Gazeta belge, LA LIBRE ka raportuar se sot në Bruksel është mbajtuar seanca për nëntë persona e vrasjes së Ardit Spahiut, ngjarje e kryer më 27 nëntor 2020 në Molenbeek. Sipas LA LIBRE, partnerja aktuale e Franc Gergely-t, i njohur si Çopja, i dyshuari kryesor për vrasjen, ka dëshmuar nëpërmjet video-konferencës nga Emiratet e Bashkuara Arabe.

Gjatë dëshmisë, ajo e përshkroi atë si një burrë besnik dhe jo agresiv, i cili kurrë nuk ngrinte zërin para askujt. Ajo gjithashut deklaroi se nuk ishte në dijeni për ndonjë aktivitet kriminal të të akuzuarit dhe shpalli pafajësinë e partnerit të saj.

Në seancë ka dëshmuar përmes video-konferencës edhe një shqiptar nga Elbasani rreth 30-vjeç. Ai ka deklaruar se njihte dy familjet Alibej dhe Çopja, të cilat janë përfshirë në një luftë klanesh që të paktën nga dhjetori 2018.

Ndërkohë, kryetarja e gjykatës e pyeti dëshmitarin për një sherr të 2017, që kishte shpërthyer në një lokal në Elbasan dhe në të ishte përfshirë Franc Gergely. Dëshmitari e përshkroi si një mosmarrëveshje të vogël dhe një sherr të thjeshtë mes meshkujsh që kishte degraduar.

Kryetarja e gjykatës kujtoi se sherri ishte raportuar në mediat shqiptare dhe se ishin përdorur armë zjarri. Dëshmitari më pas pranoi përdorimin e armëve të zjarrit. Ai gjithashtu deklaroi se një pjesë e dëshmisë, e dhënë të hënën nga vëllai i gruas së vëllait të viktimës, një anëtar i familjes Alibej, ishte një gënjeshtër.

Më herët gjatë mëngjesit, një ekspert ADN-je foli para gjykatës, duke specifikuar se asnjë ADN tjetër, përveç asaj të Ardit Spahiut dhe të burrit që po drejtonte makinën në të cilën ai ndodhej pak para vrasjes së tij, nuk ishte gjetur në vendin e krimit.

gijotina.com/

Vetëm 10 ditë pas ekzekutimit të shqiptarit Jani Aliaj në burgun famëkeq të Koridhalos në Greqi, një tjetër shqiptar është plagosur me thikë në burgjet greke.

Sipas mediave greke bëhet me dije se shqiptari i njohur me pseudonimin “Demos” u plagos pasditen e sotme, menjëherë pas transferimit të tij në burgun e Malandrinos. Fatmirësisht ai ndodhet jashtë rrezilut për jetën.

Bëhet fjalë për një nga vrasësit famëkeq të botës së krimit në Athinë, i cili konsiderohet si “truri” i atentatit ndaj Jani Lalës në maj të vitit 2025, kur automjeti i këtij të fundit u qëllua me dhjetëra plumba kallashnikovi.

Lala kishte shpëtuar atëherë falë blindimit të rëndë të Mercedesit luksoz që drejtonte (shënim: Jani Lala u vra përfundimisht më 1 nëntor në Arahova, ndërsa policia e Drejtorisë për Luftën kundër Krimit të Organizuar arrestoi 4 persona, shtetas me origjinë nga Rusia dhe grekë).

“Dimos” kishte gjithashtu lidhje shumë të ngushta me Panagiotis Vlastos, figurë drejtuese e të ashtuquajturës Greek Mafia.

Pas arrestimit, ai mbahej në spitalin psikiatrik të burgut të Korydallos, ku iu nënshtrua ekzaminimeve nga specialistë. Sot ishte planifikuar transferimi i tij në burgun e Malandrinos dhe, pa mbërritur ende në pavijonin ku do të mbahej, ai u sulmua me një mjet prerës artizanal nga një i burgosur tjetër.

Si pasojë e sulmit, 45-vjeçari u plagos rëndë, por jeta e tij nuk është në rrezik. Autori, një shtetas grek i akuzuar për pjesëmarrje në organizatë kriminale dhe që punonte në kioskun e burgut, u arrestua menjëherë.

Ekzekutori shqiptar ka qenë dhjetëra herë në fokus të autoriteteve, për ekzekutime me pagesë, tentativa vrasjeje, shantazhe dhe grabitje.

gijotina.com/

Autoritetet gjermane kanë deklaruar se një bandë shqiptare e drogës ka operuar në disa plantacione të mëdha kanabisi në North Rhine-Westphalia. Majin e kaluar, policia gjermane u ka sekuestruar 1,200 bimë kanabisi në Dormagen, rreth 4,600 në Lüdenscheid dhe 550 në Bad Salzuflen.

Në lidhje me ketë u arrestuan shtatë shqipate të moshës 21 deri në 51 vjeç. Mediat gjermane shkruajnë se ata akuzohen për kultivimin e lëndëve narkotike. Plantacionet thuhet se kanë dhënë 150 kilogramë kanabis për korrje.

