I pranishëm në edicionin e katërt të “Vajza fest”, një festival folklorik që zhvillohet në fshatin Vajzë në Bashkinë e Selenicës, Kryeministri Edi Rama ka përshëndetur të pranishmit, duke mos i kursyer batutat me të ftuarit.
19.3K views
Tre shtetase që kishin dalë në det me kanoe dhe për shkak të përkeqësimit të motit rrezikonin të mbyteshin, janë shpëtuar nga Policia Kufitare në zonën e Palasës. “Rrezikuan të mbyteshin në det për shkak të përkeqësimit të motit, Policia Kufitare dhe Njësia Policore Detare u shkuan në ndihmë dhe i nxorën në breg, pa rrezik për jetën Gjatë patrullimit në sektorin e Palasës, shërbimet e Policisë Kufitare dhe Njësisë Policore Detare konstatuan 3 shtetase që kishin dalë në det me kanoe dhe, për shkak të përkeqësimit të motit dhe kushteve të vështira në det, rrezikonin të mbyteshin. Shërbimet e Policisë ndërhynë menjëherë, duke u shkuar në ndihmë dhe duke bërë të mundur nxjerrjen e tyre në breg, pa rrezik për jetën”, thuhet në njoftim.
3789 views
Një zbulim i rrallë ka habitur autoritetet dhe banorët në Belgjikë, pasi punëtorë që po rinovonin një shtëpi gjetën ar me vlerë rreth 9 milionë euro të fshehur brenda mureve të bodrumit. Sipas mediave lokale, thesari u zbulua në fillim të kësaj jave, kur punëtorët po shponin themelet e ndërtesës për të vendosur tubacione të reja kanalizimesh, transmeton A2. Në mesin e pasurisë së gjetur kishte shufra ari dhe monedha. Një prej punëtorëve, 18-vjeçari Kobe, i cili po punonte gjatë pushimeve verore, tregoi se fillimisht mendoi se kishte gjetur monedha të zakonshme. “Reagimi ynë i parë ishte habia. Në fillim mendova se ishin monedha 1-euroshe, por më pas pamë edhe një copë ari dhe kuptuam se bëhej fjalë për diçka shumë më të madhe”, tha ai për transmetuesin publik belg VRT. Punëtorët njoftuan menjëherë policinë, ndërsa autoritetet e zhvendosën arin në një vend të sigurt. Policia paralajmëroi qytetarët të mos shkojnë në kantier për të kërkuar thesare të tjera. Prona i përket aktualisht CAW Oost-Vlaanderen, një organizatë që ofron shërbime sociale në Dendermonde. Drejtori i saj, Geert Hillaert, tha se shpreson që pasuria, nëse nuk kërkohet nga pronari i ligjshëm, të mund të përdoret për të mbështetur aktivitetin e organizatës. Sipas ligjit belg, pronari i vërtetë i arit ka pesë vjet kohë për të kërkuar pasurinë. Nëse askush nuk paraqitet dhe nuk rezulton se thesari lidhet me ndonjë veprimtari kriminale, ligji civil parashikon që ai të ndahet mes personit që e gjeti dhe pronarit të pronës. Për momentin, si punëtorët ashtu edhe organizata që zotëron ndërtesën duhet të presin. Nëse askush nuk e kërkon thesarin brenda afatit ligjor, 9 milionë eurot e arit mund të përfundojnë duke ndryshuar jetën e atyre që e zbuluan.
5460 views
Pamje dramatike vijnë nga Mali i Dajtit, ku disa vatra zjarri duken me sy të lirë nga Tirana. Ministria e Mbrojtjes njofton se për shuarjen e flakëve janë angazhuar 9 forca të ADZM-së dhe 2 helikopterë të FA-së, ndërsa në Priskë dhe Farkë operojnë 30 forca të MZSH-së me 6 mjete. “Situata në Priskë-Farkë paraqitet nën kontroll dhe pa rrezik për zonat e banuara”, tha ministria.
2756 views
Një stuhi e fortë shiu me erë dhe shkreptima përfshiu Pogradecin pasditen e kësaj të premteje për të paktën 30 minuta. Si pasojë e sasisë së madhe të shiut u shkaktuar probleme në disa zona të qytetit liqenor ku pati edhe vërshim të ujit në rrugë. Probleme u shënuan nga dalja e ujërave në rrugën "Kajo Karafili" si pasojë e bllokimit të gradarëve të shiut, për pasojë uji vërshoi edhe në lagjen muzeale. Edhe në shëtitoren e Pogradecit pati probleme me vërshimin e ujit i cili depërtoi edhe në disa biznese të vogla. Tek stadiumi i qytetit sheshi kryesor u mbulua totalisht nga uji edhe këtu si pasojë e bllokimit të gradarëve të shiut. Punonjësit e ndërmarrjes së punëve publike janë në terren dhe po punojnë për zhbllokimin e pusetave, me ndalimin e reshjeve edhe uji ka nisur të tërhiqet.
