Dashi

Mësimi juaj i sotëm do të jetë një mësim që do t’ju përsëritet gjatë katër javëve të ardhshme. Jini më të qëndrueshëm dhe konservatorë në qasjen tuaj, në vend që të jeni të rastësishëm ose të pamatur. Edhe pse jeni adhurues i inovacionit, duhet të mësoni edhe të respektoni traditën.

Demi

Ritmi i përgjithshëm në punë do të ngadalësohet gjatë katër javëve të ardhshme, duke filluar nga sot. Kjo do t’ju japë më shumë kohë për të menduar dhe planifikuar, në vend që të ndiheni gjithmonë të nxituar dhe nën presion për të ecur përpara me gjërat përpara se të jeni gati për ta bërë këtë.

Binjakët

Tani është koha për të filluar fazën tjetër të një plani që ka filluar së fundmi. Në fillim ishit në fazën pioniere dhe tani jeni në fazën e kërkimit. Katër javët e ardhshme janë një kohë për të mbledhur të dhëna në vend që të veproni pa kujdes.

Gaforrja

Je në një pikë kritike fillestare tani që do të të bëhet më e qartë gjatë disa javëve të ardhshme. Mbylli ciklet e vjetra dhe të vjetruara në mënyrë që të fillojnë të rejat. Kjo është një kohë e rëndësishme për të reflektuar mbi veten dhe qëllimet e tua.

Luani

Ti fillon një fazë afatgjatë pikërisht tani, në të cilën është e rëndësishme të mbrosh asetet dhe burimet që ke, në vend që të bëhesh lakmitar dhe të dalësh për të pushtuar më shumë. Shfrytëzo katër javët e ardhshme për të qenë më mirënjohës për atë që ke.

Virgjëresha

Grindjet që keni pasur me dikë ose me ndonjë organizatë gjatë katër javëve të fundit po shuhen. Marrëdhëniet tuaja do të kalojnë në një mënyrë më neutrale dhe të ndjeshme, duke lejuar një komunikim shumë më të qartë midis jush. Rritja është afër.

Peshorja

Do të duhet të ndryshoni drejtim në mënyrë që të punoni me energjinë në vend që të veproni kundër saj. Sot fillon një fazë katër-javore në të cilën është e rëndësishme që ju të jeni më të kujdesshëm dhe të rezervuar. Koha për lëvizje të rrezikshme dhe braktisje të pamatur ka mbaruar për momentin.

Akrepi

Një ndryshim i madh planetar ndodh sot që do të përcaktojë tonin për katër javët e ardhshme. Mund të jeni mjaft të sigurt se ky ndryshim do të jetë për mirë. Vitaliteti juaj është i fortë dhe vetëbesimi juaj është rritur. Do të bëni përparime të mëdha në karrierën tuaj.

Shigjetari

Zhgënjimi i kohëve të fundit me çështjet e karrierës ka të ngjarë të lehtësohet sot, ndërsa fillon një cikël i ri planetar katër-javor. Edhe pse marrëdhëniet e përgjithshme me të tjerët mund të mos jenë aq të forta sa do të dëshironit, në përgjithësi po bëni përparim.

Bricjapi

Gjatë katër javëve të ardhshme, mund të prisni që çështjet e karrierës të arrijnë në një pikë kthese kritike. Planet që keni vënë në lëvizje rreth gjashtë muaj më parë po realizohen, për mirë a për keq. Tani është koha për të vlerësuar situatën dhe për t’u përshtatur.

Ujori

Gëzimi i përgjithshëm dhe shtytja përpara që ndjetë gjatë katër javëve të fundit ndryshon në një drejtim të ri sot, duke shënuar fillimin e një faze të re katër-javore në ciklin tonë vjetor. Për ju, kjo do të thotë të ngadalësoni në vend që të përshpejtoni. Jini më llogaritës.

Peshqit

Një ndryshim i jashtëzakonshëm planetar po ndodh sot – duke përgatitur terrenin për katër javët e ardhshme. Për ju, ky ndryshim do të sjellë mundësi të shkëlqyera në botën e punës dhe karrierës. Natyra juaj praktike dhe e bazuar do të njihet dhe vlerësohet.

Ditën e sotme vendi ynë do të vijojë të ndikohet nga kushte atmosferike të paqëndrueshme. Moti parashikohet me intervale afatshkurtra të herëpashershme me kthjellime dhe alternime vranësirash mesatare deri të dendura, të cilat do të shoqërohen me reshje të herëpashershme shiu me intensitet të ulët ndërsa lokalisht mesatar në formë shtrëngatash në zonën perëndimore.

Në relievet e larta malore në verilindje-juglindje të vendit reshje bore me intensitet të ulët.

Era do të fryjë me drejtim kryesor juglindje-jugperëndim me shpejtësi mesatare 7m/s, ndërsa në male, lugina e bregdet era pritet të arrijë shpejtësi 15m/s Valëzimi në det do të jetë forcës 2-4 ballë.

Eksperti i ekonomisë, Arben Malaj, i ftuar në “Oponencë”, ka denoncuar kontratat e PPP-ve, që sipas tij janë preferenciale duke mos patur konkurrentë.

Ish-deputeti socialist e cilësoi dhe ligjin për investitorët strategjikë, është kthyer sundues i prekjes së të të drejtave të pronësisë së qytetarëve.

