Transmetimi i klipit prezantues të Luiz Ejllit ka shkaktuar një tronditje të vërtetë në shtëpinë e Big Brother VIP Albania 5.

Banorët kanë mbetur të shtangur në momentin kur në ekran është shfaqur fituesi i edicionit të dytë, një nga figurat më ikonike dhe më të dashura që ka njohur ndonjëherë ky format.

Pamjet e Luizit, shoqëruar me deklaratën e tij të fortë dhe provokuese, i lanë banorët gojëhapur, teksa reagimet e tyre ishin të menjëhershme dhe të sinqerta.

Disa prej tyre nuk i fshihnin dot emocionet, të tjerë shprehën habi dhe pasiguri, ndërsa kishte edhe nga ata që u panë dukshëm të tensionuar nga ideja se “fenomeni” i Big Brother VIP Albania 2 ishte rikthyer sërish në lojë.

Prania e Luiz Ejllit u perceptua menjëherë si një kthesë e madhe në rrjedhën e lojës. Banorët filluan të diskutojnë mes tyre për arsyen e rikthimit të tij, për ndikimin që mund të ketë në strategjitë e tyre dhe për faktin se tashmë dinamika e shtëpisë nuk do të jetë më e njëjtë.

Për shumë prej tyre, rikthimi i Luizit u pa si një “goditje” e papritur nga produksioni, që rrit ndjeshëm presionin dhe konkurrencën.

Luizi, i cili mbetet një nga personazhet më të komentuara në historinë e Big Brother VIP Albania, duket se edhe këtë herë ka arritur të marrë vëmendjen maksimale që në sekondat e para. Reagimet e banorëve dëshmuan qartë se hyrja e tij nuk është thjesht një surprizë, por një moment që pritet të ndikojë fort në zhvillimet e ardhshme të spektaklit, duke sjellë emocione, tension dhe shumë diskutime brenda shtëpisë më të famshme në vend. /Telegrafi/

Këngëtari Luiz Ejlli është rifutur sërish në shtëpinë e Big Brother VIP Albania 5, duke shkaktuar surprizë të madhe dhe emocion te publiku.

Fituesi i edicionit të dytë të këtij formati është rikthyer për pak ditë në spektakël, megjithatë banorët brenda shtëpisë nuk janë në dijeni të rolit të tij të vërtetë dhe e konsiderojnë atë si një konkurrent të zakonshëm.

Rikthimi i Luizit vjen si pjesë e një avantazhi të veçantë në lojë, pasi ai po futet në shtëpi bashkë me Artanin, i cili më herët hapi “Kutinë e Pandorës”.

Ky veprim i dha Artanit një përfitim strategjik, që solli edhe hyrjen e Luiz Ejllit në lojë, duke e kthyer situatën në shtëpi në një moment tejet interesant.

Në klipin prezantues të shfaqur para banorëve, Luizi nuk ngurroi të bëjë deklarata të forta dhe provokuese. “Të gjithë ata që janë brenda, tani do të luftojnë vetëm për vendin e dytë”, u shpreh ai, duke rikujtuar dominimin dhe karizmën që e shoqëruan gjatë rrugëtimit të tij në edicionin e dytë, ku u shpall fitues absolut.

Rikthimi i Luiz Ejllit pritet të ndikojë ndjeshëm në dinamikën e lojës, të trazojë balancat mes banorëve dhe të sjellë tensione, strategji të reja dhe shumë diskutime, si brenda shtëpisë ashtu edhe jashtë saj.

Publiku tashmë mbetet në pritje për të parë se si do të reagojnë banorët dhe sa do të zgjasë ky rol surprizë i fituesit legjendar të Big Brother VIP Albania. /Telegrafi/

Pas një periudhe të gjatë mungese në rrjetet sociale, Gjesti ka bërë një rikthim të papritur me një reagim që lidhet drejtpërdrejt me zhvillimet në “Big Brother VIP Albania 5”.

Ai ka publikuar një video në InstaStory, ku shihet duke ndjekur spektaklin live, ndërsa në fokus është shoku i tij i ngushtë, DJ Gimbo, i cili aktualisht është banor i shtëpisë më të famshme në Shqipëri.

Krahas videos, Gjesti ka ndarë edhe një mesazh të drejtpërdrejtë, duke shprehur hapur mbështetjen për Gimbon dhe duke vlerësuar opinionistin Arbër Hajdari për qëndrimin e tij në raport me situatat e fundit në shtëpi.

