Në filmin e Disney-t të vitit 1940, Pinokio, disa djem shkojnë në “Ishullin e Kënaqësisë”, ku u premtohet argëtim i pafund pa rregulla dhe pa prindër. Aty tymosin, pinë, luajnë bixhoz dhe bëjnë çfarë duan. Por ishulli është një kurth: djemtë shndërrohen në gomarë dhe shiten për punë të rëndë, ndërsa një burrë përfiton nga vuajtjet e tyre. Tema e filmit është humbja e pafajësisë dhe shfrytëzimi i të rinjve. Ishulli privat i Jeffrey Epstein-it, “Little Saint James”, përshkruhet si vend ku njerëzit e fuqishëm bënin festa me vajza të mitura, pa rregulla dhe me trafikim të fëmijëve. Paralelizmi është tronditës, tundimi, kurthi, shfrytëzimi i të rinjve dhe një person i fshehur që kontrollon gjithçka. Filmi erdhi shumë vite para se krimet e Epstein-it të bëheshin publike. A është rastësi? Apo thjesht tregonte një histori të ngjashme që njerëzit do ta pranonin më vonë? Kur një përrallë për fëmijë paralajmëron një ishull të rrezikshëm që shkatërron fëmijët… dhe jeta reale e kopjon atë, historia nuk është më thjesht një përrallë. This is a disclaimer for Instagram/Facebook. This publication is an informative report on real-life events. While the content may be considered sensitive by certain viewers, it is not intended to encourage, promote, or glorify harm in any form. As an independent media platform, we share this information solely for the purpose of transparency and public awareness.

9427 views

Një banor nga zona e Fushë-Krujës ka denoncuar gjendjen e rënduar të rrugës që të çon drejt fshatit Dritas, pas kalimit të urës së Tapizës. Sipas tij, segmenti rrugor është prej kohësh në gjendje të keqe, duke vështirësuar qarkullimin e automjeteve dhe lëvizjen e banorëve. Banori shprehet se ka bërë disa denoncime më herët, por pa asnjë reagim apo ndërhyrje nga institucionet përkatëse. Ai i bën thirrje autoriteteve të marrin masa sa më parë për riparimin e rrugës, pasi situata aktuale po kthehet në një problem serioz për komunitetin. “Përshëndetje JOQ, si jeni? Kam denoncuar shumë herë, por nuk ka asnjë rezultat. Rruga që të çon për fshatin Dritas, në zonën e Fushë Krujes, pas kalimit të urës së Tapizës, është në gjendje të keqe. Ju lutem, postojeni!”-shkruan banori.

12.9K views

Gjykata Kushtetuese rrëzoi kërkesën e kryeministrit Edi Rama për pezullimin nga detyra të Belinda Ballukut, duke lënë çështjen në duart e Kuvendit. Tashmë vendimi do të shqyrtohet nga Këshilli i Mandateve dhe Imuniteteve, ku pritet të diskutohet kërkesa e SPAK për heqjen e imunitetit dhe mundësinë e arrestimit të ministres. Këshilli i Mandateve ka zhvilluar vetëm një mbledhje më 19 dhjetor, pa marrë vendim, ndërsa një mbledhje tjetër më 28 janar u shty, pasi socialistët kërkuan të prisnin vendimin e Kushtetueses. Javën e ardhshme pritet që kryetari i Kuvendit, Niko Peleshi, të thërrasë një mbledhje të re për të diskutuar çështjen. Pas përfundimit të mbledhjes, Këshilli ka dy javë kohë për të përgatitur raportin dhe rekomandimin për heqjen ose jo të imunitetit të Ballukut. Tani mbetet për t’u parë nëse procedura do të ndjekë të njëjtin model si rasti i ish-ministrës Xhaçka, ku Kuvendi abstenuan në seancë për çështjen e mandatit.

