"Ju lutem, edhe një herë", Prefektja e Shkodrës ngatërrohet me urimin për Krishtlindje, gazetarët: Je live! Ditën e sotme të gjithë zyrtarët qendror dhe lokal kanë zgjedhur kishat e qytetit të tyre për të uruar besimtarët për Krishtlindjen dhe kanë përcjellë edhe një mesazh për mediat për të gjithë qytetarët. Për prefekten e Shkodrës, Holta Duda deklarata për gazetarët nuk ka shkuar ashtu siç ajo e priste pasi u bë lëmsh dhe kërkoi që fjala e saj të pritej. Por u zhgënjye kur gazetarët i thanë se është live. @voxnewsalbania

410 views

Është zbardhur dëshmia e vartëses së Belinda Ballukut, Mirzeta Kashnica në SPAK, e cila është shprehur para prokurorëve të posaçëm se është detyruar nga ish-kreu i ARRSH Evis Berberi, që të firmosë për tenderin për ndërtim e tunelit të Llogarasë. Mirzeta Kashnica është shprehur në SPAK se tek procedura e parë e prokurimit për ndërtimin e tunelit të Llogarasë, e cila është anuluar, në vlerësimin e saj si anëtare e Komisionit të Vlerësimit të Ofertave, operatori ekonomik “Gjoka Konstruksion”sh.p.k, i përmbushte kriteret dhe duhej të ishte shpallur fitues. Ajo deklaron se këtë qëndrim ia ka derguar me email anëtarëve të tjerë të Komisionit të Vlerësimit të Ofertave dhe për dijeni ia ka dërguar edhe Sekretares së Përgjithshme të Ministrisë. Por, menjëherë sapo e ka dërguar këtë email, pa u mbyllur akoma vlerësimi i komisionit në sistemin e Agjencisë së Prokurimit Publik, ajo është telefonuar nga shtetasi Evis Berberi, i cili i ka thënë se nuk duhej të shprehej me e-mail Për më shumë klikoni në STORY 👆🏻 #voxnews #media #news @voxnews.al

7876 views

Një i ri në Tiranë është transportuar në spital dhe ndodhet nën kujdesin e mjekëve, pasi është rrëzuar aksidentalisht nga lartësia e pallatit ku banonte. Ai ndodhet nën kujdesin e mjekëve, ndërsa policia po punon për zbardhjen e plotë të rastit. “Në rrugën “Thoma Koxhaj”, dyshohet se aksidentalisht ka rënë nga lartësia e pallatit ku banonte shtetasi M. B, 27 vjeç, i cili ndodhet në spital, nën kujdesin e mjekëve. Punohet për sqarimin e rrethanave të rastit”, sqaron policia. Për më shumë klikoni në STORY 👆🏻 #voxnews #media #news @voxnews.al

9673 views

Presidenti amerikan Donald Trump shfrytëzoi sezonin e festave për të përcjellë urime për Krishtlindje, por nuk munguan kritikat ndaj kundërshtarëve të tij politikë. Në një postim në rrjetin social Truth Social, përveç qytetarëve amerikanë, Trump uroi edhe radikalët e majtë, të cilët i cilësoi fundërrina. “Gëzuar Krishtlindjet të gjithëve, përfshirë edhe fundërrinat e së majtës radikale që po bëjnë gjithçka që është e mundur për të shkatërruar vendin tonë, por po dështon keq. Nuk kemi më kufij të hapur, burra në sportet e grave, transgjinorë për të gjithë, apo zbatim të dobët të ligjit”, ka shkruar ai. Për më shumë klikoni në STORY 👆🏻 #voxnews #media #news @voxnews.al

1333 views

Presidenti amerikan Donald Trump shfrytëzoi sezonin e festave për të përcjellë urime për Krishtlindje, por nuk munguan kritikat ndaj kundërshtarëve të tij politikë. Në një postim në rrjetin social Truth Social, përveç qytetarëve amerikanë, Trump uroi edhe radikalët e majtë, të cilët i cilësoi fundërrina. “Gëzuar Krishtlindjet të gjithëve, përfshirë edhe fundërrinat e së majtës radikale që po bëjnë gjithçka që është e mundur për të shkatërruar vendin tonë, por po dështon keq. Nuk kemi më kufij të hapur, burra në sportet e grave, transgjinorë për të gjithë, apo zbatim të dobët të ligjit”, ka shkruar ai. Për më shumë klikoni në STORY 👆🏻 #voxnews #media #news @voxnews.al

