“Mund të fshihesha në Dubai, por zgjodha Francën se e dua”, Gjykata e Apelit në Amiens lë në burg Ermal Beqirajn

3928 views

Zjarr apokaliptik në Shashicë, skuqet mali

3849 views

Një zjarr ka rënë mbrëmjen e sotme në zonën e Shashicës, në Vlorë. Flakët, të favorizuara nga era, po përhapen me shpejtësi në terren, duke rritur rrezikun e përhapjes së vatrës, shkruan A2 CNN. Drejt vendit të ngjarjes janë nisur shërbimet zjarrfikëse, të cilat kanë ndërhyrë për të vënë situatën nën kontroll.

3093 views

Një 50 vjeçar nga fshati Kapaj i Mallakastrës, i identifikuar si Fluturim Salobehaj, ka rënë aksidentalisht në një humnerë, nga një lartësi rreth 50 metra, shkruan A2 CNN. Për pasojë, ai ka pësuar dëmtime në këmbë dhe në pjesë të tjera të trupit. 50-vjeçari është nxjerrë nga humnera nga shërbimet zjarrfikëse dhe, sipas informacioneve paraprake, është jashtë rrezikut për jetën. Ai po transportohet drejt Spitalit Rajonal të Fierit. Në vendngjarje kanë mbërritur shërbimet zjarrfikëse, policia dhe ambulanca.

9157 views

Dolly Parton, e cila u ngrit nga një fëmijëri modeste në majat më të larta të muzikës amerikane dhe u shndërrua në një nga yjet më të dashur të vendit, ka ndërruar jetë të martën në shtëpinë e saj në Nashville, sipas një deklarate të familjes. Ajo ishte 80 vjeçe. Në deklaratën e bërë nga nipi i saj, Bryan Seaver, thuhet se Parton ndërroi jetë “në paqe”. Sipas familjes, do të zhvillohet një ceremoni e vogël dhe private, ku do të marrin pjesë vetëm familjarët e saj të afërt. Gjatë një karriere që zgjati më shumë se gjysmë shekulli, Parton pasqyroi më së miri kulturën amerikane përmes muzikës së saj, duke shkruar më shumë se 3 mijë këngë. Mes tyre ishte “Coat of Many Colors”, një dedikim i ndjerë për nënën e saj, e cila qepte rroba në shtëpinë e familjes në zonat rurale të Tennessee, përcjell A2 CNN. Ajo shkroi dhe interpretoi këngë për dashurinë dhe zemrat e thyera, si “Jolene” dhe “I Will Always Love You”. Ndërsa “9 to 5”, kënga titull e filmit me të njëjtin emër, ku Parton luajti gjithashtu, u shndërrua në një himn për gratë dhe punëtorët amerikanë. Parton publikoi gjithsej 49 albume dhe fitoi 11 çmime Grammy. Ajo u bë një nga artistet më të suksesshme të muzikës country që arritën të depërtonin edhe në tregun pop, duke sjellë vazhdimisht hite në klasifikimet pop, përfshirë “Islands in the Stream”, një duet me Kenny Rogers. Në vitet e mëvonshme të jetës, Parton e drejtoi një pjesë të madhe të suksesit të saj drejt bamirësisë. Ajo themeloi një program bibliotekash që ka shpërndarë më shumë se 300 milionë libra për fëmijët në mbarë botën.