5969 views

Shokët dhe miqtë e shkollës i dhanë lamtumirën Xhesika Kolës, 15-vjeçares me origjinë shqiptare, e cila humbi jetën së bashku me babanë Arti, nënën Jonida dhe vëllanë Hajdar, si pasojë e një rrjedhjeje monoksidi karboni mbrëmjen e së mërkurës. “Xhesika jeton përgjithmonë në zemrat tona! Na mungon tashmë. Ti shkëlqen dhe do të shkëlqesh”, u shprehën nxënësit e prekur nga kjo tragjedi. Xhesika ishte në vitin e tretë të shkollës së mesme në Camigliano, njësi e Capannorit, ndërsa drejtuesja e institucionit, Gloria Giuliani, i ka dërguar një letër gjithë komunitetit shkollor për të shprehur ngushëllimet e saj. Nxënësit, të mbështetur nga një psikologe e aktivizuar nga vetë shkolla, organizuan homazhe spontane për 15-vjeçaren, duke u mbledhur së bashku me prindërit për të nderuar kujtimin e saj. Ngjarja ka tronditur edhe familjen e gjerë. Durim Kola, vëllai i Artit, i cili hyri në shtëpi bashkë me karabinierët për të shpëtuar familjen, u shtrua në spital për thithje monoksidi dhe tani ndodhet jashtë rrezikut për jetën, por i tronditur thellësisht. Prokuroria e Luccas ka urdhëruar autopsinë e trupave, ndërsa banesa mbetet nën sekuestro, dhe hetimet teknike vazhdojnë për të përcaktuar shkakun e rrjedhjes së monoksidit, pa persona të regjistruar për momentin si të dyshuar.

3853 views

Një 11-vjeçar italian u bë protagonist i një historie që rrëmbeu zemrat e të gjithëve! Më 27 janar ai u detyrua të ecte 6 kilometra në borë dhe temperaturë të ulët, pasi shoferi i kërkoi biletën e rritur prej 10 eurosh ndërsa udhëtonte në Linjën 30 nga Cortina në Calalzo. Djali ishte i ftohtë dhe i lagur, por sot ka një fund të lumtur! Ai luajti një rol kryesor në ceremoninë e hapjes së Lojërave Olimpike Milano-Cortina, duke ngritur flamurin italian në stadiumin San Siro. Gjatë ceremonisë, 11-vjeçari qëndroi pranë sportistëve të famshëm të stafeta 4×10 të Torinos 2006, duke përshëndetur me buzëqeshje audiencën që ndiqte ngjarjen nga çdo cep i botës. Nëna e tij tha se djali ishte “shumë i lumtur” për ftesën dhe mundësinë të jetë pjesë e këtij momenti historik. Sipas mediave italiane, familja e djalit ka bërë paqe me shoferin e autobusit, Salvatore Russotto, i cili kërkoi falje menjëherë. Pas incidentit, autoritetet vendore hoqën tarifën prej 10 eurosh për banorët e zonës, duke shmangur situata të ngjashme në të ardhmen.

23.1K views

Banorët e qytetit të Vorës ankohen për mungesë hapësirash parkimi në pallatet e tyre. Një banor i pallatit ku parkojnë automjetet e familjarëve thotë se persona që nuk jetojnë aty përdorin parkimin për të bërë biznes, duke zënë nga 3-4 vende secili dhe duke e bërë të vështirë parkimin për banorët e vërtetë. Ai thekson se hapësirat janë të copëtuara dhe jo funksionale, duke bërë që familjarët që vijnë nga puna të mos gjejnë ku të parkojnë. Banori i bën thirrje Bashkisë së Vorës me kryetar Blerim Sherën, që të ndërhyjë dhe të marrë masa për të liruar hapësirat e parkimit dhe për të garantuar që vendet të përdoren nga ata që jetojnë në pallat. Ai pyet gjithashtu pse duhet të marrin gjoba në rrugë, duke pasur parkimin e pallatit të tyre të bllokuar nga persona të tjerë. "Përshëndetje JOQ! Jam një banor i qytetit të Vorës dhe kam një ankesë për Bashkinë e Vorës, sepse në parkimin e pallatit tonë njerëz që sjetojnë fare këtu bëjnë biznes nga hiçi, pa asnjë të drejtë, dhe na zënë nga 3-4 vende parkimi. Pak se na e kanë lënë parkimin si Kabul copë- copë, po na zënë edhe vendet. Jemi familjarë, vijmë nga puna dhe s’ka ku të parkojmë. Pse të marrim gjoba në rrugë, duke pas parkimin e pallatit?I bëj thirrje Bashkisë së Vorës të marrë masa, të lirojnë hapësirat. Faleminderit!"-shkruan banori.