“Jo që najsend po opinionisti më i drejt që ka mundur të jetë ndonjëherë është Arbër Hajdari, kështu që DJ Gimbo me ty jemi, i drejti gjithë fiton, nëse jo çmimin, e fiton dashurinë. Qajo është e rëndësishmja. Ju duaaaaa krejtve. Edhe e di që i keni sytë me i pa krejt këto”, ka shkruar Gjesti.

Foto: Gjesti/InstaStory

Reagimi i tij vjen pasi Arbër Hajdari ka shprehur publikisht mbështetje për DJ Gimbon gjatë spektaklit, duke aluduar se ky i fundit është bërë “viktimë” e një skeme të organizuar nga Soli dhe Miri, të cilët sipas diskutimeve brenda shtëpisë dyshohet se kanë bërë plane pas shpine kundër tij.

Postimi i Gjestit është pritur me interes nga ndjekësit, sidomos për faktin se ai nuk ka qenë aktiv prej kohësh në rrjete sociale, duke e bërë këtë reagim edhe më domethënës për fansat e tij dhe të Gimbos. /Telegrafi/

Pak para nisjes së spektaklit të sotëm të Big Brother VIP Albania, një situatë e pazakontë ka tërhequr vëmendjen e banorëve dhe publikut, ku Miri dhe Selin janë përfshirë në një bisedë që u interpretua si komunikim me kode, menjëherë pasi Gimbo u largua nga tavolina ku qëndronin të tre.

Më vonë, në dhomën e surprizave, Miri sqaroi se biseda kishte të bënte me raportin miqësor mes tij dhe Selinës, lojën brenda shtëpisë si dhe marrëdhënien e saj me Gimbon.

Ai tregoi se nga mënyra e komunikimit, kishte kuptuar se Selin i kishte lënë të nënkuptohej se nuk kishte në dorë situatën me Gimbon. “Ne kuptohemi me sy dhe kodet unë i kuptova për situatën që Selin më tha që ‘s’e heq dot me buton Gimbon’”, u shpreh Miri.

Ndërkohë, në dhomën e rrëfimit u shfaq edhe Selin, e cila pa të njëjtin klip, pa qenë në dijeni se Miri kishte dëgjuar dhe komentuar më parë për situatën. Ajo mohoi kategorikisht se biseda kishte të bënte me Gimbon, duke sqaruar se mes saj dhe Mirit kishte pasur vetëm një sqarim për raportin e tyre shoqëror.

“Unë herë pas here i kam thënë ‘unë shok, ti shok’. Sa për butonin, nga sa kuptova nga sinjalet e Mirit, ishte që me buton afrimin me Gimbon, dhe ndaj i thash që t’i s’po më kupton që unë s’kam një buton”, deklaroi Selin, duke theksuar se raporti me Gimbon është aktualisht thjesht shoqëror dhe se nuk ka çfarë të sqarojë me të.

E gjithë kjo situatë, së bashku me komentet e të dyve, u shfaq përpara të gjithë banorëve në dhomën e ndenjes, duke sjellë reagime të ndryshme. Për t’i dhënë fund keqinterpretimeve, Selin vendosi të marrë një qëndrim të qartë dhe publik.

“Meqë këtu shpjegimet keqinterpretohen, unë po e them nga ky moment dhe deri sa të dal nga shtëpia, unë Gimbos do t’i rri larg dhe këtë raport nuk do ta zhvilloj këtu, sepse me të nuk e kam lojë”, u shpreh ajo, duke lënë të kuptohet se për të shmangur zhurmën dhe aludimet, ka vendosur të distancohet nga Gimbo brenda shtëpisë së Big Brother VIP Albania. /Telegrafi/

Raporti mes Selin dhe Gimbos në shtëpinë e Big Brother VIP Albania ka qenë prej ditësh në vëmendjen e banorëve dhe publikut. Afërsia mes tyre është vënë re hapur, duke nxitur kureshtje dhe diskutime për natyrën e lidhjes që po ndërtohet mes dy konkurrentëve.

Së fundmi, Selin ka ndarë një detaj interesant, duke treguar një ëndërr që ka parë dhe që ka shtuar edhe më shumë dyshimet për një simpati të ndërsjellë. “Unë po ia tregoj një ëndërr me sinqeritet Vëllait të Madh, tani e sheh gjithë Shqipëria. Unë kisha ardhur të prezantoja Bigun për dy ditë, më mbyllin sytë dhe Gimbo më propozon…”, u shpreh ajo, duke e treguar situatën me humor dhe sinqeritet.

