Deputeti i PD, Belind Këlliçi, akuzoi kryeministrin Rama se po përgatit ndryshime ligjore për të penguar hetimin e korrupsionit dhe për të shpallur veten e tij të paprekshëm nga drejtësia.

Sipas tij, ky akt bie ndesh me procesin e integrimit dhe synon mbrojtjen e aferave miliardëshe të qeverisë.

Këlliçi bëri thirrje për protestë nesër në orën 17:00, përballë “zyrës së krimit dhe korrupsionit”.

Postimi:

Shpallja me ligj si i pahetueshëm, thirrje për revolucion!

Pasi nuk e mbajti dot mbi ligjin Belindën, i detyruar nga Gjykata Kushtetuese, Edi Rama tani ka vendosur të ndryshojë ligjin!

Kjo që ka ndërmend të bëjë nuk ka asnjë synim për zgjidhje gjasme të paqartësisë kushtetuese. I vetmi qëllim i tij është që me ligj ta shpallë veten të pahetueshëm, të pandëshkueshëm, të pagjykueshëm. Dhe me këtë rrugë t’u japë garanci dhe të tijve që të vazhdojnë të vjedhin se do jenë të paprekshëm.

Pra hajdutëria e qeverisë do të mbrohet me ligj dhe forcën e kartonave të Edi Ramës!

Kjo ka qënë prej fillimit arsyeja e Edi Ramës, pasi ndjeu se hetimi i korrupsionit shkoi në paradhomën e tij. Aspak halli i Belinda Ballukut, të cilën do ta mënjanojë me koncesionin që mos ta çojë në burg.

Përkundër nevojës së vendit, në kundërshtim me atë çka kërkon procesi i integrimit, Edi Rama shpalli se me ligj do të pengojë hetimin e korrupsionit, të aferave, të abuzimeve me miliarda euro, që burojnë të giitha nga zyra dhe nga firmat e tij.

Shqipëria me këtë akt prek fundin, dhe Edi Rama e kurorëzon veten sikur ka të drejtën hyjnore për të bërë çdo gjë që dëshiron, pa dhënë llogari, pa mbajtur përgjegjësi.

Shqiptarët nuk janë gati ta kthejnë vendin në Bjellorusi, vetëm se Edi Rama është kapur në flagrancë duke vjedhur dhe duhet të lërë karriken e kryeministrit.

Dhe mesazhi i parë i qartë dhe i fuqishëm do të jetë nesër në orën 17.00, para zyrës së krimit dhe korrupsionit.

Mblidhemi me energji, me pasion e dashuri për Shqipërinë.

Gjatë mbledhjes së Komisionit të Kulturës, Turizmit dhe Diasporës, kryetarja e këtij komisioni, Ina Zhupa, ngriti shqetësimin për bllokimin që po i bën Kuvendi kërkesës së SPAK për heqjen e imunitetit të zëvendëskryeministres Belinda Balluku.

Zhupa është shprehur se Kuvendi është kthyer me urdhër politik në kundërshtues të drejtësisë dhe në mburojë politike për anëtarët e qeverisë për të mos u hetuar, për të mos u arrestuar.

Ajo theksoi se Këshilli i Mandateve duhet të ishte mbledhur me urgjencë ditën e sotme, pasi Gjykata Kushtetuese e dha vendimin e saj të premten, duke rrëzuar ankimimin e Ramës dhe duke lënë në fuqi vendimin e GJKKO për pezullimin nga detyra të zv.kryeministres Balluku.

“Kuvendi është kthyer me urdhër politik në kundërshtues të drejtësisë, në mburojë politike për anëtarët e qeverisë për të mos u hetuar, për të mos u arrestuar. Një Kuvend nuk mund të funksionojë normalisht kur bllokon proceset ligjore të detyruara nga rregullorja. E keni bllokuar me vetëdije të plotë.

Thatë do presim Gjykatën Kushtetuese, tashmë gjykata e pezulloi, ju vazhdoni dhe nuk e keni futur në rend dite. Këshilli duhet të ishte mbledhur sot, pa asnjë vonesë. Kurse ju prisni urdhrin e Ramës dhe nuk shikoni as rregullore, as Kushtetutë. Ju bllokoni drejtësinë, atë drejtësi që jeni përbetuar se nuk do ta ndaloni.

Bledi Çuçi, si kryetar grupi kur ka qenë, është përbetuar se çdo kërkesë për imunitet do të ketë miratimin e padiskutueshëm të PS. Po kësaj radhe nuk mundeni, sepse e dini që ndodh efekti domino: po ra Belinda, bie Edi. Po e tërhiqni zvarrë sepse e dini që është fundi i mazhorancës”, ka deklaruar Zhupa.

Këtë të hënë, në aeroportin e Rinasit janë konstatuar dy raste të mosdeklarimit të vlerave monetare. Sipas raportimeve nga policia, nga kontrollet u sekuestruan, në cilësinë e provës materiale, rreth 26 mijë euro dhe paundë.

Ndërkohë, janë proceduar penalisht shtetasit D. Sh., 37 vjeç, dhe A. Z., 32 vjeç.