Arben Malaj: Të gjithë ata që ne i quajmë kontribues të PPP që unë i kam shtuar dhe një P, pra partneritete-publike-private- preferenciale nuk kanë konkurrencë.

Nga ana tjetër, ligji për investitorët strategjikë është kthyer sundues i prekjes së të të drejtave të pronësisë së qytetarëve.

E shihni si përplasen qytetarët me këta investitorët strategjikë. E dini ca ka ndodhur, një veprim që i krijon mundësi reale individëve qëtë kontrollojnë cdo centimetër katrorë të Shqipërisë. Sot investimet më të mëdha private janë ato që jep shteti. Ka ndaluar investimet e huaja.

InsideStory realizoi analiza për konstatimin e metaleve të rënda, të cilat konsiderohen toksike dhe mjaft të dëmshme për organizmin.

Në fletë-analizën tjetër, ajo që bie në sy është niveli i arsenikut inorganik që rezulton 0,266 miligram për kilogramë. Nëse kemi parasysh faktin se pesha e bukës është vetëm 800 gram, atëherë kjo do të thotë se niveli mund të jetë edhe më i lartë. Siç dihet, arseniku inorganik është një lëndë toksike mjaft e rrezikshme nëse gjendet në nivele të larta. Por, ajo që komplikon edhe më tej situatën është fakti se udhëzuesit zyrtarë dhe manualët në fuqi, nuk kanë përcaktuar një normë mbi nivelin e lejuar te buka. Në këtë pikë, ekspertët mbeten të ndarë. Mjekët japin alarmin dhe e konsiderojnë problematik këtë rezultat të konstatuar në analizë prej 0,266 miligramë arsenik. Ndërkohë, për kimistët situata nuk mund të përkufizohet aq dramatike…

‘Kujdes pse, sepse arseniku jo për të gjitha sëmundjet ka të njëjtën dozë që rekomandohet, pra unë mora më të voglën dhe kjo është për të evidentuar të gjitha llojet e sëmundjeve por për lezionet e lëkurës, pra kancer lëkure e kështu me radhë kjo dozë është 0,3 për disa të tjera rritet, kur bie puna për të shkaktuar kancer të mushkërive, probleme të zemrës, infertilitetit …’, u shpreh Ilir Alimehmeti, mjek.

‘Në parimet shkencore nuk mund të merret referencë krahasuese me orizin pasi buka ka konsum masiv e e sidomos në vendin tonë është produkti kryesor i përdorimit masiv në popullatë në të gjitha moshat dhe për pasojë duhet të ketë standardet e veta shkencore që ne nuk i kemi fatkeqësisht’, u shpreh Besnik Jakaj, mjek.

‘Në konceptin mjekësor në do të shohim ekspozimin që ne kemi ndaj arsenikut, pra njeriu çfarë arseniku merr dhe të mos harrojmë që ka dy lloje arsniku, organik dhe inorganik. arseniku inorganik është ai i dëmshmi’, u shpreh mjeku, Ilir Alimehmeti.

‘Ne po flasim këtu për nivelin e arsenikut në total kurse në literaturë dhe në legjislacion është arseniku inorganik i cili është toksik’, u shpreh mjeku, Ilir Pecnikaj.

Në udhëzimin 4 datë 9.2.2024 “Për vendosjen e niveleve maksimale, për disa kontaminues në ushqime”, në tabelën përkatëse të përcaktimit të limiteve për “Drithëra dhe produkte me bazë drithëra” nuk ka të përcaktuar asnjë nivel për bukën

Për disa ekspertë, ky është tregues se arseniku nuk mund dhe nuk duhet të jetë i pranishëm tek buka. Kjo, mbështetet edhe me faktin se AKU, në laboratorët e saj nuk ka asnjë përcaktim për nivelin e arsenikut në bukë.

‘Në analizat e para ne shohim që po arseniku është i lartë, krahasuar me rregulloret e kumuniteti Evropian për drithërat por është i cituar vetëm orizi, nëse bëjmë krahasimin jemi jashtë kufirit maksimal, ne bukën e kemi të përdirshme dhe konsumi është i përditshëm. Detyrimisht kjo është një alert, por kjo është një alert për AKU e cila duhet ta ndjekë me doemos zhvillimin në këtë drejtim të metaleve të rënda’, u shpreh mjeku, Ilir Alimehmeti.

Të gjendur në një situatë pa definicione të sakta, ne i jemi drejtuar AKU-së me një tjetër kërkesë për informacion nëse kryen analiza për metalet e rënda në bukë, dhe cilat janë nivelet që merr për bazë në rastin e arsenikut, por, nuk morëm përgjigje deri në transmetimin e dokumentarit.

‘Do një vëmendje të madhe nga ana e agjensive rregullatore. Ka ndodhur në Shqipëri që AKU nuk ka pasur vlera ta caktuara sa do të jetë vlera maksimale e lejuar dhe rrugës i ka përcaktuar në momentin që kanë rezultuar probleme’, u shpreh mjeku, Ilir Alimehmeti.

Në këtë pikë, është e qartë se përballemi me një vakum të madh që ka nevojë për adresimin e ligjvënësve. Nga komunikimet informale me ekspertë pranë institucioneve të linjës, na u bë me dije se kryerja e analizave të tilla për metalet te buka është e rrallë, për të mos thënë inekzistente. Pavarësisht kontradiktës mes ekspertëve, mjekët këmbëngulin se në çdo rrethanë, prania e arsenikut është e rrezikshme dhe me pasoja në shëndet.

