Në Zvicër po zhvillohet një debat i gjerë mbi të ardhmen e parasë fizike. Më 8 mars, qytetarët do të votojnë nëse do të miratojnë një reformë kushtetuese që synon të garantojë me ligj disponueshmërinë e parasë cash në vend. Nisma, e titulluar “Po për një monedhë zvicerane të pavarur dhe të lirë me monedha ose kartëmonedha”, është promovuar nga Movimento svizzero per la libertà, një lëvizje që u bë e njohur gjatë pandemisë së COVID-19 për qëndrimet e saj kundër vaksinimit. Qëllimi i propozimit është të shmangë zhdukjen graduale të parasë fizike, në një kohë kur pagesat elektronike po fitojnë terren. Përveç kartave bankare, në vend përdoret gjerësisht edhe aplikacioni Twint, i cili mundëson pagesa përmes kodit QR direkt nga telefoni celular. Sipas një sondazhi të publikuar nga Bankës Kombëtare Zvicerane, 95% e popullsisë vazhdon të përdorë para cash. Në qarkullim ndodhen mesatarisht rreth 73 miliardë franga zvicerane. Megjithatë, 70% e pagesave kryhen tashmë përmes mjeteve elektronike. Ndërkohë, më shumë se gjysma e qytetarëve do të donin të hiqeshin nga përdorimi monedhat 5 centëshe, të cilat konsiderohen të bezdisshme. Në qytetin e Lugano, autoritetet lejojnë edhe pagesën e taksave me kriptovaluta, duke reflektuar hapjen ndaj teknologjive të reja financiare. Mbështetësit e nismës argumentojnë se paraja fizike mbetet e domosdoshme, sidomos në rastet e sulmeve kibernetike ndaj bankave apo reduktimit të bankomateve dhe sporteleve bankare për arsye kursimi. Sipas tyre, frangu zviceran konsiderohet një aset i sigurt, krahas arit dhe pasurive të paluajtshme. Lëvizja kërkon gjithashtu që çdo kalim i mundshëm në një monedhë tjetër, edhe pse aktualisht i largët, të miratohet vetëm përmes referendumit popullor. #voxnews #news #media

150 views

Shefja e stafit të Presidentit Donald Trump, Susie Wiles, reagoi pas një shkrimi të Daily Mail që theksonte se Richard Grenell ishte larguar nga rrethi i ngushtë i Trump pikërisht për shkak të një përplasjeje me “Zonjën e Akullt”. Susie Wiles ka telefonuar redaksinë e medias britanike dhe mohoi se kishte pasur ndonjë debat me Grenell gjatë Konventës Kombëtare Republikane, ndërsa ka theksuar se ai nuk është miku i saj. “Ai nuk është miku im më i mirë”, tha Wiles gjatë një telefonate të premten. “Ne nuk jemi të afërt, dhe ideja që kemi pasur ndonjë sherr, nuk e di… dhe nuk mendoj se ai ndihet kështu për mua.” “Nuk mund të them që kurrë nuk jam përlotur, por kjo ndodh rrallë dhe kurrë për shkak të tij. Ky debat thjesht nuk ka ndodhur“, tha ajo. Daily Mail përmendte një episod që, sipas burimeve pranë Shtëpisë së Bardhë, ndikoi negativisht në pozicionin Grenell, ku u përplas me shefen e stafit, Susie Wiles, gjatë Konventës Kombëtare Republikane. Pretendohej se një debat për kohën e fjalimit të tij u përshkallëzua në tone të ashpra dhe mesazhe fyese, çka më pas ndikoi në mosangazhimin e tij në poste të nivelit të lartë në mandatin e dytë të Trump. Grenell e ka mohuar këtë përplasje dhe ka deklaruar se ruan marrëdhënie miqësore me Wiles. #voxnews #news #media

