“Sot luajtëm një ndeshje të keqe, më të keqen e kampionatit. Duhet ta lëmë mënjanë dhe të përqendrohemi te puna e fortë, tani po përqendrohemi te Atalanta. Ishte një ndeshje shumë e dobët dhe më pas përjashtimi na penalizoi. Duhet të kemi forcën për t’u rikthyer.”

Juventus nuk shkon më shumë se barazimi 1-1 ndaj Veronës në shtëpi. Verona shënoi në minutën e 34-të, me anë të Bowie, duke dërguar në festë tifozërinë mysafire.

Një automjet shpërtheu në flakë pasditen e sotme në afërsi të rreth rrotullimit të TEG-ut në aksin nacional drejt Elbasanit.

Siç shihet nga pamjet, shtëllunga të mëdha tymi dalin nga mjeti, duke e shkrumbuar plotësisht atë. Ende nuk dihet shkaku i këtij incidenti.

gijotina.com/

Një tjetër fundjavë e gjatë që shënon trafik kilometrik në hyrjet dhe daljet e Elbasanit.

Thuajse e gjithë unaza e Elbasanit është paralizuar nga trafiku i mjeteve që kthehen nga juglindja.

E njëjta situatë paraqitet çdo fundjavë, të premteve dhe të dielave në kthim. Kulmin e lëvizjeve e shënojnë fundjavat e gjata.

gijotina.com/

Manchester United mori maksimumin në klasiken e futbollit anglez me Liverpool. Në Old Trafford, skuadra e Djajve të Kuq iu imponua kampionëvë në fuqi të Anglisë me rezultatin 3-2 duke përforcuar vendin e tretë në klasifikim.

Ndeshja nisi vrullshëm dhe në mënyrë perfekte për Manchester United që e pa veten në avantazh të dyfishtë që në 14 minutat e para. Ai që zhbllokoi rezultatin ishte Matheus Cunha që shënoi golin e parë të Djajve të Kuq që në minutën e 6. Tetë minuta më vonë skuadra e Michael Carrick i dha edhe goditjen e dytë Liverpoolit teksa shënoi me Benjamin Sesko duke e çuar rezultatin në 2-0 dhe me këto shifra, skuadrat shkuan në pushimin e ndeshjes.

Pjesa e dytë nisi me një gol të shënuar dhe ai që e gjeti atë ishte pikërisht Liverpooli që me Dominik Szoboszlai shkurtoi diferencën në 2-1. Një gol ky që mesa duket i dha krahë skuadrës së The Reds që në minutën e 56 barazoi shifrat në 2-2 me Cody Gakpo për të bërë këtë sfidë akoma më spektakolare. Në minutën e 77 Manchester United gjeti sërish rrugën e rrjetës këtë radhë me Bruno Fernandes për të marrë avantazhin në 3-2. Pas këtij momenti, gjërat nuk ndryshuan më dhe sfida u mbyll 3-2 për Manchester United që shkon në 64 pikë, 6 më shumë se Liverpool që e ndjek në vendin e 4-t.

gijotina.com/

Një tjetër aksident tragjik ka ndodhur ditën e sotme në Durrës, ku për pasojë ka mbetur i pajetë një person.

Burime bëjnë me dije se shtetasi Arben Karamuço, i cili drejtonte një motomjet me 4 goma, ka humbur kontrollin dhe ka dalë nga rruga.

Për pasojë Arben Karamuço ka ndërruar jetë, ndërkohë që një grua e cila ishte me të në motomjet, ka arritur të shpëtojë.

Ky aksident vjen pas tragjedisë që ndodhi më herët gjatë ditës së sotme në Durrës, ku një automjet përplasi 5 fëmijë që ishin duke luajtur në trotuar, duke lënë të vdekur 2 prej tyre dhe të plagosur rëndë një tjetër.

gijotina.com/

Ministria e Shëndetësisë ka reaguar rreth të miturit që mbeti i plagosur nga përplasja me makinë pasditen e sotme në Durrës është transportuar në Spitalin e Traumës.

Në një reagim publik, Ministria bën me dije se fëmija ka marrë dëmtime të shumta dhe është në gjendje të rëndë. Ministria thekson se fatmirësisht i mituri është i vetëdijshëm.

“I mituri ndodhet aktualisht në Spitalin e Traumës. Gjendja e tij është e rëndë, pasi ka dëmtime të shumta. I mituri është koshient”, thotë ministria.

gijotina.com/

Ky që shihni në foton e mëposhtme është Nikoll Radaçi, autori i aksidentit tragjik që i mori jetën dy fëmijëve dhe plagosi rëndë një tjetër në zonën e Kënetës në Durrës.

