“Shqiptarët do thonin u legenos, për një funksion, një kolltug, karrige, u legenos në kuptimin e mirëfilltë të fjalës”. Ky është komenti i Ervin Salianjit, pasi u la jashtë garës së 23 majit për kreun e PD-së.

Për të, refuzimi i kandidimit, ka vetëm një arsye frika e Sali Berishës nga ndëshkimi i demokratëve.

“Berisha nuk e ka mbështetjen e demokratëve. Është një frikacak që i shmanget përballjes me demokratët dhe uzurpon PD. Nëse do kishte mbështetje, Berisha do hynte në garë dhe do të mundte me garë.

Me vendim të Kryesisë së PD, dënimi im është quajtur dënim politik. Vetë Berisha ka thënë që jam martir i gjallë i demokracisë dhe i fjalës së lirë. Berisha për shkak të asaj që quhet regjim, ka problematika shumë më të mëdha me drejtësinë se sa unë. Nuk ndalohesh në parti për shkak të ligjit të dekriminalizimit”, shprehet Salianji në intervistë për Report Tv.

Salianji nuk do ta dërgojë partinë në një betejë të rradhës në gjykatë. Për procesin farsë të zgjedhjeve për kryetar thotë se do njoftojë ambasadat dhe familjen e partive të djathta europiane.

“Kam komunikuar dhe do të komunikoj gjatë javës me të gjithë faktorin ndërkombëtar për këtë palaçollëk që po bëhet në PD. Do të njoftoj PPE për shkak se PD është pjesë e PPE dhe e kam shmangur pjesën e dërgimit në gjykatë pasi gjykatat kontrollohen nga regjimi Rama-Berisha. Do jepnin vendim në favor të regjimit, por edhe nuk dua ta çoj PD në këtë përplasje. Duhej të zgjidhej me votë çdo konflikt. Vota dhe mbështetja është ajo që e ndan një politikan nga një palaço”, thekson ai.

Pavarësisht vetë-përjashtimit, Salianji thotë se do të vijojë të jetë deri në PD-derisa “të çmontoj Berishën si një segment të regjimit të Ramës dhe bashkë me Berishën edhe Edi Ramën.”

Vijimi i drejtimit të PD nga Berisha për Ervin Salianjin është një shpërblim edhe për qeverinë e Ramës.

“Ku ka shërbim më të madh për Edi Ramën se sa të ketë njerëz që i ka shqepur në zgjedhje që nga viti 2013 kur ka qenë në pushtet. Unë e kam mundur Ramën, si i shërbej Ramës? Duke bërë burg, duke fituar në Kavajë, Korçë, duke kërkuar të pëmrirësohet PD“, vijon Salianji.

Ish deputeti ka nisur prej muajsh tashmë një lëvizje kundër Sali Berishës dhe lidershipit demokrat duke i akuzuar se ata nuk mund ta bëjnë opozitën fituese duke shuar shpresat për ndryshim qeverisës.

Report TV

“Shqiptarët do thonin u legenos, për një funksion, një kolltug, karrige, u legenos në kuptimin e mirëfilltë të fjalës”. Ky është komenti i Ervin Salianjit, pasi u la jashtë garës së 23 majit për kreun e PD-së.

Për të, refuzimi i kandidimit, ka vetëm një arsye frika e Sali Berishës nga ndëshkimi i demokratëve.

“Berisha nuk e ka mbështetjen e demokratëve. Është një frikacak që i shmanget përballjes me demokratët dhe uzurpon PD. Nëse do kishte mbështetje, Berisha do hynte në garë dhe do të mundte me garë.

Me vendim të Kryesisë së PD, dënimi im është quajtur dënim politik. Vetë Berisha ka thënë që jam martir i gjallë i demokracisë dhe i fjalës së lirë. Berisha për shkak të asaj që quhet regjim, ka problematika shumë më të mëdha me drejtësinë se sa unë. Nuk ndalohesh në parti për shkak të ligjit të dekriminalizimit”, shprehet Salianji në intervistë për Report Tv.

Salianji nuk do ta dërgojë partinë në një betejë të rradhës në gjykatë. Për procesin farsë të zgjedhjeve për kryetar thotë se do njoftojë ambasadat dhe familjen e partive të djathta europiane.

“Kam komunikuar dhe do të komunikoj gjatë javës me të gjithë faktorin ndërkombëtar për këtë palaçollëk që po bëhet në PD. Do të njoftoj PPE për shkak se PD është pjesë e PPE dhe e kam shmangur pjesën e dërgimit në gjykatë pasi gjykatat kontrollohen nga regjimi Rama-Berisha. Do jepnin vendim në favor të regjimit, por edhe nuk dua ta çoj PD në këtë përplasje. Duhej të zgjidhej me votë çdo konflikt. Vota dhe mbështetja është ajo që e ndan një politikan nga një palaço”, thekson ai.