1295 views

VerifiedJoseph

Një vatër zjarri është aktivizuar mbrëmjen e sotme në malin e Shashicës, në zonën e Kaninës në Vlorë, ndërsa flakët po përhapen me shpejtësi të favorizuara nga erërat e forta. Një dëshmi e mbërritur në redaksinë e JOQ Albania sjell pamje nga zona, ku dallohen flakë të mëdha që po përparojnë në terren. Sipas raportimit të qytetarit, era e vazhdueshme po favorizon përhapjen e zjarrit, duke e bërë më të vështirë kontrollin e vatrës. Zjarri ka përfshirë bimësi dhe shkurre në zonën malore. Shërbimet zjarrfikëse janë angazhuar për ndërhyrjen dhe izolimin e flakëve, ndërsa puna në terren vijon për të parandaluar përhapjen e mëtejshme të zjarrit. Në këtë fazë nuk dihen ende shkaqet e rënies së zjarrit, ndërsa mbetet për t’u përcaktuar edhe sipërfaqja e prekur. Pamjet e mbërritura në redaksinë tonë tregojnë situatën në malin e Shashicës, ku era po favorizon përhapjen e flakëve.

10.7K views

Për të 87-ën ditë radhazi, qytetarët janë mbledhur në Tiranë për të vijuar protestën kundër qeverisë, kryeministrit Edi Rama dhe klasës politike. Pas fjalimeve përpara Kryeministrisë, protestuesit kanë nisur marshimin në rrugët e kryeqytetit, me flamuj kuq e zi në duar dhe thirrje për ndryshim politik. “Shqipëria kërkon revolucion”, “Shqipëria e shqiptarëve, vdekje tradhtarëve” dhe “Poshtë komunistët” janë ndër thirrjet që janë dëgjuar gjatë marshimit. Edhe këtë mbrëmje, në krye të turmës janë parë nënat, vajzat dhe gratë, të cilat prej ditësh i prijnë marshimit duke mbajtur flamujt kombëtarë. Protesta qytetare ka hyrë tashmë në ditën e 87-të, ndërsa qytetarët vijojnë të kërkojnë largimin e qeverisë dhe ndryshimin e klasës politike. 87 ditë në rrugë, mijëra thirrje në kor dhe një pyetje që mbetet ende pa përgjigje: A do të jetë kjo protestë ajo që do të sjellë ndryshimin e klasës politike? Po ju, si e shihni?

16.6K views

Një video e publikuar nga një eurodeputet grek, ku shfaqet një rrugë në Athinë me një prani të dukshme të emigrantëve, ka ndezur një debat të fortë në rrjetet sociale në Greqi. “Si përfundoi kështu vendi ynë?”, “Athina jonë nuk njihet më” dhe “Kemi humbur vendin tonë” janë disa nga komentet e përdoruesve, ndërsa të tjerë e lidhin situatën me politikat e qeverisë për emigracionin dhe integrimin. Në mesin e komenteve ka edhe reagime shumë më të ashpra, por debati kryesor që ngre videoja është më i gjerë: sa emigracion mund të përballojë një shtet dhe si menaxhohet ndryshimi demografik pa cenuar kohezionin shoqëror? Kjo është një pyetje që nuk i përket vetëm Greqisë. Shqipëria po hyn gjithashtu në një fazë të re. Ndërsa mijëra shqiptarë largohen çdo vit dhe numri i lindjeve është në nivele shumë të ulëta, vendi po tërheq gjithnjë e më shumë fuqi punëtore nga jashtë. Të dhënat më të fundit të INSTAT tregojnë se në fund të vitit 2025 në Shqipëri rezultonin 32,163 shtetas të huaj me leje qëndrimi, 46.6% më shumë se në vitin 2024. Punësimi ishte arsyeja kryesore e qëndrimit, me 55.1% të lejeve. Rritja më e madhe është regjistruar te shtetasit nga Azia: numri i tyre arriti në 9891 persona, duke u rritur me 117.6% brenda një viti. India dhe Filipinet janë ndër vendet që kanë shënuar rritjen më të fortë, teksa bizneset shqiptare po kërkojnë punonjës për shërbime, akomodim dhe punë të tjera ku ka mungesë fuqie punëtore. Në të njëjtën kohë, Shqipëria po tkurret demografikisht. Sipas INSTAT, popullsia në 1 janar 2025 ishte 2,363,314 banorë, 1.2% më pak se një vit më parë. Vetëm gjatë vitit 2024, migracioni neto ishte negativ me 28,836 persona. Kjo nuk do të thotë se çdo i huaj që vjen në Shqipëri për të punuar përbën problem. Përkundrazi, ekonomia shqiptare ka sektorë që realisht kanë nevojë për fuqi punëtore dhe emigracioni i rregullt mund të jetë pjesë e zgjidhjes. Por pikërisht këtu nis debati që Shqipëria nuk duhet ta shmangë. A po përdoret ardhja e punëtorëve të huaj si zgjidhje afatshkurtër për një krizë demografike që kërkon zgjidhje shumë më të thella? Një politikë serioze duhet të përfshijë njëkohësisht mbështetjen e familjeve shqiptare, rritjen e lindshmërisë, krijimin e kushteve që të rinjtë të mos largohen dhe një politikë të qartë për emigracionin: sa punëtorë nevojiten, në cilët sektorë, me çfarë kriteresh dhe si sigurohet integrimi i tyre. Videoja nga Athina mund të interpretohet në shumë mënyra, por një mësim është i qartë: ndryshimet demografike nuk ndodhin brenda natës. Ato menaxhohen me politika shumëvjeçare. Dhe Shqipëria, me popullsi në rënie dhe me numrin e të huajve që rritet me ritme të shpejta, ndoshta duhet ta nisë këtë debat tani, jo kur të jetë tepër vonë.

