Drejtoria e Përgjithshme e Burgjeve ka urdhëruar një kontroll urgjent në qelinë e të burgosurit Fatmir Pjetri, i cili vuan dënimin në burgun e Burrelit. Pjetri njihet si pjesë e bandës së ashtuquajtur të “Babagjyshëve”, ndërsa masa është marrë pas një zhvillimi të papritur në rrjetet sociale. Shkak është bërë një publikim (audio-regjistrim) në Instagramin e të burgosurit, ndërsa kontrolli do të ushtrohet për të zbuluar sesi është bërë ky regjistrim dhe si është postuar në rrjetin e tij social. Bëhet fjalë për një publikim në profilin e Instagramit të tij, një regjistrimi audio zëri nga qelia e Burrelit, ku akuzon Drejtorinë e Burgjeve se nuk e kanë lejuar që të botojë një roman që ka shkruar, pasi përmban akte dhune. Sipas burimeve zyrtare, kontrolli synon të zbulojë nëse janë shkelur rregullat e sigurisë dhe nëse janë përdorur mjete të palejuara komunikimi. Kujtohet se në vitin 2025, Fatmir Pjetri ka tentuar të arratisej nga burgu 313, çka e bën edhe më të ndjeshme situatën aktuale për autoritetet penitenciare. Fatmir Pjetri ka qenë pjesë e një grupi kriminal 'Babagjyshët' që gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit kanë grabitur me armë disa argjendari në këto qytete. Grabitja që bëri më shumë bujë ishte ajo në një qendër tregtare në Tiranë, ku të maskuar si babagjyshë pjesëtarët e grupit kriminal realizuan grabitjet.

16.5K views

Një qytetar ka denoncuar publikisht zvarritjen e punimeve publike në Tiranë, duke ngritur shqetësimin për mungesën e përgjegjësisë institucionale. Sipas qytetarit, punimet për bllokun e lagjes që kufizohet në rrugën “Mihal Grameno”, “Todi Shkurti” dhe “Zonja Çurre” në Njësinr Administrative nr. 2, kanë nisur në shtator 2024 me një afat përfundimi prej 8 muajsh, por ende nuk kanë përfunduar. Aktualisht jemi në janar 2026, ndërsa rruga, trotuari dhe lagjja ndodhen në gjendje shumë të keqe dhe janë lënë përgjysmë. Qytetari kërkon që rasti të bëhet publik, me shpresën se zëri i banorëve do të dëgjohet në këtë mënyrë që institucionet përgjegjëse të marrin masa dhe të përfundojnë punimet e lëna pezull. Denoncimi i qytetarit: Pershendetje doja tiu tregoja sesi nisin dhe bitisin punet ne Shqiperin ton te dashur Nese mundeni publikojeni se ndoshta zeri juaj eshte me i fort se joni

17.1K views

Një situatë alarmante është konstatuar nga qytetarët në zonën ku lumi Shkumbin derdhet në plazhin e Vilë Bashtovës. Prej kohësh, kjo hapësirë po mbushet çdo ditë e më shumë me mbetje dhe ndotje të sjella nga lumi, duke krijuar një pamje të rëndë dhe shqetësuese për mjedisin dhe banorët. Sipas qytetarëve, në këtë zonë nuk ka asnjë reagim nga bashkia apo institucionet përkatëse, të cilat duket se mungojnë plotësisht në menaxhimin dhe pastrimin e kësaj situate. Ndotja po shtohet dita-ditës, ndërsa mbetjet vazhdojnë të përfundojnë në det, duke rrezikuar seriozisht ekosistemin dhe shëndetin publik. Qytetarët kërkojnë ndërhyrje urgjente nga autoritetet përgjegjëse për të ndalur këtë ndotje dhe për të marrë masa konkrete për pastrimin dhe mbrojtjen e zonës. Denoncimi i qytetarit: Pershendetje kjo esht situata nga lumi shkumbin qe derdhet ne plazhin e vile bashtoves.!! Ktu ska as bashki asnje instuticion qe te vij dhe te kujdeset per kete makaber qe vec po mbushet nga mbetjet e lumit cdo dite e me shumë. Anonim pls se ktu esht gje dje rend cdo dite e me shume plera ca te mari lumi para

