Gjatë fjalës së tij në Kuvend, kreu i grupit parlamentar të Partisë Demokratike, Gazment Bardhi, akuzoi drejtuesin e seancës dhe mazhorancën për shkelje të hapur të rregullores parlamentare dhe mungesë respekti ndaj Kushtetutës, ligjit dhe procedurave.

Bardhi theksoi se mbledhja e Kuvendit është thirrur në kundërshtim me rregulloren, pa njoftimin e detyrueshëm paraprak, ndërsa sipas tij, kjo bëhet për interesa propagandistike të Kryeministrit dhe për të zhurmuar çështjet që lidhen me Gjykatën Kushtetuese dhe aferat korruptive të Belinda Ballukut.

Ai deklaroi se opozita është kundër shqyrtimit të përshpejtuar të projektligjit për ratifikimin e ‘Bordit të Paqes’ duke e cilësuar këtë proces si një tjetër shkelje flagrante të rregullave themelore të shtetit të së drejtës.

“Pse do duhet ju të shkelni rregulloren? Pse nuk e nisët ju, zoti kryetar, me një ndjesë për deputetët që keni shkelur rregulloren e Kuvendit? Sepse keni detyrimin ta njoftoni seancën plenare të paktën dy ditë përpara se Kuvendi të mblidhet. Një njeri i përgjegjshëm, që e ndjen respektin ndaj Kushtetutës, ndaj ligjit dhe ndaj rregullores së Kuvendit, momentin e parë që hap mikrofonin thotë: ‘Po, unë kam bërë këtë shkelje të rregullores, se ma dikton kjo situatë e jashtëzakonshme ta shkel rregulloren e Kuvendit’, dhe kërkoj mirëkuptimin e kolegëve deputetë për këtë shkelje të rregullores që kam bërë.

Po ju nuk doni t’ja dini as për Kushtetutë, as për ligj, as për procedurë. Ju merrni një komandë: i duhet shefit tuaj sot, se në vend që të ishte… për ta firmosur marrëveshjen atje ku po e firmosin liderët e dëshiruar të Shteteve të Bashkuara të Amerikës, do vijë këtu të flasim me Taulantin edhe shokët e Taulantit. Keni marrë komandën e tij, i duhet kjo propagandë sot, i duhet për të zhurmuar zonjën që duhet të ishte në Gjykatë Kushtetuese sot, s’duhet të ishte këtu. Duhet të ishte në burg sipas kërkesës së prokurorisë, nuk duhet të ishte këtu.

Pra doni të zhurmoni intimidimin që i keni bërë Gjykatës Kushtetuese për rastin dhe aferat korruptive të Belinda Ballukut dhe o burra të shkelim çdo ligj, çdo rregull, çdo procedurë të këtij parlamenti. Prandaj dhe ne jemi kundër kërkesës tuaj për shqyrtim me procedurë të përshpejtuar të këtij projektligji, pa respektuar asnjë rregull minimal të Kushtetutës së Republikës së Shqipërisë dhe të rregullores së Kuvendit”, u shpreh Bardhi.

Kreu i Grupit Parlamentar të PS-së Taulant Balla ka deklaruar se vendi ynë do të ketë një rol aktiv në Bordin e Paqes. Gjatë fjalës në Kuvend, Balla e quajti ftesën si një vlerësim historik për Shqipërinë dhe i kërkoi opozitës që t’i bashkohet mazhorancës në votim.

“Ministrja për Europën dhe Punët e Jashtme do të bëjë prezantimin e plotë të kësaj karte dhe përfaqësimin e Shqipërisë nga Kryeministri Edi Rama, duhet ta dimë rëndësinë e fillimit sa më parë të punës së këtij Bordi, ku Shqipëria do të përfaqësohet nga Kryeministri Edi Rama. Pikërisht në këtë frymë, Shqipëria jonë është ftuar të jetë, jo më si dikur, si një vëzhguese, por si një bashkë-arkitekte themeluese të një organizmi të ri ndërkombëtar për paqe.

Vota sot do të jetë një test tjetër i konfirmimit të marrëdhënieve me SHBA-në dhe që ne nuk kemi ndasi me njëri-tjetrin. Shpresoj të jetë një votë unanime e të gjithë deputetëve të Kuvendit. Fakti që Shqipëria ftohet si anëtare themeluese, i jep vendit ton një rol aktiv në Bordin e Paqes. Ky besim nuk është i rastësishëm, por i një udhëheqje të një politike të jashtme të suksesshme. Opozita nuk ftohet për të votuar një parti, nuk po votojmë një mazhorancë apo opozitë, por votohet për Shqipërinë,” tha Balla.

Ndërsa qeveria shqiptare vazhdon të mbajë gjallë retorikën e anëtarësimit të shpejtë në Bashkimin Europian, realiteti i shifrave dhe analizave ndërkombëtare tregon një panoramë krejtësisht tjetër, shumë më të zymtë. Deputetja Jorida Tabaku ka hedhur poshtë propagandën 13-vjeçare të qeverisë, duke e cilësuar situatën si një anije në mes të dallgëve që nuk po gjen breg.

Pavarësisht festimeve me shampanjë dhe ndarjes së medaljeve për sukseset imagjinare, të dhënat tregojnë se Shqipëria është ende shumë larg standardeve europiane. Tabaku solli në vëmendje një raport tronditës të Institutit të Vjenës, sipas të cilit, me ritmet aktuale, Shqipërisë do t’i duhen plot 100 vite për të arritur standardet e mjedisit të kërkuara nga BE.

Kjo shifër vjen në kontrast të thellë me pretendimet e qeverisë, e cila premton mbylljen e këtyre kapitujve brenda 15 viteve.

“Qeveria e Ramës është si ajo anija në mes të dallgëve që duket se nuk po del akoma, pavarësisht se kanë 12 vite që luftojnë. Shiko, kjo është një çështje që ndoshta për njerëzit, për qytetarët është pak e prekshme. Sepse u bë 13 vite me të njëjtat retorika, me të njëjtën propagandë, të njëjtat premtime… U dhanë pashaportat, u dhanë vulat…

Fatkeqësia më e madhe që po ndodh në këtë moment është që qeveria shqiptare po e kupton që nuk ka kohë. Që shumë gjëra duheshin bërë në këto 12 vite. Dhe unë nuk po merrem fare me kriteret politike, sepse ne e dimë si janë kriteret politike. Grup-kapitulli i parë: zgjedhjet, si është balanca e pushteteve, si është roli i parlamentit, gjykata kushtetuese, çështja e pronave. Janë të gjitha çështje politike këto që po flas unë. Ndërkohë që po merrem edhe me çështje teknike që ndoshta mund të prekin qytetarët. Dhe këtu përmend për shembull siguria ushqimore. Një çështje tjetër është infrastruktura, është ujësjellës-kanalizimet, është mjedisi…

Janë 15 fusha që qeveria shqiptare ka kërkuar një periudhë të ndërmjetme quajnë ato. Që do të thotë që edhe në momentin që t’i bëhesh vend anëtar, nuk i ke plotësuar kriteret. Sepse kërkon, jo vetëm investime financiare. Investime financiare janë sigurisht minimumi. Për shembull për infrastrukturën duhet buxheti i një viti, duhen mbi 8 deri në 10 miliardë euro, për të kryer të gjithë detyrimin minimal për infrastrukturën, për të lidhur rrjetin. E njëjta gjë është për ujësjellës-kanalizimet.