“Në vijim të veprimeve, u procedua penalisht në gjendje të lirë shtetasi shqiptar D. Sh., 37 vjeç, rezident në Mbretërinë e Bashkuar, të cilit, gjatë kontrollit në vijën e dytë, iu gjetën 15 000 paundë, të cilat synonte t’i fuste në territorin e Republikës së Shqipërisë pa i deklaruar, në kundërshtim me legjislacionin në fuqi.

Po ashtu, u procedua penalisht shtetasi A. Z., 32 vjeç, banues në Kamëz, të cilit, gjatë kontrollit në vijën e dytë, iu gjetën 11 370 euro, që synonte t’i nxirrte nga Republika e Shqipërisë pa i deklaruar, në kundërshtim me ligjin.

Kontrollet dhe verifikimet nga Policia Kufitare do të vijojnë në mënyrë të pandërprerë, me qëllim parandalimin e veprimtarive të paligjshme në kufi.”– njofton policia.

Materialet procedurale iu referuan Prokurorisë së Tiranës për veprime të mëtejshme.

Apeli i GJKKO ka konfirmuar këtë të hënë, dënimin me 1 vit burg për kryebashkiakun e Rrogozhinës Edison Memolla, i akuzuar për kryerjen e veprës penale “Korrupsioni aktiv në zgjedhje” kryer në bashkëpunim.

Memolla u shpall fajtor dhe u dënua nga Gjykata e Posaçme me 1 vit burg, vendim të cilin kryebashkiaku socialist e kishte ankimuar në Apel.

Tashmë që Apeli ka konfirmuar dënimin pritet që SPAK të përgatisë urdhrin e ekzekutimit për të dërguar kryebashkiakun në qeli.

Sakaq, nga ky moment bashkia e Rrogozhinës do të ngelet pa kryetar dhe sipas rregullit duhet të shkojë në zgjedhje të parakohshme.

Po ashtu Memollës do t’i ndalohet ushtrimi i funksioneve publike për 5 vite.

Hetimet për çështjen nisën pas publikimit në media të një audio-përgjimi bërë në prag të zgjedhjeve të pjesshme të 6 marsit 2022. Në material, Memolla dëgjohet duke ndërhyrë tek një elektricist i OSHEE-së për të mos i ndërprerë energjinë elektrike një familjeje të varfër, me qëllim që t’u marrë votën për zgjedhjet e pjesshme lokale të datës 6 Mars 2022.

Hetimet gjithashtu konfirmuan se Edison Memolla premtonte punësime në Bashkinë e Rrogozhinës në këmbim të votave.

Memolla u rizgjodh kryetar i Bashkisë së Rrogozhinës si kandidat i Partisë Socialiste në zgjedhjet e 14 majit 2023. Megjithatë pas ankimeve nga opozita për parregullsi në kutitë e votimit të Burgut të Rrogozhinës zgjedhjet u përsëritën.

Memolla i fitoi ato për herë të tretë në korrik 2023.

Kreu i Grupit Parlamentar Bazment Bardhi ka reaguar në lidhje me deklaratat e Ramës për rastin e Belinda Ballukut,i cili paralajmëroi ndërhyrje në legjislacion.

Sipas Bardhit, pas vendimit të Kushtetuese, Këshilli i Mandateve duhet të mblidhet pa justifikime, pa shtyrje artificiale dhe pa manovra politike për shqyrtimin e imunitetit të Ballukut.

“3 të vërteta për ndërhyrjen e Ramës në një hetim aktiv:

1. Kur një Kryeministër ndryshon ligjin ndërkohë që po hetohet bashkëpunëtorja e tij më e afërt, ai nuk po mbron ndonjë parim kushtetues apo ligjor. Po mbron pushtetin e vet të korruptuar. Rregullat nuk ndryshohen në mes të hetimit për të shpëtuar veten.
2. Kur Qeveria dhe Kuvendi bashkohen për të goditur vendimin e dy gjykatave në lidhje me një hetim penal aktiv, kemi dy pushtete që përpiqen të ndikojnë të tretin. Kjo nuk është ndarje pushtetesh. Është presion i organizuar kundër drejtësisë.
3. Kur thuhet se “nuk ka urgjencë” për kërkesën e SPAK-ut për arrestimin e Belinda Ballukut, mesazhi është i qartë: Drejtësia duhet të presë. Pushteti ka nevojë për blerje kohe.

Pezullimi nga ushtrimi i funksionit publik nuk është shpikje e SPAK-ut. Është i shkruar në Kodin e Procedurës Penale. Ai vlen për çdo funksionar publik.
Për ministër. Për zëvendëskryeministër. Për kryeministër.  Kur ekzistojnë kushtet ligjore, mund të pezullohet kushdo, sepse pezullimi nuk paralizon shtetin. Paralizon vetëm personin nën hetim për të shmangur ndikimin përmes funksionit.

Arresti kërkohet kur rrezikohet hetimi përmes intimidimit të dëshmitarëve apo cenimit të provave. SPAK ka sjellë prova se këto rreziqe janë konkrete në rastin e Belinda Ballukut. Pra, janë dy masa paralele. Njëra mbron procesin penal, tjetra mbron institucionin. T’i ngatërrosh ato, siç bën Edi Rama, është deformim i së vërtetës me qëllim pengimin e drejtësisë.

