Ditën e sotme vendi ynë do të ndikohet nga kushte atmosferike të paqëndrueshme. Sipas Shërbimit Meteorologjik Ushtarak moti parashikohet me vranësira mesatare deri të dendura.

Reshjet e shiut do të bëhen prezente në orët e mesditës me intensitet të ulët përgjatë vijës bregdetare. Pas orëve të mesditës reshjet e shiut do të shtrihen në të gjithë vendin me intensitet të ulët deri mesatar.

Ndërsa në veriperëndim dhe jugperëndim reshjet e shiut hera-herës fitojnë intensitet deri të lartë në formën e shtrëngatave afatshkurtra.

Në zonën e Alpeve reshje dëbore me intensitet deri mesatar, ndërsa në verilindje-lindje në lartësinë mbi 800-900 metra dhe në juglindje në lartësitë mbi1000-1100 metër reshje dëbore me intensitet të ulët.

Era do të fryjë me drejtim juglindja – jugperëndimi  me shpejtësi mesatare 8 m/s, përgjatë vijës bregdetare dhe në zonat luginore era me shpejtësi deri në 20 m/s.

Valëzimi në det do të jetë i forcës 4-6 ballë.

Dashi

Do të ndiheni pak të bllokuar; rutina ndonjëherë bën lojëra të këqija dhe ju keni dëshirë për ndryshim. Megjithatë, duhet të tregoheni të kujdesshëm që të mos e teproni. Në dashuri ka një situatë ngecjeje me partnerin; mund të organizoni diçka ndryshe nga zakonisht për të thyer monotoninë.

Demi

Do të përjetoni një ditë pozitive. Në punë mund të sillni disa risi që do t’ju ndihmojnë të rrisni të ardhurat. Ata që janë në çift do ta shfrytëzojnë momentin për të organizuar një mbrëmje të veçantë. Beqarët mund të marrin një mesazh shumë të këndshëm që e kanë pritur prej kohësh.

Binjakët

Do të përballeni me një ditë me tension në ambientin e punës. Mundohuni të mos ushqeni konflikte të panevojshme dhe tregohuni diplomatë. Në dashuri, xhelozia e theksuar mund të shkaktojë një debat me partnerin, që nuk duhet nënvlerësuar.

Gaforrja

Do të përpiqeni të dëgjoni më shumë emocionet tuaja. Yjet favorizojnë hapjen dhe dialogun me njerëzit e dashur, si dhe aftësinë për të menaxhuar tensionet me qetësi dhe mirëkuptim. Në punë do të keni disa ide për t’i vënë në praktikë brenda një kohe të shkurtër. Do të ketë hapësirë edhe për kreativitet.

Luani

Do të ndieni nevojën të dilni në pah, por duhet të shmangni sjelljet shumë dominuese. Yjet këshillojnë një qasje më bashkëpunuese dhe fleksibël për të arritur rezultate të mira. Ata që janë në çift mund të kenë pasur keqkuptime; tani është momenti për t’i sqaruar.

Virgjëresha

Shfrytëzojeni mundësinë për ta organizuar sa më mirë ditën dhe për të planifikuar me kujdes. Qartësia mendore do të jetë një avantazh i madh. Për çiftet gjithçka do të ecë qetësisht, ndërsa beqarët duhet të bëjnë hapin e parë ndaj një personi interesant që e kanë pasur prej kohësh në mendje.

Peshorja

Do të duhet të balanconi emocionet me arsyetimin. Yjet nxisin komunikimin dhe mirëkuptimin për të krijuar marrëdhënie më harmonike, veçanërisht në çift. Në punë mund të dalë një e papritur, por me pak përkushtim do ta kaloni pa vështirësi.

Akrepi

Do të përjetoni një ditë me ulje-ngritje. Në punë do të ketë një problem për t’u zgjidhur që mund të kërkojë kohë. Në dashuri, ata që janë në çift do të alternojnë momente qetësie me debate të kota, ndërsa beqarët do ta kenë të vështirë t’i afrohen personit që pëlqejnë.

Shigjetari

Do të lëvizni me energji dhe dëshirë për veprim. Yjet mbështesin iniciativa të reja, por ju kujtojnë t’i kushtoni rëndësi detajeve për të shmangur probleme. Disa çifte po kalojnë një krizë; kjo mund të jetë dita për të bërë një hap përpara.

Bricjapi

Do të përqendroheni tek objektivat afatgjata. Dita është e favorshme për të marrë vendime të rëndësishme në punë. Ata që janë në çift do të kalojnë një mbrëmje të qetë, ndërsa beqarët do të kenë më shumë mundësi për të njohur persona interesantë.

Ujori

Do të përjetoni një ditë plot stimuj dhe kreativitet. Yjet këshillojnë të ndiqni idetë e reja, por me një qasje praktike dhe konkrete. Në dashuri gjithçka do të ecë mirë; do të ketë shumë harmoni dhe mirëkuptim me partnerin.

Peshqit

Këtë të mërkurë mund të jeni pak nervozë. Në punë keni pasur disa diskutime me një koleg ose me eprorin, dhe situata është bërë e rëndë. Ky nervozizëm mund të ndikojë edhe në jetën sentimentale, ku do të duket sikur nuk po e kuptoni njëri-tjetrin me partnerin.

Personi që shihni në foto është Vasil Pilo, i riu shqiptar që humbi jetën këtë të martë në aksidentin tragjik në Rumani. Ai është identifikuar zyrtarisht vetëm pak minuta më parë nga policia rumune, e cila tashmë ka kaluar informacionin edhe drejt policisë greke.

Vasil Pilo mësohet se jetonte me familjen e tij në Alexandria të Imathias në Greqi prej shumë vitesh. Jashtë kamerave miqtë e tij tregojnë se Vasili ishte tifoz i zjarrtë i PAOK dhe ishte prezent në gjithë ndeshjet e skuadrës së tij të zemrës, e cila ishte dhe arsyeja që ai po udhëtonte drejt Francës sot.

Aksidenti tragjik ndodhi në Rumani, kur një furgon me tifozë të ekipit grek PAOK të Selanikut, të cilët udhëtonin drejt Francës për të ndjekur ndeshjen kundër Lionit në Europa League, u përfshi në aksident në autostradën pranë qytetit Lugoj. Të gjithë tifozët ishin të moshës 25 deri në 30 vjeç. Sipas autoriteteve rumune, furgoni tentoi të parakalonte një kamion-cisternë, por gjatë rikthimit në korsi u përplas fillimisht me të dhe më pas kaloi në krahun e kundërt të rrugës, ku u përplas me një kamion tjetër. Në aksident u përfshinë gjithsej katër mjete.

Gjashtë nga viktimat humbën jetën në vend, ndërsa një tjetër ndërroi jetë gjatë transportit drejt spitalit. Helikopterët e emergjencës nuk mundën të ndërhyjnë për shkak të kushteve të këqija atmosferike, ndërsa të plagosurit u dërguan në spitalin e qytetit Lugoj.