Katër fëmijë të mitur po luanin në trotuar në Durrës, kur një mjet me shpejtësi skëterrë vjen dhe i merr përpara. Dy prej tyre ndërruan jetë në vend, një tjetër po lufton për jetën në spitalin e Traumës, ndërsa fëmija i katërt ka shpëtuar mrekullisht. Ngjarja ndodhi rreth orës 14:20 në lagjen numër 15 të qytetit bregdetar, e njohur edhe si ish-këneta, ndërsa shoferi 57-vjeçar Nikoll Radaçi është vënë në pranga dhe dyshohet se ka qenë në gjendje të dehur.

Gjendja e të miturit të transportuar në Spitalin e Traumës është e rëndë, pasi ka dëmtime të shumta.

Viktimat quhen Eneo Muca, 12 vjeç, dhe Klersi Petrit Nikolli 10 vjeç.

gijotina.com/

Një aksident tragjik është regjistruar në Durrës, ku dy të mitur kanë humbur jetën dhe një tjetër ka mbetur i plagosur rëndë.

Ngjarja ka ndodhur teksa fëmijët po luanin në trotuar, kur një mjet tip “Benz ML”, i drejtuar nga Nikoll Radaçi, ka humbur kontrollin dhe i ka përplasur.

Për pasojë, dy të miturit kanë ndërruar jetë, ndërsa një tjetër ndodhet në spital në gjendje të rëndë, nën kujdesin e mjekëve.

Ngjarja bëhet edhe më e rëndë për shkak të rrethanave familjare të njërit prej viktimave. Ai humbi jetën përballë dyqanit të familjarëve të tij, ku jetonte së bashku me motrën dhe të afërm të tjerë, ndërsa prindërit ndodhen në Itali për kurimin e babait nga kanceri. Mësohet gjithashtu se viktima tjetër dhe i plagosuri janë kushërinj.

Shoferi, Nikoll Radaçi njihej si person problematik në zonë, për të cilin fqinjët thonë se kryente manovra të rrezikshme me makinë dhe konsumonte alkool.

gijotina.com/

Procedura për ekstradimin e ish-kryeministrit Nikola Gruevski nga Hungaria ka shkaktuar një përplasje të fortë politike në Maqedoninë e Veriut.

Partia më e madhe opozitare, Lidhja Social Demokrate e Maqedonisë (LSDM), akuzon ministrin e Drejtësisë, Igor Fillkov, se po zvarrit me qëllim dërgimin e dokumenteve për ekstradimin e Gruevskit nga Hungaria.

Sipas LSDM-së, Gjykata Penale i ka përfunduar të gjitha procedurat dhe dokumentet tashmë ndodhen në Ministrinë e Drejtësisë, por nuk po dërgohen më tej, me arsyetimin se po pritet formimi i qeverisë së re hungareze më 9 maj.

“Gjykata i ka mbaruar dhe dorëzuar të gjitha dokumentet e nevojshme për ekstradim të kriminelit të dënuar Nikolla Gruevski. Tani ato dokumente janë në Ministrinë e Drejtësisë, ndërsa, ndërsa ministri nga ZNAM, pjesë e tender koalicionit Mickoski, nuk i dëgon në Hungari. Nuk ka kurrfarë arsye të pritet qeveri e re. Institucionet patjetër duhet të punojnë dhe veprojnë menjëherë. Mickoski dhe qeveria e tij me vetëdije e mbrojnë Gruevskin dhe i japin hapësirë të arratiset në një shtet të tretë” deklaron opozita.

Nga ana tjetër, Ministria e Drejtësisë ka kërkuar dokumente shtesë nga Gjykata Penale për të verifikuar nëse ato ndikojnë në procesin e ekstradimit.

Debati është rindezur edhe pas zhvillimeve në Hungari. Kryeministri i ri Peter Magyar, ka deklaruar se vendi i tij nuk do të jetë strehë për kriminelë ndërkombëtarë, duke përmendur me emër edhe Gruevskin.

Ndërkohë, kryeministri maqedonas Hristijan Mickoski ka theksuar se nëse Gruevski rikthehet në vend, ai do të shkojë direkt në burg për të vuajtur dënimin.

“Nëse Nikolla Gruevski paraqitet në Maqedoni , normalisht organet e rendit do ta sigurojnë dhe do ta dërgojnë në mbajtje të dënimit me burg”, theksoi Hristijan Mickoski.

Sipas Gjykatës Penale të Shkupit, ndaj Gruevskit janë dhënë tre vendime dënimi: për rastin “Tanku” me 2 vite burg (që tashmë ka rënë për shkak të kalimit të afatit), për “Shuplakat në Qendër” me 1 vit e 6 muaj burg (që bie nëse nuk zbatohet deri në shtator), si dhe dënimi më i rëndë me 9 vite burg për çështjen “Parcelat në Vodno”, afatet e së cilës mbeten në fuqi për shumë vite, deri në vitin 2043.

gijotina.com/

Arrestohet në spital për çështjen “Eko-Toxic” një nga të dyshuarit për skandalin e mbetjeve toksike.