Për mjedisin, Instituti i Vjenës thotë që duhen 100 vite. Duhen 100 vite thotë Instituti i Vjenës. Qeveria shqiptare thotë që unë do ta plotësoj për 15 vjet. Për kriteret ekonomike qeveria shqiptare thotë që duhet një dekadë. Që do të thotë që një pension i një shqiptari këtu të barazohet me pensionin e një europiani, që ndihma sociale këtu të barazohet me atë të një europiani, qeveria shqiptare mendon që i duhen 10 vite. Po tani këto 12 vite çfarë bënë? Ne duhet të kemi parasysh që sot Shqipëria është e fundit në rajon për këto tregues. Është e fundit pavarësisht se ne themi që është në grupin e parë Shqipëria dhe Mali i Zi, është sepse së pari procesi i integrimit një mbështetje të të gjitha forcave politike dhe ky është një aset për Shqipërinë. Edhe opozita e mbështet. Se ti ke parasysh që në vendet e tjera këtë proces nuk e mbështesin të gjitha partitë politike.

Në rastin e Shqipërisë, qytetarët e mbështesin mbi 90%. Ndërkohë që në Serbi ti e ke 28%. Pra ka shumë faktorë që ndikojnë në këtë. Dhe në qoftë se qeveria shqiptare do ta kishte marrë seriozisht këtë proces, do kishte punuar çdo ditë që këto tregues ekonomikë që ne po bisedojmë sot dhe që flasim, që i kemi thënë sepse këto janë çështje të përditshmërisë së shqiptarëve, nuk po flasim për gjëra të cilat janë një luks, si mjedisi për shembull, se mjedisin unë e konsideroj luks. Po flasim për çështje kritere bazë, të cilat duhet të ishte punuar çdo ditë. Tani këto kujtohen dhe thonë për dy vite ne do t’i plotësojmë të gjitha. Për dy vite, në letër ligjet edhe mund t’i miratojnë. Por puna është që të zbatohen”, u shpreh Tabaku.

Gjykata e Posaçme e Shkallës së Parë për Korrupsionin dhe Krimin e Organizuar (GJKKO) ka njoftuar se nuk do të marrë pjesë në seancën publike që zhvillohet sot në Gjykatën Kushtetuese, në lidhje me çështjen Balluku.

Gjykata argumenton se nuk do të jetë pjesë, pasi vlerëson se nuk mund të legjitimohet si palë në gjykimin kushtetues me kërkues Kryeministrin e Republikës së Shqipërisë.

“Në një shtet demokratik të së drejtës, të bazuar në parimin e sundimit të ligjit dhe të ndarjes së pushteteve, një gjykatë nuk mund të thirret dhe as të legjitimohet si palë në një gjykim kushtetues për të bërë parashtrime apo për të mbrojtur një vendim të dhënë prej saj. Pjesëmarrja e GJKKO-së si palë e interesuar në Gjykatën Kushtetuese do të cenonte parimin e ndarjes së pushteteve dhe pavarësinë e brendshme të pushtetit gjyqësor”,- thuhet ndër të tjera në njoftim.

Njoftimi i plotë

Nisur nga pyetjet e vazhdueshme nga ana e gazetarëve dhe interesi i lartë që ka në media dhe në publik seanca plenare publike që do të zhvillohet ditën e sotme në Gjykatën Kushtetuese të Republikës së Shqipërisë me:

Kërkues: Kryeministri i Republikës së Shqipërisë.

Subjekte të Interesuara: Presidenti i Republikës, Kuvendi i Republikës së Shqipërisë, Prokuroria e Posaçme kundër Korrupsionit dhe Krimit të Organizuar dhe Gjykata e Posaçme e Shkallës së Parë për Korrupsionin dhe Krimin e Organizuar.

Objekti: “Zgjidhja e mosmarrëveshjes së kompetencës së krijuar ndërmjet Kryeministrit dhe Këshillit të Ministrave nga njëra anë, dhe Gjykatës së Posaçme të Shkallës së Parë për Korrupsionin dhe Krimin e Organizuar, nga ana tjetër, lidhur me pezullimin e ushtrimit të detyrës së anëtarit të Këshillit të Ministrave…,

Ju informojmë se GJKKO nuk do të marrë pjesë në këtë seancë plenare pasi vlerëson se nuk mund të legjitimohet si palë në gjykimin kushtetues me kërkues Kryeministrin e Republikës së Shqipërisë.

Në një shtet demokratik të së drejtës, të bazuar në parimin e sundimit të ligjit dhe të ndarjes së pushteteve, një gjykatë nuk mund të thirret dhe as të legjitimohet si palë në një gjykim kushtetues për të bërë parashtrime apo për të mbrojtur një vendim të dhënë prej saj. Pjesëmarrja e GJKKO-së si palë e interesuar në Gjykatën Kushtetuese do të cenonte parimin e ndarjes së pushteteve dhe pavarësinë e brendshme të pushtetit gjyqësor.

Moti i keq që ka goditur Greqinë prej ditës së djeshme, ka shkaktuar dy viktima në jug të Atikës.

Sipas mediave të huaja, një grua 56-vjeçare humbi jetën pasi u rrëmbye nga ujërat e rrëmbyeshme të shiut. 56-vjeçarja mësohet se po kthehej në shtëpi nga puna.

Ajo u përpoq të kalonte rrugën kur mjeti i saj u rrëmbye nga uji. Viktima mbeti e bllokuar dhe zjarrfikësit nuk arritën ta gjenin gjallë.

Ndërkohë një roje bregdetar 53-vjeçar humbi jetën në krye të detyrës. Sipas Rojës Bregdetare, ai ishte në patrullim këmbësor në port kur një valë e fortë uji e rrëmbeu. Ai mori një dëmtim të rëndë në kokë që rezultoi fatal.

Pamjet e publikuara nga mediat vendase tregojnë rrugë të mbushura me gurë dhe të “pushtuara” nga rrjedha e ujit.

Gjendja e rrugës Boboshticë – Dardhë – Podgorie – Lignas ka rikthyer sërish në vëmendje problematikën e mirëmbajtjes së infrastrukturës, pasi pavarësisht fondeve të konsiderueshme të akorduara, segmenti paraqitet i pakalueshëm në kushte të motit të keq.

Vetëm për mirëmbajtjen e kësaj rruge janë shpenzuar rreth 1 miliard lekë, ose afërsisht 700 mijë euro, ndërsa pamjet nga terreni tregojnë borë të pashkarkuar dhe mungesë ndërhyrjeje.