Pavarësisht vetë-përjashtimit, Salianji thotë se do të vijojë të jetë deri në PD-derisa “të çmontoj Berishën si një segment të regjimit të Ramës dhe bashkë me Berishën edhe Edi Ramën.”

Vijimi i drejtimit të PD nga Berisha për Ervin Salianjin është një shpërblim edhe për qeverinë e Ramës.

“Ku ka shërbim më të madh për Edi Ramën se sa të ketë njerëz që i ka shqepur në zgjedhje që nga viti 2013 kur ka qenë në pushtet. Unë e kam mundur Ramën, si i shërbej Ramës? Duke bërë burg, duke fituar në Kavajë, Korçë, duke kërkuar të pëmrirësohet PD“, vijon Salianji.

Ish deputeti ka nisur prej muajsh tashmë një lëvizje kundër Sali Berishës dhe lidershipit demokrat duke i akuzuar se ata nuk mund ta bëjnë opozitën fituese duke shuar shpresat për ndryshim qeverisës.

Report TV

Një ngjarje e rëndë është regjistruar mbrëmjen e sotme në Vlorë, ku një 23-vjeçar ka mbetur i plagosur me thikë në rrethana ende të paqarta.

I riu është shoqëruar menjëherë nga shërbimet e Policia e Shtetit drejt spitalit të qytetit, ku po merr trajtim mjekësor dhe ndodhet nën kujdesin e mjekëve. Burime nga spitali bëjnë me dije se gjendja e tij po monitorohet nga personeli shëndetësor.

Ndërkohë, policia ka nisur hetimet për të zbardhur plotësisht rrethanat e plagosjes dhe identifikimin e autorit apo autorëve të mundshëm të ngjarjes. Në kuadër të hetimeve, pritet edhe marrja e dëshmisë së të plagosurit sapo gjendja e tij shëndetësore ta lejojë.

Autoritetet po punojnë për sqarimin e motivit dhe dinamikës së incidentit, ndërsa zona ku ndodhi ngjarja është marrë në administrim hetimor.

gijotina.com.

Një incident i rëndë ndodhi në Aeroportin e Araxos gjatë uljes së avioni TUI Boeing 737-8, të quajtur “Patra”. Incidenti ndodhi, kur shkalla mbi të cilën ndodheshin gazetarët dhe fotoreporterët që ishin ngjitur për të mbuluar ngjarjen u shemb.

Siç raporton tempo24.news, tre persona u plagosën nga rënia në tokë. Konkretisht të lënduar mbetën një gazetar nga Athina, një kameraman dhe një fotoreporter nga Patra, të cilët pësuan lëndime në gjymtyrë dhe u transportuan me ambulancë në spital. Përfaqësuesit e tjerë të medias që ishin të pranishëm pësuan lëndime të lehta dhe nuk u konsiderua e nevojshme transportimi i tyre në spital.

Incidenti dyshohet se filloi gjatë procesit të mbulimit të ngjarjes, ku zyrtarët e kompanisë u sugjeruan gazetarëve dhe fotoreporterëve të ngjiteshin në një shkallë për të siguruar pamje më të mira. Sipas të njëjtit informacion, afërsisht 10 deri në 15 persona ishin mbledhur në shkallë, gjë që çoi në shembjen e saj. Pra shkallët nuk duket se kanë qenë të përshtatshme për një ngarkesë të tillë.

gijotina.com/

SPAK ka dhënë pretencën ndaj shtetasit kosovar, Shpend Sokoli, i cili akuzohet për mashtrim kompjuterik. Prokuroria e Posaçme ka kërkuar gjashtë vite burg për të riun, ndërsa dy bashkëpunëtorët e tij janë ekstraduar më herët drejt SHBA-së në kulmin e një hetimi të kryesuar nga FBI, në kuadër të hetimit ndërkombëtar mbi tregun e paligjshëm online i njohur si RYDOX.

Hetimi amerikano-shqiptar zbuloi se rrjeti RYDOX, aktiv nga 2016, ishte çaktivizuar për pak kohë në 2020 për tu rihapur sërish. RYDOX reklamonte forumin kriminal RaidForums, ku shiteshin regjistra spam, mjete për dërgimin e tyre dhe tutoriale për përdorimin e tyre. Nga të dhënat e rrjetit përfshiheshin 18,000 përdorues dhe transaksionet e tyre virtuale.

Dy të dyshuarit e tjerë, Ardit dhe Jetmir Kutleshi, janë ekstraduar drejt SHBA, ndërsa mirëmbajtësi i rrjetit është proceduar në gjykim të shkurtuar në Shqipëri. Sokoli insiston në pafajësinë e tij, duke thënë se nuk ka pasur akses në Rydox dhe se ka punuar vetëm në programim sipas kërkesave. Pretendimet e tij jane se nuk ka pasur lidhje me dy te tjeret qe u ekstraduan ne SHBA.

gijotina.com/

Hysen Vadenja është si në shtëpinë e tij tek Policia ë Shtetit. Cdo tender për motorë apo “Jet Ski” i jepet pa garë kompanisë së tij “MOTO TIRANA” SH.A”.