11.6K views

Është frimosur nga Ministria e Drejtësisë, shkarkimi i drejtorit të IEVP Durrës, Indrit Cërloj, pas arratisjes së të paraburgosurit Altin Ndoci nga ambientet e spitalit ku ishte dërguar për kontroll mjekësor. Vendimi vjen si reagim i drejtpërdrejtë institucional ndaj një ngjarjeje të rëndë që ka vënë në pikëpyetje funksionimin e sistemit të sigurisë në burgje. Paralelisht me shkarkimin, Lamallari i ka kërkuar drejtorit të Përgjithshëm të Burgjeve, Klevis Qose, hartimin e një plani të ri për vlerësimin e rrezikshmërisë dhe rishpërndarjen e të paraburgosurve, përfshirë edhe transferime në institucione të sigurisë së lartë. Arratisja e Altin Ndocit ka zbuluar një dështim serioz të zinxhirit komandues dhe të zbatimit të protokolleve bazë të sigurisë. Ndoci, i akuzuar për vepra të rënda penale, është shoqëruar për vizitë mjekësore pa pranga, në kundërshtim flagrant me rregullat në fuqi, duke u lënë praktikisht i lirë në një ambient publik. Verifikimet paraprake tregojnë se IEVP Durrës nuk ka raportuar as planifikimin dhe as realizimin e shoqërimit në Drejtorinë e Përgjithshme të Burgjeve, ndërsa procedurat standarde të sigurisë janë shpërfillur plotësisht. Situata agravoi kur i paraburgosuri u largua nga spitali pas një përplasjeje me efektivët, ndërsa reagimi i forcave të sigurisë u konsiderua i vonuar dhe i paorganizuar. Për ngjarjen janë pezulluar të gjithë drejtuesit e zinxhirit komandues të IEVP Durrës dhe gjatë ditës së sotme janë arrestuar 8 punonjës të Policisë së Burgjeve. Ky skandal, që shkon përtej një gabimi individual, nxjerr në pah një problem sistemik të thellë dhe kërkon përgjegjësi reale, pasi raste të tilla përbëjnë rrezik të drejtpërdrejtë për sigurinë publike dhe minojnë besimin e qytetarëve te institucionet e shtetit. Pas dështimit të shtetit dhe arratisjes së kriminelit Ndoci, a mjafton shkarkimi i drejtorit të IEVP Durrës? Po Klevis Qose, drejtori i përgjithshëm i Burgjeve nuk ka përgjegjësi në këtë skandal?

11.8K views

Pas pasaportës së BE-së që ende mbetet në sirtar, Edi Rama ka hedhur në tavolinë një tjetër “biletë” për Europën, energjinë e gjelbër shqiptare. Nga Abu Dabi, kryeministri shpjegoi se Shqipëria jeton pa karburante fosile dhe prodhon energji vetëm nga burime të rinovueshme, një model që funksionon për mrekulli sa herë qielli është në humor të mirë. Kur reshjet mungojnë dhe “mrekullia” zbehet, vendi detyrohet të blejë energji nga jashtë, por Rama siguroi se kjo është një fazë kalimtare. Me diellin dhe erën që po shtohen në inventarin energjetik, ai premtoi se deri në vitin 2028 Shqipëria do të jetë plotësisht sovrane dhe nuk do t’i trokasë më askujt për kilovatë. Ndërkohë, plani nuk ndalet te vetë-mjaftueshmëria. Në bashkëpunim me Italinë dhe Emiratet e Bashkuara Arabe, qeveria synon të ndërtojë një bazë prodhimi prej disa gigavatësh dhe, përmes kabllit me Italinë, t’i “ndriçojë” edhe europianët. Qëllimi, siç u tha pa shumë diplomaci, është i qartë, energji për BE-në dhe fitime për miqtë e projektit. “Ne kemi 100% energji të ripërtëritshme. Nuk kemi energji nga karburantet fosile. Ne varemi nga humori i Allahut. Kur Allahu qesh shumë dhe nuk qan, atëherë nuk kemi shi dhe duhet t’i drejtohemi importit. Vitet e fundit kemi investuar shumë në energji diellore dhe atë të erës. Plani po ecën mirë dhe besojmë se në fund të vitit 2028 do të jemi plotësisht sovran. Nuk do të blejmë më energji nga jashtë. Ndërkohë kemi edhe një bashkëpunim strategjik. Ambicia jonë është që së bashku me Emiratet e Bashkuara Arabe dhe Italinë, të kemi një bashkëpunim trepalësh, të krijojmë një bazë të ngarkesës në Shqipëri. Dr Sulltani, zoti e bekoftë, po synon që të mbërrijmë në 3 Giga dhe përmes kabullit ndërlidhës me Italinë, t’i shërbejmë Europës me energji të gjelbër dhe sigurisht së bashku me miqtë tanë arabë të bëjmë para, për t’ia shitur pra Europës”, shtoi Rama.