Tenderi për mirëmbajtjen e rrugës është fituar nga kompania “OUEN & SHPRESA-AL”, e cila ka përfituar fondin aktual. Megjithatë, situata reale bie ndesh me vlerën e kontratës, pasi qarkullimi mbetet i vështirë dhe rrezikshëm për banorët dhe drejtuesit e mjeteve.

Sipas të dhënave të bëra publike, kontraktori i mëparshëm merrte rreth 13 milionë lekë të vjetra në vit për pastrimin dhe mirëmbajtjen e këtij aksi.

Rasti ka ngritur pikëpyetje serioze mbi mënyrën e menaxhimit të fondeve publike dhe kontrollin e kontratave të mirëmbajtjes rrugore. Denoncimi i bërë publik ka nxitur reagime dhe kërkesa për transparencë, ndërsa mbetet e paqartë nëse institucionet përgjegjëse do të japin shpjegime për diferencën e madhe mes shumave të shpenzuara dhe shërbimit real të ofruar në këtë rrugë.

Trump surprizon

Nga perspektiva evropiane fjala e tij ishte një lehtësim i lehtë i tensioneve, pasi Trump kishte deklaruar më parë se, nëse do të ishte e nevojshme, mund ta merrte Groenlandën me forcë ushtarake. Tiradat për paaftësinë e evropianëve ai i përsëriti, e re ishte ideja e Trump për të negociuar në vend që ta pushtonte Groenlandën ushtarakisht.

Pak orë më vonë në mbrëmje, Trump ofroi një tjetër surprizë. Në platformën e tij digjitale, TruthSocial, ai njoftoi se po hiqte dorë nga tarifat shtesë të shpallura për tetë vende evropiane, përfshirë Gjermaninë. Këto tetë vende kishin dërguar trupa në Groenlandë për një mision zbulimi. Në të njëjtin postim, Trump raportoi gjithashtu mbi një kornizë për një marrëveshje të ardhshme në lidhje me Groenlandën dhe të gjithë rajonin Arktik. Sekretari i Përgjithshëm i NATO-s, Rütte konfirmoi informacionin në lidhje me një marrëveshje të mundshme për Groenlandën; ai ishte takuar me Trumpin më parë.

Klingbeil: Nuk duhet të nxjerrim përfundime të nxituara

Reagimet pas deklaratave të Donald Trump janë të përziera. Danimarka ndjehet disi e lehtësuar. Ministri i Jashtëm Rasmussen tha, se dita të paktën përfundoi më mirë nga sa filloi. Kurse në Berlin, Ministri gjerman i Financave Lars Klingbeil (SPD) këshillon që të mos nxitohet në nxjerrjen e përfundimeve. “Pas debateve të ditëve të fundit”, shpjegoi ai në një intervistë me ZDF, “le të presim për disa detaje konkrete”. Se çfarë marrëveshjesh u arritën midis Trump dhe Rutte është ende e paqartë.

Edhe shtetet e tjera anëtare të BE-së shohin nevojën për shpjegime. Presidenti i Këshillit të BE, Antonio Costa, nuk sheh asnjë arsye për të anuluar samitin e posaçëm të planifikuar për këtë mbrëmje. Përkundrazi, theksoi ai, tema e planifikuar mbetet “gjendja e marrëdhënieve transatlantike”.

Marrëdhëniet transatlantike janë në krizë. Evropa duhet të riorientohet, ky vlerësim i kthjellët u prezantua më parë nga Presidentja e Komisionit Ursula von der Leyen në Parlamentin Evropian. “Jemi në një udhëkryq”, tha ajo. Ndërsa Evropa preferon dialogun, ajo është gjithashtu e përgatitur të reagojë. “Në këtë botë që bëhet gjithnjë e më pa ligj, Evropa ka nevojë për levat e veta të pushtetit.”

Samiti i posaçëm në Bruksel

Se si do të duket ky vetëdijësim evropian do të diskutohet të enjten (22.01.) në samitin e posaçëm në Bruksel. Ndërsa ndryshimi i fundit i qëndrimit të Trump ka sjellë njëfarë lehtësimi, ai nuk e ka rikthyer besimin tek presidenti amerikan./DW

Në Gjykatën Kushtetuese  zhvillohet sot seancë në lidhje me masën e sigurisë të vendosur ndaj zëvendës kryeministres Belinda Balluku, “pezullimi i ushtrimit të detyrës publike”, vendim i marrë nga Gjykata e Posaçme Antikorrupsion.

Seanca nis në orën 10:00 dhe mbahet pas ankimimit të kryeministrit Rama, i cili pretendon se me vendimin e pezullimit të Ballukut, gjykata ka shkelur kompetencat e tij si kryeministër.

Rama e ka justifikuar ankimin në Kushtetuese si një betejë për pavarësinë e pushtetit ekzekutiv dhe mbrojtjen e kompetencave kryeministrore.

Gjykata e Posaçme vendosi që ta pezullonte Ballukun nga detyra dhe të ndalonte udhëtimin jashtë vendit, duke i bllokuar pasaportën, pasi ajo u mor e pandehur për akuzën e shkeljes së barazisë në tendera.

Ndërkohë vendimmarrja e Gjykatës Kushtetuese do të vijë në një kohë kur SPAK ka dorëzuar në Kuvend edhe kërkesën për autorizim për arrestimin e Ballukut. Kjo lëvizje e SPAK erdhi menjëherë pasi Kushtetuesja e ktheu Ballukun në detyrë, ndërsa mbledhja e radhës e Këshillit të Mandateve është më datë 28 janar.

Balluku akuzohet se ka manipuluar dy tendera me vlerë 210 milionë euro, së bashku me vartësit e saj më të ngushtë, Evis Berberi, Gentian Gjyli dhe Erald Elezi, duke favorizuar kompanitë fituese, ndërsa akuzave u është shtuar edhe shkelje e barazisë me tendera në Unazën e Madhe.

Numri i punonjësve dhe fondet për administratën publike janë rritur në rekorde historike në 2025. Paralelisht, qeveria po rrit me shpejtësi financimet për qeverisjen digjitale, por nga ana tjetër qytetarët dhe bizneset muajt e fundit po përballen me më vështirësi për të aksesuar shërbimet publike.

Në vitin 2014, fondet për paga dhe kontribute për punonjësit e shtetit ishin rreth 71.4 miliardë lekë, ndërsa numri i të punësuarve në sektorin publik ishte rreth 163 mijë persona.

Njëmbëdhjetë vite më vonë, në vitin 2025, administrata publike numëron rreth 184 mijë punonjës dhe shpenzimet buxhetore për personelin janë rritur në rreth 129 miliardë lekë. Që nga 2024 në 2025, numri i punonjësve në sektorin shtetëror është zgjeruar me 12.7 për qind, ndërsa shpenzimet ndaj tyre janë rritur me 80 për qind.

