Gjatë një takimi me pensionistët, Kryeministri Edi Rama ka reaguar lidhur me protestën e zhvilluar para Kuvendit, ku u shënuan incidente, përfshirë hedhjen e vezëve në drejtim të makinave të deputetëve dhe përplasje me forcat e policisë.

Në fjalën e tij, kreu i qeverisë theksoi se ngjarje të tilla nuk përfaqësojnë protestën e qytetarëve paqësorë, duke bërë një dallim të qartë mes demonstrimeve paqësore dhe akteve të dhunshme.

Duke përdorur një gjuhë të fortë ndaj protestuesve të përfshirë në incidente, Rama u shpreh:

“Kur shkon atje, një grup për të ushtruar presion fizik ndaj deputetëve, jemi në rrethana të tjera. Por ata nuk janë flamingo, ata janë paqësore. Sorrat dhe korbat janë të dhunshëm. Flamingot do i trajtojmë me shumë respekt. Me sorrat dhe korbat nuk kemi çfarë bëjmë fare. Në fund ata do jenë përsëri të humbur. Do shpërndahen kokrra kokrra”, theksoi ai.

The post Rama ofendon sërish protestuesit: Janë sorra dhe korba! appeared first on Publik Media.

Të paktën pesë protestues janë shoqëruar nga policia gjatë tubimit të zhvilluar përpara ambienteve të Kuvendit, pasi kanë depërtuar brenda perimetrit të sigurisë të vendosur nga autoritetet.

Mes personave të shoqëruar ndodhet edhe aktivisti Gent Progni. Ndërhyrja e forcave të rendit erdhi menjëherë pasi protestuesit u futën në zonën e kufizuar, duke detyruar policinë t’i largojë nga hapësira e mbrojtur.

Sipas të dhënave paraprake, hyrja në perimetrin e sigurisë është bërë përmes zonës së pedonales, ku qarkullimi drejt lokaleve dhe bareve nuk ishte i bllokuar, çka ka krijuar mundësi për depërtimin e protestuesve.

Ndërkohë, situata në terren mbetet nën kontrollin e forcave të policisë, të cilat vijojnë të mbajnë të përforcuara masat e sigurisë përreth godinës së Parlamentit.

The post Përplasjet te Kuvendi, 5 protestues arrestohen nga policia appeared first on Publik Media.