Ish-deputetja e Partisë së Lirisë, Monika Kryemadhi, u paraqit sot në ambientet e GJKKO-së në zbatim të masës së sigurisë “detyrim paraqitje”. Ajo u shfaq e buzëqeshur përpara mediave, duke shkëmbyer batuta me gazetarët dhe duke përshëndetur kamerat me dy gishta, simbol i Partisë Demokratike. Ndërkohë, SPAK ka marrë të pandehur Monika Kryemadhin dhe ish-presidentin Ilir Meta për akuzat e korrupsionit, pastrimit të parave dhe mosdeklarimit të pasurisë. Sipas hetimeve, dyshohet se ata kanë përdorur pushtetin e tyre ndër vite për të përfituar pasuri në mënyrë të paligjshme. Ilir Meta ndodhet në paraburgim që prej 21 tetorit të 2024, ndërsa ndaj Kryemadhit është vendosur masa e sigurisë “detyrim paraqitje”. Edhe pse tashmë të divorcuar ligjërisht, çifti akuzohet se ka bashkëpunuar në fshehjen e burimit të pasurive, duke përfshirë edhe anëtarë të familjes në skema të dyshuara financiare.
Mbledhja e sotme e Këshillit Bashkiak në Maliq është shoqëruar me debate dhe tensione, pasi fermerët e prekur nga përmbytjet e ndodhura në muajin nëntor kanë kërkuar llogari për mungesën e dëmshpërblimeve. Sipas tyre, dëmet në të mbjella janë të konsiderueshme dhe numri i fermerëve të prekur është i madh, ndërsa deri më tani nuk kanë marrë asnjë përgjigje konkrete nga institucionet. Fermerët i janë drejtuar drejtuesve të Bashkisë duke kërkuar shpjegime për vonesat, ndërsa një prej tyre, Julian Guri, ka bërë thirrje për rezistencë. “Asnjë nuk duhet të lëvizë nga këtu, ne duam përgjigje konkrete. Ku janë dëmshpërblimet?”, është shprehur ai, duke theksuar se dëmet janë verifikuar në terren, por pagesat mungojnë. Në shenjë proteste, fermerët kanë përplasur tavolinat dhe kanë brohoritur “Turp, turp!”, duke theksuar se nuk duan më premtime apo shpresa të kota. Ata paralajmërojnë vijimin e protestave nëse nuk marrin përgjigje të qarta, duke deklaruar se nuk do të largohen nga ambientet e mbledhjes pa u dhënë një zgjidhje konkrete për situatën.
Prej disa ditësh, bregdeti dhe Lungomarja e Vlorës janë shndërruar në një vendgrumbullim mbeturinash dhe leshterikësh, të cilat deti i ka nxjerrë në breg pas reshjeve të fundit. Në shëtitoren ku çdo ditë dalin për shëtitje qytetarët vlonjatë, por edhe qindra turistë, pamja dominohet nga mbeturinat dhe leshterikët e shpërndarë përgjatë vijës bregdetare. Turistët, të “mahnitur” nga ky realitet, shihen me celularë në duar duke dokumentuar ato që ironikisht po kthehen në “atraksionet” e reja të Vlorës. Ndërsa kjo situatë vijon pa zgjidhje, vëmendja e kryebashkiakes Bruna Mersini duket se është e fokusuar te riorganizimi i strukturave bashkiake, konkretisht bashkimi i Drejtorisë së Pastrimit me atë të Gjelbërimit në një të vetme dhe dyfishimi i ngarkesës së punës për punonjësit. Punëtorët e gjelbërimit protestuan sot përpara Bashkisë së Vlorës, duke kundërshtuar kontratat e reja të punës, të cilat sipas tyre i detyrojnë të kryejnë edhe punë pastrimi, përveç detyrave të tyre të mëparshme. Ata theksojnë se kontratat dhe kushtet e reja të punës nuk u janë prezantuar zyrtarisht dhe se janë vënë përballë ultimatumit: ose i pranojnë këto kushte, ose rrezikojnë largimin nga puna. Sipas punonjësve, kontratat e reja parashikojnë edhe gatishmëri 24-orëshe për situata të ndryshme, pa garanci të qarta për të drejtat dhe kushtet e punës, ndërsa problematika e pastrimit të qytetit vijon të mbetet e pazgjidhur.