Rritja nuk ka qenë vetëm në numrin e punonjësve dhe fondet për paga. Paralelisht, investimet për qeverisjen digjitale janë shtuar me ritme të shpejta në 6 vitet e fundit.

Në 2025, financimi për e-qeverisjen u rrit me tre herë brenda vitit, duke arritur në 20.1 miliardë lekë (mbi 200 milionë euro), nga rreth 3.3 miliardë lekë që jepeshin në vitin 2019, në një total prej 48.4 miliardë lekësh në 4 vjet, ose gati 500 mln euro.

Qeveria e ka paraqitur digjitalizimin si një nga shtyllat kryesore të modernizimit të administratës dhe përmirësimit të shërbimeve për qytetarët dhe bizneset.

Megjithë këto investime, shërbimet publike digjitale kanë shfaqur probleme serioze funksionimi gjatë muajve të fundit. Platforma kryesore e-Albania e shërbimeve elektronike për qytetarët dhe bizneset është përballur me ndërprerje të shpeshta, vonesa dhe pamundësi aksesimi, duke krijuar vështirësi reale në marrjen e dokumenteve, kryerjen e procedurave administrative dhe përmbushjen e detyrimeve ligjore.

E-Albania ëshë kthyer në një makth për bizneset. Ekonomistet janë bërë si policët që u zënë pritë makinave. Policët e bëjnë këtë që të dallojnë ata që bëjnë shkelje e tu vënë gjoba, ekonomistet që të dallojnë se kur funksionon sistemi e të bëjnë ndonjë punë.

Bizneset janë ankuar vazhdimisht pranë Monitor që shpesh nuk arrijnë të hyjnë në sistemin e self care përmes të cilit bizneset mund të shohin të gjitha faturat e blerjes që vijnë nga furnitorët, të verifikojnë faturat e blerje e shitjeve në fund të muajit, apo të bëjnë shërbime të tilla si fiskalizimi i importeve, dhe bizneset e vogla pa të punësuar mund ta përdorin për të fiskalizuar faturat e shitjes pa blerë program.

Ekonomistët thonë se ata nuk dinë ku të ankohen kur sistemi nuk punon. “Në këtë moment psh, nuk fiskalizohen faturat dhe punonjësit e një biznesi që shet produkte ushqimore nuk u nisën për në Durrës dhe shoferët po rrinë, pasi nuk mund të lëvizin mallin pa faturë shitje, ose faturë shoqëruese”.

“Të paktën shkruani ju se nuk e pranon njeri që sistemet nuk punojnë”, thotë me ironi përfaqësuesi i një subjekti, i lodhur dhe i acaruar nga kjo situatë dhe nga fakti që ata nuk po dinë ku të ankohen që të gjejnë zgjidhje.

E vetmja alternativë është që ti shkruajnë ministres së shtetit për inteligjencën artificiale, “Diellës”, që u paraqit nga kryeministri Rama si një revolucion dhe risi në botë. Por, as ajo nuk po ua zgjidh hallet, ndërsa administrata publike fundjave është pushim, apo kur ditët e festave bien pranë fundjavës i gëzohet dhe ndonjë dite më shumë pa punë.

Nuk arrijmë ta kuptojmë se për çfarë shërbejnë 20 mijë të punësuar shtesë në administratën publike në 10 vitet e fundit, apo 500 milionë euro investime për e-qeverisjen në 4 vjet, kur bizneset nuk po arrijnë të punojnë, individët shpesh nuk arrijnë të marrin dokumentet që u duhen online, dhe asnjë person fizik nuk u sqaron se çfarë duhet të bëjnë. Nuk mban askush përgjegjësi dhe për orët shtesë të punës, apo të ardhurat e munguara pasi bizneset nuk arrijnë të realizojnë shitjet, jo për faj të tyre.

Kush mban përgjegjësi për kostot

Nuk arrijmë ta kuptojmë se për çfarë shërbejnë 20 mijë të punësuar shtesë në administratën publike në 10 vitet e fundit, apo 500 milionë euro investime për e-qeverisjen në 4 vjet, kur bizneset nuk po arrijnë të punojnë, individët shpesh nuk arrijnë të marrin dokumentet që u duhen online, dhe asnjë person fizik nuk u sqaron se çfarë duhet të bëjnë. Nuk mban askush përgjegjësi dhe për orët shtesë të punës, apo të ardhurat e munguara pasi bizneset nuk arrijnë të realizojnë shitjet, jo për faj të tyre.

Sipas bizneseve, kjo situatë e përsëritur përbën një shqetësim serioz për funksionimin normal të aktivitetit ekonomik dhe marrëdhënien e bizneseve me administratën publike apo të profesionistëve me klientët e tyre.

Ekspertët e teknologjisë pohojnë se rritja e shpejtë e investimeve në teknologji nuk është shoqëruar gjithmonë me forcim proporcional të kapaciteteve teknike dhe njerëzore për mirëmbajtjen dhe sigurinë e sistemeve.

Një pjesë e projekteve digjitale janë ndërtuar me logjikë fragmentare, pa integrim të plotë dhe pa testime të mjaftueshme nën ngarkesë të lartë përdorimi.

Problemet e fundit kanë nxjerrë në pah hendekun mes investimeve financiare dhe funksionimit real të administratës publike.

Vitin e kaluar, administrata dhe e-qeverisja kanë marrë 149 miliardë lekë, rreth 1.5 miliardë euro ose rreth 18 për qind të shpenzimeve buxhetore të vitit 2025. Kjo shumë ishte 108% më e lartë se në vitin 2014./Monitor.

Në tregun e këmbimit valutor shqiptar, një dollar amerikan do të blihet sot me 82.1 lekë dhe do shitet me 83.1 lekë.

Ndërkohë monedha evropiane euro do blihet me 96.2 lekë dhe do shitet me 96.8 lekë.

Franga zvicerane sot në tregun shqiptar do blihet me 103.2 lekë dhe do shitet me 104.3 lekë.

Ndërsa paundi britanik do blihet me 110 lekë dhe do shitet me 111 lekë.

Prokuroria e Posaçme, SPAK regjistroi një procedim penal pas një kallëzimi ndaj gjyqtares Irena Gjoka, e cila akuzohet se ka fshehur nga formulari i vetëdeklarimit të pastërtisë së figurës një dënim penal të dhënë nga drejtësia greke për falsifikimin e një pasaporte dhe një vize në mesin e viteve 2000. Kallëzimi ishte depozituar në SPAK nga Adriana Kalaja.

Sipas SPAK, procedimi është regjistruar për veprën penale të parashikuar nga neni 190 i Kodit Penal, “falsifikimi i vulave, i stampave ose i formularëve”, por ende nuk është regjistruar ndonjë emër si person nën hetim.

Pas një hetimi administrativ që zgjati rreth 20 muaj, Prokuroria e Përgjithshme njoftoi të martën se i kishte dërguar zyrtarisht më datë 19 janar 2026 rezultatet e këtij verifikimi pranë KLGj-së, që është organi kompetent që duhet të interpretojë rezultatet e gjetjeve.