20.1K views

Massimo Ferro, 54 vjeç, sipërmarrës nga Camposampiero në Itali, ndërroi jetë më 22 dhjetor në Shqipëri pas një ndërhyrjeje kirurgjikale për zvogëlimin e stomakut. Pas viteve të tëra dietash të pasuksesshme, Ferro kishte vendosur të ndiqte një zgjidhje afatgjatë për humbjen e peshës dhe i ishte drejtuar një klinike private në Milano, e cila i sugjeroi një operacion në Tiranë, ku çmimi ishte më i ulët se në Itali. Operacioni u planifikua për 18 dhjetor në një klinikë partnere të asaj milaneze, pavarësisht se pacienti vuante nga diabeti tip II dhe pesha e tij ishte 108 kilogramë. Sipas familjes, analiza dhe procedurat standarde para-operative nuk u respektuan, ndërsa udhëzimi i vetëm ishte që pacienti të mos ushqehej që nga mbrëmja e një dite më parë. Ferro mbërriti në Tiranë më 17 dhjetor së bashku me bashkëshorten e tij dhe u operua ditën pasuese. Më 22 dhjetor, ai paraqiti probleme me frymëmarrjen dhe zemra e tij pushoi së rrahuri. Prokuroria e Padovës ka regjistruar në listën e të dyshuarve mjekun kirurg Andrea Formiga dhe dietologen Alessandra Freda, të dy nga Lombardia. Të hënën në Padova pritet të kryhet autopsia e trupit të Massimos nga mjeku ligjor Antonello Cirnelli. Familja e tij, përmes avokatëve Stefano Squarise dhe Jenny Lopresti, kërkon të sqarohet shkaku i vdekjes. “Duam vetëm të dimë pse Massimo nuk u kthye më në shtëpi,” shprehen bashkëshortja Romina dhe fëmijët.

14.2K views

Banori i fshatit Gjuras në Komunën Bulqizë denoncon gjendjen e rëndë të rrugës lokale si në mesjetë. Ai i bën thirrje kryetares së bashkisë, Festime Mjeshtri, që të ndërmarrë masa sa më parë, pasi rruga e pa kalueshme po krijon probleme dhe rrezikon sigurinë e banorëve. Banori shprehet se bashkia dhe kryetari i komunës nuk kanë hedhur asnjë kamion zhavorr për mirëmbajtjen e saj. Sipas denoncimit të tij, bashkia Bulqizë shfaq aktivitet vetëm gjatë periudhave të votimeve, duke kërkuar vota, por duke lënë pa zgjidhur problemet reale të fshatit. Banori i bën thirrje autoriteteve që të ndërhyjnë urgjentisht për të përmirësuar rrugën dhe për të siguruar qarkullimin e sigurt për banorët e zonës. "Përshëndetje, JOQ! Të lutem, postoje këtë video këtu në Shupenzë, komuna Bulqizë! Siç shihet rruga është skandal. Ke frikë të kesh një hall dhe një problem, sepse rruga është si në mesjetë. Kryetari i komunës nuk hedh një kamion zhavorr në fshatin Gjuras. Bashkia Bulqizë me kryetare Festime Mjeshtrin vjen vetëm kur janë votimet, kërkojnë ndonjë votë, por nuk bëjnë asgjë për fshatin. I them Festimes, sa më parë të marr masa", shkruan banori.

10.9K views

Durrësi u përfshi sot nga përmbytjet pas vetëm 5 minutash shiu të rrëmbyeshëm, duke paralizuar qytetin dhe duke shkaktuar panik tek kalimtarët. Rrugët kryesore u mbuluan nga uji, dhe qytetarët u detyruan të fusin këmbët në qese të zeza mbeturinash për të kaluar rrugën, pasi Bashkia e Durrësit nuk ka marrë asnjë masë pas përmbytjeve të para një muaji, kur shumë banorë pësuan dëme materiale dhe u regjistrua edhe një viktimë. Në ngjarjen tragjike të mëparshme, Astrit Hysenaj, 54 vjeç, u gjet i pajetë në një kanal kullues pranë ish-repartit ushtarak në Plepa. Ai ishte shpallur i humbur më 6 janar, ndërsa më 8 janar trupi i tij u gjet, dyshohet i marrë nga rrjedha e ujit gjatë përmbytjeve. Astrit Hysenaj punonte pranë ndërmarrjes komunale në plazh dhe familjarët e tij kanë mohuar deklaratat e kryebashkiakes Emirjana Sako që pretendonin se ai nuk ishte në detyrë atë ditë. Prokuroria e Durrësit ka nisur hetimet për vdekjen e tij si dhe për shpërdorim detyre dhe vdekje nga pakujdesia. Shumë banorë kanë theksuar mungesën e masave parandaluese nga Bashkia e Durrësit pas përmbytjeve të para, duke theksuar se situata e sotme tregon pamundësinë e qytetit për të përballuar reshjet e dendura, edhe pse ato ishin paralajmëruar nga meteorologët.