2704 views

Së fundmi, rrjetet sociale kanë nxitur shumë pikëpyetje rreth marrëdhënies mes Einxhel Shkirës, Argjira Spancës, Graciano Taganit dhe Fjoralba Ponarit. Moderatorja e njohur ka hequr nga Instagrami tre miqtë e saj, një veprim që nuk ka kaluar pa u vënë re nga ndjekësit, sidomos duke pasur parasysh faktin se katërshja për një kohë të gjatë është perceptuar si e pandashme. Ata janë parë shpesh bashkë si në ekran ashtu edhe jashtë tij, duke krijuar idenë e një miqësie të fortë dhe të qëndrueshme. Megjithatë, pas këtij veprimi të Einxhelit, nuk dihet ende se çfarë ka ndodhur realisht mes tyre. Asnjë prej personazheve të përfshirë nuk ka bërë një reagim të drejtpërdrejtë apo sqarues, duke lënë hapësirë për spekulime dhe interpretime nga publiku. Ndryshimi në ndjekjet në Instagram ka mjaftuar për të ndezur diskutime, duke qenë se rrjetet sociale shpesh shihen si pasqyrë e marrëdhënieve personale. Pak orë pas kësaj lëvizjeje, ka ardhur edhe një reagim i tërthortë nga Graciano Tagani. Për më shumë klikoni në STORY 👆🏻 #voxnews #media #news @voxnews.al

4801 views

TikTokerja Suada Muça është dhunuar mbrëmjen e djeshme në Tiranë. Burime jozyrtare bëjnë me dije se ajo është sulmuar nga disa vajza, të cilat dyshohet se kanë vepruar për hakmarrje. Ngjarja lidhet me ofendime dhe fyerje të publikuara më herët në rrjetet sociale nga Muça ndaj Xhemal Uka, i njohur me nofkën “Fire”. Dhuna për shkak të TikTok-ut është një rast i përsëritur. Së fundmi, dy episode të tjera të rënda dhune, deri në plagosje, janë regjistruar në Tiranë, të cilat dyshohet se e kanë zanafillën nga konfliktet në rrjetin social TikTok. Një nga rastet lidhet me plagosjen e Fabion Kuçi, i njohur në rrjetet sociale si “Gucci”. Kuçi është përfshirë fillimisht në përplasje verbale në TikTok, më pas u plagos me armë zjarri. Gjatë dëshmisë në polici, ai ka deklaruar se konflikti nisi pas sharjeve në rrjetet sociale, ndërsa autori i plagosjes është identifikuar dhe shpallur në kërkim. Rasti tjetër i rëndë është ai i plagosjes së një 26-vjeçari në zonën e Freskut, i cili u dhunua me sende të forta. Për këtë ngjarje, policia ka shpallur në kërkim Xhemal Ukën që dyshohet edhe si porositësi i dhunës ndaj Muçës. Për më shumë klikoni në STORY 👆🏻 #voxnews #media #news @voxnews.al

20.9K views

Kryetari i bashkisë së Tiranës, Erion Veliaj ka uruar nga burgu të gjithë besimtarët për festën e Krishtlindjes. Me anë të një postimi në Instagram, Veliaj thotë se ‘kjo vigjilje festash na kujton se drita gjithmonë fiton mbi errësirën dhe se shpresa lind edhe në momentet më të vështira’. Kryebashkiaku thotë se ‘le ta a mbajmë ndezur shpresën, sepse kur jemi bashkë, çdo sfidë mund të kthehet në mundësi’. Veliaj: Kjo vigjilje festash na kujton se drita gjithmonë fiton mbi errësirën dhe se shpresa lind edhe në momentet më të vështira. Le të jetë Krishtlindja një ftesë për më shumë dashuri, më shumë mirëkuptim dhe më shumë besim te njëri-tjetri. Uroj që çdo familje të ndjejë ngrohtësinë e bashkimit, që çdo zemër të mbushet me paqe dhe që Viti i Ri të na gjejë më të fortë, më solidarë dhe më të vendosur për të ndërtuar një të ardhme më të mirë për të gjithë. Le ta mbajmë ndezur shpresën, sepse kur jemi bashkë, çdo sfidë mund të kthehet në mundësi. Gëzuar Krishtlindjen dhe një vit 2026 plot dritë e optimizëm. Për më shumë klikoni në STORY 👆🏻 #voxnews #media #news @voxnews.al

