Një situatë tejet shqetësuese është raportuar në redaksinë e JOQ Albania nga një qytetar që po udhëtonte në aksin rrugor Fier–Levan, një zonë e njohur për mungesën e ndriçimit dhe për aksidentet e shpeshta. Sipas denoncimit, gjatë lëvizjes në këtë aks, qytetarit i është shfaqur papritur përpara një mjet bujqësor tip triçikël (mjet motorik me tri rrota i përdorur për transport), i cili qarkullonte pa asnjë dritë ndriçimi, as përpara dhe as pas. Siç shihet edhe në pamjet e mbërritura në redaksinë tonë, mungesa totale e ndriçimit në rrugë, e kombinuar me faktin që mjeti bujqësor nuk kishte asnjë sinjalizim, e bën situatën një burim potencial për aksidente të rënda dhe tragjike. Qytetari shprehet se vetëm për shkak të kujdesit të shtuar është shmangur një përplasje që mund të kishte pasoja fatale. Aksi Fier–Levan prej vitesh konsiderohet problematik, ku kanë ndodhur dhjetëra aksidente tragjike, ndërsa mungesa e ndriçimit dhe qarkullimi i mjeteve të pasiguruara vazhdon të rrezikojë jetën e drejtuesve të automjeteve dhe vetë përdoruesve të këtyre mjeteve. Mesazhi i plotë i qytetarit për JOQ Albania: “Përshëndetje JOQ! Shikoni çfarë bëhet në rrugën Fier–Levan në periudhë festash dhe në një zonë pa ndriçim të mirëfilltë. Nëse nuk do kishim pasur kujdes, do kishte qenë fatale, pasi nuk kishin asnjë dritë për t’u parë nga makinat.” JOQ Albania i bën thirrje institucioneve përgjegjëse dhe Policisë Rrugore të marrin masa urgjente, si për ndriçimin e këtij aksi, ashtu edhe për kontrollin e mjeteve bujqësore që qarkullojnë pa kushte minimale sigurie, përpara se të ndodhë një tjetër tragjedi.

9178 views

Kryeministri në detyrë i Kosovës dhe kryetari i Lëvizjes Vetëvendosje, Albin Kurti, ka dalë në një konferencë për mediat pas publikimit të rezultateve paraprake të zgjedhjeve parlamentare të mbajtura këtë të diel, duke e cilësuar rezultatin si një fitore historike për Vetëvendosjen dhe qytetarët e Kosovës. Sipas përditësimit më të fundit të Komisionit Qendror të Zgjedhjeve, deri në këtë fazë janë numëruar 98.63% e votave, ku Lëvizja Vetëvendosje kryeson me 49.47%, ose 429.572 vota, duke ruajtur epërsinë ndaj forcave të tjera politike. Në fjalën e tij, Kurti u shpreh: “Urime fitorja më e madhe në historinë e vendit. Sa më parë të certifikohen rezultatet, aq më shpejt do të mund të krijojmë institucionet dhe të vijojmë me punën. Ftoj partitë opozitare për bashkëpunim në Kuvend, për marrëveshjet ndërkombëtare dhe për interesin publik të qytetarëve.” Ai theksoi se në Kuvendin e ardhshëm e pret vendin një axhendë e rëndësishme, përfshirë Planin e Rritjes së Bashkimit Europian në vlerë rreth 880 milionë euro, si dhe tre marrëveshje me Bankën Botërore në vlerë 120 milionë euro, duke e çuar totalin mbi 1 miliard euro investime dhe mbështetje financiare. Kurti bëri të ditur se, nëse Vetëvendosje arrin deri në përfundim të numërimit të kalojë pragun prej 50.1%, atëherë do të ketë mundësi të formojë qeverinë e vetme, pa pasur nevojë për koalicion qeverisës. Në të kundërt, bashkëpunimi në Kuvend mbetet i domosdoshëm për funksionimin institucional. I pyetur për zgjedhjen e presidentit të ri të Kosovës, që pritet në prill të vitit të ardhshëm, Kurti u shpreh se “është ende herët për të folur për këtë çështje”, duke theksuar se aktualisht është moment për reflektim dhe festë pas procesit zgjedhor. Sipas rezultateve paraprake të KQZ-së deri tani, renditja e forcave politike është si më poshtë: Vetëvendosje: 49.47% (429.572 vota) PDK: rreth 21% LDK: rreth 13–14% AAK: rreth 5–6% Lista Serbe: rreth 3.8% Nisma Socialdemokrate: rreth 1.7% Komisioni Qendror i Zgjedhjeve pritet të publikojë rezultatet përfundimtare pas përmbylljes së plotë të numërimit dhe certifikimit zyrtar të votave.

