Mirëmëngjes! “Mirëmëngjes! Durrësi është përmbytur përsëri. Përsëri ka probleme me kullimin e ujit. Ju lutem, paralajmëroni udhëtarët.”

20.9K views

Presidenti i Kolumbisë, Gustavo Petro, ka reaguar ashpër ndaj deklaratave të presidentit amerikan Donald Trump, duke paralajmëruar se vendi i tij do të përgjigjet ushtarakisht nëse SHBA ndërmerr një sulm ndaj Kolumbisë. Deklarata e Petro-s erdhi pas veprimeve të fundit ushtarake amerikane në Venezuelë dhe arrestimit të presidentit Nicolás Maduro, si dhe pas komenteve të Trump se Kolumbia mund të jetë objektivi i radhës në luftën e tij kundër drogës. “Ndonëse nuk kam qenë kurrë ushtarak, e njoh luftën dhe fshehtësinë e saj. U betova që nga Pakti i Paqes i vitit 1989 të mos prek më armë, por për Atdheun do t’i marr sërish, edhe pse nuk e dua,” shkroi Petro në një postim në rrjetin social X. Presidenti kolumbian hodhi poshtë gjithashtu akuzat e Trump se ai ka lidhje me trafikun e drogës, duke i quajtur të pavërteta dhe shpifëse. Ai deklaroi se pasuria e tij e vetme është shtëpia familjare, të cilën ende e shlyen me pagën e tij, dhe se të gjitha llogaritë bankare janë publike. Reagimi i Petro-s vjen pasi Trump, duke folur për gazetarët në bordin e Air Force One, e përshkroi Kolumbinë si një vend “shumë të sëmurë”, duke akuzuar presidentin e saj se prodhon dhe shet kokainë drejt Shteteve të Bashkuara. Trump pretendoi gjithashtu se Petro zotëron “fabrika kokaine”. I pyetur drejtpërdrejt nëse SHBA do të ndërmerrte një operacion ushtarak në Kolumbi, Trump u përgjigj: “Më tingëllon mirë”, duke shtuar më pas komente të tjera për politikën e jashtme amerikane. Trump e ka etiketuar më herët Petro-n si “trafikant droge” dhe “të çmendur”, ndërsa presidenti kolumbian ka qenë një nga kritikët më të fortë të Trump në rajon. Petro ka dënuar sulmet amerikane ndaj anijeve të dyshuara për trafik droge në Karaibe, duke pretenduar se shumë prej viktimave ishin peshkatarë të varfër, të detyruar të përfshiheshin në trafik. Në nëntor, Petro e quajti Trump një “barbar” dhe pezulloi përkohësisht shkëmbimin e informacionit të inteligjencës me Uashingtonin. Presidenti kolumbian paralajmëroi gjithashtu se çdo bombardim amerikan do të radikalizonte zonat rurale të vendit, duke shtuar se fshatarët do të ktheheshin në “mijëra guerrilas në male”.

41.1K views

Kur s'të mbron policia, të mbron 'mallkimi'?! Një banore në Fier ka zgjedhur këtë mënyrë 'origjinale' për të paralajmëruar hajdutët në pallatin e saj. Gjuhë e ashpër dhe mallkime në një ambient ku kalojnë çdo ditë edhe fëmijë. A është ky reagimi i duhur kur shteti nuk të mbron nga vjedhjet, apo kjo gjuhë është e patolerueshme në hapësira publike? Si e gjykoni ju?

26.7K views

Në këto ditë të para të vitit, ku lajmet shpesh janë të rënduara, vogëlushja Ester ka vendosur të na sjellë buzëqeshjen që na duhej të gjithëve. Me një energji që "shpërthen", mimika prej profesionisteje dhe një interpretim fantastik të këngës komike "Lidhe qenin", ajo na tregon se gëzimi i vërtetë fshihet tek gjërat e thjeshta. Më shumë se thjesht një fëmijë që këndon dhe performon, Esteri duket një talent i lindur që e ka skenën në gjak! "Le të shpërndajmë pak dritë dhe energji pozitive mes shqiptarëve," shkruan nëna e saj, dhe ne jemi plotësisht në një mendje me të. Shikoni performancën e Esterit dhe na thoni: A nuk është ky talenti më i bukur që keni parë sot?

