DASHI

Pas muajsh të tërë që ju është dashur të frenoni impulset dhe iniciativat tuaja, tani ndjeni se diçka po fillon të lëvizë sërish. Yjet flasin për veprim, por ata gjithashtu kërkojnë strategji: jo gjithçka duhet të bëhet me nxitim. Në dashuri, dëshira për qartësi kthehet; ata që janë në një lidhje duhet të adresojnë një bisedë të shtyrë, ndërsa ata që jetojnë vetëm mund të përjetojnë një takim intensiv, por të papritur. Në punë, ekziston një dëshirë për ndryshim, për të provuar vlerën tuaj: por kini kujdes të mos nxitoni gjërat. Energjia fizike po rritet.

DEMI

Sipas horoskopit të Paolo Fox (e enjte, 15 janar 2026), yjet shpërblejnë durimin dhe konkretësinë, dy cilësi që zotëroni. Në dashuri, keni nevojë për siguri: ata që janë në një marrëdhënie të qëndrueshme forcojnë lidhjet e tyre, ndërsa ata që kanë dyshime nuk mund t’i injorojnë më ato. Në punë, po mbillni fara: rezultatet nuk janë të menjëhershme, por do të vijnë. Kjo është koha e duhur për të investuar në veten tuaj, madje edhe brenda vetes. Kujdes nga stresi i akumuluar: trupi juaj kërkon vëmendje.

BINJAKËT

Mendja juaj është në garë dhe yjet favorizojnë komunikimin, takimet dhe idetë e reja. Në dashuri, ekziston dëshira për qetësi, por edhe rreziku për të thënë shumë ose shumë pak: zgjidhni fjalët me kujdes. Në punë, mund të merrni një propozim interesant ose të rizbuloni një projekt të vjetër në një dritë të re. Ky është një qiell që ju fton të lëvizni, të udhëtoni dhe të eksploroni. Energjia është e mirë, por jo e tepërt.

GAFORRJA

Po përjetoni një kohë vetëanalize që po ju çon drejt rivlerësimit të marrëdhënieve, zgjedhjeve dhe prioriteteve. Në dashuri, është një kohë e së vërtetës: ajo që është autentike forcohet, ajo që nuk është dobësohet. Në punë, mund të ndiheni të nënvlerësuar, por kini kujdes: shpesh jeni ju ai që nuk e njeh vlerën tuaj. Kjo është një kohë e mirë për të shëruar plagët e vjetra. Mbrojeni hapësirën tuaj emocionale.

LUANI

Sipas horoskopit të Paolo Fox (e enjte, 15 janar 2026), pas një periudhe pasigurie, tani po rifitoni vetëbesimin dhe karizmën. Në dashuri, jeni në qendër të vëmendjes: pasione të forta, sqarime të rëndësishme dhe kthime të mundshme. Në punë, yjet sugjerojnë njohje, por vetëm nëse shmangni krenarinë e tepërt. Është koha për të udhëhequr, jo për të imponuar. Energjia juaj po rritet dhe jeni të etur të përfshiheni. Vetëm kini kujdes të mos e teproni.

VIRGJËRESHA

Virgjëreshë e dashur, po pastroni veten, nga brenda dhe nga jashtë. Në dashuri, keni nevojë për stabilitet dhe veprime konkrete në vend të fjalëve. Në punë, jeni të saktë dhe të besueshëm, por mund të ndiheni të mbingarkuar: mësoni të delegoni. Yjet ju inkurajojnë të kujdeseni për veten, madje edhe në detajet e vogla dhe të përditshme. Kjo është një kohë e shkëlqyer për vendime praktike dhe afatgjata.

PESHORJA

Në dashuri je i thirrur të zgjedhësh: të qëndrosh në zonën tënde të rehatisë apo të dëgjosh atë që dëshiron vërtet. Marrëdhëniet janë çelësi, por nuk duhet të harrosh veten. Bashkëpunime interesante mund të lindin në punë, por ki kujdes të mos i kënaqësh të gjithë. Kjo është një kohë e favorshme për sqarime dhe marrëveshje të reja. Energjia luhatet, prandaj kujdesu të pushosh.

AKREPI

Sipas horoskopit të Paolo Fox (e enjte, 15 janar 2026), yjet flasin për ndryshime të thella. Në dashuri, asgjë nuk është sipërfaqësore: ose gjithçka ose asgjë. Pasionet janë të forta, por edhe xhelozitë janë të forta. Në punë, po përgatitni një lëvizje të madhe, edhe nëse është ende e fshehtë. Është koha të dëgjoni intuitën tuaj, e cila është forca juaj e vërtetë. Kujdes nga stresi emocional: mos e mbani gjithçka të fshehur.

SHIGJETARI

Yjet ju nxisin të shikoni përpara me entuziazëm, duke lënë mënjanë atë që ju ka rënduar. Në dashuri, dëshira për liri kthehet, por kini kujdes të mos e ngatërroni pavarësinë me distancën. Në punë, ju presin mundësi të reja, kontakte ndërkombëtare ose projekte të ardhshme. Ky është një qiell që favorizon ëndrrat, por gjithashtu kërkon konkretësi. Energji e mirë, një frymë pozitive.

BRICJAPI

Po përballeni me vendime të rëndësishme, veçanërisht në punë, ku puna juaj e palodhur po fillon të japë fryte. Në dashuri, jeni më të menduar se zakonisht: keni nevojë për kohë, për të ndërtuar ngadalë. Kjo është një kohë e mirë për t’u konsoliduar, jo për të marrë rreziqe. Kini kujdes të mos jeni të ngurtë: lini vend edhe për emocione. Energjia juaj është e qëndrueshme, por mos u sforconi shumë.

UJORI

Sipas horoskopit të Paolo Fox (e enjte, 15 janar 2026), yjet ju ftojnë të thyeni modelin dhe të mendoni jashtë kornizave, siç dini ju. Në dashuri, ka nevojë për dialog dhe liri: marrëdhëniet jokonvencionale favorizohen. Në punë, do të keni ide të shkëlqyera, por keni nevojë për dikë që t’ju ndihmojë t’i realizoni ato. Është një kohë krijuese, por edhe pak shpërqendruese. Kujdesuni për gjumin dhe sistemin tuaj nervor.

PESHQIT

Yjet rrisin ndjeshmërinë tuaj: në dashuri, jeni romantikë, por rrezikoni të idealizoni tepër. Mundohuni të qëndroni me këmbë në tokë. Në punë, mund të ndiheni të hutuar, por një përgjigje do të vijë nëse dëgjoni intuitën tuaj. Ky është një qiell që flet për shërimin e brendshëm, ëndrrat dhe spiritualitetin. Energjia është e ndryshueshme, prandaj jepini vetes pushim.

 

Moti për ditën e sotme, parashikohet me alternime kthjellimesh e vranësirash kalimtare.

Vendi ynë do të ndikohet nga kushte atmosferike përgjithësisht të qëndrueshme.

Sipas Shërbimit Meteorologjik Ushtarak përgjatë zonave luginore në orët e mëngjesit e të mbrëmjes do të ketë mjegull.

Era do të fryjë me drejtim verilindje– juglindje, me shpejtësi mesatare 8 m/s.

Valëzimi në det do të jetë forcës 1-2 ballë.

Arsenali bën një hap të rëndësishëm drejt finales së Kupës së Ligës në Angli. Skuadra e drejtuar nga Mikel Arteta fitoi ndeshjen e parë gjysmëfinale në Kupën e Ligës në derbin londinez me Chelsea në Stamford Bridge të cilin e mundi me rezultatin 3-2.

Arsenali e nisi vrullshëm sfidën teksa mori avantazhin në rezultat që në minutën e 7 me golin e Ben White që përfitoi edhe nga një dalje e gabuar e portierit Sanchez. Pas këtij goli, Chelsea u duk i tulatur, megjithatë Blutë arritën të rrezikonin portën e Arsenalit me Estebvaon që u ndal nga por portieri i Topçinjve, Kepa. Në krahun tjetër, Arsenali pati shansin më të mirë për të shënuar golin e dytë me Gyokeres, por suedezi nuk ishte i saktë.

