Kjo është gjendja aktuale e rrugës Ersekë–Leskovik, konkretisht në aksin Borovë–Barmash, e cila prej disa muajsh paraqet rrezik serioz për qarkullimin e automjeteve. Sipas raportimeve të qytetarëve, rruga është restauruar vetëm një vit më parë, por sot është shembur pothuajse plotësisht, duke u kthyer në një rrezik të madh për drejtuesit e mjeteve dhe banorët e zonës. Banorët shprehen të alarmuar, pasi çdo kalim në këtë aks përbën rrezik real, sidomos gjatë natës dhe në kushte të pafavorshme atmosferike. Sipas tyre, rruga ndodhet në këtë gjendje prej rreth dy muajsh, pa asnjë ndërhyrje nga institucionet përgjegjëse. Ky aks është pjesë e rrugës Korçë–Ersekë, e cila i ka kushtuar buxhetit të shtetit rreth 50 milionë euro, ndërkohë që për restaurimin janë shpenzuar miliona euro të tjera. Sipas të dhënave publike, tenderi është fituar nga kompania A.N.K., ndërsa janë akorduar edhe rreth 4 milionë euro shtesë për punime të paparashikuara. Mësohet se kostoja për 1 kilometër rrugë ka arritur deri në 3 milionë euro. Qytetarët ngrenë pikëpyetje serioze mbi cilësinë e punimeve dhe kërkojnë ndërhyrje urgjente nga institucionet përgjegjëse, përpara se kjo situatë të sjellë pasoja të rënda për jetën dhe sigurinë e përdoruesve të rrugës. Denoncimi i qytetarit: Pershendetje, Këto janë te rruga Ersekë Leskovik shumë e rrezikshme. Ka nje vit qe eshte restauruar. Ka shume rrezik si rruge. Aksi Borove Barmash. Ka dy muaj ne kete gjendje, askush s kujtohet per te

41.2K views

Banorët e lagjes Sinoballa, nr. 4, në Kamëz, kanë ngritur shqetësimin për gjendjen e rrugës, e cila prej rreth katër muajsh është lënë përgjysmë nga Bashkia Kamëz. Sipas tyre, është shtruar vetëm gjysma e rrugës, ndërsa pjesa tjetër ka mbetur me baltë dhe zhavorr, duke u bërë e pakalueshme sidomos gjatë reshjeve të shiut. Banorët shprehen se detyrohen ta rregullojnë vetë me shpenzimet e tyre, edhe pse paguajnë taksa. Qytetarët thonë se kanë bërë ankesa të shumta pranë bashkisë Kamëz me kryetar Rakip Sulin, por pa asnjë zgjidhje konkrete, ndërsa janë mashtruar me premtime se rruga do të asfaltohej më 20 dhjetor. Edhe pse ka kaluar 20 janari, punimet nuk kanë përfunduar, duke e bërë jetën e përditshme të vështirë për banorët, fëmijët dhe automjetet që shpesh mbeten të bllokuara.

58.8K views

Një banor i fshatit Priskë e Madhe i është drejtuar redaksisë duke ngritur një shqetësim serioz në lidhje me sigurinë elektrike pranë banesës së tij. Sipas tij, prej rreth një viti në zonë është vendosur një linjë elektrike kabllore trefazore, por pa shtylla mbajtëse, duke bërë që kabulli të kalojë drejtpërdrejt mbi hardhitë e rrushit në oborrin e shtëpisë. Banori shprehet se, për të shmangur rrezikun, është detyruar të vendosë vetë një shtyllë të improvizuar, por edhe ajo është përkulur nga pesha e madhe e kabullit. Ai tregon se ka bërë kërkesa të vazhdueshme pranë institucioneve përkatëse për vendosjen e një shtylle zyrtare, por prej një viti, sipas tij, vetëm është sorollatur pa asnjë zgjidhje konkrete. Ai apelon për ndërhyrje urgjente nga institucionet përgjegjëse, përpara se kjo situatë e rrezikshme të përfundojë në pasoja të rënda. Denoncimi i qytetarit: Pershendetje JOQ. Jam je banor i fshatit prisk e madhe kam je problem me lijen elektrike kan bo lijen kabllore para 1 viti lij 3 fazore dhe skan vu shtyll po e kan ven kabllin siper tones rrushit kam vendos je shtyll te sajuar vet po dhe ajo esht ktutur nga pesha e kabllit kam ber kerkes per je shtyll po kan 1 vit qe me sorollasin kam korentin mbi hekrat e rrushit kam 3 fmij te vegjel qe lozin jasht ju lutem bejeni publike se mos na e sjellin 1 shtyll para se te ndodhi noi gje flm