4457 views

Një firmë dy herë e përjashtuar për abuzime të rënda me tenderat po kthehet fuqishëm në “lojë”, në tentativa për të fituar sërish procedura të majme. Lobimet e oligarkëve të shëndetësisë ka sjellë që drejtësia t’i heqë një nga dy masat ndëshkuese kompanisë MSE, e kapur “gafil” duke mashtruar me dokumentet në të paktën dy procedura, një në Tiranë dhe një në Shkodër. Pak ditë më parë, Vox News publikoi dokumente se kjo kompani, dikur në pronësi me letra e Arbër Teqjas, ka hequr një nga dy pezullimet, me një vendim tepër të dyshimtë të Gjykatës Administrative. Një mesazh i qartë se shumë shpejt për çdokënd, teksa me këto vendime po vihen në “lojë” jo vetëm institucionet që bëjnë tendera, por edhe ato ligjzbatuese. Nëse ke mashtruar me dokumente, a nuk ka vepër penale? Përse nuk hetohen këto shkelje, por vetëm futen në kalvarin e procesit administrativ, me vendime dhe kundërvendime? Një skenar i qartë se pas kësaj kompanie ka njerëz tepër të fuqishëm, me lidhje deri në kupolën qeverisëse. Duket se pikërisht këto lobime po fusin sërish në “treg” një kompani që ka mashtruar dhe duhet të hetohej nga këto organe. Vox News ka raportuar edhe më herët se kompania në fjalë, që ka kaluar në disa duar dhe emra, prestanome të oligarkëve të rëndësishëm, është përjashtuar pikërisht për mashtrimet në tenderat e mirëmbajtjes së pajisjeve mjekësore. Normalisht, mashtrimi krahas dëmit ekonomik ka shkaktuar edhe një dëm të pazëvendësueshëm në mirëmbajtje, ndoshta edhe me kosto ndaj pacientëve. Por, askush nuk i verifikon mjaftueshëm këto probleme, duke e agravuar situatën. Ndërkohë që koha ecën, e njëjta firmë mashtruese, MSE-ja po synon sërish një tender të majmë në të njëjtën fushë. Ditët e fundit, Vox News ka mësuar se Qendra Spitalore Universitare do të hapë tenderin e mirëmbajtjeve të pajisjeve mjekësore, me një vlerë tepër të lartë. Në regjistrin e parashikimeve është publikuar procedura e prokurimit “shërbim mirëmbajtje të pajisjeve të rënda mjekësore prodhues Philips \ Siemens ose ekuivalent”. Fondi limit është 230 milionë lekë, ose mbi 2,3 milionë euro, teksa bëhet fjalë për pajisje mjekësore. Më shumë sesa, procedura e hapur e pritshme, ajo që vjen “erë” në këtë tender është se dyshohet se do të shkojë në favor të kompanisë MSE. Redaksia jonë ka mësuar se, pikërisht lobimet apo tentativat për t’i hequr dy pezullimet, po bëhen pikërisht që firma të fitojë këtë tender të majmë. Në muajin shkurt 2026, Agjencia e Prokurimit Pubik, ka nxjerrë një njoftim të ri për vendimin e datës 13 shkurt 2025, që vendosi të përjashtojë me 12 muaj kompaninë MSE nga e drejta për të fituar kontrata publike. “Kundër këtij vendimi, shoqëria ‘MSE’ shpk, i është drejtuar Gjykatës Administrative të Shkallës së Parë, Tiranë, ku ndër të tjera ka kërkuar shfuqizimin e aktit administrativ të 13 shkurtit të APP-së, si dhe dhënien e vendimit me ekzekutim të përkohshëm. Gjykata në dhjetor 2025 ka vendosur pranimin e kërkesës për sigurimin e padisë, si dhe pezullimin vendimit të APP-së, deri në përfundim të themelit të gjykimit me vendim të formës së prerë”, thuhet në dokument. Më pas, citohet se APP ka vijuar duke proceduar me heqjen e emrit të këtij operatori ekonomik nga lista e operatorëve ekonomikë të përjashtuar nga e drejta për të fituar kontrata publike. Ky vendim qëndron në fuqi deri në marrjen e një vendimi përfundimtar. #voxnews #news #media

2885 views

Tezja e Senaldos shpjegon videon virale duke i dhënë makinës: Është e vërtetë, por... #voxnews #news #media