Nga ana tjetër, edhe Gimbo ka folur hapur për ndjesitë që ka pranë Selinës, duke theksuar se prania e saj e bën të ndihet mirë emocionalisht. “Është diçka shumë e mirë dhe unë ndihem shumë mirë me këtë vajzë. Ma heq mërzinë. Ajo e di kur jam nervoz dhe unë e di kur ajo është nervoze”, tha ai, duke nënvizuar lidhjen e veçantë që po krijohet mes tyre.

Edhe Selin ka pranuar se qasja e saj ndaj Gimbos është e sinqertë dhe e ndërtuar mbi vlerësim reciprok. “Qasjen e kam shumë të sinqertë, e vlerësoj dhe… s’di çfarë të them se më ikën fjalët”, u shpreh ajo duke qeshur, duke shtuar se ndihet mirë pranë tij.

Megjithëse asnjëri prej tyre nuk e ka etiketuar ende raportin si diçka më shumë se miqësi, deklaratat dhe afrimiteti mes Selin dhe Gimbos tregojnë se mes tyre po lind një lidhje e veçantë, e cila mbetet për t’u parë se si do të zhvillohet në ditët në vijim brenda shtëpisë më të famshme në Shqipëri. /Telegrafi/

Pas katër ditësh qëndrimi në dhomën e reflektimit në shtëpinë e Big Brother VIP Albania 5, banori Rogert ka marrë dritën e gjelbër për të vazhduar rrugëtimin e tij në lojë.

Vendimi erdhi pas një jave të mbushur me tension dhe pritje, ku fati i tij iu la në dorë publikut.

Gjatë kësaj periudhe, produksioni hapi një televotim, përmes të cilit shikuesit patën mundësinë të shprehnin mendimin e tyre me “PO” ose “JO” për vazhdimin e qëndrimit të Rogertit në shtëpi.

Rezultati i këtij televotimi u bë i ditur mbrëmjen e së shtunës.

Ishte prezantuesi Ledion Liço ai që konfirmoi zyrtarisht se publiku kishte votuar në favor të Rogertit, duke i dhënë kështu mundësinë të rikthehet mes banorëve dhe të vazhdojë lojën në Big Brother VIP Albania 5.

Ndonëse Rogerti është një nga figurat që ka shkaktuar më së shumti polemika dhe debate brenda shtëpisë më të famshme në vend, duket se prania e tij ka zgjuar interes dhe kuriozitet te publiku. /Telegrafi/

Banorja e Big Brother VIP Kosova 4, Alba Pollozhani, ka dhënë intervistën e saj të parë pas daljes nga gara, duke zbuluar arsyet e largimit të saj nga shtëpia më e madhe në Kosovë.

Në një intervistë për KlanKosova, Alba u shpreh se vendimi i saj erdhi nga dëshira për të mos lejuar që të tjerët të përfitonin në kurriz të saj.

“Nga shtëpia e Big Brother dola sepse nuk doja më asnjë moment me shumë që të tjerët të përfitonin në kurrizin tim dhe mundësisht të shkonin në finale dhe të fitonin vetë të gjithë Big Brotherin në kurrizin tim”, tha ajo.

Banorja nga Struga foli edhe për ndjenjat e saj pas daljes, duke hedhur poshtë çdo pendesë. “Për pjesën që a jam e penduar që kam dalë. Jo aspak! Jeta është aty përjashta. 24 orët e para jashtë shtëpisë? Për këtë nuk dua të flas”, u shpreh Alba.

Ironia e fatit, Alba kishte pesë bileta të fatit - më së shumti që një banor ka pasur në historinë e Big Brother VIP Kosova

Megjithatë, ajo që i habiti shumë fansat ishte pamja e saj në intervistë. Ndërsa në spektaklin e së premtes kishte paralajmëruar se do të vendoste mbulese dhe do t’i përkushtohej riteve fetare myslimane, Alba u shfaq e relaksuar me flokë të lirë, duke lënë pas tensionin dhe surprizën që kishte shkaktuar në shtëpi.

Kjo intervistë tregon një tjetër anë të Albës, duke i dhënë publikut mundësinë të shohë mendimet dhe ndjenjat e saj të sinqerta pas një vendimi që shkaktoi shumë reagime brenda dhe jashtë Big Brother VIP Kosova 4. /Telegrafi/

Këngëtarja me famë botërore Era Istrefi ka treguar edhe një herë se, përtej suksesit dhe karrierës ndërkombëtare, familja mbetet prioriteti i saj kryesor.

Ylli i muzikës ka vendosur që fitimet nga puna e saj t’i kthejë në një dhuratë të veçantë për personin më të shtrenjtë në jetën e saj – nënën. Era i ka blerë asaj një veturë luksoze Range Rover, duke e surprizuar në mënyrë emocionuese.

