi financiar i vetë aksionerëve izraelitë është i kufizuar, ndërkohë që garancitë e projektit mbështeten te kontratat e siguruara paraprakisht, përfshirë edhe ato me institucionet shtetërore shqiptare që pritet të jenë klientët kryesorë. Pika më delikate e këtij investigimi mbetet siguria kombëtare dhe sovraniteti digjital. Pas sulmeve kibernetike të vitit 2022, Shqipëria ka krijuar një varësi të fortë nga ekspertiza izraelite. Sot, një pjesë e të dhënave të qeverisë shqiptare (identiteti i institucionit mbetet sekret) pritet të ruhen në këtë qendër private në pronësi të huaj. Kush e kontrollon realisht aksesin fizik dhe digjital në këto servera? A është kjo një masë sigurie, apo një transferim i kontrollit të të dhënave te kompanitë private që kanë lidhje të ngushta me sektorin e mbrojtjes dhe inteligjencës në Izrael? Ky projekt nuk mund të shihet i shkëputur nga konteksti gjeopolitik. Kohët e fundit, Shqipëria ka rritur ndjeshëm blerjet e armatimeve nga Izraeli, përfshirë dronët dhe sistemet e artilerisë nga Elbit Systems. Ky "bum" investimesh lë të kuptohet se pas fasadës së teknologjisë, po zhvillohet një marrëdhënie komplekse ku shkëmbimet tregtare dhe dhënia e tokave shtetërore mund të jenë pjesë e marrëveshjeve më të gjera politike dhe ushtarake, larg transparencës që kërkon një shtet demokratik. Pyetje që kërkojnë përgjigje: Cila është vlera e qirasë apo koncesionit që izraelitët e ADC i paguajnë shtetit për tokën në një zonë strategjike si Kashari? Me çfarë çmimi do ta blejë kjo kompani energjinë nga KESH, në një kohë kur bizneset dhe familjet shqiptare përballen me çmime tregu? Cili institucion shtetëror do t'i besojë të dhënat e tij kësaj qendre dhe a ka pasur një garë të hapur për këtë shërbim?

42.8K views

Një mesazh i mbërritur në redaksinë tonë ka ngritur pikëpyetje mbi një aksion të mundshëm të forcave të rendit që po zhvillohet gjatë ditës së sotme në kryeqytet. Qytetarët kanë sinjalizuar praninë e uniformave blu pranë dy bizneseve që ushtrojnë aktivitetin në fushën e shërbimeve postare private, duke dërguar këtë mesazh: "Përshëndetje Joq, policia paska zbarkuar te postat. Te Posta Express 24 dhe Elite Posta." Ky denoncim vjen drejtpërdrejt nga dëshmitarët në terren të cilët kanë parë mjetet dhe efektivët e policisë të pozicionuar pranë zyrave të këtyre subjekteve. Deri në këto momente, ky informacion mbetet në nivelin e raportimit nga qytetarët, pasi autoritetet nuk kanë lëshuar ende një deklaratë për të sqaruar nëse bëhet fjalë për një kontroll të zakonshëm apo për një procedurë specifike administrative. Situata mbetet për t’u konfirmuar zyrtarisht, ndërkohë që vëmendja e kalimtarëve është tërhequr nga kjo lëvizje e papritur e forcave të rendit në këto pika shërbimi.

23.3K views

Kur Mel Gibson erdhi për herë të parë në Hollywood, ishte vetëm në të 20-at. Ai thotë se ndjente “dyshime paranojake” për atë që po ndodhte rreth tij, sepse kishte gjëra që nuk i kuptonte dhe askush nuk i shpjegonte. Në fillim mendonte se po e ekzagjeronte: si ato filmat ku një i huaj futet në një qytet të çuditshëm dhe të gjithë ndalojnë së foluri sapo ai hyn. Por më vonë, sipas tij, kuptoi diçka tronditëse: shumë nga “makthet” e tij ishin reale. Gibson e përshkruan Hollywood-in jo thjesht si industri filmi, por si një sistem që të korrupton dhe të thyen moralisht, nëse nuk ruan veten. Ai flet për “paganë të vegjël pa shpirt” që përpiqen të të rrëzojnë muret, të të shkatërrojnë parimet, të të detyrojnë të devijosh. Dhe pjesa më e fortë: ai thotë se këtu ekziston një “kontratë sociale” e pashkruar, nuk duhet të nxehesh, nuk duhet të reagosh, sepse nesër të duhet të bësh prapë biznes me të njëjtët njerëz. Sipas tij, është pothuajse e nënkuptuar që në një moment do të mashtrohesh ose do të dëmtohesh. Për të mbijetuar, Gibson thotë se duhet “rezistenca e buburrecit”, sepse ky vend “të ha të gjallë”. Sot, pas publikimit të dosjeve të reja që lidhen me Jeffrey Epstein dhe botën e errët të elitave, rrëfime si ky nuk duken më “teori të çmendura”. Ndoshta disa njerëz thjesht panë më herët atë që të tjerët s’deshën ta besonin.

54.7K views

Një ngjarje e pazakontë është regjistruar në Francë, ku një 24-vjeçar është paraqitur në urgjencën e spitalit Rangueil në Toulouse, duke u ankuar për dhimbje të forta. Sipas raportimeve në mediat e huaja, i riu u shpreh se kishte futur një objekt në rektumin e tij, pa treguar qartë se çfarë ishte. Mjekët nisën procedurën për ta nxjerrë, por gjatë ndërhyrjes zbuluan se bëhej fjalë për një predhë të Luftës së Parë Botërore, rreth 20 cm e gjatë dhe pak mbi 3 cm në diametër. Pasi u kuptua çfarë objekti ishte, ndërhyrja u ndal menjëherë, pasi stafi u frikësua se predha mund të ishte aktive dhe të shpërthente. Spitali njoftoi autoritetet dhe rreth orës 01:40 në vendngjarje mbërritën policia dhe skuadra e çaktivizimit të bombave, të cilët vendosën perimetër sigurie derisa u bë verifikimi. Kontrollet paraprake konfirmuan se predha ishte e vitit 1918 dhe nuk paraqiste rrezik, çka lejoi vijimin e ndërhyrjes mjekësore. Më pas, sipas medias lokale, u hapën edhe procedura për “mbajtje municioni të kategorisë A”, megjithatë prokuroria e Toulouse nuk do ta ndjekë çështjen pasi bëhet fjalë për municion të çmilitarizuar. Gjithsesi, 24-vjeçari pritet të merret në pyetje për të shpjeguar origjinën e predhës. Rasti nuk është i pari i këtij lloji: në vitin 2022, një 88-vjeçar në Toulon u paraqit në spital me një predhë të ngjashme, ndërsa në Britani në vitin 2021 u raportua një tjetër rast me predhë të Luftës së Dytë Botërore. *Fotoja e përdorur në artikull është ilustruese*

28.8K views