14.2K views

SPAK ka dhënë një pasqyrë të detajuar mbi mënyrën se si u dekonspirua operacioni kundër Call Center-ave mashtrues në Tiranë, duke konfirmuar se pronarët dhe drejtuesit e aktivitetit të paligjshëm janë paralajmëruar paraprakisht për një kontroll të mundshëm. Sipas Prokurorisë së Posaçme, Call Center-i kryesor operonte në godinën “Atti Tower”, në rrugën “Ibrahim Rugova”, pranë Katedrales Ortodokse, dhe ishte nën hetim për mashtrimin e shtetasve italianë përmes platformave të rreme të investimeve në kriptomonedha. Hetimet, të nisura më 9 janar 2026 pas provave të dorëzuara nga gazetarët e emisionit italian “Le Iene” dhe denoncimeve të qytetarëve italianë, zbuluan se drejtuesit e Call Center-it kishin vendosur kamera sigurie dhe persona për vëzhgim të vazhdueshëm të ambienteve, për të sinjalizuar çdo rrezik. SPAK thekson se mbrëmjen e 15 janarit 2026, pasi dyshohet se morën informacion për një ndërhyrje të afërt, drejtuesit boshatisën zyrat, hoqën pajisjet kompjuterike dhe nisën zhvendosjen e tyre gjatë natës, duke tentuar të fshihnin provat e aktivitetit kriminal. Në orët e para të 16 janarit 2026, hetuesit e Byrosë Kombëtare të Hetimit kapën 6 persona në flagrancë teksa transportonin pajisje drejt një ambienti tjetër në godinën “Downtown One”, në Bulevardin “Bajram Curri”, ku një pjesë e pajisjeve po tentoheshin të asgjësoheshin. Më pas, SPAK ndaloi edhe 2 persona të tjerë dhe shpalli në kërkim 3 të dyshuar, mes tyre vëllezërit Alfred, Agim dhe Arjan Prekaj, ku Alfred Prekaj rezulton pronar i kompanisë “Balkanspro”. Gjatë kontrolleve në 28 ambiente janë sekuestruar qindra pajisje kompjuterike, serverë, telefona, laptopë, karta SIM, dokumente, kamera sigurie, automjete dhe një Ferrari, ndërsa SPAK po heton intensivisht për të zbuluar se kush e dekonspiroi operacionin dhe nëse ka persona apo struktura të përfshira në nxjerrjen e informacionit.

16.4K views

Një qytetar ka raportuar një situatë shqetësuese që ka ndodhur në një nga rrugët kryesore të qytetit të Elbasanit ditën e sotme. Ai ka treguar se një i moshuar ka bllokuar rrugën me biçikletën e tij, duke shkaktuar një ngërç të madh trafiku. Sipas tij, i moshuari është zhveshur dhe ka bllokuar rrugën duke i penguar të gjithë kalimtarët dhe automjetet. Ai thotë se kjo situatë ka zgjatur për disa minuta dhe policia ka mbërritur me vonesë në vendnngjarje.

103.8K views

Një situatë alarmante u regjistrua këtë të shtunë në fshatin Spatharë, Njësia Administrative Qendër, Bashkia Librazhd, ku rrëshqitje masive të tokës shkaktuan dëme të konsiderueshme në banesa dhe infrastrukturë. Sipas burimeve nga terreni, lëvizjet e para të dheut u vunë re dje rreth orës 14:30, ndërsa rreth një orë më vonë fenomeni u riaktivizua me intensitet më të madh, duke zhvendosur sipërfaqe të tëra toke dhe duke krijuar panik te banorët e zonës. Në orët e vona të pasdites, situata u përkeqësua ndjeshëm, kur rrëshqitja përfshiu një bllok të tërë banimi, kryesisht në Lagjen Hoxha. Sipas Emergjencave Civile, dhjetëra shtëpi kanë pësuar dëmtime të lehta, ndërsa shtatë banesa janë dëmtuar rëndë dhe konsiderohen të pabanueshme. Zona pranë ish-depos së furnizimit me ujë të qytetit të Librazhdit mbetet ndër më të rrezikuarat, duke shtuar frikën për ndërprerje shërbimesh dhe rrezik për jetën e banorëve. Banorët e Spatharës kanë kritikuar institucionet vendore për mungesë masash parandaluese, duke theksuar se rrëshqitjet janë një problem i përsëritur prej vitesh.