18.4K views

Nëse ende nuk e kishit marrë vesh, bankat shqiptare po kacafyten për toka në Zvërnec... Drejtori i bankës së parave ruse Raiffeisen Bank Lizandër Saraçi është bërë organizator i protestave kundër qeverisë, ndërsa synon t'i prishë punë kolegut të tij drejtorit të bankës së PS ABI Bank, Andi Balltës përfituesit të disa mijëra metra katrorë në tokën e lakmuar nga biznesmenët. Ndërkohë që SPAK-u numëron lekët dhe fshin djersët me to, fronti i bankave në Shqipëri është ndarë dysh: në njërën anë kemi Abi Bank që ka kapur e ka bërë çiflig gjithë Zvërnecin për llogari të padronëve të saj, dhe në krahun tjetër, shfaqet "kapiteni i revoltave", drejtori i parave ruse Raiffeisen Bank. Një bankier që bën sikur mbron popullin, ndërkohë që llogaritë i ka të zhytura në miliona euro transaksionesh të dyshimta. Përderisa ABI Bank ka kapur e ka bërë çiflig hektarë të tërë tokë në Zvërnec, fronti tjetër financiar ka gjetur një metodë edhe më kreative për të bërë opozitë: Protestën me telekomandë nga zyrat e bankës. Në qendër të këtij skenari figuron Lizandër Saraçi, Drejtor i Menaxhimit të Rrezikut në Raiffeisen Bank. I shfaqur herë si matematicien, herë si analist tregjesh, herë si aktivist politik e herë si strateg në hije, Saraçi rezulton të jetë dirigjenti i fshehtë i protestave në Bulevard. Ironia e fatit? Njeriu që del me megafon për të bërtitur kundër qeverisë dhe për të mbrojtur "drejtësinë e cenuar" nga ngjarjet e Zvërnecit fuke sulmuar kolegun që i rrëmbeu tokën nën këmbë. Mjeshtrat e "Overdraftit" dhe fshehjes së parave kineze Por historia e Raiffeisen nuk mbaron te protestat e natës. Kur bëhet fjalë për të ndihmuar klientë të veçantë t'i shmangen shtetit shqiptar, banka ka treguar aftësi akrobatike. Sipas hetimeve të SPAK dhe Prokurorisë së Fierit, teksa shteti dhe përmbaruesit sorollateshin me vendime gjykate në duar për t'i marrë detyrimet e prapambetura kompanisë kineze Bankers Petroleum, Raiffeisen i erdhi në ndihmë me një skemë prej 9 milionë dollarësh përmes një "overdrafti magjik". Kompania kineze harxhonte paratë e overdraftit për të bërë pagesa në Shqipëri dhe i zëvendësonte ato nga llogaritë në Vjenë, duke u kujdesur që llogaria të mos kalonte kurrë në shifra pozitive. Kështu, Bankers i shpëtoi sekuestrove tatimore dhe gjobës famoze 120 milionë euro të doganave, ndërsa miliona euro të pasurisë nëntokësore të Shqipërisë devijoheshin qetësisht përmes kanaleve austro-shqiptare.