29.7K views

Sekretari amerikan i Shtetit, Marco Rubio, ka anuluar në minutën e fundit pjesëmarrjen në një takim kyç me liderët evropianë për Ukrainën gjatë Konferencës së Sigurisë në Mynih, duke e justifikuar vendimin me konflikte në agjendë. Sipas Financial Times, zyrtarë evropianë e kanë parë këtë lëvizje si një sinjal se Washingtoni mund të jetë duke humbur interesin për koordinim të ngushtë me aleatët lidhur me përfundimin e luftës në Ukrainë. Një zyrtar i Bashkimit Evropian e cilësoi vendimin si “të çmendur”, ndërsa një tjetër tha se takimi humbi peshë dhe substancë pa pjesëmarrjen e Shteteve të Bashkuara. Anulimi vjen në një moment kur vendet evropiane po kërkojnë një rol më të qartë dhe më të koordinuar me SHBA-të për çështjet e sigurisë dhe për negociatat e mundshme për paqen në Ukrainë. Nga ana tjetër, presidenti francez Emmanuel Macron nxiti liderët evropianë që të riafirmojnë pozicionin e Evropës në arenën globale, duke bërë aludime të qarta mbi politikën tregtare dhe të jashtme të Shteteve të Bashkuara ndaj kontinentit. Macron u shpreh qartësisht se BE duhet të marrë vetë frenat e lojës në dorë dhe jo të presë më nga partnerët përtej oqeanit. “Nëse duam të na merren seriozisht në kontinentin evropian dhe më gjerë, duhet t’i tregojmë botës angazhimin tonë të palëkundur për të mbrojtur interesat tona. Kjo fillon, natyrisht, me vazhdimin e mbështetjes për Ukrainën, por mund të vijojë edhe me heqjen e tarifave të pabazuara dhe refuzimin e sjellshëm të pretendimeve të padrejta mbi territoret evropiane. Kjo është ajo që kemi bërë dhe kjo është ajo që do të vazhdojmë të bëjmë”. Deklarata duket të jetë një përgjigje ndaj kërcënimeve të tarifave nga Shtetet e Bashkuara dhe planeve të presidentit amerikan Donald Trump për Groenlandën. Presidenti francez gjithashtu nënvizoi rëndësinë e projekteve të përbashkëta të mbrojtjes dhe sigurisë, duke paralajmëruar se zgjidhjet kombëtare apo favorizimi i ofruesve kombëtarë mund të çojnë në “humbje kohe dhe para” dhe do të ishte “një gabim i madh”. Ai theksoi rëndësinë e mekanizmit SAFE (Strategic Autonomy Fund for Europe) për të mbështetur zhvillimin e industrive të mbrojtjes evropiane: “Këto janë para evropiane, dhe do të përdoren për zgjidhje dhe programe evropiane”. Me këtë fjalim, Macron riafirmoi synimin për një Evropë më të pavarur dhe të bashkuar në politikën e jashtme dhe mbrojtjen, duke theksuar që vendimet strategjike duhet të merren brenda kontinentit, dhe jo të varen ekskluzivisht nga aleatët jashtë tij. #voxnews #news #media