17.3K views

Një qytetar i është drejtuar redaksisë së JOQ Albania për të denoncuar një rast vjedhjeje që ka ndodhur ditën e sotme në një lokal në zonën e Brrylit, në Tiranë. Sipas denoncuesit, personi që shfaqet në pamjet e kamerave të sigurisë është paraqitur fillimisht si klient në lokal, ku ka porositur një gotë raki. Më pas, në një moment kur në banak nuk ndodhej askush, ai është afruar dhe ka marrë një telefon celular që ndodhej aty, duke e futur në xhep. E gjithë ngjarja është e dokumentuar në pamjet filmike që ai ka dërguar në redaksinë tonë. Denoncuesi shprehet se nuk e njeh personin në fjalë dhe se ka në plan ta kallëzojë rastin në polici ditën e nesërme. Mesazhi i qytetarit në redaksinë tonë: “Ky person më vodhi telefonin sot brenda, në banak. Nuk e njohim. Erdhi si klient, mori një raki dhe kur nuk kishte njeri, u afrua te banaku dhe e mori telefonin, siç duket qartë në kamera. Nesër në mëngjes do ta denoncoj rastin në polici.” JOQ Albania publikon këtë denoncim për sensibilizim dhe mbetet në pritje të një reagimi nga autoritetet përkatëse. Çdo person që mund të ketë informacion mbi identitetin e individit të shfaqur në video, mund të kontaktojë organet ligjzbatuese.

20.6K views

Shoqëria “Albania Solar Power” është regjistruar vetëm 16 muaj më parë, me një kapital themeltar prej vetëm 100.000 lekësh, ka administrator dhe pronar shtetasin Engjëll Agalliu nga Tërpani i Beratit, kunatin e oligarkut Pëllumb Salillari dhe nuk ka asnjë bilanc financiar të publikuar në QKB. Në terren, punimet për ndërtimin e centralit fotovoltaik nuk po i kryen “Albania Solar Power”, por kompania “Bervi Construction” sh.p.k., në administrim dhe pronësi të Afërdita Salillarit, bashkëshortja e Pëllumb Salillarit. Kjo kompani ka qenë deri më 10 tetor 2011 në pronësi të vetë Salillarit, me emërtimet “Salillari Construction” dhe “BERVI-1”. Kjo skemë hedh dyshime të forta se financuesi dhe pronari faktik i centralit është vetë Pëllumb Salillari, i cili dyshohet se fshihet pas emrave të bashkëshortes dhe kunatit për të maskuar pronësinë reale të investimit.

18.6K views

Presidenti amerikan Donald Trump është shfaqur me një kapele ku shkruhet “Ta bëjmë Iranin sërish të madh”, duke rritur tensionet dhe shqetësimet për një përshkallëzim të mundshëm të konfliktit mes SHBA-së dhe Iranit. Fotoja është publikuar nga senatori amerikan Lindsey Graham, një aleat i afërt i Trump dhe i njohur për qëndrimet e tij të ashpra në politikën e jashtme. Pamjet janë realizuar gjatë një udhëtimi me Air Force One nga Florida drejt Uashingtonit, ku Trump shihet duke mbajtur kapelën e firmosur me sloganin që imiton “Ta bëjmë Amerikën sërish të madhe”, por i referohet Iranit. Kapelja, sipas mediave ndërkombëtare, shihet si një sinjal simbolik që lidhet me idenë e ndryshimit të regjimit në Iran. Ajo përmban gjithashtu një flamur iranian të përdorur përpara Revolucionit Islamik të vitit 1979. Publikimi i fotos vjen në një moment kur Trump ka ashpërsuar retorikën ndaj Teheranit, pas kapjes së presidentit venezuelian Nicolas Maduro nga forcat amerikane në Caracas, një aleat i Iranit. Së fundmi, Trump ka paralajmëruar se SHBA do të ndërhyjë ushtarakisht nëse forcat iraniane të sigurisë vrasin protestues gjatë demonstratave antiqeveritare që po zhvillohen herë pas here në vend. “Nëse fillojnë të vrasin njerëz, siç kanë bërë në të kaluarën, do të goditen shumë fort nga Shtetet e Bashkuara,” është shprehur Trump para gazetarëve. Nga ana tjetër, zyrtarët iranianë i kanë hedhur poshtë kërcënimet, duke paralajmëruar se çdo sulm amerikan do të përballet me kundërpërgjigje. Lideri suprem iranian, Ali Khamenei, ka deklaruar se Irani nuk do t’i nënshtrohet presionit dhe se do të reagojë ndaj çdo agresioni. Kujtojmë se në qershor, SHBA iu bashkua Izraelit në sulme ajrore ndaj objekteve bërthamore iraniane, ndërsa Irani reagoi duke goditur një bazë amerikane në Doha. Pas këtyre zhvillimeve, palët arritën një armëpushim të përkohshëm. Megjithatë, javën e kaluar Trump paralajmëroi se lufta mund të rifillojë nëse Irani tenton të rindërtojë programin e tij bërthamor apo arsenalin raketor. Operacioni amerikan në Venezuelë ka shtuar spekulimet se Irani mund të jetë objektivi i radhës i Uashingtonit.