25K views

Ditën e djeshme, Policia e Shtetit festoi 113-vjetorin e krijimit të saj. E themeluar më 13 janar 1913, Policia e Shtetit konsiderohet një nga institucionet kyçe për garantimin e rendit dhe sigurisë publike në vend edhe pse vitet e fundit detyra dhe misioni i tyre lë shumë për të dëshiruar. Ky 113-vjetor u përkujtua në të gjitha drejtoritë vendore dhe komisariatet si një ditë e shënuar dhe e rëndësishme për vendin dhe Komisariati i Mallakastrës organizoi një aktivitet festiv në ambientet e këtij institucioni ku morën pjesë efektivë dhe punonjës të policisë në detyrë, si edhe ish-punonjës të dalë në pension. Në këtë aktivitet ishte i pranishëm edhe kryetari i Bashkisë Mallakastër, Qerim Ismailaj, si dhe efektivë të Policisë Bashkiake. Ajo që bie në sy gjatë këtyre festimeve është prania e shisheve me pije alkoolike, jo vetëm një, por disa lloje të ndryshme. Efektivët e policisë kanë ngritur dolli mes tyre, ndërkohë që ishin të veshur me uniformat zyrtare dhe mbanin në duar gota me alkool. Këto festime tregojnë një kontrast të qartë mes misionit serioz të Policisë së Shtetit dhe mënyrës sesi u shënua dita. Ndërsa institucionit i takon nderi për punën, sakrificat dhe përkushtimin në sigurimin e rendit dhe ligjshmërisë, aktivitetet e organizuara dukeshin më shumë si një rast social, me shishe alkooli dhe dolli mes efektivëve, sesa një reflektim mbi rëndësinë e misionit të tyre.

12K views

Një banor nga qyteti i Vlorës ka denoncuar publikisht gjendjen alarmante të ndotjes në lagjen “24 Maj”, në rrugën ish kopshti “Pëllumbat e Paqes”. Përmes një videoje të dërguar në redaksi, ai shprehet se zona është e mbushur me plehra dhe se situata po përkeqësohet çdo ditë, pa asnjë ndërhyrje nga institucionet përgjegjëse. Sipas banorit, pavarësisht se qytetarët paguajnë rregullisht taksat, shërbimi i pastrimit mungon dhe banorët po përballen me kushte të papranueshme. Ai pretendon se drejtoresha e pastrimit nuk ka dhënë zgjidhje, por u ka sugjeruar banorëve të shpërngulen diku tjetër, ndërsa mbeturinat vazhdojnë të grumbullohen dhe të rrezikojnë shëndetin e banorëve. "Përshëndetje jam nga Vlora, lagja 24 Maj rruga ish kopshti "Pëllumbat e Paqes". Postojeni këtë video ju lutem, shiko ça bëhet në këtë lagje, s’na jep asnjë zgjidhje. Vendi plot plehra. Drejtoresha e pastrimit na jep mend, thotë blini shtëpi diku tjetër. Taksat tona i marrin, por plehrat po na mbysin", shkruan banori.