Specialistët për Hetimin e Krimeve Ekonomike Financiare kanë ekzekutuar masën e sigurisë “Arrest me burg” për shtetasin Petrit Qosja, 55 vjeç, banues në Elbasan, raporton korrespondentja e Top Channel Vali Qyrfyçi.

Masa ishte caktuar nga Gjykata e Durrësit tre muaj më parë, në kuadër të operacionit “Eko-Toxic”, për veprën penale “Menaxhimi i mbetjeve”, e kryer në bashkëpunim.

Sipas policisë së Durrësit, ekzekutimi i vendimit u krye në ambientet e Spitalit të Elbasanit, për shkak të gjendjes shëndetësore të të arrestuarit.

Ky arrestim lidhet me një hetim të gjerë të Prokurorisë së Durrësit, e cila në fund të muajit janar lëshoi 33 urdhër-arreste në lidhje me skandalin e 2800 ton mbetjeve toksike të kompanisë “Kurum”, të cilat dyshohet se u tentuan të eksportoheshin nga porti I Durrësit drejt Tajlandës.

Ato u kthyen më pas në Shqipëri, pas sinjalizimit të OLAF dhe Rrjetit të Bazelit. Fillimisht u ekzekutuan 20 nga 33 masat e vendosura nga Gjykata, ndaj policia vijon të ekzekutojë masat për personat në kërkim, ndonëse për një pjesë të personave masat e sigurisë janë zbutur në vazhdim.

Sipas dosjes hetimore, Petrit Qosja është nën hetim në cilësinë e agjentit të mbetjeve dhe përfshirjen në transportin ndërkombëtar të mallrave për trajtim, aktivitet që dyshohet se është kryer në kundërshtim me ligjin.
Prokuroria po vijon hetimet për të çuar në gjykim këtë rast me ndikim të rëndë mjedisor.

gijotina.com/

Zbardhet ngjarja e ndodhur pak orë më parë në lagjen “15 Tetori”, Fier, ku u plagos me mjet prerës (thikë) shtetasi Eldi Gremi, 35 vjeç.

Policia tha se ka identifikuar autorin e dyshuar dhe vijon punën për kapjen e tij.

Çfarë ndodhi

Sot në Spitalin Rajonal Fier është paraqitur i dëmtuar shtetasi Eldi Gremi, 35 vjeç, i cili dyshohet se ishte plagosur me mjet prerës (thikë) gjatë një konflikti.

Shërbimet e Policisë kanë ndërmarrë veprime për zbardhjen e rrethanave të ngjarjes. Si rezultat i veprimeve hetimore, pavarësisht mosbashkëpunimit të të dëmtuarit, u bë i mundur identifikimi i autorit të dyshuar.

Policia ka shpallur në kërkim shtetasin A. K., 25 vjeç, banues në Fier, i cili dyshohet se gjatë një konflikti ka plagosur me mjet prerës (thikë) në pjesën e barkut shtetasin Eldi Gremi.

I plagosuri është pronar i objektit të lavazhit në Fier dhe autori i dyshuar ishte personi që kishte marrë me qira objektin për të zhvilluar biznesin e tij.

Vijon puna për lokalizimin dhe kapjen e tij.

gijotiina.com

Kryetarja e komanduar e Bashkisë Tiranë, Anuela Ristani, realizon një koktejl të rrallë korrupsioni. Për ndërtimin e një rruge fshati bashkon oligarkët Arben Çela, Sandër Shpati dhe Artan Sako. Me siguri ideja ka qenë Sakos, pronarit të firmës “2T” shpk. Ky po kërkon këto muaj të mos shfaqet hapur nëpër projekte rrugësh, pasi është nën hetim nga prokuroria për shembjen e disa rrugëve të ndërtuara prej tij. Në këtë rast, Sako del si kompani mbështetëse e fituesve të tenderit Arben Çela dhe Sandër Shpati.

Tenderi i Bashkisë Tiranë synon asfaltimin e një rruge afro 1.3 km në fshatin Kasallë të Zall Herrit. Për këtë segment janë planifikuar nga buxheti i bashkisë 1.1 miliardë lekë. Ky është projekt i vizatuar enkas për fituesit e tenderit!

Një destinacion që i ha lekët për të distaën herë, por boanorët vazhdojnë vuajnë mungesën e infrastrukturës.