Ligji është i qartë. Nuk ndryshohet sepse prek pushtetin. Këshilli i Mandateve duhet të mblidhet pa justifikime, pa shtyrje artificiale, pa manovra politike. Kryetari e Kuvendit duhet të zgjedhë: ose në anën e ligjit, ose në anën e pengimit të drejtësisë”,- shkruan Bardhi.

Kryedemokrati Sali Berisha ka treguar sot prapaskenat e vizitës së kryeministrit Edi Rama në Bruksel.

Në një komunikim me gazetarët, ai tha se Rama u thirr nga kreu i Këshillit të BE për ti komunikuar vendimin përfundimtar të BE për qëndrimet antikushtetuese që kryeministri ka mbajtur me Ballukun dhe AKSHI-n.

“Ai u thirr sot në Bruksel. Mediat thonë se ka takim, është thirrur direkt nga numri një i këshillit të BE për ti komunikuar, qëndrimin e prere të BE ndaj qëndrimeve të tij anti kushtetuese ndaj zotimit të tij për të vazhduar grushtin e shtetit.

Pra, ju e shihni, ai shkon në Bruksel me fustanin e Lubi Ballukut, shkon si avokat i turpshëm i saj dhe të gjitha i ka për veten e tij.

Para udhëtimit për në Bruksel, Rama mbledh grupin parlamentar, i bashkohet edhe Balluku

Në Bruksel dhe në mbarë kryeqytetet është kuptuar se çfarë përfaqëson, çfarë kalbësire përfaqëson Edi Rama. Është kuptuar se autor i aferave të Ballukut është Rama. Është kuptuar se Rama është Ergys Agasi.

Atij i komunikohet se ky qëndrimi është aq i rëndë, sa do të provojë procesin e zhbërjes të integrimit dhe kthimin në vitin 1992”, tha Berisha.

Duke folur për protestën e paralajmëruar të opozitës  për ditën e martë, kreu demokrat Berisha tha se “nesër është dita e qytetarëve”.

Sipas kreut të PD, “Rama do shkelmojë interesat e çdo shqiptari në Bruksel”.

“Unë e kam thënë dhe ua them prapë këtu, kancelarja Angela Merkel dërgoi këtu drejtorin e përgjithshëm të policisë gjermane, një personalitet shumë të njohur dhe ai bëri një raport të shkëlqyer.
Erdhi problemi i statusit të kandidatit. E njëjta gjë.
Ne nuk i kërkonim lëmoshë askujt.
Ne duhet të performojmë që të meritojmë atë që kërkojmë.
Dhe morëm statusin e kandidatit që e bllokoi Edi Rama me këshilltarët e Fierit.
Kjo është e vërteta.
Ne besojmë se kjo është rruga e interesit maksimal të shqiptarëve për t’u integruar.
Sepse procesi i integrimit evropian ka synimin t’i bëjë shqiparët më të lirë, më të begatë, më të sigurtë.
Kjo rrugë ka funksionuar.
Merrni pak rrugën tjetër. Ja se si është. Ja se çfarë regresi.
Ndaj dhe unë i siguroj partnerët tanë që ne kemi qëllim më kryesor integrimin e bazuar në meritë dhe jo në suksese imagjinare.
Këtë ne nuk e kërkojmë, nuk e bëjmë.
Shqipëria sot është një vend i dhunimit masiv të ët drejtave të njeriut.
Njeriu që lëvizte me hekura nëpër ekrane, ankohet sot se janë mbushur burgjet.
Po kush i mbushi burgjet? Burgjet i mbushi politika terrorizuese, burgjet i mbushe ti që i le shqiptarët pa të drejtën e procesit gjyqësor.
Dhe tani kërkon të fajësojë askërkënd.
Në këtë udhëtim, ai do të shkelmojë në Bruksel interesat e çdo shqiptari.
Në këtë udhëtim, ai do të mbrojë vjedhjet e veta dhe të Lubi Ballukut dhe sojit e sorollopit të tij.
Ndaj dhe nesër është dita e qytetarëve.
Ndaj dhe ftoj qytetarët nga mbarë Shqipëria, ftoj të gjithë qytetarët e Tiranës në kryengritjen paqësore, t’i faktojmë kombit, Europës dhe botës se ne nuk mposhtemi kurrë nga një grusht hajdutësh që nuk kanë interesa të tjera përveç interesave të pasurimit të tyre”, u shpreh Berisha.

Deputeti i PD-së, Saimir Korreshi ka ironizuar socialistët. nga komisioni i Jashtëm ku po shqyrtohet projektligji “Për shërbimin e jashtëm në Republikën e Shqipërisë”, që Qeveria ka dërguar në Parlament për t’u votuar.

Korreshi nuk i kurseu ironitë në drejtim të maxhorancës, teksa tha se po kërkohet që të ndryshohet një ligj që ishte miratuar nga vetë PS-ja në vitin 2015, ndërsa shtoi se në diplomaci janë emëruar vetëm socialistët.

“Shoh që trupi diplomatik ka përparësi, se boll këto avantazhet ekonomike. E vetmja kategori, jemi ne që rrimë të lodhur dhe presim nëpër kafe, janë deputetët. E kemi në qiell namin, por duhet të hysh mik për një copë letër te sekretaria. Te kjo pjesë, me Akademinë, se më kujtohet ajo, mos kthehet kjo akademia, akademia e barinjve?