10.1K views

Presidenti i Serbisë, Aleksandar Vuçiç, ka deklaruar para mediave në Mynih se është shumë i shqetësuar për aleancën mes Kroacisë, Kosovës dhe Shqipërisë. Duke folur para gazetarëve në margjinat e Konferencës së Sigurisë në Munih, Vuçiç theksoi se ende po pret përgjigje në pyetjen se pse po krijohet një aleancë ushtarake mes Prishtinës, Tiranës dhe Zagrebit. Ai paralajmëroi se kjo është arsyeja pse Serbia do të investojë më shumë në mbrojtje. “Me formimin e një aleance ushtarake të Kroacisë me Prishtinën dhe Tiranën, ne jemi seriozisht të rrezikuar dhe do të merremi me këtë çështje me shumë seriozitet. Së shpejti do të marr pjesë në kolegjiumin e Shtabit të Përgjithshëm dhe të Ministrisë së Mbrojtjes [të Serbisë] dhe do të vizitoj të gjitha fabrikat e industrisë ushtarake. Do të investojmë një shumë të madhe shtesë të parave në fabrikat e industrisë ushtarake”, tha Vuçiç, duke shtuar se nga tani e tutje “30, ndoshta deri në 40 për qind” e prodhimit ushtarak do të destinohet drejtpërdrejt për Serbinë. Në mars të vitit të kaluar, Kosova, Shqipëria dhe Kroacia nënshkruan një deklaratë bashkëpunimi në fushën e sigurisë dhe mbrojtjes. Në paktin mbrojtës thuhet se tri shtetet do të bashkëpunojnë për rritjen e sigurisë dhe stabilitetit në Evropën Juglindore. Ministrat e mbrojtjes të tri vendeve mbajtën një takim më herët gjatë muajit shkurt, ku diskutuan për zbatimin e kësaj deklarate. Ndërkaq, pas një takimi mes gjeneralëve të ushtrive të tri shteteve të mbajtur më 11 shkurt u tha se Kosova, Shqipëria dhe Kroacia do të zhvillojnë stërvitjen e parë të përbashkët gjatë këtij viti. Këtë deklaratë për bashkëpunim në fushën e mbrojtjes, Vuçiq e ka përshkruar si “një aleancë ushtarake dhe sulmuese kundër serbëve dhe Serbisë”. Vuçiç po merr pjesë në Konferencën e Sigurisë në Munih, e cila është një nga mbledhjet më të rëndësishme ndërkombëtare gjeopolitike të vitit. Në konferencë marrin pjesë qindra udhëheqës dhe politikanë nga e gjithë bota, në mesin e tyre edhe kryeministri i Kosovës, Albin Kurti. Fokus i konferencës së këtij viti është e ardhmja e aleancës transatlantike dhe përpjekjet për t’i dhënë fund luftës së Rusisë kundër Ukrainës. #voxnews #news #media #serbia

5443 views

Me fakte/ Avokati i Thaçit demaskon spiunin serb, të maskuar si gazetar të Tanjug #voxnews #news #media Copyright: Informacioni KTU

24.6K views

Me punimet e nisura gjatë verës GJKKO është ristrukturuar me salla të reja, përshtatur me stilin amerikan, bazuar nga Gjykata e Kolorados dhe stilit në New York. Që prej 15 shtatorit në Gjykatën e Posaçme për Korrupsionin dhe Krimin e Organizuar çështjet gjykohen në salla të modernizuara, ndërsa tashmë është faza e kompletimit të mobilimit. Në Agjencinë e Prokurimeve është hapur tenderi mbi kufirin e lartë monetar për mobilimin e 4 sallave gjyqi të GJKKO-së me fond limit deri në gati 300 mijë euro (konkretisht 299,688 euro), procedurë e cila mbyllet më 16 shkurt. Në tender janë të përcaktuara specifikimet teknike ku kërkohet që ofertuesi të zbatojë marrëveshjen e punimeve brenda dy muajve. Bazuar në një projekt arkitektonik të arkitektes Rajmonda Mydinllari është menduar që veshja e mureve të mos jetë me suvatim por me material dru lisi masiv kryesisht deri në tavan dhe lyerja e paneleve drusor të ketë shkëlqim 30%. Edhe montimi është i përshkruar në detaje se si duhet të jetë, ku kërkohet perfeksion në puthitjen e paneleve me njëri tjetrin. Parketi duhet të shtrohet me moket mbi parket laminat, ku shfaqen disa modele ngjyrash. Ngjyrat e moketit duhet të jenë neutrale ose të errëta dhe të kenë dizajn që ndihmon në maskimin e njollave. Koncepti i modernizimit të sallave e konsideron me rëndësi që moketi të jetë i klasës më të lartë, elegant dhe uniform si dhe të ruajë formën pas ngarkesave të vazhdueshme, me qëndrueshmëri për përdorim në ambiente publike shumë të aksesuara. Qartësisht kriteret specifikojnë të përdoret po ashtu material dru lisi, konkretisht lis natyral europian, për strukturat e tavolinave të gjykatësve, prokurorëve, avokatëve, nëpunësve, gjithashtu edhe për karriget apo podiumin e folësve. Punimi do të jetë me gdhëndje siç propozohet në tenderat e projektit, të siguruar nga Top Channel. Ndryshim do të pësojnë edhe dhomat e këshillimit sipas këtyre pamjeve. Sallat e gjyqit me rimobilimin specifikojnë që materiali drusor nuk duhet të ketë shenja biodegradim apo plasaritje si dhe të jetë rezistent ndaj lagështirës./TCH #voxnews #news #media