1471 views

Një aksident i rëndë ka ndodhur në Rrugën e Arbrit, pranë tunelit të Murrizit, ku një kamion është përplasur me një makinë. Përplasja ka qenë e fortë, duke shkaktuar dëmtime të dukshme në automjet, i cili ka rezultuar i ndarë më dysh. Për momentin nuk dihet numri i personave që udhëtonin në automjetet e aksidentuara dhe paraprakisht infromohet se dy persona janë plagosur. Policia ndodhet në vendngjarje dhe po punon për të hetuar rrethanat e aksidentit dhe për të evituar bllokimin e trafikut.

15.7K views

Një qytetar ka dërguar një mesazh dhe një video në redaksinë e JOQ, duke denoncuar sjelljen e rrezikshme të disa shoferëve në rrugët e Tiranës. Në video duket një makinë që i del papritur përpara, një situatë që mund të shkaktojë aksidente serioze. Ngjarja më e fundit sipas qytetarit ndodhi te mbikalimi i Rinasit, një nga zonat më të frekuentuara të kryeqytetit. Ai tregon se shoferët që frenojnë papritur dhe dalin si “fantazma” po rrezikojnë seriozisht jetën e pjesëmarrësve të tjerë në trafik dhe fenomeni po përsëritet shpesh. "Përshëndetje si jeni JOQ? Ka dhe nga këta shoferet qe dalin si fantazma dhe frenojnë për të shkaktuar aksident. Mbrëmë te mbikalimi I rinasit. Faleminderit!", shkruan qytetari. Qytetari i bën thirrje autoriteteve dhe policisë rrugore që të shtojnë kontrollet dhe të ndërmarrin masa ndaj shoferëve të pakujdesshëm.

2053 views

Kryeministri Edi Rama duket se ka një talent të veçantë për të kthyer kritikët në bashkëpunëtorë të tij, pas thuajse 1 muaji spekulimesh, ish-deputeti demokrat Dash Sula është emëruar Kryeinspektor i Përgjithshëm, ndërkohë që Shkëlqim Hajdari zhvendoset në postin e prefektit të Tiranës. Ironikisht, Sula vetë mohoi çdo kontakt me mazhorancën kur u publikuan lajmet në janar, duke hedhur poshtë zërat dhe duke theksuar se nuk kishte biseduar për këtë detyrë. Por Rama duket se e ka “blerë” ajkën e opozitës në stilin e tij tipik, duke e bërë ish-deputetin demokrat një funksionar të rëndësishëm në vend të kritikës. Emërimi i Sulës vjen në një kohë kur mazhoranca po përpiqet të konsolidojë kontrollin mbi institucionet kyçe, dhe duket se asnjë meritokraci apo transparencë nuk ka ndikuar në vendim. Një ish-kritik i PD-së shndërrohet papritur në një mbështetës të pushtetit të Ramës, duke treguar sesi politika shqiptare shpesh e blen opozitën më lehtë se sa do të pritej. Nga ana tjetër, largimi i Hajdarit dhe zëvendësimi me Sulën përforcon idenë se institucionet e shtetit shndërrohen në monedhë shkëmbimi politik. Rama duket se ka vendosur të bëjë atë që di më mirë, të shndërrojë kritikët e dikurshëm në mbështetës të tij, duke rikrijuar një sistem ku kufiri mes shtetit dhe partisë bëhet gjithnjë e më i paqartë. Ironia më e madhe? Një demokrat që dikur denonconte mazhorancën tani mban çelësat e një institucioni të rëndësishëm të kontrollit shtetëror.

