Kryeministri izraelit Benjamin Netanyahu tha të martën se vendi duhet të ketë “pavarësi për armët”, pasi miliarda dollarë ndihmë ushtarake amerikane do të skadojnë në vitin 2028.

“Dua pavarësi për armët”, tha Netanyahu, duke folur para oficerëve rezervë në Bregun Perëndimor të pushtuar, transmeton Telegrafi.

“E vlerësoj thellësisht mbështetjen që kemi marrë – dhe që e kam siguruar edhe gjatë viteve – nga miqtë tanë amerikanë. Sot them: duhet të kemi sistemin tonë të pavarur të armatimit. Duhet të prodhojmë armët tona”, shtoi ai.

Në shtator, Netanyahu pranoi se Izraeli po përballet me një “lloj izolimi” që mund të zgjasë me vite, duke pretenduar se Izraeli do të zhvillonte industrinë e vet të armëve dhe do të bëhej “Athina dhe super Sparta së bashku”.

Trump thotë se Irani ka rënë dakord për inspektime bërthamore "pafundësisht", pavarësisht mohimit të Teheranit

Sipas një Memorandumi Mirëkuptimi 10-vjeçar të nënshkruar në vitin 2018, Izraeli merr 3.8 miliardë dollarë në vit në ndihmë ushtarake nga Shtetet e Bashkuara, shumicën e të cilave Izraeli duhet t’i shpenzojë për prodhuesit amerikanë të armëve.

Marrëveshja do të duhej të rinegociohej përpara skadimit të saj në vitin 2028, por Izraeli është bërë një çështje gjithnjë e më politike në SHBA.

Partia Demokratike ka qenë kritike e ashpër ndaj Netanyahut dhe sjelljes së Izraelit në luftën në Gaza dhe Liban, ndërsa republikanët e rinj gjithashtu e kanë kritikuar gjithnjë e më shumë Izraelin.

Në fillim të qershorit, Ministria Izraelite e Mbrojtjes njoftoi nisjen e bisedimeve zyrtare me administratën Trump mbi një kornizë të re bashkëpunimi në siguri për të zëvendësuar memorandumin aktual 10-vjeçar të mirëkuptimit. /Telegrafi/

Ministri izraelit i Financave i ekstremit të djathtë, Bezalel Smotrich, këmbënguli se nuk do të ketë "asnjë tërheqje izraelite nga zona e sigurisë" në Liban, përpara bisedimeve midis dy vendeve që do të fillojnë në Uashington të martën.

"Nuk do të ketë tërheqje izraelite nga zona e sigurisë, përfshirë Beaufort (kështjellën), nga Libani për sa kohë që Hezbollahu ekziston në Liban", tha Smotrich në radion ushtarake të Izraelit.

CNN raportoi më parë se Izraeli po shqyrton mundësinë e njoftimit të një tërheqjeje "simbolike" nga një territor në Liban, transmeton Telegrafi.

Raundi i ri i bisedimeve Liban-Izrael do të fillojë në Uashington

Komentet e Smotrich-ut i bëjnë jehonë atyre të bëra nga kryeministri Benjamin Netanyahu, i cili tha të hënën se ai është "i vendosur për qëndrimin tonë në zonën e sigurisë në Libanin Jugor për aq kohë sa të jetë e nevojshme".

Ndryshe, raundi i pestë i negociatave libano-izraelite do të fillojë sot në Uashington. /Telegrafi/