Kostoja e jetesës në Shqipëri ka pësuar një rritje të ndjeshme në fillim të vitit 2026, duke e bërë mbijetesën ekonomike gjithnjë e më të vështirë për shtresat e mesme dhe ato në nevojë. Sipas të dhënave zyrtare të publikuara nga INSTAT, inflacioni në vend ka arritur në 2,3% gjatë muajit janar, një rritje kjo krahasuar me nivelin prej 1,9% që ishte në të njëjtën periudhë të një viti më parë. Edhe pse në dukje shifrat lëvizin me hapa të vegjël, presioni real po ndihet në xhepat e qytetarëve, kryesisht për shkak të shtrenjtimit galopant të qirave dhe kostove të banesës. Sipas raportit të INSTAT, faktori kryesor që ka nxitur rritjen e çmimeve është grupi që përfshin qiratë, ujin, energjinë dhe lëndët djegëse. Ky grup ka dhënë ndikimin më të lartë në rritjen vjetore, duke u pasuar nga rritja e çmimeve të ushqimeve dhe pijeve joalkoolike. Në Tiranë, situata paraqitet edhe më alarmante, ku ekspertët vërejnë se transformimi i apartamenteve në njësi qiradhënieje ditore përmes platformave online dhe mbajtja e pronave "stok" nga investitorët, po e pakësojnë ofertën dhe po rritin artificialisht çmimet për banorët e përhershëm të kryeqytetit. Nëse analizojmë rritjen sipas grupeve, vërehet se krahas banesave, shqiptarët po paguajnë më shumë edhe për argëtimin, sportin dhe kulturën, grup i cili shënoi rritjen më të lartë në terma përqindjeje me plot 4,9%. Po ashtu, sigurimet dhe shërbimet financiare kanë pësuar një rritje të fortë prej 4,4%, duke treguar se shtrenjtimi nuk po kursen asnjë sektor të shërbimeve. Edhe pse çmimet e veshjeve dhe këpucëve patën një rënie të lehtë në terma mujorë, kjo nuk ka mjaftuar për të balancuar faturën e kripur të qirasë dhe ushqimeve që mbeten pesha kryesore në buxhetin e çdo familjeje. Kjo tendencë, që ka nisur që në fund të vitit 2025, tregon se pavarësisht përpjekjeve për stabilitet, banesa po kthehet në një nga problemet më të mëdha sociale në vend. Ndërsa qiratë vijojnë të jenë motori kryesor i inflacionit, shqiptarët po detyrohen të rishikojnë prioritetet e tyre, ku sigurimi i një "çatie mbi kokë" po kërkon një pjesë gjithnjë e më të madhe të të ardhurave mujore, duke lënë pak hapësirë për shpenzime të tjera jetësore.

8851 views

Pyetja nëse kryeministri Edi Rama ka vendosur përfundimisht të "lëshojë" bashkëpunëtoren e tij më të ngushtë, Belinda Ballukun, po merr vëmendje të madhe pas zhvillimeve të fundit në Kuvend. Mazhoranca socialiste duket se ka vendosur të mos e zvarrisë më shqyrtimin e kërkesës së SPAK për arrestimin e saj, duke njoftuar mbledhjen e Këshillit të Mandateve për javën e ardhshme. Burime pranë Kuvendit bëjnë me dije se kryetari i Kuvendit, Niko Peleshi, do të nxjerrë urdhrin zyrtar këtë të hënë, ku do të specifikohet ora dhe dita e saktë kur deputetët do të përballen me dosjen voluminoze të Prokurorisë së Posaçme. Ky hap vjen menjëherë pasi Gjykata Kushtetuese nuk arriti të krijonte një shumicë për rastin e Ballukut, duke u ndarë në votim 4 me 4. Kjo ndarje e anëtarëve të gjykatës rrëzoi automatikisht kërkesën e kryeministrit Rama për të shpallur pezullimin si antikushtetues, duke lënë në fuqi vendimin e nëntorit të kaluar. Tashmë, me pezullimin nga detyra që mbetet aktiv, e vetmja pengesë për SPAK është imuniteti parlamentar, i cili pritet të shqyrtohet me urgjencë pas zbardhjes së plotë të vendimit të Kushtetueses në Fletoren Zyrtare. Belinda Balluku ndodhet në një pozitë të vështirë ligjore pasi është marrë e pandehur për shkelje të barazisë në tenderat e Tunelit të Llogarasë, ndërkohë që hetimet vijojnë edhe për dosjen e nxehtë të 7 loteve të Unazës së Madhe. Mbledhja e javës së ardhshme në Këshillin e Mandateve konsiderohet si prova e zjarrit për raportin e mazhorancës me drejtësinë e re. Nëse Këshilli do t'i hapë rrugë kërkesës së SPAK, kjo do të shënonte me shumë gjasa fillimin e fundit të karrierës politike në ekzekutiv për numrin dy të qeverisë.