Artikulli i plotë nga AACHENER ZEITUNG

Një bandë shqiptare e drogës thuhet se ka operuar disa plantacione të mëdha kanabisi në North Rhine-Westphalia. Majin e kaluar, hetuesit sekuestruan pothuajse 1,200 bimë kanabisi në Dormagen, rreth 4,600 në Lüdenscheid dhe 550 në Bad Salzuflen. Të mërkurën, gjyqi kundër shtatë të pandehurve shqiptarë të moshës 21 deri në 51 vjeç filloi në Gjykatën Rajonale të Dyseldorfit.

Zyra e prokurorit publik i akuzon ata për kultivim komercial dhe trafik droge të ngjashme me bandat në sasi jo të vogla ose për ndihmë dhe nxitje të tyre. Në fillim, avokatët mbrojtës njoftuan deklarata nga klientët e tyre.

Sipas aktakuzës, dy udhëheqës kishin marrë me qira pasuri të paluajtshme dhe kishin rekrutuar pesë bashkatdhetarë për të menaxhuar plantacionet përgjithmonë. Ndihmësve 21 deri në 34 vjeç iu premtuan 10,000 euro për korrje.

Aktivitetet e ekspozuara të planifikuara të rrëmbimit

Plantacionet ishin ekspozuar nga një çështje tjetër penale, tha prokurorja Meike Beckmann. Bëhej fjalë për një rrëmbim të planifikuar në mjedisin e drogës. Dy mercenarë letonezë u akuzuan. Të dy supozohej të rrëmbenin një burrë për një bos aziatik droge. Megjithatë, ata kishin tërhequr vëmendjen e një patrulle policore dhe u arrestuan.

Gjatë hetimeve të mëtejshme, 25 hetues të drogës hasën shqiptarët tani të akuzuar në maj. Ata kishin qenë nën vëzhgim për javë të tëra. Më 6 maj të vitit të kaluar, hetuesit më në fund goditën dhe gërmuan plantacionet. Në operacion u përfshinë gjithashtu task forcat speciale (SEK). Në Bad Salzuflen, Dormagen, Herne, Lüdenscheid, Neuss dhe Oberhausen, hetuesit goditën.

Konsumi mesatar i energjisë për plantacionet e paligjshme thuhet se ka qenë rreth dy milionë kilovat orë në vit. Kjo ishte afërsisht e barabartë me konsumin vjetor të 400 familjeve. Të dyshuarit thuhet se kanë përgjuar në mënyrë të paligjshme energjinë elektrike nga rrjeti elektrik.

Plantacionet thuhet se kanë dhënë 150 kilogramë kanabis për korrje. Shtatë ditë të tjera gjyqi janë planifikuar për gjyqin deri më 23 mars.

gijotina.com/

Ndonëse sistemi i self-care filloi të bëhej funksional për bizneset, që nga pasditja e djeshme dhe sot Agjencia Kombëtare e Shoqërisë së Informacionit AKSHI konfirmoi për  se është në rregull, sërish subjektet raportojnë probleme.

“Nuk shkarkoj dot asnjë faturë, akoma nuk punon tamam”, thotë I.K, një ekonomiste.

“Nuk punon ende, duhet ta tentosh 20 herë dhe sërish del mesazhi ‘ju lutem kontaktoni administratorin’” thotë një tjetër.

“Fakti që u hap një moment mori 2-3 komanda nuk mjafton për t’u quajtur funksional. Është totalisht jo funksional, nëse të duhet të provosh gjithë ditën për një veprim që kërkon 3 klikime, nuk besoj se mund të quhet funksional”, thotë Armand Mala, kontabilist.

“Shumicën e kohës nuk punon e nuk janë transmetuar të gjitha dhënat deri sot. As fatura nuk shkarkon dot veç sheh, thotë E.S, një ekonomiste.

Të tjerë ankohen që edhe kur arrijë ta aksesojnë faturat e blerjes u shfaqën fillimisht deri ato të datës 21 janar e më pas në 24 janar.

Burime nga AKSHI thanë sërish se sistemi punon. “Ndoshta ka pak ngarkesë por është totalisht funksional. Është rikonfirmuar disa herë sot”.

Për javë me radhë, aktiviteti i subjekteve u bllokua, për shkak të mosfunksionimit të sistemit self-care, që menaxhohet nga e-Albania.

Dy ditë më parë, Aleanca e Profesionistëve të Lirë (APL) , që përfaqëson anëtarë në sektorë të ndryshëm në Shqipëri, iu drejtua Drejtorisë së Përgjithshme të Tatimeve (DPT) dhe Agjencisë Kombëtare të Shoqërisë së Informacionit (AKSHI) me një shkresë në lidhje me problematikat e përsëritura në sistemin e fiskalizimit, të cilat po sjellin bllokime serioze në aktivitetin ekonomik dhe rrisin riskun e penaliteteve ndaj bizneseve për shkaqe që nuk burojnë nga subjektet tatimpaguese.

Edhe Shoqata e Kontabilistëve dhe Financierëve të Shqipërisë kërkoi një plan emergjence dhe një shtyrje e afateve të bilanceve.