69.5K views

Një qytetar amerikan që po planifikon të jetojë në Vlorë, së bashku me gruan dhe fëmijët e tij, kanë marrë në dorë pastrimin e bregut të detit, duke mbledhur mbeturinat që ndotnin zonën turistike. Ndryshe nga shqiptarët që në një ditë të dielë e me diell shëtisin mes mbeturinave të bregut të detit, amerikani dhe familja e tij janë të shqetësuar për këtë ndotje. Duke parë se Bashkia e Vlorës, me në krye Bruna Mersinin, nuk merr asnjë lloj mase para kësaj ndotje edhe pse kjo detyrë u takon atyre, amerikani ka përveshur mëngët dhe ka nisur të mbledhë mbeturinat. Ai shpreh zhgënjimin e tij për menaxhimin e mbeturinave nga bashkia duke theksuar se qyteti ka nevojë për veprime konkrete dhe të qëndrueshme për të ruajtur ambientin dhe imazhin turistik. Veprimi i familjes amerikane tregon një qasje aktive dhe qytetare, duke nxjerrë në pah mungesën e përgjegjësisë institucionale dhe nevojën për veprime reale për pastrimin dhe mirëmbajtjen e hapësirave publike.

32.1K views

Një rast i rëndë dhe thellësisht shqetësues është denoncuar pranë redaksisë sonë nga një banore e lagjes “Todi Shkurti”, pranë ish-tregut elektrik, ku një nënë e moshuar dyshohet se prej vitesh jeton nën dhunë sistematike nga vajza e saj, e cila vuan nga probleme të shëndetit mendor. Sipas denoncimit, dhuna ka qenë e përsëritur ndër vite, duke i shkaktuar të moshuarës plagë të rënda në kokë dhe në trup, për të cilat ajo ka marrë ndihmë mjekësore. Megjithatë, pavarësisht gjendjes së saj të rënduar, e moshuara është rikthyer sërish në banesë, në kushte tërësisht të papranueshme për jetesë. Aktualisht, ajo ndodhet e vetme, pa ushqim, pa ngrohje dhe pa asnjë person që të kujdeset për të. Situata bëhet edhe më alarmante nga fakti se e moshuara është e verbër, e pafuqishme për të lëvizur dhe, sipas denoncueses, dyshohet se vuan edhe nga demenca, gjë që e bën të pamundur komunikimin dhe kërkimin e ndihmës. Vajza e saj, e cila dyshohet si autore e dhunës, është dërguar në institucion psikiatrik, ndërsa në banesë nuk ka mbetur asnjë strukturë mbështetëse për të garantuar sigurinë dhe kujdesin minimal të të moshuarës. Banorët e zonës dhe denoncuesja i bëjnë thirrje institucioneve përgjegjëse, përfshirë shërbimet sociale, policinë dhe strukturat shëndetësore, që të ndërhyjnë urgjentisht për të marrë masa konkrete, duke garantuar mbrojtjen, trajtimin dhe dinjitetin njerëzor të saj. Ky rast ngre shqetësime serioze për mënyrën se si trajtohen rastet e dhunës në familje, veçanërisht kur viktimat janë persona të moshuar, të pafuqishëm dhe pa zë, dhe kërkon reagim të menjëhershëm përpara se kjo situatë të përfundojë në një tragjedi të paralajmëruar.

