Miqësia e pazakontë: Bizoni i vogël dhe kanguri bëhen miqtë më të mirë!

1466 views

Niko Peleshi është treguar "sylesh". Berisha: Viktima e para e Ballës

1701 views

Një aksident ka ndodhur mëngjesin e sotëm në zonën e Plazhit, në lagjen 13 të Durrësit, ku një këmbësor është përplasur nga një taksi teksa po kalonte te vijat e bardha. I lënduari është një 66-vjeçar me inicialet F.D., i cili ka përfunduar në trotuar me fraktura të shumta, por pa rrezik për jetën. Sakaq policia ka arrestuar drejtuesin e automjetit, A. T., 26 vjeç. "Rreth orës 10:30, në lagjen 13, shtetasi A. T., 26 vjeç, duke drejtuar automjetin, dyshohet se ka përplasur shtetasin F. D., 66 vjeç. Shtetasi F. D. është transportuar në spital, për ndihmë mjekësore. Drejtuesi i automjetit, shtetasi A. T., është shoqëruar në Komisariat dhe po kryhen veprimet procedurale për arrestimin e tij", thuhet në njoftimin e policisë. Grupi hetimor vijon punën për zbardhjen e plotë të rrethanave të aksidentit.

10.2K views

A2CNN ka zbuluar detaje nga operacioni për arrestimin e të shumë kërkuarit Ylli Zalla, në banesën e tij. Gazetari Igli Çelmeta raporton se Ylli Zalla ishte fshehur në disa ferra pranë banesës së tij gjatë operacionit, ndërkohë që ishte i armatosur me armë zjarri kallashnikov, me tre krehra. Pasi i bënë rrethimin nga RENEA, 49-vjeçait i bënë thirrje se ishte i rrethuar. Pasi vuri re forcat RENEA-n Ylli Zalla është shtrirë në tokë dhe nuk ka bërë rezistencë. Arrestimi është kryer në orën o5:00 të mëngjesit të së hënës. Kujtojmë që disa operacione ishin zhvilluar së fundmi nga "uniformat blu" për kapjen e Ylli Zallës. Një ditë më parë, atij iu vendos tritol në banesë, ku u shkrumbua makina e tij tip "Benz". Në lidhje me këtë ngjarje ka dyshime se mund të jetë e inskenuar. Ylli Zalla u shpall në kërkim që prej nëntorit 2025, pas zbulimit të një arsenali armësh gjatë hetimeve të zhvilluara pas atentatit në Rinas, ku u vranë Gilmando Dani dhe Muçi Shaljani.

658 views

Delfinët në brigjet verilindore të Australisë janë filmuar duke përdorur guaska deti për të zënë peshq. Studiuesit thonë se kjo teknikë mund të mësohet nga nëna te këlyshi dhe se është dëshmia e parë e këtij fenomeni në bregun lindor të Australisë.

1251 views

Xhyherina në Vlorë, ka qenë fshati i radhës, që ka ndjerë mbrëmjen së dielës shumë pranë flakët e zjarreve që përfshinë kodrat e këtij fshati. Intensiteti i flakëve ka qenë i lartë duke vënë në alarm fillimisht banorët dhe më pas edhe ekipet zjarrfikëse që shkuan në vendngjarje. Era që frynte në mbrëmje, bimësia dhe terreni kanë favorizuar përhapjen e shpejtë të flakëve. Ndërhyrja e zjarrfikësve ka qenë mjaft e vështirë për shkak të terrenit të papërshtatshëm që nuk lejonte afrimin e mjeteve pranë vatrave të zjarreve. Ekipet në terren kanë mbajtur të izoluar vatrën ndërsa situata vijon të monitorohet, pasi herë pas here era favorizon përhapjen e perimetrit të zjarreve.

1147 views

Një aksident është regjistruar mbrëmjen e djeshme në aksin Shëngjin–Lezhë, ku janë përfshirë dy makina. Si pasojë e përplasjes, kanë mbetur të lënduar katër persona, mes tyre dy fëmijë. Fatmirësisht të plagosurit ndodhen jashtë rrezikut për jetën. Ende nuk ka një njoftim zyrtar nga Policia e Lezhës në lidhje me aksidentin.

1782 views