Sipas shoqatës, rakordimi i shitjeve dhe konfirmimi i blerjeve midis asaj që raporton softueri dhe asaj që ka “gllabëruar” serveri tatimor është kthyer në një mision të pamundur. Pa këtë pasqyrë të qartë, hartimi i Pasqyrave Financiare kthehet në një ushtrim hamendësimi, duke cënuar parimin bazë të vërtetësisë

Qeveria Shqiptare ka zgjatur marrëveshjen me kompaninë amerikane Satellogic për monitorim të satelitor të të gjithë vendit.

Lajmi është bërë publik nga vetë kompania në faqen e saj të internetit.

Zgjatja e kontratës për 11 muaj vjen mbi bazën e një marrëveshjeje trevjeçare të nënshkruar më herët në vitin 2022, e cila i garantoi Shqipërisë kapacitet të dedikuar satelitor nëpërmjet dy satelitëve Albania-1 dhe Albania-2 të cilët u lëshuan në hapësirë në janar të vitit 2023.

Sipas marrëveshjes së zgjatur, institucionet shqiptare do të vijojnë të marrin imazhe satelitore me rezolucion të lartë, deri në 50 centimetra, që mbulojnë të gjithë territorin e vendit. Kjo u mundëson autoriteteve shqiptare mbikëqyrje të vazhdueshme dhe një rrjedhë të centralizuar informacioni për prioritetet kombëtare.

Monitorimi satelitor do të përdoret për disa fusha kyçe, përfshirë ndërtimet pa leje, shpyllëzimin, menaxhimin e burimeve natyrore, si edhe reagimin ndaj emergjencave dhe fatkeqësive natyrore. Qasja e re synon kalimin nga reagimi pas ngjarjeve, drejt një vëzhgimi të vazhdueshëm dhe parandalues.

“Jemi të kënaqur që po vazhdojmë partneritetin me Shqipërinë, e cila po i jep përparësi monitorimit në shkallë kombëtare,” tha Jeff Kerridge, zëvendëspresident për shitjet globale në Satellogic. “Qeveritë kanë nevojë për mbikëqyrje të vazhdueshme, jo vetëm pamje sporadike. Kjo marrëveshje tregon se monitorimi i përhershëm është tashmë i nevojshëm dhe i përballueshëm ekonomikisht.”

Në bazë të marrëveshjes fillestare, dy satellitet do të përdoren për monitorimin e territorit të Republikës së Shqipërisë, zhvillimin e kapaciteteve teknike e profesionale të vendit për përdorimin e shërbimit satelitor, përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj.

Marrëveshja për ngritjen e satelitëve mes Agjencisë Kombëtare të Mbrojtjes Civile dhe Operatorit Operatorit Satellogic USA Inc u nënshkrua më 29 shtator të vitit 2022 me një vlerë prej 6 milionë dollarësh.

gijotina.com/

Në vijim të takimeve të tij me demokratët në të gjithë Shqipërinë, ish-deputeti i Partisë Demokratike, Ervin Salianji, ishte këtë të enjte në Himarë.

Sipas Salianjit, pa demokraci të brendshme dhe respekt për anëtarët, PD nuk mund të ketë besueshmëri përballë qytetarëve.

Reagimi i plotë i Salianjit

Partia Demokratike duhet të jetë modeli i epërsisë morale përballë qeverisë.

Nëse Edi Rama dhe qeveria e tij kanë shkretuar Shqipërinë përmes keqqeverisjes, është e papranueshme që lidershipi që sot drejton demokratët të shkatërrojë garat, të pilotojë kryetarë pa pyetur anëtarësinë dhe, aq më keq, ta përjashtojë atë nga vendimmarrja.

Sot isha në Himarë, së bashku me sekretarin e degës, dy ish-kryetarët e degës, ish-kandidaten për Bashkinë dhe drejtuesin e ish-të përndjekurve politikë, për të dëgjuar shqetësimet reale të demokratëve lidhur me farsën që është zhvilluar në këtë degë. Ajo që po ndodh në Himarë është e papranueshme për çdo demokrat që beson te parimet dhe te vota e lirë.

Demokratët vendosin. Demokratët duhet të dëgjohen.

Ata janë pronarët e vërtetë të Partisë Demokratike dhe sakrifikuesit më të mëdhenj përballë regjimit. Pa respekt për anëtarësinë, nuk ka opozitë morale; pa demokraci të brendshme, nuk ka besueshmëri përballë qytetarëve.

gijotina.com/

Komisioni i Verifikimit, organi përgjegjës për garantimin e integritetit dhe ligjshmërisë së procesit zgjedhor, në zbatim të Rregullores së Asamblesë së Përgjithshme të FSHF, zhvilloi sot mbledhjen e radhës me fokus verifikimin e propozimeve dhe kritereve ligjore për kandidatët për postin e Presidentit, për anëtarë të Komitetit Ekzekutiv të Federatës Shqiptare të Futbollit, si dhe verifikimin e delegatëve të propozuar nga anëtarët e federatës.

Mbledhja u mbajt pas përfundimit të afatit zyrtar të depozitimit të kandidaturave. Gjatë shqyrtimit, Komisioni analizoi me kujdes çdo propozim të paraqitur nga anëtarët e Asamblesë, duke vlerësuar përmbushjen e kritereve statutore, integritetin personal dhe përputhshmërinë me kërkesat ligjore të procesit zgjedhor.