73.3K views

Ndryshimet e fundit ligjore, të publikuara në Fletoren Zyrtare si pjesë e paketës fiskale, shpjegojnë qartë tani edhe aktivitetin ekonomik në internet. Çdo person që gjeneron të ardhura online, nga blogerët te influencerët, konsiderohet subjekt tregtar dhe duhet të publikojë në faqen ose profilin e tij të dhënat bazë, përfshirë NIPT-in, emrin e subjektit, adresën dhe kontaktin. Administrata tatimore do të identifikojë këta individë kryesisht përmes të ardhurave të depozituara në llogaritë bankare dhe përmes monitorimit të aktivitetit online. Sipas ndryshimeve në ligjin për procedurat tatimore, pas marrjes së njoftimit zyrtar nga administrata, influencerët dhe personat publikë do të jenë të detyruar të formalizojnë aktivitetin e tyre në rrjete sociale. Ligji parashikon ashpërsim të masave në rast të moszbatimit. Nëse brenda 15 ditëve nga marrja e njoftimit nuk publikohet informacioni i kërkuar, AKEP mund të bllokojë llogarinë e influencerit në rrjetet sociale dhe të shqiptojë gjobë. Nevoja për këto ndryshime u diktua nga monitorimet e administratës tatimore. Sipas të dhënave zyrtare, vetëm nga kontrollet vjetore janë identifikuar rreth 100 profile në rrjete sociale që gjatë vitit 2025 gjeneruan mbi 33 milionë euro të ardhura të depozituara në llogari bankare individuale. Ekspertët theksojnë se këto shifra tregojnë rritje të ekonomisë online, por edhe nivele të larta informaliteti, që tani synohet të integrohen në sistemin tatimor.

30K views

Motra e Altin Meçajt, Xhuli, ka reaguar publikisht lidhur me ngjarjen e ndodhur në fshatin Vjosë, duke mohuar vërtetësinë e mesazheve të publikuara nga motra e punonjësit të policisë, Fredi Lamaj. Ajo deklaroi se mesazhet janë të sajuara dhe se familja e saj po përballet padrejtësisht me akuza që kanë sjellë përshkallëzim të konfliktit. Sipas saj, familja Meçaj ka pasur gjithmonë respekt për familjen Lamaj dhe nuk kërkon hakmarrje, por vetëm që drejtësia të hetojë ngjarjen dhe të ndalojë përhapjen e sajesave. Ajo e cilësoi të papranueshme dhunën ndaj një të moshuari dhe theksoi se situata nuk duhet të ishte kthyer në “telenovelë” mediatike. Ngjarja ndodhi mbrëmjen e 10 janarit, kur Altin Meçaj dhe babai i tij, Ylli Meçaj, u dhunuan pranë banesës së tyre. Sipas deklarimeve të familjes, Altini u thirr jashtë në orët e vona dhe më pas u godit nga disa persona, mes të cilëve pretendohet se ishte edhe Fredi Lamaj. Ylli Meçaj tregoi se u përpoq të mbronte djalin, por edhe ai u dhunua, duke pësuar plagë në kokë dhe duke marrë trajtim mjekësor në spital. Familja kërkon që autorët të mbajnë përgjegjësi ligjore për dhunën e ushtruar. Në qendër të konfliktit janë edhe mesazhet në rrjete sociale, të cilat motra e Fredi Lamajt i bëri publike, duke pretenduar se Altin Meçaj e kishte bezdisur vazhdimisht me shkrime të padëshiruara. Ajo deklaroi se komunikimi ka qenë i njëanshëm dhe se nuk ka dhënë asnjë përgjigje, duke theksuar se situata i ka shkaktuar shqetësim emocional dhe familjar. Nga ana tjetër, motra e Meçajt këmbëngul se mesazhet nuk janë të vërteta dhe se, nëse do të kishte pasur shqetësim, çështja mund të ishte zgjidhur pa dhunë dhe pa përfshirje publike.