Ministria e Jashtme e Greqisë dhe ambasada greke në Bukuresht ndodhen në kontakt të vazhdueshëm me autoritetet rumune, për identifikimin e viktimave dhe mbështetjen e familjarëve. Ndërkohë, Klubi i PAOK ka shpallur zi dhe ka njoftuar se do të mbulojë të gjitha shpenzimet për kthimin e trupave dhe ndihmën ndaj të plagosurve.

gijotina.com/

Këtë të martë Greqia është tronditur nga një aksident i rëndë që u mori jetën 7 tifozëve të skuadrës greke PAOK, ndërsa 3 të tjerë mbetën të plagosur. Për fat të keq, mes viktimave është konfirmuar edhe 29-vjeçari Vasil Palo me origjinë nga Korça, ndërsa mes të plagosurve është një tjetër shqiptar, i identifikuar si Genci Sadiku.

Të gjithë personat që po udhëtonin në këtë furgon ishin të moshës 25 deri në 30 vjeç.

Sipas autoriteteve rumune, furgoni tentoi të parakalonte një kamion-cisternë, por është përplasur kokë më kokë me një tjetër kamion.

Helikopterët e emergjencës nuk mundën të ndërhyjnë për shkak të kushteve të këqija atmosferike, ndërsa të plagosurit u dërguan në spitalin e qytetit Lugoj.

Ministria e Jashtme e Greqisë dhe ambasada greke në Bukuresht ndodhen në kontakt të vazhdueshëm me autoritetet rumune, për identifikimin e viktimave dhe mbështetjen e familjarëve.

Klubi i PAOK ka shpallur zi dhe ka njoftuar se do të mbulojë të gjitha shpenzimet për kthimin e trupave dhe ndihmën ndaj të plagosurve. Dhjetëra tifozë të tjerë të PAOK që ishin nisur për në Lion janë kthyer në Greqi. Ndërkohë, kërkesa për anulimin e ndeshjes nuk është pranuar nga Federata Europiane e Futbollit.

Ngushëllime për aksidentin tragjik kanë shprehur gjithë liderët e partive greke, por edhe klubet e futbollit të Greqisë.

gijotina.com/

Forca të shumta policie kanë qënë të pranishme mbrëmjen e sotme në afërsi të qëndrës së qytetit të Fierit.

Një person është nxjerrë me forcë nga automjeti i tij dhe është shoqëruar në furgonin e Forcave “Shqiponja”.

Në vendngjarje janë parë dhjetëra efektivë policie, ndërsa situata është zhvilluar në sy të qytetarëve dhe kalimtarëve të rastit. Shkaqet mbeten ende të paqarta, ndërsa në vijim pritet një informacion zyrtar i Drejtorisë Vendore të Policisë .

gijotina.com/

Një aksident i rëndë rrugor në Rumani u ka marrë jetën shtatë tifozëve të klubit grek PAOK, të cilët po udhëtonin drejt Francës për të ndjekur skuadrën e tyre në ndeshjen kundër Lyon në Europa League.

Mes viktimave janë edhe dy shtetas shqiptarë, të identifikuar si Vasil Pilo dhe Genci Sadiku.

Sipas mediave rumune, mjeti me të cilin udhëtonin dhjetë persona u përplas fillimisht me një autobot dhe më pas me një kamion, duke shkaktuar një përplasje fatale. Shtatë persona humbën jetën në vend, ndërsa tre të tjerë mbetën të plagosur rëndë, ku njëri prej tyre ndodhet në gjendje kritike për jetën.

Grupi i tifozëve ishte nisur nga Greqia dhe po udhëtonte drejt Francës, ku PAOK do të luante ndeshjen e radhës në kuadër të Europa League.

Autoritetet rumune kanë nisur hetime të thelluara për të zbardhur shkaqet dhe rrethanat e plota të kësaj ngjarjeje të rëndë, ndërsa janë njoftuar edhe autoritetet greke dhe familjarët e viktimave.

gijotina.com/

Gjatë emisionit “Në Shënjestër”, në News24, u publikua dhe një raport i Shërbimit të Kontrollit të Brendshëm të Burgjeve, që nxjerr në pah shkeljen në mënyrë arbitrare e rregulloreve të brendshme në burgje.

Qytetarë nga zona të ndryshme të Tiranës ankohen për cilësinë e ujit, e shqetësohen për sasinë e tepërt të klorit dhe aromën që mban.

Top Channel u interesua pranë laboratorit të UKT për problematikën, të cilët sqaruan se nuk ka vend për panik pasi parametrat e klorit në rrjetin shpërndarës, janë në nivelet e përcaktuara nga Ministria e Shëndetësisë, nga 0,3 deri në 0,5 miligramë për litër.

“Analizimi për klorin e lirë mbetës si dhe dozimi klorit në të gjitha depot e stacionet tona të pompimit nuk bëhet manualisht në mënyrë që të themi që është dozuar pak apo më shumë por bëhet me dozator automatik kështu që ajo ngjyra e bardhë zakonisht qytetarët e ngatërrojnë me presionin që duket si turbullirë, por që në fakt është thjesht presioni i ujit në atë moment. Për pjesën e aromës, kjo lidhet pak me pjesën e depozitave sepse pastrimi i tyre duhet të bëhet sipas protokollit 2-3 herë në vit dhe ka pallate që nuk e kryejnë fare pastrimin e depozitave”, u shpreh përgjegjësja e laboratorit UKT, Theodora Kamberi.

Për të kaluar nga burimi, tek depot grumbulluese e deri tek çezmat e banesave në kryeqytet, uji i pijshëm duhet të kalojë nëpër disa filtra në mënyrë që të arrihen parametrat e duhur që të jetë i sigurt për qytetarët. Momentalisht në rrjetin e Tiranës kontrollet për ujin kryhen në 16 pika nga 37 të tilla.

“Uji është vazhdimisht në qarkullim ndaj dhe bëhen kontrolle të vazhdueshme. Momentalisht kontrollojnë 16 pika në rrjetin e Tiranës që analizojnë për 7 parametra fiziko-kimik dhe për parametra bakterologjik. Përcaktimi i pikave ku bëhet kontrolli i ujit të pijshëm në rrjet bëhet bashkë me Inspektoriatin e Kujdesit Shëndetësor”, u shpreh Kamberi.

Ndërmarrja e UKT paralajmëron se do ta zgjerojë këtë plan kontrolli dhe deri në përfundim të javës së fundit të janarit, në kryeqytet do të jenë në total 51 pika monitorimi.

Ana Dajko është deputetja e cila doli nga listat e Partisë së Adriatik Lapajt, Nisma Shqipëria Bëhet, edhe pse u bënë disa tentativa që mandatin e saj ta merrte vajza e tezes së Lapajt, por KAS vendosi se i takonte asaj.

60-vjeçarja është nëna e anëtarit të kryesisë së “Lëvizjes Shqipëria Bëhet”, Vasil Dajko dhe kushërira e Lapajt. Ajo ka kryer arsimin e mesëm dhe është e vetëpunësuar.

