Kryeministri izraelit, Benjamin Netanyahu, njoftoi mbrëmjen e të martës shkarkimin e ministrit të mbrojtjes Yoav Gallant, për atë që ai e cilësoi si prishje të besimit gjatë luftës kundër Hamasit.

“Gjatë muajve të fundit ky besim është gërryer. Në dritën e kësaj, vendosa sot t’i jap fund mandatit të ministrit të mbrojtjes,” tha Netanyahu në një deklaratë të lëshuar nga zyra e tij.

Netanyahu emëroi një nga njerëzit më besnik të tij, Israel Katz, si ministrin e ri të Mbrojtjes së vendit.

Pas emërimit të tij, Katz u zotua të mposht armiqtë e Izraelit dhe të arrijë qëllimet e luftës të vendit. “Ne do të punojmë së bashku për të udhëhequr krijimin e mbrojtjes drejt fitores mbi armiqtë tanë dhe për të arritur qëllimet e luftës: kthimin e të gjithë pengjeve si misioni më i rëndësishëm moral, shkatërrimin e Hamasit në Gaza, disfatën e Hezbollahut në Liban, frenimin e agresionit iranian dhe kthimin e sigurt të banorëve të veriut dhe jugut në shtëpitë e tyre,” tha ai në një deklaratë.

Israel Katz është një politikan izraelit dhe anëtar i Partisë Likud, e udhëhequr nga kryeministri Binyamin Netanyahu. Ai ka mbajtur pozita të ndryshme në qeverinë izraelite, duke përfshirë ato të ministrit të transportit, ministrit të punëve të jashtme, dhe tani ka marrë postin e ministrit të mbrojtjes. Katz është një figurë e njohur në politikën izraelite dhe është konsideruar si një aleat i ngushtë i Netanyahu-s.

Ai është i njohur për stilin e tij të drejtpërdrejtë dhe shpesh është përshkruar si “buldozer” për mënyrën se si i përballon çështjet politike. Katz ka pasur një ndikim të madh në politikën e brendshme dhe të jashtme të Izraelit, dhe është një mbështetës i fortë i qëndrimeve të ashpra në lidhje me sigurinë kombëtare të vendit.

LEXONI GJITHASHTU

• Trump zgjidhet presidenti i 47-të i SHBA-së, Netanayahu dhe Zelensky mesazh urimi
• Reagimi i ish-presidentit rus Dmitry Medvedev pas fitores së Trump

The post “Buldozeri” Kush është miku më i besuar që Netanyahu emëroi si ministër të Mbrojtjes appeared first on Euronews Albania.

Donald Trump është zgjedhur Presidenti i 47-të i Shteteve të Bashkuara të Amerikës pas një fitoreje tw thellë në zgjedhjet e 4 nëntorit. Lajmi për rikthimin e tij në Shtëpinë e Bardhë ka ngjallur reagime dhe urime nga liderët botërorë, përfshirë Benjamin Netanyahu dhe Volodymyr Zelensky, udhëheqësit e Izraelit dhe Ukrainës, vende aleate të ngushta të SHBA-ve që aktualisht përballen me sfida të mëdha sigurie.

Netanyahu ka uruar Trump për fitoren, duke nënvizuar se rikthimi i tij në Shtëpinë e Bardhë është një riangazhim i fuqishëm ndaj aleancës së madhe midis Izraelit dhe Amerikës.

“Të dashur Donald dhe Melania Trump, urime për rikthimin më të madh në histori! Kthimi juaj historik në Shtëpinë e Bardhë ofron një fillim të ri për Amerikën dhe një riangazhim të fuqishëm ndaj aleancës së madhe midis Izraelit dhe Amerikës. Kjo është një fitore e madhe! Në miqësinë e vërtetë, e juaja, Benjamin dhe Sara Netanyahu,” shkruan Netanyahu.

Ndërkohë, Zelensky në urimin e tij thekson se vlerëson angazhimin e Presidentit Trump për qasjen “paqe përmes forcës” në çështjet globale.

“Urime, Donald Trump, për fitoren e tij mbresëlënëse në zgjedhje! Më kujtohet takimi ynë i mrekullueshëm në shtator, kur diskutuam në detaje Ukrainë-SHBA. Partneriteti strategjik, Plani i Fitores dhe mënyrat për t’i dhënë fund agresionit rus kundër Ukrainës.

Unë e vlerësoj angazhimin e Presidentit Trump për qasjen “paqe përmes forcës” në çështjet globale. Ky është pikërisht parimi që mund të afrojë paqen e drejtë në Ukrainë. Unë shpresoj se do ta vëmë në veprim së bashku.

Presim me padurim një epokë të një Amerike të fortë nën udhëheqjen vendimtare të Presidentit Trump dhe mbështetjen e vazhdueshme dypartiake për Ukrainën në Shtetet e Bashkuara. Ne jemi të interesuar të zhvillojmë bashkëpunim politik dhe ekonomik reciprokisht të dobishëm, nga i cili do të përfitojnë të dy vendet tona. Ukraina, si një nga fuqitë më të forta ushtarake të Evropës, është e përkushtuar për të garantuar paqen dhe sigurinë afatgjatë në Evropë dhe në komunitetin transatlantik me mbështetjen e aleatëve tanë.

Mezi pres të përgëzoj personalisht Presidentin Trump dhe të diskutoj mënyrat për të forcuar partneritetin strategjik të Ukrainës me Shtetet e Bashkuara,” shkruan Zelensky në “X”.

LEXONI GJITHASHTU

• Reagimi i ish-presidentit rus Dmitry Medvedev pas fitores së Trump
• Osmani uron Donald Trumpin për fitoren: Mezi pres të punoj me administratën e re
• Trump fiton Pensilvaninë, kryeson me 270 votat elektorale që i duhen për president

The post Trump zgjidhet presidenti i 47-të i SHBA-së, Netanayahu dhe Zelensky mesazh urimi appeared first on Euronews Albania.