Pas një kalvari procedurial dhe rikthimit për rigjykim, në shtator 2025 Gjykata e Tiranës refuzoi përfundimisht sekuestron, duke ia kthyer pasuritë të dyshuarve, ndërsa hetimi penal mbetet ende i hapur.
Lokali “O Gyros tou Asirmatou” në Greqi, ku në orët e para të mëngjesit të sotëm mbetën të plagosur babë e bir shqiptarë, 39-vjeçari Negri Sinovarfaj dhe babai i tij 70-vjeçar, rezulton i përfshirë në një dosje të rëndë kriminale të një operacioni të zhvilluar në dhjetor 2024, ku u arrestuan 24 persona, mes tyre 14 shqiptarë, të përfshirë në trafik ndërkombëtar droge dhe ngjarje të rënda kriminale. Sipas dosjes, lokali i tipit “Steakhouse” figuron zyrtarisht në pronësi të shoqërisë “K SALATI N SINOVARFAJ O.E.”, ndërsa pronar i fshehtë rezulton 34-vjeçari nga Vlora, Andon Salati, banues në Nea Smyrni të Athinës, i njohur edhe me pseudonimet “Sal”, “Salah” dhe “Toni”. Andon Salati, i arrestuar në kuadër të dosjes “SkyECC”, konsiderohet nga autoritetet greke dhe europiane si një nga krerët e një grupi kriminal në bashkëpunim me Denis Grabockën, duke përdorur platformat e kriptuara “Sky ECC” dhe “Encrochat”. Pjesë e këtij grupi ka qenë edhe Aleksandër Sadikaj nga Memaliaj, i ekzekutuar në Tiranë në vitin 2022 nga një eksploziv i vendosur në makinë. Grupi dyshohet për trafik marijuane dhe kokaine nga Spanja dhe Shqipëria drejt Greqisë. Salati është ndaluar në shkurt 2016 në Kakavijë me 148 mijë euro cash që tentonte t’i fuste në Shqipëri, ndërsa nga viti 2018 deri në 2020 ka qenë i burgosur në Koridhalo si drejtues i një grupi që shpërndante drogë në Athinë dhe Mykonos, duke vijuar aktivitetin kriminal edhe nga burgu përmes komunikimeve të kriptuara. Në mesazhet e zbardhura, Salati komunikonte nga burgu me Fotio Mplantoumi-Sioho, i burgosur në Francë, duke përshkruar kushtet luksoze në paraburgim, përdorimin e celularëve, televizorëve inteligjentë, routerëve të internetit dhe marrëdhëniet e ngushta me gardianë, përfshirë raste korrupsioni, përdorim droge dhe futje femrash në burg nga një “kryegardian”. Salati dhe Denis Grabocka rezultojnë gjithashtu pronarë të fshehtë të kompanisë së makinave me qira “CARENT” në Athinë, me 50 automjete dhe 18 motorë, të regjistruara në emra familjarësh, të përdorura nga anëtarë të organizatës për lëvizje dhe mbulim ligjor, si dhe të lidhura me kompaninë “I GO RENTAL”, e krijuar në vitin 2017 në Mykonos, kur Salati ishte ende aktiv para arrestimit të tij në vitin 2018.