Fshati Kasallë është krijuar në vitin 2000 dhe është miratuar si zonë urbane me Vendim të Këshillit Kombëtar të Rregulllimit të Territorit në vitin 2004. Aty jetojnë rreth 550 familje me një popullsi prej 3170 banorë. Fshati ka një shkollë të mesme, një qendër shendetësore një kishë dhe një xhami. I mungon rruga dhe uji.

Projektet nuk kanë munguar, tenderat janë në letra, premtimet nuk janë mbajtur.

Fshati u bë me rrugë në vitin 2017.  Ky është dokumeneti i tenderit 416 milionë lekë fituar nga kompania BE-IS e Hamz Islamajt.

Nga rruga mbeti vetëm gjurma. Në shtator 2021, një kompani projektuese, bazuar në dokumentet e publikuara pranë Agjencisë së Prokurimit Publik, thekson se ndërhyrja në këtë segment rrugor është parë e domosdoshme nisur nga gjendja ekzistuese, pasi aktualisht ai nuk është i asfaltuar. Bëhet fjalë për vazhdimin e rrugës së ndërtuar nga Bashkia më 2017, me objekt ‘Rruga për në fshatin Kasallë.’

Pasi Veliajn e mbyllwn nw burg pwr korrupsion, premtimet po i mban Anuela Ristani.

Herë pas here bashkia çon ndonjë fadromë që mbush gropat. Kjo është situata e rrugëve të fshatit para zgjedhjeve të vitit 2025, ku punëtorët sheshojnë gropat.

Por këto ditë, me firmën e Ristanit, Kasallën e kanë marrë në dorë tre oligarkë. Është fjala për tenderin  me objekt “Rehabilitimi rrugës kryesore të fshtatit Kasallë”

Fondi limit i caktuar është 107.6 milionë lekë (të reja) me burim financimi të ardhurat e Bashkisë Tiranë për vitin 2026.

Për rrugët rurale toleranca e autoriteteve është më e madhe, kështu që në tenderin e mbajtur më 27 shkurt 2026, aplikuan 34 kompani.

Pjesëmarrja e tyre do të mbahet shënim nga stafi i Anuela Ristanit, por këtë radhë fituesi duket i paracaktuar.

Tenderit i është akorduar nga Open Data Albania një “Flamur i kuq” që tregon riskun e korrupsionit. Shënimi e përshkruan procedurën e prokurimit me këtë shënim:

“Skualifikim i të gjithë operatorëve konkurrues përvec fituesit/ Skualifikim i ofertës me vlerë më të ulët”.

Bashkimi i operatorëve “UDHA” shpk, me pronar Arben Çelën & “ASI INVEST” shpk e Shkëlqim Dezhgiut & “NDERTUESI 2014” shpk e Sandër Shpatit mbështeten nga kompania “2T” shpk e  Artan Sakos.

Më 10 prill 2026, komisioni i Anuela Ristanit e shpalli fitues grupin e Sakos. Sic mund të shihet në dokument, oferta e kompanisë “Mela” shpk është më e ulët.

Kompania është skualifikuar, por me shumë gjasa i ka hapur vullnetarisht rrugën tre oligarkëve. Arsyeja e skualifikimit është e pabesueshme. Sipas komisionit, kompania nuk ka paraqitur faturë të pagesës së ujit. Një kompani që ka fituar me dhjetëra tendera dhe konkurron për një fond me vlerë të lartë monetare, nuk do ta linte pa paguar faturën e ujit. Edhe sikur të ishte e vërtetë, kompania mund të njoftohej për këtë mungesë dhe të rregullohej brenda afateve. Por kursimi i parave të taksapaguesve nuk është në agjendë.

Grupi i Sakos është i fuqishëm, me lidhje politike me “Rilindjen”.  Kështu “Udha” shpk është një subjekt që ka marrë gjithmonë tendera pa garë, më së shumti nga ARRSH, Bashkite Kamëz, Burrel, Durres dhe Tiranë. Arben Çela, ish-kandidat i Partisë Demokratike për kryebashkiak, nisi të shfaqej në takimet e Edi Ramës për “bashkëqeverisjen”, ku në një rast tregoi se si e kishte zgjidhur një hall me bashkëqeverisjen. “Problemi” i tij i madh ishte se duhet të merrte ca lekë tenderash. Dhe pasi në shtator 2019 u shfaq në Kryeministri me mikrofon në dorë, Arben Çelës iu çel udha për tendera me vlerë dhjetëra milionë euro nga kryebashkiakët dhe drejtorët e Edi Ramës.

