Kreu i Partisë së Lirisë, Ilir Meta, duke folur për arrestimin e tij, tha se për të kuptuar kriminalizimin e drejtësisë dhe policisë nga Edi Rama duhet krahasuar rrëmbimi tij banditesk dhe arrestimi që iu bë ish-Presidentit Sarkozi.

Në një intervistë për Syri.Net, Meta tha se të gjithë të paraburgosurit e tjerë dalin dy herë jashtë në ditë, ndërsa ai është i vetmi që del vetëm një herë. Meta tha gjithashtu se të gjithë tarallakët që janë në garë për t’i bërë sa më “malore” paraburgimin dhe këtë proces absurd i falenderon pasi ai në mal ka lindur dhe nuk ka lënë mal pa ngjitur.

Pjesë nga intervista: 

Ju jeni prej 15 muajsh në qeli, si ndiheni dhe cila është perspektiva e procesit gjyqësor ndaj jush?

Çfarë t’ju lodh më shumë me të gjithë farsën gjyqësore kundër meje? Shikoni rrëmbimin tim banditesk dhe arrestimin që iu bë ish-Presidentit Sarkozi për të kuptuar kriminalizimin e drejtësisë dhe policisë nga Edi Rama. Edhe ne kemi të njëjtat ligje si Franca sepse Konventa Europiane e të Drejtave të Njeriut që mbizotëron mbi ligjet vendase është e njëjta edhe për Francën edhe për Shqipërinë.

Por po nuk “u pëlqeu” Franca le të kalojmë te krahasimi me Rusinë se si u arrestua Navalny në aeroport e madje u lejua të fliste me gazetarët.
Pastaj po të kalojmë te standardet e paraburgimit, Rusia na lë shumë pas.
Klikoni dhe do gjeni intervista të Navalny dhe Khodorkovsky dhënë për mediat nga burgjet.

Ndërsa këtu kërkesat e gazetarëve për intervista nuk marrin kurrë përgjigje.
Madje pse iu përgjigja tre pyetjeve të një gazetareje nga telefoni i burgut jam dënuar me izolim ekstrem. Të gjithë të paraburgosurit e tjerë dalin dy herë jashtë në ditë, ndërsa unë jam i vetmi që dal vetëm një herë. Por kjo nuk më nervozon aspak por veçse me forcon kujtesën për të kaluarën dhe më ndihmon për të shtuar largpamësinë për të ardhmen.

Ne mezi presim përfundimin e seancës paraprake që është zvarritur deri tani jo për shkakun tim dhe avokatëve të mi. Kam qenë dhe do jem vetë në çdo seancë sepse gjykimi në themel jo vetëm do të jetë i hapur për mediat, por edhe ne nuk do kemi asnjë pengesë ligjore për të bërë publike çdo manipulim dhe falsifikim që është bërë gjatë këtij procesi, që nga fillimi i hetimit para 8 viteve dhe deri sot.

Të gjithë tarallakët që janë në garë për të ma bërë mua sa më “malore” paraburgimin dhe këtë proces absurd i falenderoj pasi unë në mal kam lindur dhe nuk kam lënë mal pa ngjitur. Këtu në “suitën” Nr.5 faqet e mureve janë me fotot e majave të ngjitura nga unë të Jezercës, Korabit, Çikës, Shkëlzenit, etj.
Çdo ditë stërvitem me durim për ta rifilluar ngjitjen në Majën e Hekurave.

Në këto kushte të vështira, si e shikoni funksionimin e Partisë së Lirisë?

Natyrisht Partia e Lirisë është në gjendje lufte me këtë regjim pengmarrës.
Si një parti thellësisht patriotike ajo do ta bëjë këtë luftë pa kompromis me regjimin mafioz dhe bashkëpunëtorët e tij. Kauzat e Ilir Metës dhe Partisë së Lirisë janë ekzistenciale për të ardhmen e shqiptarëve në Shqipëri. Projekti i regjentit të Sorosit dhe Sinaloas është një Shqipëri me sa më pak shqiptarë.

Atyre u duhet territori, portet, aeroportet, fabrikat e kokainëd dhe tarifat për çdo ngarkesë droge që kalon përmes Shqipërisë. Ndërsa projekti ynë është ai i 5 Prioriteteve për 4 milion shqiptarë plus. Pra gjithçka për popullimin e Shqipërisë me shqiptarët, për mbështetjen e familjeve të reja, për arsimimin cilësor e bashkëkohor të fëmijëve tanë, gjithçka për mbështetjen r prodhimit bujqësor, ushqimor e industrial, gjithçka për shndërrimin e Shqipërisë në fuqi eksportuese. Edhe projektligjet që ka paraqitur dhe po paraqet grupi parlamentar i Partisë së Lirisë janë në shërbim të këtij programi.

Kreu i Partisë së Lirisë, Ilir Meta, duke folur për arrestimin e tij, tha se për të kuptuar kriminalizimin e drejtësisë dhe policisë nga Edi Rama duhet krahasuar rrëmbimi tij banditesk dhe arrestimi që iu bë ish-Presidentit Sarkozi.