18.5K views

Dinamo është fituesi i Superkupës së Shqipërisë, pasi mposhti Egnatian me rezultatin 3-1 në finalen e zhvilluar në stadiumin “Air Albania”, duke siguruar kështu trofeun e parë të sezonit dhe duke mbyllur vitin 2025 në mënyrën më të mirë të mundshme. Ndeshja nisi më mirë për Egnatian, e cila kaloi në avantazh që në minutën e 9-të me anë të Ruçit, pas një gabimi në prapavijën dinamovite. Rrogozhinasit e mbyllën pjesën e parë në epërsi, ndërsa Dinamo krijoi disa raste të pastra, por pa arritur të konkretizojë. Gjithçka ndryshoi në pjesën e dytë. Ekipi i Ilir Dajës u shfaq shumë më agresiv dhe brenda pak minutash përmbysi rezultatin. Fillimisht ishte Bregu që barazoi shifrat, ndërsa pak më vonë Nani realizoi golin e avantazhit, duke përmbysur totalisht takimin në harkun e minutave 54’–59’. Në minutat e fundit, Dinamo vulosi fitoren me golin e tretë të shënuar nga Qefalija nga pika e bardhë e penalltisë, duke mos i lënë më hapësirë reagimi Egnatias. Me këtë sukses, Dinamo fiton Superkupën e Shqipërisë pas 17 vitesh pritjeje, duke konfirmuar njëherazi se mbetet “makth” për ekipin e Edlir Tetovës, të cilin e ka mposhtur edhe më herët në finale. Një triumf me peshë për blutë e kryeqytetit, që nisin sezonin me një trofe dhe japin sinjale të forta për vazhdimësinë.

12.7K views

Sot në Kosovë u mbajtën zgjedhjet e parakohshme parlamentare, ndërsa Komisioni Qendror i Zgjedhjeve ka nisur publikimin e rezultateve preliminare. Sipas të dhënave zyrtare, janë numëruar rreth 90% e votave, ku Lëvizja Vetëvendosje kryeson bindshëm. Nga numërimi i 2.292 kutive të votimit nga 2.557 gjithsej, rezulton se Vetëvendosje (LVV) ka marrë 50.09% të votave, duke thelluar ndjeshëm avantazhin ndaj forcave të tjera politike. PDK renditet forcë e dytë me 20.96%, ndërsa LDK pozicionohet e treta me 13.89% të votave. AAK ka siguruar 5.89%. Procesi i votimit u zhvillua nga ora 07:00 deri në 19:00, në 910 qendra votimi me gjithsej 2.557 vendvotime, ndërsa të drejtë vote kishin 1.999.024 qytetarë. Sipas të dhënave paraprake, pjesëmarrja në zgjedhje ka qenë rreth 45%. Rezultatet tregojnë se Albin Kurti është drejt vijimit të qeverisjes së Kosovës, me Vetëvendosjen që siguron mbi gjysmën e votave, çka i hap rrugë formimit të qeverisë për një mandat të ri katërvjeçar. Zgjedhjet e parakohshme u zhvilluan pas një krize të gjatë politike, e cila pasoi zgjedhjet e mëparshme, ku asnjë forcë politike nuk arriti të sigurojë shumicën e nevojshme për krijimin e qeverisë, duke çuar vendin drejt një procesi të ri zgjedhor. Komisioni Qendror i Zgjedhjeve pritet të vijojë me përditësimin e rezultateve përfundimtare në orët në vijim.