3735 views

Një ngjarje e rëndë ka ndodhur pak çaste më parë në lagjen nr. 2 të Kavajës, ku shtetasi Artur Ligeja, pronar i një agjencie udhëtimesh dhe disa bizneseve të tjera, është plagosur me thikë. Rrethanat e ngjarjes ende nuk janë të qarta, ndërsa policia ndodhet në vendngjarje dhe po punon për të sqaruar shkaqet. Aktualisht po merret në pyetje edhe vetë i lënduari. Për më shumë klikoni në STORY 👆🏻 #voxnews #media #news @voxnews.al

3393 views

Koreja e Veriut ka publikuar të enjten pamje të reja të asaj që e cilëson si nëndetësja e saj e parë me energji bërthamore, një mjet luftarak i përmasave të mëdha, i krahasueshëm me disa nga nëndetëset sulmuese të Marinës së Shteteve të Bashkuara. Fotografitë e transmetuara nga media shtetërore tregojnë liderin Kim Jong Un duke inspektuar nëndetësen në një objekt ndërtimi të mbyllur, çka tregon se ajo ende nuk është hedhur në det. Për më shumë klikoni në STORY 👆🏻 #voxnews #media #news @voxnews.al

5428 views

Ami Kozeli dhe Besjan Kadiu janë liruar nga detyra si zëvendësministra në Ministrinë e Infrastrukturës dhe Energjisë. Dikasteri i drejtuar nga Belinda Balluku është riformatuar në prag të festave të fundvitit. Për më shumë klikoni në STORY 👆🏻 #voxnews #media #news @voxnews.al

12.2K views

Rreth dy vite pas përfundimit të hetimeve nga SPAK për mjekun Edvin Prifti, Gjykata e Posaçme vendosi këtë të mërkurë të kalojë çështjen në proces gjyqsor. Prokuroria e Posaçme ka ngritur ndaj Priftit akuzat, “korrupsion pasiv kryer në 7 raste”, “vjedhje duke shpërdoruar detyrën”, “pastrim parash” dhe “fshehje të ardhurash”. Sipas hetimeve të kryera nga prokurori Sotir Kllapi, është ngritur dyshimi i arsyeshëm se Edvin Prifti në 7 raste ka marrë përfitim të parregullt në shuma monetare nga pacientët e operuar pranë Pavionit të Kardiokirurgjisë në Qendrën Spitalore Universitare “Nënë Tereza”. Për më shumë klikoni në STORY 👆🏻 #voxnews #media #news @voxnews.al

11.8K views

Kreu i Partisë Demokratike, Sali Berisha, mbajti sot një konferencë për mediat nga selia blu, ku hodhi akuza të forta ndaj kryeministrit Edi Rama dhe disa zyrtarëve të lartë të qeverisë. Gjatë fjalës së tij, Berisha deklaroi se Rama është i “ngërthyer kokë e këmbë nga mafia”, duke përmendur disa emra, mes tyre Belinda Balluku, Ergys Agasi, Olta Xhaçka dhe Taulant Balla. Sipas tij, kryeministri ka vendosur të bllokojë zbatimin e ligjit dhe vendimet e prokurorisë dhe gjykatave, duke kundërshtuar hapur heqjen e imuniteteve. Berisha akuzoi gjithashtu Ballukun, duke e cilësuar si drejtuese të një organizate kriminale, ndërsa Ramën e përshkroi si “kapo i kapove”. Ai theksoi se, sipas tij, e vetmja shpresë mbeten qytetarët dhe se protesta e tyre do ta detyrojë kryeministrin të largohet nga pushteti. “Edhe sikur të shkojë prapa Diellit, do ta sjellim në gjykatë në Shqipëri,” deklaroi Berisha, duke shtuar se revolta qytetare do të vazhdojë për aq kohë sa të jetë e nevojshme. Kreu i opozitës bëri thirrje për mobilizim të vazhdueshëm, duke u shprehur se opozita do të bindë qytetarët e gatshëm për sakrifica për të larguar nga pushteti kryeministrin, të cilin e cilësoi si “njeriun më të urryer në histori pas Enver Hoxhës”. Për më shumë klikoni në STORY 👆🏻 #voxnews #media #news @voxnews.al