Sikur çdo deputet, edhe Dajko ka plotësuar formularin e deklarimit të pasurisë, e cila vlerësohet në rreth 1.19 milionë euro, pasuri e përbashkët me bashkëshortin.

Në deklaratën e saj të pasurisë pranë ILDKPKI, ajo dëshmon se një pjesë e madhe e pasurisë së saj vjen nga aksionet në shoqërinë “Dajko-Koci SHPK”, së bashku me të shoqin, Spiro. Në këtë pasuri, vetëm në emrin e saj, me total pasuri në euro 394 mijë euro, pasuri në lekë 24,403,449.92 (rreth 253 mijë euro), pasuri në dollarë 126.063.48 (rreth 107 mijë euro) ajo zotëron 16 llogarive bankare, disa apartamente, tokë, ullishte, pemëtore, etj.

Vlera totale e akumuluar e pasurive të deklaruara nga subjekti dhe bashkëshorti është përafërsisht:

Apartament (50%)      77,911.68 €
Apartament (50%)      26,379.58 €
Ndërtesë (50%)           48,000.00 €
Apartament (50%)      80,114.75 €
Automjet (50%)          27,500.00 €
Automjet (50% – Spiro)          7,056.67 €
Aksione: DAJKO – KOCI SHPK (33%)        330,000.00 €
Kursime Cash (Ana)   5,000.00 €
Kursime Cash (Spiro) 5,000.00 €
Llogari rrjedhëse (Ana)          2,068.26 €
Llogari kursimi (Ana) 16,045.77 €
Llogari page (Ana)      5,949.10 €
Llogari bankare (Kursimi/Rrjedhëse – Shared/Spiro) 37,258.98 €
Depozitë bankare (Ana – 100%)         60,000.00 €
Depozitë bankare Shumëemërore (Shared)    284,384.75 €
Fonde investimi (Ana) 111,525.36 €
Llogari individuale Spiro (USD/EUR/ALL)  91,989.31 €

gijotina.com/

Një grup kriminelësh, përfshirë dy shqiptarë nga Liverpuli, janë dënuar për një plan të sofistikuar të trafikut të kokainës nga Amerika dhe Meksika, me destinacion aeroportin e Mançesterit në Mbretërinë e Bashkuar, pas një hetimi të gjerë të realizuar nga Agjencia Kombëtare e Krimit (NCA).

Sipas NCA të cilës i referohet Top Channel, të dy shqiptarët nga Kukësi, Elton Hallaci (32 vjeç) dhe Artur Iseberi (27 vjeç), ishin pjesë e një grupi kriminal të organizuar (OCG) që morën pjesë në transferimin e kokainës nga kurierët amerikanë. Ky grup, së bashku me disa të tjerë, kishte krijuar një rrjet ndërkombëtar për të kontrabanduar lëndën narkotike nëpërmjet fluturimeve nga Cancun në Meksikë në aeroportin e Mançesterit.

Në vitin 2024, kurierët amerikanë udhëtuan në Mançester pa bagazhe dhe pasuan udhëzimet që merrnin nga një organizator i quajtur “Nate” për të mbledhur valixhe që përmbanin qindra kilogramë kokainë. Pas mbërritjes në aeroport, ata transferuan kokainën te bashkëpunëtorët britanikë, përfshirë shqiptarët Hallaci dhe Iseberi, që ishin të angazhuar në shpërndarjen e drogës brenda Britanisë.

Më 11 maj 2024, tetë valixhe me kokainë mbërritën në Mançester nga Cancun dhe Barbados. Pas mbledhjes së tyre, ato u shpërndanë përmes një sërë takimesh dhe transferimesh, ku Hallaci dhe Iseberi morën pesë prej tyre, ndërsa Hosker dy të tjerë. Megjithatë, një nga kurierët la një valixhe pas, e cila më vonë u hap nga forcat kufitare, ku u gjetën 20 blloqe kokainë të paketuara me një kilogram secili. Hetimi i NCA-së tregoi se në këtë ditë shqiptarët kishin mbledhur 100 kg kokainë.

Një muaj më vonë, më 31 maj, 300 kg kokainë me pastërti të lartë u futën në Mançester, të cilat u sekuestruan nga autoritetet. Pjesëmarrësit shqiptarë, së bashku me bashkëpunëtorët e tjerë britanikë, ishin përgjegjës për shpërndarjen e lëndës narkotike nëpërmjet një rrjeti të gjerë në të gjithë vendin.

Në shtëpinë e Hallacit, hetuesit gjetën çelësa për një makinë Jaguar me një ndarje të fshehur për kontrabandën e drogës, si dhe një numër shënimesh që tregonin se si do të shpërndahej kokaina në qytete si Bradford, Londër dhe Birmingham.

Gjatë hetimeve, NCA sekuestroi gjithashtu dy makina Jaguar të tjera, të cilat ishin të pajisura me ndarje të fshehura për kontrabandën. I gjithë operacioni i trafikut u mbikëqyr nga kamerat e sigurisë në aeroport dhe nga hetuesit, të cilët kishin vënë nën mbikëqyrje të dyshuarit.

Përfundimisht, Hallaci, Iseberi dhe Hosker pranuan fajësinë për kontrabandë dhe mbajtjen e kokainës me qëllim shpërndarjen, ndërsa Creen, një tjetër i dyshuar i përfshirë, u dënua për mbajtjen e kokainës, por u shpall i pafajshëm për kontrabandën e saj.

Cat McHugh, komandante e NCA-së, tha: “Këta individë ishin pjesë e grupeve kriminale që lëviznin sasi të konsiderueshme kokainë nëpërmjet Britanisë, duke shkaktuar dëme të mëdha në shoqëri. Hetimi ynë ishte i gjatë dhe kërkoi shumë orë punë, por tani ata po paguajnë për krimet e tyre.”

Të pandehurit pritet të dënohen në një datë të mëvonshme, ndërkohë që hetimet vazhdojnë për të zbuluar të tjera pjesëmarrës në këtë rrjet kriminal.

gijotina.com/

Elbasani ka bërë një goditje të madhe në merkaton e janarit. Pak çaste më parë verdheblutë prezantuan afrimin e parë në skuadër. Bëhet fjalë për një mesfushor senegalez. Insa Boje ka luajtur për përqafuesen e Senegalit në 2025-ën por tani nuk ishte i thirrur për Kupën e Kombeve të Afrikës. Rikujtojmë që ata fituan titullin e dytë radhazi.

https://www.instagram.com/reel/DUBTHPJDI__/?utm_source=ig_web_copy_link&igsh=NTc4MTIwNjQ2YQ==

gijotina.com/

Prestigjiozja “New York Times” i ka kushtuar një artikull ministres së Inteligjencës Artificiale në Shqipëri, e njohur me emrin “Diella”, duke përmendur gjithashtu akuzat për korrupsion që godasin qeverinë.