Në një intervistë për Syri.Net, Meta tha se të gjithë të paraburgosurit e tjerë dalin dy herë jashtë në ditë, ndërsa ai është i vetmi që del vetëm një herë. Meta tha gjithashtu se të gjithë tarallakët që janë në garë për t’i bërë sa më “malore” paraburgimin dhe këtë proces absurd i falenderon pasi ai në mal ka lindur dhe nuk ka lënë mal pa ngjitur.

Pjesë nga intervista: 

Ju jeni prej 15 muajsh në qeli, si ndiheni dhe cila është perspektiva e procesit gjyqësor ndaj jush?

Çfarë t’ju lodh më shumë me të gjithë farsën gjyqësore kundër meje? Shikoni rrëmbimin tim banditesk dhe arrestimin që iu bë ish-Presidentit Sarkozi për të kuptuar kriminalizimin e drejtësisë dhe policisë nga Edi Rama. Edhe ne kemi të njëjtat ligje si Franca sepse Konventa Europiane e të Drejtave të Njeriut që mbizotëron mbi ligjet vendase është e njëjta edhe për Francën edhe për Shqipërinë.

Por po nuk “u pëlqeu” Franca le të kalojmë te krahasimi me Rusinë se si u arrestua Navalny në aeroport e madje u lejua të fliste me gazetarët.
Pastaj po të kalojmë te standardet e paraburgimit, Rusia na lë shumë pas.
Klikoni dhe do gjeni intervista të Navalny dhe Khodorkovsky dhënë për mediat nga burgjet.

Ndërsa këtu kërkesat e gazetarëve për intervista nuk marrin kurrë përgjigje.
Madje pse iu përgjigja tre pyetjeve të një gazetareje nga telefoni i burgut jam dënuar me izolim ekstrem. Të gjithë të paraburgosurit e tjerë dalin dy herë jashtë në ditë, ndërsa unë jam i vetmi që dal vetëm një herë. Por kjo nuk më nervozon aspak por veçse me forcon kujtesën për të kaluarën dhe më ndihmon për të shtuar largpamësinë për të ardhmen.

Ne mezi presim përfundimin e seancës paraprake që është zvarritur deri tani jo për shkakun tim dhe avokatëve të mi. Kam qenë dhe do jem vetë në çdo seancë sepse gjykimi në themel jo vetëm do të jetë i hapur për mediat, por edhe ne nuk do kemi asnjë pengesë ligjore për të bërë publike çdo manipulim dhe falsifikim që është bërë gjatë këtij procesi, që nga fillimi i hetimit para 8 viteve dhe deri sot.

Të gjithë tarallakët që janë në garë për të ma bërë mua sa më “malore” paraburgimin dhe këtë proces absurd i falenderoj pasi unë në mal kam lindur dhe nuk kam lënë mal pa ngjitur. Këtu në “suitën” Nr.5 faqet e mureve janë me fotot e majave të ngjitura nga unë të Jezercës, Korabit, Çikës, Shkëlzenit, etj.
Çdo ditë stërvitem me durim për ta rifilluar ngjitjen në Majën e Hekurave.

Në këto kushte të vështira, si e shikoni funksionimin e Partisë së Lirisë?

Natyrisht Partia e Lirisë është në gjendje lufte me këtë regjim pengmarrës.
Si një parti thellësisht patriotike ajo do ta bëjë këtë luftë pa kompromis me regjimin mafioz dhe bashkëpunëtorët e tij. Kauzat e Ilir Metës dhe Partisë së Lirisë janë ekzistenciale për të ardhmen e shqiptarëve në Shqipëri. Projekti i regjentit të Sorosit dhe Sinaloas është një Shqipëri me sa më pak shqiptarë.

Atyre u duhet territori, portet, aeroportet, fabrikat e kokainëd dhe tarifat për çdo ngarkesë droge që kalon përmes Shqipërisë. Ndërsa projekti ynë është ai i 5 Prioriteteve për 4 milion shqiptarë plus. Pra gjithçka për popullimin e Shqipërisë me shqiptarët, për mbështetjen e familjeve të reja, për arsimimin cilësor e bashkëkohor të fëmijëve tanë, gjithçka për mbështetjen r prodhimit bujqësor, ushqimor e industrial, gjithçka për shndërrimin e Shqipërisë në fuqi eksportuese. Edhe projektligjet që ka paraqitur dhe po paraqet grupi parlamentar i Partisë së Lirisë janë në shërbim të këtij programi.

Presidenti amerikan Donald Trump ka njoftuar vendosjen e një pakete të re tarifash ndaj një sërë vendesh që eksportojnë mallra në SHBA, të cilat do të hyjnë në fuqi më 1 shkurt.

Trump thotë se këto tarifa do të mbeten në fuqi deri “në momentin kur të arrihet një marrëveshje për blerjen e plotë dhe totale të Groenlandës” nga Shtetet e Bashkuara.

Duke shkruar në rrjetet sociale, Trump thekson se vende si Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda do të “tarifohen me 10%” për “çdo lloj malli” që dërgojnë në SHBA.

Sipas tij, nga 1 qershori kjo tarifë do të rritet në 25%, shkruan Trump në platformën Truth Social.

Tarifat janë taksa mbi mallrat e importuara dhe zakonisht paguhen ndaj qeverisë nga kompanitë që sjellin produkte të huaja në vend.

Në postim në Truth Social, Trump thotë se SHBA-ja ka subvencionuar Danimarkën dhe Bashkimin Europian për shumë vite, duke mos u vendosur tarifa doganore.