Dy ortakët Sandër Shpati dhe Gjokë Ograja e kanë bashkinë e Vaut të Dejës thesarin ku marrin sa para të duan. Tenderat i rregullon kryebashkiaku Kristian Shkreli. Këtë gjë e kanë mësuar tashmë të gjithë. Por zgjerimi i tyre kërkonte miq më të fortë. Vitin e kaluar, kompania “Ndërtuesi 2014” shpk humbi terren ndaj konkurrentëve nga Shkodra në disa tendera të ARSSH, ku luheshin miliarda lekë për “mirëmbajten e rrugëve” të Veriut. Tashmë me miqtë që ka gjetur, Sandër Shpati po rikthehet në fitimet e mëparshme.

Mbështetja e dy ndërtuesve në këtë tender vjen nga një person shumë pranë kupolës së “Rilindjes”, Artan Sako, pronat i “2T” shpk, vëllai i kryebashkikaut të Tepelenës, Gramos Sako.

Pwr momenti Sako ka vendosur tw qwndrojw nw hije, sa tw harrohen hetimet ndaj tij. Shembja e “lotit 3”, segmentit më të kushutueshëm të rrugën Qukës-Qafë Pllocë, vetëm një muaj pas inaugurimit, nxorri në pah vjdhjen e hapur tw parave, në qendër të të cilit qëndrojnë një kompania nga Arabia Saudite dhe kontraktori i saj në Shqipëri.

Kjo e fundit është kompania “2 T”, që zotërohet nga vëllai i kryebashkiakut të sapozgjedhur të Tepelenës, Gramos Sako.

Rawafed Al Torok dhe 2 T përlanë së bashku rreth 75 milionë dollarë për të ndërtuar segmentin 9.5 kilometër të lotit 3. Kjo është një sagë zvarritjesh dhe rritjesh të pandalshme kostosh, e cila çoi në rezultatin e shembjes së rrugës.

Pronari i 2T, Artan Sako, i cili është në rrjetën e SPAK për disa hetime, thuhet se është zhvendosur në Londër prej disa kohësh. Nuk dihet nëse ky largim ka lidhje me hetimet e SPAK apo është thjesht një zhvendosje rutinë për çështje personale.

qytetarët shqiptarë, pasi paguan 75 milionë dollarë për 9 kilometër rrugë, tani po pësojnë mbi kurriz koston e korrupsionit galopant nga banda e Autoritetit Rrugor Shqiptar dhe kompanitë e afërta me kryeministrin Rama.

Pa u harruar mirw kjo katastrofw, emri I Sakos del swrish nw skenw. Juglindja e vendit u paralizua nga bllokimi tërësor i qarkullimit në aksin rrugor Librazhd-Pogradec.

Lidhur me shembjen e aksit të rrugës, Prokuroria e Elbasanit ka nisur kryesisht hetimet për të identifikuar personat përgjegjës.

“Prokuroria pranë Gjykatës së Shkallës së Parë të Juridiksionit të Përgjithshëm Elbasan, bën me dije se ka filluar kryesisht procedimin penal për dëmtimet që kanë sjellë bllokimin tërësor të qarkullimit në aksin rrugor Librazhd-Pogradec. Ky procedim penal është regjistruar për veprat penale ‘Shpërdorim i detyrës’, ‘Shkelje e barazisë në tendera apo ankande publike’, ‘Shkatërrimi i rrugës’, ‘Ndotja e ajrit, ujit apo tokës’”, njoftoi prokuroria mw 22 shkurt 2026.

Çështja po hetohet nga një grup hetimor. Prokurorët kanë marrë praktikat e tenderave dhe do të kalojnë në sitë kompanitë që po ndërtonin rrugën.

Punimet po kryheshin nga kompania 2T, që zotërohet në masën 50 për qind nga Artan Sako.

Kompania tjetër ishte “ANK”, që zotërohet në masën 100 për qind nga Agim Kola, vëllai i ish-deputetit tw PS Ndue Kola, lidhje familjare e biznesmenit Rrok Gjoka.

Ndërsa prokuroria e heton në disa dosje kompaninë e Artan Sakos, janë banorët e fshatit Kasallë që mund të provojnë këtë radhë “cilësinë” shkatërruese të ‘2T” shpk.

gijotina.com/

Një ngjarje e rëndë është raportuar në Vlorës. Sipas policisë një 25-vjeçar është gjetur i vetëvarur në një nga kullat e vrojtimit, në Plazhin e Vjetër.

Njoftimi i policisë;

Nga këqyrja paraprake e trupit nuk janë konstatuar shenja dhune, ndërsa vijojnë veprimet procedurale për dokumentimin e plotë të rrethanave të kësaj ngjarjeje.

Materialet procedurale iu referuan Prokurorive kompetente, për veprime të mëtejshme.