Banorët e fshatit Rrashbull në Durrës kanë raportuar një situatë problematike pranë nënstacionit elektrik të zonës, duke shprehur shqetësim për mosreagimin e policisë në kohë. Qytetarët shprehen se nga një pusetë në mes të rrugës, sot po del naftë e cila po përhapet me shpejtësi kudo. Të shqetësuar për rrezikun që iu kanoset dhe ndotjen e rrugës, banorët kanë njoftuar policinë, por askush nuk është paraqitur deri tani për monitorimin e situatës apo larjen e rrugës. Banorët kërkojnë ndërhyrje të menjëhershme pasi nëse nafta vijon të rrjedhë në këtë mënyrë mund të bëhet shkak për ndonjë aksident të mundshëm rrugor. Denoncimi i qytetarit: "Pershendetje JOQ, rrjedh nafte gjithe andej, kemi njoftuar policine por nuk vjen. Ketu ne Rrushbull, Durres te nen stacjoni elektrike. Nafta del nga nje pusete, ka qe ne mengjes qe nga puseta buron nafte. Makinat mund te rreshqasin
Një atentat me armë zjarri ka ndodhur në orët e para të mëngjesit të sotëm (12 janar) në zonën Agiou Dimitriou në Athinë, ku kanë mbetur të plagosur dy shtetas shqiptarë. Ngjarja u regjistrua rreth orës 02:40, kur një person i armatosur hyri në lokalin “O gyros tou asyrmatou”, në rrugën “Politexniou 70”, dhe hapi zjarr. Nga të shtënat mbetën të plagosur pronari i lokalit, Negri Sinovarfaj, 39 vjeç, dhe babai i tij 70-vjeçar. Autori i qëlloi të dy në këmbë, duke i lënë të plagosur me nga një plumb secilin, dhe më pas u largua nga vendngjarja me automjet. Të plagosurit u transportuan në spitalin e Paleo Faliro-s, ku ndodhen jashtë rrezikut për jetën. Policia greke ka nisur hetimet për zbardhjen e rrethanave të atentatit, duke mos përjashtuar edhe pistën e rivalitetit mes tifozëve të futbollit, pasi Sinovarfaj raportohet të jetë pjesë e një grupimi të organizuar të tifozëve të ekipit A.E.K.
Blerina Bashës, nënës 33-vjeçare nga Durrësi, së cilës iu gjetën tre fëmijët e mitur të lënë vetëm në banesë në kushte të rënda higjieno-sanitare, pritet t’i hiqet kujdestaria. Shërbimi Social bënë me dije se fëmijët kishin rreth tre ditë pa ushqim dhe prej një muaji nuk kishin ndjekur shkollën, pasi ishin të infektuar me zgjebe, fakt për të cilin shkolla kishte dijeni. Ngjarja u denoncua nga ish-vjehrra e nënës, e cila njoftoi policinë se tre të miturit ishin braktisur në apartament. Policia shoqëroi nënën në komisariat dhe nisi procedim penal ndaj saj për veprën penale “Keqtrajtimi i të miturve”. Sipas burimeve, braktisja ka ardhur pas një konflikti mes nënës dhe gjyshes nga ana e babait, e cila kishte kërkuar t’i merrte fëmijët në kujdestari. Aktualisht, tre fëmijët ndodhen në spital së bashku me nënën, ku po marrin ndihmë mjekësore dhe janë nën vëzhgim. Pas ekzaminimeve, ata janë marrë në mbrojtje nga strukturat përkatëse të Shërbimit Social, ndërsa pritet që autoritetet të vendosin për masat e mëtejshme, përfshirë edhe heqjen përfundimtare të kujdestarisë nga nëna.