5683 views

Rasti i parë me Ethet e Nilit Perëndimor në Shqipëri është konfirmuar zyrtarisht në qytetin e Korçës, ku një 72-vjeçar ka rezultuar i infektuar nga ky virus. I moshuari fillimisht ka shfaqur probleme shëndetësore dhe i është drejtuar spitalit rajonal, ku pas kryerjes së analizave mjekësore u konfirmua prania e virusit. Momentalisht ai ndodhet i shtruar në spital ku po merr trajtimin e nevojshëm mjekësor. Detaje lidhur me rastin ka dhënë epidemiologia e Institutit të Shëndetit Publik, e cila bëri me dije se deri më tani ky mbetet i vetmi rast i identifikuar dhe se nuk ka raste të tjera të konfirmuara apo të dyshuara në vend. Sipas ISHP-së, 72-vjeçari nuk ka udhëtuar jashtë Shqipërisë, ndaj dyshohet se infektimi ka ardhur si pasojë e pickimit të një mushkonje brenda territorit. Epidemiologia sqaroi se sëmundja transmetohet përmes mushkonjave bartëse të cilat e marrin virusin nga zogjtë apo kuajt e infektuar, duke theksuar gjithashtu se virusi transmetohet vetëm nga mushkonjat dhe nuk transmetohet nga njeriu tek njeriu.

5905 views

Një tjetër situatë shqetësuese raportohet këtë mbrëmje në malin e Dajtit, ndërsa zona është përballur me zjarre të përsëritura gjatë ditëve të fundit. Pamjet e dërguara pak minuta më parë në redaksinë e JOQ Albania tregojnë malin e Dajtit të përfshirë nga tymi, me disa zona të shpatit ku dallohet përhapja e zjarrit. Nga distanca, pamjet krijojnë përshtypjen e disa vatrave ose të një zjarri që është përhapur në disa pika të shpatit. “Përshëndetje JOQ, sapo ia vendosën zjarrin malit të Dajtit”, shkruan qytetari që ka dërguar videon. Pamjet marrin një tjetër rëndësi për shkak të situatës së krijuar në Dajt gjatë ditëve të fundit. Zjarri në këtë zonë ka vijuar prej disa ditësh dhe më 19 gusht autoritetet raportuan se në Dajt po vijonte operacioni me dhjetëra efektivë të Forcave të Armatosura, zjarrfikës dhe forca të zonave të mbrojtura. Më 23 gusht, Dajti vijonte të ishte ndër vatrat aktive të zjarrit në vend, ndërsa në operacion ishin angazhuar edhe 30 efektivë të Forcave të Armatosura. Më 24 gusht situata mbeti aktive në terren të vështirë, me 30 efektivë të FA-së, 30 zjarrfikës dhe një helikopter të angazhuar në zonë. Edhe dje, më 25 gusht, Ministria e Mbrojtjes raportoi se vatra në malin e Dajtit vijonte aktive, në zonën mbi tunelet e Qafë Mollës, ku po ndërhyhej me forca zjarrfikëse, efektivë të FA-së dhe helikopter. Tashmë, pamjet e reja të mbërritura në JOQ Albania ngrenë një pyetje të fortë: Kush po ia vë flakën Dajtit? Nëse bëhet fjalë për një vatër të re, në një zonë ku zjarri ka vijuar prej ditësh, mbetet për t’u përcaktuar nga autoritetet nëse kemi të bëjmë me riaktivizim të zjarrit apo me një tjetër vatër dhe cili ka qenë shkaku i saj. Për momentin, pamjet e qytetarit nuk mjaftojnë për të konfirmuar se zjarri është vendosur qëllimisht, por situata kërkon vëmendje dhe verifikim të menjëhershëm nga autoritetet.