5529 views

Një video që është shpërndarë masivisht në rrjetet sociale, ku shfaqet një mësues duke shpërthyer në lot në klasë ndërsa nxënësit qeshin dhe e filmojnë, ka ndezur debat të fortë në Francë dhe më gjerë. Pamjet janë shpërndarë në disa gjuhë dhe janë shoqëruar me pretendime të ndryshme, ku situata paraqitet si pasojë e presionit dhe mungesës së respektit në shkolla. Në shumë postime, videoja është përdorur për të nxitur narrativa përçarëse dhe për të ushqyer debate të ashpra sociale. Megjithatë, sipas verifikimeve online, këto pamje janë të gjeneruara me Inteligjencë Artificiale. Për çdo skenar të publikuar, paraqitet i njëjti model: një mësues që qan dhe nxënës që qeshin rreth tij. Video të tilla shfrytëzojnë një problem real, stresin dhe vështirësitë që përballen mësuesit, për të prodhuar përmbajtje emocionale që përhapet shpejt në rrjet. Pamjet e fabrikuara janë ripublikuar pa kontekst në disa vende dhe janë përdorur për të përforcuar mesazhe radikale apo përçarëse, sidomos pas ngjarjeve të rënda që kanë prekur komunitetin arsimor në Francë kohët e fundit. Rasti është një tjetër shembull se si përmbajtja e krijuar me Inteligjencë Artificiale mund të manipulojë opinionin publik, duke u paraqitur si reale dhe duke ndezur reagime të forta emocionale. Ekspertët këshillojnë kujdes para shpërndarjes së videove të tilla, pasi teknologjia e re e bën gjithnjë e më të vështirë dallimin mes reales dhe asaj të fabrikuar.

82.9K views

Pas lajmit tronditës për vrasjen e një të riu shqiptar në provincën e Pizës, mediat italiane kanë publikuar së fundmi foton dhe identitetin e viktimës. Bëhet fjalë për 25-vjeçarin Kevin Muharremi, i cili humbi jetën në një atentat me armë zjarri në Montecalvoli di Santa Maria a Monte. Fotoja e të riut po qarkullon gjerësisht, ndërsa detaje të reja hedhin dritë mbi jetën e tij në emigrim dhe momentet e fundit para tragjedisë që u raportua orë më parë. Kevin Muharremi, i cili punonte si lavazhier makinash në Fucecchio, u qëllua për vdekje rreth orës 05:00 të mëngjesit në Via della Repubblica. Siç u bë e ditur nga raportimet e mëparshme, ai po kthehej në shtëpi nga një natë në një klub nate në Valdera, ku kishte pasur një sherr të ashpër me disa persona. Ky konflikt duket se ka qenë edhe shkaku i pritës së përgjakshme, ku autorët i janë afruar makinës ku ai ndodhej si pasagjer dhe kanë hapur zjarr, duke e lënë të vdekur në vend përpara syve të mikut dhe kushëririt të tij. Dëshmitë rrëqethëse të banorëve që dëgjuan të shtënat dhe thirrjet dëshpëruese "Ata vranë Kevinin, ata vranë Kevinin", tashmë marrin një tjetër peshë me bërjen publike të imazhit të 25-vjeçarit. Ndërkohë që hetimet vijojnë për identifikimin e vrasësve, policia italiane po punon mbi pistën e një njohjeje të mundshme mes viktimës dhe autorit, nisur nga dinamika e sherrit në bar. Publikimi i fotos ka sjellë reagime të shumta mes miqve dhe bashkëkombasve në Itali, të cilët e njihnin si një djalë punëtor dhe të qetë.