17.2K views

Operatori i Blerjeve të Përqendruara drejtuar nga Arlinda Pogaj ka zhvilluar një nga tenderat më të ndjeshëm të shëndetësisë shqiptare, atë për trajtimin dhe asgjësimin e mbetjeve spitalore në rang kombëtar, me fond limit 493 MILION Lekë, para që dalin drejtpërdrejt nga buxheti i shtetit. Fitues u shpall ECO RICIKLIM shpk e oligarkut Klodian Allajbeu, me ofertë 485 MILION Lekë pa TVSH, me vetëm diferencë se fondi limit, një diferencë qesharake që praktikisht e zhvlerëson gjithë konceptin e tenderimit, pasi kur oferta përfundimtare është pothuajse identike me buxhetin maksimal të parashikuar, lind dyshimi i fortë se çmimi është ndërtuar jo nga tregu, por nga tavolina. Shpallja e fituesit më 24 dhjetor, në ditët e fundit të vitit, ngre një tjetër flamur të kuq, pasi kjo është periudha kur procedurat zakonisht kalojnë pa vëmendje, pa debat dhe pa transparencë, duke i lënë qytetarët të mësojnë për to vetëm pasi kontratat janë firmosur dhe paratë janë praktikisht të angazhuara. Kompania fituese rezulton se prej vitesh ka qenë e pranishme në një sërë kontratash në sektorë të ndryshëm të shëndetësisë, duke zgjeruar gradualisht ndikimin e saj nga shërbimet mbështetëse deri te fushat më kritike të sistemit, dhe tashmë edhe te menaxhimi i mbetjeve spitalore, duke e kompletuar ciklin e shërbimeve që lidhen me shëndetin publik. Në këto kushte, pyetja që shtrohet nuk është më kush e fitoi tenderin, por si u ndërtua realisht kjo garë dhe pse në një tender kombëtar u paraqitën vetëm dy kompani, pse oferta fituese përkon pothuajse në mënyrë perfekte me fondin limit dhe pse shërbimet që lidhen me shëndetin po përqendrohen gjithnjë e më shumë në pak duar, ndërsa institucionet heshtin dhe qytetarët vazhdojnë të paguajnë. Tenderi është shpallur me Flamur të Kuq për Mungesë Konkurrence teksa Allajbeu e ka krhyer këtë kompani në mjelësen e radhës të fondeve shtetërore.

6732 views

Qytetari kërkon ndërhyrje urgjente nga institucionet përgjegjëse, duke theksuar se Qendra Shëndetësore Nr. 2, më e madhja në Fier, nuk mund të vijojë të funksionojë në këto kushte. Denoncimi i qytetarit: Mirmengjes nga qendra Shendetsore Nr 2 Fier! Tualeti perdoret per dhom injeksionesh. Pacient mbi 70 vjec detyrohen te ngjisin 3 kate per te mar sherbim dhe her her mjeku shkon posht i viziton pasi nuk munden t ngjiten dot...Bashkia ne gjume asnje nderhyrje.. Shteti po ashtu . Qendr shendetsore ne mes te qytetit t Fierit ne kushte te mjerueshme Vijn e ikin kta t bashkis projekti qe n 2019 n bashki. Vazhdon m keq situata. Me kova me legena uji kur bie shi Qendra me e madhe e Fierit me 23 mije banor perfshir pediatrin patolog chek up ..injeksione mjekim plage .urgjenca mjeku

9847 views

Një arratisje spektakolare nën hundën e shtetit ndodhi mesditën e 13 janarit 2026 në Durrës, ku nga ambientet e spitalit rajonal u arratis Altin Ndoci, një prej të pandehurve më të rëndë të hetuar nga SPAK gjatë pesë viteve të fundit. Ngjarja rikthen në vëmendje precedentët e bujshëm në Shqipëri, duke u krahasuar me arratisjen e Dritan Dajtit nga Gjykata e Tiranës më 17 nëntor 2003 dhe sulmin e armatosur ndaj burgut të Drenovës në 2013, të drejtuar nga Admir Tafili. Pas më shumë se 12 orësh, policia ende nuk ka arritur të lokalizojë Ndocin apo bashkëpunëtorët e tij, duke ngritur dyshime mbi masat e sigurisë dhe përgjegjësinë institucionale. Altin Ndoci, nga Troshani i Lezhës, u arrestua fillimisht në 2020, më pas nga SPAK në 2022, dhe sërish në korrik 2024, duke u përballur me 13 akuza për vrasje, tentativa vrasjeje, grabitje me armë, si dhe pjesëmarrje në grup dhe organizatë kriminale. Akuzat mbështeten kryesisht në dëshmitë e bashkëpunëtorëve të drejtësisë Klevis Alla dhe Nuredin Dumani, si dhe komunikime nga aplikacioni “Sky”. Katër akuzat fillestare për vrasjet e Anxhelo Avdisë, Dorian Shkozës dhe vëllezërve Besmir e Viktor Haxhiaj (Shkurt–Prill 2020, Durrës) u ngritën nga prokurori Altin Dumani, por më pas u pushuan, pasi u provua se dëshmia e Allës ishte e rreme. Ky zhvillim çoi në dënimin e Klevis Allës me 25 vite burg dhe ekspozoi manipulimin e rëndë në hetimet e SPAK. Aktualisht, Ndoci po gjykohej në dy procese madhore pranë Gjykatës së Posaçme, përfshirë dosjen “Plumbi i Artë”, ku akuzohet për vrasjen e Andi Zylyfit në Peqin dhe plagosjen e Ardi Uruçit, si dhe një tjetër proces për atentate të rënda në Elbasan (2018–2020), përfshirë ngjarjen e 29 dhjetorit 2018 në Bradashesh, atentatin në Broshkë më 1 korrik 2019, tentativën ndaj Kei Pikut më 16 janar 2020, dhe grabitjen e armatosur në Rinas më 9 prill 2019. Arratisja e tij rrezikon hetimet dhe proceset në zhvillim dhe përbën një goditje të drejtpërdrejtë për besueshmërinë e shtetit ligjor, duke kthyer çështjen nga një dosje kriminale në një krizë të hapur sigurie dhe drejtësie.