11.2K views

Pas disa ditësh pa furnizim me ujë të pijshëm, qindra qytetarë të Vlorës janë ngritur në protestë mbrëmjen e sotme, duke u grumbulluar para Teatrit “Petro Marko”, aty ku Bashkia e Vlorës kishte organizuar një mbrëmje festive gala me rastin e festave të fundvitit. Të revoltuar nga situata dhe mungesa e zgjidhjes, protestuesit kanë hapur portat e teatrit dhe janë futur brenda sallës, duke e ndërprerë aktivitetin e bashkisë. Gjatë protestës janë dëgjuar thirrje të forta si “Duam ujë” dhe “Poshtë qeveria”, ndërsa qytetarët kërkonin që kryetari i bashkisë të dilte dhe t’i takonte. Salla e teatrit është pushtuar nga protestuesit, të cilët shprehën hapur indinjatën për faktin se, sipas tyre, ndërkohë që qyteti vuan mungesën e ujit, bashkia organizon festa luksoze. Protesta vjen në një moment të ndjeshëm për qytetin e Vlorës, ku mungesa e ujit ka shkaktuar pakënaqësi të madhe te banorët, të cilët kërkojnë zgjidhje konkrete dhe jo justifikime.

66K views

Familjarët e 75-vjeçarit Xhemal Molla i janë drejtuar sërish redaksisë së JOQ Albania, pasi i moshuari, i cili u raportua i zhdukur disa ditë më parë dhe u gjet, ka humbur përsëri. Sipas tyre, Xhemal Molla ka dalë nga banesa dhe nuk është kthyer më, duke rikthyer shqetësimin dhe ankthin te familja. Ai është parë për herë të fundit në të njëjtën zonë ku ishte konstatuar edhe herën e kaluar, pranë shkollës “1 Qershori”, në zonën e Selitës, në Tiranë. Familjarët theksojnë se 75-vjeçari vuan prej vitesh nga humbja e kujtesës, çka e bën situatën edhe më shqetësuese dhe urgjente. Ata kanë kërkuar ndihmën e qytetarëve, duke shpresuar se dikush mund ta ketë parë ose të ketë informacion mbi vendndodhjen e tij. Në këtë situatë, ata u bëjnë apel të gjithë qytetarëve që, nëse kanë ndonjë informacion, të kontaktojnë menjëherë në numrin e telefonit: +355 68 610 8009. JOQ Albania i bashkohet sërish thirrjes së familjarëve dhe fton këdo që mund të ndihmojë me informacion, pasi çdo detaj mund të jetë vendimtar për gjetjen e tij dhe kthimin e sigurt pranë familjes.

22.4K views

Një debat i pazakontë ka ndodhur mbrëmjen e djeshme mes një vajze që ishte duke udhëtuar drejt aeroportit të Rinasit me një taksi, dhe një shoferi që ishte futur kudravajtje në një nga rrugët e Astirit. Vajza thotë se ishte me vonesë për të kapur avionin, dhe i kërkoi taksistit të nxitonte. Por ajo që e vonoi akoma më shumë ishte një shofer që po udhëtonte kundravajtje. Kjo gjë e acaroi të renë, e cila nxori telefonin dhe filloi të filmonte të gjithë skenën. Kush shoferi që pretendohet se ishte në shkelje pa telefonin, zbriti nga makina e tij dhe u afrua te taksia për të kërkuar llogari se “përse po e fotografonin”. Vajza e nxehur i përgjigjet se “është duke i bërë video, pasi ishte kundravajtje dhe ajo po bëhej vonë për në aeroport”. Burri i thotë se nëse është vonë, duhet të nisej më shpejt. Në mesazhin dërguar për redaksinë tonë, vajza shkruan: “Përshëndetje JOQ! Mirë që janë kundravajtje po të bëjnë dhe presion. Çfarë bëhet në Astir, nuk pyet njëri për rregullore edhe nëse ndodh aksident nuk mbajnë përgjegjësi. Ju lutem postojeni Jemi kthyer mbrapsht edhe pse kemi qenë në rregull me rregulloren.” Ky rast kërkon vëmendjen e duhur nga Policia Rrugore, e cila duhet të ndërhyjë për të normalizuar lëvizjen e automjeteve.