Momentin e veçantë, këngëtarja e ka ndarë edhe në rrjetet sociale, ku mbi pamjet e veturës së re, të dekoruar me fjongo dhe të parkuar pranë shtëpisë, ajo ka shkruar: “Një dhuratë për mbretëreshën, mamin stref”.

Foto: Era Istrefii/InstaStory

Krenaria dhe emocionet në sytë e nënës së Erës ishin të pamohueshme, teksa surpriza u prit me shumë gëzim.

Dhurata luksoze dëshmon jo vetëm suksesin e madh të Erës në muzikë, por edhe lidhjen e fortë dhe mirënjohjen që ajo ka ndaj familjes së saj. /Telegrafi/

Foto: Era Istrefii/InstaStory

Gjatë edicionit të së premtes të Big Brother VIP Kosova, banorja Elijona ka ndarë me shikuesit momente shumë të dhimbshme nga jeta e saj.

Një prej tyre ka qenë historia tragjike e humbjes së nënës dhe motrës së saj, të cilat kanë ndërruar jetë disa vite më parë në një aksident të rëndë në Kroaci.

Elijona rrëfeu emocionet e saj dhe dhimbjen që ka mbajtur brenda gjithë këto vite, duke bërë që të gjithë banorët dhe publiku të ndihen të prekur nga historia e saj. Babai i saj kishte deklaruar për T7 për gjendjen shëndetësore dhe emocionale të familjes pas aksidentit, duke treguar se dhimbja ishte e thellë dhe e vështirë për t’u përballuar.

- YouTube youtu.be

Aksidenti tragjik kishte ndodhur më 25 korrik 2021, në qytetin e Slavonski Brod, në Kroaci. Autobusi ku udhëtonin pasagjerët nga Kosova kishte rreth 67 persona, dhe aksidenti ndodhi kur shoferi humbi kontrollin, duke bërë që autobusi të përmbysesh dhe të shkaktonte 10 viktima nga Kosova dhe dhjetra të tjerë të lënduar.

Rrëfimi i Eljonës ka ngjallur reragime të shumta në opinion edhe për shkak të arsyeve që ajo ka dhënë mbi faktin se si shteti gjerman e largoi nga kujdestaria e prindërve të saj dhe e drejtoi te një familje gjermane. /Telegrafi/

Alba Pollozhani është larguar tashmë nga gara e madhe e Big Brother VIP Kosova 4, duke i dhënë fund rrugëtimit të saj në një nga mbrëmjet më të tensionuara të këtij edicioni.

Ajo dha dorëheqjen mbrëmjen e së premtes, pas një spektakli të ngarkuar emocionalisht, ku akuzoi drejtpërdrejt produksionin për montazh të padrejtë dhe për favorizim ndaj banorit Labinot Rexha.

Gjatë deklaratës së saj në prime, Alba u shpreh e zhgënjyer nga mënyra se si ishte trajtuar brenda shtëpisë, duke theksuar se situatat ishin paraqitur ndryshe nga realiteti.

- YouTube youtu.be

Po në të njëjtën mbrëmje, Alba u shndërrua në kryefjalë të diskutimeve edhe për një tjetër deklaratë personale, ku bëri të ditur se kishte vendosur të mbulohej sipas riteve fetare myslimane. Ky vendim shkaktoi reagime të shumta në rrjetet sociale, me opinione të ndara, duke e vendosur atë edhe më shumë në qendër të vëmendjes publike.

Sido që të jetë, largimi i saj nga BBVK është pritur me reagime të mëdha, kjo edhe për faktin se Alba konsiderohej si një prej konkurrenteve më të forta, më të zëshme dhe më të diskutuara të këtij edicioni.

Për ironi të fatit, Alba mbetet edhe banorja e vetme në historinë e Big Brother VIP Kosova që kishte në dispozicion plot pesë bileta kthimi. Këto bileta nënkuptonin se, në rast largimi, ajo do të kishte deri në pesë mundësi për t’u rikthyer sërish në garë, përmes “biletave të fatit” që ndodheshin ende në lojë.

- YouTube youtu.be

Biletat ishin dhuratë nga i dashuri i saj, Limi, i cili gjatë një loje brenda BBVK fitoi pesë bileta fati të banorëve të tjerë dhe vendosi t’ia dhuronte të pestat Albës. Ato i përkisnin Londrimit, Ludos, Labinotit, Klodit dhe Benitës. Megjithatë, me largimin e saj vullnetar nga shtëpia, të gjitha këto bileta janë djegur dhe tashmë nuk kanë më asnjë vlerë. /Telegrafi/

- YouTube youtu.be

Një debat i ashpër dhe i tensionuar ka shpërthyer së fundmi në shtëpinë e Big Brother VIP Kosova 4 mes Labinot Rexhës dhe motrave Aurora dhe Suanita, duke e përshkallëzuar ndjeshëm situatën mes banorëve.