Si ajo që sugjeroi zonja Kricfa (ish-ministrja), dhe kthehet gjeli me një thelë. Ju zonja ministre, thatë se ligji nis me ndryshime gjeopolitike dhe thatë se këto vitet e fundit ka ndryshuar bota dhe Europa. Por sa vite keni në pushtet ju? Ju deshën 13 vite që të merrnit vesh se ka ndryshuar bota. Në 2015 u bë ligji që sot është në fuqi. Por çfarë nuk funksion te ky ligj që bëtë ju, se ndoshta ne ishim demode”, tha ai mes të tjerash.

Më tej deputeti pyeti se çfarë ka ndryshuar që ishte i nevojshëm ky projektligj për shërbimin e jashtëm dhe cilat do jenë rregullat, pasi shtoi se do të duhej tesera e PS për t’u bërë diplomat.

“Çfarë ndryshoi? Pse nuk është ky ndryshim në relacion? Pse nuk është përcaktuar! Meqë Europa ka ikur përpara, por cilët vende iu referohet ky ligj? Na cituat këtë gjë me akademinë, por cili vend e ka? Doni dy kamberë me një derë! Po cili nga këto vende ka!? Ky ligj, e zhvesh nga ana profesionale trupën diplomatike. Ligjet e mëparshme e kishin 20%. Tani po e hiqni fare, por çfarë ndryshimi ka? A duhen me tesera të PS? Ore hajde fusim ata të PS dhe heqim ata diplomatë që nuk kanë bindjen si ju. Ju do të emëroni ambasadorë ad-hoc, pra ti vësh atij dhe një ambasador tjetër, e nuk të pëlqen ky! Kështu do funksionojë? Çfarë janë këta që do të hyjnë këta të rinjtë, taze, që kanë qenë në OKB, OJZ, po kush i ka këto rrena?! Kush i ha këto përralla me mbret”, tha Korreshi.

Deputeti i PD-së, Saimir Korreshi ka ironizuar socialistët. nga komisioni i Jashtëm ku po shqyrtohet projektligji “Për shërbimin e jashtëm në Republikën e Shqipërisë”, që Qeveria ka dërguar në Parlament për t’u votuar.

Korreshi nuk i kurseu ironitë në drejtim të maxhorancës, teksa tha se po kërkohet që të ndryshohet një ligj që ishte miratuar nga vetë PS-ja në vitin 2015, ndërsa shtoi se në diplomaci janë emëruar vetëm socialistët.

“Shoh që trupi diplomatik ka përparësi, se boll këto avantazhet ekonomike. E vetmja kategori, jemi ne që rrimë të lodhur dhe presim nëpër kafe, janë deputetët. E kemi në qiell namin, por duhet të hysh mik për një copë letër te sekretaria. Te kjo pjesë, me Akademinë, se më kujtohet ajo, mos kthehet kjo akademia, akademia e barinjve?

Si ajo që sugjeroi zonja Kricfa (ish-ministrja), dhe kthehet gjeli me një thelë. Ju zonja ministre, thatë se ligji nis me ndryshime gjeopolitike dhe thatë se këto vitet e fundit ka ndryshuar bota dhe Europa. Por sa vite keni në pushtet ju? Ju deshën 13 vite që të merrnit vesh se ka ndryshuar bota. Në 2015 u bë ligji që sot është në fuqi. Por çfarë nuk funksion te ky ligj që bëtë ju, se ndoshta ne ishim demode”, tha ai mes të tjerash.

Më tej deputeti pyeti se çfarë ka ndryshuar që ishte i nevojshëm ky projektligj për shërbimin e jashtëm dhe cilat do jenë rregullat, pasi shtoi se do të duhej tesera e PS për t’u bërë diplomat.

“Çfarë ndryshoi? Pse nuk është ky ndryshim në relacion? Pse nuk është përcaktuar! Meqë Europa ka ikur përpara, por cilët vende iu referohet ky ligj? Na cituat këtë gjë me akademinë, por cili vend e ka? Doni dy kamberë me një derë! Po cili nga këto vende ka!? Ky ligj, e zhvesh nga ana profesionale trupën diplomatike. Ligjet e mëparshme e kishin 20%. Tani po e hiqni fare, por çfarë ndryshimi ka? A duhen me tesera të PS? Ore hajde fusim ata të PS dhe heqim ata diplomatë që nuk kanë bindjen si ju. Ju do të emëroni ambasadorë ad-hoc, pra ti vësh atij dhe një ambasador tjetër, e nuk të pëlqen ky! Kështu do funksionojë? Çfarë janë këta që do të hyjnë këta të rinjtë, taze, që kanë qenë në OKB, OJZ, po kush i ka këto rrena?! Kush i ha këto përralla me mbret”, tha Korreshi.

Gjykata e Posaçme kundër Korrupsionit dhe Krimit të Organizuar ka vendosur që të kalojë për gjykim çështjen në ngarkim të kryebashkiakut Erion Veliajt dhe 29 të tjerëve.

