Kreu i LVV-së, Albin Kurti, shpalli fitoren në zgjedhjet e 28 dhjetorit dhe tha se kjo është fitorja “më e madhe në historinë e vendit”. “Më 9 shkurt fitoi LVV-ja me partnerët, më 28 dhjetor fitoi populli i Kosovës dhe Republika”, tha Kurti.

Kurti tha se partia e tij është në rrugë që të tejkalojë rezultatin e 14 shkurtit 2021, kur kishte fituar 50.2 për qind.

Sipas tij, rezultati zgjedhor i së dielës kërkon që duhet të ecet përpara pa vonesa.

“Sa më parë që certifikohen [rezultatet], aq më shpejt na duhet të krijojmë institucionet dhe të vazhdojmë me punën e mirë”, tha Kurti.

Legjislaturën e re, Kurti tha se e pret Plani i Rritjes i BE-së në vlerë prej 880 milionë eurosh dhe tri marrëveshje me Bankën Botërore, që në total tha se arrijnë vlerën e mbi 1 miliard eurove.

“Ftoj nga tash partitë opozitare për bashkëpunim në Kuvend për marrëveshjet ndërkombëtare” dhe për projektligje të tjera”, tha ai.

Kurti u pyet edhe për çështjen e presidentit. Ai tha se është herët të flitet për çështjen e zgjedhjes së presidentit të ri, duke theksuar se “sonte do të festojmë”, por shtoi se me opozitën duhet të trajtohet kjo çështje, por edhe me presidenten aktuale, Vjosa Osmani, të cilës i skadon mandati në mars.

Ai u pyet nëse do të negociojë me partitë opozitare për presidentin dhe që propozimin për president ta bëjnë ato, Kurti tha:

“Ta negocioni dhe t’ua jepni atyre janë dy gjëra të ndryshme. Nuk mund të përdoren si sinonime, aq më pak në të njëjtën fjali. Natyrisht që duhet ta bisedojmë me opozitën këtë çështje. Por, paraprakisht duhet të diskutojmë për marrëveshjet ndërkombëtare. Ai do të jetë një test i rëndësishëm për bashkëpunimin qeveri-opozitë në katërvjeçarin e ardhshëm. Po e rikthesoj, fillimisht duhet të presim certifikimin e rezultateve”.

gijotina.com/

Kreu i LVV-së, Albin Kurti, shpalli fitoren në zgjedhjet e 28 dhjetorit dhe tha se kjo është fitorja “më e madhe në historinë e vendit”. “Më 9 shkurt fitoi LVV-ja me partnerët, më 28 dhjetor fitoi populli i Kosovës dhe Republika”, tha Kurti.

Kurti tha se partia e tij është në rrugë që të tejkalojë rezultatin e 14 shkurtit 2021, kur kishte fituar 50.2 për qind.

Sipas tij, rezultati zgjedhor i së dielës kërkon që duhet të ecet përpara pa vonesa.

“Sa më parë që certifikohen [rezultatet], aq më shpejt na duhet të krijojmë institucionet dhe të vazhdojmë me punën e mirë”, tha Kurti.

Legjislaturën e re, Kurti tha se e pret Plani i Rritjes i BE-së në vlerë prej 880 milionë eurosh dhe tri marrëveshje me Bankën Botërore, që në total tha se arrijnë vlerën e mbi 1 miliard eurove.

“Ftoj nga tash partitë opozitare për bashkëpunim në Kuvend për marrëveshjet ndërkombëtare” dhe për projektligje të tjera”, tha ai.

Kurti u pyet edhe për çështjen e presidentit. Ai tha se është herët të flitet për çështjen e zgjedhjes së presidentit të ri, duke theksuar se “sonte do të festojmë”, por shtoi se me opozitën duhet të trajtohet kjo çështje, por edhe me presidenten aktuale, Vjosa Osmani, të cilës i skadon mandati në mars.

Ai u pyet nëse do të negociojë me partitë opozitare për presidentin dhe që propozimin për president ta bëjnë ato, Kurti tha:

“Ta negocioni dhe t’ua jepni atyre janë dy gjëra të ndryshme. Nuk mund të përdoren si sinonime, aq më pak në të njëjtën fjali. Natyrisht që duhet ta bisedojmë me opozitën këtë çështje. Por, paraprakisht duhet të diskutojmë për marrëveshjet ndërkombëtare. Ai do të jetë një test i rëndësishëm për bashkëpunimin qeveri-opozitë në katërvjeçarin e ardhshëm. Po e rikthesoj, fillimisht duhet të presim certifikimin e rezultateve”.

gijotina.com/

Lëvizja Vetëvendosje ka shënuar rritje të ndjeshme në zgjedhjet e 28 dhjetorit. Partia e Albin Kurtit është rrugës për të formuar e vetme qeverinë. Pas procesimit të rreth 95 për qind të vendvotimeve në nivel vendi, LVV-ja ka marrë pak nën 50 për qind. Me këtë përqindje, kjo parti do t’i marrë mbi 55 ulëse në Kuvend dhe mund ta krijojë shumicën e nevojshme prej 61 ulësesh vetëm me bashkëpunim me partitë nga komunitetet joshumicë. Partitë tjera parlamentare shqiptare pësuan rënie të ndjeshme.