8076 views

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, ka mbyllur hetimet për vdekjen e 3-vjeçarit Brian Spahiu, pas një ndërhyrjeje dentare në klinikën “Splendent” rreth 3 vite më parë. Hetimi ka identifikuar shkelje të rënda të protokolleve mjekësore gjatë ndërhyrjes dhe anestezisë, të cilat janë shkaku kryesor dhe i drejtpërdrejtë i vdekjes së fëmijës. Shtatë persona janë dërguar në gjyq, duke përfshirë stomatologët Roland Xhaxho, Ina Xhaxho, Marta Gina si dhe mjekët e pediatrisë dhe ekspertët mjekoligjorë për shkelje të protokolleve dhe mashtrim ndaj prindërve. Hetimi zbuloi se ndërhyrja dentare ishte më e gjerë se sa duhej për një fëmijë 3-vjeçar dhe zgjati rreth 5 orë, duke rritur rreziqet e anestezisë dhe infeksioneve. Prindërit e të miturit ishin mashtruar me pagesën për mbushjen e 14 dhëmbëve, ndërkohë që autopsia tregoi se 6 prej tyre nuk ishin mbushur. StomatologëtIna Xhaxho dhe Marta Gina, akuzohen për “Vrasje nga pakujdesia”, “Mashtrim” dhe ushtrim të paligjshëm të aktivitetit, ndërsa hetimi konfirmoi shkelje të protokolleve edhe nga mjekët e spitalit dhe ekspertët e I.M.L.-së. Ekspertët italianë dhe hetimet mjekoligjore konkluduan se shoku septik i rëndë, i shkaktuar gjatë procedurës dentare dhe anestezisë, ishte shkaku kryesor i vdekjes së Brian Spahiut. Prokuroria vlerëson se mosveprimet dhe veprimet e papërshtatshme të të pandehurve gjatë ndërhyrjes dhe trajtimit pas saj lidhen drejtpërdrejt me humbjen tragjike të jetës së fëmijës, duke nxjerrë në pah përgjegjësinë penale të tyre.

8163 views

Norvegjia ka nisur një hetim ndaj ish-kryeministrit Thorbjorn Jagland, nën dyshimin për korrupsion në lidhje me kontaktet e tij me financieri amerikan dhe shkelësin seksual Jeffrey Epstein. Agjencia norvegjeze kundër korrupsionit, Okokrim, i kërkoi Ministrisë së Jashtme të heqë imunitetin që Jagland kishte si ish-diplomat, për të mundësuar hetimin. Shefi i Okokrim, Pal Lonseth, tha se fokusi i hetimit do të jetë nëse Jagland ka marrë dhurata ose favore për shkak të pozicioneve të tij publike. Jagland përmendet disa herë në dokumentet e publikuara nga autoritetet amerikane për Epstein. Në një email dërguar Epstein më 25 maj 2012, Jagland shkruante për udhëtimet e tij në Tiranë, Jordani, Palestinë dhe Izrael, duke përmendur edhe kontakte të tjera me personalitete të huaja, mes të cilave Barbara Daniels dhe Bill Richardson. Mesazhet nxjerrin në pah lidhje të vazhdueshme dhe shpenzime luksoze gjatë vizitave të tij jashtë vendit. Në një email drejtuar Epstein në 25 maj të 2012-ës, Jagland shkroi: “Kam qenë në Tiranë (Shqipëri), ka vajza të jashtëzakonshme.” "Do të shkoj në Jordani, Palestinë dhe Izrael. Do të kthehem të enjten....Nëse nuk e keni telefonuar ende Barbara Daniels, "ju lutem më njoftoni"... Bill Richardson do të donte të telefonate", shkruhet ndër të tjera në mesazh. Jagland shërbeu si kryeministër i Norvegjisë nga 1996 deri në 1997, si sekretar i përgjithshëm i Këshillit të Evropës nga 2009 deri në 2019, dhe kryesoi Komitetin Norvegjez të Nobelit nga 2009 deri në 2015. Hetimi i ri pritet të hedhë më shumë dritë mbi rolin e tij dhe lidhjet e mundshme me skandalin ndërkombëtar të Epstein.

3972 views

Banorët e fshatit Senisht, në Njësinë Administrative Gorë, Bashkia Maliq, janë të bllokuar prej dy muajsh për shkak të gjendjes së rrugës. Ata njoftojnë se Bashkia Maliq nuk ka ndërmarrë ende asnjë masë për të rregulluar problemin, ndërsa banorët përballen me vështirësi shëndetësore dhe rezervat e zahrireve të bakteve po u mbarojnë. Banorët i bëjnë bashkisë Maliq me kryetar Gëzim Topçiun, që të ndërhyjë sa më parë për përmirësimin e rrugës, duke theksuar se situata është e rëndë dhe po u krijon probleme të mëdha në jetën e përditshme. Ata shprehin shqetësimin e tyre dhe kërkojnë ndihmë të menjëhershme, duke nënvizuar rëndësinë e ndërhyrjes së Bashkisë për komunitetin e tyre. "Përshëndetje JOQ! Jam një banor i fshatit Senisht, Njësia Administrative Gorë, Bashkia Maliq. Kemi 2 muaj të bllokuar dhe Bashkia Maliq nuk ka marrë asnjë masë. Kemi probleme shëndetësore dhe zahriret e bakteve po na mbarojnë. Ju lutemi të na ndihmoni për rrugën, se kemi problem shumë të madh. Me respekt për ju, Senisht, Gorë", shkruan banori.