107.9K views

Një vajzë ka denoncuar së fundmi në redaksinë tonë cilësinë e ushqimit të porositur nga rrjeti i njohur i fast-food-it KFC, përmes aplikacionit Wolt. Ajo ka treguar se ditën e djeshme, bashkë me shoqet ka porositur një “kosh të larmishëm” KFC dhe disa produkte të tjera me vlerë totale 18 mijë lekë të vjetra, por kanë mbetur tepër të zhgënjyera me cilësinë e tyre. Ajo shprehet se teksa po konsumonin koshin kanë vënë re se krahët e pulës (wings) ishin të kuq në brendësi dhe dukshëm të pagatuar mirë. Të shqetësuara nga ajo që panë, ato kanë kontrolluar edhe copat e tjera të pulës dhe, sipas pretendimit të tyre, të gjitha rezultonin njësoj të kuqe nga brenda. Ato i kanë hedhur menjëherë produktet në kosh por shprehen të shqetësuara për cilësinë dhe sigurinë ushqimore, duke theksuar se pavarësisht çmimit relativisht të lartë, raste të tilla përsëriten vazhdimisht në KFC. Denoncimi i qytetares: Ja cfare hame ne KFC! Po hanim kfc per qejf,i porositem ne Wolt.Dhe kur po hanim kto wings njera nga ne pa qe ishte e kuqe totalisht brenda.Hapem ti shohim dhe te tjerat dhe dolen keshtu. I hodhem ne kosh direkt

21.6K views

Një aksident i rëndë ka ndodhur ditën e sotme në Rrugën e Arbrit. Dy automjete janë përplasur me njëra-tjetrën dhe kanë dalë jashtë rrugës. Ka dyshime se lagështira dhe shpejtësia janë bërë shkak për këtë aksident. Për momentin nuk dihet nëse ka të lënduar nga aksidenti she as rrethanat e qarta të tij.

92.5K views

Sot, më 14 shkurt, bota feston Ditën e Shën Valentinit, ditën e dashurisë… ose të faturave të çmimeve të larta! Legjenda thotë se Shën Valentini ishte një prift i guximshëm që martonte fshehurazi çiftet në kohërat kur ushtarët nuk mund të martoheshin. Sot, ai do të kishte hallin të shihte çiftet që po luftojnë për t’u futur në restorantin më “romantik” apo që po shpenzojnë pasuri për një tufë trëndafilash që do të bëhen të thata brenda një jave. Megjithatë, kritikat nuk mungojnë. Shën Valentini është kthyer në një industri marketingu ku dashuria matet me kartolina me zemra, çokollata luksoze dhe dhurata që lënë buxhetin pa frymë. Spontaniteti është zhdukur, dhe shumë çiftet ndihen më shumë të detyruar se të dashuruar, duke u stërmunduar për të respektuar “standardet e Instagramit” të romantizmit. Dashuria e thjeshtë? E harruar, nën peshën e çmimeve dhe pritshmërisë. Në këtë kontekst, dita shpesh duket më shumë një garë konsumi sesa një festë ndjenjash. Dashuria nuk ka çmim dhe nuk duhet të lidhet me para. Shën Valentini është një kujtesë për të vlerësuar ndjenjat e sinqerta çdo ditë të vitit. Çiftet mund të festojnë me thjeshtësi, puthje dhe përqafime, duke lënë pas presionin e marketingut dhe emocioneve fasadë dhe duke rikthyer shijen e vërtetë të dashurisë, sinqeritet, lumturi dhe përkujdesje e ndërsjellë. A e konsideroni këtë ditë një festë të vërtetë dashurie?