Presidenti shton se pas shekujsh “është koha që Danimarka të japë diçka mbrapsht”.

“Paqja botërore është në rrezik! Kina dëshiron Groenlandën dhe Danimarka s’mund të bëjë asgjë për këtë”, shkruan Trump, duke pretenduar se Groenlanda mbrohet vetëm nga dy slita me qen.

Ai vijon duke thënë se Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda “kanë udhëtuar drejt Groenlandës për qëllime të panjohura” dhe se po luajnë një “lojë shumë të rrezikshme”.

“Duhet të merren masa të forta që kjo situatë potencialisht e rrezikshme të përfundojë shpejt dhe pa asnjë dyshim”, shton Trump.

Nisma më e fundit e qeverisë, e quajtur ‘Paketa e Maleve’, është vënë në shënjestër të kritikave nga opozita, e cila e cilëson atë jo si një projekt zhvillimor, por si një mekanizëm grabitqar për tjetërsimin e pronave.

Deputeti i PD-së Bardh Spahia, duke analizuar krijimin e grupit të përbashkët të punës qeveri-bashki për këtë paketë, vuri në dukje një detaj shqetësues: përzgjedhjen e kryebashkiakëve që aktualisht janë nën hetim nga SPAK, si Benet Beci i Shkodrës dhe Majlinda Bufi e Roskovecit, për të drejtuar këtë proces.

‘Dy mjeshtrat e aferave korruptive janë zgjidhja ideale për këtë plan,’ ironizoi Spahia, duke shtuar se përfshirja e tyre sinjalizon qëllimet e vërteta të projektit. Sipas tij, Paketa e Maleve synon t’u marrë tokën banorëve autoktonë të zonave malore për t’ia kaluar investitorëve të ashtuquajtur strategjikë, të cilët shpesh janë vënë aty për interesa klienteliste dhe pastrim parash. Ai denoncoi faktin se aplikimet për këtë paketë janë bërë edhe për zona që nuk janë fare malore, duke treguar mungesën e seriozitetit dhe transparencës.

Spahia solli shembullin e dhimbshëm të Thethit, ku pas thirrjeve të qeverisë për emigrantët që të kthehen dhe të investojnë kursimet e tyre në turizëm, shteti ndërhyri brutalisht duke u rrënuar investimet në kulmin e sezonit turistik. ‘Kjo shkaktoi një plagë sociale të paimagjinueshme. Pasi banorët harxhuan kursimet e viteve dhe u futën në borxhe, shteti ua shkatërroi gjithçka,’ u shpreh Spahia.

Interi ka rritur përkohësisht në gjashtë pikë avantazhin në krye të Serie A, pas fitores minimale 1-0 në transfertë ndaj Udineses, duke regjistruar triumfin e katërt në pesë përballjet e fundit në fushën e këtij kundërshtari.

Me një ndeshje të madhe të Ligës së Kampionëve kundër Arsenalit që po afrohet në mesjavë, trajneri Cristian Chivu vendosi të bëjë disa ndryshime në formacionin titullar. Pavarësisht rotacionit, Interi e nisi takimin me ritëm të lartë. Lautaro Martínez dhe Federico Dimarco iu afruan golit që në pesë minutat e para, ndërsa goli nuk vonoi të vinte.

Në mesin e pjesës së parë, një pasim i fortë nga thellësia i Piotr Zielińskit gjeti Francesco Pio Espositon, i cili asistoi saktë për Lautaro Martínez.

Sulmuesi argjentinas mbajti larg mbrojtësit dhe dërgoi topin në cepin e portës me pjesën e jashtme të këmbës së djathtë, duke i dhënë fund një serie prej tre ndeshjesh pa gol në kampionat.

Duke qenë se Udinese kishte barazuar dy ndeshjet e fundit në shtëpi pasi kishte pësuar golin e parë, Inter nuk uli ritmin. Martínez dhe Dimarco bashkëpunuan sërish për një rast tjetër rreth minutës së 30-të, por gjuajtja e ulët e mbrojtësit të krahut u ndal nga portieri Maduka Okoye.

Nga ana tjetër, vendasit krijuan pak rrezik, ndërsa Yann Sommer u detyrua të ndërhyjë vetëm për të ndalur një goditje nga distanca të Keinan Davis.

Edhe pas pushimit, skuadra e drejtuar nga Kosta Runjaić e pati të vështirë të ndryshonte rrjedhën e lojës.

Okoye shpëtoi portën nga një goditje e Henrikh Mkhitaryan nga kënd i ngushtë, ndërsa një tjetër gol i Dimarcos u anulua për pozicion jashtë loje në ndërtimin e aksionit. Pakënaqësia e tifozëve vendas u shtua rreth 20 minuta nga fundi, kur Carlos Augusto u ndëshkua vetëm me karton të verdhë për një ndërhyrje të vonë, ndonëse ishte mbrojtësi i fundit i Interit.

Në minutat e fundit, Udinese mbajti më shumë topin, por pa arritur të rrezikojë seriozisht portën e Sommerit.

Inter, pa u vënë realisht në vështirësi, siguroi fitoren e gjashtë radhazi në transfertë, duke forcuar pozitat në garën për titullin kampion.