Artikulli thekson se avatari “Diella” është bërë një kryqëzatë publike kundër korrupsionit, ndërsa citon se “Udhëheqësit e agjencisë që e krijuan atë tani akuzohen për manipulim të ofertave në kontrata publike”.

Po ashtu, në artikull përmendet edhe zëvendëskryeministrja Belinda Balluku, për të cilën SPAK ka kërkuar arrestimin, duke shtuar se kjo çështje ka shkaktuar “dhimbje koke” për kryeministrin Edi Rama.

ARTIKULLI I NEW YORK TIMES

Avatari shqiptar i njohur si Diella, një kryqëzatë publike kundër korrupsionit, është përshkruar si ministri i parë qeveritar në botë i krijuar nga inteligjenca artificiale. Avatari i njohur si Diella, i reklamuar si ministri i parë qeveritar në botë i gjeneruar nga inteligjenca artificiale, supozohej të ndihmonte në uljen e korrupsionit endemik të Shqipërisë.

Por ka një problem – udhëheqësit e agjencisë që e krijuan atë tani akuzohen për manipulim të ofertave në kontrata publike.

E veshur me veshje tradicionale dhe një buzëqeshje enigmatike, Diella është bërë fytyra e përpjekjeve të Kryeministrit Edi Rama për të frenuar korrupsionin, ndërsa Shqipëria kërkon të anëtarësohet në Bashkimin Evropian. Gjatë vitit të kaluar, Diella ka folur në konferenca ndërkombëtare dhe është mbuluar me publicitet si një simbol i mënyrës se si inteligjenca artificiale po integrohet në shtyllat e shoqërisë në të gjithë botën, përfshirë qeverinë.

Madje, ajo deklaroi se ndihej “e lënduar” kur iu drejtua Parlamentit të Shqipërisë në vjeshtë për shkak të kritikave që përpjekjet e saj për të identifikuar mashtrimet dhe abuzimet në kontraktim ishin jokushtetuese, duke theksuar: “Unë nuk jam qenie njerëzore.”

“Nuk kam ambicie apo interesa personale,” u tha Diella ligjvënësve në një video në shtator, me flamujt e Shqipërisë dhe të Bashkimit Evropian të mbivendosur pas saj. “Unë kam vetëm të dhëna, njohuri dhe algoritme të dedikuara për t’iu shërbyer qytetarëve në mënyrë të paanshme, me transparencë dhe pa u lodhur kurrë.”

Në praktikë, Diella i ndihmon qytetarët të aplikojnë për shërbime qeveritare në internet, duke eliminuar një sistem ryshfeti të vendosur prej kohësh, për dorëzim të shpejtë të dokumenteve dhe caktim takimesh. Së shpejti, ajo do të jetë në gjendje të mbledhë aplikime për kontrata qeveritare dhe të vlerësojë se cili ofertues është më i kualifikuar, bazuar në të dhënat e paraqitura. Puna e saj mund të auditohet. Ndërmarrja e hapave për të ulur korrupsionin është një kërkesë për pranimin e Shqipërisë në Bashkimin Evropian, një çështje e trashëguar për zotin Rama. Ai e quajti avatarin Diella, fjala femërore për diellin, për të promovuar transparencën në prokurimin publik.

“Ne jemi një vend kushërinjsh, nuk është e lehtë të kesh ndërveprime krejtësisht të drejta dhe transparente në një vend kushërinjsh”, tha ai në një intervistë njëorëshe në fillim të këtij muaji. Me reformat që ka kryesuar që nga marrja e detyrës në vitin 2013, tha zoti Rama, “tani kemi një pamje krejtësisht të ndryshme”. Z. Rama tha se do të largohej nga posti publik sapo Shqipëria të anëtarësohet zyrtarisht në Bashkimin Evropian. Kjo mund të ndodhë që në vitin 2030, nëse negociatat vazhdojnë me ritmin e tyre aktual, megjithëse ai vuri në dukje se “ka tre gjëra që janë përtej aftësisë njerëzore për të planifikuar: Zoti, seksi dhe BE-ja”.

Një raport i nëntorit nga zyrtarët e BE-së tha se Shqipëria kishte “treguar njëfarë progresi”, por se “korrupsioni mbeti…”. Kjo ka krijuar një lloj enigme për zotin Rama, megjithëse ai është shmangur nga skandalet.

Ndërsa shprehu krenari për punën e njësisë së prokurorisë për të frenuar korrupsionin, ai tha gjithashtu se hetimet e saj në vitet e fundit kishin kontribuar në rritjen e normave të paraburgimit në Shqipëri, të cilat janë ndër më të lartat në Evropë. “Ne duhet të bëjmë gjithçka për të mbështetur këtë institucion”, tha z. Rama. “Në të njëjtën kohë, duhet të jemi të vetëdijshëm se ky institucion duhet të garantojë jo vetëm që vepron në mënyrë të pavarur, por edhe që vepron profesionalisht.”. Zyrtarët në njësinë speciale të hetimit nuk pranuan të komentojnë. Por statistikat e saj treguan se rastet e korrupsionit publik nuk janë një komponent i rëndësishëm i paraburgimeve. Raporti vjetor i njësisë për hetimet për vitin 2024, të dhënat më të fundit në dispozicion, sugjeruan se rastet e saj të korrupsionit përbënin vetëm rreth 14 nga gati 2,800 personat që u ndaluan para gjyqit atë vit. Rasti kundër znj. Balluku, për keqpërdorim të fondeve shtetërore në projekte të mëdha infrastrukturore, është bërë një dhimbje koke e veçantë politike për z. Rama, i cili po përballet me kërkesa që asaj t’i hiqet imuniteti që i jepet si anëtare e Parlamentit, në mënyrë që akuzat kundër saj të mund të vazhdojnë. Ajo ka mohuar shkeljet.

Z. Rama nuk pranoi të komentonte, kur u pyet nëse e mbështeste heqjen e imunitetit të saj. As nuk pranoi të diskutonte kundërshtimin politik që është rritur me akuzat në rritje për korrupsion që muajin e kaluar nxitën protestuesit e armatosur me bomba shpërthyese të bënin thirrje qeverisë së tij të jepte dorëheqjen.

Nuk është e mundur të vlerësohet se sa Diella e ka ulur korrupsionin në Shqipëri, meqenëse sistemi është krijuar për ta parandaluar atë, jo për ta zbuluar. Andi Hoxhaj, një ekspert i ligjit dhe Ballkanit Perëndimor në King’s College London, tha se Diella është mënyra se si zoti Rama mund t’i “thotë botës dhe Bashkimit Evropian se ‘Unë e kuptoj që ju jeni të shqetësuar për korrupsionin dhe do të përpiqem ta adresoj atë’”. Në një analizë të dhjetorit, ekspertët në Këshillin Gjerman për Marrëdhëniet me Jashtë thanë se ministri i inteligjencës artificiale kishte rritur “efikasitetin dhe paanshmërinë e vendimeve të prokurimit publik të marra nga qeveria”. Por në përgjithësi, ata arritën në përfundimin se rekordi i Shqipërisë në përmbushjen e standardeve të BE-së për luftimin e korrupsionit, veçanërisht në dhënien e kontratave të ndërtimit dhe turizmit, mbetet “problematik”.