KQZ-ja shpall rezultatet preliminare

Komisioni Qendror i Zgjedhjeve në konferencën e fundit për ditën e sotme, ka shpallur rezultatet preliminare.

Në platformën e KQZ-së nga 96% e votave të procesuara, Lëvizja Vetëvendosje ka 49.80 për qind të votave apo 422 mijë e 561 vota. E dyta renditet Partia Demokratike e Kosovës me 21.21 për qind apo 179 mijë e 933 vota. Lidhja Demokratike e Kosovës renditet e treta me 13.76 për qind apo 116 mijë e 777 vota. E katërta bazuar në rezultatet preliminare është renditur AAK-ja me 5.73 për qind apo 48 mijë e 630 vota.

Nisma Socialdemokrate nuk e ka kaluar pragun, me 14 mijë e 545 vota apo 1.71 për qind.

Kryesuesi i KQZ-së, Kreshnik Radoniqi ka deklaruar se numërimi i votave të kandidatëve për deputet do të fillojë nesër, më 29 dhjetor.

Në këto rezultate nuk përfshihen votat e diasporës, votat me kusht dhe ato të personave me nevoja të veçanta.

Pas procesimit të 95 për qind të votave, VV-ja merr 56 ulëse në Kuvend.

Me përllogaritjen sipas formulës “D’Hondt”, Partia Demokratike e Kosovës me 21 për qind të votave ka 23 ulëse. Lidhja Demokratike ka 15 ulëse, ndërsa Aleanca për Ardhmërinë e Kosovës ka siguruar 6 ulëse.

Në krahasim me zgjedhjet e shkurtit, Lëvizja Vetëvendosje është rritur në Kuvend për tetë ulëse, nga 48 sa i kishte.

Ndërkaq, PDK-ja e humbi një ulëse.

Humbësja më e madhe është LDK-ja që ka humbur pesë ulëse, nga 20 sa kishte.

AAK-ja në koalicion me Nismën ka pasur 8 ulëse.

Kjo përllogaritje vlen pa u numëruar votat nga postë dhe ato në përfaqësi diplomatike.

20 ulëse të tjera ndahen në 10 për komunitetin serb dhe 10 për komunitetet tjera. Për të pasur shumicën mjaftojnë 61 vota.

Abdixhiku fton Kuvendin e LDK-së, paralajmëron dorëheqje

Kryetari i Lidhjes Demokratike të Kosovës, Lumir Abdixhiku, ka marrë përgjegjësinë për dështimin që partia e tij e ka pësuar në zgjedhjet e 28 dhjetorit. Ai ka njoftuar se ditëve në vijim do ta ftojë Kuvendin e partisë për të shqyrtuar “të gjitha çështjet dhe përgjegjësitë si kryetar”. Në një konferencë për media të dielën, Abdixhiku ka dhënë sinjale se mund të dorëhiqet nga posti i kryetarit.

Ai ka thënë se rezultati i LDK-së nuk është ai që e kanë pritur dhe ky do të jetë moment reflektimi. Shtoi se e respekton verdiktin e qytetarëve.

“Duke marrë përgjegjësinë, ditëve në vijim do ta thërras Kuvendin e LDK-së dhe para tij do t’i shpalosim e shqyrtojmë të gjitha çështjet dhe përgjegjësit që mbaj si kryetar. Rezultati i LDK-së nuk është ai që e kemi pritur dhe dëshiruar. Është moment reflektimi. Kur qytetarët flasin, ne duhet të dëgjojmë. Demokracia funksionon kur udhëheqësit mbajnë përgjegjësi, edhe kur kanë humbje të tilla”, ka thënë Abdixhiku.

Abdixhiku tutje u shpreh se në këto pesë vjet drejtimi të LDK-së ka vepruar ashtu që ka besuar se është më e mira për partinë.

“Këto pesë vjet, kam vepruar ashtu siç kam besuar se është më e mira për LDK-në. Megjithatë, sot them hapur nuk kam arritur ta çojë LDK-në aty ku duhet të jetë. Kemi ndërtuar ekip të mirë, kemi ndërtuar fushatë të dinjitetshme, por ky është verdikti qytetar dhe përulemi para tij. Qytetari gjithmonë ka të drejtë”, ka shtuar ai.