Tashmë, diferenca ndaj Milanit ka shkuar në 6 pikë, 9 kundër Napolit dhe 10 me Juventusin, pavarësisht se kuqezinjt, napoletanët dhe bardhezinjt kanë një ndeshje më pak.

Ndërkohë, Udinese ka fituar vetëm një nga gjashtë ndeshjet e fundit dhe gjithnjë e më shumë po projektohet drejt një sezoni të qetë në mesin e tabelës.

Detaje të reja janë zbuluar në lidhje me kontrollet e zhvilluara nga SPAK në lidhje me Call Centerat në Tiranë.

Mësohet se janë arrestuar 10 persona, ndërsa janë shpallur në kërkim nga SPAK, 3 vëllezërit, Alfred, Agim dhe Arjan Prekaj, ku njëri prej tyre, Alfred Prekaj rezulton pronar i kompanisë “Balkanspro” me objekt call Center, Telemarketing.

Sipas burimeve, nga kontrollet janë zbuluar disa prova materiale, ndërsa ato po vijojnë edhe sot, bashkë me marrjen në pyetje të disa personave të lidhur me çështjen.

Deri tani mësohet se 10 persona janë arrestuar, si të dyshuar si operatorë të call-center-ave.

Prej mbrëmjes së djeshme, SPAK dhe oficerë të Byrosë Kombëtare të Hetimit kanë kryer rreth 33 kontrolle në disa zona të Tiranës, si pjesë e nisjes së një hetimi për mashtrime përmes call-center-ave.

Burime pranë SPAK konfirmuan se kontrollet janë kryer në zonat e Saukut, Astirit, Freskut, Laprakës, si dhe në qendrën e biznesit “4Ever Green ToWer”, e cila ndodhet përballë Kishës Ortodokse në qendër të kryeqytetit.

Presidenti i Fiorentinës ndërroi jetë ditën e sotme. Rocco Commisso mbylli sytë përgjithmonë në moshën 76-vjeçare, duke lënë shumë dhimbje pas.

Për ndarjen e tij nga jeta ka reaguar edhe Armand Duka. Kreu i FSHF-së ka shpehur ngushëllimet e tij nëpërmjet një postimi në rrjetet sociale, ndërsa shkruan se ka gjurmë në futboll dhe do të kujtohet gjatë.

“Me hidhërim të thellë mësova lajmin për ndarjen nga jeta të Rocco Commisso, një figure të respektuar dhe një kontribuesi të jashtëzakonshëm në futbollin europian.

Integriteti, vizioni dhe energjia e tij në drejtimin e Fiorentinës lanë gjurmë të qarta dhe do të kujtohen gjatë.

I shpreh ngushëllimet e mia të sinqerta familjes së tij dhe gjithë komunitetit të Fiorentinës”, ka shkruar Duka.

Një 55-vjeçar shqiptar është arrestuar nga policia italiane për akuzat e grabitjes dhe trafikut të drogës.

I dyshuari u pa duke u fshehur në mënyrë të dyshimtë midis makinave të parkuara, duke mbajtur dy çelësa, sikur po shqyrtonte me kujdes brendësinë e automjeteve, me qëllim grabitjen e tyre.

Kjo sjellje nuk kaloi pa u vënë re nga oficerët, të cilët po kryenin patrullime rutinë në Brescia ditët e fundit. 55-vjeçari me qëndrim të ligjshëm në Itali, por i njohur tashmë për forcat e rendit për disa precedentë penalë, u pa në Via Duca degli Abruzzi.

Që në momentet e para, 55-vjeçari u duk nervoz dhe jo bashkëpunues, duke u përpjekur të fshihte diçka nën rroba. Kur u pyet për shpjegime, ai u përpoq të justifikonte posedimin e çelësave duke pretenduar se po riparonte biçikletën e tij në oborrin e shtëpisë, një version që, megjithatë, nuk i bindi oficerët.

Gjatë një kontrolli personal, doli në pah natyra e vërtetë e aktivitetit të burrit: 21 pako me kokainë, gati për shitje, u gjetën brenda portofolit të tij, së bashku me një shumë parash në prerje të vogla, që besohet të jenë të ardhurat nga trafikimi i drogës.

Duke pasur parasysh të dhënat kriminale të autorit të krimit, policia vendosi ta zgjeronte kontrollin edhe në shtëpinë e tij. Kontrolli i shtëpisë konfirmoi dyshimet e tyre: brenda apartamentit u gjetën kanabis, një peshore precize dhe materiale për paketimin e drogës.

Një shumë tjetër parash që tejkalonte 6,000 euro u gjet gjithashtu në një kuti të fshehur në një raft në dhomën e ndenjes, e cila gjithashtu besohet të jetë e lidhur me trafikun e drogës. I gjithë materiali i gjetur u sekuestrua menjëherë.

I shoqëruar në selinë e policisë, trafikanti i drogës u arrestua pas hetimeve gjyqësore me akuzën e posedimit me qëllim shpërndarjen e narkotikëve dhe iu dorëzua Prokurorisë Publike në pritje të gjyqit, informon media italiane.

Shefi i Policisë së Brescias, Paolo Sartori, urdhëroi revokimin e lejes së qëndrimit të 55-vjeçarit, gjë që do të lejojë fillimin e procedurave për dëbimin e tij nga Italia.