Në përfundim të procesit të verifikimit, Komisioni konstatoi se 13 kandidatë për anëtar të Komitetit Ekzekutiv të FSHF-së kanë marrë dy propozimet e nevojshme nga anëtarët e Asamblesë dhe plotësojnë kriteret për të qenë zyrtarisht pjesë e garës.

Kandidatët sipas renditjes alfabetike janë:

1. Abdyl Kuriu
2. Anila Basha
3. Arben Dervishaj
4. Armando Cungu
5. Blendi Fevziu
6. Edmond Hasanbelli
7. Envi Hicka
8. Erind Resuli
9. Ervin Canollari
10. Geri Çipi
11. Gjergji Petro
12. Lutfi Nuriu
13. Pano Xhixho

Për postin e Presidentit të FSHF, është regjistruar kandidatura e z. Armand Duka, i propozuar nga 33 anëtarë të federatës.

Gjithashtu, Komisioni zyrtarizoi listën e delegatëve të anëtarëve të FSHF-së për Asamblenë e datës 16.02.2026, në përputhje me numrin e delegatëve të përcaktuar në Vendimin Nr. 1, datë 03.12.2025.

Asambleja e Përgjithshme Zgjedhore e FSHF do të zhvillohet më 16 shkurt 2026, në orën 10:00, në ambientet e “Shtëpisë së Futbollit”. Gjatë Asamblesë do të zgjidhen Presidenti dhe anëtarët e Komitetit Ekzekutiv të FSHF për mandatin e ri katërvjeçar.

gijotina.com/

Zv.kryeministrja Belinda Balluku ka depozituar rekurs në Gjykatën e Lartë ku kundërshton ndalimin e udhëtimeve jashtë vendit.

Balluku kundërshton vendimin e GJKKO, gjykatë e cila i ka bllokuar pasaportën.

Këshilli për Rregulloren, Mandatet dhe Imunitetin ishte parashikuar të mblidhej ditën e djeshme për të shqyrtuar çështjen e imunitetit të zv.kryeministres, Belinda Balluku. Kuvendi i Shqipërisë njoftoi shtyrjen e mbledhjes së Këshillit për Rregulloren, Mandatet dhe Imunitetin.

Ndërkohë Gjykata Kushtetuese ende nuk ka dhënë një vendim për çështjen Balluku.

Mbledhja e fundit e Këshillit u mbajt më 19 dhjetor të vitit të kaluar. Mbledhja zgjati gati 5 orë dhe u zhvillua në praninë e kryeprokurorit të SPAK, Klodian Braho i cili sapo kishte marrë detyrën si dhe prokurorëve të çështjes.

Gjatë mbledhjes SPAK paraqiti një USB me 16 mijë faqe prova për të argumentuar arrestimin e zv.kryeministres Balluku. USB-ja iu dorëzua të gjithë anëtarëve të Këshillit të Mandateve.

Gjatë mbledhjes u mësua gjithashtu se avokatët e Ballukut kërkuan 2 javë kohë për të shqyrtuar materialin e USB-së.

gijotina.com/

GjKKO ka lënë në burg Jozi Krajën, i cili para dy ditësh u ekstradua nga Zvicra drejt vendit tonë. 37-vjeçari akuzohet nga Gjykata e Posaçme kundër Korrupsionit dhe Krimit të Organizuar si pjesëtar i një grupi të strukturuar kriminal.

Sipas hetimeve të kryera nga Prokuroria e Posaçme kundër Korrupsionit dhe Krimit të Organizuar, dyshohet se 37-vjeçari, gjatë periudhës dhjetor 2020 – maj 2024, ka siguruar kushte dhe mjete materiale për kryerjen e vrasjes së dy vëllezërve Durim dhe Valter Bami, vrasje e kërkuar nga ish-deputeti socialist, Arben Ndoka.

Ndoka dyshonte se Bamët kishin gisht në eliminimin e vëllait të tij, Aleksandër Ndoka në Lezhë në 2017-ën. Për eliminimin e Bamëve u përfshi edhe Ervis Martinaj, Behar Bajri i Shkodrës, dhe Emiljano Shullazi, ndërsa nën akuzë ishin 16 persona, një pjesë e të cilëve për sigurim të kushteve për vrasje. Jozi Kraja, në bashkëpunim me persona të tjerë ka pasur rolin e vëzhguesit, lokalizuesit dhe bashkëpunëtorit me qëllim vrasjen e Durim dhe Valter Bamit.

Njoftimi i plotë

1. Kërkuesi Prokuroria e Posaçme kundër Korrupsionit dhe Krimit të Organizuar me datë 27.01.2026 ka paraqitur pranë Gjykatës kërkesën me objekt: “Marrjen në pyetje dhe verifikimin e kushteve dhe kritereve të zbatimit të masës së sigurimit personal, e caktuar me vendimin Nr. 49, datë 15.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj të pandehurit Jozi Kraja”.