Fakti që zhvilluesit e Diella-s janë akuzuar vetë për korrupsion ka ngritur pyetje nëse një ministër i krijuar nga inteligjenca artificiale mund të programohet për të anashkaluar prova të caktuara të korrupsionit, ose për t’u furnizuar me të dhëna të pabesueshme për ta zbuluar atë. Dr. Hoxhaj tha se “vetëm koha do ta tregojë”, por vuri në dukje se qeveria nuk ishte përpjekur të ndërhynte në hetimin ndaj agjencisë që drejton Diellën. “E kuptoj skepticizmin”, tha ai. “Ka shumë dyshime. Por fakti që u zbulua, jo u fsheh, tregon se ata po e pranojnë se korrupsioni është një problem dhe duhet të parandalohet në të ardhmen”. Kështu thotë se e sheh edhe zoti Rama. “Vendi po përpiqet të luftojë korrupsionin, me të gjitha të metat, me të gjitha problemet, me të gjitha mangësitë, me të gjitha dëmet”, tha ai. “Pra, kjo është mirë”.

gijotina.com/

Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet dhe ka dërguar për gjykim në Gjykatën e Posaçme të Shkallës së Parë procedimin penal nr. 141/1 të vitit 2023, ndaj një grupi personash të akuzuar për trafik ndërkombëtar droge, prodhim dhe shitje narkotikësh, si dhe krijim dhe pjesëmarrje në grup të strukturuar kriminal.

Sipas SPAK, në këtë procedim janë marrë të pandehur gjithsej 11 persona, shtetas shqiptarë dhe të huaj, të cilët dyshohet se kanë vepruar si një rrjet kriminal me shtrirje ndërkombëtare, në bashkëpunim me organizata kriminale në Amerikën Latine, për importimin e lëndës narkotike të llojit kokainë drejt Shqipërisë dhe vendeve të Bashkimit Europian.

Ndër të pandehurit janë Aldi Zonja, Artjon Çaushllari (alias Gjika), Ismajl Abdurrahmani, Jose Ramon Zacarias Vasquez dhe Geis Sejfullai, të akuzuar, mes të tjerash, për trafikim të lëndëve narkotike në kuadër të grupit të strukturuar kriminal dhe drejtim të këtij grupi. Ndërkohë, Klajd Birçe, Hiwlenn Ledezma Narvaez, Samuel Alfonso Moreno Serrano dhe Endi Sejdini akuzohen për trafikim droge dhe pjesëmarrje në grup të strukturuar kriminal.

Sipas akteve hetimore, një pjesë e të pandehurve akuzohen edhe për prodhim dhe shitje narkotikësh, në ambiente banimi dhe lokale në zonën e Manzës, Durrës, gjatë muajit shkurt 2024. Po ashtu, ndaj njërit prej të pandehurve është ngritur edhe akuza për prodhim, mbajtje dhe shitje pa leje të armëve të ftohta.

Nga hetimet rezulton se grupi ka përgatitur kushtet dhe infrastrukturën për importimin nga Republika Domenikane të dy ngarkesave të deklaruara si “lëkurë gjedhësh”, brenda të cilave u gjetën të fshehura rreth 90 kilogramë kokainë, me vlerë tregu rreth 3.6 milionë euro. Këto ngarkesa kanë mbërritur në Portin e Durrësit në muajt korrik dhe nëntor 2024 dhe më pas janë magazinuar në ambiente në zonën e Mulletit, në Tiranë.

SPAK bën me dije se hetimet kanë zbuluar edhe përfshirjen e personave të tjerë në këtë aktivitet, ndaj është vendosur ndarja e akteve dhe vijimi i hetimeve në një procedim të ri penal pa autor, për disa vepra të rënda penale në fushën e narkotikëve dhe krimit të organizuar.

Ky procedim lidhet gjithashtu me një çështje të mëparshme të vitit 2022, ku të njëjtët persona janë akuzuar si organizatorë, financues dhe pjesëmarrës në importimin nga Kolumbia në Shqipëri të një sasie të madhe kokaine të fshehur në “pleh organik artificial”. Për këtë çështje, Gjykata e Posaçme ka dhënë vendime fajësie, të konfirmuara edhe nga Apeli, ndërsa ndaj një shtetasi kolumbian gjykimi vijon ende.

SPAK thekson se hetimi është zhvilluar me përdorimin e teknikave të posaçme hetimore dhe në bashkëpunim me agjenci ligjzbatuese vendase dhe të huaja.

gijotina.com/

Interpol Tirana ka njoftuar se është ekstraduar nga Zvicra drejt Shqipërisë shtetasi Jozi Kraja, 37 vjeç, i lindur në Shkodër, i akuzuar nga Gjykata e Posaçme kundër Korrupsionit dhe Krimit të Organizuar (GJKKO) si pjesëtar i një grupi kriminal.

Ai akuzohet për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal” dhe “Kryerja e veprave penale nga organizata kriminale ose grupi i strukturuar kriminal”.

Nga hetimet e Prokurorisë së Posaçme dyshohet se, për një periudhë rreth katërvjeçare, nga dhjetori 2020 deri në maj 2024, Jozi Kraja ka siguruar kushte dhe mjete materiale për kryerjen e vrasjes së dy vëllezërve, Durim dhe Valter Bami.

Materialet procedurale vijojnë të trajtohen nga autoritetet shqiptare për veprime të mëtejshme.

gijotina.com/

Gjykata e Tiranës këtë të martë ka marrë vendimin për të caktuat masën “detyrim paraqitje” për 19 protestuesit e arrestuar gjatë protestës kombëtare të PD e cila u zhvilluar të shtunën.

Prokuroria kishte kërkuar për 5 prej tyre “masën arrest në burg” dhe për 5 të tjerët “arrest në shtëpi”.

Arrestimi i tyre erdhi pas incidenteve të regjistruara ku gjatë protestës u hodhën molotov në drejtim të Kryeministrisë.

Më pas, ata u shpërndanë me gaz lotsjellës dhe ujë nga policia.

Protestuesit më pas u zhvendosën drejt Kuvendit të Shqipërisë, ku pati edhe përplasje fizike mes tyre dhe forcave të rendit.

Një aksident i rëndë rrugor ka tronditur opinionin sportiv evropian këtë të martë, pasi shtatë persona kanë humbur jetën në Rumani, duke udhëtuar për të ndjekur ndeshjen e Europa League mes PAOK-ut të Selanikut dhe Olympique Lyonit. Viktimat ishin tifozë të klubit grek, të cilët po udhëtonin me një minibus nga Greqia drejt Francës.