Në fshatin Rrajcë Bardhaj, Bashkia Përrenjas, prej tre ditësh mungon energjia elektrike pasi janë këputur telat e dritave. Pavarësisht situatës, banorët thonë se deri më tani nuk ka pasur asnjë ndërhyrje nga institucionet përgjegjëse dhe për këtë arsye janë ngritur vetë për të lidhur telat e energjisë. Mungesa e energjisë ka shkaktuar vështirësi të mëdha për banorët, veçanërisht për familjet me fëmijë dhe të moshuar, duke ndikuar në jetën e përditshme dhe në aktivitetet bazë. Banorët shprehen të revoltuar nga neglizhenca dhe kërkojnë një zgjidhje të menjëhershme nga autoritetet përkatëse për rikthimin e furnizimit me energji elektrike dhe garantimin e sigurisë në rrjet. Pasi në rast të ndonjë tragjedie të mundshme, ministren e Energjitikës, Belinda Balluku dhe vartësit e saj të OSHEE i pret burgu dhe s’ka mazhorancë që i shpëton. Denoncimi i qytetarit: Prsh JOQ do te lutesha ta publikoni pak ku ne fshatin RRAJC BARDHAJ BASHKIA PERRENJAS jan keputur telat e energjis dhe fshati ka tre dit pa drita dhe jan ngritur fshati vet per ti lidhur flm po e publikuat
Më 11 janar 2020, një qytetar bëri një thirrje përmes redaksisë së JOQ Albania, duke ftuar të gjithë shqiptarët të ngriheshin në këmbë dhe të bashkoheshin në protestë në orën 18:00 para Kryeministrisë. Protestës iu përgjigjën shumë qytetarë asokohe. Ndonëse jo në një numër të madh, në atë protestë e veçanta ishte se nuk kishte politikanë që e udhëhiqnin. Por pak para protestës, redaksia mori një mesazh nga një qytetar tjetër, Genci Islamaj, i cili bëri një deklaratë të fortë lidhur me një “projekt” mes PS dhe PD. Në denoncimin e bërë asokohe, ai bëri me dije se deputeti Agron Shehaj, asokohe i PD dhe Lali Eri po ndërtonin së bashku një pallat shumëkatësh në Bolzano të Italisë, dhe se vëllai i Shehajt po merrej me mbikëqyrjen e projektit. Mesazhi i qytetarit më 11 Janar 2020: “Që thoni ju JOQ dhe ju shqiptar të dashur, këta politika që bëjnë si kur nuk duan njeri tjetrin. Jam në dijeni nga një burim i sigurt për mua se deputeti i PD Agron Shehaj bashkë me Lali Lekun po ndërtojnë një pallat shumëkatësh në Bolzano të Italisë. Janë bashkëpronarë në investim dhe vëllai i Agronit merret me mbikëqyrjen. Nuk jam në Shqipëri se do vija në protestë me një këmbë, jo më të dyja. As më plas fare për anonim…” Këtë denoncim e rikujtojmë për të treguar një të vërtetë të hidhur, politika në Shqipëri shpesh duket sikur zihet para kamerave, por pas kuintave vazhdon të luajë lojën e vet, pazare, interesa personale dhe aleanca të fshehta që nuk kanë asnjë lidhje me hallet e qytetarëve.
Lura është mbuluar nga bora dhe banorët po përballen me vështirësi të mëdha, ndërsa ndihma institucionale mungon. Prej një jave, energjia elektrike fiket dhe ndizet vazhdimisht, duke lënë familjet në errësirë dhe të ftohtë. Kjo situatë po dëmton jetën e përditshme, ushqimet dhe pajisjet elektrike, ndërsa fëmijët, të moshuarit dhe familjet e tjera përballen me kushte të rënda dimërore pa asnjë mbështetje. Problemet nuk ndalen me energjinë elektrike. Qendra shëndetësore është e mbyllur, medikamentet bazë mungojnë dhe banorët janë të vetmuar, pa mjek dhe pa siguri për jetën e tyre. Lura e Dibrës, një zonë e izoluar dhe me kushte të vështira, po tregohet një shembull i qartë i neglizhencës së institucioneve, duke nxjerrë në pah mungesën e respektit dhe përgjegjësisë ndaj qytetarëve që jetojnë larg qendrave urbane. Denoncim: Lura e harruar nga shteti. Fshati im Lurë është mbuluar nga bora dhe prej ditësh askush nuk ka marrë masa serioze për situatën. Banorët po përballen me vështirësi të mëdha, ndërsa ndihma dhe vëmendja mungojnë. Prej një jave të tërë energjia elektrike fiket dhe ndizet vazhdimisht, duke na lënë në errësirë dhe të ftohtë. Kjo situatë po dëmton jetën e përditshme të familjeve, ushqimet, pajisjet elektrike dhe mbi të gjitha dinjitetin e njerëzve që jetojnë këtu. Fëmijë, të moshuar dhe familje të tëra po e vuajnë këtë neglizhencë. Në kushte dimri, energjia elektrike nuk është luks, por domosdoshmëri. Ku janë institucionet përgjegjëse? Ku është OSHEE-ja? Ku është bashkia? Lura nuk mund të trajtohet si zonë e dorës së fundit. Lura nuk kërkon shumë: kërkon respekt, përgjegjësi dhe shërbime bazë si çdo qytetar tjetër i këtij vendi.qendra shëndetësore është e mbyllur dhe mungojnë edhe medikamentet më bazë. Banorët janë lënë në mëshirë të fatit, pa mjek, pa ndihmë dhe pa siguri për jetën e tyre. Në një zonë të izoluar, ku kushtet janë të vështira, kjo neglizhencë është edhe më e rëndë. Ky është një dështim i hapur i institucioneve, që tregojnë se shëndeti i banorëve të Lurës nuk ka asnjë vlerë për ta.