29.1K views

Një qytetar nga Shkodra i është drejtuar redaksisë sonë për të denoncuar një praktikë të pazakontë që po ndodh në spitalin e qytetit. Ajo tregon se dyert e spitalit mbyllen me çelësa, ndërkohë që ashensorët nuk punojnë. Kjo gjë kufizon lëvizjen e pacientëve dhe të afërmve të tyre që shkojnë për vizita. Qytetarja shprehet se njerëzit janë në hall me këtë situatë, pasi në rast tërmeti apo zjarri, të gjithë mbeten të bllokuar brenda pa pasur asnjë mundësi për t’u larguar. Sipas denoncimit, mjekët dhe infermierët janë shumë arrogantë, ndërkohë që kur i kanë pyetur se përse mbyllen dyert, përgjigjja ka qenë: “Është urdhër i drejtorit”. Në pamje mund të shihet se njëra prej dyerve është e mbyllur me shul dhe çelës, ndërkohë që në derën e ashensorit që nuk punon shkruhet “Hyrja është vetëm për të sëmurët me karroca ose barela.” Më poshtë mesazhi i plotë i mbërritur në redaksi: "Përshëndetje JOQ, dua të denoncoj një rast ju lutem ta publikoni se është shumë e rëndësishme. Në spitalin rajonal të Shkodrës i mbyllin dyert e shkallëve të spitalit, ndërkohë që përveç familjarëve dhe pacientëve, as pacientët vetë nuk kanë nga të dalin e të vijnë. Kjo ndodh në një kohë kur as ashensori që është vendosur me demek, nuk punon. Tjetri është për mjekët! Si mund të bëhet një gjë e tillë ndërkohë që njerëzit janë në hall e pacientët i mbyllin brenda si minj pa marrë parasysh se larg qoftë mund të ndodhë një rast tërmeti apo zjarri dhe njerëzit nuk dinë nga të ikin. Pa përmendur kushtet e qelbura dhe arrogancën e mjekëve dhe infermierëve. Ndërkohë që këto justifikohen që urdhërin e ka dhënë drejtori, ndërkohë që edhe mjekët vetë bërtasin për këtë budallallëk. Video është bërë tani para disa minutash, ndërkohë dyert i kanë mbyllur që në orën 4 e pak pasditen. Ju lutem publikojeni se është rast alarmues për qytetarët."

125.5K views

Një video e pazakontë po qarkullon me shpejtësi në rrjetet sociale, ku një burrë nga Nigeria i drejtohet presidentit amerikan Donald Trump me një mesazh ironik dhe provokues. Në pamjet që janë bërë virale, personi në fjalë shprehet se Nigeria nuk është as Venezuela dhe as Vietnami, duke paralajmëruar se në rast të një ndërhyrjeje ushtarake amerikane në vendin e tij, reagimi do të ishte i pazakontë: sipas tij, do të “lëshoheshin mushkonja” për të infektuar ushtarët amerikanë me malarie, gjë që, sipas deklaratës së tij, do të sillte 'vdekje të menjëhershme'. Ai pretendon gjithashtu se në Nigeri nuk po ndodhin persekutime fetare dhe se të krishterët dhe myslimanët jetojnë në harmoni së bashku, duke e quajtur të pabazuar çdo justifikim për ndërhyrje nga SHBA. Deklarata vjen pas paralajmërimeve të mëparshme nga Donald Trump lidhur me një ndërhyrje të mundshme amerikane për çështje të persekutimit fetar në Nigeri, por duhet theksuar se fjalët e personit në video janë vetëm qëndrime personale, pa asnjë konfirmim apo lidhje me institucione zyrtare. Videoja ka shkaktuar reagime të shumta në rrjet, ku një pjesë e përdoruesve e kanë marrë me humor, ndërsa të tjerë e kanë cilësuar si propagandë apo deklaratë absurde.