Këshilli i Lartë Gjyqësor, KLGJ administroi të mërkurën vendimin e Prokurorisë së Përgjithshme për rezultatet e verifikimit të thelluar të deklarimeve të kryera në formularin e vetëdeklarimit për pastërinë e figurës nga ana e gjyqtares së Gjykatës së Posaçme, Irena Gjoka.

Burime zyrtare të KLGJ-së i bënë me dije BIRN se aktet e mbërritura nga Prokuroria e Përgjithshme, do t’i vendosen në dispozicion Komisionit të Zhvillimit të Karrierës në KLGJ, që do të hartojë raportin. Ky raport do t’i kalohet më pas seancës plenare publike. KLGJ nuk bëri me dije ndonjë afat të përafërt se kur do të përfundojë kjo procedurë.

Edhe pse Prokuroria e Përgjithshme e mbajti të fshehtë rezultatin e verifikimit, një burim pranë saj i tha BIRN në kushtet e anonimatit se vendimi i gjykatës greke ndaj Gjokës ishte autentik.

Tashmë, KLGj do të duhet të shqyrtojë nëse gjetjet e prokurorisë përbëjnë kusht ndalimi për ushtrimin e funksionit publik, bazuar në ligjin nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

Akuzat ndaj Gjokës u bënë publike pasi ajo firmosi masat e sigurisë ndaj ish-kryeministrit Sali Berisha në lidhje me dosjen “Partizani”. Berisha dhe mbështetësit e tij e kanë akuzuar vazhdimisht Gjokën, duke pretenduar se ajo është në konflikt interesi dhe se ka fshehur të kaluarën e saj, përfshi dënimin penal në Greqi. KLGJ e cila shqyrton ankesat, kërkoi verifikim të rastit nga Prokuroria e Përgjithshme.

Akuzat publike sugjeronin se ajo ishte dëbuar nga Greqia për përdorim të dokumenteve të falsifikuara ose shkelje të rregullave të qëndrimit, një fakt që pretendohet se nuk është pasqyruar në formularin e dekriminalizimit nga gjyqtarja.

Gjyqtarja Gjoka e ka kaluar më herët procesin e vetingut, pasi KPK nuk gjeti probleme që do të çonin në shkarkimin e saj. Komisioneri Publik fillimisht e ankoi vendimin në Kolegjin e Posaçëm të Apelimit, por gjatë procesit ish-komisionerja Publike Irena Nino u tërhoq nga ankimi duke bërë që vendimi i konfirmimit në detyrë të mbetej në fuqi./BIRN

Dashi

Mendimet tuaja kanë tendencë të jenë të forta sot dhe mund të ndiheni në majë të botës. Megjithatë, mbani mend se ka njerëz të tjerë që ndajnë botën me ju, prandaj mos i shpërfillni ata ndërsa ecni përpara gjatë ditës. Shprehja e mendimeve tuaja nuk duhet të jetë problem, por shprehja e emocioneve tuaja mund të jetë një çështje krejtësisht tjetër.

Demi

Kuptoje se mund të jesh duke kontrolluar veprimet e të tjerëve pa e ditur fare. Kjo është një nga ato ditë në të cilat shpërthimet emocionale nuk do të mungojnë si rezultat i reagimeve të të tjerëve ndaj presionit tënd. Mos mendo sikur duhet të marrësh përgjegjësinë për veprimet e të gjithëve.

Binjakët

Bëni kujdes nga rrethanat e papritura sot. Lajmi i mirë është se qëndrimi juaj fleksibël është i përshtatshëm në mënyrë të përkryer për t’u përballur me kthesat që ka të ngjarë të ofrojë kjo ditë. Ndërsa njerëzit e tjerë mund të mërziten kur planet e tyre shkojnë keq, ju do të zbuloni se mund të lundroni lehtësisht dhe ta ktheni çdo situatë në positive.

Gaforrja

Dil nga guaska jote sot dhe përpiqu të mos jesh kaq i ftohtë. Nuk do ta gjesh kurrë rrugën e saktë që dëshiron të ndjekësh derisa të eksplorosh opsionet e ndryshme. Lajmi i mirë është se do të ndihesh mjaft i fortë emocionalisht, duke të dhënë besimin për t’u afruar njerëzve me autoritet, duke fituar kështu respektin dhe besimin e tyre në çdo projekt në të cilin je i përfshirë tani.

Luani

Mund të pyesësh veten pse të gjithë po bëhen kaq të ndjeshëm kur ti e sheh këtë si një ditë normale. Lër pak liri veprimi tek të tjerët kur mendon se ata nuk po buzëqeshin aq sa ti. Nëse do që njerëzit të të besojnë, duhet të provosh se mund ta çosh veten në të njëjtin nivel me ta. Trego një kuptim më të madh të nevojave të të tjerëve.

Virgjëresha

Do të duket sikur nuk do të mund ta nisësh ditën derisa t’ia kesh bërë të qartë dikujt se ke një problem që duhet zgjidhur. Ke më shumë forcë emocionale se zakonisht dhe do të zbulosh se është e rëndësishme ta mbash këtë ndjenjë kundër të gjitha gjasave. Njerëz të tjerë mund të përpiqen të të rrëzojnë me fjalët e tyre, por nuk do t’ia arrijnë.

Peshorja

Mos lejo që një koment i pamenduar i një personi të të prishë tërë ditën. Sa më shumë t’i thuash dikujt tjetër se e ka gabim, aq më shumë ai person do ta refuzojë këshillën tënde. Në përgjithësi, kjo është një kohë e mirë për të qëndruar thjesht larg të tjerëve.

Akrepi

Kohët e fundit mund të ndiheni pak të lodhur dhe të rraskapitur. Mos e detyroni veten të bëni gjëra kur e dini që trupi juaj ka nevojë për pushim. Mos shpërfillni mesazhet e rëndësishme që vijnë nga trupi juaj. Ngadalësoni!

Shigjetari

Mos humb kohën kot me një person që nuk do të ndryshojë mendje për diçka. Kjo është një nga ato ditë në të cilat mund të përfundosh duke humbur kohën tënde dhe të të gjithëve duke vazhduar të këmbëngulësh që gjërat të bëhen në një mënyrë të caktuar. Nëse do të bësh diçka sipas mënyrës tënde, atëherë bëje. Nëse dikush tjetër do të bëjë diçka sipas mënyrës së tij ose të saj, atëherë lëre atë person ta bëjë.

Bricjapi

Ka gjasa që dikush dëshiron dëshpërimisht të afrohet me ju. Ka gjasa të lindë një konflikt sonte nëse nuk hapeni dhe nuk e lini këtë person të afrohet pak më shumë. Mund të ndodhë që të nxitoheni të reagoni me një mendim të fortë, por kini kujdes që të mos e trembni plotësisht.