20K views

Në një kohë kur mijëra familje shqiptare përballen çdo ditë me rritjen marramendëse të çmimeve të pasurive të paluajtshme dhe normat e larta të interesave bankare, qeveria ka vendosur të preferojë sërish me para publike "të përzgjedhurit" e saj. Ministrja e Ekonomisë dhe Inovacionit, Delina Ibrahimaj, njoftoi hapjen e thirrjes për 300 kredi të lehtësuara me 0% interes për blerje banese, të destinuara ekskluzivisht për punonjësit e administratës publike. Thirrja hapet më 27 gusht dhe do të qëndrojë e hapur deri më 25 shtator. Sipas skemës së njoftuar, financimi do të bëhet sipas çmimeve të referencës, ndërsa sipërfaqja e banesës do të llogaritet mbi bazën e certifikatës familjare. Kuotat janë ndarë mes pesë institucioneve: Ministria e Shëndetësisë, Ministria e Mbrojtjes, Ministria e Arsimit dhe Ministria e Punëve të Brendshme marrin nga 70 kuota secila, ndërsa 20 kuota të tjera i lihen Policisë së Burgjeve (nën Ministrinë e Drejtësisë). Aplikimet do të kryhen përmes portalit e-Albania. Sipas kriterit të vendosur, aplikantët duhet të jenë pjesë e administratës publike, të mos kenë banesë në pronësi apo pasuri të tjera që kalojnë gjysmën e vlerës së shtëpisë që do të blejnë, si dhe të mos kenë përfituar më parë nga skemat sociale. Mirëpo, pas këtyre kritereve zyrtare fshihet një realitet mjaft diskriminues për qytetarët e thjeshtë. Ndërsa punonjësit e administratës, mes të cilëve operojnë edhe ushtritë e patronazhistëve të pushtetit, marrin kredi me zero interes të paguara nga taksat e të gjithëve, pjesa tjetër e popullsisë lihet në mëshirë të fatit. Qytetarët që punojnë në sektorin privat përballen çdo ditë me kushte të papërballueshme bankare, ndërsa ëndrra për të blerë një shtëpi po i shtyn gjithnjë e më shumë drejt emigrimit.