2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, bazuar në nenet 112, 228, 229, 230, 238 dhe 248 të K.Pr.Penale, me vendimin nr. 6, datë 29.01.2026, vendosi:

1. Vazhdimin e zbatimit të masës së sigurimit personal me karakter shtrëngues “Arrest në burg” e parashikuar nga neni 238 i K.Pr.Penale, e caktuar me vendimin Nr. 49, datë 15.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar ndaj të pandehurit: Jozi Kraja, i akuzuar për kryerjen e veprave penale: “Sigurimi i kushteve dhe i mjeteve materiale për të kryer vrasje”, në dëm të shtetasve D.B dhe V.B, kryer në bashkëpunim të veçantë atë të grupit të strukturuar kriminal, parashikuar nga nenet 80 e 28/4 të Kodit Penal; “Grup i strukturuar kriminal”, në formën e pjesmarrjes, parashikuar nga neni 333/a, paragrafi 2-të i Kodit Penal; “Kryerja e veprave penale nga organizata kriminale dhe grupi i strukturuar kriminal”, të parashikuar nga neni 334 pika 1 i Kodit Penal.

2. Urdhërohet Policia Gjyqësore, që i pandehuri Jozi Kraja, të dërgohet menjëherë në institucionin e paraburgimit, për të qëndruar aty në dispozicion të organit procedues.

3. Urdhërohet Prokuroria e Posaçme kundër Korrupsionit dhe Krimit të Organizuar, dhe policia gjyqësore për zbatimin e këtij vendimi.

4. Mbrojtësi i caktuar kryesisht nga gjykata për të pandehurin Jozi Kraja, av. E.G të shpërblehet sipas tarifave të parashikuara në ligj.

5. Kundër këtij vendimi mund të bëhet ankim në Gjykatën e Posaçme të Apelit Kundër Korrupsionit dhe Krimit të Organizuar brenda 5 ditëve, nga njoftimi i vendimit të gjykatës.

Tiranë, më datë 29.01.2026

gijotina.com/

Eria Ago kërkon lirinë në Gjykatën e Lartë. Më herët ndaj të dashurës së Safet Bajrit, është zbutur masa e sigurisë në ‘arrest shtëpie’,

Ajo u arrestua më 26 shkurt të vitit 2025.

E reja, ish-miss, ka mohuar çdo akuzë lidhur me përfshirjen e saj në vrasjen e Licit, duke deklaruar se nuk ka pasur asnjë lidhje me krimin.

Megjithatë, gjykata nuk ka pranuar mbrojtjen e saj dhe ka vendosur të vazhdojë masën e sigurisë ndaj saj, duke e transferuar në arrest shtëpie.

Ajo akuzohet se ka drejtuar një prej makinave të përdorura gjatë kësaj ngjarje.

Safet Bajri u arrestua më 21 shkurt 2025. Bashkë me masën “arrest me burg” GJKKO ka miratuar me kërkesë të SPAK edhe kërkesën për kryerjen e një analize të ADN-së së Safet Bajrit. Sipas raportimeve, ditën që u soll nga Shkodra në policinë e Tiranës e pranishme ka qenë edhe ekspertja që do të merrte kampionet për ADN, por nuk është lejuar në atë moment nga i arrestuari, i cili ka kërkuar të bëhet në një ditë tjetër.

Në njoftimin e Prokurorisë së Posaçme, pas ekzekutimit të masave të arrestit ndaj tyre thuhej se ndaj Bajrave dhe Bilalit rëndojnë akuzat për “Vrasje me paramendim”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Dyshohet se të tre personat e mësipërm në bashkëpunim me njëri-tjetrin akuzohen se kanë organizuar dhe kryer vrasjen e Fatbardh Licit. SPAK ka bërë me dije se ka mbledhur prova të mjaftueshme për të zbardhur ekzekutimin e Licit. Në njoftimin e prokurorisë thuhej gjithashtu se motivi i vrasjes së tij dyshohet se lidhet me faktin që Behar Bajri ka bërë fajtor Ibrahim Licin për vrasjen e ish-efektivit të Policisë së Shtetit, Boran Bërçana. Kështu për të marrë hak, Bajrajt dhe Bilali kanë vrarë Fatbardh Licin më 8 gusht të vitit 2018.

gijotina.com/

Një ngjarje e rëndë ka ndodhur në qytetin e Vlorës. Nëna ka denoncuar të birin, për dhunë në familje. Pasi ajo e ka kallëzuar pranë policisë, 22-vjeçari ka ushtruar dhunë psikologjike ndaj saj. Më pas i riu ka dëmtuar derën e banesës, ka vjedhur sende në banesë dhe motomjetin e babait të tij.

Njoftimi i policisë

Specialistët e Seksionit për Hetimin e Krimeve të Komisariatit të Policisë Sarandë arrestuan në flagrancë shtetasin E. P., 22 vjeç, pasi ka kallëzuar nëna e tij, se ai ka ushtruar dhunë psikologjike ndaj saj, ka dëmtuar derën e banesës, ka vjedhur sende në banesë dhe motomjetin e babait të tij.