Gara për kryetar të degës së PD në Korçë është shoqëruar me tensione, debate e përplasje. Procesi u ndërpre disa herë për shkak të debateve të shumta. Një reagim ka bërë edhe ish-deptuteti Ervin Salianji, i cili shprehet se demokratët janë guximtare dhe jo dele.

Evi Kokalari ka reaguar ashpër ndaj Sali Berishës, pas skualifikimit tw saj nga gara për drejtimin e Partisë Demokratike. Në një reagim publik, Kokalari thekson se, ndryshimet në statut janë bërë pasi ajo shpalli kandidimin, duke i cilësuar si shkelje flagrante të të drejtave dhe demokracisë.

Kokalari thekson se bazuar në të ashtuquajturin “neni Basha”, Berisha nuk është më kryetar i PD-së. Ajo akuzon drejtpërdrejt Berishën dhe bashkëpunëtorët e tij, si Flamur Noka, Albana Vokshi dhe Belind Këlliçi, duke i cilësuar si një pakicë që ka marrë peng partinë dhe që kanë dëmtuar demokratët.

Kokalari pretendon se ka refuzuar më herët një ofertë për postin e nënkryetares së PD-së dhe se përplasja e saj me Berishën nisi për shkak të kundërshtimit të korrupsionit të brendshëm në parti.

“Vulën me dhunë s’e mban dot. Siç ia dhashë, do t’ia marr… me diplomaci, dhunë apo drejtësi”, shkruan Kokalari.

Postimi i Plotë:

Kuptoni që unë nuk jam skualifikuar nga gara. Sali Berisha nuk më skualifikon dot, sepse ka të njëjtat të drejta si unë (bashkëthemelues), dhe, s’ka asnjë autoritet mbi mua, dhe “neni Basha” e skualifikon atë komplet nga kjo garë. Në fakt, në bazë të nenit Basha, Berisha nuk është më kryetari i Partisë Demokratike! Rregullat i ka thyer ai, Berisha, jo unë. Deri në momentin që vendosi të hapë garën, nuk kishte asnjë nen që më skualifikonte të hyja në këtë garë. Ndryshimi i statutit pasi e bëra publike kandidimin është shkelje flagrante e të drejtave të njeriut, demokracisë dhe bëhet pikërisht sepse kam luftuar korrupsionin e brendshëm partiak. Po të kisha mbyllur gojën, siç bën pakica në atë parti, Berisha vetë do të më vinte si kryetare. E them këtë, meqenëse në atë kohë më ofroi pozicionin e nënkryetares dhe e refuzova. Por lufta ime nisi kur ky korrupsion dëmtonte shumicën e demokratëve; prandaj dhe kjo luftë ishte kundrejt pakicës (Berisha-Noka-Vokshi-Kellici), sepse ajo pakicë e mori PD-në peng, pasi bëmë gjithë atë luftë për t’ia marrë Bashës.

Personalisht nuk i jam kthyer kurrë kundër PD-së, por vetëm Sali Berishës, Albana Vokshit, Belind Këlliçit, Flamur Nokës, që janë koka e krimit partiak dhe kanë vjedhur masivisht çdo demokrat të ndershëm në atë parti. Këta, në një formë apo në një tjetër, do ta paguajnë… të gjithë, pa përjashtim! Mendon Berisha vërtet që ne të gjithë luftuam Bashën që këta të çmendur të bëjnë ç’të duan dhe ta përdorin partinë për veten e tyre dhe për afera korruptive, si “kulla e malit” në kurrizin tonë?

MJERANE!!
-Berisha atë parti e mori prej meje. Pikë.
-Pse? Sepse sinqeriteti im dhe angazhimi im me fushatën e Trump, që shumë e kishin ndjekur, ngritën mbështetjen dhe shpresën në maksimum kur i dola në krah. Pikë.
-Berisha ishte i vdekur politikisht dhe i tillë është akoma. Pikë.
-Vulen me dhunë s’e mban dot. Pikë.
Por mashtrimet publike janë të turpshme, kështu që bën mirë të heshtë.
Kam qenë konsistente në ç’kam thënë dhe bërë.

Në foltore kam folur vetëm për pluralizëm dhe meritokraci. Atë foli edhe Berisha, por ai mashtroi. Unë jo. Këto fakte janë mbuluar masivisht nga media në atë kohë dhe luftën time për të mbrojtur meritokracinë e çdo demokrati nuk e mohon dot njeri. Në fakt, në maj të 2022 e kam kuptuar që këta mashtruan dhe më poshtë gjeni dy mesazhe nga maj–qershor 2022, ku i them klanit të Berishës që kjo nuk ishte ajo për të cilën ramë dakord kur i dhashë mbështetje fillimisht dhe publikisht (foto më poshtë). Si e tillë, lufta ime kundër tyre ishte mëse e justifikuar dhe e drejtë. Më duhet të shtoj gjithashtu që demokratët e PD-së, të cilët sot heshtin kur kjo padrejtësi më bëhet mua, duhet t’ju vijë turp, sepse është e pamundur të keni harruar luftën time kundër këtyre mostrave për të mbrojtur të drejtat tuaja. Sot ju të gjithë duhet të ishit në anën time, sepse keni qenë dëshmitarë të luftës që kam bërë për t’i mbrojtur ato dhe e kam bërë vetëm disa javë pasi kisha refuzuar postin e zv. kryetares. Pra, pa asnjë interes personal!