Ujori

Mund të jetë e lehtë për ty të shkosh në një festë ose të përgjigjesh në telefon kur e di se është shoku yt më i mirë që po të telefonon me lajme të mira, por ku je kur gjërat përkeqësohen, Ujor? Sigurohu që t’u tregosh mbështetjen tënde njerëzve në të gjitha situatat. Besnikëria jote ndaj të tjerëve mund të vihet në provë sot kur lind konflikt dhe nervozizmi rritet.

Peshqit

Kuptoje që gjendja jote e brendshme mendore është mjaft e dukshme për njerëzit vetëm nga shprehja e fytyrës tënde. Mos mendo se mund t’i fshehësh gjërat nga të tjerët, veçanërisht sot. Është më mirë të thuash thjesht se si ndihesh edhe nëse mendon se dikush mund të dekurajohet nga kjo.

Sipas Shërbimit Meteorologjik Ushtarak moti parashikohet me vranësira mesatare deri të dendura si dhe intervale të herëpashershme me diell.

Përgjatë ultësirës perëndimore dhe zonave bregdetare reshje shiu të herëpashershme me intensitet kryesisht të ulët. Këto reshje në periudha tepër afatshkurtra në formën e shtrëngatave.

Mjegull e dendur/mjegullinë në zonat luginore në orët e mëngjesit si dhe në momentin e reshjeve të shiut. Në zonën e Alpeve reshje dëbore me intensitet të ulët kryesisht në orët e mëngjesit dhe ato të mbrëmjes vonë.

Era do të fryjë me drejtim verilindje – juglindje, me shpejtësi mesatare 7 m/s, përgjatë vijës bregdetare dhe zonat luginore era me shpejtësi deri në 16 m/s.

Valëzimi në det do të jetë i forcës 2-4 ballë.

Bajern Mynih ka siguruar praninë në tetëshen e parë me suksesin e sotëm ndaj belgëve të Rojal Union SG.

Bavarezët u desh të pritnin deri në pjesën e dytë, kur erdhën gola të njëpasnjëshëm të Kejn, për të siguruar një fitore që i garant vendin në tetëshe, ndërsa sulmuesi anglez më pas shpërdoroi edhe një penallti.

Edhe Liverpuli ka ecur me ritëm pretendenti, duke fituar me shifrat 3-0 ndaj Marsejës në transfertë, duke marrë një nga rezultatet më të rëndësishme të mbrëmjes. Fitore siguruan edhe Njukasëll me Çelsin, por me këtë të fundit që u desh të djersinte shumë për të shënuar një herë ndaj debutuesve të Pafos.

Juventusi mundi Benfikën, por italiania tjetër, Atalanta, u mposht në shtëpi nga Atletik Bilbao në një ndeshje që u duk se e kishte në kontroll. Edhe Barcelona festoi sot, duke marrë tre pikë të rëndësishme në transfertë ndaj Slavias së Pragës.

REZULTATET 

ATALANTA-ATLETIK BILBAO 2-3
16′ Skamaka, 88′ Krstoviç / 58′ Guruzeta, 70′ Serrano, 74′ Navarro

Goli i Krstoviç (VIDEO)

Goli i Navarro (VIDEO)

Goli i Serrano (VIDEO)

Goli i Guruzeta (VIDEO)

Goli i Skamaka (VIDEO)

BAJERN MYNIH – ROJAL UNION 2-0
52′, 55′ (p) Kejn

Goli i dytë i Kejn (VIDEO)

Goli i parë i Kejn (VIDEO)

ÇELSI-PAFOS 1-0
78′ Kaisedo

Goli i Kaisedo (VIDEO)

OLIMPIK MARSEJË-LIVERPUL 0-3
45’+1′ Szoboszlai, 73′ (ag) Ruli, 90’+5′ Gakpo

Autogoli i Ruli (VIDEO)

Goli i Szoboszlai (VIDEO)

NJUKASËLL-PSV 3-0
8′ Uisa, 30′ Gordon, 65′ Barns

Goli i Barns (VIDEO)

Goli i Gordon (VIDEO)

Goli i Uisa (VIDEO)

SLAVIA PRAGË-BARCELONA 2-4

JUVENTUS-BENFIKA 2-0

Turam 55′, Mekeni 64′

81′ Benfika humbet 11-metërshin. Pavlidis humbet ekuilibrin në momentin e gjuajtjes, duke e dërguar topin jashtë kuadratit. (VIDEO) 

64′ GOOOOL JUVENTUS 2-0/ Bardhezinjtë të papërmbajtshëm, teksa realizojnë golin e dytë me Ueston Mekenin. Festë elektrizuese në Torino. (VIDEO)

55′ GOOOL JUVENTUS 1-0/ Shpërthen festa në Torino, realizon mesfushori francez Kefren Turam. (VIDEO) 

gijotina.com/

Bajern Mynih ka siguruar praninë në tetëshen e parë me suksesin e sotëm ndaj belgëve të Rojal Union SG.

Bavarezët u desh të pritnin deri në pjesën e dytë, kur erdhën gola të njëpasnjëshëm të Kejn, për të siguruar një fitore që i garant vendin në tetëshe, ndërsa sulmuesi anglez më pas shpërdoroi edhe një penallti.

Edhe Liverpuli ka ecur me ritëm pretendenti, duke fituar me shifrat 3-0 ndaj Marsejës në transfertë, duke marrë një nga rezultatet më të rëndësishme të mbrëmjes. Fitore siguruan edhe Njukasëll me Çelsin, por me këtë të fundit që u desh të djersinte shumë për të shënuar një herë ndaj debutuesve të Pafos.

Juventusi mundi Benfikën, por italiania tjetër, Atalanta, u mposht në shtëpi nga Atletik Bilbao në një ndeshje që u duk se e kishte në kontroll. Edhe Barcelona festoi sot, duke marrë tre pikë të rëndësishme në transfertë ndaj Slavias së Pragës.

REZULTATET 

ATALANTA-ATLETIK BILBAO 2-3
16′ Skamaka, 88′ Krstoviç / 58′ Guruzeta, 70′ Serrano, 74′ Navarro

Goli i Krstoviç (VIDEO)

Goli i Navarro (VIDEO)

Goli i Serrano (VIDEO)

Goli i Guruzeta (VIDEO)

Goli i Skamaka (VIDEO)

BAJERN MYNIH – ROJAL UNION 2-0
52′, 55′ (p) Kejn

Goli i dytë i Kejn (VIDEO)

Goli i parë i Kejn (VIDEO)

ÇELSI-PAFOS 1-0
78′ Kaisedo

Goli i Kaisedo (VIDEO)

OLIMPIK MARSEJË-LIVERPUL 0-3
45’+1′ Szoboszlai, 73′ (ag) Ruli, 90’+5′ Gakpo

Autogoli i Ruli (VIDEO)

Goli i Szoboszlai (VIDEO)

NJUKASËLL-PSV 3-0
8′ Uisa, 30′ Gordon, 65′ Barns

Goli i Barns (VIDEO)