Derbi i Manchesterit ka përfunduar me fitoren e Manchester United. “Djajtë” kanë mposhtur në “Old Trafford” me rezultatin 3-0 rivalin e tyre të përjetshëm, Manchester City.

Një ndeshje mjaft e luftuar dhe shumë emocionuese mes rivalëve të Manchesterit, ku nuk munguan as golat e anuluar. Në pjesën e parë, vendasit gjetën 2 herë rrugën e rrjetës me anë të Diallos 34’ dhe Fernandes 41’, por të dy u anuluan për pozicione jashtë loje të “Djajve”.

Por goli i 3-të dhe i vërtetë për United do të vinte në pjesën e dytë. Në minutën e 65-të të sfidës, Bryan Mbeumo mposhti portierin e Cityt për t’i thënë avantazhin ekipit të tij. Ekipi i Michael Carrick nuk u ndal me kaq, pasi mundi të dyfishonte shifrat me anë të Patrick Dorgu në minutën e 76-të.

E kur mendohej se sfida do të mbyllej, United gjeti edhe një tjetër gol. Këtë herë tundi rrjetën Mason Mount në minutën e 90+2 të përballjes, por sërish nuk do të ishte i vlefshëm, pasi do të anulohej, por gjithsesi bëri që City të largohej “kokë ulur” nga “Old Traffod”.

Për United kjo fitore ishte shumë e rëndësishme, pasi “Djajtë” u rikthyen te fitorja pas 3 barazimeve, ndërsa City është sfida e 4-të rresht që nuk triumfon në kampionat. Pas kësaj sfide United ngjitet në kuotën e 35 pikëve dhe ndodhen në vendin e 4-të, ndërsa ekipi i Pep Guardiolës mbeten në vendin e dytë me 43 pikë.

Një ngjarje e rëndë raportohet të ketë ndodhur këtë të shtunë në Vlorë, në zonën e Palasës.

Një fadromë ka goditur për vdekje një punëtor, teksa ishte duke punuar në një kantier ndërtimi.

Nuk dihet ende identiteti i viktimës, kujt firme i përket fadroma apo rrethanat se si ka ndodhur aksidenti.

Ndërkohë, policia thuhet se ndodhet në vendin e ngjarjes por deri më tani nuk ka asnjë reagim lidhur me rastin.

Kryetari i PD-së Sali Berisha ka bërë thirrje publike për mobilizim qytetar, duke ftuar çdo shqiptar që më 24 Janar të dalë në rrugët dhe sheshet e Tiranës. Në përfundim të bashkëbisedimit me qytetarët, Berisha e cilëson protestën si një përpjekje vendimtare për të ngritur zërin kundër qeverisjes aktuale.

“Thirrja ime është për çdo qytetar shqiptar në datën 24 Janar, në një përpjekje të fuqishme të ngremë zërin tonë, të bashkuar që të dëgjohet në çdo votër shqiptare, të dëgjohet në të 4 anët e botës.

Vërtetë Shqipëria ka një organizatë kriminale si qeveri, vërtetë ka një kryeministër i cili pasi ka vjedhur dhe shpërdoruar miliarda para të taksapaguesve shqiptarë dhe prona publike. Po të kemi parasysh këtu portin e Durrësit, po të kemi parasysh 222 mijë metra katrorë në Gjipe, kanionin më panoramik të Shqipërisë, një nga kanionet më panoramike të botë.

Po të kemi parasysh Duranat, etj., etj., duhet pra të bashkohemi kundër kësaj te keqeje, në  mënyrë që të rikthejmë në vatrat tona shpresën, të rikthejmë të ardhmen, të rikthejmë besimin tek ky vend i bekuar nga Zoti, por i keqtrajtuar në mënyrë ekstreme nga hajdutët në pushtet. Ndaj dhe në 24 Janar ftoj çdo shqiptar në rrugë dhe sheshe të Tiranës,” tha Berisha.

Kreu i Partisë Demokratike, Sali Berisha, ka komentuar situatën politike në vend, teksa ka akuzuar kryeministrin Edi Rama, për pushtimin e parlamentit dhe kontrollin e drejtësisë.

Përmes një komunikimin me qytetarët në rrjete sociale, Berisha tha se mazhoranca po përdor mekanizma të reja ligjore dhe ndërhyrje të drejtpërdrejta për të bllokuar veprimet e institucioneve të drejtësisë dhe po ngushton hapsirën e opozitës në parlament.

Sipas Berishës, protestat e qytetarëve mbeten shpresa e vetme për shpëtimin e Shqipërisë nga ky regjim i narko-shtetit.

“Skandalet njëri pas tjetrit nuk kanë të sosur.
Edi Ramës po i nxihet çdo ditë e më shumë figura e tij me gjithë dhjetëra në mos më shumë milionë euro dhe dollarë që ai shpenzon për imazhin e tij, për ta paraqitur atë si një lider me vlera, në fakt del një lider i antivlerave të vërteta. Ai po merr çdo masë që drejtësinë ta bllokojë.

Dje informoi se kishte ndërmend me procedura të shpejtuara të miratonte ligje që bllokojnë veprimin apo përpjekjen e institucioneve të drejtësisë për zbatimin e ligjit, ndjekjen e tij penale dhe ndjekjen e bashkëpunëtorëve të tij.
Ai do kalojë me sa duket kodin e ri të ish-bashkëpunëtorit të Sigurimit të Shtetit, Arben Rakipi, një kod i vërtetë i një narko-diktature, kod me të cilin ai sigurisht bllokon veprimet e pushtetit gjyqësor, mbron aktet kriminale të vetat, familjes së tij dhe qeveritarëve të tij.