Valdenja është emër i njohur për mediat dhe policinë. Ai rezulton i arrestuar në flagrancë bashkë me një shtetas tjetër nga Dibra për vjedhje motorësh dhe falsifikim dokumentesh. Po kjo mund të mos jetë pengesë!

Duke qenë se tenderat e motorëve janë të paracaktuar se kush do t’i fitojë, asnjë kompani tjetër nuk guxon të futet në garë. Dhe ja se c’ndodh nëse dikush futet tek “tregu” i Valdenjës i mbrojtur me policë.

“Skualifikim i të gjithë operatorëve konkurrues përvec fituesit/ Skualifikim i ofertës me vlerë më të ulët”, -ky është klasifikimi i tenderit nga Open Data Albania për blerjen e fundit të motoçikletave për Policinë e Shtetit.

Po ashtu, procedura mban edhe një “Flamur të kuq”, tregues i riskut të korrupsionit.

Fondi limit për blerjen e “super motorëve” këtë vit është rritur krahasuar me një vit më parë. Në lojë janë 346 milionë lekë.

Tenderi, si një dhuratë për Vitin e Ri, u hap më 29 dhjetor 2025 dhe u mbajt formalisht më 28 janar 2026. Merrte pjesë kompania e Hysen Vadenjës dhe  “inAuto” SH.P.K. Kjo e dyta ishte mik i paftuar.

Fillimisht, më 17 shkurt 2026, u shpall fituese kompania “inAuto” shpk, por pas disa ditësh situata do të përmbysej.

Kompania e Vadenjës e kishte ofertën 343  milionë lekë pa TVSH.

Ndërkaq firma “inAuto”, propozonte t’i sillte motorcikletat me 323 lekë pa tvsh. Pra, mbi 20 milionë lekë më pak!

Megjithëse tenderin e ka organizuar Operatori i Blerjeve të Përqendruara, në vendim ka një peshë të madhe Drejtoria e Përgjithshme e Policisë së Shtetit, e cila këmbëngul që të favorizojë klientin e vjetër.

Ishin ditët e fundit të Ilir Prodës, në detyrën e drejtorit, që reflektohet edhe në një nxitim të vendimmarrjes për motorët. Në datën 20 shkurt 2026, kompania e Hysen Valdenjës, duke parë se kishte ofertë më të ulët, ka bërë ankesë në komisionin e tenderit duke kërkuar të skualifikohet “inAuto” shpk. Dhe konkurrenti më 3 mars 2026, skualifikohet pa të drejtë.

Gjashtë ditë më vonë,  “inAuto 2000” SHPK, ka denoncuar në KPP,  lojën e Operatorin të Blerjeve të Përqendruara dhe njësinë e prokurimit të Policisë, për pranimin e ankesës së “Moto Tirana” SHPK, për skualifikimin e ofertës.

Kështu, më 30 mars është marrë vendimi në KPP që e niste gjithcka nga e para. Aty urdhërohet komisioni i tenderit të rivlerësonte ofertën e “inAuto” shpk.

Ndërkaq, pas disa korrespondencash dhe shkëmbime “argumentesh” edhe KPP është bindur dhe e ka lejuar më 9 prill 2026 vazhdimin e tenderit me shpallje fitues të kompanisë së Hysen Vadenjës. Ky hap u zyrtarizua disa ditë vonë.

Vitin e kaluar, e njëjta kompani mori tenderin për blerjen e motocikletave të Policisë së Shtetit, në një procedurë të dyshimtë me vetëm një pjesëmarrës.

Më 7 mars 2025, llogaria e Hysen Vadenjës u kreditua nga Policia e Shtetit me 332 milionë lekë me kontratën “ “Blerje Motoçikleta për Policinë e Shtetit”.

Por tenderi më i njohur për publikun, është zhvilluar në kohën kur drejtor i Policisë së Shtetit ishte Muhamet Rrumbullaku. Pa u shuar zhurma e skandalit, kur një vajzë e vogël humbi jetën nga skafi i drejtuar nga një komisar, u blenë “Jet Sky” për policinë.

Në tenderin e regjistruar me 6 mars 2023, Policia e Shtetit ka shpenzuar mbi 896 milionë lekë për motorë uji për efektivët e policisë. Tenderi iu dhurua Hysen Vadenjës, i cili mund të quhet “supermeni” i tenderave të Policisë.

gijotina.com/

Demokrati Ervin Salianji ka reaguar ashpër ndaj kreut të PD-së Sali Berisha, pas skualifikimit të kandidaturës për kreun e ri të kësaj partie.

Në një postim në rrjete sociale ai shkruan se Partia Demokratike me Berishën në krye është çdo ditë një humbje për opozitën dhe për Shqipërinë.

Ai shton në reagim se “PD-ja nuk e meriton të shuhet për shkak të liderit të saj”, duke iu referuar kështu Sali Berishës.