Përplasja ka nisur drejtpërdrejt mes Labinotit dhe Suanitës, pasi kjo e fundit e akuzoi këngëtarin se po e përdor fenë për interes personal dhe se, sipas saj, ai nuk ka lidhje të vërtetë me myslimanizmin. Kjo deklaratë duket se e ka irrituar tej mase Labin, i cili reagoi menjëherë.

Situata u tensionua edhe më shumë kur Labinoti pretendoi se Suanita e kishte sharë atë në gjuhën serbe. Ndaj kësaj akuze, Suanita reagoi me ironi, duke thënë: “Nuk e di, sepse nuk kam pasur ndonjëherë fëmijë në Serbi”, një deklaratë që u pa si aludim i drejtpërdrejtë ndaj thashethemeve që qarkullojnë jashtë shtëpisë se Labinoti ka një fëmijë jashtëmartesor me një shtetase serbe.

Në përpjekje për t’u mbrojtur, Labi sfidoi publikisht këto pretendime, duke thënë se është i gatshëm të japë një shpërblim të madh nëse dikush arrin ta vërtetojë këtë: “Nëse e provoni këtë gjë, jap 50 mijë euro”, u shpreh ai.

- YouTube youtu.be

Por debati nuk u ndal me kaq. Labinoti kaloi kufijtë e debatit brenda shtëpisë, duke përmendur çështje nga jashtë dhe duke aluduar tërthorazi edhe për familjen e Suanitës, konkretisht për babanë e saj. “Kur të dal prej këtu kam me i nxjerr disa sende se si dikush i familjes tënde ka mbrojtur serb. Ti e din kush. Unë s’dua të luaj me familjen tënde, por do ta dëshmoj jashtë, se gjykatësin ti e din kush ka qenë dhe kënd e ka mbrojtur serb. Se unë di shumë për juve, por nuk foli”, deklaroi ai.

Kjo fjali shkaktoi reagim të menjëhershëm dhe shumë të ashpër nga Suanita, e cila shpërtheu ndaj tij: “Çka the gjykatësi? Çka the gjykatësi? Çka e përmende gjykatësin edhe Serbinë? Gjykatësin Vesel Rrustën çka e përmende dhe Serbinë çka përmende? E pate fjalën për babin tim. O i pafytyrë, babai im i ka shërbyer popullit 40 vjet”, tha ajo e revoltuar. /Telegrafi/

Këngëtarja Donna Dafi po shënon një moment të rëndësishëm në karrierën e saj me hitin “Prima Donna”, i cili po promovohet në platformën globale Music Crowns.

Kënga është vlerësuar në një artikull të publikuar nga gazetari i muzikës Daniel Meggitt, i cili e cilëson “Prima Donna” si një moment afirmimi për Donna Dafin në skenën pop ndërkombëtare.

Ai thekson sigurinë artistike, identitetin e saj unik dhe balancën mes butësisë dhe forcës vokale.

“Prima Donna” trajton ndjeshmërisht kontrastin mes dëshirës për t’u ndjerë i veçantë dhe nevojës për vetëmbrojtje emocionale, ndërsa vargu “I’m not your Donna, not your primadonna” spikat si një deklaratë e qartë vetëdijeje artistike.

Me produksion modern, sinqeritet emocional dhe potencial të fortë për sukses, “Prima Donna” po vendos themelet për një vit të madh për Donna Dafin, e cila me këtë publikim konfirmon praninë e saj në skenën ndërkombëtare. /Telegrafi/

- YouTube youtu.be

Sot, “Vëllai i Madh” ka njoftuar zyrtarisht banorët e Big Brother VIP Kosova 4 se Alba Pollozhani ka lënë shtëpinë, duke konfirmuar përfundimisht largimin e saj pas ngjarjeve të tensionuara të prime-it të mbrëmshëm.

Ky njoftim ka shkaktuar reagime të forta emocionale brenda shtëpisë. Suani dhe Aurora kanë shpërthyer në lot menjëherë pas lajmit, duke u shprehur se Alba, sipas tyre, nuk e ka merituar një largim të tillë.

Të dy kanë theksuar se mënyra se si u zhvilluan ngjarjet në prime ka qenë e padrejtë dhe e rëndë për banoren.