2840 views

Rrëshqitja masive e dherave nga kodra ka shkaktuar bllokimin e gjysmës së karrexhatës në aksin kombëtar Burrel-Rrëshen. Rruga në një pjesë të mirë të gjatësisë është mbuluar nga balta, duke shkaktuar vështirësi në qarkullimin e automjeteve, për shkak të rrëshqitshmërisë së lartë. Veç rrëshqitjes së kodrës aksi Burrel – Rrëshen ka gropa të shumta, kryesisht pranë Urës së Urakës, të cilat herë pas here mbushen me çakëll nga firma “Udha sh.p.k” që ka përgjegjësinë për mirëmbajtjen e saj, duke mënjanuar investimet serioze. Për rrjedhojë, udhëtarët i bëjnë thirrje Autoritetit Rrugor Shqiptar të marrë masa për rikonstruksionin e rrugës. Aksi Burrel-Rrëshen mbetet ndër akset kryesore në veri të vendit, pasi shërben për të lidhur qarkun e Dibrës me atë të Lezhës./BW #voxnews #news #media

1489 views

Arditi debaton me Kristin: Ti çfarë ke me mua #voxnews #news #media #bigbrothervipalbania

12.3K views

Një situatë e paprecedentë ka ndodhur mbrëmjen e kësaj të enjteje, në emisionin “Opinion” ku po diskutohej gjykimin ndaj ish-krerëve të UÇK-së në Hagë. Kjo temë çoi në një përplasje fizike mes dy të ftuarve, shkrimtarit Albatros Rexhaj dhe analistit Berat Buzhala. Fillimisht replikat mes tyre kanë qenë verbale pasi Buzhala e akuzoi Rexhajn se kishte shkuar në studio “për të prishur debatin”, ndërsa ky i fundit e konsideroi një njeri që vetëm kritikonte Albin Kurtin. Në një moment Buzhala ka marrë shishen e ujit dhe është ngritur nga karrigia duke e shtyrë Rexhajn që ishte u uluar. Për më shumë klikoni ne STORY👆🏻 #voxnews #media #news @voxnews.al

47 views

Një situatë e paprecedentë ka ndodhur mbrëmjen e kësaj të enjteje, në emisionin “Opinion” ku po diskutohej gjykimin ndaj ish-krerëve të UÇK-së në Hagë. Kjo temë çoi në një përplasje fizike mes dy të ftuarve, shkrimtarit Albatros Rexhaj dhe analistit Berat Buzhala. Fillimisht replikat mes tyre kanë qenë verbale pasi Buzhala e akuzoi Rexhajn se kishte shkuar në studio “për të prishur debatin”, ndërsa ky i fundit e konsideroi një njeri që vetëm kritikonte Albin Kurtin. Në një moment Buzhala ka marrë shishen e ujit dhe është ngritur nga karrigia duke e shtyrë Rexhajn që ishte u uluar. Për më shumë klikoni ne STORY👆🏻 #voxnews #media #news @voxnews.al