12K views
Një person është gjobitur me 50 mijë korona norvegjeze, rreth 5300 dollarë, pasi përdori borinë e fuqishme të një anijeje për të zgjuar një ari polar nga gjumi, shkruan A2 CNN. Ngjarja ndodhi në fillim të gushtit, në ishujt Svalbard të Norvegjisë, kur një anije po lundronte në një fjord në veri të arkipelagut, në Arktik. Sipas guvernatorit të Svalbardit, Lars Fause, personat në bord vunë re një ari polar duke fjetur në tokë. Një prej tyre përdori më pas borinë e anijes, e cila lëshon një tingull të fuqishëm me frekuencë të ulët, duke e zgjuar kafshën. Ariu u largua dhe shkoi në një zonë tjetër. Autoritetet e konsideruan veprimin të qëllimshëm dhe si një shqetësim të panevojshëm për kafshën. Personi përgjegjës ka pranuar të paguajë gjobën. Legjislacioni për mbrojtjen e mjedisit në Svalbard ndalon shqetësimin, joshjen ose ndjekjen e panevojshme të arinjve polarë. Rregullat përcaktojnë gjithashtu se njerëzit nuk duhet t'i afrohen më shumë se 300 metra një ariu polar nga korriku deri në shkurt. Gjatë periudhës mars-qershor, kur zhvillohet zakonisht sezoni i çiftëzimit, distanca minimale rritet në 500 metra. Gjuetia e arinjve polarë në Svalbard është e ndaluar që prej vitit 1973, kur specia mori status të mbrojtur. Sipas vlerësimeve, rreth 3 mijë arinj polarë jetojnë në rajonin e Svalbardit dhe Detit Barenc. Rreth 300 prej tyre qëndrojnë gjatë gjithë vitit në arkipelag, ndërsa të tjerë migrojnë drejt territoreve të largëta të Arktikut rus.
3028 views
Një 20-vjeçar është arrestuar pasi kreu 8 vjedhje brenda një jave në Tiranë, duke qenë në arrest shtëpie. Në kamerat e sigurisë duket se si duke përdorur sende të ndryshme, i riu hap me forcë dyert e bizneseve dhe merr para e produkte, shkruan A2. Këto vjedhje janë kryer në datat 5-13 gusht. Njoftimi i policisë: Theu masën e sigurisë “Arrest në shtëpi”, caktuar për vjedhje, për të kryer vjedhje në 8 subjekte, gjatë 1 jave, kapet 20-vjeçari. Si rezultat i veprimeve hetimore të kryera në bazë të kallëzimeve të disa shtetasve, për vjedhje në subjektet që kishin në pronësi/administrim, shërbimet e Komisariatit të Policisë Nr. 4, në bashkëpunim me shërbimet e komisariateve të tjera në territoret e të cilave ishin kryer vjedhje, finalizuan operacionin e koduar “Multiple”, gjatë të cilit u zbardhën 8 raste në këtë fushë dhe u kap autori i dyshuar i tyre, shtetasi O. H., 20 vjeç. Nga këto veprime dyshohet se 20-vjeçari, gjatë periudhës 05.08.2026–13.08.2026, ka vjedhur para dhe produkte, në 8 subjekte. Gjatë verifikimeve të mëtejshme rezultoi se ky shtetas ishte me masë sigurie “Arrest në shtëpi”, për të njëjtën veprimtari kriminale. Hetimet vijojnë për të zbardhur vjedhje të tjera që mund të ketë kryer shtetasi O. H. Materialet procedurale iu referuan Prokurorisë së Tiranës, për veprime të mëtejshme.
2108 views
Dy të rinj të moshës 19 dhe 26 vjeç, janë arrestuar në Tiranë në kuadër të operacionit antidrogë “Momenti”. Policia njofton se ata u kapën në flagrancë duke shkëmbyer kokainë në rrugën “Egnantia”. Policia sekuestroi 252 gramë kokainë, një automjet tip “BMË” dhe 3 celularë. 19-vjeçari u kap duke i dorëzuar 26-vjeçarit një çantë me 211 gramë kokainë, ndërsa 41 gramë të tjera u gjetën në banesën e tij. Njoftimi i policisë Tiranë Finalizohet si rezultat i punës operative, operacioni antidrogë, i koduar “Momenti”. Goditet në flagrancë, një rast i shitblerjes së drogave të forta. Arrestohen në rrugën “Egnantia”, të dy shtetasit e përfshirë në këtë rast. Sekuestrohen 252 gramë lëndë narkotike Kokainë, 1 automjet tip “BMË” dhe 3 celularë. Specialistët e Seksionit për Hetimin e Narkotikëve, si rezultat i administrimit të shpejtë të një informacioni të siguruar në rrugë operative, për përfshirjen e 2 shtetasve në veprimtari kriminale në fushën e narkotikëve, finalizuan operacionin e koduar “Momenti”, gjatë të cilit u arrestuan në flagrancë shtetasit D. Sh., 19 vjeç dhe D. F., 26 vjeç. 19-vjeçari u kap në flagrancë në rrugën “Egnantia”, duke i dorëzuar 26-vjeçarit, një çantë me 211 gramë lëndë të dyshuar narkotike Kokainë. Më tej, nga kontrolli i banesës i 19-vjeçarit, u sekuestruan 41 gramë të tjerë të kësaj lënde. Materialet procedurale iu referuan Prokurorisë, për veprime të mëtejshme.