3267 views

Një 31-vjeçar nga India është arrestuar në orët e para të mëngjesit të 23 gushtit, pasi u kap nga policia mbi çatinë e një banese në zonën e Kombinatit, në Tiranë. I riu kishte tentuar të hynte në shtëpi përmes një dritareje të vogël në çati, me qëllim grabitjen e sendeve me vlerë. Bëhet fjalë për Manpreet Nanak Chand Manpreet, ndaj të cilit Gjykata e Tiranës ka caktuar masën e sigurisë “arrest në burg”, pas kërkesës së prokurorit Petrit Vukaj. 31-vjeçari po hetohet për veprën penale “Vjedhja”, e mbetur në tentativë. Sipas të dhënave të administruara në dosjen hetimore, prania e të riut në çatinë e banesës në rrugën “Veli Vraniqi” është konstatuar fillimisht nga pronari i shtëpisë, shtetasi me inicialet E.P., rreth orës 23:48 të 22 gushtit. Pronari ka deklaruar se ishte në gjumë kur dëgjoi një zhurmë që vinte nga jashtë, në pjesën perëndimore të banesës. Pasi doli për të parë se çfarë po ndodhte, ai ka vënë re mbi çati një person të panjohur, me flokë të zinj, trup të dobët dhe rreth 170 centimetra të gjatë. Sipas dëshmisë së tij, personi nuk kishte arritur të depërtonte në banesë. Ai kishte mbetur në çati, ndërsa pronari ka njoftuar menjëherë policinë. Pas mbërritjes së efektivëve të Komisariatit Nr. 6, 31-vjeçari është detyruar të zbresë nga çatia dhe më pas është shoqëruar nga shërbimet e policisë kriminale. Arrestimi i tij është kryer rreth orës 01:10 të 23 gushtit. Gjatë verifikimeve të kryera pas arrestimit, policia ka konstatuar se Manpreet Nanak Chand Manpreet ishte shoqëruar në komisariat edhe dy ditë më parë. Sipas hetimeve, ai ishte përfshirë në një konflikt me një qytetar, të cilit dyshohet se i kishte dëmtuar xhamin e automjetit. Për këtë ngjarje, 31-vjeçari ishte lënë i lirë dhe procedohej në gjendje të lirë. Pas arrestimit atij i është caktuar masa e sigurisë arrest me burg nga argumentet se ekziston rreziku që shtetasi i huaj të largohet nga Shqipëria gjatë procesit hetimor. Në seancë, Manpreet nuk ka pranuar të japë deklarime lidhur me ngjarjen. Ai ka pretenduar se do të flasë në një moment tjetër të procesit.

7588 views

Në protestën e 87-të kundër qeverisë dhe kryeministrit Edi Rama, aktivisti Arben Kola u ndal te pjesëmarrja e diasporës shqiptare në protestën qytetare. Kola tha se prej 87 netësh qytetarët janë mbledhur në shesh, ndërsa këtë verë edhe shumë shqiptarë që jetojnë jashtë vendit kanë zgjedhur të mos i kalojnë pushimet në atdhe, por t’i bashkohen protestës për rrëzimin e kryeministrit Edi Rama. Kola theksoi se zhvillimi i teknologjisë dhe komunikimit në kohë reale ka bërë që shqiptarët jashtë vendit të jenë të pranishëm çdo natë në shesh. #voxnews #media #news #edirama