Sot kthehem pikërisht për ta shpëtuar PD-në që ju të gjithë e përmendni dhe e diskutoni, por s’keni guximin të tregoni një fije dinjiteti dhe mbështetje për ata që luftojnë për ju, ndërkohë që vazhdoni të jeni viktima të atyre që ju abuzojnë masivisht për interesat e tyre personale dhe familjare. Gjithsesi, kjo më ndan mua nga ju të gjithë – forca e karakterit dhe integritetit. Si e tillë, unë vulën Berishës, siç ia dhashë, do t’ia marr… me diplomaci, dhunë apo drejtësi, si t’ia dojë atij qejfi – por Sali Berisha këtë betejë NUK E FITON. Për sa i përket komenteve të Berishës se disa janë të PS-së, s’jam e qartë për kë flet, por Edi Rama ka kohë që më ka bllokuar, sepse jam e vetmja që kam ngritur alarmin si për Sazanin dhe kontratën e fundit që kanë bërë me kompani greke, ku morën pjesë ish-miqtë e mi.

Berisha ndërkohë mbylli gojën për këto afera, sepse do që qeveria Trump t’i heqë sanksionet, dhe s’kupton që edhe Sazani dhe kontrata e fundit kanë shkuar si çështje në një nga komisionet e Kongresit, që drejtohen nga demokratët; pra, kusur këtyre marrëveshjeve s’do t’u lënë. Lufta ime kundër korrupsionit gjithashtu vazhdon të jetë konsistente si kundër Berishës, Ramës, apo edhe shumëkujt në rrethin e Trump-it. Kompromis me integritetin s’kam bërë kurrë. Si e tillë, kam me vete drejtësinë dhe shumë mbështetje në SHBA, pavarësisht se disa i blini ju nga Shqipëria – Berisha me milionat e Shkëlzenit dhe Rama me pronat e popullit. Të dy këta të njëjtin fund do të kenë. Kaq jua garantoj!

gijotina.com/

Një çift prindërish shqiptarë të Kosovës, u paraqitën në Komisariatin e Karabinierëve në Cavalese të Italisë, duke denoncuar se vajza e tyre 21-vjeçare ishte mbajtur me forcë nga bashkëshorti i saj, një 23-vjeçar, gjithashtu shqiptar i Kosovës.

Sipas denoncimit, i riu, me të cilin vajza ishte e martuar prej më pak se dy vitesh, kërkonte para në këmbim të lirimit të saj dhe kthimit të automjetit me të cilin ishin larguar.

Ngjarja dyshohet të ketë nisur pasi vajza kishte shprehur dëshirën për t’i dhënë fund marrëdhënies.

Ata kishin qenë të martuar prej gati dy vitesh, por diçka kishte ndryshuar për të dhe nuk kishte më shpresë për një të ardhme së bashku. Kështu që, e nxitur nga prindërit e saj, ajo vendosi t’i jepte fund lidhjes një herë e përgjithmonë: “Dua t’i jap fund, nuk mund ta duroj më”, i tha ajo burrit të saj, një 23-vjeçar me origjinë nga Kosova, i cili u tërbua kur dëgjoi këto fjalë.

Bashkëshorti e ka detyruar atë t’u dërgonte një mesazh prindërve, duke kërkuar 15 000 euro në llogarinë e tij bankare si kusht për ta kthyer në shtëpi. Kjo kërkesë vinte pas një tjetër kërkese prej 5 000 eurosh që ai i kishte bërë më parë vjehrrit për kthimin e makinës.

Pas alarmit, autoritetet nisën kërkimet në të gjithë zonën. Pas koordinimit mes strukturave të ndryshme të Karabinierëve, çifti u lokalizua në Bedollo. Pasi u gjetën, efektivët siguruan 21-vjeçaren dhe kontrolluan automjetin, ku gjetën dhe sekuestruan një sëpatë të vogël.

23-vjeçari u arrestua me akuzën për rrëmbim personi me qëllim përfitimi financiar dhe u dërgua në burgun e Spini di Gardolo.