‘Dozat që pranon autoriteti Europian i sigurisë ushqimore janë ulur dy vitet e fundit sepse kanë qenë më të larta deri në 2023 por duke kuptuar që ky është një problem gjithnjë e më i rëndë atëherë i kanë ulur dozat nga 0,6 se ajo që ju më thatë është në miligram, në 8 mikrogram për kg peshë trupore’, u shpreh mjeku, Ilir Alimehmeti.

‘Nga krahu tjetër nëse ne marrim maksimumin që thotë pesha është 8 mikrogram për kg peshë dhe atëherë një fëmijë 20 kg i bie që mund të tolerojë deri në 160 mikrogramë dozë ditore. Kujdes, ne nuk jemi të ekspozuar ndaj arsenikut vetëm nëpërmes bukës por edhe ndaj ushqimeve të tjera, ka orizi, ka uji kanë lëngjet e frutave, dhe trupi kupton arsenikun total me jo vetëm një burim të caktuar”, u shpreh mjeku, Ilir Alimehmeti.

Vdekja e një gruaje 65-vjeçare në Belsh, pas kafshimit nga një qen rruge, nuk është thjesht një tragjedi. Është një aktakuzë e hapur ndaj institucioneve shtetërore dhe shoqatave që prej vitesh pretendojnë se “menaxhojnë” çështjen e qenve të rrugës.

Kjo vdekje ka emra dhe përgjegjësi. Dhe ato nuk mund të fshihen më pas deklaratave boshe dhe postimeve emocionale në rrjete sociale.

Ku janë shoqatat për mbrojtjen e kafshëve?
Ku janë ato organizata që reagojnë me agresivitet sa herë përmendet kontrolli i qenve të rrugës, por zhduken kur një qytetar humb jetën? Ku janë vullnetarët që flasin për humanizëm, por nuk japin llogari për pasojat reale të kaosit që mbrojnë?

Për vite me radhë, këto shoqata kanë bllokuar çdo debat serioz për menaxhimin e qenve të rrugës, duke përdorur moralin si armë dhe emocionin si mburojë. Ndërkohë, rezultatet janë zero: qentë janë më shumë, më të pakontrolluar dhe më të rrezikshëm.

Institucionet lokale dhe qendrore janë po aq fajtore.
Bashkitë justifikohen me mungesë fondesh, ministritë me strategji “afatgjata”, ndërsa në praktikë problemi lihet të shpërthejë derisa të marrë një jetë njerëzore. Vetëm atëherë kujtohen të reagojnë — për disa ditë.

Ngjarja e Belshit nxjerr në pah edhe një dyshim serioz:
a është kthyer çështja e qenve të rrugës në një biznes?
Një problem që mbahet gjallë për të thithur fonde, projekte dhe donacione, pa asnjë interes real për ta zgjidhur përfundimisht.

Sepse një problem i zgjidhur nuk sjell më financime. Ndërsa një problem i përhershëm justifikon gjithmonë “nevojën për më shumë fonde”.

Le të thuhet qartë: jeta e njeriut nuk është dytësore.
Mbrojtja e kafshëve nuk mund të shërbejë si justifikim për papërgjegjshmëri dhe mosveprim. Humanizmi që injoron viktimat njerëzore është hipokrizi.

Shoqatat duhet të dalin dhe të përgjigjen:
Çfarë kanë bërë konkretisht?
Sa qen janë sterilizuar realisht?
Sa zona janë bërë të sigurta për qytetarët?

Institucionet duhet të mbajnë përgjegjësi ligjore dhe morale. Sepse çdo vonesë tjetër, çdo heshtje tjetër dhe çdo justifikim tjetër, do të thotë se viktima e radhës është vetëm çështje kohe.

Belshi nuk është një rast i izoluar.
Është paralajmërimi më i qartë se ky sistem ka dështuar.

gijotina.com/

Epiqendra sipas të dhënave ishte në Greqi, pranë zonës së Kosturit, ndërsa lëkundjet kanë qenë të forta në zonën Hoçisht – Bilisht – Korçë.

Deri më tani nuk raportohen dëme materiale.

Pas lëkundjeve ka reaguar edhe Agjencia Kombëtare e Mbrojtjes Civile, e cila bën me dije se

“Gjatë mbrëmjes së sotme, 04.02.2026, ora 19:50, janë regjistruar disa lëkundje sizmike në qarkun Korçë, me epiqendër në zonën Hoçisht – Bilisht – Korçë, sipas të dhënave të Institutit të Gjeoshkencave. Magnituda maksimale: 4.1  Thellësia: 5–15 km.  Deri në këto momente nuk raportohet për dëme. Situata po monitorohet dhe çdo informacion i ri do të përcillet në vijim”, thuhet në reagim.

gijotina.com/

Ish-deputeti i PD Ervin Salianji ka ndarë pamje nga takimi i mbajtur një ditë më parë me demokratët në Fier.

Në mesazhet e tij Salianji është shprehur i qartë për domosdoshmërinë e rotacionit politik në vend.