2154 views
Një aksident i rëndë ka ndodhur në Çukas të Lushnjës, ku dy gra kanë humbur jetën. Sipas informacionit paraprak, automjeti me të cilin udhëtonin ka dalë nga rruga dhe ka përfunduar në një kanal me ujë. Viktimat janë identifikuar si M.H dhe F.Xh, rreth 50 vjeçe. Nuk dihen ende rrethanat e plota të aksidentit, ndërsa policia ka nisur veprimet për zbardhjen e ngjarjes.
3684 views
Policia e Durrësit ka zbardhur detaje të reja lidhur me konfliktin e ndodhur rreth orës 17:00 në lagjen 14, në zonën e Shkozetit. Sipas policisë, pas një konflikti në familje, shtetasi Xh. L., 43 vjeç, dyshohet se ka plagosur me thikë bashkëshorten e tij, A. L., 38 vjeçe. Gruaja ka marrë dëmtime në pjesën e kokës, ndërsa gjatë konfliktit është dëmtuar edhe 43-vjeçari. Të dy bashkëshortët janë paraqitur në spital për të marrë ndihmë mjekësore dhe, sipas "bluve", ndodhen jashtë rrezikut për jetën. “Rreth orës 17:00, në lagjen 14, shtetasi Xh. L., 43 vjeç, banues në lagjen 14, dyshohet se, pas një konflikti në familje me bashkëshorten e tij, shtetasen A. L., 38 vjeçe, banuese në lagjen 14, e ka plagosur atë në pjesën e kokës me mjet prerës (thikë). Gjatë konfliktit, është dëmtuar edhe shtetasi Xh. L. Si pasojë, të dy bashkëshortët kanë pësuar dëmtime dhe janë paraqitur në spital për marrjen e ndihmës mjekësore. Aktualisht, të dy janë jashtë rrezikut për jetën". Grupi hetimor nën drejtimin e Prokurorisë po punon për sqarimin e dinamikës së ngjarjes dhe dokumentimin e plotë ligjor të rastit.
1626 views
"Rama nuk më ftoi në Kuç", kryebashkiaku demokrat: Do kisha mbajtur qëndrim, s'na konsiderojnë
18.9K views
“Protesta nisi mirë, por tani shoh ca oratorë që nuk kanë fjalor…”! Kristo Goçi, ish-deputet
6379 views
Kryeministri Edi Rama ka reaguar lidhur me deklaratat e Presidentit Volodymyr Zelensky. Në një shkrim në platformën “X”, kreu i qeverisë thotë se liria nuk funksionon me kthim shpërblimesh dhe thekson se Shqipëria është Evropa e Ballkanit që s’llogarit borxhet e të tjerëve dhe beson te liria, demokracia e paqja, shkruan A2. Postimi i kryeministrit Edi Rama: Miku im i dashur Volodymyr Zelensky ishte në Beograd dhe tha se Ukraina nuk do ta njohë kurrë Kosovën. Brenda një ore, nacionalistët folklorikë më të zhurmshëm në Tiranë dhe Prishtinë kishin nxjerrë tashmë kalkulatorin gjeopolitik: ndoshta duhet ta ndëshkojmë Ukrainën, të mos brohorasim më për lirinë dhe të mos vajtojmë më për ata që bombardohen. Më të pamaturit mes tyre na sulmuan edhe ne pse nuk hoqëm dorë nga Ukraina. Disa madje brohoritën për Rusinë! Çfarë turpi të humbasësh nga sytë të vërtetën e thjeshtë se liria nuk është një marrëdhënie shkëmbimi. Të qëndrosh kundër një lufte agresioni dhe në mbështetje të një paqeje të drejtë nuk është një faturë që e gris kur viktima e një agresioni barbar të zhgënjen. Nuk është një nder që shkëmbehet me një nder, por është ajo që ti je dhe ajo për të cilën qëndron në këtë botë të trazuar. Dhe, për fat të mirë, Shqipëria nuk është një njeri i vogël që bën hesapet se kush i detyrohet kujt, por Europa e Ballkanit, që tregon rrugën përmes besimit të saj te liria, demokracia dhe paqja, si dhe përmes forcës së shembullit të saj. Ukraina mund të jetë, dhe po, është, gabim për Kosovën, por e drejta e saj për të qenë e lirë mbetet e padiskutueshme, dhe të luftosh për këtë të drejtë do të thotë të luftosh edhe për Europën, edhe për veten tonë. Këto të vërteta mund të qëndrojnë fare mirë në të njëjtën fjali. Shqipëria është mjaftueshëm e pjekur për t’i mbajtur të dyja dhe do t’i mbajë të dyja. Prandaj, po: UKRAINË E LIRË. Sot, nesër dhe gjithmonë.
1193 views
Login