Ndërkohë që u zotua gjithashtu se do bëjë gjithçka për t’i shkurtuar, për t’ia gjymtuar përfundimisht dhe atë hapësirë minimale që ka opozita në parlament për të marrë fjalën për procedurë, pasi nuk bëhet më fjalë për debate dhe ligje, nuk bëhet fjalë për interpelanca, nuk bëhet fjalë për komisione hetimore parlamentare dhe të gjitha të drejtat e tjera që i takojnë sipas Kushtetutës dhe rregullores së parlamentit opozitës.

Pra, de facto ai ka pushtuar parlamentin dhe po e përdor atë në një grusht shteti për të marrë pushtetin e drejtësisë.
Këto janë rrethanat, këto janë zhvillimet.
Fjala është vetëm e qytetarëve.
Fjala është e qytetarëve, të cilët duhet të ngrihen me forcën më të madhe dhe do ngrihen me forcën më të madhe për të shpëtuar Shqipërinë nga ky regjim që po vjedh me një shpejtësi të paimagjinueshme buxhetet, pronat publike dhe po largon çdo ditë e më shumë shqiptarët.”,- tha Berisha.

Procesi i rinumërimit të një të tretës të vendvotimeve për zgjedhjet e parakohshme parlamentare të 28 dhjetorit ka sjellë ndryshime të dukshme të votat e kandidatëve për deputetë qysh në ditët e para.

Deri më tani procesi i rinumërimit, që nisi më 13 janar, është përfunduar në 19 komuna dhe janë numëruar 316 vendvotime nga gjithsej 914 sosh, sipas njoftimit të KQZ-së për numërimet deri sot në orën 10:00.

Megjithatë, edhe me kaq vendvotime të rinumëruara, ndryshimi në votat për kandidatë brenda partive politike është i dukshëm.

Kandidatët me më shumti ndryshim në vota në partitë e mëdha

Nga katër partitë më të votuarat në zgjedhjet e parakohshme parlamentare të 28 dhjetorit, te Partia Demokratike e Kosovës vërehen më së shumti ndryshime te votat për kandidatë pas nisjes së rinumërimit të pjesshëm.

Kur ishin numëruar pak më shumë se 200 vendvotime, Eugen Cakolli, nga Instituti Demokratik i Kosovës, kishte llogaritur se ndryshimet arrijnë në gati 15 mijë vota ndryshim dhe, sipas një postimi të tij në rrjetin Facebook, më së shumti ndryshime ka lista e Partisë Demokratike të Kosovës (PDK).

Deri më tani, del që 7.719 fletëvotimeve me votë për PDK-në iu ishte modifikuar vota për kandidatë. Më pas vjen Lëvizja Vetëvendosje (LVV) me 2.947 vota dallim, Lidhja Demokratike e Kosovës (LDK) me 1.676 dhe Aleanca për Ardhmërinë e Kosovës (AAK) me 639.

“Këto janë dallime substanciale, sidomos meqë shfaqen në një kontekst ku rinumërimi është duke u zhvilluar për vetëm 1/3 e vendvotimeve në nivel vendi. Për më keq, vërehet që votat e këtyre kandidatëve janë ndryshuar kryesisht nga qendrat komunale prej nga vijnë këta kandidatë”, shkroi Cakolli.

Në qendrat komunale të numërimit, çdo fletëvotim kalon përmes disa kontrolleve: lexohet me zë të lartë nga një numërues, shfaqet në ekran përmes kamerës dhe regjistrohet në sistem elektronik nga një zyrtar tjetër, ndërsa një person i tretë e verifikon fletën.

Megjithatë, manipulimi thuhet se bëhet në fazën e leximit të votave për kandidatë. Kur një fletëvotim i takon një partie, ai përmban edhe vota për disa kandidatë. Numëruesi mund të ndryshojë verbalisht numrin e kandidatit të votuar, duke e zëvendësuar me numrin e një kandidati tjetër.

Kështu, sistemi regjistron votë për kandidatin e gabuar, edhe pse fletëvotimi real tregon diçka tjetër. Numri i votave për parti nuk ndryshon, vetëm ndryshon numri i votave për kandidatë brenda të njëjtës parti.

Cakolli kishte thënë më herët gjatë javës se procesi i numërimit nuk përcillet me kontrolle të hollësishme të fletëvotimeve, duke mundësuar kështu manipulimet, dhe se në këtë ka ndikuar edhe fakti që numërimi ishte realizuar në kohë festash.

Sipas Çohu dhe Cakollit, mënyra të tilla të keqpërdorimit janë vërejtur në pothuajse secilin proces zgjedhor në Kosovë dhe se zgjidhja për këtë problem do të ishte skanimi teknologjik i fletëvotimeve në vend të numërimit tradicional nga zyrtarët.

Cilat janë pasojat?

Së voni, Organizata joqeveritare Çohu ka publikuar një hulumtim që tregon se mbi 90 për qind e rasteve për manipulimet zgjedhore përfundojnë me dënime me kusht ose me gjoba.

