Dy raste shqetësuese që lidhen me persona të moshuar janë raportuar së fundmi në redaksinë e JOQ Albania, ku familjarët dhe qytetarët kërkojnë ndihmën e publikut për gjetjen dhe identifikimin e tyre. Rasti i parë ka të bëjë me një grua të moshuar nga Durrësi. Sipas familjarëve, rreth orës 11:00 të paradites së sotme, zonja Filloreta Fane, 75-vjeçe, është larguar nga Spitali Rajonal i Durrësit dhe prej atij momenti nuk ka më asnjë informacion për vendndodhjen e saj. Familjarët bëjnë me dije se ajo vuan nga skleroza, ndërsa situata bëhet edhe më shqetësuese për shkak të temperaturave të ulëta. Bashkëshorti i saj ndodhet i shtruar në spital, ndërsa fëmijët i ka jashtë shtetit. Rasti është raportuar edhe në polici. Familjarët u bëjnë thirrje qytetarëve që mund ta kenë parë ose kanë informacion, të kontaktojnë në numrin: +355 68 838 8770. Ndërkohë, rasti i dytë është raportuar në Tiranë, ku një i moshuar është gjetur në gjendje të konfuzuar dhe nuk mban mend adresën e banimit. Sipas qytetarëve që e raportuan, ai ndodhet pranë pasticerisë “Elenikon”, përballë Ambasadës Amerikane, në Rrugën e Elbasanit. Qytetarët që e kanë gjetur bëjnë me dije se i moshuari ishte shumë i lodhur dhe për këtë arsye është akomoduar përkohësisht në ambientet e pasticerisë. Për ta bërë më të lehtë identifikimin, është realizuar edhe një fotografi e tij, vetëm me qëllimin që familjarët apo të afërmit ta njohin dhe të shkojnë ta marrin. Kushdo që ka informacion është i lutur të kontaktojë në në numrin 068 838 8770 për rastin në Durrës dhe dhe në numrin 068 803 1126 për rastin në Tiranë).

154 views

Një lajm i dhimbshëm ka tronditur thellë botën e muzikës shqiptare. Këngëtari i mirënjohur Shemsi Krasniqi, i njohur gjerësisht për publikun si Shemi i grupit legjendar “Ilirët”, është ndarë nga jeta, duke lënë pas një boshllëk të madh dhe pikëllim të thellë te familjarët, miqtë, kolegët dhe adhuruesit e shumtë të muzikës së tij. Sipas raportimeve të para ai është gjetur i pa jetë në banesën e tij pas një sulmi në zemër, megjithatë ende nuk dihen rrethanat e qarta të ngjarjes. Shemi ishte një nga zërat më të fuqishëm dhe më përfaqësues të muzikës shqiptare, një artist i rrallë që la gjurmë të pashlyeshme në historinë e këngës sonë kombëtare. Ai do të mbetet përgjithmonë në kujtesën kolektive si njeriu që i dha shpirt, identitet dhe jetë një prej këngëve më emblematike shqiptare, “Xhamadani vija vija”, një këngë që u shndërrua në simbol kombëtar dhe u këndua brez pas brezi, në festa, koncerte dhe momente historike për shqiptarët kudo në botë. Grupi “Ilirët”, me Shemsi Krasniqin në krye, ishte një nga shtyllat më të rëndësishme të muzikës shqiptare, duke sjellë këngë me frymë atdhetare, emocionale dhe identitare, të cilat u bënë pjesë e pandashme e trashëgimisë sonë muzikore.

20.3K views

Një qytetar nga Durrësi i është drejtuar redaksisë së JOQ Albania për të kërkuar ndihmë në identifikimin e një të moshuari që dyshohet se është i humbur. Sipas denoncuesit, i moshuari është gjetur pak më parë në zonën e Plazhit, në qytetin e Durrësit. Ai ka treguar se është nga Kosova dhe se ka humbur rrugën, pa ditur si të kontaktojë familjarët e tij. I moshuari ka deklaruar se quhet Ilmi Saliu, ndërsa emri i djalit të tij është Ilir Saliu. Për momentin nuk dihen detaje të tjera mbi vendbanimin apo familjarët e tij. Redaksia jonë u bën thirrje të gjithë atyre që e njohin apo kanë informacion mbi familjarët e tij, të na kontaktojnë në mënyrë që ai të kthehet sa më shpejt pranë njerëzve të tij.