280.1K views

Rreth 400 mijë euro dyshohet të jetë shuma e grabitur gjatë sulmit ndaj një automjeti të blinduar të shoqërisë Aquila, i kryer në orët e para të mëngjesit të së hënës, më 5 janar, në autostradën A14, në territorin e Ortonës, provinca e Chietit. Sipas asaj që raportojnë mediat italiane, grabitja është realizuar nga katër ose pesë persona, të cilët kishin organizuar një plan të mirëkoordinuar. Ata kanë qëlluar me armë zjarri për ta detyruar automjetin e blinduar të ndalojë dhe për të penguar afrimin e personave të tjerë. Ngjarja ka ndodhur rreth orës 06:30, brenda pak minutash. Grabitësit kanë hedhur gozhda metalike në asfalt dhe kanë vendosur një mjet në mes të karrexhatës për të bllokuar qarkullimin. Pas grabitjes, autorët janë larguar me tre automjete, të cilat më vonë janë gjetur të braktisura në kilometrin 398 të autostradës A14. Dy prej makinave, Alfa Romeo Giulietta, janë djegur. Aktualisht nuk është e qartë nëse grabitësit janë larguar në këmbë drejt zonës përreth apo nëse i priste një bashkëpunëtor tjetër. Automjeti i blinduar kishte nisur udhëtimin nga Ortona për të transportuar para në institucione bankare. Sulmi ka shkaktuar pasoja të rënda në qarkullimin rrugor. Segmenti i autostradës ku ndodhi grabitja mbeti i mbyllur për një kohë të gjatë dhe edhe pas orës 13:00 u regjistruan radhë deri në 5 kilometra, sipas shoqërisë Autostrade. Probleme janë shënuar edhe në rrugën shtetërore Adriatike, ku trafiku u devijua për shkak të mbylljes së autostradës.

232K views

Koreja e Veriut ka nisur testimin e raketave hipersonike këtë të diel, njoftoi të hënën media shtetërore KCNA, duke deklaruar se testimi kishte për qëllim vlerësimin e kapaciteteve ushtarake në funksion të parandalimit të luftës. Sipas raportimeve zyrtare, lideri koreano-verior Kim Jong Un ka mbrojtur testin e raketave hipersonike, duke e cilësuar atë si një pjesë të domosdoshme të zhvillimit të vazhdueshëm të armëve bërthamore, me qëllim frenimin e çdo sulmi të mundshëm nga armiqtë. Kim është shprehur se nuk ka “asgjë për të fshehur” dhe se ky zhvillim është i nevojshëm për shkak të asaj që ai e përshkroi si “kriza të fundit gjeopolitike dhe ngjarje të ndryshme ndërkombëtare”. Sipas mediave shtetërore, kjo deklaratë mund të lidhet edhe me zhvillimet e fundit ndërkombëtare, përfshirë ndërhyrjen amerikane në Venezuelë dhe kapjen e udhëheqësit të saj gjatë fundjavës. Gazeta shtetërore Rodong Sinmun raportoi se disa raketa janë lëshuar nga zona Ryokpho, në jug të kryeqytetit Phenian, dhe kanë fluturuar rreth 1.000 kilometra, përpara se të godisnin objektiva në Detin Lindor (Deti i Japonisë). Megjithatë, fotot e publikuara nuk tregojnë pamje të afërta të raketave apo mjeteve të lëshimit, çka e bën të vështirë krahasimin me raketat hipersonike të njohura më parë të Koresë së Veriut. Sipas të dhënave të Ministrisë së Mbrojtjes së Japonisë, fluturimi i raketave ka zgjatur rreth 10 minuta, me një distancë maksimale prej rreth 950 kilometrash dhe një lartësi maksimale prej 50 kilometrash. Këto parametra janë të ngjashëm me një raketë balistike me rreze të mesme veprimi (IRBM) me karburant të ngurtë, e testuar në janar të vitit 2024, për të cilën media shtetërore koreano-veriore kishte pretenduar se ishte e pajisur me një koka luftarake manovruese. Autoritetet ndërkombëtare nuk kanë dhënë ende një reagim zyrtar lidhur me testin e fundit.