“Anëtarët përcaktojnë lidershipin, vota e përcakton lidershipin. Angazhimi dhe kontributi e përcakton lidershipin. Ne duam një PD që të jetë fituese, që të jetë e besueshme për qytetarët, që të mos jetë qaramane sa herë humb zgjedhjet”, tha Salianji në deklaratën e tij në takimin me qytetarët në Fier.

gijotina.com/

Ceremonia e Hapjes së Lojërave Olimpike të Dimrit Milano Cortina 2026 do të zhvillohet më 6 shkurt 2026, në stadiumin olimpik San Siro në Milano, në orën 20:00.

Kjo ngjarje madhështore do të përfshijë një marshim të atletëve në katër lokacione të ndryshme në Itali, duke përfshirë edhe disa qytete të njohura si Predazzo, Livigno dhe Cortina d’Ampezzo, të cilat gjithashtu do të mbajnë ngjarje të veçanta dhe ceremoni parakalimi.

Në këtë edicion të Lojërave Olimpike të Dimrit, shumë atletë do të kenë nderin të mbajnë flamujt e vendeve të tyre, duke përfaqësuar krenarinë e kombit të tyre. Përveç atletëve të shquar si Eliud Kipchoge nga Kenia dhe Rebeca Andrade nga Brazili, shumë shtete do të kenë përfaqësues të tyre gjatë ceremonisë.

Megjithatë, për Shqipërinë, ndodhen disa ndryshime. Pas disa zhvillimeve të fundit, është konfirmuar që flamuri shqiptar do të mbahet nga Lara Colturi, një nga atletet më të njohura shqiptare në disiplinën e skijimit alpino, në ceremoninë që do të mbahet në Cortina d’Ampezzo. Në ndërkohë, në Livigno, flamurin do ta mbajë Deni Xhepa, një tjetër emër i njohur në skijimin alpino shqiptar.

Për Shqipërinë, nuk do të ketë parakalim në stadiumin kryesor San Siro, pasi atje përfaqësohen kryesisht shtetet me tradita të forta në Lojërat Olimpike Dimërore, të cilat përfshijnë më shumë kategori disiplinash. Shqipëria, megjithatë, është e pranishme me përfaqësues të saj në skijim alpino dhe është një moment krenarie për sportin shqiptar.

Për shkak të numrit të kufizuar të sportistëve dhe përfaqësimit të Shqipërisë kryesisht në disiplinat e skijimit alpino, Shqipëria nuk do të marrë pjesë në paradën e atletëve në Milano, kjo pasi mësohet se KOKSH nuk e ka dorëzuar në kohë listën. Pavarësisht kësaj, përfaqësuesit tanë do të ndihen krenarë për nderin e dhënë, duke bartur flamurin kombëtar në dy nga qytetet më të njohura të Lojërave Olimpike të Dimrit.

Nderkohë, zyrtarisht nga burimet për Top Channel, flamurin do ta mbajë Lara Colturi në ceremoninë e Cortinës dhe Denni Xhepa ne Bormio (Livigno).

gijotina.com/

37-vjeçari Benard Qelemi që u godit me thikë pas sherrit në një lokal në Korçë, por transportohet me ambulancë drejt Tiranës.

Dyshohet se shkak i konfliktit është bërë fakti se rreth dy vite më parë, dyshohet se i plagosuri Benard Qelemeni ka vjedhur banesën e autorit dhe pasi ky i fundit e ka parë në lokal, ka nisur konflikti mes tyre.

37-vjeçari Benard Qelemi që u godit me thikë pas sherrit në një lokal në Korçë, por transportohet me ambulancë drejt Tiranës.

Dyshohet se shkak i konfliktit është bërë fakti se rreth dy vite më parë, dyshohet se i plagosuri Benard Qelemeni ka vjedhur banesën e autorit dhe pasi ky i fundit e ka parë në lokal, ka nisur konflikti mes tyre.

Kryeministri Edi Rama ka publikuar fotografi nga vizita e tij në Vatikan, ku pritet të takohet me Atin e Shenjtë, Papa Leo XVI.

Përmes një postimi në rrjetet sociale, krahas fotografive, Rama ka shkruar se ka vizituar bazilikën e famshme të Genazzano, ku gjendet shembëlltyra e Zojës së Këshillit të Mirë, mbi një copë të shkëputur nga muri i Kishës së Shkodrës në vitin e largët 1467.

Po ashtu Rama ka shkruar se që nga ajo kohë ‘asnjë kryetar shteti ose qeverie shqiptare nuk e kishte shkelur pragun e bazilikës, ku krah Zojës së Shqipërisë qëndron përherë edhe flamuri ynë kombëtar, e ku kanë kryer vizita e rite thuajse të gjithë Papët e Romës’.