6046 views

Një qytetar ka denoncuar pranë redaksisë tonë gjendjen e rënduar të një segmenti rrugor në Fier, konkretisht në unazën e qytetit. Sipas denoncimit, rreth 400 metra rrugë janë lënë në mëshirë të fatit, duke u kthyer në një problem serioz për drejtuesit e mjeteve dhe banorët e zonës. Qytetari shprehet se automjetet dëmtohen çdo ditë për shkak të amortizimit të theksuar të rrugës, duke e cilësuar situatën si “një tmerr i vërtetë”. Ai ngre gjithashtu shqetësimin për investimet e kryera ndër vite në këtë segment, duke aluduar se fondet mund të jenë shpërdoruar, pasi sipas tij rruga është rikonstruktuar disa herë, por gjendja vazhdon të jetë problematike. Qytetari kërkon ndërhyrje të menjëhershme nga institucionet përgjegjëse për të shmangur dëmet e mëtejshme dhe për të garantuar sigurinë rrugore. Denoncimi i qytetarit: Pershendetje si jeni ? Te lutem publikoni pak kete videon ne fier unaza e qytetit si eshte lene ne meshire te fatit 400 metra rruge Na shqyen makinat cdo dite nje tmerr i vertet i kan vjell leket e ksaj rruge sdihet sesa here faleminderit jeni me te miret . Anonim

15.3K views

Një shtetas shqiptar, i njohur më parë nga forcat e rendit, ka humbur jetën teksa po arratisej nga një vilë në zonën e Gorellos, në Arezzo, Itali, ku kishte hyrë për të vjedhur së bashku me dy bashkëpunëtorë. Viktima është identifikuar si 46-vjeçari Arben.K, me origjinë nga rajoni i Lazios. Identifikimi u bë nga karabinierët, pasi ai kishte me vete dokumentet e identitetit. Trupi i pajetë ndodhet në morgun e spitalit të Arezzos, ku do t’i nënshtrohet autopsisë. Sipas të dhënave paraprake, shkaku i vdekjes dyshohet të jetë shoku hemorragjik si pasojë e humbjes së madhe të gjakut. Gjatë arratisjes, ai ka kapërcyer një tarracim toke dhe ka mbetur i shpuar në këmbë nga një kunj hekuri i një gardhi të vendosur përgjatë një përroi aty pranë, i ndërtuar si pengesë kundër derrave të egër që zbresin nga kodrat. Më pas, ai është zvarritur për rreth 50 metra, duke u rrëzuar përfundimisht në një kopsht. Në momentin e ngjarjes mbante veshur një xhaketë të zezë, xhinse të errëta dhe çizme. Sipas rindërtimit të ngjarjes, rreth orës 08:00 të mëngjesit u raportua vjedhja e parë në Gorello, një grup banesash dhe vilash mbi rrugën rajonale 71, në drejtim të Valdichianës. Zona konsiderohet e preferuar nga hajdutët. Më vonë, autorët u zhvendosën në një vilë tjetër, e cila ishte bosh pasi çifti që banon aty ndodhej jashtë për darkë. Në orën 20:39 u aktivizua alarmi. Pranë banonin të afërm të pronarëve; babë e bir ndërhynë për të verifikuar situatën. I riu hasi hajdutët brenda, të cilët, sapo u zbuluan, i hodhën sendet e vjedhura argjendari dhe stoli dhe u larguan me shpejtësi në errësirë. Dyshohet se pati edhe një ndjekje të shkurtër, e cila më pas u ndërpre. Ndërkohë, babai u kthye në banesën e tij, mori një armë zjarri të regjistruar ligjërisht dhe qëlloi dy herë në ajër për qëllime paralajmëruese, por hajdutët ndodheshin tashmë në distancë. Pak më vonë u dëgjuan rënkime nga errësira, në më pak se 100 metra largësi. Karabinierët, të njoftuar për ngjarjen, gjatë kontrollit në zonë gjetën trupin e pajetë. Dyshohet se prerja e venës femorale i shkaktoi gjakderdhje fatale dhe shoku hemorragjik çoi në vdekjen e tij brenda një kohe të shkurtër.