19.3K views

Presidenti amerikan Donald Trump ka lëshuar një paralajmërim të fortë ndaj udhëheqëses së re të Venezuelës, Delcy Rodríguez, duke sugjeruar pasoja të rënda nëse ajo vijon të refuzojë kërkesat e Shteteve të Bashkuara, pas operacionit amerikan që çoi në kapjen e presidentit venezuelian Nicolás Maduro. Në një intervistë për revistën The Atlantic, Trump deklaroi se Rodríguez do të “paguajë një çmim shumë të madh, ndoshta edhe më të madh se Maduro”, nëse, sipas tij, ajo nuk “bën atë që është e drejtë”. Ai shtoi se administrata e tij nuk do të tolerojë atë që e përshkroi si 'refuzim sfidues të ndërhyrjes amerikane'. Duke mbrojtur këtë qasje, Trump u shpreh se ndryshimi i regjimit dhe rindërtimi i vendit do të ishin më të mirë se situata aktuale në Venezuelë, duke shtuar se “më keq se kaq nuk mund të shkojë”. Deklaratat e Trump vijnë një ditë pas një njoftimi të papritur, sipas të cilit forca amerikane kanë kryer një operacion për kapjen e presidentit venezuelian Nicolás Maduro dhe bashkëshortes së tij. Në një konferencë për shtyp të mbajtur në Mar-a-Lago, Trump tha se një ekip i emëruar nga SHBA do të “drejtojë Venezuelën” përkohësisht, derisa të stabilizohet udhëheqja politike e vendit. Ai gjithashtu premtoi rikthimin e investimeve amerikane në sektorin energjetik të Venezuelës, vend që zotëron rezervat më të mëdha të naftës në botë, por që ndodhet në krizë të thellë ekonomike. Sipas The Atlantic, Trump e përshkroi politikën e tij të jashtme si një version të modernizuar të Doktrinës Monroe, politikë e shekullit XIX që kundërshtonte ndikimin europian në hemisferën perëndimore, të cilën ai e quajti “Doktrina Donroe”. Presidenti amerikan la të kuptohet se Venezuela mund të mos jetë rasti i fundit i presionit amerikan, duke hapur mundësinë e ndërhyrjeve të tjera edhe jashtë Amerikës Latine. Si shembull, ai përmendi sërish interesin e tij për Groenlandën, territor gjysmë-autonom i Danimarkës dhe aleate e NATO-s. “Na duhet Groenlanda, absolutisht”, citohet të ketë thënë Trump, duke përmendur interesat e sigurisë kombëtare dhe pozicionin strategjik të saj. Deri më tani, Shtëpia e Bardhë nuk ka dhënë një reagim zyrtar lidhur me këto deklarata.

58.1K views

LAJM I MIRË: Pas publikimit në JOQ, 34-vjeçarja u gjet shëndoshë e mirë dhe është bashkuar me familjen. Falenderojmë këdo që bëri të mundur kthimin e saj të sigurt në shtëpi 🙏

66.3K views

Një tjetër denoncim ka mbërritur në redaksinë e JOQ Albania për të njëjtin person që u shfaq në videon e publikuar pak më herët, ku mashtroi një taksist në qendër të Tiranës. Sipas denoncimit të ri, i riu ka përdorur një skemë të ngjashme mashtrimi, këtë herë në një Coffee Shop në kryeqytet. Qytetari që ka kontaktuar redaksinë tonë pretendon se i riu i ka kërkuar 6 mijë lekë, duke justifikuar se “policia i kishte ndaluar vëllain pa patentë” dhe se kishte një hall urgjent. Në video, ai dëgjohet duke i thënë pronarit të lokalit: “Ma ka kapur vëllain policia pa patentë, më jep 6 mijë lekë, t’i jap pas 10 minutash. Kam hall. Do të jap 10 mijë kur të kthehem.” Pa hezituar, pronari i Coffee Shop-it ia ka dhënë shumën e kërkuar, me besimin se paratë do t’i ktheheshin brenda pak minutash. Por, sipas denoncimit, i riu është larguar dhe nuk është kthyer më. Ngjarja ka ndodhur pak ditë më parë. Qytetari që ka bërë denoncimin shkruan: “Ky tipi që i ka bo gol taksistit, ma bëri dhe mua të njëjtën. Kërkoi 6 mijë lekë në një coffee shop në Tiranë.” Ky rast vjen vetëm pak kohë pas denoncimit të mëparshëm, ku i njëjti person ka mashtruar një taksist, duke i marrë 15 mijë lekë me pretendimin se do t’i këmbenin me një kartëmonedhë 200 euro, por pa u kthyer më. Rastet e përsëritura ngrenë dyshime për një skemë të qëllimshme mashtrimi, ku shfrytëzohet mirëbesimi i qytetarëve dhe justifikime emocionale për të përfituar para. JOQ Albania publikon këto denoncime për të paralajmëruar qytetarët që të jenë të kujdesshëm dhe për të shmangur raste të ngjashme në të ardhmen. Nëse ka persona të tjerë që pretendojnë se janë mashtruar nga i njëjti individ, ftohen të kontaktojnë redaksinë.