16K views

Rruga “Lidhja e Prizrenit” që lidh Paskuqanin me Unazën e Madhe është kthyer në një pikë kyçe për trafikun e përditshëm në këtë zonë. Në çdo orar të ditës apo natës, kjo rrugë është e pakalueshme për shkak të trafikut të rënduar, gjendjes së amortizuar së rrugës, plot me gropa e pluhur, dhe kamionëve që hyjnë e dalin vazhdimisht nga kantieret e ndërtimit. Por dy efektivë policie, që lëviznin sot me një mjet me targa Anglie, nuk i kanë rezistuar dot këtij trafiku dhe janë futur kundravajtje për të parakaluar. Në këtë moment ata janë përballur me një betoniere e cila ishte duke lëvizur në sensin e duhur dhe njëri prej policëve, që duket edhe me uniformë, ka dalë jashtë për të sqaruar trafikun edhe pse ishte vetë gabim.

18.1K views

Pamjet në fjalë tregojnë të ashtuquajturën “kantinë VIP” të biznesmenit Ergys Agasi, i shpallur në kërkim nga SPAK, si pjesë e një grupi kriminal që dyshohet se rrëmbente dhe dhunonte biznesmenë, duke i detyruar të tërhiqeshin nga tenderat e AKSHI-t, të cilët më pas përfitoheshin nga vetë grupi. Pamjet janë regjistruar para se vera të zhdukej në mënyrë të dyshimtë dy netë më parë. Për zhdukjen e saj dyshohet kushëriri i Ergys Agasit, Eno Agasi, i cili është shpallur në kërkim nga Prokuroria e Tiranës për veprat penale “Veprime që pengojnë zbardhjen e së vërtetës”, “Kontrabandë e mallrave që i nënshtrohen akcizës” dhe “Magazinim i paligjshëm i tyre”. Sipas raportimeve, e gjithë sasia e verës ishte kontrabandë dhe pa pulla fiskale, çka përkthehet në një dëm të vlerësuar rreth 400 milionë lekë për buxhetin e shtetit nga mosshlyerja e taksave. Ndërkohë, vlera totale e verës përllogaritet rreth 3 milionë euro. Burime bëjnë me dije se në kantinë ndodheshin rreth 1 200 shishe vere luksoze, mes të cilave marka shumë të shtrenjta si “Romanée-Conti” me vlerë rreth 30 mijë euro për shishe, “Petrus” me 5 mijë euro, “Pavie” me 4 mijë euro, si edhe verëra të tjera me çmime nga 400–500 euro, si “Ornellaia”, “Gaja”, “Sassicaia”, “Opus One” etj. Pas hartimit të procesverbalit nga oficerët e BKH-së nën mbikëqyrjen e SPAK, u njoftuan strukturat përkatëse të doganës, antikontrabandës dhe hetimit doganor për sekuestrimin e verës. Megjithatë, gjatë natës, vera u zhduk dhe asnjë shishe nuk u sekuestrua. Në përfundim, përveç Ergys Agasit, i dyshuar për ushtrimin e dhunës ndaj biznesmenëve për përfitim tenderash, në kërkim është edhe Eno Agasi, i cili dyshohet se ka zhdukur verën me vlerë miliona euro.