139K views

Ndonjëherë, një foto brenda një fotoje thotë më shumë se një mijë fjalë. Sot në Durrës, syri i aparatit kapi këtë moment sa sportiv, aq edhe njerëzor. Në qendër të vëmendjes, një "bishë" e verdhe që shkëlqen, por ajo që na e ngrohu zemrën vërtet është detaji në sfond: Një zotëri që po nxiton të fotografojë bashkëshorten e tij pranë makinës luksoze. Pse kjo foto na bën të buzëqeshim? Vëmendja ndaj partneres: Nuk ka rëndësi sa e shtrenjtë është makina, për atë zotëri, "modelja" e tij mbetet prioriteti dhe ai kërkon të ruajë një kujtim të bukur për të. Kontrasti simpatik: Thjeshtësia e një çifti që shijon xhiron e paradites përballë luksit modern të një Lamborghini. Energjia e qytetit: Durrësi na dëshmon edhe njëherë se është një vend ku stilet dhe brezat ndërthuren në harmoni të plotë. Nuk është thjesht një makinë e shtrenjtë, është dëshira për të kapur të bukurën në çdo formë!

139.3K views

Një qytetar ka dërguar pranë redaksisë sonë një foto shqetësuese të realizuar dje në mëngjes nga dritarja e avionit. Ndërsa lartësia ofron një pamje spektakolare, ajo që bie në sy poshtë reve është një "vello" e dendur hiri që ka mbuluar kryeqytetin. Mesazhi i qytetarit: "Përshëndetje JOQ! Kjo ishte pamja e Tiranës dje në mëngjes nga avioni!" Në foto dallohet qartë se si smogu dhe ndotja kanë krijuar një shtresë të trashë mbi ndërtesa, duke e bërë Tiranën thuajse të padukshme. Edhe pse nga toka shpesh na duket si thjesht lagështi apo mjegull, nga lartësia e avionit e vërteta është krejt tjetër: një alarm për mushkëritë tona. Ndërkohë që flitet për investime dhe pyllëzime, kjo pamje tregon realitetin e hidhur të cilësisë së ajrit me të cilin zgjohen çdo ditë mijëra qytetarë. Po ju si mendoni, a është Tirana sot një nga qytetet më të ndotura në rajon?

11K views

Situata e mungesës së ujit të pijshëm në Vlorë vijon të përkeqësohet. Prej katër ditësh, qyteti është pa furnizim normal me ujë, ndërsa në redaksinë e JOQ Albania kanë mbërritur mesazhe të shumta nga qytetarë të revoltuar, të cilët e cilësojnë gjendjen si alarmante dhe të papranueshme. Sipas një denoncimi, familjet janë detyruar të kthehen në kushte primitive jetese. “Po hamë në pjata plastike dhe po lahemi me sapllakë si para 40 vitesh, sepse nuk ka ujë për asgjë. Në prag festash po e lënë qytetin pa ujin më minimal”, shkruan qytetari. Ai thekson se mungesa e ujit ka paralizuar jetën e përditshme dhe se nuk ka asnjë informacion apo afat nga institucionet përgjegjëse. Një tjetër mesazh i ardhur në redaksi e përshkruan situatën edhe më rëndë: “Po mbushin ujë në det vlonjatët. Edhe tek Rrapi e ka zënë ‘kuçedra’, nuk ka ujë. Turp”. Sipas qytetarëve, pamjet e banorëve që përpiqen të sigurojnë ujë në çdo mënyrë janë bërë tashmë të zakonshme. Në mesazhet e tyre, qytetarët shprehin indinjatë jo vetëm ndaj institucioneve lokale dhe qendrore, por edhe ndaj mungesës së reagimit qytetar. “Faj nuk kanë vetëm qeveritarët, por edhe populli vlonjat që e pranon këtë tallje dhe rri në kafe duke pritur të vijë uji, në vend që të protestojë para bashkisë”, thuhet më tej. Sipas denoncuesve, shumë zyrtarë ndodhen jashtë vendit për pushime, ndërkohë që qyteti përballet me një problem jetik. “Zamet të kthehen nga festat dhe ta shikojnë këtë problem real që kemi”, shprehet një qytetar, duke e cilësuar situatën si turpëruese.