2852 views

Pa bërë drama, Einxhel Shkira u ka thënë mirupafshim tre miqve të saj të ngushtë. Miqësia mes saj dhe Fjoralba Ponarit, Argjira Spancës e Graciano Taganit ka marrë fund. Einxhel, nuk ndjek më në Instagram asnjë prej tyre. Ky veprim duket se ka qenë i ndërsjellë, pasi edhe të tre miqtë nuk e ndjekin më. Grupi i tyre kanë qenë shokë të ngushtë prej vitesh. Madje, në një prej takimeve që Einxhel zhvilloi gjatë pjesëmarrjes në "Big Brother VIP Albania 1", ajo u vizitua nga Fjoralba dhe Argjira, si dy prej mikeshave më të mira të saj. E kështu vazhdoi edhe jashtë shtëpisë. Te tre ata ishin pjesë e momenteve më të lumtura për të, propozimi, lindja e djalit të parë të Einxhel, por vihet re mungesa e tyre në fotot gjatë festimeve të shtatzënisë së dytë të Einxhel. Einxhel duket se është e vetmja që ka vendosur të mos jetë më pjesë e grupit, pasi të tre ata, të paktën sipas Instagramit, vazhdojnë të mbeten miq. @voxnewsalbania

56.6K views

Krishtlindjet në Vatikan festohen në mënyrë madhështore prej të paktën një gjysmë mijëvjeçari. Krishtlindjet këtë vit do të celebrohen nga Papa Leo XIV, por traditat e Krishtlindjeve të dashura për vizitorët dhe besimtarët në qendrën e Kishës Katolike mbeten të njëjtat. Kur fillojnë festimet? Për katolikët koha e ardhjes (adventit) dhe bashkë me të edhe pritja e lindjes së Krishtit filloi këtë vit më 30 nëntor, me adventin e parë. Megjithatë festimet në Vatikan nisin gjithmonë me ndriçimin zyrtar të pemës së Krishtlindjes dhe zbulimin e grazhdit të Krishtlindjes në sheshin e Shën Pjetrit, që kësaj radhe u bë më 15 dhjetor. Nga vjen pema e Krishtlindjes? Çdo vit një komunitet i kishës katolike i dhuron Vatikanit pemën e Krishtlindjes, gjë që konsiderohet si një nder i veçantë. Këtë herë u zgjodh një bredh nga provinca e Bolzanos në Tirolin e Jugut, i cili është 27 metra e lartë dhe peshon rreth tetë tonë. Peshkopi Ivo Muser i Bolcano-Bressanone tha në një intervistë në faqen e internetit të qytetit të Vatikanit: "Dëshiroj që adhurimi për ekzistencën, të ngjallet edhe nga pema jonë dhe të nxisë për të reflektuar". Ai u bëri thirrje njerëzve që të jenë të ndërgjegjshëm, të respektueshëm dhe të gatshëm për të pasur "stile jetese të qëndrueshme dhe të thjeshta". A do të ketë sukses kjo porosi me stolisjen e pasur të pemës, me lojën e dritave, që ndryshojnë vazhdimisht përqark? Për më shumë klikoni në STORY 👆🏻 #voxnews #media #news @voxnews.al

1169 views

Selin dhe Lorna janë përfshirë në një debat të ashpër me njëra-tjetrën, ku ka kaluar në ofendime. Gjatë debatit, Selin i thotë Lornës se ‘është e shëmtuar në zemër dhe në shpirt’. Kjo nuk u prit aspak mirë nga Lorna, pasi për të është ofendim Pjesë nga debati në shtëpinë e BBV” Selin: Ti nuk je xheloze, ok?! (duke imituar) Lorna: Patjetër, ndaj më imiton ti mua. Selin: Unë të imitoj sepse duhet të dalësh para pasqyrës se sa e shëmtuar je Lorna: Patjetër Selin: Jo si fizik, por në shpifet. Mendoj se disa njerëz e kanë mision që të jenë të këqij. Dhe ti je një ndër to Lorna: Çfarë ke thënë? Kontrollo çfarë po thua Selin: Je e shëmtuar në shpirt, në zemër. Dil para pasqyrës dhe shiko sa e shëmtuar je Lorna: Selin , ike! Selin: Të iki unë nga ty, është kulmi Lorna: Të kalosh në ofendim Selin: Je e shëmtuar në shpirt, ta them sërish. @voxnewsalbania

46K views

Kjo video është publikuar nga Sali Berisha në llogarinë e tij zyrtare në Facebook, i shoqëruar me video dhe pamje të dërguara nga një qytetar dixhital, ku ai pretendon se paraqitet eskorta e kryeministrit Edi Rama dhe prania e Ergys Agasit në të. Pengmarrësi dhe Inspektori i Përgjithshëm i narkoshtetit Ergys Agasi, udhëtonte së bashku me Ramaduron. 📩 Lexoni mesazhin dhe shikoni videon dhe foton e qytetarit dixhital. Doktor kjo video është bërë këtë vit në Tiranë. Është eskorta e Edi Ramës ku makina e dytë është makina zyrtare e kryeministrit dhe ndërkohë bashkë me të lëviz edhe ergys agasi me makinën e tij private. Makina Range Rover, e 5 në radhë, ngjyrë vishnje, është makina e Ergys Agasit me targa GG 444 AA dhe makina tjetër pas tij e fundit në radhë është makina e rojeve personale të Ergys Agasit po me targa GG 444 AA e modelit Defender. Ergys Agasi ruhej me roje personale dhe ndërkohë kur takonte Ramën, e shoqëronte dhe policia e shtetit dhe futej në eskortën e kryeministrit. Këto të dyja janë makinat e ergys agasit të cilat shfaqen dhe në fund të videos që të nisa doktor. Për më shumë klikoni në STORY 👆🏻 #voxnews #media #news @voxnews.al