4425 views

Rrjolli po jeton prej ditësh nën presionin e një force që nuk njeh dialog dhe nuk njeh kufij: pushtetin e oligarkut Bashkim Ulaj. Banorët kanë dalë në protestë jo për kapriço, por për të mbrojtur tokën e tyre, ndërsa përballë tyre qëndron një biznes i madh që sillet si pronar absolut i territorit dhe i shtetit njëkohësisht. Edhe sot, pavarësisht motit të keq, banorët nuk janë tërhequr. Ata kanë zgjedhur të përballen me policinë dhe me punëtorët e Ulajt, sepse alternativa tjetër do të ishte heshtja dhe dorëzimi. Dhe heshtja është pikërisht ajo që oligarkët kërkojnë: një terren bosh, pa zë, pa kundërshtim, pa njerëz. Bashkim Ulaj nuk po ndërton thjesht një projekt. Ai po imponon një model ku paraja shkel mbi pronën, ku investimi shoqërohet me polici dhe ku qytetari trajtohet si pengesë. Kur punimet vazhdojnë mes përplasjeve dhe tensionit, përgjegjësia nuk është e banorëve, por e atij që ka zgjedhur forcën në vend të zgjidhjes. Pamjet nga Rrjolli janë një akuzë e hapur ndaj këtij modeli grabitqar: banorë që mbrojnë tokën e tyre me trup, përballë një oligarku që lëviz i mbrojtur nga uniforma blu dhe nga vetë shteti. Bashkim Ulaj mund të ketë para, ndikim dhe lidhje me pushtetin, por nuk ka të drejtë morale të kalojë mbi njerëzit. Rrjolli po e thotë qartë: Shqipëria nuk është pronë e oligarkëve. Kjo nuk është më thjesht një protestë. Është një përballje mes qytetarëve dhe një sistemi që mbron të fortin dhe shtyp të dobëtin.

3054 views

Bitcoin, kriptomonedha më e njohur në botë, ka pësuar sërish një rënie të ndjeshme, duke thelluar humbjet pas një jave të vështirë për tregjet financiare. Të premten në mëngjes, çmimi i saj ra me gati 14 për qind, duke u tregtuar rreth 62 900 dollarë. Kjo rënie vjen pas një serie humbjesh që nisën fundjavën e kaluar, kur Bitcoin zbriti nën nivelin e 80 000 dollarëve. Pas zhvlerësimit të fundit, kriptomonedha ka humbur rreth një të tretën e vlerës së saj që nga fillimi i vitit, duke konfirmuar edhe një herë luhatjet e forta që e karakterizojnë. Bitcoin kishte shënuar rritje të fortë në fund të vitit 2024, pasi rizgjedhja e Presidentit të SHBA, Donald Trump, krijoi pritshmëri për një qasje më miqësore rregullatore ndaj kriptomonedhave. Në dhjetor të atij viti, ajo arriti për herë të parë nivelin e 100 000 dollarëve. Megjithatë, që prej tetorit, kur shënoi një rekord historik mbi 127 000 dollarë, tregu ka hyrë në një trend rënës, i ndikuar nga pasiguritë gjeopolitike dhe rregullatore. Një projektligj për rregullimin e aseteve digjitale, i mbështetur nga Trump, ka mbetur i bllokuar në Senatin amerikan për shkak të përplasjeve mes bankave dhe kompanive të kriptomonedhave. Rënia e Bitcoin vjen në një kohë kur edhe tregjet globale të aksioneve dhe mallrave po përjetojnë presion. Indekset kryesore në SHBA dhe Azi kanë shënuar humbje, ndërsa edhe metalet e çmuara, përfshirë arin dhe argjendin, kanë vijuar rënien e çmimeve, duke reflektuar një klimë të përgjithshme pasigurie në tregjet financiare.