“VIZITA NË VATIKAN për takimin me Atin e Shenjtë, nisi sot nga Genazzano, në bazilikën e famshme, ku gjendet shembëlltyra e Zojës së Këshillit të Mirë, mbi një copë të shkëputur nga muri i Kishës së Shkodrës në vitin e largët 1467

Që nga ajo kohë asnjë kryetar shteti ose qeverie shqiptare nuk e kishte shkelur pragun e bazilikës, ku krah Zojës së Shqipërisë qëndron përherë edhe flamuri ynë kombëtar, e ku kanë kryer vizita e rite thuajse të gjithë Papët e Romës. Gjëja e parë që bëri edhe Papa Leoni XVI sapo u zgjodh, ishte vinte e të lutej në Genazzano te Zoja e Shqipërisë që thirret edhe Regina di Albania – Mbretëresha e Shqipërisë”, ka shkruar Rama.

gijotina.com/

Ministria e Mbrojtjes dhe Forca e Sigurisë së Kosovës (FSK) anë në proces të shqyrtimit të formës dhe kapacitetit me të cilin do të mund të kontribuojnë në forcën paqeruajtëse për Gazën, i tha Radios Evropa e Lirë ministri në detyrë i Mbrojtjes, Ejup Maqedonci.

Autoritetet në Kosovë ditë më parë kanë bërë të ditur se FSK-ja do të jetë pjesë e Forcës Ndërkombëtare Stabilizuese për Gazën, që buron nga plani 20-pikësh i presidentit amerikan, Donald Trump, për të arritur paqe në territorin palestinez.

Kryeministri në detyrë i Kosovës, Albin Kurti, tha më 30 janar se pjesëmarrja e FSK-së në këtë forcë vjen pas pjesëmarrjes në një konferencë në Doha të Katarit në dhjetorin e vitit paraprak, të organizuar nga Komanda Qendrore e Shteteve të Bashkuara.

I pyetur për rezultatet konkrete të këtij takimi, Maqedonci theksoi se konferenca në Katar kishte karakter informues lidhur me Forcën Ndërkombëtare Stabilizuese dhe se Kosova u ftua të merrte pjesë në të nga ushtria amerikane.

“Në këtë fazë nuk është kërkuar të jepen zotime”, tha Maqedonci.

Pas ftesës nga SHBA-ja, Kurti ka miratuar kërkesën që komandanti i FSK-së, Bashkim Jashari të marrë pjesë takimin në Katar, thanë nga zyra e tij.

“Në kuadër të gatishmërisë sonë për të kontribuar brenda kapaciteteve tona për paqe dhe stabilitet në Gaza kryeministri Kurti ka miratuar kërkesën e Ministrisë se Mbrojtjes për pjesëmarrjen e Komandantit të FSK-së në Samitin përgatitor për krijimin e Forcës Ndërkombëtare Stabilizuese për Gazën, që buron nga Plani Gjithëpërfshirës për Përfundimin e Konfliktit në Gaza”, tha për Radion Evropa e Lirë zëdhënësi i Kurtit, Përparim Kryeziu.

Kosova veçse është zotuar për kontribut për paqe në botë, teksa presidentja e vendit, Vjosa Osmani, është bërë pjesë e Bordit të Paqes, nismës e Trumpit përmes së cilës synon zgjidhjen e konflikteve globale./REL

Burra që deri më 31 dhjetor 2025 janë dënuar me vendim të formës së prerë apo u ka mbetur edhe 3 vite burg dhe vendimi ka marrë formë të prerë dhe gra që janë dënuar me 4 vite burg me vendim të formës së prerë deri në fund të vitit të kaluar, me përjashtim të disa kategorive të veprave penale, do të lirohen menjëherë nëse Kuvendi do t’i japë dritën jeshile këtij drafti amnistie penale që qeveria ka përgatitur.

Sipas draftit që do të kalojë nga Këshilli i Ministrave në Kuvend, pritet të përfitojnë mbi 10 mijë persona, me 380 të burgosur që pritet të lirohen menjëherë dhe 980 të tjerë që përfitojnë ulje dënimi.

Lirim të menjëhershëm do të përfitojnë edhe të gjitha gratë që deri në hyrjen në fuqi të këtij ligji do t’u ketë mbetur edhe 4 vite burg për të vuajtur, pavarësisht masës së dënimit, apo burrat që  deri në hyrjen në fuqi të ligjit do të kenë edhe 3 vite të tjera burgim, pavarësisht sa janë dënuar.

Duke përjashtuar të gjithë të dënuarit për një sërë veprash penale, do të lirohen gjithashtu të gjitha gratë që në momentin kur hyn ligji në fuqi kanë mbushur 50 vjeç apo burrat mbi 60-vjeç apo edhe të dënuarit të rinj, të cilët në kohën e kryerjes së veprës penale kanë qenë 18 vjeç ose më të vegjël.

LIROHEN MENJËHERË NGA BURGU (me përjashtimet e ligjit)
Burrat e dënuar deri në 3 vite ose më pak
Gratë e dënuara deri në 4 vite ose më pak
Burrat që u ka mbetur deri në 3 vite burg
Gratë që u ka mbetur deri në 4 vite burg
Burrat që janë 60-vjeç ose më shumë
Gratë që janë 50-vjeç ose më shumë
Të gjithë ata që ishin 18-vjeç kur kryen krimin

Ulje e dënimit
Përveç rreth 380 të burgosurve që përfitojnë lirim të menjëhershëm, rreth 1000 të tjerë do të duhet të kënaqen me ulje të dënimit. Në draft është parashikuar ulja e dënimit me 1 vit për burrat dhe 1 vit e gjysmë për gratë dhe të miturit. Por dhe këtu përjashtohen të gjithë personat e dënuar nga GJKKO, të dënuarit me burgim të përjetshëm, ata që i janë shmangur drejtësisë dhe të dënuar për vrasje në rrethana cilësuese, vrasja e funksionarit publik, vrasja e punonjësit të policisë dhe vrasja në familje.