Atë që nuk bëri në 45 minutat e para, Gyokeres e realizon në fillimin e pjesës së dytë duke shënuar golin e dytë ku edhe këtë radhë ishte portieri Sanchez që u bë protagonist negativ teksa nuk mundi të mbajë topin në zotërim në aksionin e golit të Topçinjve. Në minutën e 57, Chelsea u rikthye në lojë teksa shkurtoi diferencën e rezultatin në 2-1 me golin e Alejandro Garnacho pas një aksioni që nisi nga një gabim i lojtarëve të Arsenalit. Ky gol i dha krahë Chelsea që nisi të kërkojë të shënojë një tjetër gol, por atë e gjeti skuadra e Mikel Artetës që me Zubimendin e çoi rezultatin në 3-1 për Topçinjtë që i dhanë një goditje të rëndë Chelsea.

Por historitë nuk mbyllen këtu, pasi Garnacho shënoi sërish për Chelsea duke rihapur edhe njëherë llogaritë e ndeshjes duke e shkurtuar në 3-2 rezultatin dhe duke e ndezur  akoma më shumë këtë derbi në minutat e fundit. Gjithsesi Arsenali rezistoi deri në fund dhe arriti të mbyllë ndeshjen me rezultatin 3-2 për Arsenalin që mori një fitore të rëndësishme për cështjen e kualifikimit për në finale duke qenë se gjysmëfinalen e kthimit do ta luajë në Emirates.

gijotina.com/

Interi i drejtuar nga Cristian Chivu merr një fitore të rëndësishme minimale ndaj Lecce-s, duke u imponuar 1-0 në ndeshjen e rikuperimit të javës së 16-të të Serie A. Zikaltrit lënë pas barazimin 2-2 të përballjes direkte me Napolin dhe rifillojnë menjëherë marshimin në kampionat përpara tifozëve të San Siros.

Skuadra vendase zbriti në fushë me Thuram dhe Bonny si dyshe sulmuese titullare, ndërsa pikërisht ish-lojtari i Parmës u bë protagonist që në minutën e 6-të, kur goditja e tij u ndal nga një pritje e bukur e Falcone-s. Në minutën e 24-t arbitri Maresca akordoi fillimisht një penallti për Interin pas një kontakti në zonë mes Danilo Veiga-s dhe Bonny-t, por pas ndërhyrjes së VAR-it dhe një rishikimi të gjatë, vendimi u anulua.

Në minutat shtesë të pjesës së parë, Sottil provoi të befasonte Sommer-in, duke e parë portierin jashtë porte, por tentativa e tij nuk gjeti kuadratin. Në fillimin e pjesës së dytë Falcone i mohoi golin Barella-s, ndërsa në minutën e 72-t Sommer u tregua vendimtar me një pritje të shkëlqyer ndaj goditjes së Siebert.

Goli që zgjidhi takimin erdhi në minutën e 78-t: Falcone priti fillimisht një goditje të Lautaro Martinez-it, por Pio Esposito ishte i saktë në rikthim, duke shënuar golin e fitores. I njëjti lojtar ishte pranë dopietës pak minuta më vonë.

Interi u mjaftua me rezultatin 1-0, por mjaftueshëm për t’u ngjitur në kuotën e 46 pikëve dhe për të shkuar në +6 ndaj Milanit (që luan nesër në Como) dhe Napolit. Lecce mbetet në kuotën e 17 pikëve.

gijotina.com/

Ish-deputeti i Partisë Demokratike, Ervin Salianji, deklaroi se brenda PD-së nuk ka pasur asnjë ndryshim thelbësor që nga viti 2013, as në mënyrën e funksionimit, as në përzgjedhjen e lidershipit dhe as në gjuhën politike. I ftuar në A2, Salianji tha se, në vitin 2026, shumica e figurave që garojnë dhe drejtojnë PD-në janë të njëjtët emra që kanë qenë aktivë edhe në vitin 2013.

Sipas tij, mungesa e rinovimit real dhe gabimet strategjike, veçanërisht pas humbjes së zgjedhjeve të vitit 2021, kanë prodhuar një krizë të thellë besimi te elektorati opozitar. Salianji pranoi se edhe ai vetë mban përgjegjësi për faktin që nuk u kërkua largimi i Lulzim Bashës menjëherë pas humbjes, duke e cilësuar këtë si “katastrofë politike” që i hapi rrugë mandatit të tretë dhe më pas të katërt të Edi Ramës.

Ai theksoi se Partia Demokratike sot vuan nga paqartësia strategjike, mungesa e shpresës dhe një opozitë formale, pa protesta reale dhe pa mobilizim qytetar. Sipas Salianjit, PD po sillet sikur humbjet elektorale nuk kanë ndodhur, ndërsa retorika për “zgjedhje të vjedhura” është konsumuar pa asnjë veprim konkret, shkruan A2 CNN.

Ish-deputeti bëri të ditur se ka nisur turin e takimeve në qarqe për të dëgjuar demokratët dhe për të identifikuar problematikat reale të partisë. Ai paralajmëroi se në përfundim të këtij procesi do të dalë publikisht me një platformë konkrete reformimi, që synon ta kthejë PD-në në një forcë fituese, me rregulla të qarta për karrierën politike, gjuhë të re dhe lidhje reale me shoqërinë.

Ish-deputeti i Partisë Demokratike, Ervin Salianji, ka deklaruar se Sali Berisha mbetet një simbol i rëndësishëm brenda Partisë Demokratike, por theksoi se frymëzimi i tij politik nuk lidhet drejtpërdrejt me individë, por me idetë.

alianji tha se Partia Demokratike është një forcë e madhe politike, me shumë figura simbolike në historinë e saj, duke përmendur Azem Hajdarin, Pashko Gjeçin, Sabri Godon dhe Pjetër Arbnorin, si pjesë e trashëgimisë themeluese të saj.

“Zoti Berisha në Partinë Demokratike është një prej simboleve, ashtu si shumë figura të tjera historike. Unë nuk inspirohem lehtë nga njerëzit, por nga idetë,” u shpreh Salianji, duke shtuar se ka vlerësim për kontributet e të gjithë këtyre personaliteteve në historinë e PD-së.

Ai theksoi se figura që e ka frymëzuar më shumë në aspektin politik është ish-kryeministri britanik Winston Churchill, për idetë, vizionin dhe mënyrën se si ka udhëhequr në momente të vështira historike. Sipas Salianjit, frymëzimi politik vjen nga leximet, biografitë dhe idetë që i rezistojnë kohës, dhe jo thjesht nga emra konkretë.

Salianji shtoi se Partia Demokratike ka pasur dhe vijon të ketë shumë figura me vlera dhe kontribute të rëndësishme, por nënvizoi se aktualisht fokusi i tij nuk është te emrat, por te idetë dhe drejtimi që duhet të marrë opozita në të ardhmen.

(A2)

Hetimet për abuzimet me fondet e shëndetësisë duket se kanë hyrë në një fazë të re. Pak para festave të fundvitit, Byroja Kombëtare e Hetimit ka ushtruar kontrolle në ambientet e laboratorëve “Genius LAB”, në pronësi të biznesmenit Besnik Çullhaj, një emër i njohur si përfitues kryesor i tenderave të shëndetësisë gjatë pandemisë dhe i konsideruar prej vitesh ortak politik i ish-ministres Ogerta Manastirliu.

Burime bëjnë me dije se ndërhyrja e BKH-së nuk ka qenë një veprim rutinë, por rezultat i grumbullimit të provave mbi mënyrën se si kompania “Genius shpk” ka përfituar qindra tendera publikë, kryesisht në periudhën e emergjencës së COVID-19, kur kontrolli institucional mbi procedurat ishte minimal ose thuajse i paralizuar.

Sipas informacioneve, kontrollet kanë shkaktuar reagim të menjëhershëm te drejtuesit e kompanisë, të cilët dyshohet se kanë tentuar të zhdukin pajisje, telefona dhe materiale të ndjeshme, në përpjekje për të fshirë gjurmë të mundshme të shkeljeve.