4698 views

Një qytetar i është drejtuar redaksisë tonë me një denoncim lidhur me një aksident rrugor, i cili ende nuk është zgjidhur. Sipas tij, të premten, më datë 19 dhjetor, një burrë që drejtonte një automjet Mercedes C-Class W203, me targë AB545LF, ngjyrë gri, i ka gërvishtur makinën dhe ka tentuar të largohet nga vendngjarja pa u interesuar fare për dëmin e shkaktuar. Për fat të mirë, qytetari ka rastisur në momentin që drejtuesi i mjetit po largohej dhe e ka ndaluar, duke e kapur në flagrancë. Ai thotë se në këtë moment kanë shkëmbyer numrat e telefonit, pasi drejtuesi i mjetit 'Benz' i ka premtuar se do ta dëmshpërblente për dëmin që i takonte. Por pas ngjarjes personi në fjalë nuk i është përgjigjur më telefonatave të qytetarit, ndërsa ditën e djeshme kur i ka hapur celularin i ka premtuar sërish se do ta shlyente dëmin, por sot është 'zhdukur' dhe s'kthen më përgjigje. Qytetari i bën thirrje publike personit përgjegjës që të paraqitet brenda për të paguar dëmin, duke theksuar se në të kundërtën do ta denoncojë rastin në polici, pasi disponon të gjitha të dhënat përkatëse. Mesazhi i qytetarit: "Pershendetje JOQ diten e premte date 19/12/2025 nje burr me makine tip C Class w203 me targe AB545LF ngjyre gri me ka gervishtur makinen. Ne momentin qe do ikte rastisa aty dhe e zura ne flagrance dhe me pas shkembyem numrat sepse me tha do te te likujdoj patjeter neser per demin dhe nuk e hap me telefonin qe pas ngjarjes. I bej thirrje personit qe ka 2 DITE KOHE ultimatum qe te vije dhe te paguaj demin e makines sepse emrin numrin targen dhe te gjitha ja kemi,nese nuk do qe ta coj ne polici si ngjarje te vij menjehere. Dje fola me te tha ti sjell sot, por sot ka fikur serish celularin dhe s kthen pergjigje'

35.6K views

Mirlinda Karçanaj duket se ka vendosur një standard të ri profesional: takime zyrtare pa shoqëri jashtë zyres dhe kafe që nuk pihet kurrë me operatorë ekonomikë. Në deklarimet e saj para hetuesve, zonja Karçanaj thekson se nuk shoqërohet me operatorë ekonomikë jashtë ambientit zyrtar. “As nuk pi kafe dhe as nuk rri me ta jashtë zyre,” ka sqaruar ajo, duke vendosur një kufi të qartë midis punës dhe jetës private. Megjithatë, edhe rastësitë e mëdha duket se e ndjekin me përpikmëri. Karçanaj ka pranuar se është takuar disa herë me shtetasin Ergys Agasi në zyrën e tij. Sipas saj, këto takime kishin natyrë private dhe konsulence, ndërsa pranësia e Ermal Beqirit në të njëjtin ambient ishte thjesht një rastësi e përsëritur. Takimet nuk kanë pasur asnjë lidhje me procedura tenderimi, sepse, siç e di çdo profesionist, favorizimi në tendera ndodh vetëm pas kafesë… dhe këtu nuk ka patur asnjë filxhan. Sa i përket tenderave, Karçanaj është e prerë: asnjë diskutim, asnjë favorizim nuk ka ndodhur. Fakti që disa takime kanë ndodhur në të njëjtin ambient ku, sipas hetimeve, diskutoheshin edhe çmimet e tenderave, duket se është thjesht një bashkim rastësish i përsëritur i ngjarjeve. Në botën e Karçanajt, favorizimi është thjesht një fantazi, si kafeja që nuk pihet kurrë, dhe çdo gjë duket të jetë në vendin e duhur përveçse në realitet. Edhe pse provat dhe përgjimet faktojnë të kundërtën, ku SPAK i ka shapllur 'grup i strukturuar kriminal' Mirlinda e AKSHI-t mbetet stoike, me Agasin thjesht ka pasur 'takime private'.

9686 views

Flamuri është një simbol kombëtar që duhet të valëvitet plot krenari në institucionet shtetëtore dhe jo vetëm, por në vendin tonë nuk ndodh kështu. Një qytetar i është drejtuar redaksisë tonë për të denoncuar gjendjen e një flamuri kuqezi, që vetëm si i tillë s’mund të konsiderohet, ngjitur me bashkinë Librazhd. Në pamje mund të shihni se si flamuri është zbehur plotësisht dhe shkërmoqur , ndërkohë që vazhdon të valëvitet para punonjësve të bashkisë dhe kryetarit, Mariglen Disha që mbyll sytë para një skandali të tillë.

63.4K views

Autoritetet bëjnë me dije se dyshohet që urdhri për këtë ngjarje të ketë ardhur nga një grup kriminal i drejtuar nga Ergys Agasi dhe Ermal Beqiri. Të dy personat janë shpallur në kërkim, ndërsa hetimet vijojnë për të zbardhur plotësisht rrethanat dhe përgjegjësitë e përfshira në këtë ngjarje.