Pushimi i ndjekjes penale
Gati 9000 qytetarë të tjerë pritet të përfitojnë nga amnistia penale përmes shuarjes së hetimit apo gjykimit ndaj tyre. Pra ndaj tyre nuk do të vijojë më hetimi apo gjykimi. Drafti parashikon përjashtimin nga ndjekja penale për të gjitha çështjet në hetim, çështjet e pashqyrtuara si dhe kallëzimet që ndodhen në këto organe, pavarësisht nga data e regjistrimit të tyre, për krimet e bëra deri më 31 dhjetor 2025. Kjo për veprat për të cilat, Kodi Penal dhe Kodi Penal Ushtarak, parashikon dënim deri në 3 vjet burg, me përjashtim të veprave që kanë kriteret ndaluese.

Kush përjashtohet nga aministia
Përjashtohen si përfitues të kësaj amnistie penale, përveç uljes me një vit apo një vit e gjysmë të dënimet, të gjithë të dënuarit për vepra të rënda penale, janë plot 19 kategori të tilla, duke filluar nga krimet kundër njerëzimit, krime kundër jetës, krime seksuale, vepra kundër fëmijëve, veprat penale që prekin zgjedhjet e lira, bandat e armatosura dhe organizata kriminale, si dhe veprat e korrupsionit.

VEPRA PENALE QË PËRJASHTOHEN NGA AMNISTIA
Krime kundër njerëzimit
Krime kundër jetës
Krime kundër shëndetit
Krime seksuale
Krime kundër lirisë së personit
Krime kundër moralit dhe dinjitetit
Krime kundër fëmijëve, martesës e familjes
Krime kundër pasurisë dhe në sferën ekonomike
Krime të falsifikimit të dokumenteve
Krime kundër të tokës e të ndërtimeve
Krime kundër mjedisit
Krime kundër pavarësisë e rendit kushtetues
Krime që cenojnë marrëdhëniet me shtetet e tjera
Krime me qëllime terroriste
Krime kundër autoritetit të shtetit
Krime kundër drejtësisë
Krime kundër zgjedhjeve
Krimet nga banda të armatosura dhe organizata kriminale
Krime që gjykohen nga GJKKO

Të gjitha të arratisur dhe që i janë shmangur drejtësisë nuk përfitojnë asnjë kategori nga amnistia, duke përfshirë lirimin, uljen e dënimit apo edhe pushimin e ndjekjes penale.

gijotina.com/

Burra që deri më 31 dhjetor 2025 janë dënuar me vendim të formës së prerë apo u ka mbetur edhe 3 vite burg dhe vendimi ka marrë formë të prerë dhe gra që janë dënuar me 4 vite burg me vendim të formës së prerë deri në fund të vitit të kaluar, me përjashtim të disa kategorive të veprave penale, do të lirohen menjëherë nëse Kuvendi do t’i japë dritën jeshile këtij drafti amnistie penale që qeveria ka përgatitur.

Sipas draftit që do të kalojë nga Këshilli i Ministrave në Kuvend, pritet të përfitojnë mbi 10 mijë persona, me 380 të burgosur që pritet të lirohen menjëherë dhe 980 të tjerë që përfitojnë ulje dënimi.

Lirim të menjëhershëm do të përfitojnë edhe të gjitha gratë që deri në hyrjen në fuqi të këtij ligji do t’u ketë mbetur edhe 4 vite burg për të vuajtur, pavarësisht masës së dënimit, apo burrat që  deri në hyrjen në fuqi të ligjit do të kenë edhe 3 vite të tjera burgim, pavarësisht sa janë dënuar.

Duke përjashtuar të gjithë të dënuarit për një sërë veprash penale, do të lirohen gjithashtu të gjitha gratë që në momentin kur hyn ligji në fuqi kanë mbushur 50 vjeç apo burrat mbi 60-vjeç apo edhe të dënuarit të rinj, të cilët në kohën e kryerjes së veprës penale kanë qenë 18 vjeç ose më të vegjël.

LIROHEN MENJËHERË NGA BURGU (me përjashtimet e ligjit)
Burrat e dënuar deri në 3 vite ose më pak
Gratë e dënuara deri në 4 vite ose më pak
Burrat që u ka mbetur deri në 3 vite burg
Gratë që u ka mbetur deri në 4 vite burg
Burrat që janë 60-vjeç ose më shumë
Gratë që janë 50-vjeç ose më shumë
Të gjithë ata që ishin 18-vjeç kur kryen krimin

Ulje e dënimit
Përveç rreth 380 të burgosurve që përfitojnë lirim të menjëhershëm, rreth 1000 të tjerë do të duhet të kënaqen me ulje të dënimit. Në draft është parashikuar ulja e dënimit me 1 vit për burrat dhe 1 vit e gjysmë për gratë dhe të miturit. Por dhe këtu përjashtohen të gjithë personat e dënuar nga GJKKO, të dënuarit me burgim të përjetshëm, ata që i janë shmangur drejtësisë dhe të dënuar për vrasje në rrethana cilësuese, vrasja e funksionarit publik, vrasja e punonjësit të policisë dhe vrasja në familje.