Hetimi i SPAK nuk po ndalet më vetëm te operatorët privatë, por po shtrihet drejt nivelit të vendimmarrjes politike. Burime pranë çështjes theksojnë se pa firmat, mbrojtjen dhe orientimin institucional të Ogerta Manastirliut, skema e laboratorëve privatë nuk do të kishte funksionuar, nuk do të ishte zgjeruar gjatë pandemisë dhe nuk do të kishte prodhuar pasuritë që sot janë objekt verifikimi.

Nga pandemia e COVID-19 e në vijim, “Genius shpk” e Besnik Çullhajt u kthye në përfitues sistematik të fondeve publike, duke siguruar rreth 270 tendera nga struktura të Ministrisë së Shëndetësisë. Shumica e tyre rezultojnë pa garë reale, me procedura formale dhe me vlerë sa fondi limit.

Të dhënat e Thesarit të Shtetit tregojnë gjithashtu 537 pagesa në favor të kësaj kompanie, me një vlerë totale mbi 384 milionë lekë. Sipas burimeve hetimore, këto pagesa vështirë se mund të ishin realizuar pa një mbështetje politike të fortë dhe të qëndrueshme, e cila tashmë pritet të jetë në qendër të hetimit penal.

Kryetari i Lidhjes Demokratike të Kosovës, Lumir Abdixhiku, ka dhënë dorëheqjen nga posti i tij. Ky vendim vjen pas humbjes së tij, në zgjedhjet e Kosovës. Përmes një statusi në rrjetet sociale, Abdixhiku shprehet se nuk ka çfarë të ofroj më shumë se dorëheqja. Ai e cilësoj këtë si hapin më moral, që një kryetar mund ta marrë.

Sipas tij, një politikan nuk ka çfarë të ofrojë më shumë se dorëheqja. Ndërsa, pohoi se eliminimet politike mund të jenë legjitime si aspiratë, por edhe për to vendos anëtarësia si tërësi, dhe jo dikush individualisht.

Abdixhiku tha se tashmë vendimi i takon Kuvendit të LDK-së, i cili është thirrur për të zhvilluar debat të hapur dhe demokratik. Në lidhje me këtë, ai tha se do të respektoj çdo vendim me nder dhe qetësi. Në fund, ai e mbyll shkrimin e tij duke thënë se LDK është institucion dhe se fatin e tij politik e vendos përballë LDK-së, jo mbi LDK-në.

Statusi i plotë i Lumir Abdixhikut:

Më shumë se dorëheqja nuk kam çfarë të ofroj! Kam dëgjuar dhe jemi dëgjuar me njëri-tjetrin me vëmendje. Çdo zë, çdo kritikë dhe çdo shqetësim, me orë të tëra. Pesë orë e gjysmë. Në fund kemi dalur me përgjegjësi të plotë dhe me dinjitet para qytetarëve për të shprehur jo mendimin e një individi, as timin, por të shumicës dërmuese, ashtu siç u pajtuam pas pesë orë diskutimi.

Nuk i shmangemi asnjë përgjegjësie dhe nuk i ikim asnjë reflektimi. Unë, edhe më pak.
Kam marrë hapin më moral që një kryetar mund ta marrë: kam ofruar dorëheqjen time. Kam hapur rrugën për secilin që ka pretendime. Jeni të lirë të garoni; në Kuvend e keni mundësinë. Tani vendimi nuk është më i imi, është i LDK-së. Dua ta them qartë; nuk jam i lidhur pas pozitës. Jam i lidhur pas shtëpisë. Dhe shtëpia ruhet me rregull, me dinjitet dhe me besim në anëtarësinë e saj dhe në secilën kërkesë të tyre. Më shumë se dorëheqja nuk ka çfarë të ofrojë një politikan. Eliminimet politike mund të jenë legjitime si aspiratë, por edhe për to vendos anëtarësia si tërësi, jo ne individualisht.

Kemi thirrur Kuvendin. Aty flasim hapur. Aty propozojmë hapur. Aty vendosim hapur. Le ta presim Kuvendin. Le ta mbajmë debatin para shtëpisë sonë, me orë të tëra, me ditë të tëra po qe nevoja. Jemi të njohur për demokraci dhe liri veprimi. Le të sillemi me përgjegjësi. Sepse LDK nuk është reagim i çastit, nuk është as protagonizëm i ditëve të vështira; edhe më pak vendim i rrjeteve sociale e duartroktijeve të kundërshtarëve.

LDK është institucion. Ta keni të qartë. Jo sot, jo dje po gjithëherë: Fatin tim politik e vendos përballë LDK-së, jo mbi LDK-në. Dhe çfarëdo vendimi që merr Kuvendi, do ta respektoj me nder dhe qetësi. Deri atëherë, le të sillemi si mbrëmë e si deri tash, pa dramë e pa protagonizëm, ballëhapur e me dinjitet. Sepse mbi çdo emër është LDK. Dhe kështu na takon të gjithëve.

gijotina.com/

Sfida e javës së 16 të Serie A mes Napolit dhe Parmës, por që ishte shtyrë për shkak të Superkupës së Italisë, nuk ka një fitues. Në Maradona Stadium kjo sfidë u mbyll 0-0 me Napolin që regjistroi barazimin e tretë radhazi në kampionat.

Conte që ishte në tribunë i skualifikuar vendosi të hedhë në fushën e lojës Lang që nga minuta e parë, ndërkohë që titullar ishte edhe Mazzocchi, ndërsa në krahun tjetër Cuesta te Parma kreu rotacion duke lënë fillimisht në stol Pellegrinon dhe Bernabe, ndërkohë që bëri debutimin e tij portieri Filippo Rinaldi

Napoli e nisi vrullshëm ndeshjen dhe në minutën e 11 gjeti golin me të zakonshmin McTominay, por një pozicion jashtë loje i Mazzocchi në fillim të aksionit solli anulimin e tij. Më pas Rinaldi i mohoi skuadrës kampione të Italisë avantazhin duke ndalur si Buongiornon ashtu edhe Hojlund duke bërë dy pritje vërtet të mira në pjesën e parë.

Në 45 minutat e dyta, Antonio Conte përdori kartat Neres dhe Spinazzola e madje në çastet e fundit aktivizoi edhe Lucca, por askush nuk ishte në gjendje që të gjente golin që do t’i jepte Napolit 3 pikëve dhe kështu ndeshja u mbyll me barazimin 0-0 me Napolin që shkon në 40 pikë po aq sa edhe Milani, që do të luajë këtë të enjte ndeshjen e tij me Como, ndërsa Parma ngjitet në kuotën e 22 pikëve.

gijotina.com/

Ministri i Jashtëm i Danimarkës, Lars Løkke Rasmussen, ka deklaruar se mbetet një “mospajtim thelbësor” mes Danimarkës dhe Shteteve të Bashkuara lidhur me Groenlandën, pavarësisht bisedimeve që i cilësoi si të hapura dhe konstruktive të zhvilluara në Uashington.

“Nuk është e lehtë të mendosh në mënyrë inovative për zgjidhje, kur zgjohesh çdo mëngjes përballë kërcënimeve të ndryshme”, u shpreh Rasmussen, duke theksuar se është në interesin e të gjithëve të shqyrtohet nëse mund të adresohen disa shqetësime, duke respektuar njëkohësisht integritetin territorial të Mbretërisë së Danimarkës dhe vetëvendosjen e popullit të Groenlandës.

Nga ana e saj, ministrja e Jashtme e Groenlandës, Vivian Motzfeldt, deklaroi se territori ka gjithmonë interes të gjejë rrugën e duhur dhe shprehu shpresën për më shumë mirëkuptim të ndërsjellë. Ajo theksoi se SHBA-ja dhe Groenlanda duhet të rikthehen në një marrëdhënie të normalizuar, si ajo që kanë pasur më parë.

Rasmussen nënvizoi se Danimarka e sheh veten si një nga aleatët më të afërt të SHBA-së, duke rikujtuar përfshirjen e trupave daneze në Afganistan krah forcave amerikane në vitet 2000. Ai pranoi se vizionet për Groenlandën ndryshojnë, por shtoi se palët ndajnë të njëjtat shqetësime për sigurinë.