1383 views

Një djalë i ri po vë në rrezik jetën e tij teksa ecën i vetëm në Unazën e Madhe të Tiranës. Sipas një qytetari që e ka filmuar, i riu dyshohet se vuan nga probleme shëndetësore, pasi është parë duke ecur i zbathur dhe pa orientim. Qytetari tregon se, pasi e ka pyetur se ku po shkonte, djali nuk ka qenë në gjendje të japë asnjë përgjigje, duke përsëritur vetëm fjalën “mama”. “Të bëhet kujdes. Nuk pata mundësi ta ndihmoja,” shkruan ai në mesazhin që shoqëron pamjet. Në video, i riu shihet duke mbajtur një tepsi në dorë, ndërsa më herët gjatë ditës është vërejtur edhe në zonën e kryqëzimit të “21 Dhjetorit”, duke lëvizur i pavetëdijshëm mes trafikut. Apeli u drejtohet familjarëve apo personave të afërt që ta identifikojnë dhe të marrin masa për t’u përkujdesur për të, pasi jeta e tij mund të jetë në rrezik në çdo moment.

20.1K views

Qytetarët shqiptarë që janë nisur nga Europa për në Shqipëri për festat e fundvitit po përballen me pritje të gjata dhe vështirësi të shumta në kufirin e Hungarisë. Shqiptarët mes tyre edhe nga Kosova e Maqedonia e Veriut raportojnë se kanë që në orën 03:00 të mëngjesit në këtë pikë kufitare duke pritur pasi sportelet po funksionojnë shumë ngadalë. Ata thonë se problemi kryesor është mungesa e sporteleve të hapura, pasi aktualisht punon vetëm një sportel për të gjithë. Kjo ka shkaktuar radhë të gjata dhe vonesa të mëdha, duke e bërë procesin shumë të ngadaltë dhe stresues. Në këto temperatura të ulëta dhe vonesës 12 orëshe, shqiptarët i bëjnë thirrje kryeministrit Edi Rama që të flasë me homologun e tij hungarez që situata të përmirësohet sa më parë dhe kalimi të jetë pa probleme e diskriminime. Denoncimi i shqiptarit: Shihni cbehet ne hungari Shqiptarve. Kemi qe 3 te megjesit ketu. Rradhe te shumta punojm shum avsh edhe problem si gjithmon jemi shqiptar kjo vlen edhe per shqiptaret e kosoves edhe per ata te maqedonisz Punojn me nje sportel edhe shum avash. Kemi qe sot ne megjes. Prej ores 3 te megjesit Jemi nis per shqiperi

88.1K views

Shërbimi postar danez do të dorëzojë letrën e tij të fundit më 30 dhjetor, duke i dhënë fund një tradite që zgjat më shumë se 400 vjet. Kompania PostNord, e formuar në vitin 2009 nga bashkimi i shërbimeve postare suedeze dhe daneze, njoftoi se do të shkurtonte 1,500 vende pune në Danimarkë dhe do të heqë 1,500 kuti postare të kuqe, për shkak të “dixhitalizimit në rritje” dhe uljes drastike të kërkesës për letra. Kompania theksoi se ndërsa dërgesat me letra kanë rënë ndjeshëm, porositë online kanë vazhduar të rriten, gjë që e ka shtyrë drejt një fokusi më të madh te pakot. Kutia postare të dallueshme të kuqe, të cilat tashmë janë çmontuar, u vunë në shitje dhe 1,000 prej tyre u shiten vetëm brenda tre orëve, duke treguar interesin e madh koleksionist për këto sende historike. Megjithatë, danezët do të mund të vazhdojnë të dërgojnë letra përmes kompanisë Dao, e cila do të zgjasë shërbimet e saj nga 30 milionë letra në vit në 80 milionë letra në vitin 2026. Përveç ndryshimeve në shtëpi, klientët do të duhet të përdorin dyqanet Dao për të postuar letrat ose të paguajnë një tarifë shtesë për mbledhjen e tyre nga shtëpia, duke paguar shpenzimet postare përmes internetit ose aplikacionit. Tradita e shërbimit postar në Danimarkë daton që nga viti 1624, ndërsa në 25 vitet e fundit dërgesat me letra kanë rënë me më shumë se 90%.