Goli i Gordon (VIDEO)

Goli i Uisa (VIDEO)

SLAVIA PRAGË-BARCELONA 2-4

JUVENTUS-BENFIKA 2-0

Turam 55′, Mekeni 64′

81′ Benfika humbet 11-metërshin. Pavlidis humbet ekuilibrin në momentin e gjuajtjes, duke e dërguar topin jashtë kuadratit. (VIDEO) 

64′ GOOOOL JUVENTUS 2-0/ Bardhezinjtë të papërmbajtshëm, teksa realizojnë golin e dytë me Ueston Mekenin. Festë elektrizuese në Torino. (VIDEO)

55′ GOOOL JUVENTUS 1-0/ Shpërthen festa në Torino, realizon mesfushori francez Kefren Turam. (VIDEO) 

gijotina.com/

Kuvendi do të shqyrtojë në seancën plenare të së enjtes marrëveshjen e ratifikimit të pranimit të Republikës së Shqipërisë, të përfaqësuar nga Kryeministri Edi Rama, në Kartën e Bordit të Paqes.

Karta garanton ruajtjen e sovranitetit të shteteve anëtare, duke parashikuar se asnjë dispozitë e saj nuk i jep Bordit juridiksion brenda territorit të një shteti anëtar dhe as nuk e detyron një shtet anëtar të marrë pjesë në një mision specific ndërtimi paqeje pa pëlqimin e shprehur të shtetit.

Në kreun e parë të projektligjit, parashikohet krijimi i Bordit të Paqes si një organizatë ndërkombëtare, me misionin për të ushtruar funksione të ndërtimit të paqes, stabilitetit dhe rindërtimit në territore të prekura nga konflikti, në përputhje me të drejtën ndërkombëtare dhe dispozitat e Kartës së tij themeluese.

Kreu II parashikon anëtarësimin në Bord nga shtetet anëtare, në bazë të ftesës nga kryetari dhe njoftimit formal të pëlqimit për të qenë të lidhur nga kjo Kartë,

“Shtetet mund të përfaqësohen në Bord nga Kreu i shtetit ose Kreu i qeverisë. Karta garanton ruajtjen e sovranitetit të shteteve anëtare, duke parashikuar se asnjë dispozitë e saj nuk i jep Bordit juridiksion brenda territorit të një shteti anëtar dhe as nuk e detyron një shtet anëtar të marrë pjesë në një mision specific ndërtimi paqeje pa pëlqimin e shprehur të shtetit”, thuhet në projektligj.

Në draftin e qeverisë, thuhet se  karta përbëhet nga 13 krerë që rregullojnë krijimin dhe funksionimin e tij.

Ndërsa çdo shtet anëtar ka një mandat trevjeçar nga data e hyrjes në fuqi të Kartës, subjekt i rinovimit nga Kryetari i Bordit të Paqes.

“Ky afat trevjeçar nuk zbatohet për shtetet anëtare, të cilat kontribuojnë më shumë se një miliard dollar amerikanë (1 000 000 000 USD) në fonde monetare (“cash”) brenda vitit të parë nga hyrja në fuqi e Kartës”, thuhet në draftin ligjor të qeverisë.

gijotina.com/

Grupi parlamentar i PD-së njofton se ditën e nesërmen në orën 9:00 do të mblidhet në selinë blu, para nisjes së seancës plenare.

Rikujtojmë se mazhoranca bëri kërkesë për një seancë parlamentare ‘surpizë’ për të diskutuar aderimin e Shqipërisë për ratifikimin e marrëveshjes së pranimit të Shqipërisë, e përfaqësuar nga Edi Rama në Bordin e Paqes.

PD këtë kërkesë, tashmë të miratuar, e ka cilësuar si të paligjshme pasi pretendojnë se njoftimi për seancë duhet të ishte bërë dy ditë para zhvillimit të punimeve në Kuvend.

Sakaq, deputetët demokrat kanë rënë dakord të marrin pjesë nesër në Kuvend, me argumentin se pjesëmarrja e tyre do të jetë në mbështetje të përpjekjeve të presidentit të SHBA-ve, Donald Trump për paqen.

gijotina.com/

Kreu i qeverisë Edi Rama dhe vajza e presidentit të SHBA, Ivanka Trump janë larguar me një makinë drejt Orikumit.

Rama dhe Ivanka, kanë qëndruar prej më shumë se 40 minuta duke konsumuar kafe në një prej restoranteve në Vlorë.

Vizita u zhvillua nën masa të shtuara sigurie, ndërsa më herët në Vlorë mbërriti një tjetër delegacion, ku mendohet se ka qenë një përfaqësues i lartë i SHBA-së.

gijotina.com/

Reshjet e dendura të shiut kanë goditur Greqinë. Situata paraqitet katastrofike. Mediat greke raportojnë se një grua ka humbur jetën pasi një makinë është rrëmbyer nga rrjedha e ujit dhe është përplasur.

Gjithashtu moti i keq ka shkaktuar probleme të mëdha në të gjithë Atikën, me rrebeshët e rrëmbyeshëm që kanë shkaktuar imazhe të shkatërrimit biblik në shumë zona.

Gjithashtu zona të ndryshme janë përballur me ndërprerje të energjisë elektrike. Autoritetet kanë njoftuar bllokimin e Metrosë.

Ndërsa rruga Kypseli është e bllokuar totalisht pasi është kthyer në një rrezik për qytetarët. Shirat e rrëmbyeshëm kanë marrë para edhe automjetet duke shkaktuar një situatë kaotike.

gijotina.com/

Kryetari i Partisë demokratike Sali Berisha mbajti sot një bashkëbisedim me qytetarët në njësinë nr.2 Tiranë.

Gjatë bashkëbisedimit një qytetar i tha Berishës se ka ardhur koha të ndalojnë denoncimet lart e poshtë sepse sipas tij tashmë dihet mirë se kush janë hajdutërit dhe kërkoi ndryshim konkret nga PD për të fituar elektoratin që nuk e voton.

“Që PD të fitojë mbështetjen e popullit ka vetëm një ka vetëm disa rrugë të qarta. Kam dëgjuar disa foltore doktor dhe nuk më kanë pëlqyer sepse nuk duhet të vendosim gishtin te Rama apo Balluku, por të tregojmë se çfarë do bëjmë ndryshe sepse kështu i mbushet mendja asaj pjesës tjetër që nuk na voton. Janë hajdutër mjafton një herë t’ua themi një herë. Na mungon uji, energjia, ilaçet etj., por kemi 30 vite që i dëgjojmë, kur kemi dalë në 90’ kishim shumë shpresa, dhe këto shpresa i përdhosi si PD, PS dhe i gjithë rangu politik. Asnjë nuk punon për interes kombëtar, por për të pasuaruar veten dhe të gjitha ithtarët që i rrinë pas. Më falni për kritikën, por dua të jem i sinqertë sot”, tha qytetari.