Ministri danez deklaroi gjithashtu se është e qartë se ish-presidenti Donald Trump ka pasur dëshirën për të “pushtuar” Groenlandën, por sipas tij, takimi i fundit ka ndihmuar në ndryshimin e qëndrimit amerikan.

“E bëmë shumë të qartë se kjo nuk është në interesin e Groenlandës”, tha Rasmussen, duke shtuar se nuk ekziston asnjë kërcënim i menjëhershëm nga Kina apo Rusia që Danimarka dhe Groenlanda të mos mund ta përballojnë. Ai mohoi praninë kineze aktuale në Groenlandë dhe hodhi poshtë shqetësimet për një ndikim të tillë në dekadat e ardhshme.

Sipas Rasmussen, edhe pse Danimarka dhe SHBA-ja nuk janë ende në një mendje të plotë, takimi në Shtëpinë e Bardhë me JD Vance dhe Marco Rubio u zhvillua në një atmosferë shumë konstruktive, duke u dhënë palëve mundësinë të sfidojnë narrativën e paraqitur publikisht nga Trump.

“Nuk jemi në dakordësi të plotë, por po shohim nëse ka hapësira për të akomoduar disa kërkesa, pa shkelur vijat e kuqe të Mbretërisë së Danimarkës. Nëse kjo është e mundur, mbetet për t’u parë,” përfundoi ai në konferencën për shtyp.

gijotina.com/

Arratisja e 38-vjeçarit Altin Ndoci ndodhi pas një planifikimi disa mujor të detajuar.

Fillimisht i paraburgosuri me një skedë të rëndë kriminale nga SPAK ndërtoi një fabul për një sëmundje akute që e detyronte policinë e burgjeve ta çonte në spitalin e Durrësit dhe jo në spitalin e burgjeve në Tirane. Me pretendimin e krizave në veshka, Ndoci shkoi disa herë në repartin infektiv të spitalit të Durrësit, ku identifikoi hapësirat që do t’i hapnin dyert e arratisë këtë të martë, me ndihmën e bashkëpunëtorëve që e morën me makinë nga ku humbi gjurmët.

Teksa Ndoci me rrezikshmëri të lartë shoqërore endet i lirë, ministri i Drejtësisë, Besfort Lamallari, firmosi të mërkurën shkarkimin nga detyra të drejtorit të Burgut të Durrësit, Indrit Cërloj, dhe të gjithë zinxhirit komandues i këtij institucioni. Po ashtu, në pranga kane rënë 8 persona, që sipas Prokurorisë janë përgjegjës për arratisjen e tij. Zv.shefi i Policisë së Burgut të Durrësit, Desdemon Pazaj, shefja e informacionit, Violeta Uka, dhe 5 efektivët që shoqëronin Altin Ndocin ranë në pranga. Po ashtu, u arrestua edhe kryeinfermieri Aulon Çuko.

Punonjësit e policisë së burgjeve akuzohen se nuk kanë zbatuar detyrën, duke mos i vendosur prangat Ndocit në momentin e shoqërimit. Ndërkohë, Aulon Çuko është ndaluar, pasi dyshohet se ka plotësuar fiktivisht dokumentacionin mjekësor, ku paraqitej se Altin Ndoci vuante nga probleme me veshkat, duke justifikuar nevojën për kryerjen e vizitës në ambientet spitalore.

Një kërkesë për të shkuar në tualet pas vizitës ka qenë pikënisja e planit të arratisjes, ku pasi ka shtyrë policin që e shoqëronte, Ndoci ka dalë nga ambientet e spitalit në parking, ku e priste një automjet Audi dhe një mjet tjetër që e shoqëronte. Policia po punon me kamerat e sigurisë për të zbuluar me tej itenerarin e tij. Gjurmët e fundit janë kapur në Spitallë, ku kamerat kanë kapur mjetin me të cilin ai kreu arratisjen.

gijotina.com/

Arratisja e 38-vjeçarit Altin Ndoci ndodhi pas një planifikimi disa mujor të detajuar.

Fillimisht i paraburgosuri me një skedë të rëndë kriminale nga SPAK ndërtoi një fabul për një sëmundje akute që e detyronte policinë e burgjeve ta çonte në spitalin e Durrësit dhe jo në spitalin e burgjeve në Tirane. Me pretendimin e krizave në veshka, Ndoci shkoi disa herë në repartin infektiv të spitalit të Durrësit, ku identifikoi hapësirat që do t’i hapnin dyert e arratisë këtë të martë, me ndihmën e bashkëpunëtorëve që e morën me makinë nga ku humbi gjurmët.

Teksa Ndoci me rrezikshmëri të lartë shoqërore endet i lirë, ministri i Drejtësisë, Besfort Lamallari, firmosi të mërkurën shkarkimin nga detyra të drejtorit të Burgut të Durrësit, Indrit Cërloj, dhe të gjithë zinxhirit komandues i këtij institucioni. Po ashtu, në pranga kane rënë 8 persona, që sipas Prokurorisë janë përgjegjës për arratisjen e tij. Zv.shefi i Policisë së Burgut të Durrësit, Desdemon Pazaj, shefja e informacionit, Violeta Uka, dhe 5 efektivët që shoqëronin Altin Ndocin ranë në pranga. Po ashtu, u arrestua edhe kryeinfermieri Aulon Çuko.

Punonjësit e policisë së burgjeve akuzohen se nuk kanë zbatuar detyrën, duke mos i vendosur prangat Ndocit në momentin e shoqërimit. Ndërkohë, Aulon Çuko është ndaluar, pasi dyshohet se ka plotësuar fiktivisht dokumentacionin mjekësor, ku paraqitej se Altin Ndoci vuante nga probleme me veshkat, duke justifikuar nevojën për kryerjen e vizitës në ambientet spitalore.

Një kërkesë për të shkuar në tualet pas vizitës ka qenë pikënisja e planit të arratisjes, ku pasi ka shtyrë policin që e shoqëronte, Ndoci ka dalë nga ambientet e spitalit në parking, ku e priste një automjet Audi dhe një mjet tjetër që e shoqëronte. Policia po punon me kamerat e sigurisë për të zbuluar me tej itenerarin e tij. Gjurmët e fundit janë kapur në Spitallë, ku kamerat kanë kapur mjetin me të cilin ai kreu arratisjen.

gijotina.com/

Ministri i Brendshëm i Venezuelës, Diosdado Cabello njoftoi të martën sekuestrimin e një ngarkese masive droge prej 6,850 kilogramësh.

“Me këtë rezultat, shteti venezuelian ka arritur në një total prej 7,148 kilogramësh të sekuestruara” vetëm në 13 ditët e para të janarit.

Cabello specifikoi se operacioni rezultoi në sekuestrimin e 6,850.41 kilogramëve substanca të paligjshme. Dërgesa përbëhej nga 14,199 pako marihuanë (6,758.66 kg) dhe 81 pako kokainë (91.75 kg).

“Ky është një goditje e madhe ndaj narrativës që thotë se Venezuela lehtëson trafikimin. As kokaina, as marihuana, as ndonjë drogë që shteti mund ta ndalojë gjatë rrugës nuk do të kalojë këtu”, deklaroi Cabello, duke theksuar se çdo konfiskim përfaqëson “heqjen e një pengese” të strukturës logjistike kriminale.

Cabello deklaroi se operacione janë kryer edhe në Zulia, shumica e të cilave lidhen me sekuestrimin e drogës.

Procedura e parë që ai përmendi ishte arrestimi i tre personave që kishin 75 pako marihuanë dhe 39,450 kilogramë të së njëjtës substancë.

Operacioni i dytë ishte arrestimi i tre personave të tjerë që posedonin 50 pako dhe 50 kilogramë marihuanë në shtetin e Zulias.

Ai specifikoi se personat e përfshirë në të dyja rastet kanë lidhje me “mafian shqiptare që vepron nga Ekuadori” dhe se ai, si ministër, mban “një luftë të vërtetë kundër trafikut të drogës”.

gijotina.com/

Flamurtari ka shtangur Elbasanin në javën e 19-të të Superiores. Sfida në “Elbasan Arena” u mbyll me barazim 1-1.

Elbasani dominoi ndeshjen në shtëpi deri në minutën e 80-të. Goli i verdhebluve erdhi nga penalltia me Diallon në minutën e 73-të, ndërsa më vonë u vendos barazimi.