16.2K views

Në një ngjarje të rrallë për rajonin, disa pjesë të Arabisë Saudite janë mbuluar me borë pak ditë më parë. Fenomeni ka prekur veri-perëndimin e vendit, ku temperatura kanë rënë deri në -4 gradë Celsius, duke krijuar një peizazh të pazakontë për shkretëtirën arabe. Sipas mediave vendase, reshjet e borës ndodhën për shkak të një periudhe sistemesh me presion të ulët mbi Lindjen e Mesme, që solli reshje të dendura shiu dhe borë në disa zona gjatë javës së kaluar. Astronomi Mohammed bin Reddah Al Thaqafi shpjegoi se reshjet dimërore të borës në veri të Arabisë Saudite nuk janë një fenomen i izoluar. “Veriu i Mbretërisë përjeton borë herë pas here çdo dimër, megjithëse koha e saj është e parregullt dhe varet nga ndryshimet e motit, jo nga ciklet astronomike,” tha ai. Sipas Al Thaqafi, bora bie më shpesh midis dhjetorit dhe shkurtit, veçanërisht në zonat e Tabuk, Al Jouf dhe Arar, të ndikuara nga sistemet e motit mesdhetar. Zona të tjera ku reshjet regjistrohen më shpesh përfshijnë Jabal Al Lawz dhe malësitë e larta të Hail, si dhe kodrat e Abha në Asir. Ky fenomen ka kthyer përkohësisht shkretëtirën e zakonshme të nxehtë në një peizazh të bardhë, duke e bërë dimrin në Arabinë Saudite një pamje të jashtëzakonshme.

40.9K views

Mbrëmjen e kaluar, rreth orës 23:55, persona të panjohur kanë sulmuar hyrjen e xhamisë shqiptare në Hollabrunn, Austri. Banorët e zonës raportuan zhurma të forta pak pas mesnatës, duke krijuar shqetësim në lagje. Sipas policisë, në ndërtesë janë konstatuar dëmtime në një xham të shkaktuara nga një armë zjarri. Në kohën e incidentit, brenda xhamisë ndodheshin dy persona, por fatmirësisht askush nuk u lëndua. Xhamia përdoret nga një shoqatë e myslimanëve shqiptarë, dhe ngjarja po hetohet nga Zyra Shtetërore për Mbrojtjen e Sigurisë dhe Luftën kundër Ekstremizmit në bashkëpunim me Policinë Kriminale të Niederösterreich. Autoritetet bëjnë thirrje për çdo informacion që mund të ndihmojë në identifikimin e autorëve, duke i kërkuar qytetarëve që të kontaktojnë Policinë e Hollabrunn në numrin 059 133/3410.

56.1K views

Një ngjarje e rëndë ka tronditur mbrëmjen e së premtes fshatin Lalm i Ri, në Lezhë, ku brenda pak orësh humbën jetën dy anëtarë të së njëjtës familje. Në lagjen Gurra, u gjet pa shenja jete në dyqanin e tij të veglave të punës shtetasi Aleksandër Marku, 42 vjeç, banues në fshatin Lalm. Sipas policisë, nga veprimet e para hetimore nuk janë konstatuar shenja dhune dhe dyshohet se vdekja ka ardhur për shkaqe natyrale. Pak orë më vonë, familjarët kanë gjetur pa shenja jete edhe nënën e tij, Prenë Marku, 72 vjeçe, në banesën e saj në fshatin Lalm i Ri. Sipas të dhënave paraprake, ajo dyshohet se nuk e ka përballuar dot psikologjikisht humbjen e të birit. Trupat e pajetë janë dërguar në Institutin e Mjekësisë Ligjore në Tiranë për kryerjen e ekspertizës mjekoligjore, ndërsa policia vijon hetimet për të sqaruar plotësisht rrethanat e kësaj ngjarjeje të rëndë që ka tronditur komunitetin lokal që do të përcjellin sot për në banesën e fundit nënén dhe djalin e saj.