105.2K views

Dhuroni sa më shumë dashuri❤️

66.2K views

Safet Rustemi (Bajri), i akuzuar nga SPAK si një nga organizatorët e vrasjes së Fatbardh Licit në Shkodër, ka vendosur të ankimojë masën e sigurisë "Arrest me burg" në Gjykatën Kushtetuese. Lajmi konfirmohet pas depozitimit të kërkesës, ku relatore e çështjes është caktuar gjyqtarja Sonila Bejtja. Përmes përfaqësuesve të tij ligjorë, Bajri kërkon shfuqizimin e vendimeve të tre shkallëve të gjyqësorit (Gjykatës së Posaçme, Apelit të GJKKO-së dhe Gjykatës së Lartë) të marra gjatë vitit 2025, duke i konsideruar ato si antikushtetuese sa i përket mbajtjes së tij në izolim. Dosja e SPAK e rreshton Safet Bajrin krah Behar Bajrit dhe Astmer Bilalit për ekzekutimin e Fatbardh Licit, ngjarje e ndodhur në vitin 2018. Sipas hetimeve, motivi i këtij krimi lidhet me një zinxhir gjakmarrjeje dhe lufte për kontroll territori në qytetin e Shkodrës. Prokuroria e Posaçme pretendon se vrasja u krye në shenjë hakmarrjeje, pasi Behar Bajri dyshonte se nipi i viktimës, Ibrahim Lici, ishte autori i vrasjes së ish-policit Boran Bërçana dhe partneres së tij, Silvi Ndoci, ngjarje ku shpëtoi mrekullisht fëmija i tyre 3-vjeçar. Për këtë ngjarje, Safet Bajri akuzohet për "Vrasje me paramendim" dhe "Grup të strukturuar kriminal". Në kërkesën e tij, Rustemi (Bajri) pretendon se vendimet e mëparshme për caktimin dhe vazhdimin e masës së sigurimit "Arrest me burg" janë në papajtueshmëri me Kushtetutën e Republikës së Shqipërisë. Ai synon rrëzimin e vendimit të fundit të Gjykatës së Lartë, të datës 24 qershor 2025, i cili la në fuqi izolimin e tij. Ndërkohë që hetimet për këtë grup kriminal janë mbyllur, procesi në Gjykatën Kushtetuese pritet të jetë një nga betejat e fundit ligjore të Bajrit për të fituar lirinë ose një masë më të lehtë sigurie përpara nisjes së gjykimit në themel.

2618 views

Një dasmë në Arabinë Saudite ka marrë vëmendje të madhe në rrjetet sociale për shkak të një dhurate të pazakontë. Sipas pamjeve që po qarkullojnë online, gjatë ceremonisë vëllai i nuses ka shpërndarë shufra ari 24 karatësh për mysafirët e pranishëm. Në video shihet momenti kur ai paraqet dhuratën përpara të ftuarve, duke e kthyer ceremoninë në një nga temat më të komentuara në internet. Gjesti është interpretuar si shenjë bujarie dhe respekti ndaj familjarëve dhe miqve, në një kulturë ku ari ka vlerë të veçantë dhe konsiderohet simbol i mirëqenies dhe nderimit. Pamjet kanë nxitur reagime të ndryshme. Disa përdorues e kanë cilësuar si një akt mikpritjeje të rrallë, ndërsa të tjerë e kanë parë si një shfaqje të hapur luksi. Megjithatë, ngjarja ka rikthyer në vëmendje traditën e dhuratave të çmuara në dasmat e vendeve të Gjirit, ku festimet shpesh shoqërohen me shpenzime të konsiderueshme dhe organizime madhështore.