659.8K views

Trafiku i rënduar vijon të jetë një nga problemet më shqetësuese në qytetin e Elbasanit, me situatën më kritike të regjistruar në aksin Elbasan–Bradashesh. Prej disa ditësh, drejtuesit e mjeteve përballen me radhë të gjata automjetesh dhe vonesa të konsiderueshme. Ngarkesa e lartë e qarkullimit nuk kufizohet vetëm në rrugën kryesore, por është shtrirë edhe në rrugët dytësore, të cilat janë mbingarkuar nga fluksi i shtuar i mjeteve. Si pasojë, mijëra qytetarë mbeten të bllokuar për orë të tëra, duke hasur vështirësi serioze në lëvizje. Kalimi i gjithë trafikut përmes qytetit e ka kthyer këtë aks në një nyje problematike të qarkullimit, ku lëvizja shpesh bëhet tepër e ngadaltë dhe zgjat me orë të tëra, duke shkaktuar pakënaqësi dhe stres për banorët dhe udhëtarët.

68.6K views

Një ngjarje e pakëndshme ka ndodhur mbrëmjen e djeshme në Tiranë, ku një taksist ka rënë pre e një mashtrimi nga dy të rinj që udhëtonin me taksinë e tij. Sipas rrëfimit të qytetarit, dy djemtë kanë hipur në taksi dhe pas disa minutash udhëtim kanë ndaluar në zonën e Rrugës së Barrikadave, në qendër të kryeqytetit. Fillimisht, njëri prej tyre ka zbritur nga automjeti, ndërsa tjetri i ka kërkuar taksistit të ecë edhe pak metra përpara dhe ta presë për disa minuta. Më pas, i riu i ka thënë shoferit se kishte vetëm një kartëmonedhë prej 200 eurosh dhe e ka pyetur nëse mund ta thyente, duke shtuar se kishte nevojë për lekë shqiptare. Pa dhënë ndonjë arsye të qartë, ai i ka kërkuar taksistit 15 mijë lekë, të cilat shoferi ia ka dhënë me mirëbesim. Pas kësaj, i riu është larguar duke i thënë “prit pak”, por nuk është kthyer më, pavarësisht se taksisti e ka pritur për një kohë të gjatë. Taksisti thekson se humbja financiare nuk është problemi kryesor, pasi udhëtimi kushtonte vetëm 5 mijë lekë, por fakti që është mashtruar dhe është vënë në lojë gjatë punës së tij. Mesazhi i plotë i taksistit: “Përshëndetje JOQ, të lutem a mund të nis një video që më kanë mashtruar dje në darkë në punë. Mora dy veta në taksi dhe nuk bënë pagesë, plus më kërkuan lekë, ua dhashë se gjoja kishin euro. Nuk erdhën më edhe pse i prita gjatë. E nisa vitin në punë mbarë me këto mostra. Rruga e taksisë kushtonte 5 mijë lekë, po më vjen inat që më mashtruan dhe më morën edhe 15 mijë lekë. Ngjarja ka ndodhur te Rruga e Barrikadave në qendër të Tiranës.” Rasti ka rikthyer vëmendjen te vështirësitë dhe rreziqet me të cilat përballen çdo ditë punonjësit e shërbimeve, të cilët shpesh bëhen objekt mashtrimesh gjatë ushtrimit të profesionit të tyre.