gijotina.com/

Një video që po qarkullon tregon një konflikt të ashpër mes ndërtuesit Andon Pango dhe dy grave, të cilat deklarojnë se janë pronare të ligjshme të një apartamenti të blerë dhe të paguar prej vitesh, por që nuk u është dorëzuar as sot. Sipas tyre, prona është mbajtur peng, pa zgjidhje ligjore, pa transparencë dhe pa asnjë mbrojtje institucionale vetëm se dyshohet se pas këtij rasti fshihet Altin Dumani. Videoja dokumenton jo vetëm përplasjen verbale, por edhe një situatë presioni dhe intimidimi ndaj grave, të cilat kërkojnë thjesht pronën e tyre. Por ajo që e zhvendos këtë rast nga një konflikt privat në një çështje me interes të lartë publik është prania në video e një personi tjetër, me gisht të fashuar, i cili shfaqet aktiv në konflikt dhe që, sipas identifikimeve të bëra gjerësisht në rrjete sociale, është Geg Njebza, i njohur publikisht si truproja i kreut të SPAK, Altin Dumani. Personi me gishtin e lidhurështë Geg Njebza…

Kjo prani e pazakontë ngre menjëherë pyetje të rënda:

Çfarë kërkon truproja e kreut të SPAK në një objekt ndërtimi privat në kohën kur Dumani ishte kreu i task forcë në Tiranë ?

Në çfarë cilësie ndodhet aty?

Kë përfaqëson dhe pse përfshihet në një konflikt pronësie mes një ndërtuesi dhe dy qytetareve? A përfaqson Altin Dumanin?

Çfar lidhje ka Altin Dumani me këtë pasuri?

A e ka deklaruar dumani pasurinë që ja mbron Basigardi?

A e ka hetuar veting lidhjen e biznesmenit me Altin Dumanin?

Emri i Andon Pangos nuk është i panjohur për opinionin publik. Ai është përmendur më herët për afrimitet me figura të drejtësisë dhe pikërisht kur i këndon pangos kengën NATEN O VETEM FARE . Kjo video e rikthendyshimin mbi lidhje të mundshme që shkojnë përtej një marrëdhënieje të zakonshme biznesi. Prania e një personi të lidhur drejtpërdrejt me sigurinë e kreut të SPAK ngre dyshime serioze mbi konflikt interesi, mbrojtje të mundshme dhe përdorim të pushtetit për të frikësuar qytetarë të pambrojtur.

Në këtë pikë, pyetjet nuk janë më thjesht morale, por institucionale: a ekziston ndonjë marrëdhënie personale, ekonomike apo pronësore mes Andon Pangos dhe Altin Dumanit? A ka interesa të përbashkëta të padeklaruara? A është ky objekt pjesë e ndonjë pasurie që duhet të ishte deklaruar? A janë hetuar ndonjëherë këto lidhje nga procesi i vettingut apo nga struktura të tjera të drejtësisë? Dhe nëse jo, pse?

Një aksident rrugor ka ndodhur mesditën e sotme, në aksin rrugor Fier-Kallm, pranë mbikalimit të autostradës.

Një kamion i tonazhit të rëndë ka përfunduar në kanalin anësor të rrugës, pasi drejtuesi i mjetit ka humbur kontrollin.

Fatmirësisht drejtuesi dhe një pasagjer që e shoqëronte, kanë arritur të dalin nga kamioni vetëm me dëmtime të lehta.

Në vendngjarje kanë mbërritur shërbimet zjarrfikëse, autoambulanca policia dhe grupi hetimor, të cilët po punojnë për zbardhjen e shkaqeve të aksidentit, i cili mrekullisht përfundoi vetëm me dëme materiale.

E ardhmja e Kristjan Asllanit me shumë gjasa do të jetë në Turqi. Sipas Fabrizio Romano bëhet me dije se tashmë është arritur një marrëveshje për transferimin e tij.

Besiktas do të jetë destinacioni i tij i radhës, pasi klubi turk ka arritur marrëveshjen verbale me Interin për huazimin e shqiptarit. Asllani ka dhënë “OK” e tij për këtë transferim, eksa largimi nga Torino tashmë është çështje orësh.

Lideri i Kombëtares shqiptare do të udhëtojë mbrëmjen e sotme drejt Stambollit, ku pritet t’iu nënshtrohet vizitave mjekësore dhe më pas të firmosë me turqit.  Ndërkohë gjithashtu Besiktas do të ketë të drejtën e blerjes së kartonit të mesfushorit në fund të sezonit.

Ish deputeti socialist Petro Koçi, ka dalë sërish kundër qëndrimit të Partisë Socialiste në rastin e Belinda Ballukut, ku Kuvendi po zvarrit mbledhjen e Këshillit të Mandateve për të diskutuar kërkesën e Prokurorisë së Posaçme për heqjen e imunitetit.

Përems një postimi në rrjete sociale, Koçi thotë se Kuvendi i Shqipërisë si përfaqësues i sovranit nuk ka asnjë justifikim ne zvarritjen e shqyrtimit te kërkesës se SPAK per te dhënë lejen parlamentare për mase sigurie ndaj një ministri apo deputeti.

Sipas tij, e vetmja arsye qe justifikon hapësirën kohore mes datës se mbërritjes se kërkesës dhe datës se shqyrtimit ne seance plenare është koha e përshtatshme ne dispozicion te anëtareve te Komisionit te Mandateve per te shqyrtuar dosjen e SPAK.

Ndërsa për mos daljen me një vendim të Gjykatës Kushtetuese, Koçi thekson se cilido te jete vendimi dyopsionesh i GJK nuk ka efekt mbi ndjekjen penale.