Abdixhiku uroi edhe fituesin e zgjedhjeve, Albin Kurti.

“Më lejoni të uroj fituesin. Shteti është mbi secilin prej nesh. Le të shpresojmë se qytetarët kanë zgjedh drejt këtë herë”, ka deklaruar ai.

gijotina.com/

Lëvizja Vetëvendosje ka shënuar rritje të ndjeshme në zgjedhjet e 28 dhjetorit. Partia e Albin Kurtit është rrugës për të formuar e vetme qeverinë. Pas procesimit të rreth 95 për qind të vendvotimeve në nivel vendi, LVV-ja ka marrë pak nën 50 për qind. Me këtë përqindje, kjo parti do t’i marrë mbi 55 ulëse në Kuvend dhe mund ta krijojë shumicën e nevojshme prej 61 ulësesh vetëm me bashkëpunim me partitë nga komunitetet joshumicë. Partitë tjera parlamentare shqiptare pësuan rënie të ndjeshme.

KQZ-ja shpall rezultatet preliminare

Komisioni Qendror i Zgjedhjeve në konferencën e fundit për ditën e sotme, ka shpallur rezultatet preliminare.

Në platformën e KQZ-së nga 96% e votave të procesuara, Lëvizja Vetëvendosje ka 49.80 për qind të votave apo 422 mijë e 561 vota. E dyta renditet Partia Demokratike e Kosovës me 21.21 për qind apo 179 mijë e 933 vota. Lidhja Demokratike e Kosovës renditet e treta me 13.76 për qind apo 116 mijë e 777 vota. E katërta bazuar në rezultatet preliminare është renditur AAK-ja me 5.73 për qind apo 48 mijë e 630 vota.

Nisma Socialdemokrate nuk e ka kaluar pragun, me 14 mijë e 545 vota apo 1.71 për qind.

Kryesuesi i KQZ-së, Kreshnik Radoniqi ka deklaruar se numërimi i votave të kandidatëve për deputet do të fillojë nesër, më 29 dhjetor.

Në këto rezultate nuk përfshihen votat e diasporës, votat me kusht dhe ato të personave me nevoja të veçanta.

Pas procesimit të 95 për qind të votave, VV-ja merr 56 ulëse në Kuvend.

Me përllogaritjen sipas formulës “D’Hondt”, Partia Demokratike e Kosovës me 21 për qind të votave ka 23 ulëse. Lidhja Demokratike ka 15 ulëse, ndërsa Aleanca për Ardhmërinë e Kosovës ka siguruar 6 ulëse.

Në krahasim me zgjedhjet e shkurtit, Lëvizja Vetëvendosje është rritur në Kuvend për tetë ulëse, nga 48 sa i kishte.

Ndërkaq, PDK-ja e humbi një ulëse.

Humbësja më e madhe është LDK-ja që ka humbur pesë ulëse, nga 20 sa kishte.

AAK-ja në koalicion me Nismën ka pasur 8 ulëse.

Kjo përllogaritje vlen pa u numëruar votat nga postë dhe ato në përfaqësi diplomatike.

20 ulëse të tjera ndahen në 10 për komunitetin serb dhe 10 për komunitetet tjera. Për të pasur shumicën mjaftojnë 61 vota.

Abdixhiku fton Kuvendin e LDK-së, paralajmëron dorëheqje

Kryetari i Lidhjes Demokratike të Kosovës, Lumir Abdixhiku, ka marrë përgjegjësinë për dështimin që partia e tij e ka pësuar në zgjedhjet e 28 dhjetorit. Ai ka njoftuar se ditëve në vijim do ta ftojë Kuvendin e partisë për të shqyrtuar “të gjitha çështjet dhe përgjegjësitë si kryetar”. Në një konferencë për media të dielën, Abdixhiku ka dhënë sinjale se mund të dorëhiqet nga posti i kryetarit.

Ai ka thënë se rezultati i LDK-së nuk është ai që e kanë pritur dhe ky do të jetë moment reflektimi. Shtoi se e respekton verdiktin e qytetarëve.

“Duke marrë përgjegjësinë, ditëve në vijim do ta thërras Kuvendin e LDK-së dhe para tij do t’i shpalosim e shqyrtojmë të gjitha çështjet dhe përgjegjësit që mbaj si kryetar. Rezultati i LDK-së nuk është ai që e kemi pritur dhe dëshiruar. Është moment reflektimi. Kur qytetarët flasin, ne duhet të dëgjojmë. Demokracia funksionon kur udhëheqësit mbajnë përgjegjësi, edhe kur kanë humbje të tilla”, ka thënë Abdixhiku.

Abdixhiku tutje u shpreh se në këto pesë vjet drejtimi të LDK-së ka vepruar ashtu që ka besuar se është më e mira për partinë.