Goli i Oshafit te Flamurtari i Morieros tronditi verdheblutë. Kjo pasi ekipi i Gvozdenoviç rrezikoi të pësonte sërish.

Në përfundim të 19 javëve, Elbasani mban vendin e dytë me 3 pikë më pak se Egnatia kryesuese. Flamurtari ndërkohë renditet i parafundit, teksa numëron 4 pikë më pak se Vora që ndodhet jashtë zonës së ftohtë.

“Ne nga fillimi ishim me fuqi mirë, ishim të freskët dhe krijuam shumë raste. Pastaj në pjesën e dytë kishim një rast me Lajthinë, një kundër një, çfarë të kërkoj më shumë? Pas 1-0 futëm të freskët nga pankina, të gjithë i kishim në dorë, por nga një goditje standarte erdhi barazimi. Tani nuk dua të flas shumë se jam i mërzitur, por do flasim me lojtarët. Përqendrimi nuk ishte në nivelin tonë”, tha Gvozdenoviç për RTSH pas duelit.

Kurse trajneri i Flamurtarit, Françesko Moriero, ka theksuar se ndeshja e sotme ndaj Elbasanit ishte vazhdimësi e asaj që kishte bërë skuadra. “Djemtë e interpretuan mirë ndeshjen edhe në fazën mbrojtëse. Ekipi po rritet, ndaj marrim këtë rezultat. Është normale që deshëm të fitonim me çdo kusht, e luajtëm ndeshjen ballë për ballë. Marrim këtë pikë dhe mendojmë për ndeshjen e radhës”, tha Moriero.

ELBASANI 1-1 FLAMURTARI

80′ GOOOL! Elbasani 1-1 Flamurtari/ Oshafi trondit verdheblutë duke u shënuar në momentin më të mirë. (VIDEO)

71′-73′ GOOOL! Elbasani 1-0 Flamurtari/ Trashi shkakton penallti ndaj Lajthisë. Çantakias ndëshkohet me karton të verdhë nga Flamurtari. Penalltinë për Elbasanin e merr përsipër Diallo, që nuk gabon. (VIDEO)

FORMACIONET ZYRTARE

ELBASANI: Janaçek, Azemoviç, Olberkis, Musta, Lila, A. Kasa, Ibrahim, Lajthia, Diallo, Loukili, Tsague.
Trajner: Ivan Gvozdenoviç

FLAMURTARI: Aleksovski, Skuadrone, Çantakias, Ramani, Veiga, Urbaez, Trashi, Diavara, Marku, Maksuti, Oshafi.
Trajner: Françesko Moriero

gijotina.com/

Besnik Halili dhe Vladimir Vladimirov janë dy kokat e duopolit fals të oksigjenit mjekësor në Ministrinë e Shëndetësisë. SPAK është zhytur në tenderat e manipuluar dhe po sistemon provat, ndërkohë që këta vazhdojnë me të njëjtën skemë të marrin paratë e spitaleve.

Herë fiton Besniku, herë Vladimiri

Më 17 dhjetor 2025, kompania “GTS-Gazra Teknike Shqiptare” sh.p.k me përfaqësues Besnik Halilin u shpall fituese e tenderit me objekt “LOTI 1: Blerje Oksigjen për Qendrën Spitalore Rajonale e Shefqet Ndroqi” Tiranës, Kavajë, “Shefqet Ndroqi”, me afat të marrëveshjes kuadër deri në 12 muaj me fond limit 30,153,600 lekë pa TVSH.

Në këtë tender kanë marrë pjesë “GTS-Gazra Teknike Shqiptare” sh.p.k. me ofertë 29,985,000  Lekë pa TVSH. Kjo kompani me bazë kapitali në Itali përfaqësohet nga Besnik Halili.

Kompania e dytë pjesëmarrëse është “Messer Albagaz sh.p.k”  me ofertë 30,150,400 Lekë pa Tvsh. Ndërsa kjo firmë është me bazë në Serbi dhe ka si përfaqësues Vladimir Vladimirovin.

Sic mund ta shihni, ofertat e tyre janë thuajse të barabarta. Qysh nga fillimi i vitit të kaluar, organizator i tenderave të furnizimit të spitaleve është Operatori i Blerjeve të Përqendruara, në varësinë e ministrit Blendi Gonxhe. Ky vazhdon të ecë në rrugët e korrupsionit të shtruara nga ish-ministrja e Shëndetësisë, Ogerta Manastirliu. Nuk ka ndryshuar asgjë, vetëm përqendrim i korrupsionit me tenderat në një dorë.

Fitues i tenderit për oksigjenin e Sanatoriumit është Niku. Sic do të shohim më poshtë në të gjitha tenderat e furnizimit me oksigjen shfaqen vetëm këto dy kompani.

Në 3 nëntor 2021, është sërish GTS që ka marrë tenderin me objekt “LOTI 2: Blerje Oksigjen për Qendrën Spitalore Rajonale Durrës me afat të marrëveshjes kuadër deri në 12 muaj me fond limit 33,613,056 lekë pa TVSH.

Sipas dokumenteve të tenderit, “GTS-Gazra Teknike Shqiptare” sh.p.k. ka bërë ofertën 33,424,200 Lekë pa TVSH. Ndërsa “Messer Albagaz” sh.p.k ka vlerën 33,610,560 Lekë pa Tvsh.

Duke iu referuar procedurës së mësipërme, kompania e Nikut është identifikuar si ofertuese e suksesshme.

Në tenderin tjetër, kompanitë kanë ndryshuar rol (marrëveshjen).  Bëhet fjalë për prokurimin me objekt “LOTI 7: Blerje Oksigjen për Drejtorinë e Spitalit Rajonal Gjirokastër”, me afat të marrëveshjes kuadër deri në 12 muaj, me fond limit 11,059,200 lekë pa TVSH.

Kompania “Messer Albagaz” sh.p.k. ka bërë ofertën 11,008,000 Lekë pa TVSH. Ndërsa “GTS-Gazra Teknike Shqiptare” sh.p.k ka bërë ofertë disa lekë më tepër: 11,040,000 lekë pa TVSH.

Në këtë rast fituese është “Messer Alba-gaz” sh.p.k e Vladimirit.

Kolegu që përfaqëson “GTS-Gazra Teknike Shqiptare” sh.p.k do të përfitonte në vijim kontratën: LOTI 4: Blerje Oksigjen për Drejtorinë e Spitalit Rajonal Lezhë, me afat të marrëveshjes kuadër deri 24 muaj me fond limit 13,305,600 lekë pa TVSH. Edhe ky tender është mbajtur në 10 nëntor 2025, por kontrata është bërë e ditur më 22 dhjetor.

Radha e kompanisë “Messer Albagaz” sh.p.k ishte për kontratën: LOTI 6 : Blerje Oksigjen për Qendrën Spitalore Rajonale Berat me afat të marrëveshjes kuadër deri në 15 muaj, me fond limit 15,939,000 lekë pa TVSH.

“Messer Albagaz” sh.p.k. ka fituar me ofertëm 15,862,800 lekë pa TVSH.

Tenderin për furnizimin me oksigjen të Spitalit Memorial Fier e ka përfituar  “GTS-Gazra Teknike Shqiptare” sh.p.k.. me ofertën 15,364,200 Lekë pa TVSH.

Një kontratë tjetër e dhënë në fund të dhjetorit është “LOTI 5: Blerje Oksigjen për Drejtorinë e Spitalit Rajonal Dibër” me afat të marrëveshjes kuadër deri në 12 muaj, me fond limit 2,277,000.

Këtu ka qenë radha e  kompanisë “Messer Albagaz” sh.p.k.  me ofertën gati sa fondi limit: 2,270,400 Lekë pa TVSH. Kjo skemë vazhdon qysh nga viti 2021. Më parë i meerrte tenderat vetëm Besniku, ose të dyja kompanitë hynin në tendera bashke me marrëveshje bashkëpunimi BOE. Janë 64 tendera që janë marrë bashkarisht me bashkim operatorësh BOE.