23.6K views

Një ngjarje shumë e rëndë ka ndodhur në Toskanë, Itali, ku katër anëtarë të familjes shqiptare Kola humbën jetën nga helmimi me monoksid karboni në shtëpinë e tyre në Via Galgani 186, në Porcari të Luccës.  Alarmi u dha të mërkurën në mbrëmje nga Hajdar Kola, 22 vjeç, i cili telefonoi urgjencën sepse motra e tij Xhesika, 15 vjeçe, ishte pa ndjenja. Gjatë telefonatës, edhe prindërit Arti 48 vjeç dhe Jonida Kola 43 vjeçe u rrëzuan, ndërsa djali nuk arriti ta përfundonte thirrjen. Ambulanca nuk arriti menjëherë në shtëpi sepse adresa u dha gabim, pasi familjarët ishin tashmë të helmuar nga gazi, i cili nuk ka erë dhe nuk ndihet. Forcat e shpëtimit hynë në banesë rreth orës 21:45, gati dy orë më vonë, dhe i gjetën të katër pa jetë në dhomën e vajzës Xhesika. Edhe disa shpëtimtarë dhe xhaxhai i tyre, Durim Kola, u ndjenë keq dhe u dërguan në spital për ndihmë mjekësore. Familja Kola jetonte në Itali prej pesë vitesh dhe ishte zhvendosur në këtë shtëpi vetëm pesë muaj më parë. Bojleri i banesës dyshohet se ka lëshuar monoksid karboni për shkak të një defekti ose instalimi të gabuar. Prokuroria e Luccës ka nisur hetimet për të zbuluar shkaqet e tragjedisë, ndërsa komuniteti shqiptar dhe shkolla e Xhesikës janë tronditur thellë nga kjo humbje e madhe.

68K views

Banorët e zonës historike të Durrësit dolën sërish në protestë përpara Bashkisë së qytetit, duke kundërshtuar vlerën e shpronësimeve që parashikohen në kuadër të projektit “TID Durrës”. Duke i kërkuar kryebashkiakes Sako të japë dorëheqjen, banorët kërkuan ndërprerjen e menjëhershme të procedurave që prekin 74 familje, duke e cilësuar projektin si të padrejtë dhe me elementë korrupsioni. Gjatë tubimit në sheshin qendror, protestuesit akuzuan deputetët socialistë që kanë mbështetur projektin, duke theksuar se asnjë prej tyre nuk ka zhvilluar takime me familjet që rrezikojnë të humbasin banesat dhe bizneset. Banorët shprehën indinjatën për mungesën e dialogut dhe transparencës nga institucionet. Në të njëjtën kohë, qytetarë të tjerë durrsakë firmosën një peticion në mbështetje të familjeve të prekura, duke kundërshtuar shpronësimet me vlera që i konsiderojnë shumë të ulëta. Protestat, që vijojnë prej më shumë se një muaji, synojnë pezullimin e projektit “TID Durrës” dhe rishikimin e vendimeve që prekin zonën historike të qytetit. Projekti TID synon të ndryshojë qendrën historike të qytetit.

4994 views

Një incident është raportuar gjatë protestës së banorëve në Rrjoll të Velipojës kundër ndërtimit të një resorti “Blue-Borgo” të Bashkim Ulajt që po ndërtohet në tokën e banorëve të zonës. Sipas pamjeve dhe dëshmive të shpërndara në rrjetet sociale, një person me veshje civile është parë duke bërtitur dhe duke ushtruar dhunë fizike ndaj protestuesve. Qytetarët pretendojnë se personi në fjalë është identifikuar si Armand Muça. Armand Muça ka shërbyer më herët si pjesë e stafit të sigurisë së kryeministrit Edi Rama, çka ilustrohet edhe nga fotografi të publikuara online. Pamjet e shpërndara kanë nxitur reagime të shumta, ndërsa protestuesit kërkojnë sqarime për praninë dhe veprimet e tij gjatë protestës, duke theksuar se ai nuk mbante asnjë shenjë identifikuese zyrtare. Muça është përmendur edhe më parë në situata tensioni me qytetarë, veçanërisht pas emërimit të tij si shef i Rendit në Elbasan. Banorë të zonave të ndryshme, përfshirë Labinot-Fushën dhe Bradasheshin, kanë deklaruar se ai ka qenë i përfshirë në përplasje fizike gjatë protestave, duke e përshkruar si agresiv. Deri më tani, nuk ka një reagim zyrtar nga institucionet për këto pretendime.

778 views