Sot, qindra qytetarë që i janë drejtuar Parkut Kombëtar të Dajtit po përballen me trafik të rënduar e kilometrik në zonën e Farkës dhe Unazën e Madhe. Qytetarët raportojnë se rrugët janë bllokuar në të gjitha anët dhe kanë mbi 2 orë në trafik. Situata paraqitet problematike në zonën e Oxhakut, nga Paskuqani deri tek rrethi Shkozë-Fresk dhe rretherrotullimi i Teg-ut. Pavarësisht kësaj situate kaotike, qytetarët shprehen se policia nuk po ndërhyn për të menaxhuar qarkullimin dhe shmangur pritjet dhe konfuzionin. 1)Teleferiku ska drita. Qindra njerez presin ne stacion. Beme 1.5 ore ne trafik nga oxhaku. Asnje njoftim. Rruga e bllokuar komplet. Pse nuk e bllokoj polica rrugen te pakten mos ngjitren njerezit. Roja tha as policia nuk pergjigjet kaos total 2)Pershendetje! Nxirrni ndonje njoftim per trafikun per ne dajt te kthehen njerzit se po e prvojn te ikin por ka shku trafiku der ne fark ShkozFresk 3)Trafik nga Paskuqani deri tek rrethi shkozes 4)Bllokim si kurr me par ne unazen e madhe 45 minuta 5)Pershendetje JOQ, Ikem per tpa boren ngelem ne trafik si per te shku ne dajt si per te zbrit poshte as bor nuk pam asigjo 6)Me anë të këtij denoncimi dëshiroj të paraqes shqetësimin tim dhe të shumë banorëve të zonës lidhur me trafikun e rënduar që po përjetohet në Farkë të Madhe, veçanërisht në aksin rrugor në drejtim të Dajtit. Për këtë arsye, kërkojmë që të merren masa sa më të shpejta dhe konkrete për lehtësimin e trafikut, si rritja e pranisë së policisë rrugore, riorganizimi i qarkullimit, si dhe zgjidhje afatgjata infrastrukturore. Faeminderit!