Sipas mediave rumune, në automjet ndodheshin gjithsej 10 pasagjerë. Përplasja fatale ka ndodhur rreth orës 13:00 në autostradën E70, mes qyteteve Caransebeș dhe Lugoj, në perëndim të Rumanisë. Minibusi, pas një manovre parakalimi, është përplasur ballë për ballë me një kamion që po vinte nga drejtimi i kundërt.

Përveç shtatë viktimave, edhe tre persona të tjerë kanë mbetur të plagosur rëndë dhe janë transportuar me urgjencë në spital, ku ndodhen nën kujdes intensiv mjekësor.

Autoritetet rumune kanë nisur menjëherë hetimet për të zbardhur shkaqet e aksidentit, duke analizuar kushtet e rrugës, shpejtësinë dhe dinamikën e manovrës që çoi në përplasjen fatale. Ndërkohë, lajmi ka shkaktuar dhimbje të madhe në Greqi dhe veçanërisht te komuniteti i tifozëve të PAOK-ut, të cilët po përgatiteshin të mbështesnin skuadrën e tyre në një nga sfidat më të rëndësishme europiane të sezonit.

Klubi i PAOK-ut pritet të reagojë zyrtarisht në orët në vijim, ndërsa bota e futbollit është bashkuar në dhimbje për këtë tragjedi të rëndë.

Deputeti i PD, Agron Gjekmarkaj akuzoi mazhorancën për kapje të shtetit, ndërsa denoncoi ekzistencën e një figure informale me pushtet absolut, të cilin e identifikoi si “Gysi i Republikës”.

Fjalimi nisi me një kritikë të drejtpërdrejtë ndaj Taulant Ballës, i cili sipas deputetit, përdori terminologji fyese ndaj protestuesve dhe opozitarëve, duke i quajtur “lapanjozë”, ndërsa gjuhën e përdorur, Gjekmarkaj e krahasoi me retorikën e regjimit komunist të Ramiz Alisë në vitin 1990.

“Por ju nuk mund të bëheni sikur nuk e shikoni kolegun tuaj, nënkryetarin e kuvendit, që kërkon fjalën për procedurë, një instrument të cilin unë nuk e përdor shumë shpesh dhe nuk mund të merrni urdhër nga salla sepse i prishet qejfi Taulant Ballës dhe mbyllni seancën për pesë minuta në një kohë që zoti Balla fyu protestuesit, fyu opozitarët me një term të pahijshëm, një term i cili meriton ndëshkim, ose të paktën nga kryetari i grupit të Partisë Socialiste, do të duhej një ndjesë publike. Nuk mund t’i quash lapanxhoz protestuesit. Kjo është gjuha që ka përdorur Ramiz Alia dhe Xhelil Gjoni në vitin 1990 ndaj shqiptarëve që hyjnë në ambasada, ndaj në mitingun famëzi që u bë në sheshin Skënderbej.

Ju duhet të njihni arsyet pse protestuesit reaguan, pse u ngritën kundër dhe u përballën me me gaz lotsjellës, me makina uji, me arrestime dhe me dhunë nga ana e policisë. Janë skandalet, është korrupsioni, është pengimi që i bëni drejtësisë, është taksidari i Republikës, Gysi që ju rreh ministrat dhe deputetët, sekseri i shtetit, ai që i ka ngritur shqiptarët në protestë. Ndaj zoti Balla, si parlamentar i vjetër që jeni, mendoj që duhet të kërkoni një ndjesë publike ndaj shqiptarëve që protestuan dhe i fyet, ndaj opozitarëve që i provokuat sot në këtë sallë.

Më 24 janar, qytetarët dolën në rrugë jo për spektakël, por sepse heshtja po e shndërronte shoqërinë shqiptare në bashkëfajtore. Ju nuk e keni lexuar si duhet atë masë të madhe qytetarësh. Ajo nuk ishte një protestë politike, ishte vrasja e frikës, ishte çasti kur qytetarët vendosën të mos nënshtrohen më. Sepse kur frika vritet, pushteti fillon të dridhet. Ndaj ju sot jeni më të zbehtë dhe do të keni qehre më të keqe nesër. Pranvera do të jetë një stinë ankthi për ju. Qytetarët, aksionerët e Republikës, kanë kuptuar që nuk kemi përballë thjesht skandale, babëzi dhe hajdutëri. Kemi përballë diçka shumë më të rëndë. Një grusht shteti institucional, një marrje peng të drejtësisë.

Ju keni vënë dorë mbi hetimet, keni kapur institucionet, po zhbëni drejtësinë dhe retorikën hipokrite të këtyre viteve ku na flisni si paladinë të drejtësisë së pavarur. Të përdorësh termin keqqeverisje do të ishte përkëdhelje, lëvdatim. Por jo, në fakt kemi të bëjmë me një kapje të shtetit, me një kastë mafioze në krye të tij. Në qendër të kësaj kapje, pas figurës formale të zëvendëskryeministres Balluku, qëndron një figurë informale, një njeri pa mandat, por me pushtet absolut dhe vese absolute. Ky është Gysi i Republikës. Ai që i kompanisë ministrat tuaj, ai që çorton deputetët, ai që koordinon interesa, tendera dhe ndikim. Ai që koordinon krimin dhe pushtetin pa firmë, por me urdhër. Ky nuk është shtet ligjor. Ky është regjim klientelist, pa din, pa imam dhe pa fytyrë. Ka thjesht surrat”, u shpreh ai.

Nga Lara Jakes, THE NEW YORK TIMES

“Unë nuk kam ambicie apo interesa personale,” tha Diella, e modeluar sipas një aktoreje lokale, në një video të shtatorit me flamurin shqiptar dhe atë të Bashkimit Evropian të vendosur pas saj. “Kam vetëm të dhëna, njohuri dhe algoritme të dedikuara për të shërbyer qytetarët në mënyrë të paanshme, me transparencë dhe pa u lodhur kurrë”.

Në praktikë, Diella ndihmon qytetarët të aplikojnë për shërbime qeveritare online, duke eliminuar një sistem të vjetër të ryshfeteve për marrjen e dokumenteve dhe prenotimin e takimeve. Së shpejti do të jetë në gjendje të përmbledhë aplikimet për tendera qeveritarë për të vlerësuar se cili ofertues është më i kualifikuar, bazuar në të dhënat e dorëzuara. Puna e saj mund të auditohet.

Marrja e masave për të reduktuar korrupsionin është një kërkesë për anëtarësimin e Shqipërisë në Bashkimin Evropian, një çështje që lidhet me trashëgiminë politike të zotit Rama. Ai e ka emëruar avataren Diella, fjalë femërore për “diell,” për të promovuar transparencën në prokurimet publike.

Kryeministri Edi Rama tha: “Ne jemi një vend ku të gjithë jemi farefis, nuk është e lehtë të kesh marrëdhënie plotësisht të drejta dhe transparente në një vend ku njerëzit janë të lidhur,” gjatë një interviste një-orëshe më herët këtë muaj. Me reformat që ka udhëhequr që nga marrja e detyrës në 2013, zoti Rama tha: “tani kemi një pamje krejtësisht ndryshe”.