20.6K views

Një aksident i rëndë rrugor ka ndodhur mbrëmjen e sotme në Divjakë, ku dy automjete janë përplasur me njëra-tjetrën. Si pasojë e përplasjes, një prej mjeteve ka përfunduar në kanal. Ngjarja është raportuar në redaksinë e JOQ Albania nga dëshmitarë në vendngjarje, të cilët kanë dërguar edhe pamje nga vendi i aksidentit. Sipas informacioneve të siguruara nga qytetarët, tre persona kanë mbetur të plagosur rëndë. Të lënduarit udhëtonin në automjetin që përfundoi në kanal dhe janë transportuar me urgjencë me ambulancë drejt spitalit të Lushnjës. Ende nuk dihen rrethanat e sakta të aksidentit dhe përgjegjësitë e palëve të përfshira. Një nga automjetet, sipas dëshmitarëve, kishte targa greke dhe personat në mjet kishin ardhur për pushime. Automjeti tjetër ndodhej në krahun e kundërt të rrugës në momentin e përplasjes. Një qytetar shprehet se aksidente të tilla ndodhin thuajse çdo natë në rrugën e Divjakës, por shumë prej tyre nuk raportohen. Sipas tij, automjetet që përfundojnë në kanal shpesh nxirren me traktorë, madje edhe me persona të bllokuar brenda. “Në rrugën e Divjakës bëhen përditë aksidente si këto dhe nuk dalin në lajme. Makinat nxirren nga kanali me traktor, me njerëz brenda. Situata është shumë e rëndë”, shprehet qytetari. Ai ngre gjithashtu shqetësime serioze për mungesën e kontrollit rrugor në zonë, duke theksuar se në këtë aks qarkullojnë automjete dhe motorë pa leje qarkullimi, ndërsa sipas tij edhe fëmijë shkojnë në shkollë me motorë, pa u ndaluar nga policia. Deri në këto momente nuk ka një reagim zyrtar nga autoritetet për këtë ngjarje. JOQ Albania i bën thirrje institucioneve përgjegjëse të sqarojnë rrethanat e aksidentit dhe të marrin masa konkrete për rritjen e sigurisë në rrugën e Divjakës, përpara se të ndodhë një tjetër tragjedi.

18.6K views

Videoja e zogut “Kiwi”, që po qarkullon prej vitesh në rrjet, është një pasqyrë tronditëse e asaj që quajmë varësi. Nuk ka nevojë për fjalë, zhurmë apo shpjegime. Heshtja e saj flet mjaftueshëm. Ajo tregon se si çdo rënie nis gjithmonë nga një hap i vogël: nga kureshtja, nga eksperimentimi, nga ajo gënjeshtër e njohur që i themi vetes, “vetëm këtë herë”. Spiralja e padukshme: Në pamje nuk ka një 'shpërthim të menjëhershëm', por një përkeqësim të ngadaltë, pothuajse të padukshëm. “Pikat e arta”, që në fillim të japin ndjesinë e fluturimit dhe lirisë, gradualisht kthehen në një barrë që të merr frymën. Ajo që dukej si kënaqësi, shndërrohet në nevojë. Dhe më pas, në varësi. Ky është mashtrimi më i madh i varësive: ato nuk vijnë me alarm. Maskohen si zgjedhje të përkohshme, si diçka që “ti e kontrollon”, derisa momenti vjen kur kontrolli nuk është më në duart e tua. Ngjyrat zbehen, bota bëhet gri. Hapi i sigurt kthehet në një zvarritje të dëshpëruar drejt diçkaje që nuk të sjell më kënaqësi, por vetëm shkatërrim. Askush nuk është imun: Mesazhi është i drejtpërdrejtë dhe i pamëshirshëm: varësia nuk zgjedh moshë, status apo karakter. Ajo nuk lidhet vetëm me substanca të ndaluara, por edhe me bixhozin, lojërat online, rrjetet sociale, apo çdo sjellje që fillimisht duket e padëmshme, por që me kohën të merr peng vullnetin dhe identitetin. Shumë njerëz që sot luftojnë me errësirën, dje ishin thjesht kureshtarë. Ata besonin se ishin përjashtim nga rregulli. Videoja na kujton se pas çdo fluturimi të rremë, goditja me tokën është e pashmangshme, dhe sa më lart të fluturosh, aq më e fortë është rënia. Koha për të reflektuar: Ky shkrim është një ftesë për të ndaluar dhe për të menduar. Ndihma nuk është dobësi, por forma më e lartë e forcës. Të thuash “JO” në kohën e duhur mund të jetë vendimi që të shpëton jetën. Hap sytë për ata që ke pranë. Dikush mund të jetë duke rrëshqitur ngadalë drejt një rruge pa kthim dhe ka nevojë për një dorë, përpara se të jetë vonë. Ndonjëherë, mjafton një video e thjeshtë për të na kujtuar se jeta është shumë e shtrenjtë për t’u shkëmbyer me “pika ari” të rreme. Mos lejo që fluturimi i radhës të jetë i fundit. Credits: Nuggets by Film Bilder Studio

8060 views

Një video e dërguar në redaksinë e JOQ Albania tregon një skenë të pazakontë në rrugët e Tiranës. Në pamje duket një motor i Policisë së Shtetit me dy efektivë mbi të, i cili ngrihet mbi rrotën e parë duke kryer manovra që nuk janë aspak të zakonshme për një mjet zyrtar. Skena dyshohet se ka ndodhur disa ditë më parë, në një rrugë të frekuentuar të kryeqytetit dhe vë në dyshim rregullat e qarkullimit dhe standardet e sjelljes së punonjësve të rendit publik. Ekspertët e sigurisë rrugore theksojnë se manovrat e tilla janë shumë të rrezikshme dhe mund të shkaktojnë aksidente serioze, sidomos kur kryhen në rrugë të hapura me trafik. Ata rekomandojnë që institucionet e rendit të jenë shembull për qytetarët dhe të shmangin çdo sjellje që mund të minojë besimin publik.

44.9K views

Një zjarr ka përfshirë një pallat në zonën e Shallvareve në Tiranë, duke shkaktuar panik te banorët e zonës. Ngjarja është raportuar nga një qytetar, i cili ka dërguar pamje video në redaksinë e JOQ Albania. Sipas tij, në video dëgjohen kercitje të forta dhe dyshohet se zjarri mund të jetë shkaktuar nga një shkëndijë ose masë elektrike e ndodhur te kabujt ajrorë që ndodhen pranë pallatit. Qytetari shprehet se situata është e rrezikshme dhe se banorët nuk po arrijnë të futen në banesat e tyre. “Nuk po hyjmë dot në shtëpi. Po rrezikohen banorët. Ato kabujt janë ajrorë, kjo punë është aty. Sidomos kur fillojnë pjekin për Vitin e Ri ose kur bën 40 gradë, marrin flakë. Duhen bërë investime tokësore, ai është rrjet ajror i viteve ’50. Filloi një kabull, pastaj një tjetër, nga ngarkesa. Aty po u këput kabulli, kur kalon të merr jetën. Janë tela pa fund mbi ne, elektrikë, interneti, telefonie, të gjitha në ajër lemsh”, shprehet qytetari. Deri në këto momente nuk ka një reagim zyrtar për shkakun e zjarrit apo për dëme të mundshme. JOQ Albania i bën thirrje institucioneve përgjegjëse të sqarojnë situatën dhe të marrin masa për sigurinë e banorëve, ndërsa qytetarët ftohen të tregojnë kujdes maksimal.

54.3K views

Kjo fotografia nga Tirana flet më shumë se çdo raport zyrtar për urbanistikën e kryeqytetit. Pallate shumëkatëshe në ndërtim, vinça që dominojnë horizontin dhe një vijë malesh që po zhduket gradualisht pas betonit. Pamja natyrore e Dajtit, dikur një nga identitetet vizuale të qytetit, po shndërrohet në luks të rrallë. Ndërtimet intensive dhe shpesh pa kriter po e ngushtojnë qytetin jo vetëm fizikisht, por edhe estetikisht. Aty ku dikur hapej horizonti drejt malit, sot ngrihen fasada të dendura, të vendosura pranë njëra-tjetrës, pa distanca, pa korridore vizuale dhe pa respekt për relievin natyror. Qyteti po rritet në lartësi, por po varfërohet në cilësi. Fenomeni nuk është i ri, por ritmi është përshpejtuar ndjeshëm. Lejet e ndërtimit janë kthyer në instrument zhvillimi ekonomik afatshkurtër, ndërsa planifikimi urban afatgjatë mbetet i paqartë ose i nënshtruar ndaj interesave të momentit. Pyetja kryesore nuk është më “a duhet të ndërtohet?”, por “ku, sa dhe me çfarë kriteresh?”. Humbja e pamjes së malit të Dajtit nuk është thjesht çështje estetike. Ajo lidhet drejtpërdrejt me cilësinë e jetës, shëndetin mendor, ajrosjen natyrore të qytetit dhe raportin e banorëve me hapësirën ku jetojnë. Një qytet që mbyllet nga betoni rrezikon të kthehet në një mjedis të rëndë, të pabanueshëm dhe socialisht të fragmentuar. Në mungesë të korridoreve të gjelbra, planeve të qarta rregulluese dhe kontrollit real mbi densitetin e ndërtimeve, Tirana po humbet gradualisht një nga asetet e saj më të rëndësishme: pamjen dhe frymëmarrjen natyrore. Mali i Dajtit, që për dekada ka qenë sfond i përditshëm i jetës urbane, sot thuajse nuk duket më. Nëse kjo prirje vijon, rreziku është i qartë: shumë shpejt nuk do të flasim më për qytet me pamje nga mali, por për qytet ku mali shihet vetëm në fotografi të vjetra. Dhe atëherë do të jetë vonë për analiza, sepse betoni, ndryshe nga natyra, nuk të fal.

12.3K views

Ndërkohë që Bashkia e Tiranës promovon projekte urbane, evente dhe fasada publike, realiteti në Tufinë tregon një tjetër fytyrë të qeverisjes vendore: mungesë kontrolli, mungesë shërbimi dhe indiferencë ndaj hapësirave publike që nuk prodhojnë imazh, por kërkojnë përgjegjësi.

22.2K views

Në lumin Starovë, në zonën e Volorekës, Pogradec po ndodh një ndotje e rëndë mjedisore. Në këtë lumë janë derdhur mbetje nga gjaku i bagëtive të prera dhe aktualisht, lumi nuk ka më ujë të pastër, por është i mbushur me gjak dhe papastërti. Banorët e zonës thonë se ky është një problem shumë shqetësues, pasi lumi Starovë ka derdhje direkte në Liqenin e Pogradecit, duke rrezikuar seriozisht ndotjen e tij. Ata shprehen se situata paraqet rrezik të lartë për përhapjen e infeksioneve, ndotjen e mjedisit dhe cenimin e shëndetit të banorëve dhe gjallesave. Banorët i bëjnë thirrje institucioneve përgjegjëse për të ndaluar këtë ndotje, për të identifikuar përgjegjësit dhe për të marrë masa urgjente për pastrimin dhe mbrojtjen e mjedisit.

89K views

Një tjetër aksident zinxhir ka ndodhur ditën e sotme në autostradën Durrës-Tiranë. 4 makina janë përplasur njëra pas tjetrës te mbikalimi i Fllakës duke shkaktuar trafik kilometrik në të gjithë aksin. Për momentin raportohet vetëm për dëme materiale, pa pasoja në njerëz. Drejtuesit e mjeteve duhet të tregojnë kujdes duke respektuar rregullat e qarkullimit rrugor për të shmangur aksidente të tilla, që sa vijnë e shtohen në këto ditë të ngarkuara fundviti.

76.1K views

Gjendja e rrugës “Albavia – Çerkezë – Morinë”, e njohur nga banorët si “Argjinatura”, është kthyer në një sfidë të përditshme për qytetarët. Çdo ditë, redaksia e JOQ ALBANIA merr dhjetëra denoncime nga banorët e Kamzës dhe zonave përreth për gjendjen e mjerueshme të rrugëve dhe mungesën totale të ndërhyrjeve nga Bashkia Kamëz. Sipas qytetarëve, rruga është pothuajse e pakalueshme, jo vetëm për automjetet, por edhe për këmbësorët. Balta, pluhuri dhe gropat e shumta e kanë kthyer këtë segment në një terren të rrezikshëm që dëmton çdo ditë automjetet dhe pengon lëvizjen e qytetarëve. Banorët akuzojnë gjithashtu ndotjen e vazhdueshme që shkaktohet nga ndërtimet e shumta në zonë. Mjetet e rënda dhe trajlerët që transportojnë materiale ndërtimi hedhin baltë dhe pluhur, pa marrë asnjë masë për pastrimin e rrugës dhe mjedisit përreth. Sipas tyre, kjo situatë nuk vetëm që dëmton pronat dhe automjetet, por përbën rrezik për shëndetin e fëmijëve dhe të moshuarve. Pavarësisht denoncimeve të shumta, autoritetet nuk kanë ndërmarrë asnjë veprim konkret për të përmirësuar gjendjen. Banorët e Kamzës kërkojnë ndërhyrje të menjëhershme, duke apeluar për përgjegjësinë e Bashkisë për sigurinë dhe mirëqenien e qytetarëve të saj.

55.8K views

Sipas një parashikimi të publikuar nga banka amerikane Morgan Stanley, deri në vitin 2030 rreth 45% e grave të moshës 25 deri në 44 vjeç pritet të jenë beqare dhe pa fëmijë, një shifër që tregon një ndryshim të madh krahasuar me dekadat e mëparshme. Ky trend sinjalizon një transformim të thellë në mënyrën se si po strukturohet familja moderne dhe shoqëria në tërësi. Sipas analizës, gjithnjë e më shumë gra po i japin përparësi arsimit të lartë dhe karrierës profesionale, duke shtyrë martesën dhe lindjen e fëmijëve për më vonë ose duke i shmangur fare. Një tjetër faktor i rëndësishëm lidhet me rritjen e kostos së jetesës dhe pagat që, sipas ekspertëve, nuk po ecin në të njëjtin ritëm. Kjo e ka bërë modelin tradicional të familjes më pak të përballueshëm financiarisht për shumë njerëz. Ndërkohë, me rritjen e pavarësisë ekonomike të grave, martesa nuk shihet më si domosdoshmëri për siguri financiare. Ekonomistët e përkufizojnë këtë kategori si “gratë beqare në moshë aktive”, një grup që po ndikon gjithnjë e më shumë në atë që quhet “Sheconomy”, pra fuqia ekonomike e grave në treg. Sipas parashikimeve, kjo shtresë do të ketë një peshë gjithnjë e më të madhe në shpenzime, duke ndikuar drejtpërdrejt sektorë si pasuritë e paluajtshme, udhëtimet, shëndetësia dhe mallrat e konsumit. Ky ndryshim pritet të detyrojë bizneset dhe politikëbërësit të përshtaten me një realitet të ri, ku familjet me një person po kthehen gradualisht në normë dhe jo më në përjashtim.

102.3K views