- YouTube youtu.be

Në të njëjtën linjë ka qenë edhe reagimi i Londrimit, i cili ka deklaruar se Alba ka qenë pjesë e shtëpisë që nga dita e parë dhe se një largim në këto rrethana nuk do të duhej të ndodhte. Ai e ka cilësuar daljen e saj si një moment të dhimbshëm për dinamikën e shtëpisë dhe për vetë banorët.

Largimi i Albës ka lënë një boshllëk të ndjeshëm në shtëpinë më të famshme në vend, ndërsa reagimet emocionale të banorëve tregojnë qartë ndikimin që ajo kishte krijuar gjatë qëndrimit të saj. /Telegrafi/

Pas spektaklit Prime të së premtes në Big Brother VIP Kosova 4, ku Alba Pollozhani njoftoi vendimin e saj për t’u mbuluar dhe më pas u largua nga shtëpia, rrjetet sociale janë vërshuar nga reagime të shumta.

Vendimi i Albës ka ndarë opinionin publik, duke nxitur diskutime të gjera, komente mbështetëse por edhe kritika të ashpra. Ndër reagimet që kanë tërhequr vëmendje ka qenë edhe ai i ish-banores së edicionit të tretë, modeles dhe këngëtares Drenusha Latifi.

Latifi ka reaguar përmes një postimi në InstaStory, ku ka shprehur hapur pakënaqësinë e saj, duke mos kursyer as kritikat ndaj produksionit të spektaklit. Ajo ka përmendur drejtpërdrejt producenten Olsa Muhameti, duke e krahasuar me diktatorin Enver Hoxha, në një reagim të ashpër dhe polemizues.

“Pasha një Zot po më qahen e po më qeshet të njëjtën kohë me këtë Albën edhe atë skenaristen e Shqipnisë, Macetungun/Enverin. Kështu me kqyr holl e holl, mirë i rrin shamija edhe ndoshta pak ato cica i mbulon, po edhe një lutje tek Zoti e kom e udhëzoftë i madhi Zot atë edhe atë skenaristen që kurrë të shkretat s’i ka dashtë kush. Kjo për mendimin tim është për lojë, për vëmendje dhe ndodh si pasojë e një femre që përjetësisht ka qenë e refuzuar nga njerëzit e më së shumti nga meshkujt, siç edhe ka qenë skenaristja e refuzuar dhe ka bo nga Bigu një version përputhje të shëmtuar… Veç Big nuk quhet ky i Kosovës”, ka shkruar Latifi.

Reagimi i saj ka ngjallur debat të madh në rrjete sociale, ku ndjekësit janë ndarë mes atyre që e mbështesin qëndrimin e saj dhe atyre që e konsiderojnë të tepruar dhe ofendues.

Ndërkohë, largimi i Albës nga shtëpia e Big Brother VIP Kosova 4 vazhdon të jetë një nga temat më të komentuara të momentit, duke konfirmuar edhe një herë se ky sezon po prodhon situata dhe dinamika që mbajnë publikun vazhdimisht të përfshirë. /Telegrafi/

Mariah Carey nuk bëri emër me performancën e saj në ceremoninë e hapjes së Lojërave Olimpike Dimërore 2026 në Milano, dhe shumë menduan se ajo nuk këndoi drejtpërdrejt, ndërsa në të njëjtën kohë e gjetën performancën të mërzitshme.

Carey u shfaq në stadiumin San Siro në Milano si një nga interpretueset kryesore të ceremonisë, ku performoi një kombinim të këngës tradicionale italiane "Nel blu, dipinto di blu" dhe këngës së saj "Nothing Is Impossible" nga albumi "Here for It All".

Gjatë performancës, ajo mbante veshur një fustan të bardhë të shndritshëm me detaje argjendi dhe ishte nën dritën e prozhektorit ndërsa këndonte "Volare", e cila ishte një zgjedhje simbolike sepse kënga është një klasik i muzikës italiane të viteve 1950.

Kalimi i saj në këngën e saj "Nothing Is Impossible" përfshinte notat karakteristike të larta të "fishkëllimës", të cilat tradicionalisht janë pjesë e repertorit të saj.

Megjithatë, performanca tërhoqi edhe shumë kritika negative në mediat sociale, me kritikët që thanë se i mungonte entuziazmi dhe ishte e mërzitshme, duke marrë parasysh se ishte mjaft statike.

Disa gjithashtu shprehën dyshime se ajo po e hapte gojën ndaj një tingulli të pararegjistruar sepse dukej se nuk po jepte më të mirën e saj, veçanërisht duke mos arritur notën e saj të lartë karakteristike të "fishkëllimës", gjë që çoi në komente se performanca ishte një "katastrofë".