Kjo do të thotë se nëse ndonjë zyrtar vërtetohet se ka manipuluar votat gjatë numërimit, ai ka pak gjasa të ndëshkohet me burg për këtë gjë.

Por, pasojat mund të jenë më të mëdha për institucionet, pasi rinumërimi, i cili pritet të zgjasë deri në dy javë, mund ta vonojë edhe më shumë themelimin e institucioneve të reja, në një kohë delikate për institucionet.

Kuvendi i ri duhet të nxitojë për të kaluar marrëveshje ndërkombëtare financiare për vendin, si dhe ta zgjedhë presidentin e ri deri më 4 mars, para se Vjosa Osmanit t’i mbarojë mandati në prill.

Këto afate mund të bëhen edhe më vështirë të arritshme nëse vendoset për rinumërim të plotë – gjë që megjithatë sipas Cakollit mbetet opsioni më i mire tani që është vërtetuar se ka pasur shumë ndryshime në vota gjatë numërimit në qendra komunale,.

Gjatë javës, zëdhënësi i KQZ-së, Valmir Elezi, e përsëriti për REL-in mesazhin e kryetarit të KQZ-së, Kreshnik Radoniqi, se nëse pas rinumërimit vërehen manipulime të mundshme me votat e kandidatëve brenda subjekteve politike, komisioni do t’i çojë në organet kompetente anëtarët e ekipeve të numërimit./ REL

Gjykata e Durrësit ka caktuar mesditën e kësaj të shtune, masat e sigurisë për 8 zyrtarët e burgut të Durrësit, të arrestuar pas arratisjes së Altin Ndocit.

Gjykata ka vendosur masën “Arrest me burg” për tre prej tyre, “Arrest në shtëpi” për dy të tjerë dhe “Detyrim paraqitje” për tre të tjerët.

Konkretisht:

Komisar Dezdemon Pazaj – Punonjës i Policisë së Burgjeve – Arrest në burg

Komisar Violeta Uka – Punonjëse e Policisë së Burgjeve – Arrest në shtëpi

Kryeinspektor Dorjan Saraçi – Punonjës i Policisë së Burgjeve – Detyrim paraqitje

Inspektor Sali Ferrollari – Punonjës i Policisë së Burgjeve –  Arrest në burg

Inspektor Fatjon Braçi – Punonjës i Policisë së Burgjeve – Arrest në burg

Inspektor Preng Marvataj – Punonjës i Policisë së Burgjeve – Detyrim paraqitje

Kryeinspektor Aranit Çela – Punonjës i Policisë së Burgjeve – Detyrim paraqitje

Kryeinfermier Aulon Quku – Punonjës i IEVP Durrës – Arrest në shtëpi

Ndërkohë një ditë më parë u ekzekutua vendimi i gjykatës për masën “arrest në burg” për ish-drejtorin e IEVP Durrës Indrit Cërloj dhe “arrest në shtëpi ” për mjeken e burgut, Ylfete Sema.

Si ndodhi arratisja e Altin Ndocit

Trajneri i Juventusit, Luciano Spalletti, ka lëshuar një paralajmërim të qartë për ekipin e tij përpara ndeshjes kundër Cagliarit, duke theksuar se kjo sfidë ka të njëjtën peshë si një ndeshje e Ligës së Kampionëve.

Ai ka kërkuar që të gjitha lodhjet dhe shpërqendrimet nga ndeshjet e fundit, si ajo me Benficën, Napolin apo Monacon, të lihen pas, pasi pikët tani kanë një vlerë të dyfishtë.

Spalletti theksoi se ekipi ka hapësira të mëdha për përmirësim dhe se ai vetë është gjithmonë i interesuar për tregun, i shtyrë nga kurioziteti për të njohur sa më mirë lojtarët e tij.

Ai e cilësoi ndeshjen kundër Cagliarit si po aq të rëndësishme sa ato që i presin më pas.

Duke u ndalur te lojtarët individualë, Spalletti foli për Kenan Yildiz, duke thënë se ai duhet menaxhuar me kujdes. “Kenan na tregon goditje kampioni duke qëndruar brenda lojës: prekje gjeniale të alternuara me rikuperime deri në kufirin e zonës së tij të rreptësisë,” shpjegoi trajneri. Ai sqaroi se mungesa e Yildizit nuk lidhet me gripin, por vetëm me një ftohje të lehtë, dhe se klubi po kërkon një zëvendësues për të, por pa i vënë presion lojtarit të ri.

Për sulmuesin David, Spalletti konfirmoi se do të gjejë hapësirë si qendërsulmues, duke i rinovuar besimin pas paraqitjeve pozitive të fundit. “Skuadra po rritet dhe ai po bën të njëjtën gjë: po flasim për një sulmues që luan me shokët e skuadrës dhe nëse shokët e skuadrës e ngrenë nivelin, e ngre edhe vetë Davidi,” shtoi Spalletti. Ai vlerësoi gjithashtu Locatellin, duke e quajtur një kapiten të mirë për Juventusin, i cili shkon gjithmonë përtej, duke ditur të bashkojë vizionin e lojës me aftësinë për të mbyllur hapësirat për kundërshtarët.