Seanca e parë u zhvillua më 29 shtator 2025, por u shty për mosparaqitje të avokatit. Për të njëjtën arsye u shtynë edhe seancat e 10 tetorit, 21 tetorit dhe 28 tetorit, kur Veliaj zëvendësoi avokatët që e kishin përfaqësuar gjatë hetimit paraprak dhe seancës së masës së sigurimit personal. Ai pajtoi atëherë për t’u përfaqësuar avokatin Artan Gjermëni.

Seancat e 12 dhe 17 nëntorit u shtynë për t’u dhënë kohë avokatëve të përgatisnin kërkesat e tyre në seancën paraprake. Seanca e 2 dhjetorit u shty për t’i dhënë kohë avokatit të konsultohej me të pandehurin, ndërsa ajo e 12 dhjetorit për t’u dhënë kohë për përgatitjen e kërkesave në seancë paraprake. Në këtë seancë, Veliaj largoi si mbrojtës avokatin Gjermëni dhe gjykata caktoi kryesisht avokaten Valentina Teodoresku për mbrojtjen e tij.

Seanca paraprake dështoi të përmbyllej edhe në janar të këtij viti, kur seanca e 5 janarit u shty për mungesë të një avokati, ndërsa ajo e 19 janarit për t’i dhënë kohë konsultimit me të pandehurin.

Seanca e zhvilluar më 2 shkurt u shty për shpallje vendimi, që do t’u njoftohet palëve në proces sot.

Neni 332 i Kodit të Procedurës Penale, “Caktimi i seancës paraprake”, përcakton ndër të tjera se: “Gjykata vendos mbi kërkesën për dërgimin e çështjes në gjyq brenda 30 ditëve nga data e depozitimit të saj”.

Erion Veliaj u arrestua më 10 shkurt, pasi akuzohet se, së bashku me bashkëshorten Ajola Xoxa, ndërtuan një skemë komplekse korrupsioni dhe pastrimi parash për të përfituar në mënyrë të paligjshme nga fondet e bashkisë së kryeqytetit dhe ryshfete nga biznesmenë kontraktorë të saj, duke përdorur një rrjet kompanish dhe organizatash jofitimprurëse.

Sipas SPAK, kryebashkiaku i kryeqytetit dhe bashkëshortja e tij kanë përfituar rreth 1 milion euro nga kjo skemë korruptive.

Në mbledhjen e Grupit Parlamentar të Partisë Socialiste është diskutuar edhe vendimi i Gjykatës Kushtetuese që la në fuqi pezullimin e Belinda Ballukut nga detyra e zv kryeministres. Nga kjo mbledhje, Rama thotë se janë nxjerre tre konkluzione.

Ndër të tjera kreu i qeverisë thotë se nuk ka asnjë urgjencë për të trajtuar kërkesën e SPAK, të cilët kanë kërkuar arrestimin e saj.

Edhe pse Rama thotë se SPAK është i lirë të vazhdojë me hetimet e saj ndaj Ballukut, thekson se “deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit”.

“E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit“, thekson kryeministri Rama.

Po ashtu kryeministri Edi Rama thekson se SPAK nuk preket, por vetëm mbështetet. “Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen”, thekson Rama.

Postimi i Ramës:

3 konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga:

1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër përveçëm, sepse pezullimi paralizon funksionin, pra institucionin që ai/ajo drejton.

2. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion.

3. E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit.

Një shtesë nga ana ime:

SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen.

Protesta e banorëve të Velipojës ka vijuar për të shtatën ditë radhazi, këtë herë përpara ambienteve të Prokurorisë së Shkodrës. Banorët e zonës së Rrjollit pretendojnë se po përballen me një grabitje të pronës me prapavijë politike dhe kërkojnë ndërhyrjen e menjëhershme të organeve të drejtësisë për të ndalur, sipas tyre, shkeljen e të drejtave pronësore.

Ata kanë depozituar një kërkesë zyrtare në Prokurori, duke kërkuar verifikimin dhe zgjidhjen sa më të shpejtë ligjore të dokumenteve që disponojnë për pronësinë e tokës. Sipas banorëve, dokumentacioni dëshmon pronësinë e ligjshme dhe çështja duhet të trajtohet me prioritet, pa zvarritje të mëtejshme të procesit.

Biznesmeni Ram Geci është paraqitur paraditen e kësaj të hënë në ambientet e Prokurorisë së Posaçme Antikorrupsion (SPAK).

Geci është parë të futet në SPAK pak minuta më herët, ndërsa nuk dihen ende arsyet e paraqitjes së tij në Prokurori.

Sakaq, kujtojmë se emri i tij doli pak kohë më parë në dosjen e Belinda Ballukut.

Në një nga mesazhet dërguar ish-vartësit të saj Evis Berberi, ish-kreu i ARRSH-së, Belinda Balluku e informon këtë të fundit se ka takuar Ram Gecin me kërkesën e kryeministrit Edi Rama, duke implikuar rëndë dhe këtë të fundit.

Kompania e Ramë Gecit pas këtij takimi rezulton të ketë fituar tender. Pjesë nga dosja Balluku që SPAK ka dorëzuar në Kuvend ku ka kërkuar autorizim për arrestimin e zv.kryeministres.

Një aksident me pasojë vdekjen e një personi është regjistruar mëngjesin e sotëm në aksin rrugor “Durrës–Rrogozhinë”.