"Pse e sollën Mariah-n të qëndronte aty dhe të hapte gojën me një këngë të pararegjistruar, ndërkohë që shikonte në distancë dhe bënte sikur ishte e mërzitur?", "Ajo është e ngurtë, hap gojën me muzikën dhe bën sikur po lexon nga një sufler", "Faleminderit Laura Pausini që e bëre këtë ceremoni të mërzitshme pak më të mirë pas interpretimit katastrofik të Mariah Carey", ishin komentet.

Disa shikues vunë në dyshim gjithashtu pse u zgjodh një këngëtare amerikane për të performuar në eventin në Itali, ndërsa të tjerë komentuan se interpretuesit nga Italia dukeshin më të përshtatshëm në seksionin e programit.

Organizatorët e ceremonisë përfshinin muzikantë të tjerë të famshëm italianë, dhe përveç Mariah, në ceremoni performuan edhe yjet e muzikës italiane Andrea Bocelli dhe Laura Pausini. /Telegrafi/

Gjatë spektaklit të së premtes në Big Brother VIP Kosova 4, banorja më e re, Elijona Binakaj, ka ndarë me publikun një pjesë të jetës së saj mjaft të vështirë dhe emocionuese, duke folur për vitet që ka kaluar së bashku me vëllain e saj te një familje gjermane.

“Te gruaja gjermane tek e cila kemi jetuar nuk jam ndjere edhe aq e sigurte, për faktin që ajo i nderronte shumë shpesh partnerët. Kjo nuk më ka bërë të ndjehem mirë. Kjo urrejtje ndaj vetes ia ka nisur të më kalojë edhe në trup, derisa më ka çuar edhe në spital”, rrëfeu Elijona, duke treguar vuajtjet dhe pasojat emocionale të kësaj periudhe.

Banorja tregoi më tej se vendimi për të ikur nga kjo familje erdhi në moshën 12-vjeçare: “Kur mbusha 12 vjet vendosa që të largohem vetë nga familja gjermane. U lashë më herët nga shkolla dhe hipa në tren. Madje u fsheha në WC-në e trenit, sepse nuk kisha para për të paguar biletë”.

- YouTube youtu.be

Elijona arriti të kthehej te prindërit e saj, por për vëllain nuk mundi të bënte të njëjtën gjë. “Atë s’kam mundur ta marr me vete”, tha ajo me dhimbje. Pas kthimit te prindërit, ajo u dërgua te një e afërm e familjes, ku jetoi fshehurazi për një kohë të gjatë.

Në rrefimin e saj, Elijona akuzoi edhe institucionet gjermane për veprim të padrejtë ndaj saj dhe familjes: “Institucionet gjermane padrejtësisht më kanë marrë nga prindërit, duke supozuar se ata nuk po kujdeseshin mirë për mua”. /Telegrafi/

Te premten, banori dhe këngëtari i njohur Kushtrim Kelani është eliminuar nga Big Brother VIP Kosova 4, pas një televotimi ku përballë tij ishin edhe Ludo Lee dhe këngëtari tjetër, Labinot Rexha.

Gjatë qëndrimit të tij në shtëpinë më të famshme të Kosovës, Kushtrimi u tregua si një djalë i qetë dhe me edukatë, duke lënë një përshtypje të mirë tek banorët dhe publiku.

Megjithatë, mungesa e tij e pjesëmarrjes aktive në debate dhe lojëra duket se ka ndikuar në vendimin e publikut, duke e penalizuar dhe çuar drejt largimit vetëm pak javë para finales së madhe.

Eliminimi i tij shënon një tjetër moment surprizë në edicionin e katërt të BBVK, ndërsa garuesit e mbetur do të vazhdojnë betejën për çmimin e madh. /Telegrafi/

- YouTube youtu.be

Gjatë spektaklit Prime të së premtes në Big Brother VIP Kosova 4, situata brenda shtëpisë u tensionua jashtë mase gjatë një debati mes Albës dhe Labinotit.

Banorja akuzoi hapur produksionin, duke thënë se videot ishin montuar në mënyrë që ta nxirrnin në dritë të keqe dhe se nuk ishte shfaqur transparenca e plotë e debatit të saj me Labin. Ndërsa insistonte dhe fliste pa ndërprerje, prezantuesja Jonida Vokshi iu drejtua Albës: “Ok, nëse mendon kështu, dera është aty dhe mund të dalësh”.

Në atë moment, Alba u ngrit dhe deklaroi me vendosmëri: “Do largohem përderisa ju i jepni të drejtë një njeriu që shkel besimin në Zot”, duke u drejtuar drejt derës së daljes.