98K views

Kina do të vendosë për herë të parë pas më shumë se tre dekadash taksë mbi kontraceptivët, në një masë që përputhet me përpjekjet e qeverisë për të nxitur rritjen e lindshmërisë. Sipas ligjeve më të fundit fiskale, duke nisur nga 1 janari, barnat dhe produktet kontraceptive, përfshirë prezervativët, nuk do të jenë më të përjashtuara nga TVSH-ja prej 13%. Vendimi vjen në një kohë kur norma e lindjeve në Kinë vijon të bjerë. Sipas të dhënave të Byrosë Kombëtare të Statistikave, në vitin 2024 në Kinë lindën 9.5 milionë foshnja, rreth një e treta më pak krahasuar me 14.7 milionë lindje në vitin 2019. Për shkak se vdekjet kanë tejkaluar lindjet, India e ka kaluar Kinën si vendi më i populluar në botë që në vitin 2023. Megjithatë, ndryshimi i taksimit është pritur me ironi dhe kritika në rrjetet sociale kineze. Shumë përdorues kanë komentuar se është absurde të mendohet se taksimi i prezervativëve do t’i nxisë njerëzit të kenë më shumë fëmijë, kur rritja e një fëmije kushton shumë më tepër sesa përdorimi i kontraceptivëve, edhe me taksë. Ekspertët paralajmërojnë se rritja e çmimeve të kontraceptivëve mund të çojë në pasoja serioze, përfshirë shtimin e shtatzënive të paplanifikuara dhe sëmundjeve seksualisht të transmetueshme. Në dekadat e mëparshme, rritja e shpejtë e popullsisë e kishte shtyrë Partinë Komuniste Kineze të vendoste politikën e një fëmije për familje, e zbatuar nga rreth viti 1980 deri në vitin 2015 përmes gjobave dhe ndëshkimeve të tjera. Në disa raste, gratë i nënshtroheshin aborteve të detyruara, ndërsa fëmijët e lindur mbi kufirin e lejuar nuk pajiseshin me dokumente identifikimi. Në vitin 2015, qeveria lejoi dy fëmijë për familje dhe në vitin 2021 kufiri u rrit në tre fëmijë, ndërsa kontracepsioni më parë ishte i nxitur dhe lehtësisht i aksesueshëm, madje shpesh falas.

7648 views

Një kantinë vere me vlerë miliona euro në vilën e Ergys Agasit është zhdukur, dhe kushëriri i tij, Eno Agasi, është shpallur në kërkim. Agjentët e BKH-së konstatuan kantinën e verës dhe njoftuan doganat, të cilat vlerësuan një dëm prej 400 milionë lekësh nga mospagimi i akcizës. Për shkak të natës, malli u la në ruajtje në vilë, por gjatë natës dyshohet se Eno Agasi e ka marrë dhe ka hequr serverin e kamerave të sigurisë. Eno Agasi është shpallur në kërkim për veprime që pengojnë zbardhjen e së vërtetës, kontrabandë dhe magazinimin e mallrave pa autorizim. Hetimet vazhdojnë për të sqaruar të gjitha detajet e këtij rasti. Ndërkohë, Ergys Agasi dhe Ermal Beqiri janë shpallur në kërkim nga SPAK për marrjen peng të biznesmenit Gerond Mece për të ndikuar në tendera. Mirlinda Karcanaj, drejtoreshë e AKSHI, dhe nënndrejtoresha Hava Delibashi janë vendosur në arrest shtëpie, ndërsa katër persona të tjerë janë nën masa më të lehta sigurie.

37.2K views

Kryeministri Edi Rama ka reaguar sërish lidhur me kërkesën e SPAK për heqjen e imunitetit të zëvendëskryeministres Belinda Balluku, duke bërë të qartë se shumica qeverisëse nuk ka ndërmend ta shqyrtojë atë. Në podkastin e tij “Flasim”, Rama e cilësoi veprimin e prokurorëve si një “nxitim” për të kërkuar masa “ekstreme” dhe shprehu dyshime për kohën dhe mënyrën e veprimit të SPAK, duke theksuar se kërkesa duhet të prishej pas shqyrtimit të çështjes në Gjykatën Kushtetuese më 22 janar. Kryeministri ironizoi mbi situatën, duke deklaruar se “drejtësia nuk vrapon, drejtësia gjykon”, dhe nënvizoi se shumica parlamentare nuk ka gjasa të marrë në shqyrtim kërkesën e SPAK për masa të reja ndaj Ballukut. Ai krahasoi këtë rast me hetime të mëparshme ndaj figurave politike, përfshirë edhe nga Partia Socialiste, ku kishte mbështetur hapur SPAK, duke e konsideruar sukses të reformës në drejtësi. Rama shtoi se veprimi i prokurorëve ishte i nxituar dhe i antikushtetueshëm, duke argumentuar se shteti i së drejtës kërkon që çështjet të shqyrtohen me qetësi dhe në përputhje me procedurat e Gjykatës Kushtetuese. Ai theksoi rëndësinë e analizës së kujdesshme dhe kritikës mbi ushtrimin e pushtetit gjyqësor, duke përsëritur se shumica qeverisëse nuk do të autorizojë masa të reja ndaj Ballukut pa përfunduar procesi në gjykatë.