66.7K views

Brenda pak orësh, administrata e lartë e Këshillit të Ministrave ka pësuar një ndryshim rrënjësor. Pas 13 viteve në detyrë, Engjëll Agaçi është larguar nga posti i Sekretarit të Përgjithshëm, një lëvizje që vjen menjëherë pas dëshmisë së tij në Prokurorinë e Posaçme. Gjatë paradites së sotme, Agaçi u paraqit në SPAK ku u mor në pyetje për rreth tre orë lidhur me çështjen e inceneratorit të Tiranës. Pas daljes nga prokuroria, ai deklaroi se mbetet në dispozicion të drejtësisë, por vetëm pak kohë më pas u mësua dorëheqja e tij nga funksioni që mbante që prej vitit 2013, kur Edi Rama erdhi në krye të qeverisë. Burime për mediat bëjnë me dije se pasardhësja e tij është prezantuar nga vetë Kryeministri gjatë mbledhjes së qeverisë. Ajo është Elsonida Rama, një emër që vjen nga strukturat teknike të ligjit. Më parë, zj. Rama ka shërbyer në Drejtorinë e Kodifikimit në Ministrinë e Drejtësisë, një sektor kyç për hartimin e legjislacionit dhe akteve normative. Engjëll Agaçi ka qenë një nga bashkëpunëtorët më jetëgjatë të Kryeministrit Rama, duke shërbyer si hallka kryesore mes vendimmarrjes politike dhe zbatimit ligjor të akteve të qeverisë. Zëvendësimi i tij me Elsonida Ramën shënon një ndryshim të rëndësishëm në strukturën e brendshme të Kryeministrisë, në një kohë kur disa procese hetimore po prekin zyrtarë të lartë.

5220 views

Një tërmet i vërtetë ka goditur pasditen e sotme godinën e Kryeministrisë. Burime për mediat bëjnë me dije se Engjëll Agaçi, njeriu më i besuar i Edi Ramës dhe Sekretari i Përgjithshëm i qeverisë prej 11 vitesh, është larguar nga detyra. Ky largim i papritur vjen në një moment kritik dhe ngre dyshime të forta, pasi ndodhi vetëm pak orë pasi Agaçi "u mbërthye" për 3 orë brenda SPAK. Çfarë ndodhi në dyert e Prokurorisë së Posaçme? Paraditen e sotme, Agaçi u pa të futej në ambientet e SPAK-ut, ku u mor në pyetje intensivisht për rreth 180 minuta. Në dalje, ai u tregua i rezervuar por konfirmoi atë që pritej: "U pyeta lidhur me inceneratorin e Tiranës. Jam në dispozicion të organeve të drejtësisë," deklaroi ai për gazetarët. Misteri i largimit: Dorëheqje apo Shkarkim? Pyetja që po qarkullon me shpejtësi në korridoret e politikës është: Pse pikërisht sot? * A ishte dëshmia në SPAK "pika që derdhi gotën"? A dha Agaçi dorëheqjen për t'u mbrojtur si person privat, apo u shkarkua menjëherë pas daljes nga prokuroria? Deri tani, zyra e shtypit e Kryeministrisë ka zgjedhur heshtjen, duke mos dhënë asnjë sqarim nëse ky ishte një largim i paralajmëruar apo një "shkrirje" e menjëhershme e marrëdhënieve me bashkëpunëtorin më të ngushtë të Ramës.