“Standardi mizerabël se si Berisha po trajton Partinë Demokratike shpreh mungesën e thellë të përgjegjësisë historike për sakrificat e demokratëve që prej 13 vitesh dergjen në opozitë.

Shpërfaqja e këtij shtetari deri në degradim total me ndasi, me idiotësi, me miq dhe armiq imagjinar…. me rrena dhe gënjeshtra të poshtra që i kanë lënë demokratët 13 vite rrugëve, shprehin humbjen e e “kështjellës” së fundit që ai kishte arritur të fshinte: burrërinë.

Ai dhe rrethi që i kacavirret abuzon me besnikërinë dhe vlerat e demokratëve, duke i vendosur përballë një presioni moral: të heshtin “për respekt të moshës”, të heshtin përballë “ndereve që i janë bërë”, të heshtin para shuarjes së PD për shkak të lidhjes me të.

Kush mban përgjegjësi për humbjen më të thellë që nga 1997, me 11 Maj 2025? Kush i bëri listat? Kush hartoi programin banal sikur të ishte viti 1995? Kush e drejtoi fushatën?

Dhe pyetja më e rëndësishme: si do të fitojë Partia Demokratike? Edhe demokratët më të fandaksur e dinë që me Sali Berishën dhe këtë lidership, nuk do fitohet kurrë.

Çdo ditë që ai qëndron në krye të Partia Demokratike e Shqipërisë është një humbje për opozitën dhe për Shqipërinë. Koha punon vetëm për ndryshimin. Sali Berisha nuk mund ta përfaqësojë kurrë atë.

Ai është i konsumuar, i izoluar, i hetuar, i paaftë për të bashkuar opozitën. Nuk mund të flasim për ndryshim në Shqipëri, duke refuzuar ndryshimin në PD. Ne nuk mund të kërkojmë votën e shqiptarëve kështu.

Partia Demokratike nuk mund të jetë kurrë e fortë pa garë, pa përfaqësim, pa përgjegjësi. Çdo përpjekje për t’i shmangur këto e dobëson Partinë Demokratike dhe e largon nga qytetarët.

Partia Demokratike nuk mund të jetë parti individi, nuk e meriton të jetë! Ajo duhet të rikthehet në një parti masash dhe pushteti. Ajo është pronë e demokratëve dhe shpresa e mijëra shqiptarëve që presin rotacionin prej vitesh!

PD nuk e meriton të shuhet për shkak të liderit të saj. Llogaritë i kanë bërë gabim, veçanërisht me mua dhe shumicën e demokratëve. Koha thërret demokratët të mos heshtin”, thuhet në reagimin e plotë të Salianjit.

gijotina.com/

Kristjan Asllani ka asistuar dhe shënuar sot për Beshiktashin, ndërsa po luan në transfertën e Gaziantep. Mesfushori shqiptar fillimisht harkoi direkt nga goditja e këndit, ndërsa Djalo përfitoi për ta dërguar topin në rrjetë. Më pas erdhi edhe goli nga penalltia në minutën e 22-të.

Ishte minuta e shtatë kur Asllani shkoi të harkonte. Ky episod solli edhe zhbllokimin e ndeshjes me të si protagonist.

24-vjeçari është i huazuar nga Interi, ndërsa lajm i mirë për të ishte rikthimi si titullar. Takimi me Gaziantep ndërkohë kujtojmë që vlen për javën 32 të Superligës turke.

Asisti i Kristjan Asllanit: (VIDEO)

Goli i Kristjan Asllanit: (VIDEO)

gijotina.com/

iana Krasniqi, një 31-vjeçare me origjinë shqiptare ka reaguar ashpër ndaj autoriteteve në Teksas, në lidhje me vrasjen e bashkëshortit të saj, James Broadnax. James Broadnax, 37 vjeç, i cili u ekzekutua një ditë më parë, ishte dënuar me vdekje për vrasjen e dy producentëve muzikorë në 2008. Ai u shpall i vdekur të enjten në mbrëmje pasi mori një injeksion vdekjeprurës në burgun shtetëror në Huntsville.

Prokurorët thonë se Broadnax dhe kushëriri i tij, Demarius Cummings, qëlluan për vdekje dhe grabitën Stephen Sëan dhe Matthew Butler në parkingun e studios së regjistrimit të Butler në Garland. Cummings u dënua me burgim të përjetshëm pa të drejtë lirimi me kusht.

Broadnax ishte sfidues në një deklaratë përfundimtare në të cilën ai kërkoi gjithashtu falje nga të afërmit e viktimave. Shtatë të afërm, përfshirë prindërit e secilës prej viktimave, ishin të pranishëm.

Ekzekutimi i tij u ndërpre nga britmat “Të dua” të gruas së tij Tiana Krasniqi. Daily Mail shkruan se përmes një postim në TikTok pas ekzekutimit të burrit të saj, Tiana, me origjinë shqiptare shkroi se burri i saj vuajti nga injeksioni vdekjeprurës saqë i doli gjak nga hunda dhe i doli mavijosje në qafë.