Më tej ai i tha kryedemokratit se nëse vjen në pushtet duhet të kontrollojë pasurinë e të gjithë politikanëve shqiptar dhe t’iu ngrihen asete që kanë vjedhur nga populli.

“Unë kërkoj që pas ardhjes së saj në pushtet nëse ndodh, PD të kërkojë shqyrtimin e pasurisë së politikanëve nga cila anë të jetë sepse vetëm kështu krijojmë besim te populli, ku prospetriteti të jetë mes nesh. Sot nuk mund të tregoni sot nga PS, është e saktë kjo që bëni, por nuk keni aftësi juridike të denonconi sepse i gjithë sistemi gjyqësor është i kapur, është e kotë, ju denonconi lart e poshtë gjëra që dihen qartë, nëse prokuroria nuk punon ndaj atyre që shkelin ligjin, por merret se i kujt partie është, s’ka vlerë. Për të gjitha këta që denonconi ju është shume e thjeshtë, kur të vini në pushtet, bëhet një ligj për të analizuar nga kanë ardhur këto para, të ngrihen dhe t’iu kthehen atyre që iu janë marrë, premtojani popullit këtë. Ka nevojë populli për qaje serioze ndoshta s’do keni sukses”, u shpreh demokrati.

Një prej tyre i tha Berishës se PD nuk përfaqësohet nga figura të cilët kanë marrë vota, si Ilir Alimehmeti, i cili edhe pse ishte ndër më të votuarit, nuk u fut në Parlament.

“Politika së pari është përfaqësimi i interesave të grupeve të ndryshme shoqërore dhe kjo bëhet duke kandiduar njerëzit që i përfaqësuar këto interesa. Shoh  me kënaqësi, në panel është zonja Tabaku, që u bë deputete falë votave personale në listën e hapur. Në PD ka edhe shumë njerëz të tjerë të aftë, që për mendimin tim, nuk janë vlerësuar mjaftueshëm. Keni zotin Alimehmeti, kni zotin Bardh Spahia, që vjen nga një familje e nderuar. E vetmja mënyrë që të rrimë të bashkuar, është duke vlerësuar këto figura që kanë arritur të fitojnë falë forcave të tyre.”, theksoi ai.

Ndërkaq, një tjetër demokrat i vuri në dukje Berishës se me fjalimet që ai mban, kryeministri Edi Rama tallet. Demokrati i kërkoi Berishës të bëjnë greva.

Për grevat që do bëjmë në datën 24 dhe të ardhmen, duhet një qëndresë. T’i vëmë kokën muhabetit, sa do rrimë, të ndërrohemi. Jo të ikim, të mbajmë fjalim dhe të ikim. Ai ashtu tallen me. Deputetët të shpërndahen, çfarë duhet këtu. Këtu kemi të nevojshëm vetëm Sali Berishën. E vumë një Lul Basha atje, liderin ta vëmë vetë, jo ta caktojmë me gisht. “, u shpreh ai.

Berisha tha se Rama nuk meriton të jetë në qeveri pasi fitoi nga një farse zgjedhore e faktuar, ndaj sipas tij, më 24 janar të gjthë opozitarët duhet të jenë në shesh.

Një qeveri e cila bazohet në rryshfetin më të tmerrshëm publik, që jep vetëm dy ditë para zgjedhjeve 2 miliardë euro gjoba dhe kamata për 200 mijë familje, ajo as dy minuta nuk meriton të qëndrojë në pushtet dhe është e paligjshme”, tha Berisha.

Kreu i PD, tha se demokratët kanë fituar çdo betejë në rrugën që besojnë. Në kryengritje paqësore. Në qëndresë paqësore.

“Dhe kësaj here kjo kërkohet nga ne. Kësaj here kërkohet, kërkohet që ne të betuar, të mos lëshojmë sheshin gjer në realizimin e qëllimit tonë”, tha Berisha.

Pjesë nga fjala e Berishës

Sali Berisha: Gjithçka sot varet vetëm nga ne. Do të pranojmë ne këto veprime? Do të pranojmë ne që Edi Rama të jetë edhe kryeministër hajdut, edhe gjykatës, edhe prokuror? Do pranojmë ne që Edi Rama të tmerrojë, të shtrojë zgjedhjet në farsë?
Do pranojmë ne që të shkojmë përsëri në zgjedhje me Edi Ramën në zgjedhje? Jo. Prandaj dhe kjo është prova e fundit. Kilometri i fundit. Është misioni më i madh që kemi patur ndonjëherë që kur jemi krijuar gjer sot. Ja u them unë ju. Ne, ne kemi dy alternativa. Ose të rrëmbejmë armët dhe t’i përzëmë, por ne nuk jemi kjo parti. Jo. Ne
jemi parti e parimeve demokratike. Dhe kemi qenë, jemi themeluar të tillë. Dhe kjo ka qenë mrekullia jonë. Ja u them unë, në qoftë se kjo parti ka bërë, ka patur, ka bërë një mrekulli në ekzistencën e saj është se ajo edhe kur u përdor dhuna kundër saj, se kur u përdor dhuna kundër saj, ajo nuk përdori kurrë dhunën.
Nuk jemi ne. Por ne kemi fituar çdo betejë në rrugën që besojmë. Në kryengritje paqësore. Në qëndresë paqësore. Dhe kësaj here kjo kërkohet nga ne. Kësaj here kërkohet, kërkohet që ne të betuar, të mos lëshojmë sheshin gjer në realizimin e qëllimit tonë.
Vetëm njerëzit, të cilët i besojnë të vërtetës, e kanë të qartë të vërtetën, janë të vendosur për të sakrifikojnë për të, fitojnë, s’humbasin kurrë. Edhe ne tani të vërtetën e kemi përpara, e kemi të qartë, dimë gjithçka për të, jemi më të motivuar se kurrë ta mbrojmë atë.
Ndaj dhe me 24 janar të gjithë qytetarët e Tiranës dhe të Shqipërisë në Tiranë.
Të betuar që ne betejën tonë s’do e ndërpresim gjer ditën e largimit të Edi Ramës dhe ju garantoj se nuk ka forcë, nuk ka forcë në botë që atë ta mbajë në pushtet para guximit tuaj, energjisë suaj. Rrofshi ju, rroftë Tirana, rroftë Shqipëria.

gijotina.com/

Një aksident i frikshem rrugor ka ndodhur mbrëmjen e sotme në aksin Lezhë–Ishull Lezhë, pranë lagjes SMT. Një automjet tip Benz ka humbur kontrollin dhe është përplasur me një shtyllë ndriçimi, për t’u përmbysur më pas në mes të rrugës.

Fatmirësisht, drejtuesi i mjetit ka shpëtuar pa pësuar lëndime dhe ndodhet jashtë rrezikut për jetën. Në vendngjarje ka mbërritur policia, e cila ka nisur hetimet për të sqaruar shkaqet dhe rrethanat e aksidentit.

gijotina.com/