Sipas Policisë, rreth orës 09:30, automjeti që drejtohej nga shtetasi M. I. ka përplasur një këmbësor, ende të paidentifikuar. Si pasojë e përplasjes, këmbësori ka humbur jetën në vendngjarje.

Sakaq drejtuesi i mjetit është shoqëruar në ambientet e Policisë për kryerjen e veprimeve procedurale të mëtejshme.

“Më datë 09.02.2026, rreth orës 09:30, automjeti me drejtues shtetasin M. I., ka përplasur në aksin rrugor “Durrës-Rrogozhinë”, një këmbësor ende të paidentifikuar, që si pasojë ka humbur jetën. Shtetasi M. I. është shoqëruar në ambientet e Policisë, për kryerjen e veprimeve procedurale të mëtejshme, ndërkaq, vijon puna për të identifikuar shtetasin që ka humbur jetën, si dhe për të sqaruar dhe dokumentuar rrethanat e aksidentit”,- thuhet në njoftimin e Policisë.

Një ditë më parë avokati i njohur Kujtim Cakrani u dhunua në Vlorë nga dy persona dhe për pasojë u dërgua në spital për të marrë ndihmë mjekësore.

Ndërkohë mësohet se Skerdilajd Xhindi është personi që ka goditur me dorezë hekuri avokatin Cakrani.

Ditën e djeshme avokati i njohur i Vlorës dhe mbrojtësi ligjor i ish-presidentit Ilir Meta, u dhunua rreth orës 13:30 në ambientet e një karburanti në qytetin e Vlorës.

Në dëshminë e tij, avokati Cakrani, tha se dy persona të panjohur për të e kanë sulmuar në momentin që ai po furnizohej me karburant në hyrje të Vlorës.

Fillimisht, ata e kanë ofenduar dhe sharë, ndërsa dyshohet se konflikti ka nisur për shkak të një parkimi , edhe pse avokati shprehet se nuk beson se ky ka qenë shkaku i vërtetë.

Më pas, dy personat kanë ushtruar dhunë fizike ndaj tij, duke e goditur me një mjet prerës në pjesën e pasme të kokës.

Në Gjykatën Speciale në Hagë këtë të hënë nisën deklaratat përmbyllëse për rastin gjyqësor kundër ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, dhe ish-deputetit, Rexhep Selimi.

Prokurorja Ëest ka thënë se nuk kërkohet dënim për Shtabin e Përgjithshëm të UÇK-së, por për personat e akuzuar, duke kërkuar 45 vjet burgim.

“Zyra e Prokurorit të Specializuar kërkon vendim dënimi për të gjitha pikat e aktakuzës dhe një vendim të vetëm prej 45 viteve, mbështetur në kontributet individuale të krimeve të kryera nga secili prej personave, Hashim Thaçi, Kadri Veseli, Rexhep Selimi dhe Jakup Krasniqi. Këto janë krime lufte dhe krime kundër njerëzimit, janë të rënda dhe këto akuza nuk e kanë humbur vlerën e tyre me kalimin e kohës”, tha ajo.

Ajo ka pretenduar se 100 persona janë vrarë dhe qindra tjerë janë abuzuar, në dhe rreth 50 plus kampeve të ndalimit të Ushtrisë Çlirimtare të Kosovës (UÇK).

“Kjo çështje ka të bëjë me qëllimin e katër të akuzuarve për të fituar dhe ushtruar kontroll në gjithë Kosovën. Kjo vendosmëri për kompetencë dhe fuqi u has me diçka, dhe kjo kishte të bënte me persona që kishin dalë si kundërshtarë ose përcaktoheshin se ishin bashkëpunëtorë me forcat serbe, ose zyrtarë serbë, ose që nuk mbështesinin synimet e UÇK-së”, u shpreh Ëest.

Sipas saj, shpesh aty përfshiheshin persona të lidhur me Lidhjen Demokratike të Kosovës, persona romë dhe serbë.

“Në mënyrë që ta arrinin qëllimin e tyre, këta persona të akuzuar kanë kryer krime kundër kundërshtarëve të tyre të perceptuar për të pasur kontroll në gjithë Kosovën”, shtoi ajo.

Lidhja Demokratike e Kosovës është një nga partitë më të vjetra në Kosovë, e themeluar në vitin 1989 nga Ibrahim Rugova. Ajo ka luajtur rol kyç në periudhën e rezistencës paqësore dhe në ndërtimin e institucioneve demokratike të vendit.

Kujtojmë se Hashim Thaçi, Kadri Veseli, Jakup Krasniqi, dhe Rexhep Selimi akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm.

Krimet pretendohet se janë kryer midis muajit mars të vitit 1998 dhe shtatorit të vitit pasues në disa lokacione në Kosovë dhe në veri të Shqipërisë.

Në Gjykatën Speciale në Hagë këtë të hënë nisën deklaratat përmbyllëse për rastin gjyqësor kundër ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, dhe ish-deputetit, Rexhep Selimi.

Prokurorja Ëest ka thënë se nuk kërkohet dënim për Shtabin e Përgjithshëm të UÇK-së, por për personat e akuzuar, duke kërkuar 45 vjet burgim.

