Është gjetur trupi i pajetë i 33-vjeçarit Erkin Lika, i cili humbi jetën pasi ra në ujërat e lumit Mat gjatë një aktiviteti me litar në zonën e Urës së Vashës, në Klos.

Ngjarja tragjike ndodhi pasditen e së shtunës, kur i riu dyshohet se përfundoi në një gropë thithëse të lumit, duke u marrë nga rrjedha e ujit.

Pas disa ditësh operacione intensive kërkimi, palombarët arritën të lokalizonin dhe të nxirrnin trupin e pajetë të 33-vjeçarit, duke i dhënë fund operacionit të kërkimit.

Autoritetet vijojnë procedurat për zbardhjen e plotë të rrethanave të ngjarjes. /tch/

Shërbimi i Kërkim-Shpëtimit Malor i Kosovës ka nisur një operacion në lumin Mat, në Shqipëri, për kërkimin e trupit të 39-vjeçarit Erkin Lika, i cili dyshohet se humbi jetën pasi ra nga shkëmbinjtë pranë Urës së Vashës, në zonën e Klosit.

Lika dyshohet se ishte pjesë e një grupi që ndodhej në këtë zonë, ndërsa sipas informacioneve paraprake, ai ka rrëshqitur nga shkëmbinjtë teksa po fotografonte pjesëtarët e ekipit, duke rënë në humnerë.

Ra nga shkëmbinjtë pranë Urës së Vashës, humb jetën 39-vjeçari Erkin Lika

Pas raportimit të rastit, ekipet e kërkim-shpëtimit kanë nisur angazhimin për gjetjen e trupit të tij në terrenin e vështirë.

Operacionit në lumin Mat i është bashkuar edhe Shërbimi i Kërkim-Shpëtimit Malor i Kosovës, i cili po kontribuon në përpjekjet për lokalizimin dhe nxjerrjen e trupit të 39-vjeçarit. /Telegrafi/