31.7K views

Në foto shihet kulmi i operacionit të sigurisë, një efektiv i Policisë së Burgjeve, i vetëm, me pistoletë në dorë, dhe syze, duke kërkuar për të paraburgosurin Altin Ndoci në rrugët pranë Spitalit Rajonal të Durrësit. Pamja ngjan më shumë me një skenë filmi amator sesa me një situatë reale sigurie për një person me rrezikshmëri të lartë. Një polic kundër një të arratisuri, pa përforcime, pa bllokim zone, me një të shtënë në ajër si shenjë shprese që i kërkuari ndoshta do ndalojë nga mirësjellja. Arratisja ka ndodhur gjatë ditës së sotme, kur Altin Ndoci ishte transportuar nga paraburgimi i Durrësit drejt spitalit për vizitë mjekësore në repartin e infektivit, në katin e tretë. Sipas burimeve, ai shoqërohej nga 5 efektivë të Policisë së Burgjeve, por vetëm dy prej tyre ishin brenda spitalit, ndërsa dy të tjerë dhe shoferi qëndronin në automjet. Gjatë vizitës, Ndoci ka kërkuar të shkojë në tualet dhe është shoqëruar nga një prej policëve. Sapo ka dalë, e ka goditur me grusht efektivin dhe është larguar me shpejtësi duke zbritur shkallët. Dy policët që ndodheshin brenda janë përpjekur ta ndjekin, njëri prej tyre ka qëlluar një herë në ajër jashtë spitalit, por pa rezultat. Ndoci ka arritur të largohet, ku dyshohet se jashtë e priste një Audi A7 i bardhë, me të cilin u zhduk në drejtim të zonës së Spitallës. Ndërkohë, fotografia mbetet dëshmia më ironike e gjithë ngjarjes: një shtet që vrapon pas përgjegjësisë, një polic që ndjek i vetëm dhe një i paraburgosur që largohet lirshëm, duke e kthyer një vizitë mjekësore në arratisjen më të thjeshtë të mundshme.

1728 views

Kamerat e sigurisë pranë Spitalit Rajonal të Durrësit kanë filmuar momentin e arratisjes së të burgosurit Altin Ndoci nga ambientet e institucionit shëndetësor. Në pamje shihet Ndoci duke u larguar me vrap nga spitali, ndërsa në oborr e priste një automjet tip Audi i bardhë, në të cilin ai hipi menjëherë për t’u larguar nga zona. Sipas veprimeve të para hetimore, një prej efektivëve të policisë e ka ndjekur të arratisurin duke qëlluar një herë në ajër, pa arritur ta ndalojë. Burime policore bëjnë me dije se më herët Ndoci kishte kërkuar të shkonte në tualet dhe, në momentin që ka dalë, dyshohet se ka goditur me grusht një nga efektivët e shoqërimit, duke përfituar nga situata për t’u larguar me vrap. Ndjekja e tij vijon, ndërsa policia po ushtron kontrolle në banesën e prindërve të Ndocit, si dhe në zona të tjera të dyshuara ku ai mund të jetë strehuar. Altin Ndoci akuzohet për disa ngjarje të rënda kriminale, mes tyre masakra e Bradasheshit dhe nga autoritetet cilësohet si person me rrezikshmëri të lartë shoqërore. Policia ka intensifikuar operacionin për lokalizimin dhe kapjen e tij, ndërsa hetimet për rrethanat e arratisjes po vazhdojnë.