Një qytetar nga zona e Lolajt, Peqin, ofron për shitje një urë metalike me konstruksion të fortë dhe shasi traileri, e përshtatshme për kalime automjetesh dhe përdorime industriale. Qytetari shprehet se ura ka gjatësi 12.40 metra dhe gjerësi 2.45 metra, duke garantuar stabilitet dhe siguri maksimale. Ai thotë se e ndërtuar me materiale cilësore dhe rezistente, ura është e gatshme për përdorim. për rrugë private, zona rurale, ferma, kantierë ndërtimi dhe projekte të ndryshme infrastrukturore. Qytetari fton të interesuarit të kontaktojnë për më shumë informacion dhe çmimin e negociueshëm. Mesazhi i qytetarit: Në shitje urë metalike – shasi trrali! Ofrohet për shitje urë metalike me konstruksion të fortë, e ndërtuar me shasi trrali, e përshtatshme për kalime automjetesh dhe përdorime industriale. Ura ka një gjatësi 12.40 metra dhe një gjerësi 2.45 metra, duke garantuar stabilitet dhe siguri maksimale. E ndërtuar me materiale cilësore, rezistente dhe e gatshme për përdorim. Zgjidhje ideale për rrugë private, zona rurale, ferma, kantierë apo projekte të ndryshme infrastrukturore. Për më shumë informacion dhe detaje, na kontaktoni.0682290355. Çmimi i diskutueshëm.ju mirepresim Une hapa rruge tjeter per tek shpia dhe skaloi me tek ura prandaj do e shes
Shqipëria ndodhet nën ujë, me shumë banorë të bllokuar në shtëpitë e tyre dhe fshatra të tëra të përmbytur pas reshjeve të dendura të shiut. Trashësia e ujit ka dëmtuar shtëpi, toka dhe rrugë, ndërsa qindra familje mbeten pa akses dhe pa mbrojtje ligjore, duke përjetuar humbje të mëdha materiale dhe pasigurisë për jetën e tyre. Shumë familje kërkojnë dëmshpërblim, po qeveria del vetëm me fjalime fasadë dhe foto artistike të bëra në terren sa për të shitur propagandë. Gjendja e emergjencës shpallet nga Këshilli i Ministrave kur situata kërcënon seriozisht jetën, pronat dhe popullsinë, si p.sh. kur niveli i ujërave arrin pika kritike, lumenjtë dalin jashtë shtratit, ose jeta dhe pasuritë e qytetarëve janë në rrezik të madh dhe kjo situatë është aktuale dhe prezente, me shumë familje të bllokuara dhe zona të përmbytura që kërkojnë ndërhyrje të menjëhershme nga shteti. Po pse nuk e shpall qeveria Rama IV gjendjen e emergjencës? Sepse sipas ligjit për emergjencat civile, shpallja e gjendjes së emergjencës detyron shtetin të kompensojë 100% të çdo dëmi që prek popullatën, pronat dhe gjënë e gjallë dhe për rrjedhojë kryeministri e ka më të thjeshtë të nxjerrë ministrat e tij në terren të bëjnë sikur po punojnë, se sa të shpallë gjendjen emergjente dhe të dëmshpërblejë popullin shqiptar pas përmbytjeve. Qytetarët vazhdojnë të mbeten të pambrojtur duke u përballur me dëme të mëdha, ndërsa Qeveria nuk ndërmerr asnjë hap për të shpallur emergjencën dhe për të ofruar dëmshpërblim. Kjo situatë nxjerr në pah mungesën e përgjegjshmërisë dhe shmangien e detyrimeve ligjore ndaj popullatës së prekur, duke e lënë popullin të përballet vetë me pasojat e fatkeqësisë.
Para tre ditësh, në Fllakë të Durrësit, Kolins, një 25-vjeçar nga Kenia, është aksidentuar nga një makinë teksa po kalonte rrugën për të shkuar në punë pasi kishte dalë nga një market. Aksidenti ndodhi rreth orës 18:00, teksa binte shi dhe që e aksidentoi e transportoi menjëherë në spital. Kolins ka pësuar fraktura në ballë dhe ka bërë ndërhyrje kirurgjikale në këmbë. Ai ka punuar më parë në një kompani ndërtimi dhe aktualisht punon në MCP, një kompani plastike në qytetin bregdetar. Para se të aksidentohej, Kolins kishte humbur telefonin dhe një çantë me pasaportën, lejen dhe sende personale të tjera në një taxi Blue Taxi. Ai kërkon ndihmën e shqiptarëve për të gjetur shokun e tij Kennedy dhe për të rikuperuar sendet e humbura në Blue Taxi. Kolins ndodhet aktualisht në pavijonin e ortopedisë në Spitalin e Durrësit. Kushdo që ka informacion mbi sendet e humbura të Kolins ose mund ta ndihmojë, mund të kontaktojë spitalin ose të njoftojë autoritetet përkatëse.