“Këto pesë vjet, kam vepruar ashtu siç kam besuar se është më e mira për LDK-në. Megjithatë, sot them hapur nuk kam arritur ta çojë LDK-në aty ku duhet të jetë. Kemi ndërtuar ekip të mirë, kemi ndërtuar fushatë të dinjitetshme, por ky është verdikti qytetar dhe përulemi para tij. Qytetari gjithmonë ka të drejtë”, ka shtuar ai.

Abdixhiku uroi edhe fituesin e zgjedhjeve, Albin Kurti.

“Më lejoni të uroj fituesin. Shteti është mbi secilin prej nesh. Le të shpresojmë se qytetarët kanë zgjedh drejt këtë herë”, ka deklaruar ai.

gijotina.com/

Qytetarët e Vlorës dolën sot në protestë për shkak të mungesës së ujit të pijshëm, që vazhdon prej tre ditësh në qytet. Dhjetëra banorë u mblodhën para Teatrit “Petro Marko”, pikërisht në kohën kur Bashkia po organizonte një festë për punonjësit e saj.

Protestuesit shprehën revoltën e tyre ndaj pushtetit lokal dhe qendror, duke brohoritur “Poshtë qeveria!” dhe duke kërkuar ujin që u mungon prej ditësh.

Situata u tensionua edhe me policinë e vendosur për të mbrojtur ambientet e teatrit, ndërsa qytetarët tentuan të ndërpresin shfaqjen e festën e Bashkisë, duke u futur brenda në teatër me brohoritje dhe me shishet e ujit me vete.

gijotina.com/

Dinamo është kampione e Superkupës së Shqipërisë, me “nëndetësen” që triumfoi 1-3 kundër Egnatias në “Arenën Kombëtare”.

Sfida nisi mjaft mirë për ekipin rrogozhinas, që kaloi në avantazh pas 9 minutash lojë me Ruçin, i cili përfitoi nga një gafë e prapavijës dinamovite dhe nuk gaboi përballë Teqjas.

“Nëndetësja” u ngrit në sipërfaqe në pjesën e dytë, ku në harkun kohor të pesë minutave (54’-59’), Bregu dhe Nani përmbysën takimin, duke kthyer festën nga ana tjetër të pankinave.

Të dyja skuadrat u përpoqën të gjenin sërish rrjetën, ndërsa në frymën e fundit ishte Qefalija që dha goditjen e KO.

Të besuarit e Ilir Dajës fitojnë kështu trofeun e parë të sezonit, ndërsa e mbyllin vitin 2025 në mënyrën më të mirë të mundshme.

Gjithçka niste me këtë trofe në vitin 1989, kur e fitonte pikërisht Dinamo. I fundit ishte para 17 viteve për kryeqytetasit, që e mbyllin vitin 2025 me dy trofe pas Kupës.

Festa në fund ishte legjitime. Dinamo shfaqet si ekipi i vetëm, që i prishi punë kampionëve të Egnatias për këtë vit.

REZULTATI:

EGNATIA 1-3 DINAMO

Ruçi 9’ / Bregu 54’, Nani 59’, Qefalija 90+6′

90+3′-90+5′ GOOOL! Egnatia 1-3 Dinamo/ Pretendime për penallti te Dinamo, Jorgji e akordon pas rishikimit me VAR. Qefalija e kthen në gol. (VIDEO)

59′ GOOOL! Egnatia 1-2 Dinamo/ Përmbysje e çmendur e Dinamos, Nani nuk fal duke ndëshkuar kampionët. (VIDEO)

54′ GOOOL! Egnatia 1-1 Dinamo/ Sota gabon dhe aty ndodhet Bregu për të përfituar. Vendoset baraspesha. (VIDEO)

9′ GOOOL! Egnatia 1-0 Dinamo/ Ruçi nuk fal para portierit Teqja, pasi përfitoi nga gabimet e prapavijës së Dinamos. (VIDEO)

Festa me trofen e Superkupës: (VIDEO) + (VIDEO)

gijotina.com/

Sipas rezultateve paraprake të publikuara nga KQZ-ja, Lëvizja VETËVENDOSJE! ka dalë forcë e parë në zgjedhjet e fundit, duke siguruar 50,21% të votave, ose 313,767 vota në nivel vendi.

Këto rezultate pasojnë pas numërimit të mbi 73 për qind të votave.

Në vendin e dytë renditet Partia Demokratike e Kosovës (PDK) me 20,36% apo 127,243 vota, ndërsa Lidhja Demokratike e Kosovës (LDK) zë vendin e tretë me 14,15% (88,388 vota).