“Zyra e Prokurorit të Specializuar kërkon vendim dënimi për të gjitha pikat e aktakuzës dhe një vendim të vetëm prej 45 viteve, mbështetur në kontributet individuale të krimeve të kryera nga secili prej personave, Hashim Thaçi, Kadri Veseli, Rexhep Selimi dhe Jakup Krasniqi. Këto janë krime lufte dhe krime kundër njerëzimit, janë të rënda dhe këto akuza nuk e kanë humbur vlerën e tyre me kalimin e kohës”, tha ajo.

Ajo ka pretenduar se 100 persona janë vrarë dhe qindra tjerë janë abuzuar, në dhe rreth 50 plus kampeve të ndalimit të Ushtrisë Çlirimtare të Kosovës (UÇK).

“Kjo çështje ka të bëjë me qëllimin e katër të akuzuarve për të fituar dhe ushtruar kontroll në gjithë Kosovën. Kjo vendosmëri për kompetencë dhe fuqi u has me diçka, dhe kjo kishte të bënte me persona që kishin dalë si kundërshtarë ose përcaktoheshin se ishin bashkëpunëtorë me forcat serbe, ose zyrtarë serbë, ose që nuk mbështesinin synimet e UÇK-së”, u shpreh Ëest.

Sipas saj, shpesh aty përfshiheshin persona të lidhur me Lidhjen Demokratike të Kosovës, persona romë dhe serbë.

“Në mënyrë që ta arrinin qëllimin e tyre, këta persona të akuzuar kanë kryer krime kundër kundërshtarëve të tyre të perceptuar për të pasur kontroll në gjithë Kosovën”, shtoi ajo.

Lidhja Demokratike e Kosovës është një nga partitë më të vjetra në Kosovë, e themeluar në vitin 1989 nga Ibrahim Rugova. Ajo ka luajtur rol kyç në periudhën e rezistencës paqësore dhe në ndërtimin e institucioneve demokratike të vendit.

Kujtojmë se Hashim Thaçi, Kadri Veseli, Jakup Krasniqi, dhe Rexhep Selimi akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm.

Krimet pretendohet se janë kryer midis muajit mars të vitit 1998 dhe shtatorit të vitit pasues në disa lokacione në Kosovë dhe në veri të Shqipërisë.

Në Gjykatën Speciale në Hagë këtë të hënë nisën deklaratat përmbyllëse për rastin gjyqësor kundër ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, dhe ish-deputetit, Rexhep Selimi.

Prokurorja Ëest ka thënë se nuk kërkohet dënim për Shtabin e Përgjithshëm të UÇK-së, por për personat e akuzuar, duke kërkuar 45 vjet burgim.

“Zyra e Prokurorit të Specializuar kërkon vendim dënimi për të gjitha pikat e aktakuzës dhe një vendim të vetëm prej 45 viteve, mbështetur në kontributet individuale të krimeve të kryera nga secili prej personave, Hashim Thaçi, Kadri Veseli, Rexhep Selimi dhe Jakup Krasniqi. Këto janë krime lufte dhe krime kundër njerëzimit, janë të rënda dhe këto akuza nuk e kanë humbur vlerën e tyre me kalimin e kohës”, tha ajo.

Ajo ka pretenduar se 100 persona janë vrarë dhe qindra tjerë janë abuzuar, në dhe rreth 50 plus kampeve të ndalimit të Ushtrisë Çlirimtare të Kosovës (UÇK).

“Kjo çështje ka të bëjë me qëllimin e katër të akuzuarve për të fituar dhe ushtruar kontroll në gjithë Kosovën. Kjo vendosmëri për kompetencë dhe fuqi u has me diçka, dhe kjo kishte të bënte me persona që kishin dalë si kundërshtarë ose përcaktoheshin se ishin bashkëpunëtorë me forcat serbe, ose zyrtarë serbë, ose që nuk mbështesinin synimet e UÇK-së”, u shpreh Ëest.

Sipas saj, shpesh aty përfshiheshin persona të lidhur me Lidhjen Demokratike të Kosovës, persona romë dhe serbë.

“Në mënyrë që ta arrinin qëllimin e tyre, këta persona të akuzuar kanë kryer krime kundër kundërshtarëve të tyre të perceptuar për të pasur kontroll në gjithë Kosovën”, shtoi ajo.

Lidhja Demokratike e Kosovës është një nga partitë më të vjetra në Kosovë, e themeluar në vitin 1989 nga Ibrahim Rugova. Ajo ka luajtur rol kyç në periudhën e rezistencës paqësore dhe në ndërtimin e institucioneve demokratike të vendit.

Kujtojmë se Hashim Thaçi, Kadri Veseli, Jakup Krasniqi, dhe Rexhep Selimi akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm.

Krimet pretendohet se janë kryer midis muajit mars të vitit 1998 dhe shtatorit të vitit pasues në disa lokacione në Kosovë dhe në veri të Shqipërisë.

Grupi Parlamentar i Partisë Socialiste është mbledhur mëngjesin e ësaj të hëne ku i pranishëm në mbledhje është edhe kryeministri Edi Rama.

Kësaj mbledhje gjithashtu i është bashkuar dhe Belinda Balluku, e cila tashmë është e pezulluar nga posti i zv/kryeministres dhe ministres së Infrastrukturës.

Rama do të niset sot rreth orës 14:00 për në Bruksel. Në mbrëmje do të zhvillojë një takim me presidentin e Këshillit Europian, Antonio Costa.