19.9K views

Një aksident ka ndodhur në rrugën Prrenjas–Qukës, në afërsi të Urës së Bushtricës. Sipas informacioneve paraprake, një automjet është përmbysur dhe si pasojë ka persona të lënduar. Të plagosurit janë transportuar me ambulancë drejt spitalit në Librazhd për të marrë ndihmën e nevojshme mjekësore. Për momentin ende nuk dihet gjendja e tyre shëndetësore dhe as rrethanat e aksidentit.

13.1K views

Një qytetar ka denoncuar gjendjen alarmante në Liqenin e Kukësit, duke treguar me pamje se si bregu është mbuluar pothuajse totalisht nga mbeturinat dhe se prej javësh nuk është ndërmarrë asnjë aksion pastrimi. Sipas qytetarit, situata është përkeqësuar ndjeshëm, ndërsa ai shprehet se ndotja po dëmton mjedisin dhe po ndikon drejtpërdrejt në cilësinë e jetës së banorëve. Ai thekson se, ndonëse çdo ditë paguhet qiraja e makinerive të pastrimit përmes taksave të qytetarëve, deri më tani nuk ka patur asnjë ndërhyrje konkrete nga institucionet përgjegjëse. Qytetari drejton akuza ndaj Bashkia Kukës për mungesë reagimi, duke e cilësuar situatën si “tallje me qytetarët”. Ai shprehet gjithashtu i revoltuar ndaj drejtimit të bashkisë, duke pretenduar se jo vetëm nuk po zgjidhen problemet, por po pengohet edhe zhvillimi normal i komunitetit. Denoncimi i qytetarit: Përshëndetje JOQ. Këto foto janë nga Liqeni i Kukësit, i mbuluar totalisht nga mbeturinat. Prej javësh nuk është bërë asnjë pastrim nga Bashkia Kukës, ndërkohë që çdo ditë paguhet qiraja e makinerive nga taksat tona. Situata është alarmante, ndotje mjedisore dhe tallje me qytetarët. Ju lutem publikojeni këtë denoncim. Faleminderit. Publikojeni kete ju lutem se na e nxiu jeten ky kryetari bashkise leje qe spunon por pengon njerzit te ecin perpara

37.7K views

Një video e një 92-vjeçareje në Kinën lindore është bërë virale në rrjetet sociale, pasi ajo është filmuar duke kapërcyer një portë metalike 2.15 metra të lartë për t’u larguar nga azili ku qëndronte në provincën Shandong. Pamjet tregojnë të moshuarën teksa kap me shkathtësi majën e portës, gjen mbështetje për këmbët dhe për vetëm 24 sekonda arrin ta kalojë plotësisht pengesën. Sipas drejtorit të shtëpisë së të moshuarve në qytetin Yantai, gruaja vuan nga Alzheimer i rëndë. Ai shtoi se 92-vjeçarja, e gjatë 1.6 metra dhe me interes të veçantë për ushtrime fizike dhe ngjitje, u gjet më pas nga stafi në afërsi të institucionit. Lëvizjet e saj të shkathëta, që sfidonin moshën, ngjallën habi dhe admirim te përdoruesit e rrjeteve sociale në Kinë. Megjithatë, pati edhe reagime shqetësuese, ku disa komentues shprehën frikën për sigurinë e saj, duke theksuar rrezikun e mundshëm të rënies gjatë kapërcimit të portës.