- YouTube youtu.be

Mirëpo, situata mori një kthesë të papritur. Ashtu si në raste të tjera, Alba nuk u largua, por shkoi në dhomën e gjumit, mori arushin e saj dhe qëndroi brenda, duke treguar se tensioni nuk e kishte ndikuar vendosmërinë e saj për të mbetur pjesë e lojës.

Ky moment ka nxitur diskutime të shumta tek publiku, duke e bërë këtë episod një nga më të komentuarit e edicionit të katërt të Big Brother VIP Kosova. /Telegrafi/

- YouTube youtu.be

Gjatë spektaklit Prime të së premtes në Big Brother VIP Kosova 4, tema e vendimit të Albës për t’u mbuluar vijoi të ngjallë diskutime të forta dhe reagime të ndryshme edhe nga paneli i opinionistëve.

Këtë herë, në karrigen e opinionistit, Valdrin Sahiti, i cili zëvendësoi Oltën Gixharin, solli një qasje më të balancuar dhe reflektuese ndaj vendimit të banores, ndryshe nga qëndrimi më pesimist i Leonora Jakupit.

Sahiti e këshilloi Albën që të tregojë përgjegjësi dhe vetëdije të plotë për hapat që po ndërmerr, duke theksuar se vendime të tilla kërkojnë përkushtim dhe nuk duhet të merren lehtë.

Stilisti i njohur ndau gjithashtu edhe përvojën e tij personale profesionale, duke zbuluar se një pjesë e madhe e klienteve me të cilat punon janë gra të mbuluara. Sipas tij, kjo i ka dhënë një perspektivë më të gjerë mbi konceptin e mbulesës dhe përgjegjësitë që ajo përfaqëson.

Në një moment të rrallë reflektimi personal, Valdrini tregoi se kishte menduar edhe vetë për marrjen e përgjegjësisë së faljes së namazit, por e kishte kuptuar se bëhet fjalë për një angazhim shumë të madh.

“Kam dashur disa herë ta provoj veten dhe më është dukur goxha impenjim dhe më është dukur shumë gjë e madhe për të arritur që të bëhet”, u shpreh Sahiti. /Telegrafi/

Në spektaklin Prime të së premtes në Big Brother VIP Kosova, u transmetua rrëfimi emocional i banorës më të re të shtëpisë, Elijona Binakaj, e cila për herë të parë foli hapur për një kapitull të ndjeshëm dhe shumë të diskutuar të jetës së saj.

Historia e Elijonës ka qenë shpesh në qendër të vëmendjes mediatike, për shkak të një të kaluare të trazuar në Gjermani, mirëpo këtë herë ajo vendosi ta tregojë vetë të vërtetën pas asaj që kishte ndodhur, duke befasuar publikun dhe banorët e tjerë.

Ajo rrëfeu se gjithçka nisi që në moshë shumë të vogël, kur ishte vetëm në klasën e dytë, duke theksuar dallimet e mëdha mes ligjeve gjermane dhe atyre në Kosovë. “Në klasën e dytë ka filluar të ndryshojë jeta ime. Në Gjermani ligjet janë pak më ndryshe se në Kosovë”, u shpreh Elijona.

- YouTube youtu.be

Sipas saj, situata që çoi deri te ndërhyrja e autoriteteve lidhej me disa raste të përsëritura në shkollë, të cilat u interpretuan si neglizhencë prindërore. “Mami është dashur të shkojë në shkollë te motra dhe të vrapojë pas saj dhe ka ndodhur që dy-tri herë të më harrojë në shkollë. Edhe pse shkollën e kisha afër, në Gjermani nuk lejohet të ecësh vetëm për në shtëpi kur je në fillore”, tregoi ajo.

Elijona shtoi se edhe detyrat e shtëpisë, të cilat jo gjithmonë i kryente, u panë si një problem nga mësuesja dhe shërbimet sociale. “Të gjitha këto për mësuesen kanë qenë shqetësim për kujdesin e familjes, edhe pse realisht unë jam rritur me shumë dashuri. Kjo ka qenë arsyeja pse shkolla ka vendosur të më largojë prej familjes”, tha ajo me emocione.

Rrëfimi u bë edhe më i rëndë kur Elijona tregoi se për vite me radhë ka jetuar në një familje tjetër, pasi prindërit e saj kishin humbur gjyqin për kujdestarinë. Ky kapitull i jetës së saj, sipas Elijonës, ka lënë gjurmë të thella, por edhe e ka formësuar si personin që është sot. /Telegrafi/