Vladimirovi ankohet pse i mori SPAK telefonin

Biznesmeni i kompanisë “Messer Albagaz” sh.p.k.  Vladimir Vladimirov, është lakuar prej 2021, kur edhe është hapur dosja në SPAK, i cili, pas kontrolleve të BKH dhe bllokimit të telefonit, këmbëngul në Gjykatën Kushtetuese se i janë cënuar të dhënat personale.

Në këtë kërkesë, Vladimirov kërkon që Gjykata Kushtetuese të urdhërojë SPAK-un të asgjësojë komunikimet dhe të dhënat personale të përftuara nga këqyrja në telefonin e tij dhe që nuk janë objekt i hetimit.

Kërkesa e Vladimirov është e radhës këtu në Gjykatën Kushtetuese dhe vjen në kohën kur SPAK, në tre vitet e fundit, ka sekuestruar 978 telefona.

Duke kaluar në lupë tenderimet në këtë fushë, SPAK mbërriti edhe në zyrat e Vladimirov, duke urdhëruar sekuestrime që, në total vetëm për këtë fashikull, rezulton se janë kryer në disa zyra, duke shënuar në total 30 kompjuterë të bllokuar.

Vladimir Vladimirov. Është pyetur në SPAK në të njëjtën kohë me 12 punonjës të njësisë së prokurimeve për tenderat e oksigjenit mjekësor. Hetimet kanë ecur, por kanë ecur me një ritëm që varet nga ekspertiza e telefonave.

Kush është Besnik Halili?

Besnik Halili është bërë i njohur për publikun pas daljes së përgjimeve italiane të Ndraghetas, ku thirrej me shkurtimin Niku dhe kishte rolin e ndërmjetësit për leje ndërtimi në kryeqytet për kullat e mafias.

Zyrat e Grupit “G.T.S” në Shqipëri që administrohen nga biznesmeni Besnik Halili, i cili ka krijuar duopolin e tregtimit të oksigjenit të lëngshëm dhe kompresuar, i janë nënshtruar një vale kontrolli nga agjentët e Byrosë Kombëtare të Hetimit dhe SPAK.

Hetimi nr.17 i regjistruar kryesisht nga SPAK në datën 25 janar 2021, brenda katër viteve ka kryer një seri veprimesh, ku është duke u verifikuar nëse zyrtarë të Ministrive të ndryshme në bashkëpunim me punonjës të kompanisë “GTS-Gazra Teknike Shqiptare”, kanë paracaktuar kriteret dhe format e procedurave tenderuese, duke shpallur fituese në të gjitha rastet kompaninë e oksigjenit të Besnik Halilit.

Hetimi i këtij rasti ka nisur pas shkrimeve në media lidhur me bisedat e transkriptuara nga Autoritetet Italiane të Drejtësisë, nga të cilat rezulton se italianët e klanit mafioz “Ndragheta”, Antonio Gallo, Antonio Speziali dhe Claudio Larusa, flasin për një person shqiptar i njohur prej tyre me emrin “Nik”, i cili sipas bisedave, kishte lidhje në Bashkinë Tiranë dhe mund të siguronte leje ndërtimi të objekteve të reja që po ndërtoheshin në qëndrën e Tiranës kundrejt rryshfetit të dhënë tek punonjësit e Bashkisë Tiranë.

Po kështu, sipas bisedave, personi i cili njihej me emrin “Niku” kishte marrë pjesë dhe ishte shpallur fitues dhe në disa tendera të kryera nga Ministria e Shëndetësisë, ku sipas mediave operonte kryesisht në fushën e furnizimit të spitaleve me oksigjen.

Nga verifikimet e bëra nga SPAK, ka rezultuar se personi i njohur me emrin “Nik” është Besnik Halili, i cili është themeluesi dhe administratori i shoqërisë “GTS-Gazra Teknike Shqiptare sh.p.k.”

Halili rezulton të ketë ngritur një zinxhir kompanish si “GTS-Gazra Teknike Shqiptare”, ”Hydro Energy Sotira”, “Idro Energia Pulita”, “Adr-Trans”, “Green Tech”, “N3H”, “Messer Albagaz”, “Sofigaz”, “Sapio Produzione Idrogeno” ku në disa prej këtyre qëndron si pronar në hije, duke kryer dhjetëra transaksione të dyshimta. Përmes këtyre kompanive, SPAK dyshon dhe po heton nëse janë lëshuar fatura fiktive duke sjellë transaksione bankare për fshehje.

Sipas dosjes hetimore rezulton se nga periudha e vitit 2014 deri në vitin 2020, shoqëria “GTS-Gazra Teknike Shqiptare” që administrohet nga Besnik Halili, ka lidhur 223 kontrata, kryesisht në furnizimin me gazra teknike mjekësore, ndër të tjera me Ministrinë e Shëndetësisë si dhe me Drejtoritë e Spitaleve Rajonale.

Gjatë hetimit të këtij rasti SPAK, ka kërkuar nga Agjensia e Prokurimit Publik, të gjitha kontratat që janë lidhur me këtë subjekt.

“GTS-Gazra Teknike Shqiptare” është një shoqëri e krijuar nga shoqëria italiane S.O.L s.p.a dhe më saktë kjo e fundit ka 100 për qind të aksioneve të shoqërisë “GTS-Gazra Teknike Shqiptare”. “…në këto rrethana shoqëria “S.O.L” s.p.a funksionon si një shoqëri guaskë…”-thuhet në dosjen e SPAK.

Të nisur nga dyshimet të forta se punonjës të kompanisë dhe zyrtarë shtetërorë kanë paracaktuar në tavolinë tenderat me vlera miliona euro, në datën 20 Maj 2024, SPAK dhe BKH kanë ushtruar kontrolle në zyrat e biznesmenit Besnik Halili dhe tek rrethi i punonjësve të kësaj kompanie.

SPAK dhe BKH, kanë kryer bastisje në zyrat e grupit “S.O.L”, duke sekuestruar prej andej kompjuterat, dokumenta dhe aparate telefonike.

Veprimet e SPAK janë kryer nga prokurori Sotir Kllapi, i cili ka autorizuar 14 oficerë të BKH-së, për ekzekutimin e veprimeve kontrolluese.

Më konkretisht kontrollet janë kryer tek zyrat e kompanisë “GTS-Gazra Teknike Shqiptare”, kontroll personal i është bërë biznesmenit Besnik Halili, të cilit i është marë telefoni dhe sende të tjera elektronike.

Më tej kontrolli është kryer dhe tek bashkëshortja e Besnik Halilit, Luneda Sufali, e cila ka qënë ish-punonjëse e kompanisë së tij. Sufali aktualisht drejton Shërbimin Social Shtetëror.

Në nëntor të vitin 2015, Sufali dha dorëheqjen nga posti në Ministrinë e Financave dhe u emërua Sekretare e Përgjithshme në Ministrinë e Mirëqënies Sociale, e cila në atë kohë drejtohej nga Blendi Klosi.

Më pas, në nëntor 2017, zonja Sufali do të emërohej Drejtoreshë e Shërbimit Social Shtetëror, me firmën e Ministres së Shëndetësisë, Ogerta Manastirliu.

Kontrolle dhe sekuestrime janë kryer edhe vëllai i Besnik Halilit, Ergys Halili, i cili është administrator i kompanisë “NCI”, kjo e fundit ka kryer dhjetëra transferta të shumta parash me shoqëritë e administruara nga Besnik Halili.

Telefonat dhe kompjuterat i janë marë shtetasit Aldo Muça, administrator i kompanisë “N3H”, shoqëri e cila ka transferta të shumta bankare me kompanitë e administruara nga Besnik Halili.

Kontrollit i është nënshtruar dhe Gerti Idrizi, i cili është punonjës i “GTS-Gazra Teknike Shqiptare” dhe figuron si përfaqësues ligjor në QKB tek të gjitha shoqëritë e administruara nga Besnik Halili.

Valës së kontrollit nuk i ka shpëtuar dhe Alban Zoraqi, Elona Hoxhafi, të cilët janë financierët kryesorë dhe njerëzit që kanë kryer veprime të transfertave bankare tek të gjitha kompanitë e administruara nga Besnik Halili.