Pushimi i ndjekjes penale
Gati 9000 qytetarë të tjerë pritet të përfitojnë nga amnistia penale përmes shuarjes së hetimit apo gjykimit ndaj tyre. Pra ndaj tyre nuk do të vijojë më hetimi apo gjykimi. Drafti parashikon përjashtimin nga ndjekja penale për të gjitha çështjet në hetim, çështjet e pashqyrtuara si dhe kallëzimet që ndodhen në këto organe, pavarësisht nga data e regjistrimit të tyre, për krimet e bëra deri më 31 dhjetor 2025. Kjo për veprat për të cilat, Kodi Penal dhe Kodi Penal Ushtarak, parashikon dënim deri në 3 vjet burg, me përjashtim të veprave që kanë kriteret ndaluese.

Kush përjashtohet nga aministia
Përjashtohen si përfitues të kësaj amnistie penale, përveç uljes me një vit apo një vit e gjysmë të dënimet, të gjithë të dënuarit për vepra të rënda penale, janë plot 19 kategori të tilla, duke filluar nga krimet kundër njerëzimit, krime kundër jetës, krime seksuale, vepra kundër fëmijëve, veprat penale që prekin zgjedhjet e lira, bandat e armatosura dhe organizata kriminale, si dhe veprat e korrupsionit.

VEPRA PENALE QË PËRJASHTOHEN NGA AMNISTIA
Krime kundër njerëzimit
Krime kundër jetës
Krime kundër shëndetit
Krime seksuale
Krime kundër lirisë së personit
Krime kundër moralit dhe dinjitetit
Krime kundër fëmijëve, martesës e familjes
Krime kundër pasurisë dhe në sferën ekonomike
Krime të falsifikimit të dokumenteve
Krime kundër të tokës e të ndërtimeve
Krime kundër mjedisit
Krime kundër pavarësisë e rendit kushtetues
Krime që cenojnë marrëdhëniet me shtetet e tjera
Krime me qëllime terroriste
Krime kundër autoritetit të shtetit
Krime kundër drejtësisë
Krime kundër zgjedhjeve
Krimet nga banda të armatosura dhe organizata kriminale
Krime që gjykohen nga GJKKO

Të gjitha të arratisur dhe që i janë shmangur drejtësisë nuk përfitojnë asnjë kategori nga amnistia, duke përfshirë lirimin, uljen e dënimit apo edhe pushimin e ndjekjes penale.

gijotina.com/

Më datën 8 prill ora 11:00, Gjykata Kushtetuese  do të shqyrtojë ankimimin e  ish-presidentit të Republikës, Ilir Meta, kundër masave të sigurisë “arrest në burg”.

Raportohet se shqyrtimi në Gjykatën Kushtetuese do të bëhet në bazë dokumentesh, pa praninë e ish-presidentit Meta dhe të përfaqësuesve të SPAK.

Në Kushtetuese, Meta, i cili qëndron në paraburgim prej tetorit 2024, kërkon të shfuqizojë vendimet Shkallës së Parë dhe Apelit të Posaçëm dhe atë të Gjykatës së Lartë për lënien e tij në masën e sigurisë “arrest në burg”.

gijotina.com/

Nga dita e nesërme njoftohen të gjithë abonentët në Durrës se mund të ketë problematika në furnizimin me ujë të pijshëm.

Gjatë kësaj periudhe, kur stacionet do të jenë jashtë funksionit, SHRUKD do të kryejë riparime të planifikuara në tubacionin kryesor të furnizimit me ujë në zonën e Tarinit.

gijotina.com/

Kryetari i Bashkisë së Tiranës, Erion Veliaj, ka depozituar sot pranë Gjykatës së Posaçme Kundër Korrupsionit dhe Krimit të Organizuar (GJKKO) një kërkesë për përjashtimin e gjyqtares Etleva Deda nga shqyrtimi i çështjes në të cilën është i përfshirë.

Veliaj shprehu verbalisht pretendimin e tij për përjashtimin e gjyqtares gjatë seancës së fundit, ndërsa gjyqtarja kishte vendosur më parë të mbyllë shqyrtimin paraprak dhe të tërhiqet për dhënien e vendimit.

Gjykata e Posaçme e Shkallës së Parë për Korrupsionin dhe Krimin e Organizuar ka vendosur të zëvendësojë masën e sigurimit ndaj Xhelal Rrajës, i cili ishte i pandehur dhe më parë i arrestuar në burg.

Sipas vendimit:

-Zbatimi dhe mbikëqyrja e masës do të bëhet nga komisariati i policisë që mbulon vendbanimin e tij.

Vendimi i GJKKO:

1. Kërkuesi Xhelal Rraja me datë 17.12.2025 ka paraqitur pranë Gjykatës kërkesën me
objekt: “Zëvendësimin e masës së sigurimit të vendimit Nr. 49, datë 15.05.2024 të
Gjykatës së Posaçme të Shkallës së Parë për Korrupsionin dhe Krimin e Organizuar
Tiranë, miratuar me vendimin Nr. 78, datë 12.07.2024 të kësaj Gjykate dhe caktimin e
masës së sigurimit atë të “Detyrimit për t’u paraqitur pranë Oficerit të Policisë
Gjyqësore”, për këtë shtetas”.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtarët Erjon Bani, Flora
Hajredinaj dhe Bib Ndreca, me vendimin nr. 26, datë 04.02.2026, vendosi:
1. Pranimin e kërkesës.
2. Zëvendësimin e masës së sigurimit personal “Arrest në burg” caktuar ndaj të
pandehurit Xhelal Rraja, me vendimin Nr. 49, datë 15.05.2024 dhe me vendimin
Nr.78, datë 12.07.2024 të Gjykatës së Posaçme të Shkallës së Parë për
Korrupsionin dhe Krimin e Organizuar Tiranë, me masën e sigurimit personal
“Arrest në shtëpi” parashikuar nga neni 237 i K.Pr.Penale.
3. Urdhërohet i pandehuri Xhelal Rraja, të mos largohet nga banesa e tij, e cila
ndodhet në ****, Njësia Administrative ****, ****.
4. Urdhërohet i pandehuri Xhelal Rraja, të mos komunikojë me persona të tjerë, me
përjashtim të personave që bashkëjetojnë me të.
5. Zbatimi dhe mbikqyrja e vazhdueshme e kësaj mase sigurimi të bëhet nga
Komisariati i Policisë që mbulon vendbanimin e tij.
6. Urdhërohet lirimi i menjëhershëm i të pandehurit Xhelal Rraja, nga ambjentet e
paraburgimit nëse nuk mbahet i arrestuar, i ndaluar ose i dënuar për ndonjë vepër
tjetër penale.
7. Ngarkohet Prokuroria e Posaçme kundër Korrupsionit dhe Krimit të Organizuar
dhe policia gjyqësore për ekzekutimin e këtij vendimi.
8. Kundër këtij vendimi mund të bëhet ankim në Gjykatën e Posaҫme të Apelit për
Korrupsionin dhe Krimin e Organizuar brenda 5 (pesë) ditëve, duke filluar ky afat
nga e nesërmja e njoftimit të vendimit të arsyetuar.
Tiranë, më datë 04.02.2026

gijotina.com/

Rrjeti social “TikTok” do të jetë i aksesueshëm sërish në të gjithë territorin e Shqipërisë, pas rreth një viti bllokimi. Masë kjo e vendosur nga qeveria pak muaj pas vrasjes së 14-vjeçarit Martin Cani nga bashkëmoshatar i tij, pas një sherri që nisi në këtë platformë.

Këshilli i Ministrave ka miratuar sot vendimin për rikthimin e aplikacionit, i cili ishte i bllokuar që më 13 mars 2025.

Në vendim theksohet se “Autoriteti Kombëtar për Sigurinë Kibernetike (AKSK), në bashkëpunim me entet rregullatore përkatëse, do të ndërmarrë veprimet e nevojshme për heqjen e masave të ndërprerjes së aksesit ndaj platformës”.

Kryeministri Edi Rama kishte deklaruar se mbyllja e TikTok ishte masë e përkohshme dhe se aplikacioni do të rihapej sapo të arrihej dakordësia me kompaninë kineze për vendosjen e filtrave, për të minimizuar ndikimin e mundshëm negativ mbi shëndetin psiko-emocional të fëmijëve.

VENDIMI

Në mbështetje të nenit 100 të Kushtetutës, të neneve 10, pika 1, 26, pika 212 pika, 2, 174, 177, pika 5, të ligjit nr.54/2024, “Për komunikimet elektronike në Republikën e Shqipërisë”, të neneve 32, pika 4, 32/1, 42 e 46, të ligjit nr. 97/2013, “Për mediat audiovizive në Republikën e Shqipërisë”, të ndryshuar, dhe të pikës 4, të nenit 27, të ligjit nr. 18/2017, “Për të drejtat dhe mbrojtjen e fëmijës”, me propozimin e Zëvendëskryeministrit dhe ministër i Infrastrukturës dhe Energjisë, të ministrit të Arsimit, të ministrit të Drejtësisë, të ministrit të Punëve të Brendshme dhe të ministrit të Shëndetësisë dhe Mirëqenies Sociale, Këshilli i Ministrave

1. Heqjen e masave të përkohshme për ndërprerjen e aksesit në platformën on-line “Tik Tok” në territorin e Republikës së Shqipërisë, pas adresimit të problematikave në fushën e sigurisë publike dhe sociale në mjedisin digjital.

2. Autoriteti Kombëtar për Sigurinë Kibemetike (AKSK), në bashkëpunim me entet rregullatore të fushës, ndërmerr veprimet e nevojshme për realizimin e heqjes së masave për ndërprerjen e aksesit të kësaj platforme, duke respektuar edhe dispozitat ligjore për mbrojtjen të dhënave personale, në përputhje me legjislacionin në fuqi në territorin e Republikës së Shqipërisë.

3. Vendimi nr.151, datë 6.3.2025, i Këshillit të Ministrave, “Për marrjen e masave të përkohshme për shmangien e ndikimeve negative të platformës on-line “Tik Tok”, shfuqizohet.

4. Ngarkohen Ministria e Arsimit, Ministria e Drejtësisë, Ministri lafrastrukturës dhe Energjisë, Ministria e Punëve të Brendshme. Ministria e Shëndetësisë dhe Mirëqenies Sociale, Autoriteti Kombëtar për Sigurinë Kibernetike, Agjencia Kombëtare e Shoqërisë së Informacionit dhe autoritetet rregullatore sektoriale për zbatimin e këtij vendimi.

gijotina.com/