56 views

Mario Çela, vëllai i Suel Çelës i cili u arrestua në nëntor të vitit 2024 nga autoritetet belge, pritet të mbërrijë sonte në Tiranë nga Belgjika. Ai është vëllai i Suel Çelës, i cili vijon të jetë person i shpallur në kërkim nga drejtësia shqiptare. Sipas SPAK, Suel Çela, është identifikuar si drejtuesi i një organizate, përgjegjës për menaxhimin dhe koordinimin e aktiviteteve kriminale, përfshirë vrasjet, trafikimin ndërkombëtar të drogës, kryerjen e veprimeve korruptive dhe organizimin e skemave të pastrimit të parave. Ndërkohë disa nga anëtarët me role kyçe ishin pjesë operative e organizatës, të angazhuar në planifikimin dhe ekzekutimin e veprave të rënda penale, përfshirë vrasje me paramendim dhe trafikun e narkotikëve. Nga hetimet, SPAK ka dokumentuar se kjo organizatë ka tentuar të trafikojë sasi të mëdha kokainë nga Amerikan Latine drejt Evropës. Sipas SPAK, ka patur tentativa për trafikimin e afërsisht 930 kg të lëndës narkotike, lloji kokainë nga Ekuadori në Europë, në dhjetor 2020. Po ashtu, është tentuar trafikimin e 466 kilogramë të lëndës narkotike, lloji kokainë nga Ekuadori në Holandë, në janar 2021. Me mbërritjen në Shqipëri, Mario Çela pritet të përballet me procedurat ligjore për akuzat që rëndojnë ndaj tij në kuadër të këtij hetimi. Për më shumë klikoni ne STORY👆🏻 #voxnews #media #news @voxnews.al

40K views

Kuvendi i Kosovës ka sot votuar një rezolutë në mbështetje të krerëve të UÇK-së që po gjykohen në Hagë. Rezoluta e iniciuar nga PDK mori 90 vota pro, 1 kundër dhe asnjë abstenim. Kundër rezolutës votoi vetëm deputeti i LVV-së, Fatos Geci. Lista Serbe nuk ishte e pranishme në sallë. Lidhja Demokratike e Kosovës ishte pro rezolutës, por kërkoi që të futet edhe një pikë për dhënien e drejtësisë për vrasjet politike. Ishte shefja e Grupit Parlamentar të LDK-së, Jehona Lushaku që bëri kërkesën. Për më shumë klikoni ne STORY👆🏻 #voxnews #media #news @voxnews.al

14.8K views

Ligjvënësit e Kosovës, në seancën e parë të legjislaturës së X-të të Kuvendit, kanë miratuar një rezolutë e cila kërkon angazhim dhe respektim të ligjit dhe të drejtës ndërkombëtare nga Dhomat e Specializuara të Kosovës në Hagë dhe Zyra e Prokurorit të Specializuar. Rezoluta u miratua me 90 vota për, një kundër dhe asnjë abstenim. Lidhja Demokratike e Kosovës nuk mori pjesë në votim, pasi kishte propozuar më parë një pikë shtesë që të përfshihej në rezolutë, por kërkesa e tyre nuk u pranua, duke u respektuar versioni paraprakisht i dakorduar i dokumentit. Për më shumë klikoni ne STORY👆🏻 #voxnews #media #news @voxnews.al

4630 views

Kreu i Lëvizjes Bashkë, Arlind Qori, reagoi të enjten ndaj dhunës së shfaqur gjatë protestës së Sali Berishës, duke e konsideruar atë një shenjë të dobësisë së Partisë Demokratike. “E vetmja dhunë autentike lind nga protestat spontane të popullit. Por kur një parti inskenon dhunë, kjo është e papranueshme dhe tregon impotencë. Dhuna përdoret për të fshehur pafuqinë, mungesën e besueshmërisë dhe popullaritetit,” tha Qori në një intervistë për emisionin Studio Live në Report TV. Ai kritikoi edhe qasjen e disa partive, si ajo e Agron Shehajt, të cilat sipas tij ndryshojnë qëndrime nga dita në natë ndaj Berishës. Qori përjashtoi mundësinë e një bashkimi me parti të tjera, duke kundërshtuar “telenovelizimin e politikës” dhe theksuar se shpëtimi nuk vjen nga pazaret mes politikanëve. Ai gjithashtu nuk mbështet idenë e një qeverie teknike, siç kërkohet nga Berisha, por favorizon zgjedhje të parakohshme. Për më shumë klikoni ne STORY👆🏻 #voxnews #media #news @voxnews.al