Ai tha se do të largohet nga posti publik sapo Shqipëria të anëtarësohet zyrtarisht në Bashkimin Evropian. Kjo mund të ndodhë sa më shpejt, që në vitin 2030, nëse negociatat vazhdojnë me ritmin aktual, megjithëse shtoi se “ka tre gjëra që janë mbi kapacitetin njerëzor për t’u planifikuar: Zoti, seksi dhe BE-ja”.

Një raport i nëntorit nga zyrtarë të BE-së tha se Shqipëria kishte “shfaqur disa përparime” por “korrupsioni mbetet i përhapur në sektorë të ndjeshëm”. Raporti vlerësoi një njësi speciale prokurimi e ngritur në 2019 për rezultatet “pozitive në luftën kundër korrupsionit të nivelit të lartë”.

Kjo përfshin edhe një hetim në Agjencinë Kombëtare të Informacionit, vetë organizatën qeveritare që krijoi Diellën.

Muajin e kaluar, prokurorët në njësinë speciale hetimore njoftuan se kishin vendosur drejtoreshën e agjencisë dhe zëvendësin e saj nën arrest shtëpie, duke i lidhur me një organizatë kriminale të akuzuar për manipulim të aplikimeve të tenderave përmes intimidimit. Agjencia menaxhon infrastrukturën digjitale të qeverisë dhe ka kontroll mbi shumë sisteme publike online, përfshirë Diellën.

Të dy zyrtarët ende nuk janë akuzuar zyrtarisht për ndonjë krim, dhe zoti Rama tha se do të prisnin me gjykimin e situatës. “Duhet të presim dhe të shohim,” tha ai.

Njësia speciale e hetimit ka zgjeruar ndjeshëm luftën e Shqipërisë kundër korrupsionit dhe krimit të organizuar, duke përfshirë hetime të profilit të lartë ndaj ish-presidentit Ilir Meta; Erion Veliaj, kryetarit të Bashkisë së Tiranës; dhe një zv/kryeministre, Belinda Balluku, e cila është gjithashtu ministre e Infrastrukturës dhe Energjisë dhe është e afërt me zotin Rama.

Kjo ka krijuar një situatë të vështirë për zotin Rama, edhe pse ai i ka manovruar skandalet.

Ndërsa shprehte krenari për punën e njësisë së prokurorisë për të frenuar korrupsionin, ai gjithashtu tha se hetimet e saj  vitet e fundit kanë kontribuar në rritjen e ndalimeve paraprake në Shqipëri, që janë ndër më të lartat në Europë.

“Duhet të bëjmë gjithçka për të mbështetur këtë institucion,” tha zoti Rama. “Por në të njëjtën kohë, duhet të jemi të vetëdijshëm që ky institucion duhet të garantojë jo vetëm që vepron në mënyrë të pavarur, por edhe profesionalisht”.

Zyrtarët e njësisë speciale refuzuan të komentojnë. Por statistikat e tyre treguan se rastet e korrupsionit publik nuk përbëjnë një pjesë të konsiderueshme të ndalimeve paraprake. Raporti vjetor i hetimeve për 2024, të dhëna më të fundit në dispozicion, sugjeronte se rastet e korrupsionit përbënin vetëm rreth 14 nga afërsisht 2,800 persona të ndaluar para gjyqit atë vit.

Rasti kundër znj. Balluku, për keqmenaxhim të fondeve shtetërore në projekte infrastrukturore të mëdha, është bërë një dhimbje koke politike për zotin Rama, i cili po përballet me kërkesa që ajo të lirohet nga imuniteti që gëzon si anëtare e Parlamentit, në mënyrë që të vazhdojnë akuzat kundër saj. Ajo ka mohuar çdo shkelje.

Zoti Rama nuk pranoi të komentojë kur u pyet nëse mbështeste heqjen e imunitetit të saj. As nuk pranoi të diskutonte për opozitën politike, e cila është rritur me shtimin e akuzave për korrupsion dhe që muajin e kaluar bëri që protestuesit, të armatosur me bombola zjarri, të kërkonin dorëheqjen e qeverisë së tij.

Nuk është e mundur të matet sa ka ulur Diella korrupsionin në Shqipëri që nga vendosja e sistemit, pasi ajo është krijuar për ta parandaluar atë, jo për ta zbuluar.

Andi Hoxhaj, ekspert për të drejtën dhe Ballkanin Perëndimor në King’s College London, tha se Diella është mënyra se si zoti Rama mund t’i “tregojë botës dhe Bashkimit Evropian se ‘e kuptoj që jeni të shqetësuar për korrupsionin dhe po përpiqem ta adresoj’.”

Në një analizë të dhjetorit, ekspertët e Këshillit Gjerman për Marrëdhënie të Jashtme thanë se ministrja AI kishte përmirësuar “efikasitetin dhe paanshmërinë e vendimeve të prokurimit publik të marra nga qeveria”. Por në përgjithësi, ata përfunduan se rekordi i Shqipërisë për përmbushjen e standardeve të BE-së për luftën kundër korrupsionit, veçanërisht në dhënien e kontratave të ndërtimit dhe turizmit, mbetet “problematik”.

Që zhvilluesit e Diellës vetë të jenë akuzuar për korrupsion ka ngjallur pikëpyetje nëse një ministër i krijuar nga AI mund të programohet për të injoruar prova të caktuara të korrupsionit, ose për të përdorur të dhëna të pasakta për ta zbuluar atë.

Dr. Hoxhaj tha se “vetëm koha do ta tregojë,” por vuri në dukje se qeveria nuk ka ndërhyrë në hetimin ndaj agjencisë që menaxhon Diellën.

“E kuptoj skepticizmin,” tha ai. “Ka shumë tym. Por fakti që u zbuluan, dhe nuk u fshehën, tregon se ata e pranojnë që korrupsioni është problem dhe duhet parandaluar në të ardhmen”.

Kështu e sheh gjërat edhe zoti Rama.

“Vendi po përpiqet të luftojë korrupsionin, me të gjitha mangësitë, problemet dhe dëmet,” tha ai. “Pra, kjo është gjë e mirë”.

Nga Lara Jakes, THE NEW YORK TIMES

“Unë nuk kam ambicie apo interesa personale,” tha Diella, e modeluar sipas një aktoreje lokale, në një video të shtatorit me flamurin shqiptar dhe atë të Bashkimit Evropian të vendosur pas saj. “Kam vetëm të dhëna, njohuri dhe algoritme të dedikuara për të shërbyer qytetarët në mënyrë të paanshme, me transparencë dhe pa u lodhur kurrë”.

Në praktikë, Diella ndihmon qytetarët të aplikojnë për shërbime qeveritare online, duke eliminuar një sistem të vjetër të ryshfeteve për marrjen e dokumenteve dhe prenotimin e takimeve. Së shpejti do të jetë në gjendje të përmbledhë aplikimet për tendera qeveritarë për të vlerësuar se cili ofertues është më i kualifikuar, bazuar në të dhënat e dorëzuara. Puna e saj mund të auditohet.