Gjithashtu kontrolle dhe sekuestrime janë kryer edhe tek Ardian Strazimiri, administrator i kompanisë “Sofigaz”

BKH-ja ka marë telefonin dhe kompjuterin e Ervin Tushes, i cili është hartuesi i specifikimeve teknike tek çdo procedurë prokurimi të fituar më pas nga GTS-Gazra Teknike Shqiptare”.

Një tjetër emër që i është marë telefoni dhe kompjuterat janë Migel Zallëmi, shefi i financës së shoqërisë “Messer Albagaz”, e cila në shumë raste është fituese e tenderave në shoqërinë G.T.S, ku së bashku hynin në formën e Bashkimit të Operatorëve Ekonomikë.

Stojan Angjellari, në cilësinë e menaxherit teknik të kompanisë “Messer Albagaz”, i është marë telefoni dhe kompjuteri.

Kontroll i është bërë dhe Ela Strazimirit, specialistes së financës së shoqërisë “Messer Albagas”, e cila ka qënë në dijeni të transaksioneve fiktive të bëra midis shoqërive “Messer Albagas” dhe “G.T.S”.

Rasti nën hetim i vitit 2019

Një procedurë tenderuese e vitit 2019 për blerjen nga Ministria e Shëndetësisë të oksigjenit të lëngshëm dhe oksigjenit të kompresuar, është bërë objekt hetimi në prokurorinë e posaçme SPAK.

Hetime po kryhen mbi anëtarë të komisionit të prokurimeve në Ministrinë e Shëndetësisë dhe mbi rolin në këtë procedurë të ish-ministres, Ogerta Manastirliu.

Në dosjen hetimore jepet një tablo e qartë se si përmes marifeteve teknike, dy kompanitë e themeluara nga biznesmeni Besnik Halili, “GTS-Gazra Teknike Shqiptare” dhe “Messer Albagaz”, kanë fituar përmes trukimit të procedurave dy tendera me vlerë prej 1 miliard e 992 milion lekë dhe i dyti me vlerë prej 1 miliard e 986 milion lekë të vjetra.

Sipas SPAK e gjithë procedura ka qënë e paracaktuar, pasi zyrtarë të Ministrisë së Shëndetësisë dhe punonjës të kompanisë së oligarkut Besnik Halili, kanë bashkëpunuar me njëri-tjetrin me qëllim hartimin e kritereve të posaçme, ku fitues i këtij super-tenderit të ishte pikërisht Besnik Halili.

Bëhet fjalë për dy procedura tenderuese të hapura në vitin 2019 nga Ministria e Shëndetësisë, ku e para lidhet me “Blerjen e barnave anestezi reaminacion, antineoplastike dhe immunomodulatore” e cila ishte e ndarë në 33 lote me vlerën e sipërcituar prej 198.628.628.1 lekë pa TVSH.

Ndërsa procedura e dytë lidhet me prokurimin “B6-Blerje barna për anestezi reanimacion, organet e shqisave, psikiatri dhe sistemi kardiovaskular” i ndarë në 35 lote me fond limit prej 199.297,631.2 lekë pa TVSH.
Të dyja procedurat janë zhvilluar me skemën e marrëveshjes kuadër dhe ka pasur një shtrirje kohore të furnizimit për 12 muaj.

Nga procesverbalet e mbajtura nga njësia e prokurimit, janë vendosur kriteret e përgjithshme dhe ato të veçanta të kualifikimit. Në dallim nga lotet e tjera ku kriteret e kualifikimit janë të njëjta, për lotet “Oxygen” rezulton se në kriteret e veçanta të kualifikimit ka disa ndryshme konkrete.

Sipas prokurorisë SPAK rezulton se autoriteti kontraktor Ministria e Shëndetësisë dhe Mbrojtjes Sociale, në përcaktimin e kriterit të veçantë të kualifikimit, vetëm për gazin mjekësor ka specifikuar llojin e gazit për kontrata të ngjashme, duke specifikuar konkretisht “…gazra mjekësor…”.

Në këtë rast Operatorë Ekonomikë të interesuar për të dhënë oferta ekonomike, duhet të kenë patur kontrata të ngjashme vetëm për gazra mjekësor.

Pavarësisht se ky kriter është argumentuar nga njësia e prokurimit, rezulton se në mënyrë të ngjashme është përdorur edhe nga autoritet kontraktore të tjera (Spitalet Rajonale) në rastet kur kanë zhvilluar procedura prokurimi me objekt blerjen e oksigjenit mjekësor.

Ndërkohë lidhur me zhvillimin e procedurave të përqendruara të prokurimit publik për barna dhe pajisje mjekësore (materiale konsumi për përdorim mjekësor) të vitit 2019, rezulton se Ministria e Shëndetësisë dhe Mbrojtjes Sociale në cilësinë e Organit Qendror Blerës, ka zhvilluar 15 procedura prokurimi për blerjen e 424 barnave të ndryshme, për të cilat spitalet në varësi të kësaj ministrie kanë planifikuar dhe dërguar kërkesë për blerje për vitin 2019.

Në dosjen e SPAK thuhet se: “…nga shqyrtimi i dokumentacionit të këtyre 15 procedurave, rezulton se prokurimi i barnave dhe pajisjeve mjekësore janë zhvilluar nëpërmjet përdorimit të “Marrëveshjes Kuadër”.

Secila procedurë prokurimi, është përbërë nga disa artikuj ku secili prej tyre ka formuar një lot. Sasia e artikujve ose e loteve për secilën procedurë prokurimi, ndryshon nga njëra-tjetra. Nga shqyrtimi i dokumentacionit lidhur me fondin limit/vlerat e pritshme të kontratave rezulton se këto shuma janë të ndryshme nga njëra tjetra. Nga 15 procedura prokurimi në total, 14 prej tyre variojnë në shuma rreth 200, 000, 000 lekë pa TVSH, por në asnjë rast këto shuma nuk janë barazuar ose e kanë tejkaluar këtë shifër…”.

Për SPAK, kjo praktikë është ndjekur me qëllim favorizimin e operatorëve ekonomikë të caktuar, pasi nëse vlera e fondit limit të një loti do të kalojë shumën 200.000.000 lekë pa T.V.SH. atëherë e gjithë procedura e blerjes apo prokurimit, do të ishte ndërkombëtare..

SPAK thotë se ka dyshime që mospërfshirja e dy barnave të mësipërm në një procedurë prokurimi mund të jetë bërë në një marrëveshje të fshehtë ndërmjet operatorëve ekonomik BOE “GTS – Gazra Teknik Shqiptar” dhe “Messer Albagaz” dhe autoritetit kontraktor Ministria e Shëndetësisë me qëllim marrjen në këto procedura prokurimi vetëm të operatorëve ekonomik “GTS-Gazra Teknik Shqiptar” dhe “Messer Albagaz”.

Gjithashtu, nga hetimet paraprake rezulton se minimalisht nga viti 2018 e në vijim, të gjitha procedurat e prokurimit të zhvilluara nga Ministria e Shëndetësisë ose nga institucionet në varësi të kësaj ministrie për blerjen e barnit oksigjen i lëngshëm ose i gaztë, janë fituar nga Shoqëria “Messer Albagaz” dhe “GTS-Gazra Teknike”.

Gjithashtu, nga dokumentacioni i marrë pranë Ministrisë së Shëndetësisë, rezulton se një pjesë e shkëmbimit të korespodencës ndërmjet tyre me anë të e-mailit është kryer duke përdorur aparatet telefonik celularë.

Rezulton se në procedurën e prokurimit në fjalë, zyrtarët e Ministrisë së Shëndetësisë, konkretisht anëtarët e Njësisë së Prokurimit si dhe Komisioni i ngritur posaçërisht për llogaritjen e nevojave të furnizimit me mallra, ka lënë pa përfshirë në sasinë e prokuruar sasinë e oksigjenit të kërkuar nga Drejtoritë Rajonale të Spitaleve Durrës dhe Elbasan, pasi nëse do të përfshiheshin edhe sasitë e kërkuara nga këto drejtori sipas planifikimit të tyre, automatikisht vlera e fondit limit do të ishte e tillë që procedura e prokurimit detyrimisht të ishte procedurë ndërkombëtare.