24 views

Përplasje e fortë në shtëpi: Ofendime mes Gimbos dhe Rogertit @voxnewsalbania

1355 views

Në vitin 2016, shtëpia franceze e modës luksoze Hermès vendosi të tërhiqte nga shitja një artikull që e kishte dhuruar në një ankand bamirësie, pasi dukej se ishte blerë nga Jeffrey Epstein. Në një email të bërë publik në këtë muaj në dosjet e Epstein, asistenti i Epstein thotë se dikush në platformën e ankandit u kishte thënë atyre se Hermès “nuk ndihej rehat” me Epstein si dhurues dhe se atij do t’i rimbursoheshin paratë. Është një kujtesë se institucionet – dhe njerëzit në krye të tyre – munden, kur të dëshirojnë, të njohin ende një vijë që nuk do ta kalojnë. Asnjë predikim, asnjë njoftim për shtyp: vetëm një akt i qetë i mirëmbajtjes morale që tani lexohet si një mësim mbi higjienën themelore qytetare. Për më shumë klikoni ne STORY👆🏻 #voxnews #media #news @voxnews.al

1176 views

Një tjetër sinjal shqetësues për Donald Trump, në pritje të zgjedhjeve të mesmandatit në nëntorin e ardhshëm. Këtë herë, përplasja vjen nga Dhoma e Përfaqësuesve në SHBA, e cila ka sfiduar hapur presidentin: gjashtë deputetë republikanë iu bashkuan demokratëve dhe miratuan bllokimin e tarifave (taksave doganore) ndaj Kanadasë. Votat në favor të ndalimit të tarifave të reja ishin 219, ndërsa 211 votuan kundër. Kjo është një goditje e fortë për presidentin, pasi shumica e tij u mund në votim. Kjo tregon se mbështetja ndaj Trump po dobësohet jo vetëm tek votuesit, por edhe brenda vetë Partisë Republikane. Deputetët po reflektojnë pakënaqësinë e elektoratit, e cila është treguar edhe nga disa sondazhe, si Gallup, “approval tracker” i revistës Economist, Reuters/Ipsos dhe Real Clear Politics. Të gjitha këto tregojnë një rënie, pak a shumë të theksuar, të mbështetjes për punën e Shtëpisë së Bardhë. Menjëherë pas votimit, Trump deklaroi se deputetët republikanë që kundërshtojnë politikat e tij për tarifat “do të përballen me pasoja në zgjedhje”, edhe tek “primaret”. Për më shumë klikoni ne STORY👆🏻 #voxnews #media #news @voxnews.al

1887 views

Kuvendi i Kosovës ka votuar për formimin e qeverisë Kurti 3, me 66 vota pro, 49 kundër dhe asnjë abstenim. Më herët Albin Kurti prezantoi emrat e kabinetit të ri ku gjithsej do të jenë 19 ministri, 4 më shumë se në mandatin e kaluar. Pas miratimit me 66 vota pro, ministrat e rinj të qeverisë së Kosovës kanë bërë betimin para Kuvendit. Pas kësaj, kryeparlamentarja e emëruar sot Albulena Haxhiu e konsideroi seancën e jashtëzakonshme të mbyllur. Ish-kreu i Kuvendit Glauk Konjufca do të jetë zv.kryeministër i parë dhe ministër i Jashtëm dhe Diasporës. Kurti ka premtuar se në katër vitet e ardhshme të qeverisjes së tij do të investojnë 1 miliard euro në mbrojtje. “Në katër vitet e ardhshme do të forcojmë aleancat, do të investojmë 1 miliard euro në mbrojtje, do të rekrutojmë ushtarë të rinj, do të shumëfishojmë numrin e oficerëve, do ta funksionalizojmë fabrikën e municionit, do ta zhvillojmë industrinë ushtarake të Kosovës dhe do të prodhojmë dronët luftarakë Made in Kosova”, ka premtuar Kurti. Për më shumë klikoni ne STORY👆🏻 #voxnews #media #news @voxnews.al

95 views