3 views

Bektashinjtë, myslimanët sufi, kanë jetuar prej shekujsh në Evropë. Në kryeqytetin shqiptar, Tiranë, në një sipërfaqe prej njëmbëdhjetë hektarësh, do të ngrihet Shteti Sovran i Urdhrit Bektashi, sipas modelit të Vatikanit në Romë. Të paktën, ky është plani. Nga Mark Middel, NRC Christopher Hyland qëndron në zanafillën e shteteve të reja. Në hollin e hotelit Marriott në kryeqytetin shqiptar, Tiranë, ai afrohet me hapa të mëdhenj, i veshur me një kostum të gjerë me vija të bardha dhe blu. 78-vjeçari, sipërmarrës tekstilesh nga Nju Jorku, investitor në pasuri të paluajtshme dhe ish-këshilltar i presidentit amerikan Bill Clinton, është ulur në sallonin privat të hotelit, kur fillon të tregojë pa pushim dhe me shumë pasion. Bisedime paqeje, liderë botërorë dhe dekorata. Ai i ka bërë, i njeh, i ka marrë. Hyland punoi njëmbëdhjetë vjet për pavarësinë e Kosovës. Ai ishte i përfshirë në bisedimet e paqes në Irlandën e Veriut. Dhe gjatë një pushimi në Maltë, ai hartoi një plan për t’i dhënë Urdhrit të Maltës – urdhrit mesjetar të kalorësve, i cili sot vepron kryesisht si organizatë bamirësie – një formë sovraniteti në ishull. Tani ai është vendosur në Tiranë, ku si “i dërguar i posaçëm” punon për një “Vatikan të ri”. Në një periferi të kryeqytetit duhet të krijohet një shtet i vogël sovran për bektashinjtë, një komunitet fetar islam me miliona ndjekës, por pa tokë të vetën. Pothuajse dy vjet më parë, njoftimi mbushi faqen e parë të The New York Times: “Planet për një shtet të vogël të ri”. Kryeministri shqiptar Edi Rama tha gjatë një mbledhjeje të Kombeve të Bashkuara se dëshironte t’u jepte myslimanëve bektashi – një urdhër mistik sufi brenda islamit – një enklavë sipas modelit të Vatikanit në Romë. Në Tiranë, komuniteti do të merrte një sipërfaqe prej 11 hektarësh. Shteti Sovran i Urdhrit Bektashi, emri zyrtar i vendit, duhet të ketë administratën e vet, pasaportat dhe kufijtë e vet. Pikëpamje relativisht liberale Bektashinjtë kanë pikëpamje relativisht liberale: alkooli lejohet, gratë mund të veshin çfarë të duan dhe profetët mund të paraqiten në imazhe. Urdhri u themelua në shekullin e trembëdhjetë në Perandorinë Osmane, por u shtyp gjatë sundimit të themeluesit të republikës së Turqisë, presidentit Mustafa Kemal Atatürk (1923–1938). Në vitin 1929, drejtimi i urdhrit u zhvendos në Tiranë. Se sa ndjekës ka saktësisht urdhri, nuk dihet – vlerësimet variojnë nga shtatë deri në njëzet milionë njerëz. Ata jetojnë kryesisht në Shqipëri, Kosovë, Maqedoni të Veriut, Greqi dhe Turqi. Edhe pse bëhet fjalë kryesisht për njerëz që kanë lidhje etnike me bektashinjtë. Në Shqipëri, bektashinjtë thuhet se kanë rreth 150.000 ndjekës fetarë aktivë, ndërsa qindra mijëra të tjerë e identifikojnë veten si bektashinj, por nuk e praktikojnë fenë. Dy vjet pas njoftimit për “Vatikanin e ri”, është aspak e sigurt që planet ambicioze do të bëhen ndonjëherë realitet. Pikërisht për këtë arsye është emëruar Christopher Hyland. #voxnews #media #news