Pritet të zbulohen “porositë” që Rama do u lërë ministrave para udhëtimit në Bruksel.

Kanë vijuar paraqitjet pozitive të futbollistëve kuqezi që aktivizohen jashtë vendit, me disa prej tyre që kanë spikatur në fundjavën që u mbyll, duke dhënë kontribut vendimtar për skuadrat respektive në kampionatet ku aktivizohen.

Protagonisti absolut i javës ishte Arlind Ajeti. Qendërmbrojtësi i Kombëtares realizoi dy gola në fitoren e thellë 0-5 të Adana Demirspor ndaj Bodrumspor, duke shënuar dy golat e parë të takimit dhe duke udhëhequr ekipin drejt një suksesi bindës. Një paraqitje shumë e mirë për mbrojtësin kuqezi, i cili u shfaq vendimtar edhe në fazën ofensive.

Paraqitje të shkëlqyer zhvilloi edhe Taulant Seferi në të njëjtën sfidë. Sulmuesi shqiptar shënoi golin e pestë të takimit dhe dhuroi asist për golin e katërt, duke mbyllur një ndeshje perfekte. Ky ishte goli i 13-të sezonal në kampionat për Seferin, i cili vijon të konfirmohet si një nga lojtarët më vendimtarë të skuadrës së tij.

Në Turqi spikati gjithashtu Ernest Muçi. Sulmuesi kuqezi realizoi një gol dhe dha një asist në fitoren 3-0 të Trabzonspor në transfertë ndaj Samsunspor, duke qenë një nga lojtarët më të mirë në fushë dhe duke dhënë kontribut të rëndësishëm për skuadrën e tij. Ky ishte goli i 9-të sezonal në kampionat për Ernest Muçin.

Në Itali, Cristian Shpendi ishte protagonist me Cesenan. Sulmuesi shqiptar asistoi për golin e parë në fitoren 2-0 ndaj Pescarës, ndërsa në fund të takimit pati mundësinë të shënonte edhe nga pika e bardhë, por nuk ia doli, pasi gjuajtja e tij u prit nga portieri kundërshtar.

Titullarë me klubet e tyre këtë javë ishin gjithashtu Thomas Strakosha, Mario Mitaj, Berat Gjimshiti, Qazim Laçi, Ylber Ramadani, Juljan Shehu, Arbër Hoxha, Jasir Asani, Rey Manaj dhe Anis Mehmeti, të cilët vijojnë të japin kontribut të rëndësishëm me klubet e tyre.

Policia e Kamzës ka arrestuar dy persona, të dyshuar për disa vjedhje të disa bizneseve në këtë zonë.

Sipas policisë, janë lokalizuar dhe arrestuar shtetasit A. S., 21 vjeç, banues në Kamëz, i dënuar më parë për vjedhje, si dhe një shtetas 18-vjeçar.

Nga hetimet rezulton se këta dy shtetas, në bashkëpunim me njëri-tjetrin, kanë vjedhur produkte dhe shuma parash në një biznes në Kamëz.

Po ashtu, sipas policisë, gjatë veprimeve hetimore është bërë e mundur edhe zbardhja e dy vjedhjeve të tjera, të ndodhura më parë, për të cilat dyshohet se janë kryer nga të njëjtët autorë. Konkretisht, më 18.11.2025 dhe 29.01.2026, ata dyshohet se kanë vjedhur shuma parash në dy subjekte tregtare.

Materialet procedurale janë referuar në Prokurori për veprime të mëtejshme ligjore.

Njoftimi i policisë:

Kamëz/Finalizohet operacioni policor i koduar “Together”.

Vodhën një biznes në Kamëz, falë veprimeve të shpejta hetimore identifikohen, lokalizohen dhe vihen në pranga 2 autorët e dyshuar.

Njëri nga shtetasit e arrestuar, i dënuar më parë për vjedhje.

Zbardhen edhe 2 vjedhje të tjera, të ndodhura më parë, të kryera nga këta 2 shtetas.

Shërbimet e Komisariatit të Policisë Kamëz, menjëherë pas njoftimit të marrë dje për një rast vjedhjeje të ndodhur në një biznes në Kamëz, organizuan punën për zbardhjen e ngjarjes, identifikimin, lokalizimin dhe kapjen e autorëve.

Falë reagimit të menjëhershëm dhe veprimeve të shpejta hetimore, në kuadër të operacionit policor “Together”, u bë identifikimi dhe arrestimi i shtetasit A. S., 21 vjeç, banues në Kamëz, i dënuar më parë për vjedhje, si dhe i një shtetasi 18-vjeçar.

Dje, këta dy shtetas, në bashkëpunim me njëri-tjetrin, kanë vjedhur produkte dhe shuma parash në një subjekt tregtar.

Nga veprimet hetimore është bërë e mundur edhe zbardhja dhe dokumentimi i autorësisë për 2 vjedhje të tjera të ndodhura më parë, të kryera nga këta dy shtetas, konkretisht:

Më datë 18.11.2025 dhe 29.01.2026, këta shtetas dyshohet se kanë vjedhur shuma parash në 2 biznese.

Materialet procedurale i kaluan Prokurorisë, për veprime të mëtejshme.