Më pas vijnë Aleanca për Ardhmërinë e Kosovës (AAK) me 6,29% (39,334 vota), Lista Serbe me 3,23% (20,154 vota) dhe Nisma Socialdemokrate me 1,58% (9,869 vota).

Sipas të dhënave të paraqitura, procesi i numërimit ka arritur mbi 73% të vendvotimeve, ndërsa pjesëmarrja e votuesve është rreth 32%.

Harta zgjedhore tregon mbulim të gjerë territorial të rezultateve të përditësuara në të gjitha komunat e Kosovës.

gijotina.com/

Presidenti i Ukrainës, Volodymyr Zelensky, ka mbërritur në Mar-a-Lago për takimin me presidentin amerikan Donald Trump, për raundin e fundit të bisedimeve që synojnë t’i japin fund gati katër viteve të luftës me Rusinë.

Në mbërritje, Zelensky, i veshur me xhaketë për këtë rast, u prit nga Trump, me të cilin shkëmbyen një shtrëngim duarsh para mediave.

Pas takimit, Trump dha disa deklarata mbi zhvillimet diplomatike që lidhen me luftën në Ukrainë. Ai u shpreh se Presidenti rus Vladimir Putin është “shumë serioz për paqen”, duke shtuar se pas përfundimit të takimit me Zelenskyn do të zhvillojë një tjetër bisedë me presidentin rus.

Trump theksoi gjithashtu se pret një takim të mirë me presidentin ukrainas, ndërsa vlerësoi rolin e liderëve evropianë, duke deklaruar se “kanë qenë fantastikë” dhe se vendet evropiane janë në një linjë me marrëveshjen e mundshme.

“Kam zgjidhur tetë luftëra, kjo është e vështirë”, u shpreh Trump, por shtoi se negociatat ndodhen tashmë në fazën përfundimtare. Sipas tij, ekziston një mundësi reale për arritjen e një marrëveshjeje, pavarësisht kompleksitetit të situatës.

Trump dhe Zelensky do të diskutojnë një version të përditësuar të një plani paqeje të ndërmjetësuar nga SHBA-ja, të cilin Moska ende nuk e ka mbështetur, si dhe propozime të veçanta për garancitë e sigurisë së SHBA-së.

Takimi i tyre në shtëpinë e Trump në Mar-a-lago vjen pas bombardimeve intensive ruse të Kievit gjatë fundjavës, të cilat presidenti ukrainas i tha se janë dëshmi se Moska “nuk dëshiron paqe”. Autoritetet lokale thanë se breshëria 10-orëshe me raketa dhe dronë që synonin kryeqytetin e Ukrainës vrau dy persona dhe la 32 të tjerë të plagosur.

Zelensky pritet të ngrejë çështje mbi garancitë e sigurisë dhe lëshimet territoriale për Ukrainën në takimin e tij të së dielës me Trump, të cilat janë të dyja çështje për të cilat Rusia më parë nuk ka qenë e gatshme të bëjë kompromis. Ata do të diskutojnë gjithashtu planin e ri të paqes me 20 pika, një version i rishikuar i planit të mëparshëm prej 28 pikash të hartuar nga i dërguari special i SHBA-së, Steve Witkoff, i cili u pa gjerësisht si shumë i favorshëm për Rusinë.

Kontrolli i Donbasit lindor të Ukrainës ka qenë një pikë e rëndësishme pengese në bisedimet deri më tani, por Zelensky tani ka thënë se një “zonë e lirë ekonomike” mund të jetë një mundësi. Moska aktualisht kontrollon rreth 75% të rajonit të Donetskut dhe rreth 99% të Luhanskut fqinj. Rajonet njihen kolektivisht si Donbas.

Kremlini nuk ka komentuar ofertën e Zelensky-t për të tërhequr trupat nga rajoni lindor i Donbasit, nëse edhe Rusia tërhiqet. Por ditën e djeshme, presidenti rus Vladimir Putin tha se Ukraina “nuk po nxitonte ta zgjidhte këtë konflikt në mënyrë paqësore”, sipas agjencisë ruse të lajmeve TASS. Putin shtoi se nëse Kievi nuk donte ta zgjidhte konfliktin në mënyrë paqësore, Rusia do t’i arrinte objektivat e saj ushtarakisht.

Presidenti ukrainas ka shprehur optimizëm në lidhje me draftin e ri të planit të paqes, duke e përshkruar atë si “një dokument themelor për përfundimin e luftës”. Të premten, ai u tha gazetarëve se plani 20-pikësh ishte 90% i përfunduar: “Detyra jonë është të sigurohemi që gjithçka është 100% gati.”

Por në një intervistë me Politico , Trump paralajmëroi se Zelensky “nuk ka asgjë derisa unë ta miratoj”.