“Ata vranë burrin tim. Burri im vuajti aq keq nga injeksioni vdekjeprurës saqë i doli gjak nga hunda dhe i doli mavijosje në qafë. Familjet qeshën ndërsa shikonin. A është kjo drejtësi?”

Vetëm disa ditë përpara se të ekzekutohej, Broadnax u martua me Tianën, një të diplomuar në shkollën e drejtësisë dhe nënë e një fëmije, në një ceremoni në Njësinë Allan B. Polunsky në Teksas.

gijotina.com/

Në një intervistë në “News24” Ibsen Elezi, ish-kryetar i deges PD, Kukes, u shpreh se Ervin Salinji duhet të ishte kandidat për garën për kryetar në PD.

Mesdita e kësaj të premteje është shoqëruar me një situatë të rënduar trafiku në aksin kombëtar që lidh Tiranën me Elbasan, ku prej orës mesditës e në vijim qarkullimi i automjeteve në segmentin nga Tuneli i Krrabës deri në Rrethrrotullimi i Bradasheshit paraqitet i rënduar.

Shkak kryesor i kësaj situate është fluksi i automjeteve që lëvizin nga kryeqyteti drejt juglindjes së vendit, një fenomen i përsëritur thuajse çdo fundjavë e sidomos gjatë fundjavave të gjata.

Në veçanti, problematika më e madhe paraqitet në zonën e njohur si “Hinka e Bradasheshit”, në dalje të autostradës drejt Elbasanit, ku krijohen radhë kilometrike automjetesh dhe bllokime të shpeshta.

Kjo pikë është kthyer në një nyje problematike për qarkullimin, duke sjellë vonesa të konsiderueshme për drejtuesit e mjeteve dhe shpeshherë tension në rrugë.

gijotina.com/

jë aksident ka ndodhur në Shkodër. Haki Bajrami 77 vjeç ka humbur jetën, pasi është përplasur nga një automjet. Drejtuesi i mjetit ështê laefuar nga vendngjarja.

77 vjeçari ndodhej me një karrocë dore kur është përplasur nga një automjet. Policia në vendngjarje ka nisur hetimet për zbardhjen e plotë të ngjarjes.

Rreth orës 16:00, në lagjen “Liria”, një automjet tip kamion, me drejtues shtetasin A. P., ka përplasur këmbësorin, shtetasin H. B., 78 vjeç.

Drejtuesi i automjetit shtetasi A.P., është shoqëruar në ambientet e Policisë për veprime të mëtejshme.

Grupi hetimor po punon për sqarimin e rrethanave të aksidentit.

gijotina.com/

Kandidatja në garën për kreun e Partisë Demokratike, Mereme Sela, ka reaguar pas skualifikimit të saj.

Sela ka shkruar se njoftimin për skualifikimin e saj e ka marrë nga mediat, teksa e konsideron të papranueshme. Ajo shton se do të ndjekë të gjitha procedurat ligjore dhe do të paraqesë ankesë zyrtare për skualifikimin nga gara e PD-së.

“Unë, Mereme Sela, kandidate për kryetare e Partisë Demokratike të Shqipërisë, njoftoj opinionin publik se zgjedhjet për kryetar dhe procedurat përkatëse po manipulohen.

Për këto arsye, vendosa:

1. T’i drejtohem Gjykatës së Tiranës me një kërkesë për pezullimin e procesit zgjedhor, si të paligjshëm, të padrejtë, të pabarabartë dhe në kundërshtim me statutin e PD-së, të miratuar nga Kuvendi dhe të njohur nga gjykata.

2. Ti drejtohem SPAK për hetimin e proçesit të korruptuar zgjedhor në Partinë Demokratike nga i pandehuri Sali Berisha i cili është në akuzë edhe për vepra të tjera penale.

3. T’u drejtohem Ambasadës së SHBA-së, Ambasadës së Britanisë së Madhe dhe misionit të BE-së për t’i informuar dhe për t’u kërkuar ndihmë, pasi ish-kryetari Sali Berisha ka marrë peng partinë dhe nuk lejon zhvillimin e zgjedhjeve të lira dhe të ndershme.

4. T’u drejtohem mediave për të na ndihmuar që Partia Demokratike të mos shkatërrohet, por të demokratizohet. Eliminimi ynë, si pesë rivalë në garë – Evi Kokalari, Alesia Balliu, Ervin Salianji dhe Vladimir Mula – përbën një atentat kundër demokracisë brenda partisë.

5. I vetmi person që nuk përmbush kriteret e statutit është ish-kryetari Sali Berisha, i cili ka humbur zgjedhjet e vitit 2025 dhe nuk i lejohet ligjërisht sipas statutit të partisë të garojë për funksionin e kryetarit.

Partia Demokratike nuk mund të vijë në pushtet me një lider “non grata” në Uashington dhe Londër.