3 views

Detaje të reja dhe dëshmi tronditëse kanë dalë në dritë mbi ditët e fundit para vrasjes në Athinë, duke zbuluar lëvizjet e autorit 48-vjeçarit Altin Allmuça. Familjarë i viktimës ashtu edhe i 48-vjeçarit, kanë folur për herë të parë dhe përshkruajnë momentet që i paraprinë tragjedisë, ndërsa një dialog midis autorit dhe vëllait të 45-vjeçarit, pak ditë para krimit, i shton elementë të rinj çështjes. Vajza e Allmuça është gjithashtu e shokuar. Duke folur për MEGA, ajo përshkroi se si, pavarësisht humbjes së babait të saj, nuk mund ta injorojë aktin e tij dhe pasojat që pati për familjen e 45-vjeçares. Ajo tha se nuk mund ta pranojë faktin që i ati i ka marrë jetën nënës së një vajze në moshën e saj. "Jam e shokuar nga i gjithë ky incident, nuk mund ta besoj që babai im e bëri këtë. Ai është babai im dhe do të më mungojë, e humba babain tim, por nga ana tjetër nuk mund ta injoroj që ai ka bërë diçka të keqe, që është bërë vrasës. Ai i mori jetën një personi dhe ia mori nënën një vajze të moshës sime. Jam shumë e shqetësuar psikologjikisht për të gjithë këtë situatë, nuk jam përgjegjëse për asgjë dhe simpatizoj dhimbjen e vajzës tjetër. Në thelb, ne jemi viktimat. Do të doja shumë që e gjithë kjo histori të mbaronte këtu, që ne të qetësoheshim dhe të respektonim dhimbjen tonë dhe që të gjithë të vajtonim në mënyrën tonë njerëzit që secili i do", tha vajza e autorit të krimit. Të afërmit nga të dyja palët mbeten të tronditur nga ajo që ndodhi. Dhëndri i 48-vjeçarit përshkruan për MEGA situatën e vajzës së tij, e cila, siç thotë ajo, po has vështirësi të përballet me faktin se i ati është bërë vrasës. "Vajza është shumë e tronditur. Ajo kurrë nuk e priste që i ati të bënte diçka të tillë. Ajo pyet veten se si do të jetojë me këtë marrëzi, në thelb, le ta shpreh kështu. Sepse ajo është ende fëmija e vrasësit", thotë shoku i dhëndrit të 48-vjeçarit. Ndërkohë një e afërm e viktimës Lulieta Obzova pretendon se 48-vjeçari e ka ndjekur sistematikisht kohët e fundit. "Kohët e fundit, kudo që shkonte, çfarëdo që bënte, e gjente atë para vetes", thotë ajo. Siç raportohet, kërcënimet ndaj 45-vjeçares ishin bërë gjithnjë e më të shpeshta. Në fakt, sipas nuses së viktimës, 48-vjeçari dyshohet se i kishte dërguar një foto të tij me një armë, duke e shoqëruar atë me kërcënime si për jetën e tij ashtu edhe për të sajën. "Ai i kishte dërguar një foto me një armë në kokë, duke i thënë do të të vras ??dhe do të kryej vetëvrasje. Ne të gjithë i sugjeruam që të shkonte në polici. Nuk e di pse nuk shkoi", thotë ajo. 45-vjeçarja kishte vendosur t'i jepte fund lidhjes me 48-vjeçarin kur mësoi se ai ishte i martuar dhe kishte një vajzë 19-vjeçare. Që nga ai moment, sipas dëshmive, sjellja e tij dyshohet se ndryshoi dhe jeta e gruas u bë veçanërisht e vështirë. #voxnews #media #news

1921 views

Foto nga dita e 87-të e protestës #edirama #tirana #voxnews #media #news @voxnews.al

1123 views

Vijon marshimi i protestuesve në rrugët e Tiranës #voxnews #media #news #edirama

2 views

Trump tha se SHBA po shqyrton mundësinë e ndryshimit të emrit të Liqenit Ontario, në një tjetër përplasje me Kanadanë në mes të luftës tregtare mes dy vendeve Presidenti i SHBA-ve, Donald Trump, ka deklaruar se po shqyrton mundësinë që Liqeni Ontario të riemërtohet “Liqeni i Amerikës”, ndërsa tensionet tregtare me Kanadanë vijojnë të përshkallëzohen. Liqeni Ontario ndodhet në kufirin mes SHBA-së dhe Kanadasë, me shtetin e Nju Jorkut në njërën anë dhe qytetin kanadez të Torontos, kryeqytetin e provincës Ontario, në anën tjetër. “SHBA po shqyrton seriozisht ndryshimin e emrit të Liqenit Ontario në Liqeni i Amerikës, pasi nuk presim të bëjmë më shumë biznes me Ontarion”, shkroi Trump në platformën e tij Truth Social. Kjo nuk është hera e parë që Trump kërkon ndryshimin e emrit të një hapësire gjeografike në kuadër të një qasjeje të theksuar nacionaliste. Në janar 2025, ai nënshkroi një urdhër ekzekutiv për përdorimin e emrit “Gjiri i Amerikës” në vend të Gjirit të Meksikës në dokumentet dhe komunikimet zyrtare amerikane. Meksika kundërshtoi atëherë këtë ndryshim, duke argumentuar se SHBA-ja nuk mund të ndryshojë ligjërisht emrin e një hapësire të tillë ndërkombëtare. Sipas Konventës së Kombeve të Bashkuara për të Drejtën e Detit, sovraniteti i një shteti shtrihet deri në 12 milje detare nga vija e tij bregdetare. #voxnews #media #news

2138 views