Trump shtoi se priste ta shihte draftin e ri të dielën. “Mendoj se do të shkojë mirë me të. Mendoj se do të shkojë mirë me Vladimir Putinin”, tha Trump në intervistë, duke shtuar se pret të flasë me presidentin e Rusisë “së shpejti”. Pas takimeve me kryeministrin kanadez Mark Carney, Zelensky tha se sulmi i fundit i Moskës ndaj Kievit ishte “përgjigjja e Rusisë ndaj përpjekjeve tona për paqe dhe kjo tregon vërtet se Putini nuk dëshiron paqe”.

Zelensky gjithashtu mori një telefonatë me udhëheqësit evropianë për të diskutuar “prioritetet” diplomatike përpara takimit të tij me Trump, duke shtuar se “nevojiten pozicione të forta” për të ecur përpara me planin. Kievi ka “mbështetjen e plotë” të udhëheqësve evropianë dhe të NATO-s, sipas kancelarit gjerman Friedrich Merz.

gijotina.com/

Një protestë ka ndodhur në ambientet e teatrit “Petro Marko” në Vlorë për shkak të mungesës së ujit prej tre ditësh.

Qytetarët janë futur në ambientet e teatrit dhe kanë ndërprerë gjithashtu një mbrëmje gala që zhvillohej aty.

Ata u futën me bidonë dhe pankarta në duar për të kërkuar rikthimin e ujit, ndërkohë që mbrëmja gala u ndërpre pasi protestuesit refuzuan të linin ambientet e teatrit.

gijotina.com/

Ka përfunduar procesi i votimit në Kosovë, ku 1 milion e 999 mijë e 24 shtetas kanë pasur të drejtë t’u drejtohen qendrave te votimit, për ta zgjedhur legjislaturën e dhjetë.

Komisioni Qendror i Zgjedhjeve njoftoi se pjesëmarrja në zgjedhje deri në orën 18:00 është afro 40%.

Sipas të dhënave të fundit të publikuara nga UBO Consulting në bashkëpunim RTV Dukagjinime, rezultatet e Exit Poll‑it tregojnë se Lëvizja Vetëvendosje (LVV) prinë me rreth 45.7% të votave, duke u renditur e para në zgjedhjet e sotme parlamentare në Kosovë.

Partia Demokratike e Kosovës (PDK) renditet e dyta me rreth 22.0% të përkrahjes, ndërsa Lidhja Demokratike e Kosovës (LDK) zë vendin e tretë me rreth 15.6% të votave.

Rezultatet e sondazhit gjithashtu tregojnë një përqindje prej rreth 5.3% për Aleancën për Ardhmërinë e Kosovës (AAK) dhe përkrahje e vogël për Nisma Socialdemokrate 1.7%.

Exit‑poll‑i u realizua përmes një mostre të konsiderueshme ndër qytetarë gjatë ditës së votimit, dhe paraqet një pasqyrë paraprake të mundshme të rezultateve përpara përfundimit të numërimit zyrtar.

Valon Feka nga UBO-Consulting ka thënë se mostra është e madhe me rreth 9 mijë anketa në 80 qendra të votimit, me margjinë të gabimit 1%.

gijotina.com/

Sunderland barazoi 1-1 me Leeds, në përballjen e Premier League. Në këtë takim la gjurmë edhe mesfushori i njohur me origjinë shqiptare, Granit Xhaka.

Xhaka, në sezonin e parë te Sunderland, ka luajtur 18 ndeshje në kampionatin anglez.

https://rumble.com/v73klwk-asisti-i-xhakes.html

gijotina.com/

Më poshtë mesazhi i tij i plotë.

Të dashur qytetarë, në mbyllje të këtij viti, Qeveria Shqiptare ka ndërmarrë nismën për miratimin e një amnistie penale, një akt ligjor ky i bazuar te humanizmi, drejtësia sociale dhe standardet evropiane të drejtësisë.

Ky lajm i mirë për përfituesit direkt dhe për familjet e tyre është me siguri urimi më i mirë i këtij fundviti. Kjo amnisti që ne do të miratojmë nuk është kurrsesi një lëshim politik, por një politikë penale moderne.
Një shtet i fortë nuk ka nevojë të mbajë ne burg njerëz pa rrezikshmëri reale, por të investojë në rehabilitim dhe siguri afatgjatë. Drejtësia evropiane nuk matet me numrin e të burgosurve, por me parandalim, rehabilitim dhe uljen e përsëritjes së veprave penale.

Amnistia që ne do të miratojmë në Këshillin e Ministrave nuk është një vendim i rastësishëm. Ajo vjen pas një analize të detajuar të situatës në sistemin e drejtësisë penale, në bashkëpunim me organet përgjegjëse, dhe adreson një shqetësim madhor; përdorimin e lartë të masës së paraburgimit dhe nevojën për një qasje më proporcionale dhe më humane.