Njoftimin për skualifikimin e kam marrë përmes mediave, çka në vetvete është e papranueshme. Ky vendim është i padrejtë dhe i pajustifikuar. Përkundrazi, nëse do të kishte një vlerësim të drejtë dhe në përputhje me statutin e partisë, personi që duhej të ishte subjekt skualifikimi do të ishte z. Berisha.

Për këtë arsye, do të ndjek të gjitha procedurat ligjore në dispozicion dhe do të paraqes ankesën time zyrtare. Megjithatë, bazuar në përvojat e mëparshme, nuk pres një reagim apo përgjigje serioze nga Partia Demokratike, pasi kjo ka qenë një praktikë e përsëritur ndër vite.

Kjo mënyrë veprimi është një ndër arsyet kryesore pse Partia Demokratike ndodhet në këtë situatë sot.

Duke ju falënderuar për mbështetjen!“, ka reaguar ajo.

Një aksident rrugor është regjistruar në aksin nacional Skërficë–Sarandë, ku një kamion ka humbur kontrollin dhe është përmbysur në dalje të tunelit të Skërficës.

Sipas të dhënave nga shërbimet e Qarkullimit Rrugor të Sarandës, mjeti tip “DAF” me targë AB034KB, i drejtuar nga shtetasi Rustem Hasku, 60 vjeç, ka devijuar nga rruga dhe më pas është përmbysur.

Menjëherë pas ngjarjes, në vendngjarje mbërritën shërbimet policore, të cilat kryen veprimet e para hetimore. Nga testet e kryera rezultoi se drejtuesi i mjetit nuk kishte konsumuar alkool.

Fatmirësisht, pavarësisht përmbysjes së kamionit, drejtuesi nuk ka pësuar lëndime.

Autoritetet po punojnë për të sqaruar shkaqet e plota të aksidentit.

Policia e Fierit ka vënë në pranga Tomas Feracakun, 26 vjeç dhe Antonio Haskon 29 vjeç, të cilët u kapën në flagrancë duke qarkulluar me qindra doza kokaine dhe kanabisi në fshatin Grabian

Mësohet se, gjatë kontrolleve në mjetet dhe banesat e tyre, u sekuestruan lëndët narkotike, një peshore elektronike, një grirëse, tre celularë dhe automjeti me të cilin lëviznin. Sipas policisë, dyshohet se këta shtetas siguronin lëndë narkotike në sasi të konsiderueshme, të cilën më pas e ndanin në doza dhe e përgatisnin për shitje në zona të ndryshme.

Njoftimi

Fier/ Finalizohet operacioni policor i koduar “Flagranca”. Shpërndanin lëndë narkotike kokainë e kanabis, kapen dhe vihen në pranga dy shtetas në momentin që do të shisnin lëndët narkotike.
Sekuestrohet kokainë dhe kanabis, e ndarë në qindra doza, gati për shitje. Specialistët e Sektorit për Hetimin e Narkotikëve, në bashkëpunim me shërbimet e Forcës së Posaçme “Operacionale”, në vijim të kontrolleve intensive për goditjen e veprimtarisë kriminale në fushën e shpërndarjes së lëndëve narkotike, kanë finalizuar me sukses operacionin policor të koduar “Flagranca”.Në kuadër të këtij operacioni u arrestuan në flagrancë shtetasit T. F., 26 vjeç, dhe A. H., 29 vjeç, të dy banues në fshatin Grabian, Divjakë.

Nga veprimet hetimore dyshohet se këta shtetas siguronin lëndë narkotike në sasi të konsiderueshme, të cilën më pas e ndanin në doza dhe e përgatisnin për shitje në zona të ndryshme. Shërbimet e Policisë, pas sigurimit të informacionit, organizuan dhe finalizuan ndërhyrjen në momentin që këta shtetas po lëviznin me automjet në fshatin Grabian, duke i kapur në flagrancë me lëndë narkotike kanabis dhe kokainë të ndarë në doza, të cilat do t’i shisnin në zona të ndryshme.Gjatë kontrollit fizik dhe në banesa u gjetën dhe u sekuestruan dhjetëra doza të tjera lënde narkotike (kokainë dhe kanabis), të cilat u morën në cilësinë e provës materiale, së bashku me automjetin e përdorur, një grirëse për përpunimin e lëndës narkotike, një peshore elektronike dhe 3 aparate celularë. Materialet procedurale i kaluan Prokurorisë pranë Gjykatës së Juridiksionit të Përgjithshëm Fier, për veprime të mëtejshme.

Me porosi të drejtorit të përgjithshëm të Policisë së Shtetit, policët rrugorë u hoqën nga rruga, por kjo nuk do të thotë se nuk ka më gjoba.

Në vend të postblloqeve të policisë për kontrolle rutinë, tashmë janë intensifikuar monitorimet me mjete inteligjente në të gjithë vendin, me objektiv rritjen e sigurisë rrugore dhe parandalimin e aksidenteve, veçanërisht gjatë fundjavës, në akset nacionale drejt zonave turistike dhe bregdetare, pasi rritet fluksi i lëvizjes së automjeteve.