232.4K views

“Kush kontrollon naftën, kontrollon kombet.” Kjo thënie e ish-Sekretarit amerikan të Shtetit, Henry Kissinger, e formuluar në vitet ’70, mbetet aktuale edhe sot. Nafta, e njohur si “ari i zi”, vazhdon të jetë në qendër të gjeopolitikës globale. Venezuela renditet si vendi i parë në botë për rezervat më të mëdha të naftës së papërpunuar, me rreth 303 miliardë fuçi. Ajo lë pas Arabinë Saudite me 276 miliardë, Iranin me 209 miliardë, si edhe Kanadanë, Irakun, Emiratet e Bashkuara Arabe dhe Rusinë. Shtetet e Bashkuara të Amerikës renditen në vendin e nëntë me rreth 69 miliardë fuçi rezerva. Para vendosjes së sanksioneve amerikane, Venezuela prodhonte mbi 2 milionë fuçi naftë në ditë në vitin 2017. Prodhimi ra në rreth 1.5 milionë fuçi në 2018, mbi 1 milion në 2019 dhe zbriti në rreth 569 mijë fuçi në ditë në vitin 2020, pas ashpërsimit të masave ndëshkuese nga Uashingtoni. Kina është importuesi kryesor i naftës venezueliane, duke përthithur rreth 68 për qind të totalit, e ndjekur nga Shtetet e Bashkuara me 23 për qind. Në Evropë, Spanja mbetet një nga importuesit kryesorë, me rreth 4 për qind të sasisë totale. Sipas analistëve të tregjeve, çdo ndryshim politik në Venezuelë, përfshirë largimin e mundshëm të presidentit Nikolas Maduro, nuk pritet të ketë ndikim të madh në tregjet globale dhe as në çmimin e naftës. Kjo për shkak se tregu aktualisht konsiderohet i mbingopur, ndaj rritja e çmimeve pritet të jetë e kufizuar, rreth 1–2 dollarë për fuçi. Madje, një rritje e prodhimit dhe eksportit të naftës venezueliane, e shoqëruar me lehtësimin ose heqjen e sanksioneve, mund të sjellë ulje të çmimit të “arit të zi” në bursat ndërkombëtare.

26.7K views

Mali i Tomorrit gjatë këtyre ditëve të para të janarit përbën rrezik të madh për ngjitësit dhe vizitorët, për shkak të akullit dhe ngricave të shumta. Shumë rrugë dhe shtigje janë të mbuluara me akull, duke rritur rrezikun e rrëshqitjeve dhe ngecjeve në mal. Qytetarët që janë përballur me këtë situatë paralajmërojnë të tjerët që të tregojnë kujdes maksimal dhe të mos ngjiten në zonat e rrezikshme pa pajisje dhe përgatitje të duhur. Ata gjithashtu u bëjnë thirrje banorëve që të ndihmojnë personat në vështirësi, por pa rrezikuar jetën e tyre. Shumë rrugë dhe shtigje janë të rrëshqitshme dhe disa zona janë të mbuluara me borë të thellë dhe akull, duke e bërë lëvizjen shumë të vështirë. Mesazhi i qytetarit: Prsh jeta osht qef te ken kujdes ne malin. Tomorrit. Ka shum akull dhe ngric po ju shkruj te ndimojm ndonje person tjt mos ta marrin mundimin se do ngel