Sot, për fat të keq, në sistemin e burgjeve ndodhen rreth 5 mijë persona, nga të cilët një pjesë e konsiderueshme, konkretisht më shumë se gjysma e tyre janë të paraburgosur. Kjo situatë kërkon ndërhyrje të përgjegjshme dhe të mejëhershme, në përputhje me standardet dhe praktikat më të mira evropiane.

Paraburgimi i tepruar është një shqetësim persistent në sistemin tonë penitenciar, shqetësim i ngritur në mënyrë të përsëritur nga Këshilli i Europës si dhe nga partnerët tanë evropianë. Mbipopullimi në burgje nuk është forcë e shtetit, është dobësi e sistemit. Kjo amnisti e korrigjon në një farë mënyrë atë dobësi teksa ne kemi ende punë përpara për një politikë penale moderne që i përgjigjet stadit në të cilin Shqipëria është sot dhe nesër si vend anëtar i Bashkimit Europian.

Përmes kësaj amnistie qeveria po ndërmerr një tjetër akt parandalues dhe human, përpara se problemi të kthehet në krizë sistemike.

Më konkretisht, nga zbatimi i kësaj amnistie në vlerësimet paraprake të Drejtorisë së Përgjithshme të Burgjeve, rreth 380 persona do të përfitojnë lirim të menjëhershëm; dhe rreth 900 të tjerë përfitojnë ulje dënimi, ndërsa numri real i përfituesve është edhe më i lartë, duke përfshirë ata që përfitojnë nga pushimi i ndjekjes penale si dhe masat alternative.
Jam vecanërisht i lumtur që në këto kategori përfituesish përfshihen të mitur, gra dhe persona të dënuar për vepra me rrezikshmëri të ulët shoqërore.
Efekti është konkret dhe i menjëhershëm:
-popullimi në burgje ulet me gati 7%
-përmirësohen kushtet e trajtimit, sigurisë dhe rehabilitimit
-si dhe garantojmë më shumë respekt ndaj dinjitetit njerëzor

Sigurisht që nga kjo amnisti nuk mund të përfitojnë ata që kanë kryer krime të rënda, korrupsion apo vepra me rrezikshmëri të lartë shoqërore. Kurrsesi jo subjekte që janë hetuar nga SPAK dhe gjykuar nga GJKKO. Nuk ka amnisti selektive dhe as favorizime, por kritere ligjore të qarta dhe transparente. Kush e sheh amnistinë si dobësi, ngatërron ndëshkimin me drejtësinë.

Kjo amnisti nuk është falje e shkeljes së ligjit, por një shans i dytë, i dhënë me përgjegjësi, për ata që mund dhe duhet të rikthehen në shoqëri dhe pranë familjeve të tyre. Ne besojmë në një drejtësi të drejtë, jo për statistikë dhe as në kurriz të të pamundurve, një drejtësi që nuk humbet kurrë humanizmin, dhe që në frymë dhe shpirt udhëhiqet nga standarde të panegociueshme demokratike. Faleminderit dhe gëzuar festat.

gijotina.com/

Ernest Muçi ka shkëlqyer në muajin nëntor dhe dhjetor me Trabzonsporin. Formë e shkëlqyer nga sulmuesi i Kombëtares, që së fundmi fitoi edhe çmimin e dytë radhazi për “Golin e Muajit” në Turqi.

Për muajin dhjetor është vlerësuar goli i dytë i shënuar nga ana e tij ndaj Goztepes. Një realizim mjaft i bukur, që erdhi pas krosimit nga goditja e dënimit. Muçi e gjuajti topin në ajër, dhe e kapi të papërgatitur trajnerin rival pasi kaloi mes këmbëve të dy lojtarëve.

Muçi është lojtari momentit te Trabzonspori. Dhe pse nuk luan si sulmues, ka realizuar në pesë ndeshje radhazi ku dy prej tyre i kishte dopieta.

Goli i Ernest Muçit: (VIDEO)

Një 31-vjeçar është arrestuar nga policia, pasi ka përplasur një 64-vjeçare. Si pasojë 64-vjeçarja ka humbur jetën.

31-vjeçari akuzohet për veprën penale “Shkelja e rregullave të qarkullimit rrugor”, me pasojë vdekjen.

Ngjarja ndodhi rreth orës 13:30, në aksin rrugor “Qafë Thanë–Librazhd”, automjeti që ai drejtonte ka përplasur shtetasen 64 vjeçe, këmbësore, e cila si pasojë ka humbur jetën.