“Ndërsa arsyetimi i shtyrjes se shqyrtimit te çështjes ne ate Komision me faktin se Gjykata Kushtetuese akoma nuk është shprehur ne mënyrë përfundimtare per ankimimin përkatës te Kryeministrit nuk qëndron sepse GJK tashme duke mare shkas nga rasti Balluku do përcaktojë nje norme kushtetuese e cila do legjitimoje ose jo fuqine ligjore te GJKKO per te pezulluar ne te ardhmen nje ministër nga detyra. Cilido te jete vendimi dyopsionesh i GJK nuk ka efekt mbi ndjekjen penale”, arsyeton Koçi.

Në Konferencën e Kryetarëve të Kuvendit, deputetja e Partisë Demokratike, Jorida Tabaku, ka hedhur akuza të forta ndaj mazhorancës, duke e konsideruar mbrojtjen politike të një të korruptuari si një “njollë të zezë për Kuvendin”.

“Kjo që po ndodh është një njollë e zezë për Kuvendin. Mbrojtja politike e një të korruptuari është çështje që ju bën me turp edhe juve. Të mblidhet menjëherë Këshilli i Imuniteteve dhe t’i hapim rrugën drejtësisë për t’i hequr imunitetin.”-deklaroi ajo

Tabaku kërkoi veprim të menjëhershëm, duke theksuar se çdo vonesë në shqyrtimin e kërkesës për heqjen e imunitetit minon besimin te Kuvendi dhe drejtësia duhet të funksionojë pa ndërprerje.

Kreu i Grupit Parlamentar Demokrat, Gazment Bardhi, akuzoi Niko Peleshin, për shkelje flagrante të Rregullores së Kuvendit. Gjatë Konferencës së kryetarëve ai tha se kërkesat e opozitës për mbledhjen e Këshillit të Imuniteteve janë refuzuar pesë herë, ndërkohë që mbledhja e parashikuar për më 28 janar u anulua dy orë para nisjes me një urdhër që përmbante të dhëna të rreme.

“Kjo është një sjellje arbitrare dhe argumentet kanë zero bazë, qoftë në Kushtetutë apo në Rregullore. Askund nuk thuhet që Kuvendi duhet të presë të shprehet një institucion tjetër për një çështje që nuk ka lidhje me ne. Ka vetëm një shpjegim: ju keni marrë në mbrojtje korrupsionin e Edi Ramës dhe Belinda Ballukut”, tha Bardhi.

Kryetari i Partisë Demokratike, Sali Berisha thotë se Edi Rama po tërheq zvarrë Gjykatën Kushtetuese, ndaj ajo nuk po del me një vendim për çështjen e Belinda Ballukut.

Në konferencë me gazetarët, Sali Berisha deklaroi se në dosjen e Belinda Ballukut në çdo tre reshta dy janë për Ramën, për këtë arsye po bllokon, sipas tij, edhe drejtësinë.

Po ashtu, Sali Berisha deklaroi se “Belinda Balluku nuk bëhet kurban për Edi Ramën”.

Kryedemokrati ka paralajmëruar më tej se nisur nga këto afera, Partia Demokratike do të organzojë një tjetër protestë që sipas tij do të jetë më e madhja që ka njohur Tirana dhe Shqipëria.

Berisha: Tani do ta ndaj në dy aspekte. Çfarë tregon ky proces. Tregon tërheqjen zvarrë, se si Edi Rama tërheq zvarrë dhe poshtëron Gjykatën Kushtetuese.  Kjo është dëshmia e parë e kësaj që po ndodh.

Ajo mori përsipër një çështje, të cilën absolutisht nuk mund ta shqyrtonte pa kaluar në Apel dhe Gjykatën e Lartë. Dhe ajo po me urdhër të Edi Ramës, ka caktuar deri më tani 3 data dhe nuk e shqyrton dot, sepse Edi Rama e tërheq zvarrë për turpin e saj.

Edi Rama edhe njëherë, po të përdorja ca terma të lashtë, do të ishte i gatshëm ti shkrinte dhe plumb në vesh Lubi Ballukut, dhe ta hiqte qafe, po të mos ishte se dosja e saj në çdo 3 rreshta, 2 janë për Ramën. Këtu e ka hallin Rama dhe e kanë kuptuar të gjithë qytetarët, se ky i kujton qytetarët se janë njerëz që nuk marrin vesh.

E kanë kuptuar që të gjithë që ata kanë hallin e vet, hallin e madh. Prandaj dhe qytetarët e patë se ç’ishte 24 Janari. Nuk dilte kush sa për Lubinë as te dera e shtëpisë, por e dinë që është Edi Rama kryesori në dosje dhe po bllokon drejtësinë.

Kështu që protesta dhe vetëm protesta është rruga e vetme, shpresa e vetme që shqiptarët ti japin narkodiktatorit atë që i dhanë dikur diktaturës së parë, apo atë që i dha Bangladeshi, autokrates, atë që i dha Nepali autokratit, ti japin Edi Ramës shqiptarët dhe sa më parë.

Ajo është një sfidë, poshtërim që u bën shqiptarëve. Që unë ju vjedh, do të ju vjedh, që për mua ska drejtësi, që Gjykatën Kushtetuese e marr si leckë zvarrë, e zvarris, dhe bën ato që i them. Që këtu ligjin e bëj unë dhe ligji e kushtetuta janë letër e vdekur.