1773 views

Gjykata e Shkallës së Parë në Shkodër ka caktuar masën e sigurisë “arrest me burg” për Vasel Koçekun 43 vjeç dhe Klaudio Lisajn 20 vjeç, të dyshuar si autorë të vrasjes së 20-vjeçarit Pavlin Preka, ngjarje e ndodhur më 20 shkurt të këtij viti në zonën e Gucisë së Re, njësia administrative Rrethina. Vendimi u dha pas kërkesës së Prokurorisë së Shkodrës për dy të dyshuarit në krimin e rëndë. Prokurori Albert Murçaj, drejtues i Prokurorisë së Shkodrës, kërkoi masën më të rëndë të sigurisë, duke theksuar se ekzistojnë përgjime ambientale, një pjesë e të cilave vijojnë të jenë sekret hetimor, dhe që sipas tij përbëjnë bazë të fortë për dyshimet ndaj tyre. Nga ana tjetër, avokatët mbrojtës Arbër Raja dhe Blerim Bazhdari kërkuan që ndaj Koçekut dhe Lisajt të mos vendosej asnjë masë sigurie, duke argumentuar se mungojnë prova konkrete që i lidhin drejtpërdrejt me vrasjen e Pavlin Prekës. Të dy të dyshuarit kanë mohuar në mënyrë të përsëritur autorësinë e krimit, si gjatë marrjes në pyetje nga policia, ashtu edhe gjatë seancës gjyqësore për caktimin e masës së sigurisë. @voxnewsalbania

2622 views

Një ngjarje e rëndë raportohet të ketë ndodhur në Greqi, ku një vajzë e mitur 13-vjeç është abuzuar seksualisht dhe filmuar nga një grup djemsh, tre prej të cilëve shqiptarë. Mediat fqinje shkruajnë se e mitura është me origjinë nga Filipinet, ndërsa është abuzuar nga 3 grekë dhe 3 shqiptarë, të moshës 14, 15, 16, 16, 18 dhe 19 vjeç. 13-vjeçarja ka dëshmuar se makthi i saj filloi në shkurt dhe zgjati deri në prill, ku pesë të miturit, kanë përfituar nga marrëdhënia miqësore që viktima kishte me njërin nga djemtë, 15-vjeçarin. Mësohet se ai e çoi atë në një zonë të përbashkët të një pallati, si dhe brenda tualeteve të grave të një parkingu në Selanik, ku e abuzua, ndërsa njëkohësisht regjistruan veprimet e tyre me telefon. Mediat greke shkruajnë se një pjesë e videos është publikuar në rrjetet sociale. Ndaj 6 djemve është ngritur akuzë për veprat penale të përdhunimit, akteve seksuale me të mitur, pornografi për hakmarrje, pornografisë me fëmijë dhe shkeljes së Legjislacionit për Mbrojtjen e të Dhënave Personale. Për më shumë klikoni në STORY 👆🏻 #voxnews #media #news @voxnews.al

674 views

Papa Leone XIV dhe udhëheqja e Kishës Katolike në SHBA janë përfshirë në një përplasje të hapur me administratën e Presidentit Donald Trump për politikën e deportimeve masive të emigrantëve. Kritikat e Papës, i lindur në Shtetet e Bashkuara, kanë zemëruar një pjesë të katolikëve konservatorë dhe zyrtarë të qeverisë, të cilët e akuzojnë Kishën se po ndërhyn në politikë. Jesse Romero, podkaster katolik konservator dhe mbështetës i Trump, thotë se Papa duhet të përqendrohet vetëm në çështjet shpirtërore. “Papa duhet të na tregojë si të shkojmë në parajsë. Ai nuk ka autoritet mbi qeverinë dhe duhet të qëndrojë në rrugën e tij,” shprehet Romero, duke kritikuar hapur Papën dhe peshkopët amerikanë për kundërshtimin e deportimeve. @voxnewsalbania

659 views