Një vlerësim të veçantë Spalletti i bëri Adzic, duke deklaruar prerazi se “Adzic nuk preket”. Ai theksoi se lojtari ka një goditje të jashtëzakonshme dhe aftësi teknike të pazakonta, duke e cilësuar atë si një “thesar të fshehur”. Në fund, trajneri preku shkurtimisht debatin mes atyre që preferojnë lojën e bukur dhe atyre që synojnë vetëm rezultatin, duke përfunduar me barazim. “Mund të fitosh në shumë mënyra,” përmbylli Spalletti.

Kryeministri Edi Rama mbajti mesditën e sotme një takim me kryebashkiakët për sfidat e bashkive për 2026, sezonin turistik dhe betejat e përbashkët politike e shoqërore kundër mbetjeve plastike.

Kryeministri Rama tha se derdhja e plastikës është krim qytetar, duke theksuar dëmet e pariparueshme për jetën detare dhe ushqimin.

Ai njoftoi krijimin e një task-force qeveri–pushtet vendor për të hartuar një plan tre-fazor nga sensibilizimi te veprimi konkret.

“Para disa ditësh, kryetarja e Bashkisë së Durrësit më dërgoi një video që tregonte se si po mbushej pika në Shkozet, pasi ishte ripastruar në kushte bllokimi.

Kur gjendemi përballë kësaj situate agresioni plastik, që është drejtpërdrejt ndikim i njeriut, duhet të angazhohemi për të ndërmarrë një ofensivë të përbashkët dhe për të përfshirë sa më shumë komunitetin, në mënyrë që ta vëmë nën kontroll këtë faktor kaq të dëmshëm.

Plastika derdhet në det dhe shkakton dëme të pariparueshme për jetën detare dhe për cilësinë e ushqimeve tona. Duhet të bëjmë gjithçka për ta ndalur këtë lemeri papërgjegjshmërie qytetare.

Detaje të reja kanë dalë në dritë nga operacioni i përbashkët i SPAK, autoriteteteve italiane, dhe Byroja Kombëtare e Hetimit, në disa ambiente të marra me qira në Tiranë, lidhur me mashtrimet përmes call center-ave.

Mësohet se deri tani janë arrestuar 10 persona, mes të cilëve një shtetas italian, ndërsa dy të tjerë, pronarët, janë shpallur në kërkim. Gjithashtu gjatë operacionit, hetuesit mësohet se kanë sekuestruar portofole kriptomonedhash.

Sipas Balkanweb, ky operacion ka nisur pas denoncimeve në emisionin “Le Iene” në Itali. Prej disa javësh, hetimi i gazetarit italian Luigi Pelazza ka zbuluar ekzistencën e një sistemi të organizuar që, nëpërmjet call centerave, të cilat veprojnë në disa vende përfshirë edhe Shqipërinë, ka mashtruar dhe vjedhur miliona euro nga mijëra viktima në të gjithë botën.

Skema bazohet në telefonata që premtojnë fitime të lehta dhe platforma dixhitale që simulojnë investime në situata të cilat në fakt nuk ekzistojnë.

Përmes rrëfimit të një burimi të brendshëm, u gjurmuan nivelet më të larta të organizatës, duke përfshirë identifikimin e personit përgjegjës për rekrutimin e personelit të qendrave të thirrjeve në Shqipëri.

Ky operacion nisi pas denoncimeve në emisionin “Le Iene” në Itali. Prej disa javësh, hetimi i gazetarit italian Luigi Pelazza ka zbuluar ekzistencën e një sistemi të organizuar që, nëpërmjet call centerave, të cilat veprojnë në disa vende përfshirë edhe Shqipërinë, ka mashtruar dhe vjedhur miliona euro nga mijëra viktima në të gjithë botën.

Skema bazohet në telefonata që premtojnë fitime të lehta dhe platforma dixhitale që simulojnë investime në situata të cilat në fakt nuk ekzistojnë.

Përmes rrëfimit të një burimi të brendshëm, u gjurmuan nivelet më të larta të organizatës, duke përfshirë identifikimin e personit përgjegjës për rekrutimin e personelit të qendrave të thirrjeve në Shqipëri.

Një ngjare e rëndë raportohet të ketë ndodhur në fshatin Spathohori të Agrinjos, në Greqi.

Një 44-vjeçar me shtetësi shqiptare ka ekzekutuar me çifte një 51-vjeçar, babai i një fëmije të mitur, i cili dyshohet të jetë bashkëshorti i të dashurës së shqiptarit.

Viktima ishte kryeplak i fshatit, ndërkohë sipas TCH, dyshoeht se krimi ka prapaskenë erotike dhe nuk ka lidhje me detyrën e viktimës. Dyshohet se autori kishte lidhje intime me gruan e viktimës, dhe ky ishte shkaku i konfliktit.

Burimet sqaruan se autori i kishte ngritur pritë viktimës dhe sapo ky u afrua me automjetin e tij, e qëlloi me çifte të cilën e kishte me leje duke e lënë të vdekur më vend.

Automjeti i viktimës u rrëzua në një greminë ku edhe u gjet prej banorëve të zonës. Pak orë mbas krimit, autori i telefonoi rajonit të policisë duke pranuar autorësinë.

Ai u tha agjentëve se dëshironte të dorëzohej pasi ishte i penduar për krimin. Në cilësinë e provës materiale u gjet edhe arma e krimit.