Ka dyshime se shmangia e kësaj procedure, është bërë me qëllim të posaçëm për të favorizuar operatorët vendas dhe konkretisht bashkimin e operatorëve “GTS- Gazra Teknike Shqiptare” dhe “Messer Albagaz”, kompani të cilat janë ofertues si një operator ekonomik i vetëm Bashkim Operatorësh.

Nga ana tjetër punonjësit e shoqërisë “GTS-Gazra Teknike Shqiptare”, duke bashkëpunuar me zyrtarët e autoriteteve të ndryshme kontraktore, ka dyshime se kanë hartuar kritere dhe specifikime teknike me qëllim favorizimin e shoqërisë “GTS-Gazra Teknike Shqiptare” gjatë procedurave të prokurimeve publike.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Një memo e Departamentit të Shtetit, publikuar nga Fox News, u udhëzon zyrtarëve konsullorë të refuzojnë vizat sipas ligjit ekzistues, ndërsa departamenti rivlerëson procedurat e shqyrtimit dhe verifikimit.

Lista e plotë e vendeve përfshin Afganistanin, Shqipërinë, Algjerinë, Antigua dhe Barbudën, Armeninë, Azerbajxhanin, Bahamas, Bangladeshin, Barbadosin, Bjellorusinë, Belizen, Butanin, Bosnjën, Brazilin, Burmën, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Dominikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë, Moldavinë, Mongolinë, Malin e Zi, Marokun, Nepalin, Nikaraguanë, Nigerinë, Pakistanin, Republikën e Kongos, Rusinë, Ruandën, Shën Kitsin dhe Nevisin, Shën Luçinë, Shën Vincenti dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin.

Pauza do të fillojë më 21 janar dhe do të vazhdojë për një kohë të pacaktuar derisa departamenti të kryejë një rivlerësim të përpunimit të vizave.

Banori i “Big Brother Vip Albania 5”, Ilir Vrenozi, ka treguar arsyet e largimit të tij nga shtëpia këtë të mërkurë.

Në një intervistë për “Shqipëria Live”, Vrenozi ka rrëfyer se nuk po e gjente më veten të përshtatshëm brenda në shtëpi. Ai tregoi se nuk mund të insinuonte debate nga hici dhe se nuk ndjehej fort mirë me shëndet.

Vrenozi thotë se ka krijuar një mardhënie shumë të mirë me të gjithë banorët brenda, sidomos me Stenaldon.

“Një muaj aty mu duk shumë. E ndava mendjen kur u futa brenda, të mos mendoja për familjen. Ajo është eksperienca më e mirë, e përjetova. Më vjen keq që përfundoi kështu.

Pas dy javësh, vajtja tek zhavorri… Kisha hallin e shëndetit. Stenaldo është njeriu më i mirë që kam njohur. Ai qau më shumë se për nënën dje, më tha nuk kam me kë të qaj tani. Aty bëhesh si i familjes. Nuk dal dot nga vetja. Nuk bëj dot që të kapem kot, disa persona e bëjnë aty. Mua më kanë dashur aty”, tha Vrenozi.

Ish-drejtuesi i Policisë, Shemsi Prençi deklaron se asnjë standard dhe protokoll sigurie nuk është zbatuar në rastin e shoqërimit të të paraburgosurit Altin Ndoci në spitalin e Durrësit, ndaj zinxhiri komandues dhe përgjegjës për këtë rast duhet të ishte arrestuar i gjithi në flagrancë.

Ai mendon se për planin dhe realizimin e arratisjes mund të jenë paguar deri në 1 milion euro, pasi nuk është zbatuar asnjë masë sigurie, deri tek mungesa e prangave tek i paraburgosuri Ndoci, që sipas pamjeve shihet se vrapon i lirë.

“Ata duhet të ishin arrestuar në flagrancë të gjithë. Unë mendoj se ata janë të implikuar dhe duhet hetuar. Nuk mund ta lësh pa pranga një të dyshuar për 4 vrasje. Kjo është e palejueshme, nuk mund të lejohet. Por nuk e dimë, mund të jenë paguar shumë. Mund të jenë paguar edhe 1 milionë euro. Në rastin e arratisjes ka shkelje nga fillimi deri në fund”, tha ai për “News 24”.

Prençi nxiti institucionet ligjzbatuese që ta hetonin me imtësi rastin dhe të nxirrnin përgjegjësit, sepse aty mund të jenë të implikuar më shumë persona.

“Duhet parë kush është urdhëruesi, kush është profesionisti. Nuk mund të çohet i paraburgosuri pa pranga në spital. Nuk është njoftuar drejtoria e Burgjeve, nuk është njoftuar Policia e Shtetit për shoqërim dhe masa sigurie. Aty nuk është zbatuar asnjë protokoll standard sigurie dhe shoqërimi. Po të isha unë nuk do pranoja ta zbatoja apo ta shoqëroja”, shpjegoi ai.

Prençi vuri në dukje edhe rrezikshmërinë e personit që u arratis, ku masat duhet të ishin edhe më të forta, për ta parandaluar këtë skandal.

“Bëhet fjalë për një person të dyshuar për 4 vrasje, nuk ka siguri dhe nuk ka as besë. Si mund ta lësh atë pa pranga të shkojë në tualet”, tha ish-kryepolici.

Policia ka proceduar penalisht një 52-vjeçar në Divjakë pasi ka kërcënuar me sëpatë një 51-vjeçar, pas një konflikti për motive të dobëta. 51-vjeçari i ka dëmtuar atij, mjetin bujqësor zetor.

“Specialistët për Hetimin e Krimeve të Komisariatit të Policisë Divjakë referuan materialet në Prokurori ku nisi procedimi penal për shtetasit L. M., 52 vjeç, dhe P. D., 51 vjeç, pasi janë konfliktuar me njëri-tjetrin, për motive të dobëta. Gjatë konfliktit, shtetasi L. M. ka kanosur me sëpatë, shtetasin P. D., ndërsa ky i fundit i ka dëmtuar shtetasit L. M., mjetin bujqësor (zetor).”- njofton policia.

Materialet procedurale iu referuan Prokurorisë së Fierit, për veprime të mëtejshme.

Policia ka nisur hetimin për një 30-vjeçar grek. Ai u ndalua nga policia kufitare, pasi po tentonte të kalonte kufirin ilegalisht.

Ndërkohë gjatë kontrollit të automjetit të tij, policia gjeti dhe sekuestroi në cilësinë e provës materiale një sasi kanabis.

“Shërbimet e Policisë Kufitare Kapshticë, gjatë kontrolleve të imtësishme, të kryera në bazë të analizës së riskut, ndaj shtetasve dhe mjeteve me të cilët ata lëvizin, goditën 1 rast të paligjshmërisë në kufi.

Në dalje të RSh-së, gjatë kontrollit në automjetin e shtetasit grek E. K., 30 vjeç, banues në Greqi, u gjet në një valixhe dhe u sekuestrua një sasi e vogël lënde e dyshuar narkotike cannabis sativa. – thuhet në njoftimin e policisë.

Ambasada amerikane në Tiranë, ka ndarë këtë të mërkurë një mesazh të rëndësishëm, për të gjithë shtetasit që kërkojnë të udhëtojnë drejt Shteteve të Bashkuara me vizë turistike.

Ambasa ka sqaruar se me vizën turistike B1/B2, mund të lejohen aktivitete si shopping, të takohesh me miq dhe të afërm në Ameriknë, si dhe të takohesh me sipërmarrës biznesesh.

Ndërsa theksohet se nuk lejohet që me vizën turistike, të udhëtosh me idenë për të sjellë në jetë një fëmijë, të punësohesh diku apo të studiosh në ndonjë universitet, pasi për këto duhet të aplikosh për kategori tjetër viz

Kësisoj, sipas ambasadës, viza mund të refuzohet nga oficerët konsullorë nëse ata nuk besojnë se personi që aplikon nuk do të ndjekë rregullat përkatëse.

Ambasa thotë se qytetarët duhet të kenë përgjegjësi të përdorin vizën e udhëtimit në mënyrë korrekte.

Reagimi: