Një 65-vjeçar i identifikuar si Kostandin Nishku alias Baki Duzha, është arrestuar nga Policia në Greqi, pasi akuzohet për vrasjen e një të mituri në Gramsh.

Sipas raportimeve, Nishku, është arrestuar me qëllim ekstradimi, pasi është dënuar me burgim të përjetshëm, pasi më 19 mars te vitit 1997 ka vrarë me armë zjarri një djalë 9 vjeçar në Gramsh.

Sipas raportimeve, Nishku ka shkuar në shtëpinë e të miturit qe të kërkonte vëllain e të tij dhe e ka kërcënuar të miturin se do ta vriste në rast se nuk tregonte.

Kur 9-vjecari nuk ka treguar ai e ka qëlluar për vdekje. Me 10 shtator te vitit 1998 është dënuar në burgim të përjetshëm.

Ai akuzohet për veprën penale “vrasje për shkak të cilësive të veçanta”.

Drejtori i Drejtorisë Vendore të Policisë Dibër, Artion Duka, ka dhënë dorëheqjen nga detyra.

Siç mësohet vendimi i tij është marrë për arsye familjare.

Pas largimit të Dukës, Drejtori i Përgjithshëm i Policisë së Shtetit ka firmosur urdhrin për emërimin e një drejtuesi të ri të përkohshëm.

Në krye të Drejtorisë Vendore të Policisë Dibër është caktuar Armir Gjikolaj, i cili do të mbajë këtë detyrë deri në një vendim të mëtejshëm.

Ish-kryeministri Sali Berisha ka bërë një thirrje të drejtpërdrejtë për mobilizim qytetar, duke ftuar shqiptarët që më 10 shkurt, në orën 17:00, të mblidhen në Tiranë për një protestë kundër qeverisë.

Në një deklaratë të ashpër, Berisha theksoi se vetëm reagimi i qytetarëve mund të sjellë ndryshimin, duke e cilësuar çdo përpjekje tjetër si “humbje kohe”.

“Është fjala juaj, është guximi juaj, është revolta dhe zemërimi juaj ndaj padrejtësisë, vjedhjes, narkoshtetit, varfërimit dhe mjerimit nga plaçkitja e kësaj qeverie, që duhet dhe do ta shpëtojë Shqipërinë”, u shpreh Berisha.

Ai akuzoi kryeministrin Edi Rama për arrogancë dhe përbuzje ndaj qytetarëve, duke thënë se në vend të dorëheqjes, Rama “sfidon dhe ofendon shqiptarët”, ndërsa drejtësia, sipas tij, funksionon vetëm për një rreth të ngushtë pushteti.

“Unë ju kam plaçkitur dhe do ju plaçkis – ky është mesazhi që u jep shqiptarëve Edi Rama, duke u tallur me ligjin dhe drejtësinë”, deklaroi Berisha.

Sipas tij, largimi i qeverisë aktuale mund të vijë vetëm përmes presionit qytetar dhe revoltës popullore, që do të detyrojë, siç tha, “këtë organizatë kriminale të kryesuar nga Edi Rama të largohet nga pushteti dhe t’i hapë rrugë një qeverie teknike dhe zgjedhjeve të ndershme”.

Berisha nënvizoi se protestat janë të pritura jo vetëm në Shqipëri, por edhe nga diaspora shqiptare, duke e cilësuar 24 janarin si një datë që “është e gjallë çdo ditë”.

Në përfundim, ai u bëri thirrje të rinjve, grave, burrave dhe të moshuarve që të bashkohen më 10 shkurt në Tiranë.

“Ftoj të gjithë shqiptarët të bashkohemi më 10 shkurt në orën 5 për t’i dhënë leksionin e merituar kësaj organizate kriminale me në krye Edi Ramën”, përfundoi Berisha.

Drejtuesi i Departamentit te Infrastruktures ne PD Besnik Dervishi i cili ka denoncuar abuzimet de vjedhjet qe jane bere ne Tunelin e Murrizit. Gjate deklarates se tij ai tha se Tuneli i Murrizit, i cili u hap për qytetarët pak përpara zgjedhjeve të vitit 2025, me nxitim elektoral, propagandë dhe ceremoni festive, sot, pa kaluar as një vit nga hapja e tij, ka pësuar krisje dhe çarje, duke rikonfirmuar në mënyrën më kriminale se kemi të bëjmë me një vepër të realizuar jashtë standardeve teknike dhe atyre të sigurisë.

Kjo që ka ndodhur nuk ishte e paparashikueshme, pasi këmbanat e alarmit kanë rënë shumë më herët, si gjatë ndërtimit të tunelit ashtu edhe pas hapjes së tij, kur inxhinierët e Departamentit të Infrastrukturës në Partinë Demokratike kanë deklaruar se kjo rrugë, dhe ky tunel në veçanti, ishte jashtë standardit dhe përbënte rrezik serioz për jetën e qytetarëve.

Ky alarm profesional u injorua.

Sot, faktet janë mbi tokë: Tuneli rrezikon të shembet.

Deputetët e Partisë Demokratike i janë drejtuar zyrtarisht Autoritetit Rrugor Shqiptar për informacion mbi Rrugën e Arbërit dhe përgjigjja zyrtare ka qenë:

“Tuneli i Murrizit, pjesë e segmentit nr. 3 të territorit të Rrugës së Arbërit, është segment që nuk është dorëzuar ende pranë ARRSH për ndjekjen e procedurave të kolaudimit.”

Pra, Tuneli i Murrizit dhe Rruga e Arbërit janë hapur për përdoruesit e rrugës të papërfunduara, të pakolauduara dhe të pamarra në dorëzim.

Ndërtimi i Rrugës së Arbërit, me gjatësi prej 74 km, ka nisur në vitin 2005, me një studim fizibiliteti të kryer para vitit 2005, dhe deri në vitin 2013 kanë qenë të përfunduara plotësisht 25 km të saj, ndërsa 15 km të tjera ishin të përfunduara në masën 80%.

Projekti për përfundimin e saj parashikonte një kosto totale prej 170 milionë euro.

Pas vitit 2013, punimet u ndërprenë, pasi ndërtimi i rrugës duhej të jepej me PPP, ku përfituesi i PPP-së kishte detyrimin që:

Ndërtimi i kësaj rruge, kontrata e së cilës parashikonte përfundimin e saj “me çelësa në dorë” me një vlerë prej 267 milionë euro, me shtesat e realizuara ndër vite, u kushtoi qytetarëve shqiptarë 450 milionë euro.

Përfituesi i PPP-së është i njëjti subjekt që realizoi edhe tunelin e dështuar dhe famëkeq të Llogarasë.

Përse dy tunele strategjike, të ndërtuara nga i njëjti oligark i lidhur me qeverinë, çahen, dështojnë dhe rrezikojnë jetën e qytetarëve?

Kjo është një skemë e mirëorganizuar për vjedhje dhe e keqorganizuar për qytetarët.

Tuneli i Murrizit nuk është një incident teknik, por pasojë e:

Është pasqyra e një modeli qeverisjeje që ndërton për fushatë dhe shemb për qytetarët.

Për këtë model duhet përgjegjësi politike dhe penale, jo justifikime të ricikluara dhe fajësim i së shkuarës.

Komisioni Qendror Zgjedhor ka shpërndarë për 17 partitë politike fondin vjetor 2026 me një total prej 3.580.228 euro. Pjesën më të madhe e ka marrë Partia Socialiste, 1.720.377 euro.

Partia më e madhe opozitare, Partia Demokratike ka marrë 841.059 euro ndërsa partia që ka marrë më pak është Nisma Thurje, 42.121 euro.

Nr.       Emërtimi i Partisë Politike                               Fondi në Euro

1          Partia Socialiste e Shqipërisë (PS)                       1,720,377 €

2          Partia Demokratike (PD)                                        841,059 €

3          Partia e Lirisë (PL)                                                 113,809 €

4          Partia Socialdemokrate Shqiptare (PSD)              106,986 €

5          Partia Mundësia (MUNDËSIA)                              88,884 €

6          Partia Lëvizja Shqipëria Bëhet (SHB)                     74,363 €

7          Lëvizja Bashkë (BASHKË)                                     65,520 €

8          Partia Drejtësi, Integrim dhe Unitet (PDIU)            60,042 €

9          Partia Bashkimi për të Drejtat e Njeriut (PBDNJ)   60,042 €

10        Partia Republikane Shqiptare (PR)                           60,042 €

11        Partia Agrare Ambjentaliste e Shqipërisë (PAA        60,042 €

12        Partia Demokristiane e Shqipërisë (PDK)                60,042 €

13        Partia Lëvizja e Legalitetit (PLL)                             60,042 €

14        Fryma e Re Demokratike (FRD)                              60,042 €

15        Partia Balli Kombëtar Demokrat (PBKD)                60,042 €

16        Koalicioni Euroatlantik (KEA)                                46,775 €

17        Nisma Thurje (NISMA)                                            42,121 €

            TOTALI                                                               3,580,228 €

Pas mbledhjes së zhvilluar mes Partisë Demokratike dhe aleatëve të saj, me Forumin për Dialog Politik, Sekretari i Përgjithshëm i Partisë e Lirisë Tedi Blushi ka bërë një thirrje të fortë për bashkimin e opozitës dhe tejkalimin e përçarjeve të brendshme. Në një prononcim për mediat, Blushi theksoi domosdoshmërinë e një fronti të përbashkët kundër qeverisë, duke e cilësuar si një “regjim” që duhet të largohet sa më parë.

Duke iu përgjigjur interesit të gazetarëve mbi mundësinë e një bashkimi real opozitar, përfaqësuesi i Partisë së Lirisë hodhi poshtë idenë e përçarjeve të thella, duke e quajtur atë një konstatim jo të vërtetë. Sipas tij, Partia e Lirisë mban një “qëndrim shumë parimor” dhe fton këdo të bëhet pjesë e “koalicionit anti-narkoshtet”. “Nuk ka vend për divergjenca në përballjen ndaj këtij regjimi,” deklaroi ai, duke pranuar se partitë mund të kenë problematika individuale, por interesi kombëtar kërkon bashkim përtej interesave të ngushta politike.

Blushi e cilësoi diskursin e “opozitës kundër opozitës” si një diversion që kryeministri Edi Rama e ka përdorur me efikasitet për të përçarë frontin opozitar. “Duhet t’i hiqet njëherë e përgjithmonë dorë nga ky diskurs. Është një nga mjetet që Edi Rama e ka përdorur me efikasitet brenda opozitës,” tha ai, duke shtuar se ky lloj debati duhet të marrë fund.

Një pikë e rëndësishme e diskutimit ishin edhe reformat kyçe, ajo zgjedhore dhe territoriale, të cilat po diskutohen aktualisht në Kuvend. Në emër të Partisë së Lirisë dhe Presidentit Ilir Meta, Blushi theksoi se opozita duhet të dalë me një qëndrim të unifikuar për të dyja reformat. Ky propozim i përbashkët, sipas tij, duhet t’i paraqitet mazhorancës, e cila më pas do të marrë vendimet e saj.

Në përfundim, mesazhi ishte i qartë: opozita duhet të lërë mënjanë ndasitë që nuk i shërbejnë interesit publik dhe të bashkohet në një platformë të vetme për t’u përballur me qeverinë dhe për të çuar përpara reformat e nevojshme për vendin.

Tedi Blushi: Ishte në vijim të takimeve të deritanishme të negociatave që ky forum ka zhvilluar me të ashtuquajturit parti të reja. U njohëm me rezultatet e deritanishme, sigurisht u shprehën edhe qëndrimet respektive në emër të forcave që përfaqësonim në këtë takim.

Pyetje: Cilat kanë qenë qëndrimet e Partisë së Lirisë? A është e mundur një bashkëpunim i opozitës përballë qeverisë së Edi Ramës, ku të gjithë duket sikur jeni kundër Ramës, por edhe shumica prej jush nuk flisni me njëri-tjetrin?

Tedi Blushi:  Konstatimi juaj i fundit nuk është i vërtetë. Sa i përket qëndrimit të Partisë së Lirisë, një qëndrim shumë parimor. Kushdo është i mirëpritur në koalicionin anti-narkoshtet. Dhe nuk ka vend për divergjenca në përballjen ndaj këtij regjimi që të gjithë besoj biem dakord që duhet të largohet një orë edhe më parë. Opozita, secila nga partitë tona, në qoftë se doni ju mund të ketë shumë probleme që duhen përmirësuar, por besoj që interesi kombëtar kërkon në radhë të parë një bashkim përtej interesave të ngushta dhe të ngurta politike. Dhe ky ishte edhe qëndrimi ynë. Gjithashtu më lejoni të shpreh edhe qëndrimin në lidhje me dy reformat që po diskutohen aktualisht në Kuvend, pra me reformën zgjedhore dhe me atë territoriale.

Qëndrimi që shpreha në emër të Presidentit Meta dhe të Partisë së Lirisë ishte që opozita duhet të ketë një qëndrim të unifikuar si në raport me reformën zgjedhore ashtu dhe me atë territoriale. Ky qëndrim duhet t’i paraqitet kësaj mazhorance e cila pastaj sigurisht që mund të bëjë dhe mund të marrë vendimin që do. Por e rëndësishme është që të lemë njëherë e përgjithmonë ndasi të cilat nuk kanë asnjë vlerë në raport me interesin publik. Duhet t’i hiqet njëherë e përgjithmonë dorë nga diskursi i të bërit opozitë kundër opozitës. Diversioni, është një nga mjetet të cilët Edi Rama deri më tani e ka përdorur me efikasitet brenda opozitës. Dhe besoj për këtë jemi dëshmitarë të gjithë. Ka vend që si koalicion opozitar të përmirësohet, por dhënia jetë e një diskursi që i shërben vetëm Edi Ramës, unë besoj se duhet t’i marrë fund.

Këshilli i Lartë Gjyqësor (KLGJ) nuk ka pranuar nisjen e procedurave të verifikimit për çështjen e gjyqtares Irena Gjoka, e cila është vënë nën hetim për një dënim të saj të padeklaruar në Greqi.

Gjatë mbledhjes së mbajtur këtë të premte, KLGJ ka vendosur me shumicë votash t’ja kalojë çështjen Inspektorit të Lartë të Drejtësisë (ILD), me argumentin se diskutimi mbi papërshtatshmërinë e gjyqtares ka lindur pasi ajo e ka marrë statusin e magjistrates

Prokuroria e Posaçme, SPAK regjistroi një procedim penal pas një kallëzimi ndaj gjyqtares Irena Gjoka, e cila akuzohet se ka fshehur nga formulari i vetëdeklarimit të pastërtisë së figurës një dënim penal të dhënë nga drejtësia greke për falsifikimin e një pasaporte dhe një vize në mesin e viteve 2000.

Sipas SPAK, procedimi është regjistruar për veprën penale të parashikuar, “falsifikimi i vulave, i stampave ose i formularëve”, por ende nuk është regjistruar ndonjë emër si person nën hetim.

Pas një hetimi rreth 20 muaj, Prokuroria e Përgjithshme njoftoi të martën se i kishte dërguar zyrtarisht më datë 19 janar 2026 rezultatet e këtij verifikimi pranë KLGj-së, që është organi kompetent që duhet të interpretojë rezultatet e gjetjeve.

Akuzat ndaj Gjokës u bënë publike pasi ajo firmosi masat e sigurisë ndaj ish-kryeministrit Sali Berisha në lidhje me dosjen “Partizani”. Berisha dhe mbështetësit e tij e kanë akuzuar vazhdimisht Gjokën, duke pretenduar se ajo është në konflikt interesi dhe se ka fshehur të kaluarën e saj, përfshi dënimin penal në Greqi.

Deputeti demokrat Belind Këlliçi ka reaguar pas takimit që kryeministri Edi Rama pati me fermerët në Divjakë, pas kërcënimit të njërit prej tyre që tentoi t’i kërkonte llogari.

Përmes një statusi në rrjetet sociale, Këlliçi shkruan se Rama  jo vetëm që nuk u zgjidh shqetësimet fermerëve, por u tregon përralla atyre dhe i kërcënon që të mos flasin.

Sipas Këlliçit, një kryeministër luksi që shijon verë 33 mijë euro shishja, i tregoi sot muskujt një fermeri të përmbytur, pa mbështetje dhe në pa mundësi për të shtuar prodhimin e as për ta shitur atë.

Zgjidhja për fermerët, sipas Këlliçit është bashkimi i tyre me opozitën në Bulevar, për të mbrojtur të drejtën e sovranitetin e tij.

‘Aty do dëgjohet zëri i tij, do apo nuk do Edi Rama’, përmbyll reagimin e tij, depduteti demokrat.

Statusi

Kryeministri që pi verë 33 mijë euro shishja, i tregon vendin fermerit në Divjakë!

Edi Rama i salloneve që shijon verë 33 mijë euro shishja, që ka avion privat, kopsht personal në zyrë që ka kushtuar 4 milionë euro nga taksat tona, e sheh ndeshjet e NBA në rreshtin e VIP ku një biletë kushton 25 mijë dollarë, i tregoi sot muskujt një fermeri të përmbytur, pa mbështetje, pa mundësi për të shtuar prodhimin, as për ta shitur atë.

Pasi u premtoi se do të jenë më mirë në vitin 2040, Edi Rama i talli fermerët dhe në fund nuk i la as të flisnin.

Atij që guxoi të ngrinte zërin, i tregoi forcën!

Kjo kur i ka penalizuar me ngrirjen e 120 mln euro të BE, pasi qeverisja e tij ende nuk tregon se ku i çoi 30 mln euro të vjedhura nga programi IPARD.

Shqipëria është kudo në çdo sektor, si pamja sot në Divjakë.

Njerëzit kanë halle, ndërkohë kryeministri u tregon përralla dhe nuk i lë as të flasin.

Ndaj zgjidhja është vetëm një. Sheshi, protesta, revolta deri në largimin e Edi Ramës.

Fermeri që tallet nga kryeministri, e ka vendin e tij, të drejten e tij, sovranitetin e tij në Bulevard.

Aty do dëgjohet zëri i tij, do apo nuk do Edi Rama.

Është hedhur para pak minutash shorti i “Play-Off” të Champions League. Goglat përcaktuan edhe fatin e 16 ekipeve pjesëmarrëse në këtë fazë.

Duele “titanësh” dhe mjaft delikate e të luftuara do të zhvillohen, të cilat do të “paralizojnë” gjithë Europën. Spektakli do të jetë i garantuar, pasi Benfica do të sfidohet sërish me Real Madrid, ndërsa Interi “peshkoi” Bodo/Glimt. Nga ana tjetër Monaco do të përballet me PSG, Qarabag me Newcastle, Galatasaray sfidon Juventus, Dortmund – Atalanta, Club Brugge – Astletico Madrid dhe Olympiacos – Bayer Leverkusen.

Emocionet nuk do të mungojnë, teksa kjo fazë do të luhet me sistemin vajtje – ardhje. Ndeshjet e para do të zhvillohen më 17 dhe 18 shkurt, ndërsa duelet e dyta 1 javë më pas. Saktësisht më 24 dhe 15 shkurt.

“Kemi gjetur vullnet të përbashkët… Jemi në rrugën e duhur.’ Kjo është deklarata e Ermal Hasimjat një ndër themeluesit e Forumit për Dialog Politik pas takimit të mbajtur sot në mesditë në selinë e PD-së ku ishin të pranishëm përfaqësues të Partisë Demokratike dhe aleatë të opozitës.

“Gjetëm gatishmëri të plotë për pjesëmarrjen në tryezë dhe për angazhimin në një dialog përgjithshëm opozitar, nga ana e Partisë Demokratike edhe partive të tjera aleate tradicionalisht me me Partinë Demokratike që ishin të të pranishme aty”.

Hasimja tha se nuk pati kushte përkundrazi pati interes të madh të arrihet një mirëkuptim i madh.

“Për të qenë i sinqertë, kemi gjetur një gatishmëri shumë të mirë nga ana e Partisë Demokratike dhe aleatëve, kuptohet, edhe një mirëkuptim shumë të madh. Nuk ka pasur kushte. Përkundrazi, ka një interes të madh që kjo të të zhvillohet dhe që të arrihet në një në një aksion të përbashkët, në një mirëkuptim të përbashkët, qoftë përsa i përket atyre pikave që ne i kemi treguar. Si asaj kornizës që ne kemi vënë paraprakisht, pra çështjes së Kodit Zgjedhor, çështjes së mbështetjes dhe inkurajimit të një drejtësie funksionale dhe kushtetuese që godet krimin e organizuar në dhe korrupsionin në Shqipëri.

Kështu që mendoj që jemi në rrugën e duhur, edhe me bisedimet që kemi bërë më më përpara. Është e qartë që secila parti ka pritshmëritë e veta, ka ka meraqet e veta natyrisht, sepse në fund të fundit janë dhe parti që mund të bashkëpunojnë për një qëllim madhor, por të mos harrojmë që janë edhe parti konkurente dhe brenda kategorisë së tyre”

Cili është mesazhi i tij për ata forca politike të cilat deri më tani janë shprehur kundër këtij bashkëpunimi?

“Kemi vetëm dy raste të tilla. Nga ana tjetër kemi, shohim një bashkëpunim të të plotë, edhe nga parti të cilat në fakt, ose nga forca lëvizjesh, s’dua t’ju vë emra, por kemi gjetur vullnet bashkëpunimi dhe pranimin e pjesëmarrjes në tryezë edhe nga parti që jo domosdoshmërisht kanë pasur marrëdhënie të mira, për shembull, me me me Partinë Demokratike ose me aleatët e vet.

Kështu që, në pikën ku jemi, besoj që tryeza po merr formën e vet. Domethënë kemi rënë dakord në në parim me me këto parti me të cilat kemi diskutuar tani. Domethënë është Partia Demokratike me me aleatët e vet tradicionalë, ‘Shqipëria Bëhet’ me zotin Lapaj, kemi folur me, diskutuar me përfaqësuesit e tyre. Kanë pasur disa propozime, disa kërkesa. Ja u kemi paraqitur, se ky është roli jonë i mediatorit, ndërmjetësit, lehtësuesit.

Ja u kemi paraqitur dhe Partisë Demokratike dhe aleatëve të vet. Në parim kanë rënë dakord për kërkesat që që kanë patur. Natyrisht, mund të mos vijnë dakord 100% për gjërat, por ky është një lloj procesi në të cilin secila palë negocion, diskuton.

Me zotin Dash Shehi gjithashtu, kemi diskutuar dje. Ai është gjithashtu i gatshëm që të të bashkëpunojë, të jetë i hapur ndaj një lloj bashkëpunimi të të opozitës. Gjithashtu, diskutime kemi pasur dhe me lëvizjen Diaspora për Shqipërinë e Lirë. Në fakt, një nga anëtarët e tyre është dhe pjesë e grupit, kështu që themi që në parim edhe ata janë pjesë e e kësaj. Dhe nga ana tjetër, në përpjekjen tonë do të përpiqemi që përtej tryezës së partive, të përfshijmë në këtë lloj procesi dhe një pjesë të mirë të shoqërisë civile, ata që kanë një lloj ëh, angazhimi, që kanë diçka për të thënë dhe një lloj kontributi për të për të dhënë.”

Kryedemokrati Sali Berisha ka thirrur këtë të premte aleatët e tij në selinë e Partisë Demokratike.

Mbledhja ka nisur në ambientet e selisë blu në orën 11:30, ndërsa mësohet se Arlind Qori i “Lëvizjes Bashkë” dhe Agron Shehaj i partisë “Mundësia” nuk i janë bashkuar këtij takimi. Po ashtu dhe Adriatik Lapaj, i “Shqipëria Bëhet” mungon.

Takimi vjen pas protestës kombëtare që u mbajt më 24 janar para kryeministrisë.

Deri tani nuk janë dhënë detaje konkrete mbi arsyen apo fokusin e diskutimeve që pritet të zhvillohen gjatë takimit, ndërsa kjo është hera e dytë që Berisha thërret tryezë me aleatët opozitarë. Edhe në mbledhjen e parë Qori, Shehaj dhe Lapaj nuk ju bashkuan.

“Kemi gjetur vullnet të përbashkët… Jemi në rrugën e duhur.’ Kjo është deklarata e Ermal Hasimjat një ndër themeluesit e Forumit për Dialog Politik pas takimit të mbajtur sot në mesditë në selinë e PD-së ku ishin të pranishëm përfaqësues të Partisë Demokratike dhe aleatë të opozitës.

“Gjetëm një gadishmëri shumë të mirë nga PD dhe aleatët. Nuk ka pasur kushte përkundrazi ka pasur interes të madh të arrihet një mirëkuptim i madh. Qoftë dhe për kornizën që kemi vënë sa i takon Kodit Zgjedhor… Tryeza po merr formën e vet. Kemi rënë dakord në parim”  tha Hasimja.

Pas mbledhjes së zhvilluar mes Partisë Demokratike dhe aleatëve të saj, me Forumin për Dialog Politik, Sekretari i Përgjithshëm i Partisë e Lirisë Tedi Blushi ka bërë një thirrje të fortë për bashkimin e opozitës dhe tejkalimin e përçarjeve të brendshme. Në një prononcim për mediat, Blushi theksoi domosdoshmërinë e një fronti të përbashkët kundër qeverisë, duke e cilësuar si një “regjim” që duhet të largohet sa më parë.

Zëdhënësja për Antikorrupsionin në Partinë Demokratike, Genta Vangjeli, ka denoncuar sot një tjetër projekt që, sipas saj, lidh Ergys Agasin, kryeministrin Edi Rama dhe bashkëpunëtorë të tij.

Në një deklaratë Vangjeli denoncoi projektin e Akademisë së Futbollit në Durrës “Dyrrah City Football Academy”

Vangjeli ngriti dyshime mbi faktin se pak ditë para shpalljes së fituesit, në pronësinë e këtij klubi shfaqet emri i Ergys Agasit, i cili më 31 mars 2024 ka blerë 30 për qind të aksioneve kundrejt shumës 220 mijë euro.

“Mbi 200 mijë m2 tokë që ndodhet në Spitallë, aty ku ndodhet dhe Eco Park, Edi Rama ia lë në dorë fondacionit, që ky t’ia lërë në dorë Ergys Agasit ndoshta për të kamufluar aferën e Eco Parkut atje ku u shpenzuan 19 milionë euro për mbylljen e venddepozitimit”, tha Vangjeli.

Po ashtu, ajo shton se ai u bë ortak vetem pak dite pak para se të fitonte tenderin 10 mln euro.

Deklarata e Vangjelit:

Të nderuar qytetarë, sot do t’ju prezantojmë një tjetër projekt ku lidhet emri i Edi Ramës, Ergys Agasit, investitorëve arab të portit të Durrësit, dhe Spitallës, zona e Eco Parkut të famshëm.

Në datën 26 prill 2023 është lidhur marrëveshja e bashkëpunimit midis Manchester City Football Club ltd (MCFC), Eagle Hills Properties LLC, Ministrisë së Arsimit dhe Sportit, Bashkisë së Durrësit, nëpërmjet së cilës do të krijohej një partneritet futbolli, një shkollë futbolli për lojtarët dhe një Akademi Elitë.

Madje në qershor të vitit 2023 është përgatitur edhe projekt-ideja arkitekturore e kampusit të akademisë së fondacionit ‘Dyrrah City Football Academy’ nga studio ‘Marco Casamonti and Partners’.

Një muaj më vonë më 28 korrik 2023 është miratuar urdhri i MAS nr. 422, për krijimin e fondacionit me emërtimin ‘Dyrrah City Football Academy’, me qëllimin kryesor çeljen dhe menaxhimin e një akademie elitare të futbollit në qytetin e Durrësit.

Me Vendimin e Këshillit të Ministrave nr. 580, datë 11 tetor 2023, Edi Rama vendos që pronat shtetërore me sipërfaqe totale mbi 200 mijë m2 në zonën kadastrale nr. 8517, Bashkia Durrës, në Spitallë, të përdoren për ndërtimin dhe zhvillimin e kompleksit të Akademisë së Futbollit Durrës.

Shkarko dokumentin

KUJDES!

Kjo është pikërisht e njëjta zonë kadastrale 8517, ku ndodhet edhe Eco Park-u famëkeq, aty ku u shpenzuan 19 milionë euro për mbylljen e vend-depozitimit të mbetjeve – një çështje nën hetim por pa asnjë vendimmarrje konkrete.

Më 29 tetor 2023, janë nënshkruar edhe dy marrëveshje konsulence për infrastrukturën, menaxhimin dhe programet futbollistike, me afat deri më 30 Qershor 2028, ndërmjet fondacionit, Durrës Marina, City Football Services Limited dhe Manchester City Football Club Limited.

Më 2 shkurt 2024, fondacioni shpall ftesën për propozim për zgjedhjen e klubit që do të financojë ndërtimin e kompleksit, me vlerë 10 milionë euro, me afat ndërtimi 24 muaj. Në këmbim, klubi fitues do të përfitonte të drejta mbi lojtarët e akademisë për 120 muaj.

Dy muaj më pas, më 24 prill 2024, fondacioni shpall fitues propozimin e vetëm të paraqitur, nga ‘Futboll Club Dinamo City’ sh.a., një klub i krijuar në vitin 2021.

Çuditërisht, pak ditë para shpalljes së fituesit, në dokumente shfaqet Ergys Agasi i cili bëhet pjesë e pronësisë së këtij klubi.

Ekzakt më 31 mars 2024, Agasi blen 30% të aksioneve kundrejt vlerës 220 mijë euro.

Pra:

Më 2 shkurt shpallet ftesa për propozim.

Më 31 mars, Agasi bëhet ortak zyrtar në pronësi.

Më 24 prill, klubi ku pronar u bë edhe Agasi, shpallet fitues.

Një përputhje që tregon shumë.

Në përfundim, mbi 200 mijë m2 tokë që ndodhet në Spitallë, aty ku ndodhet dhe Eco Park, Edi Rama ia lë në dorë fondacionit, që ky t’ia lërë në dorë Ergys Agasit ndoshta për të kamufluar aferën e Eco Parkut atje ku u shpenzuan 19 milionë euro për mbylljen e venddepozitimit.

Pyetjet për organet e hetimit janë të qarta dhe publike:

Pse nuk hetohet procedura për investimin strategjik të Portit të Durrësit?

Ku jemi me kallëzimin për Eco Park-un, ku përfshihet vetë Edi Rama?

Ku jemi me aferat e AKSHI-t që lidhen sërish me Kryeministrin?

Pse po zvarriten hetimet për kaq shumë kohë?

Pse Edi Rama ende nuk është thirrur në SPAK?

Qytetarët kërkojnë veprime konkrete, jo heshtje dhe zvarritje.

Mjaft me pritje.

Drejtësia nuk mund të jetë selektive.

Tregtarët e Tregut Industrial në Vlorë, u paraqitën këtë të premte pranë ambienteve të Pallatit të Kulturës, ku po zhvillohet mbledhja e Këshillit Bashkiak, për të kërkuar një zgjidhje përfundimtare lidhur me mbylljen e tregut.

Ata janë paraqitur të revoltuar teksa kanë kërkuar nga Bashkia që t’u vihet në dispozicion një treg i mirëfilltë dhe i përshtatshëm, ku të mund të vazhdojnë aktivitetin e tyre tregtar pa u penalizuar ekonomikisht. Ata thotë se është e patolerueshme që të largohen nga puna në këtë mënyrë, ndërsa kanë kërkuar të takohen edhe me kryetaren e Bashkisë së qytetit.

“Ne kërkojmë që atje asnjë mos të lëvizi në ato vendet pa u ndërtuar një treg i mirëfilltë. I mbuluar, me të gjitha kushtet. Nuk është imazhi i Vlorës ky, Vlora turistike. Është e patolerueshme, e pafalshme. Nuk e di me kë këshillohet kjo kryetare e bashkisë. A ka këshilltarë aty që e këshillojnë për këto probleme sociale? A kanë biseduar me neve tregtarët aty që si u bëhet ju? Po jo direkt, vendosja i lartë dhe ne nuk e lëvizim. Është urdhri nga lartë. Ne nuk largohemi nga aty. Nuk do largohemi nga tregu. Për një treg të ri jemi dakord”,- shprehet njëringa tegtarët.

Sipas tregtarëve, mungesa e një alternative konkrete rrezikon t’i lërë ata pa mundësi pune, mdërsa kanë apeluar se nuk largohen nga tregu pa një zgjidhje konkrete.

Kristjan Asllani më në fund ka mbërritur në Stamboll. Mesfushori i Kombëtares shqiptare do t’iu nënshtrohet ditën e sotme vizitave mjekësore.

Është vetë klubi që ka publikuar edhe foto e para të Asllanit në Stamboll. Futbollisti mban në qafë shallin e skuadrës, ndërsa shihet i buzëqeshur për aventurën e re që do të nisë në karrierën e tij futbollistike.

Siç dihet palët kanë arritur marrëveshjen mes tyre dhe pasi të përfundojnë testet mjekësore, do të firmosë edhe kontratën me turqit. Lideri kuqezi do të kalojë në formë huazimi te gjigantët turn, me Besiktas që do të ketë të drejtën e blerjes së kartonit të tij në fund të sezonit.

Kështu Asllani mbylli huazimin e tij te Torino, teksa Interi vendosi ta huazoj sërish, pasi nuk ishte në planet e dy klubeve.

Java e 22-të e kampionatit “Abissnet Superiore” do të zhvillohet në fundjavë dhe pritet të ofrojë përballje interesante në luftën për objektivat sezonale.

Takimi i parë i ditës së shtunë është ai mes Vorës dhe Flamurtarit, që do të luhet në orën 13:30 në stadiumin “Vora”. Një sfidë e fortë mes dy skuadrave që synojnë tre pikët për të përmirësuar pozitat në renditje.

Në orën 16:30, në stadiumin “Arena e Demave”, Partizani do të përballet me AF Elbasanin. Një ndeshje e shumëpritur, ku të dyja skuadrat hyjnë në fushë me synimin për fitore. AF Elbasani ndodhet vetëm një pikë larg kreut të renditjes, ndërsa Partizani kërkon të reagojë pas humbjes së fundit ndaj Vllaznisë.

Ndeshja e fundit e ditës së shtunë do të luhet në stadiumin “Air Albania” në orën 19:00, ku Dinamo City pret Bylisin. Pas dy humbjeve radhazi, blutë do të kërkojnë rikthimin te fitorja përpara tifozëve të tyre.

Dy takimet e fundit të javës së 22-të janë programuar të dielën në orën 16:30. Në stadiumin “Niko Dovana”, Teuta do të përballet me Vllazninë, skuadër që po kalon një moment shumë të mirë dhe kryeson kampionatin. Nga ana tjetër, durrsakët ndodhen në një periudhë jo pozitive, pasi në tetë ndeshjet e fundit nuk kanë arritur asnjë fitore.

Në “Egnatia Arena”, kampionët në fuqi të Egnatias do të presin Tiranën. Rrogozhinasit në tre ndeshjet e fundit kanë regjistruar dy barazime dhe një humbje dhe do të synojnë rikthimin te fitorja në shtëpi. Ndërkohë, Tirana vjen nga një formë pozitive, me 7 pikë të grumbulluara në tre ndeshjet e fundit dhe synon një tjetër rezultat pozitiv për t’iu afruar Flamurtarit dhe Bylisit në renditje.

Zv/kryeministrja Belinda Balluku, të cilën SPAK kërkon ta arrestojë pasi akuzohet për shkelje të barazisë në tendera, vijon ti bëjë karshillëk hapur drejtësisë.

Edhe pse SPAK ka argumentuar se lënia e saj e lirë, rrezikon të prishë provat dhe të intimitojë dëshmitarët, Balluku shfaqet pa problem në publik, si një zyrtare ‘e përkushtuar’ për qytetarët.

Këtë të premte, ajo është parë krah Edi Ramës me fermerët në Divjakë, ku është diskutuar mbi situatën e përmbytjeve dhe dëmshpërblimet.

Balluku është shprehur, se qeveria sipas saj mbetet e përkushtuar ti ndihmojë fermerët, duke shpërfillur hapur faktin se është një zyrtare e pandehur.

“Fryma në Divjakë dhe në Lushnje edhe kur kemi problematika apo dëme nga përmbytjet është komplet ndryshe. Më është dashur të hyj në serat tuaja, të marr mësime nga më të mirët këtu dhe të kuptoj që edhe tokat tuaja ranore e përballojnë më mirë përmbytjen. Me rëndësi është të mirëkuptohemi, të mbështesim njëri tjetrin. Qeveria e angazhuar maksimalisht në mbështetjen e fermerëve. Tek shihja 2025, mbi 600 mln lekë janë vënë në dispozicion të skema dhe janë ezauruar në 95% të tyre. Buxheti 2026 më i madh historik për bujqësinë, blegtorinë dhe peshkimin”,- është shprehur Balluku.

Ish-Ministri i Jashtëm i Perusë,Manuel Augusto Blacker Miller, i dënuar në Shqipëri për aferën e inceneratorëve, është ndarë nga jeta në moshën 80-vjeçare, në Spitalin Penal Hamilton Agostinho, më 23 janar të këtij viti.

Blacker Miller ishte në paraburgim të autoriteteve braziliane pasi u arrestua në dhjetor me urdhër të Gjykatës Supreme të Brazilit, në përgjigje të një kërkese për ekstradim të paraqitur nga Shqipëria, një vend që i kërkonte atij të përgjigjej për një mashtrim të dyshuar financiar, raporton Info Bae.

Ekipi ligjor i ish-ministrit kishte raportuar vazhdimisht gjendjen e tij delikate shëndetësore, duke deklaruar se ai vuante nga një trombozë serioze dhe kërkuan revokimin e arrestit të tij në mënyrë që të mund të merrte kujdes mjekësor në shtëpi . Ata e paraqitën kërkesën tri herë dhe këmbëngulën që Zyra e Prokurorit të Përgjithshëm të vendoste për këtë çështje, pa marrë një përgjigje të favorshme.

Në janar, administrata e Burgut Publik Joaquim Ferreira de Souza raportoi se Blacker Miller kishte pësuar dy rrëzime të kërkesës brenda burgut. Pas rrëzimit të kërkesës së dytë, ai u shtrua në spital për dy ditë në Spitalin e Burgut Hamilton Agostinho, ku vdiq më 23 janar. Shkaku paraprak i vdekjes, sipas informacionit të dhënë familjes, ishte një infarkt akut i miokardit.

Vdekja iu raportua zyrtarisht gjyqtarit Flávio Dino, i cili ishte përgjegjës për çështjen e ekstradimit, nëpërmjet një komunikimi zyrtar të lëshuar nga burgu.

Manuel Augusto u arrestua nga Policia Federale Braziliane në lagjen Flamengo , një zonë banimi në jug të Rio de Janeiros, pas shtatë vitesh në arrati dhe pasi ishte subjekt i një Njoftimi të Kuq të Interpolit. Operacioni u krye nga agjentë të Njësisë së Bashkëpunimit Ndërkombëtar, të cilët kishin ndjekur lëvizjet e tij midis pronave të ndryshme, një strategji që ish-diplomati dyshohet se e ka ndjekur për të shmangur gjetjen dhe kapjen.

Arrestimi u krye pa rezistencë dhe i dha fund një periudhe të gjatë, gjatë së cilës Blacker Miller shpalli publikisht pafajësinë e tij. Pas arrestimit, ai u transferua në Kompleksin Gericino, ku mbeti nën mbikëqyrje të rreptë duke pritur zgjidhjen e procedurave të ekstradimit të tij në Shqipëri.

Për çfarë akuzohej ai?

Procedurat ligjore që çuan në arrestimin e Blacker Miller datojnë që nga vitet pasi ai u largua nga qeveria peruane, kur ai u vendos në Shqipëri. Autoritetet shqiptare e akuzojnë atë për pjesëmarrje në një skemë mashtrimi që lidhet me një projekt për ndërtimin e një inceneratori për mbeturinat urbane. Sipas hetimit, ish-ministri dyshohet se ofroi një investim që nuk u realizua kurrë, duke shkaktuar humbje financiare dhe përgjegjësi penale.

Prokuroria Publike e Shqipërisë kërkoi një dënim me tetëmbëdhjetë vjet burg. Edhe pse Blacker Miller i mohoi vazhdimisht akuzat, qëndrimi i tij i zgjatur jashtë Perusë dhe arratisja e mëvonshme penguan përparimin e procedurave ligjore. Shqipëria shpresonte të riaktivizonte procesin e ekstradimit në mënyrë që ish-diplomati të mund të përballej me gjyqin në gjykatat e saj, një objektiv që u pengua tashmë nga vdekja e tij.

Dosja penale në Peru dhe roli politik

Blacker Miller kishte një precedent penal në Peru. Në vitin 2007, ai u dënua me katër vjet burg për pjesëmarrjen e tij në vetë-grushtin e shtetit të 5 prillit 1992, të kryer nga Alberto Fujimori, së bashku me anëtarë të tjerë të kabinetit të tij në atë kohë. Pas këtij dënimi, ai u vendos në Evropë dhe iu përkushtua aktiviteteve të biznesit, duke u bërë aksionar në një kompani lokale në Shqipëri. Ai mbajti një profil të ulët derisa hetimet për mashtrim në atë vend e sollën përsëri në qendër të vëmendjes ndërkombëtare.

Në janar 2013, shteti peruan kërkoi ekstradimin e tij, por kërkesa u refuzua sepse Blacker Miller kishte fituar shtetësinë shqiptare, gjë që i jepte atij mbrojtje nga drejtësia peruane.

“Të gjitha institucionet të mbështesin punën e SPAK”. Kështu u shpreh raportuesi i Parlamentit Europian për Shqipërinë gjatë një konference për shtyp.

Andreas Schieder theksoi se PE nuk komenton çështje politike apo juridike, lidhur me përfshirjen e çështjes së imunitetit për zv/kryeministren Belinda Balluku në raportin për Parlamentin Evropian.

Ndër të tjera ai shtoi se Shqipëria duhet të fuqizojë luftën ndaj korrupsionit.

I pyetur nësë do ta përfshinte në raport debatin për Ballukun, ku kuvendi nuk po mblidhet për kërkesën e SPAK, Schieder deklaroi se ‘Parlamenti Evropian ndjek rregulloren e vet dhe nuk është detyrë e tij të bëjë komente specifike për çështje të veçanta’.

“Kur vjen në Shqipëri lexon shtypin, por edhe dëgjon aktorët e ndryshëm. Më duhet të them se së pari Parlamenti Evropian nuk komenton është juridike apo ligjore. Është një standard i mirë evropian që institucionet të kryejnë punën e tyre, në këtë rast SPAK dhe institucionet e tjera të bëjnë punën e tyre me gjetjet e tyre në bazë të legjislacionit.

Në kemi thënë që të gjitha institucionet duhet të mbështesin punën e SPAK, por nuk është punë e PE që të bëjnë koment për ndonjë rast specifik.

Unë jam i sigurt që me këtë përbërje që ka Kuvendi do të bëhen diskutimet e duhura dhe vendimet e duhura që do të merren në bazë të kushtetutës apo rregullores së Kuvendit”, tha zyrtar i BE.

I pyetur për raste të ngjashme në Parlamentet e vendeve të BE,  Andreas Schieder u përgjigj:

“Nuk duhet të harrojmë që rregullat për këtë çështje janë të njëjtat. PE thjesht ka ndjekur rregulloren e vet, kur vjen një kërkesë e tillë ka një afat kohor, kjo eshte e njejta gje edhe per parlamentin austriak ku unë kam shërbyer dhe jemi marre me raste te tilla.

Në disa raste mund të merren vendime shpejt, në disa të tjera duhet kohë. Këtu në Shqipëri mësova se ka nje afat kohor qe nuk ka perfunduar. Aktoret në Parlament na kanë siguruar që janë të ndergjegjshem për pergjegjesitë e tyre dhe që do të marrin vendimet që duhet të marrin “ tha raportuesi për Shqipërinë në Parlamentin Europian, Andreas Schieder.

“Të gjitha institucionet të mbështesin punën e SPAK”. Kështu u shpreh raportuesi i Parlamentit Europian për Shqipërinë gjatë një konference për shtyp.

Andreas Schieder theksoi se PE nuk komenton çështje politike apo juridike, lidhur me përfshirjen e çështjes së imunitetit për zv/kryeministren Belinda Balluku në raportin për Parlamentin Evropian.

Ndër të tjera ai shtoi se Shqipëria duhet të fuqizojë luftën ndaj korrupsionit.

I pyetur nësë do ta përfshinte në raport debatin për Ballukun, ku kuvendi nuk po mblidhet për kërkesën e SPAK, Schieder deklaroi se ‘Parlamenti Evropian ndjek rregulloren e vet dhe nuk është detyrë e tij të bëjë komente specifike për çështje të veçanta’.

“Kur vjen në Shqipëri lexon shtypin, por edhe dëgjon aktorët e ndryshëm. Më duhet të them se së pari Parlamenti Evropian nuk komenton është juridike apo ligjore. Është një standard i mirë evropian që institucionet të kryejnë punën e tyre, në këtë rast SPAK dhe institucionet e tjera të bëjnë punën e tyre me gjetjet e tyre në bazë të legjislacionit.

Në kemi thënë që të gjitha institucionet duhet të mbështesin punën e SPAK, por nuk është punë e PE që të bëjnë koment për ndonjë rast specifik.

Unë jam i sigurt që me këtë përbërje që ka Kuvendi do të bëhen diskutimet e duhura dhe vendimet e duhura që do të merren në bazë të kushtetutës apo rregullores së Kuvendit”, tha zyrtar i BE.

I pyetur për raste të ngjashme në Parlamentet e vendeve të BE,  Andreas Schieder u përgjigj:

“Nuk duhet të harrojmë që rregullat për këtë çështje janë të njëjtat. PE thjesht ka ndjekur rregulloren e vet, kur vjen një kërkesë e tillë ka një afat kohor, kjo eshte e njejta gje edhe per parlamentin austriak ku unë kam shërbyer dhe jemi marre me raste te tilla.

Në disa raste mund të merren vendime shpejt, në disa të tjera duhet kohë. Këtu në Shqipëri mësova se ka nje afat kohor qe nuk ka perfunduar. Aktoret në Parlament na kanë siguruar që janë të ndergjegjshem për pergjegjesitë e tyre dhe që do të marrin vendimet që duhet të marrin “ tha reporteri për Shqipërinë në Parlamentin Europian, Andreas Schieder.