Në Pediatrinë e Shkodrës, shiu nuk ndalet te çatia, por vazhdon rrugën drejt korridoreve, sikur të ishte pjesë e protokollit zyrtar. Brenda spitalit, uji pikon lirshëm, duke treguar se infrastruktura është po aq e sëmurë sa pacientët që kërkojnë shërim aty. Zgjidhja institucionale për këtë situatë emergjente është një legen plastik, i vendosur me krenari në mes të korridorit. Një simbol i qartë i menaxhimit nga Ministria e Shëndetësisë. Investimet mungojnë, por improvizimi lulëzon. ‘Çdo gjë është e mundur derisa bëhet e pamundur’, kështu do thoshte ministrja Evis Sala në këto raste. Ndërsa fëmijët trajtohen mes lagështirës dhe kushteve të papërshtatshme, autoritetet zgjedhin të heshtin. Në një vend ku shëndeti i fëmijëve duhet të ishte prioritet absolut, pikat e shiut bëjnë më shumë zhurmë se çdo reagim zyrtar. Dhe kjo, fatkeqësisht, nuk është ironi, është realitet.
Kryeministri Edi Rama ka folur sërish lidhur me përmbytjet masive që kanë prekur vendin, duke i cilësuar si një fenomen natyror që ndodh kudo në botë, dhe fajëson ndryshimet klimatike, jo hidrovoret apo sistemet e kanalizimit që shpesh dështojnë. Edhe pse mijëra qytetarë ndodhen prej disa ditësh në ujë dhe shumë banesa dhe prona janë të përmbytura, në podkastin e tij “Flasim” Rama tha se shteti sipas tij është në gjendje t’i përballojë situatat emergjente dhe ndihet krenar, duke lënë të kuptohet se qytetarët mund të presin që të mbijetojnë vetë në kushtet katastrofike. Ai vazhdoi duke krahasuar situatën me vendet e tjera, duke përmendur Stambollin dhe fenomenet e jashtëzakonshme atmosferike, si për të justifikuar pasivitetin e qeverisë. Ndërkohë, qytetarët e përmbytur mbeten të pambrojtur, duke përjetuar dëmtime të pronave dhe humbje të mallit, ndërsa shteti i konsideron përpjekjet e tyre për mbijetesë si pjesë të kuadratit të ri të klimës. Mes kritikave, populli kërkon ndihmë reale dhe masa konkrete për të shpëtuar njerëzit dhe pasuritë, jo shpjegime të bukura për një krizë që ndodhi për shkak të infrastrukturës së papërgatitur dhe mosveprimit. “Nuk ka prekur vetëm vendin tonë, të paktën jo për arsyet që ziejnë tenxheret mediatike por një hartë të gjerë, deri në Stamboll ku kishte pamje apokaliptike. Një masë ajri e ftohtë nga veriu është përplasur me një valë të ngrohtë nga Mesdheu që ka sjellë këtë situatë. Ndryshimi klimatik nuk do të thotë vetëm verëra të nxehta, por edhe stinë të pa qendrueshme dhe mot këmbëngulës. Më shumë zjarre dhe përmbytje, është tashmë një kuadrat i ri i klimës ku jetojmë, por jam krenar që në çdo situatë emergjence jemi më të përgatitur falë investimeve të bëra”, është shprehur Rama.