Gjatë javës së fundit, në të gjithë vendin, janë vendosur rreth 26 mijë gjoba për shkelje të ndryshme, si: mospërdorim i kaskës mbrojtëse, mosvendosje e rripit të sigurimit, përdorim i celularit gjatë drejtimit të mjetit, parakalime të gabuara, drejtim i mjetit nën efektin e alkoolit, për zhurma apo manovra të rrezikshme me automjet dhe shkelje të tjera.

Gjithashtu, janë arrestuar 48 drejtues mjetesh, nga të cilët 26 për drejtim mjeti në gjendje të dehur dhe 22 për drejtim mjeti pa leje drejtimi.

Kontrolle ka pasur edhe në qendrat e banuara, për parkimet e gabuara që pengojnë lëvizjen e lirë të mjeteve të emergjencës, krijojnë fluks në trafik apo pengojnë lëvizjen e lirë të qytetarëve në trotuare.

Për lirimin e këtyre hapësirave është përdorur karrotreci, duke zhvendosur 258 automjete të parkuara në korsi të dedikuara, në trotuare apo në vende ku ndalohet parkimi.

Presidenti i SHBA-së, Donald Trump, e hodhi poshtë sugjerimin që të vishte jelek antiplumb, pas disa përpjekjeve për vrasje, megjithëse konfirmoi se i ishte sugjeruar kjo masë.

“Nuk e di nëse do të mund të duroja të dukesha 20 kilogramë më i rëndë”, tha Trump në përgjigje të pyetjes së një gazetari, raporton “Newsnation”.

Ai tha se ishte shumë mirë që agjenti i Shërbimit Sekret, i cili u qëllua fundjavën e kaluar gjatë atentatit të fundit ndaj tij, mbante veshur një jelek antiplumb në darkën e Shoqatës së Korrespondentëve të Shtëpisë së Bardhë në Hotelin Hilton në Uashington.

“Jeleku bëri një punë të mrekullueshme, ai u godit nga një plumb nga afër dhe as nuk donte të shkonte në spital”, tha Trump.

Ai tha se i ishte sugjeruar të vishte jelekë mbrojtëse dhe se “është diçka për të cilën duhet menduar”.

I pyetur nëse ishte i shqetësuar se mund të ndodhte një tjetër përpjekje për vrasje, Trump tha se “nuk po mendonte për këtë”.

“Edhe nëse do të mendoja se nuk do të bëja një punë shumë të mirë këtu, do të mendoja vetëm për këtë”, tha Trump.

Trump u përball me dy atentate të tjera gjatë fushatës zgjedhore që çuan në zgjedhjet e vitit 2024, dhe në vrasjen e korrikut të atij viti, ai u plagos nga një plumb.

Pas lajmit se ka ngacmuar seksualisht me një kolegun e punës, drejtuesja ekzekutive në bankën e njohur amerikane, JPMorgan Chase, shqiptarja Lorna Hajdini, ka reaguar nëpërmjet mbrojtësit të saj ligjor.

Lorna Hajdini i ka mohuar kategorikisht pretendimet, duke deklaruar përmes avokatëve se ‘nuk ka pasur kurrë sjellje të papërshtatshme dhe se nuk ka qenë asnjëherë në vendin ku pretendohet të ketë ndodhur ngjarja’.

Bëhet fjalë për Chirayu Rana, 35 vjeç, aktualisht drejtues në një firmë investimesh, i cili ka ngritur një padi këtë javë, nën pseudonimin “John Doe”, ndaj Lorna Hajdini, drejtuese ekzekutive në bankën amerikane.

Në padi, ai pretendon se ishte detyruar në marrëdhënie seksuale përmes presionit dhe kërcënimeve, akuza që u publikuan fillimisht nga Daily Mail, duke iu referuar dokumenteve gjyqësore që më pas u tërhoqën për “korrigjime”.

Padia përfshin gjithashtu edhe vetë bankën JPMorgan Chase, duke e akuzuar për mosveprim dhe hakmarrje. Megjithatë, banka ka reaguar duke theksuar se një hetim i plotë i brendshëm, që përfshinte analizën e komunikimeve dhe dëshmive të stafit, nuk gjeti asnjë provë që mbështet pretendimet.

Sipas bankës, ankuesi nuk ka bashkëpunuar me hetimin dhe nuk ka ofruar fakte thelbësore për të mbështetur akuzat e tij.

Burime të brendshme bëjnë të ditur se dy personat nuk kishin marrëdhënie direkte pune dhe se Hajdini nuk kishte asnjë ndikim në shpërblimin financiar të tij, duke hedhur dyshime mbi bazueshmërinë e pretendimeve.

Ndërkohë, çështja mbetet në proces ligjor dhe nuk është caktuar ende një datë për gjykim, ndërsa zhvillimet e mëtejshme pritet të hedhin më shumë dritë mbi një nga rastet më të diskutueshme në sektorin financiar kohët e fundit.