958 views

Arratisja e ushtarit të ‘Çopjave’ Altin Ndocit nga Spitali Rajonal i Durrësit ka nxjerrë sërish në pah dështimin flagrant të sistemit të shoqërimit dhe sigurisë së të paraburgosurve me rrezikshmëri të lartë. Ndoci, i shoqëruar nga burgu i Durrësit për vizita mjekësore në repartin e infektivit, ka qëlluar efektivin e policisë që e ruante në dhomë dhe është larguar me vrap nga kati i tretë i spitalit, duke zbritur nëpër shkallë, pa u ndaluar nga askush. Pavarësisht se ndodhej në një ambient që, sipas Drejtorisë së Burgjeve, “ka repart sigurie për të dënuarit”, i paraburgosuri ka arritur të largohet brenda pak minutash, duke e kthyer një vizitë mjekësore në një operacion arratisjeje të suksesshëm. Në reagimin zyrtar, Drejtoria e Burgjeve me drejtues Klevis Qosen konfirmoi faktin, duke sqaruar se Altin Ndoci ishte në spital për vizita mjekësore dhe se, pavarësisht ndërhyrjes së menjëhershme, “nuk u arrit ndalimi i tij”. Deklaratë paraprake Paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit. Pavarësisht ndërhyrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes. Një deklaratë që, më shumë sesa shpjegim, shërben si pranim i hapur i dështimit! Një i paraburgosur për katër vrasje arrin të neutralizojë efektivin që e shoqëron dhe të largohet nga një strukturë shtetërore pa asnjë pengesë reale. Ndërkohë që “strukturat janë vënë në lëvizje”, fakti mbetet i pandryshuar, i burgosuri është i lirë, polici është i qëlluar dhe sistemi i sigurisë ka dështuar plotësisht. Ngjarja ngre pikëpyetje serioze mbi mënyrën e shoqërimit, numrin e efektivëve, protokollet e sigurisë dhe përgjegjësinë zinxhir të institucioneve që duhet të garantonin që ushtari i Çopajve të mos arratiset.

18K views

Një qytetare i është drejtuar redaksisë tonë për të denoncuar gjendjen në të cilën iu la apartamenti i saj pas përfundimit të kontratës së qirasë. Ajo ka treguar se 5 vite më parë, i ka dhënë me qira banesën e saj me të gjitha kushtet Xhildës, një zonje nga Elbasani, por pas largimit të saj, ajo e ka gjetur apartamentin me dëmtime dhe papastërti të theksuar. Qytetarja shprehet se gjendja më problematike ka qenë në tualet ku ishte shumë e nevojshme ndërhyrja për pastrim dhe rikthim të gjendjes normale. Ajo tregon se ka kaluar rreth dy javë duke pastruar ambientet dhe duke lyer muret për shkak të ndotjes së madhe. Qytetarja ka kërkuar që rasti të bëhet publik për të informuar të tjerët që të kenë kujdes nga kjo zonjë që merr banesa  me qira dhe nuk i mirëmban ashtu siç duhet dhe e parashikon kontrata.     Denoncimi i qytetares: "Pershendetje Joqalbania. Dua te bej nje denoncim te ju pasi jeni ju qe ju vini ne ndihme njerezve qe nuk gjejne zgjidhje .I pata dhene nje apartament me qera Xhildes nga Elbasani me te gjitha kushtet. Kur iku jam tmerruar kur pashe se ne cfar gjendje e kishte lene. Ju lutem bejeni publike se po i ndodh dhe personave te tjere ku ajo mer shtepi me qera e njejta gje si une. Po jo dergoj foton e saj qe mos ti ndodh dhe te tjereve Zonje xhilda nga Elbasani ,kjo eshte. Kam ndejtur dy jave vetem me banjon duke e pastruar. E kami lyer me tre duar hidromat si nuk kishe cfar te shifej, tualeti ne gjendje skandaloze, papasterti e madhe