Ditën e sotme pasagjerët e linjës ajrore Wizz Air që do fluturonin nga Tirana drejt Ancona-s janë përballur me një situatë kaotike për shkak të papërgjegjshmërisë së linjës në fjalë. Ata kanë treguar se WiZzAir ka prerë më shumë bileta se kapaciteti që ofron dhe për pasojë më shumë se 20 persona janë kthyer mbrapsht, ndërsa disa të tjerë kanë qëndruar të bllokuar në pritje. Pasagjerët thonë se kjo lloj situate është bërë rutinë nga WizzAir si gjatë periudhës së verës ashtu edhe gjatë dimrit. Ata shprehen të revoltuar, duke e quajtur kompaninë “hajdute të lekëve” për mënyrën se si menaxhon rezervimet dhe biletat, duke i lënë njerëzit të mbesin pa vend në avion edhe pse kanë paguar për to. Denoncimi i qytetarit: Ja cfare ben kompania wizzer marrin leket dhe pastaj i lejne njerezit ne kembe ska vende,hajdute lekesh te gjitheeeee. Sot po plaste grushti ne aeroport ca behet keshtu Kane prere biletat dhe kur shkuam te gate ska poltrone. Dhe kane kthyer mbrapshte me shume se 20 persona. Une u nisa por shume te tjere jo. Edhe na kane then qe ishte nje gje normale per ato. Se gjithe periudhen è Veres keshtu behej
Shkencëtarët ukrainas nga Baza Kërkimore Vernadsky në Antarktidë kanë publikuar pamje të rralla dhe mbresëlënëse të jetës nënujore të pinguinëve, të filmuara nga vetë një pinguin. Me ndihmën e një gjurmuesi GPS dhe një kamere të vogël të vendosur në shpinën e tij, studiuesit arritën të regjistrojnë në kohë reale mënyrën se si këta zogj zhyten, gjuajnë ushqim dhe lëvizin me shpejtësi në ujë, duke përdorur ajrin nën krahët për të rritur shtytjen hidrodinamike. Pamjet tregojnë gjithashtu teknikat e tyre për të rregulluar pendët gjatë notit, duke dhënë një këndvështrim unik mbi sjelljen natyrore të pinguinëve. Videoja është autentike dhe e pamodifikuar, duke ofruar të dhëna të vlefshme për studiuesit mbi mënyrën se si pinguinët ndërveprojnë me mjedisin e tyre. Projekti u realizua në bashkëpunim me Institutin Polar Norvegjez dhe ndihmon në verifikimin e të dhënave të mbledhura përmes GPS-it, duke i lejuar shkencëtarët të kuptojnë më mirë sjelljen e kafshëve dhe strategjitë e tyre për të mbijetuar në kushtet ekstreme të Antarktidës.
Astrit Hysenaj, 54 vjeç, u gjet i pajetë në një kanal kullues në zonën e ish-repartit ushtarak pranë Plepave, në ditën e tretë të përmbytjeve në Durrës, ndërsa familjarët i japin lamtumirën mes dyshimeve të forta se ai humbi jetën në krye të detyrës. Ndryshe nga deklarata e kryebashkiakes Emirjana Sako, e cila pretendon se në momentin fatal ai nuk ka qenë në punë, familja këmbëngul se Hysenaj kishte dalë si çdo ditë tjetër për të punuar, pavarësisht motit ekstrem dhe insistimit të tyre që të qëndronte në shtëpi. Sipas familjarëve, ekzistojnë pamje filmike që tregojnë momentet e fundit të 54-vjeçarit, teksa pastronte kanalet nga plehrat me ujin deri në gju. Kamerat e sigurisë e kanë fiksuar deri rreth orës 08:25–08:30, duke punuar pranë mbikalimit të këmbësorëve në aksin Plepa–Durrës, pak çaste përpara se të zhdukej. “Deri në momentin e fundit të jetës ka qenë në krye të detyrës”, thonë të afërmit, duke shtuar se rrjedha e ujit e ka marrë pikërisht nga zona ku u pa për herë të fundit dhe e ka nxjerrë trupin aty ku u gjet më vonë. Hysenaj la pas bashkëshorten e papunë, një djalë 21-vjeçar pa punë të qëndrueshme dhe nënën 85-vjeçare, ndërsa ishte i vetmi që siguronte të ardhura për familjen. Në xhepat e tij, në momentin e gjetjes së trupit, u gjetën vetëm 10 mijë lekë të vjetra. Familjarët i bëjnë apel institucioneve për ndihmë urgjente ekonomike ose një punë për djalin e tij, duke kërkuar njëkohësisht që të mos “hidhet baltë” mbi figurën e 54-vjeçarit dhe të pranohet se ai humbi jetën duke kryer detyrën.
Login