25.9K views

Autoritetet në Kinë kanë vendosur të ndalojnë dhe kufizojnë serialet televizive dhe ato online ku paraqiten histori dashurie mes burrave shumë të pasur, si CEO apo miliarderë, dhe vajzave të varfra apo me jetë të thjeshtë. Sipas autoriteteve kineze, këto seriale po ndikojnë negativisht te vajzat e reja, duke u krijuar pritshmëri të gabuara për jetën dhe dashurinë, sikur suksesi dhe lumturia vijnë vetëm duke u martuar me një njeri shumë të pasur. Qeveria shprehet se këto histori romantike nuk pasqyrojnë realitetin dhe po i shtyjnë të rejat të ëndërrojnë një jetë luksoze pa punë dhe përpjekje personale, në vend që të fokusohen te shkollimi, karriera dhe zhvillimi i tyre. Këto seriale janë bërë shumë të përhapura vitet e fundit në platformat online, sidomos në formatin e videove të shkurtra, ku shpesh një vajzë e thjeshtë bie në dashuri me një biznesmen të fuqishëm dhe pasuria e tij i zgjidh të gjitha problemet e saj. Vendimi ka sjellë reagime të ndryshme në publik. Disa e mbështesin, duke thënë se media nuk duhet të ushqejë iluzione dhe se të rinjtë duhet të mësohen me realitetin. Të tjerë e kritikojnë, duke e quajtur ndërhyrje dhe censurë ndaj artit dhe lirisë së krijimit. Megjithatë, Kina ka qenë prej kohësh e njohur për kontrollin e rreptë të përmbajtjes mediatike, dhe ky vendim shihet si pjesë e përpjekjeve për të orientuar mesazhet që u transmetohen të rinjve për jetën, dashurinë dhe suksesin.

70.4K views

Një moment i veçantë dhe plot emocion ka mbërritur në redaksinë e JOQ Albania nga një emigrant shqiptar që jeton dhe punon në Francë, i cili ka ndarë një video nga festa e fundvitit me kolegët e tij të punës. Në pamje shihet se si kolegët francezë të të riut shqiptar festojnë dhe kërcejnë nën ritmet e muzikës popullore shqiptare, duke interpretuar vallen pogonishte, në një atmosferë plot gëzim dhe respekt për kulturën e kolegut të tyre. Sipas mesazhit të dërguar në redaksi, iniciativa ka ardhur nga vetë emigranti shqiptar, i cili ka dashur të ndajë një copëz të traditës dhe kulturës sonë në një moment festiv me stafin ku punon. Reagimi i kolegëve të tij ka qenë i menjëhershëm dhe shumë pozitiv, duke e shijuar muzikën dhe vallen shqiptare me entuziazëm. Ai shprehet se momente të tilla i kujtojnë se sa e bukur është ndarja e kulturës sonë jashtë kufijve dhe se, pavarësisht vështirësive që shoqërojnë jetën e emigrantit, ka çaste që të mbushin zemrën me krenari. Në mesazhin e tij, emigranti shqiptar përcjell edhe një urim për të gjithë bashkatdhetarët kudo që ndodhen, veçanërisht për ata që janë larg familjeve dhe atdheut: “Si emigrant që jetoj në Francë, momente të tilla më kujtojnë sa bukur është të ndajmë kulturën tonë. E di që për shumë prej nesh jeta jashtë nuk është gjithmonë e lehtë, por nga zemra ju uroj një Vit të Ri të mrekullueshëm, plot dashuri, shëndet dhe energji të mirë.” Videoja ka ngjallur emocione pozitive, duke treguar se kultura shqiptare jo vetëm respektohet, por edhe përqafohet, edhe larg Shqipërisë. Një moment i thjeshtë, por me shumë domethënie, që dëshmon se shqiptarët kudo që janë, dinë të mbajnë gjallë traditat dhe t’i ndajnë ato me krenari.

59.8K views