41.7K views

Sot Policia e Shtetit shqiptar shënon 113 vjet nga krijimi i saj, një histori që nis më 13 janar 1913 me vendimin e Ismail Qemalit për të ngritur një institucion themelor për rendin dhe sigurinë e shtetit të ri shqiptar. Në këtë rrugëtim shekullor, Policia ka kaluar luftëra, tranzicione të dhimbshme dhe reforma të pafundme, duke lënë pas edhe një çmim të rëndë njerëzor, me 231 punonjës të rënë në krye të detyrës, të cilët sot përmenden si dëshmorë të rendit dhe ligjit. Por përtej ceremonive dhe fjalimeve solemne, realiteti i përditshëm ngre hije të forta mbi këtë përvjetor. Në vitet e fundit, Policia është kritikuar për dështime të përsëritura në zbardhjen e ngjarjeve të rënda kriminale, atentate pa autorë dhe një ndjenjë pasigurie që vazhdon të shoqërojë qytetarët. Me ironi, bilanci publik shpesh duket se përbëhet më shumë nga gëzhojat e mbledhura në vendngjarje sesa nga dosjet e mbyllura me autorë përpara drejtësisë. Në këtë kontekst, pyetja që shtrohet natyrshëm është: a ndihen sot qytetarët realisht të sigurt, pas 113 vitesh Polici? Në deklaratën e tij festive, drejtori i Policisë së Shtetit, Ilir Proda, u shpreh: “Besoni tek ne! Jemi ajo që bëjmë, jo ajo që flitet përmes përbaltjes”. Një frazë që tingëllon fort, por që për shumëkënd kthehet në ironi të hidhur. Sepse nëse Policia është ajo që bën, atëherë qytetarët gjykojnë mbi atë që shohin dhe përjetojnë çdo ditë, jo mbi fjalët. Besimi nuk ndërtohet duke quajtur kritikën “përbaltje”, por duke kthyer sigurinë në një realitet të prekshëm dhe drejtësinë në një përfundim, jo në një premtim festiv.

4180 views

Këshilli i Imunitetit dhe Mandateve do të mblidhet më 28 janar për të shqyrtuar kërkesën e SPAK për heqjen e imunitetit të zv/kryeministres dhe ministres së Infrastrukturës dhe Energjisë, Belinda Balluku. Ky është shqyrtimi i dytë, pasi mbledhja e parë nuk dha një vendim. Gjatë mbledhjes së parë, avokati i Ballukut kërkoi kohë për t’u njohur me provat e SPAK, ndërsa anëtarët e Këshillit morën me vete USB-në me 10 mijë faqe dokumente për dosjen e saj. Nuk u arrit dakordësi mbi datën e radhës, ndërsa kryeministri ka bërë me dije se Kuvendi nuk do të marrë asnjë vendim pa u shprehur më parë Gjykata Kushtetuese për pezullimin e imunitetit. Balluku po hetohet për 8 procedura prokurorimi dhe dyshohet se ka manipuluar të paktën 11 tendera publikë, përfshirë Tunelin e Llogarasë dhe lotin 4 të Unazës së Madhe, me vlerë totale 210 milionë euro. Pyetja që ngrihet për qytetarët është: Si e vlerësoni punën e politikës dhe drejtësisë në raste të tilla, dhe a besoni se hetimet e SPAK po kryhen me pavarësi dhe efikasitet?

20.3K views

Denoncimi i prindit: Përshëndetje JOQ dua të bëj një denoncim për drejtoreshën e shkollës 9Vjeçare Jorgji Dilo Elbasan ,Ilda Nako. Un jam një nënë e divorcuar me vështirësi të mëdha ekonomike ku mezi arrij fundin e muajit, drejtoresha re qëkur ka ardhur ska ditur të ndali duke na kërkuar dhe marr lekë. E nisi me kontributin vullnetar ku u kthehet i detyrueshëm se nëse nuk e jep fillon e të shef msusja kujdestare e fëmijës shtrrembur ,kto lek u dhan me pretendimin për të rregulluar shkollën. Shteti ka dhën urdhër që mos ti meret më prindërve ky kontribut me pretendimin nga për të rregulluar shkollën ku deri më tani kanë bër namin drejtorët e shkollave,se kush i ka kontrolluar se ku kanë ik lekët,dhe për ktë arsye shteti tha stop ,po kjo sdeshi ti a dinte. Un nuk e di nr e saktë të nxënësve po ju them që është 1shkollë e madhe dhe ka shume fmi. Në dhjetor kjo zonja gjeti mënyrë tjetër si tna marri lek. Vendosja e uniformës.Me propozimin dhe mendimin e uniformës nuk kam asgjë përkundrazi po un e kam me çmimin që kjo na ka vendosur,2500mijë dhe nuk do tja dijë fare se kemi apo skemi. Më thoni ju të marrësh me shumic aq është çmimi? Dhe do na i bëj fëmijët ngjyra ngjyra që çdo klasë do ket 1 ngjyrë të ndryshme mora vesh sdo jetë e gjithë shkolla çunat me blu dhe gocat me rozë Ju lutem ju lutem anonim se kam merak për fëmijët se jam e vetme dhe ktë mesazh nuk do e kisha dërguar po më ka vajtur aty ku nuk mbaj dot më. Në lidhje për çmimin e bluze pyeta diku sikur jo më shumë se 20 veta po të bëheshim çmimin do na e linte 20mijë materjal pambuku i mirë po aq nxënës sa ka shkolla po me 25mijë ja kanë lën ato persona me të cilët është lidhur drejtoresha për ti qepur