Rrëmbimi dhe arratisja

E gjitha ndodhi të enjten në mbrëmje në Cavalese (Trento). Sipas rindërtimit, i riu rrëmbeu gruan e tij 21-vjeçare dhe më pas iku me makinën e vjehrrit të tij, një Ford B-Max. Sapo doli në rrugë, ai e detyroi menjëherë viktimën t’u shkruante një mesazh prindërve të saj.

Ishte një kërkesë për shpërblim: “Depozitoni menjëherë 15,000 euro në llogarinë time bankare nëse doni që unë ta sjell vajzën tuaj në shtëpi”. Për më tepër, ai dyshohet se kërkoi gjithashtu 5,000 euro për kthimin e automjetit, i cili i përkiste babait të vajzës.

Megjithatë, gjatë rrugës, gruaja e re arriti të çonte vendndodhjen e tyre në kohë reale, pa u vënë re nga burri i saj, duke u mundësuar prindërve të saj të shkonin në stacionin e policisë aty pranë në Cavalese. Pasi raportuan incidentin, babai dhe nëna ndanë vendndodhjen e makinës, duke nisur kështu hetimi i karabinierëve.

Arratisja e të riut zgjati afërsisht dy orë. Qëllimi, sipas hetuesve, ishte të ndalej, të priste me shpresën për të arritur një marrëveshje dhe për të përfunduar shkëmbimin: vajza dhe makina te prindërit e sak, për një total prej 20,000 eurosh.

Pasi levizi nëpër Val di Fiemme, Trento dhe Valsugana, Ford B Max u ndalua nga policia në Bedollo pak para mesnatës duke hyrë e premtja 1 maj. Brenda pak minutash, hetuesit nga Kompania Cavalese arritën të kontaktonin kolegët e tyre në Borgo Valsugana për të provuar të gjenin çiftin sa më shpejt të ishte e mundur. Sapo mbërritën në Bedollo, i riu kosovar u përball me një patrullë nga stacioni i Levico Terme. Patrulla njohu dhe ndaloi automjetin e raportuar nga kolegët. 21-vjeçarja u shpëtua, ndërsa burri i saj u dërgua fillimisht në stacionin e policisë Cavalese. Ai u arrestua dhe u transferua në burgun Spini di Gardolo me akuzën e rrëmbimit për zhvatje. Karabinierët kontrolluan makinën e përdorur gjatë rrëmbimit, brenda së cilës gjetën një sëpatë të vogël, e cila u sekuestrua nga forcat e rendit. Hetuesit do të përpiqen të hedhin dritë mbi këtë incident gjatë ditëve të ardhshme, për të përcaktuar saktësisht se çfarë kishte në mendje 23-vjeçari.

Hipotezat

Ndër aspektet që po shqyrtohen aktualisht nga hetuesit është konteksti në të cilin lindi martesa, duke përfshirë mundësinë që i riu mund ta ketë përdorur bashkimin si mjet për të marrë një leje qëndrimi. Në këtë kontekst, prindërit e vajzës dyshohet se e kanë ushtruar presion mbi të që t’i jepte fund lidhjes së tyre. Ishte një lidhje “e ndërlikuar”, të cilën familja nuk e miratonte fare.

gijotina.com/

Kompania “ONE Albania” ka nisur rritjen e çmimeve të shërbimeve celulare, nëpërmjet indeksimit me ndryshimin mesatar vjetor të çmimeve të konsumit, duke nisur nga data 1 maj 2026. Rritja e çmimeve do të jetë deri në masën 2.2%, sipas normës së inflacionit mesatar vjetor të publikuar nga INSTAT.  Aplikimi i një praktike të tillë shton shqetësimin për efektin afatgjatë që mund të ketë në kohë. Një indeksim i përvitshëm, për më tepër në periudha kur inflacioni mund të jetë ndjeshëm më i lartë, do të sillte shtrenjtim progresiv të kostove të komunikimit për përdoruesit shqiptarë.

Autoriteti i Konkurrencës shprehet se kjo çështje është nga elementet e hetimit të thelluar që ky institucion ka hapur në tregun me pakicë të shërbimeve celulare, në nëntor të vitit të kaluar.

Ish-deputeti i Partisë Demokratike Ervin Salianji ka publikuar vendimin e gjykatës britanike, për të cilin thotë se kreu i PD Sali Berisha, është i lidhur me krimin e organizuar dhe si politikan i ka përdorur këto lidhje për influencë politike.

Salianji thekson se takimi i Berishës në Dibër ishte thjesht një shfaqje që tregonte qartë se Berisha është uzurpator dhe se nuk bën garë në parti, duke shtuar se tashmë është një lider që është braktisur edhe nga demokratët.

Reagimi i plote i Salianjit:

gijotina.com/