Marrja e masave për të reduktuar korrupsionin është një kërkesë për anëtarësimin e Shqipërisë në Bashkimin Evropian, një çështje që lidhet me trashëgiminë politike të zotit Rama. Ai e ka emëruar avataren Diella, fjalë femërore për “diell,” për të promovuar transparencën në prokurimet publike.

Kryeministri Edi Rama tha: “Ne jemi një vend ku të gjithë jemi farefis, nuk është e lehtë të kesh marrëdhënie plotësisht të drejta dhe transparente në një vend ku njerëzit janë të lidhur,” gjatë një interviste një-orëshe më herët këtë muaj. Me reformat që ka udhëhequr që nga marrja e detyrës në 2013, zoti Rama tha: “tani kemi një pamje krejtësisht ndryshe”.

Ai tha se do të largohet nga posti publik sapo Shqipëria të anëtarësohet zyrtarisht në Bashkimin Evropian. Kjo mund të ndodhë sa më shpejt, që në vitin 2030, nëse negociatat vazhdojnë me ritmin aktual, megjithëse shtoi se “ka tre gjëra që janë mbi kapacitetin njerëzor për t’u planifikuar: Zoti, seksi dhe BE-ja”.

Një raport i nëntorit nga zyrtarë të BE-së tha se Shqipëria kishte “shfaqur disa përparime” por “korrupsioni mbetet i përhapur në sektorë të ndjeshëm”. Raporti vlerësoi një njësi speciale prokurimi e ngritur në 2019 për rezultatet “pozitive në luftën kundër korrupsionit të nivelit të lartë”.

Kjo përfshin edhe një hetim në Agjencinë Kombëtare të Informacionit, vetë organizatën qeveritare që krijoi Diellën.

Muajin e kaluar, prokurorët në njësinë speciale hetimore njoftuan se kishin vendosur drejtoreshën e agjencisë dhe zëvendësin e saj nën arrest shtëpie, duke i lidhur me një organizatë kriminale të akuzuar për manipulim të aplikimeve të tenderave përmes intimidimit. Agjencia menaxhon infrastrukturën digjitale të qeverisë dhe ka kontroll mbi shumë sisteme publike online, përfshirë Diellën.

Të dy zyrtarët ende nuk janë akuzuar zyrtarisht për ndonjë krim, dhe zoti Rama tha se do të prisnin me gjykimin e situatës. “Duhet të presim dhe të shohim,” tha ai.

Njësia speciale e hetimit ka zgjeruar ndjeshëm luftën e Shqipërisë kundër korrupsionit dhe krimit të organizuar, duke përfshirë hetime të profilit të lartë ndaj ish-presidentit Ilir Meta; Erion Veliaj, kryetarit të Bashkisë së Tiranës; dhe një zv/kryeministre, Belinda Balluku, e cila është gjithashtu ministre e Infrastrukturës dhe Energjisë dhe është e afërt me zotin Rama.

Kjo ka krijuar një situatë të vështirë për zotin Rama, edhe pse ai i ka manovruar skandalet.

Ndërsa shprehte krenari për punën e njësisë së prokurorisë për të frenuar korrupsionin, ai gjithashtu tha se hetimet e saj  vitet e fundit kanë kontribuar në rritjen e ndalimeve paraprake në Shqipëri, që janë ndër më të lartat në Europë.

“Duhet të bëjmë gjithçka për të mbështetur këtë institucion,” tha zoti Rama. “Por në të njëjtën kohë, duhet të jemi të vetëdijshëm që ky institucion duhet të garantojë jo vetëm që vepron në mënyrë të pavarur, por edhe profesionalisht”.

Zyrtarët e njësisë speciale refuzuan të komentojnë. Por statistikat e tyre treguan se rastet e korrupsionit publik nuk përbëjnë një pjesë të konsiderueshme të ndalimeve paraprake. Raporti vjetor i hetimeve për 2024, të dhëna më të fundit në dispozicion, sugjeronte se rastet e korrupsionit përbënin vetëm rreth 14 nga afërsisht 2,800 persona të ndaluar para gjyqit atë vit.

Rasti kundër znj. Balluku, për keqmenaxhim të fondeve shtetërore në projekte infrastrukturore të mëdha, është bërë një dhimbje koke politike për zotin Rama, i cili po përballet me kërkesa që ajo të lirohet nga imuniteti që gëzon si anëtare e Parlamentit, në mënyrë që të vazhdojnë akuzat kundër saj. Ajo ka mohuar çdo shkelje.

Zoti Rama nuk pranoi të komentojë kur u pyet nëse mbështeste heqjen e imunitetit të saj. As nuk pranoi të diskutonte për opozitën politike, e cila është rritur me shtimin e akuzave për korrupsion dhe që muajin e kaluar bëri që protestuesit, të armatosur me bombola zjarri, të kërkonin dorëheqjen e qeverisë së tij.

Nuk është e mundur të matet sa ka ulur Diella korrupsionin në Shqipëri që nga vendosja e sistemit, pasi ajo është krijuar për ta parandaluar atë, jo për ta zbuluar.

Andi Hoxhaj, ekspert për të drejtën dhe Ballkanin Perëndimor në King’s College London, tha se Diella është mënyra se si zoti Rama mund t’i “tregojë botës dhe Bashkimit Evropian se ‘e kuptoj që jeni të shqetësuar për korrupsionin dhe po përpiqem ta adresoj’.”

Në një analizë të dhjetorit, ekspertët e Këshillit Gjerman për Marrëdhënie të Jashtme thanë se ministrja AI kishte përmirësuar “efikasitetin dhe paanshmërinë e vendimeve të prokurimit publik të marra nga qeveria”. Por në përgjithësi, ata përfunduan se rekordi i Shqipërisë për përmbushjen e standardeve të BE-së për luftën kundër korrupsionit, veçanërisht në dhënien e kontratave të ndërtimit dhe turizmit, mbetet “problematik”.

Që zhvilluesit e Diellës vetë të jenë akuzuar për korrupsion ka ngjallur pikëpyetje nëse një ministër i krijuar nga AI mund të programohet për të injoruar prova të caktuara të korrupsionit, ose për të përdorur të dhëna të pasakta për ta zbuluar atë.

Dr. Hoxhaj tha se “vetëm koha do ta tregojë,” por vuri në dukje se qeveria nuk ka ndërhyrë në hetimin ndaj agjencisë që menaxhon Diellën.

“E kuptoj skepticizmin,” tha ai. “Ka shumë tym. Por fakti që u zbuluan, dhe nuk u fshehën, tregon se ata e pranojnë që korrupsioni është problem dhe duhet parandaluar në të ardhmen”.

Kështu e sheh gjërat edhe zoti Rama.

“Vendi po përpiqet të luftojë korrupsionin, me të gjitha mangësitë, problemet dhe dëmet,” tha ai. “Pra, kjo është gjë e mirë”.