Tre kongresistë amerikanë, Keith Self, Ritchie Torres dhe Mike Lawler, e kanë paraqitur një rezolutë në Dhomën e Përfaqësuesve për ta mbështetur anëtarësimin e Kosovës në NATO, duke argumentuar se prania e saj në aleancë është thelbësore për mbrojtjen e interesave të sigurisë kombëtare të Shteteve të Bashkuara në Evropën Juglindore.

Rezoluta, e paraqitur më 30 prill me mbështetje dypartiake, nënvizon se qeverisja demokratike e Kosovës, kontrolli civil mbi forcat e sigurisë dhe bashkëjetesa multietnike përbëjnë argument bindës për anëtarësimin e saj në NATO.

“Për më tepër, ndërsa forcat kundërshtare vazhdojnë të destabilizojnë rajonin, përfshirja e Kosovës në aleancën e NATO-s do të shërbente si një kundërpeshë e domosdoshme për të frenuar këto përpjekje armiqësore dhe për të parandaluar një katastrofë tjetër globale në Ballkan”, thuhet në rezolutë.

Anëtarësimi në NATO është ndër synimet e kamotshme të Kosovës, qëkurse ajo e shpalli pavarësinë më 2008.

Megjithatë, anëtarësimi kërkon njëzëshmëri nga të gjitha vendet anëtare dhe Kosovën nuk e njohin katër prej tyre.

Prandaj, Self, si nismëtar i rezolutës, u kërkoi Shteteve të Bashkuara t’i nxisin Greqinë, Rumaninë, Sllovakinë dhe Spanjën, për ta njohur pavarësinë e Kosovës.

Self tha se “njohja më e gjerë e Kosovës është thelbësore për të hapur rrugën drejt integrimit në NATO dhe për të mbyllur një boshllëk strategjik në Evropën Juglindore që kundërshtarët kërkojnë ta shfrytëzojnë”.

Ai argumentoi se përfshirja e Kosovës në aleancë është thelbësore për të kundërshtuar rritjen e ndikimit të kundërshtarëve në Evropë.

Kjo rezolutë u mirëprit nga zyrtarët në Kosovë.

Ushtruesja e detyrës së presidentit, Albulena Haxhiu, shprehu “mirënjohje për përfaqësuesit Keith Self, Ritchie Torres dhe Mike Lawler për lidershipin e tyre dhe për mbështetjen e vazhdueshme që Kosova ta zërë vendin që i takon në familjen euroatlantike”.

Ambasadori i Kosovës në Uashington, Ilir Dugolli, shkroi në X se ndihet mirënjohës ndaj kongresistëve për “mbështetjen e palëkundur për Kosovën dhe anëtarësimin e saj në NATO”.

Kosova e cilëson si qenësore miqësinë me Shtetet e Bashkuara, vend që ka bërë shumë në pavarësimin dhe shtetndërtimin e Kosovës.

Kosova është tani duke e shndërruar Forcën e Sigurisë në ushtri të plotë, që pritet të përmbyllet më 2028.

SHBA-ja e ka mbështetur nga fillimi shndërrimin e FSK-së në ushtri, por jo edhe NATO-ja, e cila ngul këmbë që FSK-ja t’u përmbahet detyrave të saj fillestare, si: reagimi ndaj krizave apo mbrojtja civile

Prishtina, gjatë procesit të transformimit të FSK-së në ushtri, po ashtu po pajiset me armatime të reja, përfshirë ato të prodhuara në SHBA. Vendi po ashtu është mikpritës i bazës më të madhe amerikane në Ballkan, Bondsteel.

Po ashtu, Kosova po ashtu do të jetë pjesë e Forcës Ndërkombëtare Stabilizuese për Gazën.

Forca Ndërkombëtare Stabilizuese është një mekanizëm i krijuar si pjesë e nismës së Bordit të Paqes, i propozuar nga presidenti amerikan, Donald Trump, për arritjen e paqes në botë./ REL/

Prokuroria e Posaçme Antikorrupsion (SPAK) ka përfunduar hetimet dhe ka dërguar në gjyq shtetasin rus, të akuzuar për kërcënimin e shpërthimit të një bombe në aeroportin e Rinasit.

Vladislav Urban, 44 vjeç, është marrë i pandehur për “kanosje për kryerjen e veprave me qëllime terroriste”.

Sipas SPAK, në shkurt 2023 rusi ka dërguar një e-mail në adresën e Shefit Operacional të Rinasit, ku kërcënonte me shpërthimin e një bombe nëse qeveria Shqiptare nuk njeh Kosovën si Serbi, si edhe pretendonte te kishte marrë peng 2 shqiptare.

Nga hetimi i rastit rezultoi se emaili ishte dërguar nga rusi Urban, rezident në Selanik. Pas shkëmbimit të informacionit me palën greke dhe kontrollit, rezultoi se 44 vjeçari nuk kishte marrë njeri peng, ndërsa kishte edhe precedentë të mëparshëm në dërgimin emaile-ve kërcënuese.