7073 views

Në mbyllje të vitit 2025, Policia e Shtetit nën drejtimin e Ilir Prodës publikoi me krenari bilancin e festave, duke theksuar shifrat rekord të gjobave si tregues suksesi. Ndërkohë, në terren, Policia Rrugore e drejtuar nga Perlat Vatoci u pa më shumë duke ndëshkuar sesa duke parandaluar, ndërsa në fillim të viti 2026 akset kombëtare u përfshinë nga trafik kilometrik, bllokime dhe aksidente të rënda. Mes statistikave dhe realitetit në asfalt, mbeti edhe një herë hendeku i madh mes propagandës dhe sigurisë reale rrugore. Aksidenti tragjik në aksin Gjirokastër–Tepelenë Më 1 janar, një aksident i rëndë ndodhi në aksin “Gjirokastër–Tepelenë”, në vendin e quajtur “Bypass”. Si pasojë e përplasjes së dy automjeteve, humbën jetën tre të rinj, Klejdi Myftari, 24 vjeç, dhe Anxhelo Ruçi, 27 vjeç Martin Dulaj, 25 vjeç ndërsa e fejuara e Martinit, Arsida Demiri 19-vjeçare mbeti e plagosur rëndë. . Dy viktima në aksin Lezhë–Shkodër Mëngjesin e 2 janarit, një aksident fatal u regjistrua në aksin Lezhë–Shkodër, pranë fshatit Gocaj. Nga përplasja e dy automjeteve humbën jetën një çift bashkëshortësh, Elona Florini dhe Petrit Florini, 45 dhe 53 vjeç. Në aksident u plagosën edhe një nënë dhe dy fëmijët e saj të mitur, të cilët ndodhen jashtë rrezikut për jetën. Aksidente nga ngricat në Rrugën e Kombit Ulja e temperaturave solli ngrica në segmentin Milot–Kalimash të Rrugës së Kombit. Tre aksidente përfshinë rreth 15 automjete, mes tyre një mikrobus dhe një ambulancë. Gjashtë persona u lënduan dhe u transportuan në spital, por pa rrezik për jetën. Aksidente të shumta në Vlorë, Elbasan dhe Lushnjë Gjatë ditëve të para të janarit, disa aksidente u regjistruan në Vlorë, Elbasan dhe Lushnjë. Në Vlorë u plagosën pesë persona, ndërsa një 90-vjeçar ndodhet në gjendje të rëndë shëndetësore. Në Elbasan dhe Lushnjë u raportuan aksidente me të lënduar, por pa humbje jete. Këmbësor i vrarë nga autobusi në Tiranë Më 3 janar, një këmbësor humbi jetën pasi u përplas nga një autobus në zonën e Mulletit, në Tiranë. Këmbësori Zaim Ismaili, 46 vjeç, u përplas për vdekje nga autobusi i linjës Tiranë–Kërrabë, që drejtohej nga Ndriçim Hidri, 56 vjeç. Trafik i paralizuar në akset kryesore Në ditët e para të Vitit të Ri, disa akse kombëtare u përballën me trafik të paralizuar. Situata më problematike u regjistrua në aksin Prrenjas–Elbasan, ku qarkullimi u bllokua për dhjetëra kilometra. Trafik i rënduar u raportua edhe në Milot–Lezhë, duke shkaktuar vonesa të gjata për qytetarët.

60.2K views

Reagimet ndërkombëtare ndaj sulmit ushtarak të Shteteve të Bashkuara në Venezuelë kanë marrë një kthesë të fortë. Dmitry Medvedev, zyrtar i lartë rus dhe aleat i ngushtë i presidentit Vladimir Putin, ka lëshuar një deklaratë të ashpër ndaj Uashingtonit, duke dënuar operacionin që çoi në kapjen e presidentit venezuelian Nicolás Maduro dhe akuzuar SHBA-në se ka rrëmbyer një lider të zgjedhur nga populli. Në komentet e tij, Medvedev kritikoi qeverinë amerikane për moszbatimin e ligjit ndërkombëtar dhe për përdorimin e forcës ushtarake pa mandat të qartë ndërkombëtar. Ai gjithashtu argumentoi se diplomacia ka dështuar dhe se vetëm një forcë ushtarake e madhe mund të ofrojë një garantim të sigurisë ndaj ndërhyrjeve të huaja. Në pjesën përmbyllëse të deklaratës së tij, Medvedev u shpreh me fjalë që tani po interpretohen në mbarë botën si një paralajmërim indirekt ndaj Shteteve të Bashkuara dhe aleatëve: “Rrofshin armët bërthamore”, duke theksuar rëndësinë e forcës ushtarake në një kohë kur, sipas tij, legjitimiteti ndërkombëtar po injorohet. Deklarata e Medvedevit është bërë ndërsa Rusia ka mbështetur prej vitesh qeverinë e Venezuelës, duke pasur marrëdhënie të ngushta politike, ekonomike dhe ushtarake me Karakasin. Reagimet e Moskës pas operacionit amerikan reflektojnë tensionet e vazhdueshme mes Rusisë dhe SHBA-së në arenën globale, sidomos pas sulmeve të fundit ushtarake në vende të ndryshme dhe debatit për rolin e forcës në politikën botërore. Këto komente kanë shkaktuar reagime të menjëhershme në qarqe diplomatike dhe politike në Evropë dhe Amerikë, disa prej të cilëve kanë shprehur shqetësim për përshkallëzimin e retorikës bërthamore, ndërsa të tjerë e shohin këtë si pjesë të debatit të gjerë për paqen, sigurinë dhe rolin e përdorimit të forcës në marrëdhëniet ndërkombëtare.

49.2K views