32.2K views

Përmbytjet e ditëve të fundit kanë shkaktuar dëme të rënda edhe në fshatin Samaticë, në qarkun e Beratit, duke goditur drejtpërdrejt fermerët dhe prodhimin bujqësor. Banorët raportojnë se kulturat e mbjella janë shkatërruar plotësisht nga uji, ndërsa ndihma institucionale mungon. Një fermer nga Samatica ka denoncuar situatën përmes një mesazhi drejtuar redaksisë, ku shprehet se prodhimi i domates është dëmtuar për herë të dytë. Sipas tij, përmbytjet u kanë marrë “mallin nga duart”, duke i lënë familjet pa të ardhura dhe pa asnjë garanci për rikuperim. Fermeri shpreh zhgënjim ndaj mungesës së mbështetjes konkrete nga institucionet vendore dhe pamjet nga zona tregojnë parcela të mbuluara nga uji dhe bimë të kalbura, të papërshtatshme për treg. Fermerët thonë se dëmet nuk janë vetëm në prodhimin aktual, por edhe në tokën bujqësore, e cila kërkon kohë dhe kosto të larta për t’u rikthyer në gjendje normale për mbjellje. Samatica është një zonë me traditë në kultivimin e perimeve, ndërsa përmbytjet e përsëritura po vënë në rrezik serioz ekonominë e familjeve bujqësore. Banorët kërkojnë ndërhyrje urgjente, vlerësim real të dëmeve dhe mbështetje financiare për të përballuar humbjet e shkaktuara nga moti ekstrem. Denoncimi i qytetarit: "Pershendetje joq ktu jemi ne fshatin samatice te Beratit ja dhe domatja qe kemi mbjelle hera e dyte qe na iken malli nga duart heren e pare bashkia dimal erdhi sa shkruajti emrin dhe kaq vetem fjal boshe"

12.4K views

Indrit Hoxha është thirrur në Prokurorinë e Posaçme Antikorrupsion (SPAK). Burime bëjnë me dije se thirrja lidhet me hetime që po zhvillohen nga kjo strukturë. Sipas informacioneve, Hoxha është paraqitur në SPAK për çështje që kanë të bëjnë me financimin e Kuvendit të Rithemelimit. Ky proces po verifikohet nga prokurorët në kuadër të hetimeve për burimet financiare dhe mënyrën e organizimit të aktivitetit politik. Kuvendi i Rithemelimit u zhvillua në vitin 2021, me iniciativë të ish-kryeministrit Sali Berisha, në një periudhë kur Partia Demokratike ishte e përfshirë në përplasje të forta të brendshme për vulën dhe logon e partisë, të cilat në atë kohë administroheshin nga Lulzim Basha.

24.5K views

Ditën e djeshme JOQ ALBANIA publikoi denoncimin e një qytetari për një produkt të blerë online i cili u dëmtua pas 10 ditësh. Qytetari tregoi se varësja prej argjendi që bleu përmes internetit në faqen “AKB Store”, me numrin 585, filloi të nxihej menjëherë pas përdorimit. Por i riu që shet këto produkte online, ka një tjetër version për këtë ngjarje. Ai shprehet se varësja i është shitur qytetarit si çelik, edhe pse s'kuptohet arsyeja pse ka numrin e argjendit të shkruar mbi të. Sipas tij varësja nuk duhet mbajtur në dush pasi kjo është arsyeja që nxihet dhe dëmtohet. I riu thotë se është ofruar t'i japë rimbursim qytetarit për produktin e blerë, por ka ndodhur një keqkuptim pasi ai nuk ka zbatuar rregulloren për produktin e blerë dhe kushtet e përdorimit. Mesazhi i qytetarit: Pershendetje JOQ,Nuk eshte shitur asnje varse per argjend nga ne,Varsja eshte shitur si celik qe nuk duhet vendosur ne dush dhe ne klorure per arsye mund te nxihet!!Eshte blere vetem 2200L varsja + 2000L nje ore !Gjithashtu ne moment qe na ka shkruar I jemi pergjigjur me rimbursim varseje tjeter dhe jo me bllok si shkruhet,Faleminderit!!

265.7K views