17.4K views

Janë zbardhur detaje të reja nga tentativa e grabitjes me armë që ndodhi mesditën e së enjtes në filialin e FiBank në Tiranë. Sipas informacioneve paraprake, autori, 61-vjeçari Bardhyl Fusha, ka deklaruar se kishte rreth 70 milionë lekë të vjetra borxhe të pa shlyera tek punëtorët, ndërsa armën e zjarrit e mbante që prej vitit 1997. Fusha ka treguar se kishte zgjedhur pikërisht këtë filial për grabitje, pasi kishte kryer aty më parë pagesa dhe e njihte ambientin. Ai u afrua pranë bankës me automjetin e tij, e parkoi aty pranë dhe hyri i armatosur brenda filialit. Në momentin e ngjarjes, roja i sigurisë private nuk ishte pranë derës, por dedektori sinjalizoi praninë e metalit. Situata u përshkallëzua kur Fusha nxori kallashnikovin nga çanta dhe qëlloi një herë në dysheme. Ai arriti të marrë vetëm 8 milionë lekë të vjetra nga njëra prej arkave dhe u arrestua sapo doli jashtë bankës.

13.2K views

Një qytetar ka bërë denoncim për një servis makinash në Maminas, duke pretenduar se i janë shitur pjesët e makinës së tij dhe se riparimi i saj nuk është kryer. Ai ka treguar se më datë 2 tetor 2025 ka lënë makinën te servis “Keli” në Maminas për ndryshimin e krahut të timonit nga modeli anglez në europian dhe kishte paguar 1,500 euro paradhënie. Por që nga ajo ditë e deri më datë 4 shkurt, qytetari shprehet se servisi nuk ka kryer asnjë punë, përkundrazi makina është shkatërruar dhe timoni, bateria dhe shumë pjesë të tjera mungonin. Qytetari thotë se pronari i servisit dhe një punonjës i ri, nuk janë përgjigjur ndaj përpjekjeve të tij për komunikim. Ai shton se persona të tjerë gjithashtu kanë pasur probleme të ngjashme me këtë servis dhe se janë mashtruar nga ai. Qytetari bën thirrje që kushdo që ka informacion për këtë rast të kontaktojë me të për të ndihmuar në zgjidhjen e situatës. Denoncimi i qytetarit: Prsh doja te beje nje denancim ne lidhj me nje servise makinash i kame cuar makinen per ndrrime krahu nga anglese ne europjan edhe i kame dhene 1500 e kapare po beje 4 muaj qe i kame lene makinen edhe nuke ma rregudhoje po me kishte shitur edhe pjeset e makines Nese eshte dikushe qe e shefe kete mesazhe te me shkruaje ju lutem faleminderit Ne maminas ndodhet servisi E kame mare makinen me karotreqes Po ky eshte pronari mane edhe nje cune te vogel nene moshe qe punone atije si puna ime kishte edhe te tjere qe kishin te njejtin probleme pjyeta njerzit atije verdadhe edhe me thane qe keshtu bene me njerzit ai i mashtrone Ase telefonin nuke e hape Une k lene makinen te servis Keli per nderrimin e krahut te timonit, kam dhene edhe 1500 euro kapar dhe kam marre makinen ne kete gjendje Makinen e kame lene te servisi ne daten 2.10.2025 edhe e kame mare ne daten 4.02.2026

152K views

Pas gati dy muajsh janë zbardhur rezultatet e autopsisë për foshnjën 4-muajshe që kishte lindur nga shtatzënia e një 12-vjeçareje. Analizat kanë konfirmuar se fëmija i përkiste të dyshuarit tashmë të arrestuar nga policia, 67-vjeçarit Rushan Selko. Rezultatet e autopsisë janë bashkëngjitur tashmë fashikullit hetimor të Prokurorisë së Korçë, e cila pritet së shpejti të dorëzojë kërkesën për përfundimin e hetimeve dhe nisjen e gjykimit ndaj të moshuarit. Ngjarja kishte tronditur opinionin publik kur u zbulua në dhjetor të vitit të kaluar. Sipas hetimeve, e mitura nuk kishte treguar për shtatzëninë prindërve të saj, pasi Rushan Selko e kishte kërcënuar vazhdimisht se do ta vriste nëse ajo informonte familjen. Ky fakt ka rënduar akoma më shumë hetimet dhe konsiderohet një element kyç në procesin gjyqësor që do të ndiqet ndaj të dyshuarit.

16.7K views