Prandaj dhe do flasin qytetarët. Është koha e qytetarëve tani, nuk ka asnjë surprize. Ju them unë ju, nuk heq imunitetin e saj, sepse ajo ia ka bërë të qartë.

E merrnit si shaka kur unë thosha që ajo ka genin terrorist. Ka pasur gjyshin vrasës serial, po. Nuk shkon ajo kurban për Edi Ramën, mos kujto ti. Ajo e ka kryer krimin, por e ka kryer për Edi Ramën. Ajo është dorasi, por porositësi është Edi Rama. Kemi të bëjmë me një moment që vetëm populli mund ta zgjidhë dhe do ta zgjidhë populli, do ta populli.

Do të provojë Edi Rama guximin e qytetarëve. Do të provojë Edi Rama se si guxon tu thotë qytetarëve që ju kam vjedhur dhe do tu vjedh.

Nuk kanë dëgjuar qytetarët që Geron Meçe ka denoncuar Linda Ramën. Nuk ka ngel njeri që nuk e dinë ne. Se na merrej gjysma më e mirë e tij, na merrej me tendera. Ndërhynte për kunatin, për veten e vet se paratë i ndanin bashkë me të. Dhe janë qindra milionë euro.

Të gjitha këto do ti mbyllë në këtë mënyrë. Jo. Qytetarët nuk pranojnë ti mbylli dhe do flasin me të, e do vazhdojnë.

Nuk ka patur asnjë situatë të tillë, kurrë në Shqipëri. Ai duhet të japë dorëheqjen, të largohet menjëherë nga qeveria. Të japë dorëheqjen dhe të krijojë qeveri teknike për të bërë zgjedhje dhe të mos bllokohet drejtësia.

Onard Memlika, i riu që u plagos tri ditë më parë pasi ndërhyri në sherrin mes një babai dhe vajzës së tij, është transferuar drejt Spitalit të Traumës në Tiranë.

Sipas familjarëve, gjendja e Memlikës është e rëndë dhe ai ndodhet aktualisht në reanimacion.

Ngjarja ndodhi kur Memlika ndërhyri për të ndaluar sherrin mes 56-vjeçarit Mikel Ndoj dhe vajzës së tij, 24-vjeçare, e cila gjithashtu mbeti e plagosur. I riu ishte vetëm një kalimtar që tentoi të ndërhynte, por fatkeqësisht u dëmua gjatë përleshjes.

Policia e Durrësit njoftoi të hënën se fillimisht të plagosurit ndodheshin në spitalin rajonal dhe jashtë rrezikut për jetën. Megjithatë, gjendja e 35-vjeçarit Memlika është përkeqësuar në ditët e fundit, çka bëri të nevojshme transferimin në kryeqytet.

Europa League ashtu si Champions League do të luajë mbrëmjen e sotme ndeshjet e fundit të fazës së grupeve. Duele mjaft të luftuara dhe shumë delikate janë në program për t;u zhvilluar në të njëjtën orë, 21:00.

Në fushë do të zbresin ekipe si Aston Villa, Feyenoord, Rangers i Nedim Bajramit, Fenerbahce, Lyon, PAOK, Dinamo Zagreb e Arbër Hoxhës, Roma dhe Yang Boys. 36 ekipet do të luftojnë mes tyre “dhëmbë për dhëmbë” për biletën e kualifikimit.

Deputeti i Partisë Demokratike Belind Këlliçi ka denoncuar situatën e rëndë që është krijuar me emigracionin e nxitur nga qeverisja skandaloze e rilindjes.

“Sipas publikimit të fundit të Eurostat, Shqipëria kryeson me diferencë të madhe çdo shtet tjetër për të larguarit nga vendi”.

“Vetëm largimi i Edi Ramës e ndalon këtë hemoragji të dhimbshme”, shkruan Këlliçi.

Mesazhi:

Largohet 1 në 2 shqiptarë, Edi Rama punon të mbajë vetëm Belindën dhe Mirlindën!

Sipas publikimit të fundit të Eurostat, Shqipëria kryeson me diferencë të madhe çdo shtet tjetër për të larguarit nga vendi.

Duke marrë në konsideratë rezidentët në BE, Eurostat konkludon se Shqipëria ka 466 emigrantë për 1 mijë banorë.

Pra pothuajse 1 në 2 vetë!!!

Si shpjegohet që bashkëqytetarët tanë janë në këtë eksod masiv, kur Edi Rama dhe elisat e tij thonë se Shqipëria po shkëlqen dhe është në një majë të panjohur më parë.

Të vërtetën e tregojnë njerëzit me këtë largim dramatik.

Vendi po shkretohet prej qeverisjes së keqe, hajdutërisë dhe lidhjeve me krimin. Kur ligjin e bën Gysi që siguron verën 33 mijë euro për Palloshin, kur Rama thotë se korrupsioni është gjë normale, atëherë ke përzënë qytetarët.

Por e rëndësishme është të mbajmë këtu të pandehurën Belinda, dhe të mos lejojmë hetimin e saj.

Sheshi, protesta, revolta është zgjidhja e vetme.

Vetëm largimi i Edi Ramës e ndalon këtë hemoragji të dhimbshme.