Materialet procedurale do t’i referohen Prokurorisë për veprime të mëtejshme.

gijotina.com/

Pas humbjes ndaj Udineses, Napoli rikthehet te fitorja. Kampionët e Italisë mundën 0-2 Cremonesen, në ndeshjen e luajtur në transfertë. Vendimtar në këtë sfidë rezultoi danezi Hojlund, i cili shënoi 2 gola.

Hetimet ndaj Ergys Agasit, një prej biznesmenëve të dyshuar si pjesë e një grupi kriminal që manipulonte tenderët e AKSHI-t, janë zgjeruar ndjeshëm duke përfshirë edhe verifikim  të thelluar pasuror.

Prokuroria e Posaçme ka kërkuar informacion nga bankat e nivelit të dytë për të gjurmuar pasuritë dhe lëvizjet financiare të tij, në kuadër të hetimeve për abuzime të dyshuara me fondet publike të Agjencisë Kombëtare të Shoqërisë së Informacionit.

Burime pranë hetimit bëjnë me dije se po analizohen transaksione financiare dhe flukse monetare që dyshohet se lidhen me përfitime të paligjshme gjatë drejtimit të institucionit nga Mirlinda Karçanaj.

Paralelisht, Byroja Kombëtare e Hetimit ka kërkuar të dhëna nga Komisioni i Prokurimeve Publike, si edhe informacion nga operatorët telefonikë, përfshirë ONE dhe Vodafone, ndërsa janë verifikuar edhe të dhënat e sistemit TIMS për lëvizjet e personave të përfshirë.

Sipas burimeve, mbi 25 persona janë marrë në pyetje, mes tyre punonjës të AKSHI-t dhe administratorë kompanish që kanë përfituar tenderë publikë.

Hetimet përfshijnë edhe dyshime për pasuri të përfituara në mënyrë të paligjshme, përfshirë prona dhe mjete luksoze, si një mjet lundrues dhe një mjet fluturues.

Po ashtu, hetuesit bëjnë me dije se Ergys Agasi ka dalë nga Shqipëria rreth mesit të muajit dhjetor, pak para se gjykata të miratonte masat e sigurisë ndaj tij.

gijotina.com/

Milan triumfoi 3-0 ndaj Veronës, në San Siro, në sfidën e vlefshme për Serie A. Ritmi ishte i lartë në pjesën e parë, por goli erdhi vetëm në fundin e fraksionit. Gjatë zhvillimit të një goditje këndi, topi përfundoi te Pulisiç, i cili nga brenda zonës me të majtën nuk fali.

Milan shkon në kuotën e 35 pikëve, në krye të kampionatit, në pritje të Interit, që ende nuk e ka luajtur ndeshjen e vet. Sfida e radhës është ndaj Cagliarit, me dy janar. Në krahun tjetër, Verona është në vendin e 18-të me 12 pikë.

gijotina.com/

Ish-deputeti i Partisë Demokratike Ervin Salianji ka zhvilluar një takim me demokratët në Shkodër, nga ku ka ndarë edhe pamje.

“Takimet tona nuk janë thjesht një fushatë për këtë qëllim. Ato janë një përballje morale. Mes arrogancës dhe dinjitetit. Mes frikës dhe guximit. Mes së vjetrës që mban peng dhe së resë që çliron. Koha e këtij pushteti ka mbaruar”, shkruan Salianji.

Me mirënjohjen më të thellë për pritjen entuziaste në Shkodër
Partia Demokratike duhet të sjellë rotacionin dhe kjo është një përgjegjësi historike!
Një Kryeministër që nuk mban përgjegjësi për ekipin e tij, nuk është udhëheqës, por thjesht përfitues. Pushteti i tij imoral dhe pa përgjegjësi është rreziku më i madh i demokracisë shqiptare, për të ardhmen, për Shqipërinë e ndershme, dhe kjo nuk duhet lejuar.
Rotacioni nuk është as hakmarrje e as luks. Rotacioni është oksigjen për demokracinë. Është pritshmëria e të gjithë shqiptarëve.
Partia Demokratike ka brenda vetes fuqinë për ta realizuar këtë. Por të përmbushur këtë pritshmëri historike Partia Demokratike duhet të ndryshojë, të reformohet, të hapet ndaj shoqërisë. Të fitojë!
Takimet tona nuk janë thjesht një fushatë për këtë qëllim. Ato janë një përballje morale. Mes arrogancës dhe dinjitetit. Mes frikës dhe guximit. Mes së vjetrës që mban peng dhe së resë që çliron.
Koha e këtij pushteti ka mbaruar.
Ky ishte mesazhi i fuqishëm që u dha në Shkodër dhe ne nuk do të ndalojmë asnjë moment, do të shkelim në çdo pëllëmbë të Shqipërisë për të bashkuar demokratët me shqiptarët!
Koha e ndryshimit ka ardhur!

gijotina.com/