128K views

Kam vetëm një ëndërr: Fëmijët e mi të mos vuajnë si unë” – Rrëfimi i një babai të verbër #a2cnn #like #lajmeshqip

1778 views

Sikur më vranë për herë të dytë…” – Artani tregon dhimbjen kur mësoi se s’do shihte më

1482 views

Këta persona përjashtohen nga operacionet plastike, kirurgu tregon arsyen. Përpara një ndërhyrje kirurgjikale me qëllim rimodelimin plastik të një pjese të trupit, gjithmonë është e rëndësishme një kontroll i hollësishëm i gjëndjes shëndetësore të pacientit. Për personat diabetikë, me tension të lartë apo me probleme kardiake, nuk vendoset për operacion deri në momentin që parametrat të shkojnë në optimalen e tyre. I ftuar në studion e emisionit “Diagnozë” nga autorja dhe moderatorja Freskida Miloti, kirurgu plastik Dr. Gentian Zikaj, tha se gjithmonë bëhen konsulta me mjekët e tjerë specialist, analizat etj, përpara se një pacient të hyjnë në sallën e kirurgjisë. Për më shumë, shikoni videon e plotë në kanalin e A2CNN në YouTube. #A2CNN #Diagnoze #FreskidaMiloti #GentianZikaj #Kirurgjiaplastike

900 views

Operacionet plastike, kirurgu tregon rastet që refuzon pacientët Vitet e fundit kërkesat për operacione plastike, estetike, është rritur ndjeshëm në Shqipëri. Diku nga nevoja për t’u dukur bukur, diku nga nevoja për korrigjimin e një defekti dhe shpesh për të qenë të ngjashëm me persona të njohur të ekranit apo rrjeteve sociale, shumë qytetarë shkojnë drejt kirurgjsië plastike. Mirëpo ka dhe shumë persona të cilëve u refuzohet kjo nderhyrje në mënyrë kategorike për shkak të komplikacioneve shëndetësore. I ftuar në studion e emisionit “Diagnozë” nga autorja dhe moderatorja Freskida Miloti, kirurgu plastik Dr. Gentian Zikaj, shpjegoi se personat me probleme psikologjike apo ata të cilët rrezikojnë t’u përkeqësohet shëndeti, u refuzohet ndërhyrja pavarësisht këmbënguljes. Për më shumë, shikoni videon e plotë në kanalin e A2CNN në YouTube. #A2CNN #Diagnoze #FreskidaMiloti #GentianZikaj #Kirurgjiaplastike

1201 views

Si ndikon piktura në shëndetin emocional? Arti është nëj nga format më të mira që çdokush të gjejë qetësinë shpirtërore, të shpreh një emocion apo të përballojë një situatë të caktuar të jetës. Përmes pikturës, muzikës, gdhendjes, apo edhe krijimeve të ndryshme, shumë persona arrijnë të gjejnë vetëveten dhe të mbjellin shenja shprese dhe motivuese në jetën e tyre. Në rubrikën “Impakt Shëndet”, pjesë e emisionit Diagnozë, nga autorja dhe moderatorja Freskida Miloti, ishte e ftuar piktorja e mirënjohur Anila Hetoja. Me një eksperiencë të gjatë e mjaft të veçantë mes Shqipërisë dhe Kanadasë, Anila tregon sesi piktura dhe arti në përgjithësi ndikojnë në karakterin dhe personalitetin e çdokujt, duke inkurajuar çdo kënd të merret sadopak me atë në përditshmërinë e tyre. Për më shumë, shikoni videon e plotë në kanalin e A2CNN në YouTube. #A2CNN #Diagnoze #FreskidaMiloti #AnilaHetoja #ImpaktShendet

690 views

Aksident i rëndë në aksin Lezhë-Laç, 4 të plagosur pas përplasjes së dy makinave ... #SyriTv #SyriNet #LajmeSyri #Aksident

2511 views

Ftesa nga SHBA, Shehu: E vërteta që Rama nuk jua thotë ... #SyriTv #SyriNet #LajmeSyri #TritanShehu #IntervistaSyriTv

16.7K views

Nënë Tereza e keqkuptuar, Aliaj: Ka hasur në xhelozi me misionaret ... #SyriTv #SyriNet #Odeon

2795 views

Vështirësitë nën petkun e Nënë Terezës, Aliaj: Thirrjet më ftojnë të shkrihem me të, më duket sikur.. ... #SyriTv #SyriNet #Odeon

345 views

Berisha në Laprakë: Jemi në agun e një fitoreje të sigurtë, sot Rama është buzë greminës ... #SyriTv #SyriNet #SaliBerisha #Laprake

4809 views